တရားတော်

book-130

ရှင်ခေမကရဟန်းဥပမာပြ

ရှင်ခေမကရဟန်းဥပမာပြ

The Analogy of Venerable Khemaka

၁။ ကိုယ့်အပါယ်တံခါးကို ရဲရဲတင်းတင်းပိတ်ပါ (၁၄-၁၀-၆၂)

၂။ အပါယ်တံခါးပိတ်နည်း (ကာယာနုပဿနာ)(၁၀-၁၂-၅၈)

ဤစာအုပ်၌ တရားနှစ်ပုဒ်ပါဝင်ပါသည်။

ကိုယ့်အပါယ်တံခါးကို ရဲရဲတင်းတင်းပိတ်ပါ

အသံဖိုင်ခေါင်းစဉ်= ရှင်ခေမကရဟန်းဥပမာပြ အပါယ်ရေသောက်မြစ် ဖြတ်နည်း တရားတော်

စာအုပ်ခေါင်းစဉ်= ကိုယ့်အပါယ်တံခါးကို ရဲရဲတင်းတင်းပိတ်ပါ

Audio Title: The Analogy of Venerable Khemaka: How to Sever the Root of Apaya

Book Title: Firmly Close Your Own Door to Apaya

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

အမရပူရမြို့၌ဟောကြားသောတရားတော်

ကိုယ့်အပါယ်တံခါးကို ရဲရဲတင်းတင်းပိတ်ပါ

(၁၄-၁၀-၆၂)

Benefactor, Aggamahapandita

The Venerable Mogok Sayadaw

Delivered at Amarapura

Date: 14th October 1962

တရားနှလုံးသွင်းကြ၊ ဦးတင်တို့ ဦးသန်းမောင်တို့ မှတ်စရာက ခန္ဓာကိုယ်ကြီးကို ငါလို့ထင်နေတဲ့ အလုံးတစ်လုံး ပြုတ်ဖို့ အရေးကြီးတယ်။

ငါ့ဥစ္စာလို့ ပရိဘောဂတွေ အသုံးအဆောင်တွေ ငါ့ဥစ္စာလို့ ထင်နေတဲ့ တစ်လုံး ဒီနှစ်လုံး ဟာတော့ ပစ္စည်း ရှိငြား သော်လည်း ခန္ဓာရှိငြား သော်လည်း နာမ်ရုပ် ပြုတ်ရမယ့် ဒါလေး အသေအချာ မှတ်ပါ (မှန်ပါ့)။

Take this Dhamma to heart. U Tin, U Than Maung, what you must mark closely is this: It is crucial to uproot the solid lump of "I" that you believe this body to be. Regarding property and possessions, you believe them to be "Mine." Even though property exists and the body exists, you must realize that *Mind (Nama) and Matter (Rupa) must be detached from the notions of "I" and "Mine."* Mark this with certainty. (Yes, Sir).

ဘာပြုလို့အရေးတကြီးပြောရပါလိမ့်

Why do I speak of this with such urgency?

ဘာပြုလို့ ဆရာဘုန်းကြီးက ဒီဥစ္စာကို အရေး တကြီး ပြောရပါလိမ့်မလဲလို့ ဒကာ ဒကာမ တွေက မေးလို့ ရှိရင် ဒီပြင် ဒါန သီလတွေ ဘယ်လိုပင် ကောင်းကောင်း သူမပြုတ် သေးလို့ရှိရင်၊ ဒါနသီလတို့၏ အကျိုးပေး အဆုံးဟာ သူကဆွဲပြီး အပါယ်လေးပါး ချတတ်သည်။

ဒါကြောင့် ငါပြုတ်ဖို့ ခန္ဓာငါးပါးကို ငါထင်နေတာ ပြုတ်ဖို့ ခန္ဓာငါးပါးမှ တစ်ပါးသော ဝတ္ထု ပစ္စည်းတွေကို ငါ့ဥစ္စာ လို့ ထင်နေတာ ပြုတ်ဖို့ အရေးဟာ ဦးခေါင်း မီးလောင်တာ မြန်မြန် ငြိမ်းသည်ထက် အရေးကြီးရမယ်။

ရင်ဝ သူများက လှံနဲ့ထိုးလိုက်တာ မြန်မြန် ရှောင်ရှား သလို ငါ၊ ငါ့ဥစ္စာ ထင်မှု နှစ်ခုကိုဖြင့် ဘုရားက ရှောင်ရှားပါ လို့ဆိုတာဟာ သေသေချာချာ ဟောတယ်နော် (မှန်ပါ့)။

အရေးတကြီးနဲ့ အသေအချာမှတ်ပါ။ ဦးသန်းမောင်၊ အသေအချာ မှတ်နော် (မှန်ပါ့)။

ငါ ထင်တာက ခန္ဓာငါးပါး၊ ငါ့ဥစွာ ထင်တာက တခြားသော ပစ္စည်းတွေပေါ် ခြံ၊ အသုံး အဆောင်၊ တိုက်တာ၊ အိမ်၊ မြေ၊ ကား၊ ပရိဘောဂ အသေး အငယ်တွေ ဒါတွေ ငါ့ ဥစ္စာ ထင်နေလို့ ရှိလို့ ရှိရင်လည်း၊ လှူဒါန်း ပေးကမ်းတဲ့ ဒါန၊ ဆောက်တည်တဲ့ သီလတွေကြောင့် နတ်ရွာသုဂတိသို့ ရောက်ပါတယ်။

If you yogis ask why I, your teacher, speak of this so urgently, it is because: no matter how excellent your Charity (Dana) and Morality (Sila) may be, if this View is not yet uprooted, the consequences of that very Charity and Morality can still drag you down to the Four Lower Realms (Apaya) in the end. Therefore, the urgency to uproot the view of "I" regarding the Five Aggregates, and the view of "Mine" regarding external objects, must be greater than the urgency to extinguish a fire burning on your own head. Just as you would instantly dodge a spear thrown at your chest, the Buddha preached with great precision that you must dodge these two notions: "I" and "Mine." (True, Sir). Mark this urgently and surely. U Than Maung, mark this well. (Yes, Sir). To believe in the Five Aggregates as "I," and to believe in external things—compounds, utensils, buildings, houses, lands, cars, and furniture—as "Mine"; if you hold these views, then even though your Charity and Morality may send you to the celestial realms of Sugati, *once that merit is exhausted, Sakkaya-ditthi (Personality View) will pull you down to the Four Lower Realms.* So, U Tin, is that a good situation? (It is not good, Sir).

ဒီ သက္ကာယဒိဋ္ဌိက ဒါတွေ ကုန်တဲ့အခါမှာ အပါယ် လေးပါး ဆွဲချလိုက်တယ် ဆိုတော့ ဦးတင် ကောင်းသေးရဲ့ လား ( မကောင်းပါဘူး ဘုရား)။

ဆရာဘုန်းကြီးက ဒါတွေအရေးကြီးတဲ့

The Teacher says these are the critical points

ဒါကြောင့် ဦးသန်းမောင်တို့ ဒီမှာ ဆရာသမားနဲ့ ကြုံတယ်။ ဒီနှစ်လုံးဟာ ဆရာဘုန်းကြီးက အရေးကြီး သတဲ့၊ ခန္ဓာငါးပါးဟာ ကိုယ့်ခန္ဓာငါးပါး ငါထင်နေတဲ့ အလုပ်၊ ပစ္စည်းတွေ ငါ့ဥစ္စာ ထင်နေတဲ့ အလုပ်၊ တကယ် ထင်နေတဲ့ အလုပ် ဆိုတာပါ။

အပြောတွေ ပြောတာ မဆိုလိုပါဘူး၊ ရှုလိုက်တဲ့အခါ ပြုတ်သွားဖို့ပဲ အရေးကြီးပါတယ်၊ မရှုတဲ့ အခါ ထင်နေတာကတော့ မရှုတဲ့အခါ ပြောမြဲ ဆိုမြဲ အတိုင်း ပြောနေ တာကတော့ အပြစ် မရှိပါဘူး။

ရှုတဲ့အခါမှာဖြင့် သြော် ငါမဟုတ်ပါလား၊ ငါ ဥစ္စာ မဟုတ်ပါလား ဆိုတာကိုဖြင့် အားလုံး ဒကာ ဒကာမတို့ လေးလေးစားစားနဲ့ သတိပေး လိုက်တယ် (မှန်ပါ့)။

မစွဲပါနဲ့ စွဲလို့ရှိရင် သက္ကာယ ဒိဋ္ဌိလို့ ဖြစ်ပါတယ် နော် (မှန်ပါ့) စွဲရင် ဘာဒိဋ္ဌိဖြစ်တုံး (သက္ကာယဒိဋ္ဌိ ဖြစ်ပါတယ် ဘုရား) သက္ကာယ ဒိဋ္ဌိ ဖြစ်တယ် ဆိုတာ ခု- ဒကာရင်း၊ ဆရာရင်းတွေ၊ အရေးတကြီး ဆရာ ဘုန်းကြီးက ပြော လာတော့၊ အခါခါ အရေးကြီးဆုံး ထက် အပါယ်ငရဲ ရေသောက် မြစ်ဟာ ငါ၊ ငါ့ဥစ္စာဆိုတဲ့ စာလိုသုံးတော့ အတ္တနဲ့ အတ္တနိယ။

ဒီနှစ်ခုဟာ အရေးကြီးသတဲ့ ဆိုတဲ့ ဥစ္စာတော့ ဦးအောင်ဇံဝေတို့ မှတ်ထားရလိမ့်မယ် (မှန်ပါ့) မှတ်ထား ရမယ်။

That is why, U Than Maung, you have met a teacher here. Your teacher tells you these two things are critical: The work of thinking "I" regarding your own Five Aggregates, and the work of thinking "Mine" regarding property. This refers to really believing it, not just speaking about it. I do not mean mere speech. What matters is that when you observe with Insight, these notions must be uprooted. When you are not observing and are just speaking in conventional terms, there is no fault. But when you are observing, I warn you all with great seriousness: You must see "Oh, this is not I. This is not Mine." (Yes, Sir). Do not cling. If you cling, it becomes Sakkaya-ditthi. (Yes, Sir). If you cling, what View is it? (It is Sakkaya-ditthi, Sir). Since your teacher is speaking of this as a matter of urgency, U Aung Zan Wai, you must note that the taproot of the hells and the Lower Realms is simply "I" and "Mine"—or in scriptural terms, Atta and Attaniya. You must note that these two are the critical dangers. (Yes, Sir).

အပါယ်ရေသောက်မြစ်ဖြတ်ပေးတဲ့နေ့

The Day We Sever the Taproot of Apaya

ဒီနေ့ သီ တင်းနေ့၊ နေ့ထူး နေ့မြတ်ကြီးကို ဦးသန်းမောင်တို့ ဦးတင်တို့ ဆရာဘုန်းကြီးက အပါယ် ရေသောက်မြစ် ဖြတ်ပေးတဲ့နေ့ပဲ ဟေ့ (မှန်ပါ့) အပါယ် ရေသောက်မြစ် ဖြတ်ပေးတဲ့ နေ့ပဲဟေ့ ဆိုတဲ့ ဥစ္စာ ဆုံးဖြတ်ချက် ချပါနော် (မှန်ပါ့)။

အပါယ် ရေသောက်မြစ် ဖြတ်ပေးတဲ့နေ့၊ နို့မဟုတ် လို့ရှိရင် လူက ဒါနသီလ တန်ခိုးကြောင့်၊ လူ့ပြည်မှာ နေတယ် (မှန်ပါ့) ဂဇက်ထွက်နေတာက လူ့ပြည်မှာ နေရင်း ဂဇက် ထွက်နေတာက အပါယ် ဂဇက် ထွက်နေတယ် (မှန်ပါ့)။

လူကတော့ လူ့ပြည် (မှန်ပါ့) ဂဇက်ထွက်တာ ကတော့ အပါယ်သွားစေ၊ သေသည့်အခြားမဲ့၌ အပါယ်သွား စေဆိုတဲ့ ဂဇက်က ထွက်နေတယ် ရှင်းကြလား (ရှင်းပါ တယ် ဘုရား)။

ဒါဖြင့် ဒီဂဇက်တွေကို ငါ၊ ငါ့ဥစ္စာ နှစ်ခုကို ဉာဏ်နဲ့ ဖြုတ်လိုက်လို့ ရှိရင် ဒီဂဇက် ထွက်ပြီး သားတောင်မှ ကျုပ်တို့ ဂဇက်ပြန်သိမ်းပြီး သကာလ မရောက် နိုင်တော့ဘူး ဆိုတဲ့ဥစ္စာ သေသေချာချာ မှတ်ပါ (မှန်ပါ့)။

ဒါဖြင့် ဘာဖြုတ်ရမယ် ဦးတင် (သက္ကာယဒိဋ္ဌိ ဖြုတ်ရမှာပါ ဘုရား) မြန်မာလို ပြန်လိုက်စမ်း (ငါ, ငါ့ဥစ္စာ ပါ ဘုရား)။

Today is the Sabbath day. U Than Maung, U Tin, consider this the day your teacher severs the taproot of the Lower Realms for you! (Yes, Sir). You must make a firm decision: "This is the day we sever the taproot of Apaya." (Yes, Sir). If not, even though you live in the human world due to the power of your Charity and Morality, an official warrant—a "Gazette"—is already published for the Lower Realms. (True, Sir). You live in the human realm physically. (Yes, Sir). But the Gazette is published saying: "Let him go to Apaya. Immediately upon death, let him proceed to Apaya." Is that clear? (Yes, it is clear, Sir). Therefore, if we use Insight (Ñana) to uproot "I" and "Mine," we can retract this Gazette that has already been issued. We can make it so that we never arrive there. Mark this with certainty. (Yes, Sir). So, what must we uproot, U Tin? (We must uproot Sakkaya-ditthi, Sir). Say it in Burmese. (I and Mine, Sir). Yes, U Than Maung, what is it? (I and Mine, Sir). "I" and "Mine." "I" refers to the Five Aggregates. "Mine" refers to these external possessions. (Yes, Sir). Note that "I" is specific. You cling to the Five Aggregates. You mistake Matter (Rupa) for "I". You mistake Feeling (Vedana) for "I". You mistake the little note of Perception (Sañña) for "I". You mistake Faith (Saddha) for "I". You mistake the Mind (Citta)—the consciousness that knows—for "I".

အဲ ဦးသန်းမောင် ဘာတဲ့ (ငါ၊ ငါ့ဥစ္စာပါ ဘုရား)။ ငါ၊ ငါ့ဥစ္စာ။ ငါက ခန္ဓာငါးပါး၊ ငါ့ဥစ္စာက ဒီလို ပစ္စည်းတွေ ငါ့ဥစ္စာ (မှန်ပါ့)။

ငါက တခြားနော် ငါက ခန္ဓာငါးပါး အပေါ် စွဲတာ ရုပ်ကို ငါထင်တာ၊ ဝေဒနာကို ငါထင်တာ၊ မှတ်ထားတာလေး မှတ်တဲ့ သညာလေး ငါမှတ်ထားတာ ဒီလို သညာလေး ငါထင်နေတာ။

ငါယုံကြည်ထားတာ၊ သဒ္ဓါလေး ငါထင်နေတယ် (မှန်ပါ့) ငါသိထားတာ စိတ်ကို ငါထင်နေတယ်၊ သိတဲ့စိတ်က သိတာကို ငါထင်နေတယ်။

ကိုယ့်အပါယ်တံခါးကို ရဲရဲတင်းတင်းပိတ်ပါ

Firmly Close Your Own Door to Apaya

အဲဒီ ငါလေးကိုဖြင့် ဘုန်းကြီးတို့ ဒကာ ဒကာမတွေ ယနေ့ မဟုတ်ဘူးကွ ရုပ်ဟာ ရုပ်ပဲကွ၊ ငါမဟုတ်ဘူး၊ ဝေဒနာ ကောင်းတာ မကောင်းတာ သူ စားသောက်နေတာပဲကွ၊ ဝေဒနာဟာ ဝေဒနာပဲကွ၊ ငါမဟုတ်ဘူး (တင်ပါ့) ဦးသန်းမောင် ရဲရဲတင်းတင်း လုပ်စမ်းပါ (မှန်ပါ့)။

ငါမဟုတ်ဘူး ရဲရဲတင်းတင်း သာချပါ ဘယ်နှယ့် ကိုယ့်အပါယ် တံခါး ကိုယ်ပိတ်တာ ရဲရဲတင်းတင်း ပိတ်ပေါ့နော် (မှန်ပါ့)။

Regarding this little "I," I tell you yogis: It is not "I." Matter is just Matter. Feeling—whether good or bad—is just the experience of feeling. Feeling is just Feeling; it is not "I." (Yes, Sir). U Than Maung, be bold about this! (Yes, Sir). It is not "I." Cast it out boldly. You must close your own door to Apaya firmly and boldly. (Yes, Sir).

စိတ်မချလို့ပြောနေတာ

I Speak Because I Am Worried

နောက်က ဒကာ ဒကာမတွေ ရဲရဲတင်းတင်း ပိတ်ပါ၊ ဒီဥစ္စာကို စိတ်မချလို့ ပြောနေတာ (မှန်လှပါ)။

လူက လူ့ပြည်မှာ မသေသေးဘူး ဂဇက်က ငရဲသွား ဖို့ ထွက်နေတယ် (မှန်ပါ)။ မပြောသင့် ဘူးလား (ပြောသင့်ပါတယ် ဘုရား)။

သူမပြုတ်လို့ သူမပြုတ်လို့ (တင်ပါ့) ဒါကြောင့် ဘုန်းကြီးတို့ ဒကာ ဒကာမတွေကို အထူး တလည်ပဲ ယနေ့ နေ့ထူး နေ့မြတ် တစ်ရက် နေ့ကြီးကို ခန္ဓာငါးပါးကို ခန္ဓာငါးပါး လို့ပဲ ဦးသန်းမောင်က မှတ်လိုက် ငါလို့ မထင်နဲ့ (မှန်ပါ့)။

ပစ္စည်း ဥစ္စာ ရတနာတွေကိုလည်း၊ သြော် ပစ္စည်းဥစ္စာ ရတနာတွေသာ မှတ်လိုက်၊ ငါ့ဥစ္စာ ဟူသော အထိမ်း အမှတ်တော့ ပြောရုံသာ ပြောပြီး တကယ်တော့ မထင်နဲ့ (မှန်ပါ့)။

ဒါဖြင့် ရူပက္ခန္ဓာတွေပဲ၊ ရုပ်တရားတွေပဲ ဖောက်ပြန် ပျက်စီးတာ တွေပဲလို့၊ ဘုန်းကြီးတို့ ဒကာ ဒကာမတွေက ခန္ဓာထဲ ပေါ်လာ လို့ရှိရင်၊ ရုပ်ကလေးက ပူတာ၊ အေးတာ ပေါ်လာလို့ရှိရင် ဪ ရုပ်တွေပါလား၊ ဒီဥစ္စာ ဒီလိုသာ ဆုံးဖြတ်ချက်ချ (မှန်ပါ့)။

I tell the yogis in the back: Close it firmly! I speak this way because I am not at ease about your safety. (True, Sir). A person may not be dead yet in the human realm, but the Gazette for Hell has already been issued. (True, Sir). Should I not speak of this? (You should, Sir). It is because this View has not been uprooted. (Yes, Sir). That is why, on this special, noble day, I urge you: U Than Maung, regard the Five Aggregates only as the Five Aggregates. Do not think of them as "I." (Yes, Sir). Regard property and jewels only as property and jewels. Use the label "Mine" only for speech, but do not really believe it in your heart. (Yes, Sir). So, when Matter arises in the Aggregates—when heat or cold arises—you yogis must decide: "Oh, these are just Material Processes. These are just phenomena that change and vanish." Make this decision. (Yes, Sir).

ဝေဒနာလေးပေါ်တယ်

When Feeling Arises

ဝေဒနာလေးက အင်း ကောင်းတာ ကြိုက်တယ် ဆိုတဲ့ ဝေဒနာလေး၊ ဆိုးတာ မကြိုက်ဖူး ဆိုတဲ့ ဝေဒနာလေး ဒါလေး ပေါ်လာလို့ ရှိရင်လည်း ဦးအောင်ဇံဝေတို့ ဒါဝေဒနာ အလုပ်ပဲ၊ ဝေဒနာက သူ့အလုပ်သူ ပြောနေတာ ငါမရောပါဘူး၊ ငါသွား မရောနဲ့ (မှန်ပါ့)။

ဒါ ဝေဒနာ အလုပ်ပဲ၊ ဒါ ဝေဒနာက္ခန္ဓာလေး၏ အကြောင်း တိုက်ဆိုင်လို့ ပေါ်နေတာပဲ၊ ဒါလောက် မှတ်ကြ စမ်းပါနော် (မှန်ပါ့)။

ဒါ အရေးကြီးတယ်နော်၊ ဒါအရေးကြီးတယ်လို့ မှတ်ကြစမ်းပါ။ ကဲ ခန္ဓာ ငါးပါးထဲက ဦးတင်တို့ ဦးသန်းမောင်တို့ ဘာပေါ်ပေါ် ဝေဒနာ ပေါ်လည်း ဝေဒနာ ပေါ် တယ်ပဲမှတ် (တင်ပါ့) ငါမလုပ်နဲ့နော် (တင်ပါ့)။

When a feeling arises—"I like this," "I don't like this"—U Aung Zan Wai, this is just the work of Feeling (Vedana). Feeling is doing its job. I am not involved. Do not go and mix "I" into it. (Yes, Sir). This is just the work of Feeling. It arises because causes coincide within the Aggregate of Feeling. Please mark this much. (Yes, Sir). This is important. Consider it vital. So, U Tin, U Than Maung, whatever arises in the Five Aggregates—if Feeling arises, note it as "Feeling arises." (Yes, Sir). Do not make it "I." (Yes, Sir).

သညာပေါ်တယ်

When Perception Arises

သညာ ပေါ်ရင်ကော (သညာလို့ မှတ်ရမှာပါ ဘုရား) သညာ ပေါ်တယ်ပဲ မှတ်ထားတာ လေးကို မှတ်ထား တဲ့ သညာလေး ငါ့ကား၊ ငါ့ကားဆိုတဲ့ ဥစ္စာ ဟုတ်တယ်၊ မှတ်ထား တာပဲ။ သို့သော် သညာ၏ အလုပ် ငါကတော့ မရောစေနဲ့။

သညာက မှတ်ထားတာဟေ့ ပြီးတာပဲ စေတနာလေး ကောင်းလာတယ်ဆို ဪ စေတနာ၏ အလုပ်၊ ဒါ ငါ့အလုပ် မဟုတ်ဘူး (တင်ပါ့) ဒီအတိုင်း မှတ်ရမယ် (မှန်ပါ့)။

What if Perception (Sañña) arises? (We must note it as Perception, Sir). Note it as Perception. The memory "My car, my car"—yes, that is a memory. It is Perception. But do not let "I" mix with the function of Perception. Perception marks it. That is all. If a good intention arises, "Oh, this is the work of Volition (Cetana). This is not my work." (Yes, Sir). You must note it this way. (Yes, Sir).

ဝိညာဏ်ပေါ်တယ်

When Consciousness Arises

ဝိညာဏ်က သိတယ်၊ စိတ်ကလေး တွေက ဟိုသိ၊ ဒီသိ၊ ဟိုမိတ်ဆွေနဲ့သိ၊ ဒီမိတ်ဆွေနဲ့သိ၊ သိတဲ့ စိတ်ကလေး ပေါ်လာ တော့၊ ဪ ဒါ ဝိညာဏ်၏ အလုပ်၊ စိတ်၏ အလုပ်တွေပါလား ဝိညာဏ်နဲ့ စိတ် အတူတူ(မှန်ပါ့)။

ဝိညာဏ်၏ အလုပ် စိတ်၏ အလုပ်တွေပါလားဆိုပြီး သကာလ၊ ဦးသန်းမောင်တို့ ဦးတင်တို့ ဦးနက်တို့ ဒါလဲ မှတ်ရ မယ်နော် (မှန်ပါ့)။

ပြောတာတော့ဖြင့် ပြောလို့တော့ အပါယ် မကျပါဘူး ထင်မှ အပါယ်ကျတယ် ဆိုတာလည်း မှတ်လိုက်ပါဦး (တင်ပါ့)။ ပြောလို့တော့ (အပါယ် မကျပါဘူး ဘုရား) အပယ် မကျပါဘူး။ တကယ် ထင်မှ အပါယ် ကျတာ ရှင်းကြပလား (ရှင်းပါပြီ ဘုရား)။

Consciousness knows. The mind knows this, knows that, knows this friend, knows that friend. When the knowing mind arises: "Oh, this is the work of Consciousness (Vinnana). It is the work of the Mind." Consciousness and Mind are the same. (Yes, Sir). "It is the work of Consciousness. It is the work of the Mind." U Than Maung, U Tin, U Net, you must note this well. (Yes, Sir). Also, remember this: You do not fall to Apaya just for saying the words. You fall to Apaya only if you really believe it. Is that clear? (It is clear, Sir).

ဒါပြောနိုင်တုန်းပြောရတာနော်

I Say This While I Can

အေး သေချာမှတ်ပါ၊ သေချာမှတ်ပါ။ ဒါ ဦးတင်တို့ ဦးသန်းမောင်တို့ ဦးနက်တို့ ဒါပြောနိုင်တုန်း ပြောရတာနော် (မှန်လှပါ ဘုရား)။

အပါယ်တံခါး ပိတ်ချင်ပါတယ် ဘုရား၊ ပိတ်ချင်ပေမဲ့ လည်း ပွင့်နေတဲ့ တရားကို ဖွင့်ပေးတဲ့ တရားကို မပယ်လို့ ရှိရင်ဖြင့် မောင်ထွန်းအောင် ပိတ်နိုင်ပါ့မလား (မပိတ် နိုင်ပါဘူး ဘုရား)။

အဲဒါကြောင့် ပွင့်နေတဲ့ ဖွင့်တတ်တဲ့ တရားကို၊ ဘုန်းကြီးတို့က ပယ်ပစ် လိုက်တော့ကို အပါယ် တံခါးဟာ သူက ဖွင့်ဖွင့် ပေးနေတာ၊ ကျုပ်တို့က သူ့ပယ်လိုက်တဲ့အခါ ကျတော့ ပိတ်ပြီးသား ဆို့ပြီးသား ဖြစ်သွားတယ် (မှန်ပါ့) ပေါ်ပလား ဦးတင်ရ (ပေါ်ပါပြီ ဘုရား)။

ပေါ်ပြီတဲ့ ဒါဖြင့် နေရာကျပါပြီ အဲတော့ ယားတယ်၊ ယားရင် ဝေဒနာပဲ ဝေဒနာလေးပဲ၊ ဒီထက် တက်နိုင်လို့ ရှိရင် ဝေဒနာလေးဟာ ဖြစ်ပြီး ပျက်နေတာပဲ၊ ကောင်းတာပဲ။ သို့မဟုတ် ဝေဒနာ လေးပဲလို့ ဆုံးဖြတ်ချက် ချရင် ကောင်းတာပဲ။

Mark this carefully. Mark it carefully. U Tin, U Than Maung, U Net—I am telling you this while I still have the strength to speak. (True, Sir). You say, "I want to close the door to Apaya." But if you do not remove the Dhamma that opens the door—the very thing that pushes it open—can you close it, Maung Tun Aung? (We cannot close it, Sir). That is why, if we reject the opener—the Wrong View—then, since the door to Apaya was only being pushed open by that View, once we remove it, the door becomes shut and sealed. (Yes, Sir). Do you see it, U Tin? (We see it, Sir). You see it. That is good. So, if there is an itch, it is just Feeling. Just a sensation. If you can go further, decide: "The feeling is arising and passing away." That is good. Or simply deciding "It is just Feeling" is also good.

ဝေဒနာကိုသာသိပြီး သစ္စာမသိပဲဖြစ်နေတယ်

Knowing "Feeling" vs. Knowing "Truth"

ဒီထက် ပိုပြီး သကာလ ကောင်းတာက ဝေဒနာလေးပဲ ဖြစ်ပြီး ပျက်နေတာပဲ သာကောင်းတယ် သာကောင်းတယ် ဦးအောင်ဇံဝေ (မှန်ပါ့) သာကောင်းတယ်တဲ့။

အဲ့ဒါက ဘယ်နဲ့ကြောင့် သာကောင်းသတုံး၊ ဝေဒနာလေးထက် ဖြစ်ပြီး ပျက်နေတာပဲ ဆိုတာလေးက သာကောင်း သတုံး မေးတော့ ဦးတင်က မှတ်လိုက်၊ ဦးသန်းမောင်တို့က မှတ်လိုက် ဝေဒနာလေး ဆိုတာ ဝေဒနာကိုသာ သိတာ (မှန်ပါ့)။

သစ္စာကို မသိပဲ ဖြစ်နေတယ်။ (မှန်ပါ့) ဝေဒနာလေး ဖြစ်ပြီး ပျက်နေတာပဲလို့ ဒီထိအောင် ဉာဏ်က သိလိုက်လို့ ရှိရင်၊ ပေါ်တဲ့ ဉာဏ်က သိလိုက်လို့ရှိရင် သစ္စာပါ သိသွား တယ် (မှန်ပါ့) ဒုက္ခသစ္စာ သွားသိတယ် (မှန်ပါ့)။

ဒါကြောင့် ဝေဒနာပေါ်တာ ဝေဒနာလို့ သိရင် ဝေဒနာလို့ သိတာက ရှေ့က ဒိဋ္ဌိတော့ ပြုတ် ပါတယ်။ ဒိဋ္ဌိ ကတော့ ပြုတ်ပါတယ်တဲ့ ဒကာ ဒကာမတွေ မှတ်ထားပါနော် (မှန်ပါ့) ဒိဋ္ဌိကတော့ ပြုတ်ပါတယ်။

ဒိဋ္ဌိကတော့ ပြုတ်ပါတယ်တဲ့၊ သို့သော် သစ္စာမသိ သေးပဲ ဖြစ်နေတယ် (တင်ပါ့) သစ္စာ မသိသေးပဲ ဖြစ်နေတော့ ဝေဒနာလေး ဝေဒနာ ပေါ်လာ ဝေဒနာ ခုမရှိပါလား ဆိုလိုက်လို့ရှိရင် သစ္စာ သိသွားပြီ။

But there is something even better. "It is just feeling, and it is arising and passing away." This is far better, U Aung Zan Wai. (Yes, Sir). It is far better. Why is it better? Why is "It is arising and passing away" better than just "It is a feeling"? U Tin, U Than Maung, mark this: *Noting it as "Feeling" only knows the phenomenon (Nama). It does not yet know the Truth (Sacca). (True, Sir). If your Insight knows up to the point of "The feeling is arising and passing away," then the Insight that arises knows the Truth as well. (Yes, Sir). It knows the Truth of Suffering (Dukkha Sacca). (Yes, Sir). Therefore, if you know the feeling as merely feeling, knowing it as feeling removes the Wrong View (Ditthi*). Wrong View is indeed uprooted, yogis, mark that. (Yes, Sir). Ditthi is uprooted. However, you still do not know the Truth. (True, Sir). Since you do not know the Truth yet... but if you say, "The feeling arises, and now it is gone," then you know the Truth. When you see "It is gone," you know the Truth. Do you grasp the meaning? (We do, Sir).

မရှိပါလားလို့ဆိုတော့ သစ္စာသိသွားပြီ သဘောပါကြ ပလား (ပါပါတယ် ဘုရား)။

ဝေဒနာသိနဲ့ဖြစ်ပျက်သိ ဘာခြားသတုံး

What is the Difference?

ဪ ဒါဖြင့် ဝေဒနာသိနဲ့ ဖြစ်ပျက်သိ ဘာခြား နားသတုံးလို့ ဦးတင်တို့၊ ဦးသန်းမောင် တို့က မေးဖို့ လိုလာ တယ် မလိုဘူးလား (လိုလာပါတယ် ဘုရား)။

ဝေဒနာသိတာသည် သက္ကာယဒိဋ္ဌိ ဖြုတ်ရုံ၊ နာမ်မှန်း သိရုံပဲရှိတယ်။ (မှန်ပါ့) ဖြစ်ပြီး ပျက်သွား တာ သိတာက ဒုက္ခ သစ္စာကို ပိုသိ လိုက်တယ် (မှန်ပါ့)။

ဖြစ်ပြီး ပျက်တာ သိတာက, (သစ္စာသိတာပါ ဘုရား) ဒုက္ခသစ္စာကို ပိုပြီး သိလိုက်တယ် ဆိုတဲ့ ဥစ္စာ အသေအချာ မှတ်ပါ (မှန်ပါ့) ရှင်းပလား (ရှင်းပါပြီ ဘုရား)။

ဪ ဒါဖြင့် ဝေဒနာ သိတာထက် ဖြစ်ပျက်သိတာ ထူးခြားပလား ဆိုရင် ဦးသန်းမောင် ရိပ်မိပလား (ရိပ်မိ ပါတယ် ဘုရား)။

ဝေဒနာ သိတာက နာမ်သိတာ (မှန်ပါ့) ဖြစ်ပျက် သိတာက သစ္စာသိတာ (မှန်ပါ့) မခြားနား ဘူးလား (ခြားနားပါတယ် ဘုရား)။

အဲဒီကဲ့သို့ ခြားနားတော့မှ ဪ ဒီ ဒကာ ဒကာမတွေ ဝေဒနာသိမှုနဲ့ သစ္စာသိမှုဟာ ထိုးထွင်း တာခြင်း ကွာသွားတယ် ဆိုတာ မှတ်ရတော့မယ် (မှန်ပါ့)။

ထိုးထွင်းတာခြင်း (ကွာပါတယ် ဘုရား)။ ဒါ ထိုးထွင်းတာခြင်း ကွာသွားတယ်လို့ မှတ်ရမယ်။ ရှင်းကြလား (ရှင်းပါတယ် ဘုရား) ဘာကွာသွားပါလိမ့် (ထိုးထွင်းတာ ခြင်း ကွာပါတယ် ဘုရား)။

ထိုးထွင်းတာခြင်း ကွာသွားတယ် ဆိုတာ အသေ အချာ မှတ်ရလိမ့်မယ်။ ကောင်းပြီ ဒါဖြင့် ထိုးထွင်းတာခြင်း ကွာသွားတယ်ဆိုတဲ့ အဓိပ္ပာယ်သိတော့ သစ္စာသိမှ လမ်းဆုံး တယ်နော် (တင်ပါ့)။

ဝေဒနာသိတော့ လမ်းမဆုံးသေးဘူး၊ ဝေဒနာ သိတော့ အပါယ်တံခါး ပိတ်ရုံ ရှိတယ်။ သစ္စာ သိတော့ နိဗ္ဗာန် ရောက်တယ် (မှန်ပါ့) ကွာဘူးလား (ကွာပါတယ် ဘုရား)။

"Oh, then what is the difference between knowing it as Feeling and knowing it as Arising and Passing Away?" U Tin, U Than Maung, you need to ask this, don't you? (We need to, Sir). Knowing it as Feeling merely removes Sakkaya-ditthi. It only reaches the level of distinguishing Mind (Nama). (Yes, Sir). Knowing the Arising and Passing Away realizes the Truth of Suffering (Dukkha Sacca) more deeply. (Yes, Sir). Knowing the Arising and Passing Away... (It is knowing the Truth, Sir). Mark this specifically: It realizes the Truth of Suffering more deeply. Is that clear? (Clear, Sir). "Oh, so is there a distinction between knowing Feeling and knowing Arising and Passing Away?" U Than Maung, do you catch it? (I catch it, Sir). Knowing Feeling is knowing Nama (Mind). (Yes, Sir). Knowing Arising and Passing Away is knowing Sacca (Truth). (Yes, Sir). Is there no difference? (There is a difference, Sir). Since there is such a difference, you yogis must note that the level of penetration between "Knowing Feeling" and "Knowing Truth" is different. (Yes, Sir). The penetration is... (Different, Sir). You must note that the penetration is different. Clear? (Clear, Sir). What is different? (The penetration is different, Sir). You must mark specifically that the penetration is different. Good. Now that we know the penetration is different, remember: Only knowing the Truth ends the path. (Yes, Sir). Knowing Feeling does not end the path. Knowing Feeling only closes the door to Apaya. Knowing Truth reaches Nibbana. (Yes, Sir). Are they different? (They are different, Sir).

ကိုယ့်အရေးကိုယ်သိပြီး ကြိုးစားကြစမ်းပါ

Realize Your Urgency and Strive

အဲဒါကြောင့် ဒီလာပြီး ဘုန်းကြီးတို့ ဒကာ ဒကာမ တွေ ဆရာသမားကို ကြည်ညို လေးစားလို့၊ ကိုယ့်အရေးလည်း ကိုသိပြီး သကာလ ကြိုးစားကြစမ်းပါ ဆိုတာ ဆရာဘုန်းကြီး က လေးလေး စားစားနဲ့ တိုက်တွန်း တယ်နော် (မှန်ပါ့)။

ဝေဒနာသိတာနဲ့ ဖြစ်ပျက်သိတာ ဘယ်ဟာက ပိုထူးခြားသတုံး (ဖြစ်ပျက် သိတာကပါ ဘုရား) အဲ ဝေဒနာသိတာက နာမ်ကို သိသောကြောင့် အပါယ်တံခါးသာ ပိတ်တယ် (တင်ပါ့)။

ဖြစ်ပျက်သိတာက သစ္စာ သိသောကြောင့် နိဗ္ဗာန် ကျအောင်ရောက်၏ (တင်ပါ့) ကွာဘူးလား (ကွာပါတယ် ဘုရား) ကွာတယ်တဲ့။

ဒါကြောင့် သိတယ်၊ သိတယ် လုပ်နေတာနဲ့ ဖြစ်ပျက် ကို ရှုနေတာနဲ့ ဦးသန်းမောင် မခြားနား ဘူးလား (ခြား နားပါတယ် ဘုရား)။

အပါယ်တံခါး ပိတ်ရုံလေးရှိတယ် ဟိုဟာက၊ ဒါက နိဗ္ဗာန် ရောက်တယ်။ အပါယ် တံခါး ပိတ်တာက တခြား နိဗ္ဗာန် ရောက်တာက တခြား။

အပါယ်တံခါး ပိတ်တာက မောင်ချစ်ဆွေက မှတ်လိုက် ဒိဋ္ဌိပြုတ်လို့ ရောက်တာ (တင်ပါ့) နိဗ္ဗာန်တံခါး ပွင့်တာက သစ္စာသိလို့ နိဗ္ဗာန် ရောက်တာ (မှန်လှပါ) မခြားနားဘူးလား (ခြားနားပါတယ် ဘုရား)။

အေး ဒါတွေ သေသေချာချာ မှတ်တော့မှ သြော် တော်တော် အရေးကြီးပါလား ဆိုတာ ပေါ်လာပြီ (မှန်ပါ့) ကိုင်း ဒါဖြင့် အားလုံး ဒကာ ဒကာမတွေ ဘယ်ဟာပြုတ်ဖို့ အရေးကြီး သလဲလို့ ပြောစမ်း ဦးတင် ဘာတဲ့ (ငါ၊ ငါ့ဥစ္စာ ပြုတ်ဖို့ အရေးကြီးပါတယ် ဘုရား) ရှင်းပလား (ရှင်းပါပြီ ဘုရား)။

ခန္ဓာပေါ်၌ ဘာစွဲတတ်တုံး (ငါစွဲတတ်ပါတယ် ဘုရား) ဒီပြင် ပစ္စည်းတွေ အပေါ်၌ ငါ့ဥစ္စာလို့ စွဲပါ တယ် ဘုရား) ငါ့ဥစ္စာလို့ စွဲတတ်တယ်။

အဲဒါ အပြောကို မဆိုလို၊ တကယ် ဝမ်းထဲက လှိုက်လှိုက်လှဲလှဲ စွဲတာကို ဆိုပါသည် (တင်ပါ့) ပေါ်ကြ ပလား (ပေါ်ပါပြီ ဘုရား)။

That is why I urge you yogis who have come here out of respect for your teacher: Realize your own urgent situation and strive! I urge you with great seriousness. (Yes, Sir). Which is more profound: Knowing Feeling or Knowing Arising and Passing Away? (Knowing Arising and Passing Away, Sir). Knowing Feeling knows the Mind, so it only closes the door to Apaya. (Yes, Sir). Knowing Arising and Passing Away knows the Truth, so it reaches Nibbana. (Yes, Sir). Is there a difference? (There is, Sir). There is. So, U Than Maung, isn't there a difference between just doing "I know, I know" and observing the Arising and Passing Away? (There is a difference, Sir). The former only closes the door to Apaya. The latter reaches Nibbana. Closing the door to Apaya is one thing; reaching Nibbana is another. Maung Chit Swe, mark this: The door to Apaya is closed because Ditthi is uprooted. (Yes, Sir). The door to Nibbana is opened because Truth is realized. (True, Sir). Are they not different? (They are different, Sir). Only when you mark these points carefully does it dawn on you: "Oh, this is quite critical!" (Yes, Sir). So, yogis, tell me, what is crucial to uproot? U Tin, what is it? (It is crucial to uproot "I" and "Mine," Sir). Is that clear? (Clear, Sir). What do you cling to regarding the Aggregates? (We cling to "I," Sir). And regarding other property? (We cling to "Mine," Sir). You cling to it as "Mine." I am not referring to speech. I am referring to the deep, heartfelt clinging within. (Yes, Sir). Is that clear? (Clear, Sir).

ဝေဒနာလို့သိတာ “နာမ်သိ”

Knowing Feeling is "Knowing Mind"

ကောင်းပြီ ဒါဖြင့် ပြုတ်နည်း နိဿရည်း ပြောစမ်း ပါဆိုတော့ ဝေဒနာ ပေါ်ရင် ဝေဒနာသိရင် ငါပြုတ်တယ်၊ (တင်ပါ့)။

ဝေဒနာ ဖြစ်ပျက်မြင်လို့ရှိရင်ဖြင့် အင်း သစ္စာသိတယ်၊ သစ္စာသိနဲ့ နာမ်သိကွာတယ်။ (မှန်ပါ့) ခြားနား ဘူးလား (ခြားနားပါတယ် ဘုရား)။

သစ္စာသိနဲ့ (နာမ်သိ) နာမ်သိ၊ ဟိုက ဝေဒနာကို ဝေဒနာလို့သိတာ နာမ်က သိတာ ရှင်းပလား (ရှင်းပါပြီ ဘုရား) သစ္စာသိတာ မဟုတ်သေးပါဘူး၊ သစ္စာသိတာ မဟုတ်သေးပါဘူး။

Good. So if asked for the method to uproot it: If feeling arises and you know it as feeling, "I" is uprooted. (Yes, Sir). If you see the Arising and Passing Away of feeling, you know the Truth. Knowing Truth and Knowing Mind are different. (Yes, Sir). Are they not different? (They are different, Sir). Knowing Truth versus Knowing Mind. Knowing feeling as merely feeling is the Mind knowing the Mind. Is that clear? (Clear, Sir). It is not yet Knowing Truth. It is not yet Knowing Truth.

ဝေဒနာ၏ဖြစ်ပျက်သိတာမှ “သစ္စာသိ”

Knowing the Arising and Passing of Feeling is "Knowing Truth"

ဖြစ်ပြီး ပျက်တာလေးကို သိတဲ့ အသိကမှသာလျှင် သစ္စာသိ ဆိုတာ ရောက်ပါတယ် (မှန်ပါ့)။

ဒါကြောင့် ဘုန်းကြီးတို့ ဒကာ ဒကာမတွေမှာ အသက်တွေလည်း ကြီးကုန်ကြပြီ။ မနေ့ကထက် ယနေ့ ကြီးလို့ သေခါနီးတွေကလည်း ဖြစ်လာကျတော့ ဒါလေး နှစ်ခု ဖြင့် ယနေ့ မင်္ဂလာ ရှိတဲ့နေ့၊ မင်းတို့ကို အမင်္ဂလာတွေ ဖြုတ် မယ်ကွ (မှန်ပါ့)။

အပါယ်ချတတ်တဲ့ တရား ဦးသန်းမောင် မင်္ဂလာ ဆိုမလား၊ အမင်္ဂလာ ဆိုမလား (အမင်္ဂလာပါ ဘုရား) အမင်္ဂလာ ဖြုတ်ရမှာပေါ့ဗျ (မှန်ပါ့)။

Only the knowledge that knows the arising and the passing away reaches the level called "Knowing Truth." (Yes, Sir). That is why, my yogis, you are all getting older. You are older today than yesterday. As you get closer to death, take these two points. Today is an auspicious day. I will remove the inauspicious things from you. (Yes, Sir). The Dhamma that drags you to Apaya—U Than Maung, would you call it auspicious or inauspicious? (Inauspicious, Sir). We must uproot the inauspicious. (Yes, Sir).

အမင်္ဂလာပြုတ်တဲ့နေ့

The Day Inauspiciousness is Uprooted

ဒီနေ့ အမင်္ဂလာ ပြုတ်တဲ့နေ့ (မှန်ပါ့) မင်္ဂလာနဲ့ အမင်္ဂလာကို မင်္ဂလာ တရားနှင့် အမင်္ဂလာ တရားတွေကို ဖြုတ်တဲ့နေ့၊ ဖြတ်တဲ့နေ့ ဆုံးဖြတ်ချက် ချပါ (မှန်ပါ့)။

နေ့ထူး နေ့မြတ်လို့ မှတ်ပါ၊ နေ့ထူး နေ့မြတ်လို့ မှတ်ပါ လို့ဆိုတော့ ခု သြော် ဖြုတ်ပစ်ရင် အင်း စိတ်ပေါ်လာလည်း စိတ်ကို စိတ်ပေါ်တိုင် ပေါ်တိုင်း သိနေရင် အင်း ဒါ သက္ကာယ ဒိဋ္ဌိတော့ ပြုတ်ပါတယ်။

Today is the day inauspiciousness is uprooted. (Yes, Sir). Make the decision: This is the day we sever the auspicious from the inauspicious. (Yes, Sir). Consider it a special, noble day. Now, if you uproot it... if mind arises and you know "mind" every time it appears, then Sakkaya-ditthi is indeed uprooted.

နက်နက်နဲနဲနှင့် အသေအချာမှတ်ပါ

Mark This deeply and Surely

စိတ်ဖြစ်ပျက် မြင်လိုက်တဲ့ အခါကျတော့ကို သစ္စာ သိသောကြောင့်တဲ့ ဒကာ ဒကာမတို့ ဒိဋ္ဌိတင် မကဘူး တဏှာတွေပါ အကုန် ပြုတ်တယ် (မှန်ပါ့)။

ကွာခြားဘူးလား (ကွာခြားပါတယ် ဘုရား) ကွာခြားတယ်ဆိုတာ လေးစားစွာနဲ့ နက်နက်နဲနဲ နဲ့ မောင်ထွန်းအောင် အသေအချာ မှတ်ကွ (မှန်ပါ့)။

ဒါဖြင့် ဒီနေ့တရား နှစ်လုံးထဲ ဟောနေပါလား ဆရာ ဘုန်းကြီးက ဒို့သန္တာန် အပါယ် ရေသောက် မြစ်က ငါ၊ ငါ့ဥစ္စာတဲ့ငါ၊ ငါ့ဥစ္စာ ဆိုတဲ့ ထင်မှု၊ စွဲမှုတဲ့၊ အဲဒီ ထင်မှု၊ စွဲမှုကို ဖြုတ်တဲ့လို့ ပြောနေတဲ့ နေ့ပဲ (တင်ပါ့)။

But when you see the Mind arising and passing away, because you know the Truth, yogis, *not only is Ditthi uprooted, but Tanha (Craving) is also completely uprooted.* (Yes, Sir). Is there a difference? (There is a difference, Sir). Maung Tun Aung, mark deeply and respectfully that there is a difference. (Yes, Sir). So, the Sayadaw is preaching only two main points today: The taproot of Apaya in us is "I" and "Mine"—the view and clinging to "I" and "Mine." Today is the day we say we must uproot that view and clinging. (Yes, Sir).

အထင်ကိုဖြုတ်ပါ

Uproot the Belief

အပြော ဖြုတ်ရမှာလားတဲ့ အပြောဆိုရင် ပြောစရာ တောင် စကားမရှိဘူး အပြော မဖြုတ်ရဘူး အထင်ကို ဖြုတ် (မှန်ပါ့) ရှင်းပလား (ရှင်းပါပြီ ဘုရား)။

အပြော ဖြုတ်လိုက်လို့ ရှိရင် စကားတောင် ပြောစရာ မရှိတော့ဘူး (မှန်ပါ့) ရှိပါ့မလား (မရှိပါဘူး ဘုရား)။

မရှိတော့ဘူးလို့ ကျွန်တော် ဆိုတာလည်း ငါပဲ။ ကျွန်မ ဆိုတာလည်း ငါပဲ (မှန်ပါ့) ဟုတ်ဘူးလား၊ ဒီပစ္စည်းတွေဟာ ကျွန်တော် ဝယ်ထားတာပါ ဆိုတော့လည်း ဒါ ငါ့ဥစ္စာတွေပဲ ဝယ်ထားလို့ ဝယ်ထားတယ် ပြောတာ မုသား လည်း မဖြစ်ပါဘူး။

သို့သော် ငါက တကယ်ပိုင်တယ်လို့ မယူနဲ့ (တင်ပါ့) ဒါဖြင့် ရုပ်တရားတွေ (မှန်ပါ့) ရုပ်တရား ဆိုတော့ ဖောက်ပြန်တယ်၊ ပျက်စီးတယ်၊ ဟုတ်ပလား အဲတော့ ငါ့ဥစ္စာ ဟုတ်ရဲ့လား (မဟုတ်ပါဘူး ဘုရား)။

"Do we uproot speech?" If it were speech, there would be nothing left to say! You must not uproot speech; uproot the belief. (Yes, Sir). Is that clear? (Clear, Sir). If you uprooted speech, you wouldn't be able to talk anymore. (True, Sir). Would you? (No, Sir). There would be nothing left. Even saying "I" [male polite pronoun] or "I" [female polite pronoun] involves "I." (True, Sir). Isn't that so? If you say, "I bought these goods," you are saying "Mine." Saying you bought it because you bought it is not a lie. But do not take it as actual ownership. (Yes, Sir). The Aggregates are Matter (Rupa). (Yes, Sir). Being Matter, they change and perish. Is that so? So, are they really "Mine"? (No, Sir).

သက္ကာယ ဒိဋ္ဌိပြုတ်တယ်

Sakkaya-ditthi is Uprooted

ဒီလိုလေး ဉာဏ်က ကြည့်ထားလို့ရှိရင်ဖြင့် သက္ကာယ ဒိဋ္ဌိပြုတ်တယ် (တင်ပါ့) ၎င်း ရုပ်တရားတွေ နာမ်တရားတွေ ပေါ်တိုင် းပေါ်တိုင်း ဘုန်းကြီးတို့ ဒကာ ဒကာမတွေက အင်း ဒီတရားလေးဟာ ကိုယ့်ဉာဏ် အောက်တင်ပဲ ဉာဏ်က ရှေ့က ဉာဏ်က ကြည့်ပြီး ခန္ဓာက အောက်က နေပြီး ဉာဏ်က အထက်က ခန္ဓာက အောက်ကနေ ကြည့်လိုက်တဲ့အခါ ဖျတ် ခနဲ ဖျတ်ခနဲ မရှိဘူး၊ မရှိဘူး။

စိတ်ကလေး ပေါ်လည်း မရှိဘူး ဝေဒနာလေး ပေါ် လည်း မရှိဘူး။ ဒီလို မရှိဘူး၊ မရှိဘူးလို့ ဉာဏ်ထဲမှာ မြင်လိုက် တဲ့ အခါကျလို့ရှိရင်၊ ဪ ဒုက္ခ ရောက်သွား တာပဲ ဆိုတော့ သစ္စာသိ သွားတော့ သူကတော့ ချက်ခြင်း နိဗ္ဗာန် ပေါ်သောကြောင့် အပါယ်တံခါးတင် ပိတ်ရုံမကဘူး၊ နိဗ္ဗာန် ဒုက္ခခပ်သိမ်း ကင်းငြိမ်းတဲ့ နိဗ္ဗာန်၊ သူက မဂ်ဉာဏ် အသိက နိဗ္ဗာန် ဆောင်သွား သောကြောင့် ဒကာ ဒကာမတွေ ဖြစ်ပျက် သိက ပိုကောင်းတယ် (မှန်ပါ့)။

ဝေဒနာကို ဝေဒနာလို့ သိတာထက် ဝေဒနာ၏ ဖြစ်ပျက်ကို သိတာ သာကောင်းတယ် (မှန်ပါ့) စိတ်ကို စိတ်ပေါ်တိုင်း သိတာထက် စိတ်၏ ဖြစ်ပျက်ကို သိတာက ပိုကောင်းတယ် (မှန်ပါ့)။

ဒါကြောင့် ဒကာ ဒကာမတို့ ဖြစ်ပျက်ကို သိလိုက်ရင် စိတ်လည်း သိပြီးသား ဖြစ်သွားပါတယ် (မှန်ပါ့) ဝေဒနာ ကနေ ဖြစ်ပျက်ကို တွေ့လိုက်လို့ ရှိရင် ဝေဒနာလည်း သိပြီးသား ရုပ်လည်း သိပြီးသား ဆိုတဲ့ အဓိပ္ပာယ် ဦးနက် ပေါ်ပ လား (ပေါ်ပါပြီ ဘုရား) ပေါ်ပြီ။

If wisdom watches in this way, Sakkaya-ditthi is uprooted. (Yes, Sir). Whenever those material or mental phenomena arise, you yogis must watch with Insight right there. When the Insight is present in front, watching the Aggregates below—when Wisdom is above looking at the Aggregates below—you see: Flash! Flash! Gone! Gone! If mind arises, it is gone. If feeling arises, it is gone. When you see "It is not there, it is not there" with Insight, you realize, "Oh, it is just suffering." When you know the Truth, because Nibbana appears immediately, not only is the door to Apaya closed, but the Magga-Insight carries you to Nibbana—the cessation of all suffering. Therefore, yogis, knowing the Arising and Passing Away is better. (Yes, Sir). Knowing the Arising and Passing of Feeling is better than just knowing Feeling. (Yes, Sir). Knowing the Arising and Passing of Mind is better than just knowing Mind every time it appears. (Yes, Sir). Therefore, yogis, if you know the Arising and Passing Away, you have already known the Mind. (Yes, Sir). If you see Arising and Passing Away in Feeling, you have already known Feeling and Matter. Does this meaning dawn on you, U Net? (It dawns on us, Sir). It has dawned.

ရှင်ခေမက

The Venerable Khemaka

ကောင်းပြီ ဒါက ကိုင်း ဒီ အဓိပ္ပာယ်ကို ရှင်းပြီး သကာလ ဝတ္ထုလေး တစ်ခု ဘုရားသခင် ကိုယ်တော်မြတ်ကြီး ခန္ဓ ဝဂ္ဂ သံယုတ် ပါဠိတော် ထေရဝဂ်မှာ ရှင်ခေမက ဆိုတဲ့ အနာဂါမ် ကိုယ်တော်က ပုထုဇဉ် ခြောက်ဆယ်သော ရဟန်းတွေ သူတရား ဟောတယ် (မှန်ပါ့)။

ပုထုဇဉ် ခြောက်ဆယ်သော ရဟန်းတွေကို အနာဂါမ် ကိုယ်တော်က တရားဟောတယ် (မှန်ပါ့) သက္ကာယ ဒိဋ္ဌိပြုတ် ပြုတ်ပုံ ကိုလည်း ဟောတယ်။

နောက် အနာဂါမ်တည် တဏှာမာန ပြုတ်ပုံကိုလည်း ဟောတယ်၊ နောက် ရဟန္တာ ဖြစ်သည့် တိုင်အောင် သူဟောတယ်။

ဟောရင်း မတ္တနဲ့ သူကလည်း အနာဂါမ်အဖြစ်နဲ့ ဟောရင်း သူ့ကိုယ်သူလည်း ကြည့်ပြီး သကာလ ဟောရင်း ကိုယ့်ခန္ဓာ ကြည့်ဟော၊ ဟိုကလည်း ကိုယ်တော်တွေက နာတဲ့ ပုဂ္ဂိုလ် တွေကလည်း ကိုယ့်ခန္ဓာ ကြည့်ပြီး နာကြတော့ ဦးတင် တို့ ဦးသန်းမောင်တို့ တရားပွဲလည်း ပြီးရော အလုပ်နဲ့ နာကြတာကိုး (တင်ပါ့)။

ဟောတဲ့ပုဂ္ဂိုလ်က အနာဂါမ် ပုဂ္ဂိုလ်ကလည်း ရဟန္တာ ဖြစ်၊ ကျန်တဲ့ ပုထုဇဉ် ခြောက်ဆယ် ကလည်း ရဟန္တာဖြစ် သွားတယ် (တင်ပါ့)။

Good. Now that this meaning is clear, let me tell you a story regarding this. In the Khandha Vagga Samyutta Pali text, in the Thera Vagga, there is an Anagami (Non-Returner) monk named Venerable Khemaka. He preached the Dhamma to sixty ordinary (Puthujjana) monks. (Yes, Sir). The Anagami monk preached to sixty Puthujjana monks. (Yes, Sir). He preached on how Sakkaya-ditthi is uprooted. Then he preached on how the remaining Craving (Tanha) and Conceit (Mana) are uprooted to reach Anagami, and he preached all the way until Arahantship. While he was preaching, as he was an Anagami, he looked at his own Aggregates while speaking. He preached while observing his own Khandhas. The listening monks also listened while observing their own Khandhas. So, U Tin, U Than Maung, by the time the sermon ended, they were listening with the actual practice! (Yes, Sir). The preacher, the Anagami monk, became an Arahant. And the sixty Puthujjana monks who remained also became Arahants. (Yes, Sir). So, yogis, your teacher is also speaking with Insight into the Khandhas. This story stands as a witness, U Than Maung, that you too must listen with Insight into your Khandhas. (Yes, Sir).

ဒါဖြင့် ဒကာ ဒကာမတို့ ဆရာဘုန်းကြီးကလည်း ဟောရင်းပဲ ခန္ဓာဉာဏ်ရောက် ပြောနေတယ်၊ ဒကာ ဒကာမ တွေ ခန္ဓာဉာဏ်ရောက် နာပါ ဆိုတာ ကိုလည်း ဒီဝတ္ထုက ဦးသန်းမောင် သက်သေခံ နေတယ် (မှန်ပါ့)။

မှတ်မိအောင်မနာပါနဲ့ ပွားမိအောင်နာပါ

Do not listen to memorize; listen to realize.

အဲတော့ မှတ်မိအောင် မနာပါနဲ့နော် (မှန်ပါ့) ပွားမိအောင် နာပါ (မှန်ပါ့) ပေါ်ကြပလား (ပေါ်ပါ ပြီ ဘုရား)။

Therefore, do not listen merely to commit this to memory. (Yes, Sir). Listen so that you may cultivate Insight within yourselves. (Yes, Sir). Do you understand? (Yes, we do, Sir).

မှတ်မိအောင် (နာရမှာပါ ဘုရား) မှတ်မိတာ ထက် ကျေးဇူးများတဲ့ ပွားမိအောင်နာပါ (မှန်ပါ) ကြည့် လိုက်လို့ မြင်လိုက်လို့ရှိရင် ပွားပြီးသား ဖြစ်သွားတယ် (မှန်ပါ့)။

You must listen not just to remember (We must listen to remember, Sir), but to cultivate the wisdom that offers far greater gratitude than mere memory. (True, Sir). If you can watch and observe the phenomenon as it arises, you are already cultivating Insight. (True, Sir).

ဒါကြောင့် မှတ်မိအောင် နာတာလည်း ကေင်းတာ ပဲ။ သို့သော် သူ့ထက် ကောင်းတာက အမြင်ကို ကြည့်ပြီး ပွားမိအောင် နာတာက ဦးအောင်ဇံဝေ ပိုကောင်းတယ် (မှန်ပါ့) ကိုထွန်းအောင် ရှင်းရဲ့ လားဗျ (ရှင်းပါပြီ ဘုရား)။

Listening to memorize is good. However, listening while observing your own insight—listening to cultivate—is far superior, U Aung Zan Wai. (True, Sir). Ko Htun Aung, is this clear? (Yes, it is, Sir).

အေး ဒါကြောင့် ကြိုးစားကြပါ။ ကြိုးစားကြပါ ဆိုတာ တိုက်တွန်း ရတယ် (မှန်ပါ့)။

So, please strive hard. I have to urge you to strive. (Yes, Sir).

ရဟန်းကြီး ခြောက်ဆယ်

The Sixty Senior Monks

ကောသမ္ဗီ ပြည်မှာ ဝတ္ထု ထုတ်ပါပြီ ကောသမ္ဗီ ပြည်မှာ ရဟန်းကြီး ခြောက်ဆယ် ရှိ သည်၊ ရဟန်းကြီးချည့်ပဲ ခြောက်ဆယ် ရှိသည်။

Here is a story from the Kingdom of Kosambi. There were sixty senior monks residing there—all of them elders.

ရှင်ခေမက ဆိုတဲ့ အနာဂါမ် ပုဂ္ဂိုလ်က၊ တစ်ဂါဝုတ် လောက်မှာ သူက ဒီ ကောသမ္ဗီပြည်နဲ့ တစ်ဂါဝုတ်လောက် ကွာတဲ့ နေရာမှာ သွားပြီး၊ ဇီးတောကြီးထဲမှာ ကျောင်းလေးဆောက်ပြီး၊ ဒကာ ဒကာမတွေ ဆောက်ပေးပြီး၊ ဒီ ကိုယ်တော်က အနာဂါမ် ပုဂ္ဂိုလ်က အဲဒီသွားပြီး တရားအား ထုတ်တယ်။

At that time, the Venerable Khemaka, who was an Anagami (Non-Returner), was staying about one gavuta (approx. two miles) away from Kosambi. He was residing in a small monastery within the Jujube Grove, built for him by the lay devotees. This Venerable Anagami was practicing Dhamma there.

အဲတော့ ခုနက ရဟန်းကြီး ခြောက်ဆယ်နေတာက ကောသမ္ဗီပြည်၊ သူက ကောသမ္ဗီပြည်နဲ့ တစ်ဂါဝုတ်လောက် ကွာတဲ့နေရာမှာ ကောသမ္ဗီပြည်နဲ့ တစ်ဂါဝုတ် လောက်ကွာတဲ့ နေရာမှာ ဇီးတော ကျောင်းကြီးထဲမှာ ကျောင်းဆောက် ပြီးတော့ အနာဂါမ် ရှင်ခေမကက နေပါတယ်လို့ ဒကာ ဒကာမတွေ မှတ်ထား ရမယ်နော် (မှန်ပါ့)။

So, the sixty senior monks were in Kosambi, and the Venerable Khemaka was one gavuta away in the Jujube Grove Monastery. Yogis, you must note this setting clearly. (Yes, Sir).

တရားဟောကောင်းဖို့လိုတယ်

The Necessity of Skilled Teaching

ဒါ ဝတ္ထု - ဝတ္ထုမှတ်ထား၊ အဲတော့ ရဟန်းကြီး ခြောက်ဆယ်ကလည်း အထက် မဂ်ဉာဏ် ဖိုလ်ဉာဏ် တွေကို လိုချင် ကြတယ်။ တရားဟော ကောင်းမှလည်း မဂ်ဉာဏ်၊ ဖိုလ်ဉာဏ်က ဆိုက်မှာ ဖြစ်တယ် (မှန်ပါ့)။

Note this story well. Now, these sixty senior monks desired the higher Magga (Path) and Phala (Fruition) Knowledges. However, one can only attain the Path and Fruition if the Dhamma is expounded with skill and clarity. (True, Sir).

ဒါနဲ့ သူတို့ လိုက်ပြီး ရှာတော့ ရှင်ခေမက ဟာဟေ့ တရားဟော သိပ်ကောင်းတယ် ထင်မြင် အောင် ပြောတတ် တယ်။ ဒါကြောင့် ထင်မြင်အောင် ပြောတတ်မှ မဂ်ဉာဏ် ဖိုလ်ဉာဏ်က ဆိုက်တယ်။ စာလျှောက် ရွတ်လို့ မဂ်ဉာဏ် ဖိုလ် ဉာဏ် မဆိုက်ဘူး။ နာတဲ့ ပုဂ္ဂိုလ် (တင်ပါ့)။

So, they searched for a teacher. They realized, "Hey, Venerable Khemaka is an excellent preacher. He knows how to speak so that one truly sees the nature of reality." Indeed, only when a teacher can explain things until the listener visualizes the truth, can the Path and Fruition be attained. Mere recitation of scriptures will not lead to the Path and Fruition. Do you understand? (Yes, Sir).

စာကျက်ပြီးပြောတဲ့ပုဂ္ဂိုလ် အလကား

Reciting Scriptures by Rote is Useless

စာ လျှောက်ပြီး ရွတ်တဲ့ ပုဂ္ဂိုလ်၊ စာကျက်ပြီး ပြောတဲ့ ပုဂ္ဂိုလ် အလကား၊ သူ စာလျှောက် ပြောတာ ရလို့ ပြောတဲ့ ဥစ္စာ၊ အဲဒါ ဦးတင်တို့ ဦးသန်းမောင်တို့က အထင်မကြီးနဲ့ (တင်ပါ့)။

Those who merely recite lines from scriptures, those who speak only from rote memory—they are of no use in this regard. They speak only because they have memorized the text. U Tin, U Than Maung, do not be impressed by them. (True, Sir).

ခန္ဓာကိုယ် ရောက်အောင် ပြောပြီး ခန္ဓာထဲ ယောဂီ ပုဂ္ဂိုလ်ကလည်း ထင်အောင် ပြောနိုင်မှ တရားဟော ကောင်း ဆိုတာ မှတ်ရမယ်နော် (မှန်ပါ့)။

You must note that a good Dhamma talk is one that speaks directly to the body, explaining until the Yogi clearly discerns the phenomenon within their own Aggregates. (True, Sir).

အရှင်ခေမက ကဇီးတောကျောင်းမှာနေတယ်

Venerable Khemaka at the Jujube Grove

ဒါနဲ့ ရဟန်းကြီး ခြောက်ဆယ်က တရားနာတယ်၊ တရားဟောကောင်း လျှောက်ရှာမှပဲ ဆိုတော့၊ ရှင်ခေမက တစ်ဂါဝုတ်လောက် ရှိတဲ့နေရာ ဇီးတော ကျောင်းမှာ ရှိတယ်ဆိုတာ သူတို့ စုံစမ်းလို့ သတင်းရတယ်။

So, the sixty senior monks wanted to listen to the Dhamma. They sought a skilled teacher and received news that Venerable Khemaka was staying at the Jujube Grove, one gavuta away.

သတင်း ရတာနဲ့ သူတို့ထဲက ရဟန်းငယ်ဖြစ်တဲ့ ဒါသက ဆိုတဲ့ ရဟန်းကို လွှတ်လိုက်တယ်။ ရှေးဦးစွာ ဒါ သက မင်းသွားစမ်းကွာ၊ ရဟန်းကြီး ခြောက်ဆယ်က မှာလိုက် တယ်၊ ရှင်ခေမက နေကောင်း၊ နေမကောင်း မေးခဲ့ကွ ဆိုပြီး တစ်ခေါက် လွှတ်လိုက်တယ် (မှန်ပါ့)။

Upon hearing this, they sent a young monk named Dasaka from their group. "Dasaka, go to the Jujube Grove," the sixty monks instructed. "Go and inquire about Venerable Khemaka's health." So, they sent him on the first trip. (True, Sir).

တစ်ခေါက်လွှတ်လိုက်တော့ သွားရတာပဲ၊ တစ်ဂါ ဝုတ်လောက် ရှိတဲ့ခရီးကို အရောက် သွားတယ်၊ သွားလိုက်တဲ့ အခါကျတော့ အရှင်ဘုရား ရဟန်းကြီး ခြောက်ဆယ်က အမေးခိုင်း လိုက်ပါတယ် ဘုရား၊ အရှင်ဘုရားသည် ကျန်းမာပါ ရဲ့ လား၊ အရှင်ဘုရားသည် ကျန်းမာပါရဲ့လား ဆိုတော့။

Dasaka had to go. He traveled the gavuta distance and arrived. "Venerable Sir, the sixty senior monks sent me to inquire: Are you in good health? Are you free from illness?"

ငါ့အရှင် ငါမကျန်းမာဘူး၊ ငါ့ဝေဒနာ ရှေ့သာတိုးနေ တယ် နောက်ကိုမဆုတ်ဘူးကွ၊ အဲဒါ ကဲ ငါပြောလိုက်တယ် ငါ့ခေါင်းမှာ ဘယ်လိုဖြစ်နေတယ်။ ခါးမှာ ဘယ်လို ဖြစ်နေ တယ်။ အားအင်ဗလတွေ ဘယ်လို ဖြစ်နေတယ် ဆိုတာတွေ ဒီထဲသွင်းလို့ ပြောလိုက်တယ်။

Khemaka replied, "My friend, I am not well. I am not comfortable. My pains are pressing forward; they are not retreating." He then explained simply, "My head aches like this, my back pains like this, and my strength is failing like this."

ပြောလိုက်တော့ ဟိုပုဂ္ဂိုလ်ကလည်း အင်း ပြောတာ တွေ မှတ်ပြီးတော့ ရဟန်းကြီး ခြောက်ဆယ်ဆီ ပြန်သွားတယ်။ ပြန်သွားတော့ ရှင် ဒါသကလည်း ကောသမ္ဗီ ပြည် ရောက်ပါ တယ်။ ရဟန်ကြီး ခြောက်ဆယ်ဆီ။

Dasaka memorized these words and returned to the sixty senior monks in Kosambi.

အဲ့ဒီလို ရောက်တဲ့အချိန်မှာ ရဟန်းကြီးတွေက ဟေ့! ရှင်ခေမက ဘယ်နဲ့တုံးပေါ့၊ ကျန်းမာရဲ့ လား၊ ချမ်းသာရဲ့ လား အရှင်ဘုရား မကျန်းမာဘူး၊ မချမ်းသာဘူး ဘုရား။ ရှင်ခေမက ဝေဒနာတွေ ရှေ့သာ တိုးနေတယ်ဘုရား နောက်မဆုတ်ဘူး။

When he arrived, the senior monks asked, "Hey! How is Venerable Khemaka? Is he well? Is he happy?" "He is not well, Sirs. Venerable Khemaka's pains are increasing; they are not retreating."

အဲဒီလို ပြောတော့ ခေါင်းတွေလည်း ကိုက်တယ်တဲ့ ကွ၊ ခါးတွေလည်း နာတယ်တဲ့ အားတွေ လည်း ချည့်သတဲ့ ဒီလို ပြောလိုက်တော့ ဟိုကွာ မင်းတစ်ခေါက် သွားပါဦး ရဟန်းကြီး ခြောက်ဆယ်က-

He reported that Khemaka had headaches, backaches, and failing strength. Hearing this, the monks said, "Hey, you must go again." The sixty monks instructed him:

ခန္ဓာကိုယ်ကို ငါ၊ ငါ့ဥစ္စာလို့များ စွဲနေလို့ ဒီလောက် နာတာလား မေးပြီး ရဟန်းကြီး ခြောက်ဆယ်က ခန္ဓာကိုယ်ကို ငါ၊ ငါ့ဥစ္စာလို့ စွဲသေးသလားလို့ ဆိုတာ ဒါသက သွားမေး ချည်စမ်းဟေ့ ဒုတိယ အခေါက် လွှတ်လိုက်တယ် (မှန်ပါ့)။

"Go and ask if he is suffering this much because he still clings to the body as 'I' or 'Mine'." The sixty monks sent Dasaka on a second trip to ask specifically about clinging to the body as 'I' or 'Mine'. (True, Sir).

ဦးသန်းမောင် နှစ်ခေါက် ရှိသွားပြီနော် (မှန်ပါ့) ခုနက လူမမာ မေးတစ်ခေါက်၊ ခုတော့ဖြင့် ခန္ဓာကိုယ် ငါ၊ ငါ့ဥစ္စာ စွဲသေးလားလို့ အမေး တစ်ခေါက် ဒီကလာတဲ့ ပါဠိတော် ခုနကပြောတဲ့ စကားသည် ချီလာတာ (တင်ပါ့) ဦးနက် ရှင်းရဲ့ လား (တင်ပါ့) နောက်က ဒကာ ဒကာမတွေ ကြားရဲ့လား (ကြားပါတယ် ဘုရား)။

U Than Maung, that makes two trips now. (Yes, Sir). The first trip was to ask about his health. Now, the second trip is to ask if he still clings to the body as "I" or "Mine." This comes directly from the Pali Canon. (True, Sir). U Net, is that clear? (Yes, Sir). Can the Yogis in the back hear me? (We can hear, Sir).

အေး ကြားကြတဲ့၊ ဒီဥစ္စာ အရေးကြီးတယ် ဆိုတာ မှတ်တာပေါ့။ ဒါနဲ့ ဒါသကက ဦးတင်ရေ ပြေးရပြန် တယ် တစ်ဂါဝုတ် ရှိတဲ့ ခရီးနော် (မှန်ပါ့)။

Good. Mark this well, for it is important. So, Dasaka had to run again, U Tin. It is a gavuta distance, mind you. (True, Sir).

ငါ့ကိုယ်ငါ့ဟာစွဲသေးသလား

Do You Still Cling to "I" and "Mine"?

ဒါနဲ့ ရှင်ခေမကနဲ့ သွားတွေ့တယ်၊ ဇီးတောကျောင်း က ကိုယ်တော်နဲ့၊ ဟ မင်းလာ ပြန်ပြီ လားကွ၊ လာရပြန်ပြီ ဘုရား၊ ဘာတုံးကွ၊ ဟာ ရဟန်းကြီး ခြောက်ဆယ်က အရှင်ဘုရား ခန္ဓာငါးပါးကို ငါ၊ ခန္ဓာငါးပါးမှ တစ်ပါးသော ပစ္စည်းတွေကို ငါ့ဥစ္စာလို့များ အရှင်ဘုရား စွဲသေးသလားလို့ အမေးခိုင်း ပါတယ် ဘုရား။

Dasaka went and met Venerable Khemaka at the Jujube Grove. "Ha! You have come back again?" "I have come back, Sir." "What is it now?" "The sixty senior monks sent me to ask: Venerable Sir, do you still cling to the Five Aggregates as 'I'? Do you still cling to anything apart from the Five Aggregates as 'Mine'?"

ဆိုတော့ ဦးသန်းမောင်က စဉ်းစားတယ်၊ နဂိုက အနာဂါမ်ကြီးပဲ ဒိဋ္ဌိက ပြုတ်ပြီးသား ဖြစ်နေတယ် (မှန်ပါ့) သူက ဖြေလိုက်တယ်၊ ဒါသက ရဟန်းကြီး ခြောက်ဆယ် သွားပြီး သကာလ ရဟန်းကြီး ခြောက်ဆယ် သွားပြီး သကာလ ပြောချည်ကွာ၊ ဆိုချည်ကွာ။

U Than Maung, consider this. Khemaka was already an Anagami. Wrong View (Ditthi) had already been uprooted. (True, Sir). So he replied, "Dasaka, go back to the sixty senior monks and tell them this..."

အပြောသာရှိတယ်၊ အထည်မရှိတော့ဘူး

Words Remain, but the Essence is Gone

ငါ၊ ငါ့ဥစ္စာ မရှိပါဘူးလို့ ပြောလိုက် ကိုင်း (တင်ပါ့) ငါ၊ ငါ့ဥစ္စာလို့ ငါ့စိတ်ထဲမှာ မရှိတော့ဘူး အပြော သာ ရှိပါတယ်ကွာ အထည် မရှိတော့ပါဘူး (မှန်ပါ့)။

"Tell them: There is no 'I' or 'Mine' in me. (True, Sir). The notion of 'I' or 'Mine' does not exist in my mind. The words may still exist in speech, but the substance of 'Self' is gone." (True, Sir).

သူက အနာဂါမ်ကိုဗျာ၊ သောတာပန် သကဒါဂါမ် အနာဂါမ် ဆိုတော့ သုံးခုမြောက် ရောက်နေပြီ (မှန်ပါ) ရှင်းကြ ပလား (ရှင်းပါပြီ ဘုရား)။

He is an Anagami, you see. Stream-Enterer (Sotapanna), Once-Returner (Sakadagami), Non-Returner (Anagami)—he has reached the third stage. (True, Sir). Is that clear? (Yes, it is, Sir).

ငါ၊ ငါ့ဥစ္စာ မရှိဘူးကွ ပြောလိုက်ပါဆိုတော့ ဒါသက ပြန်ပြေးရတယ်၊ ဒါနဲ့ ရဟန်းကြီး ခြောက်ဆယ်ဆီ ကောသမ္ဗီ ပြည်ရောက်ပါတယ်။

"Tell them I have no 'I' or 'Mine'." So Dasaka had to run back again to the sixty monks in Kosambi.

ရောက်တဲ့အခါကျတော့ ဟေ့ ဘယ်နဲ့များ ပြောလိုက်တုံးကွ သူမေးတဲ့ အမေးကို တပည့်တော် ရောက်ရောက်ခြင်း မေးပါတယ်ဘုရား၊ ရှင်ခေမက ငါ၊ ငါ့ဥစ္စာလို့ ခန္ဓာငါးပါးကို ငါ၊ ဒီပြင် ပရိက္ခရာ တွေကို ငါ့ဥစ္စာ များစွဲတာ ရှိသေးလားလို့ မေးလိုက်တဲ့ အခါ ငါ, ငါ့ဥစ္စာတော့ မရှိပါဘူးကွာလို့ ဖြေလိုက်တယ် (မှန်ပါ့)။

When he arrived, they asked, "Hey, what did he say regarding our question?" "I asked him immediately, Sirs. I asked if he still clung to the Five Aggregates as 'I' or to external requisites as 'Mine'. He replied that he has no 'I' or 'Mine' whatsoever." (True, Sir).

ဒါနဲ့ ရဟန်းကြီးတွေက သူတို့ ခန္ဓာကိုယ်ကို သူတို့ ပြန်ပြီး ဦးတင်တို့၊ ဦးသန်းမောင်တို့၊ ဦးနက်တို့ စဉ်းစားတယ် ဒီက အဖြေတွေ ယူပြီတော့ အင်း၊ ခန္ဓာကိုယ်ထဲမှာ ငါ၊ ငါ့ဥစ္စာ မရှိဘူးတဲ့ ဝေဒနာလေး တွေရှု၊ စိတ်ကလေးတွေ ရှု၊

အင်း ဟုတ်သားပဲ ဖြစ်ပြီး ပျက်သွားတာပဲ ဘယ် ငါ၊ ငါ့ဥစ္စာ ဟုတ်ရမတုံး၊ ဒုက္ခ သစ္စာတွေချည့် ရှိနေတာပဲ ဆိုတော့ ဟိုက ငါ၊ ငါ့ဥစ္စာ မရှိဘူး တရားဟောလိုက်တာနဲ့ပဲ ဒီက ရဟန်းကြီး ခြောက်ဆယ် ကလည်း ခန္ဓာကိုယ် ဉာဏ်လှည့်ပြီးတော့ (တင်ပါ့)။

Upon hearing this, the senior monks—U Tin, U Than Maung, U Net—reflected on their own bodies. They took the answer and contemplated: "Ah, he says there is no 'I' or 'Mine' in the body. Look at the feelings (Vedana), look at the mind (Citta)." "Ah! It is true. They arise and then vanish. How could this be 'I' or 'Mine'? There is only the Truth of Suffering (Dukkha Sacca)." Because Khemaka preached that there is no "I" or "Mine," the sixty monks turned their wisdom inward towards their own bodies. (True, Sir).

တစ်ဆင့်ခံတရားနာတာသောတာပန်တည်တယ်

Becoming Sotapannas through Indirect Listening

စိတ်ကြိုက်တဲ့ ပုဂ္ဂိုလ်ကလည်း စိတ် ဉာဏ်လှည့်ပြီး စိတ်ကလေး ဖြစ်ပျက်ရှုလိုက် ဟုတ်သားပဲ ငါ၊ ငါ့ဥစ္စာ မဟုတ် ဘူး၊ ဝေဒနာ ကြိုက်တဲ့ ပုဂ္ဂိုလ်ကလည်း ဝေဒနာရှုပြီး သကာလ ငါ၊ ငါ့ဥစ္စာ မဟုတ်ပါလား ဆိုပြီ၊ ရှုတော့ ဦးသန်းမောင် သူတို့လည်း ဖြစ်ပျက်မြင်၊ ဖြစ်ပျက်မုန်းပြီး ဖြစ်ပျက်အဆုံး သူတို့လည်း သောတာပန် တည်ကြပြန်တယ်။ (တင်ပါ့)။

Those who favored watching the Mind turned their wisdom to the Mind, noting its arising and passing away. "It is true. It is not 'I', it is not 'Mine'." Those who favored watching Feeling (Vedana) observed Feeling, realizing, "It is not 'I', it is not 'Mine'." Observing thus, U Than Maung, they saw the Arising and Passing Away, they became disenchanted with it, and upon the cessation of the process, they too attained Sotapanna (Stream-Entry). (True, Sir).

ဟောလိုက်တာကတော့ တောထဲက ဟောလိုက်တာ နော် (တင်ပါ့) တစ်ဆင့်ခံ နာရတာနဲ့ ဦးအောင်ဇံဝေ သောတာပန် တည်ကုန်တယ် (မှန်ပါ့)။

Note that the teaching was given from the forest, miles away. (True, Sir). Yet, by listening to a second-hand report, they all became Sotapannas, U Aung Zan Wai. (True, Sir).

အဲဒါကြောင့် ဘုန်းကြီးတို့ ဒကာ ဒကာမတွေကို လည်း လေးစားစွာနဲ့ သတိပေးတာက၊ တရားနာတဲ့ အခါမှာ ဘုန်းကြီးက ငါ၊ ငါ့ဥစ္စာ ဖြုတ်ကြ ဆိုတော့ ခင်ဗျားတို့ ကလည်း ခန္ဓာကိုယ် ကြည့်လိုက်တော့ ယားတာလေးတွေ၊ နာတာလေး တွေ၊ ဟင်.. စိတ်ကလေးတွေ အမျိုးမျိုး ပေါ်လာတဲ့အခါ၊ ဟင် ပျောက်သွားပြီ။ ဟုတ်သားပဲ၊

ဆရာဘုန်းကြီး ဟောတဲ့အတိုင်း ငါ၊ ငါ့ဥစ္စာ မဟုတ်ဘူး ဒါတွေ ဒီလိုလေး သိသိနာရမယ် (တင်ပါ့)။ နာတယ်၊ နာဆဲမတ္တ ပွားများရမယ်ဆိုတာ ပေါ့ဗျာ (မှန်ပါ့) ဘာတဲ့တုံး (နာဆဲမတ္တ ပွားများရမှာပါ ဘုရား) နာဆဲမတ္တ ပွားများရမယ်လို့ ဆိုလိုက်ပါတယ် (တင်ပါ့)။

That is why I respectfully warn you, my Yogis: When I preach that you must Eradicate "I" and "Mine", you must look immediately at your own body. When itches arise, when pains arise, when various thoughts appear—"Oh, they have vanished." "It is true." "Just as the Sayadaw says, this is not 'I', this is not 'Mine'." You must listen with this kind of awareness. (True, Sir). You must cultivate Insight at the very moment of hearing. (True, Sir). What did I say? (We must cultivate Insight at the very moment of hearing, Sir). Yes, cultivate it while listening. (True, Sir).

တရားနာတုန်းပွားများကြပါ

Meditate While Listening

နာဆဲမတ္တ ပွားများလိုက်တဲ့ အခါကျတော့ ကြည့်စမ်း ဟိုက တစ်ဆင့်ခံ ဟောတာနဲ့တောင် ဒီက သောတာပန် တည်ကုန်ကြပြီ၊ ခြောက်ဆယ်စလုံး (မှန်ပါ့)။

When they cultivated Insight at the moment of hearing the report, look at the result! Even though it was a second-hand message, the sixty monks all became Sotapannas. (True, Sir).

ဦးသန်းမောင် နာနည်း မကောင်းဘူးလားလို့ မေးရင် ဘယ်နဲ့ဖြေကြမတုံး (ကောင်းပါတယ် ဘုရား) အဲဒါက ကျုပ်တို့ကတော့ နားနဲ့တင် နာတယ် ဉာဏ်က မနာလို့ ဆိုတဲ့ အဓိပ္ပာယ် ရှင်းပြီလား (ရှင်းပါပြီ ဘုရား)။

U Than Maung, if I ask, "Is that not an excellent way to listen?", how would you answer? (It is excellent, Sir). The problem with us is that we listen only with our ears; our Wisdom (Panna) does not listen. Is that clear? (Yes, it is, Sir).

နားနဲ့ မှတ်မိအောင်တင် သညာနဲ့ နာတယ်၊ သူတို့ ကတော့ သညာနဲ့ မှတ်ပြီး ပညာနဲ့ ခန္ဓာ လှည့်လိုက်တယ်။ ပေါ်ကြပလား (ပေါ်ပါပြီ ဘုရား)။

You listen merely to mark it with Perception (Sanna) in your memory. The monks, however, marked it with Perception but then turned their Wisdom towards the Aggregates (Khandhas). Do you see the difference? (Yes, we do, Sir).

သညာနဲ့ မှတ်ပြီးတော့ ပညာနဲ့ ဘာတုံး (ခန္ဓာ လှည့်ပါတယ် ဘုရား) ခန္ဓာ လှည့်လိုက်တဲ့ အတွက် ခု ဒါသက နှစ်ခေါက်ပြန် ရသေးတယ်၊ ရဟန်းကြီး ခြောက်ဆယ် သောတာပန် တည်ပြီ ဆိုတဲ့ အဓိပ္ပာယ် ရှင်းသွားပြီနော် (မှန်ပါ့)။

They used Perception to catch the words, but Wisdom to do what? (To turn towards the Aggregates, Sir). Because they turned towards the Aggregates, Dasaka had to make another trip. The meaning of the sixty monks attaining Sotapanna is now clear. (True, Sir).

ဒါနဲ့ ရဟန်းကြီး ခြောက်ဆယ်က သူကဒီလို နာချင်တာကိုးဗျ၊ တရားက ဒီလို နာချင်တယ် ဟိုရှင်ခေမက ကိုလည်း မပင့်ချင်ဘူး မမာဘူး ဆိုတာ စောစောက သိထား လို့ (တင်ပါ့) ဒါကြောင့် ရှင်ခေမကကို ပင့်ပြီး မနာချင် ဘူး အားနာတယ် (မှန်ပါ့)။

Now, the sixty monks wanted to hear the Dhamma in this specific way. They knew early on that Khemaka was unwell, so they did not want to invite him to come to them. (True, Sir). They didn't want to invite him; they felt considerate of his illness. (True, Sir).

ဒီလို မေးကာ၊ မြန်းကာနဲ့ ပြီးချင်တယ်၊ တစ်ခါ သူတို့ က သွားနာမယ် ဆိုတော့ တောကျောင်း တစ်ပါးနေ ကျောင်း ထဲမှာ နေစရာမရှိဘူး (မှန်ပါ့) ဒါနဲ့ သူတို့ကလည်း မသွား ဘူး၊ ဒါသကကို အစေခံလုပ်ပြီး သကာလ သွားချည်၊ ပြန်ချည် လုပ်ပြီး သကာလ သူတို့ တရားနာတယ် (မှန်ပါ့)။

They wanted to finish the matter through questions and answers. If they were to go to him, there was no space in his solitary forest hut. (True, Sir). So, they didn't go. Instead, they used Dasaka as a messenger, going back and forth, and in this way, they listened to the Dhamma. (True, Sir).

ဦးသန်းမောင် သူတို့အကြံပေါ့ဗျာ (မှန်ပါ့)၊ ရဟန်းကြီး ခြောက်ဆယ် အကြံက ကြွခဲ့ပါလို့ ပင့်ရမှာလည်း လူမမာ ဖြစ်နေလို့ ရှင်ခေမက ပင့်ရမှာ (မှန်ပါ့) နော်။

ကြွခဲ့ပါလို့ ပင့်ရမှာကလည်း လူမမာ ဖြစ်နေလို့၊ ကိုယ် က သွားနာရမှာကလည်း လူမမာတဲမို့ သွားနာရမှာ ကလည်း သူ့ကျောင်းက ကျဉ်းနေတယ်။ ဒီက ခြောက်ဆယ်ခန့် ဆိုတော့ ဆန့်ပါ့မလား (မဆန့်ပါဘူး ဘုရား)။

This was their plan, U Than Maung. (True, Sir). The sixty monks thought: "To invite him here is difficult because he is ill. To go to him is difficult because he is in a solitary hut, and sixty of us would not fit." (We wouldn't fit, Sir).

အဲဒီလို ဖြစ်နေလို့ ဒါသကကို သွားချည် ပြန်လှည့်နဲ့ တရားဟောခိုင်း နေတယ်လို့ မှတ်ရမယ် (မှန်ပါ့) ဦးအောင်ဇံဝေ ရိပ်မိပလား (ရိပ်မိပါပြီ ဘုရား)။

Because of this situation, understand that they were making Dasaka run back and forth to deliver the Dhamma. (True, Sir). U Aung Zan Wai, do you grasp the situation? (Yes, I do, Sir).

ဒါနဲ့ ဒါသက တစ်ခေါက်သွားဦး (တင်ပါ့) ခိုင်းပြန်တယ်၊ သုံးခေါက် ရှိသွားပြီးနော် (တင်ပါ့) တစ်ခေါက် သွားဦးတဲ့၊ ဘယ်လို အမေးနဲ့ သွားရမှာတုံးဘုရား၊ အို မင်း ခေမက သွားမေးချည်ကွ ငါ၊ ငါ့ဥစ္စာလို့ မရှိ တော့ပါဘူးလို့ သူပြောလိုက်တဲ့ အထဲက ဒို့ ကြားပြီ၊ ကြားလို့ တောင်မှ ဒို့ အတော် အကြောင်း ညီညွတ်သွားပြီ။

So, they ordered Dasaka to go again. (True, Sir). That makes three trips now. (True, Sir). "Go once more," they said. "What question should I take this time, Sirs?" "Oh, Dasaka, go ask Khemaka this: We heard his message that 'I' and 'Mine' do not exist. Even hearing that much has brought us into harmony with the Dhamma."

အရှင်ဘုရား၊ ရဟန္တာဖြစ်ပလား

Venerable Sir, Are You an Arahant?

သူတို့လည်း သောတာပန် တည်ပြီပေါ့ဗျာ (မှန်ပါ့) ငါ၊ ငါ့ဥစ္စာ ပြုတ်လို့ရှိရင် အရှင်ဘုရား၊ ရဟန္တာ ဖြစ်ပလားလို့ မင်းတစ်ခေါက် သွားမေးချည်၊ ရဟန်းကြီးတွေက ရဟန်းကြီး ခြောက်ဆယ်က လွှတ်လိုက်တာနဲ့ ဒကာ ဒကာမ တို့ ဘယ်နှစ်ခေါက် ရှိသွားပြီတုံး (သုံးခေါက် ရှိသွားပါပြီ ဘုရား)။

They had become Sotapannas, you see. (True, Sir). "Since 'I' and 'Mine' have been uprooted, ask him: 'Venerable Sir, have you become an Arahant?'" The sixty monks sent him again. Yogis, how many trips is that now? (Three trips, Sir).

သုံးခေါက် ရှိသွားပြီတဲ့၊ ဒါနဲ့ ဒါသကက တစ်ဂါဝုတ် ခရီးကို ဦးသန်းမောင် ပြေးရပြန်တာပေါ့ (တင်ပါ့) သူက လူငယ်ဖြစ်နေတယ် (တင်ပါ့) လူငယ်ဖြစ်ပြီး သကာလ နေတော့ ပြေးရပြန်တယ်တဲ့၊ ပြေးရတော့ ရှင်ခေမက-က မင်း ဘာလာရပြန်ပြီလားကွ၊ အရှင်ဘုရား လာရပြန်ပြီဘုရား။

Three trips. So Dasaka had to run that gavuta distance again, U Than Maung. (True, Sir). He was a young man, so he had to run. When he arrived, Venerable Khemaka said, "You have come again?" "I have come again, Sir."

ရဟန်းကြီး ခြောက်ဆယ်က လွှတ်ပြန်တယ်၊ ဘယ်နဲ့ များ ခိုင်းလိုက်တုံးကွ ဘယ်လိုများ အမေး ခိုင်းတုံး၊ အရှင် ဘုရားကို ငါ၊ ငါ့ဥစ္စာ အရှင်ဘုရားက ပြုတ်ပြီလို့ ပြောလိုက် တယ်၊ မရှိဘူးလို့ ပြောလိုက်တော့ အရှင်ဘုရား ရဟန္တာ ဖြစ်ပလားလို့ သူတို့က အမေး ခိုင်းပါတယ် (တင်ပါ့)။

"What did the sixty monks send you to ask now?" "Sir, you said that 'I' and 'Mine' are uprooted. Since you said they do not exist, they sent me to ask if you have become an Arahant." (True, Sir).

ရဟန္တာ ဖြစ်ပလားလို့ မေးခိုင်းပါတယ်၊ ကွာ ရဟန္တာ တော့ မဖြစ်သေးဘူးဟေ့ (တင်ပါ့) ရိပ်မိပလား (ရိပ်မိပါပြီ ဘုရား) ရဟန္တာ ဖြစ်ပြီလားလို့ မေးတော့ သူဘယ်လို တာဝန်ခံတုံး (မဖြစ် သေးဘူးလို့ တာဝန်ခံပါတယ် ဘုရား)။

"They ask if I am an Arahant? No, my friend, I am not yet an Arahant." (True, Sir). Do you see? (Yes, Sir). When asked if he was an Arahant, what did he guarantee? (He guaranteed that he is not yet an Arahant, Sir).

ရဟန္တာ မဖြစ်သေးဘူးဆိုတော့ သောတာပန်တင် တည်သေးတာ ငါ၊ ငါ့ဥစ္စာ ပြုတ်ရင် သောတာပန်တည် အပါယ်တံခါး ပိတ်တာပဲ ရှိသေးတယ် ပေါ်ကြပလား (ပေါ်ပါပြီ ဘုရား)။

If he is not an Arahant, he is only established as a Sotapanna. If "I" and "Mine" are uprooted, one has only closed the gates to the Lower Realms (Apaya). Do you understand? (Yes, Sir).

ငါ၊ ငါ့ဥစ္စာပြုတ်အောင်လုပ်ကြပါ

Work to Uproot "I" and "Mine"

သောတာပန်တည်ပြီး အပါယ်တံခါး ပိတ်တာပဲရှိ သေးတယ်နော် (မှန်ပါ့) ငါ၊ ငါ့ဥစ္စာပြုတ်တဲ့ တန်ခိုးကော သိကြပြီလား (သိပါပြီ ဘုရား) အေး ဒါကြောင့် ယနေ့ တရား စ,စခြင်း၊ ငါ၊ ငါ့ဥစ္စာ ဦးသန်းမောင်တို့၊ ဦးတင်တို့၊ ဦးနက်တို့ ပြုတ်အောင် လုပ်ပါလို့ ဆိုတဲ့ စကားဟာ မည်မျှလောက် အရေးကြီးလို့ တိုက်တွန်းတာလဲ ဆိုတာ ပြောဖို့ မလိုတော့ဘူး (မှန်ပါ့)။

Attaining Sotapanna merely closes the gates to the Lower Realms. (True, Sir). Do you realize the power of uprooting "I" and "Mine"? (Yes, we do, Sir). Therefore, at the very beginning of today's sermon, I told U Than Maung, U Tin, and U Net: "Work to uproot 'I' and 'Mine'." I need not elaborate further on how important this admonition is. (True, Sir).

အလွန် အရေးကြီးလို့ ဦးသန်းမောင်၊ တိုက်တွန်း တယ် (မှန်လှပါ ဘုရား) မဆိုထိုက်ဖူးလား (ဆိုထိုက်ပါတယ် ဘုရား)။ ငါ၊ ငါ့ဥစ္စာတော့ ပြုတ်ပါတယ် သို့သော် ငါ ရဟန္တာ မဟုတ်သေးဘူး။

သို့သော်လည်း ကွာတဲ့ ခန္ဓာငါးပါးကို ငါလိုလိုတော့ ထင်တော့ ထင်နေသေးတာပဲကွတဲ့ ငါ၊ ငါ့ဥစ္စာတော့ ပြုတ်တော့ ပြုတ်တယ် သို့သော် ငါလိုလို အထင်သေးတော့ ကျန်နေသေးတယ် (တင်ပါ့) ထင်တယ်။

It is critically important, U Than Maung, so I urge you. (True, Sir). Is it not worth saying? (It is worth saying, Sir). Khemaka said: "My view of 'I' and 'Mine' is uprooted. But I am not an Arahant. However, regarding these Five Aggregates, I still have a subtle lingering sense of 'I'. The coarse 'I' and 'Mine' are uprooted, but the subtle conceit of 'I' still remains." (True, Sir). He admits he thinks it.

အဲဒါတွေ နောက်က ဒကာ ဒကာမတွေကရော။ အရှေ့ပိုင်း ဒကာ ဒကာမတွေကရော မာန ငါလေး ကျန်သေး တယ်လို့ သူပြောတာ (တင်ပါ့) ဒိဋ္ဌိငါ မရှိဘူး (တင်ပါ့)။

This applies to the Yogis in the back and the front as well. He is saying that the Mana (Conceit) of "I" still remains. (True, Sir). The Ditthi (Wrong View) of "I" is gone. (True, Sir).

ခန္ဓာငါးပါးကို ငါလိုလိုထင်သေးတယ်

The Scent of "I" Remains

မာနငါလေး၊ ခန္ဓာငါးပါးကို ငါလိုလို ထင်တဲ့ အထင်လေးတော့ ရှိသေးတယ်ကွ၊ ဒါလေး တစ်လုံးကို သူက အညွန့်လေး တပ်ပေးတယ်၊ ရဟန္တာလည်း မဟုတ်ဘူး၊ ခန္ဓာ ငါးပါးကို ငါလိုလို ထင်တဲ့ အထင်လေးတော့ ရှိသေးတယ်လို့ သွားလျှောက်ချည်။

"The Mana (Conceit) of 'I'—the subtle notion that identifies with the Five Aggregates as 'I'—still exists, my friend. Go and tell them this: I am not an Arahant. The subtle notion of 'I' regarding the Five Aggregates still remains."

ဆိုတော့၊ ဒါသက ပြန်ရပြန်တာပေါ့။ အရှင်ဘုရား ရဟန်ကြီး ခြောက်ဆယ် သွားလျှောက်တယ် တပည့်တော် ပြန်ခဲ့ပြီဘုရား၊ ဘယ်နဲ့များ ဖြေလိုက်တုံးကွ၊ သူက ငါ၊ ငါ့ဥစ္စာတော့ ပြုတ်တယ်၊ ရဟန္တာ မဟုတ်ဖူးလို့ ပြောလိုက်ပါ တယ် (မှန်ပါ့)။

So, Dasaka had to return again. "Venerable Sirs, I have returned from reporting to the sixty monks." "What did he answer?" "He says that while 'I' and 'Mine' are uprooted, he is not an Arahant." (True, Sir).

သူက အနာဂါမ် ရှိသေးတာကိုး၊ သို့သော် ခန္ဓာငါးပါး ကို ငါလိုလို ထင်တာတော့ ရှိသေးတယ်၊ ဒါကြောင့် ငါ့သပိတ် ငါ့သင်္ကန်း ဆိုတာလေးတွေတော့ သုံးစွဲ နေကြသေး တာပေါ့နော် (မှန်ပါ့)။

He is only an Anagami, you see. "However, he says a subtle sense of 'I' regarding the Five Aggregates still exists. That is why he still uses phrases like 'My bowl, my robe'." (True, Sir).

ငါ့ သပိတ်၊ ငါ့ သင်္ကန်းဆို တာလေးတော့ ဦးသန်းမောင် ရဟန္တာကအစ သုံးတာပဲ (မှန်ပါ့) ဘာကိစ္စရှိတုံး ဒီအသုံးဟာ ဘာကိစ္စရှိတုံး အထင်ပြုတ်ဖို့သာ အရေးကြီးတယ်ဆိုတာ ပေါ်ကြပလား (ပေါ်ပါပြီ ဘုရား)။

U Than Maung, even Arahants use phrases like "My bowl, my robe." (True, Sir). That usage doesn't matter. What matters is uprooting the delusion (Wrong View). Do you understand? (Yes, we do, Sir).

ပေါ်ပြီတဲ့ ဒါကြောင့် ခုနက စကားထဲမှာပဲ အင်မတန် အကျိုးတရားအလိုရှိလို့ ဒီ ဒကာ ဒကာမတွေ ပြောခဲ့ပါတယ် ဟေ့ ငါ၊ ငါ့ဥစ္စာတော့ ပြုတ်အောင် လုပ်ကြဟေ့၊ အပြော တော့ ကိစ္စ မရှိဖူးဟေ့ (မှန်လှပါ) ဆိုတဲ့ဥစ္စာ နဂို ကတည်းက မူလဘူတ ကတည်းက သတိပေးခဲ့တယ် ဆိုတာ ရှင်းလောက် ပါပြီနော် (တင်ပါ့)။

It is clear now. That is why, earlier, desiring your great benefit, I told you lay devotees: "Hey, make sure 'I' and 'Mine' are uprooted! Speech doesn't matter." (True, Sir). I warned you right from the beginning, from the very root. That should be clear enough. (True, Sir).

ဒါနဲ့ ရဟန်းကြီး ခြောက်ဆယ်ဆီ ပြန်ရောက်သွား တော့ ဘယ့်နဲ့ ပြောလိုက်တုံးကွ၊ ငါ ငါ့ဥစ္စာတော့ မထင်တော့ ပါဘူး၊ သို့သော် သူရဟန္တာလည်း မဟုတ်ဘူး၊ ငါ လိုလို အရောင်လေးတော့ ထင်သေးတယ်ကွ။

ခန္ဓာငါးပါးကို ငါလိုလို အထင်လေးတော့ ရှိတယ်။ ငါဖြစ်သလိုလို လေးတော့ ကျန်နေ သေးတယ်ကွ (မှန်ပါ့) ဆိုတော့ မာနငါ ကျန်တယ်လို့ ပြောလိုက်တယ်။ ရှင်းပလား (ရှင်းပါပြီ ဘုရား) ဘာတဲ့ (မာန ငါ ကျန်ပါတယ် ဘုရား)။

So, Dasaka arrived back at the sixty monks. "What did he say?" "He says he does not view things as 'I' or 'Mine' with Wrong View. But he is not an Arahant. A faint glimmer of 'I' still remains. He still has a subtle conceit regarding the Five Aggregates. A trace of 'I am' still lingers." (True, Sir). He said the Mana-I remains. Is that clear? (Yes, Sir). What remains? (The Mana-I remains, Sir).

ငါလိုလို ထင်ရောင်လေးတော့ ကျန်သေးတယ်ကွ ဒိဋ္ဌိ ငါပြုတ်တယ်၊ ဦးသန်းမောင် မာန ငါမပြုတ်သေးဘူး (မှန်ပါ့) ဒိဋ္ဌိနဲ့ ငါတော့ ပြုတ်ပြီတဲ့၊ မာနငါဆိုတာ ငါ့ဘာ ထင်လို့တုံး ဆိုတဲ့ မာန၊ ငါ့တတ်ရောင်ကား မှတ်လို့လား ဆိုတာမျိုးဟာ မာနနော် (မှန်ပါ့)။

"A shadow of 'I am' remains. Ditthi-I is uprooted, U Than Maung, but Mana-I is not uprooted." (True, Sir). The Ditthi (Wrong View) of "I" is gone. But the Mana (Conceit)—the feeling of "Who do you think I am?", the pride of "Do you think I don't know?", the feeling of "Do you think I am helpless?", or the pride in owning brick houses and diamonds—that is the Mana-I.

ငါ့ ခိုကိုးရာမဲ့ မှတ်လို့လား၊ တိုက်နဲ့တာနဲ့ ရွှေနဲ့ စိန်နဲ့ နေတာ ဆိုတာလေးဟာ မာန ငါလေး၊ အဲ ဒိဋ္ဌိ ငါတော့ ငါ့ဥစ္စာ မဟုတ်မှန်းတော့ သိတယ် (မှန်ပါ့)။

သို့သော် ဒါလေးအစွဲပြုပြီး မာနလေးရှိတော့ မာန ငါလေး ကျန်သေးတယ်လို့ ဆုံးဖြတ်ချက် ချပါ (မှန်ပါ့) ပေါ်ကြပလား (ပေါ်ပါပြီ ဘုရား)။

As for Ditthi-I, he knows these things are not "his" property in the ultimate sense. (True, Sir). However, relying on these things, Mana arises. So, decide that the Mana-I still remains. (True, Sir). Is that clear? (Yes, it is, Sir).

ဟေ့ ဦးအောင်ဇံဝေတို့ ဘာငါလေး ကျန်နေ တုံး (မာန ငါလေး ကျန်နေပါတယ် ဘုရား) ဒိဋ္ဌိ ငါတော့ (ပြုတ်ပါပြီ ဘုရား) ပြုတ်သွားပြီ။

Hey, U Aung Zan Wai, what kind of "I" remains? (The Mana-I remains, Sir). And the Ditthi-I? (It is uprooted, Sir). It is gone.

ဒိဋ္ဌိငါတော့ပြုတ်ပြီ၊ မာနငါကျန်တယ်

Ditthi is Gone, Mana Remains

ဒါနဲ့ ရဟန်းကြီး ခြောက်ဆယ်က၊ ဪ သူ ဒိဋ္ဌိတော့ ပြုတ်ပြီလို့ ပြောတယ်၊ မာန ငါ ကျန်သေးတယ်လို့ ပြောတယ်ဆိုပြီး သကာလ သူတို့ ခန္ဓာကိုယ်ထဲ တစ်ခါတည်း မာနပြုတ်အောင် ဒိဋ္ဌိငါ ပြုတ်ပေမဲ့ မာနငါ ကျန်သေးသကိုး ဆိုတာ သူတို့သိပြီး ရှုတာ ရှုတာ သောတာပန် သကဒါဂါမ်တော့ တည်ပြီးသား ပေါ့ဗျာ (မှန်ပါ့)။

So the sixty monks thought: "Oh, he says Ditthi is uprooted, but Mana-I remains." They wanted to completely uproot that Mana within their own bodies. They knew that although Ditthi-I was gone, Mana-I was still there. Remember, they were already established as Sotapannas or Sakadagamis by then. (True, Sir).

တည်ပြီး သကာလ နောက်တရား တစ်ပုဒ်နာရ အောင် ဒါသက၊ လွှတ်တယ်၊ ဒါသက လွှတ်ပြန်တယ်။ သွားဦးကွာ ဒါသက အရှင်ဘုရား ဘယ် ပုစ္ဆာ ယူသွားရမှာ တုံးဘုရား၊ အို ဒါယူ သွားကွာ ဒီပုစ္ဆာ အရှင်ဘုရား ရုပ်ကို ငါလိုလို ထင်တာလား၊ ရုပ်မှတစ်ပါးကို ငါလိုလို ထင်တာလား မေး၊ ဝေဒနာကို ငါထင်တာလား၊ ဝေဒနာမှ တစ်ပါးသော တရားကို ငါလိုလို ထင်တာလား အဲဒါ မေး ခန္ဓာငါးပါး စလုံး ဒီအတိုင်းပဲ (မှန်ပါ့) ရှင်းပလား (ရှင်းပါပြီ ဘုရား)။

To listen to the next stage of Dhamma, they sent Dasaka again. Dasaka was sent once more. "Go again, Dasaka." "Venerable Sirs, what question should I take?" "Oh, take this question: 'Venerable Sir, do you view Form (Rupa) as "I"? Or do you view something apart from Form as "I"?' Ask this. Ask about Feeling (Vedana): 'Do you view Feeling as "I", or something apart from Feeling as "I"?' Ask this for all Five Aggregates." (True, Sir). Is that clear? (Yes, it is, Sir).

ဝေဒနာကို ငါထင်တာလား၊ ဝေဒနာမှ တစ်ပါးသော တရားကို ငါလိုလို ထင်တာလား အဲဒါ မင်းသွားမေးချည်ကွ ဆိုတော့ ဦးတင် သွားရပြန်ပြီ (မှန်ပါ့)။

"Do you view Feeling as 'I'? Or do you view something apart from Feeling as 'I'?" "Go and ask him that, Dasaka." So U Tin, he had to go again. (True, Sir).

ဘယ်နှစ်ခေါက်ရှိပြီတုံး (လေးခေါက်ရှိပါပြီ ဘုရား) လေးခေါက်ရှိသွားပြီ လေးဂါဝုတ် တစ်ယူဇနာ ပေါက်နေပြီ (မှန်ပါ့) အဲဒီကဲ့သို့ သွားလိုက်တော့ ဟ ဒါသက ဇီးတောကျောင်းက ရှင်ခေမက-က၊ အနာဂါမ် ရှင်ခေမကဆီ ရောက် ပြန်ပြီ မင်းလာရပြန်ပြီလားကွ လာရပြန်ပြီဘုရား ရဟန်း ကြီးခြောက်ဆယ်က မေးခိုင်း လိုက်တယ် ဘုရား။

How many trips is that now? (Four trips, Sir). Four trips. That is four gavutas—he has run a full yojana now. (True, Sir). When he arrived, Dasaka met Venerable Khemaka at the Jujube Grove again. "You have come again?" "I have come again, Sir. The sixty senior monks have sent a question."

ဘယ်ဟာကို ငါလိုလိုထင်ဘာလဲ

What exactly do you think is "I"?

ဟ ဘယ့်နှယ်မေးတုံး အရှင်ဘုရား ရဟန္တာ မဟုတ်ဘူး ဆိုတာ သူတို့ကျေနပ်ပါတယ်။ သို့သော် ငါလိုလို ထင်တာလေး ရှိသေးတယ် ဆိုတာလေးဟာကို သူတို့ မရှင်းပဲ ဖြစ်နေ တယ် (မှန်ပါ့)။

"Ha! What do they ask? I have already satisfied them that I am not an Arahant. But they seem unclear about my statement that a subtle sense of 'I' remains." (True, Sir).

သူတို့က ဒီလို မေးခိုင်းပါတယ်ဘုရား ရုပ်ကို ငါလိုလို ထင်တာလား၊ ရုပ်မှ တစ်ပါးကို ငါလိုလို ထင်တာလား၊ ဝေဒနာကို ငါလိုလို ထင်တာလား၊ ဝေဒနာမှ တစ်ပါးကို ငါလိုလို ထင်တာလား စိတ်ကို ငါထင်တာလား စိတ်မှ တစ်ပါး ကို ငါလိုလို ထင်တာလားလို့ ဆိုတဲ့ ခန္ဓာငါးပါးကို ဒီလိုမေး လိုက်ပါတယ် ဘုရား။

"They sent this question, Sir: Do you view Form as 'I'? Or do you view something apart from Form as 'I'? Do you view Feeling as 'I'? Or do you view something apart from Feeling as 'I'? Do you view Consciousness as 'I'? Or do you view something apart from Consciousness as 'I'?" They asked regarding the Five Aggregates in this manner.

ကွာ မင်းသွားရပြန်ရ လေးခေါက်ရှိပြီ (တင်ပါ့) သွားရပြန်ရ လေးခေါက် မင်းပင်ပန်းလှပြီ (တင်ပါ့) ကဲကွာ တောင်ဝှေးသာ ယူခဲ့ ငါ တောင်းဝှေး ထောက်ပြီး မင်းနဲ့အတူ သွားပြီ ကိုယ်တိုင် သွားဖြေမယ်။

"My friend, you have had to come back again. That makes four trips." (True, Sir). "You have come four times; you must be exhausted." (True, Sir). "Here, bring me my staff. I will take my staff and go with you. I will go and answer them in person."

ဦးသန်းမောင် ကိုယ်တိုင် သွားဖြေမယ် ဆိုပြီး သကာလ တောင်ဝှေး ထောက်ပြီး သူတို့ သွားကြတာပေါ့ဗျာ၊ သွားကြ တော့ တစ်ဂါဝုတ်ခရီး ရဟန်းကြီး ခြောက်ဆယ်ရှိတဲ့ဆီ ရောက်။

U Than Maung, he said he would answer in person. So, leaning on his staff, they went together. They traveled the gavuta distance and arrived at the place where the sixty senior monks were staying.

အဲတော့ ရဟန်းကြီး ခြောက်ဆယ်က ဒီအတိုင်း မေးတယ်။ မင်းကွာ သက္ကာယဒိဋ္ဌိ ပြုတ်တယ် ဆိုတာလည်း တို့ ယုံကြည်ပါတယ်။ ငါ၊ ငါ့ဥစ္စာပြုတ်တယ်။ သို့သော် မင်းပြောတဲ့ စကားမှာ ရဟန္တာလည်း မဟုတ်ဘူး၊ ရဟန္တာလားလို့ သူမေးတော့ ရဟန္တာ မဟုတ်ဖူးလို့ မင်းဖြေတယ်။ ဖြေတာ ကိုလည်း တို့ သဘောကျပါတယ်။

Then, the sixty monks asked him directly: "Friend, we believe that your Self-Illusion (Sakkaya Ditthi) is uprooted. we believe 'I' and 'Mine' are gone. However, in your message, you said you are not an Arahant. When asked if you were an Arahant, you answered 'No'. We accept that answer as well."

သို့သော် မင်း စကားလေးတစ်ခု ထည့်လိုက်တာက ငါလိုလို ထင်ရောင်လေး ကျန်သေး တယ်လို့ ပြောလိုက်တဲ့ စကားလေးဟာ အဲဒါကြောင့် တို့က ရုပ်ကို ငါလိုလို ထင် တာလား၊ ရုပ်မှတစ်ပါး ငါလိုလို ထင်တာလား ဆိုတာ တို့ မေးပါတယ် (မှန်ပါ့)။

"But you added a phrase: 'A subtle suspicion of I am still remains.' Because of that phrase, we ask: Do you view Form as 'I'? Or do you view something apart from Form as 'I'?" (True, Sir).

ရဟန်းကြီး ခြောက်ဆယ်က မေးလိုက်တယ် (မှန်ပါ့) ဒါ ဦးတင်တို့၊ ဦးသန်းမောင်တို့၊ ဦးနက်တို့ မာန ငါ ကျန်နေတာဆိုတာ ရိပ်မိပလား (ရိပ်မိပါတယ် ဘုရား)။

The sixty senior monks asked this. (True, Sir). U Tin, U Than Maung, U Net—do you realize this is because Mana-I (Conceit) still remains? (We realize it, Sir).

ဒိဋ္ဌိ သာ ပယ်သေးတာ၊ မာနမှ မပယ်နိုင်ပဲကိုး သောတာပန်က (မှန်ပါ့) အဲဒီကဲ့သို့ ပြောတော့ အရှင် ဘုရား တပည့်တော် ဥပမာပြမယ်၊ အရှင်ဘုရားတို့ ဥပမာ နဲ့ဆိုရင် နားလည်ပါလိမ့်မယ် (မှန်ပါ့) ဥပမာပြမယ်။

Only Ditthi has been abandoned; the Sotapanna has not yet abandoned Mana. (True, Sir). When they spoke thus, Khemaka replied: "Venerable Sirs, I will give you a simile. If I use a simile, you will understand." (True, Sir). "I will show you an example."

ပဒုမ္မာကြာပန်း

The Scent of the Lotus

ပဒုမ္မာကြာပန်း

Consider the Paduma Lotus.

ပဒုမ္မာကြာပန်း ရှိတယ်ဘုရား၊ ပဒုမ္မာကြာပန်း ရှိတယ်၊ ပဒုမ္မာကြာပန်းကို အရှင်ဘုရားတို့ နှာခေါင်းနား တေ့ကြည့်ပါ။

There is a Paduma Lotus flower here. I want you to place it near your nose and smell it.

သင်းသင်းလေးတော့ မွှေးပါလိမ့်မယ်၊ မွှေးတဲ့အခါ ကျတော့ ဒါ ဝတ်ဆံက မွှေးတာလား၊ အရွက်က မွှေးတာလား၊ ကြာအုံကလေးက မွှေးတာလား၊ ဒီ အဆင်းတွေက မွှေးတာ လားလို့ မေးလို့ရှိရင် ကောင်းကောင်းမွန်မွန်တဲ့ ပုဂ္ဂိုလ် ဖြစ်ခဲ့လို့ ရှိရင်တော့ ကြာကမွှေးတယ်၊ အကုန်က မွှေးတယ် လို့ ပြောရမှာပဲ (မှန်ပါ့)။

It smells fragrant, does it not? Now, when it smells fragrant, if I ask you: "Does this scent come from the pollen? Does it come from the petals? Does it come from the lotus stalk? Or does it come from the color?" If you are a wise person, you would answer: "The scent comes from the lotus as a whole; it comes from the entire flower." (True, Sir).

သဘောကျပလား (ကျပါတယ် ဘုရား) ကြာ တစ်ခုလုံးကမွှေးတာ၊ တစ်ခုထဲက မွှေးတာမှ မဟုတ်ပဲကိုး (မှန်ပါ့) အဲဒီမှာလည်း တပည့်တော်မှာ အားလုံး အပေါင်းကို ပေါင်းလိုက်တဲ့ အခါကျတော့ ခန္ဓာငါးပါး ပေါင်းလိုက်တဲ့ အခါ ငါလိုလို ထင်တာလေးက ရှိနေသေးတယ် (တင်ပါ့)။

Do you grasp the meaning? (Yes, we do, Sir). The fragrance comes from the whole lotus; it does not come from just one single part. (True, Sir). In the same way, when I look at the combination of all these parts—when I look at the Five Aggregates (Khandhas) combined—there remains a subtle notion of "I." (Yes, Sir).

ကြာပွင့်၏ အနံ့လိုပေါ့လေ (မှန်ပါ့) ဒီအပေါ်မှာ မာနလေး ရှိနေသေးတယ်၊ ခန္ဓာငါးပါး အပေါင်းကြည့်တဲ့ ကြည့်ပြီး သကာလ ငါလိုလို ထင်တဲ့ အထင်ကလေး ရှိနေပါ သေးတယ်။ ဒါလေး ဖြေလိုက်တော့ ရဟန်းကြီး ခြောက်ဆယ် ဪ ဒီအထင်က အပေါင် းထင်တာပါလား (တင်ပါ့)။

It is just like the scent of the lotus. (True, Sir). There is still a lingering Conceit (Mana) attached to this. Even after observing the Five Aggregates as a mass, the subtle thought "This is I" remains. When this was explained, the sixty elder monks realized: "Oh! This notion of 'I' is just an illusion based on the combination of parts!" (True, Sir).

အဲတော့ ငါဆိုတာမျိုးက ဦးတင်လည်းမှတ်၊ ဦးသန်းမောင်လည်းမှတ်၊ ဦးနက်လည်းမှတ် ဒီအပေါင်းကြီး ကြည့်ကြည့်ပြီး ငါလုပ်တာကိုး (မှန်ပါ့)။

So, U Tin, U Than Maung, U Net—mark this well. Because you look at this mass of aggregates as a whole, you assume "I am doing this." (True, Sir).

ငါ့ ဘာမှတ်လို့ တုန်းဆိုပြီး လက်သီးလက်မောင်း တန်းပြ၊ တစ်ကိုယ်လုံး လှုပ်ပြဟင် (မှန်ပါ့) အပေါင်းထင်တာ (မှန်ပါ့) မာနငါကလေ (မှန်ပါ့) ရှင်းကြလား (ရှင်းပါတယ် ဘုရား)။

You flex your muscles, shake your whole body, and ask, "Who do you think I am?" (True, Sir). This is merely the Conceit (Mana) clinging to the collective mass. Is this clear? (Yes, it is, Sir).

အဲတော့ ဘုရားတဲ့ အပေါင်းလို့ ထင်ပြီး ဖြစ်တဲ့မာနပါ ဦးတင် မှတ်မိပြီး (မှတ်မိပါတယ် ဘုရား) တစ်ခုထဲစွဲ ဖြစ်တာလား အပေါင်းစွဲ ဖြစ်တာလား (အပေါင်းစွဲဖြစ်ပါ တယ် ဘုရား) အပေါင်းစွဲဖြစ်တဲ့ မာနဆိုတဲ့ ဥစ္စာ အသေအချာ မှတ်ထားကြပါ။

Therefore, the Buddha taught that this Mana arises from the perception of the group. U Tin, have you noted this? (Yes, Sir). Does it arise from clinging to one specific part, or from clinging to the combination? (It arises from clinging to the combination, Sir). You must definitely remember that Mana arises from clinging to the aggregate.

နောက်တော့ ဘုရားတဲ့၊ သည် ကြာပန်း၏ ရနံ့လေး ကျန်နေတာဟာ အရှင်ဘုရားများ သိသလိုပေါ့တဲ့ မာန နံ့လေး ကျန်နေတာ (ကျန်နေတာပါ ဘုရား) ကျန်နေတာ အပေါင်းကို အစွဲပြုပြီး ငါဆိုတဲ့ မာနလေးဟာ ဖြစ်ပေါ် ပေါက်ပြီးသကာလ နေတယ်ဆိုတဲ့ ဥစ္စာ အရှင်ဘုရားများ သိကြပါပြီ။

The Buddha continued: "Just as the scent of the lotus lingers, the scent of Mana—the scent of 'I'—remains." (It remains, Sir). Even though you know the Dhamma, the subtle Conceit of "I" arising from the combination still lingers.

သို့သော်လည်း ဘုရားတဲ့ တပည့်တော် ဒီလိုပြပါ့ မယ်တဲ့ အဝတ် တစ်ထည်ကို ပိုးလုံချည် ဖြစ်စေ၊ ဗန်ကောက် လုံချည်ဖြစ်စေ၊ ဖဲ လုံချည်ဖြစ်စေ အရှင်ဘုရားတို့ လျှော်ဖို့ ဒိုဘီ ပေးလိုက်ပါ။ ဒီလို ဒိုဘီပေးတော့ အဝတ်တော့ ပြောင်စင်ပြီး သကာလ ချောမွေ့လာမှာပါပဲ။

However, the Buddha gave another analogy to explain how to remove it. Suppose you hand over a dirty cloth—be it a silk sarong or a Bangkok longyi—to a washerman. When the washerman returns it, the cloth is indeed clean and smooth.

သို့သော် သူတို့ထည့်လိုက်တာ ဆပ်ပြာနံ့တွေကတော့ ဒီအထဲ မပါဘူးလို့ ဆိုလို့မရဘူး (တင်ပါ့) ဆပ်ပြာနံ့ကတော့ မပါပေဘူးလား (ပါပါတယ် ဘုရား) ပုဆိုး ပြန်အပ် ငြားသော်လည်း (မှန်လှပါ)။

But, you cannot say it is free from the smell of the cleaning agents. (True, Sir). Doesn't the smell of the soap or lye remain? (It remains, Sir). Even though the sarong is returned clean, the smell is there.

အမွှေးအကြိုင်သေတ္တာ

The Scented Chest

အဲတော့ကိုတဲ့ အထည် ပိုင်ရှင်က နေပြီး သူ့ အမွှေး အကြိုင်ရှိတဲ့ သေတ္တာထဲ ထည့်လိုက်တဲ့ အခါကျတော့ ကိုတဲ့။ ဒီအနံ့ဟာ ဒိုဘီ ပေးငြား သော်လည်း အနံ့နဲ့တကွ မကောင်းတဲ့ အနံ့တွေ ဆပ်ပြာနံ့တွေ ပါပြီး ချေးညှော်တော့ ကျွတ်ပါရဲ့ ဆပ်ပြာနံ့တွေက ပိုးလာပြန်တယ်။ ဆင့်လာ ပြန်တယ်ဆိုတာ ကို ရှိနေတော့ အိမ်ရှင်က ဒီအတိုင်းဝတ်လို့ မဖြစ်တော့၊ အမွှေးအကြိုင် ထည့်တဲ့ သေတ္တာထဲ ထည့်ပြီး တစ်ရက် နှစ်ရက် နေမှ ကောက်ဝတ်တော့ ဒီ အနံ့ပါသေးရဲ့ လား (မပါတော့ပါဘူး ဘုရား)။

So, what does the owner do? He takes the cloth and places it inside a chest filled with sweet perfumes and incense. Even though it was washed, the cloth still carried the smell of soap and lye. The owner cannot wear it immediately because of this chemical smell. But after keeping it in the perfumed chest for a day or two, he takes it out to wear. Now, does the soap smell remain? (No, it does not, Sir).

မပါတော့ ပျောက်သွားတယ် (တင်ပါ့) ထို့အတူ ပဲတဲ့ အဲဒီ ငါလိုလို ထင်တဲ့ အထင် အနံ့လေးဟာ မာန နံ့လေး ပေါ့ (တင်ပါ့) ဖြစ်ပျက် ပြန်ရှုလိုက်စမ်းပါ (မှန်ပါ့) ပေါ်ပလား (ပေါ်ပါပြီ ဘုရား)။

It has vanished completely. (True, Sir). In the same way, that subtle scent of "I"—the scent of Conceit (Mana)—must be treated. You must observe the Arising and Passing Away (Phit-Pyet) again. (True, Sir). Does the insight appear? (Yes, it appears, Sir).

ဖြစ်ပျက်ပြန်ရှုလိုက်စမ်းပါ

Observe Arising and Passing Away Again

ဘာလုပ်ရမယ် (ဖြစ်ပျက်ပြန် ရှုရမှာပါ ဘုရား) ဖြစ်ပျက် ပြန်ရှုပြီး သကာလ၊ အရင်အတိုင်းပဲတဲ့ သစ္စာမြင်ပြီး သကာလ သစ္စာ မုန်းပြီး ဒီဒုက္ခသစ္စာ ဆုံးအောင် လုပ်လိုက်တဲ့ အခါကျတော့ ဘုရားတဲ့၊ ခုနက အရဟတ္တမဂ် အရဟတ္တ ဖိုလ် သေတ္တာထဲ ရောက်သွားတယ် (တင်ပါ့)။

What must you do? (We must observe Arising and Passing Away again, Sir). You observe the Arising and Passing Away. Just as before, you see the Truth (Sacca). You become disenchanted (Nibbida) with the Truth of Suffering. When you practice until the suffering ends, you are placing your mind into the Chest of the Path and Fruition of Arahatship (Arahatta-Magga and Arahatta-Phala). (True, Sir).

ပုဆိုးလေးဟာလေ (တင်ပါ့) အဲတော့ ခုနက မာန အနံ့ကလေးနဲ့ တူတဲ့ ဆပ်ပြာနံ့လေးဟာ ရှိသေးရဲ့လား (မရှိတော့ပါဘူး ဘုရား) အဲဒီကျမှ ပြောင်မယ် ဘုရား (တင်ပါ့)။

Think of the cloth. (Yes, Sir). Does the soapy smell of Conceit (Mana) still exist? (It does not exist anymore, Sir). Only then is it truly clean. (True, Sir).

ခုတော့ မာန အနံ့က ရှိနေတယ်။ ဆိုတော့ ရဟန်းကြီး ခြောက်ဆယ်ကလည်း ဟုတ်သားပဲ ဆိုပြီးသကာလ သူတို့ ဦးသန်းမောင် ဖြစ်ပျက် ပြန်ရှုပြန်တယ် (မှန်ပါ့)။

Before this, the scent of Mana was still there. Upon hearing this, the sixty elder monks exclaimed, "This is true!" and—just like U Than Maung—they immediately started observing the Arising and Passing Away again. (True, Sir).

ဖြစ်ပျက်ပြန်ရှု၊ ဖြစ်ပျက် မုန်းအောင်ရှု၊ ဖြစ်ပျက် ဆုံး အောင်ရှု မောင်ချစ်ဆွေ (မှန်ပါ့) နာရင်း ရှုတာနော် (မှန်ပါ) ရှုလိုက်တဲ့ အခါ သူတို့လည် ခရီးပေါက်တယ် (မှန်ပါ့)

They observed the Arising and Passing Away. They observed until they were disgusted by it. They observed until it ceased. Maung Chit Swe, listen. They meditated while listening. (True, Sir). When they observed in this way, they reached the end of the journey. (True, Sir).

ခရီးပေါက်ပြီး သကာလ သွားတော့မှ အဲတာဘုရား တဲ့ အရှင်ဘုရားတို့ အရဟတ္တမဂ်၊ အရဟတ္တဖိုလ် တည်းဟူသော ပချုပ်ဖာ သေတ္တာထဲ ထည့်လိုက်တဲ့ အတွက် ဒီမာန ဟာ ပြုတ်ပါတယ် (မှန်ပါ) ဆိုတော့ အတော် အဟောကောင်းတဲ့ ကိုယ်တော်ပေါ့ (တင်ပါ့)။

Once they reached the destination, the Buddha explained: "Because you have placed your mind into the woven chest of Arahatta-Magga and Arahatta-Phala, the Conceit (Mana) has been completely uprooted." (True, Sir). The monk who taught this was truly eloquent. (Yes, Sir).

မာန ပြုတ်ချင်ရင် ဒီလိုလုပ် ဆိုတာကို ဟော တယ် (တင်ပါ့ ဘုရား)၊ သောတာပန်၊ သကဒါဂါမ် တည် နေလို့ရှိရင် မာန ငါလေးဟာ ကျန်ကျန် နေသေးတယ်၊ ဒီသူ့ ဖြုတ်ချင်လို့ရှိရင်ဖြင့် ဖြစ်ပျက် ပြန်ရှုပြီး သကာလ၊ အလုပ်လုပ် ပါဆိုတော့ ဒီပေးတဲ့ ဥပမာနဲ့ သူပြတယ်နော် (မှန်လှပါ)။

He taught that if you want to uproot Mana, this is how you do it. (True, Sir). Even if you are a Stream-Enterer (Sotapanna) or a Once-Returner (Sakadagami), the subtle "I" of Conceit remains. If you wish to remove it, you must work by observing Arising and Passing Away again. He explained it using this clear analogy. (True, Sir).

သူ့စာအတိုင်းနော် (မှန်ပါ့) မြတ်စွာဘုရား ဟောတော်မူတဲ့ မြတ်စွာဘုရား လက်ထက်က ဟောတော်မူတဲ့ ဝတ္ထုသာသနာဝင် ကျမ်းပေါ့ဗျာ (မှန်ပါ့ ဘုရား)။ ခန္ဓ ဝဂ္ဂသံယုတ် ထေရဝဂ်မှာ ပါပါတယ် (မှန်ပါ့)။

This is exactly according to the texts. (True, Sir). It is from the story recorded in the Buddha’s teachings, specifically in the Khandha Vagga Samyutta, in the Thera Vagga. (True, Sir).

အဲ့လို ရှူလိုက်တဲ့ အခါကျတော့၊ ရဟန်းကြီးခြောက် ဆယ်လည်း သူကလည်း ငါ့မယ် မာနငါ ကျန်သေးတယ် ဆိုပြီး သကာလ ဖြစ်ပျက် ပြန်ကောက်တယ် (တင်ပါ့)။

When they observed in this manner, the sixty elder monks realized, "I still have the 'I' of Conceit," and they resumed noting the Arising and Passing Away. (True, Sir).

ဟောတဲ့ပုဂ္ဂိုလ်လည်း ရဟန္တာဖြစ်တယ်

The Preacher Also Becomes an Arahat

ရှင်ခေမက ကလည်း ဖြစ်ပျက် ပြန်ကောက်ပြီး ဖြစ်ပျက်မြင်။ ဖြစ်ပျက်မုန်း၊ ဦးအောင်ဇံဝေ ဖြစ်ပျက်ဆုံးအောင် လုပ်လိုက်တော့ သူလည်း ရဟန္တာ ဖြစ်တယ် (မှန်ပါ့)။

Venerable Khemaka (the preacher) also resumed noting the Arising and Passing Away. He saw the Arising and Passing Away, became disgusted by it, and—U Aung Zan Wai—when he saw the cessation, he also became an Arahat. (True, Sir).

သူ ဒီအချိန်မှာ ဖြစ်တာပဲလို့ မောင်ချစ်ဆွေက မှတ် (မှန်လှပါ) ဟို ကိုယ်တော်တွေကလည်း ဒီလို လုပ်မှ ဖြစ်တယ်လို့ ပြောသံကြားတာနဲ့ ဒီလို လုပ်ပြန်တာပဲ (တင်ပါ့)။

Maung Chit Swe, mark this: He attained enlightenment at that very moment. (True, Sir). The other monks heard that "This is the only way," and they practiced it immediately. (True, Sir).

နာတဲ့ပုဂ္ဂိုလ်လည်း ရဟန္တာဖြစ်တယ်

The Listeners Also Become Arahats

ဖြစ်ပျက် ပြန်ကောက်ပြီး ဖြစ်ပျက် မုန်းအောင်ရှုပြီး ဖြစ်ပျက် ဆုံးအောင်ရှု လိုက်တာပဲ ရှုလိုက်တော့ တရားလည်း အဆုံး ဦးသန်းမောင်ရေ ဟောတဲ့ ပုဂ္ဂိုလ်ရော ရဟန္တာဖြစ် (မှန်ပါ့) နာတဲ့ ရဟန်း ခြောက်ဆယ်လည်း (ရဟန္တာ ဖြစ်ပါတယ် ဘုရား) ရဟန္တာ ဖြစ်ဆိုတော့ သူတို့ကလည်း ဟော ရင်း ကိုယ့်ကိုယ်ကို ရှုဟောတယ် (မှန်ပါ့)။

They picked up the observation of Arising and Passing Away. They observed to the point of disenchantment. They observed to the point of cessation. And so, U Than Maung, when the Dhamma talk ended, the person preaching became an Arahat. (True, Sir). And the sixty monks listening? (They also became Arahats, Sir).

နာတဲ့ ပုဂ္ဂိုလ်ကရော (နာရင်း သူကိုယ်သူ ရှုပါ တယ် ဘုရား) နာရင်း သူ့ကိုယ်သူရှု၊ နာတဲ့ အတွက်တဲ့ ဘုန်းကြီးတို့ တစ်ခါထဲ ရဟန္တာ ဖြစ်တယ် ဆိုတာရော သဘော ကျပလား (ကျပါတယ် ဘုရား)။

They became Arahats. The preacher observed his own aggregates while preaching. (True, Sir). And the listeners? (They observed their own aggregates while listening, Sir). They observed themselves while listening. Because they listened in this way, do you appreciate the fact that they all became Arahats instantly? (We appreciate it, Sir).

တရားနာနည်း၊ တရားဟောနည်း

How to Listen, How to Preach

အဲတော့ ဒါ အသေအချာ စဉ်းစားတော့ တရားနာ နည်းကို နည်းပေးတယ်၊ တရား ဟောနည်း ကို နည်းပေးတယ် ဆိုလို့ ရှိရင်လည်း မှန်တာပဲ (မှန်ပါတယ် ဘုရား)။ နော် (မှန်ပါ့)။

If you consider this carefully, this story provides the method for how to listen to Dhamma and how to preach Dhamma. Is that not correct? (It is correct, Sir). Indeed. (True, Sir).

တနည်းအားဖြင့်လည်း သြော် ငါ၊ ငါ့ဥစ္စာဖြုတ်မှ သောတာပန် တည်ပါလား ဆိုတာလည်း ပေါ်သွားတယ် (မှန်ပါ့ ဘုရား) ဟုတ်လား၊ မာနငါလည်း ကျန်နေတဲ့ ဥစ္စာကို လည်း အရဟတ္တမဂ် အရဟတ္တဖိုလ်ကမှ ပယ်နိုင်ပါလား ဆိုတာလည်း ပေါ်သွားတယ် (မှန်ပါ ဘုရား)။

In one way, it reveals: "Oh, I must remove the wrong view of 'Mine' to become a Sotapanna." (True, Sir). And it also reveals: "Oh, the remaining Conceit of 'I' can only be eradicated by the Path of Arahatship (Arahatta-Magga)." (True, Sir).

မပေါ်သေးဘူးလား (ပေါ်ပါပြီ ဘုရား) ရှင်းကြ လာ (ရှင်းပါပြီ ဘုရား)။

Has this not become clear? (It has become clear, Sir). Is it fully clear? (Yes, it is, Sir).

ကဲ ယနေ့ ဒီတွင် တော်ကြစို့။

သာဓု သာဓု သာဓု။

---------------

Well, let us stop here for today. Sadhu... Sadhu... Sadhu.

အပါယ်တံခါးပိတ်နည်း (ကာယာနုပဿနာ)

ကာယာနုပဿနာ (စင်္ကြန်ကမ္မဋ္ဌာန်း)

ဝါယောရုပ်ရှုနည်း

မိုးကုတ်ဆရာတော်ဘုရားကြီး ကိုယ်တော်ဟောသော စင်္ကြန်ကမ္မဋ္ဌာန်းဖြစ်ပါသည်။ ဝါယောရုပ်ရှုနည်းဖြစ်သည်။

အလုပ်သမားယောဂီများ သေချာ စေ့စေ့စပ်စပ် လေ့လာသင့်ပါသည်။ ဖျတ်ဖျတ်၊ ဖျတ်ဖျတ်နဲ့ ဖြစ်ပျက်အစိပ်တွေမြင်ပုံ သစ္စာဆိုက်ပုံ ပါဝင်ပါသည်။

အသံဖိုင်ခေါင်းစဉ်= သမုဒ္ဒရာ(၆)စင်းကို ဒုက္ခသစ္စာဖြင့် ဥပမာပြ၍ ဟောကြားပုံတရားတော်မှ အဆုံးပိုင်း(၁၀)မိနစ်ခန့်မှ ကောက်နှုတ်ထားခြင်းဖြစ်သည်။

စာအုပ်ခေါင်းစဉ်= အပါယ်တံခါးပိတ်နည်း (ကာယာနုပဿနာ)

မှတ်ချက်။ ။စာအုပ်နံပတ်(၁၃၀)မှ ဒုတိယအပုဒ်ဖြစ်သည်။

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

အမရပူရမြို့၌ဟောကြားသောတရားတော်

အပါယ်တံခါးပိတ်နည်း (ကာယာနုပဿနာ)

(၁၀-၁၂-၅၈)

အစချီလိုက်တာ ကတော့ဖြင့် ဒုက္ခသစ္စာ ချီလိုက်တာ ပါပဲ၊ သို့သော် ဒီ ဒုက္ခကို ဘယ်ကနေ သိမ်းရမယ် ဆိုတာကို နိဂုံးချုပ်လိုက်တော့ ရုပ်နာမ် ရောက်လာတယ်။

ရုပ်နာမ်ဆုံးမှ ဒုက္ခ ဆုံးမယ်၊ ရုပ်နာမ် ဘာသစ္စာ (ဒုက္ခ သစ္စာ)။

ရုပ်နာမ်ဆုံးရင် နိဗ္ဗာန်

အဲ သူဉာဏ်ထဲမှာ ဆုံးသွားလို့ရှိရင် ကျုပ်တို့ ဘယ်များ ရောက်သွားမလဲ (နိဗ္ဗာန် ရောက်ပါတယ်) အဲ သူ ဆုံးအောင် လုပ်ရမယ်၊ ရှင်းပလား (ရှင်းပါပြီ) ဘာလုပ်ကြရမယ် (သူဆုံးအောင် လုပ်ရမယ်) ရုပ်နာမ်၊ ဆုံးအောင် လုပ်ရမယ်။

ဒါဖြင့် ရုပ်ဆုံးရင် (နိဗ္ဗာန်ပါ) နိဗ္ဗာန်။ နာမ်ဆုံးရင် (နိဗ္ဗာန်ပါ)။

အဲဒီတော့ ရုပ်ဆုံးရင်၊ နာမ်ပါ ရောဆုံးတယ်၊ နာမ်ဆုံး တော့ ဘာခေါ်ကြမယ် (နိဗ္ဗာန်ပါ ဘုရား)။

နိဗ္ဗာန်ဘယ်မှာရှိသလဲ

အေး ဒါကြောင့် နိဗ္ဗာန်တစ်လံမျှ လောက်သော ရုပ်နာမ် အဆုံးမှာ ရှိတယ်၊ နိဗ္ဗာန် ဘယ်မှာ ရှိပါလိမ့် (တစ်လံမျှ လောက်သော ရုပ်နာမ် အဆုံးမှာပါ)။

တစ်လံမျှလောက်သော ရုပ်နာမ်အဆုံးမှာ ရှိတယ်၊ ကိုယ့်အလံနှင့် ကိုယ်လံရင် တစ်လံပဲ ရှိတယ်၊ အဲဒီ အဆုံးမှာ နိဗ္ဗာန် ရှိတယ်ကွ၊ သဘောပါပလား (ပါပါပြီ)။

ကိုင်း ဒါဖြင့် ဒကာ ဒကာမတို့ ရုပ်နာမ်တစ်ခုခု ဆုံးအောင် လုပ်ကြပါစို့လို့ ဟောရတော့မှာပဲ။ ဒကာဒကာမတို့ ရုပ်နာမ် တစ်ခုခုဆုံးအောင် လိုက်ကြပါစို့။

ဒီအဓိပ္ပါယ်များ သိရတာ ဒကာ ဒကာမတို့ အလွန် ဘုန်းရှင်၊ ကံရှင်၊ ပါရမီရှင်တွေမို့ ကြားရ တာနော်။ နို့မို့ ကြားရဖို့ အတော် ခဲယဉ်းပါတယ်။ အင်မတန် ခဲယဉ်းပါတယ်၊ အင်မတန် ခဲယဉ်းပါတယ်။

ကိုင်းဒါဖြင့် ဒကာ ဒကာမတို့ အဆုံး လိုက်ကြပါစို့ ဆိုတော့ ရုပ်တစ်ခုကို ဥပမာမယ်၊ ရုပ်ကိုပဲ ဒကာ ဒကာမတွေ လိုက်ချင်လို့ ရှိရင်လဲ ရတာပဲ၊ နာမ်ကို ဟောချင်လည်း ရတာပဲ ကြိုက်တာသာ ရှုကြနော်၊

ကိုယ်နဲ့သင့်မှာသာရှု

ရုပ်ရှုချင်တဲ့ ပုဂ္ဂိုလ်ရုပ်ရှု၊ နာမ်ရှုချင်တဲ့ပုဂ္ဂိုလ် (နာမ်ရှုပါ)၊ သို့သော် ဘုန်းကြီးကတော့ဖြင့် ဆေးသမား သဖွယ် ပဲ အကုန် ပေးမှာပဲ၊ ခင်ဗျားတို့ ကြိုက်တဲ့၊ ကိုယ်နဲ့ သင့်မှာသာ စားပါ၊ ရှင်းပလား (ရှင်းပါပြီ)။

ဝါသနာချင်းက မတူကြဘူး၊ တချို့ကရုပ်မှ ဖြစ်ပျက် ရှင်းတယ်၊ တချို့က နာမ်မှ ဖြစ်ပျက် ရှင်းတယ်၊ ဒီလို မရှိပေ ဘူးလား (ရှိပါတယ်) တချို့လည်း ပေါ်တာလေးတွေ လိုက်လို့ ရှင်းပါတယ်၊ အဲဒီတော့ကို ဘုန်းကြီး ကတော့ဖြင့် ဆေးသမား သဖွယ် ဖြစ်နေတော့ အားလုံး ဒကာ ဒကာမတွေ ကို အကုန်ပြတာပဲ။

ကြိုတ်တာရှုကြ၊ ကြိုက်တာရှုပေါ့။

ဝါယောဆိုတာလေဓါတ်

ကိုင်း ဒကာ ဒကာမတို့ ဝါယောဓါတ်ဆိုတာ ရှိတယ်။ ဝါယောဓါတ် ဆိုတာ လေဓါတ်၊ လေဆိုတာ လှုပ်တာလဲ ရှိတယ်၊ ငြိမ်တာလဲ ရှိတယ်။

ရပ်ပြီးနေတဲ့ အချိန်များ၊ ရပ်ပြီးနေတဲ့ အချိန်မှာ ဒကာ ဒကာမတို့ ဒါထောက်ကန်ထားတဲ့ ဝါယော။

လှုပ်ရှားတဲ့ဝါယော

နည်းနည်းလေး လှုပ်လိုက်လို့ ရှိရင်၊ လှုပ်ရှားတဲ့ ဝါ ယော၊ ရပ်နေတဲ့အခါ၊ တောင့်နေတဲ့ အခါ (ထောက်ကန်ထား တဲ့ဝါယော) လှုပ်လိုက်တဲ့ အခါ (လှုပ်ရှားတဲ့ ဝါယော)။

အဲ လှုပ်တဲ့လေသည်၊ ဒကာ ဒကာမတို့ ထောက်ကန်တဲ့ သဘော မရောက်နိုင်ဘူး၊ (မှန်ပါ့) ထောက် ကန်တဲ့ လေသည် လှုပ်တဲ့ဆီ (မရောက်နိုင်ပါ) သဘောကျ ပလား (ကျပါပြီ)။

ဓါတ်ကြီးလေးပါး

ကိုင်း ဒါဖြင့် ဒကာ ဒကာမတို့ ခန္ဓာကိုယ်ကြီးသည် ကားလို့ ဆိုလို့ရှိရင်ဖြင့် ပထဝီဓါတ်ကြီး၊ တေဇောဓါတ်ကြီး၊ အာပေါဓါတ်ကြီး၊ ဝါယောဓါတ်ကြီးလို့ သတိပဋ္ဌာန်ထဲမှာ လာပါတယ်။

အဲဒီတော့ ဒီဝါယောဓါတ် တစ်ခုကိုပဲ ဒီနေ့ဟောပါ့ မယ်၊ ဝါယောဓါတ် ဖြစ်တယ်ဆိုတော့ သူနဲ့ အတူ ဓါတ်သုံးပါက လည်း ရောဖြစ်တယ်။ သူမှီနေတဲ့ ဥပါဒါန်ရုပ်တွေလည်း ရောဖြစ်တယ်။

ဒီတော့ အကုန်ပါသွားတာပဲ တစ်ခုဖြစ်ရင် အကုန်ပါ တယ်၊ သဘောကျပလား (ကျပါပြီ)။

ကောင်းပြီ ဒါဖြင့် ဒီ ဝါယောဓါတ် ကလေး တစ်လုံးကို ခင်ဗျားတို့၊ လမ်းသွားရင်းလည်း ရှုတတ်အောင် ရပ်နေရင်း လည်း ရှုတတ်အောင် သင်ပေးပါ့မယ်။

ထောက်ကန်တဲ့ဝါယော

ကဲ ဒါဖြင့် ဒကာ ဒကာမတို့ ခြေထောက်ကလေး လှမ်းတဲ့ အခါကျလို့ ရှိရင် ရှေ့လှမ်းတဲ့ အခါမှာ အင်း လှုပ်တဲ့ ဝါယောဖြစ်တယ်၊ ဖျတ်ဆို မြေကြီးပေါ်လည်း ကျပါ ရော (ထောက်ကန်တဲ့ ဝါယောဖြစ်) ထောက်ကန်တဲ့ ဝါယော။

ဪ၊ ဒါဖြင့် ဒီခြေထောက် ကလေးမှာပဲ၊ နဂိုတုန်း က လှုပ်တဲ့ ဝါယောတွေ ရှိတယ်၊ ဖျတ်ဆိုပြီး အောက် မြေကြီးနဲ့လည်း ထိပါရော၊ လှုပ်တဲ့ ဝါယော ဓါတ်တစ်တို၊ တစ်ထောင့်မှ ရှာလို့ မတွေ့ဘူး။

လှုပ်တဲ့ဝါယောက ထောက်ကန်တဲ့ဝါယော ပြောင်းတယ်

အင်း ထောက်ကန်တဲ့ ဝါယောနဲ့ပဲ နေရတယ်၊ သဘောကျပလား (ကျပါပြီ)

အင်း ဒါခြေထောက် ကလေးကပဲ ဒကာ ဒကာမတို့ ဒီဝါယောဓါတ်သည် ကားလို့ ဆိုရင်ဖြင့်၊ ခဏကလေးပဲ နှစ်ခု ပြောင်းသွားတယ်၊ လှုပ်တဲ့ ဝါယောကနေ ထောက်ကန်သို့ မပြောင်းဘူးလား (ပြောင်းပါတယ်)။

ပြောင်းသွားပြီဆိုတော့ အရင်ဟာ ပျောက်ပြီ၊ နောက် ဟာ ပေါ်တယ်၊ ရိပ်မိပလား (ရိပ်မိပါပြီ)။

ဒါဖြင့် ဒီဝါယောဓါတ် သည်ကားလို့ ဆိုရင်ဖြင့် ဖြစ်ပြီး ပျက်တာပဲ (မှန်ပါ့) လှုပ်တဲ့ ဝါယော ဓါတ်သည် (ဖြစ်ပြီး ပျက်ပါတယ်) အခုဘာနဲ့ အသက်ရှင် နေသလဲလို့ မေးတော့ (ထောက်ကန်တဲ့ ဝါယောနဲ့ပါ) ထောက်ကန် ဝါယောနဲ့ ဒကာ ၊ ဒကာမတို့ ရပ်နေတော့တယ်၊ မဆိုနိုင်ဘူးလား (ဆိုနိုင် ပါတယ်)။

လမ်းလျှောက်တယ်

အဲ ဒီ ထောက်ကန် ဝါယောနဲ့ နေတဲ့အချိန်၊ ဒကာ ဒကာမတွေက ဒီနေရာလေး ရပ်နေ မပြီးသေးဘူး ဆိုပြီး သကာလ၊ မပြီးသေးတော့ လျှောက်ဦးမှ တော်မယ်။

လျှောက်ဦးမှ တော်မယ် ဆိုတဲ့ စိတ်ကလေး ပေါ်လာ တယ်၊ အဲဒီ စိတ်ကနေပြီး တစ်ခါတည်း ဝါယော ထပ်လှုပ် လိုက်တာ၊ လှုပ်တဲ့ ဝါယော ပြန်ဖြစ်တယ်၊ သဘောကျပလား (ကျပါပြီ)။

လှုပ်ရှားအနိစ္စ

လှုပ်တဲ့ ဝါယောက ခန္ဓာကိုယ်ထဲမှာ ပြန်ဖြစ်တယ် ဆိုတာ သဘောကျပလား (ကျပါပြီ) ဒါဖြင့် ခုနက ရပ်နေ တုန်းက ဝါယောတွေဟာ ဒီအတွင်းမှာပဲ ပျောက်ထွက်တယ်။ မပျောက်ဘူးလား (ပျောက် ပါတယ်)။

ထောက်ကန်အနိစ္စ

ဖြစ်ပြီး မပျက်လား (ပျက်ပါတယ်) ဒါဖြင့် သူလည်း အနိစ္စ (မှန်ပါ့) ခုနဟာက လှုပ်ရှား အနိစ္စ၊ အခု ဒုတိယ အပျက်ကျတော့ ထောက်ကန် အနိစ္စ၊ ဒီလိုမနေ ဘူးလား (နေပါတယ်။)

ဒါဖြင့် ဒကာဒကာမတို့ ဒီဝါယောဟာ တစ်ကိုယ်လုံး ပဲ (မှန်ပါ့) လှုပ်တုန်းကလည်း တစ်ကိုယ်လုံး၊ ငြိမ်တော့ကော (တစ်ကိုယ်လုံးပါ ဘုရား)။

ပြန်လှုပ်ပြန်တော့ကော (တစ်ကိုယ်လုံးပါ) သြော် ဒါဖြင့် ဒီခန္ဓာကိုယ်ကြီးဟာ ဒီလိုသာ ယူကြပေတော့ (မှန်ပါ့)။

သံပုန်းကြီး ရေအပြည့်ထည့်၊ သဘော ကျပလား (ကျပါပြီ) သံပုန်းကြီး ရေအပြည့် ထည့်ပြီး ကိုယ့်ဘက်စောင်း လိုက်၊ အပေါ်ရေတင် စောင်းသလား အောက်ရေပါစောင်း သလား (အောက်ရေပါ စောင်းပါတယ် ဘုရား)။

ပြန်တည့်လိုက်တော့ အပေါ်ရေတင် တည့်သလား၊ အောက်ရေပါ တည့်သလား (အောက်ရေပါ တည့်ပါ တယ် ဘုရား) အဲဒီ အတိုင်း ယူရမယ်။ ရိပ်မိပလား (ရိပ်မိပါပြီ)။

တစ်ကိုယ်လုံးဖြစ်လိုက်ပျောက်လိုက်

အဲဒီအတိုင်း ယူလိုက်တော့ သြော် တစ်ကိုယ် လုံး ပျက်ပါလား၊ ဖြစ်နေတာလည်း တစ်ကိုယ်လုံး လှုပ်ပြီး၊ တစ်ကိုယ်လုံး ပျောက်တာပဲ။

ထောက်ကန်တယ် ဆိုတော့လည်း တစ်ကိုယ်လုံး ထောက်ကန်ပြီး သကာလ၊ လှုပ်လာတယ် ဆိုတော့လည်း တစ်ကိုယ်လုံး ထောက်ကန်ပြီး တစ်ကိုယ်လုံး ပျောက်တာပဲ မပျောက်ဘူးလား ပျောက်သလား (ပျောက်ပါတယ်)။

လှုပ်ရှားကော (ပျောက်ပါတယ်) အဲဒီကဲ့သို့ ပျောက်ကြတော့၊ ဒီပျောက်ပျက် တာလေးတွေ ကြည့်ပြီး နေတော့၊ သေပြန်ပြီ၊ သေပြန်ပြီ၊ သေပြန်ပြီ၊ ချည့်လာမှာပဲ ဒီပြင် ဘာလာစရာ ရှိသေးလဲ (ဘာမှ မရှိပါဘူး)။

သေပြန်ပြီ၊ သေပြန်ပြီ၊ သေပြန်ပြီပဲ လာမှာပဲ။ သဘောကျကြပလား (ကျပါပြီ)။

အင်း ဒါဖြင့် ဒကာ ဒကာမတို့ အထိမခံ၊ ကြွေ ပန်းကန် ဖြစ်နေတယ်၊ လှုပ်တာသည်၊ ထောက်ကန်တဲ့ ဆီ မလိုက်ဘူး၊ ထောက်ကန်တာက (လှုပ်တဲ့ဆီ မလိုက်ဘူး)။

လှုပ်တာသည် (ထောက်ကန်တဲ့ ဆီမလိုက်ပါ) ထောက်ကန်တာသည် (လှုပ်တဲ့ဆီမလိုက်ပါ)။ အင်း ဒကာဒကာမတို့မှာလည်း ခန္ဓာကိုယ်ကြီးကဖြင့် ဒီအတိုင်း နေတာပဲ (မှန်ပါ့) ပြောင်းလဲ နေတာပဲ (မှန်ပါ့)။

ထောက်ကန်လိုက်၊ လှုပ်ရှားလိုက်၊ လှုပ်ရှားလိုက် ထောက်ကန်လိုက် ထောက်ကန်လိုက် လှုပ်ရှားလိုက်၊ လှုပ်ရှားလိုက် ထောက်ကန်လိုက်၊ ဒကာ ဒကာမတို့ ဒီပြင် ဘာများရှိသေးသလဲ (မရှိပါ ဘုရား)။

အင်း ဒါပဲပြောင်းလဲနေတာပဲ အင်း ဒါဖြင့် တစ်သေတည်းသေ၊ ဖြစ်ပျက်ချည်း ရှိတာပေါ့ (မှန်ပါ့) ဝါယော ဖြစ်ပျက်၊ ဒီသဘော မနေဘူးလား၊ (နေပါတယ်)။

ဖြစ်ပျက်တွေဉာဏ်နဲ့မြင်အောင်ရှု

အဲဒီတော့ အဲဒီဖြစ်ပျက်တွေ မြင်အောင် ရှုနေပါ (မှန်ပါ့) ဉာဏ်နဲ့ မြင်နေရင် ပြီးတာပဲ၊ သြော် မရှိဘူး၊ သြော် မရှိဘူး၊ သိနေရင် ပြီးတာပဲ။

အဲဒီ ဖြစ်ပျက်တွေကို မြင်ပါများလာရင် ဒကာ ဒကာမတို့ မုန်းလိမ့်ဦးမယ်၊ မမုန်းပေဘူးလား (မုန်းပါတယ်)။

ဘယ်သူမုန်းမှာတုံး (ဖြစ်ပျက်မုန်းမှာပါ)၊ ဖြစ် ပျက်မုန်းတာ၊ နဂိုက ငါထင်နေတာကြီး မုန်းပြမှာ (မှန်ပါ့)။

နဂိုက ငါမထိနဲ့ဆိုတော့ အမယ် ဒါကြီးက ရွှေကိုယ်တော် ဖြစ်နေတာ၊ ငါ့မထိနဲ့ ဆိုတော့ ရွှေကိုယ်တော် ဖြစ်နေတာ၊ အခုတော့ဖြင့် ရွှေကိုယ်တော် ဟုတ်သေးရဲ့ လား (မဟုတ်ပါဘူး)။

အနိစ္စသက်သက်

ရွှေကိုယ်တော် မဟုတ်တော့ပါဘူး ဒကာကြွယ်တို့ရ၊ ဪ အနိစ္စ သက်သက် ဖြစ်သွားပြီ၊ သဘောကျပလား (ကျပါပြီ)၊ အနိစ္စ သက်သက်ပဲ။

အနိစ္စ သက်သက် ဖြစ်သွားတော့ ဒီဘက် ရွှေ့လိုက်လည်း အနိစ္စ သက်သက်၊ ဟိုဘက်က ပါလာတာ လည်း (အနိစ္စ သက်သက်ပါ)။

အနိစ္စသက်သက်ချည်း ဖြစ်နေတဲ့ အခါကျလို့ ရှိရင် ဖြင့် ဒကာ ဒကာမတို့ အနိစ္စချည်း ကြည့်ပါ များရင်၊ အနိစ္စ မုန်းတဲ့ ဉာဏ် လာရမယ်၊ မလာရဘူးလား (လာရမယ် ဘုရား)။

ဒါ စကား တစ်လုံးတည်းနော်၊ အနိစ္စချည်း ကြည့်ပါ များရင် နောက် ဘာဉာဏ် လိုက်လာမယ် (အနိစ္စ မုန်းတဲ့ ဉာဏ်ပါ ဘုရား) အနိစ္စ မုန်းတဲ့ဉာဏ် လိုက်လာလိမ့်မယ်၊ သဘောပါပလား (ပါပါပြီ)။

အဲဒီတော့ ဒကာ ဒကာမတွေသည်ကားလို့ ဆိုရင် မျက်လုံးမှိတ် ကြည့်တဲ့ အခါကျတော့ ဒွါရ ပေါက်လေးတွေက ဖျတ်ဖျတ်၊ ဖျတ်ဖျတ်၊ ဖျတ်ဖျတ်နဲ့ ခဏခဏ နေပြီး၊ ကြာတော့ အမြင်က အခုသာ အစွဲ ပြတာကိုးဗျ။

ဪ ကိုယ့်ဟာကိုယ်မြင်တော့ အစိပ်တွေ မြင်လာလိမ့်မယ်၊ သဘောကျပလား (ကျပါပြီ) အဲဒီလိုနဲ့ အစိပ်တွေ မြင်လာ လို့ရှိရင်ဖြင့် မြင်ရာကနေ မုန်း၊ မုန်းရာက နေပြီး သကာလ၊ ဪ ခဏခဏ သေတဲ့၊ အသေကြီးဖြင့် သူနဲ့ မနေရရင် ကောင်းမှာပဲ။ (မှန်ပါ့) ဒီရုပ်တွေ ခန္ဓာတွေနဲ့ မနေရရင်တော့ (ကောင်းမှာပါ ဘုရား)။

မလိုချင်တဲ့ဉာဏ်

အဲဒီ ကောင်းမှာပဲ ဆိုတာ မလိုချင်တဲ့ဉာဏ်၊ မလိုချင် တဲ့ဉာဏ်ဟာ မဂ်ဉာဏ်ပဲ (မှန်လှပါ ဘုရား)။

ဒီအမြင်ကြီးဟာ အသေဘက်သက်ပဲ ဆိုတာ ဒုက္ခပိုင်းခြား ချလိုက်တာ၊ အသေ သက်သက် ပဲလို့ ပိုင်းခြား လိုက်တာ ဘာတုံး (ဒုက္ခပိုင်းခြား လိုက်တာပါ)။

အပိုင်းအခြား ခံလိုက်ရတာ ဒုက္ခသစ္စာ၊ ပိုင်းခြား တဲ့ဉာဏ်က (မဂ္ဂသစ္စာ) အသေ သက်သက်သာ ရှိတယ်လို့ ပိုင်းခြား ခံရတာကြီးဟာ ပျောက်သွားတယ်၊ သဘောကျ ပလား (ကျပါပြီ)။

နိဗ္ဗာန်ကပေါ်လာတယ်

အပိုင်းအခြား မခံရတာက ပေါ်လာတယ်။ နိဗ္ဗာန်က ပေါ်လာတယ်။ အပိုင်းအခြား ခံရတာက ဒုက္ခသစ္စာ၊ အေး သူက ဘာသစ္စာလဲ။ ပျောက်သွားပြီ သူနေရာ ဘယ်သူ အစားထိုးလဲ နိဗ္ဗာန် အစားထိုး လာတယ်။

နိဗ္ဗာန် အစားထိုး လာတယ် ဆိုတာကတော့ ဒုက္ခတွေ ပျောက်ပြီး၊ ဒုက္ခတွေ မရှိတာ သိလာတာပါ။

ဒါဖြင့် ဒုက္ခတွေ မရှိတာက ဘာသစ္စာ (နိရောဓ သစ္စာပါ) မြင်တာက (မဂ္ဂသစ္စာပါ) သဘောကျပလား (ကျပါပြီ)။

စိတ်ကြောင့် ဝါယော ဖြစ်တယ်၊ စိတ်က အကြောင်း ဝါယောက အကျိုး၊ အဲဒီတော့ ဝါယော ပျက်သွားတဲ့ အခါ ကျတော့ ဝါယောကို မလိုချင်တော့ဘူး ဆိုသဖြင့် အားထုတ်တဲ့ စိတ်ကလည်း မလိုချင် မလုပ်တော့ပါဘူး ဖြစ်သွားတယ် ရှင်းပလား (ရှင်းပါပြီ)။

ဒါဖြင့် ဒကာ ဒကာမတို့ ဖြစ်ပျက်က ဘာသစ္စာ၊ (ဒုက္ခသစ္စာ) မြင်တာက (မဂ္ဂသစ္စာ) အဲ ဖြစ်ပျက် အဆုံးက (နိရောဓသစ္စာ) သဘောကျပလား (ကျပါပြီ)။

ဖြစ်ပျက်မြင်တဲ့ ဉာဏ် နောက်၊ ကိလေသာ မလာတာ က အကြောင်း အကျိုးတွေ ချုပ်တာ ရိပ်မိပလား (ရိပ်မိပါပြီ)

ကဲ ယနေ့ ဒီတွင်တော်ကြစို့။

သာဓု သာဓု သာဓု။

မူရင်းအုပ်၌ ကူးရေးသူ၏နားကြားအမှား သက်ပုံအမှားအနည်းငယ်ရှိ၍ပြင်လိုက်ပါသည်။