တရားတော်
”ရှင်ဆန္နဝတ္ထု (၃)”
”ရှင်ဆန္နဝတ္ထု (၃)”
ဝိပဿနာလုပ်တဲ့ ပုဂ္ဂိုလ်အမြင်မှန်
The Right View of a Vipassana Yogi
ကျေးဇူးတော်ရှင် အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး
အမရပူရမြို့ မင်္ဂလာတိုက်၌ ဟောကြား ဆုံးမတော်မူသော
”ရှင်ဆန္နဝတ္ထု (၃)”
ဝိပဿနာလုပ်တဲ့ ပုဂ္ဂိုလ်အမြင်မှန်
Delivered by the Benefactor, Agga Maha Pandita Mogok Sayadaw at Mingala Taik, Amarapura. Daytime Meditation Instruction (27-9-61)
နေ့အလုပ်ပေးတရားတော်
(၂၇-၉-၆၁)
နောက်ဘဝမရှိပါဘူး-တဲ့
"There is no next life," he said.
ရှင်ဆန္ဒ မမာတာဟာ မမာတော့ သူ့ကိုယ်သူ ဓါးနဲ့လှီးပြီး သေမယ်လို့ စိတ်ကူးတယ်လို့မှတ်ရမယ် (မှန်ပါ့)။
Venerable Channa was so severely ill that he contemplated slitting his own throat with a knife to end his life. You must understand this. (Yes, Sir).
စိတ်ကူးတာက ဘယ်လိုကြောင့် စိတ်ကူးသလဲလို့ ဆိုလို့ရှိရင် သူ့ခန္ဓာထဲမှာ ဝေဒနာနှိပ်စက်နေတာမခံနိုင်လို့ မှတ်ရမယ် (မှန်ပါ့)။
Why did he think of doing this? It was because he could no longer bear the torment of severe physical pain (Vedana) in his body. (Yes, Sir).
ဝေဒနာနှိပ်စက်နေတာ သူက သည်းမခံနိုင်ဘူး၊ သည်းမခံနိုင်တော့ကို သူ့ကိုယ်သူ ဓါးနဲ့လှီးပြီးသကာလ သေမယ်လို့ စိတ်ကူးတယ် (မှန်ပါ့ ဘုရား)။
He simply could not endure the oppression of that severe pain. Unable to bear it, he decided to slit his throat and die. (Yes, Sir).
ထိုကဲ့သို့ စိတ်ကူးနေတော့ ရှင်သာရိပုတ္တရာတို့ ရှင်စုန္ဒာတို့က ဟာ ဒီလို စိတ်မကူးပါနဲ့၊ ဒီလိုမတော်ပါဘူး၊ ဒီဟာ အင်မတန် အရုပ်ဆိုး, အကျည်းတန်ပါတယ် အစရှိသည်နဲ့ ပြောကြတယ်။
Hearing his plan, Venerable Sariputta and Venerable Cunda intervened, saying, "Do not think like this. It is improper. This is a very ugly and disgraceful act."
သူဟာ ကိစ္စမရှိပါဘူး တဲ့၊ ဒီလိုလည်းပင်းဓါးနဲ့လှီးသေလဲ နောက်ဘဝမရှိပါဘူး-တဲ့၊ နောက်ဘဝ ပဋိသန္ဓေနေမှု မရှိပါဘူးဟာဆိုတာ ဒီက ဆရာဝန်ကြီးတို့ မှတ်ရမှာက သူ့ကိုယ်သူ ရဟန္တာဖြစ်ပြီလို့ ထင်တာပဲ (မှန်ပါ့) နောက်ဘဝ ပဋိသန္ဓေနေမှုမရှိတော့ဘူး၊ ဒီလိုထင်ပါတယ်။
But Channa replied, "It does not matter. Even if I slit my throat and die, there is no next life for me. There is no longer any rebirth for me." Now, Yogis, you must understand that he actually thought he had already become an Arahant. (True, Sir). He genuinely believed he was free from any future rebirth.
အဲဒီတော့ ရှင်သာရိပုတ္တရာက သူ့ပဋိသန္ဓေနေမှု ရှိ/ မရှိကို အလုပ်နဲ့စမ်းကြည့်တယ်၊ အလုပ်နဲ့ စမ်းကြည့်တယ် ဆိုတော့ အကျဉ်းပဲမှတ်ပါ၊ မင်းသည်ကားလို့ဆိုလို့ရှိရင်ဖြင့် ငါမေးပါရစေတဲ့၊ မေးပါဆိုတော့ မင်းဟာ မြင်စိတ်ကလေး၊ ကြားစိတ်ကလေး၊ နံစိတ်ကလေး၊ စားစိတ်ကလေး၊ ကြံစိတ်, စည်စိတ်, တွေးစိတ်ကလေးကို ငါ့ကိုယ်၊ ငါ့ဟာ၊ ငါ့ဥစ္စာလို့ ထင်သေးသလားလို့ မေးလိုက်တယ် (မှန်ပါ့ ဘုရား)။
Therefore, Venerable Sariputta tested his understanding through practical Dhamma to see if he truly had no further rebirth. Keep it brief: Sariputta said, "Let me ask you a question." When given permission, he asked, "Do you still consider the seeing consciousness, hearing consciousness, smelling consciousness, tasting consciousness, and thinking consciousness as 'I', 'Mine', or 'My Self'?" (Yes, Sir).
ငါ့ကိုယ်၊ ငါ့ဟာ၊ ငါ့ဥစ္စာလို့ လုံးဝမထင်ပါဘူး
I absolutely do not hold them as "I", "Mine", or "My Self"
မထင်ပါဘူး တဲ့ ဒီဥစ္စာတွေ သူ ငါ့ကိုယ်၊ ငါ့ဟာ၊ ငါ့ဥစ္စာလို့ လုံးဝမထင်ပါဘူးဆိုတော့ သူ တဏှာ၊ မာန၊ ဒိဋ္ဌိနဲ့ မစွဲဘူးလို့ ပြောတာပဲ (မှန်ပါ့) ငါ့ကိုယ်လည်း မထင်ဘူး၊ တဏှာနဲ့၊ ငါ့ဟာလို့လည်း မာနနဲ့မထင်ဘူး၊ ငါ့ဥစ္စာလို့လည်း ဒိဋ္ဌိနဲ့ မထင်ပါဘူး-တဲ့။
Channa replied, "I do not think so." By stating that he absolutely did not see these phenomena as "I", "Mine", or "My Self", he was declaring that he was completely free from Craving (Taṇhā), Conceit (Māna), and Wrong View (Diṭṭhi). (Yes, Sir). He meant that he did not perceive them with Craving, he did not cling to them with Conceit as "Mine", and he did not hold onto them with Wrong View as "My Self".
ဒီတော့ ရှင်သာရိပုတ္တရာ ဪ မင်းဘယ်လိုမြင်လို့ ဒါတွေကို မင်းခန္ဓာကိုယ်ထဲမြင်လို့ ဒါတွေ မထင်ပါလိမ့် မလဲလို့ မေးလိုက်တယ် (မှန်ပါ့ ဘုရား)။
So, Sariputta asked again, "How exactly do you observe your body (Khandhas) that makes you free from such beliefs?" (Yes, Sir).
သူဟာ ဝိပဿနာဉာဏ်နဲ့ ကြည့်လိုက်တဲ့အခါ ဒီစိတ်ကလေးတွေ ကြည့်လိုက်လည်း ချုပ်ပျောက် ချုပ်ပျောက် သွားတာကလေးတွေ မြင်တော့ကို ဆရာဝန်ကြီးတို့အားလုံး တရားနာတဲ့ ပုဂ္ဂိုလ်တွေက မှတ်ရမှာက ဒီအမြင်ဟာ အမြင်မှန်ပဲလို့ မှတ်ကြပါ (မှန်ပါ့ ဘုရား)။
Channa explained that when he observed with Insight (Vipassana) Knowledge, he saw these fragments of consciousness repeatedly arising and passing away. Yogis, all of you listening to this Dhamma must understand: this view is indeed the Right View. (Yes, Sir).
ချုပ်ပျောက်သွားတာသည် အမြင်မှန်လို့ မှတ်ကြပါ (မှန်ပါ့ ဘုရား) ဘာဖြစ်ဖြစ် ခန္ဓာထဲမှာ စိတ်ကလေးပေါ် လာလည်း မရှိဘူး၊ ဝေဒနာပေါ်လာလည်း မရှိဘူး၊ မရှိဘူး မရှိဘူးလို့ ချုပ်ပျောက်သွားတာ မြင်လို့ရှိရင် အမြင်မှန်လို့ မှတ်ကြပါ (မှန်ပါ့ ဘုရား)။
Mark this well: seeing the passing away is the Right View. (Yes, Sir). Whatever it is—whether a consciousness arises in the Khandhas and vanishes, or a sensation (Vedana) arises and vanishes—if you see that it is no longer there, that it has passed away, realize that this is the Right View. (Yes, Sir).
ဝိပဿနာလုပ်တဲ့ ပုဂ္ဂိုလ်များ၏ အမြင်
The View of a Vipassana Yogi
အဲဒါ ဝိပဿနာလုပ်တဲ့ ပုဂ္ဂိုလ်များ၏ အမြင်သည် ဒီဟာ အမြင်မှန်ပဲလို့မှတ်ပါ (မှန်ပါ့)။
Understand that this is the authentic Right View of a Vipassana Yogi. (Yes, Sir).
ဒါ ဆန္နကလည်း ဒီအတိုင်းမြင်တယ်လို့ပြောတယ်၊ ရှင်သာရိပုတ္တရာကလဲ ဒါကို သဘောကျပါတယ်၊ ဒီအမြင်မှန် ကို (မှန်ပါ့)။
Channa stated that he saw things exactly in this way, and Venerable Sariputta was satisfied with this Right View. (Yes, Sir).
အဲဒီတော့ကွာ တဲ့၊ မင်းမြင်တဲ့ ဥစ္စာကလေးတွေက ဘာရှုလိုက်, ရှုလိုက် ချုပ်ပျောက် သွားတာကလေးတွေ မြင်သောကြောင့် ငါ့ကိုယ်၊ ငါ့ဟာ၊ ငါ့ဥစ္စာ မဟုတ်ဘူးလို့ မင်းစိတ်ထဲမှာ မြင်တယ်ဆိုတော့ ဟုတ်တယ်ဆိုပြီး ရှင်သာရိ ပုတ္တရာက အမြင်မှန်တော့ဖြင့် ရတာပဲ၊ သို့သော် အားလုံးမှတ်ထားရမှာက ဝိပဿနာ မဂ်အမြင်သာ ဟုတ်သေးတယ်၊ လောကုတ္တရာ မဂ်အမြင်မဟုတ်သေးဘူးလို့ မှတ်ထားပါ (မှန်ပါ့ ဘုရား)။
Sariputta concluded, "Since you see whatever you watch and observe simply passing away, you realize in your mind that it is not 'I', 'Mine', or 'My Self'. That is correct." Sariputta acknowledged that Channa possessed the Right View. However, all of you must clearly note this: it was only the Insight (Vipassana) Path Knowledge; it was NOT yet the Supramundane (Lokuttara) Path Knowledge. (Yes, Sir).
ဝိပဿနာအမြင် (ဟုတ်ပါတယ် ဘုရား) ချုပ်ပျောက်သွားတာကလေးတွေ မြင်လို့ရှိရင် ဝိပဿနာမဂ်အမြင်လို့ မှတ်ပါ (မှန်ပါ့) ချုပ်ပျောက်သွားလို့ အဆုံးနိဗ္ဗာန် မြင်မှ လောကုတ္တရာ မဂ်အမြင်လို့ မှတ်ကြပါ (မှန်ပါ့)။
It was merely Vipassana insight. (True, Sir). Seeing the arising and passing away is just the Insight (Vipassana) Path Knowledge. (Yes, Sir). Only when you see the ultimate end of all passing away—which is Nibbana—does it become the Supramundane (Lokuttara) Path Knowledge. (Yes, Sir).
ကောင်းပြီ ဒါဖြင့် ဪ အမြင်သည် နှစ်မျိုးပါလား၊ ဆရာဝန်ကြီး ဝိပဿနာမဂ်အမြင်ဆိုတာ ချုပ်ပျောက် သွားတာမြင်ရမယ် (မှန်ပါ့) လောကုတ္တရာမဂ်အမြင်က ချုပ်ပျောက်သွားတဲ့အဆုံးကို မြင်ရမယ် (မှန်ပါ့) ဒီဒုက္ခတွေရဲ့ အဆုံးကို မြင်ရမယ်၊ ဒုက္ခအဆုံးဆိုတာ နိဗ္ဗာန်ပါပဲ၊ အဲဒါ မြင်ရမယ်လို့ မှတ်ပါ။
Very well. So, consider this: there are two types of views. The Vipassana Path Knowledge means you must see the passing away. (Yes, Sir). The Lokuttara Path Knowledge means you must see the absolute cessation of that passing away. (Yes, Sir). You must see the end of this suffering (Dukkha). The end of suffering is exactly Nibbana. That is what you must realize.
ဝိပဿနာအမြင် မဂ်အမြင်
Vipassana Insight and Path Insight
ဪ ဒါဖြင့် ဝိပဿနာအမြင် မဂ်အမြင်သည် အခြားနားကြီးပါလားလို့ မှတ်ရမယ် (မှန်ပါ့ ဘုရား) ပါဠိတော် အကိုးအကားက သင်္ခရေ “အနိစ္စတော ဒုက္ခတော အနတ္တတော ဝိပဿတိ” အဲဒါ ဝိပဿနာမဂ်အမြင်၊ သင်္ခါရတရား တွေ၏ ချုပ်မှုတွေကို မြင်လို့ရှိရင်ဖြင့် ဒါ ဝိပဿနာမဂ်အမြင်လို့ မှတ်လိုက် (မှန်ပါ့) “နိဗ္ဗာန်နံ မဂ္ဂဿ နဗ္ဗာနံဖလဿ အာရမ္မဏပစ္စယေနပစ္စယော” လို့ ဘုရားက မဂ်အမြင်ကို ဟောတဲ့နေရာကျတော့ ဤကဲ့သို့ ဟောပါတယ် (မှန်ပါ့)။
Therefore, understand that there is a vast difference between Vipassana Insight and Path (Magga) Insight. (Yes, Sir). According to the Pali scriptures: "Saṅkhāre aniccato dukkhato anattato vipassati." This refers to the Vipassana Path Insight. If you see the passing away of conditioned phenomena (Saṅkhārā), note that this is Vipassana Path Insight. (Yes, Sir). However, when the Buddha taught about Path (Magga) Insight, He said: "Nibbānaṃ maggassa, Nibbānaṃ phalassa ārammaṇapaccayena paccayo." (Yes, Sir).
အဲဒီတော့ လောကုတ္တရာမဂ်အမြင်ကတော့ နိဗ္ဗာန်ကို မြင်တယ်လို့မှတ်ရမယ် (မှန်ပါ့) မခြားနားဘူးလား (ခြားနားပါတယ် ဘုရား)။
This means the Lokuttara Path Insight strictly sees Nibbana. (Yes, Sir). Are they not different? (They are different, Sir).
ဝိပဿနာမဂ်အမြင်က ချုပ်ပျောက် သွားတာ မြင်တယ်၊ လောကုတ္တရာမဂ်အမြင်က ချုပ်တာတွေ ဘာတွေ မဟုတ်တော့ဘူး၊ နိဗ္ဗာန်ဆိုတဲ့ သဘောကြီးပဲ မြင်နေတယ်၊ ဒီလိုခြားနားတယ်လို့ ဆရာဝန်ကြီးက မှတ်ထားရမယ် (မှန်ပါ့)။
The Vipassana Path Insight sees the passing away. The Lokuttara Path Insight no longer sees any passing away; it sees only the pure nature of Nibbana. Yogis, you must carefully grasp this distinction. (Yes, Sir).
ကောင်းပြီ ဒါဖြင့် အမြင်သည်ကားလို့ဆိုရင် ဤမျှထူးခြားနေတော့ ရှင်သာရိပုတ္တရာက ရှင်ဆန္နအမြင်ဟာ ဝိပဿနာမဂ်အမြင်ပဲ ရှိသေးတယ်ဆိုတာ သိတယ် (မှန်ပါ့ ဘုရား)။
Very well. Since there is such a profound difference between the two views, Venerable Sariputta clearly knew that Channa’s insight was still only at the level of Vipassana Path Insight. (Yes, Sir).
ဂိဇ္ဈကုဋ်တောင်ပေါ်က ဆင်းလာတုန်းက အတူတူလာကြတဲ့သူ့ညီ စုန္ဒက ပါလာတယ်၊ အဲဒီစုန္ဒက သူ့ဟာသူ လည်ပင်းဓါးနဲ့လှီးသေမယ်၊ နောက်ပဋိသန္ဓေနေမည့်ပုဂ္ဂိုလ် မဟုတ်ဘူးလို့ ဆန္နဟာ သူ့ဟာသူအထင်ကြီးနေတာ၊ သူဟာ ရဟန္တာ မဟုတ်သေးဘူးဆိုတာ ရှင်စုန္ဒက သိပါတယ်နော် (မှန်ပါ့ ဘုရား)။
Venerable Cunda, Sariputta's younger brother who accompanied him down from Vulture Peak (Gijjhakuta), was also present. Cunda realized that although Channa had high opinions of himself—thinking he was free from rebirth and ready to slit his throat—he was, in fact, not yet an Arahant. (True, Sir).
ဘုရားဆုံးမတာရှိပါတယ်
There are Instructions from the Buddha
သိတဲ့အခါကျတော့ အရှင်ဘုရား-တဲ့၊ တပည့်တော်တို့ သာဝကတို့ကို ဘုရားဆုံးမတာရှိပါတယ် (မှန်ပါ့) သာဝကတို့ကို ဘုရားဆုံးမတာရှိပါသေးတယ်၊ တပည့်တော်တို့ကို အမြဲဆုံးမတာ ရှိသေးတယ်ဆိုပြီး နိဿိတဿ စလိတံ အနိဿိတဿ စလိတံ နတ္ထိ ဆိုတဲ့ စုဏ္ဏိယ တရားကို အရှင်ဘုရား ဒါကို နှလုံးသွင်းပါလို့ ခုနင်က ဆန္နကို ရှင်စုန္နက အမိန့်ရှိပါတယ်လို့ မှတ်ရမယ် (မှန်ပါ့ ဘုရား)။
Knowing this, Venerable Cunda said, "Venerable Sir, there are instructions the Buddha gave to us disciples." (Yes, Sir). "There is advice the Buddha constantly gave us." He then recited a specific Dhamma passage: "Nissitassa calitaṃ, anissitassa calitaṃ natthi." Cunda urged Channa, "Venerable Sir, please reflect on this." You must note this intervention. (Yes, Sir).
ကောင်းပြီ ဒါဖြင့် ဒီအဓိပ္ပါယ်ကို အားလုံး ရှင်းရမယ်ဆိုလို့ရှိရင်ဖြင့် ဒီဒကာ ဒကာမတွေ ကိုယ့်ခန္ဓာကို ဒါက ခန္ဓာငါးပါးလို့မှတ်ပါ၊ ကိုယ့်ခန္ဓာကို တဏှာအားဖြင့် ခင်နေတယ်၊ တဏှာက ဒီမှာပဲရှိတယ် (မှန်ပါ့ ဘုရား)။
Very well. If I must explain the meaning of this to all of you, Yogis, consider your own body. Understand that it is just the Five Aggregates (Khandhas). Yet, you are affectionately attached to your own body through Craving (Taṇhā). That Craving resides right here. (Yes, Sir).
ဒါက ကိုယ့်ခန္ဓာ၊ ဝမ်းထဲက တဏှာက ကိုယ့်ခန္ဓာကို ခင်နေတယ်၊ မာနကလည်းကိုယ့်ခန္ဓာကြည့်ပြီး မာနမြင့် နေတယ်၊ ဒိဋ္ဌိကလည်း ကိုယ့်ခန္ဓာကို ငါ့ဟာ၊ ငါ့ဥစ္စာလို့ ထင်နေတယ်၊ ဒီလို ထင်နေလို့ရှိရင် ခန္ဓာမှာ ဘာဖြစ်ဖြစ် ခင်နေတဲ့ပုဂ္ဂိုလ်ကျတော့ ခန္ဓာဖြစ်လို့ရှိရင် လှုပ်လာတာပဲ (မှန်ပါ့ ဘုရား)။
This is your body. The Craving inside you clings to it. Conceit (Māna) puffs you up when you look at it. Wrong View (Diṭṭhi) makes you perceive it as "I", "Mine", and "My Self". As long as you hold these views and cling to the body, whenever something happens to the Khandhas, you will definitely be shaken. (Yes, Sir).
နိဿိတဿ=မှီနေသောပုဂ္ဂိုလ်အား တဏှာ၊ မာန၊ ဒိဋ္ဌိနဲ့ ဒီခန္ဓာကြီးကို မှီနေတဲ့ပုဂ္ဂိုလ်အား၊ စလိတံ=ခန္ဓာက ဖောက်ပြန်သည်ရှိသော် လှုပ်သည်၊ ဟောတိ=ဖြစ်၏။
Nissitassa: For the person who depends upon. That means, for the one who relies on this body with Craving, Conceit, and Wrong View. Calitaṃ hoti: They are shaken when the Khandhas alter and change.
ခန္ဓာနဲ့ တဏှာနဲ့ ဆက်သွယ်နေရင် ခန္ဓာက အိုလာလည်း ဖောက်ပြန်တာပဲ၊ နာဂလဲ ဖောက်ပြန်တာပဲ၊ ခန္ဓာက ပျက်စီးကော ဖောက်ပြန်တာပဲ။
If there is a connection between the Khandhas and Craving, you will be shaken when the Khandhas age, when they fall sick, and when they are destroyed. All of these are alterations of the body.
ဒါဖြင့် ခန္ဓာနဲ့ တဏှာနဲ့ မကွဲသေး၊ ခန္ဓာနဲ့ မာနနဲ့ ဆက်စပ်နေသေးတယ်၊ ခန္ဓာနဲ့ ဒိဋ္ဌိနဲ့ ဆက်သွယ်နေ သေးလို့ ရှိရင် ခန္ဓာဖောက်ပြန်တိုင်း ခင်ဗျားတို့ လှုပ်မယ်ဆိုတာ ဆရာဝန်ကြီးတို့ မှတ်ထားရမယ် (မှန်ပါ့ ဘုရား)။
Therefore, Yogis, firmly remember this: If your Khandhas have not yet separated from Craving, if they are still tied to Conceit, and if they are still connected to Wrong View, you will be shaken every single time the Khandhas change. (Yes, Sir).
ခန္ဓာဖောက်ပြန်တိုင်း ဘာဖြစ်ရမတုံး
What Happens When the Khandhas Change?
ခန္ဓာဖောက်ပြန်တိုင်း ဘာဖြစ်ရမတုံး (လှုပ်နေမှာပါ ဘုရား) လှုပ်နေမှာပဲ (မှန်ပါ့) လှုပ်နေမယ်ဆိုတဲ့ဥစ္စာ မှတ်ထားပါ (မှန်ပါ့ ဘုရား)။
Whenever the Khandhas change, what happens to you? (We are shaken, Sir). Indeed, you are shaken. (True, Sir). Keep this well in mind. (Yes, Sir).
ဪ ဘယ့်နှယ်ကြောင့် ဒို့သည်ကား လို့ ဆိုလို့ရှိရင် ဒီမှာနေပေမဲ့လည်း အဝေးက အကြောင်းတွေ ကြားရတဲ့ အခါ ဟိုက်ကနဲ ဖိုကနဲ ဖြစ်မှ ဖြစ်ရလေဆိုတဲ့အသံတွေ ထွက်လာတာ ဘာကြောင့်ပါလိမ့်မလဲလို့ မေးတဲ့အခါကျတော့မှ ခင်ဗျားတို့ နဂိုက ဆက်နေလို့ (မှန်ပါ့) ပေါ်ကြပြီလား (ပေါ်ပါပြီ) နဂိုက ဆက်နေလို့ ဘာဖြစ်တာတုံး (လှုပ်တာပါ ဘုရား)။
Now, consider this: even while you are sitting here safely, if you hear bad news from afar, your heart skips a beat and you gasp, "Oh no!" Why does this happen? It is because you are already inherently connected to those things through Craving! (Yes, Sir). Do you understand now? (We do). Because of that inherent connection, what happens? (We are shaken, Sir).
ဒါဖြင့် ဝေးတာ၊ နီးတာ လိုရင်းလား၊ တဏှာနဲ့ ခန္ဓာနဲ့ ဟိုက သားသမီးခန္ဓာဖြစ်စေ၊ မိမိခန္ဓာဖြစ်စေ ကိုယ့်တဏှာနဲ့ ခန္ဓာနဲ့ ဆက်နေသေးလို့ရှိရင်ဖြင့် အားလုံးမှတ်ကြပါ၊ လှုပ်မှာပဲ (မှန်ပါ့ ဘုရား)။
So, does distance—far or near—matter? Whether it is the Khandhas of your children or your own Khandhas, as long as your Craving is connected to the Khandhas, mark my words: you will be shaken. (Yes, Sir).
နိဿိတဿ=ခန္ဓာကို တဏှာနဲ့ခင်၊ မာနနဲ့ထင်နေတယ်၊ ဒိဋ္ဌိနဲ့စွဲနေတဲ့ ပုဂ္ဂိုလ်များအား ခန္ဓာက အနာပေါက်ရင် လှုပ်တာပဲ (မှန်ပါ့) ခန္ဓာက ဖျားလာရင်ကော (လှုပ်ပါတယ် ဘုရား) လှုပ်တာပဲ တဲ့။
Nissitassa: For those who cling to the Khandhas with Craving, Conceit, and Wrong View, if a boil appears on the body, they are shaken. (Yes, Sir). If the body gets a fever? (They are shaken, Sir). Indeed, they are shaken.
ဒီဟာတွေက အကုန်လှုပ်လာတာပဲ အဲဒါ ဘယ့်နှယ်ကြောင့်တုံးဆိုတော့ ခန္ဓာနဲ့ ဒီတဏှာတွေနဲ့ မှီနေကြလို့၊ ဒါရှင်စုန္ဒက ဟောသည် (မှန်ပါ့ ဘုရား)။
You are completely shaken by all these things. Why? Because you are relying on the Khandhas with Craving. This is exactly what Venerable Cunda was teaching. (Yes, Sir).
နိဿိတဿ= ခန္ဓာကို တဏှာ၊ မာန၊ ဒိဋ္ဌိနဲ့ မှီနေသောပုဂ္ဂိုလ်အား၊ စလိတံ= ခန္ဓာလှုပ်သည်ရှိသော် သူတို့လည်း လှုပ်ကြတာပဲ၊ သဘောပါကြပြီလား (ပါပါပြီ ဘုရား)။
Nissitassa: For the person who relies on the Khandhas through Craving, Conceit, and Wrong View. Calitaṃ: When the Khandhas shake, they themselves are shaken. Do you grasp the meaning? (Yes, we do, Sir).
ခန္ဓာလှုပ်ရင် ခင်ဗျားတို့လည်း အကုန်လှုပ်တာပဲ၊ ဘာဖြစ်ဦးမှာပါလိမ့် ရှေ့တိုးမလှုပ်ဘူးလား (လှုပ်ပါတယ် ဘုရား) ခန္ဓာက အခု ခေါင်းကိုက်တယ်၊ တော်တော်ကြာကျလို့ရှိရင် ဒီထက်များ ပြင်းထန်လာဦးမှာလားဆိုပြီး မလှုပ် ဘူးလား (လှုပ်ပါတယ် ဘုရား)။
When your body shakes, you are entirely shaken too. You start worrying, "What will happen next?" Doesn't your anxiety escalate? (It does, Sir). Right now, you just have a headache. But soon you worry, "What if it gets worse?" Are you not shaken? (We are shaken, Sir).
ဟာ ဒီဝေဒနာနဲ့ပဲ သေတော့မှာလားဆိုတာကော (လှုပ်ပါတယ် ဘုရား) မလှုပ်ဘူးလား (လှုပ်ပါတယ် ဘုရား) အဲ စိုးရိမ်ကြောင့်ကျ ဗျာပါဒဟူသ၍ဟာ အလှုပ်ချည့်ပဲ (မှန်ပါ့) ရှင်းပြီလား (ရှင်းပါပြီ ဘုရား)။
You fret, "Am I going to die from this pain?" (We are shaken, Sir). Are you not shaken? (We are shaken, Sir). Every single worry, anxiety, and distress (Vyāpāda) is simply you being shaken. (True, Sir). Is that clear? (Yes, it is, Sir).
ခန္ဓာနဲ့ တဏှာနဲ့ ဆက်နေလို့
Because the Khandhas and Craving are Connected
ဒါဖြင့် ဘယ့်နှယ့်ကြောင့် ဆရာဝန်ကြီးတို့ လှုပ်ရသလဲ မောင်ချစ်စိန်တို့ လှုပ်ရသလဲမေးရင် ဘယ့်နှယ်ဖြေကြမလဲ (ခန္ဓာနဲ့ တဏှာနဲ့ ဆက်နေလို့ပါ ဘုရား)။
So, if I ask why all of you Yogis are shaken like this, how would you answer? (Because the Khandhas and Craving are connected, Sir).
အေး ခန္ဓာကို တဏှာကမှီနေတယ် (မှန်ပါ့) ဒိဋ္ဌိက မှီနေတယ်၊ မာနက မှီနေတယ်၊ ရှင်းပြီလား (ရှင်းပါပြီ) မမှီရင် (မလှုပ်ပါ ဘုရား) မှီရင်တော့ဖြင့် (လှုပ်ပါတယ် ဘုရား)။
Exactly! Craving relies on the Khandhas. (Yes, Sir). Wrong View relies on them. Conceit relies on them. Is that clear? (Yes, it is). If you don't rely on them? (We are not shaken, Sir). But if you do rely on them? (We are shaken, Sir).
ဪ ဒါဖြင့် ခင်ဗျားတို့ အဝေး၊ အနီး လိုရင်းလား အကြောင်း၊ အကျိုး ဆက်နေတာ လိုရင်းလာလို့ မေးရင် ဘယ့်နှယ်ဖြေကြမလဲ (အကြောင်း၊ အကျိုး ဆက်နေတာ လိုရင်းပါ ဘုရား)။
Therefore, if I ask whether the distance—near or far—is the main issue, or if the connection of causes and effects is the main issue, how will you answer? (The connection of causes and effects is the main issue, Sir).
အဲ တဏှာ ဒိဋ္ဌိတို့က မှီနေလို့ရှိရင် ဒါအမြဲတမ်းလှုပ်မှာပဲ (မှန်ပါ့) ရှင်းပြီလား (ရှင်းပါပြီ ဘုရား)။
Indeed. As long as Craving and Wrong View rely on the Khandhas, you will constantly be shaken. (True, Sir). Is that clear? (Yes, it is, Sir).
အဲဒီတော့ ဒီမှာ အကဲခတ်ပါ တဲ့၊ ဒီမှာအကဲခတ်ပါ၊ သူက သူ့ခန္ဓာက ခေါင်းကိုက်တာလဲ တဲ့၊ ထိပ်ကို စူးရိုး ကလေးနဲ့ ထိုးလိုက်သလို နာပါတယ်တဲ့ ဆန္ဒက (မှန်ပါ့ ဘုရား)။
Now, observe Channa's situation carefully. Channa said that the pain in his head felt as if someone was piercing his skull with a sharp thorn. (Yes, Sir).
ဝမ်းထဲမှာလဲ သားလှီးဓါးနဲ့မွှေသလို လေနာထပါတယ် တဲ့၊ ပူလိုက်တာလည်း လူနှစ်ယောက်က လက်မောင်း နှစ်ခုကိုကိုင်ပြီး မီးဖိုမှာကင်သလို သူ့ကိုယ်ကြီးကို မီးဖိုမှာကင်သလို ဒါလောက်ပဲ ပူပါတယ် တဲ့။
He said the colic pain in his abdomen felt like a butcher's knife carving him up inside. And the burning sensation! He felt as though two strong men had grabbed him by both arms and were roasting his body over a pit of glowing coals. That was how intense the burning was!
ဒါ့ကြောင့် သူ့ခန္ဓာကြီးကို ဒီအတိုင်းမထားချင်တော့ဘူး၊ လည်းပင်းဓါးနဲ့လှီးပြီး သေတော့မယ်လို့ စိတ်ကူးတယ် ဆိုတာ ဒါဟာ သူလှုပ်တဲ့စကားတွေပဲ (မှန်ပါ့ ဘုရား) ရိပ်မိပြီလား (ရိပ်မိပါပြီ ဘုရား)။
Because of this, he no longer wanted to keep his body. He decided to slit his own throat and die. These very thoughts were the words of a shaken man. (True, Sir). Do you see it? (Yes, we do, Sir).
အဲဒီလှုပ်တဲ့စကားတွေဟာ သူ့ခန္ဓာကို ဝေဒနာနှိပ်စက်လို့ လှုပ်နေတာ (မှန်ပါ့) ရှင်းကြပြီလား (ရှင်းပါပြီ) ဒါဖြင့် နိဿိတဿ စလိတံ ဆိုတာ သဘောကျပြီလား (ကျပါပြီ ဘုရား)။
Those shaken words arose because he was being oppressed by the severe pain (Vedana) in his Khandhas, causing him to tremble mentally. (Yes, Sir). Is it clear? (Yes, it is). So, are you convinced of the meaning of "Nissitassa calitaṃ"? (Yes, we are, Sir).
အဆက်အသွယ်ကင်းသွားလို့ရှိရင် မလှုပ်ဘူး
When the Connection is Severed, You Are Not Shaken
အနိဿိတဿ စလိတံ နတ္ထိ=တဲ့၊ ရှင်စုန္ဒက ပြောလိုက်တယ်၊ ဒီခန္ဓာနဲ့ ဒီတရားနဲ့ဟာ ဘယ်နည်းနဲ့မှ မဆက်တော့ ဘူး၊ ဒီ တဏှာ၊ မာန၊ ဒိဋ္ဌိဟာ ချုပ်နေလို့ရှိရင်ဖြင့် တဲ့၊ ဒီပြင်စိတ်တွေ ရှိပါတယ် တဲ့၊ ကျုပ်တို့ ခင်ဗျားတို့မှာနော် (မှန်ပါ့) ဒီ တဏှာ၊ မာန၊ ဒိဋ္ဌိကသာ ချုပ်သွားရင် ဒီခန္ဓာကြီးက ဘာဖြစ်နေနေ လှုပ်သေးသလား (မလှုပ်ပါ ဘုရား)။
"Anissitassa calitaṃ natthi" — Venerable Cunda continued. This means that when there is absolutely no connection between the Khandhas and the defilements, when Craving, Conceit, and Wrong View have totally ceased, you are no longer shaken. We all still have other types of consciousness, right? (Yes, Sir). But if only this Craving, Conceit, and Wrong View cease, no matter what happens to this physical body, will you be shaken? (No, Sir).
ဒါဖြင့် တဏှာ၊ မာန၊ ဒိဋ္ဌိနဲ့ ဒီခန္ဓာကြီးနဲ့ အဆက်အသွယ်ကင်းသွားလို့ရှိရင် မလှုပ်ဘူးလို့မှတ်ပါ (မှန်ပါ့) ရှင်းပြီလား (ရှင်းပါပြီ ဘုရား)။
Therefore, understand that when the connection between the Khandhas and Craving, Conceit, and Wrong View is severed, you will never be shaken again. (Yes, Sir). Is that clear? (Yes, it is, Sir).
ဪ ဒါဖြင့် ဒီဥစ္စာက ဘာဟောကတုံး လို့ မေးတဲ့အခါကျလို့ရှိရင် မလှုပ်တော့ဘူးဆိုတဲ့ဥစ္စာက တဏှာ နိရောဓေါ နိဗ္ဗာနံ ခန္ဓာရှိပေမဲ့ သူနိဗ္ဗာန် ရောက်နေပြီမှတ်ပါ (မှန်ပါ့ ဘုရား)။
What exactly is this teaching pointing to? Being "unshaken" means Taṇhā-nirodho Nibbānaṃ. Although the Khandhas still exist, the person has already reached Nibbana. (Yes, Sir).
ခန္ဓာရှိပေမဲ့ (နိဗ္ဗာန်ရောက်နေပါပြီ ဘုရား) နိဗ္ဗာန်ရောက်နေတာ၊ သဥပါဒိ သေသ နိဗ္ဗာန်ကို ဟောပါတယ် (မှန်ပါ့) သဥပါဒိသေသနိဗ္ဗာန် ခန္ဓာရှိပေမဲ့လည်း ခန္ဓာသာမချုပ်သေးတယ်၊ တဏှာချုပ်တယ်ဆိုတဲ့ နိဗ္ဗာန် ဟောတယ် (မှန်ပါ့ ဘုရား)။
Even though the Khandhas exist... (They have reached Nibbana, Sir). Yes, they have reached Nibbana. This refers to Sa-upādisesa Nibbāna. (Yes, Sir). Sa-upādisesa Nibbāna means that while the physical body has not yet perished, Craving has completely ceased. This is the Nibbana being taught here. (Yes, Sir).
စလိလေ အသတိ၊ စလိတေ=လှုပ်ခြင်းသည်၊ အသတိ=မရှိခဲ့သည်ရှိသော်၊ ပဿဒ္ဓိ ကာယပဿဒ္ဓိ စိတ္တပဿသဒ္ဓိ ဆိုတဲ့ ဥစ္စာငြိမ်းသွားတယ် (မှန်ပါ့) ကိုယ်လည်းငြိမ်း၊ စိတ်လည်းငြိမ်းသွားတယ် (မှန်ပါ့ ဘုရား)။
Calite asati. Calite: the shaking. Asati: when it is absent. When there is no shaking, Passaddhi (Tranquility) arises. This means Kāya-passaddhi (Tranquility of Body) and Citta-passaddhi (Tranquility of Mind) are achieved. (Yes, Sir). Both the body and the mind become perfectly peaceful. (Yes, Sir).
ခင်ဗျားတို့ ဝိပဿနာရှုပြီးနေတဲ့အခါကျတော့ ပဋ္ဌမ ဖြစ်ပျက်တွေမြင်တာပဲ၊ နောက် မုန်းသွားတယ် ဆိုပါတော့၊ မုန်းပြီးသည်၏ အခြားမဲ့၌ ဒီခန္ဓာကြီးဟာ ဒုက္ဓသစ္စာကြီးပါလား မလိုချင် မရချင်တော့ဘူးဆိုရင် ချုပ်တယ်၊ ခန္ဓာပါ ပျောက်ထွက်သွားတယ် (မှန်ပါ့ ဘုရား)။
When you practice Vipassana and observe, first you see the arising and passing away. Then, let us say, you become disgusted (Nibbida) by them. Immediately after that disgust, you realize, "Oh, this body is nothing but the Truth of Suffering (Dukkha Sacca)!" You no longer want it; you no longer desire it. At that moment, everything ceases. Even the Khandhas vanish from your awareness. (Yes, Sir).
ဉာဏ်ကလေး ကျန်ရစ်နေတယ်
Only the Insight Remains
ခန္ဓာပါ ပျောက်ထွက်သွားပြီး ဉာဏ်ကလေး ကျန်ရစ်နေတယ်လို့ ဆရာဝန်ကြီး မှတ်ရမယ် (မှန်ပါ့) အဲဒီအခြေ အနေရောက်အောင် အားထုတ်ရမယ် (မှန်ပါ့ ဘုရား)။
Yogis, you must understand that the Khandhas disappear utterly, and only the Insight Knowledge remains. (Yes, Sir). You must strive to reach that exact state! (Yes, Sir).
ဉာဏ်ကလေး ကျန်သည့်တိုင်အောင် ခန္ဓာက ပျောက်ထွက်သွားရမယ် (မှန်ပါ့) အဲဒီအချိန်ကျတော့ ခန္ဓာကိုယ် ကြီးလည်း မရှိတဲ့အတွက် ငြိမ်းတယ် (မှန်ပါ့ ဘုရား)။
The Khandhas must vanish completely until only the Insight Knowledge is left behind. (Yes, Sir). At that moment, because the perception of the physical body is gone, there is total peace. (Yes, Sir).
စိတ္တပဿဒ္ဓိတဲ့= ကိလေသာတွေနဲ့ ပတ်သက်တာလည်း မရှိတဲ့အတွက် ငြိမ်းတယ် (မှန်ပါ့) ကိုယ်ငြိမ်း စိတ်ငြိမ်း ကိလေသာတွေ မရှိတဲ့အတွက် ငြိမ်းလို့ရှိရင်ဖြင့် ဒါမိမိတို့ နိဗ္ဗာန်ရောက်ပြီလို့ အောက်မေ့ပါ (မှန်ပါ့ ဘုရား)။
Citta-passaddhi: Because there is no longer any connection to defilements (Kilesa), the mind is totally peaceful. (Yes, Sir). When the body is peaceful, the mind is peaceful, and the defilements are absent, realize that you have attained Nibbana! (Yes, Sir).
ကိုယ်လည်းငြိမ်းသွားပြီ စိတ်လည်းငြိမ်းသွားပြီ ကိလေသာလည်း ဝမ်းထဲမှာ မရှိတော့ဘူူး၊ ရုပ်နာမ်တွေကြည့်ရင်း မတ္တနဲ့ ရှာမတွေ့လို့ ကာယပဿဒ္ဓိ စိတ္တပဿဒ္ဓိ ကိလေသာပဿဒ္ဓိလို့ ပဿဒ္ဓိသုံးမျိုးရှိတယ်လို့ အဌကထာ ဆရာဖွင့် တယ် (မှန်ပါ့ ဘုရား)။
The body is at peace. The mind is at peace. There are no defilements left within you. As you watch and observe Mind and Matter (Nama-Rupa), you can no longer find them. The Commentators explain this as the three types of Tranquility: Kāya-passaddhi (Tranquility of Body), Citta-passaddhi (Tranquility of Mind), and Kilesa-passaddhi (Tranquility from Defilements). (Yes, Sir).
ပဿဒ္ဓိသုံးမျိုးရှိတယ်
Three Kinds of Tranquility
အဲဒီကဲ့သို့ ရှုလိုက်လို့ ဒုက္ခတွေချုပ်ငြိမ်းသွားတဲ့အခါ ကိုယ်လည်းရှာမတွေ့ဘူး ငြိမ်းတယ်၊ စိတ်တွေလည်း တစ်ခါတည်း ငြိမ်းသွားတာပဲ၊ ဘာမှမရှိဘူး၊ ရှုဉာဏ်ကလေးတစ်ခုပဲ ကျန်ရစ်တယ် (မှန်ပါ့ ဘုရား)။
When you observe like this, and all suffering completely ceases, you can no longer find the body. It is at peace. The mind also becomes instantly peaceful. Nothing is left. Only the observing Insight Knowledge remains. (Yes, Sir).
ကိလေသာလည်း ရှာလို့မတွေ့ဘူး ရှုနေတဲ့ ဉာဏ်ကလေးတစ်ခုတည်း ကျန်ရစ်အောင် ခင်ဗျားတို့ ဝိပဿနာ လုပ်ကြပါ (မှန်ပါ့) ခန္ဓာတော့ ပျောက်ရမယ်လို့ မှတ်ထား (မှန်ပါ့ ဘုရား)။
You must practice Vipassana until the defilements cannot be found, until only the observing Insight Knowledge stands alone. (Yes, Sir). Keep in mind that the Khandhas must vanish from your perception. (Yes, Sir).
ပဿဒ္ဓိယာ သတိ ပဿဒ္ဓိ ဆိုတဲ့ ကိုယ်လည်းငြိမ်း၊ စိတ်လည်းငြိမ်း၊ ကိလေသာလည်းငြိမ်းမယ်ဆိုရင် နတိ န ဟောတိတဲ့ (မှန်ပါ့) နတိ=တဏှာ၏ ညွှတ်ရာ ဘုံဘဝသည်၊ နဟောတိ=မဖြစ်တော့ဘူး-တဲ့၊ နောက်ဘုံဘဝ မဖြစ်တော့ပါ ဘူးတဲ့ (မှန်ပါ့) သဘောကျပြီလား (ကျပါပြီ ဘုရား)။
Passaddhiyā sati: When this Tranquility is present—when the body, mind, and defilements are all at peace—then Nati na hoti. (Yes, Sir). Nati: The leaning of Craving towards a new existence. Na hoti: It no longer happens. There will be no more future existences! (Yes, Sir). Are you convinced? (Yes, we are, Sir).
အဲဒါကြောင့် ခင်ဗျားတို့သည် အားထုတ်တဲ့ ဒကာ ဒကာမတွေသည် ပဋ္ဌမ အရေးကြီးတာက ဆန္နကို ဒီလောက် မပြောချင်ပါဘူး။
Therefore, Yogis who are practicing, the most crucial thing for you is not merely to focus on Channa.
ဆန္နဟာ အကိုးအကား လုံလောက်အောင်သာ သူ့ကိုဝတ္ထုထုတ်ပါတယ်၊ စင်စစ်တော့ ခင်ဗျားတို့ ကိုယ့်ခန္ဓာ ကိုယ်ကြည့်ပြီးတော့ ဟိုနေရာကပေါ်လာ ဒီနေရာကပေါ်လာ၊ ပေါ်လာတာ ကလေးတွေကို ပဋ္ဌမ ရှေးဦးစွာ ဉာဏ်တွေ့ ဖြစ်ဖို့ အရေးကြီးပါတယ် (မှန်ပါ့ ဘုရား)။
I brought up Channa's story just to provide sufficient scriptural context. In reality, you must watch and observe your own Khandhas. Sensations appear here; they appear there. The most important first step is for your Insight Knowledge to directly encounter these arising phenomena. (Yes, Sir).
ဉာဏ်တွေ့ဖြစ်ဖို့ အရေးကြီးတယ်
Direct Encounter with Insight is Crucial
ဉာဏ်တွေ့ဖြစ်ဖို့ အရေးကြီးပြီး သကာလ ဪ ဒီပေါ်လာတာကလေးဟာ အင်း ဒါအနိစ္စကလေးတွေပဲ၊ အခုပေါ်ပြီး အခုပျောက်တာပဲ၊ အခုပေါ် အခုပျောက်ကြတာပဲလို့ တစ်ခုစတွေ့လို့ရှိရင် အဲဒီနေရာကနေပြီး ရှောက်လိုက် သွား၊ ရှောက်လိုက်သွားလို့ရှိရင်ဖြင့် ပေါ်ပျောက်၊ ပေါ်ပျောက်နဲ့ ဒါကလေးတွေပဲ တွေ့မှာပဲ၊ ဒီအပြင် ဘာမှ တွေ့စရာ မရှိဘူး (မှန်ပါ့ ဘုရား)။
It is crucial for your Insight to encounter them. Then you will realize, "Oh! These arising things are just Impermanence (Anicca). They arise now, and they vanish now. They arise, and they pass away." Once you start seeing this, keep following it continuously. As you follow it, you will only see arising and passing away, arising and passing away. Apart from this, there is absolutely nothing else to find. (Yes, Sir).
အဲ တွေ့လို့ရှိရင်ဖြင့် ဒီဥစ္စာကို သဲသဲမဲမဲ စူးစူးစိုက်စိုက်လိုက်ပေးကြပါဆိုတဲ့ ဥစ္စာ ကိုယ့်ဝတ္တရား (မှန်ပါ့ ဘုရား)။
When you find this, it is your duty to relentlessly and intensely focus on it. (Yes, Sir).
လိုက်ရာကနေပြီး သကာလ အချိန်ကြာ၍ သော်လည်းကောင်း ကိုယ့်ဉာဏ်ကထက်၍ မကြာပဲနေ၍ သော်လည်း ကောင်း၊ ဒါသည်ကားလို့ ဆိုရင် မုန်းတဲ့ဉာဏ်တွေဟာ ပေါ်လာတာပဲ (မှန်ပါ့ ဘုရား)။
As you keep pursuing it—whether it takes a long time, or whether your Insight is sharp and it doesn't take long at all—the Knowledge of Disgust (Nibbida Ñāṇa) will inevitably arise. (Yes, Sir).
ဒါတွေကြည့်နေရာတဲ့ ဥစ္စာ မုန်းစရာကြီးပါလား၊ ရွံစရာကြီးပါလားဆိုတဲ့ဥစ္စာ ပေါ်လာတယ် (မှန်ပါ့ ဘုရား)။
You will feel, "Watching these things endlessly is utterly disgusting! It is repulsive!" This realization will dawn on you. (Yes, Sir).
နောက်ကျတော့ ဒါတွေတွင်မကဘူး၊ မုန်းစရာ၊ ရွံစရာတွေတင် မကတော့ဘူး ဒါမရှိနိုင်အောင် တတယ်ဆို တာလာလိမ့်မယ် ကြီးပါလားဆိုတဲ့ ဥစ္စာ ပေါ်လာတယ် (မှန်ပါ့ ဘုရား)။
Later on, it goes beyond just being disgusting and repulsive. A profound realization will arise, a deep yearning for these things to cease completely. (Yes, Sir).
အဲဒီကဲ့သို့ လာခဲ့သည်ရှိသော် ဒီဖြစ်ပျက်တွေသည်ကားလို့ ဆိုလို့ရှိရင်ဖြင့် ခင်ဗျားတို့မရှိရင် ကောင်းတယ်ဆို တာ ကိုယ့်ဝမ်းထဲမှာ ခုနင်ကတဏှာမာန ဒိဋ္ဌိသေတာနဲ့ လေးပိုင်းတစ်ပိုင်း သေတာနဲ့ တစ်ခါတည်း သူတို့ ချုပ်သွားတယ် (မှန်ပါ့ ဘုရား)။
When that happens, the thought arises: "It would be better if these arisings and passings away did not exist at all." Right then, inside you, as Craving, Conceit, and Wrong View are partially eradicated, the phenomena simply cease. (Yes, Sir).
ချုပ်သွားလို့ရှိရင်ဖြင့် ခင်ဗျားတို့မှာ ကြည့်ရင်းမတ္တနဲ့ ချုပ်သွားလို့ရှိရင် ကိုယ်လဲငြိမ်းတော့မယ်၊ စိတ်လဲငြိမ်း တော့မယ်၊ ခုနင်ကတဏှာမာန ဒိဋ္ဌိဆိုတဲ့ ကိလေသာလဲ ငြိမ်းတော့မယ်လို့မှတ်ပါ (မှန်ပါ့) ဒါအလုပ်စဉ်လို့ မှတ်ပါ (မှန်ပါ့ ဘုရား)။
When they cease just as you are watching, your body will become perfectly peaceful, your mind will become peaceful, and those defilements—Craving, Conceit, and Wrong View—will be extinguished. (Yes, Sir). Remember this sequence of practice well. (Yes, Sir).
ယထာဘူက ဉာဏ်
Yathabhuta Ñana (Knowledge of Seeing Things as They Are)
ဒါဖြင့် ဖြစ်ပျက်ကိုမြင်တာသည် ယထာဘူက ဉာဏ်လို့မှတ်ပါ၊ မုန်းလာတာ၊ နိဗ္ဗိန္ဒ ဉာဏ်လို့ မှတ်ပါ၊ ခုနင်က ကိုယ်ရောစိတ်ရောငြိမ်းပြီး ဖြစ်ပျက်တွေ ဆုံးသွားတာက မဂ်ဉာဏ်လို့ မှတ်ပါ၊ (မှန်ပါ့) ဒီအတိုင်း ဘုန်းကြီးတို့ ဒကာဒကာမ တွေ ဒီဉာဏ်စဉ်အတိုင်း ကြိုးစားရမယ် (မှန်ပါ့ ဘုရား)။
Therefore, understand that seeing the arising and passing away is Yathābhūta Ñāṇa (Knowledge of Seeing Things as They Are). Feeling disgust towards them is Nibbida Ñāṇa (Knowledge of Disgust). When both body and mind become utterly peaceful and the arisings and passings away come to a complete end—that is Magga Ñāṇa (Path Knowledge). (Yes, Sir). My Yogis, you must strive precisely according to this progression of Insights. (Yes, Sir).
ကိုယ့်ဟာကိုယ် ဆုံးဖြတ်ချက်ချ။ ဪ ဖြစ်ပျက်ကလေးတွေချည်း၊ ချုပ်တာ ကလေးတွေချည်း မြင်နေလို့ ရှိရင်ဖြင့် ယထာဘူတဉာဏ်ရပြီ “ယထာဘူတ ဉာဏန္ဒိ ယထာ သဘာဝဇာနနဉာဏ” ဆိုတဲ့အတိုင်း ဟုတ်တိုင်းမှန်စွာ သိတဲ့ဉာဏ်ရပြီ (မှန်ပါ့) မျက်စိနှစ်ကွင်း အသင်းရပြီလို့ ဆရာဝန်ကြီးမှတ်ရမယ်နော် (မှန်ပါ့ ဘုရား)။
Evaluate yourself! If you are continuously seeing only the arisings and passings away, only the ceasings, realize that you have attained Yathābhūta Ñāṇa. As the text says, "Yathābhūta ñāṇanti yathā sabhāvā jānanañāṇaṃ"—you have attained the knowledge that sees things exactly as they are in their true nature. (Yes, Sir). Yogis, consider that your Dhamma eyes are now completely clear and perfect. (Yes, Sir).
အပျက်ကလေးတွေချည်း မြင်နေလို့ရှိရင်ဖြင့် ဪ-နေရာကျပြီ ဒီဥစ္စာ နိဗ္ဗာန်ရောက်ဖို့ရာသည်ကားလို့ ဆိုလို့ရှိရင် နောက်တစ်ဆင့်တက်ပြီးရင်ရောက်မှာဘဲ ဒီအတိုင်း အားလုံးတရားအားထုတ်တဲ့ ပုဂ္ဂိုလ်တွေ ထုတ်ရမယ် (မှန်ပါ့) အပျက်ကိုမြင်အောင် ကြည့်ရမယ်နော် (မှန်ပါ့ ဘုရား)။
If you are seeing only the passing away, think to yourself: "Excellent! To reach Nibbana from here, I just need to step up to the next level, and I will be there." All meditating Yogis must practice in exactly this manner. (Yes, Sir). You must watch and observe until you see the passing away. (Yes, Sir).
ကောင်းပြီ ဒါဖြင့် ဉာဏ်နဲ့ ကြည့်ပြီးတဲ့အခါကျလို့ ရှိရင်ဖြင့် မြင်ပါများရင် ဘာဖြစ်မယ် ထင်ကြသတုန်း၊ မုန်းမယ် (မှန်ပါ့) အပျက်တွေမြင်ပါများရင် ဘာဖြစ်မတုန်း (မုန်းပါတယ် ဘုရား)။
Very well. When you observe with Insight and see this frequently, what do you think will happen? You will become disgusted! (Yes, Sir). If you repeatedly see the passing away, what happens? (We become disgusted, Sir).
ကဲ မုန်းပေမယ့်လဲ ဆရာဘုန်းကြီးက မှာထားတယ်၊ ဒါတွေ့လတ္တံ့တွေဖြစ်နေလို့ မုန်းပေမယ့်လဲ ခင်ဗျားတို့သည် မုန်းမုန်းနဲ့ ကြည့်နေပါ (မှန်ပါ့ ဘုရား)။
Now, even though you are disgusted, I have given you strict instructions. Because these are the stages you must encounter, even if you feel disgusted, you must continue to watch and observe right through that disgust. (Yes, Sir).
မုန်းမုန်းနဲ့ ကြည့်နေပါ
Continue to Watch Even Through Disgust
ဘယ့်နှယ့်ကြောင့် အကြည့်ခိုင်းပါလိမ့်မတုံးလို့ အမေးပုစ္ဆာထုတ်ခဲ့သော် အမုန်းသန်ရင် မလိုချင်တဲ့ဉာဏ်လာလိမ့် မယ် (မှန်ပါ့ ဘုရား)။
If you ask, "Why must we keep watching?", the answer is: when the disgust intensifies to its peak, the Knowledge of Dispassion (not wanting them anymore) will arise. (Yes, Sir).
အမုန်းသန်ရင် (မလိုချင်တဲ့ဉာဏ်လာမှာပါ ဘုရား) မလိုချင်တဲ့ဉာဏ် လာလိမ့်မယ်လို့မှတ်စမ်းပါ (မှန်လှပါ ဘုရား)။
When the disgust intensifies? (The Knowledge of Dispassion will arise, Sir). Mark this well: the Knowledge of Dispassion will definitely arise. (Yes, Sir).
အဲဒီတော့ ဒါဖြင့် မုန်းလျှက်နဲ့ပေပြီး သကာလ ရှုပေးပါ၊ မလိုချင်တဲ့ဉာဏ် မုချလာလိမ့်မယ် (မှန်ပါ့) အဲဒီလို မလိုချင်တဲ့ဉာဏ် လာလို့ရှိရင်လဲ သူမလိုချင်တဲ့ဉာဏ် ဟုတ်တယ်၊ မဟုတ်တယ် ဟာ ဆရာဝန်ကြီးတို့ အကဲခတ်ရမှာက ရှေ့မှာ ဘာမှရှုစရာကို မရှိလောက်အောင် ဖြစ်ပျက်တွေ ဖြစ်ပျက်တွေ အကုန်ချုပ်ပြီးသကာလ ဪ-ဖြစ်ပျက်ချုပ် ငြိမ်းတဲ့သဘော ပေါ်လာလို့ရှိရင်ဖြင့် ဪ ဒါဟာ မဂ်ဉာဏ်ပေါ်လာတာဘဲလို့ ဆုံးဖြတ်ချက်ချပါ (မှန်ပါ့) သဘောကျပြီ နော် (ကျပါပြီ ဘုရား)။
Therefore, endure the disgust and keep observing. The Knowledge of Dispassion will inevitably follow. (Yes, Sir). When the Knowledge of Dispassion arises, how do you verify if it is genuine? You must evaluate it like this: When there is absolutely nothing left in front of you to observe, when all arisings and passings away have completely ceased, and the pure nature of cessation appears—then you can conclude, "Ah, Path Knowledge (Magga Ñāṇa) has arisen!" (Yes, Sir). Do you grasp this? (Yes, we do, Sir).
ဒါဖြင့် ဉာဏ်သုံးဉာဏ်နဲ့ တက်တယ်၊ ကျန်တဲ့ ဉာဏ်တွေကတော့ ဒီအထဲအကုန်ဝင်သွားတာဘဲ။ ကျန်တဲ့ ဉာဏ်တွေ ဒီအထဲအကုန်ဝင်တယ်လို့ မှတ်လိုက် (မှန်ပါ့ ဘုရား)။
So, you ascend through these three primary Insights. All the other detailed sub-insights are simply encompassed within these three. Remember that the rest are all included here. (Yes, Sir).
ကောင်းပြီ ဒါဖြင့် ခုနင်က ဖြစ်ပျက်တွေ ချုပ်ငြိမ်းသွားတဲ့ဆီကို ဉာဏ်က ရောက်နေတဲ့ ပုဂ္ဂိုလ်ကျတော့ လေးခါလောက်သာဖြစ်လို့ရှိရင် ငါနောက်ပဋိသန္ဓေ မနေတော့ဘူး၊ အဇာတိဆိုတဲ့ ပဋိသန္ဓေ မနေရာဖြင့် ငါရောက်ပြီလို့ မှတ်ပါ (မှန်ပါ့ ဘုရား)။
Very well. For the person whose Insight has reached the total cessation of arisings and passings away, if they experience this four times (attaining the four stages of enlightenment), they can declare: "I will not take rebirth again! I have reached Ajāti—the state of no further rebirth!" (Yes, Sir).
ဒါဖြင့် တဏှာညွှတ်စရာ နေရာမရှိဘူး၊ တဏှာသွားစရာနေရာမရှိဘူး၊ တဏှာမရှိလို့ တဏှာသွားစရာ နေရာ မရှိဘူးလို့ မှတ်ထားပါ (မှန်ပါ ဘုရား)။
At that point, there is no place for Craving to lean towards. There is nowhere for Craving to go. Because Craving itself is eradicated, there is no destination for it to seek. Keep this in mind. (Yes, Sir).
အဲဒီတော့ ဒီတဏှာချုပ်လို့ရှိရင် ဘယ်သွားရဦးမယ်၊ ဘယ်လာရဦးမယ်ဆိုတဲ့ ဒီခန္ဓာ၏ လမ်းစဉ် မရှိတော့ပါဘူး (မှန်ပါ့ ဘုရား)။
Therefore, when this Craving completely ceases, the entire trajectory of the Khandhas—moving from here to there, being reborn here and there—is absolutely terminated! (Yes, Sir).
လာရာ သွားရာမရှိတော့ဘူးတဲ့
အပါယ်သွားရဦးမယ်၊ နတ်ပြည်လားရဦးမယ်၊ ဒါတွေမရှိတော့ဘူးတဲ့ (မှန်ပါ့) အာဂတိဂတိ နဟောတိ၊ လာရာ သွားရာမရှိတော့ဘူးတဲ့ (မှန်ပါ့ ဘုရား)။
You will no longer have to go to the lower realms (Apaya), nor will you head to the celestial realms (Deva realms). Such destinations no longer exist. (True, Sir) As the Pali phrase goes, āgati gati na hoti, there is no more coming or going. (True, Sir)
လာရာသွားရာ မရှိလို့ရှိရင်ဖြင့် စုတိပဋိသန္ဓေလဲ မရှိတော့ပါဘူး (မှန်ပါ့) ဖြစ်ပျက်အဆုံးမြင်ပြီးတဲ့ ပုဂ္ဂိုလ် လေးခါလောက်သာမြင်ရင် စုတိပဋိသန္ဓေလဲ မရှိတော့ဘူးတဲ့ (မှန်ပါ့ ဘုရား)။
If there is no more coming or going, then naturally, there is no more death (Cuti) and rebirth (Paṭisandhi). (True, Sir) For a person who has seen the cessation of Arising and Passing Away—having realized it just four times—there is no more death and rebirth. (True, Sir)
အာဂတိဂတိယာ အသတိ စုတူပပါတော နာဟောဘိ၊ စုတိပဋိသန္ဓေလဲ မရှိတော့ဘူးတဲ့၊ စုတိပဋိသန္ဓေ မရှိ လို့ရှိရင်လဲ ဒကာဒကာမတွေ မှတ်စရာက ဤဘုံမှာလဲ နောက်ထပ် မဖြစ်တော့ဘူး၊ ဟိုဘုံမှာလဲ နောက်မဖြစ်တော့ဘူး၊ ဟိုဘုံဒီဘုံအကြားမှာလဲ မဖြစ်တော့ဘူး၊ ချမ်းသာသက်သက်နဲ့ နေရုံပဲရှိတော့တယ်ဆိုတာကို ရှင်စုန္ဒက ရှင်ဆန္နကို ဟောတယ် (မှန်ပါ့ ဘုရား)
Āgati gatiyā asati cutūpapāto na hoti—there is no more death and rebirth. Yogis, mark this well: if there is no more death and rebirth, you will not be reborn in this realm, nor in any other realm, nor anywhere in between. There is only pure, unconditioned peace. This is exactly what the Venerable Cunda preached to the Venerable Channa. (True, Sir)
အဲဒီကဲ့သို့ ရှင်စုန္ဒက စကားမပြောဘဲနဲ့ တရားဟော သွားတယ်လို့ ဆရာဝန်ကြီးက မှတ်ရမယ် (မှန်ပါ့ ဘုရား)။
You must note, Doctor, that the Venerable Cunda did not merely engage in idle talk; he delivered a profound Dhamma discourse. (True, Sir)
ဒါနဲ့ သူတို့ကြွသွားတယ်၊ ကြွသွားတော့ ဘုရားဆီရောက်ကြရော၊ ဘုရားဆီမရောက်ခင် သူတို့လဲ လမ်းရောက်ခါ ရှိသေးတယ် ရှင်ဆန္နက ခုနင်က သူ့လည်ပင်းကို ဓါးနဲ့လှီးတယ် (မှန်ပါ့ ဘုရား)။
After that, the two elders departed to see the Buddha. But before they could even reach the Buddha, while they were still on their way, the Venerable Channa slit his own throat with a knife. (True, Sir)
သူ့လည်ပင်းသူ ဓါးနဲ့လှီးတယ် (မှန်ပါ့) လှီးတော့ကို တစ်နေ့က ကျောင်းထဲမှာ ဟောခဲ့တယ်၊ ဝိညာဏ်ချုပ်ကာနီး နိမိတ်ထင်သေးတယ်လို့ မပြောဘူးလား (ပြောပါတယ် ဘုရား)။
He slit his own throat. (True, Sir) As he did so, recall what I preached the other day at the monastery. Didn't I tell you that right before consciousness ceases, death signs (Nimittas) appear? (Yes, you did, Sir)
ဝိညာဏ်ချုပ်ကာနီး သေကာနီးမှာ ဒီအတိုင်း မသေပါဘူး၊ သွားရာလမ်းခရီးနိမိတ်တွေ ထင်သေးတယ်လို့ တစ်နေ့က ဟောထားတယ် (မှန်ပါ့ ဘုရား)။
As death approaches and consciousness is about to cease, one does not just simply pass away. I have previously explained that signs indicating one's next destination will definitely appear. (True, Sir)
ပုထုဇဉ်များ မြင်တဲ့နိမိတ်တွေ လာထင်နေတယ်
အဲဒီလိုဘဲ ဒီကနေ လည်ပင်း လှီးလိုက်တဲ့အခါကျတော့ ဝိညာဏ်က မချုပ်သေးတော့ ရဟန္တာများထင်တဲ့ နိမိတ်တွေ မထင်ဘဲနဲ့ ပုထုဇဉ်များ မြင်တဲ့နိမိတ်တွေ လာထင်နေတယ် (မှန်ပါ့ ဘုရား)။
Similarly, the moment he slit his throat, his consciousness did not cease immediately. Instead of experiencing the signs of an Arahant, the death signs typical of ordinary people appeared to him. (True, Sir)
ပုထုဇဉ်များ မြင်တဲ့နိမိတ်တွေ လာထင်တော့ ဒီပုဂ္ဂိုလ်က ဝိပဿနာ အရှိန်ကောင်းတဲ့ ဆန္ဒဖြစ်နေတော့ ဪ-ငါတော့ ရဟန္တာထင်တယ်၊ အခုထင်တဲ့ နိမိတ်ကတော့ ပုထုဇဉ်ထင်တဲ့ နိမိတ်ပါလားလို့ သူ့ဟာသူရိပ်မိတယ် (မှန်ပါ့)။ သဘောကျပြီလား(ကျပါပြီ ဘုရား)။
Since he had built up a strong momentum of Insight (Vipassana) Knowledge, the moment those ordinary death signs appeared, he instantly realized his true state. He reflected, "Oh! I thought I was an Arahant, but these are clearly the death signs of an ordinary person!" He discerned this for himself. (True, Sir) Do you grasp the meaning? (Yes, we do, Sir)
သူ့ကိုယ်သူတော့ နဂိုက ဘာထင်နေသတုံး (ရဟန္တာထင်နေပါတယ် ဘုရား) အခု သေကာနီးနိမိတ်ကြည့်လိုက် လို့ ဝိညာဏ်မချုပ်ခင် မြင်ရတဲ့ နတ်သမီးဗိမာန်သောင်တွေ စသည်သွားမြင်တယ်၊ နိဗ္ဗာန်မမြင်လာဘူး (မှန်ပါ့ ဘုရား)။
What did he originally think of himself? (He thought he was an Arahant, Sir). Yet, as he observed the signs right before his consciousness ceased, he saw celestial mansions and Devas. He did not see Nibbana. (True, Sir)
အင်း ငါ့အထင်နဲ့ဖြင့် အခုတင်တာနဲ့ တစ်ခြားစီဖြစ်ပါ ပါ့လားလို့ သူသိတယ်၊ သူသိတော့မှ ဒီဝေဒနာကို ဗြုန်းကနဲ ဒီဝေဒနာနဲ့မသေမီ ဆရာဝန်ကြီး ခန္ဓာကိုယ်ဖြစ်ပျက်ပြန်ကောက်တယ် (မှန်ပါ့) ပြန်ကောက်နိုင်သေးတယ်၊ ဒကာမကြီးတွေ မှတ်ထားကြ (မှန်ပါ့ ဘုရား)။
He understood immediately, "My assumption and the actual reality are completely different!" Realizing this, right then and there, before succumbing to the agonies of death, he swiftly resumed watching and observing the Arising and Passing Away of his Aggregates (Khandhas). (True, Sir) He was still able to practice! Yogis, remember this well. (Well noted, Sir)
ဓါးနဲ့ လည်ပင်းလှီးပြီးသားတောင် ဗြုန်းကနဲ ဝိဉာဏ်မချုပ်သေးတော့ နိမိတ်တွေ ထင်ပြီးမှတောင် အို ဒီလမ်း မဟုတ်ဘူး၊ ဒီလမ်းမဟုတ်ဘူး၊ ဖြစ်ပျက်တဲ့ဥစ္စာ ရဟန္တာရယ်လို့ သူ့ကိုယ်သူ ထင်နေတဲ့ဥစ္စာ မဟုတ်သေးဘူး၊ အခုနိမိတ် တွေက ပြနေပြီဆိုပြီး သူ့ခန္ဓာကိုယ်သူ ပြန်ကြည့်တယ်၊ ဖြစ်ပျက် ပြန်ကောက် ရတယ် (မှန်ပါ့ ဘုရား)။
Even with a slit throat, because his consciousness had not yet ceased and the wrong signs had appeared, he realized, "Oh, this is not the right path! This is not the right path. My assumption of being an Arahant is false; these signs prove it." With this realization, he immediately redirected his focus to his own body and resumed observing the process of Arising and Passing Away. (True, Sir)
အဲဒီကျတော့ဖြင့် သေကာနီး ကိစ္စဖြစ်နေတဲ့အတွက် အတင်းဘဲ ကြိုးစားတော့တာဘဲ၊ ဘယ်သူမှ တိုက်တွန်းနေ ဘို့မလိုဘူး၊ ကြိုးစားတော့တာဘဲ (မှန်ပါ့ ဘုရား)။
Since death was imminent, he strove with intense, desperate urgency. He needed no one to urge him on; he simply poured all his effort into the practice. (True, Sir)
အဲဒီ ကြိုးစားတဲ့ လည်ပင်း ဓါးနဲ့လှီးပြီးလို့ ထွက်လေ ဝင်လေတွေ ဒီကမထွက်ခင်ပေါ့ဗျာ အဲဒီတွင်မှ သူဖြစ်ပျက် တွေ အားထုတ်ပြီးတော့ နိဗ္ဗာန်မြင်ပါတယ်(မှန်ပါ့ ဘုရား)။
Striving vigorously with his throat slit, right before his final breath ceased, he fiercely observed the process of Arising and Passing Away and finally realized Nibbana. (True, Sir)
နိဗ္ဗာန်မြင်တယ်
ဖြစ်ပျက်အဆုံးဖြစ်တဲ့ နိဗ္ဗာန်မြင်တယ်၊ မြင်တာမှ လေးခါလောက်မြင်တယ် (မှန်ပါ့) စိတ်ဟာ အင်မတန်မြန် ပါတယ်။
He realized Nibbana—the complete cessation of Arising and Passing Away. He realized it successively four times. (True, Sir) The mind is incredibly swift.
လေးခါလောက်မြင်ပြီးသကာလ သူနဂိုရ်က ပြောထားတဲ့အတိုင်း အခုမှကိုက်တယ် (မှန်ပါ့) သေကာနီးမှ သွားကိုက်တယ် (မှန်ပါ့ ဘုရား)။
Having realized it four times, his actual state finally matched his previous claim of being an Arahant. (True, Sir) It only became true at the very brink of death. (True, Sir)
အဲဒါလေးခါလောက်လဲ နိဗ္ဗာန်မြင်ပြီးပါရော သူဟာ စုတိစိတ်ကျတယ်၊ သမသီသိရဟန္တာ သေကာနီးမှ ရဟန္တာ ဖြစ်တာနဲ့ မရှေးမနှောင်းဖြစ်သွားတယ် (မှန်ပါ့ ဘုရား)။
Right after he realized Nibbana for the fourth time, his death consciousness (Cuti-citta) arose. He became a Samasīsi Arahant—one whose attainment of Arahantship and physical death occur almost simultaneously. (True, Sir)
ဒါနဲ့ဘဲ ရှင်သာရိပုတ္တရာနဲ့ ရှင်စုန္ဒတို့က လမ်းမှာ သူတို့အဘိညာဏ်နဲ့ ကြည့်တော့ သိတယ်၊ ဆန္န ဒို့ တောင်းပန် ပစ်ခဲ့တာမရဘူး၊ လည်ပင်း ဓါးနဲ့လှီးပြီး သေတယ်ဆိုတာကြည့်ပြီး သူတို့ဘုရားဆီသွားကြတယ်။
Meanwhile, on their journey, the Venerables Sāriputta and Cunda checked with their psychic powers (Abhiññā) and saw what had happened. They realized, "Our pleas to Channa were in vain. He has slit his throat and died." With this knowledge, they proceeded to the Buddha.
ဘုရားက မင်းတို့ ဘယ်ကပြန်လာကြသတုန်းကွ၊ ဆန္နဆီက လူမမာမေးသွားပါတယ်ဘုရား တပည့်တော်တို့ လမ်းရောက်ကာရှိသေးတယ်၊ သူသည် လည်ပင်းဓါးနဲ့လှီးပြီး သေပြီဘုရား အဲဒီဆန္နလားရာဂတိ ဘယ်မှာရှိသတုံးလို့ ဘုရားကိုလျှောက်တယ် (မှန်ပါ့) ဘယ်ဘဝ ဘယ်ဘုံရောက်သတုန်းလို့ ဘုရားကို လျှောက်တယ်။
The Buddha asked them, "Where are you returning from?" "We went to visit the ailing Channa, Lord. But while we were still on our way back, he slit his throat and passed away," they replied. Then, they asked the Buddha about Channa's destination. (True, Sir) They inquired about which existence and which realm he had been reborn into.
သူအခု ပဋိသန္ဓေမနေဘူးကွ-တဲ့
လျှောက်လိုက်တဲ့အခါကျတော့ မင်းတို့ကို ဓါးနဲ့မလှီးခင်ကလဲ မင်းတို့ကို ပြောသားဘဲ၊ ဆန္နဟာ ဓါးနဲ့လှီးပြီး သေငြားသော်လဲ နောက်ပဋိသန္ဓေ မနေဘူးဆိုတဲ့အတိုင်း သူအခု ပဋိသန္ဓေမနေဘူးကွ-တဲ့၊ နိဗ္ဗာန်ရောက်ပြီပြောတာ (မှန်ပါ့) ရိပ်မိပြီလား (ရိပ်မိပါပြီ ဘုရား)။
The Buddha answered, "Even before he slit his throat, he told you clearly. Although Channa died by his own hand, just as he declared that he would not take another rebirth, indeed, he takes no further rebirth." This means he had attained Nibbana. (True, Sir) Do you see it? (Yes, we do, Sir)
အဲဒါ ဘယ့်နှယ့်ကြောင့် ဘုရားက ဒီလိုဖြေရသတုံးမေးတော့ သူ အရင်တုန်းကဖြေတာနဲ့ အခုသေကာနီးမှ အလုပ်လုပ်သွားတာနဲ့ သွားပြီးကိုက်နေတယ် (မှန်ပါ့) ရှင်းပြီလား (ရှင်းပါပြီ ဘုရား)။
Why did the Buddha answer in this way? Because Channa's prior declaration completely aligned with the intensive practice he undertook right at the brink of death. (True, Sir) Is that clear? (Yes, it is, Sir)
အဲဒီတော့ကို သူဟာ ဘုရားတဲ့၊ အမျိုးမျိုးအဖုံဖုံ ပုထုဇဉ်အဖြစ်နဲ့ဘဲ မြင်တဲ့အမြင်တွေ ရှိနေသေးတဲ့ ဥစ္စာဘဲတဲ့၊ ဘယ့်နှယ်ကြောင့်လားရာဂတိ မရှိပါသတုံး။
Sāriputta then asked, "Lord, he still possessed the various attachments and views of an ordinary person. How is it that he has no destination for rebirth?"
သူဟာ ဒကာဒကာမတွေလဲခင်တွယ် အမျိုးမျိုးအဖုံဖုံလို့လျှောက်တော့ သာရိပုတ္တရာ ဒါတွေဟာ အရေး မဟုတ်ပါဘူးကွတဲ့ (မှန်ပါ့) ဒီခန္ဓာကိုပစ်ချပြီး ဟိုခန္ဓာကို မခင်တဲ့ ဥစ္စာဟာ ဒါအပြစ်ကင်းသော သေခြင်း သေတယ်လို့ မင်း တထစ်ချမှတ်ပါတဲ့ (မှန်ပါ့ ဘုရား)။
He argued, "He was still attached to his lay followers in many ways." The Buddha replied, "Sāriputta, those things are of no significance. (True, Sir) When one discards this present Aggregate (Khandha) and possesses absolute non-craving for any future Aggregate, you must firmly mark this as a blameless death." (Well noted, Sir)
ဒီခန္ဓာကိုယ် မခင်ဘဲနဲ့သေရင် ဟိုခန္ဓာကိုယ် မရဘူးတဲ့ သဘောကျပြီလား (ကျပါပြီ) ဒီခန္ဓာခင်ပြီး သေလို့ရှိရင် ဖြင့် တဏှာဥပါဒါန်မချုပ်သေးလို့နော် (မှန်ပါ့ ဘုရား) ဒီခန္ဓာကိုယ်မခင်ဘဲနဲ့ သေလို့ရှိရင် နောက်ခန္ဓာကိုယ် (မရပါ ဘုရား) မရဘူးဆိုတာ ခင်ဗျားတို့မှတ်ထားပါ (မှန်ပါ့ ဘုရား)။
If you pass away without any craving for this body, you will not receive another body in the future. Do you grasp the meaning? (Yes, we do, Sir) If you die with attachment to this existence, it means Craving (Taṇhā) and Clinging (Upādāna) have not yet ceased. (True, Sir) But if you die without craving for this body, will you receive another body? (No, we will not, Sir) Yogis, mark this truth well: you will not receive another body. (Well noted, Sir)
ဖြစ်ပျက်မဆုံးသေးလို့ ရှိရင် ဝိပဿနာဉာဏ်ချည့်မှတ်
အဲဒီတော့ ဒါဟာ အခုအားထုတ်တဲ့ပုဂ္ဂိုလ်ဟာ သေကာနီးမှ ကပျာကရာလုပ်တဲ့ မဂ်ဉာဏ်ဖိုလ်ဉာဏ် ရနိုင်သေး တယ် (မှန်ပါ့) သဘောကျပြီလား (ကျပါပြီ ဘုရား) နောက်ခန္ဓာမလာဘူးဆိုတဲ့ အကြောင်းဟာလဲ ရှင်းရှင်းလင်းလင်းကြီး ဖြစ်တယ်။
Therefore, for a Yogi who truly practices, even a desperate, last-minute effort at the brink of death can still lead to the attainment of Path and Fruition Knowledge (Magga and Phala Ñāṇa). (True, Sir) Do you grasp the meaning? (Yes, we do, Sir) The reason why no future Aggregate arises is exceptionally clear.
ဒါ့ကြောင့် ဆရာဝန်ကြီးတို့သည် ဘယ်ရောက်ရောက် ဒီဖြစ်ပျက်ဆုံးအောင် ဒို့အားလုံး လိုက်ရလိမ့်မယ်ဆိုတာ တရားနာတဲ့ ပုဂ္ဂိုလ်တွေ ဒီအတိုင်းမှတ်ပါ (မှန်ပါ့) ဖြစ်ပျက်မဆုံးသေးလို့ ရှိရင် ဝိပဿနာဉာဏ်ချည့်မှတ် (မှန်ပါ့ ဘုရား)။
For this reason, Doctor—and all of you listening to this Dhamma—you must firmly resolve: "Wherever I am, I must pursue this practice until the Arising and Passing Away comes to a complete end." (True, Sir) If the process of Arising and Passing Away has not yet ceased, understand clearly that you are still only at the stage of Insight (Vipassana) Knowledge. (True, Sir)
အဖြစ်မြင်မြင်, အပျက်မြင်မြင်, ဒါတွေမုန်းမုန်း, ဒါတွေလျစ်လျူရှုရှု, ရှုကသင်္ခါရတွေ တွေ့နေသေးသ၍ ကာလ ပတ်လုံး ဒါဝိပဿနာဉာဏ်ချည့်မှတ်ပါ (မှန်ပါ့) ၎င်းသင်္ခါရတွေ ဆုံးသွားလို့ရှိရင်ဖြင့် မဂ်ဉာဏ်လို့မှတ် (မှန်ပါ့) ရှင်းပြီ လား (ရှင်းပါပြီ ဘုရား)။
Whether you are observing the Arising, observing the Passing Away, feeling disgust towards them (Nibbida), or observing them with equanimity (Upekkha)—as long as you are still seeing these conditioned phenomena (Sankharas), remember that it is purely Insight Knowledge. (True, Sir) Only when these conditioned phenomena completely cease, should you recognize it as Path Knowledge (Magga Ñāṇa). (True, Sir) Is that clear? (Yes, it is, Sir)
ကဲ ယနေ့ ဒီတွင်တော်ကြဦးစို့။
သာဓု...သာဓု...သာဓု
Very well, let us stop here for today. Sādhu… Sādhu… Sādhu.