တရားတော်

book-12606

အပြုံးနဲ့အမဲ့ဇာတ်သိမ်းသည့်တရား

မာတိကာသို့

အပြုံးနဲ့အမဲ့ဇာတ်သိမ်းသည့်တရား

”ဆန္ဒဝတ္ထူ(၂)”

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

အမရပူရမြို့ မင်္ဂလာတိုက်၌ ဟောကြားတော်မူအပ်သော

”ဆန္ဒဝတ္ထူ(၂)”

အပြုံးနဲ့အမဲ့ဇာတ်သိမ်းသည့်တရား

Delivered by the Benefactor, Agga Maha Pandita, Venerable Mogok Sayadaw, at Mingala Monastery, Amarapura. Daytime Meditation Instruction (26-9-61).

နေ့အလုပ်ပေးတရားတော်

(၂၆-၉-၆၁)

ရောဂါရှေ့တိုးသလား

Is the Disease Worsening?

ရှင်သာရိပုတ္တရာနဲ့ ရှင်စုန္ဒညီအစ်ကိုနှစ်ပါးက ရာဇဂြိုလ်ပြည်မှာ ရှင့်နက်တို့ကို အစာကျွေးရာဖြစ်တဲ့တောမှာ နေပြီး ဂိဇ္ဈကုဋ်တောင်မှာ သီတင်းသုံးကြတယ်၊ ဖလသမာပတ်ဝင်စားပြီး နေ့လယ်နေကြတယ်။

Venerable Sariputta and his brother, Venerable Cunda, were residing at Vulture Peak in Rajagaha, near the forest where the black monkeys were fed. During the day, they would abide in the Attainment of Fruition (Phala-samāpatti).

ထိုကဲ့သို့နေတဲ့အချိန်မှာ ဖလသမာပတ်မှာ တော်လောက်ပါပြီဆိုပြီး ထလာတဲ့အချိန်မှာ အောက်မှာ ဆန္ဒဆိုတဲ့ ရဟန်းတစ်ပါးမမာဘူးကြားတယ်ကွ ဒို့ ညီအစ်ကို သွားပြီးမေးရအောင်ဆိုပြီးတော့ မေးကြတယ်။

When they emerged from the Attainment of Fruition at an appropriate time, they heard the news: "The monk named Channa, who lives down below, is severely ill." The two brothers decided to go down and check on him.

မေးကြတဲ့အခါကျတော့ ဆန္နဆီရောက်ကြပါရော ရောက်ကြတော့ ထုံးစံအတိုင်း သတင်းမေးကြတယ်၊ ခမနီယံ ယာပနီယံ ရောဂါရှေ့တိုးသလား၊ နောက်ဆုတ်သလား၊ ဘယ်လိုနေသလဲမေးတော့ ဟာ ရောဂါရှေ့တိုးပါတယ်ဘုရား ထိပ်မှာ စူးကလေးနဲ့ ထိုးသလိုဘဲဘုရား ခေါင်းကိုက်တာလဲ အင်မတန်မှ ပြင်းထန်တယ်၊ ဝမ်းထဲမှာလဲ သားလှီးဓါးကလေး နဲ့ မွှေသလိုဘဲဘုရား လေနာက သိပ်ပြင်းထန်တယ်၊ တစ်ကိုယ်လုံးလဲ ပူပြီး သကာလ နေတာဘဲဘုရား အားကောင်းတဲ့ လူနှစ်ယောက် တပည့်တော် လက်မောင်းကိုင်ပြီး မီဖိုထဲ ထည့်သလိုဘဲ၊ ရောဂါဟာရှေ့ချည်းဘဲတိုးတယ်၊ နောက်မဆုတ်ပါ ဘူးတဲ့၊ ဒါကြောင့် တပည့်တော်စိတ်ကူးကဖြင့် လည်ပင်းဓါးနဲ့လှီးပြီး သကာလ သေမယ်လို့ စိတ်ကူးတယ်။

Upon arriving at Venerable Channa’s dwelling, they asked about his well-being in the customary manner: "Are you bearing up? Are you sustaining yourself? Is the disease progressing or receding?" Channa replied, "The disease is only worsening, Venerable Sir. The headache is extremely severe, as if a sharp spear is piercing my skull. The pain in my belly is excruciating, as if a butcher is churning my insides with a sharp carving knife. My whole body is burning up. It feels as though two strong men have grabbed me by the arms and thrown me into a fire pit. The disease is only progressing; it is not receding at all. Therefore, I am thinking of slitting my throat with a razor and dying."

ဒီလိုတော့ မသေပါနဲ့ကွာ

Please Do Not Die Like This

ဆန္နကပြောတော့ ရှင်သာရိပုတ္တရာက ထုံးစံအတိုင်း မင့်မှာ ဒီလိုတော့ မသေပါနဲ့ကွာ မကောင်းပါဘူး၊ မင့််မှာ ဒီလိုတော့ မသေပါနဲ့ကွာ မကောင်းပါဘူး၊ မင့်မှာ ပြုစုမည့်သူမရှိလဲ ငါဘဲပြုစုပါ့မယ်၊ ဆေးမရှိလဲ ငါရှာပါ့မယ်၊ ဓါတ်စားတွေဘာတွေမရှိလဲ ငါရှာပါ့မယ်၊ ဒီလိုတော့ မသေပါနဲ့လို့ ပြောလိုက်တယ်။

Hearing this, Venerable Sariputta urged him in the customary manner, "Friend, please do not die like this. It is not proper. Friend, do not die like this; it is unacceptable. Even if you have no one to care for you, I will nurse you. If you have no medicine, I will find it for you. If you lack suitable food, I will search for it. Please, do not die like this."

ထိုကဲ့သို့ ပြောလိုက်တဲ့အခါ တပည့်တော်သေခြင်းကတော့ တစ်ခြားမဟုတ်ပါဘူး၊ တပည့်တော်မှာ ဒီဘဝစုတေ သွားလို့ရှိရင် ဟိုဘဝ ပဋိသန္ဓေနေစရာ စွဲကပ်တဲ့တဏှာမရှိပါဘူး။

Channa replied, "My intention to die is not out of despair for those things. Rather, once I pass away from this existence, I possess no craving left that would grasp at a new rebirth."

ဒါကြောင့် တပည့်တော်က လည်ပင်းဓါးနဲ့လှီးပြီးသေမယ်လို့ စိတ်ကူးပါတယ်လို့ ပြောတော့ ဦးမာဒင်တို့ ဆရာဝန်ကြီးတို့မှတ်ရမှာက သူ့ကိုယ်သူ ရဟန္တာဖြစ်ပြီလို့ ထင်နေတယ်(မှန်ပါ့) သူ့ကိုယ်သူ ရဟန္တာဖြစ်ပြီလို့ ထင်နေတယ် လို့ မှတ်ကြပါ။

Because he declared, "I plan to slit my throat and die," Dr. U Ma Din and Yogis, you must note this: he assumed he was already an Arahant. (True, Sir). Let me repeat: he assumed he was already an Arahant.

ရဟန္တာဖြစ်မဖြစ်လို့ စုံစမ်းတယ်၊

Testing for Arahantship

ဒါနဲ့ ရှင်သာရိပုတ္တရာက ရဟန္တာဖြစ်မဖြစ်လို့ စုံစမ်းတယ်၊ ငါ့ရှင် ဆန္နပုစ္ဆာကလေးတစ်ခု မေးလို့ရှိရင် မကျန်း မာပင် မကျန်းမာငြားသော်လဲ ဖြေမှုအလုပ်ကို လုပ်နိုင်ပါ့မလားဆိုတော့ ဟာ တပည့်တော် ဖြေနိုင်ပါတယ် ပုစ္ဆာတော့ (မှန်ပါ့ ဘုရား)။

Therefore, Venerable Sariputta tested him to see whether he was truly an Arahant or not. "Friend Channa, if I ask you a brief question, even though you are severely ill, will you be able to answer it?" "Yes, I can answer it, Venerable Sir," Channa replied. (True, Sir).

ဒါဖြင့်ကွာ မင်းသည်ကား လို့ဆိုရင်ဖြင့် မြင်စိတ် ခင်ဗျားတို့အတွက်ကို ဟောပြီ(မှန်ပါ့ ဘုရား)။

"If so, friend, let me ask you this." Now, Yogis, I am applying this to you. (Yes, Sir).

မြင်စိတ်ရှိတယ်၊ ကြာစိတ်ရှိတယ်၊ စားစိတ်ရှိတယ်၊ နံစိတ်ရှိတယ်၊ အဲဒါတွေများကွာ၊ ငါ့ကိုယ်၊ ငါဟာ ငါ့ဥစ္စာလို့ စွဲသေးသလားတဲ့၊ အနတ္တများမြင်ရဲ့လားလို့ မေးတာ(မှန်ပါ့) ငါ့ကိုယ်ဆိုတာသည် တဏှာ၊ ငါဟာဆိုတာသည် မာန၊ ငါ့ဥစ္စာဆိုတာသည် ဒိဋ္ဌိ(မှန်ပါ့ ဘုရား)။

"There is the Seeing Consciousness, the Hearing Consciousness, the Tasting Consciousness, the Smelling Consciousness. Do you still cling to any of these as 'I', 'Mine', or 'My Self'?" He was asking if Channa saw them as Non-Self (Anatta). (True, Sir). Taking it as "I" is Craving (Taṇhā); taking it as "Mine" is Conceit (Māna); taking it as "My Self" is Wrong View (Diṭṭhi). (True, Sir).

ငါ့ကိုယ်၊ ငါ့ဟာ၊ ငါ့ဥစ္စာရယ်လို့ စွဲသေးသလား

Do You Still Cling to Them as "I", "Mine", or "My Self"?

မင်းသည် အခုငါပြောခဲ့တဲ့ စိတ်တွေကို မြင်စိတ်၊ ကြားစိတ်၊ နံစိတ်၊ စားစိတ်၊ တွေးစိတ်၊ စိတ်ဟူသ၍ကို မင်းသည်ကားလို့ဆိုရင် ငါ့ကိုယ်၊ ငါ့ဟာ၊ ငါ့ဥစ္စာရယ်လို့ စွဲသေးသလားတဲ့၊ မေးလိုက်တယ်(မှန်ပါ့ ဘုရား)။

"Do you still cling to all the forms of consciousness I just mentioned—the seeing, hearing, smelling, tasting, and thinking consciousness—as 'I', 'Mine', or 'My Self'?" Venerable Sariputta asked. (Yes, Sir).

မစွဲဘူးဘုရားတဲ့၊ ဒါတွေမစွဲပါဘူးတဲ့ (မှန်ပါ့) မစွဲဘူးဆိုကတည်းက ဒကာ ဒကာမတွေ သိမှတ်ဖို့ရာက သူဒါကို ဖြစ်ပျက်တွေမြင်နေလို့(မှန်ပါ့ ဘုရား)။

"I do not cling to them, Venerable Sir. I do not cling to these," Channa replied. (True, Sir). Yogis, since he said he did not cling, you must understand that he was seeing their Arising and Passing Away. (True, Sir).

နေစမ်းပါဦးကွာ၊ မစွဲတာတော့ မင်းပြောလို့သိရပါပြီ ဘယ်လိုမြင်လို့ မစွဲတာတုံးတဲ့၊ မေးပြန်တယ်(မှန်လှပါ ဘုရား)။

"Hold on, friend," Sariputta probed further. "I hear you say you do not cling. But what exactly do you see that makes you stop clinging?" (Yes, Sir).

ဘယ်လိုမြင်လို့ မစွဲတာတုံးလို့ မေးလိုက်တဲ့အခါ တပည့်တော်က မြင်စိတ်ကလေးကြည့်လိုက်ပြန်လဲ ချုပ်ပျောက် သွားပြီလို့ သိလိုက်ပါတယ်၊ ချုပ်ပျောက်သွားတာ သိလိုက်တယ်တဲ့(မှန်လှပါ ဘုရား)။

When asked what he saw, Channa replied, "Whenever I watch and observe the Seeing Consciousness, I realize it has completely ceased and vanished. I clearly know its cessation and vanishing." (Yes, Sir).

ချုပ်ပျောက်သွားတာ သိလိုက်တယ်တဲ့

"I Clearly Know Its Cessation and Vanishing"

ကြားစိတ်ကလေး ကြည့်လိုက်ပြန်လဲ ချုပ်ပျောက်သွားတာ သိလိုက်တယ်တဲ့၊ နံစိတ်ကြည့်လိုက်ပြန်လဲ ချုပ်ပျောက် သွားတာသိလိုက်တယ်၊ စားစိတ်ကြည့်လိုက်ပြန်လဲ ချုပ်ပျောက်သွားတာ သိလိုက်တယ်၊ ကြံစိတ်၊ စည်စိတ်၊ တွေးစိတ်တွေ ကြည့်လိုက်ပြန်လဲ ချုပ်ပျောက်သွားတာချည်း မြင်တယ်တဲ့၊ ဒါကြောင့် တပည့်တော်က ဒီဟာတွေကို ငါ့ကိုယ်၊ ငါ့ဟာ၊ ငါ့ဥစ္စာရယ်လို့ ဧတံမမ၊ ဧသောဟမသ္မိ၊ ဧသောမေအတ္တာဆိုတဲ့ အစွဲသုံးလုံးတဏှာမာန ဒိဋ္ဌိနဲ့ မစွဲပါဘူးဘုရားတဲ့။

"Whenever I watch and observe the Hearing Consciousness, I realize it has ceased and vanished. Whenever I watch the Smelling Consciousness, I know it has ceased and vanished. Whenever I watch the Tasting Consciousness, I know it has ceased and vanished. Whether it is the planning, intending, or thinking consciousness, whenever I watch and observe them, I see nothing but their cessation and vanishing. Because of this, I do not cling to these phenomena as 'This is mine' (Etaṃ mama), 'This I am' (Esohamasmi), or 'This is my self' (Eso me attā) using the three clutches of Craving, Conceit, and Wrong View."

ရှင်သာရိပုတ္တရာ မြင်ပုံတော့၊ အမှန်သားဘဲတဲ့(မှန်ပါ့) ဆရာဝန်ကြီး မြင်ပုံကတော့ မှန်နေပြီ(မှန်ပါ့) ပျောက်ပျောက်သွားတာ မြင်တာကိုး(မှန်ပါ့) ဒါကြောင့် ငါ့ကိုယ်၊ ငါ့ဟာ ငါ့ဥစ္စာတော့ သူမစွဲပါဘူးတဲ့။

Venerable Sariputta realized that Channa's way of seeing was indeed correct. (True, Sir). The doctor's diagnosis was accurate. (True, Sir). He was genuinely seeing phenomena vanish. (True, Sir). Therefore, Channa truly did not cling to them as "I", "Mine", or "My Self".

အဲဒါနောက်က ဒကာ ဒကာမတွေ မှတ်ရမယ်၊ ဆန္နမြင်ပုံသည် ဘယ်ဟာကလေးကြည့်လိုက် ကြည့်လိုက်၊ ချုပ်ပျောက်သွားတာ ချည်းမြင်တာဘဲ ဖြစ်ပေါ်လာတာ ကလေးတွေကြည့်လိုက်၊ ချုပ်ပျောက်သွားပြန်ပြီ၊ ဖြစ်ပေါ်လာတာ ကလေးတွေကြည့်လိုက်၊ ချုပ်ပျောက်သွားပြန်ပြီ စိတ်ကလေးတွေကြည့်တိုင်း ကြည့်တိုင်း ဦးမာဒင်ဘယ်လိုမြင်သတဲ့တုံး (ချုပ်ပျောက်သွားတာချည်းမြင်ပါတယ် ဘုရား)။

Yogis, mark this well. How did Channa observe? Whatever consciousness arose, whenever he watched and observed it, he saw nothing but its cessation and vanishing. An arising mind appeared; he observed it, and it vanished. Another arising mind appeared; he observed it, and it vanished. Every time he watched the mind, Dr. U Ma Din, what did he see? (He saw only its cessation and vanishing, Sir).

အဲဒါ နောက်က ဒကာ ဒကာမတွေလဲ ဒီအမြင်မှန်ကိုရအောင် ကြိုးစားရမယ်၊ မရှိဘူး၊ မရှိဘူး၊ သိအောင် (မှန်ပါ့) ဘယ်စိတ်မဆို မရှိဘူး၊ မရှိဘူးသိအောင်(မှန်ပါ့ ဘုရား)။

You Yogis must strive to attain this Right View! You must clearly discern that whatever mind arises, it simply ceases to exist. (True, Sir). Whatever consciousness it is, you must know it is no longer there. (True, Sir).

ပေါ်လာတဲ့ စိတ်ကိုကြည့်လိုက်၊ စိတ်တိုင်းလဲ ပေါ်တာကို ကြည့်ရမယ်၊ ကြည့်တိုင်းလဲ မရှိဘူးဆိုတာ မြင်ရမယ် (မှန်ပါ့ ဘုရား)။

Observe the mind that arises. Every time it arises, you must watch and observe it. And every time you observe it, you must see that it does not remain. (True, Sir).

စိတ်တိုင်းလဲပေါ်တာကြည့်ရမယ်၊ မရှိဘုးဆိုတာလဲသိရမယ်၊ အဲဒါအမြင်မှန်ဘဲ(မှန်ပါ့) အဲဒါအမြင်မှန်ဘဲဆိုတာ ဒါစိတ္တာနုပဿနာကို ဟောသည်လို့ မှတ်ရမယ်(မှန်ပါ့ ဘုရား)။

You must observe its arising, and you must realize its non-existence. That is the Right View! (True, Sir). Since this is the Right View, you must understand that this is the preaching of Contemplation of the Mind (Cittānupassanā). (True, Sir).

ဝိပဿနာမဂ်အမြင်ဘဲရှိသေးတယ်

It Is Only the Insight Knowledge (Vipassana Magga)

ဒါနဲ့ ရှင်သာရိပုတ္တရာကတော့ ဪ အမြင်တော့မှန်တယ်၊ မှန်ပင်မှန်ငြား သော်လည်း သူပထမ ဖြေထားတာက သူဟာဓါးနဲ့ လည်ပင်းလှီးပြီး သေရငြား သော်လည်း နောက်ပဋိသန္ဓေစွဲကပ်စရာမရှိဘူးလို့ သူဖြေထားတယ်၊ ဖြေပေမဲ့ လဲ သူဟာက ဒါလောကုတ္တရာမဂ်အမြင်မဟုတ်သေးဘူးတဲ့ ဝိပဿနာမဂ်အမြင်ဘဲရှိသေးတယ်(မှန်လှပါ ဘုရား) ရှင်သာရိပုတ္တရာက သိတော်မူတယ်(မှန်ပါ့ ဘုရား)။

Venerable Sariputta thought, "Indeed, his view is correct. However, he stated earlier that even if he slits his throat and dies, he has no seeds left for a new rebirth. Despite his claim, this is not yet the Supramundane Path Knowledge (Lokuttara Magga). It is merely the Insight Knowledge (Vipassana Magga)." (Yes, Sir). Venerable Sariputta knew this profoundly. (True, Sir).

အဲဒါမှတ်ကြပါ ဝိပဿနာ မဂ်အမြင်ဟာ ဒီအမြင်ပါဘဲ၊ လောကုတ္တရာ မဂ်အမြင်က ဒီအမြင် မဟုတ်သေးပါဘူး (မှန်ပါ့ ဘုရား)။

Please note this carefully. The Insight Knowledge sees exactly this: the cessation and vanishing of phenomena. But the Supramundane Path Knowledge is not just this. (True, Sir).

ဒါအလုပ်လူပ်နေတဲ့ ပုဂ္ဂိုလ်မှာတရားဟောပေးနေတယ်၊ နည်းပေးနေတယ်၊ သင်ပေးနေတယ်ဆိုတာ မှတ်ပါ (မှန်ပါ့ ဘုရား)။

Realize that I am giving practical Dhamma instructions to those actively meditating. I am giving you the method. I am training you. (True, Sir).

ဝိပဿနာမဂ်အမြင်ကဖြင့် ဘယ်စိတ်ကြည့်လိုက် ကြည့်လိုက် ချုပ်ပျောက်သွားတာမြင်ဘို့ဘဲ(မှန်ပါ့) ဝေဒနာ အားထုတ်တဲ့ ပုဂ္ဂိုလ်ကလဲ ဘယ်ဝေဒနာ ကြည့်လိုက်ကြည့်လိုက် ချုပ်ပျောက်သွားတာမြင်ဖို့ဘဲ(မှန်ပါ့ ဘုရား)။

With Insight Knowledge, whatever consciousness you watch and observe, your job is simply to see it cease and vanish. (True, Sir). For a Yogi practicing on Feelings (Vedanā), whatever feeling you watch and observe, your job is to see it cease and vanish. (True, Sir).

ရုပ်တွေ ကြည့်လိုက်ပြန်လို့ရှိရင်လဲ ထို့အတူဘဲ၊ ကာယာနုပဿနာဘက်ကကြည့်လိုက်ပြန်လဲ ချုပ်ပျောက် သွားတာမြင်ဖို့ဘဲ(မှန်ပါ့ ဘုရား)။

If you observe physical forms (Rūpa), it is exactly the same. If you practice Contemplation of the Body (Kāyānupassanā), your sole task is to see it cease and vanish. (True, Sir).

ချုပ်ပျောက်သွားတာမြင်ဖို့ဘဲ

Your Job Is to See It Cease and Vanish

ကြိုက်တာရှု - သတိပဋ္ဌာန် လေးပါးထဲက ကာယာနုပဿနာရှုလဲ ချုပ်ပျောက်သွားတာမြင်ဖို့ဘဲ၊ အရေးကြီးတယ်၊ (မှန်လှပါ ဘုရား)။

Watch and observe whatever arises! If you practice Contemplation of the Body out of the Four Foundations of Mindfulness, you must see it cease and vanish. This is crucial. (Yes, Sir).

ဝေဒနာနုပဿနာကြည့်ပြန်ကော (ချုပ်ပျောက်သွားတာမြင်ဖို့ပါဘဲ ဘုရား) စိတ္တာနုပဿနာကြည့်ပြန်ကော (ချုပ်ပျောက်သွားတာ မြင်ဖို့ပါဘဲ ဘုရား) ဓမ္မာနုပဿနာကြည့်ပြန်ကော(ချုပ်ပျောက်သွားတာ မြင်ဖို့ပါဘဲ ဘုရား)။

If you observe Feelings? (We must see them cease and vanish, Sir). If you observe the Mind? (We must see it cease and vanish, Sir). If you observe Mind-Objects (Dhammānupassanā)? (We must see them cease and vanish, Sir).

ဒါကြောင့် သတိပဋ္ဌာန်လေးပါ တစ်ပါးပါးအားထုတ် အတူတူဘဲ၊ ကျန်တာတွေ အကုန်ပါတယ်ဆိုတာ ဟောတာ (မှန်ပါ) ရှင်းပြီနော်(ရှင်းပါပြီ ဘုရား)။

Therefore, practicing any single one of the Four Foundations of Mindfulness is the same. It encompasses all the others. (True, Sir). Is that clear? (Yes, it is clear, Sir).

အဲဒါ ကြိုးစားကြစမ်းပါ ချုပ်ပျောက်သွားတာကလေးတွေ မြင်အောင်(မှန်ပါ့) ဘာဖြစ်လို့ ကြိုးစားခိုင်းနေရသတုံး လို့ ဆရာသမားက ဘာဖြစ်လို့ တိုက်တွန်းချက် နောက်ထပ် ဒါလောက်တောင် ပေးရသတုံးလို့ ခင်ဗျားတို့ စိတ်ထဲမှာ သံသယရှိလို့ရှိရင် ဒါအမြင်မှန်ဖို့ တစ်ခြားဟာမြင်နေရင် မမှန်သေးဘူး(မှန်ပါ့) ဒါအမြင်မှန်ဘို့ ဒါဆုံးဖြတ်ချက် ချပေး နေတယ်(မှန်ပါ့ ဘုရား)။

Please strive hard to see these rapid flashes of cessation and vanishing. (True, Sir). Why do I keep urging you? Why does your teacher push you so relentlessly? If you have doubts in your mind, know this: It is to establish the Right View. If you see anything else, it is not the Right View yet. (True, Sir). I am giving you the definitive ruling so that your view becomes perfectly straight. (True, Sir).

ဒါနဲ့ ရှင်သာရိပုတ္တရာကတော့ သူကတော့ ရဟန္တာဖြစ်ပြီးသား ဖြစ်နေတော့ ဪ ဆန္နဟာ အမြင်တော့ မှန်ပါရဲ့၊ ဝိပဿနာမဂ်အမြင်ဘဲရှိသေးတယ်၊ လောကုတ္တရာ မဂ်အမြင်တော့ မရောက်သေးဘူးဆိုပြီး သိတယ်(မှန်ပါ့ ဘုရား)။

Since Venerable Sariputta was already an Arahant, he knew, "Channa's view is indeed correct, but he only possesses Insight Knowledge. He has not yet reached the Supramundane Path Knowledge." (True, Sir).

သို့သော် လူမမာဆန္နကတော့ ဒီအမြင်သည်ပင်သူက လောကုတ္တရာ မဂ်အမြင်ထင်နေတယ်(မှန်ပါ့) ဒါကြောင့် သူ့ကိုယ်သူ ရဟန္တာဆိုပြီး ဖော်မပြော ငြားသော်လည်း အဓိပ္ပါယ်က အဲဒီရောက်နေတယ်၊ သူဟာနောက်ထပ် စွဲကပ်မှီစရာ ပဋိသန္ဓေမရှိပါဘူးလို့ သူဖြေလိုက်တာကိုး(မှန်ပါ့ ဘုရား)။

However, the sick Channa assumed his insight was already the Supramundane Path Knowledge. (True, Sir). That is why, even though he did not explicitly declare 'I am an Arahant,' his meaning implied exactly that. He declared he had no seeds left to grasp at a new rebirth. (True, Sir).

ပဋိသန္ဓေ နေစရာမရှိဘူးဆိုရင် ရဟန္တာမှ၊ သောတာပန်ဆိုရင်ရှိသေးတယ်၊ သူကရဟန္တာအဖြေဖြေထားတယ် (မှန်ပါ့ ဘုရား)။

Only an Arahant has no seeds for rebirth. A Sotāpanna (Stream-Enterer) still has them. Channa gave the answer of an Arahant. (True, Sir).

ဒါရဟန္တာအမြင် မဟုတ်သေးဘူးတဲ့

"This Is Not the Insight of an Arahant"

ဒါနဲ့ ရှင်သာရိပုတ္တရာက မင်းရဟန္တာမဖြစ်သေးဘူးလို့ဘဲ လူမမာကိုပြောရမှာ ခဲယဉ်းတယ်၊ သူ့ညီရှင်စုန္ဒကလဲ အတူတူပါလာတာဖြစ်နေတော့ ရှင်စုနန္ဒကသိတယ်၊ ဒါရဟန္တာအမြင် မဟုတ်သေးဘူးတဲ့(မှန်ပါ့ ဘုရား)။

Venerable Sariputta found it difficult to bluntly tell a severely ill patient, "You are not an Arahant yet." Fortunately, his brother, Venerable Cunda, had accompanied him. Venerable Cunda knew immediately: "This is not the insight of an Arahant." (True, Sir).

ရှင်စုန္ဒကလဲ ငယ်ငယ်ကတည်းက ရဟန္တာဖြစ်တဲ့ပုဂ္ဂိုလ်(မှန်ပါ့) ညံ့တဲ့ပုဂ္ဂိုလ်မဟုတ်ဘူး(မှန်ပါ့ ဘုရား)။

Venerable Cunda himself had been an Arahant since he was a young novice. (True, Sir). He was not an ordinary person. (True, Sir).

ဒါနဲ့ သူက ရှင်သာရိပုတ္တရာ စကားအရ အရှင်ဘုရားတဲ့ မြတ်စွာဘုရားသခင်၏ တပည့်သား မှန်သ၍ နှလုံးသွင်းတာက လေးတစ်ခုတပည့်တော် လျှောက်ထားပါရစေတဲ့။

Stepping in after Venerable Sariputta spoke, Venerable Cunda said, "Venerable Sir, as a true disciple of the Buddha, please allow me to share a brief contemplation."

လျှောက်ထားပေါ့လို့ ဆန္နကပြောတော့

"Please share it," Channa replied.

နိဿိတဿစလိတံ၊ စတိတေ အနိဿိ တဿစလိတံနိတ္ထ၊ စလိတေ အသတိ ပဿဒ္ဓိ ဟောတိ၊ ပဿဒ္ဓိယာ သတိ နတိနဟောတိ၊ နတိယာ အသတိအာဂတိ ဂတိ နဟောတိ၊ အာဂတိဂတိယာ အသတိ စုတုပပါတော နဟောတိ ၊ စုတုပပါတော အသတိနေ ဝိဓနတုရံ နဥဘယ မန္တရေန ဧသေဝန္တောဒုက္ခဿာတိ။

“Nissitassa calitaṃ, asati calite nissitassa calitaṃ natthi, calite asati passaddhi hoti, passaddhiyā sati nati na hoti, natiyā asati āgati gati na hoti, āgati gatiyā asati cutupapāto na hoti, cutupapāto asati nevidha nahuraṃ na ubhayamantarena esevanto dukkhassāti.”

ဒါဟာသာဝကများ နှလုံးသွင်းတာပါဘုရား ဆိုပြီး ဒီတရားကလေးဟောပြီးတော့ သူတို့ညီအစ်ကို ပြန်သွား ကြတယ်၊ ဘုရားဆီ သွားကြတယ် (မှန်ပါ့ ဘုရား)။

"This is what the disciples contemplate, Sir," Cunda said. After delivering this short Dhamma, the two brothers left and returned to the Buddha. (True, Sir).

အဲဒီတော့ကို ဒီဒကာ ဒကာမတွေ မှတ်ဖို့ရာက နိသိတဿစလိတံ၊ နိသိတဿ၊ မိမိခန္ဓာ၌လည်းကောင်း၊ သူတစ်ပါးခန္ဓာ၌လည်းကောင်း၊ တဏှာမာနဒိဋ္ဌိနဲ့မှီနေသေးသော ပုဂ္ဂိုလ်အား(ဆက်သွယ်နေသေးသော ပုဂ္ဂိုလ်အား) စလိတံ၊ အကြာင်းရှိသည်ရှိသော် လှုပ်သည်၊ ဟောတိ ဖြစ်၏။ တဏှာနဲ့ ခင်နေမယ်၊ ဒီခန္ဓာငါးပါးကို (မှန်ပါ့ ဘုရား)။

Now, Yogis, you must carefully note this. Nissitassa calitaṃ. Nissitassa—for a person who still relies on and connects with their own aggregates (Khandhas) or the aggregates of others through Craving, Conceit, and Wrong View, calitaṃ—when a cause arises, they waver. Hoti—this is the natural law. They still have craving for these Five Aggregates. (True, Sir).

မှီနေရင် လှုပ်တယ်

If You Cling, You Waver

တဏှာနဲ့ မှီနေမယ်၊ မာနနဲ့ခန္ဓာအမှီပြုပြီး တက်ကြွနေမယ်၊ ခန္ဓာနဲ့ဆက်စပ်နေမယ်ပေါ့လေ (မှန်ပါ့) ဒိဋ္ဌိကလဲ ဒီခန္ဓာကြီးကို ငါ့ဟာလို့ ငါလို့ထင်နေမယ် ဆိုလို့ရှိရင်ဖြင့်တဲ့ ဒီခန္ဓာကြီးမှာ ဝေဒနာ ရောက်တဲ့အခါမှာတဲ့ လှုပ်လာတာလဲ(မှန်ပါ့) မှီနေရင် လှုပ်တယ်(မှန်ပါ့ ဘုရား)။

If you depend on Craving, if you elevate yourself with Conceit based on the aggregates, if you remain attached to the aggregates (True, Sir), and if your Wrong View makes you believe "This aggregate is mine" or "This aggregate is me"—then when severe pain strikes this body, your mind will waver and tremble. (True, Sir). If you cling, you waver. (True, Sir).

မှီနေရင်(လှုပ်ပါတယ် ဘုရား) ရှင်းပြီနော်(ရှင်းပါပြီ ဘုရား)။

If you cling? (You waver, Sir). Is that clear? (Yes, it is, Sir).

မနေ့က ပြောခဲ့ပါတယ်၊ ဒီတရားအစကို(မှန်ပါ့) ဒီကနေပြီး ဟင်္သာတမှာရှိတဲ့ ဆွေတွေမျိုးတွေကို ဘုန်းကြီးတို့ ဒကာ ဒကာမတွေက ဒို့လွှတ်ရာကျွတ်ရာလာပြီး သကာလ သူတော်ကောင်းတရားကြိုးစားနေပါတယ်၊ ဆိုငြားသော်လည်း သူတို့ကို ငါမှီတယ် မမှီတယ် သိချင်လို့ရှိရင် ဟိုက သတင်းကို နားထောင်ကြည့်ပါ(မှန်ပါ့ ဘုရား)။

I mentioned this at the beginning of yesterday's talk. (True, Sir). You Yogis might say, "We have left everything behind to practice the noble Dhamma here." But if you want to know whether you still cling to your relatives back in Hinthada, just observe your mind when you hear news from them. (True, Sir).

ကျန်းမာတဲ့သတင်း ကြားလို့ရှိရင်လဲ ဝမ်းမြောက်သော လှုပ်ခြင်းလှုပ်ပါတယ်(မှန်လှပါ) မကျန်းမာဘူး သတင်းကြားရင်လဲ စိုးရိမ်သော လှုပ်ခြင်း လှုပ်ပါတယ်၊ မလှုပ်ဘူးလား(လှုပ်ပါတယ် ဘုရား)။

If you hear they are healthy, you waver with joy. (True, Sir). If you hear they are sick, you waver with anxiety. Do you not waver? (We do waver, Sir).

ဒါ့ဘယ်နှယ့်ကြောင့် လှုပ်ပါလိမ့်မတုံးလို့ ဦးမာဒင်မေးရင် ဘယ့်နှယ်ဖြေပါ့မတုံး(တဏှာနဲ့ မှီနေသောကြောင့် ပါ ဘုရား)။

If Dr. U Ma Din were asked why you waver, how would you answer? (Because we still cling with Craving, Sir).

နို့ လူကတော့ တစ်ခြားစီပါလား(တစ်ခြားစီပါ ဘုရား) အာရုံအာရမ္မဏိက ဆက်နေတယ်(မှန်ပါ့) ဟိုက အာရုံ နဲ့ ဒီကအာရမ္မဏိက စိတ်နဲ့ တဏှာမာန ဒိဋ္ဌိသွားဆက်နေတယ်(မှန်ပါ့) သဘောကျပြီလား(ကျပါပြီ ဘုရား)။

Look at that! People assume the external object and the internal mind are separate. (They are separate, Sir). But the sense object and the mind that takes the object become connected. (True, Sir). Craving, Conceit, and Wrong View bridge the gap between the external object and the internal mind. (True, Sir). Do you grasp the meaning? (Yes, we do, Sir).

ဪ ခင်ဗျားတို့ ဒီလာနေကြတာနော်၊ အကြောင်းရှိရင် လှုပ်သေးသကိုးလို့ ဆရာသမားက ပြောလို့ရှိရင် ခင်ဗျားတို့က ငြင်းဖို့မလိုဘူး(မှန်ပါ့ ဘုရား)။

So, if your teacher remarks, "Ah, you came all the way here, but when a cause arises, you still waver," you cannot deny it. (True, Sir).

ဘာဖြစ်လို့ ငြင်းဖို့မလိုသတုံးလို့ မေးတဲ့အခါကျတော့ ဝမ်းမြောက်စရာ စာကလေးတစ်စောင်လာလဲ ဝမ်းမြောက် နေတာဘဲ(မှန်ပါ့) ဝမ်းနည်းစရာ စာကလေးတစ်စောင်လာလဲ (ဝမ်းနည်းပါတယ် ဘုရား)။

Why can you not deny it? Because when a joyful letter arrives, you rejoice. (True, Sir). And when a sorrowful letter arrives? (We feel sorrowful, Sir).

သူတို့က အလှုပ်ခိုင်းရင် လှုပ်တယ်

They Make You Waver

ဟာ ဦးမာဒင် ဘာဖြစ်တာတုံးဆိုရင် အို သူတို့နဲ့ တပည့်တော်မှီနေတာ(မှန်ပါ့ ဘုရား) ကိုယ့်တဏှာမာန ဒိဋ္ဌိသူတို့နဲ့ မှီနေတယ်ဘုရား၊ ဒါကြောင့် သူတို့က အလှုပ်ခိုင်းရင် လှုပ်တယ်(မှန်ပါ့) သူတို့ ငြင်းခိုင်းရင်(ငြင်းပါတယ် ဘုရား)။

"Dr. U Ma Din, what is happening to you?" "Oh, it is because I still cling to them, Sir." (True, Sir). "My Craving, Conceit, and Wrong View are tied to them, Sir. Therefore, when they make me waver, I waver." (True, Sir). "When they make me reject things?" (We reject them, Sir).

ခင်ဗျားတို့ သူတစ်ပါးဩဇာခံ ဖြစ်နေပါပေါ့လား၊ ဝေးနေပေမဲ့(မှန်ပါ့) မဆိုးဝါးဘူးလား(ဆိုးဝါးပါတယ် ဘုရား)။

Do you see? You are living entirely under the control of others, even from a distance! (True, Sir). Is that not terrible? (It is terrible, Sir).

အဲဒါ ဘယ့်နှယ်ကြောင့် ခင်ဗျားတို့ သူတစ်ပါး ဩဇာခံဖြစ်နေရသတုံး၊ ကိုယ်ကသွားသွားမှီတယ်(မှန်ပါ့) မှီတော့ သူတို့က လှုပ်ချင်ရင် လှုပ်တယ်၊ သူတို့ကအပြုံးခိုင်လိုက်ရင် (ပြုံးပါတယ် ဘုရား)။

Why are you subject to the control of others? Because you actively go and cling to them. (True, Sir). Because you cling, if they want you to waver, you waver. If they order you to smile? (We smile, Sir).

သူတို့က အမဲ့ခိုင်းလိုက်ရင်(မဲ့ပါတယ် ဘုရား) ဟ ဘာဖြစ်နေတာတုံး၊ ဒီဦးမာဒင်ကြီးက မကြီးမငယ်နဲ့ ဆိုလို့ရှိရင် (မှီနေလို့ပါ ဘုရား) ရိပ်မိပြီလား(ရိပ်မိပါပြီ ဘုရား)။

If they order you to frown? (We frown, Sir). "What is wrong with you, Dr. U Ma Din, acting like this at your age?" (It is because we cling, Sir). Do you see it now? (Yes, we do, Sir).

ဒါကြောင့် ဆန္နမှာလဲ သူခန္ဓဉာဏ် မရောက်လာတော့ လှုပ်တယ်(မှန်ပါ့) သင်ဓုန်းနဲ့သတ်ပြီး သေပါတော့ မယ်၊ ခန္ဓာကြီးကို ဝေဒနာနှိပ်စက်နေတာ မကြည့်နိုင်ဘူး၊ မကြည့်နိုင်တော့ ဒိဋ္ဌိနဲ့ ဘဲမှီနေတယ်၊ တဏှာနဲ့ကော (မှီပါ တယ် ဘုရား)။

This was the case with Venerable Channa. Because the Insight Knowledge of the Aggregates had not fully matured in him, he wavered. (True, Sir). "I will kill myself with a razor! I cannot bear to watch this disease torture my body!" Because he could not bear it, he was clinging with Wrong View. Was he clinging with Craving? (Yes, he was, Sir).

မာနနဲ့ကော (မှီပါတယ် ဘုရား) အဲ မှီနေလို့ ဆန္နမထေရ်လှုပ်တာ(မှန်ပါ့) ဒါကြောင့် စုန္ဒကဝင်ပြီး ကြားဖြတ် တရားဟောရတယ်(မှန်ပါ့) ရှင်းပြီလား (ရှင်းပါပြီ ဘုရား)။

With Conceit? (Yes, he was, Sir). Because he was clinging, Venerable Channa wavered. (True, Sir). That is exactly why Venerable Cunda had to step in and preach that specific Dhamma. (True, Sir). Is that clear? (Yes, it is, Sir).

ဒါဖြင့် ခင်ဗျားတို့မမှီယင်(မလှုပ်ပါ ဘုရား) မမှီယင်မလုပ်ဘူး၊ ခင်ဗျားတို့ကိုယ်တိုင်က အတော်ဆိုးတဲ့ လူတွေ အပြစ်တင်ရမယ် ဟင်(မှန်ပါ့ ဘုရား)။

Therefore, if you do not cling? (We will not waver, Sir). If you do not cling, you will not waver. But you people are quite terrible; I must point out your faults. (True, Sir).

ဘယ့်နှယ်များ နေကြသတုံး မေးချင်မေးလိမ့်မယ်(မှန်ပါ့) ဘယ့်နှယ်များနေကြသတုံးဟေ့၊ အရောင်းအဝယ် ဘယ့်နှယ်နေသတုံး၊ အစားအသောက် ဘယ့်နှယ်နေသတုံး၊ ကျန်းမာရေး ဘယ့်နှယ်နေသတုံး၊ ဒီကနေပြီး သကာလ လှမ်းမေးချင်တယ်(မှန်လှပါ ဘုရား)။

You constantly want to know what is going on. (True, Sir). "Hey, how is everyone doing? How is the business? How is the food? How is everyone's health?" You want to ask from afar. (True, Sir).

ဘာဖြစ်လို့ မေးတာတုံးလို့ ဆရာဘုန်းကြီးကမေးရင် ဘယ့်နှယ်ဖြေပါ့မလဲ လှုပ်လို့(မှန်ပါ့လှုပ်လို့ပါ ဘုရား) ရှင်းပြီလား(ရှင်းပါပြီ ဘုရား)။

If I ask you why you want to know, how will you answer? Because you want to waver! (True, Sir. Because we want to waver, Sir). Is that clear? (Yes, it is, Sir).

ဒါဖြင့် ဟိုကငြိမ်ငြိမ်နေတာတောင် ကိုယ်က လှုပ်ပါရစေထဲက(မှန်ပါ့) အတော်ဆိုးနေတာ(မှန်ပါ့) ကိုက ငြိမ်ငြိမ်နေတာတောင် ကိုယ်က လှုပ်ပါရစေထဲက၊ သွားများကြည့်လိုက်ချင်သေးတယ်၊ နေ့ခြင်းပြန်ရင်(မှန်ပါ့ ဘုရား)။

Even when things are calm over there, you ask to be shaken up! (True, Sir). It is quite severe. (True, Sir). Even when things are peaceful, you actively seek agitation. Some of you even want to make a quick day-trip back home just to look around. (True, Sir).

ဘာဖြစ်လို့တုန်းဆိုတော့ လှုပ်ချင်လို့(မှန်ပါ့) ဒါကြောင့် ဟိုဒကာမကြီးတွေ ပြန်ပြေးတာဟာ လှုပ်ပြန်တာ (မှန်ပါ့) ငြိမ်ချင်လို့ ပြန်တာလား၊ လှုပ်ချင်လို့ပြန်တာလား(လှုပ်ချင်လို့ပါ ဘုရား)။

Why? Because you want to waver! (True, Sir). Those elderly female Yogis who rushed back home—they did it to waver. (True, Sir). Did they return to find peace, or did they return to waver? (They returned to waver, Sir).

လှုပ်တာမှ သူတို့ကြိုက်နေတယ်

They Actually Like to Waver

ဪ လှုပ်တယ်ဆိုတဲ့ဥစ္စာသည် ခင်ဗျားတို့သည် မငြိမ်မဆိပ်ဖြစ်နေတာဘဲ(မှန်ပါ့) ဒီပုထုဇဉ်ကလဲ မငြိမ်မဆိပ် ကိုပင်လျှင် ပြောင်းပြန်ဖြတ်ပြီးတော့ သညာဝိပ္ပလ္လသနဲ့ မကြားရရင် မကောင်းဘူးလား(မှန်ပါ့ ဘုရား)။

Ah, this desire to waver simply means you cannot stand being peaceful and quiet. (True, Sir). Ordinary people profoundly misunderstand this due to the Inversion of Perception (Saññā-vipallāsa). You think, "Isn't it bad if I don't hear any news?" (True, Sir).

ကြားရမှ ကောင်းတယ်ဆိုတော့ လှုပ်တာမှ သူတို့ကြိုက်နေတယ်(မှန်ပါ့) ဘယ့်နှယ်နေသတုံး(လှုပ်တာမှကြိုက်နေ ပါတယ် ဘုရား) ငြိမ်ငြိမ်နေရင် (မကြိုက်ပါ ဘုရား)။

You think it is only good when you hear news. You actually like to waver! (True, Sir). How is it? (We like to waver, Sir). If things are perfectly still and quiet? (We do not like it, Sir).

ဒါကြောင့် ဘုရားသခင် ကိုယ်တော်မြတ်ကြီးက ခန္ဓာကိုယ်ကြီးကို စလိတောလို့ သူုဟောတယ်(မှန်ပါ့) တုန်လှုပ် တတ်တဲ့သတ္တိသဘောရှိတယ်(မှန်ပါ့) တောလေးဆယ် မလာဘူးလား(လာပါတယ် ဘုရား)။

That is why the perfectly Enlightened Buddha declared that the nature of the physical body is calito—it wavers. (True, Sir). It has the inherent nature of trembling and wavering. (True, Sir). You have heard of the Forty Contemplations, haven't you? (Yes, we have, Sir).

ခန္ဓာကိုယ်ကြီးမှာ ဘယ်သဘောသတ္တိရှိသတုံး၊ တုန်လှုပ်တတ်တဲ့ သတ္တိသဘောရှိတယ်(မှန်ပါ့) စလတောကိုး၊ စလဆိုတာ တုန်လှုပ်ခြင်း(မှန်ပါ့ ဘုရား)။

What is the inherent nature of the body? It has the nature to tremble and waver. (True, Sir). That is calito. Cala means to tremble and waver. (True, Sir).

ဪ ခင်ဗျားတို့ ဝိပ္ပလ္လာသသိပ်ခက်ပါကလား၊ ဣန္ဒြေရရကို မကြိုက်ဘူး(မှန်ပါ့ ဘုရား)။

Oh, your Inversion of Views (Vipallāsa) is a very difficult problem! You absolutely despise serenity. (True, Sir).

ဆရာဝန်ကြီး ဣန္ဒြေရရဆိုရင် (မကြိုက်ပါ ဘုရား) လှုပ်နေရရင် (လှုပ်နေရမှကြိုက်ပါတယ် ဘုရား) ခက်နေပြီ မောင်ချစ်စိန်က ဘယ်လိုမှ ကြိုက်သတုံး(လှုပ်နေရင် ကြိုက်ပါတယ် ဘုရား)။

Dr. U Ma Din, if you have to sit peacefully with perfect composure? (We do not like it, Sir). If you get to waver? (We only like it when we are wavering, Sir). This is quite a problem. Maung Chit Sein, what do you prefer? (I prefer to waver, Sir).

လှုပ်နေရမှဆိုတော့ မျက်ရည်တစ်လှည့်၊ အပြုံးတစ်လှည့် ဒါကို ခင်ဗျားတို့က ကြိုက်တယ်(မှန်ပါ့ ဘုရား)။

Since you prefer to waver, it means you enjoy alternating between tears and smiles. You actually like this cycle! (True, Sir).

ဒကာမကြီးတွေ ဘာများကြိုက်နေကြတုံး(မျက်ရည်တစ်လှည့် အပြုံးတစ်လှည့်မှ ကြိုက်ပါတယ် ဘုရား) ဖြစ်မှ ဖြစ်ရလေဗျာ မျက်ရည်ဟာလဲ ငိုခြင်းတစ်မျိုးဘဲ (မှန်ပါ့ ဘုရား)။

Female Yogis, what do you prefer? (We prefer alternating between tears and smiles, Sir). What a tragedy! Let me tell you, tears are obviously a form of weeping. (True, Sir).

ဒေါသနဲ့ ငိုတာတစ်မျိုး၊ ပြုံးပြီး ငိုတာတစ်မျိုးဆိုပြီး မိလိန္ဒာပကဉ္စာက ရယ်ဘာလဲ ငိုတာဘဲတဲ့၊ ရှင်းပြီလား (ရှင်းပါပြီ ဘုရား)။

Weeping out of anger is one thing. But weeping while smiling is another! The Milindapañhā states that laughing is just another form of weeping. Is that clear? (Yes, it is, Sir).

ခင်ဗျားတို့က ပင်ကိုယ်ကြိုက်ပေါ့လေ တစ်ချို့(မှန်ပါ့) ပင်ကိုယ်ကြိုက်ဖြစ်ပြီး သကာလ နေတဲ့ အဖြစ်ဟာ တော်တော်အဖြစ်ဆိုးဘဲလို့ ဘုန်ကြီးတို့ ဒကာ ဒကာမတွေ မှတ်ရမယ် (မှန်ပါ့ ဘုရား)။

Some of you inherently like this. (True, Sir). Let me warn you Yogis: living with such a preference is a terrible state of existence. (True, Sir).

အာသဝေါ ကုန်တဲ့ပုဂ္ဂိုလ် မလှုပ်ဘူး တဲ့

The Mind of an Arahant Does Not Waver

ဒါကြောင့် မနေ့က ခင်ဗျားတို့ ရထားတဲ့ မင်္ဂလသုတ်ကို ရွတ်လိုက်တယ်၊ ဖုဌဿ လောကဓမ္မေဟိ စိတ္တံယဿ နကမ္ပဘိ၊ လောကဓံ တရားတို့နှင့် တွေ့ကြုံသော ပုဂ္ဂိုလ်၏ စိတ်သည် မလှုပ်ဘူးတဲ့၊ အာသဝေါ ကုန်တဲ့ပုဂ္ဂိုလ် မလှုပ်ဘူး တဲ့(မှန်ပါ့) လောကကြီးမှာ ပြုံးစရာတွေ့လည်း မပြုံးဘူးတဲ့၊ မဲ့စရာတွေ့လည်း (မ မဲ့ပါ ဘုရား)။

Therefore, consider the Mangala Sutta you recited yesterday: “Phuṭṭhassa lokadhammehi, cittaṃ yassa na kampati.” When confronted with worldly conditions (Loka-dhamma), the mind does not waver. The mind of one whose mental defilements (Āsavas) are eradicated does not waver. (True, Sir). When encountering something that makes ordinary people smile, they do not smile. When encountering something that makes ordinary people frown? (They do not frown, Sir).

ခင်ဗျားတို့ကတော့ ဟေ့ သေအတူ ရှင်အတူပေါ့ဆိုတာ ဘာတုံး၊ ပြုံးစရာရှိစလဲ အတူတူ ပြုံးရအောင်(မှန်ပါ့) မဲ့ စရာရှိရှိလဲ (အတူတူမဲ့ရအောင်ပါ ဘုရား)။

But you people say things like, "We will live together and die together!" What does that really mean? It means, "When there is a reason to smile, let us smile together." (True, Sir). "And when there is a reason to frown?" (Let us frown together, Sir).

အတူတူမဲ့မယ်ဆိုတော့ ခင်ဗျားတို့က ပြုံးချင်မဲ့ချင်နေတာ (မှန်ပါ့) ဘယ့်နှယ်ဆိုကြမယ်(ပြုံးချင်မဲ့ချင်နေတာ ပါ ဘုရား)။

If you agree to frown together, it means your whole life is just wanting to smile and wanting to frown. (True, Sir). What do you say? (We just want to smile and frown, Sir).

ဖြစ်မှဖြစ်ရလေဗျာ၊ ပြုံးတာလဲ မိလိန္ဒပဉ္စာက ငိုတာတဲ့(မှန်လှပါ ဘုရား) မဲ့တာကော (ငိုတာပါ ဘုရား)။

What a tragedy! Remember, the Milindapañhā says smiling is weeping. (True, Sir). And frowning? (It is also weeping, Sir).

ဒါဖြင့် ခင်ဗျားတို့ သောကပရိဒေဝါနံ သမတိက္က မာယတဲ့၊ သတိပဌာန်က သောပပရိဒေဝ လွှန်မြောက်အောင် သတိပဌာန်လုပ်ပါကွ၊ ဒါတွေဟာ ခင်ဗျားတို့ ကြိုက်နေတဲ့ အလုပ်ဘဲ(မှန်ပါ့ ဘုရား)။

Therefore, the Buddha taught the Four Foundations of Mindfulness to help you overcome this: “Sokaparidevānaṃ samatikkamāya.” Practice Mindfulness to completely transcend sorrow and lamentation! But these waverings are exactly what you enjoy! (True, Sir).

ဒါကြောင့် သတိပဌာန် ငါဟောတယ်တဲ့(မှန်ပါ့) သောကပရိဒေဝ လွှန်မြောက်အောင် လုပ်ကြစမ်းပါ၊ နို့ မဟုတ်ရင် မင်းတို့ ဒါနဲ့ လမ်းဆုံးနေမယ်တဲ့(မှန်ပါ့) ပြုံးတယ်ဆိုတာ ပဋိစ္စသမုပ္ပါဒ်ဆက်တာ (မှန်ပါ့ ဘုရား)။

That is why the Buddha explicitly said, "I preach the Four Foundations of Mindfulness." (True, Sir). Please practice to transcend sorrow and lamentation. Otherwise, you will reach a dead end right here. (True, Sir). To smile means to connect the links of The Wheel of Dependent Origination! (True, Sir).

ပြုံးတာက တဏှာ၊ သားကလေး သမီးလေးတွေက ပျော်ပျော်ရွှင်ရွှင်နဲ့ စားကြသောက်ကြတယ်၊ ကျန်းကျန်းမာမာနဲ့ နေကြတယ်၊ အိမ်သူအိမ်သားတွေက နေကြပြီဆိုမှဖြင့် ပြုံးတဲ့တဏှာ(မှန်ပါ့ ဘုရား)။

Smiling is Craving (Taṇhā). When you see your sons and daughters eating and drinking happily, when you see them healthy, when you see your household thriving, you smile. That smile is Craving! (True, Sir).

ဥပါဒါန် ကံ ဇာတိဇရာမရဏ မလာဘူးလား(လာပါတယ် ဘုရား) ဒါမှလဲ ခင်ဗျားတို့က ကြိုက်တယ်(မှန်ပါ့) ဆရာဝန်ကြီးတို့က ဆိုးဝါးပုံက(မှန်ပါ့ ဘုရား)။

And with Craving, do Clinging (Upādāna), Kammical Actions (Kamma), Rebirth (Jāti), Aging (Jarā), and Death (Maraṇa) not follow? (They do follow, Sir). Yet, this is exactly what you like! (True, Sir). Dr. U Ma Din and the rest of you are in quite a severe state. (True, Sir).

ပြုံးတယ် ပြုံးတယ်ဆိုတာ တဏှာဘဲ၊ သဘောကျပြီလား(ကျပါပြီ) တဏှာလာရင် (ဥပါဒါန်က လာပါတယ် ဘုရား) ဥပါဒါန်လာရင် ကံ(လာပါတယ် ဘုရား) ကံလာရင် ဇာတိဇရာ မရဏက(လာပါတယ် ဘုရား)။

To smile is nothing but Craving. Do you grasp the meaning? (Yes, we do, Sir). When Craving arises? (Clinging follows, Sir). When Clinging arises? (Kammical Action follows, Sir). When Kammical Action arises? (Rebirth, Aging, and Death follow, Sir).

အပြုံးကြိုက်ရင် အိုသေက မလွတ်ဘူး

If You Like Smiling, You Cannot Escape Aging and Death

အဲဒီလို ခင်ဗျားတို့ တပည့်တော်တို့ အိုရ၊ နာရ၊ သေရမှာ ကြောက်ပါတယ်ဆိုငြားသော်လဲ အပြုံးတော့ ကြိုက်တယ်(မှန်လှပါ) အပြုံးကြိုက်ရင် အိုသေက မလွတ်ဘူး(မှန်ပါ့) သဘောကျပြီလား(ကျပါပြီ) အပြုံးကြိုက်ရင် (အိုသေမလွတ်တာ ကြိုက်ပါတယ် ဘုရား)။

Even though you say you fear aging, sickness, and death, you still love to "smile." (True, Sir). If you love to smile, you cannot escape aging and death. (True, Sir). Do you grasp the meaning? (Yes, we do, Sir). Therefore, by loving the smile... (We are choosing not to escape aging and death, Sir).

သို့သော် ဦးမာဒင် အပြုံးကြိုက်သလားလို့မေးရင် ဘယ့်နှယ့်ပြောမယ်(ကြိုက်ပါတယ်ဘုရား ပြောရမှာပါဘဲ) ဒါဖြင့် အိုသေကို ခင်ဗျားယူဦးမယ်(မှန်လှပါ ဘုရား) အိုသေဘဲယူရုံဘဲ၊ အပြုံးကြိုက်သတုံး(မှန်ပါ့ ဘုရား)။

But U Ma Din, if I ask whether you love to smile, what would you say? (I would have to admit that I do, Sir). In that case, you will continue to embrace aging and death. (True, Sir). As long as you love the smile, you are simply choosing aging and death. (True, Sir).

တပည့်တော်တို့က စိမ်းချမ်းသာ လက်ချမ်းသာ နေချင်တယ် ဘုရားတဲ့၊ ခင်ဗျားတို့ချမ်းသာက နိဗ္ဗာန်ချမ်းသာ မဟုတ်ဘူးတဲ့၊ သောမနဿချမ်းသာကိုဆိုတာ(မှန်ပါ့) တကယ်ငြိမ်သက်တဲ့ ချမ်းသာကို လိုချင်တာ မဟုတ်ဘူး (မှန်ပါ့ ဘုရား)။

You might say, "Sir, we just want to live a pleasant and comfortable life." But your kind of happiness is not the bliss of Nibbana; it is merely worldly pleasure (Somanassa). (True, Sir). You do not actually desire true, tranquil peace. (True, Sir).

သန္တိလက္ခဏံ နိရောဓသစ္စံ= ငြိမ်သက်တဲ့ချမ်းသာကို ခင်ဗျားတို့က မကြိုက်ဘူး၊ အပြုံးချမ်းသာကို ကြိုက်တယ် (မှန်လှပါ) အပြုံးချမ်းသာကြိုက်ချင်လို့ရှိရင် ဟောဒါက ချမ်းသာ၊ ဟောဒါက အမဲ့ဘဲ(မှန်ပါ့ ဘုရား)။

Santilakkhaṇaṃ Nirodhasaccaṃ—you do not appreciate the bliss of perfect tranquility; you only crave the happiness of the "smile." (True, Sir). If you crave the happiness of the smile, look here: this is the smile, and this over here is the frown! (True, Sir).

ဇာတိ ဇရာ မရဏက (အမဲ့ပါ ဘုရား) ပထမကတော့ ချမ်းသာတယ်၊ နောက်တော့မဲ့တယ်။ မမဲ့ရဘူးလား (မဲ့ရပါတယ် ဘုရား)။

Rebirth (Jāti), Aging (Jarā), and Death (Maraṇa) are what? (They are the frown, Sir). At first, there is pleasure, but later comes the frown. Won't you have to frown? (We will have to, Sir).

တဏှာပြီး ဥပါဒါန် ဇာတိ ဇရာ မရဏ လာရမှာကိုး(မှန်ပါ့) ဇာတိ ဇရာ မရဏကျတော့ ခင်ဗျားတိုမဲ့ လုံးဟာ ရပ်ဆိုင်းလို့ရရဲ့လား(မရပါ ဘုရား) ဘာဖြစ်လို့တုံး ပြုံးမိလို့(မှန်ပါ့ ဘုရား)။

After Craving (Taṇhā), there must follow Clinging (Upādāna), Rebirth (Jāti), Aging (Jarā), and Death (Maraṇa). (True, Sir). When Jāti, Jarā, and Maraṇa arrive, can you stop yourself from frowning? (No, we cannot, Sir). Why is that? It is because you smiled in the first place! (True, Sir).

တဏှာနဲ့ ပြုံးမိလို့ မဲ့ရတာ (မှန်ပါ့) သဘောကျပြီလား (ကျပါပြီ ဘုရား)။

Because you smiled with Craving (Taṇhā), you are forced to frown. (True, Sir). Do you grasp the meaning? (Yes, we do, Sir).

ဒီအမဲ့လာမှာစိုးလို့ အပြုံးပါ ပယ်ချတယ်

ဒါဖြင့် အပြုံးကို အရိယာပုဂ္ဂိုလ်များ မကြိုက်တာသည် ဒီအမဲ့လာမှာစိုးလို့ အပြုံးပါ ပယ်ချတယ်(မှန်ပါ့ ဘုရား) ရှင်းပြီလား (ရှင်းပါပြီ ဘုရား)။

Therefore, the Noble Ones (Ariyas) do not enjoy the smile. Fearing the inevitable frown that follows, they discard the smile entirely. (True, Sir). Is that clear? (Yes, it is, Sir).

အပြုံးကို အရိယာပုဂ္ဂိုလ်များသည် မတုန်လှုပ်ဘူး၊ ပြုံးစရာရှိလဲ မပြုံးဘူး၊ လောကကြီးကိစ္စတွေနဲ့ တွေ့လို့ရှိရင် ပြုံးစရာရှိလဲ မပြုံးဘူးဆိုတာ ဒီအမဲ့ပါ သတ်ပြီးသားဖြစ်နေလို့ (မှန်လှပါ ဘုရား)။

The Noble Ones are completely unshaken by the smile. Even when there is a worldly reason to smile, they do not. When facing worldly affairs, they remain unsmiling because they have already eradicated the frown. (True, Sir).

အမဲ့ရော အပြုံးရော သတ်ပစ်လိုက်တယ် (မှန်လှပါ ဘုရား) ဒါမှ ငြိမ်းအေးတဲ့ ချမ်းသာ(မှန်ပါ့) နိဗ္ဗာန်က ငြိမ်းအေးတဲ့ချမ်းသာ၊ ပုထုဇဉ်တို့ကတော့ ပြုံးပြီးတော့မှ ပြန်ပြီးမဲ့တာ ကြိုက်ကြတယ်(မှန်ပါ့) ရှင်းပြီလား(ရှင်းပါပြီ ဘုရား)။

They have eradicated both the frown and the smile! (True, Sir). Only that is tranquil bliss. (True, Sir). Nibbana is unshakeable, tranquil bliss. Ordinary people, however, love to smile first, even if it means they must frown later on. (True, Sir). Is that clear? (Yes, it is, Sir).

ဪ နိဗ္ဗာန်စစ်စစ် ချမ်းသာစစ်ကို ဘုရားသခင် ကိုယ်တော်မြတ်ကြီး ဟောသလောက် ပြောရ ဆိုရတော့ မယ်ဆိုလို့ရှိရင် တစ်ခါတစ်လေ မဟောချင်ဘူး(မှန်ပါ့ ဘုရား)။

Sometimes, when I have to explain the genuine bliss of Nibbana exactly as the Exalted Buddha taught it, I almost feel reluctant to preach. (True, Sir).

ခင်ဗျားတို့က ဒီအပြုံးကြိုက်ရင် ဒါရှာရတော့မယ်ဆိုတာလဲ ဘုရားက သိတော်မူတယ်(မှန်ပါ့) ခင်ဗျားတို့ကလဲ ဒီအပြုံးကို လွှတ်ပါဆိုတော့ မလွှတ်ချင်ဘူး (မှန်ပါ့ ဘုရား)။

The Buddha knew perfectly well that if you love this smile, you will keep chasing after it. (True, Sir). And when I urge you to let go of this smile, you simply do not want to let it go. (True, Sir).

ဒီအမဲ့ကို မယူပါနဲ့ဆိုတော့လဲ မလွှတ်ချင်တဲ့ ပုဂ္ဂိုလ်က ယူရုံဘဲရှိတယ် မဟုတ်ဘူးလား(မှန်လှပါ ဘုရား) မလွှတ် ချင်တဲ့ပုဂ္ဂိုလ်က (ယူရုံဘဲရှိပါတယ် ဘုရား)။

When I tell you not to take the frown, those who refuse to let go of the smile have no choice but to take the frown as well, isn't that so? (True, Sir). Those who refuse to let go... (Have no choice but to take it, Sir).

အမဲ့ဇာတ်သိမ်းရတယ်

အဲဒီကျပြန်တော့လဲ ခင်ဗျားတို့က ဖြစ်မှဖြစ်ရလေခြင်း လာပြီ ခင်ဗျားတို့(မှန်ပါ့) ဒီလိုဖြစ်လိမ့်မယ် မထင် ဘူးတဲ့၊ ဟ ဒီကစလို့ ဒီလိုဖြစ်တာ၊ ရိပ်မိပြီ လား၊ (ရိပ်မိပါပြီ) အပြုံးစမိတာနဲ့ အမဲ့ဇာတ်သိမ်းရတယ်(မှန်ပါ့ ဘုရား)။

And when the frown finally arrives, you lament, "Oh, how could this happen to me!" (True, Sir). You complain, "I never thought it would turn out this way." But look here! It ends this way because it started that way! Do you see it? (Yes, we do, Sir). Because you started with a smile, it must inevitably end with a frown. (True, Sir).

ဘယ့်နှယ်ဆိုကြမယ်(အပြုံးစမိတာနဲ့ အမဲ့ဇာတ်သိမ်းရပါတယ် ဘုရား)။

How should we put it? (Because we started with a smile, it must inevitably end with a frown, Sir).

နို့ အပြုံးမစမိလို့ရှိရင် အမဲ့ဇာတ်သိမ်းဖို့ လိုသေးသလား(မလိုပါ ဘုရား) ဒါကို ခင်ဗျားတို့က စာတတန်၊ ပေတတန်များ မေးရသေးတယ်(မှန်ပါ့ ဘုရား)။

Now, if you never started with a smile, would there be any frown to experience at the end? (No, Sir). Yet, you still go around asking philosophical questions, quoting scriptures and texts. (True, Sir).

ဆရာဝန်ကြီးတို့ ဘယ့်နှယ်တုံး၊ စာတတန်၊ ပေတတန်နဲ့ ပြုံးချင်လို့ မေးရတဲ့အခါများ မပါဘူးလား(ပါ ပါတယ် ဘုရား) ဘာဖြစ်လို့တုံး (မပြတ်ချင်လို့ပါ ဘုရား)။

Doctor, isn't it true? Don't you sometimes use scriptures and texts to justify your desire to keep smiling? (Yes, we do, Sir). Why is that? (Because we do not want to break the cycle, Sir).

အဲ့ဒီကျအောင်သိမှ ဒါကပဋိစ္စသမုပ္ပါဒ်ပေါ်တာ(မှန်ပါ့) ဒီအပြင် တရားကမပေါ်ဘူး(မှန်လှပါ) ဒီ့အပြင်တရားက ဒီကြားပြတ်နေတယ်(မှန်ပါ့ ဘုရား)။

You must understand it deeply to see how The Wheel of Dependent Origination works. (True, Sir). No other law governs this. (True, Sir). Anything else is completely disconnected from the truth. (True, Sir).

ဒီကြားမှာပြတ်ပြီးတော့ ဪ ခင်ဗျားဘဲ ကောင်းလို့ ပြုံးတယ်၊ ကံကောင်းလို့ ခင်ဗျား ဒီနားတွင် ပြုံးရတယ် ထင်နေတာ (မှန်ပါ့ ဘုရား)။

Because you fail to see the unbroken causal link, you mistakenly think, "Oh, you are smiling because you are a good person! You are smiling right now because you have good karma!" (True, Sir).

ပဋိစ္စသမုပ္ပါဒ်ကတော့ ဒီလိုမဟုတ်ဘူး၊ ဟောဒါ ပြုံးတာဘဲကွ၊ ပြုံးတာ စွဲလမ်းတာဘဲကွ၊ ဟောဒါ အပြုံးကြီး တော့ အားထုတ်တဲ့ကံဘဲကွ၊ ဟောဒါ မဲ့ရတော့မယ်ကွ၊ သူက သုံးကျိုးဆက်မေးတယ်(မှန်ပါ့) ရှင်းပြီလား(ရှင်းပါပြီ ဘုရား)။

The Wheel of Dependent Origination does not work like that. It states: "Look, this is the smile (Taṇhā). The smile turns into clinging (Upādāna). The clinging drives the effort and action (Kamma). And the result? You are bound to frown (Jāti, Jarā, Maraṇa)!" It strictly demonstrates the unbroken chain of causes and effects. (True, Sir). Is that clear? (Yes, it is, Sir).

ဒါဖြင့် ဒီထဲမှာ ခင်ဗျားတို့ အိမ်ထောင်လဲ တည်ထောင်ပြီး ကြတဲ့ပုဂ္ဂိုလ်တွေ၊ ဆွေမျိုးဉာတကာတွေနဲ့လဲ ခွဲဘူးကြတဲ့ ပုဂ္ဂိုလ်တွေ အကုန်တစ်တန်းတည်းဘဲ(မှန်ပါ့ ဘုရား)။

Therefore, all of you sitting here—those who have built families, and those who have suffered the separation from loved ones—you are all in the exact same boat. (True, Sir).

မမဲ့သေးတဲ့ပုဂ္ဂိုလ်များ ပါသေးသလား

ပြုံးဘူးတဲ့ပုဂ္ဂိုလ်ချည့်ဘဲ(မှန်ပါ့) မဲ့ဘူးတဲ့ ပုဂ္ဂိုလ်တွေဘဲ၊ မမဲ့ သေးတဲ့ပုဂ္ဂိုလ်များ ပါသေးသလားမေးရင် ဘယ့်နှယ် ဖြေကြမလဲ(မပါ ပါ ဘုရား)။

You are all people who have smiled before. (True, Sir). And you are all people who have frowned before. If I were to ask, is there anyone here who has not frowned yet, how would you answer? (There is no one, Sir).

မပါတော့ဘူး(မှန်ပါ့) ဖြစ်မှ ဖြစ်ရပလေ၊ ကျွတ်ထိုးနေရတာနဲ့၊ ရင်ထုနေရတာနဲ့၊ အိပ်မပျော်ရတာနဲ့၊ အစားမဝင်ရ တာနဲ့ ဆရာဝန်ကြီး(မှန်လှပါ ဘုရား) အပြုံးကို သူတို့က ကြိုးစားထားတာကိုး(မှန်ပါ့) အပြုံးကို ကြိုးစားထားတယ်၊ တဏှာနဲ့ခင်းထားတယ်(မှန်ပါ့) နောက်ကျတော့ ဇာတိဇရာမရဏကျတော့ ငိုရတယ်(မှန်ပါ့) ရှင်းကြပြီလား (ရှင်းပါပြီ ဘုရား)။

There is no one. (True, Sir). You lament, "Oh, how could this happen!" You suffer from heartaches, beat your chests in grief, lose sleep, and lose your appetite, isn't that so, Doctor? (True, Sir). This happens because they worked so hard for the smile! (True, Sir). They strove for the smile, paving the way with Craving (Taṇhā). (True, Sir). Naturally, when Rebirth, Aging, and Death (Jāti, Jarā, Maraṇa) arrive, they must weep. (True, Sir). Is that clear? (Yes, it is, Sir).

ဒါဖြင့် ခင်ဗျားတို့ အပြုံးဇာတ်သိမ်းမှ အမဲ့ပါသွားမယ်(မှန်ပါ့) ကျေနပ်ပြီလား (ကျေနပ်ပါပြီ) ကောင်းပြီ အခု ကျေနပ်တာ အပိုဘဲ၊ အခုကျေနပ်တာ အပိုဘဲ(မှန်လှပါ ဘုရား)။

Therefore, only when you terminate the smile will the frown disappear. (True, Sir). Are you convinced? (Yes, we are, Sir). Very well. But merely being convinced right now is not enough; it is just empty satisfaction. (True, Sir).

အပြုံးဘယ်က ဘာသတုံးဆိုတဲ့ ဥစ္စာကို ခင်ဗျားတို့ရှာရလိမ့်မယ်(မှန်လှပါ) မရှာရင် တော်ပါ့မလား(မတော်ပါ ဘုရား)။

You must actively search for the root cause of this smile. (True, Sir). Would it be proper not to search for it? (No, it would not be proper, Sir).

အဲဒါရှာပေးပါ့မယ်တဲ့၊ ကဲ ဒါဖြင့် ပြုံးချင်တဲ့ ပုဂ္ဂိုလ်ဟာ မဲ့ချင်လို့ဘဲ၊ ကောင်ကလေး အူရွှင်တာ ငိုချင်လို့ဘဲ လားဆိုတာ ဒီကလာတာ(မှန်ပါ့) ရှင်းပြီလား(ရှင်းပါပြီ ဘုရား)။

I will reveal it to you. Now then, the person who desires to smile is actually desiring to frown. The saying, "A child laughing too heartily will soon cry," stems exactly from this truth. (True, Sir). Is that clear? (Yes, it is, Sir).

ခင်ဗျားတို့ လူကြီးတွေဆုံးမတာ ကောင်ကလေး အူရွှင်တယ် (ငိုချင်လို့ပါ ဘုရား) အခုတော့ ကိုယ်တွေ့(မှန်ပါ့) သဘောပါပြီလား (ပါ ပါပြီ ဘုရား)။

When the elders warn, "This child is laughing too much..." (He will soon cry, Sir). Now you are experiencing it firsthand! (True, Sir). Do you grasp the meaning? (Yes, we do, Sir).

ခင်ဗျားတို့ အိမ်ထောင်တည်ထောင်ကာစက အပြုံးနဲ့လာခဲ့ပါတယ်(မှန်ပါ့) အခုဘယ်အခြေအနေဆိုက်နေကြ သတုံးလို့မေးပါ(မှန်ပါ့ ဘုရား)။

When you first started your families, you began with a smile. (True, Sir). But ask yourselves, what situation have you ended up in now? (True, Sir).

အဖွားကြီးအတွက် အဖိုးကြီးက စိတ်မချနိုင်၊ အဖိုးကြီးက အဖွားကြီးအတွက် (စိတ်မချနိုင်ပါ ဘုရား)။

The old man constantly worries about his old wife, and the old wife... (Constantly worries about her old husband, Sir).

ဟာ လူကြီးချင်း စိတ်မချတာ ကိစ္စမရှိဘူး၊ မွေးဖွားထားတာ ကလေးတွေ ထော်လော်ကန့်လန့်တွေနဲ့ ဘယ်နှယ့် တုံး(စိတ်မချပါ ဘုရား)။

Well, spouses worrying about each other is one thing. But what about all those stubborn, disobedient children you gave birth to? How is it? (We worry about them too, Sir).

စိတ်မချဘူး အိပ်ယာထဲ အသက်ရှုတာတောင် ရိုးရိုးရှုရဲ့လား(မရှုပါ ဘုရား) သက်ပြင်းချရှုတယ် (မှန်ပါ့ ဘုရား)။

You are filled with anxiety! Even when lying in bed, do you breathe peacefully and normally? (No, we do not, Sir). You breathe in heavy sighs. (True, Sir).

ခင်ဗျားတို့ မဲ့ဇာတ်က ကြီးနေတယ်

ဒါလောက်ထိအောင် ခင်ဗျားတို့ မဲ့ဇာတ်က ကြီးနေတယ်(ကြီးနေပါတယ် ဘုရား) မကြီးဘူးလား (ကြီးပါတယ် ဘုရား)။

Your cycle of frowning has grown immensely! (It has grown, Sir). Has it not grown? (It has, Sir).

ဘယ်ကလာတာတုံးဗျ (ပြုံးရာကလာပါတယ် ဘုရား) ရှင်းပြီလား (ရှင်းပါပြီ ဘုရား)။

And where did all this come from? (It came from the smile, Sir). Is that clear? (Yes, it is, Sir).

ဒီမှာကြည့်လေ သူပဋိစ္စသမုပ္ပါဒ်ကို ခင်ဗျားတို့ ဉာဏ်နဲ့ မဖြတ်သ၍ကာလပတ်လုံး ဒီအပြုံးသည် ဒီအမဲ့သွား မှာဘဲ(မှန်ပါ့) ရှင်းပြီလား(ရှင်းပါပြီ ဘုရား)။

Look closely here. As long as you do not sever The Wheel of Dependent Origination with Insight Knowledge (Ñāṇa), this smile will inevitably lead straight to the frown. (True, Sir). Is that clear? (Yes, it is, Sir).

အပြုံးသည် (အမဲ့သွားမှာပါ ဘုရား) အမဲ့သွားမယ် ခန္ဓာဆုတောင်းတုံးကပြုံးတယ် ခန္ဓာရတော့ မဲ့ရတယ် (မှန်ပါ) သဘောကျပြီလား(ကျပါပြီ ဘုရား) ခန္ဓာဆုတောင်းလာတော့(ပြုံးပါတယ် ဘုရား)နောက်ခန္ဓာရတဲ့အခါကျတော့၊ အိုရ၊ နာရ၊ သေရတဲ့အခါကျတော့ ဘယ့်နှယ့်တုံး(မဲ့ရပါတယ် ဘုရား)။

The smile... (Will lead to the frown, Sir). It will certainly lead to the frown. When you prayed for a new body (Khandha), you smiled. But when you actually get the body, you are forced to frown. (True, Sir). Do you grasp the meaning? (Yes, we do, Sir). When you prayed for the body... (We smiled, Sir). But later, when you acquire the body and are subjected to aging, sickness, and death, what happens? (We have to frown, Sir).

ဒါပေမဲ့ ခင်ဗျားတို့ကလဲ ဒီလိုအကြောင်းကို မဆက်တတ်တော့ကို အပြုံးတွင် ဇာတ်သိမ်းတယ် ထင်နေတာ (မှန်ပါ့) အပြုံးဟာ ဘယ်တော့မှ သူ့နေရာမှာ သိမ်းတယ်လို့ ထုံးစံမရှိဘူး(မှန်ပါ့ ဘုရား)။

However, because you fail to see how causes and effects connect, you mistakenly believe that the story ends with the smile. (True, Sir). But it is the Natural Law that the smile never ends with a smile. (True, Sir).

အပြုံးက တဏှာအပြုံးကိုး(မှန်ပါ့) တဏှာက ဥပါဒါန်ကံ ဇာတိ ဇရာ မရဏ(မှန်ပါ့) ဒီမရောက်ဘဲနဲ့ ဆရာဝန်ကြီး ဇာတ်သိမ်းပါ့မလား(မသိမ်းပါ ဘုရား) ရှင်းကြပြီလား(ရှင်းပါပြီ ဘုရား)။

This smile is the smile of Craving (Taṇhā). (True, Sir). Craving leads to Clinging (Upādāna), Action (Kamma), Rebirth (Jāti), Aging (Jarā), and Death (Maraṇa). (True, Sir). Doctor, will the story ever end without reaching those final stages? (No, it will not, Sir). Is that clear? (Yes, it is, Sir).

အဲ့ဒီတော့ ဘုန်းကြီးကပြောတယ်၊ အမြတ်တော်ဝန်ထောက်၊ အမြတ်တော်မင်းကြီး၊ အမြတ်တော် အရေးပိုင်ဆီ လာတဲ့လူဟာ လူမွဲချည့်လာတယ်၊ ကျွန်တော် မရှိပါဘူးချည့် အဆိုသွင်းနေကြတာဘဲ၊ လူမွဲချည့်လာတယ်(မှန်ပါ့) ရှိတဲ့ လူကလဲ မွဲအောင်လုပ်ပြီးလာတာဘဲ(မှန်ပါ့ ဘုရား)။

Consider this analogy: I often say that whoever goes to the Income Tax Office—whether to the Tax Inspector or the Commissioner—goes there acting like a pauper. They constantly submit appeals saying, "I have nothing! I am broke!" Only "poor" people show up there. (True, Sir). Even the wealthy pretend to be destitute when they go. (True, Sir).

ဒါကြောင့် အမြတ်တော်ရုံးရောက်တဲ့ လူပေါင်းဟူသ၍ အမြတ်တော်ရုံးက ဒို့ဆီလာရင် လူမွဲချည့်ဘဲတဲ့(မှန်ပါ့) ဘာဖြစ်လို့တုံး၊ ရော့အောင်လုပ်ကြမှာကိုး(မှန်ပါ့ ဘုရား)။

Therefore, the Tax Office concludes, "Everyone who comes to our office is completely broke!" (True, Sir). Why is that? Because they are all trying to reduce their tax burden! (True, Sir).

အမဲ့သမားချည်းရောက်လာတယ်

ဒီမှာလဲ ဘုန်းကြီးတို့ဆီ ရောက်လာတဲ့ဥစ္စာ အမဲ့သမားချည်းရောက်လာတယ်(မှန်ပါ့) အပြုံးသမားဆိုရင် မရောက် သေးဘူး(မှန်ပါ့) သဘောကျပြီလား(ကျပါပြီ ဘုရား)။

In the exact same way, the people who come to my Dhamma center are only those who are frowning! (True, Sir). The ones who are still smiling never show up here! (True, Sir). Do you grasp the meaning? (Yes, we do, Sir).

အပြုံးသမားဆိုရင်(မရောက်သေးပါ ဘုရား) မရောက်သေးဘူး၊ ငယ်သေးတာဘဲဆိုပြီး နေသေးတာဘဲ(မှန်ပါ့) တော်တော်မဲ့လို့ကို ရွဲ့လာပြီဆိုမှဘဲ ရောက်တော့တာဘဲဆိုတာ ဆရာဝန်ကြီးရိပ်မိပြီလား(ရိပ်မိပါပြီ ဘုရား) အမြတ်တော် ရုံးနဲ့မတူဘူးလားဗျာ(တူပါတယ် ဘုရား)။

Those who are still smiling... (They do not come yet, Sir). They do not come; they stay away, thinking, "Oh, I am still young, I have plenty of time." (True, Sir). Doctor, do you notice that they only arrive here when their faces are thoroughly twisted with frowns? (Yes, I see it, Sir). Isn't it just like the Tax Office? (It is exactly like that, Sir).

အမြတ်တော်ရုံးက ဒို့ရုံးလာရင် အမွဲချည့်လာတာဘဲကွတဲ့၊ ဟိုအိမ်ရှိတာ မရှိတာတော့ သူတို့ မပြောဘူးလား (မှန်ပါ့) ဒီရုံးလာလို့ရှိရင် လျှော့ဘို့နဲ့ ပေါ့ဘိုဘဲ၊ ဒီနှစ် အရောင်းအဝယ်မဖြောင့်တာဘဲ(မှန်ပါ့) ဒီလိုချည့် အစီရင်ခံကြတာဘဲ (မှန်ပါ့ ဘုရား)။

The Tax Office says, "Only the destitute visit our office." They never admit what wealth they hoard at home. (True, Sir). When they come to the office, their only aim is to get a reduction or relief, reporting, "Business is really bad this year!" (True, Sir). That is all they ever report. (True, Sir).

ဒီမှာလဲ ဘုန်းကြီးတို့ဆီ ရောက်လာတယ်ဆိုရင် ဘယ်လိုလူတွေတုံး မေးလို့ရှိရင် ရိပ်မိပြီလား(ရိပ်မိပါပြီ) ဟာ အမဲ့ကို ကန်းကုန်ပြီဆိုတော့မှ ဒီအမဲ့ကလေး ဇာတ်သိမ်းပေးပါဦး(မှန်ပါ့) အတော်မဆိုးဘူးလား(ဆိုးပါတယ် ဘုရား)။

Likewise, if you ask what kind of people come to me, do you see the pattern? (Yes, we see it, Sir). Ah, they only come when they are utterly overwhelmed by their frowns, pleading, "Venerable Sir, please help me end this cycle of frowning!" (True, Sir). Isn't that quite terrible? (It is terrible, Sir).

ပဋိစ္စသမုပ္ပါဒ် ဓမ္မနိယာမဘဲ

အဲဒီတော့ ဒါက ပဋိစ္စသမုပ္ပါဒ် ဓမ္မနိယာမဘဲ ဆရာဝန်ကြီး ဓမ္မနိယာမ(မှန်ပါ့) ဓမ္မ=ဆိုတာ တရား၊ နိယာမ= ဆိုတာ အမြဲ၊ ဒီဟာ မြဲတယ်၊ ဒီအပြုံးရှိရင် ဒီအမဲ့ဟာ မြဲရမယ်(မှန်ပါ့) ရှင်းပြီလား (ရှင်းပါပြီ ဘုရား)။

Doctor, this is exactly the Natural Law (Dhammaniyāma) of the Wheel of Dependent Origination! (True, Sir). Dhamma means the Truth or Nature, and Niyāma means the Inevitable Law. It is absolute: if there is a smile, a frown must inevitably follow! (True, Sir). Is that clear? (Yes, it is, Sir).

ဒီအပြုံးရှိရင် (ဒီအမဲ့ဟာ မြဲပါတယ် ဘုရား) ဒီအမဲ့ဟာ မြဲရမယ်ဆိုတာ သေချာပြီလား(သေချာပါပြီ ဘုရား)။

If there is a smile... (The frown is inevitable, Sir). Are you absolutely certain that the frown must inevitably follow? (We are absolutely certain, Sir).

မြို့ထဲမှာ ရှောက်ကြည့်ပါ ဆရာဝန်ကြီးတို့ ဦးမာဒင်တို့ ရှောက်ကြည့်၊ ဟိုအိမ်ကြည့်လိုက်ပြန်တော့လဲ ခလေးတွေက ပြုံးလို့ လူကြီးတွေက မဲ့လို့ဘဲ(မှန်ပါ့) ဘယ်အိမ်ကြည့်ကြည့် ဘယ့်နှယ်တွေ့ကြသလဲ(ခလေးတွေက ပြုံးလို့ လူကြီးတေါက မဲ့လို့ဘဲ(မှန်ပါ့) ဘယ်အိမ်ကြည့်ကြည့် ဘယ့်နှယ်တွေ့ကြသလဲ(ခလေးတွေပြုံးလို့ လူကြီးတွေက မဲ့လို့ပါ ဘုရား)။

Take a walk around the town, Doctor and U Ma Din; go and observe. If you look into any house, you will see the children smiling while the adults are frowning! (True, Sir). No matter which house you look into, what do you find? (The children are smiling, and the adults are frowning, Sir).

မဲ့တာ မမဲ့တာကို ခင်ဗျားတို့လူကြီးတွေက ထုတ်ဖော်ပြောတယ်၊ ခလေးတွေ ဘာမှမသိဘူးတဲ့(မှန်ပါ့) မပြောကြ ဘူးလာ(ပြောပါတယ် ဘုရား)။

You adults openly talk about your misery and frowns. You say, "These children understand absolutely nothing!" (True, Sir). Don't you say things like that? (We do say that, Sir).

ခလေးတွေက ပျော်လို့ဘဲတဲ့၊ ပြုံးလို့ဘဲတဲ့(မှန်ပါ့)ဘာမှမသိဘူးတဲ့၊ ရှိမှန်းမရှိမှန်း ဘာမှမသိဘူးတဲ့(မှန်ပါ့) ဒို့ဖြင့် မဲ့နေရတယ်၊ပြောတာပါနေတယ်(မှန်ပါ့) မပါဘူးလား(ပါ ပါတယ် ဘုရား)။

You say, "These kids are just happy and smiling. They don't know anything about the hardships of life or whether we have enough money or not." (True, Sir). Meanwhile, you complain, "As for us, we are constantly frowning!" You say such things, don't you? (Yes, we do, Sir).

ဪ ခင်ဗျားတို့ဒါဖြင့် ဒီဥစ္စာအမြစ် အရင်းနဲ့တကွ ဇာတ်ကို ရှင်းမပေးလို့ရှိရင် ခင်ဗျားတို့ အပြုံးက လက်စသတ်မှ အမဲ့ဟာ စခန်းသိမ်းမယ်(မှန်ပါ့ ဘုရား)။

Ah! Therefore, unless I clearly expose the root cause of this entire process for you, you will not realize that only when you eradicate the smile will the frown finally cease. (True, Sir).

ပင်ကိုယ်သဘောကို မြင်အောင်ပြနေတာ

ဒါ့ကြောင့်ဘုန်းကြီးတို့ဟောနေတဲ့ တရားကလဲ အပြုံးနိုင်အောင် ပင်ကိုယ်သဘောကို မြင်အောင်ပြနေတာ (မှန်ပါ့)ပင်ကိုယ်သဘောကို မမြင်တဲ့လူကပြုံးတာဘဲ(မှန်ပါ့) တော်တော်ကြာ ပင်ကိုယ်သဘောပြလိုက်ရင် မဲ့တာဘဲ (မှန်ပါ့ ဘုရား)။

That is why the Dhamma I am teaching is designed to help you defeat the smile by revealing the true innate nature (Pinko-thabaw) of phenomena! (True, Sir). A person who fails to see the innate nature continues to smile. (True, Sir). But as soon as the innate nature reveals itself, they immediately frown. (True, Sir).

ပင်ကိုယ်သဘော မမြင်သေးတဲ့ပုဂ္ဂိုလ်က (ပြုံးပါတယ် ဘုရား) ပင်ကိုယ်သဘောပေါ်လာရင်(မဲ့ပါတယ် ဘုရား)။

The person who has not yet discerned the innate nature... (Continues to smile, Sir). And when the innate nature inevitably reveals itself... (They are forced to frown, Sir).

အဲဒီခန္ဓာကြီးက ခန္ဓာသဘောတွင် ပျိူပျိုရွယ်ရွယ်မြင်နေသေးလို့ရှိရင် သူ့ပင်ကိုယ်သဘောမမြင်သေးဘဲ ကိုးဗျ(မှန်ပါ့) အပျက်ကိုမမြင်သေးဘူး(မှန်ပါ့) မမြင်သေးတော့ ပြုံးတယ်(မှန်ပါ့) နောက်ပင်ကိုယ်သဘောက ဖောက်ပြန် လာတဲ့အခါကျတော့(မဲ့ပါတယ် ဘုရား) ရိပ်မိပြီလား(ရိပ်မိပါပြီ ဘုရား)။

As long as you look at this body (Khandha) and see only youth and vitality, you are utterly blind to its innate nature! (True, Sir). You have not yet seen the process of Passing Away (Vaya). (True, Sir). Because you do not see it, you smile. (True, Sir). But later, when its innate nature manifests as physical deterioration and aging, what happens? (We are forced to frown, Sir). Do you see it? (Yes, we do, Sir).

အဲဒီတော့သူ့ပင်ကိုယ်သဘောကိုမသိသေးတဲ့ ပုဂ္ဂိုလ်က ပြုံးတာ(မှန်ပါ့) ရှင်းပြီလား(ရှင်းပါပြီ)အဲဒီပြုံးတဲ့ပုဂ္ဂိုလ်က လဲ သောကပရိဒေဝ ဇာတိ ဇရာ မရဏလမ်းဆုံးရမယ်(မှန်ပါ့ ဘုရား) ရှင်းကြပြီလား(ရှင်းပါပြီ ဘုရား)။

Therefore, it is the person who is ignorant of the innate nature who smiles. (True, Sir). Is that clear? (Yes, it is, Sir). And that very person who smiles must reach the dead end of Sorrow, Lamentation, Rebirth, Aging, and Death (Soka, Parideva, Jāti, Jarā, Maraṇa). (True, Sir). Are you all clear on this? (Yes, we are, Sir).

ဒါဖြင့် ခင်ဗျားတို့ ပင်ကိုယ်သဘောသိလို့ အပြုံး အမဲ့ ဇာတ်သိမ်းတာဘဲ (မှန်လှပါ) ရိပ်မိပြီလား(ရိပ်မိပါပြီ ဘုရား)။

Therefore, it is only by understanding the innate nature of phenomena that you can terminate the cycle of the smile and the frown! (True, Sir). Do you see it? (Yes, we do, Sir).

ခင်ဗျားတို့ ဒါဖြင့် ပြုံးခဲ့တာလဲမှားခဲ့တာဘဲ(မှန်ပါ့) အခုမဲ နေတာလဲ(မှားပါတယ် ဘုရား) ပင်ကိုယ်သဘောကို မသိဘူး(မှန်ပါ့) ရှင်းပြီလား(ရှင်းပါပြီ ဘုရား)။

In that case, your past smiling was a mistake. (True, Sir). And your current frowning... (Is also a mistake, Sir). Both happen because you do not know the innate nature. (True, Sir). Is that clear? (Yes, it is, Sir).

ပင်ကိုယ်သဘောမသိလို့ ပြုံးတာလဲ အလွဲဘဲ ဟုတ်လား(မှန်ပါ့) ပင်ကိုယ်သဘော မသိလို့ မဲ့ရတာလဲ(အလွဲပါ ဘုရား)။

Smiling due to ignorance of the innate nature is a blunder, isn't it? (True, Sir). And being forced to frown due to ignorance of the innate nature... (Is also a blunder, Sir).

ဝိပဿနုပေက္ခာ

ဒီနေရာမှာ ဥပေက္ခာသိပ်အရေးကြီးတယ်(မှန်ပါ့ ဘုရား) ဥပေက္ခာဆိုတာ ဘာတုံးလို့ မေးတော့မှ ဝိပဿနုပေက္ခာ ဆိုတယ်(မှန်ပါ့) ဝိပဿနုပေက္ခာက ဖြစ်လို့လဲမပြုံးနဲ့ ပျက်လိုလဲမမဲ့နဲ့ ဒါဝိပဿနုပေက္ခာဘဲ(မှန်ပါ့ ဘုရား)။

At this point, Equanimity (Upekkhā) becomes incredibly important. (True, Sir). If you ask what kind of Equanimity, it is called Insight Equanimity (Vipassanā-upekkhā). (True, Sir). Insight Equanimity means: do not smile at the Arising, and do not frown at the Passing Away. That is Vipassanā-upekkhā. (True, Sir).

ဖြစ်လို့လဲမပြုံးနဲ့(မှန်ပါ့) ပျက်လို့လဲ(မမဲ့ပါ ဘုရား) အဲဒါဝိပဿနာ(မှန်ပါ့) ဒါဖြင့် ဝိပဿနာသည် အမဲ့အပြုံးကို ဇာတ်သိမ်းတယ်(မှန်ပါ့ ဘုရား)။

Do not smile at the Arising. (True, Sir). And at the Passing Away... (Do not frown, Sir). That is true Insight (Vipassanā). (True, Sir). Therefore, it is Insight (Vipassanā) that terminates the cycle of the smile and the frown. (True, Sir).

ရှင်းပြီလား(ရှင်းပါပြီ ဘုရား) ဝိပဿနာသည် (အမဲ့အပြုံးကိုဇာတ်သိမ်းပါတယ် ဘုရား)။

Is that clear? (Yes, it is, Sir). Insight (Vipassanā)... (Terminates the cycle of the smile and the frown, Sir).

အပြုံးလဲ ခင်ဗျားတို့ ကြောက်စရာပြောခဲ့ပါပြီ၊ပြုံးမိလို့မဲ့ရတယ်(မှန်လှပါ ဘုရား)၊ သဘောကျပြီလား(ကျပါပြီ ဘုရား)။

I have already explained the terrifying truth about the smile: it is because you smiled that you are forced to frown. (True, Sir). Do you grasp the meaning? (Yes, we do, Sir).

ဒါဖြင့် အပြုံးရော အမဲ့ရော ဇာတ်သိမ်းတဲ့တရားဘယ်တရားတုံးမေးရင် ဘယ့်နှယ်ဖြေကြမလဲ(ဝိပဿနာပါ ဘုရား)။

Therefore, if I ask you, what is the Dhamma that terminates both the smile and the frown, how will you answer? (It is Insight/Vipassanā, Sir).

ဒါကြောင့် ခင်ဗျားတို့ကို ဆရာဝန်ကြီးတို့ကော ဦးမာဒင်တို့ကော လုပ်ထားတာ အလွဲချည်းဘဲနော်၊ကြပ်ကြပ် ပြုံးမိရင် ကြပ်ကြပ်မဲ့ရလိမ့်မယ်၊မဟုတ်ဘူးလား(ဟုတ်ပါတယ် ဘုရား)။

That is why the way all of you—Doctor, U Ma Din, and the rest—have been living is completely misguided! If you smile immensely, you will have to frown immensely, isn't that right? (Yes, it is, Sir).

နည်းနည်းကလေး ပြုံးရင် (နည်းနည်းကလေးမဲ့ရပါတယ် ဘုရား) (အလတ်စားပြုံးရင်) (အလတ်စား မဲ့ရပါတယ် ဘုရား)။

If you smile just a little... (We will have to frown a little, Sir). And if you smile moderately... (We will have to frown moderately, Sir).

အကြီးအကျယ်ပြုံးရင်တော့ဖြင့်(အကြီးအကျယ်မဲ့ရမှာပါ ဘုရား) အကြီးအကျယ် ဂျွမ်းထိုးမှောက်ခုံ ဖြစ်သွားတာ ဘဲ(မှန်လှပါ ဘုရား) မသွားဘူလား(သွားပါတယ် ဘုရား)။

But if you smile immensely... (We will have to frown immensely, Sir). You will tumble completely head over heels into profound despair! (True, Sir). Won't you? (We will, Sir).

အဲဒါတွေ ဉာဏ်ရောက်တော့မှ ဪ ဒီဇာတ်ဘယ်သူသိမ်းပါ့မလဲဆိုတာ ခင်ဗျားတို့ ရောက်လာတာ အင်မတန် အဖိုးတန်ပါတယ်(မှန်ပါ့ ဘုရား)။

It is only when your Insight Knowledge (Ñāṇa) grasps this reality that you start seeking, "Who can help me end this cycle?" Therefore, your arrival here at this Dhamma center is incredibly valuable. (True, Sir).

အပြုံးရော အမဲ့ရော သိမ်းရမှာ (မှန်ပါ့) အပြုံးကြောင့် ဒီအမဲ့ရတာ(မှန်ပါ့ ဘုရား)။

You must terminate both the smile and the frown. (True, Sir). The frown exists solely because of the smile! (True, Sir).

ဒါက ဘုန်းကြီးကစကားတတ်လို့ ပြောတာလား၊ရေရေလည်လည် ပြောတာလားဆိုတော့ မဟုတ်ဘူး၊ ဓမ္မနိယာမ ကိုကလာတာ(မှန်ပါ့)ဒီမှာပြုံးရင်ဒီမှာမဲ့ရမယ်(မှန်ပါ့ ဘုရား)။

Am I saying this just because I am an eloquent speaker? Am I just playing with words? No! This is the absolute Natural Law (Dhammaniyāma). (True, Sir). If you smile here, you are mathematically bound to frown there. (True, Sir).

အပြုံးအမဲ့ ဇာတ်သိမ်းတဲ့တရား

ရှင်းပြီလား(ရှင်းပါပြီ ဘုရား) ဒါက ရပ်လို့ကောရရဲ့လား(မရပါ ဘုရား) ပေါ်ပြီနော်(ပေါ်ပါပြီ ဘုရား)။

Is that clear? (Yes, it is, Sir). Can this process be halted by mere wishing? (No, it cannot, Sir). The truth is clear now, isn't it? (It is clear, Sir).

ကဲ ဒါဖြင့် ဒကာ ဒကာမတို့ အပြုံးအမဲ့ ဇာတ်သိမ်းတဲ့တရားလို့ ယနေ့တရားကို မှတ်ရမယ်(မှန်ပါ့ ဘုရား)။

Well then, Yogis, you must mark today's sermon as The Dhamma That Terminates the Smile and the Frown. (True, Sir).

အခုအပြုံးအမဲ့ ဇာတ်သိမ်းရတော့မယ်ဆိုလို့ရှိရင်ဖြင့်ခန္ဓာကြီး၏ဝေဒနာက္ခန္ဓာက ဖြစ်တုန်းကလဲ ခင်ဗျားတို့ မပြုံးနဲ့(မှန်ပါ့) ပျက်တော့လဲ မမဲ့နဲ့(မှန်ပါ့ ဘုရား)။

Now, if you are truly determined to end the cycle of the smile and the frown, listen carefully: when the Aggregate of Feeling (Vedanākkhandha) arises within this body, you must not smile. (True, Sir). And when it passes away, you must not frown. (True, Sir).

အဲဒီတော့ ဝိပဿနုပေက္ခာဆိုတဲ့ ဥစ္စာဝိပဿနာ ရှုတဲ့မဂ္ဂင်ငါးပါးဘဲဆိုပါတယ် (မှန်ပါ့) ဝိပဿနာရှုတဲ့ မဂ္ဂင် ငါးပါးနဲ့ ခင်ဗျားတို့က ရှုပေးပါ(မှန်ပါ့) ရှုပေးတဲ့ အခါကျတော့ ဖြစ်တာမြင်လဲ ဖြစ်တာလို့ဘဲ မှတ်ပါ(မှန်ပါ့) ပျက်တာ မြင်ရင်ကော(ပျက်တာလို့ဘဲမှတ်ထားရပါမယ် ဘုရား)။

Insight Equanimity (Vipassanā-upekkhā) is achieved through the Five Path Factors (Maggangas) of Insight practice. (True, Sir). You must watch and observe using these Five Path Factors. (True, Sir). When you observe in this way, if you see the Arising, note it merely as the Arising. (True, Sir). And if you see the Passing Away? (We must note it merely as the Passing Away, Sir).

ဪ ဒါတွေလားလို့ ဆိုရင်ဖြင့် ဓမ္မသဘောဘဲ၊ခန္ဓာဓမ္မသဘော (မှန်ပါ့) သဘောကျပြီလား(ကျပါပြီ) ခန္ဓာဓမ္မ ၏ သဘောထားဖြစ်မှုနဲ့ပျက်မှုဘဲရှိတယ်(မှန်ပါ့ ဘုရား)။

You will realize: "Oh, is this all there is?" Yes, it is merely the nature of phenomena (Dhamma-thabaw); the nature of the Aggregates. (True, Sir). Do you grasp the meaning? (Yes, we do, Sir). The absolute nature of the Aggregates consists of nothing but Arising and Passing Away. (True, Sir).

သူ့သဘောသိတဲ့အခါကျတော့ ဒီကနောက်က အပြုံးကော လိုက်သေးရဲ့လား(မလိုက်ပါ ဘုရား) ဒီကအမဲ့ကော (မလိုက်ပါ ဘုရား)။

Once you truly understand this nature, does the smile arise afterward? (No, it does not, Sir). And does the frown arise? (No, it does not, Sir).

ဘာဖြစ်လို့ မလိုက်သတုံးလို့ မေးတဲ့အခါကျလို့ရှိရင် အဖြစ်ဟာလဲ အဖြစ်လို့သာ သူသိတယ်၊ ပြုံးစရာမဟုတ်ဘူး လို့သူသိတယ်၊ ဝိပဿနုဉာဏ်က (မှန်ပါ့ ဘုရား)။

If you ask why they no longer arise, it is because Insight Knowledge (Vipassanā-ñāṇa) discerns the Arising strictly as Arising. It clearly sees that there is absolutely nothing to smile about! (True, Sir).

အပျက်မှာလဲ ဪ သူဓမ္မနိယာမ ပျက်တာလို့ဘဲ သူသိတယ်၊ မဲ့တဲ့အထဲမပါဘူး(မှန်လှပါ)ဒီတော့ ဝိပဿနာမဂ် ဉာဏ်သည် အပြုံးအမဲ့ ဇာတ်သိမ်းတရား(မှန်ပါ့) ရှင်းပြီလား(ရှင်းပါပြီ ဘုရား)။

Regarding the Passing Away, Insight Knowledge simply recognizes, "Ah, this is just the Natural Law of Passing Away." The mind does not plunge into frowning. (True, Sir). Therefore, Insight Path Knowledge (Vipassanā-magga-ñāṇa) is the ultimate Dhamma that terminates the cycle of the smile and the frown. (True, Sir). Is that clear? (Yes, it is, Sir).

ဒါဖြင့် ပြုံးချင်တဲ့စိတ်လည်း ခင်ဗျားတို့ ဘုန်းကြီးက ကန့်ကွက်တယ်(မှန်ပါ့) မပြုံးပါနဲ့ ပြုံးလို့ရှိရင် ခင်ဗျားတို့ တစ်တွေ မဲ့ရလိမ့်မယ်၊သူ့ ပဋိပစ္စသမုပ္ပါဒ်က ဘယ့်နှယ်နည်းနဲ့မျှ ပြောင်းလို့မရဘူး(မှန်လှပါ ဘုရား)။

Therefore, I strongly discourage any desire you have to smile. (True, Sir). Do not smile! If you smile, you will undoubtedly be forced to frown. The mechanism of Dependent Origination cannot be altered in any way whatsoever! (True, Sir).

အဲဒီတော့ စောစောစီးစီးက အပြုံးအမဲ့ကို ခင်ဗျားတို့ဇာတ်သိမ်းပါလို့ ဆိုတဲ့ဥစ္စာက ဖြစ်တဲ့အခါ မပြုံးနဲ့တဲ့ (မှန်ပါ့ ဘုရား)။

That is why I urge you to terminate the cycle of the smile and the frown early on: when phenomena arise, do not smile! (True, Sir).

ဒါပင်ကိုယ်သဘောလို့ မှတ်ထား

ပျက်တဲ့အခါလဲ မမဲ့နဲ့ ရှင်းပြီလား(ရှင်းပါပြီ) ဒါပင်ကိုယ်သဘောလို့ မှတ်ထားပါ(မှန်ပါ့) သူ့ခန္ဓာ၏ပင်ကိုယ် သဘောရှင်းပြီလား(ရှင်းပါပြီ ဘုရား)။

And when phenomena pass away, do not frown! Is that clear? (Yes, it is, Sir). Recognize it purely as the innate nature. (True, Sir). Is the innate nature of your Aggregates clear to you now? (Yes, it is clear, Sir).

ခန္ဓာ၏ ပင်ကိုယ်သဘောကဖြစ်မှုဘဲရှိတယ်(မှန်ပါ့) ပျက်မှုကော(ရှိပါတယ် ဘုရား) ဒီပြင်ပိုပြီးရှိသေးသလား (မရှိပါ ဘုရား)။

The innate nature of the Aggregates consists solely of Arising. (True, Sir). And what about Passing Away? (There is Passing Away, Sir). Is there anything more than just these two? (There is nothing else, Sir).

အဲဒါကို ခင်ဗျားတို့က ဖောက်ပြန်ပြီး ဖြစ်မှုကိုပြုံးလို့ ပျက်မှုကို မဲ့ရတယ်(မှန်ပါ့) အဲ့ဒီတော့ ဝိပဿနုပေက္ဓာတို့ မဂ္ဂင်ငါးပါးဆိုလို့ ရသေးရဲ့လား(မရပါ ဘုရား)။

Yet, you distort this reality! You smile at the Arising, which inevitably forces you to frown at the Passing Away. (True, Sir). When you act like that, can we call it Insight Equanimity (Vipassanā-upekkhā) cultivated by the Five Path Factors? (No, we cannot, Sir).

ဝိပဿနုပေက္ခာဖြစ်အောင်လုပ်ရမယ်

သူကဝိပဿနာလဲဖြစ်ရမယ်၊ ဥပေက္ခာလဲ ဖြစ်ရမယ်(မှန်လှပါ)အပြုံးအတွက်ကြောင့်သာ (မမဲ့ပါ ဘုရား) အဲ့ဒါကြောင့် ဝိပဿနုပေက္ခာဖြစ်အောင် ခင်ဗျားတို့ ယနေ့လုပ်ရမယ်(မှန်ပါ့ ဘုရား)။

Your practice must involve both Insight (Vipassanā) and Equanimity (Upekkhā). (True, Sir). Only by eliminating the smile... (Will we avoid the frown, Sir). Therefore, you must cultivate Insight Equanimity starting today! (True, Sir).

စိတ်ကြိုက်ရင် စိတ်တွေချည်းရှု၊ ဖြစ်မှုကို မပြုံးပါနဲ့ ပျက်မှုကို (မမဲ့ပါနဲ့) မမဲ့ပါနဲ့ ဆိုလိုရှိရင် ဝိပဿနာ ဉာဏ်သည် ဝိပဿနုပေက္ခာဉာဏ်ဖြစ်ပါတယ်(မှန်ပါ့ ဘုရား)။

If you prefer observing the mind, watch and observe the mind alone. Do not smile at the Arising! And at the Passing Away... (Do not frown!). Yes, do not frown! If you can maintain this, your Insight Knowledge becomes the Knowledge of Insight Equanimity (Vipassanā-upekkhā-ñāṇa). (True, Sir).

ဝိပဿနာလဲ ဟုတ်တယ်၊ ဥပေက္ခာလဲဟုတ်တယ်၊အပြုံးအမဲ့ လွတ်နေတယ်(မှန်ပါ့) မလွတ်ဘူးလား(လွတ်ပါ တယ် ဘုရား) ဒါဖြင့် ဝိပဿနာဉာဏ်ကို ရိုးရိုးဆိုမလား၊ ဝိပဿနာဥပေက္ခာဉာဏ်လို့ တွဲဆိုမလား(ဝိပဿနာ ဥပေက္ခာဉာဏ်လို့ တွဲဆိုရပါမယ် ဘုရား)။

It is true Insight, and it is true Equanimity. You are completely liberated from the smile and the frown. (True, Sir). Are you not liberated? (We are liberated, Sir). Therefore, should we just call it ordinary Insight Knowledge, or should we combine the terms and call it the Knowledge of Insight Equanimity? (We must combine them and call it the Knowledge of Insight Equanimity, Sir).

ဝိပဿနာဆိုတာ ရှုလို့ ဝိပဿနာ(မှန်ပါ့) နှစ်ခုစလုံးကို အပြုံးအမဲ့ကို ဇာတ်သိမ်းနိုင်တဲ့ဉာဏ်ဖြစ်လေသော ကြောင့် ဥပေက္ခာလဲဆိုပါတယ်(မှန်ပါ့ ဘုရား)။

It is called Insight (Vipassanā) because you watch and observe phenomena as they are. (True, Sir). And because it is the specific Knowledge (Ñāṇa) that completely terminates both the smile and the frown, it is also called Equanimity (Upekkhā). (True, Sir).

ဒါကြောင့် ဥပရိပဏ္ဏသကျတော့ ဝိပဿနာနုပေက္ခာဆိုပြီး လာထားတယ်(မှန်ပါ့) သဘောပေါက်ပြီလား (ပါ ပါပြီ ဘုရား)။

That is exactly why it is recorded in the Uparipaṇṇāsa text as Vipassanā-upekkhā. (True, Sir). Do you fully grasp the meaning now? (Yes, we do, Sir).

ကဲ ယနေ့ ဒီတွင် တော်ကြဦးစို့။

သာဓု...သာဓု...သာဓု

Well, let us stop here for today. Sādhu… Sādhu… Sādhu.