တရားတော်

book-12802

ဝဋ်သုံးပါးမှ လွတ်မြောက်ရာနိဗ္ဗာန်

မာတိကာသို့

ဝဋ်သုံးပါးမှ လွတ်မြောက်ရာနိဗ္ဗာန်

Nibbana: Liberation from the Three Cycles of Samsara

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

ဟောကြားဆုံးမတော်မူသော

ဝဋ်သုံးပါးမှ လွတ်မြောက်ရာနိဗ္ဗာန်

နေရအလုပ်ပေးတရားတော်

A practical meditation instruction delivered by the Most Venerable Agga Maha Pandita Mogok Sayadaw on November 30, 1958.

(၃၀-၁၁-၅၈)

ဝဋ်သုံးပါးမှ လွတ်မြောက်ရာနိဗ္ဗာန်

ဒကာ ဒကာမတို့ ဝဋ်သုံးပါးမှ လွတ်မြောက်ရာနိဗ္ဗာန်လို့ခေါ်တယ်၊ ကိလေသာဝဋ် ရှိနေပြန်လို့ရှိရင်လဲ ကိလေသာ ဆိုတာ မီးတို့အားလုံး ဒကာ ဒကာမတွေသိကြပြီနော် (မှန်ပါ့) ကိလေသာရှိနေပြန်လို့ရှိရင်လဲ ကိလေသာမီးက ခန္ဓာကြီးကိုလောင်နေတယ် အဲ့ဒီတော့ ဒါလဲ နိဗ္ဗာန်မဟုတ်နိုင်ဘူး (မှန်ပါ့ ဘုရား)။

Yogis, Nibbana is the liberation from the three cycles (Vatta). If the cycle of defilements (Kilesa Vatta) exists, it burns the body like fire. This burning heat cannot be Nibbana. (True, Sir).

ကမ္မဝဋ်ဆိုတာ ကိလေသာရှိလို့ ကိလေသာလုပ်ထားတဲ့ ကယကံ ဝစီကံ မနောကံတွေ အဲ့ဒီကံတွေရှိနေသေးလို့ရှိ ရင်လဲ အကျိုးပေးတွေလာဦးမှာဘဲ (မှန်ပါ့ ဘုရား)။

The cycle of Kamma (Kamma Vatta) consists of physical, verbal, and mental actions driven by defilements. As long as these volitional actions exist, their resultant effects will surely follow. (True, Sir).

အဲ့ဒီကံတွေတည်းဟူသော အကြောင်းတရားလဲ နိဗ္ဗာန်မှာမရှိတော့ဘူး၊ ကမ္မဝဋ်မှလွတ်သွားတယ် ကံမရှိတဲ့အတွက် သူက အကျိုးပေးတဲ့ လူ့ခန္ဓာ နတ်ခန္ဓာ ဗြဟ္မခန္ဓာတွေ ဆိုတာတွေ လူ့ဘုံ နတ်ဘုံ ဗြဟ္မဘုံ ဆိုတာတွေလဲ မရှိတော့ဘူး ရှိရင် ဒါတွေက အနိစ္စတရားတွေ ပျက်ဦးမှာဘဲ (မှန်ပါ့)။

In Nibbana, Kamma—which is the cause—no longer exists. One is completely freed from Kamma Vatta. Without Kamma, there are no resultant aggregates, be they human, deva, or brahma. Consequently, the human, deva, and brahma realms do not exist there. If they did exist, they would just be impermanent phenomena subject to destruction. (True, Sir).

အဲ့ဒီတော့ လူ့ခန္ဓာ နတ်ခန္ဓာ ဗြဟ္မခန္ဓာ လူ့ဘုံ နတ်ဘုံ ဗြဟ္မဘုံ တွေမရှိပါဘူး အဲ့ဒီလိုမရှိတော့ ဒါက ဝိပါကအကျိုး ပေးခေါ်တယ် အဲ့ဒီဝိပါကဝဋ်လည်းလွတ်မြောက်ရာဟာ နိဗ္ဗာန်ပဲ (မှန်ပါ့ ဘုရား)။

Therefore, these aggregates and realms do not exist. This resultant state is called Vipaka. Liberation from this cycle of results (Vipaka Vatta) is indeed Nibbana. (True, Sir).

ကိလေသာဝဋ်၊ ကမ္မဝဋ်၊ ဝိပါကဝဋ်

ဒါဖြင့် ဝဋ်သုံးပါးလွတ်မြောက်ရာကို ဘာခေါ်ကြမယ် (နိဗ္ဗာန်ပါ ဘုရား) ကိလေသဝဋ်ဆိုတဲ့ အပူဓာတ် အလောင်ဓာတ် လဲ ဒကာကြွယ်တို့ ဒကာသိုက်တို့ မရှိဘူးပေါ့ဗျာ (မှန်ပါ့ ဘုရား)။

So, what do we call the state of liberation from these three cycles? (Nibbana, Sir). The burning heat of Kilesa Vatta is no longer there. (True, Sir).

ကမ္မဝဋ်ဆိုတဲ့အားထုတ်မှုတွေကော (မရှိပါ ဘုရား) ဝိပါကဝဋ်ဆိုတဲ့ ခန္ဓာကိုယ်ကြီးတွေ့ရတဲ့ သဘောတွေကော (မရှိပါ) ခန္ဓာကိုယ်ရရင် အို နာ သေကြီးက ပါနေဦးမှာကိုးဗျ (မှန်ပါ့) အဲ့ဒီတော့ ဒီဝိပါကဝဋ်ဟာ ဒကာ ဒကာမတွေ နိဗ္ဗာန်မှာရှိနေမယ် ဆိုရင် ဘယ့်နှယ့်ချမ်းသာအစစ် ဖြစ်နိုင်တော့မတုံး (မှန်ပါ့ ဘုရား)။

Are there any strivings of Kamma Vatta? (No, Sir). What about the manifestations of the physical body, which is Vipaka Vatta? (No, Sir). If you get a body, aging, sickness, and death will inevitably follow. (True, Sir). So, if this Vipaka Vatta were to exist in Nibbana, how could it be true happiness? (Indeed, Sir).

ဒါကြောင့် နိရောဓဿ နိဿရဏဌော၊ နိရောဓဿ နိဗ္ဗာန်ဆိုတဲ့ နိရောဓသစ္စာ၏ နိဿရဏဋ္ဌော ဒုက္ခဝဋ်မှ ကျွတ်လွတ် ထွက်မြောက်ရာထွက်မြောက်ကြောင်းဖြစ်သော သဘောသည်လည်းကောင်း ဒုက္ခဝဋ်မှ ထွက်မြောက်သွားတာ (မှန်ပါ့) အဲ့ဒါ ဘာခေါ်ကြမယ် (နိဗ္ဗာန်ပါ ဘုရား)။

Therefore, escaping and being completely liberated from the cycle of suffering (Dukkha Vatta)—what do we call that? (Nibbana, Sir).

နိဗ္ဗာန်ဆိုတာ ဒကာ ဒကာမတို့ ဘာပါလိမ့်မတုံး အောက်မေ့တယ် ဝဋ်ကျွတ်သွားတာဟာ နိဗ္ဗာန် (မှန်ပါ့) ကိလေသာ ဝဋ်မှ ကျွတ်လွတ်သွားတာဟာ နိဗ္ဗာန် ကမ္မဝဋ်မှ ကျွတ်လွတ်သွားရင် (နိဗ္ဗာန်ပါ) အဲ ဝဋ်သုံးပါးမှ လုံးလုံးကျွတ်သွားရင် (နိဗ္ဗာန်ပါ ဘုရား)။

Yogis, what exactly is Nibbana? It is simply the liberation from the cycle of Vatta. (True, Sir). Escaping Kilesa Vatta is Nibbana. Escaping Kamma Vatta is Nibbana. Escaping all three cycles completely is Nibbana. (Yes, Sir).

ဪ နိဗ္ဗာန်ဆိုတာသည် ဒကာ ဒကာမတို့ ဝဋ်ကျွတ်တဲ့သဘောကို ဆိုတာပါလားလို့ ဒကာသိုက် ဒကာကြွယ်တို့က မှတ်ရလိမ့်မယ် (မှန်ပါ့)။

You must clearly understand that Nibbana is the very nature of being liberated from Samsara. (True, Sir).

အားလုံး ဒကာ ဒကာမတွေ နိဗ္ဗာန်ကို ရှင်းလင်းပြီး သကာလ ပြောရလိမ့်မယ် နိဗ္ဗာန်ကို လေးရက်တိတိ ဆက်ပြောရမှာ ဘဲ ဒကာသိုက် ဒကာကြွယ်တို့ရဲ့ နော် (မှန်ပါ့) ဘုရားက လေးမျိုးဟောတော့ကို လေးရက်ဘဲ ပြောရမယ် သမုဒယသစ္စာတုန်းက လဲ လေးရက်ပဲ ပြောခဲ့တယ် ဒုက္ခဝဋ်မှ ကျွတ်သွားတာ ဘာခေါ်ကြမယ် (နိဗ္ဗာန်ပါ ဘုရား)။

I must explain Nibbana to you very clearly. I will preach on Nibbana for exactly four consecutive days. Just as I spent four days on the Truth of Origin (Samudaya Sacca), I will do the same here. What do we call the liberation from the cycle of suffering? (Nibbana, Sir).

ပဋိစ္စသမုပ္ပါဒ် နားလည်မှ

ဒကာ ဒကာမတို့ ပဋိစ္စသမုပ္ပါဒ် နားလည်မှ သူ့ကိုပိုမိုရှင်းတယ်လို့ မှတ်ထားပါ (မှန်ပါ့) ဒါဖြင့် ပဋိစ္စသမုပ္ပါဒ်ကို လမ်းခင်းကြဦးပေါ့ဗျာ (မှန်ပါ့)။

Yogis, mark this well: you will understand Nibbana much more clearly only if you comprehend The Wheel of Dependent Origination (Paticcasamuppada). (True, Sir). Let us pave the way by looking at Dependent Origination first. (True, Sir).

ဒီဝဋ်တွေမှ ကျွတ်တာကို နိဗ္ဗာန်လို့ဆိုတော့ ပဋိစ္စသမုပ္ပါဒ်ထဲမှာ ကိလေသာဝဋ် ကမ္မဝဋ် ဝိပါကဝဋ် ပါနေတယ်ဆိုတာ သိမှ ခင်ဗျားတို့ ဪ ဒီဝဋ်ကျွတ်မှ နိဗ္ဗာန်ကိုးဆိုတာ အားလုံး ဒကာ ဒကာမတွေ ပိုမိုရှင်းလာလိမ့်မယ် (မှန်ပါ့)။

Since Nibbana is liberation from these cycles, you must first see how Kilesa Vatta, Kamma Vatta, and Vipaka Vatta are embedded within Dependent Origination. Only then will you clearly realize, "Oh, escaping these cycles is Nibbana!" (True, Sir).

ကဲ ဒါဖြင့် ပဋိစ္စသမုပ္ပါဒ်လမ်းခင်းပြမယ် (မှန်ပါ့) ထုံးစံပဋိစ္စသမုပ္ပါဒ်ကို ဖြန့်ပြီး ကောက်ကြပါဦးစို့ ဒကာ ဒကာမတို့ နော် (မှန်ပါ့)။

Let me lay it out for you. Let us unfold the standard sequence of Dependent Origination. (True, Sir).

ဒီဘက်ကတစ်လုံးတည်းချတာ ဘာတုံး (အဝိဇ္ဇာပါ ဘုရား) ဒီဘက်က နှစ်လုံးချတာက (သင်္ခါရပါ ဘုရား) အဝိဇ္ဇာ ပစ္စယာ သင်္ခါရာတော့ မမေ့စေနဲ့ (မှန်ပါ့)။

What is the single link on this side? (Ignorance / Avijja, Sir). And the two links over here? (Volitional Formations / Sankhara, Sir). Do not forget: Due to Ignorance, Volitional Formations arise. (True, Sir).

ဒါက ပုညာဘိသင်္ခါရ အပုညာဘိသင်္ခါရ အာနေဉ္ဇာဘိသင်္ခါရလို့ သင်္ခါရကသုံးမျိုးပေါ့ဗျာနော် (မှန်ပါ့) လိုရင်းတော့ ကာယကံ ဝစီကံ မနောကံပါဘဲ (မှန်ပါ့)။

Formations (Sankhara) are of three types: meritorious, demeritorious, and imperturbable. But in essence, they are simply physical, verbal, and mental actions. (True, Sir).

ကဲ သင်္ခါရပစ္စရာ (ဝိညာဏံပါ ဘုရား) ဝိညာဏံဆိုတာ ဒကာ ဒကာမတွေ ပဋိသန္ဓေနေတာ လို့မှတ်ရမယ် (မှန်ပါ့)။

Due to Formations, what arises? (Consciousness / Vinnana, Sir). You must understand this Vinnana as the Rebirth Consciousness. (True, Sir).

မသိလို့ အားထုတ်တာ

အဝိဇ္ဇာက မသိတာ ဒီကံတွေက မသိလို့ အားထုတ်တာ မသိခြင်းကြောင့် ဒီကံတွေပေါ်လာ ပေါ်လာလို့ အားထုတ် ခြင်းကြောင့် ဒီအကျိုးပေး ပဋိသန္ဓေနေရတယ် (မှန်ပါ့) အဲ့ဒီတော့ ပဋိသန္ဓေနေရာက ကြီးပွားလာရမယ်ဆိုတာ ဓမ္မတာ ထုံးစံပါပဲ (မှန်ပါ့)။

Ignorance means not knowing. Because of not knowing, you strive and accumulate Kamma. Due to this accumulation of Kamma, the resultant Rebirth Consciousness arises. (True, Sir). Once rebirth takes place, it is a natural law that it must grow and develop. (True, Sir).

အဲ့ဒီတော့ ဝိညာဏ်ရှိလာလို့ရှိရင်ဖြင့် ဝိညာဏပစ္စယာ (နာမရူပံ) နာမ်ရုပ်ဆိုတာ လာရမယ် နာမ်နဲ့ရုပ် နှစ်ပါးပေါ်လာ ရမယ် နာမ်နဲ့ရုပ် နှစ်ပါးပေါ်လာတယ် နာမ်နဲ့ရုပ် နှစ်ပါးပေါ်လာတော့ ဒကာ ဒကာမတို့ ပဋိသန္ဓေကြီး ရင့်လာတာဆိုတာကော သဘောကျပြီလား (ကျပါပြီ ဘုရား)။

Due to Consciousness, Mind and Matter (Nama-Rupa) must follow. The two phenomena of mind and body appear. Do you see how the rebirth entity begins to mature? (Yes, we do, Sir).

ပဋိသန္ဓေနေတဲ့ပုဂ္ဂိုလ်ဟာ နောင်ကြီးရင့်လာတော့ နာမ်ရုပ် မလာဘူးလား (လာပါတယ် ဘုရား) နာမရူပပစ္စယာ (သဠာယတနံပါ ဘုရား) သဠာယတနံဆိုတော့ အာယတန ခြောက်ပါးပေါ့ဗျာ (မှန်ပါ့)။

As the being in the womb develops, Nama-Rupa emerges. (True, Sir). Due to Mind and Matter, what arises? (The Six Sense Bases / Salayatana, Sir). (True, Sir).

စက္ခု သောတ ဃာန ဇိဝှါ ကာယ မန ဘယ်နှစ်ခုပါလိမ့် (ခြောက်ခုပါ ဘုရား) အဲ့ဒါလဲ ပဋိသန္ဓေက ကြီးပွားလာတာလို့ ဆိုရင် လွဲသလား (မလွဲပါ ဘုရား) ဒါက ခြောက်ပါးလို့ ဒကာ ဒကာမတွေ မှတ်ထားတာပေါ့နော် (မှန်ပါ့)။

Eye, ear, nose, tongue, body, and mind—how many is that? (Six, Sir). Is it wrong to say these grow out of rebirth? (No, Sir).

ဒီမှာ မျက်စိ နား နှာခေါင်း လျှာ ကိုယ် စိတ် ပေါ်လာတာဘဲ (မှန်ပါ့) ပဋိသန္ဓေနေတဲ့ ပုဂ္ဂိုလ်သည် ကြီးပွားလာတာ အခု နာမ်ရုပ်လဲ ပဋိသန္ဓေနေမိလို့ မျက်စိ နား နှာခေါင်း လျှာ ကိုယ် စိတ်ကော (ပေါ်လာပါတယ် ဘုရား) သဘောကျပြီလား (ကျပါပြီ ဘုရား)။

The person who took rebirth develops, and because of Nama-Rupa, the eye, ear, nose, tongue, body, and mind appear. Do you grasp the meaning? (Yes, we do, Sir).

နာမရူပပစ္စယာ သဠာယတနံ သဠာယတနပစ္စယာ ဘာတဲ့ (ဖဿပါ ဘုရား) မျက်လုံးရှိတယ်ဆိုတော့ မျက်လုံးနဲ့တွေ့ ချင် နားနဲ့တွေ့ချင်ဆိုတဲ့ ဖဿလာမှာပဲ ဖဿခြောက်မျိုးလာမယ် (မှန်ပါ့) ဖဿပစ္စယာ (ဝေဒနာပါ ဘုရား) ဝေဒနာလည်း ခြောက်မျိုးလာမှာပဲ ခြောက်ပေါက်ရှိတယ်ပေါ့ဗျာ (မှန်ပါ့ ဘုရား)။

Due to the Six Sense Bases, what arises? (Contact / Phassa, Sir). Because there is an eye, there is a desire to see; because there is an ear, a desire to hear. Thus, six kinds of Contact arise. (True, Sir). Due to Contact, what arises? (Feeling / Vedana, Sir). Since there are six doors, six kinds of Feeling will naturally follow. (True, Sir).

ဝေဒနာပစ္စယာ (တဏှာပါ ဘုရား) ကိုင်း ဝေဒနာပစ္စယာ တဏှာက ထုံးစံအတိုင်း ဒီမှာ ဝေဒနာရှိနေလို့ရှိရင်ဖြင့် ဝိပဿနာ မရှုတဲ့ပုဂ္ဂိုလ် တဏှာပေါ်ရမယ် (မှန်ပါ့)။

Due to Feeling? (Craving / Tanha, Sir). As usual, if Feeling exists and a person fails to watch and observe it with Insight (Vipassana), Craving will inevitably arise. (True, Sir).

တဏှာလာလို့ရှိရင်ဖြင့်

တဏှာလာလို့ရှိရင်ဖြင့် ဖျက်ဆီးလို့မရတော့ပါဘူး ဒကာ ဒကာမတို့ ဥပါဒါန်ဆိုတဲ့ တရားတွေ မလာပေဘူးလား (လာပါ တယ် ဘုရား) လာလို့ရှိရင် ကာယကံ ဝစီကံ မနေကံကော (လာမှာပါ ဘုရား) လာလိမ့်မယ် ကာယကံ ဝစီကံ မနောကံ နော် (မှန်ပါ့)။

Once Craving steps in, it becomes unstoppable. Yogis, won't Clinging (Upadana) follow? (It will, Sir). And if Clinging comes, won't physical, verbal, and mental actions follow? (They will, Sir).

ကောင်းပြီ ဒကာ ဒကာမတို့ ကမ္မဘဝပစ္စယာ (ဇာတိပါ ဘုရား) ဟော ဇာတိဆိုတာ ဒကာသိုက် မှတ် ပဋိသန္ဓေဘဲ ပြန်လာတယ် (မှန်ပါ့ ဘုရား) သဘောကျပြီလား (ကျပါပြီ ဘုရား)။

Very well. Due to the Process of Becoming (Kamma-bhava), what arises? (Rebirth / Jati, Sir). Mark this well: Jati means taking rebirth all over again. (True, Sir). Do you see it? (Yes, we do, Sir).

ဇာတိပစ္စယာ (ဇရာမရဏပါ ဘုရား) ဇရာမရဏဆိုတာ လာဦးမှာဘဲတဲ့ ဒါ ပဋိစ္စသမုပ္ပါဒ်မှာဖြင့် ရေတွက်ကြည့်မယ် ဆိုရင်တဲ့ နှစ်ခုဘဲရှိမယ်ဆိုတာ သိကြမှာပဲ (မှန်ပါ့ ဘုရား)။

Due to Rebirth? (Aging and Death / Jara-Marana, Sir). Aging and Death will inevitably arrive. If you count the links of the future in Dependent Origination, there are only these two. (True, Sir).

အဲ့ဒီတော့ ဒကာ ဒကာမတွေ ဒီထဲမှာ ဝဋ်သုံးပါး နေတယ်ဆိုတဲ့ဥစ္စာ မှတ်ရလိမ့်မယ် (မှန်ပါ့)။

Therefore, you must understand that the Three Cycles (Vatta) are functioning right inside this process. (True, Sir).

ကဲ ဝဋ်သုံးပါးမပြောခင် အရင်ဟာလေးပဲ ဒကာ ဒကာမတွေ ရှင်းလင်းအောင်ပြကြပါဦးစို့ (မှန်ပါ့ ဘုရား) ဒီဘက်က အဝိဇ္ဇာနဲ့သင်္ခါရ အတိတ်ဘဝ လွန်ခဲ့တဲ့ဘဝပေါ့ဗျာ (မှန်ပါ့) ဝိညာဏ် နာမ်ရုပ် သဠာယတန ဖဿ ဝေဒနာ တဏှာ ဥပါဒါန် ကံ ဒါက ပစ္စုပ္ပန်ဘဝ (မှန်ပါ့)။

Before discussing the three cycles, let us clarify the timeline. Ignorance and Formations belong to the past life. (True, Sir). Consciousness, Mind and Matter, Six Sense Bases, Contact, Feeling, Craving, Clinging, and Kamma belong to the present life. (True, Sir).

အခု ဒကာ ဒကာမတွေဟာ ဒီထဲမှာဘဲ ဒီကအစ ဒီအဆုံးမှာဘဲရှိတယ် (မှန်ပါ့) ဒီဘက်က ဇာတိ ဇရာ မရဏဆိုတာက နောက်မှတွေ့ရမည့် အနာဂတ်ဘဝ (မှန်ပါ့)။

Right now, you Yogis are living within this present block, from its beginning to its end. (True, Sir). Rebirth, Aging, and Death belong to the future life yet to be encountered. (True, Sir).

အတိတ်ဘဝက ဘယ်သူပါလိမ့်

အတိတ်ဘဝက ဘယ်သူပါလိမ့် (အဝိဇ္ဇာသင်္ခါရပါ ဘုရား) အဝိဇ္ဇာသင်္ခါရ ဪ အတိတ်ဘဝက ဒီနှစ်ခုဖြစ်တယ်လို့ မှတ်ထားကြပါ ပစ္စုပ္ပန်ဘဝကတော့ ဘယ်နှစ်ခုတဲ့ (ရှစ်ခုပါ ဘုရား) ဘယ်သူတွေပါလိမ့် (ဝိညာဏ် နာမ်ရုပ် သဠာယတန ဖဿ ဝေဒနာ တဏှာ ဥပါဒါန် ကံပါ ဘုရား)။

What constituted the past life? (Ignorance and Formations, Sir). Note well that these two are from the past. How many links are in the present life? (Eight, Sir). What are they? (Consciousness, Mind and Matter, Six Sense Bases, Contact, Feeling, Craving, Clinging, and Kamma, Sir).

အနာဂတ်ဘဝက ဘယ်နှစ်ခုပါလိမ့် (နှစ်ခုပါ ဘုရား) ဘယ်သူပါလိမ့် (ဇာတိ ဇရာမရဏပါ ဘုရား) ဇာတိရယ် ဇရာမရဏရယ် (မှန်ပါ့) နှစ်ခုတည်းနော် ဇာတိက တစ်ခု ဇရာမရဏက တွဲလျက်တစ်ခု (မှန်ပါ့)။

How many links in the future life? (Two, Sir). What are they? (Rebirth, Aging and Death, Sir). Just two. Rebirth is one, and Aging-and-Death is paired together as the other. (True, Sir).

ဒါဖြင့် ဒကာ ဒကာမတို့ ပဋိစ္စသမုပ္ပါဒ်ဆိုတာ ခင်ဗျားတို့ရထားတာကို လျှောက်ရွတ်ရုံပဲ ရွတ်တာပဲ ဘယ်ဟာကအတိတ် ဘဝ ဘယ်ဟာက ယခု တို့သန္တာန်မှာဖြစ်ပေါ်နေတာ ဒါကနောက်မှပေါ်လာမှာမို့ ဝေဖန်ပြီး မသိကြပေဘူးပေါ့ဗျာ (မှန်ပါ့)။

Until now, Yogis, you simply recited Dependent Origination from memory. You just recited it without critically analyzing which links belong to the past, which are happening right now in your own continuum, and which will appear in the future. (True, Sir).

အခုတော့ ဒကာ ဒကာမတွေ ရှင်းကြပြီဆိုကြပါစို့ (မှန်ပါ့ ရှင်းပါပြီ) အတိတ်ဘဝကဘယ်သူပါလိမ့် (အဝိဇ္ဇာ သင်္ခါရပါ ဘုရား)။

But now, let’s assume it is clear to you. (Yes, it is clear, Sir). What is the past life? (Ignorance and Formations, Sir).

ဒါ လွန်ခဲ့တဲ့အတိတ်ဘဝ ဒီဘဝမှာ သူတို့မဟုတ်ပါဘူး ဒီဘဝမှာ ယခုလက်ရှိက ဘာတုံး (ဝိညာဏ် နာမ်ရုပ် သဠာယ တန ဖဿ ဝေဒနာ တဏှာ ဥပါဒါန် ကမ္မဘဝပါ ဘုရား) ဒါက ယခုဘဝမှာ ဖြစ်ပေါ်နေကျတရားတွေ (မှန်ပါ့) သဘောကျ ပြီလား (ကျပါပြီ ဘုရား)။

They belong to the past; they are not the present. What is currently existing in this life? (Consciousness, Mind and Matter, Six Sense Bases, Contact, Feeling, Craving, Clinging, and Kamma, Sir). These are the phenomena ceaselessly arising in the present life. (True, Sir). Do you grasp it? (Yes, we do, Sir).

ယခုမဖြစ်သေးဘူး နောင်မှ ပဋိစ္စသမုပ္ပါဒ်မပြတ်ရင် ဖြစ်ရမည့်တရားကဘယ်သူပါလိမ့် (ဇာတိ ဇရာမရဏပါ ဘုရား)။

What are the phenomena that haven't happened yet, but will surely happen if the Wheel of Dependent Origination is not severed? (Rebirth, Aging and Death, Sir).

ဝဋ်သုံးပါးကိုမသိလို့ရှိရင်

ဒါဟာ အရင်ဟာကိုပြန်ပြီး အစဖော်လာတာ ဝဋ်သုံးပါးမှကျွတ်လွတ်တာကို နိဗ္ဗာန်ကိုးဗျ (မှန်ပါ့) ဝဋ်သုံးပါးမှ ကျွတ်လွတ်တာ နိဗ္ဗာန်လို့ဆိုသဖြင့် ဝဋ်သုံးပါးကိုမသိလို့ရှိရင် ကျွတ်လွတ်ရာလည်းသိမှာ မဟုတ်ပါဘူး (မှန်ပါ့)။

I am retracing this to establish the foundation. Nibbana is liberation from the three cycles. (True, Sir). Since Nibbana is liberation from the three cycles, if you do not know what these cycles are, you will never know the state of liberation. (True, Sir).

အဲ့ဒီတော့ ဒကာ ဒကာမတို့ ဝဋ်ဆိုတာ ကိလေသာဝဋ် ကမ္မဝဋ် ဝိပါကဝဋ်လို့ ခုနေက နှုတ်တိုက်ချပေးခဲ့တာ ဘာတဲ့တုံး (ကိလေသဝဋ် ကမ္မဝဋ် ဝိပါကဝဋ်ပါ ဘုရား)။

I just had you memorize them. What are the three cycles? (The Cycle of Defilements, the Cycle of Kamma, and the Cycle of Results, Sir).

ဒကာ ဒကာမတွေ ပဋိစ္စသမုပ္ပါဒ်ကို အတိုချုံးလိုက်လို့ရှိရင်ဖြင့် ဘဝနဲ့ချုံးလည်း သုံးမျိုးပဲ (မှန်ပါ့) အတိတ်ဘဝ အနာဂတ် ဘဝ ပစ္စုပ္ပန်ဘဝနဲ့ အတိုချုံးလိုက်တော့လဲ ပဋိစ္စသမုပ္ပါဒ်သုံးမျိုးဘဲရတယ် (မှန်ပါ့) ဝဋ်သုံးပါးနဲ့ ချုံးလိုက်လို့ရှိရင်လဲ သုံးမျိုးပဲရတယ် (မှန်ပါ့ ဘုရား) သဘောကျပြီလား (ကျပါပြီ ဘုရား)။

If you condense Dependent Origination by lifetimes, you get three: Past, Present, and Future. (True, Sir). If you condense it by cycles, you also get three: Kilesa Vatta, Kamma Vatta, and Vipaka Vatta. (True, Sir). Are you convinced? (Yes, we are, Sir).

ကဲ ဝဋ်သုံးပါး အသာထားပါဦး ဒကာ ဒကာမတွေသည် ယခုဘယ်အထဲမှာတုံး လို့ မေးလို့ရှိရင် ဖြေတတ်ကြပြီလား (ဖြေတတ်ပါပြီ ဘုရား) ဘယ်အထဲမှာတုန်း (ဝိညာဏ် နာမ်ရုပ် သဠာယ တန ဖဿ ဝေဒနာ တဏှာ ဥပါဒါန် ကမ္မဘဝပါ ဘုရား)။

Let’s set aside the three cycles for a moment. If I ask you which timeframe you are in right now, can you answer? (Yes, we can, Sir). Where are you? (Within Consciousness, Mind and Matter, Six Sense Bases, Contact, Feeling, Craving, Clinging, and Kamma, Sir).

ကောင်းပြီ ဒီရှစ်ခုထဲမှာလဲ ဒကာကြွယ်တို့ ဒကာသိုက်တို့က ခေါင်းဆောင်လုပ်ပြီး မှတ်ကြစမ်းပါ ဒီရှစ်ခုတည်းမှာလဲ တဏှာရယ် ဥပါဒါန်ရယ် ကံရယ် မရှိဘူးလား (ရှိပါတယ် ဘုရား)။

Very well. Now pay close attention. Within these eight present links, do Craving (Tanha), Clinging (Upadana), and Kamma exist? (Yes, they do, Sir).

အနာဂတ် အကြောင်းသုံးခု

တဏှာ ဥပါဒါန် ကံ သုံးခုဟာ အနာဂတ် အကြောင်းသုံးခု ပစ္စုပ္ပန်ဘဝကနေပြီး အနာဂတ်အတွက် လုပ်နေတဲ့ အကြောင်းသုံးခု (မှန်ပါ့) နေတော့ ပစ္စုပ္ပန်ဘဝမှာနေတာပဲ (မှန်ပါ့)။

Craving, Clinging, and Kamma are the three causes for the future. While living in the present life, you are actively building causes for the future. (True, Sir).

ပစ္စုပ္ပန်ဘဝကနေပြီး အနာဂတ်အတွက် လုပ်နေတဲ့တရားသုံးခု (မှန်ပါ့) နေတော့ ပစ္စုပ္ပန်ဘဝမှာနေတာဘဲ သို့သော် အနာဂတ်အတွက် အားထုတ်နေတဲ့ တရားသုံးခု (မှန်ပါ့)။

You reside in the present, but these three phenomena are striving for the future. (True, Sir).

ဘဝကတော့ ဘယ်ဘဝထဲမှာတုန်း (ပစ္စုပ္ပန်ဘဝထဲမှာပါ ဘုရား) သို့သော် သူဟာ ဘယ်သူ့အတွက် ကြိုးစားနေတာ တုံး (အနာဂတ်အတွက် ကြိုးစားနေပါတယ်) ဘယ်သူပါလိမ့်ဗျာ (တဏှာ ဥပါဒါန် ကမ္မဘဝပါ ဘုရား) အေး တဏှာ ဥပါဒါန် ကံပေါ့ဗျာ (မှန်ပါ့)။

Which life are you in? (The present life, Sir). But for whom are these phenomena striving? (They are striving for the future). What are they? (Craving, Clinging, and Kamma, Sir). Exactly. (True, Sir).

ဒကာကြွယ် ဒီဥစ္စာတွေ သေသေချာချာမှတ်ရလိမ့်မယ် (မှန်ပါ့) အားလုံး ဒကာ ဒကာမတွေ ဒီဥစ္စာကို သတိထားပေး ပါနော် (မှန်ပါ့) သတိထားပေးပါတဲ့ ဒီဥစ္စာနားမလည်လို့ရှိရင်ဖြင့် ဝဋ်ကျွတ်တာကိုမသိဘူး (မှတ်ပါ့) ဝဋ်ကျွတ်တာ နိဗ္ဗာန်ဆိုတော့ ဒါနားလည်မှ နိဗ္ဗာန်ရှင်းမှာ (မှန်ပါ့)။

You must mark this very carefully. Yogis, please pay close attention to this! (True, Sir). If you do not understand this, you will not understand how to be liberated from the cycle. (True, Sir). Since Nibbana is the escape from the cycle, you must understand this mechanism to understand Nibbana clearly. (True, Sir).

ကိုင်း ဒါဖြင့် ဒီအနာဂတ်အကြောင်းသုံးခုဆိုတာ တဏှာ ဥပါဒါန် ကံ အဲ့ဒါမပြတ်လို့ရှိရင်ဖြင့် အနာဂတ်ဘဝဆိုတဲ့ အနာဂတ်အကျိုးဟာလာမှာပဲ (မှန်ပါ့ ဘုရား)။

So, if these three future causes—Craving, Clinging, and Kamma—are not severed, future results will inevitably arrive. (True, Sir).

ဒါဖြင့် အခုတရားနာနေကြတဲ့ တရားအားထုတ်နေကြတဲ့ ပုဂ္ဂိုလ်တွေဟာ ဘာတွေလုပ်နေကြတာတုံး ဆိုလို့ရှိရင်ဖြင့် အနာဂတ်အကြောင်းသတ်နေကြတာပါဘုရားလို့ ဖြေရလိမ့်မယ် (မှန်ပါ့ ဘုရား)။

Therefore, if someone asks what you are doing right now by listening to the Dhamma and practicing meditation, you must answer: "We are terminating the causes for the future." (True, Sir).

အနာဂတ်အကြောင်းကိုသတ်နေတာ

တရားနာ တရားအားထုတ်နေကြတာဘာပါလိမ့် (အနာဂတ်အကြောင်းကိုသတ်နေကြတာပါ ဘုရား) အနာဂတ်အကြောင်း သတ်နေကြတာ (မှန်ပါ့) အနာဂတ်အကြောင်းက ဘယ်သူပါလိမ့် (တဏှာ ဥပါဒါန် ကံပါ ဘုရား)။

What are you achieving by listening and practicing? (We are terminating the causes for the future, Sir). Yes, you are terminating the future causes. (True, Sir). What are those causes? (Craving, Clinging, and Kamma, Sir).

အဲ့ဒီအကြောင်းသုံးခုမပေါ်အောင်လို့ ဒကာ ဒကာမတွေ တရားနာနေတာ တရားအားထုတ် နေကြတယ် ဆိုတော့ အနာဂတ်အကြောင်းသုံးခုဟာ လာသေးရဲ့လား (မလာပါ ဘုရား) မလာတော့ အနာဂတ်ဘဝ ဆိုတဲ့ အကျိုးနှစ်ခုဟာ လာနိုင်သေး ရဲ့လား (မလာနိုင်ပါ ဘုရား)။

By listening to the Dhamma and meditating, you prevent these three causes from arising. If they do not arise, will the two future results (Rebirth and Aging-and-Death) ever come? (No, they cannot come, Sir).

ဪ ဒါဖြင့်ဒကာ ဒကာမတို့ အနာဂတ်လာမည့် ဇာတိ ဇရာ မရဏတွေ ခင်ဗျားတို့သတ်နေကြတာပဲ ဆိုလို့ရှိရင် အမှန်ဘဲ (အမှန်ပါ ဘုရား)။

So, if I say you are actually terminating your future Rebirth, Aging, and Death, would that be correct? (It is correct, Sir).

ဒကာ ဒကာမတို့ တရားအားထုတ်တာသည် ဘာကိုသတ်ပါလိမ့်မလဲ ဆိုလို့ရှိရင်ဖြင့် အနာဂတ်အကြောင်းသုံးခုကို သတ်တာပဲ (မှန်ပါ့) ဘယ်သူပါလိမ့် အနာဂတ်အကြောင်းသုံးခုက (တဏှာ ဥပါဒါန် ကံပါ ဘုရား)။

Yogis, what exactly are you terminating when you meditate? You are terminating the three future causes! (True, Sir). What are they? (Craving, Clinging, and Kamma, Sir).

တဏှာ ဥပါဒါန် ကံတွေသတ်နေကြတာ (မှန်ပါ့) သဘောကျပြီလား (ကျပါပြီ) ကံကောင်းအောင်လို့ လုပ်နေတယ်လို့ အောက်မေ့မနေကြနဲ့နော် (မှန်ပါ့) ဘာလုပ်နေတာပါလိမ့် (ကံကိုသတ်နေတာပါ) တဏှာ ဥပါဒါန် ကံသတ်နေတာ (မှန်ပါ့ ဘုရား)။

You are actively uprooting them. (True, Sir). Do you see it? (Yes, we do). Do not mistakenly think you are meditating just to accumulate good Kamma! (True, Sir). What are you actually doing? (We are terminating Kamma). You are terminating Craving, Clinging, and Kamma. (True, Sir).

ဒါကြောင့် အရင်တုန်းက ဒကာ ဒကာမတွေကိုပြောခဲ့တယ် ဘုရားဘယ်နေရာမှာပွင့်တာတုံး ဘုရား ဘယ်နေရာမှာ ဖြစ်တာတုံးလို့မေးဖို့လိုလာတယ် (မှန်ပါ့) မှတ်မိကြသေးရဲ့လား (မှတ်မိပါတယ် ဘုရား) ဘယ်မှာဖြစ်ပါလိမ့် (ဝေဒနာနဲ့ တဏှာ အကြားမှာပါ ဘုရား)။

That is why I previously asked you: Where did the Buddha attain Enlightenment? Where did Buddhahood happen? (True, Sir). Do you remember? (We remember, Sir). Where did it happen? (Between Feeling and Craving, Sir).

ဝေဒနာနဲ့ တဏှာ ကြားမှာဘုရားဖြစ်တယ်

အေး ဟောဒီ ခပ်မြင့်မြင့်ကလေးဟာ ဝေဒနာနဲ့ တဏှာ ကြားမှာဘုရားဖြစ်တယ် (မှန်ပါ့) ရှင်းပြီလား (ရှင်းပါပြီ) ခင်ဗျားတို့ သောတာပန်တည်ရင်လဲ ဒီနေရာမှာတည်ရမှာပဲ (မှန်ပါ့) အနာဂါမ် ရဟန္တာဖြစ်ကြရင်ကော (ဒီနေရာမှာ ဖြစ်ရမှာပါ ဘုရား) ဘုရားဖြစ်တာကော (ဒီနေရာမှာဖြစ်ရမှာပါပဲ ဘုရား)။

Yes! Pay deep attention to this profound point: Buddhahood happens right between Feeling (Vedana) and Craving (Tanha). (True, Sir). Is that clear? (It is clear, Sir). When you become a Stream-Enterer (Sotapanna), it happens right here. (True, Sir). What about a Non-Returner (Anagami) or an Arahant? (They happen right here, Sir). And attaining Buddhahood? (It happens right here, Sir).

ဒါကြောင့် ဘုန်းကြီးက ခပ်ရှင်းရှင်းပြောပါတယ် အမြင်အထင်တော့ ဗောဓိပင်နဲ့ ရွှေပလ္လင်ပေါ်မှာ ဘုရားဖြစ်တယ်လို့ သိနေကြပါတယ် အဲ့ဒါက ဘုရားဖြစ်တော်မူရာ ဌာနပါ (မှန်ပါ) စင်စစ်ဝမ်းတွင်းမှာ ဘုရားဖြစ်တာကတော့ဖြင့် ဒီနေရာမှာ သဗ္ဗေညုတဉာဏ်တော်ရတယ် (မှန်ပါ့ ဘုရား)။

Let me speak very plainly. People generally believe the Buddha attained Enlightenment under the Bodhi tree on the Golden Throne. That is merely the physical location where He attained it. (True, Sir). But the real attainment of Omniscience (Sabbannuta Nana) happened internally, right at this juncture in the mind. (True, Sir).

ဝေဒနာနဲ့ တဏှာအကြားမှာရသွားပါတယ် (မှန်ပါ့) ဝေဒနာကနေပြီး တဏှာမကူးတော့ဘူးဆိုလိုပါတယ် (မှန်ပါ့) ဝေဒနာနဲ့ တဏှာအကြားမှာ သဗ္ဗေညုတဉာဏ် မဂ်ဉာဏ် ရလိုက်တော့ အနာဂတ်အကြောင်းတွေ ပေါ်လာသေးရဲ့လား (မလာပါ ဘုရား) အနာဂတ်အကျိုးတွေကော (မလာပါ ဘုရား)။

It was attained between Feeling and Craving. (True, Sir). This means the mind did not cross over from Feeling into Craving. (True, Sir). Because the Omniscient Knowledge, the Path Knowledge (Magga Nana), arose right between Feeling and Craving, did any future causes arise? (No, Sir). Did any future results arise? (No, Sir).

အဲ့ဒီတော့ မြတ်စွာဘုရားက ဘုရားဖြစ်သည်နဲ့တပြိုင်နက်တည်း ဒကာကြွယ်တို့ ဒကာသိုက်တို့ အနေကဇာတိသံသာရံ သန္ဓာဝိဿံ အနိဗ္ဗိသံ ဂဟကာရံ ဂဝေသန္တော ဒုက္ခဇာတိ ပုနပုနံ လို့ဆိုတာ ကြားဖူးကြပါလိမ့်မယ် အနေကဇာတင်တဲ့အခါ မှာလေ (ကြားဖူးပါတယ် ဘုရား) တဏှာယောကျာ်း လက်သမားမင်းဟာ ခန္ဓာအိမ်ကို ဆောက်ရမလိမ့်မယ် မဟုတ်တော့ဘူး (မှန်ပါ့ ဘုရား)။

Therefore, the moment the Buddha attained Enlightenment, He declared: "Aneka Jāti Saṃsāraṃ, Sandhāvissaṃ Anibbisaṃ, Gahakāraṃ Gavesanto, Dukkhā Jāti Punappunaṃ." You have surely heard this verse of victory. (We have heard it, Sir). It means: "O Craving, the builder of this house! You shall never build this house of aggregates again!" (True, Sir).

တဏှာယောကျာ်း လက်သမား

အဲ့ဒါဘာပြောတာတုံး (တဏှာယောကျာ်း လက်သမား မင်းခန္ဓာအိမ်ကို ဆောက်ရလိမ့်မယ် မဟုတ်ပါဘူး တဲ့ ဘုရား) တဏှာလာသေးရဲ့လား (မလာပါ) မလာရင် ဒီခန္ဓာအိမ်ဆောက်လိုရ (မရပါ ဘုရား) အနာဂတ်ခန္ဓာဆောက်နိုင်သေးရဲ့လား (မဆောက်နိုင်ပါ) အဲ့ဒါကြောင့် တဏှာယောကျ်ား လက်သမားဆိုတာ သူပဲ (မှန်ပါ့) သူလာသေးရဲ့လား (မလာပါ) ကဲ မင် ခန္ဓာအိမ်ဆောက်ရလိမ့်မယ်လို့ မအောက်မေ့နဲ့ မင်းကိုငါနိုင်ပြီတဲ့ (မှန်ပါ့ ဘုရား)။

What does that mean? ("O Craving, you shall not build this house again," Sir). Did Craving arise anymore? (No, Sir). Without it, can the house of aggregates be built? (No, Sir). Can a future body be formed? (It cannot, Sir). Craving is the builder. (True, Sir). Did it show up? (No, Sir). "Do not think you can build a body for me again. I have defeated you!" (True, Sir).

ဒါကြောင့် ငါသည်ကားလို့ဆိုရင်ဖြင့် မင်းတို့၏နယ်မှ ကျွတ်လွတ်ပြီလို့ မပြောဘူးလား (ပြောပါတယ် ဘုရား) အဲ့ဒါ ဗောဒိပင်နဲ့ ရွှေပလ္လင်ပေါ်မှာ စိတ်ကပြောတာ (မှန်ပါ့) သဘောကျပြီလား (ကျပါပြီ ဘုရား)။

Didn't He essentially declare, "I am completely liberated from your domain"? (He did, Sir). This was the realization that arose in His mind under the Bodhi tree. (True, Sir). Do you grasp the meaning? (Yes, we do, Sir).

ဝေဒနာနဲ့ တဏှာအကြားမှာ သဗ္ဗေညုတဉာဏ်ပေါ်လာတယ် (မှန်ပါ့) ပေါ်ပြီလား (ပေါ်လာပါပြီ) အဲ့ဒီတော့ ဒကာ ဒကာမတွေက အမြင် အထင်ဖြစ်တဲ့ ဗောဓိပင်နဲ့ ရွှေပလ္လင်ပေါ်မှာ ဘုရားဖြစ်တယ်လို့ပြောတာက ဘုရားသတင်းသုံးတဲ့နေရာ ဌာနကိုသာ ပြောခြင်းဖြစ်ပါတယ် စင်စစ်တော့ ပဋိစ္စသမုပ္ပါဒ်နဲ့ပြောရင် ဒီပဋိစ္စသမုပ္ပါဒ်ကြီးကိုဖြတ်တဲ့နေရာမှာ ဘုရားဖြစ်တယ် (မှန်ပါ့) ရှင်းပြီလား (ရှင်းပါပြီ ဘုရား)။

The Omniscient Knowledge arose right between Feeling and Craving. (True, Sir). Did it not? (It did, Sir). So when people say He attained Buddhahood under the Bodhi tree, they are merely referring to the physical location. But in terms of Ultimate Truth and Dependent Origination, He became the Buddha at the exact spot where this Wheel was severed. (True, Sir). Is that clear? (It is clear, Sir).

ဘယ်နေရာမှာဖြစ်လိုက်ပါလိမ့် (ဝေဒနာနဲ့ တဏှာအကြားမှာဖြစ်ပါတယ်) အဲ ဝေဒနာတွေ ဖြစ်ပျက် ရှုလိုက်တော့ တဏှာကလာသေးရဲ့လား (မလာပါ ဘုရား) အဲ ဝေဒနာဖြစ်ပျက်ဆုံးသွားတော့ ဒီမှာသဗ္ဗေညုတဉာဏ်နဲ့ မဂ်ဉာဏ်ပေါ်လာတယ် (မှန်ပါ့) မပေါ်ဘူးလား (ပေါ်ပါတယ် ဘုရား) ပေါ်လာတော့ ဒီနေရာမှာဘုရားမဖြစ်ဘူးလား (ဖြစ်ပါတယ်) အဲ ဘုရားဖြစ်တဲ့ နေရာအစစ်က ဒီလိုမှတ် (မှန်ပါ့) ရှင်းပြီလား (ရှင်းပါပြီ ဘုရား)။

Where did it happen? (Between Feeling and Craving, Sir). Exactly. By watching and observing the Arising and Passing Away of Feeling, Craving could no longer enter. (True, Sir). When the insight into the Arising and Passing Away of Feeling reached its culmination, Omniscient Knowledge and Path Knowledge arose right there. (True, Sir). Did it not? (It did, Sir). So isn't this the exact point of Buddhahood? (It is, Sir). Mark this as the true place of Enlightenment. (True, Sir). Is it clear? (It is clear, Sir).

ဒီနေရာမှာမဂ်ဉာဏ်ပေါ်ရမယ်

ခင်ဗျားတို့ မဂ်ဉာဏ်တည်ချင်ရင်လည်း ဒီနေရာမှာမဂ်ဉာဏ်ပေါ်ရမယ် (မှန်ပါ့) သကဒါဂါမ် တည်ချင်ရင် (ဒီနေရာမှာ မဂ်ဉာဏ်ပေါ်ရပါတယ် ဘုရား)။

If you want Path Knowledge to arise, it must arise right here. (True, Sir). If you want to become a Once-Returner (Sakadagami)? (The Path Knowledge must arise right here, Sir).

အဲ့ဒီတော့ အရှေ့ပိုင်းကဟာတွေမရှုရင်တော့ ဘယ်နည်းနဲ့မှ ခင်ဗျားတို့ဒီနေရာမှာ ဉာဏ်ပေါ်မှာမဟုတ်ဘူး (မှန်ပါ့) ဝေဒနာရှုချင်ရှု သဘောကျပြီလား (ကျပါပြီ ဘုရား)။

But if you do not observe the preceding links, Insight Knowledge will never arise at this juncture. (True, Sir). You can watch and observe Feeling. Do you see? (Yes, we do, Sir).

ဖဿရှုချင်ရှု စက္ခု သောတ ဃာန ဇိဝှါ ကာယတွေရှုချင်ရှု မနဆိုတဲ့စိတ်ကိုရှုချင်ရှု နာမ်ကလေးတွေ ကွက်ပြီးရှုချင်ရှု ရုပ်ကိုရှုချင်ရှု စိတ်ကိုရှုချင်ရှု ရှုချင်တာရှု ရှေ့ပိုင်းငါးပါးဟာ ရှုစရာချည်းမှတ်ပါ (မှန်ပါ့) ရှေ့ပိုင်းငါးပါးရှုလိုက်လို့ ဖြစ်ပျက်မြင် ဖြစ်ပျက်မုန်း ဖြစ်ပျက်ဆုံးလို့ရှိရင် တဏှာနေရာမှာ ဉာဏ်ပေါ်တာပဲ သဘောကျပြီလား (ကျပါပြီ ဘုရား)။

You can observe Contact (Phassa). You can observe the eye, ear, nose, tongue, or body. You can observe the mind (Mano). You can precisely observe mental phenomena (Nama) or physical phenomena (Rupa). Observe whatever arises! Understand that the first five present links are all objects to be observed. (True, Sir). If you strictly observe these first five links, you will see their Arising and Passing Away. Then you will feel disgust (Nibbida) towards them. Finally, when the Arising and Passing Away ceases, Insight Knowledge will replace Craving. Do you grasp this? (Yes, we do, Sir).

ခင်ဗျားတို့ အားထုတ်လို့ရှိရင် တို့ဘယ်နေရာများ သောတာပန်တည်ပါ့မလဲလို့ အောက်မေ့မနေပါနဲ့ တဏှာ မလာအောင် လုပ်နိုင်တဲ့နေရာမှာ သောတာပန်တည်တာဘဲ (မှန်ပါ့ ဘုရား) နေရာက လိုရင်းမဟုတ်ပါဘူး ဒကာ ဒကာမတို့ သဘောကျပြီလား (သဘောကျပါပြီ ဘုရား)။

When you meditate, do not wonder, "Where exactly will I become a Sotapanna?" You become a Sotapanna at the exact point where you successfully prevent Craving from arising. (True, Sir). The physical location does not matter, Yogis. Do you see it? (We see it, Sir).

ဒီနေရာမှာတစ်ခါတည်း ဖြစ်ပျက်ရှုလို့ မဂ်ပေါ်လာတဲ့နေရာမှာ ဝေဒနာနောက်ကနေပြီး မဂ်ပေါ်ရမယ် ဝေဒနာနောက် ကနေပြီး မဂ်စစ်ပေါ်လာရင် တဏှာပေါ်ခွင့်ရသေးရဲ့လား (မရပါ ဘုရား) အဲ တဏှာပေါ်ခွင့်မရလို့ရှိရင် ဒီနေရာမှာ သောတာ ပန်တည်တယ် (မှန်ပါ့) သဘောကျပြီလား (ကျပါပြီ ဘုရား)။

By continuously observing the Arising and Passing Away, the Path Knowledge (Magga) must arise directly after Feeling. If the genuine Path Knowledge arises right after Feeling, does Craving have any chance to appear? (No, Sir). When Craving has no chance to appear, you become a Sotapanna right there! (True, Sir). Do you grasp it? (Yes, we do, Sir).

ကောင်းပြီ ဒါဖြင့် ဒကာ ဒကာမတို့ ရှုတုန်းကလဲ ဒီနေရာကနေရှုတာပဲ ပထမ ဝိပဿနာမဂ်ပေါ်တော့လဲ ဒီနေရာမှာ ပေါ်တာပါပဲ နောက်တစ်ခါ မဂ်အစစ်ပေါ်တော့ကော (ဒီနေရာမှာပေါ်ပါတယ် ဘုရား)။

Very well. So, when you are observing, you are observing right here. When the preliminary Insight Knowledge (Vipassana Magga) arises, it arises right here. And when the genuine Path Knowledge arises? (It also arises right here, Sir).

ဝိပဿနာမဂ်ဆိုတော့ ငါးခု

ကဲ ဝိပဿနာမဂ်ဆိုတော့ ငါးခု။ မဂ်စစ်ဆိုတော့ (ရှစ်ခုပါ ဘုရား) စာလိုသုံးတော့ ပုဗ္ဗဘာဂမဂ်ငါးပါး တကယ့်မဂ်ဉာဏ် အစစ်ကရှစ် ဒီလိုမနေဘူးလား (နေပါတယ် ဘုရား) အဲ့ဒါ ဘယ်နေရာမှာ ပေါ်တာတုံး (ဝေဒနာနောက်မှပေါ်ပါတယ် ဘုရား)။

Now, the preliminary Insight Path has five factors. The genuine Path has how many? (Eight, Sir). In scriptural terms, the preliminary Path (Pubbabhaga Magga) has five factors, and the genuine Path Knowledge has eight. Is that correct? (It is, Sir). Where do they arise? (Right after Feeling, Sir).

အဲ သောတာပန်တည်ရင် ဒီနေရာမှာဘဲ တည်မှာဘဲ (မှန်ပါ့) တကာကြွယ်တို့ ကျေနပ်ပြီလား (ကျေနပ်ပါပြီ ဘုရား) ဘုရားဖြစ်ရင်ကော (ဒီနေရာမှာဖြစ်တာပါ ဘုရား)။

Attaining Stream-Entry happens exactly here. (True, Sir). Yogi Kywe, are you convinced? (Yes, I am, Sir). And attaining Buddhahood? (It happens right here, Sir).

ဗောဓိပင် ရွှေပလ္လင်ဆိုတာက ဒါနကုသိုလ်ကံတို့၏ အကျိုးတွေပေါ်လာပြီး ကိုယ်တော်မြတ်ကြီး သတင်းသုံးရာဌာန ပါ (မှန်ပါ့) ပဋိစ္စသမုပ္ပါဒ်ဖြတ်ပြီး ဉာဏ်တော်ဘုရား ဘယ်နေရာမှာဖြစ်တာတုံးမေးလို့ရှိရင် ဝေဒနာနဲ့ တဏှာကြားမှာ တဏှာ နေရာမှာ တဏှာမပေါ်ဘဲ ဉာဏ်တော်ပေါ်တာပါပဲ ရှင်းပြီလား (ရှင်းပါပြီ ဘုရား)။

The Bodhi tree and the Golden Throne were merely the physical place where the Great Lord resided, manifested through the results of His past meritorious deeds (Dana Kusala Kamma). (True, Sir). But if you ask where the Omniscient Knowledge actually severed the Wheel of Dependent Origination, it was exactly between Feeling and Craving. Insight Knowledge arose in the very place where Craving would have been. Is that clear? (It is clear, Sir).

သဏ္ဌာန်တော်ဘုရားက သဏ္ဌာနပညတ် ဘုရားကတော့ဖြင့် ဗောဓိပင်နဲ့ရွှေပလ္လင်ပေါ်မှာ ဉာဏ်ဘုရားကတော့ (ဝေဒနာနဲ့တဏှာကြားမှာပါ) သဘောကျပြီလား (ကျပါပြီ ဘုရား)။

The physical form of the Buddha—the conceptual form—was seated on the Golden Throne under the Bodhi tree. But the Buddha of Knowledge? (Between Feeling and Craving, Sir). Do you grasp the meaning? (Yes, we do, Sir).

အဲ့ဒီတော့ ခင်ဗျားတို့လဲ ဒီဓမ္မာရုံပေါ်မှာ မဂ်ရအောင် လုပ်နိုင်ကြလို့ရှိရင် ဒါဟာ ခင်ဗျားတို့ ဗောဓိပင် ရွှေပလ္လင် လိုဖြစ်ရာဌာနဘဲ မဂ်ရတာကတော့ ဝေဒနာနဲ့တဏှာကြားမှာဘဲ (မှန်ပါ့) အဲ့ဒါကြောင့် ဒကာ ဒကာမတို့ ဪ ဒီနေရာမှာ မဂ်ပေါ်တဲ့နေရာပါကလားလို့ မှတ်ထားရမယ် (မှန်ပါ့) သဘောကျပြီလား (ကျပါပြီ ဘုရား)။

Therefore, if you practice hard enough to attain the Path Knowledge right here in this meditation hall, then this hall is your Bodhi tree and Golden Throne! But the actual Path Knowledge is attained exactly between Feeling and Craving. (True, Sir). That is why you must clearly mark this in your mind: "Oh, this is the exact juncture where Path Knowledge emerges!" (True, Sir). Do you see it? (Yes, we do, Sir).

ဒီမဂ်ဟာဘယ်လိုများ သတ္တိရှိပါလိမ့်

Now, what kind of power does this Path Knowledge possess?

ကောင်းပြီ ဒါဖြင့် ဘယ့်နှယ့်ကြောင့် ဒီမဂ်ဟာဘယ်လိုများ သတ္တိရှိပါလိမ့်မလဲလို့ မေးတော့မှ ခုနင်က ဒကာ ဒကာမ တွေက သင်ထားတဲ့စကားနဲ့ ဆက်ကြည့် အနာဂတ်အကြောင်းကို ဖြတ်ချလိုက်တာ (မှန်ပါ့ ဘုရား)။

Very well. Now, if you wonder what kind of power this Path (Magga) possesses, connect it to what you yogis have just learned: it severs the causes for the future. (True, Sir).

ဘာတွေဖြတ်ချသလဲ (အနာဂတ်အကြောင်းကို ဖြတ်ချပါတယ်) ဘယ်သူပါလိမ့် အနာဂတ်အကြောင်းက (တဏှာ ဥပါဒါန် ကံပါ ဘုရား) အဲ တဏှာ ဥပါဒါန် ကံတွေဖြတ်ချလိုက်တာ ခုနေကပြောခဲ့တဲ့ အနာဂတ်အကျိုးဖြစ်တဲ့ ဇာတိ ဇရာ မရဏလာသေးရဲ့လား (မလာပါ ဘုရား)။

What exactly does it sever? (It severs the future causes, Sir). And what are those future causes? (Craving, Clinging, and Kamma, Sir). Indeed. Once Craving (Taṇhā), Clinging (Upādāna), and Kamma are severed, will the future effects we discussed—Rebirth (Jāti), Aging (Jarā), and Death (Maraṇa)—ever arise? (They will not, Sir).

ဪ ဒါကြောင့်လဲ သောတာပန် ဒီနေရာမှာ ဖြစ်တာဘဲ (မှန်ပါ့) သကဒါဂါမ် (ဒီနေရာမှာဖြစ်ပါတယ် ဘုရား) အနာဂါမ် (ဒီနေရာမှာဖြစ်ပါတယ်) ရဟန္တာ (ဒီနေရာမှာ ဖြစ်ပါတယ်) ပစ္စေကဗုဒ္ဓါ (ဒီနေရာမှာ ဖြစ်ပါတယ် ဘုရား) ဒီနေရာမှာ ချည်းပဲဖြစ်ကြရတာဘဲ (မှန်ပါ့) အဲ ဒကာကြွယ် ဒီနေရာမှာ ဒီမဂ်သွင်းရင် ပြီးတာဘဲ (မှန်ပါ့ ဘုရား)။

Therefore, this is exactly where one becomes a Stream-winner (Sotāpanna). (True, Sir). A Once-returner (Sakadāgāmī). (It happens right here, Sir). A Non-returner (Anāgāmī). (Right here, Sir). An Arahant. (Right here, Sir). A Paccekabuddha. (Right here, Sir). They all attain enlightenment exactly at this spot. (True, Sir). So, Daga Kywe, if you develop the Path (Magga) right here, the work is done. (Yes, Sir).

ဘာလုပ်ကြမယ် (ဒီနေရာမှာ ဒီမဂ်သွင်းရင်ပြီးပါတယ်) ဒီနေရာမှာ ဒီမဂ်ပေါ်အောင် လုပ်ဖို့ပဲ ဒကာ ဒကာမတို့ (မှန်ပါ့) ဘာမှ နေရာတွေရွေးမနေနဲ့ ခန္ဓာကိုယ်ထဲမှာ ဒီမဂ်ပေါ်ဖို့ဘဲ (မှန်ပါ့) ဒီမဂ်ဟာ ဘာလုပ်ပါလိမ့်မတုံး မေးလို့ရှိရင် ပဋိစ္စသမုပ္ပါဒ်ကြီးကို ပစ္စုပ္ပန်ဘဝမှာ ဖြတ်ချလိုက်တယ် (မှန်ပါ့ ဘုရား)။

What must we do then? (If we develop the Path here, it is done, Sir). Yogis, your only task is to make the Path arise right here. (Yes, Sir). Do not go searching for other places; just ensure the Path arises within your own Aggregates (Khandhas). (True, Sir). If you ask what this Path does, it terminates The Wheel of Dependent Origination right in this present life. (Yes, Sir).

ပစ္စုပ္ပန်ဘဝမှာ ငါးခုနဲ့ သုံးခုကြားဝင်လိုက်တယ် (မှန်ပါ့) ရှေ့ကဘယ်နှစ်ခုရှိသလဲ (ငါးခုပါ) နောက်က (သုံးခုပါ) အဲ့ ငါးခုနဲ့ သုံးခုကြားထဲမှာ မဂ်ဝင်လိုက်တဲ့အခါကျတော့ သုံးခုကပြတ်တယ် မပြတ်ဘူးလား (ပြတ်ပါတယ် ဘုရား)။

In this present life, it intervenes between the five past and present effects and the three present causes. (True, Sir). How many links are in the front section? (Five, Sir). And in the back? (Three, Sir). When the Path intervenes right between those five and three, are those three causes severed or not? (They are severed, Sir).

သုံးခုပြတ်တော့ကို နောက်တစ်ခုကတော့ဖြင့် ဒကာ ဒကာမတို့ ပြတ်ပါစေဆုတောင်ရတာမဟုတ်ဘူး အလိုလိုပြတ် တယ်(မှန်ပါ့) သဘောကျပြီလား (ကျပါပြီ ဘုရား)။

Once those three are severed, yogis, you do not even need to pray for the subsequent links to end. They terminate naturally on their own. (True, Sir). Do you grasp the meaning? (Yes, we do, Sir).

သောတာပန်တည်နိုင်တဲ့ နေရာ

ဒါဖြင့် ဒီလိုဆိုတော့ ရှေ့ငါးခုကို ရှုလို့ရှိရင် နောက်ငါးခုပြတ်မယ် (မှန်ပါ့) ဒါဖြင့် ဒီနေရာမှာ သောတာပန်တည်နိုင်တဲ့ နေရာ သကဒါဂါမ် အနာဂါမ် ရဟန္တာ ပစ္စေကဗုဒ္ဓါ သမ္မာသမ္ဗုဒ္ဓဘုရားဖြစ်တဲ့ နေရာဘဲဆိုတာ ဒကာ ဒကာမတွေ ယနေ့ အမြင်နဲ့ပြတာဘဲ (မှန်ပါ့) ရှင်းပြီလား (ရှင်းပါပြီ ဘုရား)။

If that is the case, by watching and observing the front five links, the subsequent links will be severed. (True, Sir). Therefore, I am showing you today through direct insight that this is the exact spot to become a Stream-winner, a Once-returner, a Non-returner, an Arahant, a Paccekabuddha, or a Perfectly Enlightened Buddha. (Yes, Sir). Is that clear? (Yes, it is, Sir).

အဲ့ဒီတော့ ခင်ဗျားတို့ သောတာပန်ဖြစ်ချင်ရင် ရှေ့ငါးခု ရှုရုံပဲ (မှန်ပါ့) ရှေ့ငါးခုက ဝိညာဏ် နာမ်ရုပ် သဠယတန ဖဿ ဝေဒနာ ဒါကိုရှုပေးပါ (မှန်ပါ့) ဒါတစ်ခုခုရှုလို့ ဖြစ်ပျက်မြင် ဖြစ်ပျက်မုန်း ဖြစ်ပျက်ဆုံးလို့ရှိရင် ဒီနေရာမှာ သောတာပတ္တိ မဂ်ပေါ်မှာဘဲ (မှန်ပါ့) သကဒါမိမဂ် (ပေါ်မှာပါ ဘုရား)။

So, if you want to become a Stream-winner, you simply need to watch and observe the front five links. (True, Sir). These front five are Consciousness (Viññāṇa), Mind and Matter (Nāma-Rūpa), the Six Sense Bases (Saḷāyatana), Contact (Phassa), and Feeling (Vedanā). Watch and observe them. (Yes, Sir). By watching and observing any one of these, you will clearly see the arising and passing away. Then you will feel a sense of weariness (Nibbidā) towards seeing this endless process. Finally, your mind will reach the cessation of these phenomena. When that happens, the Path of Stream-Entry (Sotāpatti Magga) will arise right here! (True, Sir). The Path of Once-Returning? (It will arise there, Sir).

အနာဂါမိမဂ် (ပေါ်မှာပါ) အရဟတ္တမဂ် (ပေါ်မှာပါ ဘုရား) ဒီနေရာချည်းပေါ်တာပဲ (မှန်ပါ့) ဒကာ ဒကာမတွေ ရှင်းပြီလား (ရှင်းပါပြီ ဘုရား)။

The Path of Non-Returning? (It will arise there, Sir). The Path of Arahantship? (It will arise there, Sir). They all arise right at this very point. (True, Sir). Yogis, is that clear? (Yes, it is, Sir).

ကောင်းပြီ ဒီနေရာမှာ ကျုပ်တို့အလုပ်လုပ်တဲ့နေရာ ဒီကထိုင်လုပ်ရမှာပဲဆိုတာတော့ဖြင့် မှတ်ကြပေတော့ (မှန်ပါ့) ဒီနေရာကနေပြီး သကာလ ရှေ့ဘယ်နှစ်ခုကိုရှုရမှာတုံး (ငါးခုကိုရှုရမှာပါ ဘုရား)။

Very well. Mark this well: this is your workplace. This is where you must sit and do the work. (Yes, Sir). From this point onward, how many front links are you supposed to watch and observe? (We must observe the five links, Sir).

အဲ့ဒါကြောင့် ရှေ့ငါးခုကိုပေါင်းလိုက်လို့ရှိရင် ဟောဒါက ဝေဒနာနုပဿနာ သဘောကျပြီလား (မှန်ပါ့ ဘုရား) ဒါတွေ က ဓမ္မာနုပဿနာတွေ၊ ဒီဘက်ကဟာတွေက ဘာတွေတုံးဆိုလို့ရှိရင် စိတ်တွေ၊ သဠာယတနထဲကလဲ မနာယတနဆိုတာ ကလဲ စိတ်ဆိုတော့ သူတို့က စိတ္တာနုပဿနာ ကျန်ခဲ့တဲ့ရုပ်တွေက ကာယာနုပဿနာသွားဖြစ်တယ် (မှန်ပါ့) ဝေဒနာနဲ့ စိတ်မှ တစ်ပါးသော နာမ်ဓမ္မတွေကတော့ ဓမ္မာနုပဿနာထဲသွင်းလိုက် ရှင်းပြီလား (ရှင်းပါပြီ ဘုရား)။

Now, if you group these front five links together, you will find Vedanā falls under the contemplation of feeling (Vedanānupassanā). Do you grasp the meaning? (Yes, Sir). What about the others? Well, they involve consciousness. Even the mind-base (Manāyatana) within the six sense bases is just mind. So, they fall under the contemplation of consciousness (Cittānupassanā). The remaining material phenomena (Rūpa) fall under the contemplation of the body (Kāyānupassanā). (True, Sir). Any mental phenomena (Nāma) apart from feeling and consciousness are categorized under the contemplation of mental objects (Dhammānupassanā). Is that clear? (Yes, it is, Sir).

သတိပဋ္ဌာန်ကို ဝေဖန်လိုက်ရင်

ဒါဖြင့် ရှေ့ပိုင်းမှာ သတိပဋ္ဌာန်ကို ဝေဖန်လိုက်ရင် ဘယ်နှစ်မျိုးရှိသလဲ (လေးပါးရှိပါတယ် ဘုရား) သတိပဋ္ဌာန်အလို လေးပါးပဲရှိတယ် ပဋိစ္စသမုပ္ပါဒါအလိုတော့ ငါးပါး (မှန်ပါ့ ဘုရား)။

So, if we categorize the front section according to the Foundations of Mindfulness (Satipaṭṭhāna), how many are there? (There are four, Sir). Yes, according to Satipaṭṭhāna, there are only four. But according to The Wheel of Dependent Origination, there are five. (True, Sir).

အဲ သတိပဋ္ဌာန်အလိုတော့ လေးပါးပဲရှိတယ် အဲ့ဒီရှေ့ပိုင်းသတိပဋ္ဌာန် လေးခုထဲက တစ်ခုရှု ကျန်တဲ့သုံးပါး ပါတာပဲ (မှန်ပါ့) မပါဘူးလား (ပါ ပါတယ် ဘုရား) အဲ့ ဒါသေသေချာချာမှတ်ပါ၊ ခင်ဗျားတို့ တရားပြမနေနဲ့၊ မရှုပဲနဲ့တော့ မရဘူး (မှန်ပါ့ ဘုရား)။

While there are four Satipaṭṭhānas, if you watch and observe just one of them, the other three are naturally included. (True, Sir). Are they not included? (They are included, Sir). Mark this carefully. Do not just go around preaching the Dhamma; you will not achieve anything without actually watching and observing it yourself. (True, Sir).

ရှု ဆိုတာသည် အဖြစ်အပျက်ကိုမြင်ဖို့ရာသည် အရေးကြီးဆုံးပဲ (မှန်ပါ့) ကိုင်း ဒါဖြင့် ဒကာ ဒကာမတို့ နိဗ္ဗာန်ဆိုတာ ဘာပါလိမ့်မလဲလို့ မေးထားတယ်၊ ဒီနေ့ နိဗ္ဗာန်ကိုဟောရမှာကိုး နိဗ္ဗာန်ဟောမည့်ဥစ္စာ ပဋိစ္စသမုပ္ပါဒ်ပြရတာက ဒီထဲမှာ ဝဋ်တွေ ကပါနေလို့ုပြရတာ (မှန်ပါ့) ကဲ ဒါဖြင့် ဒီဇာတ်ကိုသိမ်းလိုက် (မှန်ပါ့ ဘုရား)။

Watching and observing means seeing the rapid arising and passing away—that is the most crucial part. (True, Sir). Now, yogis, a question was raised: "What exactly is Nibbana?" I am supposed to preach about Nibbana today. The reason I had to show you The Wheel of Dependent Origination first is because the cycles of suffering (Vaṭṭa) are embedded within it. (True, Sir). Well then, let us wrap up this part of the story. (Yes, Sir).

ပဋိစ္စသမုပ္ပါဒ် အင်္ဂါက ဆယ့်နှစ်ခုရှိတာမှတ်ထားမှ နိဗ္ဗာန်ဆိုတာ ဘာပါလိမ့်မလဲ နိရောဓဿ နိဿရဏဋ္ဌောလို့ ဟောထားသောကြောင့် ဒုက္ခဝဋ်မှ ကျွတ်လွတ်တာ နိဗ္ဗာန်ပဲ (မှန်ပါ့) ဒုက္ခဝဋ်က ဘယ်နှစ်မျိုး ဘယ်နှစ်ခုရှိသတုံးမေးတော့ ကိလေသာဝဋ် ကာမဝဋ် ဝိပါကဝဋ် (မှန်ပါ့ ဘုရား)။

You must remember the twelve links of Dependent Origination to understand what Nibbana is. Because the Buddha declared, "Nirodhassa nissaraṇaṭṭho," Nibbana is simply the complete liberation from the cycle of suffering. (True, Sir). If you ask how many kinds of suffering cycles there are, there are three: the Round of Defilements (Kilesa-vaṭṭa), the Round of Kamma (Kamma-vaṭṭa), and the Round of Results (Vipāka-vaṭṭa). (True, Sir).

ကိုင်း ဒါဖြင့် ဒကာ ဒကာမတို့ ဝဋ်ကျွတ်တာ နိဗ္ဗာန်လို့ဆိုထားတယ်နော် (မှန်ပါ့ ဘုရား) ဝေဒနာနဲ့ တဏှာကြားမှာ ခင်ဗျားတို့ဖြစ်ပျက်ရှုတဲ့ မဂ်ဉာဏ်ဝင်လိုက်ကရော မဟုတ်လား (မှန်ပါ့)။

Now, yogis, we have established that liberation from these cycles is Nibbana, right? (Yes, Sir). And the Insight Knowledge (Magga Ñāṇa) that watches and observes the arising and passing away intervenes exactly between Feeling (Vedanā) and Craving (Taṇhā), doesn't it? (Yes, Sir).

ဝင်လိုက်တဲ့အခါကျလို့ရှိရင် ဒါကလည်း အဝိဇ္ဇာ၊ ဒီက တဏှာ၊ ဒီက ဥပါဒါန်ဆိုတော့ ကိလေသာမနေဘူးလား (နေပါတယ် ဘုရား) ဟောဒီ ကိလေသာဝဋ်ကစပြီး ကျွတ်တယ် (မှန်ပါ့)။

When the Path intervenes there, Ignorance (Avijjā), Craving (Taṇhā), and Clinging (Upādāna) are present. Are they not defilements? (They are, Sir). Thus, liberation begins exactly by severing this Round of Defilements (Kilesa-vaṭṭa). (True, Sir).

ကိလေသာဝဋ်ကျွတ်သွားတော့

ကိလေသာဝဋ်ကျွတ်သွားတော့ တဏှာနိရောဓာ ဥပါဒါနနိရောဓော ဥပါဒါနနိရောဓာ ကမ္မဘဝနိရောဓော ဆိုတော့ ဟော ကမ္မဝဋ်ကျွတ်ပြီ (မှန်ပါ့ ဘုရား) သဘောကျပြီလား (ကျပါပြီ ဘုရား)။

Once you are liberated from the Round of Defilements, the cessation of Craving leads to the cessation of Clinging (Taṇhā-nirodhā Upādāna-nirodho). Then, the cessation of Clinging leads to the cessation of Kamma-formation (Upādāna-nirodhā Kammabhava-nirodho). See? You are now liberated from the Round of Kamma! (True, Sir). Do you grasp the meaning? (Yes, we do, Sir).

မဂ်ဝင်လိုက်တာ ကိလေသာဝဋ်ကော မကျွတ်ဘူးလား (ကျွတ်ပါတယ် ဘုရား) သူ့နောက်က ဘာကျွတ်သတုံး (ကမ္မဝဋ် ကျွတ်ပါတယ် ဘုရား) ဇာတိ ဇရာ မရဏဆိုတာ ဝိပါကဝဋ် သုံးပါးမှ ကျွတ်တယ် (မှန်ပါ့) ရှင်းပြီလား (ရှင်းပါပြီ ဘုရား)။

When the Path intervenes, are you not liberated from the Round of Defilements? (We are liberated, Sir). And what is liberated right after that? (The Round of Kamma is liberated, Sir). Since Rebirth, Aging, and Death constitute the Round of Results (Vipāka-vaṭṭa), you are subsequently liberated from all three cycles. (True, Sir). Is that clear? (Yes, it is, Sir).

ဒါ သေသေချာချာ လက်ထပ့်ပြလို့မှ ဒကာကြွယ်တို့မရှင်းသေးလို့ရှိရင်ဖြင့် စာထဲနဲ့တော့ ဝေးပါသေးရဲ့ (မှန်ပါ့) တဏှာ ဥပါဒါန်လာသေးရဲ့လား (မလာပါ ဘုရား) အဲ့ဒါ ကိလေသဝဋ်ချုပ်တာ (မှန်ပါ့)။

Even when I point it out this explicitly, if you still do not understand, Daga Kywe, just reading about it in books will leave you far from the truth. (True, Sir). Do Craving and Clinging re-arise? (They do not, Sir). That is the cessation of the Round of Defilements. (True, Sir).

မဂ်လာတော့ တဏှာ ဥပါဒါန်လာသေးရဲ့လား (မလာပါ ဘုရား) အဲ့ဒါ ဘယ်ဝဋ်ချုပ်သွားတာတုံး (ကမ္မဝဋ်ချုပ်ပါတယ် ဘုရား)။

When the Path arrives, do Craving and Clinging re-arise? (They do not, Sir). If they do not arise, which cycle has ceased? (The Round of Kamma has ceased, Sir).

မဂ်လိုက်တာ ရှေးဦးစွာ ကိလေသဝဋ်ချူက်တယ်၊ နောက်ဘာချုပ်လဲ (ကမ္မဝဋ်ချုပ်ပါတယ် ဘုရား) ကဲ ကမ္မဘဝ နိရောဓာ (ဇာတိနိရောဓော) ဇာတိနိရောဓာ (ဇရာမရဏနိရောဓော) ဇာတိ ဇရာ မရဏက ဝိပါကဝဋ်ကိုး ဗျ၊ အကျိုးပေးတဲ့ ဝိပါကဝဋ်မကျွတ်ဘူးလား (ကျွတ်ပါတယ် ဘုရား)။

Exactly. Following the Path, the Round of Defilements ceases first. What ceases next? (The Round of Kamma ceases, Sir). Now, the cessation of Kamma-formation leads to the cessation of Rebirth (Kammabhava-nirodhā Jāti-nirodho). And the cessation of Rebirth leads to the cessation of Aging and Death (Jāti-nirodhā Jarāmaraṇa-nirodho). Rebirth, Aging, and Death are the Round of Results! So, are you not liberated from the Round of Results that yields suffering? (We are liberated, Sir).

ဒါဖြင့် ဒကာ ဒကာမတို့ မဂ်လာလိုက်တာသည် ကိလေသာဝဋ်လည်းကျွတ်တယ် (မှန်ပါ့) ကမ္မဝဋ်ကော (ကျွတ်ပါတယ် ဘုရား) ဝိပါကဝဋ်ကော (ကျွတ်ပါတယ် ဘုရား) ဝဋ်သုံးပါးမှကျွတ်တယ် (မှန်ပါ့)။

Therefore, yogis, when the Path arises, you are liberated from the Round of Defilements. (True, Sir). Are you liberated from the Round of Kamma? (Yes, we are, Sir). And from the Round of Results? (Yes, we are, Sir). You are liberated from all three cycles. (True, Sir).

နိဗ္ဗာန်ဆိုတာ ဘာပါလိမ့် (ဝဋ်သုံးပါးမှကျွတ်တာပါ ဘုရား) ရှင်းပြီလား (ရှင်းပါပြီ ဘုရား) ဘယ်ဝဋ် ဘယ်ဝဋ် ကျွတ် ပါလိမ့် (ကိလေသဝဋ် ကမ္မဝဋ် ဝိပါကဝဋ် ကျွတ်ပါတယ် ဘုရား)။

So, what is Nibbana? (It is the liberation from the three cycles of suffering, Sir). Is that clear? (Yes, it is, Sir). Which cycles exactly are you liberated from? (We are liberated from the Round of Defilements, the Round of Kamma, and the Round of Results, Sir).

အခုတော့ နိဗ္ဗာန်ကို ဘုန်းကြီးကမဟောသေးပါဘူး၊ မဂ်ကြောင့်ကျွတ်တယ်လို့ပဲ မှတ်ထားပါဦး (မှန်ပါ့ ဘုရား) သဘော ကျပြီလား (ကျပါပြီ ဘုရား)။

For now, I will not preach the ultimate nature of Nibbana just yet; simply note for now that liberation happens due to the Path. (Yes, Sir). Do you grasp the meaning? (Yes, we do, Sir).

နိဗ္ဗာန်ဆိုတာသည်

မဂ်ကြောင့် ကျွတ်တယ်လို့ပဲ မှတ်ထားပါဦး အခုဟာက ပေါ်လာပါလိမ့်မယ် (မှန်ပါ့) နိဗ္ဗာန်ဆိုတာသည် ဝဋ်သုံးပါး မှကျွတ်ရာ နိဗ္ဗာန်ကိုဆိုတဲ့ဥစ္စာတော့ အစောကြီးကပြောထားပါတယ် (မှန်ပါ့)။

Just keep in mind for now that liberation occurs due to the Path; the deeper truth will reveal itself shortly. (True, Sir). I have already stated earlier that Nibbana means liberation from the three cycles of suffering. (True, Sir).

ကဲ အခုတော့ဖြင့် မဂ်လဲဝင်လိုက်ပါရော ဘယ်ဝဋ်ကစပြီးကျွတ်သလဲ (ကိလေသဝဋ်ကစပြီး ကျွတ်ပါတယ် ဘုရား) နောက် ဘယ်သူကျွတ်သတုံး (ကမ္မဝဋ်ကျွတ်ပါတယ် ဘုရား) နောက် ဘယ်သူကျွတ်သတုံး (ဝိပါကဝဋ် ကျွတ်ပါတယ် ဘုရား)။

Well then, the moment the Path intervenes, which cycle ceases first? (The Round of Defilements ceases first, Sir). What ceases next? (The Round of Kamma ceases, Sir). And what ceases after that? (The Round of Results ceases, Sir).

စင်စစ်တော့ဖြင့် တပြိုင်နက်ကျွတ်တယ်လို့သာမှတ်ပါ၊ ပဋိစ္စသမုပ္ပါဒ်တန်းပြလို့သာ (မှန်ပါ့ ဘုရား) ကိလေသဝဋ် ကျွတ်ကတည်းကဟိုဟာတွေပေါ်သေးရဲ့လား (မပေါ်တော့ပါ ဘုရား) မပေါ်ဘူးဆိုတာ ထင်ရှားမနေဘူးလား (ထင်ရှားနေပါ တယ် ဘုရား) တကာကြွယ်တို့ သဘောပါပြီလား (ပါ ပါပြီ ဘုရား)။

In reality, you should understand that they all cease simultaneously. I am only explaining them in sequence because that is how The Wheel of Dependent Origination is structured. (True, Sir). Once the Round of Defilements ceases, do the subsequent links appear at all? (They do not appear anymore, Sir). Is it not blatantly clear that they do not appear? (It is very clear, Sir). Daga Kywe, do you see it now? (Yes, we do, Sir).

တယ်ပြီးတော့ တို့အားထုတ်နေတဲ့မဂ်ဟာဖြင့် ဝဋ်ကျွတ်အောင်လုပ်နိုင်ပါပေတယ်ဆိုတာ ခင်ဗျားတို့ သူများပြောလား မျက်မြင်လား (မျက်မြင်ပါ ဘုရား) ဉာဏ်မျက်မြင်ပဲ ထင်ရှားပါတယ် (မှန်ပါ့)။

Indeed, it is vividly clear through the direct vision of Insight Knowledge. (True, Sir).

ရှေးကတော့ ဝဋ်ဘဝတိုတိုနဲ့သာဆိုတာ ဒါတွေတိုပါရစေပြောတာ (မှန်ပါ့) ဝိပါကဝဋ်ကော (တိုပါရစေ) ဝဋ်ဘဝ တိုတိုနဲ့ မဂ်ဖိုလ်ရ ရပါလို၏ဆိုတော့ သူတို့လည်းတိုမှ မဂ်ဖိုလ်ရမှာ (မှန်ပါ့)။

In the past, people used to pray, "May my cycle of rebirths be short." They were merely asking for these cycles to be shortened. (True, Sir). Even for the Round of Results? (Yes, "May it be short"). They would pray, "May I attain the Path and Fruition (Magga-Phala) with a short cycle of rebirths." They believed they could only attain the Path and Fruition if the cycle was shortened. (True, Sir).

ဘုန်းကြီးတို့က အဲ့ဒါရှာမနေတော့ဘူး ဒကာကြွယ် (မှန်ပါ့) အခုလုပ်ပါ၊ အခုကို တိုတာတောင် မဟုတ်တော့ဘူး ပျောက်သွားတယ် (မှန်ပါ့) သဘောကျပြီလား (ကျပါပြီ ဘုရား)။

But we monks no longer seek such things, Daga Kywe. (True, Sir). Do the work right now! If you do it now, the cycle does not merely shorten—it disappears entirely! (True, Sir). Do you grasp the meaning? (Yes, we do, Sir).

ဘယ့်နှယ့်ဆိုမလဲ (တိုရုံမဟုတ်ဘူး ပျောက်သွားနိုင်ပါတယ် ဘုရား) ပျောက်သွားနိုင်တယ်ဆိုသဖြင့် ကိလေသာချုပ် လဲနိဗ္ဗာန် ကံချုပ်လဲ (နိဗ္ဗာန်ပါ ဘုရား) အကျိုးပေးချုပ်လဲ (နိဗ္ဗာန်ပါ ဘုရား) နိဗ္ဗာန်ဆိုတာ သဘောကျပြီလား (ကျပါပြီ ဘုရား)။

How would you describe it? (It does not merely shorten; it completely disappears, Sir). Since it completely disappears, the cessation of Defilements is Nibbana. The cessation of Kamma? (Is Nibbana, Sir). The cessation of Results? (Is Nibbana, Sir). Do you now understand what Nibbana is? (Yes, we do, Sir).

ဘယ်သူ့ကြောင့် ကျွတ်ပါလိမ့်

ဒါကြောင့် ဝဋ်ကျွတ်တယ်ဆိုတာကျေပ်ပြီလား (ကျေနပ်ပါပြီ ဘုရား) ဘယ်သူ့ကြောင့် ကျွတ်ပါလိမ့် အခုမြင်ပြော ကြစမ်း (မဂ်ကြောင့်ကျွတ်တာပါ ဘုရား)။

Are you convinced now that you are liberated from the cycles? (Yes, we are convinced, Sir). Due to what are you liberated? Speak from what you have just seen. (We are liberated due to the Path, Sir).

ဒကာ ဒကာမတို့ အခုဝဋ်ကျွတ်သွားတာဟာ မဂ်ဉာဏ်လိုက်လာလို့ ဒါတွေမလာတာ (မှန်ပါ့ ဘုရား) ရှင်းကြပြီလား (ရှင်းပါပြီ ဘုရား)။

Yogis, the reason these cycles of suffering are terminated is because Insight Knowledge (Magga Ñāṇa) has arrived, preventing the subsequent links from arising. (True, Sir). Is that clear to you? (Yes, it is clear, Sir).

ဒါဖြင့် မဂ်ဉာဏ်တန်ခိုးဟာဖြင့် ဒကာကြွယ်တို့ ဒကာသိုက်တို့ အလွန်ကျေးဇူးများတယ် (မှန်ပါ့) ဘဝများစွာ သံသရာက ဒီနေရာမှာ ခင်ဗျားတို့တစ်ခါမှမလာဖူးဘူးဆိုတာ သာမှတ်ပေတော့ (မှန်ပါ့)။

Therefore, Daga Kywe and Daga Thaik, the power of Insight Knowledge is immensely beneficial. (True, Sir). Mark this well: throughout your many past lives in Samsara, you have never once reached this specific point. (True, Sir).

ဒီနေရာမှာ တစ်ခါမှမလာဖူးဘူး၊ ဝေဒနာနဲ့ တဏှာကြားမှာ မဂ်နဲ့တူတာတော့ဖြင့် မလာဖူးဘူး၊ ဒီနေရာမှာ ခင်ဗျားတို့ လာလို့ရှိရင် ဘာလာမတုံးလို့မေးလို့ရှိရင် ဒီနေရာမှာ ဒါနကုသိုလ်လဲလုပ်တယ်၊ သီလကုသိုလ်လည်းလုပ်တယ်၊ သမထကုသိုလ် လဲ လုပ်ခဲ့တယ်၊ အဲ့ဒါတွေက ဒါတွေကိုလည်းမချွတ်နိုင်ဘူး (မှန်ပါ့) ချွတ်ကို မချွတ်နိုင်ဘူး (မှန်ပါ့) သဘောကျပြီလား (ကျပါပြီ ဘုရား)။

You have never been here. Before this, nothing resembling the Path has ever intervened between Feeling (Vedanā) and Craving (Taṇhā). If you ask what usually intervened here instead, it was the merit of charity (Dāna), the merit of morality (Sīla), and the merit of concentration (Samatha). But those merits cannot liberate you from these cycles. (True, Sir). They absolutely cannot liberate you. (True, Sir). Do you grasp the meaning? (Yes, we do, Sir).

ပြတ်အောင်လုပ်နိုင်ပါ့မလား (မလုပ်နိုင်ပါ ဘုရား) မလုပ်နိုင်ဘူး၊ မဂ်မှမဟုတ်ဘဲကိုးဗျ (မှန်ပါ့ ဘုရား) ရှင်းပြီလား (ရှင်းပါပြီ ဘုရား)။

Can they completely sever the cycles? (They cannot, Sir). They cannot, because they are not the Path (Magga)! (True, Sir). Is that clear? (Yes, it is, Sir).

ဒီမဂ်ကလေး တို့သန္တာန်မှာ ပေါ်လိုက်လို့ရှိရင်

ကိုင်း ဒါဖြင့် ဒကာ ဒကာမတို့ ဪ ဒီမဂ်ကလေး တို့သန္တာန်မှာ ပေါ်လိုက်လို့ရှိရင် ဝဋ်ကျွတ်တယ် ဆိုတာကော ယနေ့ဆုံးဖြတ်ချက်ချကြပါ (မှန်ပါ့ ဘုရား) ရှင်းပြီလား (ရှင်းပါပြီ ဘုရား)။

Well then, yogis, please make a firm resolution today: "Oh! When this precious Path appears in our mind continuum, we are liberated from the cycles of suffering!" (True, Sir). Is that clear? (Yes, it is, Sir).

အနာဂတ်အကြောင်းတွေ ကုန်ပေါ့ဗျာ၊ အနာဂတ်အကျိုး ဘယ့်နှယ့်နေမလဲ (ကုန်ပါတယ် ဘုရား) ကုန်တာပဲဆိုတာ ကောင်းကောင်း ကျေနပ်ပြီလား (ကျေနပ်ပါပြီ ဘုရား)။

When the future causes are entirely exhausted, what happens to the future effects? (They are also exhausted, Sir). Are you thoroughly convinced that they are exhausted? (Yes, we are convinced, Sir).

ကောင်းပြီ ဒါဖြင့် ပဋိစ္စသမုပ္ပါဒ်အမြင်နဲ့ ပြလိုက်သဖြင့် ဪ ဝဋ်ကျွတ်ဆိုတာ တဏှာ ဥပါဒါန် ကျွတ်တာကိုး ဒီဘက်က ဇာတိ ဇရာ မရဏဆိုတဲ့ အကျိုးပေးကျွတ်တာကိုးလို့ဆိုတာ မသိကြဘူးလား (သိကြပါတယ် ဘုရား) ရှင်းပြီလား (ရှင်းပါပြီ ဘုရား) ကိလေသာနဲ့ ကံက သမုဒယသစ္စာ၊ ဒီဘက်ဟာက ဒုက္ခသစ္စာ (မှန်ပါ့) မှတ်မိကြပြီလား (မှတ်မိပါပြီ ဘုရား)။

Very well. By showing this through the lens of The Wheel of Dependent Origination, have you not realized, "Ah, liberation from the cycle means being freed from Craving and Clinging, and consequently being freed from the resulting Rebirth, Aging, and Death"? (We have realized it, Sir). Is that clear? (Yes, it is, Sir). Now, Defilements and Kamma constitute the Truth of the Origin of Suffering (Samudaya Sacca). The resulting side constitutes the Truth of Suffering (Dukkha Sacca). (True, Sir). Do you remember this? (Yes, we remember, Sir).

ကိလေသဝဋ်နဲ့ ကမ္မဝဋ်ကက ဘာသစ္စာတုံး (သမုဒယသစ္စာပါ ဘုရား) ဝိပါကဝဋ်က (ဒုက္ခသစ္စာပါ ဘုရား) သမုဒယ သစ္စာနဲ့ ဒုက္ခသစ္စာချုပ်သွားတယ် (မှန်ပါ့) ရိပ်မိပြီလား (ရိပ်မိပါပြီ ဘုရား)။

Which Noble Truth do the Round of Defilements and the Round of Kamma belong to? (The Truth of the Origin, Sir). And the Round of Results? (The Truth of Suffering, Sir). So, both the Truth of the Origin and the Truth of Suffering cease. (True, Sir). Do you see it? (Yes, we do, Sir).

ဘာချုပ်သွားပါလိမ့် (သမုဒယသစ္စာနဲ့ ဒုက္ခသစ္စာချုပ်သွားပါတယ် ဘုရား) သစ္စာဖွဲ့လိုက်တော့ သူတို့ ဒါပဲရတယ် (မှန်ပါ့)။

What has ceased? (The Truth of the Origin and the Truth of Suffering have ceased, Sir). When we categorize them by the Noble Truths, this is exactly what we find. (True, Sir).

အကြောင်းသမုဒယ သစ္စာချည်းမှတ်

ကဲ ဒကာကြွယ်တို့ သေပျော်ပါပြီ၊ ဒီတရားမျိုးနာရတာ (မှန်ပါ့ ဘုရား) ကိလေသဝဋ်နဲ့ ကမ္မဝဋ် ပေါင်းလိုက်တဲ့အခါ သူတို့က အကြောင်းနှစ်ခုဖြစ်သောကြောင့် အကြောင်းသမုဒယ သစ္စာချည်းမှတ် (မှန်ပါ့)။

Well, Daga Kywe, you can happily face death after hearing such profound Dhamma! (True, Sir). When the Round of Defilements and the Round of Kamma are combined, since they are both causes, you must note them strictly as the Causal Truth of the Origin (Samudaya Sacca). (True, Sir).

သူတို့က အကျိုးပေးလို့ ဒီမှာ ဇာတိ ဇရာ မရဏမလာပေဘူးလား (လာပါတယ် ဘုရား) အဲ့ဒါက အကျိုးဒုက္ခချည်းမှတ် (မှန်ပါ့)။

Because they yield results, do Rebirth, Aging, and Death not follow? (They do, Sir). You must note those strictly as the Resultant Truth of Suffering (Dukkha Sacca). (True, Sir).

ဒါဖြင့် ဒီဘက်ကနှစ်ခုကဘာသစ္စာ (သမုဒယသစ္စာပါ ဘုရား) ဒီဘက်ကဟာက (ဒုက္ခသစ္စာပါ ဘုရား) မဂ်ပေါ်ရင် လာသေးရဲ့လား (မလာပါ ဘုရား)။

So, what Noble Truth do the first two constitute? (The Truth of the Origin, Sir). And the latter? (The Truth of Suffering, Sir). When the Path arises, do they still come? (They do not, Sir).

ဒါဖြင့် မဂ်က သမုဒယသစ္စာလဲဖြတ်တယ်၊ ဒုက္ခသစ္စာကိုလည်း နေရစ်တော့လို့ ပိုင်းခြားတယ် (မှန်ပါ့ ဘုရား) ရှင်းပြီလား (ရှင်းပါပြီ ဘုရား)။

Therefore, the Path severs the Truth of the Origin, and it isolates the Truth of Suffering, telling it to "stay behind!" (True, Sir). Is that clear? (Yes, it is, Sir).

သမုဒယသစ္စာကိုလည်း (ဖြတ်ပါတယ်) ဖြတ်တယ်၊ ပယ်တယ်၊ ဒုက္ခသစ္စာကိုလဲ မလိုက်နိုင်အောင် ပိုင်းခြားထားပစ် ခဲ့တယ် (မှန်ပါ့) သဘောကျပြီလား (ကျပါပြီ) ဇာတိ ဇရာ မရဏတွေ လိုက်နိုင်သေးရဲ့လား (မလိုက်နိုင်ပါ ဘုရား)။

It severs and abandons the Truth of the Origin, and it isolates the Truth of Suffering so that it can no longer follow you. (True, Sir). Do you grasp the meaning? (Yes, we do, Sir). Can Rebirth, Aging, and Death follow you anymore? (They cannot follow, Sir).

ဒကာကြွယ် နေရာကျပြီ၊ ဒီနေရာ ခင်ဗျားတို့ ကြိုးစားဖြစ်အောင် ကြိုးစားပါ ဒကာ ဒကာမတို့၊ ဒီနေရာမှာမကြိုးစား လို့ရှိရင်ဖြင့် ဒီဘက်ကိုဆက်လို့ ဆုံးမှာမဟုတ်ဘူး (မှန်ပါ့) ဆုံးပါ့မလား (မဆုံးပါ ဘုရား) မဆုံးတော့ဘူး၊ ဒကာ ဒကာမတို့ ဒီနေ့တော့ နိဗ္ဗာန်ကိုပြောချင်လို့ ဒီဥစ္စာကိုမူတည်ပေးတာ ရှိပါသေးတယ် (မှန်ပါ့)။

Everything is perfectly aligned now, Daga Kywe. Yogis, you must put forth your utmost effort precisely at this point. If you do not strive right here, the cycle will just continue and it will never end. (True, Sir). Will it ever end? (It will not end, Sir). It will never end. Yogis, because I want to speak about Nibbana today, I am laying down this foundation. There is more to come. (True, Sir).

သမုဒယနဲ့ ဒုက္ခချုပ်သွားတာ

ကဲ ဒါဖြင့် မဂ်လာလိုက်ရင် သမုဒယနဲ့ ဒုက္ခချုပ်သွားတာကော သေချာပြီလား (သေချာပါပြီ ဘုရား) ဝဋ်လို့ပြောတော့ ကိလေသဝဋ်လည်းချုပ်၊ ကမ္မဝဋ်လည်းချုပ်၊ ဝိပါကဝဋ်ကော မချုပ်ဘူးလား (ချုပ်ပါတယ်) အဲ ဘယ်သူလာလို့ပါလိမ့် (မဂ်လာလို့ ပါ ဘုရား)။

Well then, is it certain that when the Path arrives, the Truth of the Origin and the Truth of Suffering cease? (It is certain, Sir). Speaking in terms of the cycles, the Round of Defilements ceases, the Round of Kamma ceases. Does the Round of Results not cease too? (It ceases, Sir). And due to what does this happen? (Due to the arrival of the Path, Sir).

ဪ ဒါဖြင့် နေရာကျပြီ၊ ဒကာ ဒကာမတို့ မဂ်လာလို့ချုပ်သွားတာ (မှန်ပါ့) ကောင်းပြီ ဒါမဂ်သည်ကားလို့ဆိုလို့ ရှိရင် ဒကာ ဒကာမတို့က စဉ်းစားရမယ်၊ မဂ်ဆိုတဲ့ဥစ္စာသည် ဆရာသမား အကူအညီမရရင် မဂ်ကို ဒီနေရာမှာဝင်လို့ရမယ် လို့မသိဘူး (မှန်ပါ့) သိပါ့မလား (မသိပါ ဘုရား)။

Ah, then it is perfectly clear. Yogis, they cease because the Path has arrived. (True, Sir). Now, concerning this Path, you must consider something: without the guidance of a teacher, you would never have known that the Path must be developed precisely at this spot. (True, Sir). Would you have known? (We would not have known, Sir).

ကိုင်း ဒါဖြင့် ဒီနေရာမှာ မဂ်ပေါ်လိုက်တာ သမုဒယသစ္စာနဲ့ ဒုက္ခသစ္စာချုပ်တယ် (မှန်ပါ့) ဝဋ်တွေကော (ချုပ်ပါတယ်) ဝဋ်တွေလည်းချုပ်ပျောက်သွားတာဘဲ (မှန်ပါ့) သစ္စာအားဖြင့် နှစ်ပါး၊ ဝဋ်အားဖြင့်သုံးပါး (မှန်ပါ့ ဘုရား)။

Well then, when the Path arises here, the Truth of the Origin and the Truth of Suffering cease. (True, Sir). And the cycles? (They cease, Sir). The cycles of suffering also cease and vanish. (True, Sir). In terms of Noble Truths, two have ceased. In terms of cycles, three have ceased. (True, Sir).

သစ္စာအားဖြင့် နှစ်ပါးချုပ်မယ်၊ ဝဋ်အားဖြင့် သုံးပါးချုပ်တယ်ဆိုတာ ပေါင်းတာနဲ့မပေါင်းတာ ကွာတာပါပဲ (မှန်ပါ့) ရှင်းပြီလား (ရှင်းပါပြီ ဘုရား)။

Two Noble Truths cease, and three cycles cease—it is simply a matter of how they are grouped together or separated. (True, Sir). Is that clear? (Yes, it is, Sir).

နိဗ္ဗာန်ကို ရှာမှီးတတ်သောကြောင့် မဂ်

ဪ ဒါဖြင့် မဂ်သတ္တိတယ်ပြီး တန်ခိုးကြီးပါလားလို့ ဒကာ ဒကာမတွေ သိကြမှာပဲ (မှန်ပါ့) ကိလေသ မာရန္တော ဂစ္ဆတီတိမဂ္ဂေါ၊ ကိလေသေ = ကိလေသာတို့ကို၊ မာရေန္တော = သတ်လျက်၊ ဂစ္ဆတိ = သွားတတ်၏၊ ဣတိသ္မာ = ထို့ကြောင့် မဂ္ဂေါ = မဂ်မည်၏ဆိုတဲ့ဥစ္စာနဲ့၊ နိဗ္ဗာနံ မဂ္ဂတိ ဂဝေသတိ မဂ္ဂေါ ဆိုတဲ့အတိုင်း နိဗ္ဗာန်ကို ရှာမှီးတတ်သောကြောင့်လဲ မဂ်လို့ ဆိုတာ မှန်လိုက်တာ (မှန်ပါ့ ဘုရား)။

Ah, so you yogis must now realize just how incredibly powerful the properties of the Path are! (True, Sir). The Pali states, Kilese mārento gacchatī'ti maggo. Kilese means defilements; mārento means eradicating; gacchati means progressing. Therefore, it is called the Path (Magga) because it progresses by eradicating defilements. Furthermore, Nibbānaṃ maggati gavesati maggo means it is called the Path because it seeks out and searches for Nibbana. How perfectly true this is! (True, Sir).

ကောင်းပြီ ဒီမဂ်ဟာ ဒကာ ဒကာမတို့ မြင်စရာမရှိဘဲနဲ့ မြင်တာတော့ မပေါ်ပါဘူး (မှန်ပါ့) မြင်စရာမရှိဘဲနဲ့ (မြင်တာမပေါ်ပါ ဘုရား) မြင်စရာဘာမှမရှိဘဲနဲ့ ကျုပ်မြင်တယ် ဆိုတဲ့ မြင်တတ်တဲ့သဘောကလေးတွေ ပေါ်ပါ့မလား (မပေါ် ပါ) ဒါဖြင့် မြင်စရာမရှိဘဲနဲ့ မြင်တာမပေါ်ဘူးလို့ မှတ်ထားပါ (မှန်ပါ့) သဘောကျပြီလား (ကျပါပြီ ဘုရား)။

Very well. Now, yogis, without an object to be seen, the act of seeing will not arise. (True, Sir). Without an object to be seen? (The act of seeing will not arise, Sir). If there is absolutely no object to be seen, will the nature that claims "I see" ever arise? (It will not arise, Sir). Therefore, keep in mind that without an object to be seen, seeing does not occur. (True, Sir). Do you grasp the meaning? (Yes, we do, Sir).

မဂ်ဆိုတာ မြင်တတ်တာ သမ္မာဒိဋ္ဌိမျက်လုံးဘဲ (မှန်ပါ့) သဘောကျပြီလား (ကျပါပြီ) မြင်စရာရှိမှ သူမြင်တတ်တဲ့ သဘောပေါ်မှာဘဲ (မှန်ပါ့) မြင်စရာမှမရှိဘဲနဲ့ (မြင်တတ်တဲ့ သဘောမပေါ်ပါ ဘုရား)။

The Path is simply the nature that sees; it is the eye of Right View (Sammā Diṭṭhi). (True, Sir). Do you grasp the meaning? (Yes, we do, Sir). Only when there is an object to be seen will the seeing nature arise. (True, Sir). Without an object to be seen? (The seeing nature will not arise, Sir).

အဲ့ဒါကြောင့် ဒီမဂ္ဂင်သည် ပထမရှေးဦးစွာ ငါးပါးလို့ ဆရာဘုန်းကြီးကပြောတယ် (မှန်ပါ့) ပုဗ္ဗဘာဂမဂ်ဟာ ငါးပါး ရှေးဦးစွာဖြစ်တဲ့ မဂ်ကငါးပါး၊ ဘုရားကစပြီး ဘုရားလဲ ဒီငါးပါးက ရှစ်ပါး တတ်သာဘဲ (မှန်ပါ့) ဒါကျော်လို့တော့ ဒကာကြွယ် မရဘူး (မှန်ပါ့) ရှေးဦးစွာဖြင့် ဘယ်လိုရှုရှု ငါးပါးထက် ဘယ်သူမှ ပိုပြီးမရဘူး (မှန်ပါ့ ဘုရား)။

Because of this, I have explained that this Path initially consists of five factors. (True, Sir). The Preliminary Path (Pubbabhāga Magga) has five factors. The Path that arises first consists of five factors. Even the Buddha himself started with these five factors before they developed into the fully matured eight factors. (True, Sir). You cannot skip this sequence, Daga Kywe. (True, Sir). Initially, no matter how you practice, no one can attain more than these five factors. (True, Sir).

သတိပဋ္ဌာန်ဘယ်နှစ်ပါး ရှိသလဲ

ကိုင်း ဒါဖြင့်ရှေ့ပိုင်းမှာ သတိပဋ္ဌာန်ဘယ်နှစ်ပါး ရှိသလဲ (လေးပါးပါ ဘုရား) ပဋိစ္စသမုပ္ပါဒ် အလိုတော့ (ငါးပါးပါ) အဲ ပဋိစ္စသမုပ္ပါဒ်အလိုတော့ ဝိညာဏ် နာမ်ရုပ် သဠာယတန ဖဿ ဝေဒနာ (မှန်ပါ့ ဘုရား)။

Well then, how many Foundations of Mindfulness are there in the front section? (There are four, Sir). And according to The Wheel of Dependent Origination? (There are five, Sir). Yes, according to The Wheel of Dependent Origination, they are Consciousness (Viññāṇa), Mind and Matter (Nāma-Rūpa), the Six Sense Bases (Saḷāyatana), Contact (Phassa), and Feeling (Vedanā). (True, Sir).

သတိပဋ္ဌာန်အလိုတော့ ကာယနုပဿနာ၊ ဝေဒနာနုပဿနာ စိတ္တာနုပဿနာ ဓမ္မာနုပဿနာ လေးခုရှိတယ် (မှန်ပါ့) သဘောကျပြီလား (ကျပါပြီ ဘုရား) သတိပဋ္ဌာန်က ပေါင်းလိုက်တယ်၊ ပဋိစ္စသမုပ္ပါဒ်ကတော့ တန်းပြတယ် (မှန်ပါ့)။

According to the Foundations of Mindfulness, there are four: the Contemplation of the Body (Kāyānupassanā), Feeling (Vedanānupassanā), Consciousness (Cittānupassanā), and Mental Objects (Dhammānupassanā). (True, Sir). Do you grasp the meaning? (Yes, we do, Sir). The Foundations of Mindfulness group them together, whereas The Wheel of Dependent Origination lists them in sequence. (True, Sir).

မယူတတ်တော့ ရှုပ်နေမှာဘဲ၊ ယူတတ်တော့ ဒါနဲ့ ဒါဘဲဆိုတာ သိသွားတယ် (မှန်ပါ့) ကျေနပ်ကြပြီလား (ကျေနပ် ပါပြီ ဘုရား) အဲ့ဒီတော့ ရှေ့ပိုင်းက ရှုစရာဘယ်နှစ်ခုတဲ့တုံး (ငါးခုပါ ဘုရား) အဲ့ဒီငါးခုထဲက တစ်ခုခုကိုရှုပါလို့ ဘုန်းကြီးက သတိပေးလိုက်ပါတယ် (မှန်ပါ့ ဘုရား)။

If you do not know how to comprehend them, it will seem confusing. But once you comprehend them, you realize they are exactly the same. (True, Sir). Are you convinced? (Yes, we are, Sir). So, how many objects are there to watch and observe in the front section? (There are five, Sir). I am urging you to watch and observe any one of those five. (True, Sir).

ဒကာ ဒကာမတို့ မဂ်ပေါ်ချင်ရင် တစ်ခုခုရှု (မှန်ပါ့) သဘောကျပြီလား (ကျပါပြီ) မဂ်ပေါ်ချင်ရင် သတိပဋ္ဌာန်လေးပါး ထဲက တစ်ပါးပါးကိုရှု (မှန်ပါ့) ပဋိစ္စသမုပ္ပါဒ်ငါးခုထဲက တစ်ပါးပါးရှုရင် ဘာပေါ်မယ်ထင်တုံး (မဂ်ပေါ်ပါမယ် ဘုရား)။

Yogis, if you want the Path to arise, watch and observe one of them. (True, Sir). Do you grasp the meaning? (Yes, we do, Sir). If you want the Path to arise, watch and observe any one of the four Foundations of Mindfulness. (True, Sir). If you watch and observe any one of the five links of Dependent Origination, what do you think will arise? (The Path will arise, Sir).

ဒါဖြင့် ဒကာ ဒကာမတို့ ဒီမဂ်သည်ကားလို့ ဆိုရင်ဖြင့် ရှုစရာရှိလို့ပေါ်တာ (မှန်ပါ့) ရှုစရာမရှိလို့ရှိရင် (မပေါ်ပါ ဘုရား) ရှုစရာမရှိလို့ရှိရင် ရှုတာဆိုတဲ့မဂ်ဟာ ဘယ်နည်းနဲ့မှ မပေါ်နိုင်ဘူး (မှန်ပ့ါ) ပေါ်နိုင်ပါ့မလား (မပေါ်နိုင်ပါ ဘုရား)။

Therefore, yogis, this Path arises because there is an object to be watched and observed. (True, Sir). If there is no object to be observed? (It will not arise, Sir). If there is no object to be observed, the observing Path can never arise under any circumstances. (True, Sir). Could it possibly arise? (It could not, Sir).

ပဋိစ္စသမုပ္ပါဒ် အလိုငါးပါး

အေး ဒါကြောင့် ဒီအထဲကဟာကို ရှုပါလို့ပြောတော့ ဒကာ ဒကာမတွေ ပေါင်းလိုက်တော့ သတိပဋ္ဌာန် အလို လေးပါး ပဋိစ္စသမုပ္ပါဒ် အလိုငါးပါး သဘောကျပြီလား (ကျပါပြီ ဘုရား)။

Yes, that is why I tell you to watch and observe what is inside here. When you summarize it, there are four according to the Foundations of Mindfulness, and five according to Dependent Origination. Do you grasp the meaning? (Yes, we do, Sir).

ကဲ နာမ်ရုပ်ပေါင်းကြစို့ ဆိုတော့ နာမ်နဲ့ရုပ်ပဲရှိတယ် (မှန်ပါ့) ဝိညာဏ်ဆိုတာလဲ ဒကာ ဒကာမတို့ စိတ်မဟုတ်လား (မှန်ပါ့) ဒီအထဲက မနာယတနဆိုတာကော (စိတ်ပါပဲ ဘုရား) အဲ စိတ် စိတ်ချင်းပေါင်းလိုက်တော့ တစ်ခုပဲရှိတယ် (မှန်ပါ့) သဘောကျပြီလား (ကျပါပြီ ဘုရား)။

Now, let us group them into Mind and Matter (Nāma-Rūpa). Ultimately, there is only Mind and Matter. (True, Sir). Consciousness (Viññāṇa) is just the mind, is it not? (True, Sir). And the mind-base (Manāyatana) inside the sense bases? (It is also just the mind, Sir). So, when you group mind with mind, it becomes just one category. (True, Sir). Do you grasp the meaning? (Yes, we do, Sir).

အဲ့ဒီတော့ ဒီအထဲမှာ နာမ်ရုပ်ဆိုတာ ဒီဘက်ကရုပ်ပေါ့ဗျာ (မှန်ပါ့) စက္ခု၊ သောတ၊ ဃာန၊ ဇိဝှါ၊ ကာယ တွေလဲရုပ်၊ ရုပ်ပဲရှိတယ် သဘောကျပြီလား (ကျပါပြီ) ဒီဘက်ကနေပြီး သကာလ သညာတို့ ဖဿတို့ ဝေဒနာတို့ကို နာမ်ထဲပေါင်းလိုက် ပေါင်းလိုက်တော့ နာမ်နဲ့ ရုပ်ပဲရှိတယ် (မှန်ပါ့ ဘုရား)။

Now, within this Nāma-Rūpa, the physical eye, ear, nose, tongue, and body are Matter (Rūpa). It is just Matter. Do you understand? (Yes, we do). On the other hand, factors like Perception (Saññā), Contact (Phassa), and Feeling (Vedanā) are grouped into Mind (Nāma). When you group them all together, there is nothing but Mind and Matter. (True, Sir).

ရှေ့ပိုင်းကပေါင်းလိုက်တော့ ဘာပဲရှိသတုံး (ရုပ်ပဲရှိပါတယ်) အဲ ရုပ်ရှိရင် နာမ်ပါမယ်၊ နာမ်ရှုရင်ရုပ်ပါမယ် (မှန်ပါ့) ကျေနပ်ပြီလား (ကျေနပ်ပါပြီ ဘုရား)။

When the front section is summarized, what is left? (Only Matter is left, Sir). Well, where there is Matter, Mind is also involved. If you observe Mind, Matter is naturally included. (True, Sir). Are you convinced? (Yes, we are, Sir).

အဲ့ဒါတွေနားလည်တော့မှ ဪ ဘယ်သူကမှန်တယ်၊ ဘယ်သူကမှားတယ်လို့ ခင်ဗျားတို့တွက်မနေနဲ့နော် (မှန်ပါ့) မှားတယ်၊ မှန်တယ်တွက်မနေနဲ့၊ ပေါင်းတတ်လို့ ရှုတတ်လို့ သဘောမှာညီမျှသွားကြလို့ရှိရင် နေရာကျတာချည်းပဲ ဆုံးဖြတ်ချက် ချ (မှန်ပါ့ ဘုရား)။

Only when you understand this will you stop arguing, "This teacher's method is right, that teacher's method is wrong." (True, Sir). Do not calculate what is right or wrong. Make a firm resolution that if you know how to group them, know how to watch and observe them, and they align with the ultimate nature of reality, then it is perfectly correct! (True, Sir).

ကိုင်း နာမ်ထဲကနေပြီး ဘုန်းကြီးတို့က ဟောနေတယ်၊ ဒကာ ဒကာမတွေကိုနော် (မှန်ပါ့ ဘုရား) နာမ်ထဲကနေပြီး ဟောနေတော့ နာမ်ဆိုတာ ဒီမှာကြည့်လိုက်တော့ ဒကာ ဒကာမတွေ လေးပါးပဲရှိတယ်၊ အောက်ကနှစ်ပါး၊ အပေါ်ကနှစ်ပါး လေးပါး (မှန်ပါ့) ရုပ်ဆိုတာ နှစ်ဆယ့်ရှစ်ခုရှိတယ်ဆိုတာ ရုပ်တစ်မျိုးတည်းပါပဲ (မှန်ပါ့) သဘောကျပြီလား (ကျပါပြီ ဘုရား)။

Now, I am preaching to you yogis primarily from the perspective of Mind (Nāma). (True, Sir). Looking at Mind from this perspective, yogis, there are only four mental aggregates. (True, Sir). As for Matter (Rūpa), even though there are twenty-eight types, they all fall under the single category of Matter. (True, Sir). Do you grasp the meaning? (Yes, we do, Sir).

နာမ်ရုပ်ပဲရှိတယ်

နာမ်ရုပ်ပဲရှိတယ် (မှန်ပါ့) အဲ့ဒီတော့ နာမ်ဆိုတာ ခွဲလို့ရတာမဟုတ်ဘူး (မှန်ပါ့) သဟဇာတ ဖြစ်ဖော်ဖြစ်ဖက်ကြီးပဲ (မှန်ပါ့) အဲ တစ်ခုရှုလို့ တစ်ခုပျက်နေရင် ကျန်တာတွေလဲ ပျက်တာပဲ (မှန်ပါ့) သဘောကျပြီလား (ကျပါပြီ ဘုရား)။

There is only Mind and Matter. (True, Sir). Now, mental phenomena (Nāma) cannot be separated from one another. (True, Sir). They are Sahajāta—they arise simultaneously as inseparable companions. (True, Sir). Therefore, if you observe one phenomenon passing away, the rest are passing away as well. (True, Sir). Do you grasp the meaning? (Yes, we do, Sir).

ကိုင်း ဒါဖြင့် ဒီထဲကနေပြီး သကာလ ဒကာ ဒကာမတို့ ဝေဒနာလေးတစ်လုံးကိုရှုလိုက် သဘောကျပြီလား (ကျပါပြီ ဘုရား) ဝေဒနာရှုတော့ နာမ်ရှုတာလား ရုပ်ရှုတာလား (နာမ်ရှုတာပါ ဘုရား)။

Well then, yogis, just pick one single feeling (Vedanā) and watch and observe it. Do you grasp the meaning? (Yes, we do, Sir). When you watch and observe a feeling, are you observing Mind or Matter? (We are observing Mind, Sir).

အဲ နာမ်ရှုတာဆိုတော့ ဝေဒနာကလေးကို ဒကာ ဒကာမတွေက ဘုရားဟောတော်မူတဲ့အတိုင်း သုခဝေဒနာ ဒုက္ခ ဝေဒနာ ဥပေက္ခာဝေဒနာကို ပေါ်ရာကို ဒကာကြွယ်တို့က လိုက်ရှု (မှန်ပါ့ ဘုရား)။

Yes, you are observing Mind. So, exactly as the Buddha taught, whatever feeling arises—be it pleasant (Sukha), unpleasant (Dukkha), or neutral (Upekkhā)—Daga Kywe, you must follow it and observe it. (True, Sir).

ရှုလိုက်တော့ ဘာတွေတွေ့လဲ၊ ဝေဒနာတွေ့မလား အနိစ္စတွေ့မလား (အနိစ္စတွေ့ပါမယ်) ရှင်းပြီနော် (ရှင်းပါပြီ) ဖြစ်ပြီး ပျက်သွားတာကလေးတွေ မတွေ့ပေဘူးလား (တွေ့ပါတယ် ဘုရား) ဒါကလေးတွေက ဘာပါလိမ့် (အနိစ္စပါ ဘုရား)။

When you watch and observe it, what do you find? Do you find "feeling," or do you find Impermanence (Anicca)? (We will find Impermanence, Sir). It is clear now, isn't it? (It is clear, Sir). Do you not see them rapidly arising and passing away? (We see them, Sir). What are these phenomena? (They are Impermanence, Sir).

အနိစ္စမြင်တဲ့ ငါးခုပေါ်လာတယ်

ဒါဖြင့် သူက အနိစ္စပြတော့မှ ဒီကအနိစ္စမြင်တဲ့ ငါးခုပေါ်လာတယ် (မှန်ပါ့) ဒီငါးခုကလဲ ဒကာ ဒကာမတို့ ဒီအနိစ္စ မရှိဘဲနဲ့ပေါ်တာလား အနိစ္စရှိလို့ပေါ်တာလား (အနိစ္စရှိလို့ပေါ်လာတာပါ) အနိစ္စရှိလို့ အနိစ္စသိတာ လို့မှတ်ပါ (မှန်ပါ့ ဘုရား)။

Therefore, only when the object shows Impermanence (Anicca) do the five Path Factors (Maggaṅgas) that see Impermanence arise. (True, Sir). Yogis, do these five Path Factors arise without Impermanence, or because of Impermanence? (They arise because of Impermanence, Sir). Mark this: it is only because Impermanence exists that the knowledge of Impermanence arises. (True, Sir).

ဘယ်လိုမှတ်ကြမယ် (အနိစ္စရှိလို့ အနိစ္စသိတာပေါ်တာပါ ဘုရား) ဒါဖြင့် သိတာကနောက်ကျတာပေါ့ (မှန်ပါ့) အနိစ္စ ရှိလို့ အနိစ္စသိတော့ မဂ္ဂင်ငါးပါး ရှင်းပြီလား (ရှင်းပါပြီ ဘုရား)။

How should you remember this? (The knowledge of Impermanence arises because Impermanence exists, Sir). So, the knowing comes later, doesn't it? (True, Sir). Because Impermanence exists, the five Path Factors arise to know it. Is that clear? (Yes, it is, Sir).

အနိစ္စကတော့ဖြင့် ရှိတာဘဲ၊ ရှိပင်ရှိငြားသော်လည်း ခင်ဗျားတို့ ဆရာသမားကောင်း နည်းမရရင် မသိပါဘူး (မှန်ပါ့) မသိတော့ ဒီနေရာမှာ မဂ်မလာဘဲနဲ့ တဏှာ ဥပါဒါန်ပဲလာပစ်လိုက်တယ် (မှန်ပါ့ ဘုရား)။

Impermanence is always there. However, even though it exists naturally, you will not realize it without the guidance of a good teacher. (True, Sir). When you do not know it, the Path (Magga) does not arise. Instead, Craving (Tanha) and Clinging (Upadana) take over. (True, Sir).

အနိစ္စမရှိမှန်း မသိတော့ ခိုင်တယ် မြဲတယ်လို့ ယူပြီး တဏှာနဲ့ ခင်လိုက်တယ်၊ ခင်လိုက်တော့ ဥပါဒါန်လာတာပဲ၊ ဥပါဒါန်လာရင် ကံတွေလာဦးမှာပဲ (မှန်ပါ့ ဘုရား)။

Because you do not realize Impermanence, you assume things are solid and permanent. Consequently, you crave them with Tanha. Once you crave, Clinging (Upadana) follows. And when Clinging arises, Kamma will inevitably follow. (True, Sir).

ဒါဖြင့် အနိစ္စရှိလို့ အနိစ္စသိအောင်ကတော့ဖြင့် ဆရာဘုန်းကြီးက ကူပေးမယ် (မှန်ပါ့) သဘောကျပြီလား (ကျပါပြီ ဘုရား)။

Therefore, I will help you realize this existing Impermanence. (True, Sir). Do you grasp the meaning? (Yes, we do, Sir).

ကူပေးလိုက်တဲ့အခါကျတော့ ခင်ဗျားတို့သန္တာန်မှာ ယားတဲ့ဝေဒနာကလေးကိုလဲ ဘာလုပ်ရမလဲ (ဖြစ်ပျက် ရှုရပါမယ်) နာတဲ့ဝေဒနာကလေးကော (ဖြစ်ပျက်ရှုရပါမယ် ဘုရား)။

With my guidance, when a slight itching sensation arises in your body, what must you do? (We must watch and observe its arising and passing away, Sir). What about a painful sensation? (We must watch and observe its arising and passing away, Sir).

ကောင်းတဲ့ဝေဒနာ မကောင်းတဲ့ ဝေဒနာကြားထဲကသွားတဲ့မြင်ကာမတ္တဆိုတဲ့ ဥပေက္ခာဝေဒနာကလေး ကိုကော (ဖြစ်ပျက်ရှုရပါမယ် ဘုရား)။

And what about the neutral feeling (Upekkha vedana)—the mere act of seeing that falls between pleasant and unpleasant feelings? (We must watch and observe its arising and passing away, Sir).

ဖြစ်ပျက်ရှုပေးနေဆိုတော့ သူတို့က ဖြစ်ပျက်၊ ရှုပေးပါဆိုလို့ ရှုတာက (မဂ်ပါ ဘုရား) ဟော မဂ္ဂင်ငါးပါးပေါ်လာတယ် (မှန်ပါ့) မပေါ်လာဘူးလား (ပေါ်လာပါတယ် ဘုရား)။

When you watch and observe the arising and passing away, the object itself is the process of arising and passing away. What is the mind that watches and observes it? (It is the Path, Sir). There, the five Path Factors have emerged. (True, Sir). Haven't they? (They have, Sir).

အနိစ္စတည်းဟူသော အာရုံကြောင့် ပေါ်တာပဲ

ဒါဖြင့် ဒီမဂ္ဂင်ဟာ ဒကာ ဒကာမတို့ ဒီဘက်က အနိစ္စတည်းဟူသော အာရုံကြောင့် ပေါ်တာပဲ (မှန်ပါ့) ဒါကြောင့် အာရမ္မဏပစ္စည်းအရ ပဋ္ဌာန်းနည်းနဲ့ ဟောလိုက်တော့ သူကအာရုံ၊ သူက အာရာမ္မဏိက သွားပြီးဖြစ်တယ် (မှန်ပါ့) မဖြစ်ဘူးလား (ဖြစ်ပါတယ် ဘုရား) ရှင်းသွားပြီ (ရှင်းသွားပါပြီ ဘုရား)။

Therefore, Yogis, this Path (Magga) arises precisely because of the object—Impermanence. (True, Sir). According to the Patthana (Conditional Relations), Impermanence is the Object Condition (Arammana), and the observing mind is the subject that takes the object (Arammanika). (True, Sir). Is this not so? (It is, Sir). Is that clear? (Yes, it is, Sir).

ဒါဖြင့် မဂ်ဟာ ဒကာကြွယ်တို့ ဒကာသိုက်တို့ အလိုလိုပေါ်တာလား၊ အနိစ္စကြောင့်ပေါ်လာတာလား (အနိစ္စကြောင့် ပေါ်ပါတယ် ဘုရား) ရှင်းပြီနော် (မှန်ပါ့)။

So, does the Path arise all by itself, or does it arise due to Impermanence? (It arises due to Impermanence, Sir). It is clear now, isn't it? (True, Sir).

ကောင်းပြီ ဒါဖြင့် ဒကာ ဒကာမတို့ အနိစ္စကြောင့်ပေါ်တယ်ဆိုတာတော့ သေချာသွားကြပြီ (မှန်ပါ့) သေချာပြီ မဟုတ်လား (သေချာပါပြီ ဘုရား)။

Very well. Yogis, you are now certain that the Path arises due to Impermanence. (True, Sir). You are certain, aren't you? (We are certain, Sir).

ကဲ ရုပ်ကိုအသာထားလိုက်ပါဦး၊ ဝေဒနာကလေးတစ်လုံးဒီအထဲက ထုတ်ထားတယ်နော် (မှန်ပါ့) ဒီအနိစ္စကလေးကို ဆရာဘုန်းကြီးသင်ထားတာက ဖြစ်ပျက်မြင်ရုံနဲ့ မကျေနပ်နဲ့ဦးလို့ ဒကာ ဒကာမတွေကို ဆုံးမထားတယ် (မှန်ပါ့)။

Now, let us set physicality (Rupa) aside for a moment and extract just a single feeling (Vedana). (True, Sir). I have previously instructed you not to be satisfied merely with seeing the arising and passing away of this Impermanence. (True, Sir).

ဖြစ်ပျက်မြင်ရုံနဲ့မကျေနပ်နဲ့ဦး၊ အနိစ္စမြင်ရုံနဲ့ မကျေနပ်နဲ့ဦးပြောတော့ အနိစ္စကို မုန်းအောင်ရှု မပြောဘူးလား (ပြောပါ တယ် ဘုရား)။

When I say do not stop at merely seeing the arising and passing away, or Impermanence, haven't I told you to continue observing until you become utterly disgusted with Impermanence? (You have, Sir).

အနိစ္စကို မုန်းအောင်ရှုရမယ် (မှန်ပါ့) အနိစ္စ တွေ့တိုင်း တွေ့တိုင်း ထပ်ပြန်တလဲလဲသာရှု၊ ကြာရင် မုန်းလာတာပဲ (မှန်ပါ့) မမုန်းပေဘူးလား (မုန်းပါတယ် ဘုရား)။

You must watch and observe until you become thoroughly disgusted with Impermanence. (True, Sir). Whenever you encounter Impermanence, just observe it repeatedly. In time, disgust (Nibbida) will naturally arise. (True, Sir). Will it not? (It will, Sir).

အဲ့ဒီတော့ ဒီအနိစ္စကလေး ဝေဒနာကလေးကို ဒကာကြွယ်တို့က ရှုပါများလာတော့ ဘာဖြစ်လာတာတုံး (မုန်းလာပါ တယ် ဘုရား)။

So, as you continuously observe the Impermanence of this simple feeling, what happens? (We become disgusted with it, Sir).

မုန်းစရာကြောင့်မုန်းတာ

ဒါဖြင့် မုန်းစရာကြောင့်မုန်းတာ (မှန်ပါ့) သဘောကျပြီလား (ကျပါပြီ ဘုရား)။

Thus, the feeling of disgust arises because the object itself is inherently disgusting. (True, Sir). Do you grasp the meaning? (Yes, we do, Sir).

ဒါဖြင့် မုန်းစရာနဲ့ မုန်းတာသည် ဘယ်သူကရှေ့၊ ဘယ်သူကနောက်တုံး (မုန်းစရာက ရှေ့ပါ ဘုရား) မုန်းစရာကရှေ့ မုန်းတာကနောက် (မှန်ပါ့)။

Between the disgusting object and the feeling of disgust, which comes first and which comes later? (The disgusting object comes first, Sir). The object of disgust is first, and the mind that feels disgust follows. (True, Sir).

ဒါဖြင့် မုန်းစရာကြောင့် မုန်းတာပေါ်တယ် (မှန်ပါ့) ရိပ်မိပြီလား (ရိပ်မိပါပြီ ဘုရား)။

Therefore, the feeling of disgust arises because of the disgusting object. (True, Sir). Do you see it? (Yes, we do, Sir).

ဘယ်သူ့ကြောင့် ဘာပေါ်ပါလိမ့် (မုန်းစရာကြောင့် မုန်းတာပေါ်ပါတယ်) အဲ မုန်းစရာဖြစ်တဲ့သဘောကြောင့် မုန်းတဲ့ ဉာဏ်ပေါ်လာတယ် (မှန်ပါ့) မုန်းတဲ့ မဂ္ဂင်ငါးပါးမပေါ်ဘူးလား (ပေါ်ပါတယ် ဘုရား)။

Because of what does what arise? (Because of the disgusting object, the feeling of disgust arises). Exactly. Due to the disgusting nature of the object, the Knowledge of Disgust (Nibbida-nana) arises. (True, Sir). Do the five Path Factors of disgust not arise? (They do, Sir).

ကောင်းပြီ ဒါဖြင့် ဒကာ ဒကာမတို့ ဖြစ်ပျက်ကြောင့်လဲငါးပါးပေါ်တယ်၊ မုန်းစရာဖြစ်ပျက်ကြောင့် မုန်းတဲ့ငါးပါးပေါ် တယ် (မှန်ပါ့) မပေါ်ဘူးလား (ပေါ်ပါတယ် ဘုရား)။

Very well. Yogis, the five Path Factors arise due to the arising and passing away. Likewise, the five Path Factors of disgust arise due to the disgusting nature of the arising and passing away. (True, Sir). Do they not? (They do, Sir).

သို့သော် ဆရာဘုန်းကြီးက သင်ထားတယ်၊ ဒီလိုအခြေအနေထိလာရင် ခင်ဗျားတို့ နှစ်ဉာဏ်ပဲရသေးတယ်၊ ဖြစ်ပျက် မြင်တာက ယထာဘူတဉာဏ်၊ ဖြစ်ပျက်မုန်းတာက နိဗ္ဗိန္ဒဉာဏ် ဖြစ်ပျက်အဆုံးကျအောင် လိုက်ရှာပါ (မှန်ပါ့) သင်မထားဘူး လား (သင်ထားပါတယ် ဘုရား)။

However, I have taught you that reaching this stage means you have only attained two Insight Knowledges: seeing the arising and passing away is the Knowledge of Things as They Are (Yathabhuta-nana), and feeling disgust for it is the Knowledge of Disgust (Nibbida-nana). You must continue searching until you reach the absolute cessation of this arising and passing away. (True, Sir). Have I not taught you this? (You have, Sir).

ဖြစ်ပျက်အဆုံးကျအောင်လုပ်ကြပါလို့ သင်ထားတော့ ဒကာ ဒကာမတွေကလဲ မုန်းတဲ့ဥစ္စာကိုဘဲ ဆက်လက်ပြီး ရှုရမှာပဲ (မှန်ပါ့) ဒကာကြွယ် မရှုရပေဘူးလား (ရှုရပါတယ် ဘုရား)။

Since I instructed you to practice until you reach the cessation of arising and passing away, you must continue to watch and observe that very object of disgust. (True, Sir). Must you not observe it? (We must, Sir).

အဲ့ဒီကဲ့သို့ ရှုတဲ့အခါကျတော့ ဒီဟာဖြင့် မလိုချင်ပါဘူး၊ ဒီဟာကြီးဟာ သက်သက် ဖြစ်လိုက်ပျက်လိုက်၊ ဖြစ်လိုက် ပျက်လိုက်နဲ့ အကောင်းတစ်ခုမပါဘူး၊ ဆင်းရဲကြီးမြင်နေရတာပဲဆိုပြီး ဒုက္ခပိုင်းခြားလိုက်တဲ့ အခါကျလို့ရှိရင် သူဆုံးသွားတယ် (မှန်ပါ့) မဆုံးသွားဘူးလား (ဆုံးသွားပါတယ် ဘုရား)။

As you keep observing it, the mind realizes: "I do not want this anymore. This whole mass is just ceaseless arising and passing away. There is nothing good in it at all. It is pure suffering!" When you fully comprehend this suffering (Dukkha), the process of arising and passing away finally ceases. (True, Sir). Does it not cease? (It does, Sir).

အဆုံးမြင်တဲ့ဉာဏ်ပေါ်လာတယ်

ဆုံးသွားတော့ ရှေ့ကအာရုံလည်းဆုံးပါရော ဒကာ ဒကာမတို့ အဆုံးမြင်တဲ့ဉာဏ်ပေါ်လာတယ် (မှန်ပါ့) အဆုံးမြင် တဲ့ဉာဏ်ဆိုတော့ မဂ္ဂင်ရှစ်ပါး (မှန်ပါ့) သဘောကျပြီလား (ကျပါပြီ ဘုရား)။

Once it ceases, the preceding object disappears entirely, and Yogis, the Insight Knowledge that sees this cessation arises. (True, Sir). The Knowledge that sees the cessation is the Noble Eightfold Path. (True, Sir). Do you grasp the meaning? (Yes, we do, Sir).

မဂ္ဂင်ရှစ်ပါးသည် ဘာကြောင့် ပေါ်ပါလိမ့်မတုံးဆိုတော့ ဒုက္ခအဆုံးကြောင့် ပေါ်လာတယ် (မှန်ပါ့) ဘယ်လိုဆိုကြမလဲ (ဒုက္ခအဆုံးကြောင့် ပေါ်ပါတယ် ဘုရား)။

Why does the Noble Eightfold Path arise? It arises because of the cessation of suffering. (True, Sir). How should we state this? (It arises because of the cessation of suffering, Sir).

ဒကာသိုက်တို့ ဒကာကြွယ်တို့ မဂ္ဂင်ရှစ်ပါး အလိုလိုပေါ်တာလား (မဟုတ်ပါ ဘုရား) ဒုက္ခအဆုံးက ကျေးဇူးပြုလို့ ပေါ်လာတာ (မှန်ပါ့) ရှင်းပြီလား (ရှင်းပါပြီ ဘုရား)။

Does the Noble Eightfold Path arise on its own? (No, Sir). It arises because the cessation of suffering conditions it. (True, Sir). Is that clear? (Yes, it is, Sir).

ဘယ်သူက ကျေးဇူးပြုလို့ပါလိမ့် (ဒုက္ခအဆုံးက ကျေးဇူးပြုလို့ပါ ဘုရား) ဒုက္ခဆုံးရာမြင်လိုက်တော့ ဘာပေါ်လာသတုံး (မဂ်ဉာဏ်အစစ် ပေါ်လာပါတယ် ဘုရား)။

What serves as the condition? (The cessation of suffering serves as the condition, Sir). When you see the cessation of suffering, what arises? (The genuine Path Knowledge arises, Sir).

ဒါဖြင့် ဒုက္ခဆုံးတာက ဘာသစ္စာတုံး (နိရောဓသစ္စာပါ) မြင်တာက (မဂ္ဂသစ္စာပါ)။

Then, what Truth (Sacca) is the cessation of suffering? (It is the Truth of Cessation, Nirodha Sacca). And the mind that sees it? (It is the Truth of the Path, Magga Sacca).

ဒါဖြင့် မဂ္ဂသစ္စာ အလိုလိုပေါ်သလား၊ ဒုက္ခအဆုံးကြောင့် ပေါ်သလား (ဒုက္ခအဆုံးကြောင့် ပေါ်လာပါတယ်) ဒီတော့ မဂ်က ဒကာ ဒကာမတို့ ဒုက္ခအဆုံး နိဗ္ဗာန်ကြောင့်ပေါ်တာ (မှန်ပါ့) သဘောကျပြီလား (ကျပါပြီ ဘုရား)။

Does the Truth of the Path arise spontaneously, or does it arise because of the cessation of suffering? (It arises because of the cessation of suffering). Therefore, Yogis, the Path (Magga) arises due to Nibbana, which is the cessation of suffering. (True, Sir). Do you grasp the meaning? (Yes, we do, Sir).

ဘယ်သူ့ကြောင့်ပေါ်ပါလိမ့်

ဘယ်သူ့ကြောင့်ပေါ်ပါလိမ့် (နိဗ္ဗာန်ကြောင့် ပေါ်တာပါ ဘုရား) ကျေနပ်ပြီလား (ကျေနပ်ပါပြီ ဘုရား)။

Due to what does it arise? (It arises due to Nibbana, Sir). Are you convinced? (Yes, we are, Sir).

ဒါဖြင့် နိဗ္ဗာန်သည် အစတုန်းက ဘုန်းကြီးဟောထားခဲ့တယ်၊ ဒကာ ဒကာမတွေ ဝဋ်သုံးပါးမှ ကျွတ်လွတ်တာ ဘာတဲ့ (နိဗ္ဗာန်ပါ ဘုရား)။

Earlier, I explained what Nibbana is. Yogis, what is complete liberation from the three rounds of Samsara (Vattas)? (It is Nibbana, Sir).

အဲ့ဒီတော့ လက်သည်ရှာ မဂ်ဘယ်သူကြောင့် ပေါ်သတုံး (နိဗ္ဗာန်ကြောင့်ပေါ်ပါတယ် ဘုရား) ဒုက္ခအဆုံးမြင်လို့ ပေါ်တာ (မှန်ပါ့) ဒုက္ခအဆုံးမြင်လို့ ပေါ်လာတာပဲဆိုတာ သေချာပြီလား (သေချာပါပြီ ဘုရား)။

So, find the prime cause: due to what does the Path arise? (It arises due to Nibbana, Sir). It arises precisely because you see the cessation of suffering. (True, Sir). Are you certain that it arises because of seeing the cessation of suffering? (We are certain, Sir).

ဒီကသာ အဆုံးနိဗ္ဗာန်ဟာ ဒုက္ခတွေချုပ်မပြသေးပါဘူး ဆိုလို့ရှိရင် ဒီမဂ်ပေါ်ပါ့မလား (မပေါ်ပါ ဘုရား) ရှင်းပြီလား (ရှင်းပါပြီ ဘုရား)။

If the ultimate Nibbana does not reveal the cessation of suffering, would this Path (Magga) arise? (It would not, Sir). Is that clear? (Yes, it is, Sir).

ဒါဖြင့် မဂ်သည် ဒကာ ဒကာမတို့ ဘာကိုမြင်သတုံးမေးရင် အဆုံးကိုမြင်တယ် (မှန်ပါ့ ဘုရား) သဘောကျပြီလား (ကျပါပြီ ဘုရား)။

Therefore, Yogis, if asked what the Path sees, the answer is: it sees the cessation. (True, Sir). Do you grasp the meaning? (Yes, we do, Sir).

အဲ အဆုံးကိုမြင်လို့သာလျှင် ဒါတွေက သေတာ (မှန်ပါ့) အဆုံးကိုမမြင်ရင် သူက မဂ်ကိုမဟုတ်သေးလို့ မဂ်အစစ် မဟုတ်သေးဘူး၊ ဒါတွေ ကောင်းကောင်းကို မသေသေးဘူး (မှန်ပါ့) ရိပ်မိပြီလား (ရိပ်မိပါပြီ ဘုရား)။

Only by seeing the ultimate cessation are the defilements eradicated. (True, Sir). If you do not see the cessation, it is not yet the genuine Path. And without the genuine Path, the defilements are not utterly eradicated. (True, Sir). Do you see it? (Yes, we do, Sir).

ဒါဖြင့် အဆုံးကိုမြင်မှ ဘာဖြစ်သတုံး (ဝဋ်ကျွတ်ပါတယ် ဘုရား) အဆုံးမြင်မှ ဝဋ်ကျွတ်တယ်ဆိုတော့ အဆုံးကြောင့် ကျွတ်တာဘဲ (မှန်ပါ့) အဆုံးဆိုတာ ဘာသစ္စာပါလိမ့် (နိရောဓသစ္စာပါ ဘုရား) အဲ နိဗ္ဗာန်ကြောင့်ဖြစ်တယ် (မှန်ပါ့) ရိပ်မိပြီလား (ရိပ်မိပါပြီ ဘုရား)။

So, what happens when you see the cessation? (We are liberated from the rounds of Samsara, Sir). Since liberation happens only upon seeing the cessation, liberation occurs precisely because of the cessation. (True, Sir). What Truth is this cessation? (It is the Truth of Cessation, Nirodha Sacca, Sir). Exactly, it happens due to Nibbana. (True, Sir). Do you see it? (Yes, we do, Sir).

နိဗ္ဗာန်မြင်ရလို့ မဂ်ပေါ်တယ်

နိဗ္ဗာန်မြင်ရလို့ မဂ်ပေါ်တယ်၊ ဒါကြောင့် နိဗ္ဗာန်ကြောင့်ဖြစ်တယ် (မှန်ပါ့) နိဗ္ဗာန်မမြင်ရသေးရင် ဒီမဂ်ကို မဖြစ်ဘူး ဖြစ်ပါ့မလား (မဖြစ်ပါ ဘုရား) နိဗ္ဗာန်မမြင်ရသေးဘဲနဲ့ ဒီဝဋ်ကျွတ်ချင်လို့ (မရပါ ဘုရား)။

The Path arises because Nibbana is seen; thus, it happens due to Nibbana. (True, Sir). If Nibbana is not yet seen, this Path will not arise. Could it arise? (It could not, Sir). Without seeing Nibbana, could you ever be liberated from Samsara? (We could not, Sir).

ဒါဖြင့် ဒီမဂ်ဟာ နိဗ္ဗာန်အကြောင်းရင်းခံပြီး ပေါ်လာတယ်၊ ဒါကြောင့် ဒကာ ဒကာမတို့ နိဗ္ဗာန်မြင်မှ ဝဋ်ကျွတ်တယ် (မှန်ပါ့)။

Therefore, this Path arises with Nibbana as its fundamental cause. That is why, Yogis, you are liberated from the rounds of Samsara only when you see Nibbana. (True, Sir).

ဒါကြောင့် နိရောဓဿ နိဿရဏဋ္ဌော၊ နိရောဓဿ = နိဗ္ဗာန်ဆိုတဲ့ နိရောဓသစ္စာ၏၊ နိဿရဏဋ္ဌော၊ ဝဋ်သုံးပါး ကျွတ်ခြင်း လက္ခဏာသဘောသည်လည်းကောင်း (မှန်ပါ့) ရိပ်မိပြီလား (ရိပ်မိပါပြီ ဘုရား)။

Hence the Pali phrase: Nirodhassa nissaraṇattho. Nirodhassa means the Truth of Cessation (Nirodha Sacca), which is Nibbana. Nissaraṇattho means the characteristic of profound liberation from the three rounds of Samsara. (True, Sir). Do you see it? (Yes, we do, Sir).

ဒါကြောင့် နိရောဓဿ နိဿရဏဋ္ဌော (မှန်ပါ့) သူ့ကြောင့် မဂ်ပေါ်တယ်၊ မဂ်ပေါ်လို့ ဒါတွေဘာဖြစ်ရသတုံး (ကျွတ်လွတ်ပါတယ် ဘုရား) ဒီဝဋ်တွေ ပေါ်သေးရဲ့လား (မပေါ်ပါ) ကိလေသဝဋ်ကော ပေါ်နိုင်သေးရဲ့လား (မပေါ်နိုင်ပါ ဘုရား) ဝိပါကဝဋ် (မပေါ်နိုင်ပါ ဘုရား) ဘယ့်နှယ့်ကြောင့် မပေါ်နိုင်ပါလိမ့် နိဗ္ဗာန်ကြောင့် (မှန်ပါ့) သဘောကျပြီလား (ကျပါပြီ ဘုရား)။

This is the meaning of Nirodhassa nissaraṇattho. (True, Sir). Because of Nibbana, the Path arises. When the Path arises, what happens? (We are completely liberated, Sir). Do these rounds of Samsara (Vattas) still arise? (They do not). Can the Round of Defilements (Kilesa-vatta) still arise? (It cannot, Sir). What about the Round of Results (Vipaka-vatta)? (It cannot, Sir). Why can they no longer arise? Simply because of Nibbana. (True, Sir). Do you grasp the meaning? (Yes, we do, Sir).

ဒါဖြင့် နိဗ္ဗာန်သည်ကားလို့ဆိုလု့ိရှိရင်ဖြင့် ဒကာ ဒကာမတို့ နိဗ္ဗာန်ကိုလဲ မဂ်က မြင်ပါရော ဝဋ်သုံးပါး ကျွတ်သွားရော ရှင်းပြီလား (ရှင်းပါပြီ ဘုရား)။

Therefore, Yogis, the moment the Path sees Nibbana, you are instantly liberated from the three rounds of Samsara. Is that clear? (Yes, it is, Sir).

ဒါဖြင့် နိဗ္ဗာန်မြင်တဲ့အချိန်နဲ့ ဝဋ်ကျွတ်တဲ့အချိန်နဲ့ ဒကာ ဒကာမတို့ တပြိုင်နက်လို့မှတ်ပါ (မှန်ပါ့) နိဗ္ဗာန်လဲပေါ်ရော ဝဋ်တွေလည်းမရှိဘူး (မှန်ပါ့) ဒါဖြင့် ဝဋ်ကျွတ်ရာနိဗ္ဗာန် (မှန်ပါ့)။

Mark this, Yogis: the moment you see Nibbana and the moment you are liberated from Samsara occur simultaneously. (True, Sir). The instant Nibbana appears, the rounds of Samsara cease to exist. (True, Sir). Thus, Nibbana is the ultimate liberation from Samsara. (True, Sir).

နိဗ္ဗာန်မြင်လိုက်ရင် ဝဋ်တွေက (ကျွတ်ပါတယ် ဘုရား) ကိလေသဝဋ်ကလဲကျွတ်၊ အဆုံးမဂ်နဲ့ မြင်တဲ့အချိန်မှာ ဝမ်းထဲမှာ အနုသယသဘောနဲ့ကို မရှိပါဘူး (မှန်ပါ) ကိလေသာကမှ အနုသယသဘောနဲ့ကို မရှိပါဘူး (မှန်ပါ့)။

When you see Nibbana, the rounds of Samsara are— (Liberated, Sir). Yes, the Round of Defilements (Kilesa-vatta) is broken. When you see it with the final Path Knowledge, not even a trace of latent tendency (Anusaya) remains within you. (True). The defilements do not exist even in a dormant state. (True, Sir).

နိဗ္ဗာန်မြင်တဲ့အချိန်မှာ ဝဋ်ကျွတ်ပြီ

ကိလေသာမှ အနုသယသဘောနဲ့ ဝမ်းထဲမှာ ကိန်းတဲ့အောင်းတဲ့သဘောမှ မရှိလို့ရှိရင် ကမ္မဝဋ်ကော (မရှိပါ ဘုရား) ဝိပါကဝဋ်ကော (ကျွတ်ပါတယ် ဘုရား) ဒါဖြင့် နိဗ္ဗာန်မြင်တဲ့အချိန်မှာ ဝဋ်ကျွတ်ပြီ (မှန်လှပါ ဘုရား)။

If defilements do not exist within you even as dormant latent tendencies, what about the Round of Kamma (Kamma-vatta)? (It ceases to exist, Sir). And the Round of Results (Vipaka-vatta)? (We are liberated from it, Sir). Therefore, the moment you see Nibbana, you are liberated from Samsara! (Very true, Sir).

ဒါဖြင့် နိဗ္ဗာန်သည် ဝဋ်သုံးပါးကျွတ်ခြင်း သဘောသတ္တိရှိတယ်၊ သဘောကျပြီလား (ကျပါပြီ ဘုရား) နိဗ္ဗာန်ကိုလဲ 'ဖျက်' ကနဲ မြင်လိုက်ပါကရော ဒကာ ဒကာမတို့ ဒီဝဋ်တွေ ဘယ့်နှယ့်နေသတုံး (ကျွတ်ပါတယ် ဘုရား)။

So, Nibbana possesses the intrinsic power of liberation from the three rounds of Samsara. Do you grasp the meaning? (Yes, we do, Sir). Yogis, the very instant Nibbana flashes into your realization, what happens to these rounds of Samsara? (We are liberated from them, Sir).

ဒါဖြင့် နိဗ္ဗာန်မြင်တဲ့အချိန်နဲ့ ဝဋ်ကျွတ်တဲ့အချိန်နဲ့ ဘယ်သူရှေး ဘယ်သူနောက်ကျသတုံး (တချိန်တည်းပါ ဘုရား) ဒါကြောင့် နိဗ္ဗာန်ဟာ ဝဋ်ကျွတ်တယ်ဆိုတာ သဘောကျပြီလား (ကျပါပြီ ဘုရား) ဒါဖြင့် ဒုက္ခအဆုံး မြင်တဲ့ ပုဂ္ဂိုလ်မှာ ဝဋ်ကျွတ် ပါတယ် (မှန်ပါ့) ဒုက္ခအဆုံးမမြင်သေးရင် (ဝဋ်မကျွတ်သေးပါ ဘုရား)။

Then, between the moment of seeing Nibbana and the moment of liberation, which comes first and which comes later? (They happen at the exact same time, Sir). Therefore, do you understand that Nibbana means complete liberation from Samsara? (Yes, we do, Sir). Indeed, a person who sees the cessation of suffering is liberated from Samsara. (True, Sir). If one has not yet seen the cessation of suffering? (They are not yet liberated, Sir).

ဒါကြောင့် ခင်ဗျားတို့ ဖြစ်ပျက်မြင်အောင်ကြည့်လို့ ဆရာဘုန်းကြီးကပြောလိုက်တယ် (မှန်ပါ့)။

That is precisely why I instruct you to observe until you clearly discern the arising and passing away. (True, Sir).

နောက်တစ်ခါ ဒုတိယအဆင့် ဖြစ်ပျက်မုန်းအောင် (ကြည့်ရပါမယ် ဘုရား) ဖြစ်ပျက်ဆုံးအောင်ကြည့်ပါ (မှန်ပါ့ ဘုရား) ဖြစ်ပျက်အဆုံးတော့ ဘာပါလိမ့် (နိဗ္ဗာန်ပါ ဘုရား)။

Next, as the second stage, what must you do? (We must observe until we feel disgust for the arising and passing away, Sir). Then, observe until the arising and passing away completely ceases. (True, Sir). What is the cessation of arising and passing away? (It is Nibbana, Sir).

အဲ့ဒါမြင်တော့ ဘာကျေးဇူးရှိသတုံး (ဝဋ်ကျွတ်ပါတယ် ဘုရား) ဝဋ်ကျွတ်ခြင်းကျေးဇူးရှိတယ် (မှန်ပါ့) သဘောကျပြီလား (ကျပါပြီ ဘုရား)။

What is the profound benefit of seeing it? (We are liberated from Samsara, Sir). The benefit is true liberation from the cycle of rebirths. (True, Sir). Do you grasp the meaning? (Yes, we do, Sir).

ဒါဖြင့် နိဗ္ဗာန်မြင်တာနဲ့ ဒကာ ဒကာမတွေ ဘယ်သူရှေး ဘယ်သူနောက်တုံး (တပြိုင်တည်းပါ ဘုရား) နိဗ္ဗာန်မှာ ဝဋ်ကိုမရှိဘူးဆိုတာ ပေါ်လာတယ် (ပေါ်လာပါတယ် ဘုရား) တပြိုင်နက် ကျွတ်သွားတယ်ဆိုတော့ နိဗ္ဗာန်ကတော့ရှိတယ် ဝဋ်က ရှာတွေ့သေးရဲ့လား (မတွေ့ပါ ဘုရား)။

So, Yogis, regarding seeing Nibbana and achieving liberation, which comes first? (They are simultaneous, Sir). It becomes utterly clear that there is no Samsara in Nibbana. (It does, Sir). Since liberation is instantaneous, Nibbana exists, but can you still find any trace of Samsara? (We cannot, Sir).

ဝဋ်ကျွတ်ရာကိုမြင်တာပဲ

”နိဗ္ဗာနံ မဂ္ဂဿ အာရမ္မဏပစ္စယေန ပစ္စယော” လို့ ပဋ္ဌာန်းပါဠိတော်မှာ ဟောတော်မူတယ်နော် (မှန်ပါ့)။

In the Patthana Pali text, the Buddha declared: "Nibbānaṃ maggassa ārammaṇapaccayena paccayo"—"Nibbana is related to the Path by way of Object Condition." (True, Sir).

အဲ့ဒီတော့ နိဗ္ဗာန်မြင်တဲ့ ပုဂ္ဂိုလ်ဟာဖြင့် ဝဋ်ကျွတ်ရာကိုမြင်တာပဲ (မှန်ပါ့) ဒါဖြင့် နိဗ္ဗာန်ဘယ်လက္ခဏာရှိတုံးမေးရင် ဝဋ်မှ ငြိမ်းအေးခြင်း လက္ခဏာရှိတယ် (မှန်ပါ့)။

Therefore, the person who sees Nibbana is seeing the state of complete liberation from Samsara. (True, Sir). If asked what characteristic Nibbana possesses, the answer is: it has the characteristic of supreme peace and liberation from the cycle of suffering. (True, Sir).

နိဗ္ဗာန် ဘယ်လက္ခဏာရှိတုန်း (ဒုက္ခဝဋ် ငြိမ်းအေးခြင်း လက္ခဏာရှိပါတယ် ဘုရား) ဒုက္ခဝဋ်မှ ငြိမ်းအေးခြင်း လက္ခဏာ ရှိတယ် (မှန်ပါ့)။

What characteristic does Nibbana possess? (It possesses the characteristic of supreme peace from the cycle of suffering, Sir). Yes, it has the characteristic of supreme peace and liberation from the cycle of suffering. (True, Sir).

ဒါဖြင့် ဒုက္ခဝဋ်မှ ကျွတ်တာဘာခေါ်ကြမယ် (နိဗ္ဗာန်ပါ ဘုရား) ဒုက္ခဝဋ်မှကျွတ်ရာကို မြင်တဲ့ မဂ်ဉာဏ်လဲပေါ်ပါရော ဒကာ ဒကာမတို့ ကိလေသာဝဋ်တွေလည်း ကျွတ်သွားတယ်၊ ကမ္မဝဋ်တွေ (ကျွတ်ပါတယ် ဘုရား) ဝိပါကဝဋ်ကော (ကျွတ်ပါတယ် ဘုရား) သူ့မဂ်အားလျော်စွာ အချိုးကျ ကျွတ်သွားတယ် (မှန်ပါ့) မကျွတ်ပေဘူးလား (ကျွတ်ပါတယ် ဘုရား)။

So, what do we call liberation from the cycle of suffering? (It is Nibbana, Sir). Yogis, the moment the Path Knowledge that sees liberation from the cycle of suffering arises, you are freed from the Round of Defilements (Kilesa-vatta). What about the Round of Kamma? (We are freed from it, Sir). And the Round of Results (Vipaka-vatta)? (We are freed from it, Sir). You are liberated proportionately according to the specific stage of Path Knowledge attained. (True, Sir). Are you not completely freed? (We are, Sir).

ငြိမ်းအေးခြင်းလက္ခဏာ

ဒါဖြင့် နိဗ္ဗာန်သည် ဘယ်လက္ခဏာရှိပါလိမ့် (ဒုက္ခဝဋ်မှ ငြိမ်းအေးခြင်းလက္ခဏာ ရှိပါတယ် ဘုရား) ဝဋ်သုံးပါးမှ ကျွတ်ခြင်း ငြိမ်းအေးခြင်း လက္ခဏာရှိတယ်ဆိုတာ မပေါ်သေးဘူးလား (ပေါ်ပါပြီ ဘုရား)။

Therefore, what characteristic does Nibbana possess? (It possesses the characteristic of supreme peace from the cycle of suffering, Sir). Is it not profoundly clear now that it has the characteristic of peace and liberation from the three rounds of Samsara? (It is clear, Sir).

ဒါဖြင့် နိဗ္ဗာန်ရောက်ချင်ရင် အခုဆရာဘုန်းကြီးက လမ်းစဉ်ပေးလိုက်ပါပြီ (မှန်ပါ့) ပထမစိတ်ရှုလဲ စိတ်ဖြစ်ပျက်မြင် အောင်ရှု၊ ဒုတိယ စိတ်ဖြစ်ပျက်မုန်းအောင်ရှု (မှန်ပါ့ ဘုရား) နောက် တတိယအဆင့်အနေနဲ့ စိတ်ဖြစ်ပျက်ဆုံးအောင် ရှုလိုက် လို့ရှိရင်ဖြင့် ဘာတွေ့သတုံး (နိဗ္ဗာန်တွေ့ပါတယ် ဘုရား)။

If you wish to attain Nibbana, I have now laid out the path for you. (True, Sir). First, watch and observe the mind until you clearly see its arising and passing away. Second, observe until you feel utter disgust for this arising and passing away. (True, Sir). Then, as the third stage, if you observe until the arising and passing away of the mind completely ceases, what will you find? (We will find Nibbana, Sir).

နိဗ္ဗာန်တွေ့တော့ နိဗ္ဗာန်လဲတွေ့ပါရော ဝဋ်တွေကလည်း ကျွတ်ကုန်ပါရော (မှန်ပါ့) ဒါဖြင့် နိဗ္ဗာန်မှာ ဘာမရှိသတုံး ဆိုတော့ ဝဋ်မရှိဘူး (မှန်ပါ့ ဘုရား) ကိလေသာကော ရှိသေးရဲ့လား (မရှိပါ ဘုရား) ဒါဖြင့် ကိလေသာမရှိအောင် အေးမှာပဲ (မှန်ပါ့ ဘုရား) ဒါကြောင့် နိဗ္ဗာန်သည် သန္တိလက္ခဏာ ရှိတယ် (မှန်ပါ့)။

The moment you find Nibbana, you are completely liberated from the rounds of Samsara. (True, Sir). Thus, what is absent in Nibbana? The rounds of Samsara are absent. (True, Sir). Are there any defilements left? (No, Sir). Since there are no defilements, there is absolute cool peace. (True, Sir). That is why Nibbana possesses the characteristic of Supreme Peace (Santi-lakkhana). (True, Sir).

ကိလေသာနဲ့ မဆက်သွယ်တဲ့အတွက် မအေးဘူးလား (အေးပါတယ် ဘုရား) ဒါကြောင့် သန္တိလက္ခဏာ ငြိမ်းအေးခြင်း လက္ခဏာရှိတယ်၊ ဝဋ်ကျွတ်၍ ငြိမ်းအေးခြင်း လက္ခဏာရှိတယ် (မှန်ပါ့)။

Because there is no connection to defilements, is it not supremely cool and peaceful? (It is, Sir). Therefore, it has Santi-lakkhana, the characteristic of absolute peace. It is the peace of being completely liberated from Samsara. (True, Sir).

နိဗ္ဗာန်မှာ ဘယ်လက္ခဏာရှိတုန်း (သန္တိလက္ခဏာ ရှိပါတယ် ဘုရား) ရှိမှာပေါ့ဗျ။

What characteristic does Nibbana possess? (It possesses Santi-lakkhana, Sir). Indeed, it must!

ကိလေသဝဋ် ရှိသေးရဲ့လား (မရှိပါ ဘုရား) ကိလေသာ အပူဓာတ် အလောင်ဓာတ်တွေရှိသေးရဲ့လား (မရှိပါ ဘုရား) ကမ္မဝဋ်ဆိုတဲ့ ဗျာပါရတွေကော ရှိသေးရဲ့ လား (မရှိပါ ဘုရား) ဝိပါကဝဋ်ဆိုတဲ့ ဒုက္ခတွေကော (မရှိပါ ဘုရား) အေး ဒါကြောင့် နိဗ္ဗာန်သည် ငြိမ်းအေးတာတစ်ခုပဲရှိတယ် (မှန်ပါ့)။

Does the Round of Defilements still exist? (It does not, Sir). Do the burning, scorching elements of defilement still exist? (They do not, Sir). Are there any bustling activities of the Round of Kamma left? (No, Sir). What about the sufferings of the Round of Results? (They do not exist, Sir). Exactly! That is why Nibbana is nothing but pure, supreme peace. (True, Sir).

ငြိမ်းအေးတာက ဘာသစ္စာတုံး

အေး ဒါဖြင့် ငြိမ်းအေးတာက ဘာသစ္စာတုံး (နိရောဓသစ္စာပါ ဘုရား) ငြိမ်းအေးတာကို မြင်တာက (မဂ္ဂသစ္စာပါ ဘုရား) အပူတွေချုပ်တာက သမုဒယသေတာ (မှန်ပါ့) သဘောကျပြီလား (ကျပါပြီ ဘုရား) အပူတွေချုပ်တဲ့အတွက် အပူလောင်စာတွေ ပါ ငြိမ်းသွားတာက နိရောဓသစ္စာ (မှန်ပါ့) ရိပ်မိပြီလား (ရိပ်မိပါပြီ ဘုရား)။

Then, what Truth (Sacca) is this supreme peace? (It is the Truth of Cessation, Nirodha Sacca, Sir). And the mind that sees this supreme peace? (It is the Truth of the Path, Magga Sacca, Sir). The cessation of all the burning heat means the Origin of Suffering (Samudaya) has been eradicated. (True, Sir). Do you grasp the meaning? (Yes, we do, Sir). Because the burning heat has utterly ceased, the extinguishing of all fuel for suffering is the Truth of Cessation (Nirodha Sacca). (True, Sir). Do you see it clearly? (Yes, we do, Sir).

ကဲ ယနေ့ ဒီတွင် တော်ကြဦးစို့။

သာဓု သာဓု သာဓု။

Well, let us stop here for today. Sadhu! Sadhu! Sadhu!