တရားတော်

book-12608

”သုညတဆိုက်မှ နိဗ္ဗာန်ရမည်”

မာတိကာသို့

”သုညတဆိုက်မှ နိဗ္ဗာန်ရမည်”

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

အမရပူရမြို့ မင်္ဂလာတိုက်၌ ဟောကြားတော်မူအပ်သော

”သုညတဆိုက်မှ နိဗ္ဗာန်ရမည်”

ဖြစ်ပျက်မြင်လျှင် သုညဘ ဆိုက်နိုင်သည်

Delivered by the Most Venerable Agga Maha Pandita Mogok Sayadaw At Mingala Monastery, Amarapura "Seeing Arising and Passing Away Leads to Emptiness" Anathapindikovada Sutta (Part 1) Daytime Instruction (September 28, 1961)

အနာထပိဏ္ဍိ ကောဝါဒသုတ် (၁)

နေ့အလုပ်ပေးတရားတော်

(၂၈-၉-၆၁)

မစွဲလမ်းမှု သိပ်အရေးကြီးတယ်

ဒကာ ဒကာမတွေ မှတ်စရာက မစွဲလမ်းမှုဆိုတဲ့ ဥစ္စာသိပ်အရေးကြီးပါတယ်၊ မစွဲလမ်းမှုဆိုတဲ့ ဥစ္စာ မစွဲလမ်းမှု ဘယ်နှစ်မျိုးရှိသလဲလို့ ဆိုလို့ရှိရင် အမျိုးအမည် မရေတွက်နိုင်ဘူးလို့ မှတ်ရမယ် (မှန်ပါ့ ဘုရား)။

Yogis, mark this: non-attachment is crucially important. If you ask how many types of attachment there are, you must understand that they are countless. (True, Sir)

ဘယ်လိုအမျိုးအမည် မရေတွက်နိုင်သလဲလို့ မေးလို့ရှိရင် ခင်ဗျားတို့က ဥပမာမယ်-နာရီကလေးမြင်တယ်၊ နာရီကလေးစွဲတာဘဲ၊ ကွမ်းအစ်ကလေးမြင်ပြန်လဲ ကွမ်းအစ်ကလေးစွဲတာဘဲ၊ ရှင်သာရိပုတ္တရာကစွဲရင် စွဲတဲ့နေရာမှာ သွားဖြစ်တာဘဲတဲ့ (မှန်ပါ့) စွဲရင် စွဲတဲ့နေရာမှာ သွားဖြစ်တယ်လို့ မှတ်ကြပါ (မှန်ပါ့) စွဲရင် (စွဲတဲ့နေရာမှာ သွားဖြစ်ပါ တယ် ဘုရား)။

How are they countless? For example, you see a small watch and you cling to it. You see a small betel box and you cling to it. Even the Venerable Sariputta said that wherever you cling, that is exactly where you will be reborn. (True, Sir) If you cling, you will be reborn right where you cling. (We will be reborn where we cling, Sir)

ဥပမာမယ် သေကာနီးကိစ္စ ဖျာကလေးစွဲသွားတယ်၊ ဖျာမှာသွားပြီး ကြမ်းပိုးဖြစ်နိုင်တယ်၊ မဂ်နဲ့ မငယ်လေးသ၍ ကာလပတ်လုံး စွဲတဲ့နေရာမှာ သွားဖြစ်တယ်လို့ မှတ်ကြပါ (မှန်ပါ့) ဖျာစွဲသွားရင် ဖျာမှာ၊ သင်္ကန်းစွဲသွားရင် ဦးတိဿ ကြီးတို့ကျတော့ သင်္ကန်းမှာသွားပြီး သန်းကြီးဖြစ်ရတယ် (မှန်ပါ့ ဘုရား)။

For instance, if you cling to a small mat near death, you can be reborn as a bedbug in that very mat. As long as you have not attained the Path (Magga), you will be reborn exactly where your attachment lies. (True, Sir) If you cling to a mat, you end up in the mat. In the case of Venerable Tissa, he clung to his robe and was reborn as a louse within it. (True, Sir)

ဒါဖြင့် အစွဲဆိုတာသည် မှတ်ထားကြပါ၊ ဥပါဒါန် (မှန်ပါ့) အစွဲဆိုတာ ဘာပါလိမ့် (ဥပါဒါန်ပါ ဘုရား)။

Therefore, remember this: clinging is Upādāna. (True, Sir) What is clinging? (Upādāna, Sir)

ဥပမာမယ် ဒါကလေးက သူ့နှမကလှူတဲ့ သင်္ကန်းဆိုတော့ ကိုယ်တော်ကြီးက ဒါကလေးကို တဏှာဥပါဒါန်နဲ့ စွဲသွားတယ်၊ တဏှာဥပါဒါန် ကံလုပ်လိုက်တော့ သန်းကြီးခန္ဓာငါးပါး ပေါ်လာတယ် (မှန်ပါ့ ဘုရား)။

To illustrate, that robe was offered by his sister. The monk clung to it with Craving (Taṇhā) and Clinging (Upādāna). Because he committed the Kamma of Taṇhā and Upādāna, the five aggregates of a louse appeared. (True, Sir)

ဒီခန္ဓာငါးပါးဟာ သန်းလို့မှတ်ထားလိုက်တာပေါ့ (မှန်ပါ့) ဟာ-ဒီသန်း ဘယ်ကလာသတုန်းလို့ မေးတော့ ဒီအစွဲကြောင့် လာတယ် (မှန်ပါ့) ဒါဖြင့် စွဲရင် စွဲရာဖြစ်တယ် (မှန်ပါ့ ဘုရား)။

We just identify these five aggregates as a "louse." (True, Sir) But if we ask, "Where did this louse come from?" It came due to this clinging. (True, Sir) Thus, wherever you cling, that is where you become. (True, Sir)

စွဲရင် စွဲရာဖြစ်တယ်

စွဲရင် ဘယ့်နှယ်ဆိုကြမယ် (စွဲရာဖြစ်ပါတယ် ဘုရား) အစွဲဟာ ကြောက်စရာကောင်းပါလားလို့ ဆရာဝန်ကြီး တို့မှတ်ရမယ် (မှန်ပါ့ ဘုရား)။

If you cling, what happens? (We are reborn where we cling, Sir). Doctor, you must realize how terrifying clinging truly is! (True, Sir)

သား, မယားစွဲပြီး သေသွားကြတယ်၊ ဒီသား, မယားအိမ်မှာဘဲ ခွေးတို့-မြွေတို့ ဖြစ်သွားတာတွေလဲ ရှိသားဘဲ (မှန်ပါ့)။ ဒါဘယ်သူက ဖြစ်စေတာတုန်းဆိုတော့ အစွဲက ဖြစ်စေတယ်၊ အစွဲဆိုတာ တဏှာဥပါဒါန်ဆိုတယ် (မှန်ပါ့ ဘုရား)။

People die clinging to their spouses and children, and they end up reborn right in their houses as dogs or snakes. (True, Sir) Who causes this to happen? Clinging causes it. Clinging means Taṇhā and Upādāna. (True, Sir)

တဏှာဥပါဒါန်မချုပ်လို့ရှိရင် ဒီသား, မယားနားမှာဘဲ ခွေးငယ်ကလေး သွားဖြစ်လိုဖြစ်၊ ခလေးသွားဖြစ်လိုဖြစ်။ ဆရာဝန်ကြီးတို့ ဘယ့်နှယ်ဖြစ်တာတုန်းမေးရင် ဘယ့်နှယ်ပြောကြမတုံး (အစွဲကြောင့် ဖြစ်တာပါ ဘုရား)။

If Taṇhā and Upādāna do not cease, you might be reborn right next to your spouse and children as a little puppy, or as a human baby. Doctor, if asked how this happens, what would you say? (It happens due to clinging, Sir)

အစွဲကြောင့် ဖြစ်တယ်ဆိုတော့ ဒါက ရှေးစကားနော် (မှန်ပါ့) အခု ကိုယ့်ခန္ဓာဖြစ်စဉ်နဲ့ အစဉ်လျှောက်ပြီး ဖြစ်တယ်ဆိုလို့ရှိရင် မလွဲဘူး (မှန်ပါ့ ဘုရား)။

Saying "It happens due to clinging" is the traditional way of speaking. (True, Sir) But if we trace it along the ceaseless arising of causes and effects in your own Aggregates, it is absolutely precise. (True, Sir)

ဒါက သားမယား၊ သူ့ကို တဏှာနဲ့ စွဲတယ်၊ ဥပါဒါန်နဲ့ စွဲတယ်၊ တဏှာ ဥပါဒါန်က ဖျတ်ဆို သေပြီးသကာလ ဒီပဋိသန္ဓေနေတော့ ခွေးတို့မြွေတို့ သူ့ဝမ်းထဲမှာ ဖြစ်တဲ့ ခလေးတို့ ဆရာဝန်ကြီး ဖြစ်ရလိမ့်မယ်မှတ်ပါ (မှန်ပါ့) ဘာဖြစ်ရ ပါလိမ့် (စွဲလို့ပါ ဘုရား) စွဲလို့ဖြစ်တယ်ဆိုတာ မှတ်ထားကြနော် (မှန်ပါ့ ဘုရား)။

For example, you cling to your spouse and children with Taṇhā and Upādāna. Right after death, due to that Taṇhā and Upādāna, you take rebirth. Doctor, you must understand that you could end up as a dog, a snake, or a child in their very womb! (True, Sir) Why does this happen? (Because of clinging, Sir). Mark this well: it happens because of clinging. (True, Sir)

ဥပါဒါန်စွဲက သိပ်ပြင်းထန်တယ်

ဪ စွဲသွားရှာတယ်ဆိုတော့ ခင်ဗျားတို့သုံးတဲ့ အသုံးကတော့ အဖိုးမတန်ဘူး၊ ဟိုဖြစ်ပျက်ကတော့ သိပ် အဖိုးတန်တယ်၊ စွဲတယ်ဆိုတာ တဏှာ ဥပါဒါန်နှစ်ခုကို ဆိုပါတယ် (မှန်ပါ့ ဘုရား)။

When you say, "Oh, he died clinging," the way you use the phrase lacks true value. Seeing the Arising and Passing Away, however, is immensely valuable. Clinging refers to both Taṇhā and Upādāna. (True, Sir)

တဏှာစွဲ, ဥပါဒါန်စွဲ၊ တဏှာစွဲက သိပ်မပြင်းဘူး၊ ဥပါဒါန်စွဲက သိပ်ပြင်းထန်တယ်လို့ မှတ်ပါ (မှန်ပါ့ ဘုရား)။

Clinging through craving (Taṇhā) is not that fierce, but the clinging of Upādāna is extremely fierce. (True, Sir)

တဏှာဥပါဒါန်လာလို့ရှိရင်ဖြင့် ဆရာဝန်ကြီးကံက နေရစ်ပါ့မလား (မနေရစ်ပါ ဘုရား) တဏှာ ပစ္စယာ ဥပါဒါနံ၊ ဥပါဒါနပစ္စယာ ကမ္မဘဝေါ၊ ကမ္မဘဝပစ္စယာ ဇာတိ၊ ခန္ဓာငါးပါး (မှန်ပါ့) မလာဘူးလား (လာပါတယ် ဘုရား) ဪ ဒါဖြင့် စွရင် စွဲတဲ့ နေရာမလာဘူးလာ (လာပါတယ် ဘုရား) ဪ ဒါဖြင့် စွဲရင်စွဲတဲ့ နေရာဖြစ်တာဘဲ (မှန်ပါ့ ဘုရား)။

Doctor, if Taṇhā and Upādāna arise, will Kamma just stay behind? (No, it will not, Sir). Taṇhā leads to Upādāna; Upādāna leads to Kamma-bhava; Kamma-bhava leads to Jāti—the five aggregates. (True, Sir) Do they not arise? (They do, Sir) So, if you cling, do you not go to the place of your clinging? (We do, Sir) Indeed, you are reborn exactly where you cling. (True, Sir)

ဒါဖြင့် ကျုပ်တို့ ခင်ဗျားတို့ကလဲ တစ်အိမ်လုံးမှာ ဝတ္ထုပစ္စည်းတွေဟာ လိုချင်လို့ ဝယ်ထားတာချည်းဘဲ (မှန်ပါ့ ဘုရား)။

Therefore, you and I have filled our entire houses with objects we bought simply because we wanted them. (True, Sir)

တစ်အိမ်လုံးမှာ ဝတ္ထုပစ္စည်းတွေ ဘာလုပ်ဖို့ ဝယ်ထားသတုံး (လိုချင်လို့ ဝယ်ထားပါတယ် ဘုရား) လိုချင်လို့ ဝယ်ထားတယ်ဆိုတာ ကိုယ့်အစွဲရှိတယ်ဆိုရင်လွဲပါ့မလား (မလွဲပါ ဘုရား)။

Why did you buy all the things in your house? (Because we wanted them, Sir). Buying things because you want them—if you have this clinging, will you escape the consequences? (We will not escape, Sir)

ဒါတွေ သေကာနီးအခါကာလ၌ တစ်ခုခုစွဲသွားရင် အဲဒီစွဲတဲ့ ပစ္စည်းနေရာမှာ သွားဖြစ်တယ်။ (မှန်ပါ့) ပိုးဟပ်တို့ ကြမ်းပိုးတို့ သန်းတို့ သွားဖြစ်တယ်(မှန်ပါ့) ကြောက်စရာပါလား(မှန်ပါ့ ဘုရား)။

If you cling to any of these things near death, you will be reborn right there in the objects you cling to. (True, Sir) You will become cockroaches, bedbugs, or lice. (True, Sir) Isn't that terrifying? (True, Sir)

မစွဲရင် ဘယ့်နှယ့်ဆိုမတုန်းလို့မေးရင် မစွဲရင်မဖြစ်ဘူးလို့ ဆုံးဖြတ်ချက်ချ (မှန်ပါ့) ရှင်းပြီနော် (ရှင်းပါပြီ ဘုရား)။

If asked, "What happens if we do not cling?" make the firm decision: If there is no clinging, there is no rebirth. (True, Sir) Is that clear? (It is clear, Sir)

မစွဲရင် မဖြစ်တာက ဘယ့်နှယ့်ကြောင့်တုံးဆိုတော့ မိမိမှာ ရှိတဲ့ ဝတ္ထုပစ္စည်းတစ်ခုခုကို မစွဲတော့ တဏှာချုပ် တယ်၊ ဥပါဒါန်ချုပ်တယ်၊ ကံချုပ်တယ်ဆိုတော့ ဒီခန္ဓာ လာသေးရဲ့လား (မလာပါ ဘုရား)။

Why is there no rebirth if you do not cling? Because when you do not cling to any object you own, Taṇhā ceases. Then Upādāna ceases. Then Kamma ceases. So, will these Aggregates arise again? (They will not, Sir)

ဒီမလာတာထောက်တဲ့ အခါကျတော့ မစွဲလို့ မဖြစ်တာကိုး (မှန်ပါ့) ပေါ်ကြပြီလား (ပေါ်ပါပြီ ဘုရား)။

Seeing that they do not arise, it is because of non-clinging that rebirth does not happen. (True, Sir) Do you grasp the meaning? (Yes, we do, Sir)

ဝိပဿနာဉာဏ်ဝင်မှ မစွဲမှာ

ဒါဖြင့် စွဲနည်း မစွဲနည်းဟာ ဘာပါလိမ့်မလဲလို့ မေးတဲ့အခါကျတော့ ဝိပဿနာဉာဏ်ဝင်မှဘဲ ခင်ဗျားတို့ မစွဲမှာဘဲ (မှန်ပါ့ ဘုရား)။

Then, if you ask how to cling or not to cling, the answer is that only when Insight (Vipassana) Knowledge enters will you stop clinging. (True, Sir)

ကိုယ် အင်မတန်နှစ်သက်တဲ့ ပစ္စည်း ကိုယ့်ခန္ဓာဖြစ်စေ၊ ကိုယ့်သား,မယား ခန္ဓာဖြစ်စေ၊ ဝတ္ထုပစ္စည်း တစ်ခုခု ဖြစ်စေ၊ ဘုံဘဝဖြစ်စေ အကုန်ခင်ဗျားတို့ ကိုယ့်ခန္ဓာတစ်ခုကို ဝိပဿနာရှုလို့ ရှိရင်ဖြစ်ပျက်တွေ မြင်ပြီးသကာလ နေကြမယ်ဆိုတော့ အနိစ္စလဲ မြင်တယ်၊ ဖြစ်ပျက်ဆိုတာ ဒုက္ခလဲမြင်တာဘဲ၊ ဒုက္ခဆိုတာ ဖြစ်ပျက် (မှန်ပါ့) အနတ္တဆိုတာလဲ ဖြစ်ပျက်၊ ဒုက္ခသစ္စာဆိုတာလဲ ဖြစ်ပျက် (မှန်ပါ့ ဘုရား)။

Whether it is an object you cherish deeply, your own body, the bodies of your spouse and children, any material possession, or any realm of existence—if you watch and observe your own Aggregates with Insight (Vipassana), you will see the process of Arising and Passing Away. You will see Impermanence (Anicca). Arising and Passing Away is Suffering (Dukkha). (True, Sir) Non-self (Anatta) is also just Arising and Passing Away. The Truth of Suffering (Dukkha Sacca) is also just Arising and Passing Away. (True, Sir)

အဲ့ဒီဖြစ်ပျက်မြင်တဲ့ ပုဂ္ဂိုလ်များကျတော့ ဒီစွဲလမ်းမှုတွေ ဘာဖြစ်ကြသတုံး၊ ချုပ်တယ်၊ (ချုပ်သွားပါတယ် ဘုရား)။ စွဲလမ်းမှုတွေ ချုပ်တယ်ဆိုတော့ တဏှာချုပ်၊ ဥပါဒါန်ချုပ်၊ ကံချုပ်ဆိုတော့ နောက်ဘဝဇာတိ အစရှိ သည် လာသေးရဲ့လား (မလာပါ ဘုရား)။

For the person who sees this Arising and Passing Away, what happens to all these clingings? They cease! (They cease, Sir) When clinging ceases, Taṇhā ceases, Upādāna ceases, and Kamma ceases. Will future rebirth (Jāti) and so on ever arise again? (They will not, Sir)

ဒါဖြင့် ခင်ဗျားတို့မှာ နိဗ္ဗာန်လိုချင်လို့ရှိရင်ဖြင့် စွဲတတ်တဲ့ တရားကို ဝိပဿနာရှုပါလို့ ဆုံးမရမယ် (မှန်ပါ့ ဘုရား) ခင်ဗျားတို့ စွဲတတ်တဲ့ တရားတွေဟာ ဘာလုပ်ရမတုံး (ဝိပဿနာရှုရပါ့မယ် ဘုရား)။

Therefore, I must instruct you: if you want Nibbana, you must watch and observe the very things you tend to cling to with Insight (Vipassana). (True, Sir) What must you do with the things you tend to cling to? (We must observe them with Insight, Sir)

စွဲတတ်တဲ့ တရားတွေ ဝိပဿနာရှုလို့ရှိရင်ဖြင့် ဪ အနိစ္စမှန်းသိရင် ဆရာဝန်ကြီး စွဲဦးမလား (မစွဲပါ ဘုရား) ဒါကအနိစ္စ၊ ဒါကသိတယ်၊ အနိစ္စမှန်းသိလို့ အစွဲပြုတ်တယ်၊ မဟုတ်ဘူးလား (မှန်ပါ့ ဘုရား)။

If you observe the things you cling to with Insight, Doctor, once you realize they are Anicca, will you still cling to them? (We will not cling, Sir). You know this is Anicca. Because you know it is Anicca, the clinging is eradicated, isn't it? (True, Sir)

ဒုက္ခမှန်းသိလို့ (အစွဲပြုတ်ပါတယ် ဘုရား) အနတ္တမှန်းသိလို့ (အစွဲပြုတ်ပါတယ် ဘုရား) ဒုက္ခသစ္စာမှန်းသိလို့ (အစွဲပြုတ်ပါတယ် ဘုရား)။

Because you know it is Dukkha, (the clinging is eradicated, Sir). Because you know it is Anatta, (the clinging is eradicated, Sir). Because you know it is Dukkha Sacca, (the clinging is eradicated, Sir).

အစွဲပြုတ်တဲ့ ဉာဏ်

ဒါဖြင့် ခင်ဗျားတို့ ဘုံဘဝကို ဒီဘဝနဲ့ ဇာတ်သိမ်းချင်ကြတယ် နောက်ဘဝလဲ မသွားချင်ကြဘူး ဆိုလို့ရှိရင် ဝိပဿနာဉာဏ်သည် အစွဲပြုတ်တဲ့ ဉာဏ်ဘဲ (မှန်ပါ့) ရှင်းပြီလား (ရှင်းပါပြီ ဘုရား)။

Therefore, if you want to end the cycle of existence right in this very life and do not want to go to another life, realize that Insight (Vipassana) Knowledge is the exact knowledge that eradicates clinging. (True, Sir) Is that clear? (It is clear, Sir)

ဝိပဿနာဉာဏ်ကို ဘာဆိုကြမယ် (အစွဲပြုတ်တဲ့ ဉာဏ်ပါ ဘုရား) သဘောကျပြီလား (ကျပါပြီ) ဒါဖြင့် ဝိပဿနာဉာဏ်သည် အစွဲပြုတ်တဲ့ ဉာဏ်ဘဲလို့ဆိုတာ ဘုရားသခင် ကိုယ်တော်မြတ်ကြီးက အစွဲဆုံးဟာကတော့ ခန္ဓာငါးပါးပါဘဲတဲ့ (မှန်ပါ့ ဘုရား)။

What shall we call Insight Knowledge? (The knowledge that eradicates clinging, Sir). Do you grasp the meaning? (Yes, we do, Sir). Now, regarding Insight Knowledge being the eradicator of clinging, the Supreme Buddha taught that the thing we cling to the absolute most is the Five Aggregates. (True, Sir)

ရှင်းပြီလား (ရှင်းပါပြီ) အစွဲဆုံးဟာဘာတုံး (ခန္ဓာငါးပါးပါ ဘုရား) အစွဲဆုံးကတော့ ခန္ဓာငါးပါးပါလို့ မှတ်ထား လိုက်ပါ (မှန်ပါ့ ဘုရား)။

Is that clear? (It is clear, Sir). What do we cling to the most? (The Five Aggregates, Sir). Mark this well: the Five Aggregates are what we cling to the most. (True, Sir)

ကွာ လူမသေငွေမရှားကွ ပြောကြတယ်၊ ဪ ငွေထက်လူခင်တယ်ဆိုတာ ပေါ်လာတယ် (ပေါ်လာပါတယ် ဘုရား) မပေါ်ဘူးလား (ပေါ်ပါတယ် ဘုရား)။

People often say, "As long as a person is alive, money is never scarce." This clearly shows that people value themselves more than money. (It shows, Sir). Doesn't it show? (It does, Sir)

အဲဒီတော့ ဘယ်သူ့အခင်ဆုံးတုံး၊ ဥပမာ သားမယားတွေ ခင်ပါတယ်ဆိုငြားသော်လဲ ကိုယ့်ကိုလောက် မခင်ဘူး (မှန်ပါ့ ဘုရား)။

So, who do you cherish the most? Even though you say you cherish your spouse and children, you do not cherish them as much as you cherish yourself. (True, Sir)

အိမ်ထောင်ပရိဘောဂတွေ ခင်ပါတယ်ဆိုငြားသော်လဲ ကိုယ့်ကိုယ်ကိုလောက် မခင်ဘူး၊ ဒါ့ကြောင့် ဘုရားက ကိုယ့်ကိုယ်ဖြစ်တဲ့ ခန္ဓာငါးပါးဟာ အခင်ဆုံးဖြစ်လို့ သူ့ကို ဝိပဿနာ ရှုခိုင်းတာ (မှန်ပါ့) သူရှုလိုက်ရင် ကျန်တာပြုတ် တယ် (မှန်ပါ့ ဘုရား)။

Even though you say you cherish your household furniture and property, you do not cherish them as much as you cherish yourself. That is why the Buddha instructed us to practice Insight (Vipassana) on our own Five Aggregates—because they are what we cherish most. (True, Sir) If you eradicate clinging to them, everything else is eradicated. (True, Sir)

သူရှုလိုက်လို့ရှိရင် ခန္ဓာငါးပါးတွေလဲပြုတ်၊ ဒီပြင်အလုံးစုံလဲ အကုန်ပြုတ်တယ်ဆိုတဲ့ ဥစ္စာ မှတ်ထားရမယ် (မှန်ပါ့ ဘုရား)။

You must understand that if you observe the Aggregates with Insight, clinging to the Five Aggregates is eradicated, and consequently, clinging to absolutely everything else is also eradicated. (True, Sir)

ခန္ဓာငါးပါးတစ်ပါးပါးကို ရှုရလိမ့်မယ်

ဒါဖြင့် ခင်ဗျားတို့ကို ဘုန်းကြီးပြောထားတယ်၊ ခန္ဓာငါးပါးတစ်ပါးပါးကို ဆရာဝန်ကြီးတို့ ဝိပဿနာ ရှုရလိမ့်မယ် (မှန်ပါ့ ဘုရား)။

Therefore, I have told you: Doctor, you must watch and observe at least one of the Five Aggregates with Insight (Vipassana). (True, Sir)

ရှုလိုက်လို့ရှိရင်လဲ ဒီအစွဲဟာပြုတ်တယ် (မှန်ပါ့) တဏှာဥပါဒါန်ပြုတ်မှာဘဲ (မှန်ပါ့) တဏှာဥပါဒါန်ပြုတ်ရင် ကံပြုတ်တယ် (ပြုတ်ပါတယ် ဘုရား) ရှင်းကြပြီလား (ရှင်းပါပြီ ဘုရား)။

When you observe it, this clinging is eradicated. (True, Sir) Taṇhā and Upādāna are bound to be eradicated. (True, Sir) If Taṇhā and Upādāna are eradicated, Kamma is eradicated. (It is eradicated, Sir) Are you convinced? (Yes, we are, Sir)

ဒါဖြင့် ဒါဘယ်သူ့အကြောင်းအရင်းခံ ဟောသတုန်းလို့ မေးတော့မှ အနာထပိဏ်သူဋ္ဌေးကြီး သေခါနီးမှာ ရှင်သာရိပုတ္တရာ သွားဟောတယ် (မှန်ပါ့ ဘုရား)။

Now, if you ask whose story this teaching is based upon, it is based on the Venerable Sariputta going to preach to the great merchant Anathapindika when he was near death. (True, Sir)

အနာထပိဏ်သူဋ္ဌေးကြီးက တစ်နေ့လျှင် ဘုရားကျောင်းတော်ကို နှစ်ခေါက်သုံးခေါက် နေ့တိုင်း ရောက်လာတယ် (မှန်ပါ့) နံနက် တစ်ခေါက်ရောက်တယ်၊ ယာဂုကလေး ဘာလေးပို့ရင်း ပြုရင်း နေ့လယ် တစ်ခေါက် ရောက်တယ်။

The great merchant Anathapindika used to visit the Buddha’s monastery two or three times every single day. (True, Sir) He would arrive once in the morning. He would arrive again at noon, bringing rice gruel and provisions.

နေ့လယ် ကျောင်းထဲမှာ ရှင်းဘို့ လင်းဘို့ တစ်ခေါက်ရောက်တယ်၊ တစ်ခါတစ်လေ ညနေလဲ ရောက်တတ် တယ်၊ နှစ်ခေါက်သုံးခေါက် နေ့တိုင်းရောက်တယ် (မှန်ပါ့ ဘုရား)။

He would come at noon to clear and clean the monastery. Sometimes he would even arrive in the evening. He went two or three times daily. (True, Sir)

ကိုယ်တော်တွေကလဲ အနာထပိဏ်သူဋ္ဌေးကြီးနဲ့ တွေ့ပြီဆိုမှဖြင့် ဘုရားကစပြီး ဒကာကြီး ဒကာကြီး လုပ်နေတဲ့ ဒါနအလုပ်တွေဟာ သိပ်ကောင်းတယ်၊ သိပ်အကျိုးပေးမှာဘဲ၊ ဒါနကြောင့် ချမ်းသာနေကြတာဘဲ၊ ဒါတွေချည့်ဘဲဟော တယ် (မှန်ပါ့ ဘုရား)။

Whenever the monks met the great merchant, starting from the Buddha himself, they would only preach to him about generosity (Dana): "Great lay devotee, the acts of charity you are doing are incredibly good. They will surely yield great results. People are happy because of Dana." They only preached about these things. (True, Sir)

သူကတော့ သောတာပန်တည်ပြီးသားပါပဲ၊ ဘုရားနဲ့တွေ့တွေ့ချင်း တည်တဲ့ ပုဂ္ဂိုလ်ဘဲ။

He was already a Sotapanna (Stream-Enterer). He was someone who attained it the very first time he met the Buddha.

တစ်နေ့သ၌ကျတော့ ကျောင်းကို မသွားနိုင်တော့ဘူး၊ ရောဂါစွဲကပ်တယ်၊ (မှန်ပါ့) ကျောင်းမသွားနိုင်ဘူး ရောဂါစွဲကပ်တော့ သူ့စိတ်ထဲမှာ ဒီဝေဒနာကတော့ သေမည့်ဝေဒနာဘဲ။

But one day, he could no longer go to the monastery. He was stricken with a severe illness. (True, Sir) Unable to go to the monastery, he felt in his mind that this illness would end in death.

ဘယ်နည်းနဲ့မှ ဇေတဝန်ကျောင်းတော့ သူဆောက်ထားတဲ့ကျောင်းတော့ သွားနိုင်တော့မှာမဟုတ်ဘူး ဆိုပြီး သကာလ သူ့အခိုင်းအစေတစ်ယောက်ကို လွှတ်လိုက်တယ်။

Realizing he would never again be able to go to the Jetavana Monastery—the very monastery he had built—he sent one of his servants.

ဟေ့ လာဦးကွာ၊ အနာထပိဏ်သူဋ္ဌေးကြီး ဝေဒနာပြင်းထန်နေတယ်လို့ ဘုရားကို သွားလျှောက်၊ ဘုရားသွား လျှောက်ပြီး ဝတ်ချခဲ့ကွာ။

"Hey, come here! Go and respectfully inform the Buddha that the great merchant Anathapindika is suffering from a severe illness, and pay homage on my behalf."

အနာထပိဏ်သူဋ္ဌေးကြီး မမာဘူးဘုရာ့

နောက်ရှင်သာရိပုတ္တရာဆီကိုလဲ သွားဦးကွ၊ ရှင်သာရိပုတ္တရာကိုလဲ အနာထပိဏ်သူဋ္ဌေးကြီး မမာဘူးဘုရာ့ အဲဒီတော့ အိမ်ကို ခေတ္တကြွပေးပါဆိုတဲ့ ဥစ္စာ လျှောက်ပေးပါဆိုပြီးတော့ အခိုင်းအစေတစ်ယောက်ကို လွှတ်လိုက်တယ် (မှန်ပါ့ ဘုရား)။

"After that, go to the Venerable Sariputta as well. Tell him, 'The great merchant Anathapindika is unwell, Sir, so please pay a brief visit to his house.' Go and request this." He sent his servant with these words. (True, Sir)

အခိုင်းအစေတစ်ယောက်ကလဲ ဘုရားဆီသွား ဝတ်ချခဲ့ပြီး မကျန်းမမာတဲ့ အကြောင်းလဲ လျှောက်ခဲ့၊ ရှင်သာရိ ပုတ္တရာကိုလဲ မမာတဲ့အကြောင်းလျှောက်ပြီး ပင့်ခဲ့ဆိုတော့ ရှင်သာရိပုတ္တရာကလဲ ကဲကွာ-အာနန္ဒာ အနာထပိဏ် သူဋ္ဌေးကြီး မမာဘူးတဲ့ကွ မင်းနဲ့ငါ သွားပြီးသကာလ လူမမာမေးရအောင်ကွာဆိုပြီး သကာလ ထွက်လာကြတယ် (မှန်ပါ့ ဘုရား)။

The servant went to the Buddha, paid homage, and reported the illness. Then he went to the Venerable Sariputta, reported the illness, and invited him. Upon hearing this, the Venerable Sariputta said, "Come, Ananda. The great merchant Anathapindika is unwell. Let you and I go and check on the sick man." And so they set out. (True, Sir)

ထွက်လာကြပြီး အနာထပိဏ်သူဋ္ဌေးကြီးကလဲ မမာနေတော့ ရှင်သာရိပုတ္တရာက ထုံးစံအတိုင်း ဘယ့်နှယ့်တုံး ဒကာကြီး ကျန်းမာရဲ့လား၊ ယခုရောက်နေတဲ့ ဝေဒနာ နောက်ဆုတ်ရိပ်မြင်သလား၊ ရှေးတိုးရိပ်မြင်သလားမေးတော့

When they arrived, seeing that Anathapindika was very ill, Venerable Sariputta asked the customary questions: "How are you, great lay devotee? Are you bearing up? Is the pain receding, or is it advancing?"

ဟာ ရှေ့ကို တိုးပါတယ်ဘုရား

"Oh, it is advancing, Sir."

ဘယ့်နှယ်တိုးနေသတုံး ပြောစမ်းပါဦး

"How is it advancing? Tell me."

ဟာ ခေါင်းကို စူးနဲ့ထိုးသလိုဘဲ၊ ခေါင်းကို ကြိုးနဲ့ပတ်ထားသလိုဘဲ၊ ဝမ်းထဲသားလှီးဓါးနဲ့ မွှေသလိုဘဲ၊ အားကောင်း တဲ့ လူနှစ်ယောက်က တပည့်တော်ကို ပွေ့ပိုက်ပြီး မီးကင်သလိုဘဲဆိုတော့ ရှင်သာရိပုတ္တရာက ရိပ်မိတယ်။

"Oh, it feels as if my head is being pierced with a sharp spike. It feels as if my head is being crushed with a tight rope. It feels as if a butcher is carving up my belly with a sharp knife. It feels as if two strong men are holding me over a roasting fire!" Hearing this, the Venerable Sariputta understood the situation.

အင်း ဒီဝေဒနာ သေမည့်ဝေဒနာဘဲ (မှန်ပါ့) တစ်ခြားစကားတွေပြောနေရင် အပိုဘဲ၊ ဒီအနာထပိဏ်သူဋ္ဌေးကြီး ကို တရားဟောတာဘဲကောင်းတယ် (မှန်ပါ့) သေမှာသိတာကိုး (မှန်ပါ့ ဘုရား)။

"Indeed, this is a terminal illness." (True, Sir) "Talking about other things is useless. It is best to preach the Dhamma to this great merchant." (True, Sir) Because he knew the man was going to die. (True, Sir)

သေမှာသိတော့ တရားဟောတာ ကောင်းတယ်တဲ့၊ ဒါ ဥပရိပဏ္ဏာသ ပါဠိတော်မှာလာတယ်လို့ မှတ်ထားရမယ် (မှန်ပါ့ ဘုရား)။

Since he knew death was imminent, he decided it was best to preach the Dhamma. You should note that this is recorded in the Uparipannasa Pali text. (True, Sir)

မစွဲအောင်လုပ်မှ မစွဲတာ

ဒါနဲ့ န ရူပံ ဥပါဒိယိဿာမိ နမေ ရူပနိဿိတံ ဝိညာဏံ ဘဝိဿတိ။ ဒကာကြီး ကိုယ့်ရူပခန္ဓာကြီးကို မစွဲလို့ ရှိရင် နောက်ရူပက္ခန္ဓာ မရဘူးလို့ ဒါဟောတယ် (မှန်ပါ့ ဘုရား)။

And so, he preached: "Na rupaṃ upādiyissāmi, na me rūpanissitaṃ viññāṇaṃ bhavissati." "Great lay devotee, if you do not cling to your physical body (Rupakkhandha), you will not get another physical body in the future." He preached this. (True, Sir)

ဒကာကြီး ဝေဒနက္ခန္ဓာကိုမစွဲလဲ နောက်ဝေဒနာက္ခန္ဓာမပေါ်ဘူး (မှန်ပါ့) သညာက္ခန္ဓာမစွဲလဲ သညာက္ခာမပေါ် ဘူး (မှန်ပါ့ ဘုရား)။

"Great lay devotee, if you do not cling to feeling (Vedanakkhandha), no future feeling aggregate will arise. (True, Sir) If you do not cling to perception (Saññakkhandha), no future perception aggregate will arise. (True, Sir)

သင်္ခါရက္ခန္ဓာ မစွဲလို့ရှိရင်လဲ နောက်သင်္ခါရက္ခန္ဓာ မဖြစ်ဘူးတဲ့ (မှန်ပါ့) ဝိညာဏက္ခန္ဓာ မစွဲလို့ရှိရင်လဲ နောက် ဝိညာဏက္ခန္ဓာ မပေါ်ဘူး (မှန်ပါ့) ဒါရှင်သာရိပုတ္တရာက ဟော၏။ (မှန်ပါ့ ဘုရား)။

If you do not cling to mental formations (Sankharakkhandha), no future mental formations will arise. (True, Sir) If you do not cling to consciousness (Viññanakkhandha), no future consciousness aggregate will arise." (True, Sir) This is what the Venerable Sariputta preached. (True, Sir)

အဲဒါ ကျုပ်တို့ကတော့ ဒကာ ဒကာမတွေက မစွဲဆိုတာ ဘာတုံးလို့ ဆရာဝန်ကြီးတို့က မေးဘို့လိုလာတယ် (မှန်ပါ့) မစွဲဆိုတာသည် မစွဲအောင်လုပ်မှ မစွဲတာ (မှန်ပါ့ ဘုရား)။

Now, Yogis and Doctor, you need to ask: "What does it mean 'not to cling'?" (True, Sir) You will not cling only if you actively practice making sure you do not cling. (True, Sir)

မစွဲတာသည် ဒီတရားတွေ၏ ပင်ကိုယ်သဘောသိမှ မစွဲမယ် (မှန်ပါ့) ခန္ဓာငါးပါးတို့၏ ပင်ကိုယ်သဘောသိမှ မစွဲမှာပါ (မှန်ပါ့) ပင်ကိုယ်သဘော မသိသေးရင် (စွဲမှာပါ ဘုရား)။

You will stop clinging only when you realize the true natural state of these phenomena. (True, Sir) You will stop clinging only when you know the natural state of the Five Aggregates. (True, Sir) If you do not yet know their natural state, (We will cling, Sir).

အဲ သူ့ကို ခင်ဗျားတို့ ဖြစ်ပျက်မြင်အောင် ရှုပေးရမယ်၊ သဘောကျပြီလား (မှန်ပါ့) ခန္ဓာငါးပါးကို ကျုပ်တို့ ဘာမြင်အောင် ကြည့်ပေးရမလဲ (ဖြစ်ပျက်မြင်အောင် ကြည့်ပေးရပါမယ် ဘုရား)။ ဒါမှ သူ့ပင်ကိုယ်သဘောသိမှာပေါ့။

Therefore, you must watch and observe them until you discern their Arising and Passing Away. Do you grasp the meaning? (True, Sir) What must we watch and observe in the Five Aggregates to see? (We must observe to see their Arising and Passing Away, Sir). Only then will you know their true natural state.

ဪ အနိစ္စပါကလား၊ ဒီတရားတွေဟာ ဒုက္ခတွေပါလား၊ ဒီတရားတွေသည်ကား၊ အနတ္တတွေပါကလား၊ ဒီတရားတွေသည်ကား ဒုက္ခသစ္စာတွေပါကလား၊ ဒီလိုပင်ကိုယ်သဘောသိတော့ ဒါက ပင်ကိုယ်သဘော၊ သူကသိရ တယ် (မှန်ပါ့) သဘောကျပြီလား (ကျပါပြီ ဘုရား)။

ပင်ကိုယ်သဘောသိတာ

"Oh, they are indeed Anicca! These phenomena are indeed Dukkha! These phenomena are indeed Anatta! These phenomena are indeed Dukkha Sacca!" When you realize their inherent nature like this, you have understood their true natural state. (True, Sir) Do you grasp the meaning? (Yes, we do, Sir).

ဒါဖြင့် ပင်ကိုယ်သဘောသိလို့ရှိရင်ဖြင့် ခန္ဓာ၏ ပင်ကိုယ်သဘောသိတာသည် မှတ်ထားကြပါ၊ ဝိပဿနာ ဉာဏ် (မှန်ပါ့)၊ ခန္ဓာ၏ ပင်ကိုယ်သဘောသိတာ ဘာခေါ်ကြမယ် (ဝိပဿနာဉာဏ်ပါ ဘုရား)။

So, if you know their true natural state—mark this well—knowing the true natural state of the Aggregates is Insight (Vipassana) Knowledge. (True, Sir) What do we call knowing the natural state of the Aggregates? (Insight Knowledge, Sir).

ခန္ဓာ၏ ပင်ကိုယ်သဘောဆိုတဲ့ ဥစ္စာက သူ့ရှိရင်းသဘောကတော့ အနိစ္စ ဒုက္ခ အနတ္တ ဒုက္ခသူစ္စာဘဲ၊ ဒါဘဲရှိတယ် (မှန်ပါ့ ဘုရား)။

The original, inherent natural state of the Aggregates is simply Anicca, Dukkha, Anatta, and Dukkha Sacca. That is all there is. (True, Sir)

အဲ့ဒါကို ကျုပ်တို့က မိဘရိုးရာနဲ့ မိဘရိုးရာကလဲ သူ့ကို ခန္ဓာငါးပါးမှန်းသိလျက်သားနဲ့ အခမဲ့လုပ်ထားတယ်၊ အဖေလုပ်ထားတယ်။ အမေရယ်လို့ အမှတ်ထင်ထား၊ အဖေရယ်လို့ အမှတ်ထင်ထားပြီဆိုမှဖြင့် မိဘရိုးရာ ဖုံးတာနဲ့လဲ ဆရာဝန်ကြီး အနိစ္စ ဒုက္ခ အနတ္တ ကွယ်သွားတယ် (ကွယ်ပါတယ် ဘုရား) မကွယ်ဘူးလာ (ကွယ်ပါတယ် ဘုရား)။

However, due to our ancestral traditions, even though they are just the Five Aggregates, we falsely label them. We label them as "father." Once we assume they are "mother" or "father," the veil of worldly tradition completely hides Anicca, Dukkha, and Anatta from us, Doctor. (It hides them, Sir). Does it not hide them? (It does, Sir).

မိဘရိုးရာသင်မှုက အစွဲကြီးစွဲနေတာနဲ့လဲ ခန္ဓာငါးပါးပျောက် အမေမိဘအဖြစ်သို့ရောက် (မှန်ပါ့) မိဘရိုးရာနဲ့ဘဲ မင်းမှာ သားမယား မရှိသေးဘူး၊ သားမယား ထိမ်းမြားပေးရဦးမယ် ဆိုတာနဲ့လဲ သားမယားဖြစ်တယ် (မှန်ပါ့) ခန္ဓာငါးပါး ဘာဖြစ်သွားသတုံး (ပျောက်သွားပါတယ် ဘုရား)။

Because of the heavy clinging taught by worldly traditions, the reality of the Five Aggregates completely disappears, and we see them only as "mother" and "parents." (True, Sir) Guided by tradition, people say, "You don't have a spouse yet; we must marry you off." And just like that, they become "spouse." (True, Sir) What happened to the Five Aggregates? (They disappeared, Sir).

အဲဒီ ပတ်ဝန်းကျင်အခြေအနေ နှိပ်စက်မှုကိုလဲ ခင်ဗျားတို့၏ ရန်သူကြီးတစ်ခုမှတ်ပါ (မှန်ပါ့) ပင်ကိုယ်သဘော ပျောက်သွားတယ် (မှန်ပါ့) ရှင်းပြီလား (ရှင်းပါပြီ ဘုရား)။

You must consider this oppression by your social environment and traditions as one of your greatest enemies. (True, Sir) The true natural state disappears. (True, Sir) Is that clear? (It is clear, Sir).

ပတ်ဝန်းကျင် နှိပ်စက်မှုကလဲ ဘာတုန်း (ပျောက်သွားပါတယ် ဘုရား) ပင်ကိုယ်သဘော ပျောက်တယ် (မှန်ပါ့ ဘုရား)။

What does the oppression of the environment cause? (It makes the truth disappear, Sir). The true natural state disappears. (True, Sir)

ဒီပတ်ဝန်းကျင် နှိပ်စက်မှုဟာ သူတို့က နှိပ်စက်တာတော့ မဟုတ်ပါဘူး၊ ရိုးရာဖြစ်နေတာနဲ့ ခင်ဗျားတို့က ရိုးရာတတ်နေတာတဲ့ ပင်ကိုသဘော ပျက်သွားတယ် (မှန်ပါ့ ဘုရား)။

Now, it is not that the environment is intentionally oppressing you; rather, because you are so entrenched in worldly traditions, the natural state of reality is lost to you. (True, Sir)

ဘာသဘော ပျောက်သွားပါလိမ့်

ဘာသဘော ပျောက်သွားပါလိမ့် (ပင်ကိုယ် သဘောပျောက်သွားပါတယ် ဘုရား) ပင်ကိုယ်သဘော ပျောက်သွား တယ်လို့ မှတ်လို့ရမယ်နော် (မှန်ပါ့ ဘုရား)။

What nature has disappeared? (The true natural state has disappeared, Sir). You must note that the true natural state vanishes. (True, Sir)

အဲဒီတော့ ပင်ကိုယ်သဘော ပျောက်လို့ရှိရင်ဖြင့် ခင်ဗျားတို့မှာ ဝိပ္ပလ္လာသဝင်ပါပြီလို့ မှတ်ပါ (မှန်ပါ) ပင်ကိုယ် သဘောပျောက်ရင် (ဝိပ္ပလ္လာသဝင်ပါ ဘုရား)။

When the true natural state vanishes, you must understand that Vipallasa (Perversion of Perception) has entered your mind. (True, Sir) If the true natural state vanishes, (It is Vipallasa, Sir).

ဝိပ္ပလ္လာသဆိုတဲ့ ဥစ္စာသည် တစ်ခြားလားမှတ်နေတယ်၊ ဝိပ္ပလ္လာသဟာ တစ်ခြားမဟုတ်ပါဘူး။ ဖေါက်ပြန်ပြီး မြင်တာဘဲမှတ်ပါ (မှန်ပါ့ ဘုရား)။

Do not think Vipallasa is something mysterious. It is nothing else. It simply means seeing things distortedly. (True, Sir)

ဒါယောက်ျား၊ ဒါမိန်းမ၊ ဒါတွေသား၊ ဒါတွေမြေး ဒါတွေကို တကယ်တမ်းထင်နေလို့ရှိရင် ဖေါက်ပြန်တာလို့ မှတ်ပါ (မှန်ပါ့) ရှင်းကြပြီလား (ရှင်းပါပြီ ဘုရား)။

If you truly believe "this is a man," "this is a woman," "these are my children," "these are my grandchildren," mark this: your perception is distorted. (True, Sir) Are we clear? (Yes, we are, Sir).

သား၊ သမီး၊ မြေး၊ မြစ်ကို အဟုတ် သားသမီးမြေးမြစ်ထင်နေကြရင် ဘာအမြင်တုံး (ဖေါက်ပြန်မှုပါ ဘုရား) အဲဒါဝိပ္ပလ္လာသ (မှန်ပါ့ ဘုရား)။

If you genuinely believe your children, grandchildren, and great-grandchildren are truly "children, grandchildren, and great-grandchildren," what kind of view is that? (It is a distorted view, Sir). That is Vipallasa. (True, Sir)

ဆရာဝန်ကြီး ဘာတဲ့တုံး (ဝိပ္ပလ္လာသပါ ဘုရား) ရှင်းပြီနော် (ရှင်းပါပြီ) ပင်ကိုယ်သဘော ဟုတ်သေးရဲ့လား (မဟုတ်ပါ ဘုရား)။

Doctor, what is it? (Vipallasa, Sir). It is clear now, isn't it? (It is clear). Is it the true natural state? (No, it is not, Sir).

ပင်ကိုယ်သဘော မဟုတ်ဘူးတဲ့၊ အဲဒီပင်ကိုယ်သဘောမဟုတ်တာကို ခင်ဗျားတို့စွဲလမ်းမှုလာပြီ (မှန်ပါ့) သဘော ကျပြီလား (ကျပါပြီ ဘုရား)။

It is not the natural state. And because it is not the natural state, your clinging arises. (True, Sir) Do you grasp this? (Yes, we do, Sir).

ပင်ကိုယ်သဘော မဟုတ်ဘာမြင်လို့ရှိရင် ဘာအမြင်ပါလိမ့် (စွဲလမ်းမှုလာပါတယ် ဘုရား) စွဲလမ်းမှုလာရင် နောက်ဘဝဖြစ်ရမယ် (မှန်ပါ့ ဘုရား)။

If you see things contrary to their true natural state, what happens? (Clinging arises, Sir). If clinging arises, there will be a future rebirth. (True, Sir)

နောက်စွဲလမ်းမှုလာရင် (နောက်ဘဝဖြစ်ရပါ့မယ် ဘုရား) စွဲလမ်းမှု မလာလို့ရှိရင် နောက်ဘဝ မဖြစ်ရပါဘူး (မှန်ပါ့ ဘုရား)။

If clinging arises, (There will be a future rebirth, Sir). If clinging does not arise, there will be no future rebirth. (True, Sir)

ဉာဏ်နဲ့ ခန္ဓာကိုယ်ကို စိုက်ပါ

ဒါဖြင့် ခင်ဗျားတို့မှာ ဝိပဿနာကို ကျကျနန မျက်လုံးမှိတ်ပြီး ဉာဏ်နဲ့ ခန္ဓာကိုယ်ကို စိုက်ပါမှ ပင်ကိုယ်သဘော ပေါ်တယ် (မှန်ပါ့ ဘုရား)။

Therefore, only when you close your eyes properly and focus your Insight Knowledge directly onto your Aggregates will their true natural state appear. (True, Sir)

သဘောကျပြီလား (ကျပါပြီ ဘုရား) ဒါဖြင့် ပင်ကိုယ်သဘော ပေါ်ချင်လို့ရှိရင် မျက်လုံးမှိတ်ပြီး ဉာဏ်နဲ့ခန္ဓာကို စိုက်ပါမှ ဘာမြင်ရမတုံး (ပင်ကိုယ်သဘော ပေါ်ပါတယ် ဘုရား)။

Do you grasp the meaning? (Yes, we do, Sir). So, if you want the true natural state to appear, what must you do? You must close your eyes and focus your Insight on the Aggregates. Only then will you see it. (The true natural state appears, Sir).

ပင်ကိုယ်သဘောပေါ်ရင် အဲဒါ ဝိပဿနာရှုလို့ရပြီ (မှန်ပါ့) ပင်ကိုယ်သဘောမပေါ်လို့ရှိရင် ဝိပဿနာရှုလို့ မရသေးပါဘူး (မှန်ပါ့ ဘုရား)။

Once the natural state appears, you are successfully practicing Vipassana. (True, Sir) If the natural state has not appeared, you are not truly practicing Vipassana yet. (True, Sir)

အဲ့ဒါကြောင့် ဝိပဿနာရှုတဲ့အခါမှာ ခင်ဗျားတို့ ခင်ဗျားတို့ ခန္ဓာဉာဏ်လှည့်တဲ့အခါမှာ မျက်လုံးမှိတ်ပြီး ကြည့်ရင် ကောင်းတယ် (မှန်ပါ့ ဘုရား)။

That is why, when practicing Vipassana—when you turn your Insight toward the Aggregates—it is best to look with your eyes closed. (True, Sir)

မျက်လုံးမှိတ်လိုက်တဲ့အခါကျလို့ အခါကျလို့ ရှိရင်ဖြင့် ခန္ဓာကပြောတယ် (မှန်ပါ့) ခန္ဓာက ယားလာလဲ ဪ သူဝေဒနာလို့ပြောတယ် (မှန်ပါ့ ဘုရား)။

When you close your eyes, the Aggregates speak to you. (True, Sir) If an itch arises, the Aggregate tells you: "This is a Feeling (Vedana)." (True, Sir)

ယောက်ျားမိန်းမကို သူမပြောဘူး (မှန်ပါ့) ကောင်းတာလဲ ခန္ဓာက ဝေဒနာလို့ဘဲပြောတယ် (မှန်ပါ့) ယောက်ျား မိန်းမလို့ မပြောဘူး (မပြောပါ ဘုရား)။

It never says it is a man or a woman. (True, Sir) Even when a pleasant sensation arises, the Aggregate simply tells you it is a Feeling. (True, Sir) It never says it is a man or a woman. (It does not say so, Sir).

ဥပေက္ခာဆိုတဲ့ လျစ်လျူရှုမှုဟာလဲ ခန္ဓာထဲမှာ မျက်စိ၊ နား၊ နှာခေါင်းလျှာတို့မှာ ပေါ်လာလို့ရှိရင် ကျုပ်ဟာ ဥပေက္ခာလို့ပဲ သူကပြောလေ့ရှိတယ် (မှန်ပါ့) ယောက်ျား၊ မိန်းမလို့ ပြောလေ့မရှိဘူး (မှန်ပါ့ ဘုရား)။

Similarly, when neutral feeling (Upekkha) appears in the body—at the eye, ear, nose, or tongue—it simply announces, "I am Upekkha." (True, Sir) It never announces itself as a man or a woman. (True, Sir)

အဲ့ဒါကို ခင်ဗျားတို့မသိအောင် ရှုလို့ မျက်လုံးမှိတ်ပြီး ကြည့်လိုက်လို့ ဪ ဝေဒနာက္ခန္ဓာကြီးဟာ ဖြစ်ပျက် သဘောကြီး သင်္ခါရအနိစ္စသဘောဘဲ၊ အစရှိသည်နဲ့ ခင်ဗျားတို့ မြင်လာလို့ ရှိရင်ဖြင့် မျက်လုံးမှိတ်ပြီး ကြည့်လို့ ဝိပဿနာ မျက်လုံးနဲ့ မြင်ပြီဆိုမှဖြင့် အားလုံးမှတ်ထားပါ အစွဲပြုတ်တယ် (မှန်ပါ့ ဘုရား)။

To prevent worldly ignorance, if you close your physical eyes and observe carefully, you realize: "Oh! This aggregate of feeling (Vedanakkhandha) is just the nature of Arising and Passing Away! It is just the fleeting nature of conditioned phenomena (Sankhara-Anicca)!" When you close your physical eyes and truly see this with the Eye of Insight (Vipassana), mark this well: clinging is completely eradicated. (True, Sir)

တဏှာဥပါဒါန်အစွဲပြုတ်တယ်

တဏှာဥပါဒါန်အစွဲပြုတ်တယ် (မှန်ပါ့ ဘုရား) အစွဲပြုတ်လို့ရှိရင်ဖြင့် နောင်ခန္ဓာပြုတ်ပါတယ် (မှန်ပါ့) နောင်ခန္ဓာ ရဦးမှာလား (မရပါ ဘုရား) အစွဲမပြုတ်လို့ရှိရင်ဖြင့် နောင်ခန္ဓာရမှာဘဲ (မှန်ပါ့ ဘုရား)။

When Craving (Tanha) and Clinging (Upadana) are eradicated, attachments are removed. (True, Sir). If attachments are eradicated, future Aggregates (Khandhas) are terminated. (True, Sir). Will you get future Aggregates again? (No, Sir). If attachments are not eradicated, you will surely get future Aggregates. (True, Sir).

ဒါ့ကြောင့် အနာထပိဏ်သူဋ္ဌေးကြီး မမာနေတော့ ခန္ဓာငါးပါးတစ်ပါးပါးမှ မစွဲနဲ့နော်၊ စွဲရင်နောက်ခန္ဓာရ လိမ့်မယ်၊ ဒီအတိုင်းဟောတာဘဲ၊ ရှင်သာရိပုတ္တရာက (မှန်ပါ့ ဘုရား)။

That is why, when the great benefactor Anathapindika was severely ill, the Venerable Sariputta instructed him: "Do not cling to any of the Five Aggregates. If you cling to them, you will attain future Aggregates." He preached exactly like this. (True, Sir).

ရူပက္ခန္ဓာလဲ မစွဲနဲ့ ဝေဒနက္ခန္ဓာလဲမစွဲနဲ့၊ ယုတ်စွအဆုံးဗျာ မြင်ဖူးတာကိုလဲမစွဲနဲ့၊ ကြားဖူးတာကိုလဲ မစွဲနဲ့၊ ကြားတာကိုလဲ မစွဲနဲ့ (မှန်ပါ့ ဘုရား)။

"Do not cling to the Form Aggregate (Rupakkhandha). Do not cling to the Feeling Aggregate (Vedanakkhandha)." Ultimately, do not even cling to what you have seen in the past. Do not cling to what you have heard. Do not cling to what you are hearing right now. (True, Sir).

ဒါဖြင့် မြင်ဖူး၊ ကြားဖူး၊ တွေ့ဖူး၊ သိဖူးတာတွေလဲ ဘာတုန်း (မစွဲရပါ ဘုရား) မစွဲနဲ့ ဒါတွေအကုန် ဖြစ်ပျက်ရှု ရမယ် (မှန်ပါ့ ဘုရား)။

So, what should you do regarding all the things you have seen, heard, encountered, and known? (We must not cling to them, Sir). Do not cling to them. You must watch and observe the Arising and Passing Away of all these phenomena. (True, Sir).

မြင်တာတွေကိုလဲ မြင်တဲ့ဆီလှမ်းပြီး သကာလ ဪ-သူလဲအနိစ္စတွေဘဲ၊ ကြားတာကောင်းတာ ထင်လို့ရှိရင်လဲ အဲဒီကြားတဲ့ အာရုံတွေလဲ ဖြစ်ပျက်တာ ရှုပစ်လိုက် (မှန်ပါ့) နို့-မဟုတ်ရင် စွဲလိမ့်မယ် (မှန်ပါ့) သဘောကျပြီလား (ကျပါပြီ ဘုရား)။

When you see something, direct your attention to the act of seeing and realize, "Ah, this too is Impermanence (Anicca)." If you hear something and think it is pleasant, watch and observe the Arising and Passing Away of that auditory object. (True, Sir). Otherwise, you will cling to it. (True, Sir). Are you convinced? (Yes, we are, Sir).

ဒါဖြင့် မြင်တာကြားတာတွေလဲ ဘာလုပ်ရမလဲ (ဖြစ်ပျက်ရှုရပါ့မယ် ဘုရား) မရှုရင် ဘာဖြစ်မယ် ထင်သတုံး (စွဲပါတယ် ဘုရား) စွဲလိမ့်မယ်(မှန်ပါ့ ဘုရား)။

Therefore, what must you do with the things you see and hear? (We must observe their Arising and Passing Away, Sir). What do you think will happen if you do not observe them? (We will cling to them, Sir). You will indeed cling to them. (True, Sir).

အဲ့ဒါကြောင့် ရှင်သာရိပုတ္တရာက ဒကာကြီး ကြာတာ၊မြင်တာ၊ တွေ့တာတွေ့တော့ ဘာမှမစွဲနဲ့၊ တဏှာဥပါဒါန်နဲ့ မစွဲနဲ့ဆိုပြီး ဟောလိုက်တယ် (မှန်ပါ့ ဘုရား)။

That is why the Venerable Sariputta instructed the great lay disciple: "Whatever you hear, see, or encounter, do not cling to anything whatsoever. Do not attach to them with Craving (Tanha) and Clinging (Upadana)." (True, Sir).

ယုတ်စွမဆုံး အရူကလေးတောင်လဲမစွဲနဲ့၊ အဲဒီလိုစွဲလို့ရှိရင် စွဲတဲ့နေရာဖြစ်မှာပဲ (မှန်ပါ့) သဘောပါပြီလား (ပါ-ပါပြီ ဘုရား)။

Ultimately, do not even cling to a mere form. If you cling in this way, you will be reborn right where your attachment lies. (True, Sir). Do you grasp the meaning? (Yes, we do, Sir).

စွဲတဲ့အာရုံကို ဘာလုပ်ကြမတုံး

ဒါဖြင့် စွဲတဲ့အာရုံကို ဘာလုပ်ကြမတုံး (ဖြစ်ပျက်ရှုရပါ့မယ် ဘုရား) အကုန်နိစ္စမြင်အောင် လုပ်ရလိမ့်မယ် (မှန်ပါ့) စွဲတဲ့အာရုံတွေကို အကုန်နိစ္စဖြစ်အောင် လုပ်ရပါလိမ့်မယ် (မှန်ပါ့ ဘုရား)။

So, what should we do with the objects that we tend to cling to? (We must observe their Arising and Passing Away, Sir). You must strive to see all of them as Impermanence (Anicca). (True, Sir). You must ensure that all objects of clinging are realized as Impermanence by insight. (True, Sir).

အဲဒီလို ရှင်သာရိပုတ္တရာက အနာထပိဏ်သူဋ္ဌေးကြီး မမာတုန်း အိမ်လာပြီးဟောတော့ အနာထပိဏ်သူဋ္ဌေးကြီး က မစွဲရဘူးတဲ့ (မှန်ပါ့) သူသိတယ် (မှန်ပါ့ ဘုရား)။

When the Venerable Sariputta went to the house and preached like this while Anathapindika was ill, the great benefactor understood: "I must not cling." (True, Sir). He knew it well. (True, Sir).

ဘယ်အာရုံမှ မစွဲရဘူး၊ လူ့ပြည်နတ်ပြည် ဗြဟ္မာပြည် ကြားဖူး၊ မြင်ဖူး၊ တွေ့ဖူးတဲ့ ပုဆိုး, အိုးကအစ မစွဲရဘူးတဲ့ စွဲရင်စွဲတဲ့ နေရာမှာ ဖြစ်လိမ့်မယ်တဲ့ဆိုတော့ ပဋိစ္စသမုပ္ပါဒ်နဲ့လဲ မကိုက်ဘူးလား (ကိုက်ပါတယ် ဘုရား) ပဋိစ္စသမုပ္ပါဒ်နဲ့လဲ ကိုက်တယ် (မှန်ပါ့ ဘုရား)။

He realized he must not cling to any object. Whether it is the human realm, the deva realm, or the brahma realm; whether it is a piece of clothing or a simple pot he had seen, heard of, or encountered—he must not cling to any of it. "If you cling, you will be reborn where you cling." Does this not perfectly align with the Wheel of Dependent Origination? (It aligns perfectly, Sir). It absolutely aligns with Dependent Origination. (True, Sir).

ဒီလိုကြားရတော့ သူကမျက်ရည် လည်လာတယ်၊ လူမမာက (မှန်ပါ့) ရှင်အာနန္ဒာလဲ ပါလာတယ်၊ ရှင်အာနန္ဒာနဲ့ ရှင်သာရိပုတ္တရာ အတူတူလာကြတာကိုး၊ ရှင်အာနန္ဒာက မေးလိုက်တယ်၊ ပစ္စည်းတွေနဲ့ ခွဲရမှာစိုးလို့ ငိုတာလား၊ ကုသိုလ် ဆုတ်ယုတ်တယ်ထင်လို့ ငိုတာလား၊ မေးလိုက်တယ်၊ ရှင်အာနန္ဒာက (မှန်ပါ့ ဘုရား)။

Upon hearing this profound teaching, tears welled up in the sick man's eyes. (True, Sir). The Venerable Ananda had also accompanied Venerable Sariputta; they came together. Seeing him cry, the Venerable Ananda asked, "Are you weeping because you fear parting with your wealth? Or are you weeping because you feel your merits are declining?" (True, Sir).

ပစ္စည်းတွေနဲ့ ခွဲရမှာစိုးလို့ ငိုတာလားမေးတော့ မဟုတ်ပါဘူးတဲ့ ကုသိုလ်တွေဆုတ်ယုတ်လို့လဲ တပည့်တော် ငိုတာမဟုတ်ပါဘူး၊ တပည့်တော်ဟာ နှစ်ပေါင်းသုံးလေးဆယ် တပည့်တော် ဆောက်ထားတဲ့ ဇေတဝန်ကျောင်းကို တစ်နေ့နှစ်ခေါက်သုံးခေါက်ရောက်တယ်၊ ကိုယ်တော်တွေက ဒါနတရားတွေချည်း ဟောကြတယ်၊ ဒီတရားမျိုးကို မဟောပါ ဘူးတဲ့ (မှန်ပါ့ ဘုရား)။

When asked if he was crying over his wealth, Anathapindika replied, "No, Venerable Sir. Nor am I weeping over any decline in my merits. For thirty or forty years, I have visited the Jetavana monastery—which I myself built—two or three times a day. The monks there have only ever preached about generosity (Dana). They never preached this kind of Dhamma to me." (True, Sir).

သုညတ-တရား

ဒီတရားက ဆရာဝန်ကြီးမှတ်ထား သုညတ-တရား သုညတဆိုတာ ပုဂ္ဂိုလ်သတ္တဝါပါသေးသလား (မပါပါ ဘုရား) ခန္ဓာငါးပါးဝေဒနာဖြင့် ဝေဒနာစိတ်ဖြင့် စိတ်ဆိုတော့ ပုဂ္ဂိုလ်သတ္တဝါပါသေးရဲ့လား (မပါပါ ဘုရား)။

Mark this well, Doctor. This teaching is the Dhamma of Emptiness (Suññata). When we say "Emptiness," does it include the concept of a person or a being? (No, it does not, Sir). It is merely the Five Aggregates. If it is feeling, it is just feeling; if it is consciousness, it is just consciousness. So, is there any person or being involved? (No, there is not, Sir).

ဒီတရားမျိုးကို တပည့်တော် နှစ်ပေါင်းသုံးလေးဆယ်ကျောင်းကို နေ့စဉ်ရောက်နေတဲ့ ဥစ္စာ တပည့်တော် မနာရဘူးတဲ့ (မှန်ပါ့ ဘုရား)။

Anathapindika lamented, "Even though I visited the monastery daily for thirty or forty years, I never had the chance to listen to this kind of Dhamma." (True, Sir).

ဒါက အလုံးစုံမစွဲနဲ့ဆိုတဲ့ တရားက ဥပါဒါန်ပြုတ်ပြီး ဥပါဒါန်တို့၏ ချုပ်ငြိမ်းရာဖြစ်တဲ့ အာသဝေါတရားတွေ၏ ကုန်ရာနိဗ္ဗာန်ရောက်တဲ့ တရားတဲ့ (မှန်ပါ့ ဘုရား)။

This teaching of "Do not cling to anything" is the Dhamma that eradicates Clinging (Upadana). It leads to Nibbana, the cessation of Clinging and the total exhaustion of mental defilements (Asavas). (True, Sir).

အာသဝေါတရားတို့၏ ကုန်ရာ နိဗ္ဗာန်ရောက်တဲ့တရား၊ အဲဒါကိုပင် နှစ်ပေါင်းသုံးလေးဆယ် ဆွမ်းဒကာ၊ ကျောင်းဒကာ၊ ဘုရားဒကာလုပ်ပြီး ဘုရားနဲ့တွေ့ပြန်လဲ ဒါနအကြောင်း ဒီပြင် ရဟန္တာတွေနဲ့လဲ တွေ့ပြန်လဲ ဒါနအကြောင်း၊ သီလအကြောင်း၊ ဒါလောက်သာဟောတယ်၊ သုညတတရား သူမနာရဘူးတဲ့ (မှန်ပါ့) သေခါနီးမှ နာရတယ် (မှန်ပါ့ ဘုရား)။

It is the Dhamma that leads to Nibbana. Yet, despite spending thirty or forty years as the chief donor of alms, the donor of the monastery, and the principal supporter of the Buddha—whenever he met the Buddha, he was taught only about generosity (Dana). Whenever he met other Arahants, they only taught him about generosity and morality (Sila). That was all they preached. He never got to hear this Suññata Dhamma. (True, Sir). He only heard it when he was on the verge of death. (True, Sir).

သေခါနီးမှ နာရတော့ တပည့်တော်က ဒါဝမ်းနည်းတယ်တဲ့ သုညတ တရားကို သေခါနီးမှ နာရတယ်လို့ (မှန်ပါ့ ဘုရား)။

"Because I only get to hear it near death, I feel a deep sense of sorrow," he said. "To hear the Suññata Dhamma only at the very end of my life!" (True, Sir).

ဒီဟာမှ နိဗ္ဗာန်ကိုတစ်ခါတည်း အစွဲမရှိလို့ ရောက်မယ်ဆိုတာ ကာမုပါဒါန် ဒိဋ္ဌိုပါဒါန်တွေချုပ်ပြီး သကာလ နိဗ္ဗာန်ရောက်တဲ့တရားကို တပည့်တော် မနာရဘူးတဲ့၊ သောတာပန်ဖြင့် တည်ခဲ့ပါပြီ သုညတ- တရားကို မနာရဘူး (မှန်ပါ့) ရိပ်မိကြပြီလား (ရိပ်မိပါပြီ ဘုရား)။

"This is the very Dhamma that leads directly to Nibbana through non-attachment! It is the teaching that ceases Clinging to Sensual Pleasures (Kamupadana) and Clinging to Wrong Views (Ditthupadana), leading straight to Nibbana. Yet, I never got to hear it. I had already attained the stage of Stream-Entry (Sotapanna), but I never heard this Suññata Dhamma." (True, Sir). Do you see it? (Yes, we do, Sir).

ဖြစ်ပျက်ရှုပါဆိုတဲ့ တရား

ဖြစ်ပျက်ရှုပါဆိုတဲ့ တရားကို မနာရဘူးတဲ့ ဒါ့ကြောင့် တပည့်တော်က ငိုတာပါတဲ့၊ ပစ္စည်းတွေ စွန့်ရမှာကြောင့် ငိုရတာ မဟုတ်ပါဘူးတဲ့၊ ဒီခန္ဓာကြီးစွဲလို့ ငိုတာမဟုတ်ပါဘူးတဲ့၊ သုညတ တရားကို နှစ်ပေါင်းများစွာနေပြီး မနာခဲ့ရတဲ့ အတွက် တပည့်တော်ဝမ်းနည်းလို့ငိုတာ ဒီလိုပြောတာ ဒကာကြီးတဲ့ ဒီသုညတတရားဆိုတာ ရုပ်ဖြစ်ပျက်၊ နာမ်ဖြစ်ပျက်၊ ဝေဒနာဖြစ်ပျက်၊ စိတ်ဖြစ်ပျက်၊ ဖြစ်ပျက်ရှုရင် ဥပါဒါန်ချုပ်တယ်ဆိုတဲ့ တရားဟာတွေ့ဘူး၊ ကြုံဘူးတယ်လို့တောင် မစွဲနဲ့၊ ရှုဆိုတဲ့တရား၊လူတွေ ဟောလို့ တော့်ပါ့မလား။

"I never heard the Dhamma that instructs us to watch and observe the Arising and Passing Away. That is why I am weeping. I am not crying because I have to abandon my wealth, nor am I crying out of attachment to this physical body. I am weeping out of profound regret that, for so many years, I never got to hear this Suññata Dhamma." To this, Venerable Sariputta replied, "Great lay disciple, this Suññata Dhamma teaches that if you observe the Arising and Passing Away of Form (Rupa), Mind (Nama), Feeling (Vedana), and Consciousness (Citta), Clinging (Upadana) ceases. It teaches you not to attach even to what you have seen or encountered, but simply to observe. Would it be appropriate to preach such a Dhamma to ordinary laypeople?

လူတွေဟောလို့ မတော်ဘူးတဲ့၊ လူဟာ သားမယားများလဲခင်ရဲ့မင်ရဲ့တန်းလန်း ပစ္စည်းဥစ္စာတွေလဲ ခင်မင်မှု တန်းလန်း၊ စွဲလန်းမှုတန်းလန်းပေါ့ဗျာ (မှန်ပါ့ ဘုရား)။

"It is not suitable for laypeople. Ordinary people are still deeply entangled in affection for their spouses and children. They are entangled in attachment to their wealth and properties." (True, Sir).

အဲဒီတော့ သူ့ကိုတဲ့ ဒီသုညတ-တရားဟောလို့ မတော်ဘူးတဲ့ ထောင်နိုင်တဲ့နားရှိမှာ မဟုတ်ဘူးတဲ့ (မှန်ပါ့) သဘောပါကြပြီလား (ပါ-ပါပြီ ဘုရား)။

"Therefore," Sariputta continued, "it is not appropriate to preach this Suññata Dhamma to them. They would not have the ears to comprehend it." (True, Sir). Do you grasp the meaning? (Yes, we do, Sir).

ထောင်နိုင်တဲ့နားရှိမှာ မဟုတ်ဘူးတဲ့၊ အနာထပိဏ်သူဋ္ဌေးကြီးက သေခါနီးမှပြောတယ် (မှန်ပါ့ ဘုရား)။

အရှင်ဘုရားတဲ့၊ အရှင်ဘုရား အခုပြောလိုက်တဲ့ စကားလဲမှန်ပါတယ်တဲ့၊ သို့သော် တပည့်တော် တောင်းပန် ပါရစေတဲ့ (မှန်ပါ့) တောင်းပန်ပါရစေဆိုတာနဲ့ ကဲ ပြောတာပေါ့လို့ ဆိုတော့ လူတွေဟာ အမျိုးမျိုးရှိတယ် (မှန်ပါ့)။

"They would not have the ears to comprehend it," Sariputta said. But nearing death, the great benefactor Anathapindika responded. (True, Sir). "Venerable Sir," he said, "what you have just said is true. However, please allow me to make an earnest request." (True, Sir). When granted permission to speak, he said, "People are of various kinds." (True, Sir).

လူဟာ အမျိုးမျိုးရှိတယ်၊ လူတစ်မျိုးတည်း ရှိတယ်လို့ ယူလို့မရဘူး (မှန်ပါ့ ဘုရား) အချို့သော ပုဂ္ဂိုလ်မှာ ဉာဏ်ပေါ်မှာကိလေသာ အညစ်အကြေးဖုံးနေတာ အများကြီးဖုံးတဲ့ ပုဂ္ဂိုလ်ရှိတယ် (မှန်ပါ့) အချို့ချို့သော ပုဂ္ဂိုလ်မှာ ဉာဏ်အမြင်ပေါ်မှာ ကိလေသာ နည်းနည်းဖုံးနေတာရှိတယ် (မှန်ပါ့ ဘုရား)။

"People are diverse. You cannot assume that there is only one type of person. (True, Sir). For some individuals, their wisdom is heavily obscured by the thick filth of defilements (Kilesas). (True, Sir). But for others, their vision of wisdom is covered by only a little dust of defilements." (True, Sir).

လူဟာ အမျိုးမျိုးရှိတယ်တဲ့

လူဟာ အမျိုးမျိုးရှိတယ်တဲ့၊ ဉာဏ်မျက်လုံးပေါ်မှာ ကိလေသာ အများကြီးဖုံးတဲ့ ပုဂ္ဂိုလ်တစ်မျိုး၊ ဉာဏ်မျက် လုံးပေါ်မှာ ကိလေသာ နည်းနည်းသာ ဖုံးနေတာ ဖွင့်ပေးမည့်သူမရှိလို့သာ မဖွင့်ရတာ၊ အဲဒီလို ပုဂ္ဂိုလ်လဲ ရှိပါတယ်တဲ့ (မှန်ပါ့ ဘုရား) အဲဒီတော့ ဒီသုညတတရားဆိုတာ နက်နဲပါတယ်တဲ့၊ ဒါတွေဖြစ်ပျက်ရှုရတယ်ဆိုတာ နက်နဲတဲ့တရားပါတဲ့။

"People are of various kinds! There is one type whose eyes of wisdom are heavily blindfolded by defilements. But there is another type whose eyes of wisdom are covered by only a little dust; they remain blind only because there is no one to open their eyes for them. Such people certainly exist!" (True, Sir). "Indeed, this Suññata Dhamma is profound. The teaching to watch and observe the Arising and Passing Away is a deeply profound Dhamma.

အဲဒီတော့ကို ဉာဏ်ပေါ်မှာ ကိလေသာ အညစ်အကြေးလောဘ၊ ဒေါသ၊ မောဟ ဣဿမစ္ဆရိယဆိုတဲ့ အညစ် အကြေး အများကြီးဖုံးတဲ့ ပုဂ္ဂိုလ်အတွက်တော့ အရှင်ဘုရားတို့ ဪ ဒီလူဟာ ကိလေသာများလို့ သုညတတရား မဟောဘူးဆိုတာတော့ တပည့်တော်တို့ ကျေနပ်ပါတယ်တဲ့ (မှန်ပါ့ ဘုရား)။

Therefore, for those whose wisdom is heavily obscured by the filth of Greed (Loba), Anger (Dosa), Delusion (Moha), Jealousy (Issa), and Stinginess (Macchariya)—if you monks decide, 'Ah, this person has too many defilements, we will not preach the Suññata Dhamma to him,' I am perfectly fine with that." (True, Sir).

ဉာဏ်ပေါ်မှာ ကိလေသာ နည်းနည်းဖုံးနေတဲ့ ပုဂ္ဂိုလ်တွေ ဒီတရားကို မနာရလို့ရှိရင် ကျွတ်မည့်ပုဂ္ဂိုလ် မကျွတ်ရ တော့ဘူး (မှန်ပါ့) နိဗ္ဗာန်ရောက်မည့် ပုဂ္ဂိုလ်ဟာ (မရောက်တော့ပါ ဘုရား)။

"However, for those whose wisdom is covered by only a little dust—if they do not get to hear this Dhamma, those who are ready to be liberated will lose their chance." (True, Sir). "A person destined for Nibbana..." (Will not reach it, Sir).

မရောက်တော့ဘဲ ဖြစ်သွားပါမယ်တဲ့၊ ဒါ့ကြောင့် အရှင်ဘုရားတို့ ဟောတဲ့ တရားသည် ဒကာကြီး လူတွေကို ဒီတရားဟောလို့ လူတွေဟာ သားရေး, သမီးရေး, စီးပွားရေးနဲ့ ကိလေသာ မြူများနေတဲ့ပုဂ္ဂိုလ်ကို ဒီတရားဟောလို့ တော်ပါ့မည်လား၊ ဒါ့ကြောင့် မဟောဘူးလို့ ပြောတဲ့ဥစ္စာ အရှင်ဘုရားပြောတာက ကိလေသာများတဲ့ ပုဂ္ဂိုလ်ပြောတာပါ (မှန်ပါ့) လူတိုင်း ကိလေသာများနေတယ်လို့ ဆိုလို့ မရဘူးတဲ့ (မှန်ပါ့ ဘုရား)။

"They will fail to reach it! Therefore, Venerable Sir, when you say, 'Great lay disciple, ordinary people are too entangled in family affairs and business, their defilements are too thick; would it be appropriate to preach this to them?'—your reason for not preaching only applies to those with heavy defilements." (True, Sir). "You cannot assume that every single person is overwhelmed by defilements." (True, Sir).

ဖုံးလျက် သေသွားမယ် ဆိုရင်

ကိလေသာ နည်းနည်းကလေး ဖုံးနေတဲ့ပုဂ္ဂိုလ်မှာ ဒီသုညတတရား မနာရလို့ မပွင့်ဘဲနဲ့ ဖုံးလျက် သေသွားမယ် ဆိုရင် နစ်နာပါတယ်တဲ့ (မှန်ပါ့)။

"For a person whose wisdom is covered by only a little dust, if they never get to hear this Suññata Dhamma, their eyes will never be opened. If they die still covered in ignorance, it is an absolute tragedy!" (True, Sir).

ဒါ့ကြောင့် အရှင်ဘုရား ဒီတရားကို မဟောဘဲ မရှိပါနဲ့တဲ့ (မှန်ပါ့) သဘောကျပြီလား (ကျပါတယ် ဘုရား)။

"Therefore, Venerable Sir, I urge you: please do not withhold this Dhamma. You must preach it!" (True, Sir). Are you convinced? (Yes, we are, Sir).

ဒီတရားကို မဟောဘဲမရှိပါနဲ့တဲ့၊ ဒါမဟောလို့ရှိရင် ဥပါဒါန်မချုပ်ဘူး၊ မချုပ်လို့ရှိရင် နိဗ္ဗာန်မရဘူး (မှန်ပါ့) ရပါ့မလား (မရပါ ဘုရား)။

"Please do not fail to preach this Dhamma. If you do not preach it, their Clinging (Upadana) will not cease. If it does not cease, they will not attain Nibbana." (True, Sir). Will they attain it? (No, they will not, Sir).

ဒါ့ကြောင့် ခင်ဗျားတို့ အရေးအကြီးဆုံးတရား ဒီတရားပွဲမှာ အခုမှတ်နေကြတာ သုညတဖြစ်ဘို့ အရေးကြီး ပါတယ် (မှန်ပါ့) သုညတဆိုတာ ဟောဒီလဖြစ်ပျက်၊ ငါ့ကိုယ်, ငါ့ဟာမဟုတ်ဘူး (မှန်ပါ့) ဒီဟာလဲ ဖြစ်ပျက်၊ ငါ့ကိုယ်, ငါ့ဟာမဟုတ်ဘူးဆိုပြီး ဒါတွေဟာ ဖြစ်ပျက်မြင်လို့ရှိရင် ဆရာဝန်ကြီးတို့ မောင်ဘတုတ်တို့ သုညတသာ မှတ်ပေတော့ (မှန်ပါ့) ငါ့ဥစ္စာမဟုတ်လို့ ပျက်တာကိုးဗျ (မှန်ပါ့) ရှင်းပြီလား (ရှင်းပါပြီ ဘုရား)။

That is why the most critical teaching for you all, the very thing you are noting in this Dhamma session, is the urgent need to realize Suññata. (True, Sir). What is Suññata? It is seeing this Arising and Passing Away and realizing, "This is not my body; this is not mine." (True, Sir). "This too is just Arising and Passing Away; it is not my body, it is not mine." Doctor, Maung Ba Toke, if you can see this Arising and Passing Away clearly, mark it well: that is Suññata! (True, Sir). It perishes precisely because it does not belong to you. (True, Sir). Is that clear? (Yes, it is, Sir).

ဖြစ်ပျက်မြင်ရင် ဘယ့်နှယ်ဆိုကြမလဲ သုညတဆိုက်တယ် (မှန်ပါ့ သုညတဆိုက်ပါတယ် ဘုရား) ရှင်းပြီလား (ရှင်းပါပြီ) ဖြစ်ပျက်မြင်ရင် (သုညတဆိုက်ပါတယ် ဘုရား)။

When you see the Arising and Passing Away, what have you achieved? You have arrived at Suññata. (True, we have arrived at Suññata, Sir). Is that clear? (Yes, it is clear). When you see the Arising and Passing Away... (We arrive at Suññata, Sir).

ကိလေသာနည်းတဲ့ပုဂ္ဂိုလ်မှာ ဟောလိုက်လို့ရှိရင်

အဲ အဲဒီ သုညတတရားဟာ ကိလေသာနည်းတဲ့ပုဂ္ဂိုလ်မှာ ဟောလိုက်လို့ ရှုလိုက်လို့ရှိရင် တစ်ခါတည်း ဥပါဒါန် ပြုတ်ပြီး နိဗ္ဗာန်ရောက်တာဘဲ (မှန်ပါ့ ဘုရား) ရှင်းပြီလား (ရှင်းပါပြီ ဘုရား)။

Exactly! When this Suññata Dhamma is preached to an individual with few defilements, and they watch and observe accordingly, their Clinging (Upadana) is instantly eradicated, and they reach Nibbana. (True, Sir). Is that clear? (Yes, it is, Sir).

ကိလေသာများတဲ့ပုဂ္ဂိုလ် မဟောချင်နေပါကွဲ့၊ ကိလေသာနည်းတဲ့ ပုဂ္ဂိုလ်မှာတော့ သုညတတရားကို ဟောရမယ် တဲ့၊ ဒါမှ နိဗ္ဗာန်ဆိုက်မှာ (မှန်ပါ့) သဘောပါလား (ပါပါပြီ ဘုရား) ရှင်းပြီနော် (ရှင်းပါပြီ ဘုရား)။

"If you do not wish to preach to those with heavy defilements, so be it. But to those with few defilements, you absolutely must preach the Suññata Dhamma! Only then will they attain Nibbana." (True, Sir). Do you grasp the meaning? (Yes, we do, Sir). It is clear now, isn't it? (Yes, it is, Sir).

အဲဒီလို ပြောဆိုပြီးသကာလ ဒီနေ့တရားမှာ အခုနာရီက စေ့တော့မယ် ဘာဆုံးဖြတ်ချက်ချပေးမလဲ၊ အနာထပိဏ်သူဋ္ဌေးကြီး ဝတ္ထုမကုန်ပါဘူး၊ ဒီနေ့ခင်ဗျားတို့ ဘာမှမစွဲအောင် ဘယ့်နှယ်လုပ်မတုံး မေးလို့ရှိရင် ဘယ်အာရုံ မဆို စွဲမည့်အာရုံတွေကို အနိစ္စ, ဒုက္ခ, အနတ္တမြင်အောင်ကြည့်ပါ (မှန်ပါ့) ရှင်းပြီလား (ရှင်းပါပြီ ဘုရား)။

Having discussed all this, our time for today's sermon is almost up. What final conclusion shall I give you? The story of the great benefactor Anathapindika is not yet finished. But if you ask, "How can we ensure we do not cling to anything today?" Here is the answer: Whatever the object may be, whenever you are about to cling to it, watch and observe it until you clearly see Impermanence (Anicca), Suffering (Dukkha), and Non-Self (Anatta). (True, Sir). Is that clear? (Yes, it is, Sir).

ဒါဖြင့် ဖြစ်ပျက်ဆိုရင် မဂ်လာတယ်၊ မဂ်လာရင် ဥပါဒါန်ချုပ်မယ် (မှန်ပါ့) တဏှာ နိရောဓေါနိဗ္ဗာနံ ဥပါဒါန နိရောဓေါ နိဗ္ဗာနံဆိုတာ မရပေဘူးလား (ရပါတယ် ဘုရား) ရှင်းပြီနော် (ရှင်းပါပြီ ဘုရား)။

Therefore, if you see the Arising and Passing Away, the Path Knowledge (Magga) arises. When Magga arises, Clinging (Upadana) ceases. (True, Sir). Does this not perfectly fulfill the principles of Taṇhā-nirodhā Nibbānaṃ (The cessation of Craving is Nibbana) and Upādāna-nirodhā Nibbānaṃ (The cessation of Clinging is Nibbana)? (Yes, it does, Sir). Is it clear now? (Yes, it is, Sir).

ကဲ ယနေ့ ဒီတွင် တော်ကြဦးစို့။

သာဓု...သာဓု...သာဓု။

Very well, let us stop here for today. Sādhu... Sādhu... Sādhu.