တရားတော်

book-114

မဂ်တုပေါ်လို့ကျော်နိုင်ရင် ကိစ္စပြီးမယ်

[1] [2]

မဂ်တုပေါ်လို့ကျော်နိုင်ရင် ကိစ္စပြီးမယ်

If You Can Overcome the Counterfeit Path, the Task Will Be Done

အသံမ​ကြည်ပါ။

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး အမရပူရမြို့၌

ဟောကြားတော်မူသောတရားတော်

မဂ်တုပေါ်လို့ကျော်နိုင်ရင် ကိစ္စပြီးမယ်

(၁၁-၁၀-၁၉၆၂)

Benefactor, Aggamahāpandita Venerable Mogok Sayadaw

Delivered at Amarapura

(11-10-1962)

မြတ်စွာဘုရားသခင် ကိုယ်တော်မြတ်ကြီးသည် သာဝတ္ထိ ပြည် ဇေတဝန်ကျောင်း၌ သီတင်းသုံးနေတဲ့ အခါမှာ ဓုတင် ဆယ့်သုံးပါးဆောင်တဲ့ ရှင်မဟာကဿပကြီးက မေးခွင့်ကြုံလို့ မေးတယ်လို့ အောက်မေ့ရမယ် (မှန်ပါ)။ ဘယ်လို မေးသတုံး ဆိုတော့ ဘုရားဖြစ်စမှာ သိက္ခာပုဒ် တော်တွေ မရှိလှသေးဘူး၊ သိက္ခာပုဒ်က နည်းတယ်၊ အဲဒီနည်းတုန်းကလည်း ရဟန်းတွေ ကျင့်ကြံ ကြိုးကုတ် အားထုတ်ကြတာနဲ့ ရဟန္တာဖြစ်တာ သိပ်များ တယ်။

When the Most Exalted Buddha was dwelling at the Jetavana Monastery in Sāvatthi, the Venerable Mahā Kassapa—who strictly observed the thirteen Austere Practices (Dhutanga)—found an opportunity to ask the Buddha a question. (Yes, Sir). He asked: "In the early days of Your Buddhahood, there were not many Training Rules (Sikkhāpada). The rules were few. Yet, because the monks strove with great diligence, the number of those who became Arahats was exceedingly high.

နောက်ကြာလာတော့ ၁၅-နှစ်၊ အနှစ်-၂၀၊ စသည် ရောက်လာတော့ သိက္ခာပုဒ်တွေ ပညတ်လာရတယ်၊ ရဟန်း တွေကလဲ များလာတယ်။ ထိန်းသိမ်းစရာ သိက္ခာပုဒ်တွေ၊ ကျင့်စရာ ကြံစရာ သိက္ခာပုဒ်တွေ များလာတယ်။ အဲဒီ များလာတဲ့ အချိန်ကျတော့ ရဟန္တာဖြစ်တာက နည်းသွားတယ် (မှန်ပါ)။

However, as time passed—fifteen, twenty years later—more Training Rules had to be enacted. The number of monks also increased. There were many rules to observe, to restrain oneself by, and to practice. Yet, at this time when the rules have multiplied, the number of monks attaining Arahatship has dwindled." (True, Sir).

ဒီတော့ သိက္ခာပုဒ်နည်းတုံး ရဟန္တာ ဖြစ်တာ များတယ်၊ သိက္ခာပုဒ်တွေ များလာတော့မှ ရဟန္တာ ဖြစ်တာ နည်းတယ်လို့ မှတ်ထား ကြရမယ်နော် (မှန်ပါ)။

So, mark this well: When the rules were few, Arahats were plentiful. When the rules multiplied, Arahats became scarce. (Yes, Sir).

ရှင်မဟာကဿပကြီး၏ လျှောက်ထားချက်

The Inquiry of Venerable Mahā Kassapa

အဲဒီတော့ ရှင်မဟာကဿပကြီးက အရှင်ဘုရား သိက္ခာ ပုဒ်တွေ နည်းတုန်းက ရဟန္တာတွေ ဖြစ်ကြတာ များလိုက်တာလွန်လို့၊ သိက္ခာပုဒ် တွေကလဲ များလာပါရော ရဟန္တာဖြစ်တာလဲ နည်းသွား တယ်၊ အဲဒါ အရှင်ဘုရား အမိန့်ရှိမှ တပည့်တော်များ သိရမှာ ဖြစ်ပါတယ်လို့ ရှင်မဟာကဿပကြီးက ဘုရားကို လျှောက်တယ် (မှန်ပါ)။

And so, Mahā Kassapa asked: "Venerable Sir, when the rules were few, there was an abundance of Arahats. Now that the rules are many, the Arahats are few. We disciples would like to know the reason, only if You would be pleased to explain." (Yes, Sir).

သိက္ခာပုဒ်များလို့ ရဟန္တာဖြစ်တာ နည်းတာလား

Is it Because of the Rules that Arahats are Few?

ဒီစကားဟာ မေးဖို့ ကြုံလာတယ်၊ ဘယ့်နှယ် သိက္ခာပုဒ် နည်းတုန်းကတော့ ရဟန္တာ ဖြစ်တာ များတယ်၊ သိက္ခာပုဒ်တွေ ပညတ်လို့ များလာတဲ့ အခါကျတော့ ရဟန္တာ နည်းသွားတယ် ဆိုတော့ စဉ်းစားစရာ အကွက် ပေါ်လာတာပေါ့ (မှန်ပါ)၊ သိက္ခာပုဒ် များလာတဲ့အခါ စောင့်ရှောက် ထိန်းသိမ်း ကျင့်ကြံစရာ တွေ များလာတော့ အားကြီး ပိုမိုပြီးတော့တောင် ရဟန္တာ ဖြစ်ဖို့ ကောင်းတယ် (မှန်ပါ)၊

This question arose from a specific context. It is a puzzle worth considering: why did the number of Arahats drop when the disciplinary rules increased? (True, Sir). Logically, when there are more rules to guard and restrain behavior, one might think it would be even easier to become an Arahat. (True, Sir).

သိက္ခာပုဒ် နည်းတုန်းကတော့ မသိလို့ ကျူးလွန်မိတာတွေ ရှိနေမယ်ဆိုလို့ ရှိရင်ဖြင့် ရဟန္တာ ဖြစ်တာ နည်းဖို့ကောင်းသေးတယ်။ အခုတော့ ဒီလိုမဟုတ်ဘူးတဲ့ သိက္ခာပုဒ် နည်းတုန်းကတော့ ရဟန္တာ တွေ ဖြစ်တယ်။ နောက် သိက္ခာပုဒ်တွေ ပညတ်လို့ များများလာ လေလေ ရဟန္တာ ဖြစ်တာက နည်းသွား တယ်။ အဲဒါ ဘယ်လို အကြောင်း ကြောင့်တုံးလို့ ဆိုတာ ရှင်မဟာကဿပကြီးက ဘုရားကို လျှောက်ပြီ လို့ မှတ်ရမယ် (မှန်ပါဘုရား)၊ ဒကာ၊ဒကာမတွေ ဒီအကြောင်းဟာ မေးလဲမေးသင့်တဲ့ အကွက်လဲ ကျတယ်ဆိုတာ မှတ်ထားကြပါနော် (မှန်ပါ)။

Conversely, when there were fewer rules, one might unknowingly commit offenses, which should theoretically make it harder to attain Arahatship. But the reality is the opposite. When the rules were few, Arahats abounded. As the rules piled up, Arahats became rare. Venerable Mahā Kassapa asked the Buddha to explain the cause of this phenomenon. (True, Sir). Yogis, mark this well. This is a question worthy of being asked. (Yes, Sir).

မြတ်စွာဘုရား၏အဖြေ

The Buddha’s Answer

အဲဒီတော့ ဘုရားက- တရားစစ်တွေကြားထဲမှာ တရားတု တွေ ပေါ်လာလို့ ရဟန္တာဖြစ်တာ နည်းသွားတယ်တဲ့ (မှန်ပါ)၊ တရားတုတွေ ပေါ်လာတဲ့အတွက် တရားစစ်ကြားထဲမှာ တရား တုတွေ ပေါ်လာတဲ့ အတွက် နည်းပါးသွားရတယ် (မှန်ပါ)၊

The Buddha answered: "It is because Counterfeit Dhamma has appeared amidst the True Dhamma that the number of Arahats has decreased." (True, Sir). Because the Counterfeit Dhamma (Saddhamma-patirupaka) has arisen, the realization of the Truth has become scarce. (True, Sir).

မောင်သစ် တရားတုတွေ ဆင်တူ ရိုးမှားတွေ ပေါ်ပေး၊ ပေါ်ပေါ်ပြီ သကာလ ဆင်တူရိုးမှားတွေ ပေါ်လာတဲ့အတွက် ရဟန္တာအဖြစ် နည်းသွားတယ်တဲ့ (မှန်ပါ)၊ တရား တုတွေ တရားဆင်တူ ရိုး မှားတွေ ပေါ်လာလို့ ရဟန္တာအဖြစ် နည်းတယ်လို့ နောက်က ဒကာ၊ဒကာမတွေ မှတ်ဖို့ပါပဲ (မှန်ပါ)။

Maung Thit, listen closely. When imitation gold—gold that looks just like the real thing—appears in the market, the value of real gold becomes obscured. In the same way, because counterfeit Dhamma has appeared, the attainment of Arahatship has diminished. (True, Sir). You Yogis must realize that the scarcity of Arahats is due to the proliferation of these counterfeits. (Yes, Sir).

တရားတုတွေပေါ်လာလို့ ရဟန္တာအဖြစ်နည်းတာ

Counterfeits Obscure the Truth

ဘယ့်နှယ်ကြောင့်တုံး (တရားတုတွေ ပေါ်လာပါတယ်)၊ တရားတုတွေ ပေါများလာတယ်နော်၊ တရားတုတွေ ပေါပေါပြီး သကာလ လာတဲ့အတွက် ရဟန္တာ အဖြစ် နည်းသွားတယ်လို့ ဘုရားသခင် ကိုယ်တော်မြတ်ကြီးက ဖြေလိုက်တယ် (မှန်ပါ)။

Why is this so? (Because Counterfeit Dhamma has appeared). Indeed, counterfeits have become abundant. Because these imitations are everywhere, the Most Exalted Buddha explained that the number of true Arahats has fallen. (True, Sir).

တရားတုတွေက တရားစစ်တွေထက် ပိုကြီးထွားတယ်၊ များလာတော့ ဒီတရားတုတွေ များလာလေလေ ဆိုတဲ့ဥစ္စာ ဒီလိုမှတ်ရမယ် (မှန်ပါ)။

The Counterfeit Dhamma often grows larger and more prominent than the True Dhamma. As these imitations multiply, the Truth is hidden. You must understand it this way. (Yes, Sir).

ဒီနေ့ပြောမယ့် တရားဟာ ဒကာ၊ဒကာမတွေ လုပ်နေတဲ့ အလုပ်ကို စစ်ဆေးဖို့ ပြောမှာ၊ မလုပ်သေးတဲ့ လူအတွက်မှာ ဘာမှ မဆိုင်သေးလို့ မှတ်ကြပါ (မှန်ပါ)။ လုပ်နေတဲ့ ပုဂ္ဂိုလ် အပေါင်းမှာ ဖြင့် တော်တော် စစ်ဆေးရမယ့် တရားကို ဆရာဘုန်းကြီးက ယနေ့ ဘုရားသခင် ကိုယ်တော်မြတ်ကြီး ဟောခဲ့တဲ့အတိုင်း တစ်ဆင့် ဟောမှာပါကလား ဆိုတဲ့ စိတ်ကလေးမွေးပြီး နာကြရမှာပဲ (မှန်ပါ)။

Today’s sermon is intended to check the work of those currently practicing. For those who are not yet practicing, this may not concern you yet. (True, Sir). But for the Yogis who are actively striving, you must nurture the mindset: "The Sayadaw is going to teach us how to audit our own practice, preaching exactly what the Buddha taught." You must listen with this intention. (Yes, Sir).

တရားတုကနှစ်မျိုး

Two Types of Counterfeit

အဲဒီတော့ ဒီတရားတုတွေက နှစ်မျိုးရှိတယ်။ မဂ်ဆိုက် ရောက်ကြောင်း တရားတုက တစ်မျိုး၊ ပရိယတ္တိ တရားတုက တစ်မျိုး (မှန်ပါ)၊ ပဋိပတ္တိမှာလဲ အစစ်တစ်မျိုး၊ အတုတစ်မျိုး၊ ပရိယတ္တိမှာလဲ အစစ်တစ်မျိုး၊ အတုတစ်မျိုး နှစ်မျိုး ရှိတယ်တဲ့၊ အဲဒီအတုတွေ များလာတဲ့ အတွက် ရဟန္တာအဖြစ် နည်းသွားတယ် (မှန်ပါ) ရှင်းကြပလား (ရှင်းပါပြီဘုရား)။

There are two types of these counterfeits. One is the counterfeit that obstructs the attainment of the Path (Magga). The other is the counterfeit of Learning (Pariyatti). (True, Sir). Even in Practice (Patipatti), there is the Genuine and the Counterfeit. In Learning, there is the Genuine and the Counterfeit. Because these counterfeits have multiplied, Arahats have become few. (True, Sir). Is that clear? (Yes, it is, Sir).

ကောင်းပြီး၊ ဒါဖြင့် ဒကာ၊ဒကာမတို့၊ မဂ်ဉာဏ်၊ ဖိုလ်ဉာဏ် ရဖို့၌ အဓိက ပဋိရူပက ဆိုတဲ့ တရားက ဖျက်ဆီးတာမျိုး တရားတုကို ဖျက်ဆီးတာကို ရှင်းကြမယ် (မှန်ပါ)၊ အဲဒါကို အဋ္ဌကထာ ဆရာများက ဖွင့်ပြကြတယ်။

“ဩဘာသေစေဝ ဉာဏေစ၊ ပီတိယာစ ဝိကမတိ။

ပဿဒ္ဓိယာ သုခေစေဝ၊ ယေဟိစိတ္တံ ပဝေဓတိ။”

စသည့်ဖြင့် ဝိပဿနာ ဖျက်ဆီးခြင်းအကြောင်း ဆယ်ပါး ရှိတယ် (မှန်ပါ)၊ အဲဒါတွေဟာ ပဋိပတ္တိအတုတွေ၊ တရားတုတွေပဲ (မှန်ပါ)။

Very well. Now, Yogis, we will clarify the specific counterfeit that destroys the potential for Magga Knowledge and Phala Knowledge. This is called Patirupaka. The Commentators have explained this clearly.

> “Obhāsa te c'eva ñāṇa ca, pītiyā ca vikampati.

> Passaddhiyā sukhe c'eva, yehi cittaṃ pavedhati.”

There are ten corruptions of Insight (Upakkilesa) that ruin Vipassana. (True, Sir). These are the Counterfeit Practices—the Counterfeit Dhamma. (Yes, Sir).

ဒကာ၊ ဒကာမတွေကို ဘုန်းကြီးက တရားနည်းပေး လိုက် မယ်။ ဒကာ၊ဒကာမတွေ-သဗ္ဗေ သင်္ခါရာနဲ့ ကြည့်ပါ။ အနိစ္စကို ပညာနဲ့ ကြည့်ပါလို့ မဟောဘူးလား (ဟောပါတယ်)၊ သဗ္ဗေ- အလုံးစုံ ကုန်သော၊ သင်္ခါရာ- ရုပ်နာမ်ဓမ္မ သင်္ခါရတို့သည်၊ အနိစ္စာ- အနိစ္စချည်းပဲလို့ မှတ်ထားကြပါ။ အဲဒီသူက အနိစ္စ ဖြစ်နေတဲ့ ဖြစ်ပြီး ပျက်နေတဲ့ အချိန်၌ ပညာနဲ့ ရှုပါလို့ ဘုရားဟော အတိုင်း ဆရာဘုန်းကြီး ဆုံးမတယ်။ ရှင်းပြီးလား (ရှင်းပါပြီဘုရား)၊ ဟိုက အနိစ္စနဲ့ ဖြစ်နေတဲ့အချိန်မှာ ဒီက ပညာနဲ့ ရှုပေးရမယ်။ ခန္ဓာက အနိစ္စပြတဲ့ အချိန်မှာ ပညာက အနိစ္စလို့ ရှုပေးပါနော် (မှန်ပါ)။

I will give you the method of practice. Yogis, I instruct you to observe Sabbe Saṅkhārā (All conditioned things). Do I not tell you to view Anicca (Impermanence) with wisdom? (Yes, you do, Sir). Sabbe means all; Saṅkhārā means the compounds of Mind and Matter. You must note that they are all Anicca. As per the Buddha’s teaching, I instruct you to use your wisdom (Paññā) to observe the moment of arising and passing away. Is that clear? (Yes, it is, Sir). While the phenomenon is manifesting as Impermanence (Anicca), you must observe it with wisdom. When the Aggregates (Khandhas) show you Anicca, your wisdom must recognize it as Anicca. (Yes, Sir).

တရားတု ဘယ်တော့ပေါ်သလဲ

When Does the Counterfeit Appear?

ပညာက အနိစ္စလို့ ရှုပေးပါဆိုတဲ့ အချိန်ကျတော့ ခန္ဓာ ကလဲ ဖြစ်ပြီး ပျက်နေတဲ့ အနိစ္စကို ပြတုန်း ဒကာ၊ ဒကာမတွေ ကလဲ ပညာနဲ့ သွားပြီး ခန္ဓာကိုယ်ထဲမှာ အဖြစ်နဲ့ အပျက်သာ ရှိပါကလားလို့ ဘာမှမရှိပါကလား၊ ယောက်ျားလဲမရှိ၊ မိန်းမလဲမရှိ၊ ပုဂ္ဂိုလ်သတ္တဝါမရှိ-ငါ- ငါ့ဥစ္စာမရှိ။ အဖြစ်နဲ့ အပျက်သာ ရှိနေပါကလားလို့ ဆိုကာ ဒကာ၊ဒကာမတွေက မြင်နေမယ် (မှန်ပါ)၊ အဲဒီ ဖြစ်နေတဲ့ အချိန်ကျတဲ့ အခါကျတော့ တရားတု ပေါ်လာမယ်။ မဂ်တု ဖိုလ်တု ပေါ်လာမယ်။

When you are observing with wisdom, and the Khandhas are revealing their impermanence—constantly arising and passing away—you will come to see: "Oh, within this body, there is only arising and passing away. There is nothing else! No man, no woman, no person, no being. No 'I', no 'Mine.' There is only the process of arising and perishing." You will see this clearly. (Yes, Sir). It is precisely at this moment—when you are seeing clearly—that the Counterfeit Dhamma appears. The Counterfeit Path and Counterfeit Fruition appear.

ဒါကို ကြပ်ကြပ် သတိထားပြီး နားထောင်။ (မှန်ပါ)၊ မဂ်တု ဖိုလ်တု ပေါ်လာတယ်။ မြင်တုန်းမှာ ပေါ်လာတယ်။ တရားကတော့ အမှန်သားပဲ၊ တရားမှန်က အမှန်သားနဲ့ မဂ်တု ဖိုလ်တုဆိုတဲ့ အဓိဂမ ပဋိရူပက ဆိုတာ ပေါ်လာတယ်။ အဓိဂမ ဆိုတာက မဂ်ဉာဏ် ဖိုလ်ဉာဏ်။ ပဋိရူပက ဆိုတာက အလားတူ အတု ကလေးပေါ့ဗျာ (မှန်ပါ)၊ မဂ်ဉာဏ် ဖိုလ်ဉာဏ်နဲ့ အလားတူ အတုကလေး လာပြီး ပေါ်တတ်တယ် (မှန်ပါ)၊ ဒါပဲ မဂ်ဉာဏ် ဖိုလ်ဉာဏ် ထင်ပါရဲ့ ဆိုတဲ့ အထင်ကလေး ခန္ဓာထဲမှာ ပေါ်တတ် တယ် (မှန်ပါ)။

Listen to this with extreme care! (Yes, Sir). The Counterfeit Path (Magga-tu) and Counterfeit Fruition (Phala-tu) arise. They appear right while you are seeing the Dhamma. The Dhamma you are seeing is the Truth, but alongside that Truth, something called Adhigama-patirupaka appears. Adhigama means the attainment of Magga and Phala Knowledge. Patirupaka means a likeness, a simulation, a counterfeit. (True, Sir). An imitation that looks exactly like Magga and Phala Knowledge tends to arise. (True, Sir). A thought arises in the mind: "This must be Magga Knowledge! This must be Phala Knowledge!" (Yes, Sir).

အလုပ်သမားအတွက် အရေးကြီးတယ်

Crucial for the Practitioner

ဒီတော့ ဒီဟာ အလုပ်သမားအတွက်မှာဖြင့် ယခုပြောလတ္တံ စကားသည် မောင်သစ်-အထူး အရေးကြီးပါတယ်။ (မှန်ပါ)၊ အလုပ်သမားမှာ အထူး အရေးကြီးပါတယ်။ ကိုယ့်ဉာဏ်နဲ့ ကိုယ် ဆုံးဖြတ် ချက်ချဖို့ တရားနည်း ပေးနေတယ် (မှန်ပါ)။

For the practitioner, what I am about to say is of the utmost importance, Maung Thit. (True, Sir). It is critical. I am giving you the method to make your own decision with your own wisdom. (Yes, Sir).

သဗ္ဗေသင်္ခါရာ အနိစ္စာ လို့ ဥပမာ စိတ်ရှုတဲ့ ပုဂ္ဂိုလ်ကလဲ စိတ်ကလဲ သဗ္ဗေသင်္ခါရာ အနိစ္စ ထဲကပဲ ဝေဒနာ ရှုပြန်လဲ သဗ္ဗေသင်္ခါရာ အနိစ္စထဲကပဲ ဝေဒနာကြိုက်ရင် ဝေဒနာ ရှုလိုက် ရတယ်။ ဒီသဗ္ဗေသင်္ခါရာ အနိစ္စ ထဲက မထွက်ဘူး။ ထွက်သေး ရဲ့ လား (မထွက်ပါ ဘူး)။

For example, if a Yogi observes the Mind, he sees Sabbe Saṅkhārā Aniccā (All conditioned things differ). If he observes Feelings (Vedanā), it is also Sabbe Saṅkhārā Aniccā. If he prefers observing Feelings, he observes them. He never departs from the truth of Sabbe Saṅkhārā Aniccā. Does he? (No, Sir).

သညာသင်္ခါရတွေ ရှုလိုက်ပြန်တော့လဲ ၊ ဖဿတွေ ရှု လိုက်ပြန်တော့လဲ၊ သဗ္ဗေသင်္ခါရာ အနိစ္စ ထဲကပဲ မထူးပါဘူး (မှန်ပါ)၊ ရုပ်တွေ ကြည့်လိုက်ပြန်တော့လဲ ရုပ်လဲ သင်္ခါရပဲ။ ဒီသင်္ခါရဖြင့် အနိစ္စ လမ်းဆုံးတာပဲ (မှန်ပါ)၊ သူလဲ သဗ္ဗေသင်္ခါရာ အနိစ္စာပဲ။ အနိစ္စ လာတိုင်း လာတိုင်း ဒကာ၊ဒကာမတွေ သတိ ပဋ္ဌာန်လေးပါး ကြိုက်ရာ တစ်ပါးပါးနဲ့ ခန္ဓာကိုယ်ရှုနေ။ ရှုနေ တော့ မြင်နေတယ်။ မြင်တာက မဂ်၊ အရှုခံရတာက ဖြစ်ပျက် ဆိုတာ ခဏခဏ ဘုန်းကြီးလဲ ပြောတော့ ဒကာ၊ ဒကာမတွေလဲ ကြားဖူး ကြတာ နားရည်ဝ နေကြပါပြီနော် (မှန်ပါ)။

If he observes Perceptions (Saññā), or Volitional Formations (Saṅkhāra), or Consciousness (Viññāṇa), or Matter (Rupa)—whatever he observes—it is all Saṅkhāra. Being Saṅkhāra (conditioned), it ends in Anicca. (True, Sir). It is all Sabbe Saṅkhārā Aniccā. Whenever Anicca appears, you Yogis must observe the body using one of the Four Foundations of Mindfulness (Satipaṭṭhāna). When you observe, you see. The mind that sees is the Path (Magga). The object being seen is the Arising and Passing Away (Udayabbaya). I have told you this often, and your ears are full of it. (Yes, Sir).

ဖြစ်ပျက်နဲ့မဂ်နဲ့ ကိုက်နေတုံး မဂ်အတုဝင်တယ်

The Counterfeit Enters when Insight and Phenomena Align

မောင်သစ် အဲဒီအဖြစ် အပျက်နဲ့ မဂ်ကို ကိုက်နေတုံး (ဥဒယဗ္ဗယဉာဏ်)၊ သဒ္ဓမ္မ ပဋိရူပက ဆိုတဲ့ အဓိဂမအတု မဂ်တား ဖိုလ်တား တရားလာတတ်တယ် (မှန်ပါ)၊ မဂ်ယောင် ဖိုလ်ယောင် လုပ်ပြီး ဝင်လာတယ် (မှန်ပါ)၊ မဂ်လဲ မဟုတ်ဘူး၊ ဖိုလ်လဲ မဟုတ်ဘူး မဂ်ယောင် ဖိုလ်ယောင်လုပ်ပြီး ဝင်လာတာ (မှန်ပါ)။

Maung Thit, listen. When the Arising and Passing Away matches perfectly with the observing Path Knowledge (this is Udayabbaya Ñāṇa)—that is when Saddhamma-patirupaka (Counterfeit Dhamma) or Adhigama-patirupaka (Counterfeit Attainment) intervenes. (True, Sir). It enters pretending to be the Path, pretending to be the Fruition. (True, Sir). It is neither Magga nor Phala, yet it disguises itself as them and enters. (Yes, Sir).

ဒါဖြင့် ဒကာ၊ ဒကာမတွေ အထူး မှတ်သားထားစရာက သြော်-ဥဒယဗ္ဗယဉာဏ် ဖြစ်ပျက် မြင်တုန်းမှာ တရားတုတွေ ဝင်တတ်သကိုး၊ မဂ်တု ဖိုလ်တု ဝင်တတ်သကိုး။ ဒါ အရေးကြီးတဲ့ ပွိုင့်ကလေး (အချက်ကလေး)၊ မှတ်ထားပါနော် (မှန်ပါ)။

So, Yogis, you must specially note this: "Oh, when I am seeing the Arising and Passing Away (Udayabbaya Ñāṇa), the Counterfeit Dhamma tends to enter. The Counterfeit Path tends to intrude." This is a critical point. Mark it well. (Yes, Sir).

ဖြစ်ပျက်မြင်တဲ့ အချိန်မှာ (မဂ်တု ဖိုလ်တု ဝင်တတ်ပါတယ်)၊ အဲဒါကို ဝေဖန်ပြီးသိရမယ်တဲ့၊ ကိုယ်က ငါလုပ်နေတာ မဂ်အလုပ် လုပ်တာပဲ၊ ဒါဟာ မဂ်အစစ်ပဲလား၊ မဂ် အတုပဲလားလို့ ဝေဖန်ရမယ်တဲ့ (မှန်ပါ)။

(It enters when seeing Arising and Passing Away). You must be able to analyze and discern it. You must ask: "I am doing the work of the Path. Is this the Real Path, or is this the Counterfeit Path?" You must critique your own experience. (Yes, Sir).

ကိုင်း-ဒါဖြင့် ဒါဘာတုံးလို့ မေးတဲ့ အခါကျတော့ စာလို သုံးတော့ အဓိဂမ ပဋိရူပကလို့ ခေါ်တယ်၊ အဓိဂမ ဆိုတာသည် မဂ်ဖိုလ်ဉာဏ်။ ပဋိရူပက ဆိုတာ အလားတူ လာပြီးပေါ်တယ် (မှန်ပါ)၊ ရမယ့် မဂ်ဉာဏ် ဖိုလ်ဉာဏ်၏ အလားတူလာပေါ် တယ် (မှန်ပါ)။

If one asks, "What is this?"—in scriptural terms, it is called Adhigama-patirupaka. Adhigama refers to Magga-Phala Knowledge. Patirupaka means it appears as a likeness. (True, Sir). It appears appearing similar to the Magga-Phala Knowledge you are striving for. (Yes, Sir).

မဂ်တုပေါ်ရင် ဝိပဿနာအဆင့် မသေးဘူးတဲ့

If the Counterfeit Appears, Your Insight is Not Weak

ဒီမဂ်တု ဖိုလ်တုလာတဲ့ ပုဂ္ဂိုလ်ဆိုရင် ဝိပဿနာ အဆင့်ကတော့ မသေးပါဘူး ဆိုတာကိုလဲ မောင်ချစ်စိန် တို့က မှတ်ရမယ် (မှန်ပါ)၊ ဒီအဓိပ္ပါယ်ဟာ မသေးပါဘူး၊ အလုပ်သမား အတွက်မှာဖြင့် ကိုယ်ခရီး ပေါက်တယ်၊ မပေါက်ဘူး၊ ဒီနေရာ ကိုယ့်စိတ် ဘယ်လို ပြုပြင် ရမယ်ဆိုတဲ့ ပြုပြင်နည်းကို လမ်းလွဲ သွားမှာ စိုးလို့၊ တစ်ဘက်စောင်း သွားမှာစိုးလို့ လမ်းဆုံရောက် နေတာကို ဒီဘက်လမ်း သာလိုက်၊ ဟိုဘက်လမ်း မလိုက်နဲ့ အသွား မျိုးပြောတာ (မှန်ပါ)၊ ဒါအရေးမကြီးဘူးလား (ကြီးပါတယ် ဘုရား)။

If this Counterfeit Magga/Phala appears to a Yogi, Maung Chit Sein, you must note that his level of Insight (Vipassana) is not weak. (True, Sir). It is not insignificant. I am telling you this so that you, the practitioners, know whether you have reached the end of the journey or not. I am teaching you how to adjust your mind at this juncture so that you do not go astray or veer off to the side. You are at a crossroads. I am speaking so that you take the correct path and do not follow the wrong one. (True, Sir). Is this not important? (It is very important, Sir).

လမ်းဆုံတော့ ရောက်နေတာ။ လမ်းဆုံးဆိုတော့ ကိုယ်ကလဲ ဘယ်လမ်း သွားရမှန်းလဲမသိ။ သွားမိသွားရာ သွားပြန်တော့လဲ လွဲမှာ စိုးရတယ်။ (မှန်ပါ)၊ အဲဒါဟာ လမ်းဆုံေ ရာက်နေတဲ့ နေရာပဲ (မှန်ပါ)၊ ဒီနေရာမှာ ဆရာ ဖြစ်သူက လက်ဝဲရှောင်၊ လက်ယာ ရှောင်ကွေ့ပြီး ကိုယ့်လမ်းစဉ် တန်းတန်း မတ်မတ် သွားမှ လမ်းမှန် လိုရာခရီးကို ဆိုက်မယ်လို့ လမ်းမှန်ကို မပြလို့ရှိရင်လဲ အမှားမှား အယွင်းယွင်း ဖြစ်လိမ့်မယ်။ (မှန်ပါ) မဖြစ်ပေဘူးလား (ဖြစ်ပါတယ် ဘုရား)။

You are at a crossroads. You don't know which way to go. If you just go wherever you please, you risk going wrong. (True, Sir). This is the nature of being at a crossroads. (Yes, Sir). At this point, the Teacher must guide you: "Avoid the left, avoid the right, go straight ahead." Only if you travel straight will you reach the destination. If the correct path is not shown, errors and mistakes will surely follow. (True, Sir). Will they not? (They will, Sir).

မဂ်တုပေါ်ရင် လမ်းဆုံရောက်ပြီ

The Counterfeit Appears at the Crossroads

အဲဒီလိုဖြစ်မှာ စိုးတဲ့အတွက် ခင်ဗျားတို့ ပေးထားတဲ့ ပဋိစ္စသမုပ္ပါဒ် စာရွက်မှာ ဒုတိယကွက်ကို တတိယကွက် မရောက် ခင် ရှုတဲ့ အချိန်မှာ လာမှာပဲ (မှန်ပါ)၊ ဒုတိယ အကွက်ထဲက စိတ်ကို ဖြစ်ပျက် ရှုနေတုံး ကြားထဲမှာ ဝိပဿနာ မဂ်တော့ ပေါ်တာဘဲ။ အဲဒီမဂ် ပေါ်နေတဲ့ အချိန်မှာ ခန္ဓာကိုယ်ထဲမှာ ဉာဏ်မဂ်လဲ ပေါ်တယ် ဆိုတာ မှတ်ရမယ်။ (မှန်ပါ)၊ သူမပါလို့ရှိရင်လဲ ဖြစ်ပျက် မမြင်ဘူး။

Because I fear this will happen to you, I am warning you. On the Dependent Origination chart I gave you, this happens when you are observing the transition from the Second Section to the Third Section. (True, Sir). While you are observing the arising and passing away of the mind in the Second Section, Vipassana Magga (Insight Path) arises. You must note that the Magga Knowledge is appearing within the Khandha. (Yes, Sir). Without this knowledge, you would not see the Arising and Passing Away.

သူ့ကိုမြင်နေ တုန်းလဲ မဂ်တုက ကြားထိုး တတ်တယ် (မှန်ပါ)၊ မဂ်တုက ကြားထိုးတတ်တော့ ဒကာ၊ဒကာမ တွေ ဒီဥစ္စာ မတွေ့မယ့် အလုပ်လဲ မဟုတ်ဘူး၊ တွေ့ရမယ်။ တွေ့ပြန်ရင်လဲ ဂရုစိုက် ရမယ် (မှန်ပါ)၊ မတွေ့သေး လို့ရှိရင်လဲ ဥဒယဗ္ဗယမှာ လမ်းမမှန်သေးဘူး၊ ဉာဏ်မထက်သေးဘူး (မှန်ပါ)၊ တွေ့တဲ့ အခါမှာလဲ မရွေးတတ်လို့ရှိရင် စောင်းသွား တတ်တယ်။ (မှန်ပါ)၊ ဒီတော့ ဒီအရေးဟာ ဦးတင်တို့ အရေး ကြီးပါတယ်။ မကြီးဘူးလား (ကြီးပါတယ်ဘုရား)။

But while you are seeing it, the Counterfeit Path can intervene. (True, Sir). Since the Counterfeit tends to intervene, you Yogis will inevitably encounter it. It is not something you will miss; you will face it. And when you face it, you must be careful. (Yes, Sir). If you haven't encountered it yet, it means your Udayabbaya Ñāṇa (Knowledge of Rise and Fall) is not yet on the right track, or your wisdom is not yet sharp enough. (True, Sir). But when you do encounter it, if you cannot distinguish the real from the fake, you will veer off course. (True, Sir). Therefore, U Tin, this matter is crucial. Is it not? (It is very important, Sir).

အရေးကြီးတယ်။ ဆရာ မကူလို့ရှိရင် ဒီဥစ္စာ ကိုယ့်ဟာ ကိုယ် အိမ်ပေါ်လုပ်နေလို့တော့ မဖြစ်သေးဘူးတဲ့ သဘောပါလား ဆိုတဲ့ဥစ္စာ ရှင်းနေပါတယ် (မှန်ပါ)။

ကဲ-ပြောတော့မပင်၊ အဓိဂမပဋိရူပက အကြောင်းကို။ အဓိဂမဆိုတာ မဂ်ဉာဏ် ဖိုလ်ဉာဏ် ရတာကို အဓိဂမလို့ ဆိုပါ တယ်။ အထွတ်အထိပ်၊ အလွန်အကဲ ရောက်သွားမှာလို့ ဆိုလိုတယ်။

It is crucial. It is clear that without the help of a Teacher, you cannot successfully navigate this stage by practicing alone at home. (True, Sir). Now, let me speak about Adhigama-patirupaka. Adhigama means attaining Magga-Phala Knowledge. It implies reaching the summit, the extraordinary state.

မဂ်တုဆိုတာ ဘယ်လိုပါလိမ့်

What is the Counterfeit Path?

ပဋိရူပက ဆိုတာက အလွန်အကဲ ရောက်မယ့် နေရာမှာ အလားတူ အတုအပ ပေါ်လာတာ (မှန်ပါ)၊ နိဗ္ဗာန် ရောက်မယ့် မြင်မယ့် တရား နေရာမှာ မရောက်သေးတဲ့ တရားက အလားတူ မဂ်ယောင် ဖိုလ်ယောင်နဲ့ လာပေါ်တယ်၊ ယောဂီ ပုဂ္ဂိုလ်က အဲဒါကို တကယ် မဂ်ဖိုလ်လို့ ထင်နေ တတ်တယ် (မှန်ပါ)၊ အဲဒီလို ထင်နေရင် လမ်းလွဲ သွားတတ်ပါတယ် (မှန်ပါ)။

Patirupaka means that just as you are about to reach that extraordinary place, a likeness—a fake—appears. (True, Sir). In the place of the Dhamma that sees Nibbana, a Dhamma that has not reached Nibbana appears, disguised as Magga and Phala. The Yogi then mistakenly believes, "I have truly attained Magga and Phala." (True, Sir). If you think this way, you will go astray. (Yes, Sir).

အဲဒါက ဘာတုန်းလို့ မေးလို့ရှိရင် ဖြစ်ပျက်နဲ့ မဂ်နဲ့ ကိုက်နေရင် ဒကာ၊ဒကာမတွေ ကိုယ်က ရှုနေတဲ့ စိတ်ကလေးကို ဖြစ်ပျက် ရှုနေတယ်၊ မဂ်ကလေးက မြင်မြင် နေတယ်၊ ပျက်လိုက် မြင်လိုက်၊ ပျက်လိုက် မြင်လိုက်၊ ပျက်လိုက် မြင် လိုက်နဲ့ အင်မတန် ကိုက်နေတယ် (မှန်ပါ)၊ ပျက်လိုက် မြင်လိုက် ဆိုတော့ ရှေ့နဲ့ နောက်နဲ့ ကိုက်နေတာပေါ့ (မှန်ပါ)၊ ပျက်တာက ရှေ့ကျတယ်။ မြင်တာက နောက်ကျတယ်။ ပုရေနဲ့ ပစ္ဆာ အစဉ် တည့်နေရမယ်။ သဘောကျပြီလား (ကျပါပြီ)၊ ပုရေအစဉ်က ပျက်သွားတာ၊ ပစ္ဆာ အစဉ်က ဝိပဿနာ မဂ်နဲ့ရှုတာ၊ သဘော ကျပြီလား (ကျပါပြီ)။

If you ask, "What is it?"—it happens when the Arising and Passing Away (Udayabbaya) and the Path Factors align perfectly. You, the Yogi, are observing the mind. You see the arising and passing away. The Path Knowledge sees it: Flash (it breaks), Flash (it is seen). Breaking and seeing, breaking and seeing. It aligns perfectly. (True, Sir). The breaking is the front; the seeing is the back. It fits like a hand in a glove. The preceding moment (Pure) and the succeeding moment (Pacchā) are in perfect sequence. Do you grasp this? (Yes, Sir). The preceding process is the dissolution; the succeeding process is the Vipassana Insight observing it. Do you grasp this? (Yes, Sir).

ဒီမှာ ပုရေပစ္ဆာ အစီအစဉ်ချင်း ကိုက်နေတော့ ခန္ဓာကိုယ်က ဘယ်လို ဖြစ်တတ်သတုံးလို့ မေးတဲ့ အခါကျတော့ ခန္ဓာကိုယ် ဖျပ်ဆို အားထုတ်နေတဲ့ အခန်းထဲမှာ အရောင်တွေ ဖြာပြီးထွက် လာ တယ် (မှန်ပါ)၊ ထွက်ချင်ရင် အချို့ ပုဂ္ဂိုလ်များ ထွက်လာတယ်။ လူတိုင်းတော့ မဟုတ်ဘူး (မှန်ပါ)။

When the preceding and succeeding processes align this well, if you ask what happens to the body—Radiant light begins to emit from the body of the Yogi who is striving with such intensity. (True, Sir). If it wants to come out, for some people, it comes out. Not for everyone. (True, Sir).

၁။ အရောင်တွေ ဖြာထွက်လာတယ်

1. Radiant Light Emits

အရောင်တွေ ဖြာထွက် လာတော့ ဟာ-ဒီဥစ္စာ မဂ်ဉာဏ် ရလို့ထွက်လာတဲ့ အရောင်ပဲ။ ဒီလို ထင်မှတ် သွားတတ်တယ်။ (မှန်ပါ)၊ သဘောကျပြီလား (ကျပါပြီဘုရား)၊ မဂ်ဉာဏ်ရလို ထွက်လာတဲ့ အရောင် ဘယ်ဟုတ်မလဲ။ ဥဒယဗ္ဗယကြောင့် ထွက် လာ (မှန်ပါ)၊ ရှင်းပြီလား (ရှင်းပါပြီဘုရား)၊ ဝိပဿနာဉာဏ်၏ အရောင် ဒီဥစ္စာ။ မဂ်ဉာဏ်၏ အရောင် မဟုတ်ဘူး (မှန်ပါ)၊ အဲဒီမှာ ငါမဂ်ဉာဏ်ရလို့ ခန္ဓာကိုယ်က အရောင်ထွက်လာတာပဲလို့ ထင်တတ်တယ်။ ရှင်းပြီလား (ရှင်းပါပြီဘုရား)။

When these lights radiate, the Yogi thinks: "Ha! This is the light emanating from my attainment of Magga Knowledge!" He mistakenly assumes this. (True, Sir). Do you grasp this? (Yes, Sir). How could this be the light of Magga Knowledge? It is light emitted due to Udayabbaya (Insight into Arising and Passing Away). (True, Sir). Is that clear? (Yes, it is, Sir). This is the light of Vipassana Insight. It is not the light of Magga Knowledge (Enlightenment). (True, Sir). But at that moment, you are liable to think, "I have attained Magga Knowledge, and that is why light is radiating from my body." Is that clear? (Yes, Sir).

အဲဒီတွင် ခန္ဓာကိုယ်က အရောင်ထွက် လာတော့ ဖြစ်ပျက်ကို ရပ်ပစ် လိုက်ပါတယ်။ မဂ်ရပြီ ဆိုပြီးတော့ (မှန်ပါ)၊ ခန္ဓာကိုယ်ထဲက ထွက်တဲ့ အရောင် အဆင်းဟာ တချို့မှာ အခန်းတွင်းလောက် တချို့လဲ ကိုယ်ကို မြင်လောက်အောင်၊ တချို့လဲ တစ်ကျောင်း လုံး အရာမ် တစ်ခုလုံး စသည့်ဖြင့် အမျိုးမျိုး ထွက်တတ်ကြပါ တယ်။ ဘုရားကျတော့ ဒီလို မဟုတ်ဘူး။ အောက်လဲ အဝီစိ ကျအောင် လင်းတယ်။ အထက်လဲ ဗြဟ္မာပြည် ကျအောင် လင်း တယ်။ ဒီဥဒယဗ္ဗယ အားထုတ်တဲ့ အချိန်မှာ (မှန်ပါ)။

And so, because the light comes out of the body, the Yogi stops observing the Arising and Passing Away. He thinks, "I have attained the Path." (True, Sir). The light that emits from the body varies. For some, it lights up the room. For some, it is just enough to see their own body. For others, it lights up the whole monastery or the entire compound. It manifests in various ways. In the case of the Buddha, it was different—the light penetrated down to the Avīci Hell and up to the Brahma realms during this stage of Udayabbaya. (True, Sir).

ဖြစ်ပျက်မြင်တဲ့ ဉာဏ်အရောင်တွေ ထွက်လာတာ

It is Just the Light of Insight Knowledge

ကျုပ်တို့ ခင်ဗျားတို့ မှာတော့ ဒါလောက် ဘုန်းကံ ပါရမီရှိတဲ့ ပုဂ္ဂိုလ်တွေ မဟုတ်တော့ တစ်ချို့လဲ နည်းနည်း ခန္ဓာကိုယ်လင်းရုံ၊ တချို့လဲ တစ်ခန်းလုံး လင်းအောင်၊ တချို့များ ကျတော့ တောင် တစ်ခုလုံး လင်းအောင် ဒီလိုလဲ ထွက်တတ်ပါတယ် (မှန်ပါ)။ ဖြစ်ပျက်မြင်တဲ့ ဉာဏ်ဟာ ဉာဏ်က အရောင် ထွက်လာတယ် (မှန်ပါ)။

For us and for you, since we are not individuals of such immense merit and Pāramī, some might only see a glow on their body, some might light up a room, and some might even light up a whole mountain. This can happen. (True, Sir). The wisdom that sees the Arising and Passing Away—that wisdom emits light. (True, Sir).

အဲဒီ ဥဒယဗ္ဗယ ဝိပဿနာ ဉာဏ်က အရောင် ထွက်လာ တာဟာ မဂ်ဉာဏ်က ထွက်တဲ့ အရောင်ပဲ ဆိုပြီးတော့ ယောဂီ ပုဂ္ဂိုလ်က အလုပ်ရပ်စဲ ပစ်လိုက်တယ် (မှန်ပါ)၊ ရပ်စဲပစ်လိုက်တော့ကို သြော်-ဒါဟာ မဂ်ဉာဏ်၏ အတုဉာဏ်က အတု အယောင်က နေပြီး သကာလ မဂ်အစစ် မဂ်ဉာဏ် မရောက်ခင် ဖျက်ဆီ းပစ်လိုက်တယ် (မှန်ပါ)၊ ရှင်းပြီလား (ရှင်းပါပြီဘုရား)။

But the Yogi assumes, "This light coming from Udayabbaya Vipassana Insight is actually the light of Magga Knowledge." And so, he stops his work. (True, Sir). When he stops, realize this: The Counterfeit Insight, the Imitation, has destroyed his progress before he could reach the Authentic Magga Knowledge. (True, Sir). Is that clear? (Yes, it is, Sir).

မဂ်ဉာဏ် အစစ် မရောက်ခင် (ဖျက်ဆီးပစ်လိုက် တတ်ပါ တယ်၊ ကိုယ့်စိတ်ထဲမှာ ထင်မြင် လာတတ်တယ်၊ ဟာ-ဒါဟာ မဂ်စစ် ဖိုလ်အစစ်မို့ ဒီ အရောင် ထွက်လာတာပဲ။ ရှင်းပလား (ရှင်းပါပြီ ဘုရား)။

Before the real Magga Knowledge could arrive, (It destroys it). The mind becomes convinced: "Ha! This implies True Magga and True Phala because this light has appeared!" Is that clear? (Yes, Sir).

အဲဒီလို အဓိဂမ ပဋိရူပက ဆိုတဲ့ မဂ်တု ဖိုလ်တုက ပေါ်လာ ပြီး မဂ်စစ် ဖိုလ်စစ်ကို ဖျက်ချ လိုက်တာ မောင်သစ်- ကန့်လန့် ကြီး ဖြစ်သွားတယ် (မှန်ပါ)၊ အထက်ဉာဏ် တွေလဲမရ၊ နိဗ္ဗာန် လဲ မမြင်ရ (မှန်ပါ)၊ ခန္ဓာကိုယ် အရောင်အလင်း ထွက်တာနဲ့ ဒါမဂ်၊ ဒါမဂ်၏ အရောင်ပဲ ဖိုလ်၏ အရောင်ပဲ ဆိုပြီး သကာလ ဆုံးဖြတ်ချက် ချပြီး အလုပ်ကို ရပ်စဲပစ် လိုက်တတ်တယ်။ (မှန်ပါ)၊

When Adhigama-patirupaka (Counterfeit Path/Fruition) appears and destroys the potential for the True Path and Fruition, Maung Thit, you are left stranded. (True, Sir). You do not gain the higher knowledge, nor do you see Nibbana. (True, Sir). Because of the light emitting from the body, you decide, "This is the Path! This is the Light of the Path!" and you terminate the practice. (True, Sir).

နောက်လဲ ဆက်လက်ပြီး မလုပ်တော့ဘူး ဆိုတော့ သူ့မှာ ပုထု ဇဉ်ဟာ ပုထုဇဉ်ပဲ ရှိသေးတာပေါ့ (မှန်ပါ)၊ ဝိပဿနာဉာဏ်နဲ့ သေသွားတာကိုး (မှန်ပါ)။

ဒီဘဝမှာ မဂ်ရမယ့် နိမိတ်တော့ ပြပါရဲ့၊ သူ,နိမိတ်ပြတာ ကို အစစ်ထင်ပြီး ရှေ့ဆက် ဆက်မလုပ်လို့ လမ်းလွဲသွားတာ (မှန်ပါ)၊ အတုကို ဘာဖြစ်သတုံး (အစစ်ထင်နေပါတယ်)၊ အစစ်ထင် နေလို့ ရှေ့ကို ဆက်မလုပ်တော့ သဖြင့် အစစ် ပျောက်သွားရတယ်။ ရှင်းပြီလား (ရှင်းပါပြီ၊ ဒါ ကိုယ့်ဉာဏ် ထက်အောင် ဉာဏ်မျက်ခြေ မပြတ်စေရဘူး (မှန်ပါ)။

Since he does not continue to practice, he remains merely a Puthujjana (Worldling). (True, Sir). He dies only with Vipassana Knowledge, not Path Knowledge. (True, Sir). The sign that he could have attained the Path in this life appeared! But because he mistook the sign for the destination and did not proceed further, he went astray. (True, Sir). What happened regarding the Counterfeit? (He mistook it for the Real). Because he mistook it for the Real and did not continue forward, the Real disappeared. Is that clear? (Yes, Sir). Therefore, do not let your wisdom lose track of itself. (Yes, Sir).

အဲဒီလို ဩကာသဆိုတဲ့ အရောင်အလင်း အဓိဂမပဋိရူပက ဝင်ပြီး ထင်တတ်တယ် (မှန်ပါ)။

တချို့ကျတော့လဲ ဩကာသ အရောင်အလင်း ထွက်လို့ ရှိရင် တစ်မျိုး ထွက်လာတယ်၊ အမျိုးမျိုးပေါ့။ ဆယ်မျိုးတောင် ရှိတယ်။ (မှန်ပါ)၊ ဉာဏ်က ရှုလိုက်တယ်၊ ဖြစ်ပျက်နဲ့ မဂ်နဲ့ ကိုက်ခနဲ ကိုက်ခနဲ သွားလို့ ဉာဏ်က သိပ်မှန်နေတယ် (မှန်ပါ)။

This is how Obhāsa (Light/Radiance)—the Counterfeit Attainment—enters and deceives. (True, Sir). For some, when Obhāsa appears, it comes in different forms. There are ten kinds of these corruptions. (True, Sir). The wisdom observes, and the Arising and Passing Away aligns with the Path—Snap! Snap!—the wisdom becomes incredibly accurate. (True, Sir).

၂။ ဝိပဿနာဉာဏ် ထက်မြက်လာတယ်

2. Insight Knowledge Becomes Extremely Sharp

မောင်သစ် ရှေ့ကဖြစ်ပျက်၊ နောက်က မဂ်နဲ့ ကိုက်ပြီး ကြားထဲမှာ ကိလေသာကို မခြားဘူး၊ မဝင်ဘူး အင်မတန် လိုက်နေတယ်၊ တွေးလိုက်တိုင်း မှန်သလို ဖြစ်နေတာပေါ့ လေ (မှန်ပါ)၊ လေးသမားဟာ ပစ်လိုက်တိုင်း ပစ်လိုက်တိုင်း မှန်းခြေ ပေါက် မှန်သလို ဒီမှာလဲ ဖြစ်ပျက် ကလေး တွေကို ဉာဏ်နဲ့ သွားသွားပြီး မှန်တယ်။ (မှန်ပါ)၊ မှန်တယ် ဆိုတာ မြင်တာပေါ့ (မှန်ပါ)၊

Maung Thit, the Arising and Passing Away in the front and the Path Knowledge in the back align perfectly. In between, no defilements (Kilesa) can intervene. It follows perfectly. Whatever you contemplate, it seems correct. (True, Sir). Like a master archer who hits the mark every time he shoots, here too, the wisdom follows the phenomena and hits the mark every time. (True, Sir). "Hitting the mark" means seeing it clearly. (True, Sir).

အဲဒီလို မြင်လိုက်တော့ ဉာဏ်က အင်မတန် ထက်မနေ ဘူးလား (ထက်နေပါတယ် ဘုရား)၊ ဟာ-ဒါဟာ မဂ်ဉာဏ်မို့ ထက်တာပဲ၊ ဝိပဿနာ ဉာဏ်အားကောင်းတာကို မဂ်ဉာဏ်နဲ့မို့ ဒီလောက် လင်းတာပဲဆိုပြီး ရပ်စဲပစ် လိုက်တယ် (မှန်ပါ)၊ ဒါကြောင့် ဒီဉာဏ်က မဂ်ဉာဏ် အတုပဲ လာဖြစ်တယ် (မှန်ပါ)၊ ရှင်းကြပြီလား (ရှင်းပါပြီဘုရား)။

When you see it like this, isn't the wisdom incredibly sharp? (It is sharp, Sir). The trap is: "Ha! This sharpness must be Magga Knowledge! Only Magga Knowledge could be this bright and keen!" And thinking this, the Yogi stops. (True, Sir). Therefore, this sharpness of knowledge becomes a Counterfeit Path. (True, Sir). Is that clear? (Yes, it is, Sir).

ဘယ်သူက လာပြီထင်သတုန်း (ဝိပဿနာဉာဏ်က လာထင်ပါတယ်)၊ ဘယ်သူက အတုပါလိမ့် (မဂ်ဉာဏ်က အတုပါဘုရား)၊ အဲဒါကြောင့် အဓိဂမ ပဋိရူပကလို့ ခေါ်တယ် (မှန်ပါ)၊ ရမည့် တရားစစ်ကို အတုက လာဖျက်တယ်၊ ဉာဏ်ချင်း တော့တူရဲ့၊ အစစ်ဉာဏ် မဟုတ်ဘဲနဲ့ အတုဉာဏ် ဖျက်ချလိုက် တယ် (မှန်ပါ)၊ အစစ်ဉာဏ် ဆီသို့ မရောက်နိုင်တော့ဘူး မတက်နိုင် တော့ဘူး (မှန်ပါ)။

Who did you think it was? (We thought it was Magga Knowledge). But who was the Counterfeit? (The sharp Insight Knowledge was the Counterfeit, Sir). That is why it is called Adhigama-patirupaka. (True, Sir). The Counterfeit comes to destroy the True Dhamma that was about to be attained. The wisdoms look alike, so the Counterfeit Wisdom destroys the chance for the Real Wisdom. (True, Sir). You can no longer reach or ascend to the Genuine Knowledge. (True, Sir).

ဘယ်နှစ်ချက်ရှိသွားပြီလဲ(နှစ်ချက်ပါဘုရား)၊ နှစ်ချက် ရှိသွားပြီ။ အရောင်အလင်းကလဲ ဖျက်တတ်တယ်။ ဝိပဿနာ ဉာဏ် ထက်မြက်မှုကလဲ (ဖျက်တတ်ပါတယ်ဘုရား)၊ အဲဒါကို မှတ်ထားကြပါ။ ဒါဝိပဿနာ တကယ်တန်း ခရီးပေါက် အောင် လုပ်နေတဲ့ ပုဂ္ဂိုလ်မှာ ဒီဆယ်မျိုးထဲက တစ်ခုခု မလာဘဲ နဲ့တော့ မပြီးဘူး (မှန်ပါ)၊ လာပြန်လဲ ရှောင်တတ်မှ ရှားတတ်မှ (မှန်ပါ)။

How many points have we covered? (Two points, Sir). Two points. Radiance can destroy you. The sharpness of Vipassana Insight can also (destroy you, Sir). Mark this well. For a person truly practicing Vipassana to the point of making progress, you will not finish without encountering one of these ten. (True, Sir). And when they come, you must know how to avoid them and sideline them. (True, Sir).

အရောင်အလင်းတွေ ကြည့်မနေနဲ့

Do Not Just Stare at the Light

နှစ်ခုပြီး သွားတော့ ဒကာ၊ဒကာမတွေကို ဘုန်းကြီး ရှင်းပေးမယ်။ အရောင် အလင်း ထွက်လာတယ်ဆိုရင်လဲ ဟာ ဘာမှမဆိုင်ဘူး၊ ဒါနဲ့ မဂ်နဲ့ မဆိုင်သေးဘူး၊ မဂ်မဟုတ်သေး ဘူးဆိုပြီး ကိုယ်ဖြစ်ပျက်ပဲ ကိုယ်ပြန်ရှု၊ အရောင်အလင်း တွေကို ကြည့်မနေနဲ့ (မှန်ပါ)၊ သဘောကျပြီလား (ကျပါပြီ ဘုရား)၊ ဉာဏ်ထက်နေလို့လဲ ရပ်မပစ်လိုက်နဲ့။ ဆက်လက်ပြီး ရှုသာနေပါ။ သူ့ဟာသူ တက်သွား။ ဉာဏ်ထက်တာနဲ့ ပြည့်စုံပြီ ဆိုပြီး ရပ်မပစ်လိုက်ပါနဲ့။ သဘောပါပြီလား (ပါပါပြီဘုရား)။

Now that we have covered two, I will clarify for the Yogis. If radiant light appears, say to yourself: "Ha! This has nothing to do with it. This is not the Path yet. This is not Magga." And simply return to observing the Arising and Passing Away within yourself. Do not sit there staring at the lights. (Yes, Sir). Do you grasp this? (Yes, Sir). If your wisdom becomes incredibly sharp, do not stop there either. Just continue observing. Let it progress on its own. Do not stop, thinking, "My wisdom is perfect now, I am done." Do you understand? (Yes, we do, Sir).

ဉာဏ်ကတော့ ထက်လိမ့်မယ်။ အရောင်မထွက်တဲ့ ပုဂ္ဂိုလ် ဉာဏ်ကတော့ ထက်ချင်လဲ ထက်လာ လိမ့်မယ် (မှန်ပါ)၊ ထက်လာလို့ရှိရင်လဲ ဒါဟာ မဂ်ဉာဏ် ဖိုလ်ဉာဏ်ပဲလို့ ကိုယ်က ဆုံးဖြတ်ချက် မချနဲ့ (မှန်ပါ)၊ သဘောပါပြီလား (ပါပါပြီ)။

Your wisdom will indeed be sharp. Even for those who do not see light, the wisdom will become very keen. (True, Sir). When it becomes keen, do not decide, "This is Magga Knowledge! This is Phala Knowledge!" (True, Sir). Do you understand? (Yes, Sir).

မဂ်ဉာဏ် ဖိုလ်ဉာဏ်ပဲလို့ ဆုံးဖြတ်ချက်မချနဲ့၊ သြော် ဒါဟာ အလုပ်စဉ် အတိုင်း ပေါ်လာတာပဲ ဆိုပြီး ဆက်သာရှု။ (မှန်ပါ)၊ ဆက်ရှုပြီးသကာလ ဥဒယဗ္ဗယက နေပြီး မဂ်ကို တက်ချင်လဲ တက်သွားမယ် (မှန်ပါ)၊ တက်သွား ရင်တော့ ခုနင်က အထင်ကလေး ပျောက်သွားမှာပေါ့ ဗျာ။ ဆက်သာ တက်သွားပါ (မှန်ပါ)၊ နှစ်ခုရှိ သွားပြီနော် (မှန်ပါ)။

Do not conclude that it is Magga or Phala. Instead, realize: "Oh, this is just appearing according to the stages of the practice." And keep observing. (Yes, Sir). If you continue observing, you will rise from Udayabbaya (Rise and Fall) towards the Path. (True, Sir). If you ascend, that previous false assumption will disappear. Just keep climbing. (Yes, Sir). Now we have two points. (Yes, Sir).

နို့ မဟုတ်ရင် ဒါတွေဟာ ဆရာဘုန်းကြီးက ရှေ့က ဝေဖန်ပြောထားမှု မပြုလို့ရှိရင် တကယ် ထင်လာတော့ မဖယ်တတ် မရှင်းတတ် ဖြစ်နေအုံးမယ် (မှန်ပါ)၊ ဘုရားကလဲ ဒါတွေဟာ အဓိဂမ အစစ်ကို ကွယ်စေတတ်တဲ့၊ ဖုံးစေတတ်တဲ့ တရားတွေကို ဟောခဲ့တာ ခုနင်က ပြောခဲ့ပြီနော် (မှန်ပါ)၊ အဲဒီဟာကို ဟောတော်မူတာ (မှန်ပါ)။

If I do not analyze and explain these things beforehand, when they actually appear to you, you won't know how to remove them or clear them away. (True, Sir). As I mentioned earlier, the Buddha preached these as the factors that conceal and cover up the True Attainment. (True, Sir). He preached this for your sake. (True, Sir).

တစ်ခါတလေ ကျတော့ ၃-နံပါတ်များ တက်လာတော့ ခန္ဓာကိုယ်ကြီးများ ကြွသွားတယ် (မှန်ပါ)၊ ပေါ့ ပြီး သကာလ အထက်များ ပျံသွားသလိုပဲ (မှန်ပါ)၊ ဒီလို ပီတိတွေလဲ လာတတ် တယ် (မှန်ပါ)။

Sometimes, when Number Three appears, the body feels as if it is lifting off. (True, Sir). It becomes light, as if flying into the sky. (True, Sir). Such Rapture (Pīti) can also arise. (True, Sir).

၃။ ပီတိတွေလာပြီး ခန္ဓာပေါ့သွားတယ်

3. Rapture Arises and the Body Becomes Light

ရှုရင်းမတ္တနဲ့ လာတာ (မှန်ပါ)၊ ရှုရင်းမတ္တနဲ့ ဒီလိုပီတိတွေ လာပြီးသကာလ ခန္ဓာကိုယ်ကြီးဟာ ပေါ့သွားသလိုလို အမျိုးမျိုး အဖုံဖုံလာတာပဲ (မှန်ပါ)၊ အဲဒီလိုလာရင် သြော်- ငါတော်တော် နေရာကျ ပြီဆိုတဲ့ အတွေး မဝင်စေဘဲနဲ့ ဆက်သာရှု (မှန်ပါ)၊ သဘောကျပြီလား (ကျပါပြီ)။

It arises simply because you are observing. You may feel waves of Rapture (Piti), and your body feels incredibly light, floating in various ways. When this happens, do not let the thought "Oh, I have reached a high stage" enter your mind. Just keep observing. (Yes, Sir). Do you grasp this? (We do, Sir).

ဆက်သာ ဆက်သာရှု။ နို့မဟုတ်ရင် ဒီပီတိက မဂ်ယောင် ဖိုလ်ယောင်လုပ်ပြီး ဝင်ဖျက်ပြန်တယ် (မှန်ပါ)၊ ဘယ်နှယ်ခု ရှိသွားပြီလဲ (သုံးခုရှိသွားပါပြီ)၊ အဲဒါတွေဟာ အဓိဂမ ပဋိရူပက တွေလို့ ဘုရား ဟောတော် မူပါတယ် (မှန်ပါ)။

Just keep observing. If you do not, this Rapture will act as a counterfeit Path and Fruition (Magga-Phala) and destroy your progress. (True, Sir). How many imperfections have we covered now? (Three, Sir). The Buddha called these Adhigama-patirūpaka—Counterfeits of Attainment. (True, Sir).

ဒါတွေဟာ ဆရာသမားများကသာ ပြောပြထားပြီး မကယ် ရင် ဦးတင်- ရပါ့မလား (မရပါဘူး ဘုရား) ကိုယ့်ငါးချဉ် ကိုယ် ချဉ်ပြီး အဟုတ်ထင်နေမှာပဲ (မှန်ပါ)၊ ပြီးတော့ နောက်ကို ဘယ်သူမှလဲ မေးမြန်းပြီး စိစစ်တော့မှာလဲ မဟုတ်ဘူး။ ကိုယ့်မှာ ကိစ္စပြီးပြီဆိုပြီးတော့ တစ်ဘဝအတွက် ကြီးပြင်း သွားတော့ မှာပဲ (မှန်ပါ)၊ မနာဘူးလား (နာပါတယ်ဘုရား)၊ အစစ် မဟုတ်ဘဲ (မှန်ပါ)၊ မနာဘူးလား (နာပါတယ်ဘုရား)၊ အစစ် မဟုတ်ဘဲနဲ့ ရပ်စဲပြီး နစ်နာသွားတာကို ယောဂီမှာသာ နစ်နာတာပဲ။ ပေါ်ကြ ပြီလား (ပေါ်ပါပြီဘုရား)၊ ပီတိ တဲ့ ဒါကလဲ ဖျက်ဆီးတတ် တယ်ဆိုတော့ အဓိဂမ ပဋိရူပက တစ်မျိုးလို့မှတ်။ သုံးမျိုး ရှိသွားပြီနော် (မှန်ပါ)။

If teachers do not explain this and save you, would you be able to escape this trap, U Tin? (No, Sir). You would simply be deluding yourself, thinking you are something you are not. (True, Sir). And later, no one will be there to question or examine you. You will grow old thinking, "I have finished the task," for your whole life. (True, Sir). Isn't that a tragic loss? (It is, Sir). It is not the real attainment. (No, Sir). Isn't it painful? (It is, Sir). Because it is not the genuine realization, if you stop there, you—the Yogi—are the one who suffers the loss. Do you see this clearly? (Yes, Sir). Since Rapture (Piti) can destroy progress, mark it as one type of Adhigama-patirūpaka. So, there are three types now. (Yes, Sir).

၄။ ကိုယ်ရောစိတ်ရော ငြိမ်းနေတယ်

4. Tranquility of Body and Mind

တချို့ကျတော့လဲ ရှုရင်းမတ္တနဲ့ ကိုယ်လဲ ရှိတယ်မထင် ဘူး။ စိတ်လဲ ရှိတယ်မထင်တော့ဘူး။ ရှုဉာဏ်ကလေးနဲ့ပဲ နေတော့တာပဲ။ သြော်-ဒါဖြင့် ငါဟာ ခန္ဓာထဲပျောက်ပြီ၊ ကိုယ် ရော စိတ်ရော ငြိမ်းပြီး၊ သကာလ နေပြီ၊ ကာယပဿဒ္ဓိ၊ စိတ္တပ ဿဒ္ဓဖြစ်ပြီး သကာလနေပြီ၊ ဒါဟာ မဂ်ဉာဏ် ဖိုလ်ဉာဏ် အစစ်ရလို့ ဖြစ်တဲ့ အဖြစ်ပဲ ဆိုပြီး ရပ်ပစ်လိုက်တတ်တယ် (မှန်ပါ)၊ ကိုယ်ငြိမ်း စိတ်ငြိမ်း တာနဲ့ ရပ်ပစ်တတ်တယ် (မှန်ပါ)။

For some Yogis, as they keep observing, they feel as if their body no longer exists. They feel as if their mind no longer exists. They remain only with the Insight Knowledge that observes. They think, "Oh! I have disappeared from the Aggregates (Khandhas). Both my body and mind are extinguished and at peace." They are experiencing Kāya-passaddhi (Tranquillity of Body) and Citta-passaddhi (Tranquillity of Mind). They mistakenly believe, "This is the state of true Path and Fruition," and they stop practicing right there. (True, Sir). They stop because the body and mind have become tranquil. (True, Sir).

ရပ်ပစ်လိုက်ပေမယ့်လဲ ကိလေသာမှ မငြိမ်းသေးပဲကိုး (မှန်ပါ)၊ မငြိမ်းသေးတော့ ကိုယ်ငြိမ်း စိတ်ငြိမ်း ဝင်လာတဲ့ ပဿဒ္ဓိက မဂ်အတု လုပ်ပြီး ဖျက်ချလိုက်တယ် (မှန်ပါ)၊ ရှင်းပြီလား (ရှင်းပါပြီ ဘုရား)။

Although they stop, have their Defilements (Kilesas) ceased? (No, Sir). Since defilements are not yet extinguished, this Passaddhi (Tranquillity) enters as a counterfeit Path and destroys the practice. (True, Sir). Is that clear? (Yes, Sir).

မဂ်တုလုပ်ပြီး ဖျက်ချတော့ မဂ်စစ်ပေါ်သေးရဲ့လား (မပေါ် လာပါဘူး)၊ ဒါဖြင့် အဓိဂမ ပဋိရူပက ရမယ့်တရား၏အသွင်က တူလာပြီး ဖျက်လိုက်တယ် (မှန်ပါ)၊ ဘယ်နှယ်မျိုး ရှိသွားပြီလဲ (လေးမျိုးပါ ဘုရား)။

When the counterfeit Path destroys the practice, does the true Path appear? (No, it does not, Sir). Thus, the image of the attainment resembles the real thing, but it destroys the real thing. (True, Sir). How many types are there now? (Four types, Sir).

ဒါကြောင့် အဓိဂမပဋိရူပကကို ယနေ့ ဟောရခြင်းသည် မည်သူ့အတွက်မှ မဟုတ်ဘူး၊ အလုပ်သမား အတွက် စစ်ဆေးမှုကို ပေးတဲ့ နည်းပဲ (မှန်ပါ)၊ ကိုယ့်ဟာကိုယ် စစ်ဆေးမှုကိုပေးတဲ့ နည်းဆိုတာ မှတ်ရမယ် (မှန်ပါ)။

Therefore, preaching about Adhigama-patirūpaka today is not for anyone else; it is a method for the worker—the Yogi—to check themselves. (True, Sir). You must note that this is a method for self-examination. (Yes, Sir).

၅။ လောကီချမ်းသာတွေ ရနေတယ်

5. Experiencing Worldly Bliss

တချို့ကျတော့လဲ ရှုရင်းမတ္တနဲ့ ဥဒယဗ္ဗယမှာ ဖြစ်ပျက် တွေမြင်လို့ ဘယ်လောကီ ချမ်းသာနဲ့မှ မတူတဲ့ လောကီချမ်း သာတွေ ရတာပဲ။ သိပ်ချမ်းသာတာပဲ။ ဒီတော့ ဟာ- ဒါဖြင့် ငါမဂ်ဆိုက်သွားပြီ။ မဂ်ဟာ အေးစေတတ်တယ် ဆိုတဲ့အတိုင်း ငါ့မှာ တစ်ကိုယ်လုံး ချမ်းသာ အေးမြသွားပြီ ဆိုပြီး သကာလ ဒီနေရာမှာလဲ မဂ်စစ် ထင်ပြီး သကာလ ရပ်ပစ်လိုက်တယ် (မှန်ပါ)။

Some Yogis, while observing, see the Arising and Passing Away (Udayabbaya) clearly and experience a worldly happiness (Sukha) unlike any they have ever known. It is incredibly blissful. So they think, "Ha! I have reached the Path (Magga). The text says 'The Path is cooling,' and indeed, my whole body is cool and blissful." Thinking this is the true Path, they stop right there. (True, Sir).

သုခအတု ပေါ်တာပဲ။ ရှင်းပြီလား (ရှင်းပါပြီ)၊ သူကလဲ ဘာတုံးလို့ဆိုတော့ အဓိဂမ ပဋိရူပက ပဲတဲ့။ ရမယ့်တရားနဲ့ အလားတူပေါ်တာ။ (မှန်ပါ့)၊ ရမယ့်တရားကလဲ ဒီလို အေးချမ်း တာရမှာပဲ။ အေးချမ်းတာချင်း လာဖျက်တယ် (မှန်ပါ)။

This is merely Counterfeit Bliss. Is that clear? (Yes, Sir). What is this? It is Adhigama-patirūpaka. It appears exactly like the attainment you are striving for. (True, Sir). The attainment you seek is indeed cool and peaceful. But here, this "likeness" comes to destroy the real realization. (True, Sir).

သို့သော် ဘုန်းကြီးတို့ ဒကာ၊ဒကာမတွေကို ဘုန်းကြီးက ဒီဂရီ တိုးဖို့ ကလေး တစ်ခု ရှင်းပြ ချင်ပါတယ်၊ သူက ဘယ်လိုပဲ ဖျက်ဖျက် အေးချမ်းလိုက်တာလဲ လွန်လို့၊ ခန္ဓာကိုယ်ထဲမှာ၊ သို့ပေမယ့် ကိုယ်မြင်နေတာ ဖြစ်ပျက် ဆိုလို့ရှိရင် ဒါဟာ မဂ် အစစ် မဟုတ်သေးဘူးသာ ဆုံးဖြတ်ချက်ချ (မှန်ပါ)။

However, I want to clarify a small point to increase your wisdom. No matter how much it destroys or how peaceful it feels, if what you are seeing within your body is still Arising and Passing Away (Udayabbaya), you must make the decision: This is not yet the Real Path. (True, Sir).

မဂ်စစ်ဆိုတာက ဖြစ်ပျက်မရှိတာကို မြင်မှကိုးဗျ (မှန်ပါ)၊ ကိုယ်ခြင်နေတာ ဖြစ်ပျက် မဂ်ပေါ် နေတုန်း ရှိသေးတယ်ပဲ (မှန်ပါ)၊ ဖြစ်ပျက်နဲ့ သုခပေါ်နေတယ် (မှန်ပါ)၊ ဖြစ်ပျက်မြင်တဲ့ မဂ် ပေါ်တယ်။ သုခချမ်းသာပြီး ပေါ်နေတယ်။ အဲဒါ ဝိပဿနာ မဂ်ပဲ ရှိသေးတယ်။ ရှင်းပြီလား (ရှင်းပါပြီဘုရား)၊ ဒီတော့ နိဗ္ဗာန်မြင်ပြီး ချမ်းသာတာ ဟုတ်ကဲ့လား (မဟုတ်ပါဘူး)၊ သင်္ခါရမြင်ပြီး ချမ်းသာနေတာ (မှန်ပါ)။

The True Path is seeing the absence of Arising and Passing Away. (True, Sir). If you are still seeing Arising and Passing Away, the Path has not yet appeared. (True, Sir). Udayabbaya and Sukha (Bliss) are appearing together. (Yes, Sir). The insight seeing the arising and passing is present, and the bliss is present. That is still only Vipassana Magga (Mundane Path). Is that clear? (Yes, Sir). So, is this the bliss of seeing Nibbana? (No, Sir). It is the bliss of seeing Formations (Sankhara). (True, Sir).

သင်္ခါရမြင်ပြီး ချမ်းသာနေတာဖြစ်တော့ မောင်သစ်ရေတို့ ဒကာ၊ ဒကာမတွေ ကျတော့ ဒီက မဂ် ပြထားလိုက်တော့ အတုက မဖျက်နိုင်ဘူး။ ဟ- ဒါမဟုတ်သေးဘူး၊ ဆက်ရှုရ တယ် (မှန်ပါ)၊ ကိုယ်က ဝီရိယ တက်လာတယ်၊ ဆက်ရှုမယ်ဆိုတဲ့ စိတ်ကလေး မလာပေဘူးလား (လာပါတယ်)၊ ဘယ်နှခု ရှိ သွားပြီလဲ (ငါးခုရှိသွားပါပြီ)၊ အခု ငါးခုရှိသွားပြီ၊ဒါမျိုးက ဆယ်ခုတောင် ရှိတယ်နော်။ မနည်းဘူး (မှန်ပါ)။

Since it is the bliss of seeing Formations, when I explain the Path this way to Yogis like Maung Thit, the counterfeit cannot destroy you. You will realize, "Ha! This is not it yet. I must keep observing." (True, Sir). Your energy (Viriya) will increase. Won't the thought "I must continue observing" arise? (It will, Sir). How many imperfections are there now? (Five, Sir). There are five now, but there are actually ten of this kind. It is not a small number. (True, Sir).

ဘယ့်နှယ်ကြောင့် ဆယ်ခု ဟောရသတုံးလို့ မေးတဲ့ အခါကျတော့ ပုဂ္ဂိုလ် စရိုက်က မတူတော့ ပေါ်ချင်တာ ပေါ်တယ်။ ပုဂ္ဂိုလ် တစ်ဦးမှာ တစ်မျိုး (မှန်ပါ)၊ ဘုရားက သတ္တဝါတွေ စရိုက် အကုန် သိမြင်တော် မူတော့ ဒီဥစ္စာ ဆယ်မျိုး ရှိတယ်၊ မဂ်ဉာဏ် ဖိုလ်ဉာဏ် အတု ဆယ်မျိုး ရှိတယ်ဆိုတော့ ပုဂ္ဂိုလ်တွေ အမျိုးမျိုးကြောင့် အဖျက် အမျိုးမျိုး ပေါ်ရတယ် (မှန်ပါ)၊ ရှင်းပြီလား (ရှင်းပါပြီ)။

If you ask why ten are preached: Because people's temperaments differ, different phenomena appear. It varies from person to person. (True, Sir). The Buddha, perceiving the temperaments of all beings, declared there are ten kinds of counterfeit Path and Fruition. Due to the variety of people, various obstacles arise. (True, Sir). Is that clear? (Yes, Sir).

အခု ဘယ့်နှခုရှိသွားပြီလဲ (ငါးခုပြီးသွားပြီ)၊ ငါးခု ရှိ သွားတော့ သြော်- ဒီငါးခုဟာလဲ ဘယ်သူ့ကို ဖျက်ဖို့ အတုတွေ ပေါ်လိမ့်မတုံးဆိုတော့ ရမယ့်မဂ် ဖိုလ် နိဗ္ဗာန်ကို ဖျက်ချလိုက်တယ်။ ရှင်းပြီလား (ရှင်းပါပြီ)၊ ရမယ့်နိဗ္ဗာန် အတုမဂ်ဉာဏ်က ဝင် လိုက်တော့ ဆက်မလုပ်ရင် အစစ်မဂ်ဉာဏ် ပျက်သွားတာတဲ့ (မှန်ပါ)၊ ပေါ်ပြီလား (ပေါ်ပါပြီ)။

How many have we covered? (Five, Sir). These five counterfeits arise to destroy what? They destroy the Path, Fruition, and Nibbana that you were about to attain. Is that clear? (Yes, Sir). When the Counterfeit Nibbana enters, if you do not continue working, the True Magga Knowledge is destroyed. (True, Sir). Do you see it? (Yes, Sir).

လောကုတ္တရာမဂ် မဟုတ်သေးဘူး

It Is Not Yet Supramundane Magga

အဲဒီတော့ ဒီဒကာ၊ဒကာမတွေ ဘုန်းကြီးက ပြောလိုက် တယ်။ ဖြစ်ပျက်မြင်တဲ့ ဉာဏ်တဲ့၊ ပေါ်နေသေးလို့ ရှိရင် ဒါ လောကုတ္တရာမဂ် မဟုတ်သေးဘူးလို့သာ ဆုံးဖြတ်ချက်ချထား။ ဖြစ်ပျက် မြင်တုံး ဒါတွေ ပေါ်နေမှာကိုး၊ ဝမ်းထဲမှာ (မှန်ပါ)၊ ပေါ်နေလို့ရှိရင် ဒါကို ဘယ်နှယ် ဆုံးဖြတ် ချက်ချမလဲ (မဂ်တုကိုပဲ ရှိပါသေးတယ် ဘုရား)၊ ကိုယ်ရှုတဲ့ ဖြစ်ပျက်ကို လွှတ်မပစ်နဲ့၊ ရပ်မပစ်လိုက်နဲ့ ဆက်သာရှု၊ သဘောပါပြီလား (ပါပါပြီ)။

So, I tell you Yogis: If the Mind that sees Arising and Passing Away is still present, decide firmly that this is not yet the Supramundane (Lokuttara) Path. Why? Because seeing Arising and Passing means these phenomena are still appearing within you. (True, Sir). If they are still appearing, what should your decision be? (It is still only the Counterfeit Path, Sir). Do not let go of the Arising and Passing you are observing. Do not stop. Just keep observing. Do you grasp the meaning? (Yes, Sir).

ဒါက ဘယ်သူက ဖျက်တာတုံးလို့ မေးတဲ့အခါကျတော့ အဓိဂမပဋိရူပကတဲ့၊ မဂ်တုက မဂ်စစ်ကို ဖျက်တာပဲ။ ရွှေကို ရွှေတုဖျက်သလို စိန်စစ်ကို ဓာတုဗေဒစိန်က ဖျက်သလိုပေါ့ ၊ မိုးကုတ် ကျောက်ကို ပြင်သစ် ကျောက်က ဖျက်သလိုပေါ့ (မှန်ပါ)၊ သဘောပါပြီလား (ပါပါပြီ)။

If asked, "Who is destroying it?" It is Adhigama-patirūpaka. The fake Magga destroys the real Magga. Just as fake gold destroys the market for real gold, or synthetic diamonds destroy real diamonds, or synthetic rubies destroy natural Mogok rubies. (True, Sir). Do you understand? (Yes, Sir).

ကဲ- ဒီငါးခုကို အသာထားပါတော့။ ဒီငါးခုပဲ ဒီနေ့ဟော မယ်။ အဓိပ္ပါယ်တွေ ပြောစရာက ရှိနေတယ်။ နက်ဖြန်ကျမှ ကျန်ငါးခုကို ဆက်ပြောမယ်။ (မှန်ပါ)။

Well, let us leave these five here. I will preach only these five today. There are meanings to explain. I will continue with the remaining five tomorrow. (Yes, Sir).

ရွှေစစ်ကို ရွှေတုက ဖျက်တယ်

Fake Gold Destroys Real Gold

ဒီငါးခု ဟောရမယ့် တရားစစ်ကို မရအောင် ဖျက်တယ်။ ရွှေစစ်ကို ရွှေတုက ဖျက်ပါတယ်။ စိန်စစ်ကို (စိန်တုက ဖျက်ပါတယ်)၊ ပတ္တမြား အစစ်ကို (ပြင်သစ်ကျောက်က ဖျက်ပါတယ်)။

These five destroy the chance to attain the genuine Dhamma. Fake gold destroys real gold. Real diamonds are destroyed by (synthetic diamonds). Real rubies are destroyed by (synthetic stones).

အဲဒီလိုရှိတော့ ဘုရားက လောကီဥပမာ ပြပါမယ်တဲ့။ ရှေးက နက္ခတ်ပွဲတွေ ရှိပါတယ်။ နက္ခတ်ပွဲ တွေကျတော့ တစ်အိမ် မှာ လူပျိုသုံး၊ အပျိုသုံးရယ်လို့ ထားကြရတယ်။ နက္ခတ်ပွဲ ပျော်ရွှင် ချင်တဲ့လူဟာ ဒီလိုထားကြရတယ်။ နက္ခတ်ပွဲထွက်ပြီး ကစား ကြရတယ်။ (မှန်ပါ)။

Regarding this, the Buddha gave a worldly analogy. In the old days, there were festivals. For these festivals, households would appoint young men and women to attend. Those who wanted to enjoy the festival would prepare like this. They would go out to celebrate. (True, Sir).

အဲဒီတော့ ဈေးလဲသွားကြရတယ်၊ နက္ခတ်ပွဲ ဝတ်ဖို့ ဆင်ဖို့ ပန်းထိမ်သည်၊ ရွှေကုန်သည်၊ ငွေကုန်သည်တွေထံ သွားကြရ တယ်။ နက္ခတ်ပွဲ ဝတ်ဖို့ဆင်ဖို့ (မှန်ပါ)၊ ဒီတော့ ရွှေသည်၊ ငွေသည်၊ ပန်းထိမ်သည်တွေက ရွှေစစ် ငွေစစ်ကို မဝယ်ကြနဲ့၊ ဒီဟာအဖိုးလဲ နည်းတယ်။ အရောင်အဆင်းလဲ အစစ်ထက်တောင်မှ သူက ကောင်းသေးတယ်။

ဒါဟာ နက္ခတ်သဘင် ပျော်ဖို့မြူးဖို့ဟာ တော်တော် သုံးဖို့ ကောင်းတဲ့ပစ္စည်းတဲ့၊ အကယ်၍ ပျောက်ရှသွားလဲ အဖိုး က မတန်လှဘူးဆိုတော့ အဖိုးနည်းဝန်ပါ၊ ကြိုက်တဲ့လူက ဝယ်သွား တာပေါ့လေ။ (မှန်ပါ)၊ နက္ခတ်ပွဲကျတော့လဲ အဖိုး များများ တန်တာ ဝတ်တဲ့သူနဲ့ အဖိုး နည်းနည်း တန်တာ ဝတ်တဲ့ သူနဲ့လဲ တယ်ပြီးမထူးလှဘူး။ ဒီတော့ ကိုင်း- ရွှေစစ်တွေ မြေမြှုပ်ပြီး သိမ်းဆည်း ထားကြဖို့ ဆိုတာ ဖြစ်လာတယ် (မှန်ပါ)၊ သဘောပါပြီလား (ပါပါပြီဘုရား)။

They had to go to the market—to the goldsmiths and silversmiths—to get jewelry to wear for the festival. (True, Sir). The goldsmiths would say, "Do not buy real gold or real silver. This imitation is cheap, and its color and shine are even better than the real thing. This is perfect for enjoying the festival. If it gets lost, it’s not a great loss." Since the price was low and it looked good, people bought it. (True, Sir). At the festival, there wasn't much difference between those wearing expensive jewelry and those wearing cheap imitations. So, eventually, it came to be that real gold was buried in the ground and hidden away. (True, Sir). Do you grasp the meaning? (Yes, Sir).

ရွှေစစ်တွေ ရှိငြားသော်လည်း ဂုဏ်မှ မတက်တော့ဘဲ၊ ဂုဏ်မတက်တော့ ဘာလုပ်ကြသတုံး (မြေမြှုပ်ပြီး သိမ်းထား ရပါတယ်)၊ ဒီမှာလဲ အတုတွေ ဝင်လာတော့ အတုတွေကို အစစ်ထင်ရင် အတုက အစစ်တွေ ပျောက်ကွယ်အောင် လုပ်ပစ် တယ် (မှန်ပါ)၊ ဒါကြောင့် အဓိဂမ ပဋိရူပကလို့ ဆိုရတယ်။ (မှန်ပါ)၊ ရိပ်မိပြီလား (ရိပ်မိပါပြီဘုရား)၊ ရရှိမယ့် တရားစစ်ကို တရားအတုက လာဖျက် တယ် (မှန်ပါ)၊ ရှင်းပြီလား (ရှင်းပါပြီ ဘုရား)။

Even though real gold existed, it had no value in the market. Since it had no value, what did they do? (They buried and hid it). Similarly, when counterfeits enter, if you mistake the fake for the real, the fake causes the real to disappear. (True, Sir). That is why it is called Adhigama-patirūpaka. (True, Sir). Do you see it? (Yes, Sir). The Counterfeit Dhamma comes to destroy the True Dhamma you were about to attain. (True, Sir). Is that clear? (Yes, Sir).

နိဗ္ဗာန်ရောက်ကြောင်း လောကုတ္တရာ မဂ်ပေါ်မှာကို ဝိပဿနာမဂ်က မဂ်စစ်လုပ်ပြီး ဖျက်ချ လိုက်တယ်။ ဝိပဿနာ မဂ်ကြောင့်ဖြစ်တဲ့ ခုနင်က သဘောငါးမျိုးတွေ ဖျက်ချလိုက်တယ်။ ရှင်းကြပြီလား (ရှင်းပါပြီဘုရား)။

The Vipassana Magga (Insight Path) acts as if it were the Real Path and destroys the Lokuttara Magga (Supramundane Path) that leads to Nibbana. The five states I just mentioned, which result from Vipassana, destroy the realization. Is that clear? (Yes, Sir).

မဟုတ်သေးပဲနဲ့ သောတာပန်လို့ပြောတယ်

Claiming Sotapanna While Being Nothing

ဦးတင်- ဒီဥစ္စာကို သိမ်းထားလို့ရှိရင် ထင်လုံးလာမှာပဲ (မှန်ပါ)၊ ထင်လုံးလာမှာပဲ ဆိုတာက ခင်ဗျားတို့ သေသေချာချာ မှတ်ပါ။ ဒီဥစ္စာကို ဘုန်းကြီး ဟောရခြင်း အကြောင်းကလဲ ဒီပါဠိတော်ကလဲ ကဿပသံယုတ်မှာ ရှိနေတယ်။ အခုအခါမှာလဲ ဦးတင်တို့ ဘာမှမဟုတ်သေးတဲ့လူက သောတာပန် တည်တယ် ပြောချင် ပြောနေကြတာ။ ခက်လိုက်တဲ့ဖြစ်ခြင်းမှ ..။ မများ ဘူးလား (များပါတယ်)၊

U Tin, if you harbor these misconceptions, delusion will set in. (True, Sir). When I say delusion will set in, mark this carefully. The reason I am preaching this is that it is found in the Kassapa Samyutta of the Pali Canon. Nowadays, people like U Tin, who are not yet anything, want to go around saying they have become Sotapannas. It is a difficult situation. Are there not many like this? (There are many, Sir).

ကျုပ် တစ်ခါမှ မချုပ်လိုက်ရဘူး၊ တစ်ခါမှ မငိုက်လိုက်ဘူးဆိုတဲ့ အသွားတွေ ရှိသေးတယ်၊ အဲဒါတွေ နက်ဖြန်ကျတော့ လာလိမ့်မယ်၊ ဒီဥစ္စာတွေ ဒီနေ့တော့ ဒီငါးခုတင် ဟောမယ်။ ရှေ့ဆက်ပြီး ဟောရမှာတွေက ရှိသေး တယ် (မှန်ပါ)၊ အဲဒါဟာ အဓိဂမပဋိရူပက သဘောတွေ လောက်တွေနဲ့ပဲ သူတို့ အချိန်ကုန်ပြီး သကာလ နောက်ကို ဘယ်ဆရာဆီမှလဲ မကပ်တော့ဘူး၊ ဘယ်အလုပ်မှလဲ မလုပ်တော့ဘူး။ ကျုပ်တော့ ကိစ္စပြီး နေပြီဗျာ၊ ကျွမ်းထိုး နေနေ အရေး မကြီးတော့ဘူး။ လွတ်ပါပြီ၊ ဘာညာနဲ့ ဒီလိုထင်နေတဲ့ ပုဂ္ဂိုလ်တွေ ကလဲ တစ်ပုံကြီးရှိကြတယ် (မှန်ပါ)၊ ရှင်းကြပြီလား (ရှင်းပါပြီ)။

There are those who say, "My mind never wanders; I never nod." We will discuss those tomorrow. Today, I will preach only these five. There is more to come. (True, Sir). Because of these Adhigama-patirūpaka states, they waste their time. They no longer approach any teacher. They do not practice any further. "I am done. Whether I do headstands or sit still, it doesn't matter. I am free." There is a heap of people who think like this. (True, Sir). Is that clear? (Yes, Sir).

မဂ်စစ် မဟုတ်သေးဘူး

It Is Not the Real Path

အဲဒီတော့ အဲဒါမျိုးတွေက အတု ပေါ်တာလောက်ကို အစစ် ထင်နေတတ်ကြတာ (မှန်ပါ)၊ ဒီလို ပါဠိတော်ကြီးတွေ ထင်ရှားရှိမှန်း မသိကြ၊ မတွေ့ကြ၊ မနာကြဘူးတော့ သူတို့ အတွက်မှာ အလကား ဘဝင်မြင့်ပြီး ကျန်နေရစ်တတ်တယ်။ နစ်နာနေတတ်ကြတယ် (မှန်ပါ)၊ မကျန်ရစ်ပေဘူးလား (ကျန်ရစ် ပါတယ်ဘုရား)၊ အဲဒီလို ကျန်တဲ့လူတွေ အခုခေတ်မှာ မရှိဘူးလားလို့မေးရင် မန္တ ရော၊ ရန်ကုန်ရော ပုံလို့ (မှန်ပါ)၊ အစစ်လားလို့ မေးပြန်တော့လဲ မဟုတ်ဘူး၊ အတုက ဖျက်ထားတာ (မှန်ပါ)။

They mistake the appearance of a counterfeit for the real thing. (True, Sir). Because they do not know these great Pali texts exist, because they haven't encountered or heard them, they remain behind, arrogant for no reason. They are suffering a loss. (True, Sir). Are they not left behind? (They are, Sir). If you ask, "Are there such people in this era?"—in Mandalay, in Yangon, there are piles of them. (True, Sir). If you ask, "Is it real?"—No, it is not. The counterfeit has destroyed it. (True, Sir).

ပြန်ပြီး နိဂုံးချုပ်ပြပါမယ်။ အဲဒါကြောင့် သိက္ခာပုဒ်တွေ များလာတဲ့ အချိန်ကျမှ ရဟန္တာ အဖြစ်နည်း တာဟာ အဲဒါကြောင့်ပဲလို့ ဘုရားရှင်က ရှင်မဟာကဿပကို ဟောတော် မူခဲ့တယ်။ (မှန်ပါ)၊ ပေါ်ပြီလား (ပေါ်ပါပြီဘုရား)။

Let me summarize. The Buddha told Venerable Mahakassapa: "It is because of this that in the era when disciplinary rules (Sikkhāpada) are numerous, the number of Arahants is few." (True, Sir). Do you see now? (Yes, Sir).

မဂ်တု ဖိုလ်တုက လာဖျက်တာ ဒကာ၊ဒကာမတို့ ဒီဥစ္စာတွေဟာ ဘုန်းကြီးတို့လို ပရိသတ် များစွာတွေနဲ့ ဆက်ဆံရတဲ့ ပုဂ္ဂိုလ်မျိုးတွေ ကျတော့ ဒီလိုဟာတွေနဲ့ လာကြုံရတာ တစ်ပုံကြီးပဲ (မှန်ပါ)၊ ဟုတ်လဲဟုတ်သေးတာ မဟုတ်သေးဘူး သူ့ဟာက (မှန်ပါ)၊ သူမြင်တာကိုက သင်္ခါရဖြစ်ပျက်ကို အာရုံပြုတုန်း ရှိသေးတယ်။ ရတာက သူကတော့ မဂ်အစစ် ထင်နေတယ် (မှန်ပါ)၊ မဂ်အစစ်ဆိုရင် အသင်္ခတကို အာရုံပြုရမှာ၊ အသင်္ခတဆိုတာက နိဗ္ဗာန်။

Counterfeit Path and Fruition come to destroy you. Yogis, for people like us who deal with large audiences, we encounter many such cases. (True, Sir). And it is not even true attainment. He is still focusing on the Arising and Passing of Formations (Sankhara). Yet, he thinks he has the Real Path. (True, Sir). If it were the Real Path, the object of focus must be the Unconditioned (Asankhata). The Unconditioned means Nibbana.

ဖြစ်ပျက်မရှိမှ နိဗ္ဗာန်

Nibbana is the Absence of Arising and Passing

နိဗ္ဗာန်ဆိုတာက ဖြစ်ပျက် မရှိတော့ဘူး (မှန်ပါ)၊ အဲဒီ အသင်္ခတ အာရုံအစစ် ပြုလို့ရှိရင်တော့ ဘုန်းကြီးတို့က ဒါဟာ ဟုတ်လောက်ပြီ ပြောပေးရမှာပေါ့ ၊ မင်းဟာဟုတ်ပြီဟေ့ စသည်နဲ့ (မှန်ပါ)၊ အခုတော့ သူဟာက ဖြစ်ရတာက ဖြစ်ပျက်ရှိ သင်္ခတ ရှိသေးတယ်။ ရတာက မဂ်စစ် ပြောနေတော့ ခုတ်ရာ တစ်ခြား ရှရာ တစ်ခြား မနေဘူးလား (နေပါတယ်ဘုရား)။

Nibbana means there is no more Arising and Passing Away. (True, Sir). If one takes the Unconditioned as the object, then we monks can say, "This is likely it. You are right." (True, Sir). But now, what is happening is that the Conditioned (Sankhata)—Arising and Passing—is still present, yet he claims it is the Real Path. Is this not "chopping in one place while the scar is in another"? (It is, Sir).

အဲဒီလိုဟာတွေဟာ အင်မတန်မှ များပါတယ် ဆိုတဲ့ ဥစ္စာကိုလဲ ပါဠိတော်ကြီးက နဂိုက ရှိပြီးသား ဖြစ်နေတယ်။ ဘုရားလက်ထက်ကတည်းက (မှန်ပါ့) သဘောကျပြီလား (ကျပါပြီ)။

The Pali Canon has explicitly stated from the beginning that such cases are very numerous. It has been there since the time of the Buddha. (True, Sir). Do you grasp it? (Yes, Sir).

မန္တလေးမှ ရန်ကုန်သွားတဲ့ ခရီးသည်

The Traveler from Mandalay to Yangon

ဒီနေ့ ဘယ်နှချက်ဟောသတုံး (ငါးချက်ဟောပါတယ်)၊ အဲဒီဥစ္စာ ရွှေစစ်ကို ရွှေတုက ဖျက်တဲ့ ဥစ္စာ သေသေ ချာချာ မှတ်ကြပါ (မှန်ပါ)၊ ဒါကို ရှင်းအောင်ပြောကြပါအုံးစို့ ။ ဒီကနေပြီးသကာလ မောင်သစ်ကို ဖြစ်စေ၊ ဦးတင်ကိုဖြစ်စေ မန္တ လေးက ရထားစီးတယ်။ ဥပမာ-ရမည်းသင်း၊ သာစည် တွေ့ပြီ၊ တွေ့တဲ့အခါ ဒါရန်ကုန်လမ်းတော့ မှန်ပြီ။ မမှန်သေးဘူးလား (မှန်ပါပြီ)၊ တောင်ဘက်ဆီသို့ ရထားခုတ်တော့မှာပဲ ဆိုတာ မသေချာဘူးလား (သေချာပါတယ်)၊ ရမည်းသင်း၊ သာစည်မှ မတွေ့သေးလို့ ရှိရင်ဖြင့် ရထားစီးတဲ့လူက သံသယ ရှိလိမ့်မယ်။ ရန်ကုန်လမ်းမှ ဟုတ်ရဲ့လားလို့ (မှန်ပါ)။

How many points did I preach today? (Five points, Sir). carefully note how fake gold destroys real gold. (True, Sir). Let us make this even clearer. Suppose Maung Thit or U Tin takes a train from Mandalay. You encounter towns like Yamethin and Thazi. When you see them, you know, "This is indeed the road to Yangon." Is it not correct? (It is, Sir). It is certain the train is heading south. (It is, Sir). If you do not see Yamethin or Thazi, the traveler will have doubts: "Is this really the way to Yangon?" (True, Sir).

ဒီမြို့တွေတွေ့ရင် ရန်ကုန်လမ်း မှန်ပြီ

If You See These Towns, You Are on the Right Road

ထိုအတူပဲ ဒီပြောခဲ့တဲ့အချက်တွေ မတွေ့လို့ ရှိရင်လဲ နိဗ္ဗာန်လမ်း မဟုတ်သေးဘူး (မှန်ပါ)၊ သူ့တွင် ရပ်နေလဲ မရောက်သေးဘူး (မှန်ပါ) ရမည်းသင်း၊ သာစည် မတွေ့သေး လို့ရှိရင်လဲ နိဗ္ဗာန်လမ်း မမှန်သေးဘူး (မှန်ပါ)၊ တွေ့တော့ တွေ့ရမယ် တစ်ခုခု (မှန်ပါ)၊ တွေ့ပြီး ကျော်သွားရမယ်။ အဲဒီ မှာတင် ရပ်မနေဘူး (မှန်ပါ)၊ ရှင်းပြီလား (ရှင်းပါပြီဘုရား)။

Similarly, if you do not encounter the experiences I mentioned, you are not yet on the path to Nibbana. (True, Sir). But simply stopping at them does not mean you have arrived. (True, Sir). If you haven't seen Yamethin and Thazi, you aren't on the right track yet. (True, Sir). You must encounter something. (True, Sir). But you must encounter them and pass beyond them. You must not stop there. (True, Sir). Is that clear? (Yes, Sir).

ဒါတွေတွေ့ရင် ဘာလုပ်ရမှာတုံး

What To Do When You Encounter Them?

တွေ့လို့ရှိရင် ဘာလုပ်ရမှာတုံး (ကျော်သွားရပါမယ်)၊ အဲကျော် သွားရမယ်၊ သူဟာ ဝိပဿနာမဂ်ပဲ ရှိသေးတယ်။ ငါလုပ်နေတဲ့ ဝိပဿနာ၏ အညစ်အကြေး တွေပါကလား၊ သူက မဂ်အစစ်ကို တို့အထင်က မှားယွင်းအောင် လာဖျက်နေတာ ဆိုပြီး နောက်မဆုတ်ပါနဲ့။ ကိုယ့် ဖြစ်ပျက်ကို ကိုယ်ဆက်လက်ပြီး ရှုသွားပါ။ သမာဓိ အားကောင်းကောင်းနဲ့ ရှုနေပါ။ ဉာဏ်တက် သွားမှာပဲ။ ဖြစ်ပျက်မြင်၊ ဖြစ်ပျက်မုန်း၊ ဖြစ်ပျက်ဆုံးတာတွေ လာမှာပဲ(မှန်ပါ)၊ ကိုယ်က ဒီနေရာမှာ ကိစ္စပြီးပြီ ထင်လိုက်လို့ ရှိရင်တော့ လွဲသွားမယ် (မှန်ပါ)၊ မလွဲပေဘူးလား (လွဲပါတယ် ဘုရား)။

When you encounter them, what must you do? (We must pass beyond them, Sir). Yes, pass beyond them. Realize, "This is only Vipassana Magga. These are the impurities of my Vipassana. It is trying to deceive me into thinking this is the Real Path." Do not retreat. Continue observing your Arising and Passing Away. Observe with strong concentration (Samadhi). Knowledge will rise. You will see Arising and Passing, then Disgust (Nibbida) towards it, and then the Cessation of it. (True, Sir). If you think, "I am done" at this stage, you will go wrong. (True, Sir). Will you not? (We will, Sir).

မဂ်တုမတွေ့ရင် ခရီးမပေါက်သေးဘူး

If You Don't Meet the Counterfeit, You Haven't Traveled Far

အဲဒီတော့ မတွေ့ရင်လဲ တွေ့လိမ့်မယ်မဟုတ်။ တွေ့လို့ မရှာတတ်လို့ရှိရင်လဲ သွားပြီ။ ဒီနှစ်ချက် မှတ်ရမယ်။ (မှန်ပါ)၊ ဒီမဂ်တုကို မတွေ့လို့ရှိရင်လဲ အတွေ့ မဟုတ်သေးဘူး။ လမ်းစဉ် ခရီး မရောက်သေးဘူး ဆယ်ချက်ပေါ့ လေ။ ဒီနေ့ပြောခဲ့တာ ငါးချက်။ တစ်ခုခုတော့ တွေ့ရမယ် (မှန်ပါ)၊ ဒါကိုတွေ့မှ ဟိုဘက် အမှန် ဆိုတာက ရောက်မယ်။ ဥပမာ- ရန်ကုန်ကို သွားတော့ ရမည်းသင်း၊ သာစည် လမ်းတွေ့မှ ရန်ကုန်လမ်းဟာ အမှန်တိုင်း (မှန်ပါ)၊ ဒီတော့ မတွေ့ရင်လဲ မဟုတ်သေးဘူးတဲ့ (မှန်ပါ) တွေ့လို့ ရပ်နေရင်လဲ မဟုတ်သေးဘူး (မှန်ပါ)။

So, if you don't meet them, you won't meet the Real either. But if you meet them and don't know how to look past them, you are finished. You must remember these two points. (True, Sir). If you haven't met this counterfeit Magga, your practice hasn't reached the level of "encountering." You haven't reached the path yet. There are ten points; today I spoke of five. You must encounter one of them. (True, Sir). Only when you encounter this can you reach the Truth on the other side. For example, going to Yangon, only when you see Yamethin and Thazi is the road to Yangon correct. (True, Sir). So, if you don't see them, it's not right. (True, Sir). If you see them and stop there, it's also not right. (True, Sir).

တွေ့လို့ ရပ်နေရင်လဲ ဆုံးရှုံးမယ်

Stopping Means Losing

ဒါကြောင့် မတွေ့လို့ရှိရင်လဲ ကိုယ့်အလုပ်ဟာ ခရီးမပေါက် သေးဘူး၊ တွေ့တာကို ရပ်စဲ နေပြန်လို့ မရှာတတ်ပြန်လို့ရှိရင်လဲ ဆုံးရှုံးခြင်းတစ်မျိုးနဲ့ တွေ့ရတယ် (မှန်ပါ)၊ မကြုံဘူးလား (ကြုံပါတယ် ဘုရား)၊ အင်မတန် ကြောက်စရာ မကောင်းကြဘူးလား (ကောင်းပါတယ် ဘုရား)။

Therefore, if you don't encounter them, your work hasn't progressed. If you encounter them but stop because you don't know how to proceed, you face a different kind of loss. (True, Sir). Is that not the case? (It is, Sir). Isn't it very frightening? (It is, Sir).

ဒါကြောင့် ဆရာကောင်း သမားကောင်း၊ ကျမ်းဂန် ဗဟု သုတရှိပြီး ကျမ်းဂန်နဲ့ မလွဲအောင် အလုပ်စဉ်ကို အမှန်အကန် ပြတတ်တဲ့ ဆရာသမားများနဲ့ မတွေ့သရွေ့ ကာလပတ်လုံးဟာ မောင်သစ် မသေချာလှဘူး (မှန်ပါ)၊ သေချာပါ့မလား (မသေချာ ပါဘူး)။

Therefore, Maung Thit, as long as you do not meet good teachers—learned teachers who can show you the practical method correctly without deviating from the texts—it is not certain. (True, Sir). Can it be certain? (No, Sir).

တချို့ကကွာ ဥပမာ-တို့ဆီက စာအုပ်ကြည့် ကြည့်ပြီ သူဟာသူ ဆရာလုပ်နေလို့ မဟုတ် သေးဘူး။ ဒီလောက်နဲ့လဲ မဟုတ်သေးဘူးကွ၊ ဟာ-ဘုန်းကြီး ဟောထားတာ ဒီစာအုပ်ထဲမှာ ဒီအတိုင်းပဲ ကျုပ်တို့လဲ ပြောဆိုပြီး ဆုံးမနေတာပဲ ဆိုပေမယ့် မဟုတ်သေးဘူး။ စာအုပ်ထဲမှာ ဒါတွေက မပါသေးဘူး (မှန်ပါ)၊ ဒီလို စစ်ဆေးတဲ့ နည်းတွေ ပါပြီလား (မပါပါဘူး)၊ မပါ သေးတော့ကို စာအုပ် တစ်အုပ်တည်းနဲ့၊ ၃-၄ အုပ်နဲ့၊ ၄-၅ ခါဟောထားတဲ့ ဟာတွေ မကုန်နိုင်ဘူး။ ဘယ်လောက် ထုတ်တော့ မကုန်ဘူး (မှန်ပါ)။

Some say, "I can just read the book from your monastery and be my own teacher." That is not enough. "The Sayadaw preached exactly what is in this book; we are admonishing ourselves." That is not enough. These specific details are not in the book. (True, Sir). Are these methods of checking included? (No, Sir). Since they are not included, you cannot exhaust this subject with one book, or three or four. Even if I preach four or five times, it won't be exhausted. (True, Sir).

တွေ့လို့ ကျော်သွားနိုင်ရင် ဒီဘဝပြီးနိုင်တယ်

If You Can Pass Them, You Can Finish in This Life

ကဲ-အခုပြောတာတွေ၊ နောက်ပြောတာတွေက မတွေ့ ရင်လဲ အခုဆယ်ချက် ငါးချက်ကို မတွေ့ရင်လဲ မဟုတ်ဘူး။ ကြည့်ရင်လဲ တွေ့ရမယ်နော် တစ်ခုခုကို။ (မှန်ပါ)၊ တွေ့ လို့ ကျော်သွား နိုင်လို့ ရှိရင်လဲ ဒီဘဝမှာ ကိစ္စ ပေါက်နိုင်ပါလိမ့်မယ်။ (မှန်ပါ)၊ တွေ့တာကလေးကို ဒါဟာ မဂ်စစ် ဖိုလ်စစ်ပဲလို့ ထင်လိုက်ပြန်လို့ရှိရင်လဲ ဒီဘဝရနိုင်တဲ့ဟာ ဆုံးရှုံးတယ် (မှန်ပါ)၊ သဘောကျပြီလား (ကျပါပြီ)။

Now, regarding what I have said and what I will say: If you do not encounter these ten—or the five discussed today—it is not right. If you look, you must find one of them. (True, Sir). If you find it and can pass beyond it, you can complete the task in this life. (True, Sir). But if you think "This little experience is the Real Magga and Phala," you lose what you could have attained in this life. (True, Sir). Do you grasp it? (Yes, Sir).

မတွေ့ရင်လဲ မမှန်သေးဘူး

If You Don't See It, It's Not Correct Yet

မတွေ့ရင်လဲ (ကိုယ်လုပ်နေတဲ့လမ်း မမှန်သေးပါဘူး) တွေ့အောင်လုပ်မယ်၊ တွေ့ပြီးတဲ့ နေရာ ရပ်နေလို့ ရှိရင်လဲ ဆုံးရှုံးမှု ကြုံရမယ် (မှန်ပါ)၊ တွေ့တာကို ကျော်လွှားသွား မှလည်း ကိစ္စပြီးစီးမယ် (မှန်ပါ)၊ ပေါ်ကြပြီလား (ပေါ်ပါပြီ)။

If you don't see it (the path we are working on is not correct yet). We must work to see it. If we see it and stop there, we will face loss. (True, Sir). Only when we pass beyond what we see will the task be finished. (True, Sir). Do you see it clearly? (Yes, Sir).

တွေ့တာကို ကျော်သွားမှ ကိစ္စပြီးမယ်

You Must Pass Beyond What You See

ဒီစကား အသုံးအနှုန်းတွေ ဒီအဆင် အပြင်တွေဟာ မောင်သစ် အရေးကြီးတယ် (မှန်ပါ)၊ မကြီးဘူးလား (ကြီးပါ တယ်ဘုရား)၊ မောင်ချစ်စိန်- လုပ်နေတဲ့ ပုဂ္ဂိုလ် အတွက်မှာ အရေးကြီးတယ် (မှန်ပါ)။

Maung Thit, these words, usages, and structures are important. (True, Sir). Are they not? (They are, Sir). Maung Chit Sein, for the person who is practicing, this is critical. (True, Sir).

ဒါကြောင့် ဆရာမပါပဲနဲ့ ကိုယ်ငါးချဉ် ကိုယ်ချဉ်နေပြီး ကိုယ့်ဟာကိုယ် လုပ်နေတဲ့ ပုဂ္ဂိုလ်များ ကျတော့ ဒီလို အကျဉ်း အကြပ်နဲ့ တွေ့တဲ့အခါကျတော့ ခွကျတယ်။ မကျပေဘူးလား (ကျပါတယ်)။

Therefore, for those who practice alone without a teacher, "pickling their own fish" (deluding themselves), when they meet these bottlenecks, they get stuck. (True, Sir). Do they not? (They do, Sir).

ဘုရားကလဲ ဒါကြောင့် ဟောပစ်ခဲ့တာပဲ။ သိက္ခာပုဒ်တွေ များတဲ့အခါ ဆိုတာ အခုအခါ သိက္ခာပုဒ် များတဲ့အခါပဲ (မှန်ပါ)၊ ဘုရား ပရိနိဗ္ဗာန်စံပေမယ့် ဒီသိက္ခာပုဒ်တွေက စုံနေတာပဲ။ ရှင်းပြီလား၊ ကျုပ်တို့ စောင့်ရှောက်ရမယ့် အလုပ်တွေလေ (မှန်ပါ)၊ အဲဒီအချိန်မှာ ဘယ်နှယ်ကြောင့် ရဟန္တာအဖြစ် နည်းသတုံး ဆိုတော့ ဒီအတုတွေ ဖျက်နေလို့ (မှန်ပါ)၊ ပေါ်ပြီလား (ပေါ်ပါပြီဘုရား)၊ ဘာတွေ ဖျက်နေသတုံး (အတုတွေ ဖျက်နေ ပါတယ်)၊ အခုပြောခဲ့တဲ့ ငါးခုသည် နက်ဖြန်ပြောမယ့် ငါးခုသည် ဒီအတုတွေ အဓိဂမခေါ်တဲ့ မဂ်ဖိုလ်စစ်ကို ဖျက်နေတယ်ဆိုတဲ့ဥစ္စာ မှတ်ထားကြပါ (မှတ်ပါ)။

That is why the Buddha preached this. "When the precepts are numerous"—this is the time when precepts are numerous. (True, Sir). Although the Buddha has entered Parinibbana, the precepts are complete. Is that clear? These are the duties we must guard. (True, Sir). So, why are Arahants few in such a time? Because these counterfeits are destroying them. (True, Sir). Do you see? (Yes, Sir). What is destroying them? (Counterfeits are destroying them, Sir). Remember that the five I mentioned today and the five I will mention tomorrow are destroying the True Path and Fruition, which is called Adhigama. (We will remember, Sir).

ဖျက်တာက သူတို့က ဖျက်တာက သူတို့ လာရိုးလာစဉ် လာတာ။ သူတို့လာပုံလမ်း အမှန်ပါပဲ။ ကိုယ်က အထင်မှား တတ်တာ (မှန်ပါ)၊ အဲဒါကို ဖျက်တယ်လို့ ဝေါဟာရ သုံးနေတာပါ (မှန်ပါ)။

As for "destroying"—they are simply arising according to their nature. Their arising is the correct path. It is you who mistake them. (True, Sir). We use the term "destroy" to describe that error. (True, Sir).

ဆယ်ခုထဲက တစ်ခုပေါ်ရင် တိဟိတ်

If One of the Ten Appears, You Are Tihetuka

သူတို့က ဘာတုံး (လာရိုးလာစဉ် လာတာပါ)၊ သူတို့ ကတော့ ယောဂီပုဂ္ဂိုလ် အတွက် တိဟိတ် ဟုတ်တယ်၊ မဟုတ်တယ် လာပြတာ (မှန်ပါ)၊ ဒီငါးခု ဆယ်ခုထဲက တစ်ခုခု တက်လာရင် တိဟိတ်ပဲ။ ဟုတ်လား ဒီငါးခု ဆယ်ခုထဲက တစ်ခုခု ပေါ်တာ ကိုး (မှန်ပါ)၊ ဒွိဟိတ် ကျတော့ ဒါတွေ မပေါ်ပါဘူး (မှန်ပါ)၊ ဒွိဟိတ် ကတော့ ဒီထိအောင် မပေါ်နိုင်ပါဘူး၊ ဝိပဿနာ ကုသိုလ်ထူးကြီး ရရုံနဲ့ ဒီဘဝပါရမီ ဖြစ်ရုံပါပဲ။ ကုသိုလ်ကတော့ အင်မတန် ကြီးကျယ်တဲ့ ကုသိုလ် ရသွားတာပေါ့ (မှန်ပါ)၊ ရှင်းပြီလား (ရှင်းပါပြီ ဘုရား)။

What are they? (They are natural occurrences, Sir). They appear to show the Yogi whether they are Tihetuka (born with three roots of wisdom) or not. (True, Sir). If one of these ten arises, you are Tihetuka. Why? Because one of these ten has appeared. (True, Sir). For a Dvihetuka person (born with two roots), these do not appear. (True, Sir). A Dvihetuka cannot reach this stage where these appear; they merely gain great special Vipassana merit and build Paramis for this life. The merit they gain is indeed immense. (True, Sir). Is that clear? (Yes, Sir).

ဒါတွေကို သိထားတော့မှ မောင်သစ် ခလုတ်တွေကို ကျော်သွားနိုင်တယ် (မှန်ပါ)၊ ခလုတ်တွေကတော့ ရှေ့ကထား မှာပဲ။ ထားပေမယ့် မင်းဟာ လမ်းဆုံး မဟုတ်သေးဘူး မင်းကို ကျော်ရလိမ့်အုံးမယ်၊ မဟုတ်ဘူးလား (မှန်ပါ)၊ အဲဒီတော့ အမျိုးမျိုး အဖုံဖုံ သိလာဖို့အရေးဟာ မလုပ်ခင် ရှေ့ပြေးပဲ (မှန်ပါ)၊ မဆိုထိုက်ဘူးလား (ဆိုထိုက်ပါတယ်)၊ သိထားနှင့်ဖို့ အရေးဟာ မလုပ်ခင်ရှေ့ပြေးပေါ့ ဗျာ (မှန်ပါ)။

Only when you know these things, Maung Thit, can you step over the stumbling blocks. (True, Sir). The stumbling blocks will be placed in front of you. Although they are there, you must realize, "This is not the end of the road; I must step over this." Is that not so? (True, Sir). Thus, knowing about these various phenomena beforehand is the forerunner to the practice. (True, Sir). Is it not worth saying? (It is worth saying, Sir). Knowing beforehand is the forerunner to the work. (True, Sir).

သိမှုရှိပြီးမှ ပွားမှုလုပ်ပါ

Know First, Then Develop

ဒါကြောင့် ဘုရားက ဉာတပရိညာပြီးမှ တိရဏပရိညာကို ဟောတာ (မှန်ပါ)၊ ဘာဖြစ်လို့တုံး။ သိမှုရှိပြီးတော့မှ ပွားမှုကိုလုပ်။ ပွားမှုလုပ်မှ နောက်က ပယ်မှုလိုက်မယ် ဆိုတာ ဘာမှမကျန်အောင် ဟောထားတာ (မှန်ပါ)၊ ကျန်သေးသလား (မကျန်ပါဘူး)။

That is why the Buddha preached Ñāta-pariññā (Full Understanding of the Known) before Tīraṇa-pariññā (Full Understanding of Investigation). (True, Sir). Why? Have the knowledge first, then do the development. He preached that only after doing the development will Pahāna (Abandoning) follow, leaving nothing behind. (True, Sir). Is anything left out? (No, Sir).

အဲဒီတော့ သိမှုကိုရှေ့ထား၊ ပွားမှုအလယ်၊ ပယ်မှုအဆုံး၊ ဒီလိုသွားကြရမှာဆိုတော့ ဒါစာစဉ်အတိုင်းပါပဲ (မှန်ပါ)၊ ပရိညာ သုံးပါး အစဉ်အတိုင်းပါပဲဆိုတာ မောင်သစ် ကျေနပ်ပြီလား (ကျေနပ်ပါပြီ)။

So, Knowledge first, Development in the middle, Abandoning at the end. We must proceed this way; this is exactly according to the texts. (True, Sir). Maung Thit, are you satisfied that this follows the order of the Three Pariññās? (Satisfied, Sir).

ကဲ-နေရာကျကြပြီလား (ကျပါပြီဘုရား)၊ ရန်ကုန်သွားတဲ့ လူဟာ ရမည်းသင်း၊ သာစည် မတွေ့ရင် ရန်ကုန်လမ်း မှန်ပါ မလား (မမှန်ပါဘူးဘုရား)။

Well, is everything in order? (Yes, Sir). If a traveler to Yangon does not see Yamethin or Thazi, is the road to Yangon correct? (Not correct, Sir).

ရမည်းသင်း၊ သာစည်ကို တွေ့ပြန်တော့ သူတို့ကိုပဲ ရန်ကုန် ထင်နေရင်တော့လဲ မှားပြန်ပြီ (မှန်ပါ)၊ ရန်ကုန်ရယ်လို့ ဆင်းနေလိုက် ရင်တော့ ရမည်းသင်း၊ သာစည်မှာ သောင်တင် နေမှာပေါ့ (မှန်ပါ)၊ ရန်ကုန် ရောက်ပါ့အုံးမလား (မရောက်ပါဘူး)၊ မဆင်းပဲနဲ့ ကျော်ခုတ် သွားရင်တော့ (ရောက်မှာပါ ဘုရား)၊ ရောက် မှာပဲ ဆိုတဲ့ အဓိပ္ပါယ်ကို ယနေ့ ရှင်းရှင်လင်းလင်းပဲ မောင်သစ် ပြောနေရတယ် (မှန်ပါ)၊ ရှင်းပြီလား (ရှင်းပါပြီဘုရား)။

But if he sees Yamethin and Thazi and thinks they are Yangon, he is wrong again. (True, Sir). If he gets off the train thinking "This is Yangon," he remains stranded in Yamethin or Thazi. (True, Sir). Will he ever reach Yangon? (No, Sir). But if he stays on board and cuts through past them? (He will reach, Sir). Maung Thit, I am speaking very clearly today to show that you will reach it. (True, Sir). Is that clear? (Yes, Sir).

အဲဒီတော့ ဒါသည် ဘာတရားတုံး မေးတဲ့အခါကျတော့ ရှိရင်ဖြင့် သိက္ခာပုဒ် များတဲ့အချိန်မှာ တကယ်ဆိုတော့ အရိယာ ဖြစ်တာ များပြားလာဖို့လုပ်တာ အရိယာဖြစ်မှုမများဘဲနဲ့ အတု တွေကို အစစ်ထင်ပြီးတော့ ရပ်စဲနေကြတဲ့အတွက်ကြောင့် အရိယာ အဖြစ်နည်းတယ်။ သဘောပေါက်ပြီလား (ပေါက်ပါပြီ)၊ နို့မဟုတ်ရင် အရိယာ ဘယ်တော့မှ မဆိတ်သုဉ်းဘူး၊ ဘုရားမရှိ လည်း ရှိရမယ်။ အရိယာတွေ (မှန်ပါ)၊ ရှင်းပြီလား (ရှင်းပါပြီ ဘုရား)။

So, if asked "What is this Dhamma?"—In a time when precepts are numerous, there should be many who become Noble Ones (Ariyas). But because people mistake the counterfeit for the real and stop there, the number of Noble Ones is few. Do you understand? (We understand, Sir). Otherwise, the Noble Ones would never be extinct. Even if the Buddha is not here, they must exist. The Noble Ones. (True, Sir). Is that clear? (Yes, Sir).

အနိစ္စဉာဏ်ဖြစ်ရင် နိဗ္ဗာန်ရောက်နိုင်တယ်

If Anicca-Insight Arises, You Can Reach Nibbana

အနိစ္စသာ ရှိနေရင် အနိစ္စဉာဏ် ရှိရမှာပဲ၊ သဘောပါကြ ပြီလား (ပါပါပြီ)၊ အနိစ္စဉာဏ် ဖြစ်ရင် နိဗ္ဗာန် ရောက်နိုင်တာပဲ (မှန်ပါ)၊ ဆက်ပြီး တက်သွားရင် မရောက်ပေဘူးလား (ရောက်ပါ တယ်)၊ သို့သော်လည်း အနိစ္စဉာဏ် အချိန်မှာ ခုနင်က ပြောခဲ့တဲ့ အတုဟာ မဂ်ဉာဏ် လုပ်ပြီး ဝင်လာတယ် (မှန်ပါ)၊ ဒါတွေဟာ မဂ်ဉာဏ် ထင်ပါရဲ့ ဆိုပြီး အရောင်အဆင်း အလင်းတို့ကို ဉာဏ်လက်မှုတို့ကို ထင်နေတတ်တယ် (မှန်ပါ)၊ အဲဒါတွေ မလာပေဘူးလား (လာပါတယ်)၊ ဒါတွေကို တကယ်တမ်း မဂ်စစ် ဖိုလ်စစ် လုပ်မယ်၊ မဂ်စစ် ဖိုလ်စစ်ပဲလို့ သူတို့ကို ထင်နေ ကြတဲ့ အဖြစ်ဟာ အတုကို ကျုပ်တို့က အစစ် ထင်ပစ်လိုက်တာနဲ့ ကျုပ်တို့မှာ ဆုံးရှုံးခြင်းဖြစ်ပါတယ်။ (မှန်ပါ)၊ မဖြစ်ဘူးလား (ဖြစ်ပါတယ်ဘုရား)။

*If there is Impermanence (Anicca), there must be the Insight Knowledge of Impermanence. Do you grasp this? (Yes, Sir). If this Insight arises, one can attain Nibbana. (True, Sir). If you continue to advance, will you not arrive? (We will, Sir). However, during this stage of Insight, the counterfeit experiences I mentioned earlier can intrude, masquerading as Path Knowledge (Magga-Ñana). (True, Sir). You might think, "This must be the Path," because you see lights, auras, or experience sharp flashes of intellect. (True, Sir). Don't these things appear? (They do, Sir). If we mistake these counterfeits for the true Path and Fruit (Magga-Phala*), mistaking the fake for the real, it results in a great loss for us. (True, Sir). Does it not? (It does, Sir).

ဒါဖြင့် ဒီဆုံးရှုံးမှုဟာလဲ မောင်ချစ်စိန် နစ်နာတဲ့ ဆုံးရှုံးမှုပဲ (မှန်ပါ)၊ ဒီနေရာမျိုး ကျတော့ ခုနင်ကပြောတဲ့ အာစရိယဝါဒ မရတဲ့ ပုဂ္ဂိုလ်များမှာ အာစရိယက- ဆရာ၊ ဝါဒက ဆုံးမညွှန်ကြား ထားတာ (မှန်ပါ)၊ အဲဒီ ဆရာသမား ဆိုဆုံးမတာကို မသိနှင့်တဲ့ ပုဂ္ဂိုလ် အတွက်မှာဖြင့် နစ်နာ နေတဲ့ အရာပဲ(မှန်ပါ)၊ မဆိုနိုင် ကြဘူးလား (ဆိုနိုင်ပါတယ် ဘုရား)၊ ဒါဟာ နစ်နာတဲ့ နေရာနော် (မှန်ပါ)။

This loss is a tragedy, Maung Chit Sein. (True, Sir). This happens when one lacks Acariyavada—the guidance and instruction of a teacher. If you do not know the teacher's admonitions, you are at a disadvantage. (True, Sir). Can't we say that? (We can, Sir). This is where the loss lies. (True, Sir).

သိက္ခာပုဒ်နည်းတုန်းက ရဟန္တာအဖြစ်များတယ်

Fewer Precepts, More Arahants

ကိုင်း-ဒါဖြင့် ဒီလို လုပ်ကြပါစို့။ ဘုရား သာသနာတော်မှာ သိက္ခာပုဒ်တွေ နည်းတုန်း ရဟန္တာ အဖြစ်များတယ်၊ သိက္ခာပုဒ် များလာတဲ့ အခါကျတော့ ရဟန္တာ အဖြစ် နည်းသွားတယ် ဆိုတာက သိက္ခာပုဒ် နည်းတုန်းကတော့ အများအားဖြင့် ပဋိသမ္ဘိဒါပတ္တတွေမို့ ဘုရားက ဒါလုပ်ဆိုရင် ဒါပဲ လုပ်တယ်၊ ဒီပြင်ဟာတွေ ဘာမှ မလုပ်တော့ဘူး (မှန်ပါ)၊

Now, let us proceed this way. In the early days of the Buddha’s Sasana, when the disciplinary rules (Vinaya precepts) were few, there were many Arahants. But as the precepts increased, the number of Arahants decreased.

ဒါလုပ်ကြ၊ ကျင့်ကြဆိုရင် ဒါပဲ ကျင့်ကြံ နေကြတော့ ကျူးလွန်မှုတွေ သိပ်ပြီး ပေါ်မလာ၊ အလုပ်ကလဲ ဝီရိယအားသွန်ပြီး လုပ်နေတော့ သူတို့အတွက် ဥပဒေသစ် ထုတ်စရာရှိသေးရဲ့လား (မလိုပါဘူး)၊ သူတို့က ကျူးလွန်မှု မရှိတော့ဘူး။ ဒါလုပ်ဆိုဒါပဲ လုပ်တာပဲ။ ဒီပြင်ဟာတွေ လွန်ကျူးတယ်လို့ ရှိသေးရဲ့လား (မရှိပါဘူး)၊ ဒါပဲရှိတော့ကို တစ်လမ်းတည်း ထွက်လာတဲ့အတွက် ဧကာယနောယံ ဘိက္ခဝေ၊ မဂ္ဂါ- တစ်ကြောင်းတည်း လိုက်တဲ့ အတွက် ရဟန္တာအဖြစ် များတယ် (မှန်ပါ)။

Why is this? When rules were few, the disciples were mostly those with analytical knowledge (Patisambhidapatta). If the Buddha said, "Do this," they did exactly that. They did nothing else. (True, Sir). When told to practice, they practiced with such relentless energy that transgressions did not arise. Because the work was done with such vigor, did they need new laws? (No, Sir). They had no transgressions. They did exactly what was told. Were there any violations? (None, Sir). Because there was only this one path, they followed the Single Path—Ekāyano ayaṃ bhikkhave maggo. Because they followed this one path, Arahants were numerous. (True, Sir).

နောက်ကျလာတဲ့ အခါကျတော့ နည်းနည်းလွန်ကျူးလိုက် သိက္ခာပုဒ်တွေ တိုးလာလိုက်။ နည်းနည်း လွန်ကျူးလိုက် သိက္ခာ ပုဒ်တွေ တိုးလာလိုက်နဲ့ ဆိုတော့ လွန်ကျူးလို့ တိုးလို့ ရကတည်း ကိုက ဟိုမှာ ကန့်ကွက်မှု တွေများပြီ (မှန်ပါ)၊ ပေါ်ကြပြီလား (ပေါ်ပါပြီဘုရား)။

Later on, as people began to transgress a little, a new precept was added. A little transgression, another rule. The very fact that rules had to be added shows that resistance and obstruction had begun. (True, Sir). Do you see? (Yes, Sir).

ဒါကြောင့် သိက္ခာပုဒ်များ လာတော့ လုံခြုံအောင် လုပ်နိုင်ရင် ကောင်းပါရဲ့၊ လုံခြုံအောင် လုပ်ရမှာပဲ ဝတ္တရားက (မှန်ပါ)၊ သို့သော် မလုံခြုံအောင် လုပ်ကြလို့ သိက္ခာပုဒ်တွေ ပေါ်လာတယ် (မှန်ပါ)။

Therefore, while it is good to keep precepts pure—indeed, it is a duty to make them secure—remember that these rules appeared because people failed to remain pure. (True, Sir).

ဘယ်လိုမှတ်ကြမလဲ (မလုံခြုံအောင်လုပ်လို့ သိက္ခာပုဒ်တွေ ပေါ်လာတယ်ဘုရား)၊ အဲဒီလို ပေါ်လာတော့ ဒါတွေဟာ ကုသိုလ်တွေလား၊ အကုသိုလ်တွေလား မေးရင် ဘယ့်နှယ် မလဲ (အကုသိုလ်တွေပါ ဘုရား)၊ သိက္ခာပုဒ် လွန်ကျူးလာရင်တော့ အကုသိုလ်ပဲ။ အကုသိုလ်တရား ပိတ်နေတာနဲ့ အချိန်ကုန်မယ် ကုသိုလ် အလုပ်ကို ဝီရိယ စိုက်လုပ်ရတာ ဒီဂရီ လျော့သွားမယ် (မှန်ပါဘုရား)၊ ပေါ်ပြီလား (ပေါ်ပါပြီဘုရား)။

How should we note this? (Rules appeared because of lack of purity, Sir). If you ask whether these transgressions are Merit or Demerit, what is the answer? (Demerit, Sir). If you violate precepts, it is demerit. You spend all your time trying to block these demerits, and consequently, the degree of energy you can put into the work of Insight (Kusala) decreases. (True, Sir). Is this clear? (Yes, Sir).

ဒါဖြင့် ပိတ်ပင်နေရတဲ့ အချိန်တွေက ရှိနေတော့ ပွားနေရတဲ့ အချိန်ကလဲ နည်းသွားလိမ့်မယ် (မှန်ပါ)၊ သဘောပါပြီလား (ပါပါပြီ)၊ ပိတ်နေရတဲ့ အချိန်သည် သီလဖြစ်နေတယ်။ လုံခြုံပြီးမှ လုပ်နေတဲ့ အချိန်သည် ပွားများနေတဲ့ အချိန် (မှန်ပါ)။

Since you have to spend time blocking moral breaches, the time left for cultivation (Bhavana) diminishes. (True, Sir). Do you grasp the meaning? (Yes, Sir). The time spent restraining is Sila. The time spent practicing after restraint is established is Bhavana.

အဲဒီတော့ ပိတ်ပင် နေရတာက များနေတယ်၊ လုံခြုံပြီးမှ ပွားရတဲ့အချိန်က နည်းပါးနေလို့ လျော့သွားလို့ သိက္ခာပုဒ်များတဲ့ အချိန်မှာ မဂ်ဖိုလ်အရ နည်းတယ်။ (မှန်ပါ)၊ ရှင်းကြပြီလား (ရှင်းပါပြီ)၊ ဒါဟာ မလွယ်ဘူးနော် (မှန်ပါဘုရား)။

Because the burden of restraint is heavy, the time for cultivation is light. That is why, in times of many precepts, the attainment of Path and Fruit is rare. (True, Sir). Is that clear? (Clear, Sir). This is not easy. (True, Sir).

အထူးအရေးကြီးတဲ့တရား

A Critical Decision

ကိုင်း-ဒါဖြင့် ဒကာ၊ဒကာမတွေမှာ ယနေ့ အထူးတလည် ဆုံးဖြတ်ချက် ချစေရမယ်။ ဘာ အကြီး အကျယ် ဆုံးဖြတ်ချက်ချ ပေးရမလဲ- ဒီဟာက မလာမဖြစ်တဲ့ တရား။ လာပြန်လို့ အထင်မှား ပြန်လဲ ကန့်ကွက်တဲ့တရား (မှန်ပါ)။

Now, I must help you Yogis make a special determination today. What is this major decision? It concerns a phenomenon that is bound to arise. When it arises, if you misunderstand it, it becomes an obstacle. (True, Sir).

မလာရင် (မဖြစ်နိုင်ဘူး)၊ တိဟိတ်ဆိုရင် လာနိုင်တယ်။ မဂ်ဉာဏ် ရမယ့် ပုဂ္ဂိုလ်ဆိုရင် ဒီဆယ်ချက်ဟာ တစ်ချက်လာရမှာပဲ (မှန်ပါ)။ သူက ဉာဏ်ထက် တာကြောင့် သတ္တိ တန်ခိုး ပြလိမ့်မယ်၊ သူ့ကိုလဲ ကျော်လွှားရမယ် ဆိုတော့ သူမပါလဲ မပြီး (မှန်ပါ)၊ ပါလာတော့ သူကိုလဲ လမ်းဆုံး ထင်လိုက်ပြန်ရင်လဲ လွဲသွားတာပဲ (မှန်ပါ)၊ မလွဲပေဘူးလား (လွဲပါတယ်)။

If it does not arise, the work is not complete. If you are a person of sharp wisdom (Tihetuka) destined for the Path, one of these ten imperfections is bound to appear. (True, Sir). Because of the sharpness of your wisdom, its power will manifest. You must overcome it. If it doesn't appear, the process isn't complete; but if it appears and you mistake it for the end of the road, you go astray. (True, Sir). Is that not so? (It is, Sir).

ရှုဉာဏ်နဲ့ အရှုခံတရား

The Observing Wisdom and the Object

အဲဒါကြောင့် ဒကာ၊ဒကာမတွေကို ဘုန်းကြီးတို့ ဆုံးဖြတ် ချက်ချပေးလိုက်မယ်။ ဒါက အာရုံနဲ့ ဆုံးဖြတ် ချက်ချမယ်။ ဟိုဟာက အရမ္မဏိကနဲ့ ဆုံးဖြတ်ချက်ချတယ် (မှန်ပါ)၊ ဟိုဟာက ရှုဉာဏ်နဲ့ ဆုံးဖြတ် ချက်ချတာ။ (မှန်ပါ)၊ ဘုန်းကြီး ပြောမှာက အရှုခံတရားနဲ့ ဆုံးဖြတ် ချက်ချပေးမယ်။ (မှန်ပါ)။

Therefore, I will give you a criterion for judgment. We will judge based on the Object. Others might judge based on the mind that experiences (Arammanika) or the observing wisdom. (True, Sir). I will help you judge based on the Object of Observation. (True, Sir).

ဘာနဲ့ ဆုံးဖြတ် ချက်ချပေးမလဲ (အရှုခံနဲ့ ဆုံးဖြတ်ချက်ချ ပေးပါမယ်)၊ ဩဘာသ-အရောင် အလင်း စသည် ပေါ်တာက ရှုဉာဏ်နဲ့ ဆုံးဖြတ်ချက် ချပေးမယ်၊ ဉာဏ်လာရင် ဒါတွေ ပေါ် တာကိုး-အာရမ္မဏိကနဲ့ ဆုံးဖြတ်ချက်ချတာလို့ မှတ်ထား ကြပါ (မှန်ပါ)။

How will we judge? (We will judge by the Object). Lights and auras arise from the observing mind. If Wisdom arises, these things appear. Note that as judging by the subjective experience. (True, Sir).

ဘာနဲ့ ဆုံးဖြတ်ချက်ချပေးမလဲ (အရှုခံနဲ့ ဆုံးဖြတ်ချက်ချ ပေးပါမယ်)၊ ဩဘာသ အရောင် အလင်း စသည်ပေါ်တာက ရှုဉာဏ် နဲ့ ဆုံးဖြတ်ချက် ချပေးမယ်။ ဉာဏ်က လာရင် ဒါတွေ ပေါ်လာတာ ကိုး၊ အရမ္မဏိကနဲ့ ဆုံးဖြတ်ချက်ချတာလို့ မှတ်ထားကြပါ (မှန်ပါ)၊ ယခု ဘုန်းကြီး ပြောမှာသည် အာရုံဘက်က ဆုံးဖြတ် ချက်ချ ပေးမယ်နော် (မှန်ပါ)။

But what I am telling you now is to judge by the Object. (True, Sir).

ဖြစ်ပျက်မြင် ဝိပဿနာဉာဏ်

Seeing Arising and Passing is Vipassana

သူက အရောင်အဆင်း ဉာဏ်တွေ ထက်မြက်ပြီးသကာလ ကိုယ်ငြိမ်း စိတ်ငြိမ်း ငြိမ်းချင်တာ ငြိမ်းပေစေ။ မောင်သစ် ကိုယ်မြင်နေတာက ဖြစ်ပျက်ပဲ ရှိသေးလို့ ရှိရင်ဖြင့် ဒါဟာ ဝိပဿနာဉာဏ်ပဲ ရှိသေးတယ်။ မဂ်ဉာဏ် မဟုတ်ဘူး။ ဝိပဿ နာဉာဏ်လို့ ကိုယ့်ဟာကိုယ် ဆုံးဖြတ်ချက်ချပါ (မှန်ပါ)၊ ရှင်းပြီလား (ရှင်းပါပြီ)။

No matter how brilliant the lights or how peaceful the mind and body feel—let it be peaceful. But Maung Thit, *if you still see Arising and Passing Away, it is only Insight Knowledge (Vipassana Ñana). It is NOT Path Knowledge (Magga Ñana).* You must decide this for yourself. (True, Sir). Is that clear? (Clear, Sir).

ကိုယ်မြင်နေတာက ဖြစ်ပျက်ပဲ ရှိသေးတယ် ဆိုလို့ရှိရင် သူ့ကို ဘာဉာဏ် ဆိုကြမလဲ (ဝိပဿနာ ဉာဏ်ပါဘုရား)၊ ဝိပဿနာ ဉာဏ်ပဲလို့ ဆုံးဖြတ်ချက်ချ ဆိုတော့ မှားစရာရှိသေးရဲ့ လား (မရှိပါဘူး)။

If you still see the process of arising and passing, what knowledge is it? (Vipassana Knowledge, Sir). If you decide it is just Vipassana, can you go wrong? (No, Sir).

ဟိုက ဘယ်လိုပဲ ခန္ဓာကိုယ်ကို မြှောက်ပင့်ပေး နေငြား သော်လည်း မြှောက်လို့ ရသေးရဲ့လား (မရပါဘူး)။ ဟေ့- မင်း မမြှောက်လာနဲ့ တို့ကို ဆရာက ဆုံးဖြတ်ချက်ချပေးတယ်။ သင်္ခါရ အာရုံပြု နေရင် ဝိပဿနာဉာဏ် ချည်းခေါ်တယ်။ အသင်္ခတ ကိုဖြစ်မှ နိဗ္ဗာန်တဲ့ (မှန်ပါ)၊ မဂ်ဉာဏ်တဲ့ ဆိုတော့ မောင်ချစ်စိန်ရဲ့ ရှင်းမသွားဘူးလား (ရှင်းသွားပါတယ်)။

No matter how much the experience flatters the body and mind, can it fool you? (No, Sir). Say to it: "Hey! Don't try to flatter me. My Teacher has already decided." *If you are observing the Conditioned (Sankhata), it is called Vipassana Knowledge. Only when you see the Unconditioned (Asankhata) is it Nibbana, is it Path Knowledge.* (True, Sir). Maung Chit Sein, isn't that clear? (It is clear, Sir).

သင်္ခတမြင်နေရင် (ဝိပဿနာဉာဏ်ပါ)၊ ဝိပဿနာ ဉာဏ်ဆိုတော့ မဂ်ဉာဏ် မဟုတ်သေးဘူး (မှန်ပါ)၊ မသေချာ ဘူးလား (သေချာပါတယ်ဘုရား)၊ အသင်္ခက မြင်လို့ရှိရင်တော့ (မဂ်ဉာဏ်ပါဘုရား)၊ အဲဒါကျတော့ဖြင့် ခုနင်က ဟာတွေက သံသယ မရှိနဲ့တော့ ကိစ္စပြီးလို့ပဲ (မှန်ပါ)၊ ဒါဖြင့် ဒီကအဖြစ်နဲ့ ဆုံးဖြတ်ချက်ချ (မှန်ပါ)၊ ဟိုကဉာဏ်ကြောင့် ပေါ်လာတာ (မှန်ပါ)၊ သဘောပါပြီလား (ပါပါပြီ)။

Seeing the Conditioned is... (Vipassana Knowledge, Sir). So it is not yet Magga. (True, Sir). Is that certain? (Certain, Sir). If you see the Unconditioned? (It is Magga Knowledge, Sir). Then, regarding those earlier experiences, have no doubt. The matter is settled. (True, Sir). Judge it by the Object. (True, Sir). Do you grasp it? (Yes, Sir).

အသင်္ခတမြင်မှ မဂ်ဉာဏ်

Seeing the Unconditioned is Magga

ဒါဖြင့် ဘာနဲ့ ဆုံးဖြတ်ချက်ချကြမယ် (အမြင်ဉာဏ်နဲ့ ဆုံးဖြတ်ချက် ချကြရပါမယ်)၊ အမြင်ဉာဏ်က မြင်ရာ အာရုံကို ဆုံးဖြတ်ချက် ချပါ (မှန်ပါ)၊ မြင်ရာ အာရုံက သင်္ခတ ဖြစ်ပျက် မြင်လို့ရှိရင် ဝိပဿနာ (မှန်ပါ)၊ အသင်္ခက မြင်လို့ ရှိရင်ဖြင့် ဒီဉာဏ်ဟာ မဂ်ဉာဏ် (မှန်ပါ)၊ ပေါ်ပြီလား (ပေါ်ပါပြီဘုရား)။

So, how will we judge? (We will judge by the observing knowledge, Sir). Judge the object that the knowledge sees. (True, Sir). If the object seen is Conditioned—arising and passing away—it is Vipassana. (True, Sir). If you see the Unconditioned, this knowledge is Path Knowledge. (True, Sir). Is it clear? (Clear, Sir).

အဲဒီလို ဆုံးဖြတ်ချက် ချနိုင်မှသာလျှင် မောင်သစ် အမှန်ရောက်တယ်။ နို့မဟုတ်ရင် (မရောက်ပါဘူးဘုရား) မရောက်နိုင်ဘူး ဆိုတော့ ဒါက ခရီးပေါက်နိုင်တဲ့ ပုဂ္ဂိုလ် အတုလာ ဖြစ်တယ်ဆိုတဲ့ တရားကဖြင့် အတော် သေချာတယ်နော် (မှန်ပါ)၊ ရှင်းပြီလား (ရှင်းပါပြီ)။

Only by deciding this way will you arrive at the Truth, Maung Thit. Otherwise, you will not arrive. (No, Sir). This teaching ensures that the person traveling the path does not become a fake. It is very certain. (True, Sir). Is that clear? (Clear, Sir).

တကယ်လို့များ ကိုယ်စိတ် ငြိမ်းသွားတဲ့အခါကျတော့ ဖလသမာပတ် ဝင်စားသလိုများ ဖြစ်နေလိုက်သေးတယ် သူက ဟိုမှာ နိဗ္ဗာန်တော့ မြင်တာမဟုတ်ဘူး (မှန်ပါ)၊ သူ့ဟာသူ ငြိမ်းနေတာ (မှန်ပါ)၊ ဟုတ်ကြပြီလား (ဟုတ်ပါပြီဘုရား)။

Sometimes, when the body and mind become utterly peaceful, it might feel like entering Fruition Attainment (Phala Samapatti). But he is not seeing Nibbana. (True, Sir). He is just experiencing internal peace. (True, Sir). Is that right? (Yes, Sir).

ဝိပဿနာမြင်နည်း

How to View Vipassana

အဲဒီလို ဖြစ်တဲ့အခါကျလို့ရှိရင်ဖြင့် ဒါ, နိဗ္ဗာန်မြင်တာ မဟုတ်သေးဘူးလို့ လုပ်ထားသဖြင့် ဒီဥစ္စာဟာ မဂ်ဉာဏ်လဲ မဟုတ်ဘူး ဖိုလ်ဉာဏ်လဲ မဟုတ်ဘူးသာ ဆုံးဖြတ်ချက်ချပါ (မှန်ပါ)၊ ဒါဝိပဿနာ မြင်နည်း ပြောနေတယ် (မှန်ပါ)။

When that happens, decide firmly: "This is not seeing Nibbana." Decide that it is neither Path nor Fruit. (True, Sir). I am telling you how to view Vipassana. (True, Sir).

ဘာတဲ့တုံး (ဝိပဿနာမြင်နည်း ပြောနေပါတယ်ဘုရား)၊ အဲဒါကြောင့် ခင်ဗျားတို့ ပဋိစ္စသမုပ္ပါဒ်မှာ ၂-နံပါတ်ထဲက ဖြစ်ပျက်တွေ ဒုက္ခသစ္စာတွေ မြင်နေသည့် ကာလပတ်လုံး ခင်ဗျား တို့ရှုတဲ့ဉာဏ်ဟာ ဒုက္ခသစ္စာတွေ မြင်နေသည့် ကာလ ပတ်လုံး ဘယ်အခါကာလမှ နိဗ္ဗာန် မဟုတ်သေးဘူးလို့ ဆုံးဖြတ်ချက်ချပါ(မှန်ပါ)။

What did I say? (You are telling us how to view Vipassana, Sir). Therefore, as long as you are seeing the Arising and Passing Away of the Second Section of Dependent Origination—as long as you see the Truth of Suffering (Dukkha Sacca)—you must decide: "This is never Nibbana." (True, Sir).

ဒုတိယအကွက်ထဲက တရားတွေကို ဉာဏ်ထဲမှာ မြင်နေ သရွေ့ ကာလပတ်လုံး နိဗ္ဗာန် မဟုတ်သေး၊ ရှင်းပြီလား (ရှင်းပါပြီ)၊ ဒုတိယ အကွက်ထဲက တရား ဖြစ်ပျက် မြင်နေသရွေ့ ကာလပတ် လုံး နိဗ္ဗာန် မဟုတ်သေးဘူး။ မြင်တဲ့ဉာဏ်လဲ မဂ်ဉာဏ် မဟုတ်သေး (မှန်ပါ)။

As long as you see the phenomena in the Second Section, it is not Nibbana. Is that clear? (Clear, Sir). As long as you see the Arising and Passing of the Second Section, it is not Nibbana. The knowledge that sees it is not Magga. (True, Sir).

ဒုတိယအကွက်က ဟာတွေကို ဒုက္ခသစ္စာမြင်ပြီး ဖျတ်ခနဲ ချုပ်သွားလို့ ဒုတိယအကွက်ထဲမှာ ဒုတိယကွက်ဆိုတာ ခန္ဓာကွက် (မှန်ပါ)၊ အဲဒီခန္ဓာ ဖြစ်ပျက်တွေ ဘာမှမရှိတော့ဘူး၊ ချုပ်ငြိမ်း ရုပ်သိမ်း သွားတာ မြင်တော့မှ မောင်သစ်-တစ်နေ့က ဟောခဲ့တဲ့ ဒုက္ခနိရောဓ (မှန်ပါ)။

When you see the phenomena of the Second Section (the Aggregates) as Dukkha, and then—Snap!—they suddenly cease... When the Arising and Passing of the Aggregates is no more, when it is extinguished and silenced... Maung Thit, that is Dukkha Nirodha as I preached the other day. (True, Sir).

ဘာတဲ့တုံး (ဒုက္ခနိရောဓပါ)၊ ဒုက္ခနိရောဓမြင်မှ နိဗ္ဗာန်ကိုး (မှန်ပါ)၊ ဒုက္ခတွေချုပ်သွား၊ ချုပ်သွားတာဆိုတော့ မရှိတာ (မှန်ပါ)၊ အဲ-ဒုတိယအကွက်ထဲက တရားတွေ အကုန် ချုပ်သွားတာ မြင်လို့ရှိရင်ဖြင့် ဘာဆိုကြမလဲ (နိဗ္ဗာန်ပါဘုရား)။

What is it? (Dukkha Nirodha, Sir). Only when you see the Cessation of Suffering is it Nibbana. (True, Sir). Suffering ceases; it means it does not exist. (True, Sir). If you see that all phenomena in the Second Section have ceased, what will you call it? (Nibbana, Sir).

အဲ-ဘုန်းကြီးက ပြောပြထားပါမယ်၊ ဒုက္ခတွေ မြင်ပြီး တော့မှ ဒုက္ခနိရောဓကို တွေ့ရမယ်။ ဒါဟာ အမှန်ဆုံး ဒုက္ခဖြစ် ပျက်ကို မြင်ပြီးသည့်နောက်မှ (ဒုက္ခနိရောဓကို မြင်ရပါမယ်)၊ ဒီလိုမြင်ရင် အမြင်မှန် (မှန်ပါ)၊ ဒုက္ခကို ရှေးဦးစွာ မြင်ရမယ် (မှန်ပါ)၊ ပြီးတော့မှ ဘာဖြစ်ရမတုံး (ဒုက္ခ နိရောဓကို မြင်ရပါမယ်) အဲ-ဒုက္ခကို ရှေးဦးစွာမြင်။ ပြီးတော့မှ ဒုက္ခ နိရောဓကို မြင်တယ် ဆိုလို့ရှိရင်ဖြင့် ဒီအမြင်မှန် နှစ်ခုဟာဖြင့် အစဉ်ကျတယ် (မှန်ပါ)။

Let me explain. You must see Suffering (Dukkha) first, and only then will you encounter the Cessation of Suffering (Dukkha Nirodha). This is the truest path. After seeing the arising and passing of Suffering... (We must see the Cessation of Suffering). If you see it this way, it is the Right View. (True, Sir). You must see Dukkha first. (True, Sir). Then what must happen? (We must see the Cessation of Suffering).

မောင်ချစ်စိန် ဘာတဲ့တုံး (အစဉ်ကျပါတယ်)၊ အစဉ်ကျမှာ ကလဲ စိုးရသေးတာကိုးနော် (မှန်ပါ)၊ ဦးတင် အစဉ်မကျမှာလဲ အတော်စိုက်ရပါတယ် (မှန်ပါဘုရား)၊ ပေါ်ကြပြီလား (ပေါ်ပါပြ ဘုရား)။

If you see Dukkha first and then see its Cessation, these two views follow the correct sequence. (True, Sir). Maung Chit Sein, what is it? (It follows the sequence). It is crucial that it follows the sequence. (True, Sir). U Tin, it takes a lot of effort not to get the sequence wrong! (True, Sir). Do you see? (Yes, Sir).

ဒုက္ခနိရောဓမြင်ရင် မဂ်ဉာဏ်အစစ်

Seeing Cessation is True Magga

ကိုင်း-ဒါဖြင့် ဒုက္ခမြင်ပြီးတော့မှ ဒုက္ခနိရောဓကို မြင်သော အမြင်သည်သာလျှင် မဂ်ဉာဏ်အစစ် (မှန်ပါ)၊ ဒုက္ခမြင်ရင် ဝိပဿနာဉာဏ် ရှိသေးတယ် (မှန်ပါ)၊ ရှင်းပြီနော် (ရှင်းပါပြီ ဘုရား)၊ ဒုက္ခ နိရောမြင်ရင် (မဂ်ဉာဏ်ပါ ဘုရား)၊ မဂ်ဉာဏ်ဆို တော့ သြော်-ဒါဖြင့် တို့ ပဋိစ္စသမုပ္ပါဒ် စက်ဝိုင်းနဲ့ ကိုက်ကြည့်တာ အရှင်းဆုံးပဲ (မှန်ပါ)၊ ပေါ်ပြီလား (ပေါ်ပါပြီ)။

So, only the vision that sees the Cessation of Suffering after seeing Suffering is the true Path Knowledge (Magga Ñana). (True, Sir). If you see Suffering, it is still Vipassana Knowledge. (True, Sir). Is that clear? (Clear, Sir). If you see the Cessation of Suffering? (It is Path Knowledge, Sir).

ပဋိစ္စသမုပ္ပါဒ် အကွက်နဲ့ ကိုက်ကြည့်တာ ပိုရှင်းလိမ့်မယ် (မှန်ပါ)၊ ကိုယ်ခန္ဓာ၏ ဒုတိယ အကွက်ဟာ ကိုယ့်ဉာဏ် ဒုတိယနဲ့ပဲ ပြန်ကြည့် (မှန်ပါ) ဒုတိယ ဒုတိယချင်း ကြည့်တယ် ဆိုကတည်းက မောင်သစ် ပစ္စုပ္ပန်ချင်း တည့်ပြီ (မှန်ပါ) မတည့်သေးဘူးလား (တည့်ပါပြီဘုရား)၊

Oh, when we check this against the Wheel of Dependent Origination, it is clearest. (True, Sir). Do you see? (Yes, Sir). Checking against the blocks of Dependent Origination will be clearer. (True, Sir). The Second Section of the Body (the Object) is observed by the Second Section (the Wisdom). When you look at the Second with the Second, Maung Thit, the Present meets the Present. (True, Sir). Does it not? (It does, Sir).

အရှုခံတဲ့ ဒုတိယကွက်ကလဲ ပစ္စုပ္ပန်ပဲ။ ရှုဉာဏ်ကလဲ ပစ္စုပ္ပန်ပဲ (မှန်ပါ)၊ အဲ-ပစ္စုပ္ပန် ပစ္စုပ္ပန်ချင်း ဆိုလို့ရှိရင်ဖြင့် ဒါတည့်နေတဲ့ အလုပ်ပဲဆိုတာ ဘာမှ ငြင်းစရာ မလိုတော့ဘူး (မှန်ပါ)၊ ပေါ်ကြပြီလား (ပေါ်ပါပြီဘုရား)။

The Object is Present. The Wisdom is Present. (True, Sir). If it is "Present meeting Present," there is no need to argue—it is the correct practice. (True, Sir). Do you see? (Yes, Sir).

ဒုက္ခနိရောဓဆိုတာ

What is Dukkha Nirodha?

ဒါဖြင့် ဒကာ၊ဒကာမတွေသည် ဟိုက ငါးခု ယနေ့ ဟော ပြီးတဲ့ ငါးခုက ဖျက်ငြား သော်လည်း အထင်မှားစရာ ရှိသေးသလား (မရှိပါဘူး)၊ ဒုတိယကွက်ကိုပဲ အမြဲရှု။ ဒုတိယကွက် အမြဲရှုတော့ ဒုတိယကွက်ဟာ ဒုက္ခသစ္စာတွေပဲ ဖြစ်ပျက်တွေ မြင်နေတယ် (မှန်ပါ့) အဲဒီဖြစ်ပျက်နေရာမှ ဖျတ်ခနဲ ချုပ်သွားမယ်။ မောင်သစ်ဒါကို ဘာဆိုမလဲ (ဒုက္ခနိရောဓပါဘုရား)၊ ဒီလို သူ့ဟာနဲ့သူ မြင်လို့ ဒီအစဉ်အတိုင်းကျရင် ဦးတင်-မှန်ပြီ (မှန်ပါ)၊ သဘော ပါပြီလား (ပါပါပြီ)၊ ဒီအစဉ်အတိုင်း ကျဖို့ရာ သိပ်အရေးမကြီး ဘူးလား (ကြီးပါတယ်ဘုရား)။

Therefore, Yogis, regarding the five factors I preached today—even if they are destroyed, is there any room for misunderstanding? (No, Sir). Always observe the Second Section. When you observe it, you see the Truth of Suffering; you see Arising and Passing Away. (True, Sir). From that very place of Arising and Passing, it will suddenly cease. Maung Thit, what will you call this? (Dukkha Nirodha, Sir). If you see it this way, following this sequence, U Tin, it is correct. (True, Sir). Do you grasp it? (Yes, Sir). Is it not vital that it follows this sequence? (It is vital, Sir).

နိဗ္ဗာန်မြင်ပုံကလေး ပြောစမ်းပါ

Tell Me How Nibbana is Seen

ကောင်းပြီ ဒါဖြင့် အကိုးအကား ကလေး တစ်ခု ပြောကြ ပါစို့။ မိလိန္ဒပဉှာ ပါဠိတော်မှာ ရှင်နာဂသိန်ကို မိလိန္ဒမင်းကြီးက မေးတယ်၊ အရှင်ဘုရားတို့ နိဗ္ဗာန်မြင်ပုံကလေး ပြောစမ်းပါတဲ့ (မှန်ပါ)၊

Good. Let us provide a reference. In the Milinda Pañha Pali text, King Milinda asked the Venerable Nagasena: "Venerable Sir, please explain how Nibbana is seen." (True, Sir).

နိဗ္ဗာန်မြင်ပုံကလေး ပြောစမ်းပါဆိုတော့ ဒကာတော် မင်းမြတ်-ဥပမာ- စိတ်တစ်ခု ဖြစ်နေတယ်၊ ဖြစ်ပျက်တွေ ဖြစ်ပျက်တွေ မြင်နေတာပဲတဲ့၊ ဒီမြင်ရာက နေပြီး သကာလ ဖြစ်ပျက် မရှိတဲ့ဘက် လှည့်သွားတာပဲတဲ့ (မှန်ပါ)၊ ဖြစ်ပျက်ရှိတဲ့ဘက် မလှည့်ပဲနဲ့ မရှိတဲ့ဘက် လှည့်တယ်၊ အဲဒါ နိဗ္ဗာန် ကူးတာပဲတဲ့ (မှန်ပါ)၊ ဒါ,မိလိန္ဒမင်းကြီးက ရှင်နာဂသိန်ကို ဖြေတာ (မှန်ပါ)။

"O King, for example: the mind is observing, seeing the arising and passing away repeatedly. Then, from this seeing, it turns away towards the side where there is no arising and passing. (True, Sir). It does not turn to the side of existence; it turns to the side of non-existence. That is crossing over to Nibbana." This is how Nagasena answered King Milinda. (True, Sir).

“တဿ တံ စိတ္တံ အပရာပရံ မနသိကရောတော ၊

ပဝတ္တိ အတိက္ကမိတွာ အပဝတ္တံ သြက္ကမတိ။

အပ္ပဝတ္တမနုပ္ပတ္တေ မဟာရာဇ သမ္မာပဋိပန္နော

နိဗ္ဗာနံ သစ္ဆိကရောတီတိ ဝုစ္စတိ။” (မိလိန္ဒပဉ္စာ-၃၁၁)။

ဒါ မိလိန္ဒပဉှာပါဠိတော်နော် (မှန်ပါ)၊ ဖြစ်ပျက်တွေ မြင်ရာမှ ဖြစ်ပျက်မရှိတဲ့ဘက်ကို ဉာဏ်လှည့်သွားတယ် (မှန်ပါ)၊ သဘောပါပြီလား (ပါပါပြီ)။

*“Tassa taṃ cittaṃ aparāparaṃ manasikaroto,

pavattiṃ atikkamitvā appavattaṃ okkamati.

Appavattamanuppatte mahārāja sammāpaṭipanno

nibbānaṃ sacchikarotīti vuccati.”* (Milinda Panha-311).

This is from the Milinda Pañha Pali text. (True, Sir). From seeing the arising and passing, the Wisdom turns towards the side where there is no arising and passing. (True, Sir). Do you grasp the meaning? (Yes, Sir).

ဖြစ်ပျက်က သူ့ဟာသူ ဖြစ်ပျက်ပြီး ကျန်တော့ နေရစ်တယ်။ ကိုယ့်ဉာဏ်က ဟိုဘက် လှည့်သွားတယ် (မှန်ပါ)။

The arising and passing remains as it is (in the world), but one's Wisdom turns away to the other side. (True, Sir).

ကိုယ့်ဉာဏ်က နဂိုက ဘယ်ဘက်လှည့် နေသတုံး (ဖြစ် ပျက်ဘက် လှည့်နေပါတယ်)၊ နောက် ဒီဉာဏ် ဘယ်ဘက် လှည့်သွားသတုံး (ဖြစ်ပျက် မရှိတဲ့ဘက် လှည့်သွားပါတယ်)၊

Originally, where was the Wisdom facing? (Facing the arising and passing, Sir). Later, where did this Wisdom turn? (It turned to the side where there is no arising and passing, Sir).

ဖြစ်ပျက်မရှိတဲ့ဘက် လှည့်သွားတဲ့ဥစ္စာ ဖြစ်ပျက်မရှိတော့လို့ လှည့်သွားတာလား ဆိုတော့ ဖြစ်ပျက်ကတော့ နဂိုအတိုင်း ရှိရစ်တာပဲ။ ဉာဏ်က အချိန်ရောက်တာနဲ့ ဖြစ်ပျက် မရှိတဲ့ဘက်ကို လှည့်သွားတယ် (မှန်ပါ)၊ သဘောပါပြီလား (ပါပါပြီ)။

Did it turn because the arising and passing stopped? No, the arising and passing remains as it was. But when the time was right, the Wisdom turned towards the Cessation. (True, Sir). Do you understand? (Yes, Sir).

အဲဒါ မိလိန္ဒပဉှာ ပါဠိတော် အကိုးအကား ထားပြီး ဆုံးဖြတ်ချက် ချလိုက်တော့ ဟိုငါးချက် တည်းဟူသော ရန်သူ တွေဟာ မကပ်နိုင်တော့ဘူး။ ကပ်နိုင်သေးရဲ့ လား (မကပ်နိုင်ပါဘူး)။

By relying on the Milinda Pañha as a reference and making this decision, those five enemies we discussed cannot attach to you. Can they? (No, they cannot, Sir).

ကဲ-ယနေ့ ဒီတွင်တော်ကြစို့။

သာဓု သာဓု သာဓု။

[1] [2]

Well, let us stop here for today.

Sadhu! Sadhu! Sadhu!