တရားတော်
ဉာဏ်အမြင်နှင့် မျက်လုံးအမြင်
ဉာဏ်အမြင်နှင့် မျက်လုံးအမြင်
Insight Knowledge vs. Physical Sight
(ခန္ဓာငါးပါးဝိပဿနာရှုပုံ)
(How to Practice Vipassana on the Five Aggregates)
ကျေးဇူးတော်ရှင်-အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး
အမရပူရမြို့ ဓမ္မာရုံ၌ ဟောကြားတော်မူသော
ဉာဏ်အမြင်နှင့် မျက်လုံးအမြင်
(ခန္ဓာငါးပါးဝိပဿနာရှုပုံ)အလုပ်ပေးတရားတော်
A Dhamma Talk by the Venerable Mogok Sayadaw, delivered at the Amarapura Dhamma Hall (14-10-1961)
(၁၄-၁၀-၁၉၆၁)
ရူပက္ခန္ဓာ ရုပ်တရား
ခန္ဓာငါးပါးရှိတယ်လို့ မှတ်ထားရမယ်။ ခန္ဓာငါးပါးက တခြားမဟုတ်ပါဘူး။ ဒီလိုကိုင်တွယ်လို့ရတာအားလုံး မှတ်ကြပါ။ ရူပက္ခန္ဓာ ရုပ်တရားချည်းလို့ မှတ်ပါ။
You must understand that there are Five Aggregates (Khandhas). The Five Aggregates are nothing else. Mark this: everything tangible like this is simply the Aggregate of Form (Rupa-khandha).
သူ့သဘောသတ္တိ ပြောစမ်းပါဆိုလို့ရှိရင် ပူလိုက်၊ အေးလိုက်၊ ပိန်လိုက်၊ ဖောင်းလိုက်၊ ဖွဲလိုက်၊ တော်တော်ကြာကျ တော့ ကျဲလိုက်၊ သလိပ်များကို ဖွဲလိုက်၊ ကျဲလိုက်(မှန်ပါ)။
If you ask about its natural properties, it gets hot, it gets cold; it deflates, it inflates. It becomes thick, and then it becomes thin—just like coughing up thick or thin phlegm. (Yes, Sir)
ရူပက္ခန္ဓာသဘော ကတော့ဖြင့် ပူလိုက်၊ အေးလိုက်၊ တစ်ခါတည်း တောင့်လိုက်၊ တင်းလိုက်၊ အမျိုးမျိုး အဖုံဖုံ ဖြစ်ပါတယ် (မှန်ပါ)။
The nature of Rupa-khandha is constantly changing—sometimes hot, sometimes cold, sometimes stiff, sometimes tense. It alters in various ways. (True, Sir)
အဲဒါကလေးတွေကို ခင်ဗျားတို့ကကြည့်တဲ့အခါကျလို့ရှိရင် ဒါ ဖောက်ပြန်ပျက်စီးနေတာလို့သာမြင်လို့ရှိရင် မြင်တာ ပဲ (မှန်ပါ)။
When you watch these little phenomena, if you see them simply as altering and dissolving, then you are truly seeing them. (Yes, Sir)
ဖောက်ပြန်နေတာပါလား
ပူတာကလေး ပူလာပြီ၊ အေးသွားပြန်ပြီ။ ဪ ဖောက်ပြန်နေတာပါလား၊ ပျက်စီးနေတာပါလားလို့ ဉာဏ်ထဲက သိနေလို့ရှိရင် ဒါ မြင်တာပဲလို့မှတ်ပါ။ ဒါ ရူပက္ခန္ဓာ (မှန်ပါ)။
The heat arises, and then it cools down again. If your Insight realizes, "Ah, it is altering! It is dissolving!"—mark that as true seeing. This is Rupa-khandha. (Yes, Sir)
ဝေဒနာက္ခန္ဓာကလေးကတော့ နာမ်တရားဖြစ်နေတော့ ယားလိုက်၊ ပျောက်သွားလိုက်၊ ဒါ ဝေဒနာက္ခန္ဓာ၏ဖြစ်ပျက်ပဲ (မှန်ပါ)၊ တစ်ခါတလေ စိတ်ထဲချမ်းသာလာလိုက်၊ ချမ်းသာတာကလေး ပျောက်သွားလိုက်၊ ဝေဒနာက္ခန္ဓာဆိုတာလဲ ဒါပဲ။ ဖြစ်ပြီးပျက်နေတာ(မှန်ပါ)။
As for the Aggregate of Feeling (Vedana-khandha), since it is a mental phenomenon (Nama), it will itch, and then the itch will disappear. This is simply the arising and passing away of Vedana-khandha. (True, Sir)
ဥပေက္ခဝေဒနာကလေးဟာလဲ ဖြစ်ပြီးပျက်သွားပြန်တာပဲ၊ ကြားပြီးပျက်သွားပြန်ပြီ။ ဒါလဲ ဥပေက္ခဝေဒနာကလေး၏ ဖြစ်မှု၊ ပျက်မှုပဲလို့၊ သူပေါ်လာတာကို ဉာဏ်ထဲက ဖြစ်မှု၊ ပျက်မှု လိုက်နေရမယ်။
Neutral feeling (Upekkha-vedana) also arises and passes away. You hear something, and the hearing vanishes. This is the arising and passing away of neutral feeling. When it appears, your Insight must track its arising and passing away.
ဒါ ဖြစ်မှု၊ ပျက်မှုပဲလို့ အောက်မေ့နေရမယ်(မှန်ပါ)၊ ထိုကဲ့သို့ အောက်မေ့တာသည်ပင်လျှင် ဒါဟာ ဉာဏ်အမြင် ပါပဲ(မှန်ပါ)၊ သဘောကျပလား (ကျပါပြီ)။
You must realize, "This is nothing but arising and passing away." (Yes, Sir). Reflecting on it in this way is exactly what we call Insight Knowledge. (True, Sir). Do you grasp the meaning? (Yes, we do, Sir).
ဉာဏ်အမြင်ပဲ။ ယားလိုက်၊ ပျောက်လိုက်၊ အောင့်လိုက်၊ ပျောက်သွားလိုက်၊ ကောင်းလိုက်၊ ပျောက်သွားလိုက်၊ မြင်လိုက်၊ ပျောက်သွားလိုက်၊ ဒါ ဝေဒနာကလေးတွေ သူ့ဟာသူဖြစ်ပြီး သူ့ဟာသူ ပျောက်သွားတာ။ ခင်ဗျားတို့ကတော့ စောင့်ကြည့်နေရုံပဲ (မှန်ပါ)။
This is Insight Knowledge. It itches, then disappears. It aches, then disappears. You feel good, then it disappears. You see, then it disappears. These feelings simply arise on their own and vanish on their own. Your only job is to watch and observe them. (Yes, Sir)
ရေဆိပ်မှာထိုင်နေပြီးတော့
ခင်ဗျားတို့ကြည့်နည်းက ဥပမာ ဘုန်းကြီးရှင်းပြပါ့မယ်။ ရေဆိပ်မှာထိုင်နေပြီးတော့ လူက ဒီကနေထိုင်၊ ရေက အထက်ကစီးလာတယ်၊ ကိုယ်က ဒီနားကလေးတွင် ကြည့်။
Let me explain how you should observe using an analogy. Imagine sitting at a riverbank. The water flows down from upstream, but you only watch the point right in front of you.
အထက်ကစီးတဲ့ရေလဲ မကြည့်နဲ့၊ အောက်က စီးသွားတဲ့ရေလဲ မကြည့်နဲ့။ ဒီနားက ရေမရှိဘူး။ အလျင်ရေ မဟုတ်ဘူး၊ အလျင်ရေ မဟုတ်ဘူးလို့ သိနေရင် ပြီးတာပဲ (မှန်ပါ)။
Do not look at the water flowing from upstream, nor the water flowing downstream. There is no water remaining right in front of you. If you realize, "This is not the previous water; this is not the old water," that is sufficient. (Yes, Sir)
အလျင်ရေမဟုတ်ဘူးလို့ သိနေသလို အလျင်ရုပ်မဟုတ်ဘူး၊ အလျင်နာမ်မဟုတ်ဘူးလိုသိနေရင် ဒါ ဝိပဿဉာဏ်ပဲ (မှန်ပါ)။
Just as you realize it is not the same water, if you realize it is not the previous Form (Rupa), not the previous Mind (Nama), that is Insight (Vipassana) Knowledge. (True, Sir)
အခုပြောတာ သေသေချာချာနားထောင်ပါ။ ရေစီးလာတယ် အထက်က၊ ကိုယ်က ဒီနားကလေးတွေကြည့်နေတယ်၊ ကိုယ်ကြည့်နေတာကတော့ ဥပမာမယ် မှတ်တိုင်ကလေးတစ်ခုထားပေါ့။ ၅ နံပါတ်မှတ်တိုင်ကလေး ဒီဘက်ကထား။
Listen carefully to what I am saying. The water flows from upstream, and you are watching right here. Let us say you place a marker—Marker Number 5.
၅ နံပါတ်မှတ်တိုင်မှတပါး ငါ မရှုဘူး
၅ နံပါတ်မှတ်တိုင်မှတပါး ငါ မရှုဘူး။ ၅ နံပါတ်မှတ်တိုင်နား ရောက်လာတဲ့ရေသာကြည့်။ အထက်က စီးလာတာ တွေကိုလဲ မကြည့်နဲ့။ အောက်က စီးသွားတာတွေလဲ မကြည့်နဲ့။ ဒီ ၅ နံပါတ်မှာ အလျင်ရေ (ပထမရေ)မဟုတ်တာသိရင် ပြီးတာပဲ (မှန်ပါ)၊ ဒါ ဝိပဿနာရှုနည်းပဲ (မှန်ပါ)။
Tell yourself, "I will not observe anything except Marker Number 5." Only watch the water that arrives exactly at Marker Number 5. Do not look at what is flowing from above, and do not look at what has flowed below. If you know that the water at Number 5 is not the previous water, that is enough. (Yes, Sir) This is the method of Vipassana. (Yes, Sir)
အဲဒီအတိုင်းပဲ ဒီနေရာမှာ ဒီအသားတော့ ရှိတော့ရှိတာပဲ။ ရှိပေမယ့်လဲ အလျင်ဝေဒနာမဟုတ်ဘူး။ အလျင်ဝေဒနာ မဟုတ်ဘူးလို့ ခင်ဗျားတို့ ဉာဏ်ထဲမှာသိနေရင် ဒါဝိပဿဉာဏ်လို့ မှတ်ပါ(မှန်ပါ)။
In the same way, the flesh exists right here. But even though it is here, the feeling is not the previous feeling. If you realize with Insight that it is not the previous feeling, mark that as Insight Knowledge. (Yes, Sir)
ဉာဏ်အမြင်နဲ့ မျက်လုံးအမြင်နဲ့ မရောစေနဲ့(မှန်ပါ)၊ မျက်လုံးအမြင်ကတော့ မီးကလေးတောက်လာတယ်၊ သေသွား တယ်၊ သူကတော့ လင်းတာနဲ့မှောင်တာကို သူမြင်တာကိုးဗျ။ ဒါ မျက်လုံးအမြင်ပါ (မှန်ပါ)။
Do not confuse Insight Knowledge with physical sight. (Yes, Sir) With physical sight, a fire sparks and then dies out. The eye only sees brightness and darkness. That is merely physical sight. (True, Sir)
ဉာဏ်အမြင်က ဒီလိုမဟုတ်ဘူး။ ဉာဏ်အမြင် ဒီတရားမရှိတာကို အဆင်တူမရှိတာကို သိရမယ်(မှန်ပါ)၊ ဟိုက အဆင်ကွဲမရှိတာကို သိတယ်(မှန်ပါ)။
Insight Knowledge is not like that. Insight Knowledge must realize that the exact same phenomenon does not exist anymore; there is no identical continuity. (Yes, Sir) The physical eye, however, only notices when there is a change in outward appearance. (Yes, Sir)
မျက်လုံးကတော့ (အဆင်ကွဲမရှိတာကိုသိပါတယ်)၊ သူလင်းတာသိတယ်၊ မှောင်တာသိတယ်၊ အဲဒါဉာဏ်အမြင် မုန်ပါဘူး၊ မျက်လုံးအမြင်ပါ(မှန်ပါ)၊ မျက်လုံးအမြင်က နိဗ္ဗာန်မရောက်နိုင်ဘူး(မှန်ပါ)။
The physical eye only knows brightness and darkness. That is not Insight Knowledge; it is physical sight. (Yes, Sir) Physical sight cannot lead you to Nibbana. (True, Sir)
ဉာဏ်အမြင်ကတော့
ဉာဏ်အမြင်ကတော့ အဆင်တူမရှိတာသိရမယ်။ အဆင်တူမရှိတာဆိုတာ ဒီနေရာမှာ နဂိုရေက ရေစိမ်းပဲ၊ ရေကြည် တယ်။ ဒီရေကြည်ကလေးမရှိ ဘူး။ ဒါ နောက်ရေပဲ။ အလျင်ရေကြည် မရှိဘူး။ နောက်ရေကြည်ပဲဆိုတော့ သူက ဆင်တူ မရှိတာ သိရမယ်(မှန်ပါ)၊ သဘောပါပလား (ပါပါပြီ)။
As for Insight Knowledge, it must realize that there is no identical continuity. What does "no identical continuity" mean? Suppose the original water is clear green water. That specific clear water is no longer there. The water there now is the next batch of water. The previous clear water is gone. So, Insight must realize that the identical thing does not remain. (Yes, Sir) Do you grasp the meaning? (Yes, we do, Sir)
မျက်လုံးအမြင်ကတော့ ဆင်တူမရှိတာ မဟုတ်ဘူး။ ဆင်ကွဲမရှိတာမှ သူသိတယ်(မှန်ပါ)၊ ဉာဏ်အမြင် ကတော့ ဆင်တူမရှိတာ သိရမယ်(မှန်ပါ)။
Physical sight does not see the absence of identical continuity. It only notices when the appearance completely changes. (True, Sir) Insight Knowledge, however, must realize that the exact same thing no longer exists. (Yes, Sir)
ဒါ သေသေချာချာ ခြားခြားနားနား မှတ်ပါ(မှန်ပါ)၊ သဘောပါကြရဲ့လား (ပါပါတယ်)၊ ဆင်တူ မရှိတာက ဘာတုံး (ဉာဏ်အမြင်ပါ)၊ ဆင်ကွဲမရှိတာ မျက်လုံးအမြင်၊ နားအမြင်၊ သဘောကျပလား (မှန်ပါ)။
Mark this distinction clearly and precisely. (Yes, Sir) Do you understand? (Yes, we do, Sir). What realizes the absence of identical continuity? (Insight Knowledge, Sir). And noticing a change in outward appearance is what? It is the sight of the eyes and ears. Are you convinced? (Yes, Sir)
အဲဒီတော့ ဘယ်အမြင်ကို ဘုရားနှစ်သက်ပါလိမ့်မလဲလို့ ဆိုတော့ ခင်ဗျားတို့ နိဗ္ဗာန်ရောက်တဲ့ အမြင်ကတော့ ဆင်တူ မရှိတာ အမြင်(မှန်ပါ)။
So, which kind of sight do you think the Buddha approves of? The sight that leads you to Nibbana is the Insight that sees things never remain the same. (Yes, Sir)
အလျင်တရား မရှိဘူး၊ နောက်တရား တစ်မျိုး။ အလျင်တရား မရှိဘူး၊ နောက်တရားတစ်မျိုး။ အလျင်တရား မရှိဘူး၊ နောက်တရားတစ်မျိုး။ ဒါကိုသိဖို့ အရေးကြီးပါတယ် (မှန်ပါ)၊ သဘောပါပလား (ပါပါပြီ)။
The previous phenomenon is gone; the subsequent phenomenon is new. The previous phenomenon is gone; the subsequent phenomenon is new. The previous phenomenon is gone; the subsequent phenomenon is new. Realizing this is crucial. (Yes, Sir) Do you grasp the meaning? (Yes, we do, Sir)
ဒီခန္ဓာကြီးကတော့ မျက်လုံးသာ ဖွင့်ရှုနေရင်ရှိတာပဲ၊ ရှိပင်ရှိငြားသော်လဲ ခုနင်က ယားတာကလေးနဲ့ ယားတာ ကလေးပျောက်တာကတော့ ယားတာလဲ ဉာဏ်ထဲကသိတာ(မှန်ပါ)၊ ယားတာမရှိတာလဲ (ဉာဏ်ထဲကပဲ သိရပါတယ်)။
If you only look with your physical eyes, this entire body seems to just exist permanently. Even though it appears to exist, when an itch arises and then disappears, the itch is known by Insight. (Yes, Sir) The absence of the itch is also known by Insight.
အသားကတော့ ဒီအသားပဲ၊ မျက်လုံးက မြင်မယ်၊ သို့သော် ယားတာကလေးက ဥပမာ လက်မောင်းမှာ၊ လက် ကောက်ဝတ်မှာ ယားတယ်၊ ယားနေတယ်လို့ ပထမသိ၊ နောက် ယားတာကလေးပျောက်သွားတော့ ယားတာကလေးမရှိဘူး လို့ သိတော့ သူဟာ ဆင်တူမရှိတာ သိမယ်၊ ဉာဏ်က(မှန်ပါ)၊ သဘော ပါကြသလား (မှန်ပါ)။
The flesh remains the same flesh, and the eye sees it. However, suppose an itch arises on your arm or wrist. First, you know it is itching. Then, when the itch disappears, you know the itch is gone. Thus, Insight realizes that the identical state does not remain. (Yes, Sir) Do you understand? (Yes, Sir)
ဆင်တူမရှိတာ သိတာ ဉာဏ်အမြင်
ဆင်တူမရှိတာ သိတာ ဉာဏ်အမြင်၊ ဆင်ကွဲမရှိတာသိတာက ဉာဏ်အမြင်မဟုတ်ဘူး(မှန်ပါ)။
Knowing the absence of identical continuity is Insight Knowledge. Merely noticing a gross change in appearance is not Insight Knowledge. (True, Sir)
ဒါဖြင့် ဉာဏ်အမြင်နဲ့ မျက်လုံး၊ နား၊ နှာခေါင်းတို့၏အမြင်နဲ့ တခြားစီ(မှန်ပါ)၊ မျက်လုံး၊ နား၊ နှာခေါင်း၊ လျှာ၊ ကိုယ် ဒီအမြင်တွေက နိဗ္ဗာန်မရောက်ဘူး (မှန်ပါ)။ ဉာဏ်အမြင်တစ်ခုကမှ (နိဗ္ဗာန်ရောက်ပါတယ်)။ နိဗ္ဗာန်ရောက်တယ်ဆို တော့ အခု သေသေချာချာ ယနေ့ရှင်းပြတော့ ဆင်တူမရှိတာမြင်မှ ဉာဏ်အမြင် ဆင်ကွဲမရှိတာ မြင်လို့ရှိရင်ဖြင့် ပဉ္စဒွာရ အမြင်(မှန်ပါ)၊ ပဉ္စဒွာရဆိုတာ မျက်စိ၊ နား၊ နှာခေါင်း၊ လျှာ၊ ကိုယ်၏အမြင်။ ဒီအမြင်တွေမကြိုက်ဘူး။ သဘောပါပလား (မှန်ပါ)။
Therefore, Insight Knowledge is entirely different from the sight of the eyes, ears, and nose. (Yes, Sir) The sight of the eyes, ears, nose, tongue, and body will never reach Nibbana. (True, Sir) Only Insight Knowledge can reach it. To reach Nibbana, as I am clearly explaining today, you must see that identical continuity does not exist. That is Insight Knowledge. If you only see gross changes in appearance, that is the sight of the Five Doors (Panca-dvara). The Five Doors refer to the eyes, ears, nose, tongue, and body. The Buddha does not favor these kinds of sights. Do you grasp the meaning? (Yes, Sir)
ဒီဉာဏ်အမြင်၊ မနောအမြင်သာ အမှန်(မှန်ပါ)။
Only this Insight Knowledge, the sight of the Mind Door (Mano-dvara), is the truth. (True, Sir)
တစ်နေ့ကပဲပြခဲ့တယ် ဘုန်းကြီးက၊ ဖရဲသီးရင့်တာကို အပြင်ဘက်ကနေကြည့်တော့ ဦးသန်းမောင်တို့က ဟာ ဖရဲသီးအပြင်ဘက်က ရင့်ပြီကွ၊ အတွင်းရှိ အစေ့မည်းတယ်ဆိုတာကို မြင်ရမှာလား၊ မမြင်ရဘူးလား၊ ဉာဏ်အမြင်ကတော့ (မြင်ရမှာပါ)။
Just the other day, I gave an example. When looking at a ripe watermelon from the outside, U Than Maung might say, "Hey, the outside of the watermelon looks ripe!" Now, does Insight Knowledge see that the seeds inside are black, or not? (It sees them, Sir).
ခွဲကြည့်နေဖို့ လိုသေလား(မလိုတော့ပါဘူး)၊ ခွဲကြည့်ဖို့မလိုဘူး၊ ခွဲမကြည့်ဘဲ မြင်နေရတယ်(မှန်ပါ)။ အတွင်းမှာ အစေ့မည်းနေတယ် မသိပေဘူးလား (သိပါတယ်)။
Do you need to cut it open to check? (No need, Sir). There is no need to cut it open. You can see it without cutting it. Don't you know the seeds inside are black? (We know, Sir).
အဲဒါ ဘယ်အမြင်လို့ဆိုကြမလဲ၊ အပေါ်ကသာ အခွံတွေဖုံးနေတာပဲ (ဉာဏ်အမြင်ပါ)။ အဲဒီအမြင်မျိုးကို လိုချင်တာ (မှန်ပါ)၊ ရှင်းပလား (မှန်ပါ)။
What kind of sight would you call that, since only the rind is covering it? (Insight Knowledge, Sir). That is exactly the kind of sight we want! (Yes, Sir) Is that clear? (It is clear, Sir).
ဘယ်အမြင်မျိုး လိုချင်ကြသလဲ (ဉာဏ်အမြင်လိုချင်ပါတယ်)။
Which kind of sight do you want? (We want Insight Knowledge, Sir).
ဉာဏ်အမြင်နဲ့သိအောင်လုပ်ရမယ်
အဲဒီဉာဏ်အမြင်တစ်ခုဟာ ဘုရားသခင် ကိုယ်တော်မြတ်ကြီးက ပဇာနာတိ ဉာဏ်အမြင်နဲ့သိအောင် လုပ်ရမယ်ဆို တာ ဉာဏ်အမြင်ဟောတာ(မှန်ပါ)။
The exalted Buddha taught that you must strive to know through this exact Insight Knowledge—this is the Pajanati (clear comprehension) He preached. (Yes, Sir)
သုခံ ဝါ ဝေဒနံ ဝေဒိယမာနော သုခံ ဝေဒနံ ဝေဒယာမီတိ ပဇာနာတိ(မှန်ပါ)၊ ပဇာနာတိ သိအောင် လုပ်ရမယ်၊ ပဇာနာတိကို ပညာနဲ့သိအောင်လုပ် (ဝါ) ဉာဏ်နဲ့ သိအောင်လုပ်ဆိုတော့ ဉာဏ်အသိကို လိုချင်တာ(မှန်ပါ)၊ ဒီ့ပြင်အသိကို မလိုချင်ဘူး(မှန်လှပါ)၊ ရှင်းကြပလား (ရှင်းပါပြီ)။
“Sukhaṃ vā vedanaṃ vediyamāno sukhaṃ vedanaṃ vedayāmīti pajānāti.” (Yes, Sir). You must strive for Pajanati. You must strive to know it with Wisdom (Panna), or in other words, Insight (Nyana). Thus, Insight Knowledge is what is required. (Yes, Sir). Any other kind of knowledge is useless. (True, Sir). Is that clear? (It is clear, Sir).
ဘာအသိကို လိုချင်သတုံး (ဉာဏ်အသိကို လိုချင်ပါတယ်)။
What kind of knowledge do you want? (We want Insight Knowledge, Sir).
ဉာဏ်အသိ အရေးကြီးတယ်လို့ မှတ်တော့ ဒီခန္ဓာကြီးကို ခင်ဗျားတို့ ဒီကနေ သိပါ။ ဘုန်းကြီးက ကြည့်ခိုင်းတဲ့ဉာဏ်နဲ့ ပဲ ကြည့်တယ်ပဲ ထားပါတော့။ ဒီခန္ဓာငါးပါးကို ဉာဏ်နဲ့ပဲကြည့်တယ်ထားပါတယ်(မှန်ပါ)။
Since Insight Knowledge is vital, you must understand this body right from here. Assume you are observing with the very Insight I am instructing you to use. Assume you are observing these Five Aggregates purely with Insight. (Yes, Sir).
ဉာဏ်နဲ့ကြည့်လို့ရှိရင် အဆင်းကိုလဲမမြင်ပါဘူး၊ အသံကိုလဲ မမြင်ပါဘူး၊ ဒီခန္ဓာငါးပါးဟာ ဘယ်ဟာမှ သူသည် ကားလို့ ဆိုလို့ရှိရင် ငါရယ်၊ သူရယ်လို့ မမြင်ပါဘူးတဲ့။
If you look with Insight, you will not see outward appearances, nor will you see sounds. When you look at these Five Aggregates, you will not see an "I" or a "You."
ဒီအတိုင်း မျက်လုံးနဲ့ကြည့်မယ်ဆိုရင် ဒါဟာ တစ်တန်းတည်း။ လူဖြင့် လူဖြစ်နေပဲ။ လူကိုမြင်နေလို့ရှိရင် ဒါ မျက်လုံးအမြင်မှတ်ပါ (မှန်ပါ)၊ သဘောကျပလား (မှန်ပါ)။
If you look with your physical eyes, everything is just solid and continuous. A person just looks like a person. If you are seeing a person, mark that as physical sight. (Yes, Sir). Do you grasp the meaning? (Yes, Sir).
ဒီအထဲက ယားတာကလေး ပျောက်သွားတာ မြင်လိုက်လို့ရှိရင် ဉာဏ်အမြင်(မှန်ပါ)၊ ကောင်းတာကလေး ပျောက် သွားတာ မြင်လိုက်ရင် (ဉာဏ်အမြင်ပါ)၊ သဘောကျပလား (မှန်ပါ)။
But if you see the itch inside disappearing, that is Insight Knowledge. (Yes, Sir). If you see a pleasant feeling disappearing, what is that? (Insight Knowledge, Sir). Do you grasp the meaning? (Yes, Sir).
ခန္ဓာတို့၏ ဖြစ်မှု၊ ပျက်မှုကို မြင်တယ်
ဒါဖြင့် လူကိုမြင်တာက မျက်လုံး၊ နှာခေါင်းတို့၏အမြင် (မှန်ပါ)၊ ဉာဏ်အမြင်က ခန္ဓာတို့၏ ဖြစ်မှု၊ ပျက်မှုကို မြင်တယ်(မှန်ပါ)၊ ရှင်းပလား (ရှင်းပါပြီ)။
Therefore, seeing a person is the sight of the eyes and nose. (Yes, Sir). Insight Knowledge sees the arising and passing away of the Aggregates. (Yes, Sir). Is that clear? (It is clear, Sir).
လူကတော့ဖြင့် တစ်နေ့သော်လဲ ခြောက်ပေရှိတဲ့လူဟာ ခြောက်ပေပဲ။ ခြောက်ပေခွဲရှိတဲ့လူလဲ ခြောက်ပေခွဲရှိမှာပဲ (မှန်ပါ)၊ အဲဒါကတော့ မျက်လုံးအမြင်သာမှတ်(မှန်ပါ)၊ ရှင်းပလား (ရှင်းပါပြီ)။
As for a person, a six-foot man will always be six feet. A six-and-a-half-foot man will always be six and a half feet. (True, Sir). Mark that as merely the sight of the eyes. (Yes, Sir). Is that clear? (It is clear, Sir).
ဉာဏ်အမြင်ကတော့ ဒီလိုမဟုတ်ဘူး၊ ဒီပုဂ္ဂိုလ်သည်ပင်လျှင် သူဟာ ဘာစားချင်တယ်၊ ဘယ်ဟာဝတ်ချင်တယ်၊ အခု သူ့မှာ ဘာစိတ်ဖြစ်နေတယ်၊ အခု သူ ဘယ်သွားချင်တဲ့စိတ်ဖြစ်နေတယ်လို့ ဒီကနေ အကဲခတ်ကြည့်လိုက်လို့၊ ဟုတ် နေလို့ရှိရင် ဉာဏ်အမြင်ပေါ့ဗျာ(မှန်ပါ)။
Insight Knowledge is not like that. By observing this person, you discern what they want to eat, what they want to wear, what state of mind they are in right now, and where they want to go. If you can accurately discern these mental states, that is Insight Knowledge! (Yes, Sir).
ဒါကြောင့် ခင်ဗျားတို့ ရှုရမှာက ဉာဏ်အမြင်နဲ့ ရှုရမယ်လို့မှတ်ပါ (မှန်ပါ)။
Therefore, mark this: you must watch and observe with Insight Knowledge. (Yes, Sir).
ဘာအမြင်နဲ့ ရှုရမှာလဲ (ဉာဏ်အမြင်နဲ့ ရှုရပါမယ်)။
With what sight must you watch and observe? (We must watch and observe with Insight Knowledge, Sir).
ကဲ ဉာဏ်အမြင်နဲ့ရှုရမယ် ဆိုတော့ လက်မောင်းကို လက်သည်းကလေးနဲ့ခြစ်လိုက်တယ်။ ခြစ်လိုက်တော့ နာပြီး ပျောက်သွားတာပဲ၊ လက်မောင်းကရှိနေတယ်(မှန်ပါ)။
Now, let us apply Insight Knowledge. Suppose you scratch your arm with your fingernail. After scratching, it hurts, and then the pain disappears, but the arm remains. (True, Sir).
ဉာဏ်အမြင်ကတော့ အင်း ခုနင်က နာတာကလေးဟာ မရှိဘူးဆိုတာ မသိဘူးလား (သိပါတယ်)။ ဒါ ဘာအမြင်လို့ ဆိုကြမလဲ (ဉာဏ်အမြင်ပါ ဘုရား)။ အဲဒီအမြင်ကို ဂရုစိုက်(မှန်ပါ)၊ မျက်လုံးအမြင်ကို လိုကိုမလိုချင်ဘူး(မှန်ပါ)။ ရှင်းပလား (ရှင်းပါပြီ)။
Doesn't Insight Knowledge realize, "Ah, the pain from a moment ago is no longer there"? (It realizes it, Sir). What kind of sight shall we call this? (Insight Knowledge, Sir). Pay strict attention to this specific sight! (Yes, Sir). We do not want physical sight at all. (True, Sir). Is that clear? (It is clear, Sir).
သမ္မာဒိဋ္ဌိဟာ ဉာဏ်
အဲဒီတော့ နိဗ္ဗာန်ဆိုတာ နိဗ္ဗာန်ရောက်မည့်တရားအမြင်က သမ္မာဒိဋ္ဌိဆိုထားတယ်။ သမ္မာဒိဋ္ဌိဟာ ဉာဏ် (မှန်ပါ)၊ သမ္မာသင်္ကပ္ပ ဉာဏ်၏အဖော်(မှန်ပါ)၊ ဉာဏ်၏အဖော်ဆိုတာ မြင်ဖို့ရာအတွက် ဖော်ပေးတာပဲ။ ဒါ သမ္မာသင်္ကပ္ပ (မှန်ပါ)။
Now, the vision of Dhamma that leads to Nibbana is called Right View (Samma-ditthi). Right View is Insight. (Yes, Sir). Right Thought (Samma-sankappa) is the companion of Insight. (Yes, Sir). It is called a companion because it directs the mind toward what needs to be seen. That is Samma-sankappa. (True, Sir).
သမ္မာသတိကလဲ ဉာဏ်အမြင်ကို ခင်ဗျားသည်ကားလို့ ဆိုလို့ရှိရင် သတိထားပါ။ သူက သတိပေးနေတယ်(မှန်ပါ)၊ သမ္မာသမာဓိကလဲ ဉာဏ်အမြင် မြင်ရအောင် အဲဒီနေရာတည့်ထားပါ။ သမ္မာသမာဓိကလဲ (မှန်ပါ)။
Right Mindfulness (Samma-sati) alerts Insight Knowledge. It constantly reminds you, "Pay attention!" (Yes, Sir). Right Concentration (Samma-samadhi) keeps the mind focused exactly on the spot so that Insight Knowledge can see clearly. That is Samma-samadhi. (Yes, Sir).
ဝီရိယကလဲ ဉာဏ်ကိုပဲ တစ်ခါတည်း ခင်ဗျားသည်ကားလို့ဆိုရင် ဘယ်မှမပြေးပါနဲ့။ ခင်ဗျားအမြင်ကို ခင်ဗျား ကြိုးစားဂရုစိုက်ပါဆိုပြီး နောက်ကနေတွန်းပို့ပေးနေတယ်(မှန်ပါ)၊ ဒီပြင်ဟာတွေက ဉာဏ်၏ အခြံအရံ၊ စင်စစ်မြင်ရမှာက ဉာဏ်က မြင်ရမှာ(မှန်ပါ)။
Right Effort (Samma-vayama) urges Insight, saying, "Do not run away anywhere! Put effort and pay attention to what you are seeing!" It pushes from behind. (Yes, Sir). All these other factors are the entourage of Insight. In truth, it is Insight that does the seeing. (True, Sir).
ဒါဖြင့် သမ္မာဒိဋ္ဌိ အမြင်ကို ဘာဖြစ်လို့ မဂ္ဂင်ငါးပါး ကွဲရသတုံးဆိုတော့ ဒါ သူ့အကူအညီတွေလေ(မှန်ပါ)၊ ရှင်းပလား (ရှင်းပါပြီ)။
So, why are there five Path Factors for the vision of Right View? Because the rest are its helpers! (Yes, Sir). Is that clear? (It is clear, Sir).
ဘယ်သူ့အကူအညီတွေတုံး (ဉာဏ်၏အကူအညီတွေပါ)၊ သဘောပါပလား (ပါပါပြီ)၊ ဉာဏ်၏ အကူအညီ ဆိုတော့ အဲထဲမှာ ခန္ဓာကို ကြည့်လိုက်လို့ရှိရင်ဖြင့် ဒကာ ဒကာမတွေက ဉာဏ်အမြင် ကို ဂရုစိုက်ပါ(မှန်ပါ)၊ သဘောပါပလား (ပါ ပါပြီ)။
Whose helpers are they? (They are the helpers of Insight, Sir). Do you grasp the meaning? (Yes, we do, Sir). Since they are the helpers of Insight, when you observe the Aggregates, Yogis, pay strict attention to Insight Knowledge! (Yes, Sir). Do you grasp the meaning? (Yes, we do, Sir).
ဘာနဲ့ကြည့်မလဲ
ဘာနဲ့ကြည့်မလဲ (ဉာဏ်နဲ့ကြည့်ပါမယ်)၊ ဉာဏ်နဲ့ကြည့်တော့ အကူအညီဘယ်နှစ်ပါးပါလာသတုံး (လေးပါး ပါပါတယ်)၊ ဉာဏ်က ရှေ့ကသွား၊ သတိ၊ ဝီရိယ၊ သမာဓိ၊ သမ္မာသင်္ကပ္ပ ဒီလေးခုက ဉာဏ်ကို အကူအညီပေးကြတဲ့ တရားတွေလို့ အားလုံးမှတ်ထားကြစမ်းပါ(မှန်ပါ)။
What will you look with? (We will look with Insight, Sir). When you look with Insight, how many helpers come along? (Four helpers, Sir). Insight takes the lead. Mindfulness (Sati), Effort (Viriya), Concentration (Samadhi), and Right Thought (Samma-sankappa)—mark these four as the Dhamma factors that provide assistance to Insight. (Yes, Sir).
ကဲ ဒါဖြင့် ဉာဏ်က ရှေ့သွား၊ ဉာဏ် အကူအညီပေးတာက ဘယ်နှစ်ပါးတုံး(လေးပါးပါ ဘုရား)၊ အဲဒါကို မဂ္ဂင် ငါးပါးခေါ်တယ်(မှန်ပါ)။
So, Insight takes the lead, and how many provide assistance? (Four, Sir). Together, they are called the Five Path Factors (Maggaṅga). (Yes, Sir).
ဒီက ခုနင်က ခြစ်လိုက်တော့၊ ဦးသန်းမောင် ဒီအတိုင်းကြည့်ရင် လက်မောင်းပဲမြင်မှာပဲ(မှန်ပါ)၊ ဉာဏ်အမြင်နဲ့ ကြည့်လိုက်တော့ ခုနင်က ကိုယ့်လက်မောင်း ကိုယ်ကြည့်လိုက်တဲ့အခါကျတော့ ဉာဏ်အမြင်နဲ့တော့ နာလဲနာသဟေ့၊ ရှိလဲ မရှိဘူးဟေ့ဆိုတာ မမြင်ရဘူးလား (မြင်ရပါတယ်)။ နာလဲ မနာဘူးလား(နာပါတယ်)၊ ရှိကော(မရှိပါဘူး)၊ ရှိလဲမရှိ ဘူး၊ နာပြီးပျောက်သွားတာပဲ(မှန်ပါ)။
Earlier, when you scratched your arm, if U Than Maung merely looked with physical sight, he would only see the arm. (Yes, Sir). But when you look at your own arm with Insight Knowledge, don't you see, "Hey, it hurts! And now, it doesn't exist anymore"? (We see it, Sir). Did it hurt? (It hurt, Sir). Does it still exist? (It does not, Sir). It no longer exists; it hurt, and then it vanished. (Yes, Sir).
အဲဒါဖြင့် မျက်လုံးအမြင်နဲ့ ဉာဏ်အမြင်သည် မျက်လုံးအမြင်က နာတာ သူမြင်သလားလို့မေးရင် မမြင်ဘူး။ နာတာပျောက်တာ ပျောက်တာကောမြင်သလားလို့ မျက်လုံးမေးကြည့်ရင်တော့ (မမြင်ပါဘူး)။ သူက ဒါကြောင့် ထိုးထွင်းတဲ့ သဘော သတ္တိမရှိလို့ သူ့အမြင်က နိဗ္ဗာန်မရောက်(မှန်ပါ)၊ ရှင်းပလား (ရှင်းပါပြီ)။
If we compare physical sight and Insight Knowledge: does the physical eye see the pain? No, it does not. If we ask the physical eye if it sees the vanishing of the pain, does it? (It does not, Sir). Because physical sight lacks the penetrating power of Insight, its vision cannot reach Nibbana. (True, Sir). Is that clear? (It is clear, Sir).
ထိုးထွင်းပြီးမြင်လို့ နိဗ္ဗာန်ရောက်မယ်
ဉာဏ်အမြင်ကတော့ ထိုးထွင်းပြီးမြင်လို့ နိဗ္ဗာန်ရောက်မယ် (မှန်ပါ)၊ ဒါဖြင့် ဘယ်အမြင်ကို ခင်ဗျားတို့ဂရုစိုက်ကြရ မလဲ (ဉာဏ်အမြင်ကို ဂရုစိုက်ပါမယ်)။
Insight Knowledge can reach Nibbana because it sees penetratively. (Yes, Sir). Therefore, which sight must you pay attention to? (We must pay attention to Insight Knowledge, Sir).
အဲဒီတော့ ဘုရားက စက္ခုံဥဒပါဒိဆိုတာ ဉာဏ်က္ခုကို ဆိုတာပါ။ ပကတိမျက်လုံးကိုဆိုတာ မဟုတ်ပါဘူး(မှန်ပါ)။ အဲဒါကိုမသိမှာစိုးတာနဲ့ ဉာဏံဥဒပါဒိ(မှန်ပါ)၊ ကဲ မဟောဘူးလား(ဟောပါတယ်)။
When the Buddha said, “Cakkhuṃ udapādi” (The Eye arose), He meant the Eye of Wisdom. He did not mean the physical eye. (Yes, Sir). Fearing people might misunderstand, He explicitly added, “Ñāṇaṃ udapādi” (Knowledge arose). (Yes, Sir). Didn't He preach that? (He did, Sir).
စက္ခုံ ဥဒပါဒိ၊ ဉာဏံ ဥဒပါဒိ ဆိုတာ စက္ခုံ ဆိုပေမယ့် ခင်ဗျားတို့မျက်လုံးကို မယူပါနဲ့တဲ့။ ဒီအမြင် ငါမဟောပါဘူး တဲ့(မှန်ပါ)၊ အဲဒါ သိအောင်လို့ ဉာဏံ ဥဒပါဒိလို့ ထပ်ဟောတယ်(မှန်ပါ)၊ သဘောကျပလား(ကျပါပြီ)။
Regarding “Cakkhuṃ udapādi, Ñāṇaṃ udapādi,” even though He said “Cakkhuṃ” (Eye), He meant, "Do not take it as your physical eye. I am not preaching about that kind of sight." (Yes, Sir). To make this absolutely clear, He elaborated with “Ñāṇaṃ udapādi.” (True, Sir). Do you grasp the meaning? (Yes, we do, Sir).
ဒါဖြင့် ဝိပဿနာအမြင်ဟာ ဘာအမြင်တုံး(ဉာဏ်အမြင်ပါ ဘုရား)။
Therefore, what kind of sight is the vision of Vipassana? (It is Insight Knowledge, Sir).
ဒါကြောင့် ခင်ဗျားတို့ဟာ မီးကလေးတွေထွန်းထားလိုက်၊ ဖျတ်ခနဲဆို ငြိမ်းသွားလိုက်၊ ဒါ မျက်လုံး အမြင်ချည်းပဲ (မှန်ပါ)၊ ဒါ နိဗ္ဗာန်မရောက်ပါဘူး (မရောက်ပါဘူး)။ ထိုးထိုးထွင်းထွင်းမြင်တာ မဟုတ်ပါဘူးတဲ့။ ထင်ထင်ရှားရှားမို့ သူမြင်တာ(မှန်ပါ)။
That is why, if you turn on a light and it suddenly goes out, and you see that, it is purely physical sight. (Yes, Sir). That will not reach Nibbana. (It will not, Sir). It is not seen penetratively. The physical eye only sees what is grossly obvious. (True, Sir).
ဒါဖြင့် ဘယ်အမြင်အရေးကြီးသတုံး (ဉာဏ်အမြင်အရေးကြီးပါတယ် ဘုရား)။
So, which sight is the most important? (Insight Knowledge is the most important, Sir).
ဉာဏ်အမြင် အရေးကြီးတယ် ဆိုတော့ ခန္ဓာကိုယ်ကို ဉာဏ်စိုက်(မှန်ပါ)၊ ပေါ်ကြပလား (ပေါ်ပါပြီ)။
Since Insight Knowledge is the most important, penetrate your body with Insight. (Yes, Sir). Is the meaning clear to you? (It is clear, Sir).
ခန္ဓာကိုယ်ကို ဉာဏ်နဲ့စိုက်ရမယ်ဆိုတာ ခင်ဗျားတို့ရပြီးသားပဲ။
You already know that you must penetrate the body with Insight.
ခန္ဓာကိုယ်ကို ဉာဏ်နဲ့စိုက်ရမယ်
ဓမ္မစကြာ ပါဠိတော်မှာ ကြည့်၊ စက္ခုံ ဉာဏ်စက္ခု သည်၊ ဥဒပါဒိ ဖြစ်လာ၏။ ဉာဏံ ဉာဏ်သည်၊ ဥဒပါတိ ဖြစ်လာ၏။ ဝိဇ္ဇာဆိုတဲ့ ဉာဏ်သည်၊ ဥဒပါဒိ ဖြစ်လာ၏။ ဒါ ပရိယာယ်တွေပဲ။ စင်စစ်တော့ ဉာဏ်တစ်မျိုးဟောတာ (မှန်ပါ)။ အာလောကော ဉာဏ်၏အလင်းသည် ဥဒပါဒိ ဖြစ်လာ၏။ သဘောကျပလား (ကျပါပြီ)။
Look at the Dhammacakkappavattana Sutta. “Cakkhuṃ udapādi”—the Eye of Wisdom arose. “Ñāṇaṃ udapādi”—Knowledge arose. “Vijjā udapādi”—True Knowledge arose. These are just synonyms. In truth, He was preaching about one thing: Insight. (Yes, Sir). “Āloko udapādi”—the Light of Insight arose. Do you grasp the meaning? (Yes, we do, Sir).
ဒါဖြင့် ခန္ဓာကိုယ်ကို ဘာနဲ့ကြည့်ကြမလဲ(ဉာဏ်နဲ့ ကြည့်ရပါမယ်)၊ မျက်လုံးနဲ့ကြည့်ရင် လူကိုမြင်ပါ လိမ့်မယ်၊ အဆင်းကို မြင်ပါလိမ့်မယ်(မှန်ပါ)၊ ဉာဏ်နဲ့ကြည့်ရင်ဖြင့် ဉာဏ်ထဲမှာ ထူးထူးခြားခြား ဖြစ်ပေါ်တာတွေ၊ ထူးထူးခြားခြား ပျက်စီးတာတွေကိုတော့ ဉာဏ်နဲ့မှပဲ မြင်မှာပဲ(မှန်ပါ)။
So, what will you use to look at your body? (We must look with Insight, Sir). If you look with your physical eyes, you will see a person; you will see physical appearances. (Yes, Sir). If you look with Insight, you will only see the extraordinary arising and the extraordinary passing away within. You can only see these with Insight. (Yes, Sir).
ဒါကြောင် ဝိပဿနာရှုတဲ့အခါ ခင်ဗျားတို့က မျက်လုံးကိုမှိတ်ထား(မှန်ပါ)၊ မျက်လုံးကို မှိတ်ထားပြီး သကာလ မှ ဥပမာမယ် စိတ်ဘက်လှည့်ချင်လို့ရှိရင် ခုနင်က ကောင်းတဲ့စိတ်ကလေး ပေါ်လာတယ်၊ ကောင်းတဲ့စိတ်ကလေး မရှိပြန်ဘူး၊ သိအောင် ဉာဏ်နဲ့ပဲကြည့်ပါ(မှန်ပါ)၊
Therefore, when practicing Vipassana, keep your eyes closed. (Yes, Sir). Close your physical eyes. For instance, if you want to observe the mind, when a good state of mind arises, and then that good state of mind is no longer there, watch it exclusively with Insight to know it. (Yes, Sir).
မြင်တဲ့စိတ်ကလေးပေါ်လာတယ်၊ ဒါကလေး မရှိတာကိုလဲ ဉာဏ်နဲ့ကြည့်၊ သဘောကျ ပလား (ကျပါပြီ)။
When a seeing consciousness arises, use Insight to see its disappearance. Do you grasp the meaning? (Yes, we do, Sir).
ကြားတဲ့စိတ်ကလေး ပေါ်လာလဲ ပေါ်လာတာလဲသိ၊ ပျက်တာလဲသိဆိုရင် ဒါ ဘာသိလို့ဆိုကြမလဲ (ဉာဏ်သိပါ ဘုရား)။
When a hearing consciousness arises, know that it arises, and know that it passes away. If you know this, what kind of knowing is it? (Knowing with Insight, Sir).
အဲဒီဉာဏ်သိဟာ သိပ်အရေးကြီးတယ်(မှန်ပါ)၊ ရှင်းပလား (ရှင်းပါပြီ)။ ဒါဖြင့် ဘာနဲ့ကြည့်ကြမယ်(ဉာဏ်နဲ့ကြည့် ရပါမယ်)။
This knowing with Insight is supremely important! (Yes, Sir). Is that clear? (It is clear, Sir). So, what will you look with? (We must look with Insight, Sir).
ဒါဖြင့် ဉာဏ်ဖြင့် ခန္ဓာကိုကြည့်ပါ။ ကြည့်တော့ ခင်ဗျားတို့ မသိမှာကို ဘုန်းကြီးကလဲ သိပ်စိုးရိမ်တယ်။ အလာကြီး လာရပြီး သကာလ တကယ့်ဉာဏ်အတွေ့ မတွေ့မှာကိုလဲ အလွန်စိုးရိမ်တယ်(မှန်ပါ)။
Therefore, look at the Aggregates with Insight. I am deeply concerned that you might not understand how to look. I am very worried that after coming all this way, you might not experience genuine Insight. (Yes, Sir).
ဉာဏ်အတွေ့ မတွေ့မှာကို အလွန်စိုးရိမ်ပါတယ်တဲ့(မှန်ပါ)၊ အဲဒီတော့ မောဠိယ သီဝလိဆိုတဲ့ ရဟန်းတစ်ပါး ရှိတယ်။ အင်္ဂုတ္တိုရ်မှာလာတယ်(မှန်ပါ)။
I am extremely worried you won't encounter true Insight. (Yes, Sir). Now, there was a monk named Moliya Sivali. Let's look at a story from the Anguttara Nikaya. (Yes, Sir).
ဉာဏ်အမြင်ပြောစမ်းပါတဲ့
အရှင်ဘုရား တပည့်တော်ကို ဉာဏ်အမြင်ပြောစမ်းပါတဲ့၊ ဉာဏ်အမြင်ပဲလိုချင်တယ်တဲ့။ ဉာဏ်အမြင်မှလဲ သူများက ပြောတဲ့ ဉာဏ်အမြင်မလိုချင်ဘူး။ ကိုယ့်ဉာဏ်နဲ့မြင်ချင်တယ်(မှန်ပါ)၊ သူလျှောက်ပုံ သိပ်ကောင်းတယ်(မှန်ပါ)။
He requested, "Venerable Sir, please tell me about Insight Knowledge." He only wanted Insight Knowledge. Furthermore, he didn't want the Insight Knowledge described by others. He wanted to see it with his own Insight. (Yes, Sir). His way of requesting was excellent. (True, Sir).
ဘုရားကိုလျှောက်ထားပုံ သိပ်ကောင်းတယ် ဒကာသစ်၊ ဉာဏ်အမြင်လဲ သိချင်ပါတယ်တဲ့(မှန်ပါ)၊ သူများဉာဏ်နဲ့ ပေးတာကိုလဲ သူမကြည့်ချင်ဘူးတဲ့(မှန်ပါ)၊ သူ့ဉာဏ်နဲ့ကို သူတွေ့ချင်တယ်(မှန်ပါ)။
Yogis, the way he appealed to the Buddha was brilliant. He said he wanted to know Insight Knowledge. (Yes, Sir). He didn't want to rely on Insight given by others. (True, Sir). He wanted to experience it with his very own Insight. (Yes, Sir).
မောဠိယ သီဝလီ၊ ငါ သေသေချာချာ ရှင်းပြမယ်၊ မင်း သေသေချာချာမှတ်ဆိုပြီး သကာလ ဘုရားက ကဲ မင်း သန္တာန်မှာ၊ ခန္ဓာကိုယ်ထဲမှာ လောဘကလေးဖြစ်ချင်တယ်ကွာ၊ စားချင်တဲ့လောဘ၊ ဝတ်ချင်တဲ့လောဘ၊ ခင်ချင်တဲ့လောဘ ပေါ်လာတယ်(မှန်ပါ)၊ အဲဒါ မင်းဝေဖန်သိရမယ်တဲ့(မှန်ပါ)။
The Buddha said, "Sivali, I will explain it to you clearly. Mark this well. Suppose greed (Lobha) arises in your mind, inside your body—the greed to eat, the greed to wear, the greed to be attached to something. (Yes, Sir). You must discern and know it." (True, Sir).
ကဲ ဦးသန်းမောင်ကော မသိဘူးလား။ စားချင်တဲ့စိတ်ကလေး ပေါ်လာတယ်၊ ငါ ထမင်းစားချင်တယ်လို့ သူပြော လာတယ်၊ မသိဘူးလား သိသလား (သိပါတယ်)။
Now, U Than Maung, don't you know this? A desire to eat arises, and a voice inside says, "I want to eat." Don't you know it? Do you know it or not? (We know it, Sir).
အဲဒီအသိဟာ စားချင်တဲ့စိတ်ကလေး ပေါ်တယ်လို့ သိတော့ စားချင်တဲ့စိတ်ကလေး အရွယ် ဘယ်လောက်တုံး၊ အရောင်အဆင်းက ဘယ်လိုနေတုံး၊ မပြောတတ်ဘူး၊ စားချင်တဲ့စိတ်တော့ ပေါ်တာအမှန်ပဲ၊ မဆိုနိုင်ဘူးလား (ဆိုနိုင်ပါတယ်)။
When you know, "Ah, the desire to eat has arisen," can you define its size? Can you describe its color or shape? You cannot. But you can definitely say, "The desire to eat has indeed arisen." Can't you say that? (We can, Sir).
ဘယ်အရောင်နဲ့ပေါ်နေသတုံး၊ အရွယ်ဘယ်လောက်တုံးမေးရင် (မပြောနိုင်ပါဘူး)။ မပြောနိုင်ဘူး၊ ပေါ်တော့ ပေါ်တာပဲ၊ စားချင်တာတော့ ပေါ်တာပဲ(မှန်ပါ)။
If asked what color it is or how big it is, can you answer? (We cannot, Sir). You cannot explain it, but it definitely arose. The desire to eat definitely appeared. (Yes, Sir).
နောက်တစ်ခါ စားချင်တဲ့စိတ်ကလေးဟာ မရှိပြန်ဘူး။ မရှိတာကို ဦးဗထွေးတို့၊ ဦးသန်းမောင်တို့က မသိဘူးလား သိသလား (သိပါတယ်)၊ မစားချင်တော့ဘူးကွ၊ အင်း မစားချင်တဲ့စိတ် ပေါ်ပြန်ပြီ(မှန်ပါ)။
Then, a moment later, that desire to eat is no longer there. Don't U Ba Htwe and U Than Maung know when it is gone? Do you know it or not? (We know it, Sir). "I don't want to eat anymore. Ah, the non-desiring mind has arisen." (Yes, Sir).
ဒါဖြင့် စားချင်တဲ့စိတ်ကလေးမရှိတာလဲ ခင်ဗျားတို့သိပြီ(မှန်ပါ)၊ မစားချင်တဲ့စိတ်ပေါ်တာကော (သိပါပြီ ဘုရား)၊ အဲဒါ ဉာဏ်အမြင်(မှန်ပါ)၊ ရှင်းပါလား (ရှင်းပါပြီ)။
So, you also know when the desire to eat is absent. (Yes, Sir). And you know when the non-desiring mind arises? (We know, Sir). That is Insight Knowledge! (Yes, Sir). Is it clear? (It is clear, Sir).
ဒါ ဉာဏ်အမြင်ပဲ
ဒါ ဉာဏ်အမြင်ကွ သီဝလိရ တဲ့။ ဒါ ဉာဏ်အမြင်ပဲ (မှန်ပါ)။
This is Insight Knowledge, Sivali!" the Buddha said. This is Insight Knowledge. (Yes, Sir).
ဒါဖြင့် စားချင်တဲ့စိတ်ပေါ်တာလဲ ခင်ဗျားတို့ သိပေးပါ(မှန်ပါ)၊ စားချင်တဲ့စိတ်ကလေး ပျောက်သွား ရင်ကော (သိပေး ရပါမယ်)၊ သိပေးတော့ ဒါ ဘာအမြင်တုံးလို့မေးရင် ဘယ်နှယ့်ပြောကြမလဲ (ဉာဏ်အမြင်ပါ ဘုရား)။
Therefore, when the desire to eat arises, you must know it. (Yes, Sir). And when that desire to eat disappears? (We must know it, Sir). When you know it, if asked what kind of sight this is, what will you say? (Insight Knowledge, Sir).
ဉာဏ်အမြင်မှ သေချာလိုက်တော့ အရွယ်အဆင်းလဲ သူပြောနိုင်တာမဟုတ်ဘူး (မှန်ပါ)၊ ပုံသဏ္ဍာန်ကိုလဲ မပြော နိုင်ဘူး(မှန်ပါ)၊ ပေါ်လဲပေါ်တယ်၊ ရှိလဲမရှိဘူး(မှန်ပါ)၊ အဲဒါ ဘာခေါ်ကြမယ်(ဉာဏ်အမြင်ပါ ဘုရား)။
When you observe strictly with Insight Knowledge, you cannot describe its size or color. (Yes, Sir). You cannot describe its shape. (True, Sir). Yet, it arises, and then it no longer exists. (Yes, Sir). What shall we call this? (Insight Knowledge, Sir).
ဒါက ဒီဉာဏ်ပဲ၊ ဒီငါးပါးက မြင်တာ(မှန်ပါ)၊ ဒီငါးပါးတောင်မှ တစ်ပါးတည်းကမြင်တာ၊ ဒါတွေက အောင်မြင်လို့ အကူအညီ အခြံအရံပေးတာ၊ မဂ္ဂင်လေးပါးက မဂ္ဂင်တစ်ပါးသာဖြစ်တယ် (မှန်ပါ)။
It is this Insight alone, among the five factors, that actually sees. (Yes, Sir). Even among these five, only one factor does the seeing. The others simply provide successful assistance and support. Out of the Five Path Factors, only one factor actually sees. (True, Sir).
ကျန်လေးပါးက ဘာတုံး (အခြံအရံပေးပါတယ်)၊ မြင်မှုကို ကူညီတယ်(မှန်ပါ)၊ သဘောပါပလား (ပါပါပြီ)။ ဒီသမ္မာဒိဋ္ဌိ (မြင်တာပါ)၊ ကျန်လေးပါးက (အကူအညီပါ)၊ အကူအညီ အခြံအရံ၊ သူတို့ကင်းလို့လဲမမြင်နိုင်ဘူး(မှန်ပါ)၊ မြင်ပါ့မလား(မမြင်ပါဘူး)။
What do the other four do? (They provide support, Sir). They assist the act of seeing. (Yes, Sir). Do you grasp the meaning? (Yes, we do, Sir). Samma-ditthi does the seeing. (Yes, Sir). The remaining four? (They provide assistance, Sir). They provide assistance and support. Without them, Insight cannot see. (True, Sir). Would it see? (It would not, Sir).
ကဲ ဒါဖြင့် ထမင်းဆာတော့ ထမင်းစားတဲ့စိတ်ကိုသိပြီ၊ ချက်တဲ့ပြုတ်တဲ့သူတွေက မပြီးမပြတ်သေးတော့ ကိုယ့်စိတ် ထဲ မကျေမနပ်တဲ့ ဒေါသကလေး ပေါ်လာတာတော့အမှန်ပဲ(မှန်ပါ)၊ မပေါ်ဘူးလား (ပေါ်ပါတယ်)။
Well then, when you are hungry, you know the mind that wants to eat. But if the people cooking are taking too long, a little anger (Dosa) and dissatisfaction will naturally arise in your mind. (True, Sir). Doesn't it arise? (It arises, Sir).
ဒါ ဘယ့်နှယ် မသိဘူးလား(သိပါတယ်)၊ သိလို့ပဲ ဒေါသထွက်လာပြီကွာ မင်းတို့လုပ်ပုံဆိုတာသိလို့ ပြောတာ (မှန်ပါ)၊ မပြောဘူးလား(ပြောပါတယ်)၊ ဒါ ဘာအမြင်လို့ဆိုကြမလဲ (ဉာဏ်အမြင်ပါ ဘုရား)။
Don't you know this? (We know, Sir). Because you know it, you say, "I am getting angry knowing how you people work!" (Yes, Sir). Don't you say that? (We say that, Sir). What kind of sight shall we call this? (Insight Knowledge, Sir).
ဒီဒေါသစိတ်ကလေးဟာ ဪ ဆရာဘုန်းကြီးက ဘုရားဟောထားတဲ့အတိုင်း ဟောထားတယ်။ ဒီဒေါသဟာ မဖြစ်ကောင်းဘူး ဆိုတော့ ဒေါသကလေး မရှိတာကော ကိုယ်မသိလိုက်ဘူးလား (သိလိုက်ပါတယ်)။ အဲဒါ ဘာအမြင်တုံး (ဉာဏ်အမြင်ပါ ဘုရား)။
Then you reflect, "Ah, my Sayadaw has taught exactly as the Buddha preached. This anger should not arise." Consequently, the anger disappears. Don't you realize the anger is gone? (We realize it, Sir). What kind of sight is that? (Insight Knowledge, Sir).
ဉာဏ်နဲ့ချည်း သိအောင်လုပ်ရမယ်
ဉာဏ်အမြင်ပဲဆိုတော့ ဒီဉာဏ်အမြင်တွေဟာ ဘုရားက သရာဂစိတ္တံ သရာဂစိတ္တန္တိ ပဇာနာတိ၊ ဒါနဲ့ချည်း ပဇာနာတိ လုပ်ရမယ်တဲ့(မှန်ပါ)၊ ဉာဏ်နဲ့ချည်း သိအောင်လုပ်ရမယ်(မှန်ပါ)။
Since it is Insight Knowledge, the Buddha instructed: “Sarāgacittaṃ sarāgacittanti pajānāti.” You must practice Pajanati (clear comprehension) with this! (Yes, Sir). You must strive to know purely with Insight! (Yes, Sir).
ဒါဖြင့် လောဘစိတ်လာလဲ သိအောင်လုပ်၊ ဒေါသစိတ်လာလဲ (သိအောင်လုပ်ရပါမယ်)၊ သံသယဖြစ်ရင် ဝိစိကိစ္ဆာ စိတ်လာရင်ကော (သိအောင်လုပ်ရပါမယ်)၊ စိတ်ကလေးက ထွက်ပြေးတယ်လို့ ထင်ရင်ကော (သိအောင်လုပ်ရပါမယ်)၊ သတိတာ ဉာဏ်ချည်းပဲမှတ်ပါ(မှန်ပါ)၊ သဘောကျပလား(ကျပါပြီ)။
Therefore, when the mind of greed (Lobha) arises, make sure you realize it. When the mind of anger (Dosa) arises? (We must realize it, Sir). What if doubt or Vicikicchā arises? (We must realize it, Sir). What if you notice the mind wandering off? (We must realize it, Sir). Mark this: that very awareness is nothing but Insight Knowledge. (True, Sir). Are you convinced? (Yes, we are, Sir).
သိတာက ဉာဏ်ချည်းပဲတဲ့၊ ခုနင်က ပေါ် ပျောက်သွားတာကလေးတွေဟာ အနိစ္စပဲလို့ မှတ်ပါ(မှန်ပါ)။
The observing mind is purely Insight Knowledge. Understand that the phenomena which just arose and passed away are Impermanence (Anicca). (Yes, Sir).
ပေါ်ပျောက်သွားတာက (အနိစ္စချည်းပါ)၊ သိတာက(ဉာဏ်ပါ)၊ ဒါဖြင့် အနိစ္စဉာဏ် ပေါ်ပြီ(မှန်ပါ)။
What arises and passes away is... (Impermanence, Sir). The observing mind is... (Insight Knowledge, Sir). Therefore, the Insight Knowledge of Impermanence has arisen! (Yes, Sir).
ဒါဖြင့် ဦးဘထွေးတို့၊ မောင်သစ်တို့ လူစုတွေက ဉာဏ်အမြင်ဆိုတာ ဒါပဲလို့ ဘုရားက မောဠိယသီဝလိကို ဟောတယ်။ သူများအမြင်လား၊ ကိုယ့်အမြင်လား (ကိုယ့်အမြင်ပါ)၊ အဲဒါ သန္ဒိဋ္ဌိကောကွတဲ့ (မှန်ပါ)။
So, U Ba Htwe, Maung Thit, and all of you Yogis here, the Buddha taught Moḷiyasīvali that this very realization is Insight. Is it someone else’s realization, or your own? (Our own realization, Sir). That is exactly what is meant by Sandiṭṭhiko—to be seen for oneself. (Yes, Sir).
ခင်ဗျားတို့ရထားတဲ့ ပါဠိပဲ။ ဘာတဲ့တုံး (သန္ဒိဋ္ဌိကောပါ)။ သန္ဒိဋ္ဌိကော ဆိုတာက ကိုယ်တိုင်မြင်တာ (မှန်ပါ)၊ ကိုယ့် ကိုယ်ထဲမှာ မြင်သွားတာကို ကိုယ်တိုင်မြင်ရမှ ဒါ ကိုယ်တိုင်မြင်တာ (မှန်ပါ)။
It is a Pali word you already know. What is it? (Sandiṭṭhiko, Sir). Sandiṭṭhiko means seeing it for yourself. (Yes, Sir). You must personally see what is happening within your own body and mind; only then can you call it your own realization. (True, Sir).
ဒါလဲ ကိုယ့်ကိုယ်ထဲမြင်တာ၊ ဒီကနေပြီး ဝမ်းထဲကနေ မဂ္ဂင်နဲ့ကြည့်လိုက်တဲ့ အခါကျတော့ ကိုယ်မြင်ရမယ် (မှန်ပါ)၊ သဘောကျပလား (ကျပါပြီ)။
This means seeing within yourself. When you look inward using the Path Factors (Magga), you will see it clearly with your own eyes. (Yes, Sir). Do you grasp the meaning? (Yes, we do, Sir).
ဒါဖြင့် ခင်ဗျားကို ဝိပဿနာပေးနေတယ်။ ဉာဏ်အမြင်ကိုယူပါ(မှန်ပါ)၊ ဉာဏ်အမြင်ကိုလဲ သူများပြောတဲ့ အမြင်ကို မယူဘဲနဲ့ ကိုယ်ကိုယ်တိုင် သမ္မာဒိဋ္ဌိနဲ့ မြင်တာကို ယူပါ၊ ဒါ သေသေချာချာ ပြောနေတာပဲ (မှန်ပါ)၊ ရှင်းကြပလား (ရှင်းပါပြီ)။
Therefore, I am guiding you in Vipassana practice. Rely on your Insight Knowledge. (Yes, Sir). Do not rely on what others tell you; rely only on what you personally see through Right View (Sammā-diṭṭhi). I am instructing you very explicitly on this. (Yes, Sir). Is that clear? (Yes, it is, Sir).
ဒါဖြင့် ဒါက ကိုယ့်ကိုယ်ထဲဖြစ်တဲ့ လောဘဖြစ်စေ၊ မောဟဖြစ်စေ၊ ဣဿာဖြစ်စေ၊ မစ္ဆရိယဖြစ်စေ မြင်ချင်တာမြင်၊ ဉာဏ်အမြင်နဲ့ မြင်တာသိရင် ပျက်တာသိပါတယ်(မှန်ပါ)။
Thus, whether it is greed (Lobha), delusion (Moha), jealousy (Issā), or stinginess (Macchariya) arising within you, observe whatever appears. If you observe it with Insight Knowledge, you will inevitably see its passing away. (Yes, Sir).
မြင်တာသိရင် ပျက်တာသိပါတယ်
ဘာဖြစ်လို့တုံးဆိုတော့ အို မြင်တာသိကတည်းက တပည့်တော်တို့ကဘုရား ပျက်တာလဲသိတာပေါ့။ ဖြစ်တာဟာ ခဏကလေးပဲ၊ တပည့်တော်တို့သိတဲ့အချိန်မှာ ဖြစ်မှုဟာ ပျက်ပြီးပြီ(မှန်လှပါ)။
Why is this so? You might say, "Sir, the moment we notice it arising, we also notice it passing away." The arising lasts only for a fleeting moment. By the time your observing mind notes it, the phenomenon that arose has already passed away. (True, Sir).
ဖြစ်မှုဟာ (ပျက်ပြီးပြီ)၊ ပျက်ပြီးမှ ကျုပ်တို့ကသိတာကိုး(မှန်ပါ)၊ ဒါကြောင့် အမြင်သိရင် အပျက်သိတယ်(မှန်ပါ)၊ ရှင်းပလား (ရှင်းပါပြီ)။
The arising... (Has already passed away, Sir). We only recognize it after it has perished! (Yes, Sir). That is why knowing its appearance means knowing its disappearance. (True, Sir). Is that clear? (Yes, it is, Sir).
ဘာဖြစ်လို့တုံးဆိုတော့ အသိကနောက်ကိုဗျ(မှန်ပါ)၊ ဖြစ်ပျက်က ရှေ့က(မှန်ပါ)၊ သဘောပါပလား (ပါပါပြီ)။
Why does this happen? Because the observing mind comes after. (Yes, Sir). The arising and passing away happens first. (True, Sir). Do you grasp this? (Yes, we do, Sir).
ဒါဖြင့် ခင်ဗျားတို့ သန္တာန်ရှုတဲ့စိတ်ပေါ်လာလဲ ဒါနဲ့သိပေးပါ။ ရှိုက်တဲ့စိတ်ပေါ်လာရင်လဲ (ဒါနဲ့သိပေးပါ)၊ ဉာဏ် အမြင်နဲ့ သိပေးပါ။ စားချင်တဲ့စိတ်ပေါ်လာရင်ကော (ဉာဏ်အမြင်နဲ့သိပေးရပါမယ်)။
Therefore, if the mind to observe arises within you, note it with this Insight. If the intention to inhale arises? (We must note it with Insight, Sir). Yes, note it with Insight Knowledge. What if the desire to eat arises? (We must note it with Insight Knowledge, Sir).
ဒေါသစိတ်ကလေးပေါ်လာရင်လဲ (ဉာဏ်အမြင်နဲ့သိပေးရပါမယ်)၊ သူတစ်ပါးကို ငြူစူတဲ့စိတ်ကလေးပေါ်လာရင် (ဉာဏ်အမြင်နဲ့သိပေးရပါမယ်)။
If a slight mind of anger arises? (We must note it with Insight Knowledge, Sir). If a feeling of envy towards others arises? (We must note it with Insight Knowledge, Sir).
ဉာဏ်အမြင်နဲ့သိပေးဆိုတော့ ငြူစူတဲ့စိတ်သည် ဖြစ်ပြီး ပျက်သွားလေပြီလို့ ဒီကနေ ဉာဏ်နဲ့သိသိပေးပါ၊ ရှင်းပလား (ရှင်းပါပြီ)။
When I say "note it with Insight Knowledge," I mean you must realize through Insight that the envious mind has arisen and completely passed away. Is that clear? (Yes, it is, Sir).
ဒါဖြင့် ဖြစ်ပြီး ပျက်သွားလေသည်ကို သိသွားတော့ကို ဒီအသိဟာ သန္ဒိဋ္ဌိကော အသိ၊ ကိုယ်တိုင်မြင်တဲ့ အသိ(မှန်ပါ)။
So, once you realize that it has arisen and passed away, this realization is Sandiṭṭhiko—the realization you have seen for yourself. (Yes, Sir).
သန္ဒိဋ္ဌိကောဆိုတာ ဘာတုံး(ကိုယ်တိုင်မြင်တဲ့အသိပါ ဘုရား)၊ ရှင်းကြပလား (ရှင်းပါပြီ)။
What does Sandiṭṭhiko mean? (It is the realization seen for oneself, Sir). Is that clear? (Yes, it is, Sir).
ဘာအသိလဲ (ကိုယ်တိုင်မြင်တဲ့အသိပါ)၊ သူများပြောလား (မဟုတ်ပါဘူး)၊ သူများပြောမဟုတ်ဘူး၊ ကိုယ်တိုင်သိ တာပါ (မှန်ပါ)။
What kind of realization is it? (The realization seen for oneself, Sir). Is it based on what others told you? (No, Sir). It is not from hearsay; it is your own direct realization. (True, Sir).
ဒါဖြင့် ကိုယ်တိုင်သိတယ် ဆိုလို့ရှိရင်ဖြင့် ကိုယ်တိုင်အသိတစ်ခုဟာ ခင်ဗျားတို့ကို ကျေးဇူးများတဲ့အသိလို့ မှတ်လိုက် စမ်းပါ(မှန်ပါ)၊ မောဠိယသီဝလိကို ဟောနေတဲ့ တရား(မှန်ပါ)။
Therefore, since it is a direct realization, mark this well: this personal realization is incredibly beneficial to you. (Yes, Sir). This is exactly the Dhamma the Buddha taught to Moḷiyasīvali. (True, Sir).
ကဲ ဒါဖြင့် ဒကာ ဒကာမတို့၊ ကိုယ့်န္တာန်ဖြစ်တဲ့ စိတ်ကလေးတွေကို သူများပြောလို့သိတာ မလိုချင်၊ ကိုယ်တိုင်သိတာ ကို လိုချင်သည်(မှန်ပါ)၊ ကိုယ်တိုင်သိတာသည် ဝိပဿနာမှတ်(မှန်ပါ)၊ သူများပြောလို့ သိတာက တရားနာမှတ်(မှန်ပါ)။
So, Yogis, we do not want to know the mental states arising within us merely because someone else told us; we want to realize them for ourselves. (Yes, Sir). Realizing it for yourself is Vipassana. (True, Sir). Knowing it because someone else told you is merely listening to a Dhamma talk. (Yes, Sir).
ကိုယ်တိုင်သိတာက (ဝိပဿနာ)၊ သူများပြောလို့သိတာက (တရားနာပါ)။
Direct personal realization is... (Vipassana, Sir). Knowing through others' words is... (Listening to the Dhamma, Sir).
တရားနာအသိနဲ့ ဝိပဿနာအသိနဲ့ အခြားနားကြီး
အဲ တရားနာအသိနဲ့ ဝိပဿနာအသိနဲ့ အခြားနားကြီး (ခြားနားပါတယ် ဘုရား)၊ ဒါကြောင့် တရားနာရုံနဲ့ နိဗ္ဗာန် မရောက်နိုင်၊ ခန္ဓာဉာဏ်ဆိုက်ပြီး ကိုယ်တိုင်သိရောက်မှ နိဗ္ဗာန်ရောက်နိုင်တယ် ဆိုတော့ တရားမနာဘဲနဲ့လဲ ကိုယ်တိုင်သိကို မရောက်နိုင်ဘူး(မှန်ပါ)၊ နာမည်ဖော်ပေးမည့်သူ၊ လမ်းပြပေးမည့် သူမရှိဘူး(မှန်ပါ)။
Indeed, there is a vast difference between the knowledge gained from listening and the knowledge gained through Vipassana Insight. (There is a vast difference, Sir). That is why simply listening to sermons will not bring you to Nibbana. You can only attain Nibbana when your Insight directly penetrates the Aggregates (Khandhas) and you realize it for yourself. However, without listening to the Dhamma first, you cannot achieve this direct realization either. (True, Sir). Without it, there would be no one to explain the concepts and point out the path. (Yes, Sir).
လမ်းပြပေးမည့်သူမရှိဘဲနဲ့လဲ လမ်းပေါ်ကိုမရောက်နိုင်ဘူး(မှန်ပါ)။ ဒါကြောင့် တရားလဲနာ ကိုယ်တိုင်လဲ သိဖြစ် အောင် လုပ်ပါ(မှန်ပါ)။
Without someone to guide you, you cannot step onto the right path. (True, Sir). Therefore, you must listen to the Dhamma, and you must also strive to realize the truth for yourself. (Yes, Sir).
ဒါကြောင့် ဘုန်းကြီး ဒီအချိန် ခင်ဗျားတို့ကို သေသေချာချာ ပြောနေတာ၊ တော်တော်ကြာ ၄နာရီဆို တစ်ချိန်ပေးထား တယ်၊ အဲဒါ တရားလဲနာ၊ မပြတ်မလပ်အားထုတ်ကြဟေ့ဆိုတော့ ကိုယ်၊ စိတ်ကလေး ကိုယ်တိုင်သိအောင် လုပ်ပါ၊ သဘော ကျပလား (ကျပါပြီ)။
That is why I am explaining this to you so thoroughly right now. Later, at 4 o'clock, there is a dedicated session. My instruction to "listen to the Dhamma and practice continuously" means you must strive to observe and realize your own body and mind for yourself. Do you understand? (Yes, we do, Sir).
ဒါဖြင့် ကိုယ်တိုင်သိရောက်တော့ ကိုယ်တိုင်သိဆိုတာ ဘုရားက ဘယ်လိုတဲ့တုံး၊ ပါဠိတော်မှာ (သန္ဒိဋ္ဌိကောပါ)၊ မှတ်ထားပါ၊ သန္ဒိဋ္ဌိကောဟာ ဘုရားရှိခိုးဖိုးလောက်သာ မဟုတ်ဘူး၊ ကိုယ်တိုင်သိ ဖြစ်အောင် လုပ်ရမယ်(မှန်ပါ)။
When it comes to direct personal realization, what term did the Buddha use in the Pali scriptures? (Sandiṭṭhiko, Sir). Keep this in mind: Sandiṭṭhiko is not just a word to be chanted during your daily prayers. You must actually practice to realize it directly for yourself! (True, Sir).
ကိုယ်တိုင်သိ ဖြစ်အောင်လုပ်လို့ပြောတာ
ဘယ့်နှယ်တုံး (ကိုယ်တိုင်သိ ဖြစ်အောင် လုပ်ရမယ်)၊ ကိုယ်တိုင်သိ ဖြစ်အောင်လုပ်လို့ပြောတာ(မှန်ပါ)၊ ခင်ဗျားတို့က တော့ ဘုရားရှိခိုးရုံလောက်သာလုပ်နေကြတယ်၊ သန္ဒိဋ္ဌိကော အကာလိကော စသည်နဲ့ (မှန်ပါ)၊ မရှိခိုးကြဘူးလား(ခိုး ပါတယ်)။
What must you do? (We must strive for direct personal realization, Sir). Exactly, I am telling you to achieve direct personal realization! (Yes, Sir). Most of you merely recite these attributes during your prayers—chanting "Sandiṭṭhiko, Akāliko," and so on. (True, Sir). Don't you recite them? (Yes, we do, Sir).
အဲ ကိုယ်တိုင်သိဖြစ်အောင် လုပ်ပါလို့ ဘုရားက မဟောဘူးလား (ဟောပါတယ်)။
But didn't the Buddha explicitly teach you to attain this direct personal realization? (Yes, He did, Sir).
အဲ ကိုယ်တိုင်သိဖြစ်အောင် လုပ်ရင် ဝိပဿနာ၊ ဘုရားရှိခိုးနေရုံဆိုရင် သမထ(မှန်ပါ)၊ ရှင်းပလား (မှန်ပါ)။
Striving for direct personal realization is Vipassana. Merely reciting prayers is just Samatha. (True, Sir). Is that clear? (Yes, Sir).
ကိုယ့်စိတ်ဖြစ်တာကို ကိုယ်တိုင်သလို့ရှိရင် သန္ဒိဋ္ဌိကောဆိုတာ သိလို့ရှိရင် ဝိပဿနာဖြစ်တယ်(မှန်ပါ)၊ သန္ဒိဋ္ဌိကော အကာလိကော စသည်နဲ့ ဘုရားရှေ့သွားပြီး ရှိခိုးလက်အုပ်ချီရုံ ဆိုရင် အဲဒါ ဓမ္မာနုဿတိ ခေါ်ပါတယ်၊ သမထပဲ သူက(မှန်ပါ)။
Identifying the arising of your own mental states by yourself—realizing the true meaning of Sandiṭṭhiko—is Vipassana. (Yes, Sir). If you simply go before a Buddha statue, put your palms together, and chant "Sandiṭṭhiko, Akāliko," that is called Dhammānussati (Recollection of the Dhamma). It is merely Samatha. (True, Sir).
ကဲ ဒါဖြင့် အဲဒီသမထနဲ့ ဝိပဿနာ ဘာထူးသတုံးလို့ ဦးမာဒင်က မေးဖို့အရေးကြီးတယ်(မှန်ပါ)၊ အရေးကြီးလာ တော့ လောဘစိတ်ကလေးက ထမင်းဆာတဲ့ လောဘစိတ်ကလေးဖြစ်လာတယ်၊ ဒီက ကိုယ်တိုင်သိလိုက်တယ်(မှန်ပါ)။
Now, U Mar Din might ask an important question: "What is the difference between that Samatha and Vipassana?" (Yes, Sir). Pay close attention: Suppose a slight mind of greed arises—the desire to eat a meal. You immediately observe and realize it for yourself. (True, Sir).
မသိလိုက်ဘူးလား (သိပါတယ်)။ ထမင်းစားတဲ့စိတ်ကလေးဟာ ပေါ်လာတယ်ဟေ့လို့ မသိလိုက်ဘူးလား (သိပါ တယ်)၊ ပေါ်လာတယ်လို့သိရင် ပျက်တာလဲပါတယ်(မှန်ပါ)။
Don't you realize it? (Yes, we do, Sir). Don't you realize, "Ah, the desire to eat has just appeared"? (Yes, we do, Sir). And if you realize its appearance, you will naturally realize its passing away. (True, Sir).
ကဲ ယနေ့ ဒီတွင်နားကြဦးစို့။
သာဓု သာဓု သာဓု။
Well, let us stop here for today. Sādhu! Sādhu! Sādhu!