တရားတော်
ပဋိစ္စသမုပ္ပါဒ် တရားတော်(၇)
ပဋိစ္စသမုပ္ပါဒ် တရားတော်(၇)
Dependent Origination (Part 7)
ကျေးဇူးတော်ရှင် အဂ္ဂမဟာပဏ္ဍိတ
မိုးကုတ်ဆရာတော် ဘုရားကြီး
အမရပူရမြို့ မင်္ဂလာရိပ်သာဓမ္မာရုံကြီးပေါ်တွင်
ဟောကြားတော်မူသော
ပဋိစ္စသမုပ္ပါဒ် တရားတော်(၇)
The Benefactor, Aggamahāpaṇḍita Venerable Mogok Sayadaw. Delivered at the Mingala Yeiktha Dhamma Hall, Amarapura (27th November 1961)
(၂၇-၁၁-၆၁)
ပဋိစ္စသမုပ္ပါဒ်နားမလည်လို့ရှိရင်
If You Do Not Understand Dependent Origination
ဒကာ ဒကာမတို့ ပဋိစ္စသမုပ္ပါဒ်နားမလည်လို့ရှိရင် ဒိဋ္ဌိဖြစ်တတ်တယ်၊ ဝိစိကိစ္ဆာ ဖြစ်တတ်တယ်ဆိုတာ ခဏခဏပြောတယ်နော်၊ (မှန်လှပါ ဘုရား)။
Yogis, I have told you time and again: if you do not understand Dependent Origination (Paticcasamuppada), Wrong View (Ditthi) and Skeptical Doubt (Vicikiccha) are bound to arise. (True, Sir).
ပဋိစ္စသမုပ္ပါဒ်နားမလည်ကြလို့ရှိရင် ဒိဋ္ဌိလဲဖြစ်တတ်တယ်၊ ဝိစိကိစ္ဆာလဲ ဖြစ်တတ်တယ်ဆိုတာ မှတ်ထားကြပါ၊ (မှန်လှပါ ဘုရား)။
Mark this well: if you fail to grasp Paticcasamuppada, both Ditthi and Vicikiccha will arise. (True, Sir).
အဲဒီ ဒိဋ္ဌိ ဝိစိကိစ္ဆာ ရှိနေလို့ရှိရင်တဲ့ ဘယ်လိုပဲ မဂ်ဉာဏ်, ဖိုလ်ဉာဏ်တွေ မရ, ရအောင် လက္ခဏာရေးသုံးပါး ဆိုတဲ့အနိစ္စတရား, ဒုက္ခတရား, အနတ္တတရားတွေ ကြိုးစားငြားသော်လဲအဟောသိကံပဲ ဖြစ်ပါတယ်၊ (မှန်ပါ့ ဘုရား)။
As long as these Views and Doubts remain, no matter how hard you strive to contemplate the Three Characteristics—Impermanence (Anicca), Suffering (Dukkha), and Non-self (Anatta)—to attain the Path and Fruition (Magga-Phala), your efforts will be wasted. It will be a barren action (Ahosi-kamma). (True, Sir).
ဒါဖြင့် ပဋိစ္စသမုပ္ပါဒ် နားလည်မှ မိမိတို့အသိမှာ ဒိဋ္ဌိ ဝိစိကိစ္ဆာကွာတယ်၊ (မှန်ပါ့) ကွာပြီးမှ အနိစ္စ, ဒုက္ခ, အနတ္တ ဖြစ်ပျက်အားထုတ်ရမယ်၊ (မှန်ပါ့)။
Therefore, only when you understand Paticcasamuppada will Ditthi and Vicikiccha fall away from your knowledge. (True, Sir). Only after they are removed should you practice observing the Arising and Passing away of phenomena (Anicca, Dukkha, Anatta). (True, Sir).
ပဋိစ္စသမုပ္ပါဒ် သိမှုကို အရင်ကြိုးစား
Strive to Know Paticcasamuppada First
ဒါဖြင့် ဒီအစဉ်ကိုပဲ ဒကာ ဒကာမတွေ မဂ်ဉာဏ်, ဖိုလ်ဉာဏ် မရမချင်း မှတ်ထားရမယ်၊ (မှန်လှပါ ဘုရား) ဘာကိုအရင်သိမှုကို ကြိုးစားရမလဲ၊ (ပဋိစ္စသမုပ္ပါဒ် သိမှုကို အရင်ကြိုးစားရပါမယ် ဘုရား) ပဋိစ္စသမုပ္ပါဒ်သိမှုကို ကြိုးစားရမယ်နော် (မှန်ပါ့ ဘုရား)။
You must remember this sequence until you attain the Path and Fruition. What must you strive to understand first? (We must strive to understand Paticcasamuppada first, Sir). Yes, you must strive to know Paticcasamuppada. (True, Sir).
သူ့ကြိုးစားပြီးတဲ့ အခါကျတော့ ဘာတွေစင်ကြယ်သွားပါလိမ့် (ဒိဋ္ဌိဝိစိကိစ္ဆာစင်ကြယ်သွားပါတယ် ဘုရား) အဲဒီ ဒိဋ္ဌိဝိစိကိစ္ဆာ စင်ကြယ်တယ်လို့ ဒကာကြွယ်ကမှတ်လိုက်၊ (မှန်လှပါ ဘုရား) ဒိဋ္ဌိဝိစိကိစ္ဆာမိမိတို့ အသိဉာဏ်မှာ စင်ကြယ်ပြီးသည်နောက်မှ ဖြစ်ပျက်ဆိုတဲ့ အနိစ္စ, ဒုက္ခ, အနတ္တ အားထုတ်လို့ရှိရင် မဂ်ဖိုလ်ရနိုင်တယ်၊ (မှန်ပါ့ ဘုရား)။
Once you have strived and understood it, what becomes purified? (Wrong View and Doubt are purified, Sir). Daga Kywe, mark this well. Only when your intellectual understanding is purified of Ditthi and Vicikiccha can you practice Vipassana—contemplating Anicca, Dukkha, Anatta—to attain the Path and Fruition. (True, Sir).
ဒီဟာ မစင်ကြယ်ဘဲနဲ့ ဒကာ ဒကာမတွေ အားထုတ်ကြဟေ့၊ အနိစ္စ, ဒုက္ခ, အနတ္တမှ တစ်ပါးနိဗ္ဗာန်ရောက် ကြောင်းတရား မရှိဘူးလို့ပြောတဲ့ပုဂ္ဂိုလ်တွေက ပြောငြားသော်လဲတဲ့ သုတ်သင်ရှင်းလင်းထိုက်တဲ့ ရှေ့အဖို့တို့ကို ဒကာသစ် နားမလည်ရင်လဲ ပင်ပန်းရုံပဲ၊ (မှန်လှပါ ဘုရား)။
If you practice without this purification—even if some urge you, saying, "Just meditate on Anicca, Dukkha, Anatta; there is no other way to Nibbana"—if you, Daga Thit, do not understand the preliminary step of clearing your views, you will only exhaust yourself. (True, Sir).
အဲဒါကြောင့် ဘုန်းကြီးတို့ ဒကာ ဒကာမတွေ ကျတော့ အနိစ္စ, ဒုက္ခ, အနတ္တ အားမထုတ်ခင် ဘာလုပ်ရမှာပါလိမ့်၊ (ပဋိစ္စသမုပ္ပါဒ် နားလည်အောင်လုပ်ရပါမယ်) ပဋိစ္စသမုပ္ပါဒ် နားလည်အောင်လုပ်ထား၊ (မှန်ပါ့)။
Therefore, before our Yogis practice Anicca, Dukkha, Anatta, what must they do? (We must make sure we understand Paticcasamuppada, Sir). Make sure you understand it. (True, Sir).
ကိုယ့်ခန္ဓာဖြစ်စဉ်
The Cause and The Process
ပဋိစ္စသမုပ္ပါဒ် နားလည်မှ ကိုယ့်ခန္ဓာဖြစ်ကြောင်း, ကိုယ်ခန္ဓာဖြစ်စဉ် ဒါမှ သိတော့မှာပေါ့၊ (မှန်ပါ့) ပဋိစ္စသမုပ္ပါဒ် နားမလည်တဲ့ပုဂ္ဂိုလ် ကိုယ့်ခန္ဓာဖြစ်ကြောင်း, ကိုယ့်ခန္ဓာဖြစ်စဉ်ကို ဒကာကြွယ် သိပါ့မလား၊ (မသိပါ ဘုရား) မသိတော့ ဒီခန္ဓာ ရှုရမှာဖြစ်နေတော့ ဒီခန္ဓာပေါ်မှာ သံသယတို့ ဒိဋ္ဌိတို့ မလာပေဘူလား၊ (လာပါတယ် ဘုရား) ထိုကဲ့သို့ လာခဲ့သော် ဘုန်းကြီးတို့ ဒကာ ဒကာမတွေ အာပေါက်အောင်အားထုတ်ငြားသော်လဲ ဦးလှဘူးရေ အချည်းအနှီး ဖြစ်ရပါတယ်၊ (မှန်ပါ့ ဘုရား) ဘာနားမလည်လို့လဲ၊ (ပဋိစ္စသမုပ္ပါဒ် နားမလည်လို့ပါ ဘုရား)။
Only when you understand Paticcasamuppada will you understand the Cause of your Aggregates (Khandhas) and the Process of your Aggregates. (True, Sir). If a person does not understand Paticcasamuppada, Daga Kywe, will he understand the Cause and the Process of his own body? (He will not, Sir). If he does not know this, he has to observe this body, but won't Doubt and Wrong View arise regarding this body? (They will arise, Sir). If they arise, no matter how hard you Yogis practice until your jaws ache, U Hla Bu, it will be in vain. (True, Sir). Why is it in vain? (Because we do not understand Paticcasamuppada, Sir).
အေး ဒါကြောင့် ပဋိစ္စသမုပ္ပါဒ်ဆိုတာ ဒကာကြွယ် တခြားတရားလို့ မှတ်မနေနဲ့၊ ကိုယ့်ခန္ဓာဖြစ်ကြောင်းနဲ့ ကိုယ်ခန္ဓာဖြစ်စဉ် (မှန်လှပါ ဘုရား) ပဋိစ္စသမုပ္ပါဒ်ဆိုတာ ဘာပါလိမ့်၊ (ကိုယ့်ခန္ဓာဖြစ်ကြောင်းနဲ့ ကိုယ့်ခန္ဓာဖြစ်စဉ်ပါ ဘုရား)
Therefore, Daga Kywe, do not think of Paticcasamuppada as some external doctrine. It is simply the Cause of your body and the Process of your body. (True, Sir). What is Paticcasamuppada? (It is the Cause of our body and the Process of our body, Sir).
ကိုယ့်ခန္ဓာ ဖြစ်ကြောင်းနဲ့ ကိုယ့်ခန္ဓာဖြစ်စဉ် (မှန်ပါ့) ဖြစ်ကြောင်းဆိုတာက ရှေးက အကြောင်းကို ပြပါတယ် (မှန်ပါ့) ဖြစ်စဉ်ဆိုတာက ဒီအထဲမှာ ယောကျ်ားမပါ၊ မိန်းမမပါဘူး၊ ရုပ်နာမ်တွေသာ တစ်ခုပြီးတစ်ခုပေါ်၊ တစ်ခုပြီး တစ်ခုပေါ် အစဉ်တန်းပြီးဖြစ်တော့တယ်ဆိုတာ သိရတယ်၊ (မှန်ပါ့ ဘုရား)။
The Cause of the body and the Process of the body. (True, Sir). "Cause" refers to the past causes that produced this result. (True, Sir). "Process" means seeing that within this body, there is no man, no woman. There is only the ceaseless arising of Mind (Nama) and Matter (Rupa), one after another in a sequence. You must realize this. (True, Sir).
ဒါဖြင့် ပဋိစ္စသမုပ္ပါဒ် နားလည်တဲ့ ပုဂ္ဂိုလ်များမှာ ကိုယ့်ခန္ဓာဖြစ်ကြောင်းနဲ့ ကိုယ့်ခန္ဓာဖြစ်စဉ် နားလည်ပါတယ်၊ ပဋိစ္စသမုပ္ပါဒ်နားလည်တဲ့ပုဂ္ဂိုလ်ဟာ ဘာနားလည်ပါလိမ့်၊ (ကိုယ့်ခန္ဓာဖြစ်ကြောင်းနဲ့ ကိုယ့်ခန္ဓာဖြစ်စဉ်နားလည်ပါတယ် ဘုရား) ဒကာသစ်က ထူးထူးခြားခြားမှတ်ပါ၊ ဖြစ်ကြောင်းနဲ့ ဖြစ်စဉ်တခြားစီနော်၊ (မှန်ပါ့) ဖြစ်ကြောင်းလို့ ဆိုတာက ငါသည် ဘယ်သူ့ကြောင့် ခန္ဓာကြီးပေါ်ပါလိမ့်မတုံးလို့ သိရတဲ့အကြောင်းဟာ ဖြစ်ကြောင်းခေါ်ပါတယ်၊ (မှန်ပါ့)။
Thus, those who understand Paticcasamuppada understand the Cause and the Process of their existence. What does a person who understands Paticcasamuppada understand? (He understands the Cause of his body and the Process of his body, Sir). Daga Thit, make a special note of this. The Cause and the Process are two different things. (True, Sir). The Cause answers the question: "Due to whom or what did these Aggregates arise?" (True, Sir).
ယောကျာ်းတွေ ဖြစ်နေတာလား၊ မိန်းမတွေဖြစ်နေတာလား
Is it Men or Women Arising?
ဖြစ်စဉ်က ကိုယ့်ခန္ဓာကြီးက ယောကျာ်းတွေ ဖြစ်နေတာလား၊ မိန်းမတွေဖြစ်နေတာလား ဆိုတော့မှ အို မဟုတ်ပါဘူး၊ ဝိညာဏ်ဖြစ်နေတာ၊ နာမ်ရုပ်ဖြစ်နေတာ၊ သဠာယတနတွေဖြစ်နေတာ၊ ဖဿဖြစ်နေတာ၊ ဝေဒနာဖြစ် နေတာလို့သိတော့ ဖြစ်စဉ်ကို သိတယ်၊ (မှန်ပါ့ ဘုရား)။
The Process answers the question: "Is this body a man or a woman?" You realize: "Oh, no! It is just Consciousness (Vinnana) arising, Mind-Matter (Nama-Rupa) arising, Sense Bases, Contact, and Feeling arising." That is knowing the Process. (True, Sir).
ဒါဖြင့် ဖြစ်ကြောင်းနဲ့ဖြစ်စဉ်ပေမယ့် တခြားစီလို့မှတ်ပါ၊ (မှန်ပါ့ ဘုရား) ဒကာကြွယ်နားလည်ပြီလား၊ (နားလည် ပါပြီ ဘုရား) ကိုယ့်ခန္ဓာဖြစ်ကြောင်း နားလည်တာလဲ ပဋိစ္စသမုပ္ပါဒ်သိမှ၊ (မှန်ပါ့) ကိုယ့်ခန္ဓာဖြစ်စဉ် သိတာလဲ၊ (ပဋိစ္စသမုပ္ပါဒ် နားလည်မှ သိပါတယ် ဘုရား)။
So, although we speak of Cause and Process, note that they are distinct aspects. (True, Sir). Daga Kywe, do you understand? (I understand, Sir). Understanding the Cause requires knowing Paticcasamuppada. (True, Sir). And understanding the Process? (We know it only when we understand Paticcasamuppada, Sir).
ဖြစ်ကြောင်းနဲ့ ဖြစ်စဉ်ကိုမသိဘဲနဲ့ ဒကာကြွယ်တို့က ဝေဒနာ အနိစ္စပဲ၊ စိတ်-အနိစ္စပဲ၊ ရုပ်အနိစ္စပဲလို့ သိငြား သော်လဲ ယုံမှားသံသယဝင်လာတယ်၊ (မှန်ပါ့ ဘုရား) ရှုရင်းရှုရင်း ဒိဋ္ဌိဝင်လာတာပဲ၊ (မှန်ပါ့ ဘုရား) ဒိဋ္ဌိဝိစိကိစ္ဆာ ဝင်လာကတည်းက ဒကာ ဒကာမတို့ မဂ်ဉာဏ်, ဖိုလ်ဉာဏ် တားတဲ့တရား၊ (မှန်ပါ့ ဘုရား)။
If you do not understand the Cause and the Process, Daga Kywe, even if you note "Feeling is Anicca, Mind is Anicca, Matter is Anicca," skeptical doubt will creep in. (True, Sir). While you are meditating, Ditthi (Wrong View) will infiltrate your practice. (True, Sir). Once Ditthi and Vicikiccha enter, they become obstacles to the Path and Fruition Knowledge. (True, Sir).
အစဆုံး မဂ်ဉာဏ်ကို တားလိုက်တာပဲ
Blocking the First Path Knowledge
ဘယ်မဂ်ဉာဏ်၊ ဘယ်ဖိုလ်ဉာဏ်တားပါလိမ့်မတုံး မေးတော့ အစ, ဆုံးဖြစ်တဲ့ မဂ်ဉာဏ်ကို တားလိုက်တာပဲ၊ (မှန်လှပါ ဘုရား) အထက် မဂ်ဖိုလ် ရဖို့ဆိုတာ ဝေးရောပေါ့၊ (မှန်ပါ့ ဘုရား)။
Which Path Knowledge (Magga) does it block? It blocks the very first Magga. (True, Sir). If the first step is blocked, attaining the higher Paths is out of the question. (True, Sir).
အေးဒါကြောင့် ဆရာသမားလိုတယ်၊ ဆရာသမားလိုတယ်ဆိုတာ ဒကာသစ်တို့ ဒကာကြွယ်တို့ အထူးရိပ်မိဖို့ ကောင်းတယ်၊(ရိပ်မိပါတယ် ဘုရား) လမ်းစဉ်ပြမကောင်းလို့ရှိရင်ဖြင့် ကောင်းကောင်းဒုက္ခဖြစ်တယ်၊ (မှန်ပါ့ ဘုရား) ပင်ပန်းငြားသော်လဲ ပင်ပန်းကျိုးနပ်ပါရဲ့လား၊ (မနပ်ပါ ဘုရား)။
That is why you need a teacher. You, Daga Thit and Daga Kywe, should realize this specifically. (We realize it, Sir). If the guidance is poor, you will be in trouble. (True, Sir). You may work hard, but will it be worth the effort? (No, Sir).
အေး ဒါတွေသိတော့ ဪ ပင်ပန်းငြားသော်လဲ ပင်ပန်းကျိုးမနပ်တဲ့ အလုပ်တွေလဲ ရှိပါသေးသလားဆိုတော့ ဒကာကြွယ်ရေ ဆရာဖျင်းလို့ လို့ဆိုရမယ်၊ (မှန်ပါ့ ဘုရား)။
When you realize that your exhausting efforts are bearing no fruit, we must say it is because the teacher is incompetent. (True, Sir).
ဒကာ ဒကာမ ဆိုတာတော့ နဂိုက လူရယ်လို့ ဖြစ်လာပြီး ဝမ်းစာ ဝမ်းကျောင်းဖြစ်တဲ့ ပညာကလေးတွေ သင်ပြီးသကာလ အိမ်ထောင်ကျ၊ ကြီးလာတဲ့ အခါကျမှ ကိုယ့်ဘာသာရေး ကိုယ်ကြိုးစားတဲ့အခါ ဆရာကောင်းရှာကြ ဆိုတော့ ဒကာ ဒကာမတွေက ဘာမှပါလာတာမှမဟုတ်ဘဲ၊ (မှန်လှပါ ဘုရား)။
Yogis are born as human beings, learn basic livelihood skills, get married, and only when they get older do they look for a teacher to practice religion. They come with nothing prepared. (True, Sir).
အောက်ပိုင်းက ဟာလာဟင်းလင်းဖြစ်သွားတယ်
The Foundation becomes Hollow
လုပ်ဟေ့ ဘုရားသခင် ကိုယ်တော်မြတ်ကြီးက “သဗ္ဗေသင်္ခါရာ အနိစ္စာ၊ သဗ္ဗေ သင်္ခါရာ ဒုက္ခာ၊ သဗ္ဗေဓမ္မာ အနတ္တာ” သူ့ဟောထားတယ်ကွ၊ အဲဒီ အနိစ္စ, ဒုက္ခ, အနတ္တဟာ ထွက်ရပ်လမ်း တရားပေါ့ကွာ၊ ဒါပဲ ကြိုးစားစရာရှိတယ်၊ ဒါပဲကြိုးစားဆိုပြီး အထက်ပိုင်းကသင်လိုက်တော့ အောက်ပိုင်းက ဟာလာဟင်းလင်းဖြစ်သွားတယ်၊ (မှန်လှပါ ဘုရား) အောက်ပိုင်းက ဟာလာဟင်းလင်းဖြစ်ပြီး သကာလနေတော့ အလုပ်လုပ်လေ ယုံမှာ သံသယကဖြစ်လေပဲ၊ (ဖြစ်ပါတယ် ဘုရား) အလုပ် လုပ်လေ သံသယကလာလေပဲ၊ (လာပါတယ် ဘုရား) အလုပ် လုပ်လေ ဒိဋ္ဌိက လာလေ၊ (လာပါတယ် ဘုရား)။
They might say: "The Buddha taught 'All conditioned things are Anicca and Dukkha; all phenomena are Anatta.' This is the way out! Just strive for this!" By teaching only the advanced stage, the foundation is left hollow. (True, Sir). Because the foundation is missing, the more you practice, the more Doubt arises. (Yes, Sir). The more you practice, the more Doubt comes. (It comes, Sir). The more you practice, the more Wrong View returns. (It returns, Sir).
ဒိဋ္ဌိဝိစိကိစ္ဆာလာလို့ရှိရင်လဲ သောတာပတ္တိမဂ်ဆိုတဲ့ ပထမဆုံး မဂ်တောင် ရနိုင်ဖို့အရေး အင်မတန်ဝေးပါတယ်၊ (ဝေးပါတယ် ဘုရား) ကြောက်စရာမကောင်းဘူးလား၊ (ကောင်းပါတယ် ဘုရား)။
If Ditthi and Vicikiccha arise, the chance of attaining Sotapatti Magga—the first stage of enlightenment—is extremely remote. (Very remote, Sir). Is it not frightening? (It is frightening, Sir).
အေးဒါကြောင့် ဒကာကြွယ်တို့ရေ ဆရာသမားလိုတယ်၊ ဆရာသမားလိုတယ်ဥစ္စာလဲ ခဏခဏပြောလို့ ဒကာကြွယ်တို့ ဒကာသစ်တို့ သိလောက်ပါပြီ၊ (သိပါပြီ ဘုရား)။
That is why, Daga Kywe, a teacher is essential. I have said this so often that Daga Kywe and Daga Thit must surely know it by now. (We know it, Sir).
ပဋိစ္စသမုပ္ပါဒ် နားမလည်ပြီ ဆိုမှဖြင့် ဒိဋ္ဌိဟာလာတော့မှာပဲ၊ (လာမှာပါပဲ ဘုရား)ငါသည်ဘယ်ကလာပါလိမ့်မလဲ ဆိုတာ ဘာပါလိမ့်မလဲ (ဝိစိကိစ္ဆာပါ ဘုရား) အခုငါဟာ ဘယ်လို ငါပါလိမ့်မလဲ၊ (ဒိဋ္ဌိပါ ဘုရား) ဟင့်၊အင်း၊ ဝိစိကိစ္ဆာပဲ၊ (မှန်ပါ့ ဘုရား)
If you do not understand Paticcasamuppada, Ditthi is sure to come. (It will come, Sir). "Where did I come from?"—what is this? (It is Vicikiccha, Sir). "What kind of 'I' am I right now?"—this is Wrong View (Ditthi). No, wait, it is Vicikiccha. (True, Sir).
ဝိစိကိစ္ဆာ
Skeptical Doubt (Vicikiccha)
ဘယ်လိုငါပါလိမ့်မလဲဆိုတာ ဝိစိကိစ္ဆာပဲ လာနေတယ်(မှန်ပါ့၊ ဝိစိကိစ္ဆာပါ ဘုရား) ရှေ့ငါဘာများဖြစ်ရဦးမ လဲ၊ (ဝိစိကိစ္ဆာပါ ဘုရား) ဝိစိကိစ္ဆာပဲ၊ (မှန်ပါ့) သူ့ဟာသူဆုံးဖြတ်ချက် မချနိုင်တာဟူသရွေ့ ဒကာသစ်၊ ဝိစိကိစ္ဆာမှတ်၊ (မှန်ပါ့ ဘုရား)။
"What kind of 'I' am I?"—this questioning is Vicikiccha arising. (True, Sir, it is Vicikiccha). "What will I become in the future?" (It is Vicikiccha, Sir). As long as you cannot make a clear decision about these questions, Daga Thit, mark it as Vicikiccha. (True, Sir).
အဲဒီတော့ ငါဘယ်ကလာမှန်းလဲမသိ ယခုဟာငါဘာဖြစ်နေမှန်းလဲမသိ၊ ရှေ့လဲ ငါဘာဖြစ်မှန်းလဲ မသိ၊ ဘာများဖြစ်ရမယ်လို့ မပြောတတ်ပါဘူး အစရှိသည်ဖြင့် ဒကာ၊ ဒကာကတွေမှာနေကြတာဟာ ဒါကို ဘာသတ္တိလို့ဆို ကြမလဲ၊ (ဝိစိကိစ္ဆာပါ ဘုရား)။
So, not knowing where you came from, not knowing what you are now, not knowing what you will become, and being unable to say what will happen—living in this confusion—what force is this? (It is Vicikiccha, Sir).
တစ်ခါရုပ်တွေ၊ နာမ်တွေပေါ် နေတာကိုပဲငါစားချင်တယ်၊ ငါဝတ်ချင်တယ်၊ငါအိပ်ချင်တယ်၊ ငါသည်ကား လို့ဆိုရင် သွားချင်တယ်၊ ငါသည်ကားလို့ဆိုရင် လာချင်တယ်ဆိုတော့ ရုပ်နာမ်တွေက သွားချင်၊ လာချင်တဲ့ဥစ္စာကို ရုပ်နာမ်တွေကို ငါရယ်လို့ စွဲလမ်းလိုက်ပြန်တော့လဲ ဘုန်းကြီးတို့ ဒကာ ဒကာမတွေ စဉ်းစားကြည့်ပါ၊ ပဋိစ္စသမုပ္ပါဒ် အစဉ်ပေါ်မှာ ဒိဋ္ဌိအကုန်ဝင်နေတယ်၊ (မှန်လှပါ ဘုရား) ပဋိစ္စသမုပ္ပါဒ်အစဉ်ပေါ်မှာ (ဒိဋ္ဌိဝင်နေပါတယ် ဘုရား)။
Then, when Mind and Matter arise, you think, "I want to eat," "I want to dress," "I want to sleep," "I want to go," "I want to come." When the desire to go or come arises in the Mind and Matter, you cling to the Mind and Matter as "I." Consider this, Yogis: Ditthi has completely infiltrated the process of Paticcasamuppada. (True, Sir).
ငါ, သူတစ်ပါးထင်ရင် ဒိဋ္ဌိပဲ
If You See "I" or "Another," It Is Ditthi
ဒိဋ္ဌိအကုန်ဝင်နေတဲ့အတွက် ဒါလဲ ပဋိစ္စသမုပ္ပါဒ် အစဉ်ကို နားမလည်လို့ပဲ၊ (မှန်ပါ့)ရှင်းပြီးနော်၊ (ရှင်းပါပြီ) ပဋိစ္စသမုပ္ပါဒ်အကြောင်း နားမလည်ရင် မိမိဖြစ်ကြောင်း နားမလည်ရင် မိမိဖြစ်ကြောင်း နားမလည်ရင် ယုံမှားဝိစိကိစ္ဆာပဲ၊ (မှန်လှပါ ဘုရား) ပဋိစ္စသမုပ္ပါဒ် အစဉ်ဖြစ်နေတာကို ပုဂ္ဂိုလ် သတ္တဝါ ငါ, သူတစ်ပါးထင်ရင် ဒိဋ္ဌိပဲ၊ (မှန်လှပါ ဘုရား) ဟုတ်ကဲ့လား (ဟုတ်ပါတယ် ဘုရား)။
Because Ditthi has infiltrated everything, it shows you do not understand the process of Paticcasamuppada. (True, Sir). Is that clear? (It is clear, Sir). If you do not understand the Cause within Paticcasamuppada—the cause of your own existence—it is Skeptical Doubt (Vicikiccha). (True, Sir). If you mistake the ongoing process of Paticcasamuppada for a person, a being, an "I," or an "Other," that is Wrong View (Ditthi). (True, Sir). Is that correct? (Yes, Sir).
အဲဒီတော့ ဒကာကြွယ်ရေ-လူဖြစ်တဲ့ဘဝမှာ ဒီဘဝအထူးဆုံးလို့သာ မှတ်ပေတော့ (မှန်လှပါ ဘုရား) အားလုံး ဒကာ ဒကာမတွေ ဒီတစ်ခါ ဖြစ်ရတာဖြင့်ဟေ့ ဒုက္ခခပ်သိမ်းငြိမ်းဖို့ ဖြစ်လာတာပဲဆိုတာ ကိုယ့်ဟာကိုယ်ပဲ ဆုံးဖြတ်ချက် ချပါ၊ (မှန်လှပါ)။
Therefore, Daga Kywe, consider this human life as the most special opportunity. (Yes, Sir). All of you Yogis must decide for yourselves: "I have been born this time to extinguish all suffering." (True, Sir).
ဒီတစ်ခါလူဖြစ်လာတာ ဒကာကြွယ် ရှေးက ဒါတွေမတွေ့ခဲ့လို့၊ မတွေ့ခဲ့တော့ ဒုက္ခခပ်သိမ်းငြိမ်းဖို့ရာ အရေးဟာ ဝေးပါပေါ့ဗျာ (မှန်ပါ့ ဝေးပါတယ် ဘုရား)။
Daga Kywe, in the past, you did not encounter these teachings, so the matter of ending suffering was far from reach. (True, Sir, it was far).
အခုတော့ ဒကာ ဒကာမတွေက ဒါတွေကို အကျိုးနဲ့ အကြောင်းနဲ့ အစနဲ့ အဆုံးနဲ့သိရတော့ ဪ လူဖြစ်ကျိုးနပ် ပဟ၊ ကိုယ့်အလုပ် ဝတ္တရားကလေး ဝီရိယကလေး မလျော့ဘဲနဲ့ လုပ်လို့ရှိရင်ဖြင့် ဒီဘဝဟာ နောက်ဆုံးပိတ် ဘဝ၊ ဒုက္ခသိမ်းလို့ ငြိမ်းတော့မှာပဲ ကိုယ့်ဟာကိုယ် ဝမ်းသာရပါလိမ့်မယ်၊ (သာရပါမယ် ဘုရား) ရှင်းကြပလား၊ (ရှင်းပါပြီ ဘုရား)။
But now, Yogis, you know the Cause and the Effect, the Beginning and the End. You can rejoice within yourself: "Oh, my birth as a human is worthwhile! If I perform my duties without relaxing my effort, this will be my final existence. The mass of suffering will be extinguished!" (We will rejoice, Sir). Is that clear? (Yes, Sir).
ကိုင်း ဒါဖြင့် ဒကာ ဒကာမတို့ ခင်ဗျားတို့မှာ မိဘရိုးရာများ မှတ်ပြီးသကာလထားတာတွေ အလွဲတွေက မနည်းဘူးနော်၊ (မနည်းပါ ဘုရား) အဲဒီ အလွဲတွေကို ပဋိစ္စသမုပ္ပါဒ်နားမလည်လို့ရှိရင် ဒကာသစ်ပြင်မရဘူး၊ (ပြင်, မရပါ ဘုရား)။
Now then, Yogis, the mistaken traditional beliefs passed down from your ancestors are not few. (They are not few, Sir). If you do not understand Paticcasamuppada, Daga Thit, you cannot correct these errors. (We cannot correct them, Sir).
ပဋိစ္စသမုပ္ပါဒ်နားလည်ရင်တော့ဖြင့် ဪ သူတို့အပြောက အပြောကိုး၊ အဖြစ်ကတော့ ပဋိစ္စသမုပ္ပါဒ်ကိုးလို့ ဆိုပြီး ရှင်းသွားတယ်၊ (ရှင်းသွားပါတယ် ဘုရား)။
But if you understand Paticcasamuppada, you can clarify: "Oh, that is just their conventional speech. In reality, it is the process of Dependent Origination." (It becomes clear, Sir).
ကဿပသံယုတ်
Kassapa Samyutta
ကိုင်းဒါဖြင့် ရှေးကကိုက ကဿပသံယုတ်မှာ လာတယ်လို့ ဒကာကြွယ် မှတ်ရမယ်နော် (မှန်လှပါ)။
အရှင်မဟာ ကဿပကြီးကလဲ သာဝတ္တိပြည်မှာ သီတင်းသုံးနေတော့ အရှင်သာရိပုတ္တရာကလဲ သွားပြီး သီတင်းသုံးနေတယ်၊ (မှန်ပါ့ ဘုရား)။
Now, Daga Kywe, you must note that this appears in the Kassapa Samyutta. (True, Sir). Venerable Mahakassapa was residing in Savatthi, and Venerable Sariputta was also residing there. (True, Sir).
သီတင်းသုံးပြီးသကာလ တစ်ပါးနဲ့တစ်ပါး တွေ့ကြတဲ့အခါ အလ္လာပ-သလ္လာပဆိုတဲ့ ရှေ့စကား နောက်စကား တွေ ပြောကြတယ်(မှန်ပါ့) ပြောပြီးသည်၏အခြားမဲ့၌ အရှင်သာရိပုတ္တရာက မေးလိုက်တယ်၊ အရှင် ဘုရားတဲ့၊ သတ္တဝါ သေရင် ဖြစ်သေးသလားလို့မေးတယ်၊ (မှန်ပါ့ ဘုရား) သတ္တဝါသေရင် (ဖြစ်သေးသလားလိုမေးပါတယ်) အင်း ဒါဘယ်သူ က မေးတာပါလိမ့်၊ (အရှင်သာရိပုတ္တရာက မေးတာပါ ဘုရား)။
When they met and exchanged pleasantries—speaking of things past and present—Venerable Sariputta asked a question immediately after: "Venerable Sir, does a being exist after death?" (Does a being arise again?) Who asked this? (Venerable Sariputta asked it, Sir).
အရှင် သာရိပုတ္တရာက မေးလို့ အရှင်မဟာကဿပ,က ဒီဟာမျိုး ဘုရားက မဖြေကောင်းဘူးတဲ့ (မှန်လှပါ) ဘာတဲ့တုံး၊ ( ဘုရားက ဒီဟာမျိုး မဖြေကောင်းပါဘူးတဲ့) မဖြေကောင်းတဲ့ အမေးတဲ့၊ (မှန်လှပါ ဘုရား) သတ္တဝါသေရင် ဖြစ်သေးသလားလို့မေးတာဘာတဲ့၊ (မဖြေကောင်းတဲ့အမေးပါ ဘုရား) မဖြေကောင်းဘူး ဒီဥစ္စာနော်၊ (မှန်လှပါ)။
Because Venerable Sariputta asked this, Venerable Mahakassapa replied: "The Buddha declared that this question should not be answered." (True, Sir). What did he say? (He said the Buddha declared it should not be answered). It is an unanswerable question. (True, Sir). "Does a being exist after death?"—what is this? (It is a question not to be answered, Sir). Indeed, it should not be answered. (True, Sir).
သတ္တဝါသေရင် ဖြစ်သေးသလား
Does a Being Exist After Death?
ကိုင်းဒါဖြင့် ဒီပုစ္စာကလေး တစ်ခုကို ဒကာကြွယ် နားလည်သွားပြီ (မှန်လှပါ) သတ္တဝါသေရင် ဖြစ်သေး သလားလို့မေးရင် ဒကာကြွယ် ဘယ့်နှယ်ဖြေပါ့မလဲ၊ (မဖြေကောင်းတဲ့အမေးပါ ဘုရား) သတ္တဝါမှ မရှိဘဲကိုးဗျ၊ (မှန်လှပါ ဘုရား) မရှိတာမေးတော့ ဒကာကြွယ် ဖြေရင် ဖြေသလောက် လွဲမှာပေါ့၊ (မှန်လှပါ ဘုရား) ဘာဖြစ်လို့ပါလိမ့်၊ (သတ္တဝါ မရှိလို့ပါ ဘုရား)။
Now, Daga Kywe, you understand this riddle. (True, Sir). If someone asks, "Does a being exist after death?", how will you answer? (It is a question not to be answered, Sir). Why? Because there is no "being" to begin with! (True, Sir). If you try to answer a question about something that does not exist, whatever answer you give, Daga Kywe, will be wrong. (True, Sir). Why is that? (Because the being does not exist, Sir).
စဉ်းစားကြည့်ပါလား ပဋိစ္စသမုပ္ပါဒ်မှာ ဒကာ ဒကာမတွေ၊ ဟောဒါ အတိတ်ဘဝက အဝိဇ္ဇာနဲ့သင်္ခါရကပြုလိုက် လို့နော်၊ (မှန်ပါ့) ပြုလုပ်လိုက်တော့ သေသည်၏ အခြားမဲ့၌ ဝိညာဏ် နာမ်ရုပ်, သဠာယတန, ဖဿ, ဝေဒနာဆိုတဲ့ ခန္ဓာငါးပါးပေါ်ပါတယ်၊ (မှန်လှပါ ဘုရား) မပေါ်ဘူးလား (ပေါ်ပါတယ် ဘုရား) အင်းသတ္တဝါတွေဟုတ်ကဲ့လား (မဟုတ်ပါ ဘုရား)။
Consider Paticcasamuppada, Yogis. Because Ignorance (Avijja) and Volitional Formations (Sankhara) in the past caused it, the Five Aggregates—Consciousness, Mind-Matter, Sense Bases, Contact, Feeling—arise after death. (True, Sir). Do they not arise? (They arise, Sir). Wait, are these "beings"? (No, Sir).
ဒါဖြင့် သတ္တဝါသေရင် ဖြစ်သေးလားလို့ မေးတော့ ဒီဘက်မှာ ဖြစ်တော့တာပဲ သတ္တဝါဟုတ်ကဲ့လား၊ (မဟုတ်ပါ ဘုရား) ကြည့်ပါဦး ဘာပါလိမ့် (ဝိညာဏ်, နာမ်ရုပ်, သဠာယတန, ဖဿ, ဝေဒနာပါ ဘုရား)။
So when asked, "Does a being exist after death?", you see that phenomena do arise here, but are they beings? (No, Sir). Look closely, what are they? (Consciousness, Mind-Matter, Sense Bases, Contact, Feeling, Sir).
ကဲ-ဒါဖြင့် ဒီဘက်ကလဲ သတ္တဝါသေတယ်ရှိရဲ့လား၊ (မရှိပါ ဘုရား) အဝိဇ္ဇာ သင်္ခါရပဲရှိတယ်၊ (မှန်ပါ့ ဘုရား)။
Then, did a "being" die in the past? (No, Sir). Only Avijja and Sankhara existed. (True, Sir).
ဒါဖြင့်သတ္တဝါသေရင် ဖြစ်သေးသလားလို့ မေးလို့ရှိရင် ဒကာကြွယ် ဒကာသစ်တို့က ဘယ့်နှယ်လုပ် ဖြေပါ့မလဲ၊ (မဖြေကောင်းပါ ဘုရား) မောင်ဘသော် မဖြေကောင်းဘူုး၊ (မှန်လှပါ ဘုရား) အကြောင်းထဲမှာလဲ သတ္တဝါ မပါ, ပါဘူး၊ (မပါ, ပါဘူး) အကျိုးဖြစ်တဲ့ အထဲမှာကော (သတ္တဝါ မပါ, ပါ ဘုရား)။
So if asked "Does a being exist after death?", how will Daga Kywe and Daga Thit answer? (We must not answer, Sir). Maung Ba Thaw, you must not answer. (True, Sir). In the Cause, is there a being? (No, Sir). In the Effect that arises, is there a being? (No, Sir).
ဪ ဒါကြောင့် ဘုရားက မဖြေကောင်းဘူးလို့ ပြောတာ၊ (မှန်လှပါ ဘုရား) ဒကာကြွယ် ဒီအကြောင်းအကျိုး ဒီစကားမျိုး နားမလည်တော့ သတ္တဝါတစ်ယောကတော့ သေပဟေ့၊ ဘယ်များ သွားဖြစ်နေတယ် မပြောတတ်ပါဘူးလို့ မသုံးကြဘူးလား၊ (သုံးကြပါတယ် ဘုရား)။
Ah, that is why the Buddha said it should not be answered. (True, Sir). Daga Kywe, because people do not understand this Cause and Effect, do they not say: "A person has died; who knows where he has gone to be reborn?" (They say that, Sir).
သဿတဒိဋ္ဌိဖြစ်နေတယ်
Becoming Eternalist (Sassata Ditthi)
သုံးကြတော့ သတ္တဝါလဲမရှိဘူး၊ ဘယ်သွားဖြစ်တယ်လို့ ဖြစ်စရာလဲမရှိဘဲနဲ့ ဒကာကြွယ်မှာတဲ့၊ သတ္တဝါသေရင် ဖြစ်သေးတယ်ဆိုတဲ့ အဓိပ္ပာယ်၊ ဘယ်သွားဖြစ်တယ်ဆိုတဲ့ အဓိပ္ပာယ်ဟာ သဿတဒိဋ္ဌိဖြစ်နေတယ်၊ (ဖြစ်ပါတယ် ဘုရား) မဖြစ်ဘူးလား၊ (ဖြစ်ပါတယ် ဘုရား) ဒကာ ဒကာမတွေ ဉာဏ်နားနဲ့ထောင်ပေးပါ၊ (မှန်ပါ့) အကြောင်းထဲမှာလဲ သတ္တဝါ ပါ, ပါရဲ့လား၊ (မပါ, ပါ ဘုရား)။
When they use such language—even though there is no being, and no place for a being to go and be reborn—Daga Kywe, the meaning of "A being exists after death" or "He has gone to be reborn" implies Eternalism (Sassata Ditthi). (It does, Sir). Does it not? (It does, Sir). Yogis, lend me your ears of wisdom. (True, Sir). In the Cause, is there any being involved? (No, Sir).
အင်း ဟင်သတ္တဝါလို့ဆိုတာ ဒီနေရာမှာမှ ပျောက်တယ်နော်၊ (မှန်ပါ့) ဒီဘက် ဝိညာဏ်ဆိုတာ ပဋိသန္ဓေ၊ နာမ်ရုပ်ဆိုတာက ခင်ဗျားတို့ပဋိသန္ဓေနေတော့ နာမ်ရုပ်ပေါ်လာတယ်၊ (ပေါ်လာပါတယ် ဘုရား) မျက်စိ, နား, နှာခေါင်း, ဝေဒနာပေါ်တယ်၊ (မှန်လှပါ ဘုရား) သဘောကျပလား (ကျပါတယ်)။
Indeed. The notion of a "being" disappears right here. (True, Sir). Vinnana is the rebirth-consciousness; Namarupa is what appears when you take conception. (It appears, Sir). Eyes, ears, nose, and feeling arise. (True, Sir). Do you grasp this? (We grasp it, Sir).
ဒါဖြင့် သတ္တဝါသေရင် ဖြစ်သေးသလားလို့ မေးရင် ဘယ့်နှယ်ဖြေကြမလဲ၊ (မဖြေကောင်းပါ ဘုရား) ဖြေစရာ မရှိဘူး၊ (မှန်လှပါ) ဖြေစရာမရှိပါဘူး ဒကာ ဒကာမတို့၊(မှန်လှပါ) ဘာဖြစ်လို့တုံး ဒီအကြောင်းထဲမှာလဲ သတ္တဝါမပါဘူး၊ (မပါ, ပါ ဘုရား) စုတိသည်၏ အခြားမဲ့၌ဖြစ်ပေါ်တဲ့အထဲမှာ ကော၊ (မပါ, ပါ ဘုရား)။
So, if asked "Does a being exist after death?", how will you answer? (We cannot answer, Sir). There is nothing to answer. (True, Sir). There is nothing to answer, Yogis. (True, Sir). Why? Because in the Cause, there is no being. (No, Sir). And in the result that arises after death, is there a being? (No, Sir).
ဒါဖြင့် ဖြေစရာမရှိဘူးဆိုတာဟာ ပဋိစ္စသမုပ္ပါဒ်သဘောကျလို့ (မှန်လှပါ့ ဘုရား) ဖြေစရာမရှိဘူးဆိုတာ၊ (ပဋိစ္စသမုပ္ပါဒ် သဘောကျလို့ပါ) ပဋိစ္စသမုပ္ပါဒ် သဘောကျတဲ့အတွက် ဪ သူမေးတဲ့ဥစ္စာဟာ မမေးကောင်းတာမေး လို့ ဖြေစရာမရှိပါဘူးဆိုတာ ဒကာ ဒကာမတွေ ရှင်းသွားတယ်၊ (ရှင်းပါတယ် ဘုရား)။
So, saying "there is nothing to answer" means you have understood Paticcasamuppada. (True, Sir). The fact that there is nothing to answer... (Is because we understand Paticcasamuppada). Because you understand Paticcasamuppada, it becomes clear to you: "Oh, he is asking something that should not be asked, so there is no answer." (It is clear, Sir).
ဒီအဖြေမျိုး မဖြေကောင်း
Questions That Should Not Be Answered
ဒါ အရှင်သာရိပုတ္တရာမေးလို့ အရှင်မဟာကဿပကြီးက သတ္တဝါသေရင် ဖြစ်သေးသလားလို့ အရှင်သာရိ ပုတ္တရာကမေးတာဟာ သိလျက်နဲ့မေးတာနော်၊ (မှန်လှပါ ဘုရား) အင်းဒီအဖြေမျိုး မဖြေကောင်းပါဘူးလို့ ဘုရားကဟော ထားတယ်၊ (မှန်ပါ့)။
Venerable Sariputta asked this, and Venerable Mahakassapa explained that the Buddha said not to answer. Sariputta asked even though he knew the answer. (True, Sir). The Buddha preached that this kind of answer should not be given. (True, Sir).
ဒကာ ဒကာမတွေကော သတ္တဝါသေရင်ဖြစ်သေးသလား (မဖြေကောင်းပါ ဘုရား) အာ့ကြောင့်ပါလိမ့်၊ (သတ္တဝါ မရှိလို့ပါ) သတ္တဝါရှိကိုမရှိဘူး၊ (မှန်ပါ့) သတ္တဝါမရှိလို့ သတ္တဝါသေလဲမရှိဘူး၊ သတ္တဝါဖြစ်လဲ (မရှိပါ ဘုရား)။
What about you, Yogis? Does a being exist after death? (It is a question not to be answered, Sir). Why? (Because there is no being). There is absolutely no being. (True, Sir). Because there is no being, there is no being who dies, and no being who arises. (No, Sir).
မရှိဘူးတဲ့၊ ဘာဖြစ်လို့တုံးဆိုတော့ ဒီဘက်ကရုပ်နာမ်တွေချုပ်သွားပြီ၊ ဒီဘက်က ရုပ်နာမ်တွေပေါ်တာပဲ၊ (မှန်ပါ့ ဘုရား) သဘောကျပလား၊ (ကျပါပြီ) အတိတ်ကရုပ်နာမ်တွေချုပ်ပြီးတော့၊ (ပစ္စုပ္ပန် ရုပ်နာမ်တွေ ပေါ်တာပါပဲ)။
There is no such thing. Why? Because the Mind and Matter of the past have ceased, and the Mind and Matter of the present simply appear. (True, Sir). Do you grasp this? (We grasp it). The past Mind and Matter ceased... (And present Mind and Matter appear).
ဒါဖြင့် ပစ္စုပ္ပန်ရုပ်နာမ်တွေချုပ်ပြီးတော့ကော အနာဂတ်ရုပ်နာမ်တွေပေါ်မှာပဲ၊ (မှန်ပါ့) ဒါပဲရှိတယ်၊ (မှန်လှပါ) သတ္တဝါကဖြင့် ပါကို မပါဘူး၊ (မပါ, ပါ ဘုရား)။
And when present Mind and Matter cease, future Mind and Matter will arise. (True, Sir). That is all there is. (True, Sir). A "being" is absolutely not involved. (Not involved, Sir).
ကြည့်ပါ ကြည့်ပါ၊ ဒကာ ဒကာမတွေစာရွက်မှာကြည့်ပါ ခင်ဗျားတို့သည်ကားလို့ ဆိုလို့ရှိရင်ဖြင့် ပြုတဲ့အကြောင်း ထဲမှာလဲ သတ္တဝါမပါ,ပါဘူး၊ (မပါ,ပါ ဘုရား) ရတဲ့, အကျိုးထဲမှာကော၊ (မပါ, ပါ ဘုရား) မပါတာ ပဋိစ္စသမုပ္ပါဒ်က ရှင်းနေတယ်၊ (မှန်လှပါ) ရှင်းနေတော့ကိုတဲ့၊ သတ္တဝါသေရင် ဖြစ်သေးသလားလို့ အရှင်သာရိပုတ္တရာက မေးလိုက်တယ်၊ (မှန်ပါ့ ဘုရား)။
Look, look! Yogis, look at the chart. If we speak of "you," in the Causes you performed, is there a being? (No, Sir). In the Effects you received? (No, Sir). Paticcasamuppada makes it clear that there is no being. (True, Sir). Because it is clear, when Venerable Sariputta asked "Does a being exist after death?"... (True, Sir).
ဒါမဖြေအပ်တဲ့ပုစ္ဆာတဲ့၊ ဘုရားမဖြေဘူးဆိုပြီး အရှင်မဟာကဿပကြီးက ရှင်းပြတယ်၊ (မှန်ပါ့ ဘုရား) မေးတဲ့ ပုဂ္ဂိုလ်လဲ အရိယာပုဂ္ဂိုလ်ပါ၊ (မှန်ပါ့ ဘုရား) ဖြေတဲ့ပုဂ္ဂိုလ် အရိယာပုဂ္ဂိုလ်ပါ၊ (မှန်ပါ့) သို့သော် ဘယ့်နှယ်ကြောင့် သူတို့အမေးအဖြေ လုပ်ကြပါလိမ့်မတုံးဆိုတော့ နောက်ပုဂ္ဂိုလ်တွေ ရှင်းလင်းအောင်လို့ (မှန်လှပါ) ဘယ်အကျိုးငှာပါလိမ့်၊ (နောက်ပုဂ္ဂိုလ်တွေရှင်းလင်းအောင်လို့ပါ ဘုရား) သဘောပါပလား၊ (ပါ,ပါပြီ)။
It is a question not to be answered. Venerable Mahakassapa explained that the Buddha does not answer it. (True, Sir). The one asking is an Noble One (Ariya). (True, Sir). The one answering is an Noble One. (True, Sir). Yet, why did they engage in this Q&A? They did it to clarify the Dhamma for future generations. (True, Sir). For whose benefit? (To clarify it for future generations, Sir). Do you grasp the meaning? (We grasp it, Sir).
သတ္တဝါမရှိလို့ပါ
Because There Is No Being
ကဲအားလုံး တရားတစ်ပွဲလုံးကို မေးလိုက်ပါတယ်တဲ့၊ ပဋိစ္စသမုပ္ပါဒ်နားမလည်တဲ့ ပုဂ္ဂိုလ်မှန်လို့ရှိရင် အဖြေတစ်မျိုး ထွက်မှာပဲ၊ (မှန်ပါ့) နားလည်တဲ့ပုဂ္ဂိုလ်ဆိုရင် သတ္တဝါသေရင်ဖြစ်သေး သလားလို့မေးရင်ဖြင့် ဘယ့်နှယ် ပြောကြမယ်၊ (မဖြေကောင်းပါ ဘုရား) ဘာ့ကြောင့် မဖြေကြပါလိမ့်၊ (သတ္တဝါမရှိလို့ပါ ဘုရား)။
Now, I ask the whole audience: If a person does not understand Paticcasamuppada, a certain answer will come out [affirming a being]. (True, Sir). But for a person who understands, if asked "Does a being exist after death?", what will they say? (It should not be answered, Sir). Why will they not answer? (Because there is no being, Sir).
သေစရာသတ္တဝါလဲမရှိဘူး၊ ဖြစ်စရာသတ္တဝါကော၊ (မရှိပါ ဘုရား) မရှိဘူးတဲ့၊ ဒီအတိတ်အကြောင်းဖြစ်တဲ့ နာမ်ရုပ်ချုပ်လို့ ပစ္စုပ္ပန်အကျိုးဖြစ်တဲ့ဝိညာဏ်, နာမ်ရုပ်, သဠာယတန, ဖဿ, ဝေဒနာဆိုတဲ့ ခန္ဓာငါးပါး ပေါ်လာတာပဲ၊ (မှန်ပါ့ ဘုရား) သဘောကျပလား၊ (ကျပါပြီ)။
There is no being to die, and as for a being to arise? (There is none, Sir). There is none. Because the past Cause—Mind and Matter—ceased, the present Effect—the Five Aggregates of Consciousness, Mind-Matter, Sense Bases, Contact, Feeling—arises. (True, Sir). Do you grasp this? (We grasp it).
ဒီအကြားမှာ သေတယ်ထားပါဦးတော့ ဒီအစပ်ကလေးမှာ၊ (မှန်ပါ့) ဒီဘက်က အဝိဇ္ဇာ သင်္ခါရ ဒီမှာလာချုပ်ပြီး အဝိဇ္ဇာ သင်္ခါရပြီးတဲ့အခါ ဒီမှာ ဝိညာဏ်, နာမ်ရုပ်ပေါ်တာပဲ၊ (မှန်ပါ့ ဘုရား) မပေါ်ဘူးလား၊ (ပေါ်ပါတယ် ဘုရား)။
Even if we say "death," look at this junction. (True, Sir). Here, Avijja and Sankhara cease, and then Vinnana and Namarupa arise. (True, Sir). Do they not arise? (They arise, Sir).
အေး ဒါ့ကြောင့် ပထမပုစ္ဆာ မဖြေကောင်းဘူးဆိုတာ ဪ ဒို့ဉာဏ်ထဲမှာလဲ ရှင်းပြီ၊ နဂိုကလဲ သေစရာ သတ္တဝါလဲမရှိ၊ သေတတ်တဲ့သတ္တဝါလဲ မရှိ၊ ဖြစ်တတ်တဲ့သတ္တဝါမရှိဘူးတဲ့၊ နာမ်ရုပ်ချုပ်သွားလို့ နာမ်ရုပ် ဖြစ်လာတာပဲ (မှန်ပါ့ ဘုရား) ယခုနာမ်ရုပ်ချုပ်သွားတော့ နောက်နာမ်ရုပ်ပေါ်တာပဲရှိတယ် (မှန်ပါ့ ဘုရား)။
That is why we understand within our wisdom why the first question is unanswerable. Originally, there is no being to die, no being capable of dying, and no being capable of arising. Because Mind and Matter cease, Mind and Matter arise. (True, Sir). Now, when Mind and Matter cease, only the next Mind and Matter arise. (True, Sir).
ဒီဝိညာဏ်, နာမ်ရုပ်, သဠာယတန, ဖဿ, ဝေဒနာတွေချုပ်သွားတော့ ဒီဘက်ဇာတိ, ဇရာ, မရဏ ပေါ်တာပဲရှိ တယ်၊ (မှန်ပါ့ ဘုရား)သဘောကျပလား၊ (ကျပါပြီ) ကောင်းပြီ) ဒါဖြင့် ဇာတိ, ဇရာ, မရဏဆိုတာလဲ ရုပ်နာမ်တွေပေါ် တာပဲ၊ (မှန်ပါ့ ဘုရား) ရှင်းကြပလား၊ (ရှင်းပါပြီ)။
When Vinnana, Namarupa, Salayatana, Phassa, and Vedana cease here, Jati (Birth), Jara (Aging), and Marana (Death) arise on the other side. (True, Sir). Do you grasp it? (We grasp it). Good. So, Jati, Jara, Marana simply means Mind and Matter arising. (True, Sir). Is that clear? (It is clear).
မဖြေကောင်းတဲ့ပုစ္ဆာတွေ
Unanswerable Questions
ကောင်းပြီ၊ ဒါဖြင့် မဖြေကောင်းတဲ့ပုစ္ဆာတွေကို မဖြေဘဲနေကြခြင်းသည် ဒကာကြွယ် အသိဉာဏ်ရှိလို့၊ (မှန်လှပါ ဘုရား) မဖြေကောင်းတဲ့ ပုစ္ဆာတွေကို မဖြေဘဲ နေခြင်းသည် ဘာပါလိမ့်၊ (အသိဉာဏ်ရှိလို့ပါ ဘုရား) ဘယ်သူ့အပေါ်မှာ အသိဉာဏ်ရှိတာပါလိမ့် (ပဋိစ္စသမုပ္ပါဒ်အပေါ်မှာပါ ဘုရား)။
Good. Therefore, remaining silent on questions that should not be answered, Daga Kywe, is a sign of wisdom. (True, Sir). Remaining silent on unanswerable questions is what? (It is having wisdom, Sir). Having wisdom regarding what? (Regarding Paticcasamuppada, Sir).
အင်း-ပဋိစ္စသမုပ္ပါဒ်အပေါ်မှာ အသိဉာဏ်ရှိတယ်၊ (မှန်လှပါ) ခန္ဓာဖြစ်စဉ်မှာ၊ (အသိဉာဏ်ရှိပါတယ်) အဲဒီ ဉာဏ်နှစ်ဉာဏ် ရလိုက်တာဟာ ဒီဉာဏ် နှစ်ဉာဏ်ကို ဒကာကြွယ်က ဒကာသစ်က သာမည ဉာဏ်ပဲလို့ မအောက်မေ့လိုက် ပါနဲ့၊ (မှန်ပါ့ ဘုရား)။
Indeed—having wisdom regarding Paticcasamuppada. (True, Sir). Regarding the process of the Aggregates. (Having wisdom). Gaining these two insights—Daga Kywe, Daga Thit—do not think of them as ordinary knowledge. (True, Sir).
ဒီဉာဏ်နှစ်ဉာဏ်သည်ကားလို့ ဆိုလို့ရှိရင်ဖြင့်တဲ့၊ နာမ်ရုပ်သိတဲ့ နာမရူပပရိစ္ဆေဒဉာဏ်ရတယ်၊ (မှန်ပါ့) ပစ္စယပရိဂ္ဂဟဉာဏ်ဆိုတဲ့အကြောင်းနဲ့ အကျိုးဆက်တာသိတဲ့ ဉာဏ်လဲရတယ်၊ (မှန်ပါ့ ဘုရား) ဒီဉာဏ် နှစ်ဉာဏ်ကို ရသွားတယ်၊ (မှန်ပါ့)။
These two insights are: Knowledge distinguishing Mind and Matter (Nama-rupa-pariccheda-ñana) and Knowledge discerning Cause and Effect (Paccaya-pariggaha-ñana). (True, Sir). You have attained these two Knowledges. (True, Sir).
နာမရူပပရိစ္ဆေဉာဏ်, ပစ္စယပရိဂ္ဂဟဉာဏ်
Nama-rupa-pariccheda-ñana, Paccaya-pariggaha-ñana.
ပဋိစ္စသမုပ္ပါဒ်နားလည်ခဲ့ရင် နာမရူပပရိစ္ဆေဉာဏ်, ပစ္စယ ပရိဂ္ဂဟဉာဏ်ဆိုတဲ့ ဉာဏ်နှစ်ဉာဏ်ရတယ်၊ (မှန်ပါ့ ဘုရား) မဂ်ဉာဏ်၏ အခြေခံတွေရလိုက်တယ်၊ (မှန်ပါ့) ဘယ်သူ့အခြေခံတွေ့ရလိုက်ပါလိမ့်၊ (မဂ်ဉာဏ်၏ အခြေခံတွေရလိုက် ပါတယ် ဘုရား)။ မဂ်ဉာဏ်၏ အခြေခံတွေ ရလိုက်တယ်ဆိုတာဖြင့် ရှင်းသွားတယ်၊ (မှန်ပါ့ ဘုရား)။
If you understand Dependent Origination (Paṭiccasamuppāda), you attain two specific insights: the Knowledge of Distinguishing Mind and Matter (Nāma-rūpa-pariccheda-ñāṇa) and the Knowledge of Discerning Cause and Condition (Paccaya-pariggaha-ñāṇa). (True, Sir). You have obtained the very foundation for Path Knowledge (Magga Ñāṇa). (Yes, Sir). Whose foundation have you found? (We have found the foundation of Path Knowledge, Sir). It is clear now that you have secured the basis for the Path.
ဒကာသစ်-ပဋိစ္စသမုပ္ပါဒ်နားလည်ရင် မဂ်ဉာဏ်၏ အခြေခံနှစ်ဉာဏ်ရတယ်၊ (မှန်ပါ့ ဘုရား) နာမရူပရိစ္ဆေဒ ဉာဏ်ရယ်၊ (မှန်ပါ့) သဘောပါလား၊ (ပါ, ပါတယ် ဘုရား) ဒီနှစ်ဉာဏ်ရလိုက်ပါတယ်တဲ့၊ ဒကာကြွယ်ရေ (မှန်ပါ့ ဘုရား)။
Yogi Thit, if you understand Dependent Origination, you gain these two fundamental insights. (Yes, Sir). The insight distinguishing Mind and Matter and the insight into causality. Do you grasp the meaning? (Yes, we do, Sir). You have attained these two insights, Yogi Kywe. (Yes, Sir).
သတ္တဝါသေရင်မဖြစ်တော့ဘူးလား
Does a Being Reappear After Death?
ကဲတစ်ခါဆက်မေးပါဦးမယ်၊ အရှင်သာရိပုတ္တရာ ဆက်မေးတယ်နော် (မှန်ပါ့) ဒါဖြင့် အရှင်မဟာကဿတဲ့၊ သတ္တဝါသေရင်မဖြစ်တော့ဘူးလားလို့ မေးလိုက်တယ်၊ (မှန်ပါ့ ဘုရား) ဒါလဲ ဘုရားက မဖြေကောင်းတဲ့ ပုစ္ဆာဘဲတဲ့၊ (မှန်ပါ့ ဘုရား)ဒါလဲ ဘုရားက မဖြေကောင်းတဲ့ ပုစ္ဆာဘဲတဲ့၊ (မှန်ပါ့ ဘုရား) ကဲ ဒကာ ဒကာမတွေကလဲသဘောကျပလား (ကျပါတယ် ဘုရား) ဘယ့်နှယ်ကြောင့်ပါလိမ့် (သတ္တဝါပုဂ္ဂိုလ် မရှိလို့ပါ ဘုရား) သတ္တဝါပုဂ္ဂိုလ် မရှိလို့၊ (မှန်ပါ့ ဘုရား)။
Now, let me proceed with the questions. Venerable Sariputta continued his inquiry. He asked Venerable Mahakassapa: "Does a being cease to exist after death?" This is a question the Buddha declared should not be answered. (True, Sir). It is an invalid question. (Yes, Sir). Are you Yogis satisfied with that? (Yes, we are, Sir). Why is it invalid? (Because there is no "being" or "person" in the first place, Sir). Exactly. Because there is no such thing as a "being" or a "person."
ဪ ခင်ဗျားတို့ကလဲ အရှင်မဟာကဿပကြီးလိုပဲမဖြေကောင်းတာ မဖြေကောင်းဘူးဆိုတဲ့ သိတဲ့ဉာဏ်ရတာ ပုဂ္ဂိုလ်သတ္တဝါဟာ ကိုယ့်အထင်မှာ မရှိတော့ဘူး၊ (မရှိပါ ဘုရား)။
Like the Great Arahant Mahakassapa, you now possess the knowledge of why this question should not be answered. In your understanding, the concept of a "person" or "being" no longer exists. (It does not exist, Sir).
အင်း-ပဋိစ္စသမုပ္ပါဒ်တို့ ဖြစ်စဉ်တန်းနေတာတွေ၊ အကြောင်းဖြစ်လို့ အကျိုးဖြစ်တာတွေ၊ ဒီအကျိုးတရားလဲ နာမ်ရုပ်တွေဆိုတာ သိပြီးသကာလနေတဲ့အတွက် ဖြေစရာမရှိဘူး-ဆိုတဲ့ဉာဏ်ထွက်လာတယ်၊ (မှန်ပါ့ ဘုရား) ရှင်းကြ ပလား၊ (ရှင်းပါပြီ ဘုရား)။
You see the continuous chain of Dependent Origination. You see effects arising solely due to causes. You realize these are just Mind and Matter. Once you possess this insight, you realize there is nothing to answer. (True, Sir). Is that clear? (Yes, it is, Sir).
ကဲဒါဖြင့်ဒကာ ဒကာမတို့ ဒီအဖြေထွက်နိုင်ရင်သတ္တဝါ သေလို့ရှိရင်ဖြင့် မဖြစ်တောဘူးလား မေးတော့ ဘယ့်နှယ်တဲ့ ဒကာ ဒကာမတွေ (မဖြေကောင်းပါ ဘုရား) မဖြေကောင်းဘူး၊ (မှန်ပါ့) ဖြေစရာမရှိဘူး၊ (မှန်လှပါ) သတ္တဝါကိုက ရှိရဲ့လား၊ (မရှိပါ ဘုရား) သတ္တဝါကိုက မရှိတော့ ဖြစ်မဖြစ်မေးငြားသော်လဲ အပိုပဲ၊ (မှန်လှပါ ဘုရား) ရှင်းပြီ (ရှင်းပါပြီ ဘုရား) သတ္တဝါကိုက မရှိတော့ (ဖြစ်, မဖြစ် မေးစရာမလိုတော့ပါ ဘုရား)။
So, Yogis, if this answer is clear to you, how would you respond if someone asked, "Does a being not exist after death?" (It should not be answered, Sir). Indeed, it should not be answered. (True, Sir). There is nothing to answer. (True, Sir). Does a "being" actually exist? (No, Sir). Since the "being" does not exist, asking whether it is reborn or not is utterly partial. It is a waste of time. (True, Sir). Is this clear? (Yes, Sir). Since there is no being, asking about the future existence of something that does not exist even now is purely nonsensical. (It is not needed, Sir).
ဖြစ်-မဖြစ်တာ စကားတွေ ချဲ့မနေကြပါနဲ့၊ (မှန်ပါ့ ဘုရား) ရှိတာပြောရလို့ရှိရင်တော့ ဖြစ်, မဖြစ် ပြောရပါလိမ့် မယ်၊ (မှန်လှပါ ဘုရား) နဂိုကမရှိတာကို မေးထားတော့ ဖြစ်, မဖြစ် ပြောနေတာအပိုပဲ၊ (အပိုပါပဲ ဘုရား) သဘောကျ ပလား (ကျပါပြီ)။
Do not waste words expanding on whether it happens or not. (Yes, Sir). If there were actually something there, we could discuss whether it arises or not. (True, Sir). But since you are asking about something that fundamentally does not exist, discussing its rebirth is futile. (It is futile, Sir). Are you convinced? (Yes, Sir).
ကိုင်း ဒါဘာနားလည်လို့ ဒီအဓိပ္ပာယ်မျိုးကို မဖြေကောင်းဘူးလို့သိပါလိမ့်မတုံး၊ (ပဋိစ္စသမုပ္ပါဒ် နားလည်လို့ပါ ဘုရား) အဲ ပဋိစ္စသမုပ္ပါဒ် နားလည်တဲ့ကျေးဇူး ဒကာသစ် အလွန့်ကို အဖိုးတန်ပါတယ်၊ (တန်ပါတယ် ဘုရား) ဒကာကြွယ် သိပ်အဖိုးတန်တယ်နော်၊ (တန်ပါတယ် ဘုရား)။
Now, what understanding allows you to know that this question is unanswerable? (Because we understand Dependent Origination, Sir). Yes! The benefit of understanding Dependent Origination is immensely valuable, Yogi Thit. (It is valuable, Sir). Yogi Kywe, it is precious, isn't it? (Yes, Sir).
နောက် ဒကာ ဒကာမတွေ ခင်ဗျားတို့ နို့မဟုတ်လို့ရှိရင် သတ္တဝါသေလို့ရှိရင် မဖြစ်ဘူးထင်ပါရဲ့၊ လာချင်လာ ဦးမယ်၊ (လာမှာပါ ဘုရား)။
Otherwise, you might think, "I suppose a being doesn't exist after death," but then doubt would creep in: "Maybe they do come back." (Yes, doubt would arise, Sir).
ဥစ္ဆေဒဒိဋ္ဌိထဲ သွားမယ်
Falling into Wrong Views
သူတို့ဖြင့် ဘာမှဖြစ်စရာမရှိဘူး ဆိုပြန်တော့လဲ သူ ဒိဋ္ဌိထဲသွားမယ်၊ (မှန်ပါ့ ဘုရား) ဥစ္ဆေဒဒိဋ္ဌိထဲ သွားမယ်၊ (မှန်ပါ့ ဘုရား) မသွားဘူးလား၊ (သွားပါတယ် ဘုရား)။
If you say, "Nothing arises after death," you fall into the trap of Wrong View (Diṭṭhi). You fall into Annihilationism (Uccheda-diṭṭhi). (True, Sir). Would you not fall? (We would, Sir).
သတ္တဝါသေရင် ဖြစ်တယ်လို့ယူလို့ရှိရင်လဲ သဿတဒိဋ္ဌိထဲ သွားမယ်၊ (သွားပါတယ် ဘုရား) သတ္တဝါသေရင် မဖြစ်တော့ဘူး ယူရင်လဲ (ဥစ္တေဒဒိဋ္ဌိထဲ သွားပါတယ် ဘုရား)။
Conversely, if you assume, "A being is reborn after death," you fall into Eternalism (Sassata-diṭṭhi). (We would fall, Sir). If you say, "A being does not exist after death," you fall into (Annihilationism, Sir).
အဲဒါ ပဋိစ္စသမုပ္ပါဒါ နားမလည်တဲ့ ပုဂ္ဂိုလ်မှာ သဿတသော်လည်းကောင်း၊ ဥစ္ဆေဒသော်လည်ကောင်း ဒကာသစ်မလာပေဘူးလား၊ (လာပါတယ် ဘုရား) ကိုင်းဒါဖြင့် ဒကာ ဒကာမတို့ ပဋိစ္စသမုပ္ပါဒ် နားလည်မှု၏ ကျေးဇူး သည် ဒကာကြွယ် တယ်ကြီးပါကလား၊ (ကြီးပါတယ် ဘုရား)။
Therefore, for a person who does not understand Dependent Origination, are they not bound to fall into either Eternalism or Annihilationism, Yogi Thit? (They are bound to fall, Sir). Thus, Yogis, the benefit of understanding Dependent Origination is enormous, isn't it Yogi Kywe? (It is enormous, Sir).
ဒါ့ကြောင့် ဘုရားဘယ်သူ့ကြောင့် ဘုရားဖြစ်ပါလိမ့်မတုံးဆိုတော့ ပဋိစ္စသမုပ္ပါဒ်ဆင်ခြင်လို့ ဘုရားဖြစ်ပါတယ်၊ (မှန်လှပါ ဘုရား) ပဋိစ္စသမုပ္ပါဒ်ဆင်ခြင်ပြီး၊ ပဋိစ္စသမုပ္ပါဒ်ကြီး ပြတ်သွားတော့ ဘုရားဖြစ်တယ်၊ (မှန်လှပါ ဘုရား) ရှင်းကြပလား၊ (ရှင်းပါပြီ ဘုရား)။
How did the Buddha attain Enlightenment? He attained it by contemplating Dependent Origination. (True, Sir). When he completely severed the Wheel of Dependent Origination, he became the Buddha. (True, Sir). Is that clear? (Yes, Sir).
အင်း-ဟင် အဲဒီလို သိလိုက်တဲ့အခါကျတော့မှ ဪ ငါတို့မှာ အကြုံကြီးကြုံရတဲ့ပဋိစ္စသမုပ္ပါဒ် ဒေသနာတော် ကြီး ဆရာသမားကဟောလို့ အမှန်အကန်တွေသိရပြီး အမှားတွေ အကုန်ပျောက်ရတာ၊ ဒို့ဒီဘဝမှာဖြင့် ဒုက္ခခပ်သိမ်း ကင်းငြိမ်းတဲ့ နိဗ္ဗာန်ကြီး အမှန်ရောက်မည့် ပုဂ္ဂိုလ်တွေမို့ ဤကဲ့သို့အကျိုးအကြောင်း ဆက်ပြီးသကာလ ဉာဏ်ထဲမှာ ရှင်းရှင်းလင်းလင်း လာတွေ့တာပဲဆိုတာ ဒကာကြွယ်-ဝမ်းမြောက်တော့၊ (မှန်ပါ့ ဘုရား)။ အင်မတန် ဝမ်းမြောက်စရာ ကောင်းပါတယ်နော်၊ (မှန်လှပါ ဘုရား)။
When you realize this, you will rejoice: "Oh, we have encountered the great teaching of Dependent Origination! Because our teacher explained it, we now know the truth and all our errors have vanished. Since we see the connection of cause and effect clearly in our wisdom, we are individuals destined to reach Nibbana, the cessation of all suffering, in this very life!" Yogi Kywe, you should be joyful. (Yes, Sir). It is indeed a cause for great joy. (True, Sir).
အဲဒါဖြင့် ဒကာ ဒကာမတို့ ပုစ္ဆာနှစ်ခုရှိပြီ (မှန်ပါ့) မဖြေကောင်းတဲ့ ပုစ္ဆာနော် (မှန်ပါ့) အရှင်မဟာကဿပ, ကချည်း ဖြေတယ်၊ (မှန်လှပါ ဘုရား) အရှင်သာရိပုတ္တရာက အမေး၊ အရှင်မဟာကဿပ,က အဖြေလို့ မှတ်လိုက်စမ်းပါ၊ (မှန်လှပါ ဘုရား)။
So, Yogis, we have covered two questions. (Yes, Sir). These are questions that should not be answered. (Yes, Sir). Note that Venerable Mahakassapa is the one answering—or rather, giving the response—and Venerable Sariputta is the questioner. (True, Sir).
ဖြစ်ချည်တစ်လှည့်၊ မဖြစ်ချည်တစ်လှည့်စီလား
Does it Alternately Existing and Not Exist?
ကိုင်း ဒါနဲ့ပဲ ဆက်ပြီး မေးပြန်တယ်၊ အရှင်သာရိပုတ္တရာမထေရ်က အားလုံးသောပုဂ္ဂိုလ်တွေ ရှင်းသထက် ရှင်းရအောင်၊ (မှန်ပါ့) ပုဂ္ဂိုလ်သတ္တဝါတွေ သေတဲ့အခါ ဖြစ်ချည်တစ်လှည့်၊ မဖြစ်ချည်တစ်လှည့်စီလား ဘုရားလို့ အရှင် မဟာကဿပလို့ မေးပြန်တယ်၊ (မှန်ပါ့ ဘုရား) ဒကာ ဒကာမတွေက ဘယ်လိုဖြေကြမလဲ၊ (မဖြေကောင်းပါ ဘုရား) မဖြေကောင်းဘူးတဲ့၊ (မှန်ပါ့ ဘုရား)။
Now, Sariputta continued his questioning to make it clearer for everyone. He asked Mahakassapa: "When beings die, is it that they are reborn sometimes, and not reborn other times?" (True, Sir). Yogis, how would you answer? (It should not be answered, Sir). Indeed, it is an invalid question. (True, Sir).
ပုစ္ဆာနှစ်ခု မဖြေကောင်းတာတွေရှင်းသွားပါပြီ၊ (မှန်ပါ့) ၃-နံပါတ်ကို တစ်ခါအရှင်သာရိပုတ္တရာက ရှင်မဟာ ကဿပကြီးကိုမေးပြန်တယ် အရှင် ဘုရားတဲ့၊ သတ္တဝါသေသွားလို့ရှိရင် အချို့ဖြစ်တယ်၊ အချို့မဖြစ်ဘူးလို့ ဒီလိုများယုံရမှာ လားတဲ့၊ (မှန်ပါ့) ဒကာ ဒကာမတွေ ဘယ့်နှယ်ဖြေမလဲ၊ (မဖြေကောင်းပါ ဘုရား)။
We have cleared up the first two invalid questions. Now for the third. Sariputta asked: "Venerable Sir, should we believe that after death, some are reborn and some are not?" (True, Sir). Yogis, how do you answer? (It should not be answered, Sir).
သတ္တဝါမှမရှိဘဲ၊ (မှန်ပါ့) စုံတိစိတ်ပြီးရင် ပဋိသန္ဓေစိတ်ပေါ်တာပဲရှိတယ်၊ (မှန်ပါ့ ဘုရား) စုတိစိတ်ကလဲ စိတ်ပဲ ပဋိသန္ဓေစိတ်ကလဲ (စိတ်ပါပဲ ဘုရား) ဒါဖြင့် တစ်စိတ်ပြီးရင် တစ်စိတ်ပေါ်တာသာရှိတယ်၊ သတ္တဝါတော့မရှိပါဘူး (မရှိပါ ဘုရား) တစ်စိတ်ပြီး တစ်စိတ်ပေါ်တာတော့ရှိပါရဲ့၊ သတ္တဝါတော့၊ (မရှိပါ ဘုရား)။
There is no "being" to begin with. (True, Sir). There is only the passing away of the Death Consciousness (Cuti Citta) followed by the arising of the Rebirth Consciousness (Paṭisandhi Citta). (True, Sir). The Death Consciousness is just a mind moment. The Rebirth Consciousness is also (Just a mind moment, Sir). So, it is merely one mind moment arising after another. Is there a "being" involved? (No, Sir). One mind follows another—that exists. But a being? (No, Sir).
မရှိဘူးဆိုတော့ သတ္တဝါဖြစ်ချည်တစ်လှည့်၊ မဖြစ်ချည်တစ်လှည့်လားဆိုတော့ အချို့ကျတော့လဲ ပရိနိဗ္ဗာန် စုတိစိတ်ဖြစ်ပြီးတော့ နိဗ္ဗာန်သွားတယ်၊ (မှန်လှပါ ဘုရား) ရှင်းပလား၊ (ရှင်းပါပြီ) ဖြစ်ချည်တစ်လှည့်၊ မဖြစ်ချည် တစ်လှည့်ဆိုတာ ဟုတ်သေးရဲ့လား၊ (မဟုတ်ပါ ဘုရား)။
Since there is no being, asking "Does it sometimes happen and sometimes not?" is invalid. However, for those who attain Parinibbana, the Death Consciousness arises, and they enter Nibbana [without rebirth]. (True, Sir). Is that clear? (Yes, Sir). So, is the statement "Sometimes reborn, sometimes not" accurate? (No, Sir).
အေး ဒါတွေသိတော့မှာ ဒို့ဘယ့်နှယ်ကြောင့် ဒီအကြောင်းတွေရေရေလည်လည်ကြီး ပုဂ္ဂိုလ်သတ္တဝါပျောက်တဲ့ ဉာဏ်တွေရပြီး သိရပါလိမ့်မလဲဆိုတဲ့ ဥစ္စာကိုယ်တိုင် အကဲခတ်ကြည့်တာပေါ့၊ (မှန်လှပါ ဘုရား) ဘယ်ဟာကြောင့်ပါလိမ့်၊ (ပဋိစ္စသမုပ္ပါဒ်သိလို့ပါ ဘုရား)။
Knowing this, you must assess for yourself: "How did I come to possess this wisdom where the concept of 'person' and 'being' has vanished so thoroughly?" (True, Sir). What is the cause? (It is because we know Dependent Origination, Sir).
အဲ ပဋိစ္စသမုပ္ပါဒ်ဖြစ်ကြောင်း နားလည်မှု၊ ဖြစ်စဉ်နားလည်မှု၊ ဤဖြစ်မှုကြောင့်သာလျှင် ဤကဲ့သို့ အဖြေမှန်ကြီး ထွက်လာတယ်၊ (မှန်ပါ့ ဘုရား) ဒကာကြွယ် နေရာကျပလား (ကျပါပြီ ဘုရား)။
It is because you understand the cause of arising, and the process of arising. Because of this understanding, the correct answer emerges naturally. (True, Sir). Yogi Kywe, does this make sense? (Yes, it does, Sir).
ဒကာ ဒကာမတွေတဲ့၊ ခင်ဗျားတို့ အဖြစ်ဟာ သာမညအဖိုးတန်တဲ့အဖြစ်လို့ မမှတ်လိုက်ကြစမ်းပါနဲ့၊ အလွန့် အလွန့်ကျေးဇူးများနေတယ်၊ (များပါတယ် ဘုရား) ခင်ဗျားတို့ ထိုရဟန္တာကြီး အရှင်မဟာကဿပ, က မဖြေကောင်းဘူး ဆိုတဲ့ အဖြေပြောတယ်၊ (မှန်လှပါ ဘုရား)။
Yogis, do not consider your current state of understanding as merely ordinary. It is of immense, immense value. (It is, Sir). You are now able to give the same answer regarding the "undeclared questions" as the great Arahant Mahakassapa. (True, Sir).
ခင်ဗျားတို့မှာ အခု ရဟန္တာမဖြစ်သေးဘူးထားပါဦး၊ (မှန်လှပါ) ဒီအသိတော့ရနေတယ်၊ (ရပါတယ် ဘုရား) ရနေတယ်ဆိုတော့ သေးသိမ်တယ်လို့ မောင်ဘသော် ထင်လို့မရဘူး၊ (မရပါ ဘုရား) အင်မတန် ကျေးဇူးများတယ် ဆိုတာမှတ်ပါ၊ (မှန်လှပါ ဘုရား) ဒါအလုပ်လုပ်ရင် ရဖို့ပဲရှိတော့တယ်၊ (မှန်ပါ့ ဘုရား) ရဖို့ပဲရှိတော့တယ်၊ အသိဉာဏ်မှာဖြင့် တော်တော့ကို တူနေပြီဆိုတဲ့ အဓိပ္ပါယ်ပေါ်လာတယ် (ပေါ်လာပါတယ် ဘုရား)။
Even if you are not yet Arahants, you possess this specific knowledge. (Yes, Sir). Maung Ba Thaw, you cannot think of this as insignificant. (No, Sir). Mark this: it is highly beneficial. (True, Sir). If you practice, you are bound to attain the goal. (Yes, Sir). The meaning emerges that your intellectual wisdom is aligning closely with the truth. (Yes, it is, Sir).
မဖြစ်သည်မဟုတ်၊ ဖြစ်တဲ့သဘောကလေးများကော ရှိသေးသလား
Does Even a Trace of Arising Remain?
ဒါနဲ့အရှင်သာရိပုတ္တရာကဆက်ပြီးသကာလမေးပြန်တယ်၊ အရှင်မဟာ ကဿပ သတ္တဝါသေလို့ရှိရင် မဖြစ်သည်မဟုတ်၊ ဖြစ်တဲ့သဘောကလေးများကော ရှိသေးသလားလို့မေးတယ်(မှန်ပါ့ ဘုရား) ဒကာ ဒကာမတွေ ဘယ်လိုအဖြေထွက်မလဲ၊ (မဖြေကောင်းပါ ဘုရား) မဖြေကောင်းဘူးတဲ့၊ ဘာ့ကြောင့် မဖြေကောင်းပါလိမ့်၊ (ပုဂ္ဂိုလ်သတ္တဝါ မရှိလို့ပါ ဘုရား) သတ္တဝါမရှိဘူးတဲ့၊ (မှန်ပါ့ ဘုရား) သတ္တဝါမှမရှိဘဲနဲ့ သတ္တဝါနဲ့ ဆက်ပြီးမေးနေတဲ့ အလုပ်ဟူသရွေ့သည် ဒိဋ္ဌိ အမေးတွေပဲ၊ (မှန်လှပါ ဘုရား)။
Sariputta continued asking: "Venerable Mahakassapa, if it is not that the being does not exist, is there perhaps still a trace of a nature that arises after death?" (True, Sir). Yogis, what is the answer? (It should not be answered, Sir). It should not be answered. Why? (Because there is no person or being, Sir). Because there is no "being." (True, Sir). Since there is no being, any inquiry that assumes a "being" is merely a question rooted in Wrong View (Diṭṭhi). (True, Sir).
အဲဒါတွေ ထောက်ကြည့်တော့ ဒီလေးချက်ကို မဖြေကောင်းတဲ့ဥစ္စာတွေဟာ ဒကာကြွယ်တို့က စကားစပ် ပြောငြားသော်လဲ အဖြေထုတ်ဖို့ မလိုပါဘူး၊ (မလိုပါ ဘုရား)။
Considering this, Yogi Kywe, although we discuss these four invalid questions for context, there is no need for you to try and manufacture an answer for them. (No need, Sir).
မသိလို့ပြောတဲ့ ပုဂ္ဂိုလ်က ပြောစေကာမူ ပြောနေကျမို့ ပြောစေကာမူဦးလဲ အဖြေတော့ထွက်ဖို့ မရှိဘူးနော်၊ မရှိပါ ဘုရား) ဘာ့ကြောင့်တုံး၊ သေတာလဲ သတ္တဝါလားဆိုတော့ စုတိစိတ်၊ (မှန်ပါ့ ဘုရား) ဖြစ်တာလဲ သတ္တဝါလားဆိုတော့ ပဋိသန္ဓေစိတ်၊ (မှန်ပါ့ ဘုရား) ဖြစ်တာလဲ သတ္တဝါလားဆိုတော့ ပဋိသန္ဓေစိတ်၊ (မှန်ပါ့ ဘုရား) စုတိပြီး ဘာလာသတုံး၊ (ပဋိသန္ဓေ လာပါတယ် ဘုရား)။
Even if ignorant people ask these questions out of habit, there is no valid answer to be given. (No, Sir). Why? Is the "thing" that dies a being? No, it is Cuti Citta (Death Consciousness). (True, Sir). Is the "thing" that arises a being? No, it is Paṭisandhi Citta (Rebirth Consciousness). (True, Sir). What follows death? (Rebirth follows, Sir).
ဟာ-ပဋိသန္ဓေ မလာတဲ့၊ နိဗ္ဗာန်ဝင်သွားတဲ့ ပုဂ္ဂိုလ်များတော့ စုတိပြီး နိဗ္ဗာန် ရောက်လာတာလဲ၊ (မှန်လှပါ ဘုရား) ရှင်းပလား (ရှင်းပါပြီ) အဲဒါတွေ သေသေချာချာ သိရတော့မှ ဪ ဒို့သည်ကား လို့ဆိုရင် မဖြေကောင်းတာကို မဖြေကောင်းတာမှန်းသိတာလဲ ပဋိစ္စသမုပ္ပါဒ်အကြောင်းအကျိုးနားလည်လို့ (မှန်ပါ့ ဘုရား)။
Wait—for those who enter Nibbana, after the Death Consciousness, they reach Nibbana. (True, Sir). Is that clear? (Yes, Sir). When you know this precisely, you realize: "Oh, the reason I know that these questions are unanswerable is because I understand the Cause and Effect of Dependent Origination." (True, Sir).
ဝိစိကိစ္ဆာ ပျောက်လို့
Because Doubt Has Vanished
ဝိသုဒ္ဓိလိုပြောမယ်ဆိုရင် ယုံမှားခြင်းပျောက်လို့၊ (မှန်ပါ့) နာမ်ရုပ်သိလို့ ဒီအဖြေထွက်တာ၊ (မှန်ပါ့ ဘုရား) သဘောကျပလား၊ (ကျပါပြီ ဘုရား)ယုံမှားခြင်း ဝိစိကိစ္ဆာ ပျောက်လို့ နာမ်ရုပ်သိလို့ (မှန်ပါ့ ဘုရား) သဘောကျပလား၊ (ကျပါပြီ ဘုရား)။
To speak in terms of the Visuddhimagga, you know this because your Doubt (Vicikicchā) has vanished. (True, Sir). You know this because you distinguish Mind and Matter (Nama-Rupa). (True, Sir). Do you grasp it? (Yes, Sir). Because Doubt has vanished and you understand Mind and Matter. (Yes, Sir). Do you see? (Yes, Sir).
ဒါကြောင့် ဒီအဖြေမဖြေကောင်းဘူး၊ မဖြေကောင်းဘူး၊ တစ်သံတည်း ထွက်လာခြင်းဟာ ဒကာကြွယ် သေးသိမ် တာမဟုတ်ပါဘူး ထွက်လာခြင်းဟာ ဒကာကြွယ် သေးသိမ်တာ မဟုတ်ပါဘူး၊ (မှန်လှပါ ဘုရား) သောတာပန် အဖြေတွေ ဖြစ်နေတယ်၊ (မှန်ပါ့ ဘုရား) ရှင်းပလား၊ (ရှင်းပါပြီ)။
Therefore, the fact that your answer is consistently "This should not be answered" is not a trivial matter, Yogi Kywe. (True, Sir). These are the answers of a Stream Enterer (Sotāpanna). (True, Sir). Is that clear? (Yes, Sir).
ကိုင်းဒါနဲ့မဖြေကောင်းတဲ့လေးချက်ပြီးသွားတယ်ဆိုကြပါစို့၊ (မှန်ပါ့ ဘုရား) ဒါဖြင့် ဒီအဖြေမဖြေတာက ဘယ့်နှယ် ကြောင့်တုံးတဲ့ (မှန်လှပါ) အရှင်မဟာကသဿပ,က အရှင်သာရိပုတ္တရာ အမေးကို ဒီအဖြေ မဖြေတာကတော့ တခြား မဟုတ်ပါဘူးတဲ့ အကျိုးစီးပွားဆိုလို့ ဘာမှမရှိဘူးတဲ့၊ (မှန်လှပါ) သဘောကျပလား၊ (ကျပါပြီ) အကျိုးစီးပွားက (ဘာမှ မရှိပါ ဘုရား)။
So, let us say we have finished with the four invalid questions. (Yes, Sir). Why are these questions left unanswered? Venerable Mahakassapa explained to Venerable Sariputta: "I do not answer this because it is devoid of any benefit." (True, Sir). Do you see? (Yes, Sir). The benefit is (Non-existent, Sir).
အကျိုးစီးပွား ဘာမှမရှိဘူး
Devoid of Benefit
အကျိုးစီးပွားကလဲ ဘာမှမရှိဘူးတဲ့၊ ပြီးတော့ နိဗ္ဗိန္ဒဉာဏ်ဖြစ်ဖို့ကောပါရဲ့လား၊ (မပါ, ပါ ဘုရား) ရာဂကင်းဖို့ကော (မပါ, ပါ ဘုရား) ကိလေသာ ငြိမ်းဖို့ရာကော၊ (မပါ, ပါ ဘုရား) နိဗ္ဗာန်ရောက်ဖို့ရာကော (မပါ, ပါ ဘုရား)။
It has absolutely no benefit. Furthermore, does it lead to the Knowledge of Disenchantment (Nibbida Ñāṇa)? (No, Sir). Does it lead to the freedom from Craving? (No, Sir). Does it lead to the extinguishing of Defilements (Kilesa)? (No, Sir). Does it lead to Nibbana? (No, Sir).
ဒါ့ကြောင့် ဒီအဖြေတွေ မဖြေတာဟာတဲ့၊ အကျိုးလဲ မရှိဘူး၊ ရာဂကင်းဖို့လဲ မမြင်ဘူး (မှန်ပါ့) သဘောကျပလား၊ (ကျပါပြီ) အင်း ဟင် နိရောဓယတဲ့၊ ရာဂချုပ်ဖို့လဲ မမြင်ပါဘူးတဲ့၊ (မှန်ပါ့ ဘုရား) နိဗ္ဗာန်ရောက်ဖို့လဲ မမြင်ပါဘူးတဲ့၊ (မှန်လှပါ ဘုရား)။
"That is why," he said, "I do not answer these questions." Even the Buddha does not answer them. The Noble Ones (Ariyas) do not answer them. (True, Sir).
အဲဒါကြောင့် ဒီအဖြေကိုမဖြေဘူးတဲ့၊ (မှန်ပါ့) ဘုရားလဲမဖြေဘူး၊ အရိယာတွေလဲ မဖြေဘူးတဲ့၊ (မှန်လှပါ ဘုရား) စဉ်းစားကြည့်စမ်းပါလား၊ အကျိုးစီးပွားကော ရှိရဲ့လား၊ (မရှိပါ ဘုရား) အကျိုးစီးပွားလဲမရှိဘူး၊ ရာဂဒေါသကင်းဖို့ကော၊ (မရှိပါ ဘုရား) မရှိဘူး၊ ငြီးငွေ့ဖို့ကော (မရှိပါ ဘုရား) အင်း ဟင် နိဗ္ဗာန်ရဖို့ကော (မရှိပါ ဘုရား) ဘာမှအကျိုးမရှိတဲ့ပုစ္ဆာ၊ (မှန်လှပါ ဘုရား)။
Just consider it. Is there any benefit? (No, Sir). Does it help remove Lust and Anger? (No, Sir). Does it lead to weariness of suffering? (No, Sir). Does it help attain Nibbana? (No, Sir). It is a question with zero value. (True, Sir).
အကျိုးမရှိတဲ့ပုစ္ဆာ
A Useless Question
ဒကာကြွယ်တို့သာ သုံးတန်သုံးနေရမယ်၊ အရိယာတွေကဖြင့် အကျိုးမရှိတဲ့ပုစ္ဆာ၊ အကျိုးမရှိတဲ့ သဘောတွေပဲတဲ့၊ (မှန်လှပါ ဘုရား) ရှင်းကြပါပြီ၊ (ရှင်းပါပြီ ဘုရား)။
Only people like Yogi Kywe [ordinary worldlings] might dwell on these three or four questions. But for the Noble Ones, these are useless questions, useless concepts. (True, Sir). Is that clear? (Yes, Sir).
ဒါဖြင့်အကျိုးရှိအောင် ဘယ်လိုမေးမှ ကိုက်မတုံးတဲ့ဆိုတော့ ဘယ်ဟာဒုက္ခသစ္စာတုံးလို့မေးရင် အကျိုးရှိတယ်၊ (မှန်လှပါ ဘုရား) ဘယ်ဟာ သမုဒယသစ္စာတုံးလို့မေးရင် (အကျိုးရှိပါတယ် ဘုရား) ဘယ်ဟာနိဗ္ဗာန်တုံး၊ နိရောဓသစ္စာတုံး လို့မေးရင် (အကျိုးရှိပါတယ် ဘုရား) ဘယ်ဟာ မဂ္ဂသစ္စာတုံးလို့မေးရင် (အကျိုးရှိပါတယ် ဘုရား)။
"So," one might ask, "How should one ask to gain benefit?" You must ask: "What is the Truth of Suffering (Dukkha Sacca)?" Asking this brings benefit. (True, Sir). Asking "What is the Truth of the Origin of Suffering (Samudaya Sacca)?" (Brings benefit, Sir). Asking "What is Nibbana, the Truth of Cessation (Nirodha Sacca)?" (Brings benefit, Sir). Asking "What is the Truth of the Path (Magga Sacca)?" (Brings benefit, Sir).
အဲဒါတွေကတော့တဲ့ မေးရင်းနဲ့ပဲ ဪ ဒီခန္ဓာကြီးဟာ ဒုက္ခသစ္စာပဲဆိုလို့ရှိရင် ဒုက္ခသစ္စာဆိုတဲ့ အကျိုးရတယ် (မှန်လှပါ ဘုရား) ဒုက္ခသစ္စာမှန်းသိတော့ ငြီးငွေ့တယ်၊ (မှန်လှပါ) ငြီးငွေ့တော့ ရာဂကင်းတယ်၊ (မှန်လှပါ) ရာဂကင်းတော့ နိဗ္ဗာန်ရတယ်၊ (မှန်လှပါ)။
When you ask these questions, you realize: "Oh, this body is the Truth of Suffering." By knowing it is Dukkha Sacca, you become weary of it (Nibbida). (True, Sir). Being weary, you become detached (Viraga). (True, Sir). Being detached, you realize Nibbana. (True, Sir).
ဒါကြောင့် အကျိုးရှိတဲ့ အမေးကတော့ ဒီလိုမမေးရဘူး၊ (မှန်လှပါ ဘုရား) ဘယ်ဟာသည် ဒုက္ခသစ္စာတုံးလို့မေးရ တယ်၊ (မှန်လှပါ ဘုရား)။
Therefore, to ask a beneficial question, do not ask the former questions. (True, Sir). You must ask: "Which phenomenon is Dukkha Sacca?" (True, Sir).
ကဲ-ဒကာ ဒကာမတို့ စဉ်းစားကြည့်ပါလားတဲ့၊ ခုနကအမေးထဲမှာပဲ ကြည့်လိုက်တော့ ဒကာ ဒကာမတို့ အတိတ်က ဘာတွေပြုလုပ်ခဲ့ကြတာနဲ့ ယခုဘဝ ဘာတွေဖြစ်နေကြသတုံးမေးတဲ့အခါ အတိတ်က တပည့်တော်တို့ ဘုရား ဟောဒီ အဝိဇ္ဇာ သင်္ခါရ တဏှာ ဥပါဒါန် ကမ္မဘဝတွေ လုပ်ခဲ့တယ် ဘုရား၊ (မှန်လှပါ ဘုရား) ဘာသစ္စာတွေလုပ်ခဲ့သလဲ၊ (သမုဒယသစ္စာတွေ လုပ်ခဲ့ပါတယ် ဘုရား) ဪ ဒီလိုမေးလိုက်တော့လဲ ဒါကိုအမှန်သိသွားတယ်၊ (မှန်ပါ့)။
Yogis, consider this. Look at the questions we just discussed. If someone asks, "What did you do in the past, and what are you becoming in this life?" You answer: "In the past, Reverend Sir, we cultivated Ignorance (Avijjā), Formations (Saṅkhāra), Craving (Taṇhā), Clinging (Upādāna), and the Kamma-process of Becoming (Bhava)." (True, Sir). What Truths did you cultivate? (We cultivated the Truth of the Cause of Suffering, Samudaya Sacca, Sir). Ah, when you ask this way, you come to know the truth. (True, Sir).
အတိတ်ဘဝက ဘာများဖြစ်ခဲ့သတုံး
What Happened in the Past Life?
ဪ ဒါဖြင့် အတိတ်ဘဝက တပည့်တော်တို့ ဘာများဖြစ်ခဲ့သတုံးလို့ မေးတော့ ဟေ့ သမုဒယသစ္စာဖြစ်တယ် ဆိုတော့ ဪ တယ်မိုက်ခဲ့ပါကလားဆိုတာ ကိုယ့်ဟာကိုယ် သိတယ်၊ (မှန်ပါ့ ဘုရား)။
"Oh, what did I become in my past life?" If you ask this, and the answer is "You were Samudaya Sacca," you realize for yourself: "Oh, how foolish I have been!" (True, Sir).
တယ်မိုက်ခဲ့ပါလား၊ တယ်မလိမ္မာခဲ့ပါလားဆိုတဲ့ ၁ နံပါတ်ကို မေးခဲတယ်၊ (မှန်ပါ့ ဘုရား) ဒကာ ဒကာမတို့ ၁ နံပါတ် ခင်ဗျားတို့ စာရွက်ကြည့်ပါ၊ ဘာသစ္စာတုံး၊ (သမုဒယသစ္စာပါ ဘုရား)။
"How foolish I was! How unskillful I was!" You realize this primarily when you ask the right question. (True, Sir). Yogis, look at point number one on your chart. What Truth is it? (It is Samudaya Sacca, Sir).
ကြည့်စမ်း အတိတ်ဘဝက ဒကာ ဒကာမတွေ လုပ်လာတာ အဝိဇ္ဇာတဲ့၊ သင်္ခါရတဲ့၊ တဏှာတဲ့၊ ဥပါဒါန်တဲ့၊ ဘဝတဲ့၊ (မှန်ပါ့) အတိတ်ဘဝက ခင်ဗျားတို့ သန္တာန် ဒီတရားတွေပေါ်ခဲ့တယ်၊ (မှန်ပါ့) ဘာသစ္စာတွေပေါ်ခဲ့သလဲ၊ (သမုဒယသစ္စာတွေ ပေါ်ခဲ့ပါတယ် ဘုရား)။
Look closely. What you Yogis did in the past was Ignorance, Formations, Craving, Clinging, and Becoming. (True, Sir). These phenomena appeared within you in the past. (True, Sir). What Truths appeared? (Samudaya Sacca appeared, Sir).
သမုဒယသစ္စာတွေ ပေါ်ခဲ့တယ်ဆိုတာ မောင်ဘသော်ငြင်းဖို့ လိုသေးသလား၊ (မလိုပါ ဘုရား) မလိုဘူးတဲ့ အတိတ်ဘဝက ငါ ဘာဖြစ်ခဲ့ပါလိမ့်မတုံးဆိုတာ ရှင်းသွားပြီ၊ (ရှင်းသွားပါပြီ ဘုရား)။
Since it was Samudaya Sacca, does Maung Ba Thaw need to argue about it? (No need, Sir). No need. The question "What was I in the past?" is now cleared up. (It is cleared up, Sir).
ငါ ဘာမှမဖြစ်ဘူး ဒကာ ဒကာမတို့ အဝိဇ္ဇာသင်္ခါရ တဏှာ ဥပါဒါန် ကမ္မဘဝတွေ လုပ်ခဲ့တာပဲ၊ (မှန်ပါ့ ဘုရား) ရှင်းပြီးနော်၊ (ရှင်းပါပြီ) ဘာသစ္စာလဲ (သမုဒယသစ္စာပါ ဘုရား) ဘယ်ဘဝကပါလိမ့်၊ (အတိတ်ဘဝကပါ ဘုရား) လွန်လေ ပြီးသောဘဝက (မှန်ပါ့ ဘုရား)။
"I" was nothing. Yogis, it was just Ignorance, Formations, Craving, Clinging, and Kamma acting out. (True, Sir). Is it clear? (Yes, Sir). What Truth is it? (Samudaya Sacca, Sir). From which life? (From the past life, Sir). From the life that has passed. (True, Sir).
ဘယ်နှစ်မျိုး လုပ်ခဲ့ပါလိမ့်မတုံးလို့ မေးတဲ့အခါကျတော့ ဒီငါးပါးပဲ၊ (မှန်ပါ, ငါးပါးပါ ဘုရား) သဘောကျပလား (ကျပါပြီ) အတိတ်ဘဝက ဒါနဲ့ချည်း ဒကာ ဒကာမတွေနေခဲ့တယ်၊ ပုဂ္ဂိုလ်သတ္တဝါနဲ့ နေခဲ့တာ ဟုတ်ကဲ့ကား၊ (မဟုတ်ပါ ဘုရား)။
When asked "How many types of causes were there?", there are exactly these five. (Yes, five, Sir). Do you grasp it? (Yes, Sir). In the past, you lived only with these five. Did you live as a "person" or a "being"? (No, Sir).
ဒီကြားတစ်ခါတလေကျတော့ မသိတဲ့ အဝိဇ္ဇာကလေးနဲ့၊ နေခဲ့တယ် (မှန်ပါ့) တစ်ခါတလေကျတော့ လိုချင်မှု၊ စားချင်မှု အိပ်ချင်မှုနဲ့ တဏှာနဲ့နေခဲ့တယ်၊ (မှန်ပါ့) တစ်ခါတလေကျတော့ သားသမီးကလေးတွေ စွဲလမ်းတဲ့ ဥပါဒန်နဲ့ နေခဲ့တယ်၊ တစ်ခါတလေကျတော့ ကာယကံနဲ့ လုပ်ကိုင်နေလိုက်တာ၊ ဝစီကံနဲ့ ပြောဆိုနေလိုက်တာ၊ မနေခဲ့ဘူးလား၊ (နေခဲ့ပါတယ် ဘုရား)။
Sometimes you lived with unknowing Ignorance (Avijjā). (True, Sir). Sometimes you lived with Craving (Taṇhā)—wanting to eat, wanting to sleep. (True, Sir). Sometimes you lived with Clinging (Upādāna), attached to your children. Sometimes you were busy performing physical actions (Kāyakamma) or verbal actions (Vacīkamma). Did you not live this way? (We did, Sir).
ဒါဖြင့် အတိတ်ဘဝက ဘာတွေများကြိုးစားခဲ့ကြပါလိမ့်၊ ဘယ်လိုနေခဲ့ပါလိမ့်မတုံးဆိုတော့ အဝိဇ္ဇာ, တဏှာ, ဥပါဒါန်ကံတွေနဲ့နေတယ်၊ (မှန်ပါ့) ရှင်းပလား၊ (ရှင်းပါပြီ) အတိတ်ဘဝက ဘာနဲ့နေခဲ့ကြသလဲ၊ (အဝိဇ္ဇာ, တဏှာ, ဥပါဒါန်, ကံနဲ့ နေခဲ့ကြပါတယ် ဘုရား)။
So, what were you striving for in the past? How did you live? You lived with Ignorance, Craving, Clinging, and Kamma. (True, Sir). Is that clear? (Yes, Sir). What did you live with in the past? (We lived with Ignorance, Craving, Clinging, and Kamma, Sir).
သမုဒယသစ္စာတွေ ကြိုးစားခဲ့ပါတယ်
We Strived for the Cause of Suffering
ဒါနဲ့ နေခဲ့တယ်နော်၊ ဒါကြောင့် လွန်လေပြီးသော အတိတ်ကာလကတဲ့၊ ဒါ အတိတ်အကြောင်း တစ်လွှာဆိုတာ ဒီတစ်ခုလုံးပေါ့ဗျာ၊ (မှန်ပါ့) ဘာသစ္စာတွေများ ကြိုးစားခဲ့ပါလိမ့်၊ (သမုဒယသစ္စာတွေ ကြိုးစားခဲ့ပါတယ် ဘုရား)။
You lived with that. Therefore, in the past time that has gone by—this entire section of "Past Causes"—what Truths did you strive for? (We strived for Samudaya Sacca, Sir).
သမုဒယသစ္စာတွေပဲ ကြိုးစားခဲ့တယ်နော်၊ (မှန်ပါ့ ဘုရား) ဪ ဘုန်းကြီးတို့ ဒကာ ဒကာမတွေမှာ မသိတော့ မကောင်းတာတွေချည်း ဖြစ်နေတယ်၊ (မှန်ပါ့) ဒါတွေ သမုဒယသစ္စာလို့ မသိတော့ကို သမုဒယသစ္စာတွေပဲ ကြိုးစားနေ တယ်၊ (မှန်ပါ့) သမုဒယသစ္စာလို့မသိတော့ ဘာပါလိမ့် (သမုဒယသစ္စာတွေပဲ ကြိုးစားနေပါတယ် ဘုရား)။
You strived only for the Cause of Suffering. (True, Sir). Oh, because my Yogis did not know, they only created bad things. (True, Sir). Because you did not know these were Samudaya Sacca, you kept striving for Samudaya Sacca. (True, Sir). Because you didn't know it was the Cause of Suffering, what happened? (We kept striving for the Cause of Suffering, Sir).
သမုဒယသစ္စာပဲ ကြိုးစားပြီးသကာလနေတော့ ဘုန်းကြီးတို့ ဒကာ ဒကာမတွေမှာ အဝိဇ္ဇာကမသိတော့ သင်္ခါရက ကြိုးစား၊ (မှန်ပါ့) ကမ္မဘဝတွေ ကာယကံ ဝစီကံကလဲ လုပ်ချင်တာ လုပ်တာပဲ၊ (မှန်ပါ့ ဘုရား)။
Since you strived for Samudaya Sacca, you Yogis were driven by Ignorance not to know, by Formations to strive, and by Kamma to do whatever you pleased physically and verbally. (True, Sir).
ဒါဖြင့် ဒကာ ဒကာမတို့ အတိတ်က ဘာသစ္စာတွေ ကြိုးစားခဲ့ကြပါလိမ့်၊ (သမုဒယသစ္စာတွေ ကြိုးစားခဲ့ပါတယ်) အဲဒီလိုဆိုတော့ မေးကောင်းတယ်ဟေ့တဲ့၊ (မှန်ပါ့) အရှင် ဘုရား အတိတ်က ဘာသစ္စာတွေလုပ်ခဲ့သတုံးဆိုလို့ရှိရင် မေးပါတဲ့၊ ဖြေပါ့မယ်တဲ့၊ (မှန်ပါ့) အဲဒီ ဖြေတာကတော့ ကျေးဇူးရှိတယ်၊ အကျိုးရှိတယ်တဲ့၊ (မှန်ပါ့)။
So, Yogis, what Truth did you cultivate in the past? (We cultivated Samudaya Sacca, Sir). If you phrase it that way, it is a good question! (True, Sir). "Reverend Sir, what Truth did we enact in the past?" If you ask this, I will answer. (True, Sir). And that answer brings gratitude and benefit. (True, Sir).
ငါတယ်မိုက်ပါကလား
"How Foolish I Was!"
ဪ ငါတယ်မိုက်ပါကလား ဆိုတာလဲကိုယ့်ဟာကိုယ် သိတယ် (မှန်လှပါ ဘုရား) မသိဘူးလား (သိပါတယ် ဘုရား)။
You realize for yourself: "Oh, how foolish I have been!" (True, Sir). Do you not? (We do, Sir).
အေး-နိဗ္ဗိန္ဒလဲဖြစ်တယ်တဲ့၊ ဪ ဒါတွေ အခုမလုပ်မှတော်မယ်၊ (မှန်ပါ့ ဘုရား) မလာဘူးလား၊ (လာပါတယ် ဘုရား)။
Then, Disenchantment (Nibbida) arises. "Oh, I must not do this anymore." (True, Sir). Does that thought not come? (It comes, Sir).
အဲဒီတော့ ဒီဟာတွေ လုံးဝ, မပေါ်စေမှ တော်မယ်ဆိုပြီး ဝိပဿနာတွေ မလုပ်ပေဘူးလား၊ (လုပ်ပါတယ် ဘုရား) အဲဒီကျတော့ကိုတဲ့၊ ရာဂကင်းတဲ့ မဂ်ဉာဏ်တွေလဲ ပေါ်လာလိမ့်မယ် (မှန်ပါ့) မပေါ်ပေဘူးလား၊ (ပေါ်ပါတယ် ဘုရား)။
"I must ensure these things do not arise at all." Thinking this, do you not practice Insight Meditation (Vipassanā)? (We do, Sir). And when you do that, the Path Knowledge (Magga Ñāṇa) that is free from Craving will appear. (True, Sir). Will it not? (It will appear, Sir).
ဒီလို အကျိုးရှိတယ်တဲ့၊ အဲဒီတော့ မေးချင်ရင် ဒါဘာသစ္စာတုံးမေးထား (မှန်ပါ့) ရှင်းပလား၊ (ရှင်းပါပြီ ဘုရား) မေးချင်ရင် ဘာသစ္စာတုံးလို့မေးရမယ်(မှန်ပါ့ ဘုရား)။
"This is beneficial," he said. So, if you want to ask, ask "What Truth is this?" (True, Sir). Is that clear? (Yes, Sir). If you want to question, you must ask about the Truths. (True, Sir).
ကဲ ဒကာ ဒကာမတို့ အဝိဇ္ဇာ, သင်္ခါရ, တဏှာ, ဥပါဒါန် ကမ္မဘဝတွေ ဘာသစ္စာတုံး၊ (သမုဒယသစ္စာပါ ဘုရား) ဒီအကွက်ထဲပါလာတော့ သမုဒယသစ္စာချည်း မှတ်ပေတော၊ (မှန်ပါ့) ရှင်းပလား၊ (ရှင်းပါပြီ ဘုရား)။
So, Yogis, what Truth are Ignorance, Formations, Craving, Clinging, and Kamma? (They are Samudaya Sacca, Sir). Since they fall into this group, mark them purely as Samudaya Sacca. (True, Sir). Is that clear? (Yes, Sir).
အင်း ဒုတိယပိုင်းဖြစ်တဲ့ ယခုဖြစ်နေတာတော့ ယခု တရားနာနေကြတာတော့ ဘာသစ္စာတွေနဲ့ နာနေကြသလဲ၊ (ဒုက္ခသစ္စာတွေနဲ့ နာနေကြပါတယ် ဘုရား)။
Now, regarding the second part, the present moment—while you are listening to this Dhamma talk—with what Truth are you listening? (We are listening with Dukkha Sacca, Sir).
ဟုတ်သားပဲ ဒကာ ဒကာမတို့၊ ဝိညာဏ်တွေနဲ့နာတယ်၊ နာမ်ရုပ်ကောမပါဘူးလား၊ (ပါ, ပါတယ် ဘုရား) မျက်စိ, နား, နှာခေါင်း, လျှာ, ကိုယ်ကော မပါဘူးလား (ပါ, ပါတယ် ဘုရား) စိတ်ကော၊ (ပါ, ပါတယ် ဘုရား) သဠာယတန ခြောက်ခုလဲပါတယ်၊ (ပါ,ပါတယ် ဘုရား) ဖဿကော (ပါ, ပါတယ် ဘုရား) အာရုံနဲ့တွေ့ထိတာကိုး၊ (မှန်ပါ့)။
Indeed, Yogis. You listen with Consciousness. Are Mind and Matter not involved? (They are involved, Sir). Are eyes, ears, nose, tongue, and body not involved? (They are involved, Sir). And the mind? (It is involved, Sir). The six Sense Bases (Salāyatana) are strictly involved. (They are involved, Sir). And Contact (Phassa)? (It is involved, Sir). Because you are making contact with the object. (True, Sir).
ဝေဒနာကလဲ ကောင်းတယ်, ဆိုးတယ်ဆိုတာ ခင်ဗျားတို့ ခံစားလျက်ပါပဲ၊ (မှန်ပါ့ ဘုရား) ဒီတရားက ကောင်းတယ်၊ ဒီတရားက ကြောက်စရာကောင်းတယ်၊ ဒီတရားက မှတ်ဖို့ကောင်းတယ်ဆိုတဲ့ ဝေဒနာလဲ ပါလျက်ပါပဲ၊ (ပါလျက်ပါပဲ ဘုရား) မပါဘူးလား၊ (ပါ-ပါတယ် ဘုရား)။
And Feeling (Vedanā)—you are feeling "this is good" or "this is bad." (True, Sir). Feeling that "This Dhamma is good," "This Dhamma is frightening," or "This is worth noting"—Feeling is present right now. (It is present, Sir). Is it not? (It is, Sir).
ဒါဖြင့် အခုတရားနာနေကြတဲ့လူတွေ ဘာသစ္စာလဲ၊ (ဒုက္ခသစ္စာပါ ဘုရား) ဒီကပြနေတယ်၊ (မှန်ပါ့) အကြောင်း လား၊ အကျိုးလားဆိုတော့ ပစ္စုပ္ပန် အကျိုးတဲ့၊ (မှန်ပါ့ ဘုရား) သဘောကျပလား၊ (ကျပါပြီ) ဘာသစ္စာတဲ့လဲ၊ (ဒုက္ခသစ္စာပါ ဘုရား) သတ္တဝါပါသေးရဲ့လား၊ (မပါ-ပါ ဘုရား) မပါပါဘူး ဒကာ ဒကာမတို့၊ သတ္တဝါ ပါကိုမပါဘူးဆိုတာ သေချာပါ တယ်၊ (သေချာပါတယ် ဘုရား) ရှင်းပလား၊ (ရှင်းပါပြီ ဘုရား)။
So, the people listening to the Dhamma right now—what Truth are they? (They are Dukkha Sacca, Sir). The chart shows it here. (True, Sir). Is it a Cause or an Effect? It is the Present Effect. (True, Sir). Do you grasp it? (Yes, Sir). And what Truth is it? (It is Dukkha Sacca, Sir). Is there a "being" involved? (No, Sir). No "being" is involved, Yogis. It is certain that no "being" is involved. (It is certain, Sir). Is that clear? (Yes, Sir).
ဒါ ဘာသစ္စာတုံး မေးပါ
Ask: "What Truth is This?"
ကောင်းပြီ၊ ဒါဖြင့် ဒါဒုက္ခသစ္စာနော်၊ (မှန်ပါ့) မေးချင်လို့ရှိရင် ဒါဘာသစ္စာတုံး၊ ဒါ ဘာသစ္စာတုံး မေးပါတဲ့ ဒါဟာ အကျိုးရှိတယ် (မှန်ပါ့)။
Good. So this is Dukkha Sacca. (True, Sir). If you want to ask, ask: "What Truth is this?" Ask about the Truth. That is beneficial. (True, Sir).
ကဲ ဒါ ဒုက္ခသစ္စာလို့ သိလိုက်တော့ ဟင် ဒုက္ခသစ္စာဖြင့် ဒို့ တာရှည်အဖြစ်ခံလို့မတော်ဘူး၊ (မှန်ပါ့) တာရှည် အဖြစ်ခံလို့မတော်ဘူး၊ သူ့ကိုပိုင်းခြားပြီး ထားပစ်ခဲ့ဖို့ပဲ၊ (မှန်လှပါ ဘုရား)။
Once you know "This is Dukkha Sacca," you realize: "Ha! It is not suitable for us to endure being this Dukkha Sacca for long." (True, Sir). "It is not right to keep becoming this. We must discern it and leave it behind." (True, Sir).
သူ ဒုက္ခရောက်နေတာကြီးကို ကြည့်မိလို့ရှိရင်ဖြင့် ငြီးငွေ့စရာကော မလာဘူးလား၊ (လာပါတယ် ဘုရား) အင်း ဟင် နိဗ္ဗာန်ရဖို့ အကြံတွေကော (ကြံပါတယ် ဘုရား) ရာဂကင်းတဲ့ဉာဏ်တွေကော၊ (လာပါတယ် ဘုရား) ဒါ ဘာသိလို့လဲ၊ (သစ္စာသိလို့ပါ ဘုရား) ဘာသစ္စာ၊ (ဒုက္ခသစ္စာပါ ဘုရား)။
If you look closely at this mass of suffering, does weariness not arise? (It does, Sir). And thoughts of attaining Nibbana? (They arise, Sir). And insights that are free from Craving? (They come, Sir). Why do these arise? (Because we know the Truth, Sir). What Truth? (The Truth of Suffering, Sir).
ဒုက္ခသစ္စာ သိလို့ပါတဲ့၊ ဒါ့ကြောင့် မေးချင် သစ္စာမေးပါတဲ့၊ အဲဒီတော့ အကျိုးရှိပါလိမ့်မယ်၊ (မှန်ပါ့ ဘုရား) သဘောပါပလား၊ (ပါ-ပါတယ် ဘုရား)။
"Because you know the Truth of Suffering," he says. That is why, if you want to question, ask about the Truth. That will be beneficial. (True, Sir). Do you understand? (Yes, Sir).
ကဲ တစ်ခါ ရှေ့သွားပါဦး ဒကာ ဒကာမတို့၊ မေးချင်လို့ရှိရင်လဲ နိရောဓသစ္စာ မေးပါဆိုတော့ ဒကာကြွယ်ရေ ကျေးဇူးသိပ်များတယ်နော်၊ (များပါတယ် ဘုရား) ဘယ်လိုများတုံး ဆိုလို့ရှိရင် ဒီဒုက္ခတွေချုပ်တာ ဘာသစ္စာဆိုကြမလဲ၊ (နိရောဓသစ္စာပါ ဘုရား)။
Now, let us go a step further, Yogis. If you want to ask, ask about the Truth of Cessation (Nirodha Sacca). Yogi Kywe, the benefit is immense. (It is immense, Sir). How is it immense? When these sufferings cease, what Truth do we call it? (It is Nirodha Sacca, Sir).
ဒုက္ခတွေချုပ်တာ နိရောဓသစ္စာ
The Cessation of Suffering is Nirodha Sacca.
ဪ ဟုတ်ပြီ ဟုတ်ပြီ၊ ဒကာ ဒကာမတို့ ဒီခန္ဓာငါးပါးဆိုတဲ့ ဒီဒုက္ခသစ္စာကြီးဟာ ဒကာ ဒကာမတွေ ရှုရှင်း မတ္တနဲ့ ခန္ဓာတွေ ပျောက်သွားတယ်၊ (မှန်ပါ့ ဘုရား) ရှုရင်းမတ္တနဲ့ (ခန္ဓာတွေ ပျောက်သွားပါတယ် ဘုရား) အင်း ဘာတွေများ ပျောက်သွားပါလိ့မ်၊ (ဒုက္ခတွေပျောက်သွားပါတယ် ဘုရား)
Right, indeed. Yogis, regarding this mass of Suffering Truth (Dukkha Sacca)—these Five Aggregates—when you merely watch and observe them, the Aggregates disappear. (Yes, Sir). As you observe, they vanish. And what exactly vanishes? (Suffering vanishes, Sir).
ဒုက္ခတွေ ပျောက်သွားတယ်ဆိုတော့ ဪ ဒါကတော့ ဘာသစ္စာပါလိမ့်၊ (နိရောဓသစ္စာပါ ဘုရား) ဒုက္ခတွေ ချုပ်သွားတယ်၊ ဒုက္ခတွေ ပျောက်သွားတယ်ဆိုတာ နိရောဓသစ္စာပဲဆိုတာ ရှင်းပြီနော် (ရှင်းပါပြီ ဘုရား)။
Since suffering vanishes, what Truth is this? (It is Nirodha Sacca, Sir). Is it clear now that the cessation of suffering, the disappearance of suffering, is indeed Nirodha Sacca? (It is clear, Sir).
ဒကာကြွယ်တို့ ဒကာသစ်တို့ အားလုံး တရားတစ်ပွဲလုံး ဒကာ ဒကာမတွေ အထူးသဖြင့် ကံကောင်းကြတယ် ဆိုတာ ဪ နိဗ္ဗာန်ဆိုတာ တခြားလား အောက်မေ့တယ်၊ ဒုက္ခတွေပျောက်သွားလို့ရှိရင် နိဗ္ဗာန်ပဲကိုးလို့ သိရတယ်ဆိုတာ (မှန်ပါ့ ဘုရား) ဒုက္ခတွေ ပျောက်သွားလို့ရှိရင် (နိဗ္ဗာန်ပါ ဘုရား) နိဗ္ဗာန်ဆိုတာ ဒကာ ဒကာမတို့ ယခု ဒီဘဝမှာ ဒါတွေနဲ့ နေကြတာပဲ၊ (မှန်ပါ့)။
Daga Kywe, Daga Thit, and this entire audience—you are all exceptionally fortunate. You might think Nibbana is something far away. But now you know: If suffering disappears, that is Nibbana. (True, Sir). If suffering vanishes—(It is Nibbana, Sir). Yogis, in this very life, you are living with these Aggregates. (Yes, Sir).
ဒါတွေကို တစ်ခုခု ဖြစ်ပျက်ရှုလိုက်တဲ့အခါကျတော့ သူတို့က တွဲလျက်ဖြစ်သောကြောင့် ကိုယ်ရှုတာ ပျောက်သွားလို့ရှိရင် တွဲလျက်တွေလဲ အကုန်ပျောက်တယ် (ပျောက်ပါတယ် ဘုရား)။
When you observe the Arising and Passing away of any of these, because they are intrinsically linked, when the object you observe vanishes, everything linked to it also vanishes. (It vanishes, Sir).
ဒုက္ခသစ္စာ တစ်ပြုံကြီး ပျောက်ပါတယ်
A Mass of Suffering Vanishes
ပျောက်သွားတဲ့အခါကျတော့ ဘာတွေတစ်ပြုံကြီး ပျောက်သတုံးမေးရင် ဘယ့်နှယ်ပြောကြမလဲ၊ (ဒုက္ခသစ္စာ တစ်ပြုံကြီး ပျောက်ပါတယ် ဘုရား) ဒုက္ခတွေ တစ်ပြုံကြီး ပျောက်သွားတယ်ဆိုသဖြင့် ဒုက္ခနိရောဓော နိဗ္ဗာနံ၊ (မှန်ပါ့ ဘုရား)။
When it vanishes, if someone asks what exactly has disappeared, how will you answer? (A huge mass of Dukkha Sacca disappears, Sir). Since a mass of suffering disappears, it is Dukkha nirodho nibbanam. (True, Sir).
အင်း ဒုက္ခချုပ်တဲ့ နိဗ္ဗာန် ဒို့ရောက်ပြီ၊ ဒို့တစ်သက်လုံး ဒုက္ခနဲ့ မကင်းခဲ့တာ အခုဖြင့် ဒုက္ခနဲ့ အိုးစားကွဲပြီပေါ့၊ (မှန်ပါ့ ဘုရား) မသိရဘူးလား၊ (သိရပါတယ် ဘုရား)။
Indeed, we have arrived at the Nibbana where suffering ceases. We have never been free from suffering our entire lives, but now we have finally parted ways with it. (True, Sir). Do you realize this? (We realize it, Sir).
ဒါ ဘယ်သစ္စာသိသလဲ၊ (နိရောဓသစ္စာ) နိရောဓသစ္စာသိတာ၊ (မှန်ပါ့) ရိပ်မိပြီနော်၊ (ရိပ်မိပါပြီ ဘုရား)။
Which Truth do you realize? (Nirodha Sacca). You know Nirodha Sacca. (Yes, Sir). Do you grasp it? (We grasp it, Sir).
ဒုက္ခနဲ့ အိုးစားကွဲတာ သိရလို့ရှိရင် (နိရောဓသစ္စာ သိတာပါ) နိရောဓသစ္စာ သိတာပါဆိုတော့ အင်း ဒီဒုက္ခတွေ မရှိတာ နိရောဓသစ္စာပဲလို့သိတော့ အကျိုးကောမရှိဘူးလား (ရှိပါတယ် ဘုရား) အကျိုးလဲရှိတယ်ဆိုတာ သေချာသွားပြီ၊ (သေချာသွားပါပြီ ဘုရား)။
If you know that you have parted ways with suffering—(That is knowing Nirodha Sacca). Since you know Nirodha Sacca—knowing that the absence of this suffering is the Truth of Cessation—is there not a benefit? (There is benefit, Sir). It is certain that there is a benefit. (It is certain, Sir).
ရှုတဲ့ ဉာဏ်ဟာ မဂ္ဂသစ္စာ
The Observing Insight is Magga Sacca
ကောင်းပြီ၊ မေးချင်လို့ရှိရင်တဲ့ ဒါ ဘာသစ္စာတုံး မေးဖို့ အရေးကြီးတယ်တဲ့၊ (မှန်ပါ့ ဘုရား) ဒီလို ဒုက္ခတွေကို ဒကာ ဒကာမတွေက ဖြစ်ပျက်ဟာ ဒုက္ခသစ္စာ၊ ဒါတွေ ရှုရှု ရှုရှုနေတော့ ရှုတဲ့ ဉာဏ်ဟာ ဘာသစ္စာတုံး၊ (မဂ္ဂသစ္စာပါ ဘုရား) ရှုတဲ့ဉာဏ်ဟာ မဂ္ဂသစ္စာ၊ (မှန်လှပါ ဘုရား)။
Good. Now, if you want to ask questions, it is important to ask: "What Truth is this?" (Yes, Sir). Yogis, you see the Arising and Passing away as Dukkha Sacca. As you keep observing and observing, what Truth is the Insight that observes? (It is Magga Sacca, Sir). The observing Insight is Magga Sacca. (True, Sir).
ဒကာကြွယ် မရှုတဲ့ပုဂ္ဂိုလ် ပေါ်ဖို့ဖြင့် ဝေးပြီနော်၊ (ဝေးပါတယ် ဘုရား) အလုပ်, မလုပ်တဲ့ပုဂ္ဂိုလ် ဒကာကြွယ် ဘယ်လိုစဉ်းစားပါ့မယ်၊ မဂ်ဉာဏ်, ဖိုလ်ဉာဏ် ရနိုင်ပါ့မလား (မရနိုင်ပါ ဘုရား) လုပ်မှပေါ်တဲ့ တရားကို၊ ဒကာသစ်ရာ သူတို့ကလဲ ခက်လိုက်တာ၊ အလွယ်, အချောင်နဲ့လိုချင်တယ်၊ ဝဋ်ဘဝတိုတိုနဲ့ မဂ်ဖိုလ် သူ့ကိုပေးပါလို့ ပြောလို့ ပေးနိုင်တဲ့ သဘောမျိုးလဲ မဟုတ်ဘူး၊ (မဟုတ်ပါ ဘုရား)။
Daga Kywe, for the person who does not observe, this realization is far away. (Very far, Sir). How do you consider a person who does not practice? Can they attain the Path and Fruition Knowledge (Magga Phala)? (They cannot, Sir). It is a Dhamma that appears only when you work for it. Daga Thit, people are difficult; they want it easily and cheaply. They say, "I want a short cycle of rebirth, please give me Magga-Phala." But this is not something that can be given just because one asks. (No, Sir).
စကားလောကွတ်ချော် အာပူတိုက်ပြီးသကာလ လက်ခံတောင်းတာနဲ့ သိပ်တူပါတယ်၊ (မှန်ပါ့ ဘုရား) မတူကြဘူး လား၊ (တူပါတယ် ဘုရား) ဒါတွေဉာဏ်နဲ့ သိထားပြီးတော့မှ ပဋိစ္စသမုပ္ပါဒ်ကြီး နားလည်တော့မှ ဪ ပဋိစ္စသမုပ္ပါဒ် ပြတ်ဆိုတာ ရှုမှပြတ်တာလား၊ (မှန်ပါ့ ဘုရား) ဖြတ်တာသည် မဂ်ကဖြတ်တာပါလား၊ (မှန်ပါ့ ဘုရား) ဖြတ်တာသည် ဘာပါလိမ့်၊ (မဂ်က ဖြတ်တာပါ ဘုရား)။
It is very much like polite social chatter, trying to get something by merely asking nicely. (True, Sir). Isn't it similar? (It is, Sir). Only after knowing these things through Insight and understanding the Great Dependent Origination do you realize: Does the cycle break just by looking? (Yes, Sir). No, it is Magga that severs it! (True, Sir). What severs it? (Magga severs it, Sir).
မဂ်က ဖြတ်တာပဲဆိုတာ ဒကာ ဒကာမတွေ သိတော့မှ ဪ နေရာကျလိုက်တာဟေ့၊ မဂ်ဆိုတာသည်ကား လို့ဆိုလို့ရှိရင် ကိလေသာ ဖြတ်သကွ၊ (မှန်ပါ့)။
When you Yogis realize that Magga is what severs the cycle, you will say, "Oh, this is finally correct!" Magga is what severs the Defilements (Kilesa). (True, Sir).
ဒီ ဝိညာဏ်နဲ့လဲ တဏှာနဲ့ မဆက်တော့ဘူး၊ (မှန်ပါ့) ရုပ်နာမ်ရှုလဲ (တဏှာနဲ့ မဆက်တော့ပါ ဘုရား) ဖဿနဲ့လဲ တဏှာနဲ့ကော (မဆက်တော့ပါ ဘုရား) ဖဿနဲ့ တဏှာနဲ့ (မဆက်တော့ပါ ဘုရား) ဝေဒနာလဲ တဏှာနဲ့၊ (မဆက်တော့ပါ ဘုရား)
Consciousness (Vinnana) no longer connects with Craving (Tanha). (True, Sir). If you observe Mind and Matter, (It does not connect with Craving, Sir). Contact (Phassa) and Craving—(Do not connect, Sir). Feeling (Vedana) and Craving—(Do not connect, Sir).
ဘာဖြစ်လို့တုံးဆို ဒီအစပ်ကို ဒီနေရာကနေပြီး ဒကာ ဒကာမတွေ ဝမ်းတည်းက ဒီနေရာကမဂ်ထားပြီး ဝေဒနာရှု၊ (မှန်လှပါ ဘုရား) ဖဿရှု (မှန်ပါ့) ရှုရင် ဒီနေရာမှာ မဂ်ပေါ်မယ်၊ (ပေါ်ပါမယ် ဘုရား)။
Why is this? Because right at this junction, if you Yogis place Magga right here within you and observe Feeling (True, Sir), or observe Contact (Yes, Sir)—if you observe, Magga will arise at this spot. (It will arise, Sir).
ဒီမဂ်သည်ကားလို့ဆိုရင် ဒီငါးခုနဲ့ အဆက်ဖြစ်တဲ့ တဏှာကိုဖြတ်ချလိုက်တယ်၊ (ဖြတ်ချလိုက်ပါတယ် ဘုရား) မဖြတ်ဘူးလား၊ (ဖြတ်ပါတယ် ဘုရား) သေချာပလား၊ (သေချာပါတယ် ဘုရား)။
This Magga severs the Craving that would otherwise link with these five factors. (It severs it, Sir). Does it not sever it? (It does, Sir). Are you certain? (We are certain, Sir).
ဖြစ်တာ ပျက်တာ မြင်အောင်ကြည့်ပါ
Look to See the Arising and Passing Away
ဪ ဒို့လုပ်နေတာ နေ့တိုင်း ဆရာဘုန်းကြီးက ဖြစ်တာ ပျက်တာ မြင်အောင်ကြည့်ပါ၊ ဖြစ်တာ ပျက်တာ မြင်အောင်ကြည့်ပါလို့ဆိုတော့ မောင်ဘသော်ရေ ရိပ်မိပလား၊ (ရိပ်မိပါပြီ ဘုရား)။
"Oh, every day the Sayadaw tells us: Look to see the Arising and Passing away! Look to see the Arising and Passing away!" Maung Ba Thaw, do you grasp the reason now? (I grasp it, Sir).
ဘာနဲ့ဘာဖြတ်တာလဲ၊ (တဏှာကိုမဂ်နဲ့ ဖြတ်ပါတယ် ဘုရား) ဒကာ ဒကာမတို့တဲ့၊ ၂ နဲ့ ၃ မဆက်ရအောင် ဖြတ်နေတယ်၊ (မှန်လှပါ ဘုရား) ရှင်းပလား၊ (ရှင်းပါပြီ) ၂ နဲ့ ၃ မဆက်ရအောင် ဖြတ်နေတယ်ဆိုတော့ ဝေဒနာနဲ့ တဏှာနဲ့မဆက်ရအောင် (မှန်ပါ့) ဖဿနဲ့တဏှာနဲ့၊ (မဆက်ရအောင် ဖြတ်ပါတယ် ဘုရား) သဠာယတနနဲ့ တဏှာနဲ့ (မဆက်ရအောင် ဖြတ်ပါတယ် ဘုရား) အဲ့ဒီဘက် အကုန်ပေါ့ဗျာ (မှန်လှပါ့ ဘုရား)။
What severs what? (Magga severs Craving, Sir). Yogis, you are severing the link so that Section 2 does not connect to Section 3 [of the Dependent Origination cycle]. (True, Sir). Is that clear? (Clear, Sir). You are severing the link between Section 2 and 3. This means you are severing the link between Feeling and Craving (Yes, Sir), between Contact and Craving (We are severing it so they don't connect, Sir), between the Sense Bases and Craving. (We are severing so they don't connect, Sir). You are severing that entire side. (True, Sir).
အဲဒီတော့ မရှု မပွားတဲ့ ပုဂ္ဂိုလ်များမှာ ဒကာသစ်တို့ မောင်ဘသော်တို့က စဉ်းစားပါလားတဲ့ သူတို့တစ်ဝမ်း တည်းမှာ ဖြတ်တတ်တဲ့မဂ် ပေါ်ပါ့မလား၊ (မပေါ်ပါ ဘုရား) မပေါ်လို့ရှိရင်လဲ ၃ နံပါတ်ပြန်လာမှာပဲ၊ (ပြန်လာမှာ ပါပဲ ဘုရား)။
So, consider this, Daga Thit and Maung Ba Thaw: In those who do not observe and do not practice, will the Magga that can sever the cycle arise within them? (It will not arise, Sir). If it does not arise, Section 3 will return. (It will return, Sir).
တဏှာ, ဥပါဒါန်, ကံတွေမလာပေဘူးလား (လာပါတယ် ဘုရား) လာရင် ၄ နံပါတ် ပြေးလို့လွတ်ပါ့မလား၊ (မလွတ်ပါ ဘုရား) အဲဒါကြောင့် မေးချင်လို့ရှိရင် မဂ္ဂသစ္စာ ဘယ်ဟာတုံးလို့ မေးဖို့ ကောင်းပါတယ်လို့ အရှင်မဟာ ကဿပ, က အရှင်သာရိပုတ္တရာကို ဖြေတယ်၊ (မှန်ပါ့ ဘုရား)။
Craving, Clinging, and Kamma—won't they return? (They will return, Sir). If they return, can you escape Section 4 [Rebirth and Suffering]? (We cannot escape, Sir). Therefore, if one wishes to ask, it is good to ask, "Which one is Magga Sacca?" just as Ashin Maha Kassapa answered Ashin Sariputta. (True, Sir).
သစ္စာရှိလို့ သစ္စာမေးမှကိုက်တယ်
Ask About Truths that Exist
ကဲ ဖြေပုံကလေး ရှင်းကြပလား၊ (ရှင်းပါပြီ ဘုရား) ကောင်းပြီတဲ့ သစ္စာကိုမေးတဲ့အခါကျလို့ရှိရင်ဖြင့် ရှိတာက သစ္စာရှိလို့ သစ္စာမေးမှကိုက်တယ်၊ (မှန်ပါ့ ဘုရား)။
Is the way of answering clear now? (Clear, Sir). Good. When asking about Truths, the answer fits only if you ask about Truths that actually exist. (True, Sir).
ပုဂ္ဂိုလ် သတ္တဝါမှမရှိဘဲနဲ့၊ ပုဂ္ဂိုလ်သတ္တဝါသေရင် ဖြစ်သေးသလား၊ မဖြစ်တော့ဘူးလား၊ ဖြစ်ချည်တစ်လှည့် မဖြစ်ချည်တစ်လှည့်လား၊ မဖြစ်သည် မဟုတ် ဖြစ်သေးသလားဆိုတဲ့ အသွားတွေကတော့ မရှိမေး မေးတယ်၊ (မှန်ပါ့) ရှိတဲ့သစ္စာမေးလို့ရှိရင် ဖြေဖို့ပါပဲတဲ့ ဘုရားက၊ (မှန်လှပါ ဘုရား) သဘောကျပလား၊ (ကျပါပြီ)ရှိတဲ့သစ္စာ မေးရင်တော့ဖြင့် (ဖြေဖို့ပါပဲ ဘုရား)။
Without a "person" or "being" existing... if you ask: "Does the being exist after death? Does he not exist? Does he both exist and not exist? Is it that he neither exists nor does not exist?"—these questions ask about something that does not exist. (True, Sir). The Buddha taught that if you ask about the Truths that do exist, there is an answer. (True, Sir). Are you satisfied? (Satisfied, Sir). If you ask about existing Truths—(There is an answer, Sir).
ကိုင်း ဒါဖြင့် အခုတော့ဖြင့်ဟေ့ ဒီဥစ္စာ အဝိဇ္ဇာ သင်္ခါရတွေ ဒါ ဘာသစ္စာတုံး မေးတော့၊ (သမုဒယသစ္စာပါ ဘုရား) ဝိညာဏ်, နာမ်ရုပ်တွေ ဘာသစ္စာတုံး (ဒုက္ခသစ္စာပါ ဘုရား) ဒါဖြင့် ဒီဘက်ကနေ အဝိဇ္ဇာ, တဏှာ, ဥပါဒါန်တို့ ဘာသစ္စာတုံး (သမုဒယသစ္စာုပါ ဘုရား) ဒီကျတော့ ဇာတိ, ဇရာ, မရဏ တို့ ခန္ဓာငါးပါးတို့က၊ (ဒုက္ခသစ္စာပါ ဘုရား) ဒီလိုရှိတာ မေးလိုက်ပြန်တော့လဲ ဖြေဖို့ချည်းပါပဲ၊ (မှန်ပါ့ ဘုရား) ခုနကတော့ မဖြေတာက ဒကာ ဒကာမတွေ ရိပ်မိဖို့ ကောင်းပါတယ်၊ (ရိပ်မိပါတယ် ဘုရား)။
Now, if I ask: "These things—Ignorance (Avijja) and Formations (Sankhara)—what Truth are they?" (They are Samudaya Sacca, Sir). And Consciousness, Mind-Matter? (They are Dukkha Sacca, Sir). And on this side, Ignorance, Craving, Clinging? (They are Samudaya Sacca, Sir). And here, Rebirth, Aging, Death, and the Five Aggregates? (They are Dukkha Sacca, Sir). When asked about things that exist like this, there are only clear answers. (True, Sir). It is good for you Yogis to realize why the earlier questions [about the "person"] were not answered. (We realize it, Sir).
ဒကာကြွယ် မရှိတာ မေးထားတော့ ဖြေဖို့သင့်ပါသလား(မသင်ပါ ဘုရား) ဒါကြောင့် ဘုရား ဘယ်တော့မှ မဖြေတဲ့ အဖြေဆိုတာ ရိပ်မိပလား၊ (ရိပ်မိပါပြီ ဘုရား)။
Daga Kywe, if one asks about what does not exist, is it appropriate to answer? (Not appropriate, Sir). That is why the Buddha never answered such questions. Do you grasp this? (We grasp it, Sir).
မဖြေတာ ဉာဏ်ပါလို့
Not Answering is Wisdom
အဲ ဒကာ ဒကာမတွေမှာလဲ အဖြေ မဖြေတော့ဘူးဆိုတဲ့ ဥစ္စာဉာဏ်ပါလို့၊ (မှန်ပါ့ ဘုရား) မဖြေတာသည်၊ (ဉာဏ်ပါလို့ပါ ဘုရား) ဉာဏ်မပါတဲ့ပုဂ္ဂိုလ်ကျတော့ အိုကျုပ်တို့အိမ်က လူတစ်ယောက်ပျက်စီးသွားတယ်၊ အလိမ်မာဉာဏ် ကလဲ ကင်းပါဘိသနဲ့၊ ဘယ်ရောက်သွားပါလိမ့်မတုံး၊ (မှန်လှပါ ဘုရား) အို ငရဲသွားဖြစ်မှာပေါ့၊ ဒီပုဂ္ဂိုလ်ကတော့ ငရဲဖြစ်မှာပေါ့ (မှန်လှပါ) အမေးကလဲ ပုဂ္ဂိုလ်နဲ့၊ အဖြေကလဲ၊ (ပုဂ္ဂိုလ်နဲ့ပါ ဘုရား)။
Yogis, the refusal to answer comes from Wisdom. (True, Sir). Not answering is—(Due to Wisdom, Sir). Those without wisdom will say, "Oh, a person from our house passed away." Being devoid of wise understanding, they wonder, "Where did he go?" (True, Sir). "Oh, he must have gone to hell. That person is surely in hell." (True, Sir). The question is about a "person," and the answer is also—(About a person, Sir).
ဒါဖြင့် ဒိဋ္ဌိနှစ်ယောက် တွဲပြီးသကာလ နေကြပြန်ပြီ (မှန်လှပါ ဘုရား) ပုဂ္ဂိုလ်သတ္တဝါ မရှိဘဲနဲ့ ပုဂ္ဂိုလ်သတ္တဝါနဲ့ ဖြေနေတော့ အမေးသမားကလဲ ပုဂ္ဂိုလ်သတ္တဝါနဲ့မေး (မှန်ပါ့) ပုဂ္ဂိုလ်သတ္တဝါနဲ့မေးတော့ ဒိဋ္ဌိရှိပြီ၊ (ရှိပါတယ် ဘုရား) ဖြေတဲ့လူကလဲ ဒီကောင်တော့ကွာ တစ်လမ်းသွားပါ၊ ခုလောက်ဆို ငရဲရောက်နေပြီ၊ (မှန်လှပါ ဘုရား)။
So, two Wrong Views (Ditthi) are holding hands. (True, Sir). While there is no person or being, the answerer speaks of a person. The questioner asks about a person. (Yes, Sir). When asking about a person, Wrong View is present. (It is present, Sir). And the one answering says, "That guy went one way; by now he's reached hell." (True, Sir).
ဒိဋ္ဌိနဲ့ ဖြေပါတယ်
Answering with Wrong View
ဒါဖြင့် ဖြေတာလဲ၊ (ဒိဋ္ဌိနဲ့ ဖြေပါတယ် ဘုရား) ပုဂ္ဂိုလ် သတ္တဝါနဲ့ဖြေတော့ ဒိဋ္ဌိနဲ့ဖြေတာပဲ၊ (မှန်ပါ့) အဲဒီလိုချည်းပဲ ဒကာကြွယ် ဗုဒ္ဓဘာသာတွေမှာ ပြောဆိုနေကြတာ ပြောရုံတွင်ပဲလား၊ အထင်ကော ဒီအတိုင်းပါသလား၊ (ပါ, ပါတယ် ဘုရား) အထင် ဒီအတိုင်းပါရင် သဿတဒိဋ္ဌိချည်းပဲ၊ (မှန်ပါ့ ဘုရား) အထင်ဒီအတိုင်းပါရင် ဘယ့်နှယ်ဆိုကြမလဲ၊ (သဿတဒိဋ္ဌိပါ ဘုရား)။
So, the answering itself—(Is done with Wrong View, Sir). Answering with "person" and "being" is answering with Ditthi. (True, Sir). Daga Kywe, is this not what Buddhists talk about all the time? Is it just talk, or do they really believe it? (They believe it, Sir). If they believe it, it is purely Sassata Ditthi (Eternalism). (True, Sir). If the belief is like that, what do we call it? (It is Sassata Ditthi, Sir).
သဿတဒိဋ္ဌိတွေဆိုတာ ဒကာသစ် ရှင်းပြီး၊ (ရှင်းပါပြီ ဘုရား) အင်း မောင်ဘသော်တို့ ကြောက်စရာပါလား (ကြောက်စရာပါ ဘုရား) ဒီပုဂ္ဂိုလ်တွေလုပ်တဲ့ ကုသိုလ်ဟာ နိဗ္ဗာန်မရောက်ဘူး (မှန်ပါ့)၊
သူတို့လုပ်တဲ့ ကုသိုလ်ဟာ နတ်ရွာသုဂတိပဲ ရောက်မယ်၊ နိဗ္ဗာန်မရောက်ဘူး (မှန်ပါ့ ဘုရား) ဒကာကြွယ် ဒိဋ္ဌိ တန်းလန်းနဲ့ လုပ်တာကိုးဗျ၊ (မှန်ပါ့ ဘုရား)။ သဘောကျပလား၊ (ကျပါပြီ ဘုရား)။
Daga Thit, is Sassata Ditthi clear to you? (Clear, Sir). Oh, Maung Ba Thaw, isn't it frightening? (It is frightening, Sir). The merits performed by these people will not lead to Nibbana. (True, Sir). The merits they perform will only lead to the celestial realms (Sugati), but not to Nibbana. (True, Sir). Daga Kywe, they are performing deeds with Ditthi still attached. (True, Sir). Are you satisfied? (Satisfied, Sir).
ဒိဋ္ဌိတန်းလန်း၊ ဝိစိကိစ္ဆာ တန်းလန်းနဲ့လုပ်လို့
Performing Deeds with Ditthi and Doubt Attached
ဒိဋ္ဌိတန်းလန်းနဲ့လုပ်တဲ့ ကုသိုလ်ဟာ (နိဗ္ဗာန်မရောက်ပါ ဘုရား) နတ်ရွာသုဂတိတော့ (ရောက်ပါတယ် ဘုရား)။
နတ်ရွာသုဂတိတော့ ရောက်ပါတယ်တဲ့၊ သူတို့ ဘယ်လိုပဲ နိဗ္ဗာန်လိုချင်လို့ လုပ်ငြားသော်လဲမရပါ (မရပါ ဘုရား)။
ဘာဖြစ်လို့တုံးလို့ မေးရင် ဒကာသစ် ဒိဋ္ဌိတန်းလန်း၊ ဝိစိကိစ္ဆာ တန်းလန်းနဲ့လုပ်လို့၊ (မှန်လှပါ ဘုရား) ရှင်းပလား (ရှင်းပါပြီ ဘုရား)။
Merits performed with Ditthi attached—(Will not reach Nibbana, Sir). Though they may reach the happy realms—(They reach there, Sir). They reach the happy realms, but no matter how much they claim to want Nibbana, they cannot attain it. (Cannot attain, Sir). If asked why, Daga Thit, it is because they perform these deeds with Ditthi (Wrong View) and Vicikiccha (Doubt) still attached. (True, Sir). Is that clear? (Clear, Sir).
အဲဒီတော့ ဝဋ္ဋဒါန၊ ဝဋ္ဋသီလပဲ ဒကာကြွယ် အသက်ရှည်စေလိုလို့ သီလဆောက်တည်တာ ဝဋ္ဋသီလပဲ (မှန်ပါ့ ဘုရား) အန္တရာယ်ကင်းအောင်လို့ ဆောက်တည်တာကော၊ (ဝဋ္ဋသီလပါပဲ ဘုရား)။
Therefore, this is Vatta-Dana (Charity for the Cycle) and Vatta-Sila (Morality for the Cycle). Daga Kywe, observing precepts because one wants a long life is Vatta-Sila. (True, Sir). Observing them to be free from danger? (That is also Vatta-Sila, Sir).
ဒို့အိမ်မှာဟေ့ ဂြိုလ်တွေ ဝင်နေထင်ပါရဲ့၊ ဆွမ်းကလေးကျွေးပြီး ပရိတ်ကလေးလဲ ရွတ်ကြဦးစို့၊ နို့မဟုတ်ရင် ဒီလိုတွေဟာ ခက်ကုန်လိမ့်မယ်ဆိုတော့ ပုဂ္ဂိုလ်သတ္တာဝါငဲ့ပြီး ဆွမ်းကျွေးကြတယ် (မှန်ပါ့) ဒါဟာ ဝဋ္ဋဒါနပဲ၊ (မှန်ပါ့ ဘုရား)။
"Oh, the planets are entering our house [astrologically]; let's offer food and recite Parittas. Otherwise, things will be difficult." Thinking of the "person" and "being" and offering food—this is Vatta-Dana. (True, Sir).
ဒါမျိုးတွေကကောမများဘူးလား (များပါတယ် ဘုရား) အဲ ဘုရားကိုးဆူဟူသရွေ့သွားရောပေါ့၊ (မှန်လှပါ ဘုရား) ဒီအထဲ သွားတော့မှာပဲ၊ (သွားမှာပေါ ဘုရား) ရိပ်မိပလား၊ (ရိပ်မိပါပြီ)။
Are there not many such cases? (There are many, Sir). And then they go to worship the "Nine Buddhas." (True, Sir). They are heading right into this trap. (They are, Sir). Do you see it? (We see it, Sir).
ခန္ဓာငဲ့တာတွေ သိပ်ပါတယ်
Attached to the Aggregates
ဂြိုလ်ပြေနံပြေဟူသရွေ့ကဖြင့် ဝဋ္ဋချည်းမှတ် (မှန်ပါ့ ဘုရား) ဒကာကြွယ် ဘုရားကိုးဆူများ ပူဇော်ဖူးသေးသလား (ပူဇော်ဖူးပါတယ် ဘုရား) အံမာလေး ဖြစ်မှ ဖြစ်ရပလေဗျာ၊ ဘုရားကိုးဆူလဲ မကပါဘူးဗျာ၊ ဂင်္ဂါဝါဠု သဲစုမကပါ၊ (မှန်ပါ့) ခင်ဗျားတို့က ကိုးဆူသွားပြီး မျက်နှာကြီးများ လိုက်နေကြသလား မပြောတတ်ပါဘူး၊ ရိပ်မိပလားဒကာကြွယ်၊ (ရိပ်မိပါပြီ ဘုရား) ပဋိစ္စသမုပ္ပါဒ် နားမလည်တော့ ခန္ဓာငဲ့တာတွေ သိပ်ပါတယ်၊ မပါဘူးလား (ပါ, ပါတယ် ဘုရား)။
Whatever is done to appease planets or fate is merely Vatta—mark this well. (Yes, Sir). Daga Kywe, have you ever worshipped the Nine Buddhas? (I have, Sir). Oh my, how could this be? It is not just nine Buddhas; Buddhas more numerous than the sands of the Ganges have passed. (True, Sir). I don't know if you were trying to curry favor with just nine of them. Do you see, Daga Kywe? (I see, Sir). Because you do not understand Dependent Origination, there is so much attachment to the Aggregates. Is there not? (There is, Sir).
ဒီခန္ဓာ အန္တရာယ်ကင်းဖို့၊ ဒီခန္ဓာ ဘေးရှင်းဖို့၊ ဒီခန္ဓာ အသက်ရှည်ဖို့ဆိုတော့ ဒီအယူ ဒီသီလတွေဟာ ဝဋ္ဋဒါန၊ ဝဋ္ဋသီလ (မှန်လှပါ ဘုရား) ဘာဖြစ်လို့တုံးဆိုတော့ ခန္ဓာတည်းဟူသော ဒုက္ခဝဋ်လိုလဲ ဒုက္ခဝဋ်ရှည်အောင် (မှန်ပါ့) သဘောကျပလား၊ (ကျပါပြီ) ဒုက္ခဝဋ်ဆက်အောင် (မှန်ပါ့) ဒါကိုပဲ ကြိုးစားတဲ့အတွက် ဒကာကြွယ် ဝဋ်မှတစ်ပါး ဘာဆိုစရာရှိသေးလဲ၊ (မရှိပါ ဘုရား)။
"For the safety of this Khandha," "For the danger-free existence of this Khandha," "For the longevity of this Khandha." These views and these moral practices are Vatta-Dana and Vatta-Sila. (True, Sir). Why? because you are striving to prolong the suffering cycle of the Khandha. (True, Sir). Do you agree? (We agree, Sir). To continue the cycle of suffering. (True, Sir). Since you are striving for this, Daga Kywe, is there anything else to say but "Cycle" (Vatta)? (Nothing else, Sir).
အဲဒီတော့ ဒီကရှေ့ဖြင့် မပြင်ရင် မကောင်းတဲ့အချက်ဟာ ဒီအချက်ပဲ၊ (မှန်လှပါ ဘုရား) နဂိုက ဝဋ်ရှိနေတာကို သိလို့ရှိရင် အရှည်ကိုပယ်ဖို့ သိပ်ကောင်းတယ်၊ (မှန်လှပါ ဘုရား) အခုတော့ ဝဋ်ရှိနေတာလဲ ဝဋ်မှန်းလဲမသိတော့ ဒီဝဋ်ကိုလဲ ရှည်ချင်တယ် (မှန်လှပါ့ ဘုရား) နောက်ဝဋ်နဲ့လဲတွေ့ချင်တယ်၊ (မှန်လှပါ ဘုရား) ဖြစ်မှဖြစ်ရလေဗျာ၊ ဒကာကြွယ် သိပ်ဆိုးပါကလား၊ (ဆိုးပါတယ် ဘုရား)။
So, if you do not correct this from now on, this is the very point that is flawed. (True, Sir). If you knew that "Cycle" (Vatta) existed originally, it would be excellent to reject it for the long term. (True, Sir). But now, not knowing that the Cycle exists, and not recognizing it as the Cycle, you actually want to lengthen it. (True, Sir). You want to meet the next Cycle. (True, Sir). How can this be? Daga Kywe, this is very bad. (It is bad, Sir).
ဝဋ်ချည်းလုပ်မှာပဲ
They Will Only Work for the Cycle
ဒီလိုလူ ဘယ်လောက်များသတုံး လို့မေးမယ်ဆိုလို့ရှိရင်လဲ တရားထူး တရားမြတ် သစ္စာဉာဏ် မရသေးတော့ ခနက မေးလုံးတွေကိုဖြေနေတဲ့ ပုဂ္ဂိုလ်ဟူသရွေ့ဟာဖြင့် ဝဋ်ချည်းလုပ်မှာပဲ (မှန်လှပါ ဘုရား)။
ခုနက မေးလုံးတွေဖြေနေတဲ့ ပုဂ္ဂိုလ်ဟာလေ၊ (ဝဋ္ဋချည်းလုပ်မှာပါ ဘုရား) ဝဋ္ဋချည်း လုပ်မှာပဲဆိုတာ ဒကာကြွယ် သေချာတယ်၊ (သေချာပါတယ် ဘုရား)။
If asked how many such people there are... as long as they have not attained the supreme Dhamma and the Insight into the Truths, everyone who answers those [wrong] questions will only work for the Cycle (Vatta). (True, Sir). The person answering those questions earlier—(Will only work for Vatta, Sir). It is certain, Daga Kywe, that they will only work for the Cycle. (It is certain, Sir).
ဒါဖြင့် စင်စစ် ဗုဒ္ဓဘာသာဟာ ဒကာကြွယ် တယ်ရှားပါလား၊ (ရှားပါတယ် ဘုရား) သဿတဒိဋ္ဌိ သိပ်များတယ်၊ (များပါတယ်) သဘောကျပလား၊ (ကျပါပြီ)။
နောက်ဘဝ ကောင်းစားရေးဟေ့၊ နောက်ဘဝ ငါလုပ်ငါရမှာပဲဆိုတဲ့ သဿတဒိဋ္ဌိ သမားကလဲ ဒကာသစ်ရေ သိပ်များတာပဲ(များပါတယ် ဘုရား) မများဘူးလား (များပါတယ် ဘုရား)။
So, in reality, Daga Kywe, true Buddhists are very rare. (Very rare, Sir). Sassata Ditthi is very prevalent. (It is prevalent). Do you agree? (We agree, Sir). "Prosperity in the next life," "I do it, I will get it"—Daga Thit, there are so many people with this Sassata Ditthi. (There are many, Sir). Are there not? (There are, Sir).
အင်း ဟင် ဒီဘဝလဲ ငါမရှိဘူး နောက်ဘဝလဲ ငါမရှိဘူးဆိုတာ မဖြေကောင်းတာချည်းကို သူ့မှာဖြေပြီး လုပ်နေတာပဲ၊ (မှန်ပါ့ ဘုရား) သိပ်ကြောက်စရာကောင်းပါလား ဦးလှဘူးရေ၊ (ကောင်းပါတယ် ဘုရား) အတော် ဆိုးဝါးပြီ ဆိုတာ ပေါ်ပလား၊ (ပေါ်ပါပြီ)။
"I don't exist in this life, nor in the next"—regarding these questions that should not be answered, they answer them and act upon them. (True, Sir). Is that not very frightening, U Hla Bu? (It is good [that we know], Sir). Do you see how dire the situation is? (We see it, Sir).
အပြောသာရှိပါစေ အထင်မရှိစေနဲ့
Let There Be Speech, But Not Belief
ကိုင်း ဒါဖြင့် ဒီကရှေ့မှာဖြင့်တဲ့ အပြောသာရှိပါစေ ဒကာကြွယ်တို့ အထင်မရှိစေနဲ့၊ (မှန်လှပါ ဘုရား) ဒကာ ဒကာမတို့ အပြောသာရှိပါစေ၊ အထင်မရှိစေနဲ့ အင်း ဟင် ဟိုအိမ်က မောင် ဘယ်သူ့ဖြင့် သေရှာပြီ၊ ပြောတော့ ပြောတာပေါ့၊ (မှန်လှပါ) တကယ်သေတာတော့ မဟုတ်ပါဘူး၊ စုတိစိတ်ချုပ်တာ၊ (မှန်ပါ့ ဘုရား)။
Therefore, from now on, Daga Kywe, let there be speech, but do not let there be belief. (True, Sir). Yogis, let there be speech, but no belief. "Oh, so-and-so from that house has passed away." You can say it. (True, Sir). But he didn't really die; it was the cessation of the Death Consciousness (Cutti Citta). (True, Sir).
တစ်ယောက်တော့ သွားပြီဟေ့ ဘယ်ဘဝများဖြစ်ပါလိမ့်မတုံးလို့ ဒီလိုလုပ်မနေနဲ့၊ အင်း စုတိပြီးရင် သံသရာခရီးမဆုံးသေးက ပဋသန္ဓေစိတ် ပေါ်နေမှာပဲ၊ (မှန်ပါ့ ဘုရား) ဒါအမှန်ပဲ၊ (မှန်ပါ့ ဘုရား) သဘောကျပလား (ကျပါပြီ ဘုရား)
"One person has gone; I wonder what life he will be reborn in?" Do not engage in this. Once death occurs, since the journey of Samsara is not yet over, Rebirth Consciousness (Patisandhi) will arise. (True, Sir). This is the truth. (True, Sir). Do you agree? (We agree, Sir).
ဒါဖြင့် ဘုန်းကြီးတို့ ဒကာ ဒကာမတွေ လူုအများစုထဲကမှ လူနည်းစုခွဲထုတ်ရတာ ဒကာကြွယ် မလွယ်ပါလား၊ (မလွယ်ပါ ဘုရား) ဒါ့ကြောင့် ဘုရားတွေ ဂင်္ဂါဝါဠုသဲစုမကပွင့်သွားကြ ငြားသော်လဲ ခေါ်ဆောင်ပြီးယူနိုင်တာတွေက လက်သည်းပေါ်တင်တဲ့ မြေမှုန့်လောက် ယူူနိုင်တာ၊ (မှန်ပါ့ ဘုရား ကျန်နေရစ်တာတွေက အောက်မြေကြီး ပမာဏလောက် ရှိတယ်၊ (မှန်လှပါ ဘုရား)။
So, Daga Kywe, it is not easy to separate the minority from the majority of people. (Not easy, Sir). That is why, although Buddhas more numerous than the sands of the Ganges have appeared, those they could carry across are like the dust on a fingernail. (True, Sir). Those left behind are equal to the massive earth. (True, Sir).
လက်သည်းပေါ်တင်တဲ့ မြေမှုန့်
Dust on a Fingernail
ဒါကြောင့် ဘုရားတော့များလိုက်တာ ကျွတ်တဲ့ပုဂ္ဂိုလ်တွေ ကုန်ဖို့ကောင်းပြီလို့ မတွေးကြပါနဲ့ (မတွေးပါ ဘုရား) အခုတရားပွဲမှာ မန္တလေးမြို့နဲ့လဲချိန်၊ အမရပူရမြို့နဲ့လဲချိန်၊ ချိန်ကြည့်လို့ရှိရင်ဖြင့် လက်သည်းပေါ်တင်တဲ့ မြေမှုန့်မရှိသေး ဘူး(မှန်ပါ့ ဘုရား) ရှိပါ့မလား၊ (မရှိပါ ဘုရား)။
Therefore, do not think, "Since there are so many Buddhas, the beings to be saved must be exhausted by now." (We do not think so, Sir). Compare this Dhamma audience with the city of Mandalay, or with Amarapura. If you compare them, we are not even the amount of dust on a fingernail. (True, Sir). Are we? (No, Sir).
ဘယ်ရှိမလဲတဲ့၊ ဒါလောက်ပဲ ဥပမာ ကျွတ်တမ်းဝင်မယ်ဆိုတော့ လျော့နိုင်ပါ့မလား၊ (မလျော့နိုင်ပါ ဘုရား) မလျော့နိုင်ဘူးဆိုတာ နောက်တစ်ပါးကလဲ ဒီလိုပဲသစ္စာတရားတွေဟာ ချွတ်လို့ရော့ပါ့မလား၊ (မလျော့ပါ ဘုရား) မလျော့သေးဘူးဆိုတဲ့ ဥစ္စာတွေကတော့ဖြင့် သေချာပါတယ်၊ (သေချာပါတယ် ဘုရား)။
How could we be? If only this amount enters liberation, will the number of beings decrease? (It will not decrease, Sir). It will not decrease. The fact that the population of Samsara does not decrease is certain because the Truths are like this. (It is certain, Sir).
ဒကာကြွယ် အဲဒီတော့ သားတွေ, မယားတွေ, ဆွေတွေမျိုးတွေ အမျိုးမျိုးအဖုံဖုံ ရှိကြငြားသော်လဲ နားထောင် နိုင်ရင် ဟောဖို့ပဲ၊ (မှန်ပါ့ ဘုရား) မထောင်နိုင်ရင် ကမ္မဿကာထားဖို့ပဲ (မှန်ပါ့ ဘုရား) သဘောကျပလား၊ (ကျပါပြီ) မိမိတို့ကိုယ်တော့ဖြင့် မရောနိုင်ဘူးဆိုတဲ့ စိတ်ကတော့ မွေးကြရလိမ့်မယ်၊ (မွေးရပါမယ် ဘုရား)။
Daga Kywe, although you have sons, wives, and relatives of various kinds, if they can listen, preach to them. (Yes, Sir). If they cannot listen, you must place them under "Owner of their Kamma" (Kammassaka). (Yes, Sir). Do you agree? (We agree, Sir). You must cultivate the mind that says, "I cannot mix my destiny with theirs." (We must cultivate it, Sir).
ရောရင်တော့ဖြင့် ခင်ဗျားတို့ အပါယ်ရောက်ကြမှာပဲ၊ (မှန်ပါ့ ဘုရား) သူတို့ကတော့ အပြောရော အထင်ရော၊ (မှန်ပါ့ ဘုရား) ဒီက တရားနာထားတဲ့ အပြောရော အထင်ရော၊ (မှန်ပါ့ ဘုရား) ဒီက တရားနာထားတဲ့ ဒကာ ဒကာမတွေ ကတော့ အပြောသာရှိတယ်၊ အထင်မရှိဘူး (မှန်လှပါ ဘုရား) ဒါဖြင့် ဒီကတော့ဖြင့် ဝစီကံသာရှိတယ်၊ မနောကံမလိုက်ဘူး၊ (မှန်ပါ့ ဘုရား) သူတို့ကတော့ ဝစီကံရော မနောကံရော ဒကာသစ်ရေ (မှန်ပါ့ ဘုရား) ဒီလိုဆိုးဝါး မသွားဘူးလား၊ (ဆိုးဝါးပါတယ် ဘုရား)
If you mix with them, you will all end up in the Lower Realms (Apaya). (True, Sir). Because they have both the speech and the belief. (True, Sir). But the Yogis who listen to the Dhamma here have only the speech; they do not have the wrong belief. (True, Sir). So here, there is only Verbal Action (Vacikamma), but Mental Action (Manokamma) does not follow. (True, Sir). But for them, Daga Thit, it is both Verbal and Mental Action. (True, Sir). Isn't that a terrible path? (It is terrible, Sir).
အဲဒါကြောင့် ဒကာသစ်ရေ အင်မတန် ဒီဥစ္စာ အရေးကြီးတဲ့ “သဒ္ဓမ္မဿဝနံ အတိဒုလ္လဘံ” ဆိုတာ အလွန်ရခဲတဲ့ တရား၊ နာရခဲတဲ့တရား နာဖို့ရာ အလွန်ခဲယဉ်းတယ်ဆိုတာ ပေါ်လာတယ်၊ (ပေါ်လာပါတယ် ဘုရား) မပေါ်လာသေး ဘူးလား၊ (ပေါ်လာပါတယ် ဘုရား)။
အေး ဘာ့ကြောင့်တုံးဆိုလို့ရှိရင် ရာဂ, ဒေါသ, မောဟတွေထဲမှာ မျောနေတဲ့ပုဂ္ဂိုလ်တွေကသာ ဒကာသစ်များ တယ်၊ (များပါတယ် ဘုရား) သဘောကျပလား ၊ (ကျပါပြီ)။
That is why, Daga Thit, the saying "Saddhammassavanam Atidullabham"—that listening to the True Dhamma is extremely rare—becomes very clear. (It becomes clear, Sir). Does it not? (It does, Sir). Why? Because, Daga Thit, the people drifting in Greed (Raga), Hatred (Dosa), and Delusion (Moha) are the majority. (They are the majority, Sir). Do you agree? (We agree, Sir).
အမြုပ်သမားနဲ့ အမျောသမားတွေ
Drifters and Sinkers
အမြုပ်သမားနဲ့ အမျောသမားတွေသာ များသနော်၊ (မှန်ပါ့) ကမ်းတင်, သောင်တင်ပုဂ္ဂိုလ်က (နည်းပါတယ် ဘုရား) နည်းတယ်တဲ့၊ အမြုပ်သမားနဲ့ အမျောသမားသာများ၍ ကမ်းတင် သောင်တင်ပုဂ္ဂိုလ်က ရှာမှရှားဖြစ်နေတယ်၊ (မှန်လှပါ ဘုရား) ရိပ်မိပလား၊ (ရိပ်မိပါပြီ ဘုရား)။
Those who sink and those who drift are the majority. (True, Sir). Those who are stranded on the bank or the shore are—(Few, Sir). They are few. Since sinkers and drifters are the majority, those who reach the shore are rare indeed. (True, Sir). Do you grasp this? (We grasp it, Sir).
ဒါဖြင့် ဒကာကြွယ်ဖြေရမည့်ပုစ္ဆာလေး ခုကောသိပြီလား၊ (သိပါပြီ ဘုရား)။
(၁) သတ္တဝါသေရင်ဖြစ်သေးသလား၊ (မဖြေကောင်းပါ ဘုရား)။
(၂) သတ္တဝါသေရင် မဖြစ်တော့ဘူးလား (မဖြေကောင်းပါ ဘုရား)။
(၃) သတ္တဝါသေရင် ဖြစ်ချည်တစ်လှည့် မဖြစ်ချည်တစ်လှည့်လား၊ (မဖြေကောင်းပါ ဘုရား)။
(၄) သတ္တဝါသေရင် မဖြစ်သည်မဟုတ်၊ ဖြစ်သယောင်ယောင်လား (မဖြေကောင်းပါ ဘုရား)။
သတ္တဝါမရှိလို့ မဖြေကောင်းဘူး၊ (မှန်ပါ့) ဘယ်သူ့သက်သေခံပါလိ့မ်၊ (သတ္တဝါမဟုတ်ပါ ဘုရား၊ ပဋိစ္စသမုပ္ပါဒ်ပါ) ရမ်းပြောလို့မရဘူး၊ ကိုယ့်လေ့ကျင့်ထားတာရှိရမယ်၊ (မှန်ပါ့ ဘုရား)။
So, Daga Kywe, do you now know the answers to the questions? (I know, Sir). 1. Does a being exist after death? (This should not be answered, Sir). 2. Does a being not exist after death? (This should not be answered, Sir). 3. Does he both exist and not exist? (This should not be answered, Sir). 4. Does he neither exist nor not exist—is it vague? (This should not be answered, Sir). It should not be answered because the "Being" does not exist. (True, Sir). Who testifies to this? (Not a being, Sir; Dependent Origination testifies). You cannot just guess; you must have your own practice. (True, Sir).
ဘယ်သူက သက်သေခံပါလိမ့်၊ (ပဋိစ္စသမုပ္ပါဒ်ကပါ ဘုရား) ပဋိစ္စသမုပ္ပါဒ်က ခန္ဓာဖြစ်စဉ်ပါလို့ဆိုပေါ့၊ (မှန်ပါ့ ဘုရား) ပဋိစ္စသမုပ္ပါဒ် ခန္ဓာဖြစ်စဉ်လို့ဆိုထားတော့ သူ့ထဲမှာမှ မပါဘဲနဲ့ ခင်ဗျားတို့ကလောကွတ်ချော် ထည့်ချင်လို့တော့ မရဘူး၊ (မှန်ပါ့) ရှင်းပလား၊ (ရှင်းပါပြီ ဘုရား)။
Who testifies? (Dependent Origination testifies, Sir). You must say that Dependent Origination is the process of the Aggregates (Khandha). (True, Sir). Since Dependent Origination is defined as the process of the Aggregates, you cannot politely insert a "person" into it where there is none. (True, Sir). Is that clear? (Clear, Sir).
ခန္ဓာဖြစ်စဉ်ပါ၊ ခန္ဓာထဲမှာသာကြည့်ပါ၊ ခန္ဓာထဲပါယင်တော့ရှိလို့ပြောတာပေါ့၊ (မှန်ပါ့ ဘုရား) ဒီခန္ဓာထဲမှာ မပါဘဲနဲ့ ဥစ္စာ ဒီခန္ဓာရှိတဲ့ဥစ္စာဒီခန္ဓာထဲမှာမှ ပုဂ္ဂိုလ်သတ္တဝါ မပါတာကို ကိုယ်က အထူးလုပ်ပြီးသကာလ ပြောသံကြားနဲ့ အမှန်ယူဆနေရင် လွဲကုန်ပါလိမ့်မယ်၊ (မှန်လှပါ ဘုရား) မလွဲပေဘူးလား (လွဲပါတယ် ဘုရား)။
It is the process of the Aggregates. Look only within the Aggregates. If it is in the Aggregates, say it exists. (True, Sir). If it is not in these Aggregates—if the "person" or "being" is not in this process—and you assume it is true based on hearsay, you will go wrong. (True, Sir). Will you not go wrong? (We will, Sir).
ပုဂ္ဂိုလ်သတ္တဝါမရှိကြောင်း ဘယ်သူကပြောသတုံး
Who Says There Is No Person?
အဲဒါကြောင့် ပုဂ္ဂိုလ်သတ္တဝါမရှိကြောင်း ဘယ်သူကပြောသတုံး (ပဋိစ္စသမုပ္ပါဒ် ခန္ဓာဖြစ်စဉ်က ပြောပါတယ် ဘုရား) ပဋိစ္စသမုပ္ပါဒ် အဝိုင်းကြီးကပြောတာလား-ခင်ဗျားတို့ခန္ဓာထဲက ပြောတာလား၊ (ခန္ဓာထဲက ပြောတာပါ ဘုရား)။
အဲ ဒီအဝိုင်းကြီးက မှတ်တမ်းပါ၊ (မှန်ပါ့ မှတ်တမ်းပါ) ခင်ဗျားလဲ ခန္ဓာထဲမှာ ဒီတရားတွေ လှည့်နေတယ်လို့ ပြောတာပါ၊ (မှန်ပါ့) သဘောကျပလား၊ (ကျပါတယ် ဘုရား)။
Therefore, who says there is no person or being? (The process of the Aggregates—Dependent Origination—says so, Sir). Is it the big chart [on the wall] that says it, or does your Khandha say it? (The Khandha says it, Sir). That big chart is just a record. (Yes, Sir, a record). It is saying that these Dhamma processes are revolving within your Khandha. (True, Sir). Do you agree? (We agree, Sir).
အဲဒီတော့ကျုပ်တို့က အဝိုင်းကြီးနဲ့ ပြထားလို့ နားလည်နေပါပြီ ဆိုငြားသော်လဲ ခန္ဓာထဲနားလည်ဖို့ ဒီကနေပုံစံ ပေးတယ်၊ (မှန်ပါ့) သဘောကျပလား၊ (ကျပါပြီ ဘုရား)။
တော်တော်ကြာကွယ်ရာကျတော့ ခင်ဗျားတို့ဘုန်းကြီးက ဒီစက်ဝိုင်းကြီးနဲ့ပြလို့ ကျုပ်တို့ ပဋိစ္စသမုပ္ပါဒ်တော့ နားလည်ပါပြီ၊ (မှန်ပါ့ ဘုရား) အင်း ဒါအလကား နားလည်တာ၊ (မှန်ပါ့) ပဋိစ္စသမုပ္ပါဒ်စက်ဝိုင်းကြီးနဲ့ နားလည်တာက အလကားနားလည်တာ၊ (မှန်ပါ့ ဘုရား) ကိုယ့်ခန္ဓာ စက်ဝိုင်းကိုမှ နားလည်မှ ပဋိစ္စသမုပ္ပါဒ်ကို နားလည်တာလို့မှတ်ပါ၊ (မှန်ပါ့ ဘုရား)။
We use the big chart to explain it so you understand, but we provide it as a model for you to understand what is inside your own Khandha. (True, Sir). Do you agree? (We agree, Sir). Before long, when you are away from here, you might say, "Your monk explained it with the big wheel, so we understand Dependent Origination." (True, Sir). Indeed, that is a useless understanding. (True, Sir). Understanding via the big chart alone is a useless understanding. (True, Sir). Mark this: Only when you understand the Wheel of your own Khandha do you truly understand Dependent Origination. (True, Sir).
ဒီဟာက ရှေ့ပိုင်းက ခင်ဗျားတို့မှာ ပုံစံအဖြစ်နဲ့ ဒီလိုလည်နေပါတယ်ဆိုပြီး ခန္ဓာကြည့်တော့ ဒီလိုမြင်ဖို့၊ (မှန်ပါ့ ဘုရား) မလည်ချင်ရင် ဒီလိုြ့ပတ်အောင်လုပ်ဖို့၊ (မှန်ပါ့)။
The chart is provided as a model so that when you look at your Khandha, you see it revolving like this. (True, Sir). And if you don't want it to revolve, you see how to sever it like this. (True, Sir).
ဒါကို အရေးကြီးပြီး ဒီစက်ဝိုင်းကို အခုလို လုပ်ကြတာ၊ (မှန်ပါ့) ရှင်းကြပလား၊ (ရှင်းပါပြီ ဘုရား) တော်တော်ကြာ ကိုယ်က အပြောမတတ် အဆိုမတတ်နဲ့ဖြစ်ပြီး ကျုပ်တို့စက်ဝိုင်း ကြီးနဲ့ပြောလို့ ပဋိစ္စသမုပ္ပါဒ်တော့ နားလည်နေပြီ (မှန်ပါ့) အင်း စက်ဝိုင်းထဲနားလည်နေတယ်၊ (မှန်ပါ့) ဘယ်နားလည်တာလဲ၊ (စက်ဝိုင်းထဲ နားလည်တာပါ ဘုရား)။
We use the chart to emphasize this. (True, Sir). Are you clear? (Clear, Sir). Otherwise, being unable to speak or explain properly, you might say, "We understand Dependent Origination because he spoke with the big chart." (True, Sir). Oh, you understand it in the chart. (True, Sir). Where do you understand it? (Inside the chart, Sir).
ခန္ဓာထဲ နားလည်ရပါမယ်
You Must Understand it in the Khandha!
ဟာ ဒါဖြင့် ကလေးတွေကို ပြထားလဲ နားလည်တာပဲ၊ (မှန်ပါ့) ရှင်းပလား၊ (ရှင်းပါပြီ ဘုရား) ရှုကြည့်လိုက်တဲ့အခါ ခန္ဓာထဲနားလည်ရမယ် (မှန်ပါ့ ဘုရား) ရှုကြည့်တဲ့အခါမှာ (ခန္ဓာထဲ နားလည်ရပါမယ် ဘုရား)။
Even if you show this diagram to children, they will understand the theory. (True, Sir). Is that clear? (Yes, it is, Sir). However, when you actually practice—when you watch and observe—you must realize this truth within your own Aggregates (Khandhas). (Yes, Sir). When you observe... (We must realize it within our Aggregates, Sir).
အင်း ခန္ဓာထဲနားလည်တော့မှ ဘယ်လိုနားလည်သတုံးဆိုတော့ တစ်ခုသော ဝေဒနာကလေး သုခဝေဒနာ ပေါ်တယ်၊ ဒကာ ဒကာမတွေက ဖြစ်ပျက်ရှုလိုက်တယ်၊ (မှန်ပါ့) ဖြစ်ပျက်ရှုလိုက်တော့ ဪ ဝေဒနာကဖြစ်ပျက်၊ ရှုတာကမဂ်ဆိုတော့ ဒို့ သန္တာန် ခန္ဓာထဲမှာ ဝေဒနာ ပစ္စယာ, တဏှာ မလာဘူး၊ (မှန်ပါ့) ဒို့ခန္ဓာ ပဋိစ္စသမုပ္ပါဒ် ပြတ်သွားတယ်၊ (ပြတ်ပါတယ် ဘုရား)။
Now, how do you realize this within? Suppose a pleasant feeling (Sukha Vedana) arises. You Yogis observe its Arising and Passing Away. (Yes, Sir). When you observe that the feeling is just Arising and Passing Away, and your observation is the Path (Magga), then Taṇhā (Craving) cannot arise from Vedanā (Feeling) within your continuity. (True, Sir). The chain of Dependent Origination within your Aggregates is severed. (It is severed, Sir).
ဒါ အဝိုင်းထဲက ပြတ်သလား၊ ခန္ဓာထဲက ပြတ်တာလား၊ (ခန္ဓာထဲက ပြတ်တာပါ ဘုရား) ရှုတော့ ဘယ်ရှုရသလဲ၊ (ခန္ဓာထဲရှုရပါတယ် ဘုရား) အေး ဒါ့ကြောင့် ဒီအဝိုင်းဟာ နမူနာပဲမှတ်ပါ၊ (မှန်ပါ့ ဘုရား)။
Does this cycle break on the paper wheel, or does it break within your Aggregates? (It breaks within the Aggregates, Sir). So, where must you observe? (We must observe within the Aggregates, Sir). Indeed. Therefore, remember that this diagram is merely a model. (Yes, Sir).
အဝိုင်းဟာ ဘာခေါ်ကြမယ်၊ (နမူနာပါ ဘုရား) နမူနာကိုလဲ သူ့အထဲမှာ နားလည်ပြီးတော့ ကိုယ့်အထဲ နားမလည် သေးရင် အလုပ်နဲ့မညီဘူး၊ (မှန်လှပါ ဘုရား) ရှင်းပလား၊ (ရှင်းပါပြီ ဘုရား)။
What do we call this Wheel? (It is a model, Sir). If you understand the model but fail to understand your own internal nature, your practice is not in alignment. (True, Sir). Is that clear? (Yes, Sir).
ကိုယ့်ထဲ နားမလည် သူ့ထဲမှာ နားလည်ပြီးငြားသော်လဲ ခန္ဓာထဲမှာ ကြည့်ဖို့အရေး ကျန်သေးတယ်၊ (မှန်ပါ့ ဘုရား) ရှင်းပလား၊ (ရှင်းပြပါပြီ ဘုရား)။
Even if you understand the diagram perfectly, if you do not understand yourself, the task of observing your Aggregates remains unfinished. (Yes, Sir). Is that clear? (Yes, Sir).
ခန္ဓာထဲကြည့်ဖို့ အရေးကျန်ပါသေးတယ်
The Task of Observing Within Remains
ဘယ်မှာ ကြည့်ဖို့အရေး ကျန်သေးသလဲ၊ (ခန္ဓာထဲကြည့်ဖို့ အရေးကျန်ပါသေးတယ် ဘုရား) အဲ ခန္ဓာထဲမှာ ကြည့်ဖို့အရေးကျန်တော့မှ အင်း ဟင် သဠာယတနရှုလိုက်တယ်၊ စက္ခု, သောတ, ဃာန, ဇိဝှါ, ကာယတွေ, မာနတွေ, စိတ်တွေပေါ့၊ (မှန်ပါ့) ဖြစ်ပျက်ရှုလိုက်တယ်ဆိုရင် ဒီမဂ်က ဒီကြားပေါ်မှာ၊ (မှန်ပါ့) ဘယ်ရှုရှု မဂ်က ဒီကြားပေါ်မှာ၊ (မှန်ပါ့)။
Where does the task remain? (The task of observing the Aggregates remains, Sir). When you turn to observe the Aggregates, you look at the Six Sense Bases (Saḷāyatana)—the eye, ear, nose, tongue, body, and mind. (Yes, Sir). When you observe their Arising and Passing Away, the Path Wisdom (Magga) arises right there in the interval. (Yes, Sir). Wherever you observe, the Path arises right there. (Yes, Sir).
ဘယ်သူနဲ့ ဘယ်သူပြတ်သွားသတုံးဆို တဏှာပြတ်တယ်၊ (မှန်ပါ့ ဘုရား) ဒါဖြင့် တဏှာနိရောဓော နိဗ္ဗာနံဆိုပြီး ဒီဘက်ကို ဒို့လည်သွားပြီ၊ အလယ်ပစ္စုပ္ပန် အခြင်းအရာ ငါးပါးတွေတော့ အကြောင်းအခြင်းအရာ ငါးပါးတွေတော့ မပေါ်တော့ဘူး (မှန်ပါ့ ဘုရား)။
What is severed from what? Craving (Taṇhā) is severed. (Yes, Sir). Thus, Taṇhā-nirodhā Nibbānaṃ—Cessation of Craving is Nibbana. You have turned towards liberation. The five present causes do not arise anymore. (True, Sir).
ဒါဖြင့် ဒို့ အနာဂတ်ခန္ဓာကြီးတော့ ပြတ်တော့မှာပဲ၊ (မှန်ပါ့ ဘုရား) ဆိုပြီး ကိုယ့်ခန္ဓာထဲမှာ ပြတ်ပြီး ကိုယ့်ခန္ဓာ နောက်ထပ်မလာမှာကို သိရမယ်၊ (မှန်ပါ့ ဘုရား) သဘောကျပလား၊ (ကျပါပြီ ဘုရား)။
Therefore, the future burden of the Aggregates will definitely be severed. (Yes, Sir). You must realize within yourself that the cycle is cut and that no future Aggregates will arise. (Yes, Sir). Do you grasp this? (We do, Sir).
အဲဒါကြောင့် ဒကာ ဒကာမတွေ အဝိုင်းကိုကြည့်ပြီး အခုဝေထားတဲ့ အဝိုင်းတွေကြည့်ပြီး ကိုယ့်ခန္ဓာနဲ့ ပြန်ဟပ်ရမှာ၊ (မှန်ပါ့ ဘုရား) ဘာလုပ်ရမတုံး၊ (ခန္ဓာနဲ့ ပြန်ဟပ်ရမှာပါ ဘုရား) ဒကာကြွယ်ရိပ်မိပလား၊ (ရိပ်မိပါပြီ ဘုရား) ခေါင်းရင်းချိတ်ပြီးသကာလ ရှိခိုးပူဇော်နေဖို့မဟုတ်ပါဘူး၊ (မဟုတ်ပါ ဘုရား)။
That is why, Yogis, when you look at the diagrams distributed to you, you must reflect upon them and compare them with your own Aggregates. (Yes, Sir). What must you do? (We must compare them with our Aggregates, Sir). Daka Kywe, do you see the point? (I see it, Sir). It is not meant to be hung at the head of your bed for mere worship! (No, Sir).
လှည့်နေရင် သံသရာခရီးသည်
If You Spin, You Are a Traveler of Samsara
ကိုယ့်ခန္ဓာနဲ့ကိုယ် ပြန်ဟပ်ပြီးသကာလ ဪ ခန္ဓာထဲရှိတာကို ဒီမှတ်တိုင်ထားပြီး ဒီအမှတ်အတိုင်းကြည့်တယ် ဆိုပြီးပေါ်တိုင်းပေါ်တိုင်း ဒီလိုပဲ ဝိုင်းတော့မှာလား၊ ငါပြတ်နေသလား၊ ဝိုင်းပြီးလည်နေသလား၊ ကိုယ့်ခန္ဓာထဲကဖြစ်စဉ်တွေ ပြတ်နေသလား၊ လည်နေသလား၊ ဒါကို အမြဲကြည့်ရမယ်၊ (မှန်ပါ့ ဘုရား) လည်နေလို့ရှိရင် သံသရာ့ခရီးသည်၊ (မှန်ပါ့) မလည်တော့ပါဘူး၊ တပည့်တော် အလုပ်လုပ်နေလို့ ပြတ်ပြတ်သွားပါတယ် ဘုရား၊ ၂-က ၃-မဆက်ဘူးဆိုရင် သံသရာ ခရီးဆုံးတယ် (မှန်ပါ့ ဘုရား)။
You must reflect on your own Aggregates. Ask yourself: "Is it just circling endlessly every time phenomena arise? Am I severing the link, or is it still spinning? Are the processes within my Aggregates severed, or are they rotating?" You must constantly check this. (Yes, Sir). If it is spinning, you are a traveler of Samsara. (True, Sir). But if you say, "It is no longer spinning; because I am practicing, the links are severed," then you are safe. If Section Two does not connect to Section Three, the journey of Samsara comes to an end. (Yes, Sir).
ဒါဖြင့်လှည့်နေရင် သံသရာခရီးသည်၊ (မှန်ပါ့) ပြတ်သွားရင် (သံသရာခရီးဆုံးပါတယ် ဘုရား) သံသရာခရီး ဆိုတာ သေသေချာချာမှတ်ပါ၊ (မှန်ပါ့ ဘုရား) ရှင်းကြပလား၊ (ရှင်းပါပြီ ဘုရား)။
So, if you keep spinning, you are a traveler of Samsara. (True, Sir). If you sever the link? (The journey of Samsara ends, Sir). Mark this definition of the "Journey of Samsara" with care. (Yes, Sir). Is that clear? (Yes, Sir).
ကဲ ယနေ့ ဒီတွင်တော်ကြဦးစို့။
သာဓု သာဓု သာဓု။
Well, let us stop here for today. Sadhu! Sadhu! Sadhu!