တရားတော်

book-199

ဝိပဿနာရှုဆိုတာ၊ ဘာကိုရှုရမှာတုံး

ဝိပဿနာရှုဆိုတာ၊ ဘာကိုရှုရမှာတုံး

What Should We Observe in Vipassana?

တရား(၂)ပုဒ် ပါဝင်ပါသည်။

(Part 1 of 2)

ဝိပဿနာ အလုပ်ပေး (ဝိပဿနာရှုဆိုတာ၊ ဘာကိုရှုရမှာတုံး-၁)

စိတ္တာနုပဿနာ သင်တန်း (ဝိပဿနာရှုဆိုတာ၊ ဘာကိုရှုရမှာတုံး-၂)

နာရီဝက် တရားနှစ်ပုဒ်ပါဝင်ပါသည်။

မိုးကုတ်ဝိပဿနာအဖွဲ့ချုပ်၏ အမှာစာ

Foreword by the Mogok Vipassana Association

ဤတရားတော်သည် မိုးကုတ်ဆရာတော်ဘုရားကြီး၊ အမရပူရမြို့၌ နေ့ခင်းပိုင်းတွင် ရန်ကုန်မြို့မှ တပည့်ရင်းများ ဖြစ်ကြသော ဟင်္သာတ ဦးမာဒင်၊ ကျားပျံဦးသန်းမောင်၊ ဒေါ်ကောက် နှင့် ဦးဗထွေးတို့ကို အမှူးထား၍ ဟောကြားသော တရားတော်များ ဖြစ်ပါသည်။

This sermon was delivered by the Venerable Mogok Sayadaw in Amarapura to his close disciples from Yangon, including Hinthada U Ma Din, Kyar Pyan U Than Maung, Daw Kauk, and U Ba Htwe.

တရားတစ်ပုဒ်လျှင် မိနစ် (၃၀) ခန့်သာ ရှိသဖြင့် (၈. ၁၀. ၁၉၆၁) ရက်နေ့တွင် ဟောကြားသော “ဝိပဿနာ အလုပ်ပေး” တရားတော်နှင့် (၁၁. ၁၀. ၁၉၆၁) ရက်နေ့တွင် ဟောကြားသော “စိတ္တာနုပဿနာ သင်တန်း” တရားတော် နှစ်ပုဒ်ကို စုပေါင်း၍ “ဝိပဿနာရှုဆိုတာ ဘာကိုရှုရမှာတုံး” အမည်ဖြင့် တရားတော် စာအုပ် ထုတ်ထားခြင်း ဖြစ်ပါသည်။

Since each sermon is approximately 30 minutes long, we have combined the "Instructions on Vipassana" (delivered on October 8, 1961) and the "Training on Citta-Nupassana" (delivered on October 11, 1961) into this single volume titled "What Should We Observe in Vipassana?"

ဤတရားတော်များသည် ယောဂီသစ်များ အတွက် အထူး ပင် ကောင်းပါသည်။ ဆရာတော် ဘုရားက “ပေါ်လာတဲ့ စိတ်ကို မလွတ်တမ်း၊ နောက်ကနေပြီး ဖြစ်ပြီး ပျက်တဲ့ သဘော တွေကို ချုပ်သွားတဲ့ ဓမ္မတွေက ပြောသွားတဲ့ အတွက် အနိစ္စပဲ၊ အနိစ္စပဲလို့၊ ပါးစပ်က မမြည်ဘဲနဲ့၊ အားလည်း မထုတ်ဘဲနဲ့ စောင့်ကြည့် နေရုံပါပဲ။ စောင့်ကြည့်နေတာ ချုပ်သွားတာက အနိစ္စ၊ ကြည့်တာက “အနိစ္စဉာဏ်”၊ ရှုတာက “အနိစ္စဉာဏ်” လို့ ဟောကြားတော်မူခဲ့ ပါသည်။

These teachings are exceptionally beneficial for new Yogis. The Sayadaw instructed: "Do not let the mind that appears escape. From behind, simply watch and observe. The phenomenon ceases, and the Dhamma reveals that it is Impermanence (Anicca). You do not need to say 'Anicca' with your mouth, nor do you need to exert excessive effort. Just watch. The cessation of the object is Anicca; the mind that observes it is Insight Knowledge (Anicca-Nana)."

သူတော်ကောင်းရတနာ (၇) ပါး ကိန်းနိုင်ကြပါစေ။

အမှုဆောင်အဖွဲ့။

--------

May the Seven Gems of the Noble Ones reside within you. The Executive Committee

ဝိပဿနာရှုဆိုတာ၊ ဘာကိုရှုရမှာတုံး (၁)

ကျေးဇူးတော်ရှင်အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး အမရပူရမြို့၌

ဟောကြားတော်မူသော တရားတော်

ဝိပဿနာရှုဆိုတာ၊ ဘာကိုရှုရမှာတုံး (၁)

(ယောဂီသစ်များအတွက်)

Ven. Mogok Sayadaw’s Live Dhamma Talk What Should We Observe in Vipassana? (1) (For New Yogis) Date: October 8, 1960

(၈-၁၀-၁၉၆၀)

ဒကာဒကာမတို့ အလုပ်ကို နားလည်အောင် ကြည့် ရမယ်လို့ မှတ်ကြစမ်းပါ (မှန်ပါ)။

Yogis, mark this well: you must understand the nature of the practice. (Yes, Sir).

အလုပ်ဆိုတာသည် မိမိခန္ဓာကိုယ်ထဲကို ကြည့်တာ သိမှုလို့ မှတ်ကြစမ်းပါ (မှန်ပါ) မိမိ ခန္ဓာကိုယ်ထဲ ကြည့်တာ သိလို့ရှိရင် အလုပ် ဖြစ်ပါတယ် (မှန်ပါ)။

The practice is simply looking into your own body and knowing what is happening. (Yes, Sir). If you look into your own body and know it, the work is being done. (True, Sir).

ဘုရား၏ ဆုံးဖြတ်ချက်

The Buddha’s Verdict

မိမိခန္ဓာကိုယ်ထဲမှာ ရှိတာ မသိသရွေ့ကာလ ပတ်လုံး ဘုရားက ကန်းတဲ့ ပုထုဇဉ်, ရူးတဲ့ ပုထုဇဉ်တဲ့ (မှန်ပါ)၊ အကန်း အရူး မပျောက်သေးဘူး။ အိုဘေး နာဘေး ရှိရာကို လှည့်ပြေး နေဦးမှာပဲလို့ ဆုံးဖြတ်ချက် ချတယ် (မှန်ပါ)။

As long as you do not know the reality within your own body, the Buddha declares you a blind worldling (Andha-puthujjana) or a mad worldling. (True, Sir). Your blindness and madness are not yet cured. The Buddha has passed judgment: you will continue running towards aging and sickness. (True, Sir).

အဲဒီတော့ ဘုရား ဆုံးဖြတ်ချက် ချတာကို အင်မတန် အမြင်တော် ကျယ်တဲ့ ပုဂ္ဂိုလ်ကြီးက ဆုံးဖြတ်ချက် ချတဲ့အတွက် ဘုန်းကြီးတို့ ဒကာ ဒကာမတွေက၊ ဪ ဒို့သည်ကားလို့ ဆိုရင်ဖြင့် ကိုယ့်အမြင်နဲ့ကိုယ် ဟုတ်နေလို့မတော်သေးပါကလား၊ ဘုရား အမြင်တော် အောက်သို့ ရောက်မှ အမှန်ဆို ရမှာပါကလား ဆိုတာ မှတ်ရမယ် (မှန်လှပါဘုရား)။

Since this is the verdict of the All-Enlightened One—a being of infinite vision—we monks and you Yogis must realize something important. You must tell yourselves: "Oh! My own view is not enough. It is not correct. Only when I reach the Buddha's view will I attain the Truth." (True, Sir).

ကိုယ့်အမြင်ကဘာမှမဟုတ်ဘူး

Your Own View is Worthless

ကိုယ့်အမြင်နဲ့ ကိုယ်တော့ ဘာမှ မဟုတ်သေးဘူးလို့ ဆုံးဖြတ်ချက် ချပါ (မှန်ပါ)။ ကိုယ့်အမြင်က နဂိုက ကတည်း က အမိ ဝမ်းခေါင်းထဲ ကံက ပစ်ချလိုက်တယ်၊ အမိ ဝမ်းခေါင်းထဲ ကံက ပစ်ချလိုက်တော့ ဘယ်သူမှ ကယ်မည့် ဆယ်မည့်သူ ဖေးမ မည့်သူ မရှိဘူး၊ ဒီအတိုင်း ထိုင်နေရတာ (မှန်ပါ)။

You must decide that your own view is worthless. (Yes, Sir). Why? Because Karma cast you into your mother's womb. When Karma cast you there, no one was there to save you or support you; you just had to sit there helplessly. (True, Sir).

ပြင်ဘက် မွေးဖွား လာတော့ အမိ အဖတွေတော့ ရှိပါရဲ့ ကလည်း သူတို့အမြင်နဲ့ သင်ထား ရတာ ဖြစ်တော့ အမှန်မြင် မပါဘူး (မှန်ပါ)၊ တိုတို ပြောတော့ အကန်းက မွေးလို့ အကန်း ကလေးပဲ ရှိသေးတယ် (မှန်ပါ)။

When you were born into the outside world, you had parents, but they taught you according to their views. They did not possess the Right View. (True, Sir). To put it briefly: A blind child born of blind parents.

အကန်းက မွေးလို့ အကန်းကလေးပဲ ရှိသေးတယ်လို့ ဆုံးဖြတ်ချက်ချပါ (မှန်ပါ)၊ အဲဒီအကန်းက မွေးတဲ့ အကန်းကလေးဟာ အကန်းကြီး ပြရာကို အကန်းကလေး လိုက်တာပဲ ရှိသေးတယ်၊ အမှန်တော့ မရောက်သေးဘူး (မှန်ပါ)။

You are just a blind child following a blind adult. You have not yet reached the Truth. (True, Sir).

ခန္ဓာအရှိနဲ့ဉာဏ်အသိ

Existing Reality and Insight Knowledge

ဒါဖြင့် ဒကာ ဒကာမတွေ ဘုန်းကြီးများလည်း လမ်းဖွင့် ပေးတယ်၊ ခန္ဓာကိုယ်ထဲမှာ ခင်ဗျားတို့ ကြည့်ပါ၊ ခန္ဓာအရှိနဲ့ ဉာဏ် အသိ လိုက်အောင်လုပ်ပါ။

ခန္ဓာအရှိနဲ့ (ဉာဏ်အသိ လိုက်အောင်လုပ်ရပါမယ်)။

Therefore, I am opening the path for you. Look into your body. You must make the Insight Knowledge (Nana) match the Existing Reality (Khandha).

အလုပ်လုပ်တတ်ဖို့ သက်သက် ပြောနေတာ

An Instruction Strictly on How to Work

ခန္ဓာအရှိကိုတော့ဖြင့် ဘုရားဟော ဒေသနာနဲ့ ဘုန်းကြီး ပြပေးမယ် (မှန်ပါ)။ အဲဒီတော့ အခုနေ့လယ် ပြောနေတာက အလုပ် လုပ်တတ်ဖို့ ပြောနေတယ်လို့ မှတ်ပါ (မှန်ပါ)၊ အလုပ် လုပ်တတ်ဖို့ သက်သက် ပြောနေတယ်၊ ဘာမှ မရောဘူး (မှန်ပါ)။

I will explain the Existing Reality (Khandha) according to the Buddha’s teaching. The instruction I am giving this afternoon is strictly on how to work. (Yes, Sir). I am speaking solely on the practical technique; I am not mixing in anything else. (Yes, Sir).

မြင်စိတ်ပေါ်တယ်

The Seeing Mind Appears

အားလုံး ဒကာ ဒကာမတွေ ဟိုစာအုပ်ထဲမှာလည်း ပါ, ပါတယ်၊ ပင့်ကူကြီး ဥပမာနဲ့ပြတာ (မှန်ပါ)၊ ပင့်ကူကြီး ဥပမာက ဒါက မြင်စိတ်က အကြောင်း တိုက်ဆိုင်ရင် ပေါ်တာပဲ မြင်တယ်၊ မြင် မြင်ချင်းမြင်တဲ့ စိတ်ကလေးကို နောက်ကနေ ပြီးတော့ကို အမြဲတမ်း ဆင်ခြင်ပါ။ မြင်စိတ်ကလေး ရှိ-မရှိ အမြဲတမ်း ဆင်ခြင်ပါ။ ဆင်ခြင်တဲ့စိတ် လာရင် မြင်စိတ်မရှိဘူးဆိုတာ အမြဲမှတ်ပါ (မှန်ပါ)။

As mentioned in the book regarding the Spider Analogy: when conditions arise, the Seeing Mind appears. You see. Immediately after the Seeing Mind arises, you must reflect on it from behind. Reflect continuously: "Is the Seeing Mind still there?" When the reflecting mind arises, realize that the Seeing Mind is gone. (Yes, Sir).

မြင်စိတ်နောက်ကဆင်ခြင်တဲ့စိတ်လိုက်ပါ

Follow the Seeing Mind with Reflection

မြင်စိတ်ပေါ်ရင် နောက်က ဘာလိုက်မယ်၊ ဆင်ခြင်တဲ့ စိတ်လိုက်ပါ (မှန်ပါ)၊ နောက်က ဆင်ခြင်တဲ့စိတ် လိုက်မယ်လို့ မှတ်ကြစမ်းပါ (မှန်ပါ)။

မြင်စိတ်ပေါ် ရင် ဘာလုပ်မယ် (ဆင်ခြင်တဲ့စိတ် လိုက်ပါမယ်)၊ ဆင်ခြင်တဲ့စိတ် လိုက်သည်နဲ့ တစ်ပြိုင်နက် တည်း မြင်စိတ် မရှိဘူးဆိုတာ တစ်ထစ်ချ ဆုံးဖြတ်ချက် ချပါ (မှန်ပါ)။

When the Seeing Mind appears, what must follow? (The reflecting mind must follow, Sir). Mark this: the reflecting mind must follow immediately. (Yes, Sir). When the Seeing Mind appears, what will you do? (We will follow it with the reflecting mind). Make a firm decision: The moment the reflecting mind follows, the Seeing Mind no longer exists. (True, Sir).

ဆင်ခြင်တဲ့စိတ်သည် မရှိတာသိတယ်

The Reflecting Mind Knows "It Is Not There"

ဒါဖြင့် မြင်စိုက်သည် ဆင်ခြင်တဲ့ အချိန်မှာ မရှိသော ကြောင့် ဆင်ခြင်တဲ့ စိတ်သည် မရှိတာ သိတယ် (မှန်ပါ)၊ အဲဒါကြောင့် မရှိတာကို အနိစ္စ၊ သိတာကို မဂ္ဂလို့ ဆိုတာ မဖျောက်ပါ နဲ့ (မှန်)။

Since the Seeing Mind is absent at the moment of reflection, the reflecting mind knows "It is not there." (Yes, Sir). Therefore, do not lose sight of this: The non-existence is Impermanence (Anicca). The knowing of it is the Path (Magga). (True, Sir).

ဒါဝိပဿနာအစစ်လို့မှတ်

Mark This as Genuine Vipassana

မရှိတာဟာ (အနိစ္စပါ)၊ သိတာဟာ (မဂ္ဂပါ)၊ မဖျောက် နဲ့ ဒီဥစ္စာ ကို (မှန်ပါ)၊ ဒီဟာ မဖျောက် ကြပါနဲ့တဲ့၊ ဒီဟာ အင်မတန် အရေးကြီး ပါတယ်၊ ဒါ ဝိပဿနာ အစစ်လို့ မှတ်ကြပါ (မှန်ပါ)။

အဲဒီတော့ မဂ်ရတာပဲ၊ ရှုခြင်းမဂ်ကို ရတာပဲလို့ အောက် မေ့ပါ။

မှတ်ချက်။ ။ဝိပဿနာမဂ်ရသည်ကို ဆိုလိုသည်။

The non-existence is (Anicca). The knowing is (Magga). Do not lose this! (Yes, Sir). This is critically important. Mark this as Genuine Vipassana. (Yes, Sir). Consider that you have attained the Path—specifically, the Path of Insight (Vipassana Magga).

ကြားစိတ်ပေါ်တယ်

The Hearing Mind Appears

တစ်ခါ ကြားစိတ်ကလေးက အကြောင်း တိုက်ဆိုင်တော့ ပေါ်ပြန်တယ်၊ နားထဲမှာ ကြားစိတ် ကလေး ပေါ်လာတယ်၊ ပေါ်လာတာ ကလေးကို ဒကာ ဒကာမတွေက တွေးပါ ရှိ-မရှိ (မရှိတော့ ပါဘူး)၊ မရှိဘူး ဆိုတာ သိပြီ (မှန်ပါ)။ ဒါဖြင့် မရှိတာကို ဘာခေါ်ကြမယ် (အနိစ္စပါ ဘုရား)၊ မရှိတာကတော့ အနိစ္စ သက်သက်ပဲ၊ သိတာ ကတော့ (မဂ္ဂပါဘုရား)။

Now, seeing that conditions align, the Hearing Mind arises. Sound appears in the ear. When it appears, you Yogis must think: "Is it still there?" (It is not, Sir). You know it is not there. (Yes, Sir). What do we call the non-existence? (Anicca, Sir). The non-existence is purely Anicca. What is the knowing? (Magga, Sir).

မရှိတာကအနိစ္စ၊ သိတာက မဂ္ဂ

Non-Existence is Anicca; Knowing is Magga

အဲ-ကြားစိတ် ပေါ်လည်း နောက်က တွေးပါ၊ တွေးတော့ မရှိဘူး ဆိုတာ သိလိမ့်မယ် (မှန်ပါ)၊ သိပြီး နောက်တော့ ဝေဖန် လိုက်တော့ သြော် မရှိတာက အနိစ္စပဲ၊ သိတာက မဂ္ဂပဲ (မှန်ပါ)။ အဲဒီလို ကြည့်တာ ဘုရား မျက်လုံး လို့ မှတ်ပါ (မှန်ပါ)၊ ဘုရားပေး တဲ့မျက်လုံးလို့ မှတ်ပါ (မှန်ပါ)၊ မိဘရိုးရာနဲ့ ကြည့်ရင် ဘယ်တော့မှ ဒီဥစ္စာကို မတွေးမိဘူး၊ သိလည်း မသိဘူး (မှန်ပါ)၊ နှစ်ခုရှိသွားပြီ နော် (မှန်ပါ)။

When the Hearing Mind appears, reflect on it. Upon reflection, you will know it is gone. (Yes, Sir). When you analyze this knowing: "Oh, the non-existence is Anicca, and the knowing is Magga." (True, Sir). Realize that this way of looking is the Buddha’s Eye. (Yes, Sir). It is the eye given by the Buddha. (Yes, Sir). If you look with the eyes inherited from your parents, you will never think this way, nor will you know this truth. (True, Sir). Now we have two [Seeing and Hearing]. (Yes, Sir).

အားလုံး ဒကာ ဒကာမတွေမှာ အနံ့ကလေး နံရင် နံတယ် မွှေးတယ်နဲ့ နံစိတ် ကလေး ပေါ်ပါတယ်။ ပေါ်ပေါ်ချင်း ကြည့်ပါ - ရှိသေးသလား မရှိဘူးလား (မရှိပါဘူး)။

Similarly, for all of you, when there is a scent, the Smelling Mind arises—be it foul or fragrant. Observe it immediately as it appears—is it still there? (No, Sir).

နံစိတ်ပေါ်တယ်

The Smelling Mind Appears

ဒါဖြင့် မရှိတာကို ခင်ဗျားတို့ သိတယ် (မှန်ပါ) မရှိတာ သိတော့ မရှိတာကို ဘာခေါ်မလဲ အနိစ္စပါဘုရား၊ သိတာက (မဂ္ဂပါဘုရား)။

ဒီလို သိသွားတော့ ဒါ ခင်ဗျားတို့ ခန္ဓာတွေ ကိုယ့်ခန္ဓာမရှိတာ ကိုယ်သိတယ်။ ရှင်းပလား - (ရှင်းပါပြီဘုရား)၊ ဒါ သူခန္ဓာ တွေကိုးဗျ ပေါ်သွားတာက (မှန်ပါ)၊ ကိုယ့်ခန္ဓာတွေ မရှိတာကို (ကိုယ်သိပါတယ် ဘုရား)၊ ကိုယ်သိတော့ သြော်-ကိုယ့်ခန္ဓာ အနိစ္စ ကို ကိုယ့်ဉာဏ် မဂ္ဂနဲ့ ကိုယ် သိတယ် (မှန်ပါ)၊ ရှင်းပလား (ရှင်းပါပြီ ဘုရား)။

ဦးဗထွေး ရှင်းရဲ့လား (ရှင်းပါတယ်ဘုရား)၊ ဦးသန်းမောင် ရှင်းရဲ့ နော် (ရှင်းပါတယ်ဘုရား)။

So, you know it is not there. (Yes, Sir). What do you call the non-existence? (Anicca, Sir). And the knowing? (Magga, Sir). By knowing this, you are knowing the non-existence of your own Aggregates (Khandha). Is that clear? (Clear, Sir). It is the Aggregate that appeared, isn't it? (Yes, Sir). And you know the non-existence of your own Aggregate? (We know it, Sir). When you know it, realize: "Oh! I am knowing the Impermanence (Anicca) of my own Khandha with my own Insight (Magga)." (True, Sir). Is that clear? (Clear, Sir). U Ba Htwe, is it clear? (Clear, Sir). U Than Maung, you understand, correct? (Yes, Sir).

ကောင်းပြီ တစ်ခါ လျှာပေါ်မှာ ချို, ချဉ်, ဖန်, ငန် သိတဲ့ စိတ်ကလေးပေါ်တယ်၊ ပေါ်ရင် ဘာလုပ်ကြမယ်၊ ပေါ်ရင် ကြည့် လိုက် ရှိသေးသလား - မရှိဘူးလားလို့ တွေးတဲ့စိတ် လာရင် မရှိတော့ဘူး၊ နှစ်စိတ်မှ မပြိုင် ကောင်းဘဲ (မှန်ပါ)၊ ဒီစိတ်နဲ့ ဟိုစိတ် ပြိုင် မဖြစ်ကောင်းဘူး (မှန်ပါ)။

Good. Now, on the tongue, a mind arises knowing sweet, sour, bitter, or salty. When it arises, what will you do? Look at it. Think: "Is it still there?" When the thinking mind comes, the tasting mind is gone. Two minds cannot exist simultaneously. (True, Sir). The tasting mind cannot compete with the reflecting mind. (True, Sir).

တွေးလိုက်တဲ့အခါ မရှိတာသိရတယ်

The Tasting Mind Appears

ဒါဖြင့် တွေးလိုက်တဲ့အခါ မရှိတာ သိရတယ် (မှန်ပါ)။ ဒါဖြင့် မရှိတာကို ဘာခေါ်မယ် (အနိစ္စပါ ဘုရား)၊ သိတာက (မဂ္ဂပါဘုရား)၊ ဒကာ ဒကာမတွေ မဂ်မျက်လုံးနဲ့ သိတယ် (မှန်ပါ)။

ဘာနဲ့သိသတုံး (မဂ်မျက်လုံးနဲ့ သိပါတယ် ဘုရား)၊ မဂ်နဲ့ သိတယ်လို့ ဒေါ်ကောက်တို့ လူစုတွေ မှတ်ပါ၊ ဟို အစ်မလုပ်တဲ့ ဒကာမကြီး ကလည်း မှတ်၊ မန္တလေးက ဒကာ ဒကာမတွေလည်း မှတ်ကြနော် (မှန်ပါ)။

ဘယ်သူ မရှိတာကို ဘယ်သူ သိတာတုံး ဆက်မေးတယ် နော် (မှန်ပါ)၊ ကိုယ့်ခန္ဓာ မရှိတာ ကိုယ်သိတယ်(မှန်ပါ)၊ သဘော ပါကြပလား (ပါပါပြီဘုရား)။

So, when you reflect, you know it is not there. (Yes, Sir). What do we call the "not being there"? (Anicca, Sir). And the knowing? (Magga, Sir). You Yogis are knowing with the Magga Eye. (Yes, Sir). With what do you know? (With the Magga Eye, Sir). Daw Kauk and your group, mark this well. The elder sister and the lay disciples from Mandalay, mark this well. (Yes, Sir). I ask you further: Who is knowing the non-existence of what? (Yes, Sir). You are knowing the non-existence of your own Khandha. (True, Sir). Do you grasp the meaning? (Yes, we grasp it, Sir).

ကိုယ့်ခန္ဓာမရှိတာသိတယ်

Knowing Your Own Death

ကိုယ့်ခန္ဓာ မရှိတာကို ကိုယ်သိတယ်၊ ကိုယ့်ခန္ဓာကြီးက ဆုတောင်း ထားတုန်းက ဒီလို ခဏခဏ သေတဲ့ ခန္ဓာမျိုးကြီး ရ မယ် ဆိုတာ သိရင် ဦးမာဒင် ဘယ်သူမှ မတောင်းဘူး မဟုတ်လား (မှန်ပါ)။

အခုတော့ အဲဒီတုန်းက ဉာဏ်မျက်လုံး မရတုန်းက တောင်းတာ (မှန်ပါ)၊ အခု ဉာဏ်မျက်လုံး ရတဲ့ ပုဂ္ဂိုလ်ကျတော့ ခဏ ခဏ သေတာကြီးကို ကိုယ်ကိုယ်တိုင် မြင်နေရတယ်၊ ဒီက သေလိုက် ဖြစ်လိုက် ဒီက သေလိုက် ဖြစ်လိုက် ဒီလိုချည်း ဖြစ်မနေ ဘူးလား (မှန်လှပါဘုရား)။

အဲဒီကဲ့သို့ သေတာ မြင်တော့ကို ခင်ဗျားတို့ ဘုံဘဝ၊ နတ်ပြည် ဗြဟ္မာပြည်ဘုံ ဘဝလိုချင်တဲ့ တဏှာစရိုက်ဟာ လာသေးရဲ့ လား (မလာပါဘူး)၊ ဝိပဿနာနဲ့ ကိုယ့်အသေ ကိုယ်မြင်လို့ တဏှာ မလာတာ (မှန်ပါ)၊ ရှင်းပလား (ရှင်းပါပြီ)။

You are knowing the non-existence of your own Khandha. If you had known earlier that you would receive a body that dies repeatedly like this, U Ma Din, would anyone have prayed for it? (No, Sir). You prayed for it back then because you did not have the Eye of Wisdom. (True, Sir). Now that you are a person with the Eye of Wisdom, you see for yourself this massive burden dying repeatedly. Dying here, arising there; dying there, arising here—is it not happening just like this? (It is, Sir). Seeing it die like this, does the craving (Tanha) for existence—for Deva or Brahma realms—arise? (No, Sir). It represents the fact that perceiving your own death through Vipassana prevents Craving (Tanha) from arising. (True, Sir). Is that clear? (Clear, Sir).

ဝိပဿနာကမှ ဒုက္ခကိုသိမ်းပေးတာ

Vipassana Removes Suffering

ဒါဖြင့် တဏှာချုပ်၊ ဥပါဒါန် ချုပ်တော့ ကံချုပ်တယ်၊ နောက်ခန္ဓာ အဆက် ရဦးမလား (မရပါဘူး)၊ မရတော့ ဝိပဿနာကမှ ဒို့ဒုက္ခကို သိမ်းပေးတာကိုး၊ ပေါ်လာပြီ (မှန်ပါ)။

ဝိပဿနာဟာ ဘာလုပ်ပေးတုံး (ဒုက္ခ သိမ်းပေးတာပါ ဘုရား)၊ ဒုက္ခ သိမ်းပေးတာလို့ ဒကာ ဒကာမတွေ မှတ်လိုက်ပါ (မှန်ပါ)။

If Craving (Tanha) ceases, Clinging (Upadana) ceases. If Clinging ceases, Kamma ceases. Will you get a new Khandha? (No, Sir). If you don't get a new Khandha, it becomes clear that Vipassana is what removes our suffering. (True, Sir). What does Vipassana do? (It removes suffering, Sir). Yogis, mark this: It removes suffering. (Yes, Sir).

ကဲ-တစ်ခါ သွားပါဦးတဲ့၊ ကိုယ်ပေါ်ကျတော့ ယားတယ်, နာတယ်, ကိုက်တယ် ဆိုတော့ ယားတဲ့၊ နာတဲ့ စိတ်ကလေးကို ရှိသေးသလား- မရှိဘူးလား တွေးပါ ဒကာ ဒကာမတို့က (မှန်ပါ)။

ယားတာကတော့ ရှေ့ပိုင်း ကပေါ့ဗျာ၊ ဒါကလေးကို ဘုန်းကြီးက အတွေးခိုင်း တယ်၊ ယားတဲ့ စိတ်ကို တွေးရမယ်တဲ့ ဆိုလို့ရှိရင် တွေးလိုက်ရင် ဟိုက မရှိဘူး (မှန်ပါ)၊ မရှိတာကို ဘာခေါ်မယ် (အနိစ္စပါ)၊ မရှိမှန်း သိတာက (မဂ္ဂပါဘုရား)။

Let us proceed. When it comes to the body, you say, "It itches, it hurts, it aches." When the Itching Mind or Painful Mind arises, you must think: "Is it still there?" (Yes, Sir). The itching happened in the front moment. I am asking you to reflect on it. If you reflect, the itching mind in the front is gone. (True, Sir). What do we call the non-existence? (Anicca, Sir). The knowing that it is not there is (Magga, Sir).

ဝမ်းထဲမှာ မဂ်ပေါ်နေတယ်

Magga is Appearing Within You

ဒါဖြင့် ဝမ်းထဲမှာ ခင်ဗျားတို့ ခဏခဏ မဂ်ဉာဏ် ပေါ်နေ တယ်၊ ဘာ့ကြောင့် ဦးဗထွေးတို့ ဦးသန်းမောင်တို့ ပေါ်နေပါ လိမ့်မတုံးဆိုတော့ အမှန် မျက်လုံး ရလို့ပေါ်တာ၊ အမှန်မျက်လုံး မရရင် မပေါ်ပါဘူး (မှန်လှပါ)။

မိဘရိုးရာ မျက်လုံးနဲ့ ဒီမဂ်ပေါ်ပါ့မလား (မပေါ်ပါ ဘူးဘုရား)၊ မိဘရိုးရာ မျက်လုံးနဲ့ ဒီမဂ် မပေါ်ပါဘူး။ အခု ဘုရားပေးတဲ့ မျက်လုံး၊ ဆရာက တစ်ဆင့်တင်ပေးတဲ့ မျက်လုံး ဉာဏ်မျက်လုံး ပေါ့ဗျာ (မှန်ပါ)၊ အဲဒီ ဉာဏ်မျက်လုံးနဲ့ တပ်ကြည့် လိုက်တော့မှ ဒါ ဘယ်သူ သေတာတုံး မေးတော့ မိမိသေတာ (မှန်ပါ)၊ မိမိသေတာကို မိမိက သိတယ် (မှန်ပါ)။

ကိုယ့်အသေ ကိုယ်သိတာ ဆိုတော့ စာလိုတော့ အနိစ္စ သိတယ်၊ မြန်မာလို ကတော့ ကိုယ့်အသေ ကိုယ်သိတယ် (မှန်ပါ)။

ခဏတိုင်း၊ ခဏတိုင်း သေနေတဲ့ ဥစ္စာကို ကျုပ်တို့ သိပါ တယ် (မှန်ပါ)။

Thus, Path Knowledge (Magga Nana) is frequently arising within you. Why is it arising for U Ba Htwe and U Than Maung? It arises because you have obtained the Right Eye. Without the Right Eye, it would not appear. (True, Sir). Would this Magga appear with the eyes given by your parents? (No, it would not, Sir). Now, using the eye given by the Buddha—the eye elevated by the teacher, the Eye of Wisdom—when you look, and ask "Who is dying?", you see that it is "You" who is dying. (True, Sir). And "You" know that you are dying. (True, Sir). Knowing one's own death: in Pali, we say knowing Anicca. In Burmese, we simply say knowing your own death. (True, Sir). We know that which is dying every moment. (Yes, Sir).

ဝိပဿနာသမားမှသိတယ်

Only the Vipassana Practitioner Knows

ဒါဟာ အတွေးသမားမှာ သိတာနော် (မှန်ပါ)၊ ဝိပဿနာ သမားမှ သိတယ်၊ တစ်ပါးသော ပုဂ္ဂိုလ်တို့မှာ သိတဲ့ ကိစ္စ မဟုတ်ပါဘူး (မှန်ပါ)။

တစ်ပါးသော ပုဂ္ဂိုလ်တို့ သိတာသည် တစ်သက်မှာ တစ်ခါ သေပဲ သိပါတယ်၊ အခုကဲ့သို့ ခဏ ခဏ သေနေတာကို မသိပါဘူး (မသိပါဘူး ဘုရား)။

This is known only by the thinker—the Vipassana practitioner. (True, Sir). It is known only by the Vipassana practitioner; it is not a matter known by ordinary people. (True, Sir). What ordinary people know is only the death that happens once in a lifetime. They do not know the death that is happening repeatedly, moment by moment, like this. (They do not know, Sir).

ကောင်းပြီ-ဒါဖြင့် ကိုယ်ပေါ်မှာပဲ လေကလေး၊ ဘာကလေး တိုက်လို့ ချမ်းသာတယ်၊ ချမ်းသာတဲ့ စိတ်ကလေးကော မပေါ် ကြဘူးလား (ပေါ်ပါတယ်ဘုရား)။

အဲဒီ ပေါ်တာ ကလေးကိုလည်း ပေါ်နေတုန်း ကိုတွေး၊ ဒီကနေပြီး သကာလ တွေးတာပေါ့။ ချမ်းသာတဲ့ စိတ်ကလေး ရှိသေးသလား မရှိဘူးလားလို့ (မရှိပါဘူးဘုရား)၊ မရှိတာက (အနိစ္စပါ) သိတာက (မဂ္ဂပါဘုရား)။

ဒါဖြင့် ခင်ဗျားတို့ မဂ်ရတယ်ဆိုတာ သူများပေးတဲ့ မဂ် လား၊ ကိုယ့်အသေ ကိုယ်မြင်တာကို မဂ်ခေါ်တာလား (ကိုယ့်အသေ ကိုယ်မြင်တာကို မဂ်ခေါ်ပါတယ် ဘုရား)၊ ကိုယ် ခဏ ခဏ သေနေတာ၊ ကိုယ့်ဉာဏ်နဲ့ ကိုယ့်အသေ ကိုယ်မြင်တာ။

Good. Now, on the body, perhaps a breeze touches you, and you feel comfortable. Does a Pleasant Mind not arise? (It arises, Sir). When that appears, reflect on it while it is appearing. Think from here: "Is that pleasant mind still there?" (It is not, Sir). The non-existence is (Anicca, Sir). The knowing is (Magga, Sir). So, when you say you "have Magga," is it a Magga given by others, or is seeing your own death called Magga? (Seeing our own death is called Magga, Sir). You are dying repeatedly. Seeing your own death with your own insight is Magga.

ကိုယ့်ဒုက္ခ ကိုယ်သိတာ

Knowing Your Own Dukkha

အသေဆိုတာ ဘာသစ္စာဆိုတော့၊ ခြုံပြောလိုက်တော့ မရဏမ္ပိ ဒုက္ခံ။ အသေဆိုတာ ဒုက္ခသစ္စာ၊ ကိုယ့်ဒုက္ခ ကိုယ်သိတာ (မှန်ပါ)၊ သဘောကျပလား (ကျပါပြီ)။

ကိုယ့်အသေ ကိုယ်သိတယ် ဆိုတာလည်း ဟုတ်တာပဲ။ ကိုယ့်ဒုက္ခ ကိုယ်သိတယ် ဆိုတာ လည်း ဟုတ်ပါတယ်။

ဒါဖြင့် အပြင်ဘက်က သေတဲ့ တရားဟာ ဘယ်နှစ်ခုပါ လိမ့်(ခြောက်ခုပါဘုရား)၊ အဲဒါ အပြင်ဧည့်သည် ခြောက်ခု (မှန်ပါ)၊ ဧည့်သည် ဆိုတာ ခဏပေါ် ခဏချုပ် ရတာကိုးဗျ (မှန်ပါ)၊ ဒါကြောင့် ဒါကိုလည်း ရှုရမည့် တရားလို့ မှတ်လိုက်စမ်းပါ (မှန်ပါ)၊ ဒါဖြင့် အပြင်ဧည့်သည် စိတ်ခြောက်ပါး။

What Truth (Sacca) is "Death"? To summarize: Maranampi Dukkham—Death is the Truth of Suffering (Dukkha Sacca). You are knowing your own Dukkha. (True, Sir). Do you agree? (Yes, Sir). Saying "I know my own death" is correct. Saying "I know my own Dukkha" is also correct. So, how many types of "dying" have we seen externally? (Six types, Sir). These are the Six External Guests. (True, Sir). Guests mean they appear for a moment and then cease. (True, Sir). Mark these as phenomena to be observed. (Yes, Sir). These are the Six External Guest Minds.

အတွင်းဧည့်သည်စိတ်

The Internal Guest Minds

အတွင်းဧည့်သည်စိတ်ကို တစ်ခါပြပါမယ်၊ အတွင်းဧည့် သည်ဆိုတော့ အတွင်းမှာလည်း ပေါ်တယ်၊ ဧည့်သည် အဖြစ်နဲ့ လည်း သူ့ကိုရှိတဲ့ တရားလို့ မှတ်ပါ၊ အမြဲလိုလို မရှိနိုင်ဘူး (မှန်ပါ)။

ကောင်းပြီ၊ ဒါဖြင့် ဒကာကြီးမှာဖြစ်စေ၊ ဦးသန်းမောင်မှာ ဖြစ်စေ၊ ဦးဗထွေးမှာဖြစ်စေ၊ တစ်ခါတလေ ကျတော့ ဘာကလေး ရချင်တယ်ဆိုတဲ့ လောဘ ပေါ်လာတယ် (မှန်ပါ)၊ ပေါ် ရင်တွေး ပါ၊ တွေးတဲ့စိတ် နောက်က အမြဲလိုက်ပါ (မှန်ပါ)၊ တွေးလိုက်တော့ ရှိသေးသလား (မရှိတော့ပါဘူး)၊ အင်း တွေးတဲ့စိတ်နဲ့ ခင်ဗျားတို့ နေတာပဲ၊ ဟိုဟာ ချုပ်သွားပြီ (မှန်ပါ)၊ ဒါဖြင့် မရှိတာ ဘာခေါ်မယ် (အနိစ္စပါ)၊ တွေးလို့သိတာက (မဂ္ဂပါ)။

Now I will show you the Internal Guest Minds. They appear internally. Mark them as phenomena that exist as guests—they cannot stay forever. (True, Sir). Good. Sometimes, for the Lay Devotees, U Than Maung, or U Ba Htwe, a Greed Mind (Lobha) arises—wanting to get something. (Yes, Sir). When it arises, reflect on it. Always follow it with the reflecting mind. (Yes, Sir). When you reflect, is the greed still there? (It is not, Sir). Indeed, you are living with the reflecting mind; the greed has ceased. (True, Sir). What do we call the non-existence? (Anicca, Sir). Knowing it by reflecting is (Magga, Sir).

လောဘစိတ်

Greed (Lobha)

ဒါလည်း လောဘစိတ် ကလေး၊ မိမိစိတ် ကလေးကို မိမိ သေတာပဲမှတ် (မှန်ပါ)၊ ဒါဖြင့် ကိုယ့်အသေ ကိုယ်သိတယ်၊ ရှင်းပလား (ရှင်းပါပြီဘုရား)။

ကိုယ့်အသေဆိုတာ ဒုက္ခလား သုခလား(ဒုက္ခပါဘုရား)၊ ဒါဖြင့် ကိုယ့်ဒုက္ခ ကိုယ်သိတယ် (မှန်ပါ)။

သူ့ကို မသေပါနဲ့လို့ တောင့်တလို့ ရရဲ့လား (မရပါ ဘူး)၊ မရတော့ ကိုယ့်အနတ္တ ကိုယ်သိတယ် (မှန်ပါ)၊ သူများဟာ သိနေတာ မဟုတ်ဘူး၊ ကိုယ့်ဟာကိုယ် သိနေတယ် (မှန်ပါ)။

This Greed Mind—consider the death of your own mind as your own death. (Yes, Sir). Thus, you know your own death. Is that clear? (Clear, Sir). Is your own death Suffering (Dukkha) or Happiness (Sukha)? (Suffering, Sir). So, you know your own Suffering. (True, Sir). Can you pray for it not to die? (No, Sir). Since you cannot control it, you know your own Non-Self (Anatta). (True, Sir). You are not knowing someone else's affairs; you are knowing your own. (True, Sir).

ဒေါသစိတ်

Anger (Dosa)

ကဲ တစ်ခါတလေ ကျတော့ လင်နဲ့မယား သားနဲ့အမိ ဆိုသလို မကျေနပ်ပွဲ ကလေးများ ဖြစ်နေတဲ့အခါ၊ ဒေါသဖြစ်တဲ့ အခါ ရှိတယ်(မှန်ပါ)၊ အဲဒါကလေးကို ဦးမာဒင်က ပေါ်လာရင် တွေးပါလို့ ဘုန်းကြီးက သင်ပေးထားတော့ တွေးလိုက်တော့ ခုနင်က ပြောသလို တွေးစိတ် လာရင်ပဲ ဒေါသက ချုပ်သွားပြီ (မှန်ပါ)။

ဒါဖြင့် ချုပ်ပြီးတဲ့ ဒေါသက ဘာတုံး (အနိစ္စပါ)၊ သိတာက (မဂ္ဂပါဘုရား)။

ဒါဖြင့် ဒေါသချုပ် ပျောက်သွားတာ ကိုလည်း သိလိုက်တဲ့ အတွက် မဂ်ရတယ်လို့ ဆိုသော ကြောင့် အနိစ္စလို့ သိတာပဲ၊ ဒါကလေးဟာ ကိုယ့်အသေဆိုတဲ့ သဘောဟာ ဒုက္ခလား၊ သုခလား (ဒုက္ခပါဘုရား)၊ ဒါဖြင့် ကိုယ့်ဒုက္ခ ကိုယ်သိတာ (မှန်ပါ)၊ ရှင်းပလား (ရှင်းပါပြီ)။

ဒါကလေးဟာ မပေါ်ပါစေနဲ့၊ မပျက်ပါစေနဲ့လို့ ခင်ဗျား တို့ တောင့်တ၊ ကြောင့်ကျလို့ ရရဲ့လား (မရပါဘုရား)၊ မရသောကြောင့် ကိုယ့်အနတ္တ ကိုယ်သိတယ် (မှန်ပါ)၊ ရှင်းပလား (ရှင်းပါပြီ)။

Now, sometimes, between husband and wife, or mother and child, there are disagreements. A time of Anger (Dosa) arises. (Yes, Sir). When that appears, because I have taught U Ma Din to reflect, when you reflect—as I just said—the moment the thinking mind comes, the anger has already ceased. (True, Sir). So, the anger that ceased—what is it? (Anicca, Sir). The knowing is (Magga, Sir). Because you know the anger has ceased and disappeared, you attain Magga. You know it as Anicca. Is this nature of your own death Suffering or Happiness? (Suffering, Sir). So, you know your own Suffering. (True, Sir). Is that clear? (Clear, Sir). Can you yearn or worry for it not to appear or not to perish? (No, Sir). Because it is uncontrollable, you know your own Anatta. (True, Sir). Is that clear? (Clear, Sir).

မောဟစိတ်

Delusion (Moha)

ကောင်းပြီ၊ ဒါဖြင့် တစ်ခါတလေကျတော့ မောဟ ပေါ်တယ်၊ ဝိစိကိစ္ဆာ ဆိုတာ မောဟပဲ၊ ဥဒ္ဓစ္စဆိုတဲ့ ပျံ့လွင့်တာ လည်း မောဟပဲ၊ နှစ်မျိုးရှိတယ် (မှန်ပါ)။

အဲဒါကလေးကို တစ်ခါ ဒကာ ဒကာမတွေက မောဟ ကလေး ဖြစ်တယ်ဆို ဆရာဘုန်းကြီးက မှာထားတယ်၊ ပေါ်တဲ့ စိတ်ကို သိအောင် လုပ်ရမယ်၊ သိအောင် လုပ်ရမယ်ဆိုတာ ကိုယ့်အသေ ကိုယ်သိအောင် လုပ်ရမယ်၊ ရှင်းပလား (ရှင်းပါပြီ)။

ဒါဖြင့် ဒီ ဝိစိကိစ္ဆာ ဖြစ်နေတယ်၊ အဲဒါကို ဦးဗထွေးက ဖြစ်စေ၊ ဦးသန်းမောင်က ဖြစ်စေ ပြန်ရှုလိုက်၊ ရှုလိုက်တော့ ရှိသေး ရဲ့လား (မရှိပါဘူး)၊ မရှိတာကို ဘာခေါ်မယ် (အနိစ္စပါ)၊ မရှိတဲ့ တရား ကလေးက အနိစ္စ၊ သိတဲ့တရား ကလေးက ဘာခေါ်မယ် (မဂ္ဂပါဘုရား)။

ကောင်းပြီ၊ ဒါဖြင့် ဒါကလေးဟာ ဖြစ်ပြီးပျက်တဲ့ သဘောပဲရှိနေသောကြောင့် ကိုယ်သေတဲ့ ဒုက္ခပဲ (မှန်ပါ)။

ဒါဖြင့် ဒုက္ခလည်း သိတာပေါ့ (မှန်ပါ)၊ အနတ္တကိုကော (သိပါတယ်ဘုရား)၊ အဲဒါ အတွင်း ဧည့်သည်စိတ် သုံးယောက်၊ မကုန်သေးပါဘူး၊ ရှိသေးတယ် (မှန်ပါ)။

Good. Sometimes, Delusion (Moha) arises. Doubt (Vicikiccha) is Delusion. Restlessness (Uddhacca)—the wandering mind—is also Delusion. There are two kinds. (True, Sir). When Delusion arises, the Sayadaw has instructed the Yogis: you must try to know the mind that appears. To "try to know" means to try to know your own death. Is that clear? (Clear, Sir). So, Doubt is happening. U Ba Htwe or U Than Maung, look back at it. When you look, is it still there? (It is not, Sir). What do we call the non-existence? (Anicca, Sir). The phenomenon that is not there is Anicca. The phenomenon that knows is what? (Magga, Sir). Good. Since this is simply the nature of arising and passing away, it is the Suffering of your own death. (True, Sir). So, you know Dukkha as well. (Yes, Sir). And Anatta? (We know that too, Sir). Those are three Internal Guest Minds. We are not done; there are more. (Yes, Sir).

လှူချင်တန်းချင်တဲ့စိတ်

The Mind that Wants to Donate

တစ်ခါတလေကျတော့ ဦးသန်းမောင်တို့ ဦးဗထွေးတို့က လှူချင် တန်းချင် ပေးချင် ကမ်းချင်တဲ့ စိတ်ကလည်း ခင်ဗျားတို့က ပေါ်သေးတယ် (မှန်ပါ)၊ မပေါ်ဘူးလား (ပေါ်ပါတယ်ဘုရား) ပေါ်တော့ ဒီဥစ္စာကို လှူချင် တန်းချင် ပေးချင် ကမ်းချင်တဲ့စိတ် ကို ပြန် ပြန်တွေးပါ၊ ရှိ-မရှိ ပြန် ပြန်တွေးရမယ် (မှန်ပါ)။

တွေးတော့ ဘယ့်နှယ်နေကြသလဲ(မရှိပါဘူး)၊ တွေးစိတ် ကလေးပေါ့ဗျာ၊ ဟိုစိတ်က ခံနေပါဦး မလား (မခံပါဘူး)၊ နှစ်စိတ်မှ မပေါ်ကောင်းဘဲ (မှန်ပါ)၊ တွေးစိတ် လာရင် လှူချင် တန်းချင်တဲ့ စိတ်က သေပြီ (မှန်ပါ-သေပါပြီ)၊ သူက ရှေးကျတယ် (မှန်ပါ)။ သဘောကျပလား (ကျပါပြီ)။

ဒါဖြင့် လှူချင် တန်းချင်တဲ့ စိတ်ကို ဘာခေါ်ကြမယ် (အနိစ္စပါဘုရား)၊ ရှိ-မရှိတွေးတဲ့ စိတ်ကကော (မဂ္ဂပါဘုရား)။ တွေးတဲ့ စိတ်ကမဂ္ဂ၊ ဒါဟာ ဝိပဿနာလုပ် နေတာနော် (မှန်ပါ)။

ဒါဖြင့် အနိစ္စ+မဂ္ဂ (မှန်ပါ)၊ ခါတိုင်း ပေါ်သလား ဧည့်သည် သဘော တစ်ခါတရံပေါ်သလား (ဧည့်သည် သဘော ပေါ်ပါတယ် ဘုရား)။

Sometimes, minds arise in U Than Maung and U Ba Htwe wanting to donate, offer, give, or share. Do they not? (They do, Sir). When they appear, you must reflect again on this "Mind that wants to donate and offer." Reflect: Is it there or not? (Yes, Sir). When you reflect, how is it? (It is not there, Sir). It is the reflecting mind now. Can the previous mind withstand it? (It cannot, Sir). Two minds cannot appear at once. (True, Sir). When the reflecting mind comes, the mind wanting to donate has died. (True, Sir—it has died). It belongs to the past. (True, Sir). Do you grasp this? (Yes, Sir). So, what do we call the mind that wants to donate? (Anicca, Sir). And the mind that reflects on its existence or non-existence? (Magga, Sir). The reflecting mind is Magga. This is doing Vipassana. (Yes, Sir). So, Anicca + Magga. (True, Sir). Does this appear all the time, or does it appear occasionally as a guest? (It appears as a guest, Sir).

မေတ္တာစိတ်

Loving-Kindness (Metta)

ကဲ - တစ်ခါ သွားပါဦး။ အဒေါသတဲ့၊ သူတစ်ပါးကို - မေတ္တာပို့တယ်၊ ကျန်းမာပါစေ, ချမ်းသာပါစေ။ ဟာ ထားလိုက် ပါဦးမယ်၊ ဒါက မေတ္တာပေါ့ (မှန်ပါ)။

ဒီအမှိုက်ကလေး ဖယ်ပေးလိုက်ပါဦးမယ်၊ လူတွေ စူးကုန် ပါဦးမယ်၊ ဒါတွေဟာ မေတ္တာပေါ့ (မှန်ပါ)။

Let us engage another one. Non-Anger (A-dosa). Radiating loving-kindness to others: "May they be healthy, may they be happy." Or, "Let me remove this trash, or people might get pierced by thorns." These are minds of Loving-Kindness (Metta). (True, Sir).

စိတ်နောက်က အတွေးလိုက်ပါ

Follow the Mind with Reflection

ဒီစိတ်ကလေး ပေါ်တိုင်း ပေါ်တိုင်းလည်း နောက်က အတွေး လိုက်ပါ (မှန်ပါ)၊ အတွေးလိုက်တဲ့ အခါကျတော့ ခုနင်က မေတ္တာစိတ် ရှိသေးရဲ့ လား (မရှိပါဘူး)၊ ဒါဖြင့် မရှိတာ ဘာခေါ် မယ် (အနိစ္စပါ)၊ တွေးတာက (မဂ္ဂပါဘုရား)။

အမောဟ ဆိုတာကတော့ ဒကာ ဒကာမတွေ အရှုဘက် ကထားတဲ့ အတွက် သူ့ကို ခင်ဗျားတို့က ထည့်မပြောတော့ဘူး၊ အရှုခံ တရားနဲ့၊ အရှုဉာဏ် တရားနဲ့ ရှုပ်ထွေး နေမှာစိုးလို့ (မှန်ပါ)။

ဒါ့ကြောင့် အတွင်းကျတဲ့ လောဘ, ဒေါသ, မောဟ, အလောဘ, အဒေါသ, အဲဒါ ဝမ်းထဲမှာ ပေါ်လို့ အတွင်းဧည့်သည် ငါးယောက် (မှန်ပါ)၊ အပြင်ခြောက်၊ အတွင်းငါး မှတ်ထားကြပါ (မှန်ပါ)။

Whenever this mind appears, follow it with reflection. (Yes, Sir). When reflection follows, does the previous Loving-Kindness mind still exist? (No, Sir). So, what do we call the non-existence? (Anicca, Sir). The reflecting is (Magga, Sir). As for Non-Delusion (A-moha), since you Yogis are using it on the observing side (as Wisdom), I will not list it here to avoid confusion between the object of observation and the observing wisdom. (True, Sir). Therefore, regarding the internal: Greed, Anger, Delusion, Non-Greed, Non-Anger. These appear within. These are the Five Internal Guests. (Yes, Sir). Six External, Five Internal. Mark this well. (Yes, Sir).

သက်စောင့်စိတ်

The Life-Guarding Minds

ဒါလည်း တစ်ခါ သွားဦး။ ဒကာ ဒကာမတွေမှာ သက်စောင့် ဆိုတဲ့ ခန္ဓာကိုယ်ကြီး မပုပ် မသိုးအောင် စောင့်တဲ့ စိတ်ကလေး နှစ်ခုရှိတယ်၊ ခန္ဓာကိုယ်ကြီးကို သုသာန် မပို့ရအောင် လို့ စောင့်နေတဲ့ စိတ်ကလေး နှစ်ခုရှိတယ်။ ခင်ဗျားတို့ မပုပ်မသိုးအောင် အလှည့်နဲ့ စောင့်နေတာ (မှန်ပါ)။

လောကီဥပမာ ပြောကြပါစို့ဆိုတော့ ဂိုဒေါင် တစ်ခုကို ဒရဝမ်တွေသည် ညဂျူတီ၊ နေ့ဂျူတီ ကျသလို အလှည့်နဲ့ စောင့်နေတာ၊ ပစ္စည်း မပျောက်အောင်လို့ (မှန်ပါ)။

Let us go further. In you Yogis, there are minds that guard the body to keep it from rotting. Two minds exist that guard this body to prevent it from being sent to the cemetery. They guard you by taking turns to prevent decay. (True, Sir). To use a worldly example: it is like security guards at a warehouse taking turns—night duty and day duty—so that goods are not lost. (True, Sir).

ရှူစိတ်၊ ရှိုက်စိတ်

In-Breath and Out-Breath

ထို့အတူပဲ ခန္ဓာကိုယ်ထဲမှာ စိတ်ကလေး ကလည်း ခင်ဗျားတို့ မပုပ် မသိုးအောင် စောင့် နေတယ်၊ ရှိုက်စိတ်ကလေး ကကော (မပုပ်မသိုးအောင် စောင့်တယ်)၊ ဒါဖြင့် သူတို့ကို အိမ်သည် နှစ်ယောက်လို့ မှတ်လိုက် ကြစမ်းပါ (မှန်ပါ)၊ အိမ်သည် နှစ်ယောက် ဆိုတာ ခန္ဓာအိမ်ကို စောင့်နေတာ (မှန်ပါ)။

ခန္ဓာအိမ်ကို စောင့်နေတဲ့ စိတ်ဆိုတော့ သူတို့လည်း တစ်လှည့်စီ ဖြစ်လိုက် ပျက်လိုက် နေတော့ သူဖြစ်တာကို ဒီ ဒကာ ဒကာမတွေ နောက်က အသိ လိုက်ပေးပါ (မှန်ပါ)၊ သူဖြစ်တာ ကိုလည်း အသိလိုက်, သူပျက်တာကိုကော (အသိလိုက် ပေးရပါမယ်)၊ အသိ လိုက်ပေးတဲ့ အခါကျတော့ သူတို့က အနိစ္စ သူက မဂ္ဂ (မှန်ပါ)။

အဲဒီတော့ ဒီဥစ္စာကို အိမ်ကျတော့ ပုံကလေး ချရေးထား ထား၊ ယခုဝမ်းထဲမှာပဲ မှတ်ထားထား ဒီဟာတွေ တစ်ခုခု မရှိဘဲ နဲ့ ခင်ဗျားတို့ မနေနိုင်ဘူး (မှန်ပါ)၊ ဒီစိတ်တွေ တစ်ခုခု မရှိဘဲနဲ့တော့ (မနေနိုင်ပါဘူး)။

ခင်ဗျားတို့ အသက်ရှင် နေတာသည် ဒီစိတ်တွေထဲက တစ်ခုခုနဲ့ ရှင်နေတာ (မှန်ပါ)၊ သို့သော် အများဆုံး အသက် ရှင်နေတာ ကတော့ သူတို့နှစ်ခုပဲ (မှန်ပါ)၊ အလှည့်ကျ အသက် ရှင်နေတာ သူနဲ့လည်း ရှင်ချင် ရှင်တယ်၊ သူနဲ့လည်း ရှင်ချင်ရင် တယ် ဒါ သက်စောင့် စိတ်တွေ (မှန်ပါ)။

Similarly, within the body, minds are guarding you against decay. Does the Out-breath Mind guard against decay? (Yes). Does the In-breath Mind guard against decay? (Yes). So, look upon them as the Two Householders. (True, Sir). Two Householders guarding the house of the body. (True, Sir). Since they are the minds guarding the body-house, they also arise and pass away in turns. You Yogis must follow their arising with knowing. (Yes, Sir). Follow their arising with knowing. And their passing? (Follow with knowing, Sir). When you follow with knowing, they become Anicca, and the knowing is Magga. (True, Sir). So, regarding this, when you get home, write it down in a diagram. Or keep it in your mind right now. Without one of these, you cannot live. (True, Sir). Without one of these minds... (We cannot live, Sir). You are alive because of one of these minds. (True, Sir). However, mostly you are living because of these two specifically. (True, Sir). You live by their turns. You live by this one, then you live by that one. These are the Life-Guarding Minds. (True, Sir).

ဆယ့်သုံးခုကိုပါ

Observe These Thirteen

ဘယ်နှစ်ခု ရှိသွားပါလိမ့် (ဆယ့်သုံးခုပါ)၊ အပြင် ဧည့်သည် (ခြောက်ခုပါ)၊ အတွင်း ဧည့်သည် (ငါးခု)၊ အိမ်သည် (နှစ်ခုပါ)၊ ဒါပဲရှုပါတဲ့၊ ပုထုဇဉ်မှာ ဒါတွေပဲ ရှိနိုင်ပါတယ်၊ ဒါ ဘယ်သူ့ စိတ်တွေတုံး မေးရင် ကိုယ့်သန္တာန်ပေါ်ကောင်းတဲ့စိတ် (မှန်ပါ)။

ဘယ်လိုမှတ်ကြမယ် (ကိုယ့်သန္တာန် ပေါ်ကောင်းတဲ့စိတ် ပါ)၊ ကိုယ့်သန္တာန်ပေါ် ကောင်းတဲ့ စိတ်ဟာ လည်း နှစ်ခုပြူး, သုံးခုပြူး, နှစ်ခုပေါင်း သုံးခုပေါင်း ဒီလို ဘယ်တော့မှ မပေါ်ဘူး၊ တစ်စိတ်စီပဲ ပေါ်မယ်၊ ပေါ်ချင်တဲ့ စိတ်ပေါ်မယ်(မှန်ပါ)။

How many do we have now? (Thirteen, Sir). External Guests? (Six, Sir). Internal Guests? (Five). Householders? (Two, Sir). Observe only these. Even for a worldling (Puthujjana), only these can exist. If asked, "Whose minds are these?", they are the minds that can appear in your own continuity. (True, Sir). How should you mark them? (As minds that can appear in our own continuity, Sir). And in your continuity, do two or three appear at once? Do two or three combine? Never. Only one appears at a time. Whatever mind wants to appear will appear. (True, Sir).

ပေါ်တဲ့စိတ်ကို၊ နောက်ကအမြဲတွေးပါ

Whatever mind appears, always reflect on it from behind.

ပေါ်တာကို ဒကာ ဒကာမတွေက နောက်က အမြဲတမ်း တွေးပါ။ ရှိသေးသလား၊ မရှိတော့ ဘူးလား အမြဲတမ်းတွေးပါ၊ ပေါ်ပြီးရင် သူက ပျက်ရမည့် တရားပဲ (မှန်ပါ)၊ ပျက်ရမည့်တရား ဖြစ်သော ကြောင့် မရှိတာက အနိစ္စ၊ မရှိမှန်း သိရင် မဂ်ဖြစ်နေတာ ပဲ (မှန်ပါ)၊ ရိပ်မိပလား (ရိပ်မိပါပြီ)။

Whatever arises, you Yogis must immediately reflect on it from behind. You must constantly inquire: "Is it still there? Or is it gone?" Whatever has arisen is a phenomenon subject to perishing. (True, Sir). Because it is a phenomenon subject to perishing, its absence is Impermanence (Anicca). If you know that it is gone, that knowing is the Path (Magga). Do you grasp this? (Yes, we do, Sir).

ဒါဖြင့် ပြန်ပြောကြပါဦး၊ အပြင် ဧည့်သည် ဘယ်နှစ် ယောက် ရှုရမှာတုံး (ခြောက်ယောက်ပါ ဘုရား)၊ ခြောက်ယောက် ဟာလည်း တစ်ယောက်စီသာ ပေါ်တယ်နော် (မှန်ပါ)၊ အတွင်း ဧည့်သည်က ဘယ်နှစ် ယောက်ပါလိမ့် (ငါးယောက်ပါဘုရား)၊ ငါးယောက်ကလည်း ငါးယောက် စလုံးပြိုင် ပေါ်သလား (မပေါ် ပါဘူး)၊ တစ်ခုစီပဲ ပေါ်တယ် (မှန်ပါ)၊ အိမ်သည် နှစ်ခုကလည်း ဒကာ ဒကာမတို့ ပြိုင်ပေါ် သလား (မပေါ်ပါဘူး) တစ်ခုစီပဲပေါ်တယ်။

Now, tell me again. How many "Outer Guests" must you observe? (Six, Sir). Do these six appear all at once? (No, Sir). And how many "Inner Guests" are there? (Five, Sir). Do all five of them appear simultaneously? (No, they do not). And regarding the two "Hosts" (the eyes, ears, etc., and the mind base), do they appear together? (No, Sir). They appear only one at a time.

ဒါဖြင့် ဒီဆယ့်သုံးခုထဲက တစ်ခုပေါ်နေရင် ကျန်တဲ့စိတ် တွေမပေါ်ဘူး (မှန်ပါ)၊ ဘယ်တစ်ခုခုပဲ ပေါ်ပေါ် ကျန်တဲ့စိတ်တွေ ကတော့ မပေါ်နိုင်ဘူး (မှန်ပါ)။

Therefore, if one of these thirteen factors arises, the remaining minds do not arise. (True, Sir). Whichever one arises, the others cannot appear at the same time. (True, Sir).

မဂ်ရချင်ရင်ဒီလိုတွေးနေပါ

If You Want the Path, Think Like This

ဪ ဒါဖြင့် ဒို့ဟာ တစ်ခုပေါ်တိုင်း ပေါ်တိုင်း နောက်က နေပြီး တာကို ရှိ မရှိ တွေးဖို့ပဲ၊ တစ်ခုပေါ်ရင် ရှိမရှိ တွေးပါ (မှန်ပါ)၊ တွေးတိုင်း တွေးတိုင်း မရှိတာဘဲ တွေ့ရတယ် (မှန်ပါ)၊ အဲ-မရှိတာကို ဘာခေါ်မယ် (အနိစ္စ)၊ နောက်က မရှိတာ မှန်းသိတာက (မဂ္ဂပါဘုရား)၊ မဂ် ရချင်လို့ရှိရင် ဒီလို တွေးနေရင် ပုဗ္ဗဘာဂမဂ်က စပြီးရတာဘဲ (မှန်ပါ) သဘောကျပလား (ကျပါပြီ)။

"Oh, whenever one arises, my job is simply to check from behind: Does it exist? Or does it not?" If something arises, think: "Is it there or not?" (Yes, Sir). Every time you reflect, you will find that it is not there. (True, Sir). Ah—what do we call that non-existence? (Impermanence, Sir). And the knowledge that knows it is gone? (That is the Path, Sir). If you desire the Path, if you think in this way, you are beginning to attain the Preliminary Path (Pubbabhaga-magga). Are you satisfied with this? (Yes, Sir).

မဂ်ရချင်ရင် ဒီအတိုင်းတွေပါ (မှန်ပါ)၊ မဂ်ရချင်ရင် ဒီအတိုင်း သွားပါလို့ သတိပေး လိုက်တယ် (မှန်ပါ)။

If you want the Path, think exactly this way. (Yes, Sir). I warn you: If you want the Path, you must walk this way. (Yes, Sir).

ဒီလိုတွေးတော့ ဘာဖြစ်သတုံး

What Happens When You Think This Way?

ကောင်းပြီ၊ ဒီလိုတွေးတော့ ဘုရာ့ ဘာဖြစ်သတုံးလို့ မေးတဲ့ အခါကျတော့ သက္ကာယဒိဋ္ဌိ လည်း ပြုတ်ပါတယ်။ ဥစ္ဆေဒ ဒိဋ္ဌိလည်း ပြုတ်ပါတယ် (မှန်ပါ)၊ ဒိဋ္ဌိသုံးပါး ပြုတ်နိုင်သော ကြောင့် ခင်ဗျားတို့ ဒီအသိကို လုပ်နေလို့ရှိရင် အပါယ် မကျနိုင်ဘူး (မှန်ပါ)။

"Good. But Sir, what happens when we think this way?" If you ask this, know that Personality View (Sakkaya-ditthi) is uprooted. Annihilation View (Uccheda-ditthi) is uprooted. (True, Sir). Because these three forms of Wrong View are uprooted, if you continue cultivating this understanding, you cannot fall into the Lower Realms (Apaya). (True, Sir).

ဒီအသိကိုလုပ်နေရင် အပါယ်မကျနိုင်ဘူး

Practicing This Insight Prevents Rebirth in Apaya

ဒီအသိ လုပ်နေလို့ရှိရင် (အပါယ် မကျနိုင်ပါဘူး)၊ ဒိဋ္ဌိ သုံးမျိုးကမှ အပါယ်ချတာ (မှန်ပါ)။

If you are practicing this Insight... (We cannot fall into Apaya). It is only the three Wrong Views that cast beings into Apaya. (True, Sir).

ဒိဋ္ဌိသုံးမျိုး တစ်မျိုးမျိုးကမှ အပယ်ချတာ။ အခု သူတို့က ပျက်သွားခြင်းကြောင့် ငါမဟုတ်လို့ ပျက်တာပဲ။ မခိုင်မြဲလို့ ပျက်တာပဲ (မှန်ပါ)။

It is one of these three Views that sends you down. Now, consider this: "It perished because it is not Me." Because it perished, it is not a solid entity. (True, Sir).

ငါမဟုတ်လို့ ပျက်တာပဲ ဆိုကတည်းက သက္ကယ ကွာပြီ (မှန်ပါ)၊ မခိုင်မြဲလို့ ဆိုကတည်းက သဿတ ဒိဋ္ဌိကွာပြီ (မှန်ပါ)၊ ပျက်သွားပေမယ့် နောက် ဓမ္မတစ်ခုပေါ်ပြန်တယ် သိပြန်တော့၊ ခန္ဓာကိုယ်ထဲမှာ မပြတ် ဖြစ်နေတာကိုး ဆိုသဖြင့် လည်း ဥစ္ဆေဒဒိဋ္ဌိ စင်သွားပြီ(မှန်ပါဘုရား)၊ ရှင်းပလား (ရှင်းပါပြီ)။

The moment you realize, "It perished because it is not Me," Personality View (Sakkaya-ditthi) falls away. (True, Sir). The moment you realize, "It perished because it is unstable," Eternalism View (Sassata-ditthi) falls away. (True, Sir). Although it perished, you realize that another distinct natural process arises immediately after. Because you see this ceaseless arising within the body, Annihilation View (Uccheda-ditthi) is cleansed away. (True, Sir). Is this clear? (Yes, it is, Sir).

ငရဲမျိုးစေ့ကို ဒီဉာဏ်က နှင်ထုတ်တယ်

This Wisdom Drives Out the Seeds of Hell

ဒါဖြင့် ဘုရားဟောတဲ့ အတိုင်း ဆရာ ဘုန်းကြီးက ဒီလို စိတ္တာနုပဿနာကို အရှုခိုင်း နေခြင်း သည် ခင်ဗျားတို့ အပါယ်သွား စေတတ်တဲ့ ငရဲမျိုးစေ့ကို ဟောဒီ ဉာဏ်က နှင်ထုတ် နေတာလို့ မှတ်ပါ (မှန်ပါ)၊ ရှင်းပလား (ရှင်းပါပြီဘုရား)။

Therefore, mark this well: By instructing you to watch and observe Cittanupassana (Contemplation of the Mind) in accordance with the Buddha's teaching, this Insight Knowledge is driving out the seeds of Hell that would otherwise send you to Apaya. (True, Sir). Is that clear? (Yes, Sir).

ဒါဖြင့်ဒီလို နောက်က လိုက် လိုက်ပြီးသိပေးနေတဲ့ အသိ ဉာဏ်သည် ဘာကျေးဇူး များသတုံး ဆိုတော့၊ ဒိဋ္ဌိ သုံးပါးကို ခြောက်ခန်း စေတယ်၊ ဒိဋ္ဌိ သုံးပါးကို ချုပ်စေတယ်(မှန်ပါ)၊ သက္ကာယ ဒိဋ္ဌိ, သဿတ ဒိဋ္ဌိ, ဥစ္ဆေဒဒိဋ္ဌိ သုံးပါးကို မရှိအောင် လုပ် တယ်(မှန်ပါ)။

So, what is the benefit of this Insight Knowledge that follows behind and knows? It dries up the three Wrong Views. It causes them to cease. (True, Sir). It ensures that Personality View, Eternalism View, and Annihilation View do not exist. (True, Sir).

ဒါဖြင့် ခင်ဗျားတို့မှာ ဒီဒိဋ္ဌိတွေ ပယ်နိုင်ရင် အပါယ်လေးပါး ကျစရာ အကြောင်း လုံးဝ မရှိဘူးလို့မှတ်။ ဒါသာ လုပ်နေပါ (မှန်ပါ)၊ သဘောကျပလား (ကျပါပြီဘုရား)။

Therefore, mark this: If you can abandon these Views, there is absolutely no reason for you to fall into the Four Lower Realms. Just keep doing this! (Yes, Sir). Do you agree? (Yes, Sir).

လုပ်ပါများလို့ဉာဏ်ရင့်လာရင် နိဗ္ဗာန်ရောက်တယ်

Maturing Wisdom leads to Nibbana

ဒီဟာ လုပ်နေလို့ရှိရင် ဦးဗထွေးတို့ဖြစ်စေ၊ ဦးသန်းမောင် တို့ဖြစ်စေ ဘာဖြစ်သတုံးလို့ မေးရင်၊ တပည့်တော်တို့ ဒီဟာသာ လုပ်နေလို့ရှိရင် အပါယ်လွတ်ပြီ ဘုရာ့(မှန်ပါ)၊ နို့- လုပ်ပါများ လာလို့ ဉာဏ်ရင့် လာရင် နိဗ္ဗာန် ရောက်သည် လာလိမ့်ဦးမယ် (မှန်ပါ)၊ ဒီနေ့တော့ အပါယ်ကျ လွတ်ရုံပဲပြောမယ် (မှန်ပါ)။

If you keep doing this, and someone asks U Ba Htwe or U Than Maung, "What happens next?" You can say: "If we just keep doing this, we are free from Apaya, Sir." (True, Sir). However, as you practice more and more, and your Insight Knowledge matures, the attainment of Nibbana will surely come. (True, Sir). For today, I will only speak about escaping Apaya. (Yes, Sir).

နက်ဖြန် သန်ဘက်ကျလို့ ရှိရင် ဒီဟာနဲ့ နိဗ္ဗာန်ရောက်တာ ပြောပြဦးမယ်(မှန်ပါ)။

အခု ဒီနေ့သိတဲ့ အသိမျိုးသိ၊ သုံးရက်မှာ သိတဲ့ အသိမျိုး ကတော့ အပါယ်တံခါး ပိတ်ရုံပဲ ရှိပါတယ်(မှန်ပါ)။

Tomorrow or the day after, I will explain how this leads to Nibbana. (Yes, Sir). The knowledge you gain today, or within three days, is enough to merely close the gates of Apaya. (True, Sir).

အပါယ်တံခါး ဘယ်လိုများ ပိတ်သွားပါလိမ့်

How Are the Gates of Apaya Closed?

ဒါကလေး ရှင်းပြပါဦးမယ်တဲ့။ အပါယ် တံခါးပိတ်တာ ဘယ်လိုများ ပိတ်သွားပါလိမ့်မတုံး ဆိုတော့ အခုမြင်တယ်သိ, ကြားတယ်သိ, နံတယ် သိတယ်၊ စားတယ် သိတယ်၊ ယားတယ် ယံတယ် သိတယ်၊ ကောင်းတာကိုလည်း (သိပါတယ်)။

I will explain this briefly. How do the gates of Apaya close? Right now, you see, and you know it. You hear, and you know it. You smell, and you know it. You eat, and you know it. You itch, and you know it. You feel pleasant, and you know it. (Yes, Sir).

အသိက နောက်ကချည်း ပိတ်ပိတ်ထား၊ မပိတ်ဘူးလား (ပိတ်ပါတယ် ဘုရား)၊ ရှေ့က ဓမ္မတစ်ခု ပေါ်လိုက်၊ နောက် က အသိ လိုက်လိုက်၊ ရှေ့က ဓမ္မတစ်ခု ပေါ်လိုက် နောက်က အသိလိုက်လိုက် ဆိုတော့ ဒီအသိ သည်ကားလို့ ဆိုရင် ဖြစ်ပျက် ကိုသိတာလို့ မှတ်ကြပါ(မှန်ပါ)။

Insight must block the path from behind. Does it not block it? (It does, Sir). A phenomenon arises in front; Insight follows from behind. A phenomenon arises in front; Insight follows from behind. Understand that this Insight is knowing the Arising and Passing Away. (True, Sir).

ဒီအသိဟာ ဘာပါလိမ့် (ဖြစ်ပျက်ကို သိတာပါ)၊ ဒါဖြင့် တရားတွေဟာ ဖြစ်လည်းဖြစ်လို့ ရှိ မရှိ တွေးလိုက်တော့ ပျက်တာ သိတယ်(မှန်ပါ)၊ ဖြစ်ပြီးမှ ပျက်သွားတာကိုးလို့ ဒီက မသိဘူးလား (သိပါတယ် ဘုရား)။

What is this knowledge? (It is knowing Arising and Passing Away). So, when you reflect "Does it exist or not?" regarding these phenomena, you realize they have perished. (True, Sir). You know, "It arose and then it perished," don't you? (Yes, we do, Sir).

အသိဆိုတာ ဖြစ်ပျက်သိတာ

Knowing Means Knowing Arising and Passing Away

ဒါဖြင့် ဘာသိတာတုံး (ဖြစ်ပြီး ပျက်တာ သိပါတယ်)၊ ဖြစ်ပျက်ကို သိတယ်၊ ရှင်းကြပလား (ရှင်းပါပြီ)။

So, what do you know? (We know it arose and perished). You know the Arising and Passing Away. Is that clear? (Yes, Sir).

ကောင်းပြီ၊ ဒါဖြင့် ဖြစ်ပျက် နောက်က အသိလိုက်တဲ့ အတွက် ခင်ဗျားတို့ စဉ်းစား ကြည့်ပါ။ ဥပမာ မြင်စိတ်ကလေး ဖြစ်တယ်၊ ဦးမာဒင်တို့၊ ဦးသန်းမောင်တို့၊ ဦးဗထွေးတို့ကို ရှိ မရှိ တွေးလို့ မပြောဘူးလား (ပြောပါတယ်ဘုရား)၊ ခင်ဗျားတို့ က မတွေးမိဘူး၊ မတွေးမိတော့ ဘာဖြစ်မတုံး၊ မတွေး မိတော့ မြင်တယ်၊ လိုချင်တယ် လိုက်လာတယ် (မှန်ပါ)၊ တဏှာ လိုက် တယ်။

Good. Now, consider what happens because Insight follows the Arising and Passing Away. For example, a seeing consciousness arises. Did I not tell U Ma Din, U Than Maung, and U Ba Htwe to reflect on whether it exists or not? (You did, Sir). But suppose you fail to reflect. If you don't reflect, what happens? You see, and then "I want it" follows. (True, Sir). Craving (Tanha) follows.

မြင်တယ်၊ မြင်တဲ့စိတ်ကို ခင်ဗျားတို့က နောက်က တွေး လုံး မလာဘူး၊ မလာတော့ လိုချင်တယ် ဖြစ်လာတယ်၊ မလာပေ ဘူးလား (လာပါတယ်)၊ လိုချင်ရင်ဖြင့် စွဲလမ်းတယ် ဆိုတဲ့ ဥပါဒါန်ကကော (လာပါတယ်ဘုရား)၊ မရ မနေဘူး ဆိုတာ လာရမှာပဲ။ ဒီတော့ မရ ရကြောင်း အားထုတ်မယ်ဆိုတဲ့ ကံကကော(လာပါတယ်)၊ ဒါဖြင့် တဏှာ, ဥပါဒါန်, ကံ လိုက် တယ်, (မှန်ပါ)။

You see, but you do not send the thought from behind to check it. Because you don't check, desire arises. Does it not? (It does, Sir). If there is desire, won't Clinging (Upadana) follow? (It will, Sir). If "I must have it" arises, then the Action (Kamma) to try and get it will follow. (It will, Sir). Thus, Craving, Clinging, and Kamma follow in succession. (True, Sir).

အသိမလိုက်လို့ရှိရင်

If Insight Does Not Follow

မြင်တဲ့ စိတ်ကလေးကို ခင်ဗျားတို့က ရှိ မရှိ မတွေးမိတဲ့ အတွက် ထုံးစံအတိုင်း နေလိုက်တဲ့ အတွက် မြင်တဲ့စိတ် နောက်က လိုချင်တဲ့စိတ် လိုက်တယ် (မှန်ပါ)၊ စွဲလန်းတဲ့ ဥပါဒါန်ကော မလိုက်ဘူးလား (လိုက်ပါတယ်)။

Because you failed to reflect "Is it there or gone?" regarding that small seeing consciousness, you lived according to old habits. Consequently, the mind that wants followed the mind that saw. (True, Sir). Did Clinging not follow? (It did, Sir).

တဏှာ ပစ္စယာ, ဥပါဒါနံ။ ဥပါဒါန ပစ္စယာ ကမ္မဘဝေါ ဆိုတော့ ကံကော မလိုက်ဘူးလား (လိုက်ပါတယ် ဘုရား)။ ဒါဖြင့် သေသည်၏ အခြားမဲ့၌ ကမ္မဘဝ ပစ္စယာ ဇာတိဆိုတဲ့ ဒုက္ခသစ္စာတွေ အကုန် လိုက်တယ်(မှန်ပါ)။

Tanha paccaya Upadanam; Upadana paccaya Kamma-bhavo. Did Kamma not follow? (It did, Sir). And immediately after death, Kamma-bhava paccaya Jati—the Truth of Suffering follows entirely. (True, Sir).

ဒါ ဘယ့်နှယ်ကြောင့် ဒါကြီး တန်းလာ ပါလိမ့် မတုံးဆို လို့ရှိရင် ဦးသန်းမောင်တို့ ရိပ်မိပလား (မှန်ပါ)၊ ဘယ်လို ကြောင့် တန်း လာတာတုံး (မတွေးမိလို့ တန်းလာတာပါ)၊

ဒါကလေးကို ခင်ဗျားတို့ ဘုန်းကြီး သင်ထားတာ ကလေး မေ့ပစ် လိုက်တယ် (မှန်ပါ)၊ ဒါကလေး ဒီကြားသွင်းတယ် (မှန်ပါ)၊ ရှင်းပလား(ရှင်းပါပြီ)။

Why did this long chain of suffering stretch out? Do you see it, U Than Maung? (Yes, Sir). Why did it stretch out? (Because we didn't reflect, it stretched out). You forgot the little lesson I taught you. (True, Sir). You must insert this little lesson in the gap. (True, Sir). Is that clear? (Yes, Sir).

မြင်တဲ့ စိတ်ကလေး ဖြစ်ပြီးပျက်သွားတာ ကလေးကို ဒီအသိ ကလေးမလိုက် လိုက်လို့၊ ခင်ဗျားတို့မှာ ဒါတွေက ထုံးစံ အတိုင်း တန်းပြီးတော့ ဟိုဘဝ အပါယ်ဇာတိ ထိအောင် ကျေးဇူး ပြုပစ်လိုက်တယ်(မှန်ပါ)၊ ဘယ်လောက် ကြောက်စရာ ကောင်းသတုံး (ကောင်းပါတယ် ဘုရား)။

Because this little Insight did not follow the arising and passing of the seeing consciousness, these factors stretched out habitually and conditioned a rebirth in Apaya in the next existence. (True, Sir). How terrifying is that? (It is very terrifying, Sir).

ဒီအသိသည် ကယ်တင်တဲ့အလုပ်

This Insight is the Work of Salvation

ဒါဖြင့် ဒီအသိကလေးသည် ခင်ဗျားတို့အား ကယ်တင် တဲ့အလုပ်ပဲ (မှန်ပါ)၊ ကယ်တင်တဲ့ အသိကို ခင်ဗျားတို့က ဂရု စိုက်ပြီး မထားကြလို့ ရှိရင်တော့ ဒီလမ်း အတိုင်း သွားမှာပဲ (မှန်ပါ)။

Therefore, this little Insight is the work that saves you. (True, Sir). If you do not take care to maintain this saving Insight, you will inevitably go down that path. (True, Sir).

မြင်တယ်၊ မြင်ရင် လိုချင်မှာပဲ(မှန်ပါ)၊ လိုချင်ရင် စွဲ လမ်းမှာပဲ၊ စွဲလမ်းရင် အားထုတ်မှာပဲ၊ တဏှာ ဥပါဒါန် ကမ္မ လာ မှာပဲ(မှန်ပါ)၊ ကမ္မဘဝ ပစ္စယာ (ဇာတိပါဘုရား)၊ သေ သည်၏ အခြားမဲ့၌ ဇာတိ ရမယ်(မှန်ပါ)။

You see. If you see, you will want. (True, Sir). If you want, you will cling. If you cling, you will act. Craving, Clinging, and Kamma will come. (True, Sir). Kamma-bhava paccaya... (Jati, Sir). Immediately after death, Rebirth arises. (True, Sir).

ဒါဟာ ဦးဗထွေးတို့ ဦးသန်းမောင်တို့ မြင်တဲ့ နောက်က ဘာမလုပ်မိလို့ ဒါတွေ တန်းရတယ် ဆိုတာကော ရိပ်မိပလား။ (ရိပ်မိပါပြီ)၊ ဘာဖြစ်လို့တုံး(အသိ မလိုက်လို့ပါဘုရား)၊ ရှင်းပလား (ရှင်းပါပြီဘုရား)။

Do U Ba Htwe and U Than Maung realize what you failed to do after seeing, which caused this chain to extend? (We realize it, Sir). Why did it happen? (Because Insight did not follow, Sir). Is that clear? (Yes, it is, Sir).

မြင်တယ်ဆိုရင် အသိလိုက်ပေးပါ

If You See, Let Insight Follow

ကဲ ဒါဖြင့် ခင်ဗျားတို့ အပါယ်လည်း ကြောက်တဲ့ ပုဂ္ဂိုလ်တွေ မဟုတ်လား(မှန်ပါ)၊ ဒီတော့ သူမလာ နိုင်အောင် မြင်တယ် ဆိုရင် အသိ လိုက်ပေးပါ(မှန်ပါ)၊ အသိ လိုက်တော့ ဒီဥစ္စာ ကလေးဟာ မရှိတာ မသိပေဘူးလား(သိပါတယ်)၊ သိတော့ မရှိတာက အနိစ္စ၊ သိတာက မဂ္ဂ ဆိုတော့ ဒါတွေအကုန် ဖြတ်ပစ် လိုက်တယ်(မှန်ပါ)၊ မဂ်သည် ကိလေသာနဲ့ ကံကို ဖြတ်တယ်(မှန်ပါ)။

So, are you not people who are afraid of Apaya? (We are, Sir). If so, to prevent Apaya from coming, when you see, let Insight follow. (Yes, Sir). When Insight follows, do you not realize that the seeing consciousness is gone? (We realize it, Sir). When you realize it is gone, that is Impermanence (Anicca). The knowing is the Path (Magga). This severs everything! (True, Sir). The Path severs Defilements (Kilesa) and Kamma. (True, Sir).

ကဲ ဒါဖြင့် ဒီနေ့ တရားတိုး ပေးတာကိုလည်း သတိ , ထားလိုက်ပါ၊ ဟောဒီ နှစ်ခုက မဂ်လိုက်တဲ့ အတွက် တဏှာ ဥပါဒါန် လာသေးရဲ့ လား(မလာပါဘူး)၊ ဒီကံကော (မလာပါဘူး)၊ ဒီအကျိုး ပေးကော (မလာပါဘူး)၊ ဒါဖြင့် ဟောဒီနှစ်ခုက ကိလေသဝဋ်၊ ဒါက ကမ္မဝဋ်၊ ဒါက ဝိပါကဝဋ်၊ ဝဋ်သုံးပါး ကျွတ်မယ်(မှန်ပါ)။

So, pay attention to this extra Dhamma point today. Because the Path followed these two (Arising and Passing), did Craving and Clinging arise? (No, Sir). Did Kamma arise? (No, Sir). Did the Resultant Effect arise? (No, Sir). Therefore, these two are the Round of Defilements (Kilesa-vatta), this is the Round of Kamma (Kamma-vatta), and this is the Round of Results (Vipaka-vatta). The Three Rounds are severed. (True, Sir).

အသိလိုက်ပေးရင် ဝဋ်ကျွတ်ပါတယ်

Insight Severs the Round of Rebirth

အသိလိုက်, လိုက်တာ ဘာဖြစ်သတုံး(ဝဋ်သုံးပါး ကျွတ်ပါတယ်)၊ ခင်ဗျားတို့ ဆုတောင်းရုံ တောင်းနေလို့ သူက ကျွတ်ကဲ့လား (မကျွတ်ပါဘူး)၊ အခု မြင်တဲ့စိတ် နောက်က နေပြီး မြင်တဲ့စိတ်ကို မရှိမှန်းသိတဲ့ မဂ်ကလေး လိုက်လိုက်တော့ အနိစ္စ- မဂ္ဂလို့ လုပ်နေတဲ့ အတွက် ပဋိစ္စသမုပ္ပါဒ် ထုံးစံ အတိုင်း လာမည့် ကိလေသာ နှစ်ခုလည်း ချုပ်ရတယ်(မှန်ပါ)၊ ကံကော (ချုပ်ရပါတယ် ဘုရား)၊ အကျိုးပေးကော (ချုပ်ရပါ တယ် ဘုရား)။

When Insight follows, what happens? (The Three Rounds are severed). If you merely pray for them to be severed, will they be severed? (No, Sir). But now, because the Path—which knows the seeing consciousness is gone—follows the seeing consciousness, you are realizing "Impermanence and Path." Consequently, the two Defilements that would have arisen according to Dependent Origination are ceased. (True, Sir). What about the Kamma? (It is ceased, Sir). What about the Result? (It is ceased, Sir).

ဒါဖြင့် ကိလေသဝဋ်လည်း (ကျွတ်ပါတယ် ဘုရား)၊ ကမ္မဝဋ်လည်း (ကျွတ်ပါတယ်)၊ ဝိပါကဝဋ်လည်း (ကျွတ် ပါတယ် ဘုရား)။

So, the Round of Defilements... (Is severed, Sir). The Round of Kamma... (Is severed). The Round of Results... (Is severed, Sir).

မဂ်ကဖြတ်လိုက်လို့ဝဋ်ကျွတ်သွားတာ

Because the Path Severed It

ဝဋ်သုံးပါး ကျွတ်သွားတာ ဦးမာဒင်တို့၊ ဦးဗထွေးတို့ ဦးသန်းမောင်တို့ ဘာဖြစ်လို့ ဝဋ်ကျွတ် သွားတာတုံး (မဂ်လိုက် လို့ပါ ဘုရား)၊ မဂ်က ဖြတ်လိုက်လို့ (မှန်ပါ)။

Why were the Three Rounds severed, U Ma Din, U Ba Htwe, U Than Maung? (Because the Path followed, Sir). Because the Path severed them. (True, Sir).

မဂ်ကလည်း ခင်ဗျားတို့ ဖြတ်ချင်လို့ ဖြတ်တာလား၊ အပျက်ကို သိလို့ မဂ်ပေါ် တာလား (အပျက်ကိုသိလို့ မဂ်ပေါ် တာပါဘုရား)၊ အပျက်သိလို့ မဂ်ပေါ်တော့ ဒီမဂ် ဘာလုပ်သတုံး လို့ ခင်ဗျားတို့ မေးကြည့်ဖို့ ကောင်းတယ် (မှန်ပါ)။

Did the Path arise because you deliberately wanted to sever them, or did the Path arise because you knew the Passing Away? (It arose because we knew the Passing Away, Sir). When the Path arises because you know the Passing Away, you should ask: "What does this Path do?" (True, Sir).

ဟောဒီ ကိလေသဝဋ်ကို ဖြတ်တယ်(မှန်ပါ)၊ ဒီကမ္မ ဝဋ်ကိုကော (ဖြတ်ပါတယ်)၊ ဒီ ဝိပါကဝဋ်ကော (ဖြတ်ပါတယ် ဘုရား)၊ တဏှာ, ဥပါဒါန်က ကိလေသဝဋ် (မှန်ပါ)၊ ဥပါဒါန ပစ္စယာ ကမ္မဘဝေါ ဆိုတော့ ကမ္မဝဋ် (မှန်ပါ)၊ ကမ္မ ဘဝပစ္စယာ ဇာတိ ဇရာ မရဏ ဆိုတာ ဝိပါကဝဋ် (မှန်ပါ)၊ သဘော ကျပြီလား (ကျပါပြီ)။

It severs the Round of Defilements. (True, Sir). And this Round of Kamma? (It severs it). And this Round of Results? (It severs it, Sir). Craving and Clinging are the Round of Defilements. (True, Sir). Upadana paccaya Kamma-bhavo—this is the Round of Kamma. (True, Sir). Kamma-bhava paccaya Jati Jara Marana—this is the Round of Results. (True, Sir). Do you grasp this? (Yes, Sir).

ကိုယ့်အသေ ကိုယ်သိအောင်လုပ်ရမယ်

You Must Know Your Own Death

ဒါဖြင့် ကိလေသ ဝဋ်ကော လာနိုင်ရဲ့လား (မလာနိုင် ပါဘူး)၊ ကမ္မဝဋ် (မလာနိုင်ပါဘူး)၊ ဝိပါက ဝဋ်ကော (မလာနိုင်ပါဘူး)၊ ဘာဖြစ်လို့ မလာတာတုံး ဆိုတော့ ဟောဒီ ကိုယ့်အသေ ကိုယ်သိလို့ပါ ဘုရား (မှန်ပါ)၊ ရှင်းပလား (ရှင်းပါပြီဘုရား)၊ ဒါဖြင့် ဘာလုပ်ရမလဲ(ကိုယ့်အသေ ကိုယ် သိအောင် လုပ်ရပါမယ်)။

So, can the Round of Defilements come? (It cannot, Sir). The Round of Kamma? (It cannot, Sir). The Round of Results? (It cannot, Sir). Why can they not come? Because you knew your own death [the perishing of the mind], Sir. (True, Sir). Is that clear? (Yes, Sir). So, what must you do? (We must work to know our own death).

တရားအားထုတ်ကြပါနော်

Please Practice

ဒါဖြင့် ခင်ဗျားတို့ ဒီလို လုပ်လိုက်ပါတဲ့။ အလုပ်ကို ထိုင် လည်း ထိုင်ကြပါနော် (မှန်ပါ)၊ဒါ မြင်စိတ် ကြားစိတ် ခုနင်က ဟာလည်း ဆယ့်သုံးခု ပြန်တန်း ရမယ် (မှန်ပါ)၊ ဒါ တန်းပြီးတော့ ခင်ဗျားတို့ အပြင် ဧည့်သည်ခြောက် အတွင်းဧည့်သည် ငါး, အိမ်သည် နှစ်။ ပေါ်တာ ဘယ်သူက ပေါ်မယ်လို့ မဆိုနိုင်ဘူး၊ သူပေါ်ရာ တစ်ခုခုက ပေါ်လိမ့်မယ်(မှန်ပါ)၊ မပေါ်ပေဘူးလား (ပေါ်ပါတယ် ဘုရား)။

Therefore, please do this. Even if you just sit, do the work. (Yes, Sir). Whether it is seeing consciousness or hearing consciousness, remember the thirteen factors we listed. (Yes, Sir). Among the six Outer Guests, five Inner Guests, and two Hosts... you cannot say which one will appear. Whatever wants to appear will appear. (True, Sir). Will it not appear? (It will, Sir).

ပေါ်တဲ့ဆီလိုက်ပြီးမဂ္ဂင်နဲ့ရှုပါ

Follow Whatever Arises with the Path Factors

ပေါ်လို့ရှိရင်ဖြင့် ခင်ဗျားတို့က ပေါ်တဲ့ဆီကို လိုက်ရှု မဂ္ဂင်နဲ့ (မှန်ပါ)။

If it appears, you must follow whatever appears with the Path Factors leading to Insight. (Yes, Sir).

ကဲ ဒါဖြင့် ရှေ့ပိုင်းက အပြင်ဧည့်သည် အတွင်းဧည့် သည် မပေါ်ဘူး ဆိုရင်ဖြင့် ဒီနှစ်ခု လှည့်ပြီး ရှုနေ(မှန်ပါ)၊ ဒါတွေ ပေါ်လို့ရှိရင် ဒါ ဖြုတ်ပြီးပေါ် ရာကို လိုက် (မှန်ပါ)။

Now, if the Outer Guests or Inner Guests do not appear in the foreground, simply switch your attention to observe these two (the In-breath and Out-breath). (Yes, Sir). If other things appear, detach from the breath and follow whatever has appeared. (Yes, Sir).

ဒါဖြင့် ဒကာ ဒကာမတွေ အတွင်းဧည့်သည် ငါး, အပြင် ဧည့်သည် ခြောက်၊ အဲဒါက ပေါ်လို့ ရှိရင် အဲဒီ တစ်ခုစီ လိုက်ပေး (မှန်ပါ)၊ ပေါ် ရာ တစ်ခုခုကို မဂ္ဂင်က လိုက်ပေးပါ။ ဘာမှ လိုက်စရာ မရှိလို့ ရှိရင် ဒီနှစ်ခု လှည့်ပေး (မှန်ပါ)၊ ဒါလည်း ဖြစ် ပျက်၊ ဒါလည်း ဖြစ်ပျက်လို့ မဂ္ဂင်နဲ့ လိုက်(မှန်ပါ)။

Yogis, if the five Inner Guests or six Outer Guests appear, follow each one individually. (Yes, Sir). Let the Path Factors follow whatever arises. If there is nothing specific to follow, turn back to these two (Breath). (Yes, Sir). Observe them: "This too is Arising and Passing," and follow with the Path Factors. (Yes, Sir).

ပင့်ကူလိုက်သလို လိုက်ပေးပါ

Follow It Like a Spider

ဒါဖြင့် ပင့်ကူလိုက်သလို လိုက်ပေးပါ(မှန်ပါ)၊ ပင့်ကူ အိမ်ကြီးနှင့် ပင်ကူက အလယ်မှာ စောင့်နေတယ်၊ ဘေးမှာ ခြင် ကောင် ယင်ကောင် မိတယ်ဆိုရင် သွားပြီး လိုက်တယ်၊ လိုက်ပြီးတော့ သူပြန်ထိုင်တယ် ပင်ကူက (မှန်ပါ)၊ မထိုင်ဘူးလား (ထိုင်ပါတယ် ဘုရား)။

You must follow it like a spider. (Yes, Sir). In a spider web, the spider waits in the center. If a gnat or a fly gets caught at the edge, the spider goes out, chases it, consumes it, and then returns to sit in the center. (True, Sir). Does it not return? (It does, Sir).

ထွက်တဲ့စိတ် ဝင်တဲ့စိတ်ကို ရှုပါ

Observe the Exhaling and Inhaling Mind

ဒီအတိုင်းပဲ ခင်ဗျားတို့ ဒါကို ရှုပြီးတော့ ရှုစရာ မရှိတော့ ဒီကိုပြန်ထိုင်၊ ထွက်စိတ် ဝင်စိတ်ကို ရှုပါ။ သဘောပါ ပလား (ပါပါပြီ)၊ ဒီမဂ်ပေါ် လို့ရှိရင် ဒီမဂ်ဟာ ဘယ်လိုက် ရှုမတုံး (ဒီဘက်ကို လိုက်ရှု ရပါမယ်)။

In this same way, after you have observed an object, if there is nothing else to observe, sit back in the center. Observe the exhaling mind and inhaling mind. Do you understand? (Yes, we do, Sir). If the Path arises, where will it look? (It will look right here).

ရှုစရာမရှိဘူး သူပြီး သွားရင် နောက်ထပ် မလာဘူးဆိုရင် ဒီကိုပြန်ထိုင်၊ သူတို့ နှစ်ခုကတော့ အမြဲလိုလို မရှိပေဘူးလား (ရှိပါတယ်)၊ သူတို့နှစ်ခုက သက်စောင့်ပဲ၊ သူများ မရှိရင် သူတို့ ရှိတယ် (မှန်ပါ)။

If there is nothing to observe—if the previous object is finished and no new one comes—sit back here. Are these two (Breath) not usually always there? (They are, Sir). These two are the guardians of life. When others are absent, they are present. (True, Sir).

ဒါဖြင့် ကိုယ်ရှုစရာ အတွင်းဧည့်သည်, အပြင်ဧည့်သည် ရှိရင် လိုက်ရှု ရှုစရာ မရှိရင် သူတို့နှစ်ခု လှည့်ရှု (မှန်ပါ)၊ ဦးသန်းမောင် နားချိန်ပါသေးရဲ့ လား (မပါပါဘူး)။

Therefore, if there are Inner or Outer Guests to observe, follow and observe them. If there is nothing to observe, turn to observe these two. (Yes, Sir). U Than Maung, is there any time for rest? (No, Sir).

စိတ်ကလေးဖြစ်ပြီး ပျက်သွားပြီလို့သိပေးပါ

Acknowledge: The Mind Arose and Perished

ဒိအပြင် ဧည့်သည် ငါးယောက်ကလည်း တစ်ယောက် ယောက်မလာဘူး၊ အတွင်း ဧည့်သည် ငါးယောက် ကလည်း တစ် ယောက် ယောက် မလာဘူး၊ အပြင်ဧည့်သည် ခြောက်ယောက်က လည်း တစ်ယောက်ယောက် မလာတော့ဘူးဆိုရင် သူတို့နှစ်ခု လှည့်ပြီး ရှုနေ၊ ရှူတဲ့ စိတ်ကလေး ဖြစ်ပြီးတော့ ပျက်တာသိနော် (မှန်ပါ)၊ ရှိုက်တဲ့ စိတ်ကလေးလည်း ဖြစ်ပြီး ပျက်သွားပြီလို့ သိ သိပေးပါ၊ မဂ်နဲ့ သိသိ ပေးပါ (မှန်ပါ)။

If none of the five Outer Guests come, and none of the five Inner Guests come... and none of the six Outer Guests come... turn and observe these two (Breath). Know that the mind that breathes out arises and perishes. (Yes, Sir). Know that the mind that breathes in arises and perishes. Acknowledge it with the Path Knowledge. (Yes, Sir).

တစ်ခါ ဒေါင်ခနဲဆို ဟိုကအသံတွေ ဘာတွေ ရိုက်လိုက်လို့ ကြားစိတ် ကလေး ပေါ်တယ်ဆို သူတို့ မရှိပြန်ဘူး၊ ကြားစိတ် ကလေး ဖြစ်လာတယ်၊ အဲဒါကို မဂ္ဂင်က လိုက်ရှု(မှန်ပါ)။

Suddenly—Dong!—if a sound strikes and a hearing consciousness arises, the breath is no longer the focus. A hearing consciousness has arisen. Observe that with the Path Factors. (Yes, Sir).

ဒါဖြင့် လိုက်တတ် ပလား (လိုက်တက်ပါပြီ)၊ ဧည့် သည်ပေါ်ရင် ဧည့်သည်လိုက်၊ ဧည့်သည် မရှိရင် အိမ်သည် နှစ်ခု ဆီမှာ ထိုင်ရှု (မှန်ပါ)။

So, do you know how to follow it now? (We know how, Sir). If a guest appears, follow the guest. If there is no guest, sit and observe at the host's place (the Breath). (Yes, Sir).

ပေါ်ရာကို ဖြစ်ပျက်ရှုပေးပါ

Observe Arising and Passing in Whatever appears

ဧည့်သည်ပေါ်ရင် ဧည့်သည် ဆယ့်တစ်ယောက် ဆီကို လိုက်ပေးပါ၊ ဆယ့်တစ်ယောက်မှာ တစ်ယောက် ယောက်ပေါ် မှာပဲ၊ အဲ့ဒီကို ဖြစ်ပျက် လိုက်ရှုပါ၊ မရှိရင် ဘယ်မှာ ထိုင်မတုံး (အိမ်သည်ဆီ ထိုင်ရပါမယ်)၊ ထိုင်နေရင်း မတ္တနဲ့ ဧည့်သည်က ပေါ်လာရင် ဘယ်လိုက်မတုံး (ဧည့်သည် လိုက်ရ ပါမယ်)၊ ဧည့်သည်က မရှိပြန်ဘူးဆိုရင် (အိမ်သည် လိုက်ရပါမယ်)၊ ဒီတော့ အားသေးရဲ့ လား (မအား ပါဘူး)။

If a guest appears, follow one of the eleven guests. Only one of the eleven will appear. Observe the Arising and Passing Away right there. If nothing appears, where will you sit? (We will sit at the host's place). While sitting there, if a guest appears, where do you go? (We follow the guest). If the guest disappears? (We follow the host). So, is there any spare time? (No spare time, Sir).

ဒီလိုရှုပါတဲ့၊ ဒါဟာ မိလိန္ဒပဉ္စာက လာတဲ့နည်းကို မှီးပြီး ပြောတာ(မှန်ပါ)၊ ရှင်းပြီနော်(ရှင်းပါပြီ)။

ကဲ ယနေ့ ဒီတွင် နားကြဦးစို့။

သာဓု သာဓု သာဓု။

Practice in this way. This instruction implies the method from the Milinda Panha. (True, Sir). Is it clear? (Yes, Sir). Let us stop here for today. Sadhu... Sadhu... Sadhu.

ဝိပဿနာဆိုတာ ဘာကိုရှုရမှာတုံး (၂)

ကျေးဇူးတော်ရှင်အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး အမရပူရမြို့၌

ဟောကြားတော်မူသော တရားတော်

ဝိပဿနာဆိုတာ ဘာကိုရှုရမှာတုံး (၂)

(ယောဂီသစ်များအတွက်)

Benefactor Agga Maha Pandita Mogok Sayadaw’s Dhamma Talk given in Amarapura "What Should We Observe in Vipassana? (Part 2)" (For New Yogis) (11-10-1961)

(၁၁-၁၀-၁၉၆၁)

စိတ္တာနုပဿနာဆိုတဲ့ဥစ္စာ စိတ္တက-စိတ်၊ အနုပဿနာ က-သူ့ကိုရှုတာ၊ (စိတ္တ + အနုပဿနာ) စိတ္တ-က စိတ်၊ အနုပဿ နာက ရှုရတာ (မှန်ပါ)။ ဒါဖြင့် စိတ္တာနုပဿနာ ဆိုတာ စိတ် ကို ရှုကြပါ (မှန်ပါ)။

Regarding Cittanupassana: Citta means Mind. Anupassana means observing it. (Citta + Anupassana). Citta is the mind; Anupassana is the observation. (True, Sir). Therefore, Cittanupassana means: Observe the Mind. (Yes, Sir).

အဲ့ဒီတော့ ဥပမာ-ဦးမာဒင် ရှုတယ်၊ ဦးသန်းမောင် ရှု တယ်၊ ဦးဗထွေး ရှုတယ်၊ ကိုယ့်သန္တာန် ပေါ်တဲ့ စိတ်ကို ကိုယ်ရှုရမှာ ပဲ။ ကိုယ့်သန္တာန် ပေါ်တဲ့စိတ်က ကိုယ်က ဘာပုဂ္ဂိုလ်တုံး ဆိုတော့ ပုထုဇဉ် ပုဂ္ဂိုလ်(မှန်ပါ)၊ ပုထုဇဉ် ပုဂ္ဂိုလ်ဆိုတော့ ပုထုဇဉ် သန္တာန် ပေါ်လာတဲ့ စိတ်ကို ရှုရုံပဲ(မှန်ပါ)။

For example, U Ma Din observes, U Than Maung observes, U Ba Htwe observes. You must observe the mind that arises within your own continuity. And what kind of person are you? You are an ordinary worldling (Puthujjana). (True, Sir). Since you are a worldling, you simply observe the mind that arises in a worldling's continuity. (Yes, Sir).

ရှေ့စိတ်ကို နောက်ဉာဏ်နဲ့ရှုပါ

Observe the Front Mind with the Rear Knowledge

ကိုယ့်သန္တာန် ဈာန်စိတ် ပေါ်လာလိမ့်မယ်၊ လောကုတ္တ ရာ စိတ် ပေါ်လာလိမ့်မယ်၊ ဒါတွေ မယူပါနဲ့၊ ကိုယ်မွေး ကတည်းက ကိုယ့်သန္တာန် ဖြစ်ကောင်းတဲ့စိတ်က ၃၇ ပဲရှိတယ်၊ အဲဒီတော့ ဒီ ၃၇ ထဲက အလှည့်နဲ့ပေါ်နေတာပဲ (မှန်ပါ)၊ ပေါ်နေတဲ့စိတ် ကလေးကို ဒကာ ဒကာမတွေက ရှေ့စိတ်ကို နောက်ဉာဏ်နဲ့ ရှု ရုံပဲ၊ ရှေ့စိတ်ကို နောက်ဉာဏ်နဲ့ ရှုလိုက်တဲ့ အခါကျတော့ကို ဘာ ဖြစ်သလဲလို့မေးဖို့ မလိုဘူးလား (လိုပါတယ်)။

Jhana minds might arise in your continuity, or Supramundane (Lokuttara) minds might arise—do not take those. From the time you were born, there are only 37 types of mundane minds that can arise in your continuity. You are simply experiencing these 37 in turn. (True, Sir). Yogis, you must simply observe the front mind (the one that just arose) with the rear knowledge (the observing mind). When you observe the front mind with the rear knowledge, is it not necessary to ask what happens? (It is necessary, Sir).

ဥပမာမယ် ဒါက စားချင်တဲ့ စိတ်ကလေး (မှန်ပါ)၊ ဝမ်းထဲမှာ စားချင်တဲ့ စိတ်ကလေးပေါ်တယ်၊ ဒီစားချင်တဲ့ စိတ်ကလေး ပေါ်လာတော့ ဒီစားချင်တဲ့ စိတ်ကလေးဟာ ရှေးဦးစွာ မှတ်ထားပါ၊ သူ့အသက်တမ်းဟာခဏကလေးပဲရှိတယ်။ ၁-၂ ဆိုသေတာပဲ၊ ၁-မှာဖြစ်တယ်၊ ၂-မှာသေတယ်(မှန်ပါ)၊ လက်ဖျစ်တစ်တွက်ဆိုရင် မရှိဘူး သူက (မှန်ပါ)။

For example, a "wanting-to-eat" mind arises. (Yes, Sir). A mind desiring food appears within. When this wanting-to-eat mind arises, first mark this: Its lifespan is incredibly short. It arises at 1, and by 2, it is dead. (True, Sir). Within the snap of a finger, it is gone. (True, Sir).

ဒါဖြင့် ဒီစိတ်ကလေးသည် ဖြစ်မှုပျက်မှုသာရှိတယ်ဆိုပြီး သကာလ ဘုန်းကြီးတို့ ဒကာ ဒကာမတွေက မဂ္ဂင်ငါးပါးနဲ့လိုက် ပါ(မှန်ပါ)။

Therefore, realizing that this mind has only the nature of arising and perishing, you Yogis must follow it with the Five Factors of the Path. (Yes, Sir).

အဲဒီတော့ မဂ္ဂင်ငါးပါးနဲ့ ဆိုတော့ တပည့်တော်တို့က ရေတွက် လိုက်နေရမှာလားလို့ ဒကာ ဒကာမတွေက မေးလို့ရှိရင် မဟုတ်ပါဘူးတဲ့၊ ဒီစိတ်ကို ရှုဖြစ်အောင်သာ ရှုပါ (မှန်ပါ)။ ပေါ်လာတဲ့ စိတ်ကို မရှိဘူး သိအောင်သာ ရှုပါ။ ခင်ဗျားတို့ သန္တာန် မှာ ဒီမဂ္ဂင်ငါးပါး ပေါ်ပါတယ် (မှန်ပါ)၊ သဘောကျပလား (ကျပါပြီ)။

If you ask, "Do we have to count these five factors while observing?" No, you do not. Just ensure you observe the mind. (Yes, Sir). Just observe to know that the arisen mind is no longer there. These Five Path Factors will naturally arise within your continuity. (True, Sir). Do you grasp this? (Yes, Sir).

မဂ္ဂင်ငါးပါးဆိုတာ

The Five Factors of the Path

ဒီငါးပါးက ဘာဖြစ်လို့ပေါ် ရတာမေးတဲ့ အခါကျတော့ ဒီငါးပါးထဲမှာ သမ္မာဒိဋ္ဌိ ဆိုတာက စိတ်အပျက်ကို အမှန်သိတာ၊ သမ္မာသင်္ကပ္ပ ဆိုတာက ကြံစည်တာ၊ ကြံစည်တာက ဘာတုံးဆိုတော့ သမ္မာဒိဋ္ဌိ မြင်မှုကို မြင်ကွက် ဖော်ပေးတာ (မှန်ပါ)၊ သမ္မာ ဒိဋ္ဌိက မြင်တတ်တယ်၊ သမ္မာသင်္ကပ္ပက မြင်ကွက် ဖော်ပေးတယ် (မှန်ပါ)။

When asked why these five arise: Within these five, Right View (Samma Ditthi) is the one that correctly sees the perishing of the mind. Right Thought (Samma Sankappa) is the aiming. What does it aim at? It opens the field of vision for Right View. (True, Sir). Right View sees; Right Thought opens the aperture. (True, Sir).

သတိက ဘယ်သူလာလာ သတိထားမယ်၊ သမာဓိက တော့ ဘယ်သူလာလာ အာရုံဘက်ကို စိုက်မယ်၊ ဝီရိယကလည်း ဘယ်စိတ် လာလာ သူက အားစိုက်ပြီး အလုပ်လုပ်မယ် ဆိုပြီး၊ ဒီငါးခုက တစ်ခါတည်း ဖြစ်ဖေါ်ဖြစ်ဖက် ဖြစ်ပြီး သကာလ၊ တစ်ခုသောစိတ် ပေါ်လာလို့ ဒို့က ရှုတော့မယ် ဆိုလို့ရှိရင်၊ ဒါဟာ ခွဲ ပြီးတော့ ဘယ်တော့မှ မဖြစ်ဘူးလို့မှတ်ပါ (မှန်ပါ)၊ ငါးခု တစ် ပြိုင်နက်တည်း ဖြစ်တယ် (မှန်ပါ)၊ ရှင်းပလား (ရှင်းပါပြီ)။

Mindfulness (Sati) says, "Whoever comes, I will be mindful." Concentration (Samadhi) says, "Whoever comes, I will focus on the object." Effort (Viriya) says, "Whatever mind comes, I will work with energy." These five become companions and arise simultaneously. When a mind arises and we decide to observe it, mark this: They never work separately. (True, Sir). All five arise at the exact same moment. (True, Sir). Is that clear? (Yes, Sir).

ဒါဖြင့် ဒီငါးခုက ခင်ဗျားတို့က ရှုတဲ့ဉာဏ်စိတ်၊ ဒီကအရှု ခံတဲ့စိတ် (မှန်ပါ)၊ ရှင်းပလား (ရှင်းပါပြီ)။

So, these five are your observing Insight Mind. The other is the observed mind. (True, Sir). Is that clear? (Yes, Sir).

အရှုခံတဲ့စိတ်ကို ရှုဉာဏ်နဲ့လိုက်ပါ

Follow the Observed Mind with the Observing Wisdom

ဒါဖြင့် အရှုခံတဲ့စိတ်ကို ရှုဉာဏ်နဲ့လိုက်ပါ(မှန်ပါ)။ အရှုခံတဲ့စိတ်ကို ရှုဉာဏ်နဲ့ လိုက်လိုက်တဲ့ အခါကျတော့ စိတ်က ဘာပြောသတုံးလို့ မေးတဲ့ အခါကျတော့ ကျုပ်ဟာ စိတ်လည်း ဟုတ်ပါတယ်၊ သို့သော် စိတ် အနိစ္စပါလို့ ပြောသွားတယ် (မှန်ပါ)၊ စိတ်လည်း စိတ်ပဲတဲ့။ သို့သော် ခင်ဗျားတို့ ကြည့်တဲ့ အချိန် မှာ ကျုပ် မရှိဘူးတဲ့၊ မရှိတော့ ခင်ဗျားတို့ ကြည့်တဲ့ အချိန်မှာ ကျုပ်ဟာ သေပါပြီတဲ့၊ သူက ပြောသလို လုပ်သွားတယ် (မှန်ပါ)။

Therefore, follow the observed mind with the observing Wisdom. (Yes, Sir). When you follow the observed mind with Wisdom, if you ask what the mind says, it confesses: "I am indeed a mind, but I am Impermanent (Anicca)." (True, Sir). It says: "Mind is just mind. But when you look for me, I am not there. By the time you look, I am dead." It acts exactly as it speaks. (True, Sir).

ဒါဖြင့် အရှုခံ တရားက စိတ်လည်း ကျုပ်ပါပဲ၊ သေတာ လည်း ကျုပ်ပါပဲလို့ သူပြော သွားတယ် (မှန်ပါ)၊ ပြောသွားတော့ ဒကာ ဒကာမတွေက ဒီကနေ ဝမ်းထဲက နေပြီး ဉာဏ်နဲ့ လိုက်လိုက်ပါ။ ကိုယ့်စိတ် ကိုယ်မပိုင်ဘဲကိုး (မှန်ပါ)။

So, the object of observation says: "I am the mind, and I am the one that died." (True, Sir). Since it speaks thus, you Yogis must follow it from within with Insight. You don't own your own mind, do you? (No, Sir).

ဒါက ကိုယ့်စိတ် ကြည့်လိုက်တဲ့ အခါကျတော့ တည်တံ့ - ပါဦး၊ ခိုင်ခံ့ပါဦး ဆိုလို့ ရရဲ့ လား (မရပါဘူး)။

မရတော့ ဒီတရားသည် အနိစ္စလည်း ဟုတ်တာပဲ၊ ပျက်စီး သွားတယ်၊ ဒုက္ခကော (ဟုတ်ပါတယ် ဘုရား)၊ အနတ္တကော (ဟုတ်ပါတယ် ဘုရား)။

When you look at your own mind, if you say "Please stay, please be solid," can you make it stay? (No, we cannot, Sir). Since you cannot, this phenomenon is indeed Impermanence (Anicca). It perished, so it is Suffering (Dukkha). And is it not Non-Self (Anatta)? (It is, Sir).

ဖြစ်ပျက်မှုကို ဉာဏ်တည့်လိုက်ပါ

Aim Your Insight Directly at Arising and Passing

အဲ တစ်ခါတည်း ဖြစ်မှုနဲ့ ပျက်မှုကို တစ်ခါတည်း ဒကာ ဒကာမတွေက ဉာဏ်တည့် လိုက်သည်နဲ့ တစ်ပြိုင်နက် တည်း အနိစ္စ, ဒုက္ခ, အနတ္တ၊ ဒုက္ခသစ္စာတွေ တစ်ပြိုင်တည်း မြင်တယ် (မှန်ပါ)၊ ဘယ်သူက မြင်သတုံး ဆိုတော့ ရှုတဲ့တရား ငါးပါးက မြင်ပါတယ်(မှန်ပါ)၊ ရှင်းပလား (ရှင်းပါပြီ)။

When you aim your Insight directly at the Arising and Passing Away, you simultaneously see Anicca, Dukkha, Anatta—the Truth of Suffering. (True, Sir). Who sees this? The five observing factors see it. (True, Sir). Is that clear? (Yes, Sir).

ဒါဖြင့် ခင်ဗျားတို့ သန္တာန်မှာ ဦးမာဒင် သန္တာန်ဖြစ်စေ၊ ဦးသန်းမောင် သန္တာန်မှာဖြစ်စေ၊ ဦးဗထွေး သန္တာန်မှာ ဖြစ်စေ ခင်ဗျားတို့ ပုဂ္ဂိုလ်၏ ရထိုက်တဲ့ စိတ်ကို ရှုရမှာပဲ (မှန်ပါ)၊ မရတဲ့ စိတ် လာကို မလာဘူး (မှန်ပါ)၊ လာပါ့မလား (မလာ ပါဘူး)။

Therefore, within the continuity of U Ma Din, U Than Maung, or U Ba Htwe, you must observe the minds that are appropriate to your state. (True, Sir). Minds that you haven't attained will not come. (True, Sir). Will they? (No, Sir).

ခင်ဗျားတို့ သန္တာန်မှာ အခု အချိန်များ သောတာပန် စိတ် လည်း မလာသေးဘူး၊ သကဒါဂါမ် စိတ်ကော (မလာသေးပါ ဘူး)၊ အနာဂါမ်စိတ်ကော (မလာသေးပါဘူး)၊ ရဟန္တာ စိတ်ကော (မလာသေးပါဘူး)။

At this moment in your continuity, the mind of a Stream Enterer (Sotapanna) has not yet come. The mind of a Once-Returner? (Not yet, Sir). The mind of a Non-Returner? (Not yet, Sir). The mind of an Arahant? (Not yet, Sir).

ဘာကိုရှုရမှာတုံး

What Should We Observe?

ဒါဖြင့် ဘာရှုရမှာတုံးဘုရာ့ဆိုတော့ ခင်ဗျားတို့ သန္တာန် စိတ်ကင်းလည်း သေမှာပဲ။ စိတ်နဲ့ အသက်ရှင်နေတာ (မှန်ပါ)၊ စိတ်ကင်းရင် သေမှာပဲ ဆိုတာ စိတ်ဟာ မပြတ်ပေါ်နေလိမ့်မယ် (မှန်ပါ)၊ မပြတ်ပေါ်နေတော့ ပေါ်လာတဲ့စိတ်ဟာ တစ်စိတ်ပြီး တစ်စိတ် ပေါ်နေတယ် (မှန်ပါ)။

"So, what should we observe, Sir?" If you are without mind, you would be dead. You are alive because of the mind. (True, Sir). Since "being without mind means death," the mind must be arising incessantly. (True, Sir). Since it arises incessantly, minds are appearing one after another. (True, Sir).

စောင့်ကြည့်နေရုံပဲ

Just Watch and Wait

အဲဒီ ပေါ်လာတဲ့စိတ်ကို ဒကာ ဒကာမတွေက မလွတ် တမ်း နောက်က နေပြီး သကာလ၊ ဒီစိတ်တွေကို အနိစ္စတွေပဲ အနိစ္စတွေပဲလို့ သူကလည်း ပြောသွားတဲ့ အတွက်၊ ဖြစ်ပြီး ပျက်တဲ့ သဘောတွေကို ချုပ်သွားတဲ့ ဓမ္မတွေက ပြောသွားတဲ့ အတွက်၊ အနိစ္စပဲ အနိစ္စပဲလို့ ပါးစပ်ကလည်း မမြည်ဘဲနဲ့ အားလည်း မထုတ် ဘဲနဲ့ စောင့်ကြည့်နေရုံပါပဲ (မှန်ပါ)။

Yogis, you must follow the arising mind without letting it slip. Because these minds tell you they are Impermanent (Anicca)—because the phenomena arise and then cease—you don't need to chant "Anicca, Anicca" with your mouth. You don't need to use physical force. Just stand guard and watch. (Yes, Sir).

စောင့်ကြည့်နေတဲ့ အခါကျလို့ ရှိရင်ဖြင့် ချုပ်သွားတာက အနိစ္စ၊ ကြည့်တာက အနိစ္စဉာဏ် (မှန်ပါ)၊ ရှုတာက အနိစ္စ ဉာဏ် (မှန်ပါ)၊ သဘောကျပလား (ကျပါပြီ)။

When you watch like that, *what ceases is Impermanence (Anicca); the mind that observes it is Insight Knowledge (Anicca-nana).* (True, Sir). The observing mind is Insight Knowledge. (Yes, Sir). Do you grasp this? (Yes, we do, Sir).

ချုပ်သွားတာက (အနိစ္စပါ)၊ ရှုတာက (အနိစ္စ ဉာဏ်ပါ)။ ဒါဖြင့် ခင်ဗျားတို့မှာ အနိစ္စရှိလို့ အနိစ္စဉာဏ် ပေါ်တယ် (မှန်ပါ)။

What ceases? (Impermanence, Sir). What observes? (Insight Knowledge, Sir). So, because there is Impermanence within you, Insight Knowledge arises. (True, Sir).

အနိစ္စဉာဏ်ဆိုတာမဂ္ဂင်ငါးပါး

Insight Knowledge is the Five Factors of the Path

ဒါဖြင့် အနိစ္စဉာဏ်ဆိုတာ တခြားလား အောက်မေ့နေ တယ်။ ဒို့ရှုတဲ့ မဂ္ဂင်ငါးပါး ဆိုတာကိုးလို့ မှတ်ထားပါ(မှန်ပါ)။

You might wonder if "Insight Knowledge" is something strange. Mark this: It is simply the Five Factors of the Path that observes. (Yes, Sir).

ရှုတာက မဂ္ဂင်ငါးပါး။ မဂ္ဂင်ငါးပါးကို ဒကာ ဒကာမတွေ က မှတ်လိုက်စမ်းပါ၊ အနိစ္စဉာဏ် ဆိုတာလည်း သူပဲ။ ဒုက္ခဉာဏ် ဆိုတာလည်း သူပါပဲ (မှန်ပါ)၊ အနတ္တဉာဏ် (သူပါပဲ)။ ဒုက္ခသစ္စာ သိတဲ့ဉာဏ် (သူပါပဲ)။

The observing mind is the Five Factors of the Path. Yogis, please note this: That Knowledge of Impermanence is just this Path. The Knowledge of Suffering (Dukkha) is also this. (Yes, Sir). The Knowledge of Non-Self (Anatta) is also this. The Knowledge that realizes the Truth of Suffering is also this. (Yes, Sir).

ဒါဖြင့် ဒကာ ဒကာမတွေ ကိုယ့်စိတ်ကို ကိုယ်ရှုပါ (မှန်ပါ)၊ သဘောကျပလား (ကျပါပြီ)။

Therefore, Yogis, observe your own mind. (Yes, Sir). Do you agree? (Yes, we do, Sir).

ဒါဖြင့် ဘုန်းကြီးက ဂဏန်းတပ်ပေး လိုက်တယ်။ ၁-ဟာ ရှုစရာ။ ၂-ဟာ ရှုတာ (မှန်ပါ)၊ ၁-နဲ့ ၂-ကြားမှာ ဘာမှ မလာဘဲနဲ့ ခင်ဗျားတို့ ၁-က ရှုစရာ၊ ၂-က ရှုတာ၊ ရှုစရာကို ရှုတာနဲ့ ကိုက် သွားအောင် လုပ်နေလို့ ရှိရင်ဖြင့် မနက် အားထုတ် ညနေ ရနိုင် တယ် (မှန်ပါ)။

I will assign numbers to this. Number 1 is the object to be observed. Number 2 is the observing mind. (Yes, Sir). If nothing intervenes between 1 and 2—if the observing mind (2) fits perfectly with the object (1)—you could start practicing in the morning and attain the Path by evening. (True, Sir).

ဟာ- ရှုစရာက ချုပ်သွားတာ ကြာလှပြီ၊ ရှုတဲ့စိတ်က မရှု မိဘူး၊ ကြားထဲမှာ တစ်ခါတည်း တပည့်တော်တို့ သားကလေး ခင်တဲ့စိတ်၊ သမီးကလေး ခင်တဲ့စိတ်၊ မြေးကလေး ခင်တဲ့စိတ် သုံးစိတ်လောက် ဝင်နေမယ် ဆိုလို့ရှိရင် သုံးစိတ်လောက် ဝင်ပြီးတော့မှ ရှုဦးမှာပဲ ဆိုပြီး ရှုစရာ တစ်ခု ပေါ်လာလို့ ဒီက ရှုတော့ သုံးခု လောက် ခြားမသွားဘူးလား (ခြားသွားပါတယ်)၊ အဲဒါ ကိလေသာ သုံးခု ခြားတာလို့သာ မှတ်ပါ (မှန်ပါ)၊ သဘောကျပလား (ကျပါပြီ)။

However, if the object (1) ceased long ago, and the observing mind (2) failed to note it, and in between, thoughts of loving your son, daughter, or grandchild intruded—say, three such thoughts—then when you finally try to observe, haven't three thoughts already created a gap? (Yes, they have, Sir). *Realize that three Defilements (Kilesas) have intervened.* (Yes, Sir). Is that clear? (Yes, Sir).

ကိလေသာခြားရင် မဂ်ရဖို့နှေးလိမ့်မယ်

If Defilements Intervene, the Path Slows Down

ဘာခြားသတုံး (ကိလေသာခြားပါတယ် ဘုရား)၊ ကိလေသာ ခြားသွားလို့ ရှိရင်ဖြင့် ဘုရားသခင် ကိုယ်တော်မြတ်ကြီး က ဟောဒီမဂ္ဂင်ငါးပါးက ရှစ်ပါး ဖြစ်ဖို့ နှေးလိမ့်မယ်တဲ့ (မှန်ပါ)၊ ဘာဖြစ်လို့တုံး (ကြားမှာ ကိလေသာ ခြားလို့ပါ)။

What intervened? (Defilements intervened, Sir). If Defilements intervene, the Lord Buddha taught that these Five Factors of the Path will be slow to mature into the Eight Factors. (True, Sir). Why is that? (Because Defilements intervened, Sir).

မဂ်တားဖိုလ်တားတဲ့ရန်သူ

The Enemy Blocking the Path

အဲဒီတော့ ခင်ဗျားတို့၏ မဂ်ဖိုလ်တားတဲ့ ရန်သူ အကြီး ဆုံးကို ယနေ့ ဟောတာပဲတဲ့၊ ကိလေသာ ကြားထိုးတာ ရန်သူ အကြီးဆုံး (မှန်ပါ)၊ ရှင်းပလား (ရှင်းပါပြီ)။

So today, I am preaching about the greatest enemy that blocks the Path and Fruition (Magga-Phala). The Defilements that cut in are your greatest enemies. (True, Sir). Is that clear? (Yes, it is, Sir).

ဘယ်သူ ရန်သူ အကြီးဆုံးပါလိမ့် (ကိလေသာ ကြား ထိုးတာ ရန်သူအကြီးဆုံးပါ)။

Who is the greatest enemy? (The intervening Defilements are the greatest enemy, Sir).

မှတ်ကြစမ်းပါ၊ ဒီဥစ္စာ သေသေချာချာ မှတ်ပါ၊ သေသေ ချာချာ မှတ်ပါ၊ ခင်ဗျားတို့၏ ရန်သူ အကြီးဆုံးဟာ ခင်ဗျားတို့မှာ ရှိတယ်၊ အဲဒီရှိတဲ့ ရန်သူကြောင့် ခင်ဗျားတို့ သံသရာထဲမှာ အိုဘေး၊ နာဘေး အပါယ်ဘေးတွေ သင့်နေတာ (မှန်ပါ)။

Please mark this well. Mark this with absolute certainty. Your greatest enemy exists within you. Because of this enemy, you face the dangers of aging, sickness, and the Lower Realms (Apaya) throughout Samsara. (True, Sir).

အဲဒီရန်သူ ဘယ်သူတုံး ဆိုတော့ ဒကာ ဒကာမတို့ သိတဲ့ အတိုင်း ဝိပဿနာ မရှုလို့ရှိရင် သူတို့ချည်း နေတယ်၊ ကိလေသာ ချည်းနေတာပဲ (မှန်ပါ)၊ သဘောကျပလား (ကျသွားပါ ပြီ)၊ ဝိပဿနာ ရှုလို့ရှိရင်လည်း သူက ကြားခိုတတ်တယ် (မှန်ပါ)။

Who is this enemy? As you Yogis know, if you do not practice Vipassana, only they reside within you—only Defilements reside there. (True, Sir). Do you see? (Yes, we do, Sir). Even when you practice Vipassana, they tend to cut in. (Yes, Sir).

ဝိပဿနာ ရှုတဲ့ အခါမှာလည်း (ကြားခိုတတ်ပါ တယ်)၊ ဒါ ခင်ဗျားတို့၏ အကြီးဆုံး ရန်သူပဲ (မှန်ပါ)။ ကိလေသာ မာရ်နတ်လို့ ခေါ်ပါတယ် (မှန်ပါ)၊ ရှင်းပလား (ရှင်းပါပြီ)။

Even when you are practicing, do they interfere? (They tend to interfere, Sir). This is your greatest enemy. (True, Sir). It is called the Demon of Defilements (Kilesa-Mara). (Yes, Sir). Is that clear? (Yes, it is, Sir).

ကိုယ့်ကိလေသာက တားတာ

Your Own Defilements Block You

ကိလေသာမာရ်နတ် ဆိုတဲ့ ဥစ္စာက သူများ လာတားတာ လား၊ ကိုယ့်ကိလေသာက တားတာလား (ကိုယ့်ကိလေသာ တားတာပါဘုရား)၊ အဲ ကိလေသာက လောဘလည်း ကိလေသာ, ဒေါသလည်း ကိလေသာ, မောဟလည်း ကိလေ သာ, မာနလည်း ကိလေသာ, ဒိဋ္ဌိလည်း ကိလေသာပဲ။ ဝိစိကိစ္ဆာ လည်း (ကိလေသာပါပဲ)၊ ဥဒ္ဓစ္စလည်း ကိလေသာပဲ၊ အဟီရိကလည်း ကိလေသာပဲ၊ အနောတ္တပ္ပလည်း ကိလေသာပဲ (မှန်ပါ)။

Does this "Demon of Defilement" come from someone else to stop you, or is it your own Defilement stopping you? (Our own Defilement stops us, Sir). Indeed. Greed (Lobha) is a Defilement. Anger (Dosa) is a Defilement. Delusion (Moha) is a Defilement. Pride (Mana), Wrong View (Ditthi), Doubt (Vicikiccha), Restlessness (Uddhacca), Shamelessness (Ahirika), Recklessness (Anottappa)—all are Defilements. (True, Sir).

ကိလေသာ ဆယ်ပါး ကြားထိုး နေလို့ရှိရင် ခင်ဗျားတို့ သည် ကြာသွားတာပဲ၊ ဖြစ်ပျက်-မဂ် ကြားမှာ သူတို့ တစ်ခုခု ကြားထိုး နေလို့ရှိရင် ကြာသွားမှာပဲ၊ မဂ္ဂင်ငါးခုက မဂ္ဂင်ရှစ်ပါးမဖြစ် နိုင်ဘူး (မှန်ပါ)၊ အလျင်တော့ ငါးပါးနဲ့ ရှုရှုနေတာ၊ ကြား မထိုးလို့ ရှိရင် ခဏကလေး ရှစ်ပါး ဖြစ်မယ် (မှန်ပါ)၊ ရှစ်ပါး ဖြစ်ရင် သောတာပန် တည်မယ် (မှန်ပါ)၊ ရှင်းပလား (ရှင်း ပါပြီဘုရား)။

If these ten Defilements intervene, you are delayed. If something cuts in between the Arising-Passing and the Path, it will take time. The Five Factors cannot transform into the Eight Factors. (True, Sir). Initially, you observe with Five Factors. If nothing intervenes, they will transform into the Eight Factors in a split second. (True, Sir). If they become Eight, you will become a Stream-Enterer (Sotapanna). (True, Sir). Is that clear? (Yes, it is, Sir).

ဝိပဿနာမဂ္ဂင်ငါးပါး

The Five Factors of Vipassana

ဒါဖြင့် အခု ဖြစ်ပျက်ကို မြင်ရင် ဪ ဖြစ်သွားပြီ။ ပျက်သွားပြီလို့ မြင်လိုက်လို့ ရှိရင်ဖြင့် ဒါငါးပါးနဲ့ သိနေတာ (မှန်ပါ)၊ သဘောကျပလား (ကျပါပြီ)၊ ဒါကို ဝိပဿနာမဂ် လို့ ခေါ်တယ် (မှန်ပါ)။

So, if you see the Arising and Passing Away—"Oh, it has arisen! It has passed!"—you are knowing it with the Five Factors. (True, Sir). Do you grasp this? (Yes, Sir). This is called Vipassana Magga. (Yes, Sir).

ဝိပဿနာ မဂ်ဆိုတာ မဂ္ဂင် ဘယ်နှစ်ပါးတုံး (ငါးပါးပါ ဘုရား)၊ သမ္မာဒိဋ္ဌိ, သမ္မာသင်္ကပ္ပ၊ သမ္မာဝါယာမ, သမ္မာသတိ, သမ္မာသမာဓိ၊ ဒါ ဝိပဿနာ မဂ္ဂင်ငါးပါးပဲ (မှန်ပါ)။ ဒါဖြင့် ခင်ဗျားတို့ စိတ်ကို ခင်ဗျားတို့ပါ ဆိုတော့၊ ခင်ဗျား တို့စိတ်ကို ဘယ်လောက်ရှိသတုံးလို့ မသိတော့၊ မနေ့က ဘုန်းကြီး က စိတ္တာနုပဿနာ ရှုရမည့် အာဟာရ ဆယ့်ခြောက်ပါးထဲမှ ပြောလိုက်တယ်၊ ဦးဗထွေး ခင်ဗျားတို့ရှုဖို့ ဆယ်သုံးခု ရှိတယ် (မှန်ပါ)၊ ဒီဆယ့်သုံးခုကတော့ အလှည့်နဲ့ ပေါ်မှာပဲ (မှန်ပါ)၊ ဒီ ဆယ့်သုံးခု တစ်ခုမှ မပေါ်ရင် ခင်ဗျားတို့ သေပြီလို့ ဆုံးဖြတ်ချက် ချ (မှန်ပါ)။

How many factors are in Vipassana Magga? (Five Factors, Sir). Right View, Right Thought, Right Effort, Right Mindfulness, Right Concentration. These are the Five Factors of Vipassana. (True, Sir). Therefore, I say "your mind" because you must observe it. But since you don't know how many minds there are, yesterday I listed thirteen specific minds for you to observe, selected from the sixteen types in Cittanupassana. U Ba Htwe, there are thirteen for you to observe. (Yes, Sir). These thirteen will appear in turns. (Yes, Sir). If none of these thirteen appear, you must decide that you are dead. (True, Sir).

ပေါ်တဲ့စိတ်ကို မဂ္ဂင်နဲ့ရှုပေး

Observe the Arising Mind with the Path

ဒါဖြင့် ခင်ဗျားတို့ ခန္ဓာကိုယ်ကြီးကို မသေအောင်စောင့် ရှောက်နေတဲ့စိတ် ဘယ်နှစ်စိတ်တုံး မေးရင် ဘယ့်နှယ်ပြောမလဲ (ဆယ့်သုံးပါးပါဘုရား)၊ အဲဒီ ဆယ့်သုံးစိတ်ကို ခင်ဗျားတို့က ပေါ်တဲ့စိတ်ကို နောက်က မဂ္ဂင်နဲ့ မလွတ်တမ်း ရှုပေးပါ (မှန်ပါ)။

If asked how many minds protect this body from death, what would you say? (Thirteen minds, Sir). You must follow those thirteen minds; whenever one arises, observe it immediately with the Path Factors without missing it. (Yes, Sir).

မလွတ်တမ်း ရှုပေး ဆိုတော့ ထိုင်ပြီးတော့ ဒကာ ဒကာမ တွေက ကြည့်နေပါ။ ထိုင်ပြီး ကြည့်နေတော့ ပထမ ရှေးဦးစွာ ရှု တဲ့စိတ်ကလေး ရှုပါ။ လေကို မလိုချင်ဘူး၊ စိတ္တာနုပဿနာဆို တော့ စိတ်ကို ရှုရမှာ၊ ထွက်တဲ့ စိတ်ကလေးကို သြော် ထွက်အောင် လုပ်ပြီး ပျက်သွားတာပဲ၊ ရှိုက်တဲ့ စိတ်ကလေးကလည်း ရှိုက်အောင် လုပ်ပြီးတော့ (ပျက်သွားပါတယ် ဘုရား)၊ သူတို့ နှစ်ခုချည်း လှည့်နေတာပဲ (မှန်ပါ)။

When I say "without missing," I mean the Yogis should sit and watch. Start by sitting and watching. First, observe the primary mind. We don't want the air (wind element); since this is Cittanupassana, we must observe the mind. The mind that causes the breath to go out—"Oh, it pushes the air out and then perishes." The mind that causes the breath to come in also pushes the air in and then perishes. (Yes, Sir). These two just keep rotating. (True, Sir).

ဒါဖြင့် ဒီနှစ်စိတ်ချည်း လှည့်ရှု နေဦး၊ ဉာဏ်ကလေးနဲ့ လှည့်နေရမယ် (မှန်ပါ)၊ ဒါ ဉာဏ်အမြင်နော် (မှန်ပါ)။ ဝမ်းထဲမှာ ရှိတဲ့စိတ်ကို မျက်လုံးနဲ့ကြည့်လို့ မမြင်ပါဘူး၊ ဉာဏ်အမြင်နဲ့ လိုက်ပါ(မှန်ပါ)၊ ဉာဏ်အမြင်နဲ့ ဆိုတာက ခင်ဗျားတို့ ရှင်း ရှင်းပဲ ပြောပါ့မယ်၊ ဉာဏ်အမြင်က သာပြီး ထိုးထွင်းပါတယ် (မှန်ပါ)။

So, keep observing this rotation of two minds. You must rotate your Wisdom (Nana) along with them. (Yes, Sir). This is seeing with Wisdom. (Yes, Sir). You cannot see the mind within you with your physical eyes; you must follow it with the Eye of Wisdom. (Yes, Sir). Let me be clear: The Eye of Wisdom penetrates much deeper. (True, Sir).

ဖရဲသီးဥပမာဉာဏ်အမြင်

The Watermelon Analogy

ကျုပ်တို့ ဒိုက်ဦးဆီ ဘယ်ဆီကျတော့ ဖရဲသီးကြီးတွေ တွေ့ကြပါလိမ့်မယ် (မှန်ပါ)၊ ခင်ဗျားတို့က ကြည့်လိုက်တယ်၊ ဒီဖရဲသီး ရင့်သလား မရင့်ဘူးလားဆိုတာ ပုတ်ပြီး ကြည့်ရင် သိ တယ် (မှန်ပါ)။

When we go to Daik-U or somewhere similar, we see big watermelons. (Yes, Sir). You look at one. You tap it to see if it is ripe. (Yes, Sir).

ရင့်ရင်ဖြင့် သြော် အတွင်းမှာ အစေ့မည်းတယ်ဆို တာ ခင်ဗျားတို့ သိပါတယ် (မှန်ပါ)၊ ဒါ မျက်လုံးနဲ့ ကြည့်တာ လား (ဉာဏ်အမြင်နဲ့ ကြည့်တာပါ ဘုရား)၊ ခွဲကြည့်တော့ လည်း အဟုတ်မည်း နေတာပဲ (မှန်ပါ)။

If it sounds ripe, you know the seeds inside are black. (Yes, Sir). Did you see with your eyes? (We saw with our Wisdom, Sir). When you cut it open, it is indeed black. (True, Sir).

အဲဒီ ဉာဏ်မျိုးနဲ့ ဖရဲသီးကို ပြင်ဘက်ကနေပြီး ကြည့် သော်လည်း အတွင်းသိနိုင်သလို၊ ဝမ်းထဲမှာ စိတ်ကလေးဟာ လည်း မွေးလိုက်, သေလိုက် ဖြစ်လိုက်, ပျက်လိုက်၊ ဖြစ်လိုက် ပျက်လိုက်နဲ့ သူဖြစ်တဲ့ အကြောင်းကို ကျုပ်တို့ သက်သေခံ လုံလောက်အောင် ပြပါ့မယ် (မှန်ပါ)။

Just as wisdom can know the inside from the outside, I will prove that the mind within arises and passes away—it is born, it dies; it arises, it perishes. (Yes, Sir).

လေထွက်စေတဲ့စိတ်

The Mind Causing Exhalation

ပထမ လေထွက်စေတဲ့ စိတ်ကလေး မလာလို့ရှိရင် ထွက်လေကို မလာဘူး (မှန်ပါ)၊ လေရှိုက်တဲ့ စိတ်ကလေး - အတွင်းမှာ မဖြစ်သေးလို့ရှိရင် ဒကာ ဒကာမတို့ လေကို အတွင်းကို ဝင်လို့ မရဘူး (မှန်ပါ)။

First, if the mind that causes exhalation does not arise, the breath will not go out. (True, Sir). If the mind that causes inhalation does not arise within, the breath cannot enter. (True, Sir).

လေအတွင်းသွင်းတဲ့စိတ်

The Mind Causing Inhalation

ဒါဖြင့် ဒီစိတ်ကလေးသည် လေ့ကိုထွက်အောင် လုပ်တဲ့ စိတ်ကလေးကလည်း သူဖြစ်ပျက် ပျောက်ပြီးမှ လေပြင်ဘက် ရောက်တယ် (မှန်ပါ)၊ လေအတွင်းကို သွင်းတဲ့ စိတ်ကလေး ကလည်း ဖြစ်ပေါ်ပြီး ချုပ်သွားမှာပဲ၊ လေကလေးက လိုက်လာ တယ်(မှန်ပါ)၊ အတွင်းပြန် လိုက်လာတယ်။

Therefore, the mind that pushes the air out arises, performs its function, and perishes before the air reaches the outside. (True, Sir). The mind that pulls the air in also arises and ceases, and the breath follows. (True, Sir). It goes inside.

အဲဒီလို ဝမ်းထဲမှာ စိုက်ပြီး ပျက်ပြန်ပြီ၊ ဒီဘက်ကပျက် ပြန်ပြီး ဒီဘက်က ပြန်ဖြစ်ပြန်ပြီလို့ သူတို့ကို လိုက်နေပါ (မှန်ပါ)။

You must track them: "It perished inside here. It perished there. Now it arises again here." (Yes, Sir).

ကောင်းပြီ၊ ဒါဖြင့် သူတို့နှစ်ခုကို အိမ်သည်စိတ် နှစ်ခုကို ဦးမာဒင်တို့က လိုက်နေပေါ့ဗျာ (မှန်ပါ)၊ လိုက်နေရင်း မတ္တနဲ့ နားထဲမှာ ဟိုက အခုရိုက်နေတဲ့ ဓာတ်မီးကြိုး သွယ်တဲ့လူက တူကလေးနဲ့ ဒေါင်ဆို ရိုက်လိုက်တယ်၊ ရိုက်လိုက်တော့ မကြား ပေဘူးလား ဦးသန်းမောင်တို့ (ကြားပါတယ်)။

Good. U Mya Din, keep following these two "Host" minds. While doing so, suppose a worker installing a wire strikes with a hammer—Clang! Don't you hear it, U Than Maung? (We hear it, Sir).

ကြားတဲ့စိတ်

The Hearing Mind

ဒီဥစ္စာ ကြားတဲ့စိတ် ပေါ်တယ်၊ ဒီစိတ် အခုမရှိဘူး၊ မရှိ တော့ ကြားစိတ်ကလေးကိုပဲ ဒီမဂ္ဂင်က လိုက်နေ (မှန်ပါ)၊ ကြားစိတ် ကလေးကလည်း ကြားပြီးတော့ သြော် ကြားစိတ် ကလေးလည်း ပျက်သွားပြီ ဆိုပြီးတော့ ရှုနေ၊ ကြားစိတ်ကလေး မရှိ ဘူး (မှန်ပါ)၊ မရှိရင် ဒီကိုပြန်လှည့်ပါ (မှန်ပါ)၊ လေထုတ် တဲ့စိတ်၊ လေပြန်သွင်းတဲ့ စိတ်ကလေးကို ဖြစ်ပျက်ရှုနေ (မှန်ပါ)။

A hearing mind appears. Now, that mind is gone. Since it's gone, follow that hearing consciousness with the Path Factors. "The hearing mind heard, and now it has perished." Observe it. The hearing mind is no more. (True, Sir). When it is gone, return to this place. (Yes, Sir). Return to observing the arising and passing of the exhaling mind and inhaling mind. (Yes, Sir).

နံတဲ့စိတ်

The Smelling Mind

ဒီကနေပြီးသကာလ ဟိုက အကြော်သည်ဆီက အနံ့ ကလေး ရလာတယ်၊ မီးဖိုချောင်က အနံ့ကလေး ရတယ်၊ အနံသိတဲ့ စိတ်ကလေး မပေါ်ပေဘူးလား (ပေါ်ပါတယ်)၊ ဟာ ဒါ နှာခေါင်း စိတ်ကလေး ပေါ်တယ်၊ ဒါမရှိတော့ဘူး၊ မရှိတော့ နှာခေါင်းစိတ်ကို ဖြစ်ပျက် လိုက်မှ လိုက် (မှန်ပါ)၊ ဪ သူလည်း အနိစ္စပါလား ဆိုပြီး လိုက်လိုက်တော့ သူက ဆက်ပေါ် နေလည်း သူ့ကိုရှုနေပါ (မှန်ပါ)။

Then, a smell wafts over from a frying stand or the kitchen. Doesn't a smelling consciousness arise? (It arises, Sir). Ah, the nose-consciousness appears. Now it is gone. When it's gone, follow the nose-consciousness and observe its Arising and Passing Away. (Yes, Sir). "Oh, it is also Impermanent." If it keeps appearing, keep observing it. (Yes, Sir).

သူက မပေါ်တော့ဘူး ဘုရား၊ ရှုပြီးပြီ တပည့်တော်၊ သူ မလာတော့ဘူးဆိုရင် ခင်ဗျားတို့ ဉာဏ်က ဒီနှစ်ခု ပြန်လှည့် (မှန်ပါ)၊ အအားတော့ မထားနဲ့ (မှန်ပါ)၊ ရှင်းပလား (ရှင်း ပါပြီ)။

"Sir, it no longer appears. I have observed it." If it no longer comes, turn your Wisdom back to the two Host minds. Do not leave the mind idle. (Yes, Sir). Is that clear? (Yes, it is, Sir).

လျှာစိတ်

The Tasting Mind

ကဲ-တစ်ခါ လျှာပေါ်မှာ သလိပ်ကလေး ရောက်လာ တယ်၊ လျှာစိတ်ကလေး ပေါ်လာတယ်၊ လျှာစိတ်ကို ဖြစ်ပျက်ရှု လိုက်ပါ(မှန်ပါ)၊ ဒါ ဖြုတ်ပစ်ပါ၊ ဖြုတ်ပစ် ရတယ် မဟုတ်ဘူး၊ သူ့ကိုက မပေါ်နိုင်ဘူး (မှန်ပါ)၊ ရှင်းပါလား (ရှင်းပါပြီ)။

Next, some phlegm touches the tongue. A tasting consciousness arises. Observe the Arising and Passing of the tasting mind. (Yes, Sir). I don't mean you should try to eliminate it; simply observe that it cannot last. (True, Sir). Is that clear? (Yes, Sir).

ဒါဖြင့် လျှာစိတ်ကလေး ဖြစ်ပျက် ရှုပြီးတော့မှ ဘယ်စိတ် မှ မလာတော့မှ ဒီဘက် ပြန်လှည့်၊ ရှူစိတ် ရှိုက်စိတ်ဘက် ပြန်လှည့်ပါ (မှန်ပါ)၊ ဦးဗထွေး အားသေးရဲ့ လား (မအားပါဘူး)၊ မအားတော့ဘူး၊ ပေါ်ရာကို လိုက်၊ ပြီးတော့ ဒီကို ပြန်ထိုင်ပါ (မှန်ပါ)၊ မပေါ်ရင် သူတို့သာ လှည့်လိုက်နေ (မှန်ပါ)၊ ရှင်း ပလား (ရှင်းပါပြီ)။

Once the tasting mind is observed and no other mind arises, return to this side. Return to the exhaling and inhaling minds. U Ba Htwe, is there any free time? (No free time, Sir). No free time. Follow whatever appears, and then sit back with the Host. (Yes, Sir). If nothing appears, just keep rotating with the Host. (Yes, Sir). Is that clear? (Yes, Sir).

ရှူစိတ်ရှိုက်စိတ်ပြန်လှည့်

Return to Breathing Minds

မပေါ်ရင် (သူတို့နှစ်ခု ပြန်လှည့် ရပါမယ်)၊ သူတို့နှစ်ခု ပြန်လှည့်ပေး၊ သူလည်း ဖြစ်ပျက် သူလည်း ဖြစ်ပျက် အတွင်းစိတ် ကလေးနှစ်ခု လှည့်ရှုနေ (မှန်ပါ)။

If nothing appears? (Return to the two breathing minds, Sir). Return to them. "This one arises and passes; that one arises and passes." Observe the two internal minds in rotation. (Yes, Sir).

လှည့်ရှုရာမှ ခုနင်က ကိုယ်ပေါ်မှာ ယားတဲ့ စိတ်ကလေး ပေါ်လာတယ်၊ ခင်ဗျား ဘယ်လှည့်မလဲ (ကိုယ်ပေါ် ပြန်လှည့် ရပါမယ်)၊ ကိုယ်ပေါ် ပြန်လှည့်ပြီး ဒီဖြစ်ပျက်ရှုလိုက် (မှန်ပါ)။ ဪ ဒါကလေးက ဖြစ်ပြီး ပျက်တာပဲလို့ ရှုလိုက် (မှန်ပါ)

While rotating, an itching sensation appears on the body. Where do you turn? (Turn back to the body, Sir). Turn to the body and observe the Arising and Passing Away. (Yes, Sir). "Oh, this sensation arises and then perishes." (Yes, Sir).

ရှုပြီး အခုပြောတဲ့ စိတ်ကလေး ကလည်း မရှိပြန်ဘူး၊ ဘယ်လှည့်ကြမလဲ (အိမ်သည်စိတ် ပြန်လှည့် ရပါမယ်)၊ ဒီနှစ် စိတ်ကို ပြန်လှည့်ရတယ် (မှန်ပါ)၊ ဒါကလေးကို အလှည့်ကျ နဲ့ ပြန်ရှု (မှန်ပါ)။

After observing, that mind is gone. Where do we go? (Return to the Host minds, Sir). You must return to these two minds and observe them in turn. (Yes, Sir).

ရှုရာက နေပြီး ဒကာ ဒကာမတို့ စိတ်ကလေးတွေက ကုသိုလ် လုပ်ချင်သေးတယ်၊ ကြားပေါက် သူပေါ်လာတယ်၊

ဦးမာဒင်က ဘယ်လိုက်မလဲ (ကုသိုလ်လုပ်ချင်တဲ့ စိတ်ကလေးကို ပြန်လိုက် ရပါမယ်)။

While observing, a thought arises: "I want to do some meritorious deed." A wandering thought appears. Where does U Mya Din go? (Follow the mind that wants to do merit, Sir).

ကုသိုလ်စိတ်

The Wholesome Mind

ကုသိုလ်စိတ် ကလေးက ဝမ်းထဲမှာ ဖြစ်ပြီး အင်း ဝမ်း ထဲမှာ ပျက်တာပဲဆို သူပျောက် သွားတာပဲ (မှန်ပါ)၊ ပျောက် သွားပြီး ဘယ်စိတ်မှ မလာတော့ ဒါကို ပြန်လှည့် (မှန်ပါ)၊ ရှင်းပလား (ရှင်းပါပြီ)။

The wholesome mind arises in the heart and—"Inn"—it perishes in the heart. It vanishes. When it vanishes and nothing else comes, return to the Host. (Yes, Sir). Is that clear? (Yes, it is, Sir).

ဒါဖြင့် ဟိုဟာတွေ ပေါ်လာလည်းလိုက်၊ မပေါ်လာလို့ရှိ ရင် သူတို့ပြန်လှည့် (မှန်ပါ)၊ ဒီတော့ စိတ်ဟာ အားသေးရဲ့လား (မအားပါဘူး)၊ မအားတော့ ကြားစိတ် ကိလေသာ ထိုး နိုင်သေးရဲ့ လား (မထိုးနိုင်ပါဘူး)၊ မထိုးနိုင်လို့ ရှိရင် နာရီ အနည်းငယ် အတွင်းမှာတောင် မဂ်ဉာဏ်, ဖိုလ်ဉာဏ် ရနိုင်ပါ တယ်၊ အဟုတ် တင်းတင်း လုပ်စမ်းပါ (မှန်ပါ)။

So, follow whatever appears. If nothing appears, return to the Host. Is the mind idle? (No, Sir). Since it is not idle, can the intervening Defilements penetrate? (They cannot penetrate, Sir). If they cannot penetrate, you can attain the Path and Fruition Knowledge (Magga-Phala Nana) within a few hours. Practice with real intensity! (Yes, Sir).

ကိုင်း ဒါဖြင့် ဆရာဘုန်းကြီးက ပြောတာက ဧည့် သည် လာရင် ဧည့်သည်ကို ဖြစ်ပျက်ရှု၊ မလာရင် အိမ်သည်ကို ပြန်ထိုင်(မှန်ပါ)။

So, the monk tells you: If a guest comes, observe the guest's Arising and Passing Away. If no guest comes, sit back with the Host. (Yes, Sir).

အပြင်ဧည့်သည် လာရင်လည်း အပြင်ဧည့်သည်ကို ဘာ လုပ်မယ် (ဖြစ်ပျက်ရှု ရပါမယ်)၊ နောက် ဘယ်ကို ပြန်ထိုင်ရ မယ်(အိမ်သည် ပြန်ထိုင်ရပါမယ်)၊ အိမ်သည်ဆိုတဲ့ ထွက် စိတ် ဝင်စိတ်ကို ပြန်ထိုင် (မှန်ပါ)၊ ရှင်းပလား (ရှင်းပါပြီ)။

If an outside guest comes, what do you do? (Observe Arising and Passing Away, Sir). Afterward, where do you return? (Return to sit with the Host, Sir). The Host is the exhaling and inhaling mind. Return to them. (Yes, Sir). Is that clear? (Yes, Sir).

ကောင်းပြီ။ တစ်ခါ ဒီအထဲကမှ တပည့်တော်တို့က လည်း ဘဝများစွာ သံသရာက မျောက်စိတ်လိုပဲ ဘုရာ့၊ တပည့်တော်တို့က ဖျတ်ခနဲ ဖျတ်ခနဲဆို လစ်လစ်ပြီး သကာလ ကြားထိုး စိတ်တွေက ဝင်တယ်၊ ဒီဆယ့်သုံးခုတွင် ရှုရမှာ မဟုတ်ဘူး၊ ဒိပြင် စိတ်တွေက ဝင်လာ ပြန်သေး တယ်ဘုရာ့ ဆိုလို့ရှိရင်ဖြင့် ဦးမာဒင် တို့က ကြားထိုးစိတ် ကိုလည်း ဖြစ်ပျက် ရှုပေးပါ (မှန်ပါ)။

Good. Now, you might say, "Sir, my mind is like a monkey from the endless cycle of Samsara. It jumps here and there. Intervening thoughts keep entering. Minds other than the thirteen you mentioned are intruding." If so, U Mya Din, observe the Arising and Passing of those intervening minds as well. (Yes, Sir).

ကြားထိုးစိတ်ကို ဖြစ်ပျက်ရှုပေးပါ

Observe the Intervening Minds

ဘယ့်နှယ်လုပ်ရမလဲ (ကြားထိုးစိတ် ကိုလည်း ဖြစ် ပျက် ရှုပေးပါ)။

What must you do? (Observe the intervening minds as Arising and Passing Away).

ကောင်းပြီ။ ကြားထဲမှာ မတရားသဖြင့် ထိုးလာတဲ့ ဣဿာကံ ကလေး ပေါ်လာတယ်၊ သူများ ချမ်းသာတာ မနာလို တဲ့ ဣဿာ ကလေး ပေါ်လာတယ်၊ အိမ်မှာ ထားခဲ့ ရတာတွေ စိုးရိမ်တဲ့ သောက ကလေး ပေါ်လာတယ်၊ အဲဒါကို ဘာလုပ်ကြမလဲ (ဖြစ်ပျက် ရှုရပါမယ်)။

Good. Suppose Envy (Issa) unfairly cuts in—jealousy of another's wealth. Or Worry (Soka) about the things you left at home appears. What will you do? (Observe their Arising and Passing Away, Sir).

ရှုပြီးလို့ သူ သွားပြီ ဆိုလို့ရှိရင် နောက်ထပ် မလာတော့ ဘူးဆိုလို့ ရှိရင် အိမ်သည် နှစ်ခုပြန်ထိုင် (မှန်ပါ)၊ ရှင်းပလား (ရှင်းပါပြီ)။

Once you observe them and they leave, if nothing else comes, return to the two Hosts. (Yes, Sir). Is that clear? (Yes, Sir).

ဒီလိုချည်း ပြန်ထိုင် (မှန်ပါ)။ ဒီလိုချည်း ပြန်ထိုင်ကြ လို့ ပြင်ဘက် ဧည့်သည်လည်း တပည့်တော်တို့ အနိစ္စ မြင်ပြီ ဘုရား။ အတွင်းဧည့်သည်လည်း အနိစ္စမြင်ပြီ ဘုရာ့၊ ကြားထိုး လည်း အနိစ္စမြင်ပြီ ဘုရာ့၊ နောက်ဆုံးပိတ် ထွက်စိတ် ဝင်စိတ်ကို လည်း ဖြစ်ပျက် ရှုတတ်ပြီ ဘုရားလို့ ဆိုလို့ရှိရင် ခင်ဗျားတို့ ဘာမှ မပူနဲ့တော့ အနိစ္စနဲ့ အနိစ္စဉာဏ် ခင်ဗျားတို့ ကိုက်သွားပြီ (မှန် ပါ)၊ ရှင်းပလား (ရှင်းပါပြီ)။

Sit back just like that. (Yes, Sir). By doing so, you will say, "Sir, I have seen Impermanence in the outside guests. I have seen Impermanence in the internal guests. I have seen Impermanence in the intervening thoughts. Finally, I can observe the Arising and Passing of the exhaling and inhaling minds." If you can say that, worry no more. *Impermanence (Anicca) and Insight Knowledge (Anicca-nana) have synchronized within you.* (True, Sir). Is that clear? (Yes, Sir).

အနိစ္စနဲ့ အနိစ္စဉာဏ်ကိုက်သွားတယ်

Matching Anicca and Insight Knowledge

အနိစ္စနဲ့ အနိစ္စဉာဏ် ကိုက်သွားတယ်၊ ဒါက ပျောက်, ပျက်သွားတဲ့ ဓမ္မဟာ အနိစ္စ။ သူက အနိစ္စဉာဏ်။ ဒါ ကိုက်တယ် (မှန်ပါ)၊ ရှင်းပလား (ရှင်းပါပြီ)။

Impermanence and Insight Knowledge match. The phenomenon that vanishes is Anicca. The knowing mind is Anicca-nana. They fit together. (True, Sir). Is that clear? (Yes, Sir).

အနိစ္စနဲ့ အနိစ္စဉာဏ် ကြားထဲမှာ ဘာမှ မဝင်တော့ဘူး (မှန်ပါ)၊ ဘာမှ မဝင်တော့လို့ရှိရင် ဘုရားသခင် ကိုယ်တော်မြတ် ကြီးက ဒီပုဂ္ဂိုလ်ဟာ အနိစ္စာနုပဿီ ပုဂ္ဂိုလ် ဖြစ်သွားပြီ (မှန်ပါ)။

Nothing enters between Impermanence and the Insight Knowledge. (True, Sir). If nothing enters, the Lord Buddha declared that this person has become an Aniccānupassī—one who dwells in the contemplation of Impermanence. (True, Sir).

အနိစ္စာနုပဿီပုဂ္ဂိုလ်

The Person Who Contemplates Impermanence

ရှုနေတဲ့ပုဂ္ဂိုလ်ဟာ (အနိစ္စာနုပဿီ ပုဂ္ဂိုလ် ဖြစ်ပါ တယ်)၊ အဲ အနိစ္စာနုပဿနာဉာဏ် နဲ့ နေသောကြောင့် အနိစ္စာနုပဿီ ပုဂ္ဂိုလ် ဖြစ်သွားပြီး (မှန်ပါ)။

The person observing is... (An Aniccānupassī, Sir). Yes, because they dwell with the Knowledge of Impermanence, they become an Aniccānupassī. (Yes, Sir).

ကောင်းပြီ၊ ဒီလိုနဲ့ ရှုရှု ရှုရှုပြီး သကာလ ဒကာ ဒကာမ တွေက နေတဲ့ အခါမှာ ထိုင်တာကတော့ ဒီအတိုင်းပဲ ထိုင်နေပါ၊ ပေါ်တာက သူ ဒီကိုယ်ထဲ လှည့်ပေါ် နေမှာပဲ (မှန်ပါ)၊ ဘယ်မှ ခင်ဗျားတို့ သွားစရာ မလိုတော့ဘူး (မှန်ပါ)၊ သွားစရာ မလိုဘူး။

Good. As you keep observing like this, remain seated. The phenomena will appear internally within this body. (Yes, Sir). You don't need to go anywhere else. (True, Sir). No need to go anywhere.

ဘာမှမရှိရင် ထွက်စိတ် ဝင်စိတ်ရှုနေပါ

If Nothing Appears, Observe the Breath

ဘာမှမရှိရင် ထွက်စိတ်ဝင်စိတ် ရှုနေ (မှန်ပါ)၊ ဒိပြင် စိတ်ပေါ်လာရင် (ပေါ်တဲ့စိတ် ရှုရပါတယ်)၊ ပေါ်တဲ့စိတ်လိုက် လိုက်တဲ့ အခါကျလို့ ရှိရင်ဖြင့် ဘာဖြစ်လို့ ဒီ ဒကာ ဒကာမတွေ အပင်ပန်းခံပြီးတော့ ဒါတွေ ဂရုတစိုက် လိုက်နေရသတုံးလို့ မေး တဲ့အခါကျတော့ ဖြစ်ပျက် နောက်က ဒီမဂ်ကလေး မလိုက်တတ် ဘူး (မှန်ပါ)။

If nothing appears, observe the exhaling and inhaling minds. (Yes, Sir). If another mind appears? (Observe the appearing mind, Sir). When you follow the appearing mind... why must Yogis take such trouble to follow these things carefully? Because if you do not follow the Arising and Passing Away with the Path Factors, you will not know how to observe.

မလိုက်တတ်တော့ ခင်ဗျားတို့ ဒါကလေးက မြင်စိတ်၊ ဒါကလေးက လိုချင်တဲ့စိတ်၊ ဒါကလေးက စွဲလမ်းတဲ့စိတ်၊ ဒါ ကလေးက အားထုတ်တဲ့စိတ်၊ ဟော တဏှာ ဥပါဒါန် ကံဟာ လာတော့တာပဲ (မှန်ပါ)။ ပဋိစ္စသမုပ္ပါဒ် ပေါ်လာတယ် (မှန်လှပါ)၊ မပေါ်ဘူးလား (ပေါ်ပါတယ်)။

Then, "That is a seeing mind," "That is a wanting mind," "That is a clinging mind," "That is an exerting mind." Behold! Craving (Tanha), Clinging (Upadana), and Action (Kamma) will rush in. (True, Sir). *Dependent Origination (Paticcasamuppada) appears!* (True, Sir). Does it not? (It does, Sir).

ဒါဖြင့် တဏှာ, ဥပါဒါန်, ကံ၊ ကံလာလို့ရှိရင် သေသည် ၏ အခြားမဲ့၌ ဇာတိ, ဇရာ, မရဏ မလာပေဘူးလား (လာ ပါတယ်)။

So, Craving, Clinging, and Kamma arrive. If Kamma arrives, will Rebirth (Jati), Aging (Jara), and Death (Marana) not follow immediately after death? (They will come, Sir).

ရှုမည့်စိတ်ကိုမရှုခဲ့ရင်

If You Did Not Observe

ရှေ့ကတော့ဖြင့် ရှုရမယ့်စိတ်ကို မရှုသောကြောင့် တဏှာ ဥပါဒါန် ကံတို့နဲ့ပဲ ခင်ဗျားတို့ အချိန်ကုန် နေရတယ် (မှန်ပါ)၊ သဘောကျ ပလား (ကျပါပြီ)။

In the past, because you did not observe the mind that needed observing, you spent your time with Craving, Clinging, and Kamma. (True, Sir). Do you grasp this? (Yes, Sir).

ဘာနဲ့ အချိန်ကုန်ရသလဲ (တဏှာ ဥပါဒါန် ကံနဲ့ အချိန်ကုန် ရပါတယ်)။

What did you spend your time with? (We spent time with Craving, Clinging, and Kamma, Sir).

ဒါဖြင့် ခင်ဗျားတို့မှာ ပဋိစ္စသမုပ္ပါဒ်လည်တဲ့ တရားနဲ့ အချိန် ကုန်တယ်၊ ဟုတ်လား (မှန်ပါ)၊ ပဋိစ္စသမုပ္ပါဒ်ဖြတ်တဲ့ တရား နဲ့ အချိန်မကုန်ဘူး (မှန်ပါ)။

Therefore, you spent your time with the Dhamma that spins the Wheel of Dependent Origination. Is that right? (Yes, Sir). You did not spend time with the Dhamma that severs Dependent Origination. (True, Sir).

ဒီနှစ်ခုကို သေသေချာချာ မှတ်ပါ၊ ရှေးတုန်းကတော့ မြင်တဲ့စိတ် စိန်တွေ မြင်တယ်၊ လိုချင်တယ်၊ မရ ရအောင် အား ထုတ်မယ်၊ ကာယကံ ဝစီကံနဲ့ လုပ်မယ်, ပြောမယ်, ဆိုမယ် (မှန်ပါ)၊ တဏှာ, ဥပါဒါန်, ကံ မလာဘူးလား (လာပါတယ်)၊

သေသည့်အခြားမဲ့၌ ဇာတိ, ဇရာ, မရဏ လာလိမ့်မယ် (လာ မှာပါဘုရား)။

Please mark these two carefully. In the past: "I see diamonds. I want them. I will strive to get them." You acted, spoke, and planned with physical and verbal actions. (Yes, Sir). Did Craving, Clinging, and Kamma not arise? (They arose, Sir). Immediately after death, Rebirth, Aging, and Death will follow. (They will come, Sir).

အပါယ်ရောက်နိုင်တယ်

You Could Reach Apaya

လာတော့ ဪ ရှေးကတော့ ခင်ဗျားတို့ မြင်စိတ် တစ်ခုပေါ်ရင်ပဲ အပါယ် ရောက်သွားနိုင်ပြီ။ သံသရာလည်ပြီ (မှန်ပါ)၊ ကြားစိတ် တစ်ခုပေါ်ရင် (အပါယ် ရောက်သွား နိုင်ပါတယ်)၊ နံစိတ်တစ်ခု ပေါ်ရင် (အပါယ် ရောက်သွား နိုင်ပါ တယ်)၊ ကြံစိတ်တစ်ခု ပေါ်ရင် (အပါယ် ရောက်သွား နိုင်ပါ တယ်)။

Realize this: In the past, the arising of a single seeing consciousness could send you to the Lower Realms (Apaya). Samsara was spinning. (True, Sir). A single hearing consciousness... (Could send us to Apaya, Sir). A smelling consciousness... (Could send us to Apaya, Sir). A thinking consciousness... (Could send us to Apaya, Sir).

ဘယ့်နှယ်ကြောင့် ရောက်သွား နိုင်ပါလိမ့်မတုံး၊ ပဋိစ္စ သမုပ္ပါဒ် လည်စိတ်သာ ပေါ်၍ ပဋိစ္စသမုပ္ပဒ် ဖြတ်တဲ့စိတ် မလာ ဘူး (မလာပါဘူး)။

Why could they send you there? Because only the mind that spins Dependent Origination appeared; the mind that severs Dependent Origination did not come. (It did not come, Sir).

မဂ်ကပဋိစ္စသမုပ္ပါဒ်ကို ဖြတ်တယ်

Magga Severs Dependent Origination

အခုတော့ ဘုန်းကြီးက ဦးသန်းမောင်တို့၊ ဦးဗထွေးတို့၊ ဒေါ်ကောက်တို့ လူစု ဒါကလေး ရှုလိုက်၊ မြင်တဲ့ စိတ်ကလေးလာ ရင် မြင်တဲ့စိတ်ကလေးဟာ ဖြစ်ပြီး ပျက်တယ်လို့ ဟောဒီက ရှုပေး (မှန်ပါ)၊ ရှုပေး ဆိုတော့ ပဋိစ္စသမုပ္ပါဒ် ဖြစ်တဲ့စိတ်တွေ လာခွင့် ရသေးရဲ့ လား (မရပါဘုရား)။

But now, I am telling U Than Maung, U Ba Htwe, Daw Kauk, and the whole group: "Observe this!" When a seeing mind arises, observe from here that "It arises and perishes." (Yes, Sir). When you observe like that, do the minds that create Dependent Origination get a chance to enter? (No, Sir).

ဒါဖြင့် ဒီမဂ်သည် ဒီပဋိစ္စသမုပ္ပါဒ်ကို ဖြတ်တယ် (မှန် ပါ)၊ ရှင်းပလား(ရှင်းပါပြီ)။

*Therefore, this Path Factor (Magga) severs Dependent Origination.* (True, Sir). Is that clear? (Yes, it is, Sir).

ဒီမဂ်သည် (ဒီပဋိစ္စသမုပ္ပါဒ် ဖြတ်ပါတယ်)၊ ဟော ပဋိစ္စသမုပ္ပါဒ် ဖြတ်ပုံ ရှင်းပြမယ် (မှန်ပါ)၊ တဏှာ ဥပါဒါန် ဟာ ဦးဗထွေး ကိလေသဝဋ် (မှန်ပါ)၊ ကမ္မဘဝဟာ ကမ္မဝဋ် (မှန်ပါ)၊ နောက်လာမည့် ပဋိသန္ဓေ နေခြင်း၊ အိုခြင်း၊ နာခြင်း၊ သေခြင်းကို (ဇာတိ, ဇရာ, မရဏ)၊ ဝိပါကဝဋ် ခေါ်တယ် (မှန်ပါ)။

This Path Factor... (Severs Dependent Origination, Sir). Look, I will explain how it severs it. (Yes, Sir). Craving and Clinging are the Round of Defilements (Kilesa-vatta), U Ba Htwe. (Yes, Sir). Kamma and Existence are the Round of Action (Kamma-vatta). (Yes, Sir). The coming Rebirth, Aging, Sickness, and Death are called the Round of Results (Vipaka-vatta). (True, Sir).

ပေါ်လာတဲ့စိတ်ကို ဖြစ်ပျက် ရှုပါ

Observe the Arising Mind to Cut the Rounds

အဲ ခင်ဗျားတို့ ဘာမှ သံသယ မရှိနဲ့၊ ပေါ်လာတဲ့စိတ် ကလေးကို ဘုန်းကြီးက လိုက်ဖြစ်အောင် လိုက်ပြီး ရှုပါလို့ဆို လိုက်တဲ့ အတွက် ကိလေသဝဋ်လည်း လာခွင့်မရဘူး (မှန်ပါ)။ ကမ္မဝဋ်ကော (လာခွင့် မရပါဘူး)၊ ဝိပါကဝဋ် ဆိုတဲ့ ခန္ဓာကြီးကော (လာခွင့် မရပါဘူး)၊ ဒါကြောင့် ဘုန်းကြီးက အလိုက် ခိုင်းတာကိုးလို့ သိပါ (မှန်ပါ)။

So, have no doubts. Because I urged you to follow the arising mind and observe it, the Round of Defilements gets no chance to enter. (True, Sir). What about the Round of Action? (No chance to enter, Sir). What about the burden of the Aggregates, the Round of Results? (No chance to enter, Sir). That is why I told you to follow it. (Yes, Sir).

ဒီက ဖြစ်ပျက်၊ ဖြစ်ပျက် နောက်က ဒီမဂ်ကို လိုက်ပေးပါ (မှန်ပါ)၊ ဘာဖြစ်လို့ အလိုက် ခိုင်းပါလိမ့်မတုံး ဆိုတော့ ဟောဒီ ကိလေသဝဋ် မလာစေချင်လို့ (မှန်ပါ)၊ ဒီကမ္မဝဋ်ကော (မလာ စေချင်လို့ပါ)။ ဒီ ဝိပါကဝဋ်ကော (မလာ စေချင်လို့ပါ ဘုရား)။

Here is Arising and Passing Away. Follow it with the Path. (Yes, Sir). Why do I ask you to follow it? Because I do not want this Round of Defilements to enter. (Yes, Sir). And the Round of Action? (We don't want it to enter, Sir). And the Round of Results? (We don't want it to enter, Sir).

ဒါဖြင့် ဝဋ်သုံးပါး ကျွတ်တယ် (မှန်ပါ)၊ ကိလေသဝဋ် (ကျွတ်ပါတယ်)၊ ကမ္မဝဋ်ကော (ကျွတ်ပါတယ်)၊ ဝိပါက ဝဋ်ကော (ကျွတ်ပါတယ်)၊ ရှင်းပြီနော် (ရှင်းပါပြီ။)

*Therefore, you are liberated from the Three Rounds (Vatta).* (Yes, Sir). The Round of Defilements? (Liberated, Sir). The Round of Action? (Liberated, Sir). The Round of Results? (Liberated, Sir). It is clear now. (Yes, quite clear, Sir).

ဖြစ်ပျက်ရှုရတာ ဝဋ်ကျွတ်ပါတယ်

Observing Arising and Passing Liberates from the Rounds

ဒါဖြင့် ဖြစ်ပျက်ရှုရတာ ဘာများ ကျေးဇူးရှိသတုံးဆိုတော့ ဝဋ်ကျွတ်ပါတယ် (မှန်ပါ)။

So, what is the benefit of observing Arising and Passing Away? It liberates you from the Rounds. (True, Sir).

သူများပြောလား၊ အမြင်လား ကြည့် (အမြင်ပါ ဘုရား)၊ အမြင်ပဲမဟုတ်လား (အမြင်ပါဘုရား)။

Is this hearsay, or is it what you see? (It is what we see, Sir). It is your own direct vision. (Yes, Sir).

မရှုဘဲနေလို့ရှိရင် မြင်တယ်၊ လိုချင်တယ်၊ စွဲလမ်းတယ်ဆို တော့ ကိလေသဝဋ် ပေါ်ပါတယ် (မှန်ပါ)၊ ဒါဖြင့် အားထုတ် မယ်ဆိုတဲ့ ကမ္မဝဋ်ကကော (ပေါ်ပါတယ်)၊ သေသည်၏ ၊ အခြားမဲ့၌ ဝိပါကဝဋ် ရ-မရ (ရပါတယ်ဘုရား)။

If you do not observe, when you see, you want, you cling—the Round of Defilements appears. (True, Sir). Then, the Round of Action—"I will try to get it"—appears. (Yes, Sir). After death, will the Round of Results arise or not? (It will arise, Sir).

ဒါဖြင့် ဒီဝဋ်သုံးပါးသည် ဘယ်လို ပုဂ္ဂိုလ် ရတာတုံး မြင်တဲ့ စိတ်ကလေး လာရင် ဖြစ်ပျက် မရှုတဲ့ ပုဂ္ဂိုလ် ရတယ် (မှန်ပါ)၊ ဖြစ်ပျက်ရှုတဲ့ ပုဂ္ဂိုလ် ဝဋ်ကျွတ်တယ် (မှန်ပါ)။

So, who receives these Three Rounds? The person who does not observe Arising and Passing when a seeing mind appears. (True, Sir). The person who observes Arising and Passing is liberated from the Rounds. (True, Sir).

ဒါဖြင့် သူများ ပြောလား၊ ခင်ဗျားတို့ စိတ်စဉ်ကို ခင်ဗျားတို့ ဉာဏ်နဲ့ ဖြတ်တယ် (မှန်ပါ)၊ ဒီအတိုင်း နေတော့ ခင်ဗျားတို့ စိတ်စဉ်က ဒီအတိုင်း သွားတယ် (မှန်ပါ)။

Therefore, is this something others tell you? No, you are severing your own stream of consciousness with your own Wisdom. (True, Sir). If you remain as you were, your stream of consciousness will continue to flow in that cycle. (True, Sir).

မြင်တယ် လိုချင်တယ် စွဲလမ်းတယ်

Seeing, wanting, clinging.

မြင်တယ်၊ လိုချင်တယ်၊ စွဲလမ်းတယ်၊ မရ ရအောင် အား ထုတ်မယ် ဆိုတာကော (ပေါ်ပါတယ် ဘုရား)၊ အဲဒီ အား ထုတ်တဲ့ဥစ္စာ ကံပဲ (မှန်ပါ)၊ ကမ္မံ သတ္တေ ဝိဘစ္စတိ ဆိုတော့ ဒီဘက်က ဝိပါက် အကျိုးပေး ရမယ် (မှန်ပါ)၊ မပေးပေဘူးလား (ပေးပါတယ်)၊ ဒါဖြင့် ကိလေသဝဋ်၊ ကမ္မဝဋ်၊ ဝိပါက ဝဋ် (မှန်ပါ)။

Seeing, wanting, clinging, and then striving to obtain it at all costs—does this process appear to you? (Yes, it does, Sir). That striving is Kamma. As the text says, "Kamma divides living beings," so it must yield a result (Vipaka) on this side. (True, Sir). Will it not yield a result? (It will, Sir). Thus, we have the Round of Defilements (Kilesa-vatta), the Round of Action (Kamma-vatta), and the Round of Results (Vipaka-vatta). (True, Sir).

ဒါက ဦးမာဒင်တို့၊ ဦးသန်းမောင်တို့၊ ဦးဗထွေးတို့ ဘယ် ပုဂ္ဂိုလ်မှာ လာတာတုံး (ဝိပဿနာ မရှုတဲ့ ပုဂ္ဂိုလ်မှာ လာပါတယ်)၊ ရှုတဲ့ပုဂ္ဂိုလ်မှာ (မလာပါဘူး)၊ ဒါတွေ ရှုလိုက်တော့ သူတို့ကို ပေါ်ခွင့် ရရဲ့လား (မရပါဘူး)။

Now, U Ma Din, U Than Maung, U Ba Htway—in whom does this cycle arise? (It arises in those who do not practice Vipassana, Sir). Does it arise in those who practice? (No, Sir). When you observe and note, do these defilements get a chance to appear? (No, they do not, Sir).

ဪ ဒကာ ဒကာမတို့ ဝဋ်ကျွတ်ဆိုတာ ဒါကိုး (မှန်ပါ)၊ ပေါ်ကြပလား (ပေါ်ပါပြီ)။

Realize this, Yogis: this is what it means to be liberated from the Round of Samsara. (True, Sir). Do you see it now? (Yes, we see it, Sir).

ကိလေသဝဋ် ကျွတ်တာလည်း ခင်ဗျားတို့ နားလည်ပြီ (မှန်ပါ)၊ ကမ္မဝဋ် ကျွတ်တာကော (နားလည်ပါပြီ)၊ ဝိပါကဝဋ် ကျွတ်တာကော (နားလည်ပါပြီ)။

You now understand how the Round of Defilements is broken. (Yes, Sir). And the Round of Kamma? (We understand, Sir). And the Round of Results? (We understand, Sir).

ဒါ ဘုန်းကြီး ပြောတဲ့ အတိုင်းသာ ခင်ဗျားတို့က ဦးမာဒင်တို့က ခပ်ပေါ့ပေါ့၊ ဦးသန်းမောင်တို့က ခပ်ပေါ့ပေါ့။ ဦးဗထွေးတို့က ခပ်ပေါ့ပေါ့၊ ဒေါ်ကောက်တို့ ကလည်း ခပ်ပေါ့ပေါ့ နဲ့ မရှုဘဲနေလိုက်ရင် သူက ပေါ်တာပဲ (မှန်ပါ)။

However, if you take my words lightly—if U Ma Din, U Than Maung, U Ba Htway, and Daw Kauk take it easy and fail to observe—the cycle will appear. (True, Sir).

မြင်တဲ့စိတ် ပေါ်တဲ့နောက်က သူ မလိုက်ပေဘူးလား (လိုက်ပါတယ်)၊ လိုက်တော့ ဝဋ်မကျွတ် နိုင်တာက သေချာနေတယ် (မှန်ပါ)၊ မသေချာဘူးလား (သေချာပါ တယ်)။

Does the defilement not follow right after the seeing consciousness? (It follows, Sir). If it follows, it is certain that the Round will not be broken. (True, Sir). Is it not certain? (It is certain, Sir).

အိမ်ထဲနေပြီး အပါယ်သွားနိုင်တယ်

You Can Fall into Hell While Sitting at Home

သေချာတော့ကို ခင်ဗျားတို့ မရှုဘဲ နေတဲ့ အတွက် အိမ်ထဲက နေပြီးတော့ အပါယ် သွားနိုင်တယ် (မှန်ပါ)၊ လမ်းသွားရင်း မတ္တနဲ့ (အပါယ် သွားနိုင်ပါတယ်)။

Since this is certain, because you fail to observe, you can fall into the Lower Realms (Apaya) straight from your own house. (True, Sir). Even while just walking down the street? (You can fall, Sir).

ဒါဖြင့် ခင်ဗျားတို့ အပါယ်သွားတဲ့ နေရာ ရွေးသေး သလား (မရွေးပါဘူး)၊ ဘာဖြစ်လို့ ခင်ဗျားတို့ မရွေးကြသတုံး ဆိုတော့ တံခါးပိတ်တဲ့ အလုပ် မလုပ်တတ်လို့ (မှန်ပါ)၊ ဒါဖြင့် ခင်ဗျားတို့ အတွက်ဟာ စိုးရိမ် စရာကြီးပါလား (စိုးရိမ်စရာကြီး ပါဘုရား)၊ စိုးရိမ်စရာ သိပ်ကောင်းတယ် (မှန်ပါ)။

Do you get to choose where you go? (No, Sir). Why can’t you choose? Because you do not know how to close the door to the Lower Realms. (True, Sir). Isn’t this situation terrifying for you? (It is very terrifying, Sir). It is indeed a cause for great concern. (True, Sir).

ဘယ့်နှယ်ကြောင့် စိုးရိမ်စရာ သိပ်ကောင်းသတုံး ဆိုတော့ မြင်ရင် အပါယ်သွားစရာ ဖြစ်လာနိုင်ပြီ ခင်ဗျားတို့ (မှန်ပါ)၊ ကြားရင်ကော (သွားနိုင်ပါတယ်)၊ နံရင် (သွားနိုင်ပါ တယ်)၊ စားရင်ကော (သွားနိုင်ပါတယ်)၊ ယားရင်ကော (သွား နိုင်ပါတယ်)၊ စားရင်ကော (သွားနိုင်ပါတယ်)။

Why is it so concerning? Because if you just "see" without insight, it can become a cause to go to Apaya. (True, Sir). What about hearing? (It can lead there, Sir). Smelling? (It can, Sir). Eating? (It can, Sir). Itching? (It can, Sir). Eating? (It can, Sir).

အပါယ်သွားဖို့ချည်းပဲ

Destined Only for the Lower Realms

ခင်ဗျားတို့မှာဖြင့် အပါယ်သွားဖို့ ချည်းပဲ ဆိုတော့ ကျုပ်တို့ ဘာလုပ်လို့တုံး၊ ဒါတွေဖြစ်လို့ ကိုယ့်အဖြေကိုယ် ထုတ်လိုက် (မှန်ပါ)။

For you, it seems the path leads only to the Lower Realms. So, ask yourselves: "What are we doing?" (True, Sir).

ကျုပ်တို့ ဘာလုပ်မလို့တုံး ဆိုပြီး သူများ မေးမယ် ကြံလို့ရှိ ရင် အဲဒါ မသိတဲ့ လူကမေးတာ (မှန်ပါ)၊ သိတဲ့လူကတော့ မြင်တယ် ဆိုလို့ရှိရင် ဦးသန်းမောင် လိုချင်တယ် စွဲလမ်းတယ်ဆို တာ မလာပေဘူးလား (လာပါတယ်)၊ အားထုတ်မယ် ဆိုတာ လာပါတယ် (မှန်ပါ)။

If someone asks, "What are we supposed to do?", usually only the ignorant ask that. (True, Sir). The wise know this: If you just "see," U Than Maung, does craving and clinging not follow? (It follows, Sir). Does the effort to obtain not follow? (It follows, Sir).

အားထုတ်တာကံ၊ သေသည်၏ အခြားမဲ့၌ ကမ္မဘဝပစ္စ ယာ (ဇာတိပါဘုရား)၊ ဇာတိဆိုတော့ အပါယ် ဇာတိ မလာပေ ဘူးလား (လာပါတယ်)။

That effort is Kamma. And as the text says, "Conditioned by Kamma-process, Rebirth arises immediately after death." (It is Rebirth, Sir). If Rebirth arises, does a Rebirth in the Lower Realms not follow? (It follows, Sir).

ဒါတွေပေါ်လို့အပါယ်သွားရတာ

Going to Hell Because of These Arisings

အဲဒီတော့ကို ကျုပ်တို့ ဘာလုပ်လို့ အပါယ် သွားရမှာ တုံးလို့ သူများ မေးလို့ရှိရင် ဒါတွေပေါ်လို့ အပါယ်သွားရတယ် (မှန်ပါ)၊ ရှင်းပလား (ရှင်းပါပြီ)၊ သူများ ပြောလား အမြင်လား (အမြင်ပါဘုရား)။

So, if someone asks, "What did we do to deserve Hell?", it is because these defilements arose. (True, Sir). Is that clear? (Yes, Sir). Is it because of what others said, or because of your own seeing? (Because of our seeing, Sir).

ဒီအမြင်သည် အားလုံး ဒကာ ဒကာမတွေ ရှင်းထားပါ။ ဘယ်လိုပဲ ခင်ဗျားတို့ အလှူကြီး ပေးနေ၊ အတန်းကြီးပေးနေ လည်း အဲဒါက ခဏကလေးပါ၊ မြင်လို့ လိုချင်တဲ့ကိစ္စတွေက (အများကြီးပါ ဘုရား)၊ ကြားရင် လိုချင်တဲ့ ကိစ္စ၊ မုန်းတဲ့ ကိစ္စတွေက (အများကြီးပါ ဘုရား)။

Let all Yogis be clear on this view. No matter how many great donations (Dana) you give, those moments are fleeting. But the instances of craving arising from seeing are... (Numerous, Sir). The instances of craving or hating arising from hearing are... (Numerous, Sir).

ဒါဖြင့် ဟိုဟာကလေးနဲ့ ခင်ဗျားတို့ ကာမိနိုင်ပါ့မလား (မကာမိပါဘူး)၊ ဒီတော့ ကြာတယ်ဗျာ - သူ့ကိုဖြတ်တာ အေးတယ် (မှန်ပါ)၊ သူ့ကို မလာအောင် လုပ်နိုင်ရင် ပြီးတာပဲ (မှန်ပါ)။

So, can those few moments of merit shield you against this mass of defilements? (They cannot, Sir). Relying on that takes too long. It is far better to sever the cycle entirely. (True, Sir). If you can prevent it from arising, the job is done. (True, Sir).

ဒါဖြင့် မြင်တဲ့စိတ်ကလေး ဘာလုပ်ကြမယ် (ဖြစ်ပျက် ရှုရပါမယ်)၊ ဖြစ်ပျက် ရှုလိုက်တော့ ဒီဟာတွေ လာသေးရဲ့ လား (မလာပါဘူး)။

So, what will you do when the seeing consciousness arises? (We must observe its Arising and Passing Away, Sir). When you observe the Arising and Passing Away, do these defilements still come? (No, Sir).

ဒါဖြင့် သူမလာလို့ရှိရင် ကျုပ်တို့ နောက်သံသရာဆိုတဲ့ ခန္ဓာပေါ်သေးရဲ့လား (မပေါ်ပါဘူး)၊ ဘာဖြစ်လို့ မပေါ်သတုံး (ဖြစ်ပျက်ရှုလို့ပါ)၊ မြင်လိုက်လို့ (မှန်ပါ)၊ မြင်တော့ ဘာနဲ့ မြင်တာတုံး ဆိုတော့ (မဂ်ဉာဏ်နဲ့ မြင်ပါတယ်)။

If they do not come, does the aggregate of future Samsara still appear? (No, Sir). Why does it not appear? (Because we observed the Arising and Passing Away, Sir). You "saw" it. And with what did you see it? (We saw it with the Path Knowledge, Magga, Sir).

မဂ်ဟာဘာလုပ်သတုံး

What Does the Path (Magga) Do?

မဂ်နဲ့မြင်တော့ မဂ်ဟာ ဘာလုပ်သတုံး၊ မဂ်ဟာ ကိလေသာ ဖြတ်တယ် (မှန်ပါ)၊ ဒီကိလေသာ ဖြတ်တယ်၊ ကံဖြတ်တယ် (မှန်ပါ)။ အကျိုးပေး ဖြတ်တယ်(မှန်ပါ)၊ ရှင်းပလား (ရှင်းပါပြီ)။

When you see with Magga, what does Magga do? It severs the Defilements (Kilesa). (True, Sir). It severs the Kamma. (True, Sir). It severs the Result. (True, Sir). Is that clear? (Yes, Sir).

မဂ်သည် ဘယ်နှစ်ခု ဖြတ်သတုံး (သုံးခုဖြတ်ပါတယ်)၊ ကိလေသာလည်း ဖြတ်တယ်၊ ကံလည်းဖြတ်တယ်၊ အကျိုးပေးကော (ဖြတ်ပါတယ်)။

How many things does the Path sever? (It severs three things, Sir). It severs Defilements, it severs Kamma, and what about the Result? (It severs that too, Sir).

ဒါတွေကို သူဖြတ်တာ ဟူသရွေ့ ကိုလည်း ဦးဗထွေးတို့ ဦးသန်းမောင်တို့က သြော် - မကောင်းတာတွေ အကုန်ဖြတ်တာပဲ (မှန်ပါ)၊ မကောင်းတာက ကိလေသဝဋ်လည်း မကောင်းဘူး၊ ကမ္မဝဋ်ကော (မကောင်းပါဘူး)၊ ဝိပါကဝဋ်ကော (မကောင်းပါဘူး)။

Whatever it severs, U Ba Htway and U Than Maung should realize: "Oh, it is severing all the bad things." (True, Sir). The Round of Defilements is bad. Is the Round of Kamma bad? (It is bad, Sir). And the Round of Results? (It is bad, Sir).

ရန်သူကိုအောင်ပွဲယူတာဒီမဂ်ပါပဲ၊

The Path Triumphs Over the Enemy

မကောင်းတာကို အကုန် ရှင်းလင်း ပေးနေတာသည် ၊ ကိလေသာ ရန်သူတွေ ကိလေသာ ရန်သူ၏ အကျိုးတွေကို အောင်ပွဲ ယူတာ ဒီမဂ်ပါပဲ (မှန်ပါ)၊ ရှင်းပြီနော် (ရှင်းပါပြီဘုရား)။

That which clears away all these evils—this Magga—is what claims victory over the enemy called Defilements and their effects. (True, Sir). Is that clear? (Yes, it is clear, Sir).

ကောင်းပြီ၊ ဒါဖြင့် ဖြစ်ပျက် လာတိုင်း လာတိုင်း ဓမ္မ သဘာဝ ပေါ်တိုင်း ပေါ်တိုင်း ကိုယ့်သန္တာန်ပေါ်တဲ့ ဆယ့်သုံးခု ကို ဒကာ ဒကာမတို့ လှည့်ပြီး ရှုနေရမယ် (မှန်ပါဘုရား)။

Good. Therefore, whenever Arising and Passing Away occurs—whenever a natural phenomenon appears—you must rotate your awareness and observe the thirteen factors appearing within you. (True, Sir).

ညနေအားထုတ် မနက်ရနိုင်တယ်

Practice in the Evening, Attain by Morning

လှည့်ရှုနေတဲ့ အခါကျလို့ရှိရင် အနိစ္စနဲ့ မဂ္ဂနဲ့ ကိုက်သွား မှာပဲ (မှန်ပါ)၊ ကိုက်သွားလို့ရှိရင် ညနေအားထုတ် မနက်ရနိုင် ပါတယ်ဗျာ ဘာမှမပူနဲ့ (မှန်ပါ) ရှင်းကြပလား (ရှင်းပါပြီ)။

When you keep observing in this way, Impermanence (Anicca) and the Path (Magga) will eventually align. (True, Sir). If they align, you could practice in the evening and attain realization by morning! Do not worry about a thing. (True, Sir). Is that clear? (Yes, Sir).

ဒါဖြင့် နိဗ္ဗာန် ဝေးသလား၊ နီးသလားလို့ မေးရင် ခင်ဗျားတို့ ဘယ့်နှယ် ဖြေမလဲ (နီးပါတယ် ဘုရား)၊ နီးလျက်နဲ့ ခင်ဗျားတို့ ဘာဖြစ်လို့ မရသတုံး ဆိုတော့ မဂ်နဲ့ မဖြတ်နိုင်လို့၊ သဘောကျ ပလား (ကျပါပြီ)။

So, if I ask, "Is Nibbana far or near?", how will you answer? (It is near, Sir). It is near, yet why have you not attained it? Because you have not yet severed the cycle with the Path. Do you grasp this? (Yes, Sir).

အခုတော့ဖြင့် ဒီဆယ့်သုံးခု လာတိုင်း လာတိုင်း တပည့် တော်တို့က မဂ်နဲ့ဖြတ်မယ်ဘုရား၊ ဖြစ်ပျက်-မဂ်၊ ဖြစ်ပျက်-မဂ် ကိုက်အောင် လုပ်နေမယ်ဘုရား (မှန်ပါ)၊ အဲဒီလို ကိုက်အောင် လုပ်နေလို့ ရှိရင် ဒီဝဋ်သုံးပါးဟာ ဘယ်တော့လာဦးမလဲ (မလာ ပါဘူးဘုရား)။

Now, resolve this: "Whenever these thirteen factors arise, we will sever them with the Path." You must strive to make "Arising and Passing Away" and "The Path" align perfectly. (True, Sir). If you make them align like this, will the Three Rounds ever return? (No, Sir).

ကိုယ့်ဉာဏ်နဲ့ဝဋ်ကိုချွတ်ပါ

Liberate Yourself with Your Own Wisdom

ဒါဖြင့် ခင်ဗျားတို့ ဉာဏ်နဲ့ ခင်ဗျားတို့ ဝဋ်ကိုချွတ်ပါ (မှန်ပါ)၊ သဘောပါပလား (ပါပါပြီ)။

Therefore, liberate yourself from the Round using your own Insight (Nana). (True, Sir). Do you understand? (Yes, Sir).

ဘယ်သူ့ဉာဏ်နဲ့ ချွတ်ရမတုံး (ကိုယ့်ဉာဏ်နဲ့ကိုယ် ချွတ် ရပါမယ်)၊ ကိုယ့်ဉာဏ်နဲ့ကိုယ် ချွတ်ရမယ်၊ ဆရာသမားက နည်းပေးရုံပဲ (မှန်ပါ)။

With whose Insight must you liberate yourself? (With our own Insight, Sir). You must do it with your own wisdom; the teacher can only show the way. (True, Sir).

ဆရာသမားကတော့ နည်းပေးရုံပဲဆိုတော့ သြော် ဒါဖြင့် ဒို့သန္တာန်မှာ များများ ရှုစရာ မရှိပါဘူး၊ ဆရာဘုန်းကြီးက အခုပြောပြတာ ဆယ့်သုံးပါးလောက် ရှုရင် ပြီးနိုင်သတဲ့။

အဲဒီ ဆယ့်သုံးပါးကလေး ပေါ်တာ ဒို့က လိုက်နေလို့ ရှိရင်ဖြင့် ဒို့မှာ မဂ်ရနေတယ်၊ လိုက်တာဟာ ပုဗ္ဗဘာဂမဂ်ပဲ (မှန်ပါ)။

Since the teacher only gives the method, you might think, "Oh, there isn't actually that much to observe in us. The Sayadaw says observing these thirteen factors is enough." Indeed, if you follow and observe these thirteen as they appear, you are cultivating the Path. This observing is the Preliminary Path (Pubba-bhaga Magga). (True, Sir).

ဖြစ်ပျက်လိုက်နေရင်မဂ်ပေါ်တယ်

If You Follow Arising and Passing, the Path Appears

အဲ့ဒီတော့ မဂ်ဖိုလ်လိုချင်လို့ ဆုတောင်းရုံ တောင်းနေ လို့တော့ မဂ်မဝင်ဘူး၊ ပေါ်တဲ့ ဓမ္မကလေးကို ဖြစ်ပျက် လိုက်နေ လို့ရှိရင် မဂ်ပေါ်တယ် (မှန်ပါ)၊ ရှင်းပလား (ရှင်းပါပြီဘုရား)၊ ဒါဖြင့် ကိုယ့်ကိုယ်ကို သနားလို့ရှိရင် လုပ်ရလိမ့်မယ် (မှန်ပါ ဘုရား)။

So, simply praying, "May I attain the Path and Fruition," will not make the Path enter you. But if you follow the arising phenomenon and see its Arising and Passing Away, the Path appears! (True, Sir). Is that clear? (Yes, Sir). Therefore, if you have any pity for yourself, you must do this work. (True, Sir).

ကိုယ့်ကိုယ်သနားရင်လုပ်ရလိမ့်မယ်

Compassion for Oneself

ဘာလုပ်ရမယ် (ကိုယ့်ကိုယ် သနားရင် လုပ်ရပါလိမ့် မယ်)၊ ကိုယ့်ကိုယ် သနားရင် လုပ်ရလိမ့်မယ် ဆိုတော့ ဦးမာဒင် ဒီစကားဟာ ကုန်နေတဲ့စကား (မှန်ပါ)၊ မလုပ်ရင် ဘာတုံး (မသနားလို့ပါ ဘုရား)။

What must be done? (We must practice if we pity ourselves, Sir). "If you pity yourself, you must do it"—U Ma Din, this is the ultimate advice. (True, Sir). If you don't do it, what does that mean? (It means we do not pity ourselves, Sir).

ဒါဖြင့် ခင်ဗျားတို့ ကိုယ့်ကိုယ်သနားလို့ ထမင်းကျွေး နေတာက သနားရာမကျဘူး (မှန်ပါ)၊ ကိုယ့်ကိုယ်အဝတ် အမျိုး မျိုးဆင် စိန်ရွှေတွေ မြတွေ ပတ္တမြားတွေ အမျိုးမျိုး ဆင်နေကြ တာ သနားတာပဲ (မှန်ပါ)၊ ဆင်ရင်း ပြင်ရင်းနဲ့ပဲ သူက အိုပွဲ နာပွဲ သေပွဲ နောက်ဘဝ အပါယ် လေးပါး ပဲ သွားတာပဲ။

Feeding yourself rice out of "self-love" is not true compassion. (True, Sir). Adorning yourself with various clothes, diamonds, emeralds, and rubies—you think that is compassion? (True, Sir). While you are busy dressing and adorning, you are marching toward aging, sickness, death, and the Four Lower Realms in the next life.

ကိုယ့်ဉာဏ်နဲ့ရှုနေရင် သံသရာဖြတ်တာပဲ

Only Insight Severs the Cycle

အဲဒါတွေက ကိုယ့်ကိုယ်ကို သနားတဲ့ ပုဂ္ဂိုလ် မဟုတ်ပါ ဘူးတဲ့၊ ကိုယ့်ကိုယ် သနားတာ ကတော့ ခုနင်က ကိုယ့်ကိုယ်၏ ဖြစ်ပျက် အနိစ္စကို ကိုယ့်ဉာဏ်နဲ့ ရှုနေတဲ့ ပုဂ္ဂိုလ်ကမှ ကိုယ့်ကိုယ် သနားပြီး နောက်ဘဝ သံသရာ ဖြတ်တာပဲ (မှန်ပါ)။

Those actions do not belong to someone who truly pities themselves. True self-compassion belongs only to the one who observes the Impermanence (Anicca) of their own Arising and Passing Away with their own Insight. That is what severs the future Samsara. (True, Sir).

သံသရာလည်တယ်၊ ရှင်းပလား၊ ကိလေသာလည်း သံသရာပဲ၊ ကံလည်း သံသရာပဲ၊ အကျိုးပေးကော (သံသရာ ပဲ)၊ ဒီသံသရာကြီးဟာ ဒီမဂ်ဝင်မှ ပြတ်တယ် (မှန်ပါ)၊ ဒီမဂ်မဝင် ရင် (မပြတ်ပါဘူး)။

Samsara revolves. Is that clear? Defilements are Samsara. Kamma is Samsara. And the Result? (It is Samsara, Sir). This great cycle of Samsara is severed only when the Path enters. (True, Sir). If the Path does not enter? (It will not be severed, Sir).

မဂ်ရလို့ပြတ်တာ

Severed by Attaining the Path

ဒါဖြင့် ဒီဥစ္စာသည် ဘယ့်နှယ်ကြောင့် ပြတ်သွားသတုံး ဘုရာ့လို့ ဆိုတော့ ပြတ်ရမည့်၊ အကြောင်း ရှိပါတယ်၊ ခင်ဗျားတို့ မြင်တာသည် ဟောဒါကလေးက မြင်စိတ်ကလေး၊ ကြားတဲ့ စိတ်ကလေးကို မရှိဘူးလို့ သိတော့ ဖြစ်ပျက်က ပျောက်သွား တာက ဒုက္ခသစ္စာပဲ (မှန်ပါ) မြင်တာက (မဂ္ဂသစ္စာပါ) မဂ္ဂသစ္စာ ဆိုလို့ရှိရင် ကိလေသာ, ကံ, ဝိပါကဝဋ်ကို ဖြတ်ရ မယ် (မှန်ပါ) မဂ်ရလို့ ပြတ်တာ (မှန်ပါ) သဘောကျပလား (ကျပါပြီ) မဂ်မရရင် (မပြတ်ပါဘူး)။

So, if you ask, "Why is it severed?", there is a reason. When you realize that the "seeing consciousness" does not truly exist—when you see the Arising and Passing Away vanish—that is the Truth of Suffering (Dukkha Sacca). (True, Sir). The seeing of that is the Truth of the Path (Magga Sacca). If it is the Truth of the Path, it must sever the Defilements, Kamma, and Results. (True, Sir). It is severed because you attained the Path. (True, Sir). Are you convinced? (Yes, Sir). If you do not attain the Path? (It will not be severed, Sir).

ဒါဖြင့် ခင်ဗျားတို့ ရှုတာသည် ကိုယ့်သံသရာကို ဖြတ်နေတာ ဒုက္ခသစ္စာ သိတဲ့ဉာဏ်နဲ့ ဖြတ်တာ (မှန်ပါ) ရှင်းပလား (ရှင်းပါပြီ)။

Therefore, your practice of observation is actually severing your own Samsara. You are severing it with the Insight that realizes the Truth of Suffering. (True, Sir). Is that clear? (Yes, Sir).

ဝဋ်ကျွတ်အာက နိဗ္ဗာန်ရတော့

Liberating from the Round is Nibbana

ဒါဖြင့် ဖြစ်ပျက် ဘာသစ္စာ (ဒုက္ခသစ္စာ)၊ မြင်တာ ကလေးက (မဂ္ဂသစ္စာပါ) သူလာတော့ ကိလေသဝဋ်၊ ကမ္မဝဋ်၊ ဝိပါကဝဋ် ရှိသေးရဲ့လား (မရှိပါဘူး) ဒါဖြင့် ကိလေသဝဋ်နဲ့ ကမ္မဝဋ် ကျွတ်သွားတာက သမုဒယ သေတာ၊ ဝိပါကဝဋ် ကျွတ်တာက နိဗ္ဗာန်ရတာ (မှန်ပါ)။

So, what Truth is the Arising and Passing Away? (It is the Truth of Suffering, Sir). And the mind that sees it? (It is the Truth of the Path, Sir). When the Path arises, do the Defilements, Kamma, and Results remain? (No, Sir). Thus, the breaking of the Defilement-Round and Kamma-Round is the death of the Cause (Samudaya). The breaking of the Result-Round is the attainment of Nibbana. (True, Sir).

ကိုင်း ဒုက္ခသစ္စာ၊ မဂ္ဂသစ္စာ၊ သမုဒယသေတာ ဟောဒါက နိရောဓ ပေါ်တာ (မှန်ပါ)၊ နောက် ခန္ဓာလာသေး ရဲ့လား (မလာပါဘူး)၊ မလာလို့ ရှိရင်ဖြင့် ဒုက္ခသစ္စာကြီး ချုပ်ငြိမ်း သွားတယ် (မှန်ပါ)၊ ရှင်းပလား (ရှင်းပါပြီ)။

Now, we have the Truth of Suffering and the Truth of the Path. The death of the Cause (Samudaya) means the Cessation (Nirodha) appears. (True, Sir). Does a future aggregate arise? (No, Sir). If it does not arise, the great mass of Suffering ceases. (True, Sir). Is that clear? (Yes, Sir).

လုပ်ဖြစ်အောင်လုပ်ကြပါ

Strive to Complete the Work

ပေါ်ပြီနော် (ပေါ်ပါပြီ)၊ ဒါဖြင့် လုပ်ဖြစ်အောင်လုပ် ကြပါ (မှန်ပါ)၊ ဘယ်နှစ်ခု ရှုရမှာတုံး (ဆယ့်သုံးခု ရှုရမှာ ပါ)၊

ဆယ့်သုံးခုထဲကလည်း အမြဲတမ်း ရှုရမှာက နှစ်ခုတည်း (မှန်ပါ)။

It has appeared now, hasn't it? (Yes, Sir). Therefore, strive to actually do the work! (True, Sir). How many factors must you observe? (Thirteen, Sir). Yet, out of those thirteen, there are only two that you must observe constantly. (True, Sir).

ကျန်တဲ့ ခင်ဗျားတို့ ဆယ့်တစ်ခုက (လှည့်ရှုရမှာပါ)၊ ပေါ်မှရှု၊ မပေါ်ရင်မရှုနဲ့ (မှန်ပါ)၊ မပေါ်ရင် ဒီနှစ်ခုပဲလှည့်ရှု (မှန်ပါ)၊ ရှင်းပလား (ရှင်းပါပြီ)။

ကဲ ယနေ့ ဒီတွင် တော်ကြဦးစို့။

သာဓု သာဓု သာဓု။

As for the remaining eleven? (We must rotate and observe them, Sir). Observe them only when they appear; if they don't appear, don't observe them. (True, Sir). If they don't appear, just keep observing these two. (True, Sir). Is that clear? (Yes, Sir). Well, let us stop here for today. Sadhu, Sadhu, Sadhu.