တရားတော်
ကလျာဏမိတ္တကြောင့် လုံးလုံးနိဗ္ဗာန်ရကြောင်း
ကလျာဏမိတ္တကြောင့် လုံးလုံးနိဗ္ဗာန်ရကြောင်း
How a Good Friend Leads Entirely to Nibbana
ကျေးဇူးတော်ရှင် အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး
အမရပူရမြို့ ဓမ္မာရုံ၌ ဟောကြားတော်မူသော
ကလျာဏမိတ္တကြောင့် လုံးလုံးနိဗ္ဗာန်ရကြောင်း
အလုပ်ပေးတရားတော်
By the Benefactor, Agga Maha Pandita Mogok Sayadaw, Delivered at the Dhammayon in Amarapura, Practical Insight Meditation Instruction (10-11-1961)
(၁၀-၁၁-၁၉၆၁)
အတိတ်ကြောင်းခြင်းရာငါးပါးဆိုတာ
The Five Past Causes
အတိတ်ကြောင်းခြင်းရာ ငါးပါးဆိုတာ သိကြရဲ့လား(မှန်ပါ)၊ အတိတ်ကြောင်းခြင်းရာငါးပါး တွေ့ပလား (တွေ့ပါ ပြီ)။
Do you know the five past causes? (Yes, Sir). Have you found the five past causes? (Yes, we have, Sir).
အတိတ်ကဖြစ်ခဲ့တဲ့ အကြောင်းခြင်းရာ ငါးပါး၊ ဘယ်သူပါလိမ့်မလဲလို့ မေးတဲ့အခါကျတော့ အောက်က အကြောင်း ကို ကြည့်လိုက်။ အဝိဇ္ဇာရယ်၊ သင်္ခါရရယ်၊ တဏှာရယ်၊ ဥပါဒါန်ရယ်၊ ဘဝရယ် ဘယ်နှစ်ခုပြသတုံး (ငါးပါးပါ ဘုရား)။
If you ask what the five past causes are, look at the causes below. Ignorance (Avijja), Volitional Formations (Sankhara), Craving (Tanha), Clinging (Upadana), and Becoming (Bhava). How many are shown? (Five, Sir).
သေသေချာချာ ကြည့်ပါ။ သေသေချာချာကြည့်ပါ။ အဲဒါ ယခုဘဝပေါ်တဲ့တရား မဟုတ်ဘူး။ လွန်ခဲ့တဲ့ဘဝများစွာ က ခင်ဗျားတို့ သန္တာန်မှာ ကိန်းအောင်းတဲ့တရားလို့ မှတ်ပါ(မှန်ပါ)။
Look carefully. Look very carefully. These are not phenomena arising in this present life. Mark this: these are defilements that have been lingering within you for many past lives. (Well noted, Sir).
အဲဒီမှာ အဝိဇ္ဇာဆိုတာ ဘာတုံးလို့မေးတဲ့ အခါကျတော့ သစ္စာမသိတာလို့ မှတ်လိုက်စမ်းပါ(မှန်ပါ)၊ ဒုက္ခသစ္စာကို လဲ ပိုင်းခြားရမယ်လို့ မသိပါဘူး။ သမုဒယသစ္စာလဲ ပယ်ရမယ်လို့ မသိပါဘူး။ နိရောဓသစ္စာကိုလဲ မျက်မှောက်ပြုမှ အေးမှာပဲလို့ မသိပါဘူး။ မဂ္ဂသစ္စာကိုလဲ ကိုယ့်သန္တာန်မှာ ပွားများရမည့်တရားလို့ မသိပါဘူး။
If you ask what Ignorance (Avijja) is, note that it is the ignorance of the Truths (Saccas). (Yes, Sir). It is not knowing that the Truth of Suffering (Dukkha Sacca) must be fully comprehended. It is not knowing that the Truth of the Origin of Suffering (Samudaya Sacca) must be eradicated. It is not knowing that only by realizing the Truth of the Cessation of Suffering (Nirodha Sacca) will one find peace. It is not knowing that the Truth of the Path (Magga Sacca) must be cultivated within oneself.
ဒါ ဘယ်သူ့သတ္တိပါလိမ့် (အဝိဇ္ဇာသတ္တိပါ ဘုရား)၊ ဦးသန်းမောင်တို့ ရှင်းပြီ၊ ဦးသံဒိုင်ကော ရှင်းပလား (ရှင်းပါပြီ ဘုရား)။
Whose property is this? (It is the nature of Ignorance, Sir). U Than Maung, is it clear? U Than Daing, is it clear to you? (It is clear, Sir).
အဲဒီတော့ မသိတော့ကို ခင်ဗျားတို့ ၂ နံပါတ်ကူးလိုက်၊ အဝိဇ္ဇာနောက်က သင်္ခါရကို ကူးလိုက်နော်(မှန်ပါ)။
Because of this ignorance, move to number two. Move to Volitional Formations (Sankhara) which follows Ignorance. (Yes, Sir).
သင်္ခါရဆိုတာ ပြုပြင်တဲ့တရား၊ ပြုပြင်တာ သင်္ခါရဆိုတာ တရားကိုယ် ကောက်လိုက်ပါဦးဆိုလို့ရှိရင် ကုသိုလ်၊ အကုသိုလ် စေတနာလို့ မှတ်လိုက်(မှန်ပါ)။
Sankhara means the phenomena of conditioning. If we identify its ultimate nature, it is simply wholesome (kusala) and unwholesome (akusala) volition (cetana). (Yes, Sir).
အဲဒီတော့ အကုသိုလ်တွေကိုလဲ ခင်ဗျားတို့က လောဘ၊ ဒေါသ၊ မောဟ၊ စေတနာတွေကိုလဲ လုပ်တာပဲ။ လူ့ဘုံ၊ နတ်ဘုံ၊ ဗြဟ္မဘုံရောက်ကြောင်း ဖြစ်တဲ့ ကုသိုလ် စေတနာတွေကိုလဲ လုပ်တာပဲ (မှန်ပါ)၊ အဲဒါတွေကို သင်္ခါရခေါ်ပါတယ် (မှန်ပါ)။
You commit unwholesome deeds driven by greed (lobha), anger (dosa), and delusion (moha). You also perform wholesome deeds with the intention of reaching the human, deva, or brahma realms. (True, Sir). All of these actions are called Sankhara. (Yes, Sir).
အကုသိုလ်စေတနာတွေကိုလဲ ဘာခေါ်ကြမယ်(သင်္ခါရပါ ဘုရား)၊ ဘုံဘဝရောက်ကြောင်းဖြစ်တဲ့ ကုသိုလ်တွေလုပ် နေတဲ့ ကာမကုသိုလ်လုပ်လုပ်၊ ရူပကုသိုလ်လုပ်လုပ်၊ အရူပကုသိုလ်လုပ်လုပ် ဘာခေါ်ကြမယ် (သင်္ခါရပါ ဘုရား)။
What do we call unwholesome volitions? (Sankhara, Sir). Whether you perform sensual-realm merits (kama-kusala), fine-material realm merits (rupa-kusala), or immaterial realm merits (arupa-kusala) to attain a certain existence, what are they called? (Sankhara, Sir).
မသိလို့လုပ်တာ
Acting Out of Ignorance
ဒီနှစ်ခုကို ပြန်လှည့်လိုက်ပါ၊ မသိလို့လုပ်တာ၊ မသိတာက ဘာခေါ်ကြမယ် (အဝိဇ္ဇာပါ ဘုရား)၊ လုပ်တာက (သင်္ခါရပါ ဘုရား)။
Let us look back at these two: acting out of ignorance. What do we call "not knowing"? (Avijja, Sir). And the "acting"? (Sankhara, Sir).
ဒါဟာ အတိတ်ကလုပ်ခဲ့တာနော်(မှန်ပါ)၊ မသိလို့လုပ်တာတွေ၊ မသိလို့လုပ်ပြီး ခင်ဗျားတို့က သာယာပါသေးတယ်၊ တဏှာဖြစ်သေးတယ် (မှန်ပါ)၊ ကိုယ်လုပ်ထားတာလေးကတော့ ကိုယ်ရမှာ၊ သိပ်ဟန်ကျမှာပဲဆိုတဲ့ တဏှာက လာသေး တယ်(မှန်ပါ ဘုရား)၊ တဏှာလာရုံတင်မဟုတ်ဘူး၊ ဥပါဒါန်က စွဲလန်းသေးတယ် (မှန်ပါ)။
These are things you did in the past. (Yes, Sir). You acted out of ignorance. And having acted out of ignorance, you found delight in it; Craving (Tanha) arose. (True, Sir). You thought, "I will reap the rewards of my deeds; it will be wonderful." That is Craving (Tanha) creeping in. (Yes, Sir). Not only does Craving arise, but Clinging (Upadana) firmly grasps onto it. (Yes, Sir).
ဘဝဆိုတာ ကမ္မဘဝကို ယူလိုက်စမ်းပါ(မှန်ပါ)၊ ကုသိုလ်ကံ အကုသိုလ်ကံတွေကို ယူလိုက်စမ်းပါ (မှန်ပါ)၊ အဲဒီ ကံကို ကံလို့ဆိုတယ်၊ ဘဝဖြစ်ကြောင်းဖြစ်သောကြောင့် ကမ္မဘဝလို့မှတ်လိုက်စမ်းပါ (မှန်ပါ)။
Now, take "Becoming" (Bhava). Specifically, take Kamma-Becoming (Kamma-bhava). (Yes, Sir). This refers to your wholesome and unwholesome kamma. (Yes, Sir). That kamma is the cause of a new existence, so mark it as Kamma-Becoming (Kamma-bhava). (Well noted, Sir).
အဲဒီတော့ အတိတ်အကြောင်း ဘယ်နှစ်ပါးပါလိမ့် (ငါးပါးပါ ဘုရား)၊ ပါသားပဲ ဒီမှာ၊ အတိတ်အကြောင်း ခြင်းရာငါးပါးလို့(မှန်ပါ)။
So, how many past causes are there? (Five, Sir). Indeed, it is right here: the five past causes. (Yes, Sir).
အတိတ်အကြောင်း ခြင်းရာငါးပါးလို့ ပါခဲ့တော့ အထက်မှာ မြားနှစ်ချက်ပြထားတာ ကြည့်လိုက်တော့ ကိလေသဝဋ်နဲ့ ကမ္မဝဋ်နှစ်ပါးကို လုပ်ပြတာကိုး(မှန်ပါ)။
When we say "the five past causes," look at the two arrows pointing upwards on the chart. They indicate the Round of Defilements (Kilesa Vatta) and the Round of Kamma (Kamma Vatta). (Yes, Sir).
ကိလေသဝဋ်က သုံးပါး၊ ကမ္မဝဋ်က နှစ်ပါး(မှန်ပါ)၊ အဝိဇ္ဇာ၊ တဏှာ ဥပါဒါန်တွေကို ကိလေသဝဋ်ကို မှတ်လိုက် တာပေါ့(မှန်ပါ)၊ သင်္ခါရနဲ့ဘဝကို ကမ္မဝဋ်လို့ မှတ်လိုက်တာပေါ့(မှန်ပါ)၊ ကံချည်းပဲ သူတို့နှစ်ပါးက နော်(မှန်ပါ)။
There are three elements in the Round of Defilements, and two in the Round of Kamma. (Yes, Sir). Note that Ignorance (Avijja), Craving (Tanha), and Clinging (Upadana) constitute the Round of Defilements. (Well noted, Sir). Volitional Formations (Sankhara) and Becoming (Bhava) constitute the Round of Kamma. (Yes, Sir). These two are purely kamma. (True, Sir).
ကဲ ဦးသံဒိုင်တို့ တွေ့ရဲ့လား(တွေ့ပါတယ် ဘုရား)၊ ကိလေသဝဋ်က ဘယ်နှစ်ပါးတွေ့သလဲ(သုံးပါးပါ)၊ အဲဒါ အဝိဇ္ဇာ၊ တဏှာ ဥပါဒါန်ကို ယူလိုက်ပါ(မှန်ပါ)၊ ကမ္မဝဋ်နှစ်ပါးက သင်္ခါရရယ်၊ ဘဝရယ် ယူလိုက်စမ်းပါ(မှန်ပါ)။
Now, U Than Daing, do you see it? (Yes, we do, Sir). How many do you see in the Round of Defilements? (Three, Sir). Exactly, take Avijja, Tanha, and Upadana. (Yes, Sir). And for the Round of Kamma, take Sankhara and Bhava. (Yes, Sir).
ကိလေသဝဋ်နဲ့ ကမ္မဝဋ်ပဲ ကြိုးစားခဲ့ကြတယ်
Striving Only for the Rounds of Defilements and Kamma
ဪ ဒါဖြင့် ခင်ဗျားတို့ ဝဋ်နှစ်ပါးက ခင်ဗျားတို့အတိတ်ဘဝက ကြိုးစားခဲ့တယ်(မှန်ပါ)၊ ဘယ်နှယ့်တုံး၊ သဘော ကျကြရဲ့လား (ကျပါတယ်)၊ ဘာများ ကြိုးစားခဲ့ကြသတုံး (ဝဋ်နှစ်ပါးကိုကြိုးစား ခဲ့ကြပါတယ်)၊ ကိလေသဝဋ်နဲ့ ကမ္မဝဋ်ပဲ ကြိုးစားခဲ့ကြတယ်(မှန်ပါ)။
Therefore, you have spent your past lives striving for these two Rounds (Vatta). (Yes, Sir). How is it? Does this make sense? (It makes sense, Sir). What did you strive for? (We strove for the two Rounds, Sir). You strove only for the Round of Defilements and the Round of Kamma. (True, Sir).
ဪ ဒီဒကာ ဒကာမတွေ အတိတ်ဘဝတွေတုန်းက ဘာတွေများဆည်းပူးခဲ့ပါလိမ့်မတုံးဆိုတော့ ဝဋ်ဖြစ်ကြောင်း နှစ်ပါး ဘုရား။ ကိလေသဝဋ်နဲ့ ကမ္မဝဋ်ကို ဆည်းပူးခဲ့ကြတယ်(မှန်ပါ)။
If one were to ask what you Yogis accumulated in your past lives, the answer is the two causes of the cycle. You accumulated the Round of Defilements and the Round of Kamma. (Yes, Sir).
ဒီနှစ်ပါးပေါင်းလိုက်တော့ အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝပါပဲ (မှန်ပါ)၊ ကိလေသဝဋ်နဲ့ ကမ္မဝဋ်ဖြန့်လိုက် တော့ အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝ လာဖြစ်တယ်(မှန်ပါ)၊ ရှင်းရဲ့လား (ရှင်းပါတယ် ဘုရား)။
When you combine these two, they are nothing but Avijja, Sankhara, Tanha, Upadana, and Bhava. (Yes, Sir). When you expand the Round of Defilements and the Round of Kamma, they become Avijja, Sankhara, Tanha, Upadana, and Bhava. (True, Sir). Is that clear? (It is clear, Sir).
ဒီဝဋ်နှစ်ပါးဖြန့်လိုက်စမ်းပါ (အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝ လာဖြစ်ပါတယ် ဘုရား)၊ ဦးသန်းမောင်တို့ သေချာပြီ(မှန်ပါ)၊ ဦးသံဒိုင်ကော သေချာရဲ့လား(သေချာပါတယ်)။
Expand these two Rounds. (They become Avijja, Sankhara, Tanha, Upadana, and Bhava, Sir). U Than Maung, are you certain? (Yes, Sir). U Than Daing, are you certain? (Yes, I am certain).
ဒါ ပွင့်ပွင့်လင်းလင်း လျှောက်ရမယ်။ ဒါနားလည်မှ အလုပ်ကိုပေးလို့ဖြစ်မယ်(မှန်ပါ)၊ ကိုယ်လည်နေတဲ့ အကြောင်း ကိုယ်သိမှသာလျှင် ကိုယ်ဖြစ်ချင်တဲ့အကြောင်း ပေါ်ပေါက်လာမယ် ဆိုတာမှတ်ပါ(မှန်ပါ ဘုရား)။
You must answer openly. Only when you understand this can I give you the practical Insight instructions. (Yes, Sir). Mark this: only when you deeply understand why you are spinning in Samsara will the path to what you wish to achieve become clear. (Well noted, Sir).
ကိုယ်တိုင်ဖြတ်မယ်လို့ ရည်ရွယ်ထားပါ
Resolve to Terminate It Yourself
နောက်က ဒကာ ဒကာမတွေလဲ အိပ်နေလို့မဖြစ်သေးဘူးနော်၊ နားလည်အောင်ကြိုးစားကြရမယ်(မှန်ပါ)၊ သူများ ပြောသံကြားနဲ့ ကြိုးစားဖို့မဟုတ်ဘူး၊ ကိုယ်တိုင်ဖြစ်အောင်လုပ်ပြီး ကိုယ်တိုင်ဖြတ်မယ်လို့ ရည်ရွယ်ထားပါတယ်ဆိုပြီး စိတ်ထဲမှာ ဆုံးဖြတ်ချက်ချပါ(မှန်ပါ ဘုရား)။
You Yogis at the back, do not fall asleep. You must strive to understand this. (Yes, Sir). Do not practice just because you heard others talking about it. Make a firm resolution in your heart: "I will realize the Dhamma for myself, and I will strictly terminate the cycle of suffering myself." (Yes, Sir).
ဒါဟာ ကိုယ့်ခန္ဓာတွေပဲ။ အဝိဇ္ဇာလဲ ကိုယ့်ခန္ဓာ၊ သင်္ခါရလဲ ကိုယ့်ခန္ဓာပဲ။ တဏှာကော (ကိုယ့်ခန္ဓာပါ ဘုရား)၊ အတိတ်ဘဝက ကိုယ့်ခန္ဓာပဲ(မှန်ပါ)၊ ဥပါဒါန်ကော (ကိုယ့်ခန္ဓာပါပဲ ဘုရား)၊ ဘဝဟာကော(ကိုယ့်ခန္ဓာပါပဲ)။
These are your own Aggregates (Khandhas). Ignorance is your own Khandha, and Volitional Formations are your own Khandha. What about Craving? (It is our own Khandha, Sir). Yes, they were your Khandhas in the past life. (True, Sir). What about Clinging? (It is our own Khandha, Sir). And Becoming? (It is our own Khandha).
ဪ အတိတ်ဘဝက ဒီခန္ဓာတွေ ကြိုးစားခဲ့တဲ့အတွက်၊ အတိတ်အကြောင်းခြင်းရာငါးပါး ကြိုးစားခဲ့တဲ့ အတွက်၊ တစ်နည်း ဝဋ်နှစ်ပါး ကြိုးစားခဲ့တဲ့အတွက်ဆိုရင်ရော လွဲသလား(မလွဲပါဘူး)။
Because you strove for these Khandhas in your past lives, because you strove for the five past causes—or in other words, because you strove for the two Rounds—would that be wrong to say? (It would not be wrong).
အတိတ်အကြောင်း ငါးပါး ကြိုးစားခဲ့တဲ့အတွက်ဆိုလဲ မှန်တာပဲ(မှန်ပါ)၊ ဝဋ်နှစ်ပါး ကြိုးစားခဲ့တဲ့အတွက် ဆိုရင်ရော (မှန်ပါတယ် ဘုရား)။
To say that you strove for the five past causes is true. (Yes, Sir). To say you strove for the two Rounds? (That is also true, Sir).
ဒါဖြင့် ခင်ဗျားတို့ စပ်ဆိုတဲ့အထက်နားက စုတိကလေးတစ်ခု အဲဒီအတိတ်ဘဝမှာ ကံကုန်လို့သေပါပြီ ဆိုတော့ ဘာတွေဖြစ်သတုံးလို့ မေးတဲ့အခါကျတော့ ပစ္စုပ္ပန်အကျိုးအခြင်းအရာငါးပါး ခင်ဗျားတို့ ဖြစ်ကြသည်။ နံပါတ် ၂ ကြည့်၊ တွေ့တယ် မဟုတ်လား (တွေ့ပါတယ် ဘုရား)။
So, look right above the connection point on the chart. There is a small point called "Death" (Cuti). When your kamma was exhausted in that past life and you died, what happened next? You became the five present effects. Look at section number two. Do you see it? (Yes, we see it, Sir).
ဘယ်သူတုံးဆိုတော့ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ တွေ့ကြရဲ့လား (တွေ့ပါတယ် ဘုရား)။ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ။ အခု ဦးသံဒိုင်ကြီးတို့ ကိုယ်ရထားတာ ဒါပဲလို့မှတ်လိုက်စမ်းပါ(မှန်ပါ ဘုရား)။
What are they? Consciousness (Vinnana), Mind and Matter (Nama-Rupa), Six Sense Bases (Salayatana), Contact (Phassa), and Feeling (Vedana). Do you see them? (Yes, we see them, Sir). Vinnana, Nama-Rupa, Salayatana, Phassa, Vedana. U Than Daing, mark this well: this is exactly what you have obtained right now. (Well noted, Sir).
ဘာတွေရထားသတုံး (ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာတွေ ရထားပါတယ် ဘုရား)၊ အင်း ခန္ဓာလို ဖွဲ့လိုက်ရင် အဲ့ဒါ ငါးပါးလို့မှတ်လိုက်စမ်းပါ။ ခန္ဓာငါးပါးပါပဲ(မှန်ပါ)၊ ရှင်းပလား (ရှင်းပါပြီ)။
What have you obtained? (We have obtained Vinnana, Nama-Rupa, Salayatana, Phassa, and Vedana, Sir). If you categorize them as Aggregates (Khandhas), note that they are five. They are simply the Five Aggregates. (Yes, Sir). Is that clear? (It is clear).
ခန္ဓာနည်းနဲ့ ဝေဖန်တော့ ငါးပါးရတယ်
Categorized by the Aggregates, They are Five
ပဋိစ္စသမုပ္ပါဒ်နည်းနဲ့ ဝေဖန်တော့သာ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ။ ခန္ဓာနည်းနဲ့ ဝေဖန်တော့ ငါးပါးရတယ်(မှန်ပါ)။
Only when categorized according to The Wheel of Dependent Origination do we call them Vinnana, Nama-Rupa, Salayatana, Phassa, and Vedana. When categorized by the Aggregates, they are simply the Five Aggregates. (Yes, Sir).
ဝိညာဏ်ဆိုတာ ပဋိသန္ဓေဝိညာဏ်၊ နာမ်ရုပ်ဆိုတာသည် ရုပ်က ၂၈ ခု၊ စေတသိက်က ၅၂၊ သဠာယတန ဆိုတာ သည် စက္ခု၊ သောတ၊ ဃာန၊ ဇိဝှာ၊ ကာယ၊ မန ကလေးထည့်လိုက်တော့၊ မနဆိုတာ စိတ်ပါပဲနော်(မှန်ပါ)။
Consciousness (Vinnana) here refers to Rebirth Consciousness. Mind and Matter (Nama-Rupa) refer to the 28 physical phenomena and the 52 mental factors. The Six Sense Bases (Salayatana) consist of the eye, ear, nose, tongue, body, and mind (mano). Mind is consciousness itself. (Yes, Sir).
နောက်ပြီး ဖဿရယ်၊ ဝေဒနာရယ် ပေါင်းလိုက်တော့ ခန္ဓာဘယ်နှစ်ပါးတုံး (ငါးပါးပါ ဘုရား)၊ ရှေ့နားကကြည့် လိုက်ပါ။ ပစ္စုပ္ပန်အကျိုးအခြင်းအရာ (ငါးပါးပါ ဘုရား)။
Adding Contact (Phassa) and Feeling (Vedana) to the list, how many Aggregates are there? (Five, Sir). Look at the section in front of you. What are the present effects? (Five, Sir).
ဪ ပစ္စုပ္ပန်ဘဝ ခင်ဗျားတို့ ပုဂ္ဂိုလ်သတ္တဝါ မပေါ်ပါဘူး ဦးသန်းမောင်တို့၊ ဦးသံဒိုင်တို့ (မှန်ပါ)၊ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ ပေါ်လာတယ်(မှန်ပါ)။
In this present life, a "person" or a "being" does not arise, U Than Maung and U Than Daing. (True, Sir). Only Vinnana, Nama-Rupa, Salayatana, Phassa, and Vedana arise. (Yes, Sir).
ယောက်ျားတွေပေါ်လာသလား၊ မိန်းမတွေပေါ်လာသလား (မပေါ်ပါဘူး ဘုရား)၊ ခန္ဓာငါးပါးပါပဲ၊ ပဋိစ္စသမုပ္ပါဒ် နည်းနဲ့ ပြောလိုက်တယ် (ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာပါ)။
Do "men" arise? Do "women" arise? (No, they do not, Sir). It is only the Five Aggregates. When explained through The Wheel of Dependent Origination, what are they? (They are Vinnana, Nama-Rupa, Salayatana, Phassa, and Vedana).
အဲ အဲဒီ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ ပေါ်လာတယ်ဆိုတာဖြင့် ကျုပ်တို့ ငြင်းဖို့လိုသေးသလား (မလိုပါဘူး ဘုရား)။
Do we need to argue about the fact that Vinnana, Nama-Rupa, Salayatana, Phassa, and Vedana arise? (No, we do not, Sir).
ခင်ဗျားတို့ ပဋိစ္စသမုပ္ပါဒ် ရပြီးသားပုဂ္ဂိုလ်များ ရွတ်ကြည့်ပါ၊ ဘဝပစ္စယာ ဇာတိ ဆိုတာ ဝိညာဏ် စသည်ပဲဗျ နော်(မှန်ပါ)၊ သဘောကျပြီ (ကျပါပြီ ဘုရား)။
Those of you who have memorized the formula of Dependent Origination, recite it: "Due to Becoming, Rebirth arises" (Bhava-paccaya jati). Rebirth (Jati) here means the arising of Consciousness (Vinnana) and the rest. (Yes, Sir). Do you understand? (We understand, Sir).
ကောင်းပြီ၊ မြားကလေးနဲ့ ပြလိုက်တယ်။ စပ်ဆိုတာကလေး မပါဘူးလား(ပါပါတယ်)၊ ဪ အတိတ်နဲ့ ပစ္စုပ္ပန် ဖြင့် ခင်ဗျားတို့စပ်သွားပြီ(မှန်ပါ)။
Very well. I have pointed it out with a small arrow on the chart. Is there not a point marked "Connection"? (There is, Sir). Indeed, your past and present are now connected. (True, Sir).
အတိတ်နဲ့ပစ္စုပ္ပန်ဖြင့် ခင်ဗျားတို့စပ်သွားပြီ
Your Past and Present Are Now Connected
အတိတ်နဲ့ပစ္စုပ္ပန်ဖြင့် ခင်ဗျားတို့စပ်သွားပြီ(မှန်ပါ)၊ အတိတ်အကြောင်းငါးပါးနဲ့ ပစ္စုပ္ပန်အကျိုးငါးပါး ဘာဖြစ်သွား သတုံး(စပ်သွားပါတယ်)၊ ဆက်စပ်သွားပြီ ပြောတာ(မှန်ပါ)၊ ဦးသံဒိုင် တွေ့လိုက်ရဲ့လား(တွေ့ပါတယ် ဘုရား)။
Your past and present are now connected. (Yes, Sir). What happened to the five past causes and the five present effects? (They are connected). Yes, they are linked together. (True, Sir). U Than Daing, did you catch that? (Yes, I did, Sir).
ဘာဖြစ်လို့ ခင်ဗျားတို့ဆက်စပ်အောင်လုပ်ပါလိမ့်မလဲတဲ့၊ အခုဆက်စပ်သွားပြီဆိုတော့ အဝိုင်းတစ်ခြမ်း ဖြစ်သွား ပြီ(မှန်ပါ)၊ ဒီအဝိုင်းကြီးဟာ ဝိုင်းတော့မယ်ဆိုတာ ငြင်းဖို့လိုသေးသလား (မလိုပါဘူး)။
Why did you make them connect? Because they are connected, one half of the Wheel is now complete. (Yes, Sir). Do we need to argue that this great Wheel is going to keep spinning? (No, we do not).
ခင်ဗျားတို့အတိတ်က ကိုလေသဝဋ်၊ ကမ္မဝဋ်တွေ လုပ်ခဲ့တဲ့အတွက် ယခုဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ဥစ္စာကို ဝိပါကဝဋ်လို့ မှတ်လိုက်ပါတော့(မှန်ပါ)။
Because you engaged in the Round of Defilements and the Round of Kamma in the past, you now have Vinnana, Nama-Rupa, Salayatana, Phassa, and Vedana. Mark this result as the Round of Results (Vipaka Vatta). (Well noted, Sir).
ဝဋ်အားဖြင့် ဘာပါလိမ့် (ဝိပါကဝဋ်ပါ ဘုရား)၊ လုံးထွေးတဲ့အကျိုးကြီးတော့ ရပြီ(မှန်ပါ)၊ လုံးတဲ့ဝိုင်းတဲ့ အကျိုး ကြီးတော့ ရပြီလို့ဆိုလိုရင်း(မှန်ပါ)၊ ပေါ်ကြပလား (ပေါ်ပါပြီ)။
In terms of the Rounds, what is it? (It is the Round of Results, Sir). You have received a massive, tangled burden of results. (Yes, Sir). You have received a massive result that keeps the cycle spinning. (True, Sir). Do you see it? (We see it).
သေသေချာချာ ဉာဏ်နဲ့ကြည့်ပါ၊ ဒါ ကိုယ့်ခန္ဓာ တန်းနေတယ်ဆိုတဲ့ အဓိပ္ပါယ်ကို ရှင်းပြပါတယ် (မှန်ပါ ဘုရား)။
Look carefully with your Insight Knowledge. I am clearly explaining how your own Aggregates are continuously linking together. (Yes, Sir).
ကိုင်း ဒါဖြင့် နောက်ပြန်လှည့်လိုက်ပါ၊ ၁ နံပါတ် ပြန်ပြီးလှည့်လိုက်တော့ သမုဒယသစ္စာလို့ အောက်ပိုင်းမှာ တွေ့လိမ့်မယ်(မှန်ပါ)၊ မတွေ့ဘူးလား (တွေ့ပါတယ်)၊ ကိုထွန်းရင် တွေ့ရဲ့လား (မတွေ့သေးပါဘူး ဘုရား)။
Now, let us turn back. Look back at section number one. You will find the Truth of the Origin of Suffering (Samudaya Sacca) at the bottom. (Yes, Sir). Do you see it? (We see it). Ko Tun Yin, do you see it? (Not yet, Sir).
မတွေ့သေးဘူး သေသေချာချာလုပ်၊ အောက်ဆုံးမှာ သမုဒယသစ္စာ(မှန်ပါ)၊ အဲဒါမပါရင် မရှင်းဘူး (မှန်ပါ)၊ ဒါ နားမလည်လို့ရှိရင် ဦးသံဒိုင် ဖြတ်ခန်းမပြနိုင်ဘူး(မှန်ပါ)။
If you don't see it yet, look closely. At the very bottom is Samudaya Sacca. (Yes, Sir). Without understanding this, things won't be clear. (True, Sir). U Than Daing, if you do not understand this, I cannot show you the way to terminate the cycle. (Yes, Sir).
အတိတ် အကြောင်းဆိုတော့
Regarding the Past Causes
ကိုင်း ၁ နံပါတ်မှာ အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝတွေဟာ လွန်ခဲ့ပြီးသော အတိတ်ကာလ၊ အတိတ် အကြောင်းဆိုတော့ သမုဒယသစ္စာပါပဲ(မှန်ပါ)။
In section number one, Avijja, Sankhara, Tanha, Upadana, and Bhava belong to the past. Since they are past causes, they are exactly Samudaya Sacca. (Yes, Sir).
ခင်ဗျားတို့ ကြိုးစားခဲ့သရွေ့ အတိတ်ကကြိုးစားခဲ့တဲ့ ဝဋ်နှစ်ပါးရယ်၊ အခြင်းအရာငါးပါးရယ်၊ အဲဒီထဲပါတဲ့ အဝိဇ္ဇာ၊ သင်္ခါရတွေရယ်။ ခင်ဗျားတို့သည်ကားလို့ ဆိုလို့ရှိရင် ဘာမှတွေးမနေနဲ့၊ သမုဒယသစ္စာချည်း လုပ်ခဲ့တာပဲ(မှန်ပါ)၊ တွေ့ကြ ပလား (တွေ့ပါပြီ ဘုရား)၊ ဘာသစ္စာတုံး (သမုဒယသစ္စာပါ)။
Think of everything you strove for: the two Rounds you engaged in during the past, the five causes, and the Avijja and Sankhara included in them. Do not overthink it—you were simply cultivating the Truth of the Origin of Suffering (Samudaya Sacca). (Yes, Sir). Do you see it now? (We see it, Sir). What Truth is it? (Samudaya Sacca).
ကိုင်း ဒါဖြင့်မေးပြီ၊ ဦးညွန့်တို့လဲ သမုဒယသစ္စာလုပ်တဲ့ပုဂ္ဂိုလ်ဟာဖြင့် ဒုက္ခကျွတ်ရေး မမြင်သေးပါဘူး (မမြင် ပါဘူး)။
Now I ask you, U Nyunt. For a person cultivating Samudaya Sacca, is there any hope in sight for escaping suffering? (No, there is not).
ဒါကြောင့် ကြည့်ပါ၊ ပစ္စုပ္ပန်အကျိုးအခြင်းရာငါးပါးဆိုပြီး ၂ နံပါတ်မှာ တွေ့ကြရဲ့လား(တွေ့ပါတယ်)၊ ဘာတွေ ပေါ်လာသတုံးဆိုတော့ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ခန္ဓာငါးပါးပေါ်လာတယ်(မှန်ပါ)၊ သစ္စာနဲ့ ကြည့်လိုက်တော့ ဘာသစ္စာပေါ်လာတုံး (ဒုက္ခသစ္စာပေါ်တာပါ)။
Therefore, look at section number two, the five present effects. Do you see them? (Yes, we do). What has arisen? The Five Aggregates: Vinnana, Nama-Rupa, Salayatana, Phassa, and Vedana. (True, Sir). When you view them through the lens of the Truths, what Truth has arisen? (The Truth of Suffering—Dukkha Sacca—has arisen).
ဖြစ်မှဖြစ်ရလေ ဦးသန်းမောင် ဟင်(မှန်ပါ)၊ အတိတ်က သမုဒယသစ္စာကြိုးစားခဲ့တဲ့အတွက် ယခုဘဝ ဒုက္ခသစ္စာ ကြီးတော့ လှလှကြီးရနေပြီ (မှန်ပါ)။
What a tragedy, U Than Maung! (Yes, Sir). Because you strove for Samudaya Sacca in the past, you are now beautifully rewarded with a massive burden of Dukkha Sacca in this life. (True, Sir).
ကိုထွန်းရင် ဘာရသလဲ (ဒုက္ခသစ္စာ ရပါတယ်)၊ ဘာတွေကြိုးစားခဲ့ကြသတုံး (သမုဒယသစ္စာ ကြိုးစားခဲ့ပါတယ်)၊ အတိတ်ဘဝက သမုဒယသစ္စာကြိုးစားခဲ့တဲ့အတွက် ယခုဘဝမှာဖြင့် ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတာ ဘာသစ္စာတုံး (ဒုက္ခသစ္စာပါ)။
Ko Tun Yin, what did you get? (We got Dukkha Sacca). What did you strive for? (We strove for Samudaya Sacca). Because you strove for Samudaya Sacca in your past life, you now have Vinnana, Nama-Rupa, Salayatana, Phassa, and Vedana. What Truth is this? (It is Dukkha Sacca).
ပစ္စုပ္ပန်အကျိုးအခြင်းရာငါးပါး
The Five Present Effects
ဒါကြောင့် ပစ္စုပ္ပန်အကျိုးအခြင်းရာငါးပါးဖြင့် ခင်ဗျားတို့ ပြေးလို့လွတ်ပါ့မလား (မလွတ်ပါဘူး ဘုရား)၊ ယခု ဦးသံဒိုင်ကြီးတို့၊ ဦးသန်းမောင်တို့၊ ဦးညွန့်တို့ ဘာသစ္စာထဲမှာ ခင်ဗျားတို့နေရပါလိမ့် (ဒုက္ခသစ္စာထဲမှာ နေရပါတယ်)။
Therefore, with these five present effects, can you run away and escape? (No, we cannot, Sir). Right now, U Than Daing, U Than Maung, and U Nyunt, within which Truth do you live? (We live within Dukkha Sacca).
ဒါဖြင့် ခင်ဗျားတို့သန္တာန်မှာ ယခုရှုရမှာက ရထားတာက ဒုက္ခသစ္စာမို့ ဒုက္ခသစ္စာပဲ ဘုန်းကြီးက အရှုခိုင်းရမှာပဲ (မှန်ပါ)။ ရထားတာက (ဒုက္ခသစ္စာပါ ဘုရား)၊ အရှုခိုင်းရင်(ရှုခိုင်းရမှာပဲ)၊ ဒုက္ခသစ္စာပဲအရှုခိုင်းရမယ်ဆိုတာ ဒီမှာ အဝိုင်း အတွင်းမှာ ပေါ်လာတယ် (မှန်ပါ)၊ ပေါ်ကြပလား (ပေါ်ပါပြီ)။
Since what you have within you is Dukkha Sacca, I have no choice but to instruct you to watch and observe Dukkha Sacca. (Yes, Sir). What have you acquired? (Dukkha Sacca, Sir). So what must I instruct you to observe? (You must instruct us to observe it). The fact that I must instruct you to observe Dukkha Sacca becomes evident right here inside the Wheel. (True, Sir). Do you see it? (We see it).
ဒါ ယီးတီးယားတား လုပ်လို့တော့ မရဘူး(မှန်ပါ)၊ ကိုယ့်ခန္ဓာလည်တာ ကိုယ်သိမှ ကိုယ့်ခန္ဓာ ဖြတ်ချင်မယ်(မှန်ပါ)၊ ဒါ တော်တော်အရေးကြီးတယ်ဆိုတဲ့ အဓိပ္ပါယ်၊ ပေါ်ကြပလား (ပေါ်ပါပြီ ဘုရား)၊ ဦးသံဒိုင် ပေါ်ရဲ့လား(ပေါ်ပါတယ်)။
You cannot approach this half-heartedly. (Yes, Sir). Only when you understand how your own Aggregates are spinning will you possess the desire to sever the cycle. (True, Sir). Do you grasp how incredibly important this is? (We do, Sir). U Than Daing, do you grasp it? (I grasp it).
ဦးသံဒိုင်တို့ နောက်ဘဝက ဘယ်သစ္စာတွေများ ခင်ဗျားတို့ ကြိုးစားခဲ့ပါလိမ့် (သမုဒယသစ္စာ ကြိုးစားခဲ့ပါတယ်)၊ ယခု ဘာတွေအမြတ်ထွက်နေပါလိမ့် (ဒုက္ခသစ္စာတွေ ထွက်နေပါတယ်)၊ သမုဒယရင်းလို့ ဒုက္ခအမြတ်ထွက် နေပါပေါ့လား (မှန်ပါ)၊ ရှင်းပါလား (ရှင်းပါပြီ)။
U Than Daing, which Truth did you strive for in your past life? (We strove for Samudaya Sacca). And what kind of profit are you reaping now? (We are reaping Dukkha Sacca). You invested in Samudaya and reaped suffering as your profit! (True, Sir). Is it clear? (It is clear).
နောက်ကလဲ လူမိုက်၊ အခုလဲ မလိမ္မာ ဟင်(မှန်ပါ)၊ နောက်ကလဲ သမုဒယသစ္စာကြိုးစားခဲ့တဲ့လူမို့ လူမိုက်(မှန်ပါ)၊ သမုဒယသစ္စာဆိုတာ ပယ်ရမည့်တရားမဟုတ်လား (မှန်ပါ)၊ အဲဒါကြိုးစားခဲ့တဲ့အတွက် ဘယ်နှယ့်ဆိုကြမလဲ (လူမိုက်ပါ ဘုရား)။
You were a fool in the past, and you are still not wise now, are you? (True, Sir). Because you strove for Samudaya Sacca in the past, you were a fool. (Yes, Sir). Samudaya Sacca is something that must be eradicated, isn't it? (Yes, Sir). Because you actively strove for it, what should we call you? (Fools, Sir).
ယခုလဲ ကိုယ်ရထားတဲ့ဒုက္ခသစ္စာကြီးကိုပဲ ကိုယ်က ဒုက္ခသစ္စာလို့မသိတော့ ထပ်မိုက်ပြန်ပြီ(မှန်ပါ)၊ ဘယ့်နှယ် ဆိုကြမလဲ (ထပ်မိုက်ပြန်ပါပြီ)။
And now, possessing this massive Dukkha Sacca, you fail to recognize it as Dukkha Sacca, so you act foolishly all over again. (True, Sir). What should we say? (We are acting foolishly all over again).
မိုက်ပုံက နှစ်ချက်ထပ်နေပြီ
Your Foolishness is Doubled
မိုက်ပုံက နှစ်ချက်ထပ်နေပြီ (မှန်လှပါ)၊ ဒုက္ခရောက်လို့လဲ ဒုက္ခရောက်မှန်းမသိလို့ တစ်မိုက်၊ ဒုက္ခရောက်ကြောင်း အတိတ်ကလုပ်ခဲ့လို့ တစ်မိုက်(မှန်ပါ)၊ ရှင်းပလား (ရှင်းပါပြီ)၊ ဘယ်နှစ်မိုက်ဖြစ်သလဲ(နှစ်မိုက်ဖြစ်ပါတယ်)၊ ဪ တစ်မိုက် က အကြောင်း၊ တစ်မိုက်က အကျိုး(မှန်ပါ)။
Your foolishness is doubled. (Very true, Sir). You are suffering, yet you do not realize you are suffering—that is one folly. You actively cultivated the causes of suffering in the past—that is another folly. (True, Sir). Is that clear? (It is clear). How many follies is that? (Two follies). Indeed, one folly is the cause, and the other folly is the effect. (Yes, Sir).
ဒါက သူများပြောလို့ မဆိုကြပါနဲ့၊ ဦးသံဒိုင် သူများပြောလား၊ မြတ်စွာဘုရားဟောတာလား (မြတ်စွာဘုရားဟော တာပါ ဘုရား)၊ ကိုယ့်ခန္ဓာဖြစ်စဉ် ဟုတ်ပါရဲ့လား၊ မဟုတ်ဘူးလား (ဟုတ်ပါတယ် ဘုရား)၊ အဲဒါ အမှန်ပါ(မှန်ပါ)။
Do not think I am just making this up. U Than Daing, is this just hearsay, or is it the teaching of the Buddha? (It is the teaching of the Buddha, Sir). Does this perfectly describe the process of your own Aggregates or not? (It does, Sir). This is the absolute truth. (Yes, Sir).
ဘုရားဟောထားတာကို ဘုရားက ပရိနိဗ္ဗာန်စံသွားတော့ နောက်ပုဂ္ဂိုလ်တွေကဝင်ပြီးနှောထားတာလို့ ခင်ဗျားတို့ ဆိုချင်ဆိုလိမ့်ဦးမယ်။ ဆိုနေကြတဲ့ ပုဂ္ဂိုလ်တွေအချို့လဲ ရှိနေကြတာပဲ(မှန်ပါ)။
You might be tempted to say that after the Buddha attained Parinibbana, later generations tampered with His teachings. Some people actually claim this. (True, Sir).
ဒီလိုမဆိုရအောင် ကိုယ့်ခန္ဓာကြီးအတိုင်း ဆက်စပ်နေတယ်ဆိုတာ ယုံကြည်ပလား (ယုံကြည့်ပါပြီ ဘုရား)၊ အခု ဘာသစ္စာနဲ့ ခင်ဗျားတို့နေရတယ်ဆိုတာ မပေါ်လာသေးဘူးလား (ပေါ်လာပါပြီ)။
To prevent you from holding such views, do you now believe that this perfectly aligns with the continuous process of your own body and mind? (We believe it, Sir). Is it not obvious now exactly which Truth you are living with? (It is obvious).
နာမ်ရုပ်ဆိုတော့ သံခိတ္တေန ပဉ္စုပါဒါ နက္ခန္ဓာပိ ဒုက္ခာ လို့ ဆိုသောကြောင့် ဒီနာမ်ရုပ်ကို ဘာသစ္စာဖွဲ့မတုံး (ဒုက္ခသစ္စာဖွဲ့ပါမယ်)၊ သဠာယတနာဆိုတာလဲ စက္ခု၊ သောတ၊ ဃာန၊ ဇိတ၊ ကာယ၊ မန ဆိုသဖြင့် ရုပ်နဲ့နာမ်ပဲ(မှန်ပါ)၊ ဒါလဲ ဘာသစ္စာလဲ (ဒုက္ခသစ္စာပါ)၊ ဖဿကကော (ဒုက္ခသစ္စာပါပဲ)၊ ဝေဒနာကကော (ဒုက္ခသစ္စာပါပဲ)။
Regarding Mind and Matter (Nama-Rupa), the Buddha declared, "Sankhittena pancupadanakkhandha pi dukkha" (In short, the five clinging-aggregates are suffering). Therefore, what Truth do we classify Nama-Rupa as? (We classify it as Dukkha Sacca). The Six Sense Bases (Salayatana) consist of the eye, ear, nose, tongue, body, and mind—which are just physical and mental phenomena. (True, Sir). What Truth is this? (Dukkha Sacca). What about Contact (Phassa)? (It is Dukkha Sacca). And Feeling (Vedana)? (It is Dukkha Sacca).
ဒါဖြင့် ဖောက်ပြန်တာချည်းပဲ၊ မဖောက်ပြန်တဲ့တရားကို ဒီအထဲပါရဲ့လား (မပါပါဘူး)၊ ဒါဖြင့် ဝိပရိဏာမလက္ခဏံ ဒုက္ခသစ္စံ (မှန်ပါ) မပေါ်သေးဘူးလား (ပေါ်ပါပြီ)။
So, everything is just altering and perishing. Is there any phenomenon in here that does not alter and perish? (No, there is not). Thus, does the principle "Viparinama lakkhanam dukkha saccam" (That which has the characteristic of change is the Truth of Suffering) not become evident? (It has become evident).
အဲဒါတွေကြည့်လိုက်တော့မှ ဪ ဦးသံဒိုင်ကြီးတို့ အတိတ်ကမိုက်မိတာ အခု မိုက်ကျိုးဖြင့်ခံစားနေရပြီ (မှန်ပါ ဘုရား)။ မိုက်မှုမိုက်ကြောင်းတွေ ကြိုးစားခဲ့တဲ့အတွက် မိုက်ကျိုးကြီးတွေဖြင့် သွားလို့မလွတ်၊ လာလို့မလွတ်၊ ထိုင်လို့လဲ မလွတ်၊ အိပ်နေလို့လဲ (မလွတ်ပါဘူး)။
Looking closely at all this, you realize: "Oh! Because we acted foolishly in the past, we are now suffering the consequences of our folly." (True, Sir). Because you dedicated yourselves to the causes of folly, you are trapped by the massive consequences of that folly. You cannot escape it when you walk, you cannot escape it when you come, you cannot escape it when you sit, and when you sleep? (We cannot escape it).
ဖောက်ပြန်ပျက်စီးတတ်တဲ့ တရားချည်းပဲ
Only Phenomena Subject to Destruction
ဖောက်ပြန်ပျက်စီးတတ်တဲ့ တရားချည်းပဲ။ ဒါနဲ့ချည်းပဲနေရတာပဲ (မှန်ပါ)။ တစ်ပါးသောတရား နှောသေးသလား (မနှောပါဘူး)။
Everything is just phenomena subject to alteration and destruction. You live with nothing but this. (True, Sir). Is there any other phenomenon mixed in? (No, there is not).
ဪ တို့ဖြစ်စဉ်သည်ကားလို့ ဆိုလို့ရှိရင်ဖြင့် မိုက်ကျိုးတွေဖြင့် ဒါနဲ့အဖော်လုပ်နေပါတယ်ဆိုတာ လွဲကြသေးရဲ့ လား (မလွဲပါဘူး ဘုရား)။ ဦးသန်းမောင် ကျေနပ်ရဲ့လား (ကျေနပ်ပါပြီ)။ ဘယ်တုန်းက ခင်ဗျားတို့က မိုက်ကြောင်းတွေ ခင်ဗျားတို့က ကြိုးစားခဲ့ပါလိမ့် (အတိတ်ဘဝကပါ ဘုရား)။
"Oh, the unfolding of our lives is nothing but keeping company with the consequences of our past folly." Would it be wrong to say this? (It would not be wrong, Sir). U Than Maung, are you convinced? (I am convinced). When did you strive for these causes of folly? (In our past lives, Sir).
ယခုတော့ဖြင့် ခင်ဗျားတို့ ဘာတွေအဖော်လုပ်နေရသတုံးလို့ ဆရာဘုန်းကြီးကမေးရင် မိုက်ကျိုးကြီးတွေနဲ့ အဖော် လုပ်နေရပါတယ်ဘုရား(မှန်ပါ)၊ ကြည့်လေ ဝိညာဏ်နဲ့ အဖော်လုပ်နေရတယ်၊ နာမ်ရုပ်နဲ့ကော (အဖော်လုပ်နေရပါတယ်)၊ သဠာယတနာနဲ့ကော (အဖော်လုပ်နေရပါတယ်)၊ ဖဿနဲ့ကော (အဖော်လုပ်နေရပါတယ်)၊ ဝေဒနာနဲ့ကော (အဖော်လုပ်နေရ ပါတယ်)၊ ဘာသစ္စာတွေတုံး (ဒုက္ခသစ္စာတွေပါ ဘုရား)။
If I ask you what you are keeping company with right now, you must answer, "We are keeping company with the massive consequences of our folly, Sir." (True, Sir). Look at it! You are keeping company with Consciousness (Vinnana). With Mind and Matter (Nama-Rupa)? (We are keeping company with them). With the Six Sense Bases (Salayatana)? (We are keeping company with them). With Contact (Phassa)? (We are keeping company with it). With Feeling (Vedana)? (We are keeping company with it). What Truths are these? (They are Dukkha Sacca, Sir).
အောက်သွားကြည့်ပါ၊ ဒုက္ခသစ္စာလို့ ပါပါလိမ့်မယ် (မှန်ပါ)၊ ဘယ်ကာလမှာ ရနေတာတုံးဆိုတော့ ပစ္စုပ္ပန်အကျိုး တစ်လွှာလို့ပြထားတော့ ပစ္စုပ္ပန်အကျိုးကွ တဲ့(မှန်ပါ)၊ ကာလဖြင့် ပစ္စုပ္ပန်ကာလတဲ့။ ဖြစ်ပေါ်နေတာက အကျိုးတရား(မှန်ပါ)၊ ရှင်းပလား (ရှင်းပါပြီ)၊ ဒါကြောင့် ပစ္စုပ္ပန်အကျိုးတစ်လွှာ ဆိုတာကော ရှင်းပလား (ရှင်းပါပြီ ဘုရား)။
Look down at the chart: it says Dukkha Sacca. (Yes, Sir). In what time period are you experiencing this? The chart shows the "Present Effects Section." So, they are present effects. (True, Sir). The time period is the present. What is arising are the effects. (Yes, Sir). Is that clear? (It is clear). So, do you understand what the "Present Effects Section" means? (We understand, Sir).
ပစ္စုပ္ပန်အကျိုးတစ်လွှာ
The Present Effects Section
ဪ ဒါဖြင့် ဒီဟာ စာမှာမပါငြားသော်လဲ ဘုန်းကြီးက ထည့်ပေးလိုက်ပါတယ်။ ဒီငါးခုစလုံး ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ။ ဦးသန်းမောင်တို့ ဝိပါကဝဋ်ပဲ(မှန်ပါ)၊ ရိပ်မိကြပလား (ရိပ်မိပါပြီ ဘုရား)။
Though it is not explicitly written in the texts this way, I have added this for clarity: all five of these—Vinnana, Nama-Rupa, Salayatana, Phassa, and Vedana—are precisely the Round of Results (Vipaka Vatta). (Yes, Sir). Do you see it? (We see it, Sir).
သူက အကျိုးပေးထားတာ(မှန်ပါ)၊ အကျိုးပေးတော့ ခင်ဗျားတို့ အခု ဝဋ်ကောင်ကြီးဆိုရင်လဲ လွဲပါ့မလား (မလွဲ ပါဘူး)။ ကျွတ်ပလားမေးရင် (မကျွတ်သေးပါဘူး)။
They are the results given to you. (True, Sir). Since you are experiencing these results, if I call you a "Creature of the Cycle" (Vatta-kaung), would I be wrong? (You would not be wrong). If I ask whether you are liberated yet? (We are not liberated yet).
ဦးသန်းမောင် ကျွတ်ပလား (မကျွတ်သေးပါဘူး ဘုရား)။ တစ်နေ့လဲ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ၊ နောက်တစ်နေ့နေပြန်တော့လဲ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ(မှန်ပါ)၊ နောက်တစ်နာရီလဲ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ၊ နောက်တစ်နာရီလဲ (ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာပါ)။
U Than Maung, are you liberated? (Not yet, Sir). One day it is Vinnana, Nama-Rupa, Salayatana, Phassa, and Vedana. The next day it is again Vinnana, Nama-Rupa, Salayatana, Phassa, and Vedana. (True, Sir). In the next hour, it is Vinnana, Nama-Rupa, Salayatana, Phassa, and Vedana. And in the hour after that? (It is Vinnana, Nama-Rupa, Salayatana, Phassa, and Vedana).
ဟာ ဒုက္ခတွေသာ လှည့်နေတာပဲဆိုရင် လွဲပါ့မလား (မလွဲပါဘူး)၊ မသေသရွေ့ ခင်ဗျားတို့ ဒီငါးခုနဲ့ နေရမှာပဲ (မှန်ပါ)။
If I say that nothing but suffering is revolving, would I be wrong? (No, Sir). As long as you are not dead, you must live with these five. (True, Sir).
ဒုက္ခငါးခုနဲ့နေရမယ်ဆိုသောကြောင့် ခင်ဗျားတို့သည် ဒီဥစ္စာ စာမှာမပါငြားသော်လဲ စာက အနာဂတ်ကျမှ ဝိပါကဝဋ် မှ ထည့်လိမ့်မယ်နော်(မှန်ပါ)၊ အဲဒါလဲ ဝိပါကဝဋ်လို့ မှတ်လိုက်စမ်းပါ (မှန်ပါ)။
Because you have to live with these five sufferings, even though the text might only formally label the future results as the Round of Results (Vipaka Vatta), you must mark these present ones as Vipaka Vatta as well. (Yes, Sir).
ဘယ်လိုဆိုကြမယ် (ဝိပါကဝဋ်ပါ ဘုရား)၊ ဝိပါကဝဋ်လို့ မှတ်လိုက်စမ်းပါ (မှန်ပါ)။
What shall we call them? (Vipaka Vatta, Sir). Note them down as the Round of Results. (Well noted, Sir).
မောင်ချစ်စိန်၊ သေသေချာချာမှတ်ပါ (မှန်ပါ)၊ ဘယ်အချိန်သင့်သတုံးဆိုတော့ ပစ္စုပ္ပန်ဘုရား၊ အခုသင့်နေတာပေါ့ (မှန်ပါ)၊ ပစ္စုပ္ပန်အကျိုးခြင်းရာ ငါးပါးက အခုသင့်နေတာလို့ မင်းတို့ကသာ အခု ဉာဏ်မျက်လုံးမပါလို့မသိတာ။ အခု သင့်နေတာ (မှန်ပါ)၊ ပေါ်ကြပလား (ပေါ်ပါပြီ)။
Maung Chit Sein, mark this carefully. (Yes, Sir). When is this happening? It is the present. It is happening to you right now. (True, Sir). These five present effects are afflicting you right this very moment. You just do not realize it because you lack the Eye of Insight. It is happening right now. (True, Sir). Do you see it? (We see it).
ဘယ်အခါမှသင့်နေတာတုံး (အခုသင့်နေတာပါ)၊ ပစ္စုပ္ပန်လို့ ပါနေပေါ့ပဲ(မှန်ပါ)၊ အင်း တစ်ပတ်တော့ တစ်ခြမ်း ပြည့်သွားပြီ(မှန်ပါ)၊ နောက်က ဒကာ ဒကာမတွေကော တွေ့ကြရဲ့လား (တွေ့ပါတယ် ဘုရား)၊ အေး တွေ့ကြအောင်ကြည့် ပါ(မှန်ပါ)၊ တစ်ခြမ်းပြည့်သွားပြီနော် (မှန်ပါ)။
When is it afflicting you? (It is afflicting us right now). It clearly says "Present." (True, Sir). So, one half of the Wheel is complete. (Yes, Sir). You Yogis at the back, do you see it? (We see it, Sir). Good, look closely so that you see it. (Yes, Sir). One half is complete. (True, Sir).
အဲဒီတော့ ဒီဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာဆိုတာ ဖွဲ့လိုက်တော့ ခန္ဓာငါးပါး(မှန်ပါ)၊ ဘယ်လို များဖြစ်လို့ ပေါ်လာပါလိမ့်မတုံးဆိုတော့ မြားကလေးကြည့်လိုက်။ စပ်ဆိုတဲ့မြားကလေးဟာ ဟိုဘက်နဲ့ ဒီဘက်စပ်တာ (မှန်ပါ)။
So, Vinnana, Nama-Rupa, Salayatana, Phassa, and Vedana form the Five Aggregates. (Yes, Sir). How did they come into existence? Look at the small arrow. The arrow labeled "Connection" links that side [the past] with this side [the present]. (True, Sir).
အတိတ်အကြောင်းနဲ့ ပစ္စုပ္ပန်အကျိုးစပ်တာ
It is the connection between the Past Causes and the Present Effects.
အတိတ်အကြောင်းနဲ့ ပစ္စုပ္ပန်အကျိုးစပ်တာ (မှန်ပါ)၊ မြားကလေးလဲတွေ့ကြရဲ့လား (တွေ့ပါတယ်)၊ ဘာနဲ့ဘာ စပ်သတဲ့ (အတိတ်အကြောင်းနဲ့ ပစ္စုပ္ပန်အကျိုးစပ်ပါတယ် ဘုရား)၊ အတိတ်အကြောင်းနဲ့ ပစ္စုပ္ပန်အကျိုးစပ်တယ်ဆိုတာ ဦးသန်းမောင် မြားကလေးက ပြတယ်(မှန်ပါ)၊ ရှင်းပလား (ရှင်းပါပြီ)။
We are linking Past Causes to Present Effects on the chart. (True, Sir). Do you see the small arrow? (Yes, we do, Sir). What does it link? (It links Past Causes to Present Effects, Sir). U Than Maung, the small arrow shows the connection between Past Causes and Present Effects. (True, Sir). Is that clear? (Yes, it is, Sir).
ဒကာ ဒကာမတို့၊ အတိတ်အကြောင်းလဲ သမုဒယသစ္စာ၊ ပစ္စုပ္ပန်အကျိုးက (ဒုက္ခသစ္စာပါ)၊ စပ်လိုက်တော့လဲ မီးနဲ့ထင်း သွားစပ်တယ်(မှန်ပါ)၊ သမုဒယသစ္စာက မီးပေါ့ဗျာ၊ ဒုက္ခသစ္စာက ထင်းပေါ့ဗျာ(မှန်ပါ)၊ မီးနဲ့ထင်းနဲ့ တွေ့နေပြီ ဦးသန်းမောင်၊ လောင်မှလောင်ပါ့မလား (လောင်ပါတယ် ဘုရား)။
Yogis, Past Causes are the Truth of Origin (Samudaya Sacca), and Present Effects are... (The Truth of Suffering [Dukkha Sacca], Sir). When they connect, it is like fire meeting firewood. (True, Sir). Samudaya Sacca is the fire, and Dukkha Sacca is the firewood. (True, Sir). U Than Maung, the fire and the firewood have met. Will it burn? (Yes, it will burn, Sir).
ဦးညွန့် ဘာနဲ့ဘာတွေ့နေသလဲ (မီးနဲ့ထင်း တွေ့နေပါတယ် ဘုရား)၊ မီးက သမုဒယသစ္စာ၊ ထင်းက ဒုက္ခသစ္စာ (မှန်ပါ ဘုရား)။ သဘောကျပလား (ကျပါပြီ)။
U Nyunt, what and what are meeting? (Fire and firewood are meeting, Sir). Fire is Samudaya Sacca, and firewood is Dukkha Sacca. (True, Sir). Do you grasp the meaning? (Yes, we do, Sir).
ကိုင်း ဒါဖြင့် ဒီဒကာ ဒကာမတွေ ဒီအတိုင်း ဆရာသမားကပစ်ထားတော့မယ်ဆိုလို့ရှိရင် ဝိုင်းတော့မှာပဲဆိုတာ သေချာတယ် (သေချာပါတယ် ဘုရား)။
Now then, if I, your teacher, were to just leave you Yogis like this, it is certain that you will keep spinning endlessly in this cycle. (It is certain, Sir).
ကိုင်း ဒါဖြင့် ဆရာသမား မကူသေးဘူး၊ ခင်ဗျားတို့ကို ပစ်ထားဦးမယ်နော် (မှန်ပါ)၊ ပစ်ထားရင် ဘယ်အခြေစိုက် မတုံး မေးတဲ့အခါ သမုဒယသစ္စာအထက်မှာ ၃မှာ ယခုဖြစ်ဆဲ ပစ္စုပ္ပန်ကာလဆိုတာ တန်းမပြဘူးလား(ပြပါတယ်)၊ တွေ့တယ် မဟုတ်လား (တွေ့ပါတယ် ဘုရား)၊ ဖတ်ပြစမ်းပါ (ယခုဖြစ်ဆဲ ပစ္စုပ္ပန်ကာလပါ)။
Well then, let's say I don't help you yet and just leave you be. (True, Sir). If left alone, where will you end up? Look above Samudaya Sacca at Section 3. Doesn't it clearly show "The Present Period"? (Yes, it shows that, Sir). You see it, don't you? (Yes, we see it, Sir). Read it aloud for me. (The Present Period, Sir).
အဲဒါနှစ်ခု ဆက်ပြထားတယ်(မှန်ပါ)၊ နှစ်ခုဆက်ပြီး ပြထားတော့ ခင်ဗျားတို့ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာထဲမှာ ခင်ဗျားတို့ ဘာတွေလုပ်နေသတုံး၊ ဒီခန္ဓာငါးပါးကြီးက ဘာတွေများသီးလို့ ဘာတွေများပွင့်နေပါလိမ့် မတုံးဆိုတော့ တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရကို ပြန်လုပ်ပြန်တယ်(မှန်ပါ)။
Those two are shown connected. (True, Sir). Since they are connected, what are you doing while possessing Consciousness (Viññāṇa), Mind and Matter (Nāma-rūpa), Six Sense Bases (Saḷāyatana), Contact (Phassa), and Feeling (Vedanā)? What kinds of fruits and flowers is this mass of the Five Aggregates producing? You are generating Craving (Taṇhā), Clinging (Upādāna), Becoming (Bhava), Ignorance (Avijjā), and Volitional Formations (Saṅkhāra) all over again. (True, Sir).
ပစ္စုပ္ပန်ခန္ဓာကြီးက ဘာတွေများ သီးပွင့်လာပါလိမ့်
ပစ္စုပ္ပန်ခန္ဓာကြီးက ဘာတွေများ သီးပွင့်လာပါလိမ့် (တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရပါ ဘုရား)၊ ဟုတ်ပါ တယ်၊ အခုလဲ သစ္စာလေးပါးမသိတဲ့ အဝိဇ္ဇာရှိနေတယ်။
What is this present body (Khandha) producing? (Craving, Clinging, Becoming, Ignorance, and Volitional Formations, Sir). Exactly. Right now, you possess Ignorance (Avijjā) which blinds you to the Four Noble Truths.
ပြုချင်သလိုပြုတဲ့ သင်္ခါရအလုပ်တွေကော (ရှိပါတယ် ဘုရား)၊ ခင်ချင်သလိုခင်တဲ့ တဏှာတွေကော (ရှိပါတယ်)၊ စွဲလမ်းချင်သလို စွဲလမ်းတဲ့ ဥပါဒါန်တွေ (ရှိပါတယ်)၊ ကာယကံ၊ ဝစီကံဆိုတဲ့ ကမ္မဘဝတွေကော (ရှိပါတယ်)။
Do you have the Volitional Formations (Saṅkhāra) that make you act however you please? (Yes, we have them, Sir). Do you have the Craving (Taṇhā) that makes you desire whatever you want? (Yes, we do, Sir). Do you have the Clinging (Upādāna) that grasps tightly? (Yes, we have it, Sir). What about the physical and verbal actions that constitute Karmic Becoming (Kamma-bhava)? (We have them, Sir).
အခု ဘာလုပ်နေကြပါလိမ့်မတုံး၊ ယခု ခန္ဓာကြီးက ဘာတွေများ ပေါက်ဖွားနေကြပါလိမ့်မတုံး (တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရတွေ ပေါက်ဖွားပါတယ်)၊ နံပါတ် ၃ ဖြစ်လာတယ်။ တွေ့တယ်မဟုတ်လား (မှန်ပါ)။
So, what are you doing right now? What is this current body spawning? (It is spawning Craving, Clinging, Becoming, Ignorance, and Volitional Formations, Sir). This becomes Section 3 on the chart. You see it, don't you? (True, Sir).
ကိုထွန်းရင်၊ ခန္ဓာကြီးက ဘာတွေများသီးလို့ ဘာတွေများပွင့်လာပါလိမ့်။ ဦးသံဒိုင်ကြီး ခန္ဓာကြီးက ဘာတွေသီး၍ ဘာတွေပွင့်လာပါလိမ့် ကြည့်စမ်းပါ (တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရပါ)။
Ko Tun Yin, what is this body fruiting and flowering into? U Than Daing, look closely—what is this mass of aggregates producing? (Craving, Clinging, Becoming, Ignorance, and Volitional Formations, Sir).
အဲဒါတွေလုပ်နေတာပဲ။ သစ္စာမှ ခင်ဗျားတို့မသိသေးဘဲကိုး(မှန်ပါ)။ သစ္စာမသိတော့ အဝိဇ္ဇာမနေဘူးလား (နေပါ တယ်)၊ ပြုပြင်သလိုပြုပြီး သကာလ နေတဲ့ အကုသိုလ်တွေ၊ ပူပင်သောကတွေ၊ သစ္စာမသိဘဲနဲ့ လှူနေတဲ့ သင်္ခါရတွေကော မရှိဘူးလား(ရှိပါတယ်)၊ ဒါ ဘယ်ခန္ဓာထဲက ပွားလာတာတုံး (ပစ္စုပ္ပန်ခန္ဓာထဲက ပွားလာတာပါ ဘုရား)။
That is exactly what you are doing. It is because you do not yet know the Noble Truths! (True, Sir). Since you do not know the Truths, doesn't Ignorance reside in you? (Yes, it does, Sir). Are there not unwholesome deeds, anxieties, and even charitable acts done blindly without knowing the Truths—which are all Saṅkhāra? (Yes, there are, Sir). Where do these multiply from? (They multiply from the present body, Sir).
အို ခင်ဗျားတို့ ခက်ပြီကော(မှန်ပါ)၊ ခက်ပြီတဲ့။ ပစ္စုပ္ပန်ခန္ဓာကြီးက ဘာသစ္စာတွေ ပေါက်ဖွား လာပါလိမ့် မတုံးဆို လို့ ကြည့်လိုက် (သမုဒယပဲ ပေါက်ဖွားလာပါတယ် ဘုရား)၊ ဟော တွေ့ပြီ၊ အောက်ဆုံး မျဉ်းကြောင်းမှာနော် (မှန်ပါ)။
Oh, you are in deep trouble! (True, Sir). You are in trouble. Look closely at what Noble Truth this present body is spawning. (It is spawning Samudaya Sacca, Sir). There you see it, on the bottom line of the chart. (True, Sir).
သမုဒယသစ္စာတွေ သီးပွင့်လာတယ်
ပစ္စုပ္ပန်ခန္ဓာကြီးက ဘာတွေများ သီးပွင့်လာပါလိမ့် (သမုဒယသစ္စာတွေ သီးပွင့်လာပါတယ်)၊ သမုဒယသစ္စာဆိုတဲ့ အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝ အသီးအပွင့်တွေ ပွင့်လာတယ် (မှန်ပါ)၊ ပေါ်ကြပလား (ပေါ်ပါပြီ)၊ ရှင်းကြရဲ့လား (ရှင်းပါတယ် ဘုရား)။
What is this present body producing? (It is producing Samudaya Sacca, Sir). The fruits and flowers of Samudaya Sacca—Ignorance, Volitional Formations, Craving, Clinging, and Becoming—are blossoming. (True, Sir). Is it clear now? (Yes, it is, Sir). Do you understand? (Yes, we do, Sir).
အကြောင်းအကျိုးကော ဆက်ပါရဲ့လား(ဆက်ပါတယ် ဘုရား)၊ ဆက်လို့ရှိရင်ပြန်ကြည့်၊ ဝေဒနာပစ္စယာ တဏှာ တွေ့တယ်မဟုတ်လား (တွေ့ပါတယ်)၊ တဏှာပစ္စ (ဥပါဒါန်)၊ ဥပါဒါနပစ္စယာ (ကမ္မဘဝပါ)၊ ကမ္မဘဝဆိုရင် မဆက်သေး ဘူးလား (ဆက်ပါပြီ ဘုရား)။
ဒါတွေ ဘယ်နှယ့်ကြောင့် ပေါ်ပေါက်လာပါလိမ့်မတုံးဆိုတော့ အဝိဇ္ဇာသင်္ခါရ မချုပ်လို့ ပေါ်တာပေါ့(မှန်ပါ)၊ ရှင်းပလား (ရှင်းပါပြီ)၊ အဝိဇ္ဇာသင်္ခါရ မချုပ်လို့ပေါ်တာပေါ့လို့ သိအောင်လို့ နှစ်ခုထည့်လိုက်တယ်(မှန်ပါ)။
ဒါဖြင့် ခင်ဗျားတို့ ဒုက္ခသစ္စာကြီးရတဲ့အထဲက သမုဒယအသီးတွေ သီးပြန်တာပဲ(မှန်ပါ)။
ဦးသန်မောင်၊ ဘာတွေသီးသတုံး (သမုဒယအသီးတွေ သီးပါတယ်)၊ ငါးခုတောင်သီးတယ် ဟင်(မှန်ပါ)၊ ဘယ် အထဲက သီးပွင့်လာပါလိမ့်၊ (ပစ္စုပ္ပန်ခန္ဓာထဲကပါ)၊ ဒုက္ခသစ္စာ ပစ္စုပ္ပန်ခန္ဓာထဲက သီးပွင့်လာတယ် (မှန်ပါ)။
အမလေး ဒကာ ဒကာမတွေ၊ ခင်ဗျားတို့ကတော့ အနေကောင်းလို့ ထင်နေကြတယ်၊ ဦးသံဒိုင်ကြီးတို့ လူစုတွေ ဟင်(မှန်ပါ)၊ တို့အနေကောင်းကွ၊ ခိုးစားတာမဟုတ်ဘူး၊ ဝှက်စားတာ မဟုတ်ဘူးနဲ့ ခင်ဗျားတို့က အနေကောင်း ထင်နေတယ်။
အခုသီးလာတာ မြင်ပလား(မြင်ပါပြီ ဘုရား)၊ ဘာတွေသီးလာသတုံး (သမုဒယသစ္စာတွေ သီးလာပါတယ်)။ ဒါ သမုဒယသစ္စာ အသီးအပွင့်တွေ ထွက်လာတယ် (မှန်ပါ)၊ ဘယ်ကသီးပွင့် လာသတုံး မေးတော့ (ဒုက္ခသစ္စာ အပင်ထဲက ထွက်လာတာပါ)။
ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာဆိုတဲ့ ဒုက္ခသစ္စာအပင်ကြီးက တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရဆိုတဲ့ အသီးတွေ ထပ်သီးလာတယ်(မှန်ပါ)၊ ပေါ်ပလား (ပေါ်ပါပြီ ဘုရား)၊ ဦးညွန့်ကော (ပေါ်ပါပြီ)၊ ဦးသန်းမောင် ကော (ပေါ်ပါပြီ)။
ခန္ဓာကြီးရပြီး အငြိမ်နေတဲ့လူတွေမဟုတ်ဘူး
ခင်ဗျားတို့က အငြိမ်မှမနေတဲ့ လူတွေကိုးဗျ၊ ခန္ဓာကြီးရပြီး အငြိမ်နေတဲ့လူတွေမဟုတ်ဘူး (မှန်ပါ)၊ တော်တော် ဆော့တဲ့လူတွေ(မှန်ပါ)၊ ဆိုထိုက် မဆိုထိုက် (ဆိုထိုက်ပါတယ် ဘုရား)။
ခင်ဗျားတို့က ဝေဒနာကလေး ခံစားရလို့ရှိရင်ပဲ စိန်ကလေး၊ မြကလေးဝတ်ပြီး ကားကောင်းကလေး စီးရလို့ရှိရင်ပဲ ဝေဒနာပစ္စယာ တဏှာလာပြီ။ ဒီကားဟာ ဇိမ်ရှိတယ်ကွ(မှန်ပါ)၊ ဟော ဝေဒနာပစ္စယာ တဏှာလာပြီ (မှန်ပါ)။
ဒါ ဆော့တာ မဟုတ်ဘူးလား (မှန်ပါ)၊ ငါ ဒီဟာကိုမှ စွဲစွဲမြဲမြဲ ကြိုက်တယ်ကွ၊ ဒီပြင်ဟာ မလာဘူးဆိုတဲ့ ဥပါဒါန် လာပြီ (မှန်ပါ)၊ ဥပါဒါန်လာလို့ရှိရင် ကမ္မဘဝနဲ့ တစ်ခါတည်း ကာယာကံ၊ ဝစီကံနဲ့ သူများလဲဝယ်စေ၊ ကိုယ်လဲဝယ်ဖြစ် အောင် ကာယကံနဲ့သွား၊ ဝစီကံနဲ့ပြော၊ ကမ္မဘဝ မလာဘူးလား(လာပါတယ်)။
ဒါ ဘယ့်နှယ့်ကြောင့် ခင်ဗျားတို့ ဒီအလုပ်ကြီး လုပ်နေပါလိမ့်မတုံးဆိုတော့ မသိလို့ပြုတာပေါ့ဗျာ(မှန်ပါ)၊ မသိတာ က အဝိဇ္ဇာ၊ ပြုတာက သင်္ခါရ (မှန်ပါ)၊ ပေါ်ပလား (ပေါ်ပါပြီ)။
ဪ ခင်ဗျားတို့ အငြိမ်မနေတော့ ဘုရားသခင် ကိုယ်တော်မြတ်ကြီးက မလှုပ်ပါနဲ့ကွ၊ လှုပ်ရင် မြုပ်ပါလိမ့်မယ်ဆို တာ ခင်ဗျားတို့ကလဲ မလှုပ်ဘဲမနေနိုင်တော့ ငါးခုသောအသီးတွေ သီးလာတယ် (မှန်ပါ)၊ မသီးဘူးလား (သီးပါတယ် ဘုရား)။
ဘယ်ခန္ဓာကြီးက သီးတာပါလိမ့် (ဒုက္ခသစ္စာခန္ဓာကြီးက သီးတာပါ)၊ အဲ ဒုက္ခသစ္စာ ပစ္စုပ္ပန်ခန္ဓာက ပေါက်ဖွားထွက် လာတယ် (မှန်ပါ)၊ ဒါ အငြိမ်နေလို့လား၊ အငြိမ်မနေလို့ဖြစ်ရတာလား (အငြိမ်မနေလို့ ဖြစ်ရတာပါ)။
ကာမသုခလ္လိကာနုယောဂလမ်းပဲ
မဇ္ဈိမပဋိပဒါလမ်းကို လိုက်လို့လား၊ မလိုက်ဘဲနေလို့လား (မလိုက်ဘဲနေလို့ပါ)၊ အဲဒါ ကာမသုခလ္လိကာ နုယောဂ လမ်းပဲ(မှန်ပါ)၊ သဘောပါသလား (ပါပါပြီ)။
ကာမသုခလ္လိကာနုယောဂလမ်းကို ခင်ဗျားတို့လိုက်တယ်။ ဝေဒနာပစ္စယာ တဏှာ (မှန်ပါ)၊ ရှင်းပါလား(ရှင်းပါပြီ)။
ကိုထွန်းရင် အေးစက်စက်လုပ်မနေနဲ့၊ ဒီ့ပြင်နေရာ သိပ်သွက်ပြီး ဒီနေရာမှာအေးမနေနဲ့ (မှန်ပါ)၊ လုပ်စမ်းပါဦး (မှန်ပါ ဘုရား)၊ မိတ်ဆွေတွေ မတွေ့သေးဘူးတော့ မျက်စိမျက်နှာ မမှတ်မိသလို ဖြစ်နေတယ်(မှန်ပါ)၊ ကြိုးစားပါ။
ဒီမဟာမသိလို့ရှိရင် ကိုယ့်ခန္ဓာဖြစ်စဉ်ကိုလဲ မသိပါဘူး (မှန်ပါ)၊ ကိုယ့်ခန္ဓာဖြစ်စဉ်ကို မသိလို့ရှိရင် အကန်းအရူး ဟေ့ ဆိုရင်ကော လွဲပါ့မလား (မလွဲပါဘူး)။
အဲဒါ အကန်းအရူးဖြစ်မှာကို ဘုန်းကြီးက စိုးရိမ်လို့ ဒကာ ဒကာမတို့ ကြည့်ကြပါ။ ခင်ဗျားတို့ခန္ဓာလုံးတာ၊ ဝိုင်းတာပါ၊ သူများခန္ဓာ လုံးတာ၊ ဝိုင်းတာ မဟုတ်ပါဘူးလို့ ဦးသန်းမောင်၊ ပြောသင့် မပြောသင့် (ပြောသင့်ပါတယ် ဘုရား)။
ဒီအတိုင်းနေလို့ရှိရင် ဒီခန္ဓာကြီးဟာ ဒီလိုလှည့်နေလိမ့်မယ်လို့ ဦးသံဒိုင်၊ ဘယ်သူမှယုံမှာမဟုတ်ဘူး (မှန်ပါ)၊ အခုတော့ ယုံပြီလား (ယုံပါပြီ ဘုရား)။
အတိတ်အကြောင်းကြောင့် ပစ္စုပ္ပန်အကျိုးဖြစ်တယ်။ ပစ္စုပ္ပန်အကျိုးထဲက ဘာတွေ ပွားလာပြန်သတုံး ဆိုလို့ရှိရင် ပစ္စုပ္ပန်အကြောင်း၊ တစ်နည်း အနာဂတ် အကြောင်းတွေ ပွားတယ် မဆိုနိုင်ဘူးလား (ဆိုနိုင်ပါ တယ်)၊ ဆိုနိုင်တယ်။
အနာဂတ်ဘဝ သူလာတော့မယ်
အနာဂတ်ဘဝ သူလာတော့မယ်။ နံပါတ် ၃ ကို ခင်ဗျားတို့က သီးပွင့်ထားပြန်ပြီ(မှန်ပါ)။ နံပါတ် ၃ သီးပွင့်ထား တော့ ဘာသစ္စာတွေ သီးပွင့်ထားပါလိမ့် (သမုဒယသစ္စာတွေ သီးပွင့်ထားပါတယ် ဘုရား)၊ ဘယ်ကာလများ သီးပွင့်ကြပါ လိမ့် (ပစ္စုပ္ပန်ကာလပါ ဘုရား)။
ဟော ပစ္စုပ္ပန်အကြောင်းတစ်လွှာဆိုတာ ခင်ဗျားတို့ အခုသီးပွင့်လာကြတာ မပါဘူးလား (ပါပါတယ် ဘုရား)၊ ယခုဖြစ်ဆဲ ပစ္စုပ္ပန်ကာလတဲ့၊ မသေချာမှာစိုးလို့၊ သဘောကျပလား (ကျပါပြီ)။
အဲဒါတွေသည် ယခုဖြစ်ဆဲ ပစ္စုပ္ပန်ကာလဆိုသဖြင့် ပစ္စုပ္ပန်အကြောင်းခြင်းရာငါးပါးဖြစ်လာတော့ ဟိုဘက်မှာ မြားကလေး ပြလိုက်တယ်။ စပ်ပြန်ပြီတဲ့၊ ဒီငါးပါးလုပ်လို့ စပ်ရဦးတော့မှာပဲ (မှန်ပါ)။
စပ်ရဦးမှာပဲဆိုတော့ ကြည့်လိုက်၊ အနာဂတ်အကျိုးခြင်းရာငါးပါးဆိုပြီး ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ ပေါ်လာတယ်။ နံပါတ် ၄ ပေါ်လာတယ် (ပေါ်လာပါတယ် ဘုရား)။
ပေါ်သင့်သလား (ပေါ်သင့်ပါတယ် ဘုရား)၊ ဆော့သကိုးဗျ၊ ဆော့လို့ပေါ်တာ။ ဦးသန်းမောင်၊ ငြိမ်မနေလို့ပေါ်တာ (မှန်ပါ)၊ အငြိမ်မနေလို့ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ ပေါ်လာတယ် (မှန်ပါ)။
အောက်နားကြည့်လိုက်ပါ။ ဘာနဲ့စပ်သတုံးဆိုတော့ အို ကမ္မဘဝပစ္စယာ ဇာတိ ဇရာ မရဏ ဥပပတ္တိ ဘဝတွေ ပေါ့တဲ့(မှန်ပါ)၊ မတွေ့ဘူးလာ (တွေ့ပါတယ်)၊ အဲဒါ နောင်ဖြစ်လတ္တံ့ အနာဂတ်ကာလတဲ့၊ အနာဂတ် ဘာဖြစ်မှာတုံး၊ တွေးမနေနဲ့၊ အောက်နားကြည့်ပါ၊ အနာဂတ်အကျိုးတစ်လွှာ ဒုက္ခသစ္စာ (မှန်ပါ ဘုရား)။
ဘာတဲ့တုံး (ဒုက္ခသစ္စာပါ ဘုရား)၊ အနာဂတ်အကျိုးလဲဟုတ်တယ်။ ဒုက္ခသစ္စာကော ဟုတ်ပါရဲ့လား (ဟုတ်ပါတယ်)၊ ဒါဖြင့် ဒကာ ဒကာမတို့ ဝိုင်းမိပလားလို့ မေးလိုက်တယ် (ဝိုင်းမိပါပြီ)။
ကဲ ဒါဖြင့် အတိတ်အကြောင်းကြောင့် ပစ္စုပ္ပန်အကျိုး၊ ပစ္စုပ္ပန်အကြောင်းကြောင့် အနာဂတ်အကျိုး(မှန်ပါ)။
အဲဒီအနာဂတ်အကျိုးထဲကတစ်ခါ ခင်ဗျားတို့က အသီးအပွင့်လာဦးမှာဗျ (မှန်ပါ)၊ အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝ လှည့်လိုက်။ မလာဘူးလား (လာပါတယ်)၊ ပတ်မိပလား (ပတ်မိပါပြီ)။
ဟော တစ်ထပ်တောင် ထပ်မိပြီဘုရား၊ ပတ်မိရုံမကသေးဘူး(မှန်ပါ)၊ ခုနင်က ဒီက စတာ၊ အခု ဒီပေါ်ပြန်ထပ်ပြီ (မှန်ပါ)၊ မထပ်ဘူးလား(ထပ်ပါတယ်)။
အဝိုင်းပြေးသမားမှ ဟုတ်ပါရဲ့လား
ဒါဖြင့် ကိုထွန်းရင်၊ အဝိုင်းပြေးသမားမှ ဟုတ်ပါရဲ့လား (ဟုတ်ပါတယ် ဘုရား)၊ ရှင်းပလား (ရှင်းပါပြီ)။
ဘာသစ္စာတွေ လှည့်နေတာတုံးဆိုတော့ ၁ကစပြီး ကြည့်။ သမုဒယသစ္စ ဒုက္ခသစ္စာ၊ သမုဒယသစ္စ ဒုက္ခသစ္စာ (မှန်ပါ ဘုရား)၊ ကဲ ခင်ဗျားတို့ သန္တာန်မှာ မဂ္ဂသစ္စာနဲ့ နိရောဓသစ္စာဆိုတာ ဘုရားမြတ်စွာတွေ ဂင်္ဂါဝါဠု သဲစုမက ပွင့်သွား တော်မူကြငြားသော်လဲ တစ်ခါမှမပေါ်ဘူးဟေ့ (မှန်ပါ)။
ဘယ်နှယ့်တုံး (မပေါ်ဖူးပါဘူး ဘုရား)၊ ဘုရားတွေ ဂင်္ဂါဝါဠု သဲစုမက ပွင့်ငြားသော်လဲ ခင်ဗျားတို့ သန္တာန်မှာ ကြည့်၊ ဒီအဝိုင်းကြည့်ပါ၊ မဂ္ဂသစ္စာနဲ့ နိရောဓသစ္စာပါရဲ့လား (မပါပါဘူး)၊
ဪ ဒါဖြင့် လွတ်မြောက်ကြောင်းလဲ မပါ၊ လွတ်မြောက်ကျိုးလဲမရ၊ သဘောကျပလား (ကျပါပြီ)။
လွတ်မြောက်ကြောင်းဆိုတာ မဂ္ဂသစ္စာ၊ လွတ်မြောက်ကျိုးဆိုတာ နိရောဓသစ္စာ (မှန်ပါ)။
ဒါဖြင့် ကောင်းသောအကြောင်းလဲ ဘယ်တော့မှမပေါ်ဘူး၊ ကောင်းသောအကျိုးလဲ ဘယ်တော့မှ မရခဲ့ဘူး(မှန်ပါ)၊ ပေါ်ပလား (ပေါ်ပါပြီ)။
ကောင်းကြောင်းအစစ်လဲ ဘယ်တော့ကမှ မလုပ်ခဲ့ဖူးဘူး(မှန်ပါ)၊ ကောင်းကျိုးအစစ်ဆိုတာက ကောင်းကြောင်းမှ မလုပ်ခဲ့လို့ ကောင်းကျိုးဘယ်ရမတုံး (မရခဲ့ပါဘူး)။
ဆီဆုံနွား ရဟတ်ခြားသို့ဆိုတာ
ကြည့် ခင်ဗျားတို့ အဝိုင်းကြီးကိုကြည့်ပါနော် (မှန်ပါ)။ ဒကာ ဒကာမတို့ ဆီဆုံနွား ရဟတ်ခြားသို့ဆိုတာ ပေါ် ပါပြီ(မှန်ပါ)၊ ဆီဆုံနွားကော ဟုတ်ရဲ့လား(ဟုတ်ပါတယ်)၊ အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝဆိုတဲ့ ဦးသံဒိုင်၊ ကြီး သည် သေသည်၏ အခြားမဲ့၌ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ ဖြစ်ပါတယ်(မှန်ပါ)၊ ပေါ်ပလား (ပေါ် ပါပြီ)။
ဦးသံဒိုင်ကြီးတစ်ယောက်၊ ဦးသန်းမောင်ကြီး တစ်ယောက် ငြိမ်ငြိမ်မနေပါနဲ့၊ ဒီပစ္စုပ္ပန်ခန္ဓာငါးပါးထဲကနေပြီး တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရ အသီးအပွင့်တွေ ပွင့်ရတယ် (မှန်ပါ)။
အဲဒီအသီးအပွင့်တွေကြောင့် အနာဂတ် သေသည်၏ အခြားမဲ့၌ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ၊ ဇာတိ၊ ဇရာ၊ မရဏဆိုတာ လာ မလာ (လာပါတယ် ဘုရား)၊ ဒီဝိညာဏ်၊ နာမ်ရုပ်၊ သဠာယတနာ ထဲကနေပြီး ခင်ဗျားတို့ ရှေ့ကို ဘာတွေများ ပေါက်ဖွားဦးမှာတုံးလို့ မေးလို့ရှိရင် အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝတွေ ၁ ကို ပြန်လှည့်တယ် (မှန်ပါ)၊ မလှည့်ဘူးလား (လှည့်ပါတယ်)၊ ကျေနပ်ကဲ့လား (ကျေနပ်ပါတယ်)၊
ဒါပဲ လှည့်နေကြတာပဲ(မှန်ပါ)၊ ဘုရားလဲ ဘယ်နေရာမှာပွင့်သတုံး၊ ဘုရားပွင့်နိုင်တဲ့နေရာကို မပါဘူး(မပါပါဘူး)၊ ဒီပဋိစ္စသမုပ္ပါဒ် အစဉ်ကြားထဲမှာ ဘုရားပွင့်နိုင်တဲ့နေရာ ပါကြရဲ့လား (မပါပါဘူး ဘုရား)။
ဝဋ်လည်ပုံလဲသိတယ်၊ ဒိဋ္ဌိပြုတ်တာလဲသိတယ်
ဒါဖြင့် ဒီအဝိုင်းကြီးကို ဆရာဘုန်းကြီး ရေရေလည်လည်ပြပြီး သကာလ ပေးနေခြင်းသည် ဘာပါလိမ့်မတုံး မေး တဲ့အခါကျတော့ ဪ နောက်ဘဝကလဲ အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝဆိုတော့ ပုဂ္ဂိုလ် သတ္တဝါပါတာ ပြော စမ်းပါ (မပါပါဘူး)၊ ငါဝင်စရာ တစ်ချက်မြင်သေးရဲ့လား (မမြင်ပါဘူး)။
ဒါဖြင့် ဒီဟာကြီး နားလည်လိုက်ရသဖြင့် ဝဋ်လည်ပုံလဲသိတယ်၊ ဒိဋ္ဌိပြုတ်တာလဲသိတယ်(မှန်ပါ)၊ အကြောင်းနဲ့ အကျိုး ဆက်စပ်မှုတွေသာဖြစ်နေခြင်း ဖြစ်လေတော့ သိကြား ဗြဟ္မာ ဘုရားလာ၍ ဖန်းဆင်းသလောဆိုတဲ့ ဝိစိကိစ္ဆာတွေ လဲ ပြုတ်ပါတယ်(မှန်ပါ ဘုရား)။
အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝကြောင့်သာလျှင် ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ ဖြစ်တယ်(မှန်ပါ ဘုရား)၊ ရှင်းပလား (ရှင်းပါပြီ ဘုရား)။ ဒီလိုဆိုတော့ ဝိစိကိစ္ဆာ ရှိသေးရဲ့လား(မရှိပါဘူး)။
ဒိဋ္ဌိပြုတ်၍ ဝိစိကိစ္ဆာ ပယ်နိုင်ပါတယ်
ဒါဖြင့် ဒကာ ဒကာမတို့၊ ဒီအဝိုင်းကြီးကို ယနေ့ပြလိုက်ရခြင်းသည် ဒိဋ္ဌိပြုတ်၍ ဝိစိကိစ္ဆာ ပယ်နိုင်ပါတယ်(မှန်ပါ)။
ဒါဖြင့် တရားစသင့်ပြီ(မှန်ပါ)၊ ဒါ တရားအစပဲ၊ ဒီကမစရင် ဒိဋ္ဌိမကွာဘဲ ဖြစ်နေလိမ့်မယ်(မှန်ပါ)၊ ဒီကမစရင် နိဗ္ဗာန်ရောက်ကြောင်း တရားမှာဖြင့် လမ်းစဉ်ကို မပြောင်းသေးဘူး(မှန်ပါ)၊ ဒီကစမှ လမ်းစဉ်ကျတယ်(မှန်ပါ)။
တရားအစ ဒိဋ္ဌိ ဝိစိကိစ္ဆာ ပြုတ်တာကစမှ (လမ်းစဉ်မှန်ပါတယ် ဘုရား)၊ ပေါ်ကြပလား (ပေါ်ပါပြီ)။
တရားစချင်ရင် ဘယ်ကစရမယ်၊ ဒိဋ္ဌိ ဝိစိကိစ္ဆာ ပြုတ်တာက စရမယ်(မှန်ပါ)၊ အဲ ဒိဋ္ဌိပြုတ်တာက စရမယ်၊ ဝိစိကိစ္ဆာပြုတ်တာက စမှသာလျှင် နိဗ္ဗာန်ရောက်ကြောင်း တရားလမ်းစဉ်ကျတယ်လို့ မှတ်ပါ(မှန်ပါ)။
ကိုထွန်းရင်၊ ဟုတ်ပလား (ဟုတ်ပါတယ် ဘုရား)။ ဒါကို သေသေချာချာမှတ်ပါ(မှန်ပါ)၊ ဒါကြောင့် တစ်သံသရာ လုံးမှာ ခန္ဓာလည်တယ်ဆိုတာ ပေါ်ကြပလား (ပေါ်ပါပြီ)၊ ကြည့်စမ်း ဒီအထဲမှာ ပုဂ္ဂိုလ်လည်တာ ပါရဲ့လား၊ ခန္ဓာလည်တာ ပဲ (မှန်ပါ)။
ခန္ဓာတွေလည်နေတယ်
အဲဒီခန္ဓာလည်တာ သဘောကျလို့ရှိရင် ဒိဋ္ဌိပြုတ်ပါတယ်(မှန်ပါ)၊ ခန္ဓာတွေလည်နေတယ်၊ ကြည့် ၁ နံပါတ်က အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝအကြောင်း၊ သမုဒယကြောင့် ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ၊ ခန္ဓာလည်တာပဲ (မှန်ပါ)၊ သဘောကျပလား (ကျပါပြီ)။
တစ်ခါ ၃နံပါတ်ကျတော့ တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရကြောင့် ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာဆိုတော့ ခန္ဓာလည်တယ်(မှန်ပါ)၊ ခန္ဓာကြီးသာ မပြတ် ဆက်စပ်ပြီးလည်နေတော့တာပဲ၊ ဒါကြောင့် ခန္ဓာတို့ ၏ မပြတ်လည်ရာ သံသရာ(မှန်ပါ)။
** ဒိဋ္ဌိဝိသုဒ္ဓိ၊ ကင်္ခါဝိတရဏဝိသုဒ္ဓိ၊ မဂ္ဂါမဂ္ဂဉာဏဒဿနဝိသုဒ္ဓိ ဟု ဝိသုဒ္ဓိလမ်းစဉ်ကို ကြည့်သည်လျှင်ပင် အင်မတန် ထင်ရှားလှပါသည်။
ဘာတဲ့တုံး (ခန္ဓာတို့၏မပြတ်လည်ရာ သံသရာပါ ဘုရား)၊ အာယတနတို့၏မပြတ်လည်ရာ သံသရာ(မှန်ပါ)၊ ဓါတ်တို့၏မပြတ်လည်ရာ (သံသရာပါ ဘုရား)၊ ပေါ်နေပြီ၊ အကုန်ပေါ်သွားပြီ(မှန်ပါ)၊ မပေါ်သေးဘူးလာ (ပေါ်သွားပါပြီ)။
ဦးသံဒိုင်၊ သေပျော်ပလား (သေပျော်ပါပြီ ဘုရား)၊ ဒိဋ္ဌိပြုတ်ရင် သေပျော်ပါပြီ(မှန်ပါ)၊ ဒိဋ္ဌိပြုတ်ပြီ၊ ဝိစိကိစ္ဆာကော (ပြုတ်ပါပြီ ဘုရား)၊ ဦးသန်းမောင်တစ်ယောက်၊ ဦးသံဒိုင်တစ်ယောက် ပါသေးရဲ့လား (မပါပါဘူး)။
အတိတ်ကလဲ မပါခဲ့ဘူး(မှန်ပါ)၊ ယခု ပစ္စုပ္ပန်လဲ ဦးသံဒိုင်ဆိုတာ သူများကပေးထားတာပါ၊ ခင်ဗျားတို့အရှိက တော့ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ (မှန်ပါ ဘုရား)၊ မပေါ်သေးဘူးလား (ပေါ်ပါပြီ ဘုရား)။
လည်ကြောင်း လည်ကျိုးခန္ဓာ
ကောင်းပြီ၊ ဒီဘဝမှာ ဆရာကောင်း သမားကောင်းနဲ့မတွေ့လို့ ဖြတ်လမ်းမပေးလို့ရှိရင်ဖြင့် ဒီခန္ဓာကြီးထဲမှာ တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရ ပြန်လာမယ်၊ ခင်ဗျားတို့ (မှန်ပါ)၊ ဒါလဲ ခန္ဓာလည်တာပဲ၊ လည်ကြောင်း ခန္ဓာပေါ်တာပဲ (မှန်ပါ)။
ဘယ့်နှယ်ဆိုကြမယ် (လည်ကြောင်းခန္ဓာ ပေါ်တာပါ ဘုရား)။
ဒါဖြင့် လည်ကြောင်းခန္ဓာပေါ်ရင် လည်ကျိုးခန္ဓာ သေသည်၏အခြားမဲ့၌ ရရမှာပေါ့(မှန်ပါ)၊ မရပေဘူးလား (ရပါတယ်)၊ ဘာလည်ရမတုံးဆိုတော့ အနာဂတ်အကျိုးဖြစ်တဲ့ ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ။ ဒါပဲ ရမယ်(မှန်ပါ)၊ ဒီ့ပြင်ပိုရစရာရှိသေးရဲ့လား (မရှိပါဘူး)၊ အဲဒါ ဘာသစ္စာလို့ ဆိုကြသတုံး (ဒုက္ခသစ္စာပါ)။
ခင်ဗျားတို့ နဂိုငြိမ်နေတုံးက သမုဒယသစ္စာလုပ်လို့ရပြန်တော့ ဒုက္ခသစ္စာ၊ ဒုက္ခသစ္စာလဲ အငြိမ်မနေ ပြန်တော့ သမုဒယသစ္စာက ပေါ်ပေါက်(မှန်ပါ)၊ သဘောကျပလား (ကျပါပြီ)။
သမုဒယသစ္စာပေါ်ပေါက်လာပြန်တော့ အနာဂတ်ဒုက္ခသစ္စာပြန်ရ(မှန်ပါ)၊ အနာဂတ်ဒုက္ခသစ္စာလဲ အငြိမ်မနေပြန် လို့ရှိရင် ခုနင်ကပြောခဲ့တဲ့ အတိတ်အဝိဇ္ဇာ၊ သင်္ခါရ၊ တဏှာ၊ ဥပါဒါန် ပြန်လာမယ်(မှန်ပါ)၊ မလာပေဘူးလား(လာပါတယ်)။
ကိုထွန်းရင် ကျေနပ်ပါလား (ကျေနပ်ပါပြီ)၊ ဝိုင်းဖြစ်ပလား(ဝိုင်းဖြစ်ပါပြီ)။ တပည့်တော်တို့ နောက်တုန်းကနေပုံ ကလေး အမိန့်ရှိစမ်းပါဘုရားလို့ ဦးသံဒိုင်ကလျှောက်၊ ဦးသန်းမောင်က လျှောက်၊ ဦးညွန့်ကလဲ လျှောက်ပေါ့ဗျာ(မှန်ပါ)။
နောက်တုန်းက ဘာများဖြစ်ခဲ့သတုံး
တပည့်တော်တို့ နောက်တုန်းက ဘာများဖြစ်ခဲ့သတုံး၊ သိကြားများဖြစ်ခဲ့သလား၊ ဗြဟ္မာများ ဖြစ်ခဲ့သလား(မှန်ပါ)၊ သူများပြောတဲ့ဆိုင်းဘုတ်ကတော့ ဟုတ် မဟုတ် မသေချာဘူး၊ ဒီဟာကတော့ အဟုတ်ပဲ(မှန်ပါ)၊
အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ကမ္မဘဝကြောင့် ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာဖြစ်တယ်၊ အဲဒီဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာ ခန္ဓာငါးပါးထဲက တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရ ဟော သွားပြီဟေ့ (မှန်ပါ)။
အဲဒီတော့ပေါက်ပွားလို့ မင်းတို့အနာဂတ် ဝိညာဏ်၊ နာမ်ရုပ်၊ သဠာယတနာ၊ ဖဿ၊ ဝေဒနာတွေ ပေါ်ပေါက်တယ်၊ ဒီ့ပြင်တော့ ခင်ဗျားတို့ သူများပြောသံကြားတော့ စကြာဝတေးတွေ၊ မန္ဓာတ်တွေ ပြောလိမ့်မယ်။ ဖြစ်စဉ်ကတော့ ဒါပဲ(မှန်ပါ)၊ ရှင်းပလား (ရှင်းပါပြီ)၊ ဖြစ်စဉ်ကတော့ ဒါပဲ၊ ဒီအဝိုင်းပြေးပဲ(မှန်ပါ)။
နောက်က ဒကာ ဒကာမတွေ ဖြစ်စဉ်က ဘာတုံး(အဝိုင်းပြေးပါ ဘုရား)။
ကဲ ဦးသန်းမောင်တို့ဖြစ်စေ၊ ကိုထွန်းရင်တို့ဖြစ်စေ ကောင်းကင်ကနေကြည့်တော့ သတ္တဝါတွေ သွားနေတယ်၊ ထွက်ပေါက်မပါဘူး၊ ကောင်းကင်ကနေ ကြည့်တာကိုးဗျ(မှန်ပါ)။
ဦးသန်းမောင်၊ ကောင်းကင်ကနေပြီး ဒီအဝိုင်းကြည့်တော့ ဒီအထဲမှာ ကျုပ်တို့ခန္ဓာကြီးလှည့်နေတာ မတွေ့ရဘူး လား (တွေ့ရပါတယ်)၊ ထွက်ပေါက် (မပါပါဘူး ဘုရား)၊ ဘယ်နှစ်ပတ်လှည့်လှည့် ထွက်ပေါက်ပါကြရဲ့လား(မပါပါဘူး)။
ကဲ ဦးညွန့်တို့ ဒီကိုရောက်လာတော့ ကံကောင်းသလား(ကောင်းပါတယ် ဘုရား)၊ ပြလိမ့်မယ် ထွက်ပေါက်ကို(မှန် ပါ)၊ ထွက်ပေါက်ပြလိမ့်မယ်၊ မနေ့ကတည်းကပဲ လူမစုံသေးလို့ ထွက်ပေါက်မပြရတာ ဦးသန်းမောင်ရေ (မှန်ပါ)။
Well, U Nyunt and others, aren't you fortunate to have arrived here? (We are lucky, Sir). I will show you the way out. (Yes, Sir). Indeed, I will show you the exit. I didn't reveal this way out yesterday because not everyone had gathered yet, U Than Maung. (True, Sir).
ထွက်ပေါက်ပြဖို့အချိန်ရောက်ပြီ
ကဲ ကိုထွန်းရင် ဘာပြဖို့အချိန်ရောက်ပလဲ (ထွက်ပေါက်ပြဖို့အချိန်ရောက်ပါပြီ ဘုရား)၊ ထွက်ပေါက်ပြရင် ဘုရား ပွင့်တာ တစ်မျိုးပဲလို့ အောက်မေ့ပါ(မှန်ပါ)။
Now, Ko Tun Yin, what is it time to show? (It is time to show the way out, Sir). When the way out is revealed, remember that this is the sole purpose of a Buddha's appearance in the world. (Yes, Sir).
ဒါလဲ ခင်ဗျားတို့ထောင်တတ်တဲ့နားပါဦးမှ(မှန်ပါ)၊ လူဖြစ်ကာမျှနဲ့ မရသေးဘူး(မှန်ပါ)၊ လူဖြစ်ကာမျှနဲ့ မရဘူး၊ ဆရာ သာမညနဲ့လဲမရဘူး(မှန်ပါ)၊ ထောင်တတ်တဲ့နားလဲ ပါဦးမှဗျ၊ ပြောတတ်တဲ့ ကလျာဏမိတ္တကလဲ မှန်ပါမှ(မှန်ပါ)၊ သဘောကျပလား (ကျပါပြီ ဘုရား)။
But you also need ears capable of listening! (True, Sir). Just being born as a human is not enough. (True, Sir). Merely being human won't do it, nor will relying on an ordinary teacher. (True, Sir). You must have the right ears to listen, and the spiritual friend (Kalyana-mitta) who teaches you must also be genuine. (True, Sir). Do you grasp this? (Yes, we do, Sir).
ခင်ဗျားတို့က ဘာလိုသတုံး(ထောင်တတ်တဲ့နား ရှိဖို့လို့ပါတယ်)၊ ပြောတတတ်တဲ့ ကလျာဏမိတ္တကလဲ မှန်ရမယ်၊ ကိုထွန်းရင် ဒီနှစ်ခု စုံရဦးမယ်တဲ့၊ ထွက်ပေါက်ပြမယ်ကြံရင် (မှန်ပါ)။
What do you need? (We need ears capable of listening, Sir). And the spiritual friend who teaches must be the right one. Ko Tun Yin, to discover the way out, these two factors must come together. (Yes, Sir).
လည်တဲ့လမ်းကတော့ ခင်ဗျားတို့က ကစုန်ချပြေးနေတာပဲ၊ ဘယ်သူကမှမသင်ရဘူး။ ဘယ်သူကမှ မသင်ရပါဘူး (မှန်ပါ)၊ ရိပ်မိပလား (ရိပ်မိပါပြီ)။
As for the path that keeps you wandering in Samsara, you are already galloping down it at full speed. No one had to teach you that. Absolutely no one had to teach you! (True, Sir). Do you see it? (Yes, we do, Sir).
ဖြတ်လမ်းကတော့ ဘုရားပွင့်မှပဲ ရနိုင်တယ်
လည်တာကတော့ ဘယ်သူသင်ဖို့ လိုသေးသတုံး (မလိုပါဘူး)၊ ဖြတ်လမ်းကတော့ ဘုရားပွင့်မှပဲ ရနိုင်တယ်၊ သဘောကျပလား (ကျပါတယ်)။
Does anyone need to teach you how to wander in this cycle? (No, Sir). But the shortcut to freedom can only be obtained when a Buddha appears. Do you understand? (Yes, we do, Sir).
အဲဒီတော့ ဘုရားမရှိရင် ဘုရားပရိနိဗ္ဗာန်စံသွားရင် ဘုရားဟောအတိုင်း ပြသဟောကြားတဲ့ ကလျာဏမိတ္တနဲ့ တွေ့ဦးမှ၊ ပေါ်ပလား (ပေါ်ပါပြီ)၊ သတ္တဝါအစက အဝိဇ္ဇာက၊ သတ္တဝါအဆုံး ကလျာဏမိတ္တနဲ့ကြုံမှ ဆုံး(မှန်ပါ)၊ ပေါ်ပြီ (မှန်ပါ)။
Therefore, if the Buddha is not present, having passed into Parinibbana, you must meet a spiritual friend (Kalyana-mitta) who preaches exactly as the Buddha taught. Is that clear? (It is clear, Sir). A being's journey begins with Ignorance (Avijja), and it only ends when they encounter a true spiritual friend. (True, Sir). Is the meaning clear? (Yes, Sir).
သတ္တဝါအစက (အဝိဇ္ဇာကပါ ဘုရား)၊ အဝိဇ္ဇာတဏှာကပဲ ဆိုလိုက်ပါတော့(မှန်ပါ)၊ ရှင်းပလား (ရှင်းပါပြီ)။
Where does a being begin? (With Ignorance, Sir). Let’s just say it begins with Ignorance and Craving (Tanha). (True, Sir). Is that clear? (Yes, it is, Sir).
သတ္တဝါအဆုံးကတော့ (ကလျာဏမိတ္တနဲ့တွေ့မှ)၊ ဘုရားနဲ့ဖြစ်စေ၊ ကလျာဏမိတ္တနဲ့ဖြစ်စေ တွေ့မှ ဆုံးတယ်(မှန်ပါ)၊ ဘုရားကတော့ ပွင့်တော်မူပြီး ပရိနိဗ္ဗာန်စံသွားတယ်၊ နောက် ကလျာဏမိတ္တတွေ့မှ ကျွတ်တမ်းဝင်တာတွေကလဲ ရှိသေးတာ ကိုး(မှန်ပါ)၊
And where does it end? (When meeting a spiritual friend, Sir). It only ends when you meet the Buddha or a true spiritual friend. (True, Sir). The Buddha has appeared and passed into Parinibbana, but there are still many who attain liberation by meeting a spiritual friend today. (True, Sir).
ဘုရားကိုယ်တော်တိုင်ကလဲ ကလျာဏမိတ္တနဲ့ပေါင်းမှ ဘုရားဖြစ်တာ(မှန်ပါ)၊ ကလျာဏမိတ္တနဲ့မတွေ့လို့ရှိရင် ဘုရားတောင်မှ ဘုရားမဖြစ်နိုင်ပါဘူး၊ သာဝကတွေ အသာထားလိုက်ပါဦး(မှန်ပါ)၊ ရှင်းပလား (ရှင်းပါပြီ)။
Even the Buddha Himself had to associate with a spiritual friend to attain Buddhahood. Without encountering a spiritual friend, even a Buddha cannot become a Buddha, let alone ordinary disciples! (True, Sir). Is that clear? (Yes, it is, Sir).
ရှင်အာနန္ဒာမေးတာ ကြည့်ပါ၊ ကလျာဏမိတ္တ ဘယ်လောက်ကျေးဇူးများသတုံး၊ ရှင်အာနန္ဒာက ထက်ဝက်တော့ ဘုရားနိဗ္ဗာန် ရောက်တဲ့နေရာက သူက အကျိုးဆောင်သွားတာပဲလို့ လျှောက်တယ်။
Look at what Venerable Ananda asked regarding how immensely beneficial a spiritual friend is. Venerable Ananda suggested to the Buddha that a spiritual friend is responsible for half of the holy life leading to Nibbana.
အဲဒါ သာဝကဉာဏ်နဲ့ပြောတာ(မှန်ပါ)၊ မဟုတ်သေးဘူး၊ ကလျာဏမိတ္တကြောင့် လုံးလုံးပဲ နိဗ္ဗာန်ရတယ်လို့ ဘုရားကဟောတာ (မှန်ပါ)။
He said that with the wisdom of a disciple. (True, Sir). But that was incorrect. The Buddha declared that attaining Nibbana is entirely dependent on having a spiritual friend. (True, Sir).
ကလျာဏမိတ္တကြောင့် လုံးလုံးပဲ နိဗ္ဗာန်ရတယ်
ကလျာဏမိတ္တကြောင့် လုံးလုံးပဲ နိဗ္ဗာန်ရတယ်။ ခင်ဗျားတို့ နဂိုကလာခဲ့တာ အကန်းချည်းပဲ(မှန်ပါ)။
You attain Nibbana entirely because of a spiritual friend. Before this, you were all wandering completely blind! (True, Sir).
ကြည့်လေ၊ လျှောက်ပြေးနေတာကြည့်ပါ၊ ဘာသစ္စာတွေ လျှောက်ပြေးနေသလဲ (သမုဒယသစ္စာနဲ့ ဒုက္ခသစ္စာ လျှောက်ပြေးနေပါတယ်)၊ သမုဒယ+ဒုက္ခ၊ ဒုက္ခ+သမုဒယ၊ သမုဒယ+ဒုက္ခ။ လောင်စာနဲ့မီးချည်း ပြေးနေတာပဲ(မှန်ပါ)။
Just look at how you have been running around aimlessly. Which Truths (Saccas) have you been chasing? (We have been running between the Truth of the Cause of Suffering and the Truth of Suffering, Sir). Exactly. Cause (Samudaya) to Suffering (Dukkha); Suffering to Cause; Cause to Suffering. You are just running back and forth between the fuel and the fire! (True, Sir).
ဘာနဲ့ပြေးနေကြသလဲ (လောင်စာနဲ့မီးချည်းပဲ ပြေးနေပါတယ်)၊ မီးမွှေးလိုက်၊ လောင်စာထည့်ပေးလိုက်။ မီး မွှေးလိုက်၊ လောင်စာထည့်ပေးလိုက်(မှန်ပါ)။ ဒါကိုပဲ ခင်ဗျားတို့က အမျိုးမျိုး အလုပ် ဖြစ်နေတယ်(မှန်ပါ)။
What are you running with? (Only with the fuel and the fire, Sir). You kindle the fire, then add fuel. Kindle the fire, add fuel. (True, Sir). You mistake this repetitive cycle for all sorts of important worldly tasks. (True, Sir).
ဘယ်နှယ့်ဖြစ်နေသလဲ (အမျိုးမျိုး အလုပ် ဖြစ်နေတယ်)၊ မီးမွှေးပြီး လောင်စာထည့်တဲ့ အလုပ်ဟာလေ အမျိုးမျိုး အလုပ်ဖြစ်နေတယ် (မှန်ပါ)။
What is happening? (We make it into all sorts of tasks). Yes, this mere act of kindling the fire and adding fuel is what you consider to be your various life endeavors. (True, Sir).
ဘုန်းကြီးက ဒီဥစ္စာ စကားကြီးစကားကျယ် ခမ်းနားအောင်ပြောတယ်လို့ မယူပါနဲ့။ ခင်ဗျားတို့က ကိလေသာမီးနဲ့ ဘုံဘဝ ဆုတောင်းခဲ့တယ်။ ဟိုဘက်ထင်းမီးပေါ်တယ်။ လူထင်း၊ နတ်ထင်း၊ ဗြဟ္မာထင်း ပေါ်တယ်(မှန်ပါ)၊ မဟုတ်ဘူးလား (မှန်ပါ ဘုရား)၊ ထင်းထဲကနေပြီး သကာလ ဦးသန်းမောင်၊ တစ်ခါ မီးကို ပြန်ပြီးတော့တောင်းပြန်တယ်၊ တဏှာ၊ ဥပါဒါန်တွေ မလာဘူးလား (လာပါတယ်)၊ ထင်းထဲကမီးပဲ။ မဟုတ်ဘူးလား (ဟုတ်ပါတယ်)၊ အဲဒီမီးကြောင့် တစ်ခါ ထင်းဖြစ်ပြန်တယ်၊ မဖြစ်ဘူးလာ (ဖြစ်ပါတယ် ဘုရား)။
Do not think I am just using grand, dramatic words here. Driven by the fire of defilements (Kilesa), you prayed for new existences. Then, on the other side, the "firewood" of existence appeared. The firewood of a human, the firewood of a Deva, the firewood of a Brahma—they all appeared! (True, Sir). Is that not so? (It is true, Sir). And from within that firewood, U Than Maung, you start asking for more fire! Don't Craving (Tanha) and Clinging (Upadana) arise again? (They do, Sir). That is fire coming out of the firewood. Isn't it? (Yes, it is). And because of that fire, you become firewood once again. Doesn't that happen? (It does, Sir).
ထင်းအဖြစ် မီးအဖြစ်နဲ့ လှည့်နေရတယ်
ဒါဖြင့် ခင်ဗျားတို့ တစ်သံသရာလုံး ထင်းအဖြစ် မီးအဖြစ်နဲ့ လှည့်နေရတယ်ဆိုရင် လွဲပါ့မလား (မလွဲပါဘူး)၊ ဘယ်တော့မီးငြိမ်းပါလို့ပြောတဲ့ပုဂ္ဂိုလ်၊ မီးငြှိမ်းပေးတဲ့ပုဂ္ဂိုလ် တွေ့ရသလား (မတွေ့ရပါဘူး)၊ ဟာ ထင်းမထည့်နဲ့ပြောမည့် ပုဂ္ဂိုလ်လဲ သံသရာတစ်ခွင် မတွေ့ခဲ့ကြရဘူး။ ထင်းပဲထည့်နေတာပဲ(မှန်ပါ)၊ ရှင်းပလား (ရှင်းပါပြီ)။
Therefore, if I say you have been spinning throughout this entire Samsara alternating between being firewood and being fire, would I be wrong? (You would not be wrong, Sir). Have you ever met someone who told you how to extinguish this fire, or someone who extinguished it for you? (We have not, Sir). You haven't even met someone in this whole Samsara who told you to stop adding firewood! So, you just kept adding fuel. (True, Sir). Is that clear? (Yes, it is).
အဲဒီတော့ ခင်ဗျားတို့ဟာလဲ ဒီတစ်ခါကလျာဏမိတ္တတွေ့လို့မှ ကျွတ်အောင်မလုပ်ကြတော့ဘူးဆိုရင်ဖြင့် ကိုထွန်းရင် တို့၊ ဦးသံဒိုင်တို့၊ သွားပြီ (မှန်ပါ)၊ သွားပြီ သွားပြီ၊ ဒီအဝိုင်းအပြင်ဘက်ကို ရောက်စရာမြင်သေးသလား (မမြင်ပါဘူး)၊ ဒီအဝိုင်းထဲပဲ လှည့်ပြေးနေမှာပဲ (မှန်ပါ ဘုရား)၊ တာပတ်မြင်းလိုပေါ့ကွာ (မှန်ပါ)၊ သဘောကျပလား (ကျပါပြီ ဘုရား)။
So, if you do not strive for liberation now, having finally met a spiritual friend, then Ko Tun Yin, U Than Daing—you are done for! (True, Sir). You are thoroughly done for. Do you see any chance of stepping outside this circle? (We do not, Sir). You will just keep running in circles within it. (True, Sir). Just like a racehorse on a track! (True, Sir). Do you grasp this? (Yes, we do, Sir).
ဘာတဲ့တုံး (တာပတ်မြင်းပါ ဘုရား)၊ တာပတ်မြင်းဟာ အပြင်ထွက်နိုင်သလား၊ ဝိုင်းထားတာထဲပဲ ပြေးရတယ် မဟုတ်လား (မှန်ပါ)၊ အတင်းမောင်းရင်း အတင်းပြေးပဲ၊ ဖြည်းဖြည်းမောင်းရင် ဖြည်းဖြည်းပြေးပါတယ်(မှန်ပါ)၊ အဝိဇ္ဇာ တဏှာက ဖြည်းဖြည်းမောင်းရင် မင်းတို့ ဖြည်းဖြည်းပြေးမယ်၊ အဝိဇ္ဇာ တဏှာက မြန်မြန်မောင်းရင် (မြန်မြန်ပြေးပါမယ်)။
Like what? (Like a racehorse on a track, Sir). Can a racehorse run outside the track? It has to keep running within the enclosed circle, doesn't it? (True, Sir). If driven hard, it runs hard; if driven slowly, it runs slowly. (True, Sir). If Ignorance and Craving drive you slowly, you run slowly. If Ignorance and Craving drive you fast... (We run fast, Sir).
ဟောဟိုနေရာသွားလို့ရှိရင် မင်း တစ်သိန်းလောက်ရလိမ့်မယ်ဆိုပြီး အဝိဇ္ဇာက မသိအောင်ဖုံးလွှမ်းပြီး ရှေ့ဒုက္ခကို မသိအောင်ဖုံးလွှမ်းပြီး တဏှာက တွန်းခိုင်းလိုက်တဲ့အခါကျတော့ ကစုန်ချပြီး ဒုန်းစိုင်းပြေးတာပဲ(မှန်ပါ)၊ ဘာတွေများ ရလာသတုံးမေးတော့ (ဒုက္ခသစ္စာရခဲ့ပါတယ်)၊
When Ignorance conceals the suffering that lies ahead, whispering, "If you go over there, you will make a hundred thousand," and Craving pushes you forward, you gallop at full speed! (True, Sir). And when asked what you actually obtained at the end? (We obtained the Truth of Suffering, Sir).
လောင်မှလောင်ရဲ့လားဟေ့
ရတဲ့အချိန်က စပြီး လောင်မှလောင်ရဲ့လားဟေ့ဆိုတော့ ငွေတစ်သိန်းရတယ် ဆို တစ်သိန်း ပူလောင်တာပဲ(မှန်ပါ)၊ မလောင်ဘူးလား(လောင်ပါတယ်)၊ နှစ်သိန်းရရင် (နှစ်သိန်းပူလောင်ပါတယ်)။
From the moment you get it, I ask you, "Are you burning yet?" If you get a hundred thousand, you burn with the anxiety of a hundred thousand. (True, Sir). Doesn't it burn? (It burns, Sir). If you get two hundred thousand? (We burn with two hundred thousand, Sir).
သို့သော် ခင်ဗျားတို့သည် ဦးသန်းမောင်တို့သည်၊ ဦးသံဒိုင်တို့သည်၊ ဦးညွန့်တို့သည် မီးသေးကြိုက်သလား၊ မီးကြီးကြိုက်သလားလို့မေးရင် ခင်ဗျားတို့ ဘယ့်နှယ်ဖြေမလဲ(မီးကြီးကြိုက်ပါတယ်)၊ မီးကြီးမှကြိုက်တယ်(မှန်ပါ)၊ ရှင်း ကြပလား(ရှင်းပါပြီ ဘုရား)။
But if I ask you, U Than Maung, U Than Daing, U Nyunt—do you prefer a small fire or a big fire? How would you answer? (We prefer a big fire, Sir). Exactly, you only like the big fire! (True, Sir). Is that clear? (Yes, it is, Sir).
တစ်ရာတော့ ခင်ဗျားတို့ မပူပါဘူးကွာ၊ တစ်ရာ ဘာအရေးကြီးတာမှတ်လို့။ ဆယ်သိန်း ကိုးသိန်း တစ်ရာကျတော့ ဒါတော့ ထိခိုက်တယ်ဗျာ၊ လောင်ပေါ့(မှန်ပါ)၊ မလောင်သေးဘူးလား(လောင်ပါတယ် ဘုရား)၊ ဦးညွန့် ရိပ်မိပလား (ရိပ်မိ ပါပြီ)။
You don't burn much over a hundred kyats. A hundred kyats is nothing important. But when it comes to nine hundred thousand or a million, that impacts you deeply. You burn! (True, Sir). Don't you burn? (We burn, Sir). U Nyunt, do you see it? (Yes, I do, Sir).
သို့သော် ခင်ဗျားတို့လိုက်ရှာနေတာက မီးကြီးရှာသလား၊ မီးသေးရှာသလားဆိုတာ ပြောကြစမ်းပါဦး (မီးကြီးရှာ ပါတယ် ဘုရား)၊ လောင်တော့ ခင်ဗျားတို့ခံနိုင်ရှည်ရှိရဲ့လား (မရှိပါဘူး)၊ မီးကြီးရလို့ မီးကြီးတွေ အထွေထွေစရိတ်တွေနဲ့ ကုန်ပြီ၊ ဆုံးပါးကုန်ပြီဆိုပါတော့၊ ဟာ ကိုယ်ကျိုးနည်းပြီ မလာဘူးလား(လာပါတယ်)၊ ဦးသန်းမောင် ဘာတွေလျှောက်ရှာ နေသလဲ (မီးကြီးလျှောက်ရှာနေပါတယ်)၊ မီးကြီးရှာတော့ မီးသေးနဲ့မီးကြီး ဘယ်သူကပူသတုံး (မီးကြီးကပူပါတယ်)။
Yet, tell me, are you searching for a big fire or a small fire? (We are searching for a big fire, Sir). When it burns, can you endure it? (No, we cannot). Suppose you acquire this big fire, and then it is all lost to various expenses or ruined. Don't you cry out, "I am ruined!"? (We do, Sir). U Than Maung, what are you all searching for? (We are searching for a big fire, Sir). When you search for a big fire, between a small fire and a big fire, which one burns hotter? (The big fire burns hotter, Sir).
ဪ ဒါဖြင့် ခင်ဗျားတို့သည်ကားဆိုရင် ဝိညာဏ်ချုပ်အောင် အလောင်ခံချင်တဲ့ သဘောရှိတယ်(မှန်ပါ)၊ မီးကြီး ကြိုက်တယ်။ ပေါ်ပလား (ပေါ်ပါပြီ)။
Ah, then it seems you have a desire to be burned until your very consciousness perishes! (True, Sir). You crave the big fire. Is that evident? (It is evident, Sir).
အဝိဇ္ဇာကြောင့် မီးကြီးကြိုက်တယ်
ဘာကြိုက်သလဲ (မီးကြီးကြိုက်နေပါတယ် ဘုရား)၊ မျက်စိလည်နေတယ်၊ မျက်စိမှောက်နေတယ် (မှန်ပါ)၊ ဘာတုံး မေးတဲ့အခါကျတော့မှ မသိတဲ့ အဝိဇ္ဇာကြောင့် မီးကြီးကြိုက်တယ်(မှန်ပါ)။
What do you crave? (We are craving the big fire, Sir). You are utterly confused and blind. (True, Sir). When asked why, it is because of your unknowing Ignorance (Avijja) that you crave the big fire. (True, Sir).
ကောင်းပြီ၊ ဒါဖြင့် ၂ နံပါတ်ကိုပြန်ပြီး ဖြတ်လမ်းပြမယ်(မှန်ပါ)၊ နောက်က ဒကာ ဒကာမတွေ ဂဏန်းကောတိုးကြ ရဲ့လား။ ၁ တို့၊ ၂ တို့၊ ၃ တို့၊ ၄ တို့ ကလေးမလေးတွေလေ (မှန်ပါ၊ တိုးပါတယ် ဘုရား)၊ အေး အေး ဟန်ကျပြီ။
Very well. Now, I will show you the shortcut by going back to Section 2 on the chart. (Yes, Sir). Yogis in the back, are the numbers advancing? The 1, 2, 3, 4 being shown by the young girls? (Yes, they are, Sir). Good, good. Excellent.
ကဲ ၂ နံပါတ်ကြည့်ပါ၊ ၂ နံပါတ်မှာ ပြင်ဘက်မြားကလေးနှစ်ခု ကြည့်လိုက်စမ်း။ တစ်ခုသောမြားက ဒကာ ဒကာမတို့ ဝေဒနာနိရောဓာ တဏှာနိရောဓာ၊ ဟော ပဋိစ္စသမုပ္ပါဒ်ထွက်လမ်းပဲ၊ တွေ့ရဲ့လား (တွေ့ပါတယ်)။ ဟို တစ်ခုသော မြားကတော့ ဘာတဲ့၊ ကြည့်စမ်း (ဝေဒနာပစ္စယာ တဏှာ၊ ပဋိစ္စသမုပ္ပါဒ်လည်လမ်းပါ ဘုရား)။
Now, look at Section 2. Look at the two small arrows on the outside. One arrow, Yogis, indicates "Vedana-nirodha, Tanha-nirodho" (With the cessation of Feeling, Craving ceases). Behold, this is the exit path from The Wheel of Dependent Origination! Do you see it? (We see it, Sir). What does the other arrow indicate? Look closely. (It says "Vedana-paccaya Tanha"—Feeling causes Craving; that is the path of wandering in the cycle, Sir).
ဒီဟာကလေးနှစ်ခုဟာ ပြောရတော့မည့် အဓိပ္ပါယ်ပဲ (မှန်ပါ)၊ ဝေဒနာနိရောဓာ တဏှာနိရောဓာက ပဋိစ္စသမုပ္ပါဒ် ထွက်လမ်း။ ဝေဒနာချုပ်အောင် ရှုနိုင်လို့ရှိရင်ဖြင့် တဏှာချုပ်ပါတယ်။ တဏှာချုပ်လို့ရှိရင်ဖြင့် ပဋိစ္စသမုပ္ပါဒ်က ပြတ်သွား လို့ ထွက်သွားပါပြီတဲ့။ ဒီဘက် မဆက်တော့ဘူး။ ၃ နံပါတ်ကို မဆက်တော့ပါဘူး(မှန်ပါ)။
The meaning of these two little arrows is exactly what I am about to explain. (True, Sir). "Vedana-nirodha, Tanha-nirodho" is the exit path. If you can watch and observe Feeling (Vedana) until it ceases, Craving (Tanha) will cease. When Craving ceases, The Wheel of Dependent Origination is severed, and you have escaped! The chain does not continue to this side. It does not carry on to Section 3. (True, Sir).
ဒကာ ဒကာမတို့ ဝေဒနာချုပ်အောင် ရှုနိုင်တဲ့ပုဂ္ဂိုလ်၊ ဝေဒနာချုပ်လို့ ဝေဒနာဖြစ်ပျက်ရှုလို့ တဏှာချုပ်သွားတဲ့ ပုဂ္ဂိုလ်များမှာဖြင့် ၃ နံပါတ်ကို မဆက်တော့ပါဘူး (မှန်ပါ)၊ ရိပ်မိပလား (ရိပ်မိပါပြီ)။
Yogis, for the person who can observe Feeling until it ceases—who watches the Arising and Passing Away of Feeling until Craving ceases—the cycle does not proceed to Section 3. (True, Sir). Do you see it? (Yes, we do, Sir).
အခုပြောလာတာ နှစ်ရက်ပြောတာက လည်လမ်းကိုပြောပါတယ်၊ အခု တစ်လုံးတည်းစပြောတာက ထွက်လမ်းကို ပြပါတယ် (မှန်ပါ)။
For the past two days, I have been explaining the path of wandering. Now, with this single point, I am showing you the exit path! (True, Sir).
ပဋိစ္စသမုပ္ပါဒ်ထွက်လမ်း
ဖတ်ပြစမ်းပါ(ဝေဒနာနိရောဓာ တဏှာနိရောဓာက ပဋိစ္စသမုပ္ပါဒ်ထွက်လမ်း)၊ ရှေ့ကိုမသွားတော့ဘူးပေါ့ဗျာ၊ ၃ထိ အောင် မသွားတော့ဘူး(မှန်ပါ)၊ ၂ နဲ့ပဲ စခန်းသိမ်းတော့မယ်တဲ့၊ ၂ ကနေပြီး နိဗ္ဗာန်ကူးပါတော့မယ်လို့ပြောတာ၊ သဘောပါ ကြရဲ့လား (ပါပါတယ်)။
Read it aloud for me. ("Vedana-nirodha, Tanha-nirodho is the exit path from Dependent Origination"). So, it goes no further. It does not reach Section 3. (True, Sir). The journey concludes right here at Section 2. From Section 2, you cross directly over to Nibbana! Do you grasp the meaning? (Yes, we do, Sir).
ဝေဒနာနိရောဓါ ဝေဒနာကိုချုပ်အောင် ရှုနိုင်လို့ရှိရင် တဏှာနိရောဓေါတဲ့။ တဏှာချုပ်လိမ့်မယ်တဲ့(မှန်ပါ)၊ ဒီလို ဆိုရင် ပဋိစ္စသမုပ္ပါဒ် ၃ ကို မသွားတော့ဘူးတဲ့။ ၂ ကနေပြီး တစ်ခါတည်းထွက်တော့တာပဲ(မှန်ပါ)၊ ၂ ကနေ နိဗ္ဗာန်ထွက် တယ်(မှန်ပါ)။
Vedana-nirodha: If you can observe Feeling until it ceases, then Tanha-nirodho: Craving will cease. (True, Sir). If so, it will not proceed to Section 3 of Dependent Origination. You exit straight out from Section 2! (True, Sir). You exit to Nibbana from Section 2. (True, Sir).
အဲဒီတော့ ဒီထဲမှာ ဝေဒနာကို ဖြစ်ပျက်ရှုရလိမ့်မယ်။ သွားလိုက်ပါ၊ ဖဿကော (ဖြစ်ပျက်ရှုရပါမယ်)၊ စက္ခု၊ သောတ၊ ဃာန၊ ဇိဝှာ၊ ကာယ၊ မန ဆိုတဲ့စိတ်တွေကော (ဖြစ်ပျက်ရှုရပါမယ်)၊ နာမ် စေတသိက်တွေကော (ဖြစ်ပျက်ရှု ရပါမယ်)၊ ရုပ်ကိုကော(ဖြစ်ပျက်ရှုရပါမယ်)၊ ဝိညာဏ် ပဋိသန္ဓေစိတ်ကိုကော (ဖြစ်ပျက်ရှုရပါမယ်)။
Therefore, in this process, you must watch the Arising and Passing Away of Feeling. Let's trace it back. What about Contact (Phassa)? (We must watch its Arising and Passing Away, Sir). What about the consciousness at the eye, ear, nose, tongue, body, and mind? (We must watch their Arising and Passing Away, Sir). What about Mental Factors (Cetasikas)? (We must watch their Arising and Passing Away, Sir). What about Form (Rupa)? (We must watch its Arising and Passing Away, Sir). What about Rebirth Consciousness (Patisandhi-vinnana)? (We must watch its Arising and Passing Away, Sir).
အဲ အခု ပဝတ္တိအခါတော့ ပဋိသန္ဓေမရှိဘူး။ ဘဝင်စိတ်ပဲရှိတယ်(မှန်ပါ)၊ ပဋိသန္ဓေစိတ်က ကျုပ်တို့ကုန်ခဲ့ပြီ။ အခု ဘဝအဖြစ်နဲ့ အမှုထမ်းနေတယ်(မှန်ပါ)၊ စိတ်တစ်ခုနဲ့တစ်ခုကြားမှာ ဘဝင်ဆိုတာ ကြားဖူးတယ်မဟုတ်လား(ကြားဖူး ပါတယ်)၊ အဲဒီဘဝကို ရှုတတ်ရင်လဲ ရနိုင်တယ်(မှန်ပါ)။
Well, during the course of this present life (Pavatti), there is no Rebirth Consciousness. There is only the Life-Continuum Consciousness (Bhavanga). (True, Sir). Our Rebirth Consciousness is already finished. Now, it is functioning as our current existence. (True, Sir). You have heard of the Bhavanga that arises between active states of mind, haven't you? (We have heard of it, Sir). If you know how to observe that Bhavanga, you can attain liberation too. (True, Sir).
သတိပဋ္ဌာန်နဲ့ ဝေဖန်လိုက်တဲ့အခါ
သို့သော် ဒီဥစ္စာတွေပြောနေရင် ရှုပ်နေမှာစိုးလို့ သတိပဋ္ဌာန်နဲ့ ဝေဖန်လိုက်တဲ့အခါကျတော့ ဝေဒနာက ဝေဒနာ နုပဿနာ။ ဖဿက ဓမ္မာနုပဿနာ။ သဠာယတနထဲမှာပါတဲ့ နောက်ဆုံးဖြစ်တဲ့ မနာယတန ဆိုတာက စိတ္တာနုပဿနာ။ စက္ခု၊ သောတ၊ ဃာန၊ ဇိဝှာ၊ ကာယက ကာယာနုပဿနာ။ ဒီထဲမှာ နာမ်ဆိုတာကတော့ ဓမ္မာနုပဿနာဆိုတာပါပဲ(မှန်ပါ)၊ ရုပ်ဆိုတာ ကာယာနုပဿနာ၊ ရှင်းပလား (မှန်ပါ)။
However, lest explaining all this becomes too confusing, let's analyze it through the Foundations of Mindfulness (Satipatthana). Feeling is Mindfulness of Feelings (Vedananupassana). Contact is Mindfulness of Mental Objects (Dhammanupassana). Within the Six Sense Bases, the final one, Mind Base (Manayatana), is Mindfulness of Mind (Cittanupassana). The Eye, Ear, Nose, Tongue, and Body fall under Mindfulness of the Body (Kayanupassana). Mental factors (Nama) fall under Dhammanupassana. (True, Sir). Form (Rupa) is Kayanupassana. Is that clear? (True, Sir).
ဝိညာဏ်ဆိုတာလဲ စိတ်ဖြစ်လေသောကြောင့် စိတ္တာနုပဿနာ(မှန်ပါ)၊ ဒါဖြင့် သတိပဋ္ဌာန်လေးပါးပဲ ရှိတယ်(မှန်ပါ)။
Consciousness (Vinnana), being mind, is Cittanupassana. (True, Sir). Therefore, it all boils down to the Four Foundations of Mindfulness. (True, Sir).
ခန္ဓာငါးပါးကို ဝေဖန်လိုက်တော့ သတိပဋ္ဌာန် ဘယ်နှစ်ပါးရသတုံး (လေးပါးရပါတယ် ဘုရား)၊ လေးပါးပဲရတယ် ဆိုတာ သေချာပလား (သေချာပါပြီ)။
When you analyze the Five Aggregates, how many Foundations of Mindfulness do you get? (We get four, Sir). Are you certain you only get four? (We are certain, Sir).
ဘုရားက သတိပဋ္ဌာန်လေးပါးကို တစ်ပါးပါးကြိုးစား နိဗ္ဗာန်ရောက်တယ်၊ ဟောတော့ ကျုပ်တို့ ဒီလေးပါးထဲက တစ်ပါးကြိုးစားရုံပဲရှိတယ်(မှန်ပါ)။
The Buddha taught that by striving diligently in any one of the Four Foundations of Mindfulness, you will reach Nibbana. Therefore, all we have to do is practice just one of these four. (True, Sir).
စိတ်တွေပေါ်တာကို ဥပမာ ဥထုဇဉ်စိတ်၊ မောင်သစ်မင်း၊ ပုထုဇဉ်လား၊ အရိယာလား မေးရင် ဘယ့်နှယ်ဖြေပါ့မလဲ (ပုထုဇဉ်ပါ ဘုရား)။
Now, regarding the arising minds—for example, the minds of an ordinary person (Puthujjana). Maung Thit Min, if I ask whether you are an ordinary person or a Noble One (Ariya), how would you answer? (I am an ordinary person, Sir).
ပုထုဇဉ်စိတ်ဖြင့်(၃၇) ပဲရှိတယ်
ဒါဖြင့် ပုထုဇဉ်စိတ်ဖြင့်ကွာ မင်း (၃၇) ပဲရှိတယ်။ ပုဂ္ဂိုလ်စိတ်ရ(မှန်ပါ)၊ စိတ် (၃၇) ပဲရှိတယ်။ အကုသိုလ်စိတ်က (၁၂) ခု မင်းရမယ်။ မဆိုထိုက်ဘူးလား (ဆိုထိုက်ပါတယ်)။
Since you are an ordinary person, you only have 37 types of mind available to you. Based on the type of person you are, you experience 37 types of mind. (True, Sir). You will experience the 12 Unwholesome Minds (Akusala Citta). Isn't that right to say? (It is right, Sir).
အဟိတ်စိတ်တွေကလဲ (၁၇)ရလိမ့်မယ်ဟေ့(မှန်ပါ)၊ မဟာကုသိုလ်ထဲကလ (၈)ခုရလိမ့်မယ်ဟေ့။ ဒါပဲရှိတယ် (မှန်ပါ)။ မဟာဝိပါတ်ထဲကလဲ တိဟိတ်ဖြစ်ခဲ့လို့ရှိရင် (၈)ခုရမှာပဲ။ အားလုံးပေါင်းလိုက်လို့ရှိရင်ဖြင့် (၃၇)ပဲရမယ်ဆိုတော့ (၃၇)ကို တပည့်တော်တို့ မရေတွက်တတ်ပါဘူးဘုရား ဆိုတော့ဖြင့် လောဘလာလဲ လောဘစိတ်ရှု၊ ဒေါသလာ ဒေါသရှု၊ မောဟလာ မောဟရှု၊ ဣဿာလာ ဣဿာရှု၊ မစ္ဆရိယလာ မစ္ဆရိယရှုရုံပဲ(မှန်ပါ)၊ သဘောကျပလား (ကျပါပြီ)။
You will also experience 17 Rootless Minds (Ahetuka Citta). (True, Sir). And 8 Great Wholesome Minds (Maha-kusala Citta). That is all. (True, Sir). If you were born with three roots (Ti-hetuka), you will also have 8 Great Resultant Minds (Maha-vipaka Citta). Adding them all up, you get 37. Now, if you say, "Sir, we don't know how to count all 37," then simply do this: When greed arises, observe the greedy mind. When anger arises, observe the angry mind. When delusion arises, observe the deluded mind. When jealousy arises, observe the jealous mind. When stinginess arises, observe the stingy mind. (True, Sir). Do you understand? (Yes, we do, Sir).
ဒါဖြင့် ကိုယ့်သန္တာန်ပေါ်ရာ ရှုဆိုရင် ကိုယ့်သန္တာန်မထိုက်တဲ့စိတ် ပေါ်ပါ့မလား (မပေါ်ပါဘူး)၊ ပုထုဇဉ်စိတ်ပဲ မထိုက်တဲ့စိတ် ပေါ်ပါ့မလား (မပေါ်ပါဘူး၊ ပုထုဇဉ်စိတ်ပဲပေါ်ပါမယ်)၊ ပုထုဇဉ်စိတ်ပဲပေါ်တာဖြင့် ပုထုဇဉ်စိတ်ပေါ်တိုင်း ရှုလို့ရရင်ဖြင့် ပုထုဇဉ်စိတ်က ဖြစ်ပျက်၊ ရှုတာကမဂ်ဆိုတော့ ဒီအစပ်ပြတ်ထွက်သွားတယ်(မှန်ပါ)၊ ၃ နဲ့ ၂နဲ့ အစပ်ပြတ်ထွက် သွားတယ်(မှန်ပါ)။
Therefore, if you observe whatever arises in your own stream of consciousness, would a mind that is inappropriate for your level arise? (No, it would not). Would a mind beyond that of an ordinary person arise? (No, Sir, only ordinary minds will arise). Since only ordinary minds arise, if you can observe every ordinary mind as it appears, the ordinary mind is the Arising and Passing Away (Impermanence), and the mind that watches and observes is the Path (Magga). Consequently, the link is severed! (True, Sir). The link between Section 2 and Section 3 is broken. (True, Sir).
၃ နဲ့ ၂ နဲ့ အခုစပ်ထားတယ်၊ မစပ်ဘူးလား (စပ်ပါတယ်)၊ ကိုင်း စိတ်ရှု ရှု၊ ဝေဒနာရှု ရှု၊ ဒီအစပ်လေး ဘာဖြစ် သွားမယ်ထင်သတုံး (ပြတ်သွားပါတယ်)၊ ပြတ်သွားလို့ရှိရင်ဖြင့် ဒကာ ဒကာမတို့၊ ပစ္စုပ္ပန်ဟာ အကြောင်းခြင်းရာငါးပါး ပေါ်သေးရဲ့လား (မပေါ်ပါဘူး)၊ အနာဂတ်အကျိုးခြင်းရာငါးပါးကော (မပေါ်ပါဘူး)။
Right now, Section 2 and Section 3 are linked. Aren't they linked? (They are linked, Sir). Well then, whether you observe the Mind or observe Feeling, what do you think will happen to this link? (It will be severed, Sir). Once it is severed, Yogis, will the five Present Causes arise anymore? (They will not, Sir). What about the five Future Effects? (They will not arise, Sir).
အရှုခံက အနိစ္စ၊ ရှုဉာဏ်က မဂ္ဂ
ဒါဖြင့် ဒကာ ဒကာမတို့၊ ဝေဒနာသုံးပါး လှည့်ရှုချင်ရှု၊ ကိုယ့်သန္တာန်ဖြစ်တဲ့ ပုဂ္ဂိုလ်စိတ်ရအတိုင်း ကိုယ့်စိတ် ကိုယ်ပြန်ရှုချင် ရှု(မှန်ပါ)၊ ရှုလိုက်ရင် အရှုခံက အနိစ္စ၊ ရှုဉာဏ်က မဂ္ဂ(မှန်ပါ)။
Therefore, Yogis, you can choose to alternate your observation among the three types of Feeling, or you can observe your own mental states as they arise according to your nature. (True, Sir). When you observe them, the object being observed is Impermanence (Anicca), and the Insight Knowledge that watches and observes is the Path (Magga). (True, Sir).
အရှုခံက (အနိစ္စပါ)၊ ရှုဉာဏ်က (မဂ္ဂပါ ဘုရား)၊ မဂ္ဂဟာ ဘာဖြစ်သတုံးမေးတော့ ဟောဒီ ဟိုဘက်မြားနဲ့ ဒီဘက် မြားနဲ့ ပြထားတဲ့ စပ်ဆိုတာကလေးက မစပ်ရတော့ဘူး(မှန်ပါ)၊ စပ်သေးရဲ့လား (မစပ်ရပါဘူး)။
The object being observed is? (Anicca, Sir). The observing knowledge is? (Magga, Sir). What does this Magga do? That little junction shown by the arrows connecting one side to the other—it can no longer connect! (True, Sir). Will it connect anymore? (It will not connect, Sir).
ဒါဖြင့် ဝေဒနာနဲ့တဏှာ အဆက်ဖြတ်ပေးလိုက်တယ်(မှန်ပါ)၊ ပေါ်ပလား (ပေါ်ပါပြီ)။
Thus, the link between Feeling and Craving is severed. (True, Sir). Is it clear? (It is clear, Sir).
ဝေဒနာနဲ့တဏှာ (အဆက်ဖြတ်ပါတယ်)၊ စိတ်နဲ့တဏှာကော (အဆက်ဖြတ်ပါတယ်)၊ ဆက်စပ်နေတဲ့ စိတ်နဲ့ ဝေဒနာဟာ ပြောသာပြောနေရတယ်၊ တွဲလျက်ပဲ (မှန်ပါ)။
Feeling and Craving are... (Severed, Sir). What about Mind and Craving? (Severed, Sir). Actually, Mind and Feeling are inherently linked; I only speak of them separately, but they arise together. (True, Sir).
အဲဒီတော့ ဝေဒနာရှုလဲ စိတ်ပါလာတာပဲ၊ စိတ်ရှုကော(ဝေဒနာပါပါတယ်)၊ ဝေဒနာပါတော့ ဘုရားက ဒါလောက် မရှင်းတော့ဘဲ စကားကျယ်သွားမှာစိုးလို့ ဝေဒနာနိရောဓါ တဏှာနိရောဓါလို့ ဟောတော်မူတယ်(မှန်ပါ)၊ ရှင်းပလား (ရှင်းပါ ပြီ)။
So, when you observe Feeling, the Mind is included. When you observe the Mind? (Feeling is included, Sir). Since Feeling is included, the Buddha, to prevent the teaching from becoming overly broad and confusing, concisely declared: "Vedana-nirodha, Tanha-nirodho" (With the cessation of Feeling, Craving ceases). (True, Sir). Is that clear? (It is clear, Sir).
ဝေဒနာ ဖြစ်ပျက်ဆိုတော့ ဝေဒနာချုပ်မသွားဘူးလား (ချုပ်သွားပါတယ်)၊ တဏှာနိရောဓါဆိုတော့ ရှုတဲ့မဂ်ကလေး မပေါ်ဘူးလား (ပေါ်ပါတယ်)၊ ဒါဖြင့် အဲဒီမဂ်သည် ဒီအစပ်ကို ဘာလုပ်သတုံး(ဖြတ်ပါတယ်)၊ ရှင်းကြပလား (ရှင်းပါပြီ)။
When you see the Arising and Passing Away of Feeling, doesn't Feeling cease? (It ceases, Sir). As for the cessation of Craving, doesn't the observing Magga arise? (It arises, Sir). Consequently, what does this Magga do to the link? (It severs it, Sir). Are you all clear on this? (We are clear, Sir).
မဂ်က ဒီအစပ်ဖြတ်တာပဲ
ကောင်းပြီ၊ ဒါဖြင့် ဝေဒနာရှုလဲ မဂ်က ဖြတ်တာပဲ၊ ဒီအစပ်ဖြတ်တာပဲ၊ စိတ်ရှုကော (ဒီအစပ် ဖြတ်ပါတယ်)၊ မဂ်က ဒီအစပ်ဖြတ်တာပဲ(မှန်ပါ)၊ သဘောကျပလား (ကျပါပြီ)။
Very well. Therefore, whether you observe Feeling, the Magga severs it. It severs the link. What if you observe the Mind? (It severs the link, Sir). The Magga severs the link. (True, Sir). Do you grasp this? (We do, Sir).
ဒါဖြင့် ဝေဒနာကုန်အောင်သာ ရှုလို့ရှိရင်ဖြင့် တဏှာကောမကုန်ဘူးလား (ကုန်ပါတယ်)၊ ဒါဖြင့် ဝေဒနာနိရောဓါ တဏှာနိရောဓေါ ပဋိစ္စသမုပ္ပါဒ်ထွက်လမ်းဆိုတာ ရှင်းသွားပြီ(ရှင်းပါပြီ ဘုရား)၊ မရှင်းဘူးလား (ရှင်းပါတယ်)။
Thus, if you only observe Feeling until it ceases, doesn't Craving also cease? (It ceases, Sir). Therefore, the statement "Vedana-nirodha, Tanha-nirodho is the exit path from Dependent Origination" is now crystal clear. (It is clear, Sir). Isn't it clear? (It is clear, Sir).
ဟာ ဒီလိုဝေဒနာတို့ စိတ်တို့ကို တပည့်တော်တို့မရှုပါဘူးဆိုရင် ဒီမြားအတိုင်းသွားကြ၊ ပြန်စပ်မှာပဲ (စပ်မှာပါ ဘုရား)၊ တဏှာ ဥပါဒါန် ဘဝ မသွားပေဘူးလား(သွားပါတယ်)၊ သွားလို့ရှိရင်ဖြင့် ဟိုဘက်အနာဂတ်အကျိုးရှစ်ပါးဆိုတာ ရမှာလား မရပေဘူးလား (ရမှာပါ ဘုရား)၊ လွတ်နိုင်သေးရဲ့လား (မလွတ်နိုင်ပါဘူး)။
"Ah, but Sir, we won't observe Feeling or Mind." Well, if you don't observe them, you will just follow the inner arrow, and the link will reconnect! (It will reconnect, Sir). Won't it proceed to Craving (Tanha), Clinging (Upadana), and Becoming (Bhava)? (It will proceed, Sir). If it proceeds, won't you inherit the eight Future Effects on the other side? (We will inherit them, Sir). Can you escape then? (We cannot escape, Sir).
အနာဂတ်အကျိုးရှစ်ပါးထဲက ဘယ်ဟာတွေ ပေါက်ပွားဦးမလဲဆိုတော့ ခုနင်က အတိတ်အကြောင်းငါးပါး ပြန် ပွားမယ်၊ ၁ ပြန်လှည့်မယ်(မှန်ပါ)၊ မလှည့်ပေဘူးလား (လှည့်ပါတယ်)၊ ၁ ပြန်လှည့်ရင် ၂ မကူးချင်ပါဘူးလို့ ငြင်းလို့ (မရပါဘူး)၊ ၂ ကို မဂ်နဲ့မဖြတ်ဘူးဆိုလို့ရှိရင် ၃ ပေါ်မှာပေါ့(မှန်ပါ)၊ ၃ သာပေါ်ရင် ၄ဟာ ဖြစ်မြောက်မယ်၊ မဖြစ်မြောက် မယ်၊ ဘယ်လိုဆုံးဖြတ်ချက်ချမလဲ (ဖြစ်မြောက်မှာပါ ဘုရား)။
From those eight Future Effects, what will multiply next? The previous five Past Causes will multiply again. You will loop back to Section 1! (True, Sir). Won't you loop back? (We will, Sir). Once you loop back to Section 1, can you refuse to cross over to Section 2? (We cannot, Sir). If you do not sever Section 2 with Magga, Section 3 will arise! (True, Sir). And if Section 3 arises, will Section 4 materialize or not? What is your conclusion? (It will materialize, Sir).
ကဲ ဒါဖြင့် ခင်ဗျားတို့သည် ဝေဒနာပစ္စယာ တဏှာ ပဋိစ္စသမုပ္ပါဒ်လည်လမ်းဆိုတာ ဒီအစပ်ကလေးကို မဖြတ်နိုင် လို့ရှိရင် သွားပေါ့ (သွားပါပြီ ဘုရား)၊ ရှင်းပလား (ရှင်းပါပြီ)။
Well then, if you cannot sever this tiny link, you will follow the path of "Vedana-paccaya Tanha"—the path of wandering in Dependent Origination. Down you go! (We will go down, Sir). Is that clear? (It is clear, Sir).
အလုပ်ကလုပ်ရမှာပဲ
ဒါကြောင့် အလုပ်ကလုပ်ရမှာပဲ၊ မောင်သစ်က ဦးညွန့်တို့ အာနာပါန မိနစ်အစိတ် သုံးဆယ်ရအောင် လုပ်ခိုင်းပါ နော်၊ ဦးသံဒိုင်တို့ကတော့ အလျင်စိတ်တွေဟောထားလို့ စိတ်ကြိုက် စိတ်ရှု၊ ဝေဒနာကြိုက် ဝေဒနာရှု(မှန်ပါ)။
That is why the practice must be done! Maung Thit, make sure U Nyunt and the others practice mindfulness of breathing (Anapana) for twenty-five or thirty minutes, alright? As for U Than Daing and others, since I have already taught you about the Mind, practice whichever you prefer: if you prefer Mind, observe the Mind; if you prefer Feeling, observe Feeling. (True, Sir).
ကိုယ်ထွန်းရှိန်ကတော့ ဘာကြိုက်သတုံး (ဝေဒနာကြိုက်ပါတယ်)၊ ဝေဒနာကြိုက်ရင် ဝေဒနာသုံးပါး လှည့်ရှုပါ၊ ဝေဒနာတစ်ပါးတည်း တွေ့မနေစေနဲ့၊ ကြားတာလဲ ဝေဒနာ၊ စားတာလဲ ဝေဒနာ၊ အကုန်စိတ်ပေါ်သရွေ့ ဝေဒနာချည်းမှတ်၊ ဝေဒနာဟာ စိတ်တစ်ခု ယုတ်ကိုးဆယ်မှာ ယှဉ်ပါတယ် (မှန်ပါ)၊ ရှင်းပြီနော် (ရှင်းပါပြီ)။
Ko Tun Shein, what do you prefer? (I prefer Feeling, Sir). If you prefer Feeling, alternate your observation among the three types of Feeling. Do not just get stuck on one type of Feeling. Hearing is Feeling. Eating is Feeling. As long as any mind arises, note it all strictly as Feeling. Feeling is associated with every single one of the eighty-nine or one hundred and twenty-one types of consciousness. (True, Sir). Is that clear now? (It is clear, Sir).
ကဲ ဒီတွင် ယနေ့တော်ကြဦးစို့။
Well, let us stop here for today.