တရားတော်

book-12410

ခန္ဓာပေါ်၌ ပေါ်လာတိုင်း သတိနှင့် လိုက်ပါ

မာတိကာသို့

ခန္ဓာပေါ်၌ ပေါ်လာတိုင်း သတိနှင့် လိုက်ပါ

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

မိုးကုတ်မြို့ မင်္ဂလာရိပ်သာဓမ္မာရုံကြီးပေါ်တွင်

ဟောကြားဆုံးမတော်မူအပ်သော

Delivered by the Most Venerable Agga Maha Pandita Mogok Sayadaw At the Mingalar Yeiktha Dhamma Hall, Mogok The Three Guest Sensations: Follow Mindfully Whatever Arises in the Aggregates Evening Meditation Instruction (16-5-62)

ဧည့်သည်ဝေဒနာသုံးပါး

ခန္ဓာပေါ်၌ ပေါ်လာတိုင်း သတိနှင့် လိုက်ပါ

ညအလုပ်ပေးတရားတော်

(၁၆-၅-၆၂)

ဒိဋ္ဌိပြုတ်လို့ရှိရင်လဲ သောတာပန်

သုတဝါ အရိယသာဝကောဖြစ်မှ ဒိဋ္ဌိပြုတ်တယ် (မှန်ပါ့)၊ ဒိဋ္ဌိပြုတ်လို့ရှိရင်လဲ သောတာပန် တည်တာပဲလို့ ဒကာ ဒကာမတွေ မှတ်ထားပါ (မှန်ပါ့ ဘုရား)။

Wrong View (Diṭṭhi) is eradicated only when one becomes a Sutavā ariyasāvako (a well-instructed noble disciple). (True, Sir). Yogis, mark this: if Wrong View is eradicated, you become a Stream-Enterer (Sotapanna). (Yes, Sir).

ဒိဋ္ဌိပြုတ်အောင် ဒကာ ဒကာမတွေ ကြိုးစားကြရမယ်ဆိုရင်ဖြင့် တဏှာတော့ ကျန်မှာပဲ (မှန်ပါ့)၊ ကျန်ပင် ကျန်ငြားသော်လဲ အပါယ်ကျတဲ့ တဏှာမရှိတော့ပါဘူး၊ အပါယ်ကျတဲ့ မာနလဲ (မရှိပါ ဘုရား)။

If you Yogis strive to eradicate Wrong View, Craving (Taṇhā) will still remain. (True, Sir). Even though it remains, the kind of craving that leads to the lower realms (Apāya) will no longer exist. Will there be conceit (Māna) that leads to the lower realms? (No, Sir).

ဪ ဒါဖြင့် ဒိဋ္ဌိနဲ့ရောပြီးပါသွားကြလို့ပဲ (မှန်ပါ့)၊ ဒိဋ္ဌိထဲမှာ တစ်ခါတည်း ဒကာ ဒကာမတို့ အပါယ်ကျစေတတ် တဲ့ တဏှာ၊ အပါယ် ကျစေတတ်တဲ့ မာနရောပါသွားတယ် (မှန်ပါ့ ဘုရား)။

This is because they disappeared along with Wrong View. (True, Sir). Yogis, the craving and conceit that drag you down to the lower realms are completely swept away along with Wrong View. (Yes, Sir).

ဒါကြောင့် ဘုန်းကြီးတို့ ဒကာ ဒကာမတွေမှာ ဒိဋ္ဌိကိုသာ အရေးတကြီး ဖြုတ်ကြပါဆိုတဲ့ ဥစ္စာကိုလဲ သတိ ပေးရတယ် (မှန်ပါ့ ဘုရား)။

Therefore, I must urgently remind you Yogis to make the eradication of Wrong View your top priority. (Yes, Sir).

အဲဒီတော့ ဒိဋ္ဌိဖြုတ်ချင်လို့ရှိရင် ဘာလုပ်ရမလဲလို့ မေးတဲ့အခါကျတော့ သုတဝါလဲရှိရမယ် (မှန်ပါ့)၊ အရိယသာဝကောလဲရှိရမယ် (မှန်ပါ့ ဘုရား)။

So, if you ask what you must do to eradicate Wrong View, you must possess Sutavā (being well-instructed) and you must be an Ariyasāvako (a noble disciple). (Yes, Sir).

ဘုရားက ဒီဥစ္စာကို ဘယ်ပါဠိတော်မဆို ဒိဋ္ဌိခန်းနဲ့ ပတ်သက်လာလို့ရှိရင် “သုတဝါအရိယသာဝကော-သုတဝါ အရိယသာဝကော” လို့ ဒကာကြွယ် အလွန်ဟောလေ့ရှိတယ် (မှန်ပါ့)။

In any Pali text regarding the chapter on Wrong View, the Buddha frequently preached, "Sutavā ariyasāvako, Sutavā ariyasāvako," Daka Kywe. (True, Sir).

ပညာနားနဲ့ ကြားဖူးမှတဲ့

သုတဝါ-ပညာနဲ့ကြားဖူးခြင်းရှိသော ဒိဋ္ဌိဖြုတ်နည်းကို ပညာနားနဲ့ ကြားဖူးမှတဲ့ (မှန်ပါ့)၊ ပကတိနားနဲ့ ကြားလို့ မရဘူး (မှန်ပါ့ ဘုရား)။

Sutavā means having heard with wisdom. You must hear the method of eradicating Wrong View with the ear of wisdom. (True, Sir). Hearing it with your normal physical ear is not enough. (Yes, Sir).

ဒါဖြင့် ဘယ်နားနဲ့ကြားရမလဲ (ပညာနားနဲ့ကြားရပါမယ်)၊ ပညာနားနဲ့ ကြားဖူးမှတဲ့၊ ရိပ်မိပလား (ရိပ်မိပါပြီ ဘုရား)။

Then, with which ear must you hear? (We must hear with the ear of wisdom, Sir). Only when you have heard it with the ear of wisdom. Do you grasp the meaning? (Yes, we do, Sir).

ဒါဖြင့် ကျုပ်တို့လို့ အခု ကြားနေတဲ့နားက အလကားနား (မှန်ပါ့)၊ အလကားနားဖြစ်နေတယ် (မှန်ပါ့)၊ သုတဝါ ပညာနားနဲ့ ကြားဖူုးခြင်းရှိသောတဲ့၊ အရိယသာဝကော-အရိယာတို့၏ တရားကို မှတ်သားကျင့်ကြံသောတဲ့၊ သာဝကဆိုပေမယ့် တပည့်ရိုးရိုးပါ ဆိုပေမယ့်လဲ မဖြစ်သေးဘူးတဲ့ (မှန်ပါ့)၊ အရိယ သာဝကော-အရိယာတို့၏ တရားကို မှတ်သားလေ့ကျင့်လေ့ရှိသော၊ ဪ အရိယာတို့၏ တရားကိုလဲ ကိုယ်က ကျင့်ကြံတဲ့တပည့်ဖြစ်ရဦးမယ် (မှန်ပါ့ ဘုရား)။

If so, the ear we are using to hear right now is useless. (True, Sir). It is a useless ear. (True, Sir). Sutavā means having heard with the ear of wisdom. Ariyasāvako means one who notes and practices the Dhamma of the Noble Ones (Ariyas). Just being an ordinary disciple (Sāvako) is not enough. (True, Sir). Ariyasāvako means one who habitually notes and practices the teachings of the Noble Ones. Indeed, you must be a disciple who actively practices the Dhamma of the Noble Ones. (Yes, Sir).

ဒါဖြင့် အရိယာတို့ဟောတဲ့တရားကို ပညာနားနဲ့ကြားဖူးတာကတော့ ၁ နံပါတ် (မှန်ပါ့)၊ ကြားဖူးတဲ့အတိုင်း ကျင့်ကြံကြိုးကုတ်ရမှာကလဲ တစ်ချက် (မှန်ပါ့ ဘုရား)။

Therefore, hearing the Dhamma preached by the Noble Ones with the ear of wisdom is number one. (True, Sir). Striving to practice exactly as you have heard is the second point. (Yes, Sir).

ဤနှစ်ချက်ရှိလို့ရှိရင်

ဤနှစ်ချက်ရှိလို့ရှိရင် ဒကာ ဒကာမတို့ အပါယ်လေးပါး တံခါးပိတ်စေနိုင်တဲ့ ဒိဋ္ဌိဖြုတ်နည်း နိဿရည်းဟာဖြင့် ဒကာကြွယ် ပူစရာမရှိပါဘူး (မှန်ပါ့ ဘုရား)။

Yogis, if these two points are present, you do not need to worry about the method of eradicating Wrong View that closes the doors to the four lower realms, Daka Kywe. (Yes, Sir).

ဒါဖြင့် အရေးကြီးတာက ဘာပါလိမ့်မတုံး၊ သုတဝါ ပညာနားနဲ့ ကြားဖူးသောဆိုတာ အရေးကြီးတယ် (မှန်ပါ့ ဘုရား)။

So, what is the crucial thing? Having heard with the ear of wisdom (Sutavā) is crucial. (Yes, Sir).

ကောင်းပြီ၊ ဒါဖြင့် ဒီနေ့ဖြင့် ပညာနဲ့ကြားဖူးအောင်လဲ ဆရာဘုန်းကြီးက ဒကာ ဒကာမတွေကို သယ်ယူပို့ ဆောင်လိမ့်မယ်လို့ မှတ်တာပေါ့ (မှန်ပါ့ ဘုရား)။

Very well. Rest assured that today, I will guide you Yogis so that you can hear with wisdom. (Yes, Sir).

ခင်ဗျားတို့က “အရိယသာဝကော-အရိယာတို့၏ တရားကို မှတ်သားကျင့်ကြံလေ့ရှိသော” ဆိုတဲ့အတိုင်း ခင်ဗျားတို့က မှတ်သားကျင့်ကြံဖို့ပဲ (မှန်ပါ့)၊ ဘုန်းကြီးက ကြားဖူးအောင် ခင်ဗျားတို့ကို သယ်ယူပို့ဆောင်မယ်ဆိုတာ မှတ်လိုက်တာပေါ့ (မှန်ပါ့ ဘုရား)။

As for you, in accordance with Ariyasāvako—one who notes and practices the Dhamma of the Noble Ones—your job is simply to note and practice. (True, Sir). Understand that I will guide you so that you truly hear it. (Yes, Sir).

ဒါဖြင့် ဘုန်းကြီးတာဝန်က ၁ နံပါတ်၊ ဒကာ ဒကာမတွေ တာဝန်က ၂ နံပါတ်ဆိုတာ ဒကာကြွယ်မှတ်ထားပါ (မှန်ပါ့ ဘုရား)။

Thus, point number one is my responsibility, and point number two is the responsibility of the Yogis. Mark this, Daka Kywe. (Yes, Sir).

မကြားဖူးတာကို ကြားဖူးအောင် ဒကာ ဒကာမတွေကိုပြောမှုက ဘုန်းကြီးတာဝန် (မှန်ပါ့)၊ အရိယသာဝကော-အရိယာတို့၏ စကားကို မှတ်သားကျင့်ကြံလေ့ရှိသောဆိုတဲ့ဥစ္စာ မှတ်သားပြီး ကျင့်ရမည့်အလုပ်က ခင်ဗျားတို့ အလုပ်ပေါ့ဗျာ (မှန်ပါ့ ဘုရား)။

Explaining to you Yogis so that you hear what you have never heard before is my responsibility. (True, Sir). To note and practice the words of the Noble Ones, as meant by Ariyasāvako, is your job. (Yes, Sir).

ကြားဖူးဖို့အလုပ်က ဆရာသမားအလုပ်၊ ကျင့်ကြံဖို့ အလုပ်က ဒကာ ဒကာမတွေအလုပ် (မှန်ပါ့)၊ ဒီနှစ်ခုတွဲမိလို့ ရှိရင်ဖြင့် ဒကာ ဒကာမတို့ ဘာမှ ပူစရာမရှိပါဘူး၊ သောတာပတ္တိမဂ်ဆိုတာသည် မခဲယဉ်းတဲ့ အလုပ်ပဲ၊ ဒီနှစ်ခု ပြည့်စုံဖို့သာ အရေးကြီးတယ်ဆိုတာကို ဒကာသစ်တို့ ဦးမာဒင်တို့ မှတ်ရလိမ့်မယ် (မှန်ပါ့ ဘုရား)။

Helping you hear it is the teacher's job; practicing it is the Yogis' job. (True, Sir). When these two are combined, Yogis, you have nothing to worry about. Attaining the Path of Stream-Entry (Sotāpatti Magga) is not a difficult task. The only crucial thing is for these two to be fulfilled. Note this well, Daka Thit and U Ma Din. (Yes, Sir).

ငရဲမျိုးစေ့တွေ ရှိနေတယ်

ကိုင်း ဂရုစိုက်ပြီး သကာလ ဪ-ငါတို့ဝမ်းထဲမှာ ငရဲမျိုးစေ့တွေ ရှိနေတာလဲ သိကြပြီ (သိကြပါပြီ)၊ ငရဲမျိုးစေ့က ဒါနပေးလှူပြီးပယ်လို့လဲမရဘူး (မှန်ပါ့ ဘုရား)။

Now, pay close attention. You already know that the seeds of hell exist within you. (Yes, we know). These seeds of hell cannot be removed merely by giving charity (Dāna). (True, Sir).

သီလဆောက်တည်ပြီး ငရဲမျိုးစေ့ ပယ်ပါမယ်ဆိုလို့လဲ (မရပါ)၊ သမထတွေ အားထုတ်ပြီး ပယ်လိုက်မယ် ဆိုရင်ကော (မရပါ)၊ မရဘူးတဲ့ သူက ဘယ်လိုတုံးလို့ မေးတဲ့အခါကျလို့ရှိရင် ဒကာ ဒကာမတွေ ဒိဋ္ဌာနုသယလို့ ဘုရားက ဟောမယ် (မှန်ပါ့)၊ ဒိဋ္ဌိလဲ ဖြစ်တယ်ကွ၊ အနုသယလဲဖြစ်တယ်ကွ (မှန်ပါ့)။

Can you remove them by observing morality (Sīla)? (No, Sir). Can you remove them by practicing concentration (Samatha)? (No, Sir). It cannot be done. If you ask what this seed is, the Buddha calls it Latent Wrong View (Diṭṭhānusaya). (True, Sir). It is both Wrong View (Diṭṭhi) and a latent tendency (Anusaya). (True, Sir).

အနုသယဆိုတာက ဒကာ ဒကာမတို့ ပြိုင်ဘက်ပေါ်လာတာမဟုတ်ပါဘူး (မှန်ပါ့)၊ သူ့ဟာသူ ဒကာ ဒကာမတွေသန္တာန်၌ အကြောင်းတိုက်ဆိုင်ရင် ပေါ်လာနိုင်တာကို အနုသယလို့ ခေါ်တယ် (မှန်ပါ့)။

Latent tendency (Anusaya), Yogis, does not just appear randomly out of nowhere. (True, Sir). It is called a latent tendency because it has the potential to arise within your mind whenever the right conditions are met. (True, Sir).

မဂ်နဲ့မပယ်သေးသရွေ့ အကြောင်းတိုက်ဆိုင်တိုင်း ဆတ်ခနဲ ဆတ်ခနဲ ပေါ်လာနိုင်တယ် (မှန်ပါ့)၊ ဒါကို ဘာခေါ်ကြမယ် (အနုသယပါ ဘုရား)။

As long as you have not eradicated it with Insight (Vipassanā) Knowledge, it will abruptly flare up every time the conditions are right. (True, Sir). What do we call this? (Anusaya, Sir).

အဲဒီ အနုသယကိုတော့ဖြင့် ဒကာ ဒကာမတို့ ကိုယ့်ကတော့ဖြင့် မရှိဘူုးထင်တာပဲ၊ စင်စစ်အားဖြင့်တော့ မဂ်နဲ့မပယ်သေးရင် ရှိနေသေးတယ်လို့ မှတ်ပါ (မှန်ပါ့)။

You Yogis might think you don't have this Anusaya. In reality, mark this: if you haven't eradicated it with Insight Knowledge, it is still there. (True, Sir).

မဂ်နဲ့မပယ်သေးရင် (ရှိနေသေးတယ်လို့ မှတ်ရပါမယ်)၊ ရှိနေသေးတယ်လို့ ဒကာသစ်တို့ ဦးမာဒင်တို့ မှတ်ထားပါ (မှန်ပါ့)။

If not eradicated by Insight Knowledge? (We must note that it is still there, Sir). Note that it is still there, Daka Thit and U Ma Din. (True, Sir).

ဒါဖြင့် ဥပမာမယ် ကိုယ့်သားကလေးတွေ၊ သမီးကလေးတွေ ကြည့်လိုက်တဲ့အခါ ဒါတွေ လိုနေတယ်၊ ဟာ ဒါ ကျွန်တော့်သားကလေးပဲ၊ ဒါက ဘယ်သူတုံး ကျွန်တော့်သမီး ကလေးပဲ၊ ပြောရုံပြောတာတော့ အရေးမကြီးဘူး (မှန်လှပါ ဘုရား)။

For example, when you look at your sons and daughters, you see what they need and think, "Ah, this is my son. Who is this? This is my daughter." Just saying it casually doesn't matter much. (True, Sir).

တကယ်ထင်နေလို့ရှိရင် ဒါဟာ ငါပဲ၊ ငါ့ဥစ္စာကလေးတွေပဲလို့ ထင်နေလို့ရှိရင်တော့ ဒါ အကြောင်းမရှိရင်တော့ ကျုပ်က သားတွေ သမီးတွေလဲ ဥပေက္ခာထားတာပါပဲ ပြောလိုက်တယ် (မှန်ပါ့)။

But if you truly believe in it—if you strongly hold the view, "This is 'I', these are 'Mine'"—then when there are no triggering conditions, you might say, "I am detached from my sons and daughters." (True, Sir).

အကြောင်းရှိလာတဲ့အခါ သားကလေးက မျက်နှာညိုတာ၊ သမီးကလေးက မျက်စိ မျက်နှာ မကောင်းပြီ ဆိုမှဖြင့် ငါ့ဟာကလေးတွေ ဘာဖြစ်ပါလိမ့် (မှန်ပါ့)၊ အကြောင်းရှိမှ ငါ့ဟာ ကလေးတွေ ဘာဖြစ်ပါလိမ့်မတဲ့ (မှန်ပါ့)။

However, when a condition arises—say, your son looks gloomy or your daughter looks unwell—you immediately fret, "Oh, what is happening to my children?" (True, Sir). Only when the condition arises do you worry, "What is happening to my kids?" (True, Sir).

ဒါဖြင့် အကြောင်းမရှိတဲ့အခါမှာတော့ ဥပေက္ခာသဘောနဲ့ ငုပ်နေတာပဲ (မှန်ပါ့)၊ အကြောင်းရှိတဲ့အခါကျတော့ ဒကာ ဒကာမတွေ အင်း ငါ့ဟာ ကလေးတွေ ဘာဖြစ်ပါလိမ့်မတုန်း၊ သူတို့က ဖြစ်တာက နည်းနည်း၊ ငါက ဖြစ်တာများများ (မှန်ပါ့)၊ ဒီလိုကော မရှိကြဘူးလား (ရှိပါတယ် ဘုရား)။

Therefore, when there are no conditions, it lies dormant with a sense of indifference. (True, Sir). But when a condition strikes, you Yogis worry, "What is wrong with my children?" They might be suffering only a little, but your mental suffering is massive. (True, Sir). Doesn't this happen to you? (It does, Sir).

အကြောင်းရှိမှ ပေါ်လာတာဟာ အနုသယ

အဲဒီလို ရှိတာတွေထောက်တော့ ဪ အကြောင်းရှိမှ ပေါ်လာတာဟာ အနုသယခေါ်ပါကလား (မှန်ပါ့)။

Considering these facts, you realize: Ah, that which arises only when conditions are met is called Anusaya! (True, Sir).

ဘယ်လိုမှတ်ကြမယ် (အကြောင်းရှိမှ ပေါ်လာတာဟာ အနုသယပါ ဘုရား)၊ အကြောင်းရှိမှပေါ်လာတာ အနုသယလို့ မှတ်ပါ့ (မှန်ပါ့)။

How should you remember it? (What arises due to conditions is Anusaya, Sir). Remember that what arises due to conditions is Anusaya. (True, Sir).

”အနုသေတိ အနုရူပံ ကာရံ လဘိတွာ ဥပ္ပဇ္ဇတိ” လို့ ဆိုသောကြောင့် လျောက်ပတ်သော အကြောင်းရမှ သူကပေါ်လာတယ် (မှန်ပါ့)၊ လျောက်ပတ်သော အကြောင်းမရသေးရင် (မပေါ်ပါ ဘုရား)။

Because it is said, "Anuseti anurūpaṃ kāraṇaṃ labhitvā uppajjati," it surfaces only when the appropriate cause is present. (True, Sir). If the appropriate cause is not yet present? (It does not arise, Sir).

ကျုပ်တို့တော့ဖြင့် သောတာပန်ကိစ္စတော့ဖြင့် ပြီးနေပြီလို့ ကိုယ့်ဟာ ကိုယ် စိတ်ချပြီးမနေနဲ့ (မှန်ပါ့)၊ အကြောင်းရှိလို့ ပေါ်လာမယ်ဆိုလို့ရှိရင် ဟာ မဟုတ်သေးပါကလားဆိုတော့ အဲဒီကျမှ ကပျာသုတ်သက် ရုတ်တရက် အလုပ်လုပ်ပါဦးမယ်ဆိုတော့ အချိန်နောက်ကျသွားမှာလဲ စိုးရတယ် (မှန်ပ့ါ)၊ မစိုးရိမ်ရဘူးလား (စိုးရိမ်ရပါတယ် ဘုရား)။

Do not be complacent and falsely assure yourself, "My task of becoming a Stream-Enterer is complete." (True, Sir). If it flares up when a condition arises, and you realize, "Oh, I am not there yet," and only then do you frantically rush to practice, I worry it will be too late. (True, Sir). Shouldn't you be worried? (We should be, Sir).

အဲဒါကြောင့် ကိုယ့်ဟာကိုယ် ရှင်းအောင် ဒကာ ဒကာမတွေ သုတဝါ၊ အရိယာတို့၏ တရားကို ကြားဖူးသော ပညာနားနဲ့ကြားဖူးမှတဲ့ (မှန်ပါ့)။

That is why, to make it clear for yourselves, Yogis, you must be Sutavā—you must hear the Dhamma of the Noble Ones with the ear of wisdom. (True, Sir).

အရိယာတို့၏ တရားက (ပညာနားနဲ့ကြားဖူးမှပါ ဘုရား)၊ ဘုရား သခင်ကိုယ်တော်မြတ်ကြီးဟာ အရိယာအစစ် ပါပဲ (မှန်လှပါ)၊ အဲ သူဟောထားတဲ့တရားကို ခင်ဗျားတို့ ပကတိနားနဲ့ မကြားဘဲနဲ့ ပညာနားနဲ့ ကြားမှ ကိုက်မယ် (မှန်ပါ့)။

The Dhamma of the Noble Ones... (Must be heard with the ear of wisdom, Sir). The fully enlightened Buddha was the supreme Noble One. (True, Sir). You must hear the Dhamma He preached not with your physical ear, but with the ear of wisdom for it to be effective. (True, Sir).

ဒကာကြွယ် ဘာနားအရေးကြီးသလဲ (ပညာနား အရေးကြီးပါတယ် ဘုရား)။

Daka Kywe, which ear is crucial? (The ear of wisdom is crucial, Sir).

ကျုပ် ဘုန်းကြီးဟောတာ ကြားပါတယ်ဗျဆိုပေမယ့် မပြီးသေးဘူး (မှန်ပါ့)၊ ဒါက ပကတိနားနဲ့ကြားတာ (မှန်ပ့ါ ဘုရား)။

Simply saying, "I hear what the monk is preaching," is not enough. (True, Sir). That is just hearing with the physical ear. (Yes, Sir).

ပညာနားနဲ့ကြားမှုဆိုတာ

ပညာနားနဲ့ကြားမှုဆိုတာ ဪ တို့ခန္ဓာကိုယ်ထဲမှာ အသက်ကလေးရှိနေတယ်လို့ ထင်နေတယ်၊ ငါကလေး ရှိတယ်လို့ ထင်တယ်၊ ဒီအသက်ကလေး မပြုတန်သေးလို့ ဒီအထင်ကလေးရှိနေသေးလို့ရှိရင်ဖြင့် ပညာနားနဲ့ကြားဖူးတာ မဟုတ်သေးပါဘူး (မှန်ပါ့)။

Hearing with the ear of wisdom means this: you currently believe there is a "soul" inside your body; you believe there is an "I." If you still hold onto the idea that this "soul" has not yet perished, if this assumption still lingers, then you have not yet heard with the ear of wisdom. (True, Sir).

ပညာနားနဲ့ (ကြားဖူးတာမဟုတ်ပါ)၊ ကြားဖူးတာ မဟုတ်သေးဘူးလို့ ဒကာ ဒကာမတွေက မှတ်ထားပါ (မှန်ပါ့)။

With the ear of wisdom... (We haven't heard it, Sir). Yogis, note that you have not yet truly heard it. (True, Sir).

အသက်ကလေး မထွက်နိုင်သေးတဲ့၊ ဒါ ပညာနားနဲ့မကြားဖူးသေးဘူးဆိုမှ မရှိဘဲ(မှန်ပါ့) ဝိညာဏ်ကလေး မချုပ်သေး ဘူးဆိုရင် မှန်သေးတယ် (မှန်ပါ့)။

If you think, "The soul cannot leave yet," it proves you haven't heard it with wisdom, because there is no such thing! (True, Sir). If you say, "Consciousness (Viññāṇa) has not yet ceased," that would be correct. (True, Sir).

ကိုင်း ဒါဖြင့် သုတဝါ-ပညာနားနဲ့ကြားဖူးခြင်းရှိသော၊ အရိယ သာဝကော-အရိယာတို့၏ တရားကို မှတ်သား ကျင့်ကြံလေ့ရှိသော ပုဂ္ဂိုလ်သည်ဆိုသောကြောင့် ဒါ ဒိဋ္ဌိပြုတ်တဲ့ပုဂ္ဂိုလ်မှ ပညာနားနဲ့ကြားပြီး သကာလ ပညာနဲ့ဒီဒိဋ္ဌိကို ပယ်မှသာလျှင် ဒကာ ဒကာမတို့ အပါယ်တံခါး ပိတ်ပါတယ် (မှန်ပါ့ ဘုရား)။

Well then, since it says Sutavā (one who has heard with the ear of wisdom) and Ariyasāvako (one who notes and practices the Dhamma of the Noble Ones), only a person who eradicates Wrong View by hearing with the ear of wisdom and discarding this view through insight will close the doors to the lower realms. (Yes, Sir).

ကြားတော့ ဘာနဲ့ကြားရမလဲ (ပညာနားနဲ့ကြားရပါမယ်)၊ ပညာ နားနဲ့ကြားရမယ်ဆိုတာ သဘောကျပလား (ကျပါပြီ ဘုရား)။

When you hear, with what must you hear? (We must hear with the ear of wisdom, Sir). Are you convinced that you must hear with the ear of wisdom? (Yes, we are, Sir).

ကိုင်း-ဒါဖြင့် ပြောကြပါစို့တဲ့ ဒကာ ဒကာမတို့ ဘုရားသခင်ကိုယ်တော်မြတ်ကြီးက သံယုတ်ပါဠိတော်မှာ အနတ္တလက္ခဏာသုတ်ဆိုပြီး ဟောလိုက်ပါတယ် (မှန်ပါ့)။

Let us move forward, Yogis. In the Saṃyutta Nikāya, the Buddha preached the Anattalakkhaṇa Sutta. (True, Sir).

ငြီးငွေ့လာတယ်နော်

”ရူပ ဘိက္ခဝေ အနတ္တံ၊ ဝေဒနာ အနတ္တာ သညာ အနတ္တာ၊ သင်္ခါရာ အနတ္တာ ဝိညာဏံ အနတ္တာ၊ ဧဝံ ပဿံ ဘိက္ခဝေ သုတဝါ အရိယသာဝကော” ဤကဲ့သို့ ပညာနားနဲ့ ကြားပြီးအရိယာတို့၏စကားကို လိုက်နာမှတ်သားပြီး ကျင့်တဲ့ပုဂ္ဂိုလ်သည် ရူပသ္မိမ္ပိ-ရုပ်၌လည်း နိဗ္ဗိန္ဒတိ-ငြီးငွေ့၏။ ဝေဒနာယပိ-ဝေဒနာ၌လည်း၊ နိဗ္ဗိန္ဒိ-ဪ ငြီးငွေ့လာတယ် (မှန်ပါ့ ဘုရား)။

"Rūpaṃ bhikkhave anattā, Vedanā anattā, Saññā anattā, Saṅkhārā anattā, Viññāṇaṃ anattā. Evaṃ passaṃ bhikkhave sutavā ariyasāvako." A person who hears with the ear of wisdom like this, who follows, notes, and practices the words of the Noble Ones, Rūpasmimpi—becomes disgusted with form (Rupa). Nibbindati—feels disgust. Vedanāyapi—with feeling (Vedanā) too. Nibbindati—ah, they become disgusted! (Yes, Sir).

ဝေဒနာကို ငြီးငွေ့လာတယ်နော်၊ ဝေဒနာရှုရင်း ရှုရင်း ဒကာသစ် ဘာဖြစ်လာသတုံး (ငြီးငွေ့လာပါတယ် ဘုရား)။

You become disgusted by feelings, right? As you watch and observe feelings continuously, Daka Thit, what happens? (We become disgusted, Sir).

ဝေဒနာကလေးတွေကို ငြီးငွေ့တာလဲ သံဝေဂ ငြီးငွေ့တာတစ်မျိုး၊ ဝိပဿနာဉာဏ်နဲ့ ငြီးငွေ့တာတစ်မျိုး (မှန်ပါ့)။

However, becoming disgusted by feelings can be of two types: disgust born of spiritual urgency (Saṃvega) and disgust born of Insight (Vipassanā) Knowledge. (True, Sir).

သံဝေဂငြီးငွေ့တယ်ဆိုတာ ဪ ဒီအနာကြီးတွေက အမြဲနှိပ်စက်နေပြီးတော့ ခန္ဓာကိုယ်ကြီးဟာ ကြောက်စရာ ကြီးပါလား၊ ခန္ဓာရတဲ့အဖြစ်ကြီးဟာ ဝေဒနာကလဲ နှိပ်စက်လိုက်တာ လွန်းလို့ ကြောက်စရာကြီးပါလား လို့ဆိုတာ သံဝေဂငြီးငွေ့တာ (မှန်ပါ့)၊ ဒါနဲ့ မဂ်နဲ့မဆိုင်သေးဘူး (မှန်ပါ့ ဘုရား)။

Disgust from Saṃvega means thinking, "Oh, these diseases constantly torment me. This body is terrifying! Having a body is dreadful because the pain tortures me so much." This is Saṃvega disgust. (True, Sir). This has nothing to do with the Path Knowledge (Magga Ñāṇa) yet. (Yes, Sir).

ဒါ သံဝေဂဉာဏ်နဲ့ငြီးငွေ့တာ

တပည့်တော်တို့ဖြင့် ငြီးငွေ့လှပါပြီဘုရား၊ ဟိုကနာ၊ ဒီကအောင့်နဲ့ ဘယ်လိုထားလို့မှ မရမှန်းသိလို့ ငြီးငွေ့လှပါ ပြီဆိုတဲ့ အဓိပ္ပာယ်ကဖြင့် ဒါ သံဝေဂဉာဏ်နဲ့ငြီးငွေ့တာ (မှန်ပါ့ ဘုရား)။

If you say, "I am so sick of this, Sir. Pain here, aching there. I know I cannot find a comfortable position, so I am completely disgusted"—this means you are disgusted through Saṃvega knowledge. (Yes, Sir).

ဝိပဿနာဉာဏ်နဲ့ ငြီးငွေ့တာက ဒီ ငြီးငွေ့နည်းမဟုတ်ဘူး (မှန်ပါ့ ဘုရား)၊ ဒီခန္ဓာကြီးဟာ ဝေဒနာက္ခန္ဓာကြီး ဝေဒနာတွေချည်းပဲ လှည့်ပေါ်နေတယ်၊ လှည့်ပေါ်နေတော့ ဝေဒနာတွေ ကြည့်လိုက်ပြန်လဲ မပေါ်ပါနဲ့ဆိုလို့လဲ မရဘူး၊ မပျောက်ပါနဲ့ဆိုလို့လဲ မရဘူး၊ ဝေဒနာတွေ ပေါ်လိုက်၊ ပျောက်လိုက်၊ ဝေဒနာတွေ ပေါ်လိုက်၊ ပျောက်လိုက် ဒါတွေချည်းမြင်ပြီး သကာလ နာလို့ငြီးငွေ့တာမဟုတ်ဘူး၊ ဝေဒနာတွေဟာ များလွန်းလို့ ပေါ်လိုက် ပျောက်လိုက်၊ ပေါ်လိုက် ပျောက်လိုက်နေတာကို ငြီးငွေ့တာမှ ဝိပဿနာ နိဗ္ဗိန္ဒဉာဏ် (မှန်ပ့ါ)။

Disgust from Insight (Vipassanā) Knowledge is not like that. (Yes, Sir). You realize this body is just the Aggregate of Feeling (Vedanā Khandha). Feelings just keep arising in rotation. When you observe these feelings, you cannot command them not to arise, nor can you command them not to pass away. Feelings arise and pass away; they arise and pass away. Seeing only this, you become disgusted—not because of the physical pain, but because of the relentless, overwhelming process of arising and passing away. That is the true Insight Knowledge of Disgust (Vipassanā Nibbinda Ñāṇa). (True, Sir).

ဝေဒနာနှိပ်စက်လို့ငြီးငွေ့တာကတော့ သံဝေဂဉာဏ်လို့မှတ်လိုက် (မှန်ပါ့)။

Note that being disgusted because the pain is tormenting you is just Saṃvega knowledge. (True, Sir).

ဒါဟာ ဒကာ ဒကာမတွေ ရှုပ်ပြီးနေမှာစိုးလို့ ဘုန်းကြီးကရှင်းပေးတယ် (မှန်လှပါ ဘုရား)။

I am clarifying this so that you Yogis do not get confused. (Yes, Sir).

တစ်ချို့ ဒကာ ဒကာမတွေက ဒကာကြွယ် ဝေဒနာတွေက အမြဲကပ်ပြီး သကာလ လေနာ၊ ရင်နာတွေက ထပ်ပြီး သကာလ နေတော့ ဪ ဒီခန္ဓာကြီးတော့ဘုရား ရကိုမရချင်ဘူးဘုရား၊ နှိပ်စက်တာ လွန်လို့ပဲ ဘုရားတဲ့ (မှန်ပါ့)။

Some Yogis, Daka Kywe, who are constantly afflicted with gastric pains and chest pains, say, "Oh, Sir, I don't want this body at all anymore! The torment is too much." (True, Sir).

အင်း ဒီဝေဒနာ၏ ဖြစ်ပျက်မြင်သလား သူ့ဟာသူ ဒီဝေဒနာခံစားနေရတာကို မပျော်မွေ့တာလားလို့မေးရင် ဒကာသစ် ဘယ့်နှယ်ဖြေမလဲ (ဒီဝေဒနာ ခံစားနေရတာကို မပျော်မွေ့တာပါ ဘုရား)။

Well, if I ask whether they are seeing the Arising and Passing Away of feelings, or if they are simply unhappy about experiencing the pain, Daka Thit, how would you answer? (They are just unhappy about experiencing the pain, Sir).

အဲဒါ သံဝေဂခေါ်တယ် (မှန်ပါ့ ဘုရား)၊ ဝိပဿနာဉာဏ်နဲ့ မဆိုင်သေးဘူး (မှန်ပါ့)။

That is called Saṃvega. (Yes, Sir). It has nothing to do with Insight Knowledge yet. (True, Sir).

ဒါကို ဘယ့်နှယ်ခေါ်ကြမလဲ (သံဝေဂပါ ဘုရား)၊ အဲဒီသံဝေဂကိုလဲ ဒကာ ဒကာမတွေက မသိတော့ ဉာဏ်တက် တာလို့ အောက်မေ့တယ် (မှန်ပါ့)။

What should we call this? (Saṃvega, Sir). Because you Yogis don't understand this Saṃvega, you mistakenly think your insight knowledge is progressing. (True, Sir).

မဟုတ်သေးပါဘူးတဲ့၊ ဒါဉာဏ်တက်တာ မဟုတ်သေးပါဘူး (မှန်ပါ့)၊ ဒါက လူမပြောပါနဲ့၊ တိရစ္ဆာန်တောင် သိတာပဲ (မှန်ပါ့)။

It is not so. Your insight is not progressing yet. (True, Sir). You don't even need to talk about humans; even animals know this! (True, Sir).

ဒါ ဉာဏ်ဟုတ်ပါ့မလား ၊ တိရစ္ဆာန်ဆိုတော့ ဉာဏ်ပါသေးရဲ့လား၊ (မပါပါ ဘုရား)၊ အဲ့ ဉာဏ်မပါတဲ့ တိရစ္ဆာန် တောင် သိနေတဲ့ဥစ္စာ ဒါသံဝေဂလို့ခေါ်တယ် (မှန်ပါ့)။

Can this be called Insight Knowledge? Do animals possess Insight Knowledge? (No, Sir). Even animals devoid of insight know this pain. This is just called Saṃvega. (True, Sir).

ဒကာကြွယ် မှတ်မိပြီ (မှတ်မိပါပြီ ဘုရား)၊ နာလွန်း၊ ကျင်လွန်း၊ ကိုက်လွန်း၊ ခဲလွန်းလို့ ဆေးသမားနဲ့ ဝါးသမားနဲ့ မပြတ်ရလို့ ဒီခန္ဓာကြီးဖြင့် ဒီဝေဒနာတွေဖြင့် တပည့်တော် စက်ဆုပ်ပါပြီဘုရား၊ ဒကာကြွယ် ဘာထင်သတုံး ဒီဥစ္စာ (သံဝေဂပါ ဘုရား)။

Daka Kywe, do you remember? (I remember, Sir). "It hurts so much, aches so much, throbs so much! I am constantly running to doctors and healers. I am completely repulsed by this body and these pains, Sir." Daka Kywe, what do you think this is? (It is Saṃvega, Sir).

သံဝေဂ ထိတ်လန့်တဲ့ဉာဏ်ပဲ ရှိတယ်တဲ့၊ သဘောကျပလား (ကျပါပြီ ဘုရား)။

It is merely the knowledge of fear and dismay (Saṃvega). Do you grasp the meaning? (Yes, we do, Sir).

ဒါက ဘာတုံး (သံဝေဂပါ)၊ ထိတ်လန့်တာ၊ ဒီခန္ဓာကြီးနဲ့နေရတာ ထိတ်လန့်တယ် (မှန်ပါ့)၊ ထိတ်လန့်တဲ့ ဉာဏ်ပဲရှိပြီး သကာလ နေသောကြောင့် “သံဝေဂေါတိ ဩတ္တပ္ပဉာဏံ” ဆိုတဲ့အတိုင်း ထိတ်လန့်တဲ့ ဉာဏ်လောက်နဲ့တော့ မရသေးဘူး မုန်းဉာဏ်မှ အဖိုးတန်တယ် (မှန်ပါ့)၊ သဘောကျပလား (ကျပါပြီ ဘုရား)။

What is this? (It is Saṃvega). It is fear. Being terrified of living with this body. (True, Sir). Because it is merely the knowledge of fear, as stated in "Saṃvegoti ottappañāṇaṃ," just the knowledge of fear is not enough. Only the Knowledge of Disgust (Nibbinda Ñāṇa) is truly valuable. (True, Sir). Do you grasp the meaning? (Yes, we do, Sir).

ထိတ်လန့်တဲ့ဉာဏ်လောက်နဲ့ (မရသေးပါ ဘုရား)၊ မုန်းဉာဏ်ဆိုရင် (ရပါပြီ ဘုရား)။

With just the knowledge of fear? (It's not enough yet, Sir). But with the Knowledge of Disgust? (It is sufficient, Sir).

မုန်းဉာဏ်ကတော့

မုန်းဉာဏ်ကတော့ ဝေဒနာတွေက ပေါ်လာတယ်၊ သုခပေါ်လာလဲ အင်း မပေါ်ပါနဲ့ ဆိုလို့မရဘူး (မှန်ပါ့)၊ ပျက်သွားပြန်တော့ကော မပျက်ပါနဲ့ဆိုလို့မရဘူး (မှန်ပါ့)၊ ဒုက္ခကလေးလဲ မပေါ်ပါနဲဆိုလို့ (မရပါ ဘုရား)၊ မပျက်ပါနဲ့ ဆိုလို့ (မရပါ ဘုရား)၊ ဥပေက္ခာ ဝေဒနာကလေးတွေ မပေါ်ပါနဲ့ဆိုလို့ (မရပါ ဘုရား)၊ မပျက်ပါနဲ့ဆိုလို့ (မရပါ ဘုရား)၊ သဘောကျပလား (ကျပါပြီး ဘုရား)။

As for the Knowledge of Disgust: feelings arise. When a pleasant feeling (Sukha) arises, you cannot command it not to arise. (True, Sir). When it passes away, you cannot command it not to pass away. (True, Sir). When a painful feeling (Dukkha) arises, can you command it not to arise? (No, Sir). Can you command it not to pass away? (No, Sir). When neutral feelings (Upekkhā) arise, can you command them not to arise? (No, Sir). Not to pass away? (No, Sir). Do you grasp the meaning? (Yes, we do, Sir).

အဲဒီလို ဖြစ်ပျက်ကို မုန်းလာမှ ဝိပဿနာဉာဏ် (မှန်ပါ့)၊ ဖြစ်ပျက်ကို မုန်းလာမှ (ဝိပဿနာဉာဏ်ပါ ဘုရား)၊ ခုနင်က အရပ်ထဲ သူပြော လူပြောနဲ့ ကိုယ်တွေ့ကလေးနဲ့ ဒီဝေဒနာကလေးတွေ ခုလို ဖြစ်ပျက် မမြင်ဘဲနဲ့ ဒီခန္ဓာကြီးကို မမုန်းဘဲနဲ့နေတာကတော့ဖြင့် ဒကာကြွယ်ရေ ဒါ သံဝေဂဉာဏ်ခေါ်တယ် (မှန်ပါ့)၊ ဝိပဿနာဉာဏ် မဟုတ်သေးပါဘူး (မဟုတ်သေးပါ ဘုရား)၊ သံဝေဂဉာဏ်လောက်က ဝိပဿနာဉာဏ်ကို ကျေးဇူးပြုတဲ့ သဘောသာရှိသေးတယ် (မှန်ပါ့)။

Only when you become disgusted with this process of Arising and Passing Away is it Insight (Vipassanā) Knowledge. (True, Sir). When you become disgusted with the Arising and Passing Away? (It is Insight Knowledge, Sir). Based on what people say in your neighborhood, or through your own minor experiences, if you do not see the Arising and Passing Away of these feelings and do not truly feel disgust towards this body, Daka Kywe, that is just called Saṃvega knowledge. (True, Sir). It is not Insight Knowledge yet. (No, it is not, Sir). Saṃvega knowledge only serves as a supporting condition for Insight Knowledge. (True, Sir).

မင်း ဝိပဿနာအားထုတ်၊ ဝိပဿနာအားထုတ်မှ ဒီခန္ဓာကြီးနဲ့ အိုးစားကွဲပြီး လွတ်ရာနိဗ္ဗာန်ရောက်မယ် ဆိုတာကို အားပေးမှုလောက် ရှိသေးတယ် (မှန်ပါ့)၊ တကယ်ရောက်အောင် ပို့ပေးမှာကတော့ ဝိပဿနာဉာဏ်ကမှ ရောက်အောင် ပို့မှာ (မှန်ပါ့ ဘုရား)။

It merely encourages you: "You must practice Vipassana! Only by practicing Vipassana can you break free from this body and reach the liberation of Nibbana." It only provides that level of motivation. (True, Sir). To actually push you to reach the goal, only Insight Knowledge can deliver you there. (Yes, Sir).

ဒါဖြင့် သံဝေဂဉာဏ်က ဝိပဿနာဉာဏ်ကို “ဥပနိဿယ ပစ္စယော” အားကြီးသော အကြောင်းနဲ့ ကျေးဇူးပြု လိုက်တယ် (မှန်ပါ့ ဘုရား)၊ ပြီးတော့မှ ဝိပဿနာဉာဏ်နဲ့ မုန်းမှ မဂ်ဉာဏ်ကို ကျေးဇူးပြုတယ် (မှန်ပါ့)၊ သဘောပါပလား (ပါပါပြီ ဘုရား)။

Therefore, Saṃvega knowledge supports Insight Knowledge as a powerful driving force (Upanissaya paccayo). (Yes, Sir). And then, only when you are disgusted through Insight Knowledge does it support the arising of Path Knowledge (Magga Ñāṇa). (True, Sir). Do you grasp the meaning? (Yes, we do, Sir).

ဒီနေ့ ဉာဏ်နှစ်ဉာဏ်ကူးသွားတယ်

ဒါဖြင့် ဘုန်းကြီးတို့ ဒကာ ဒကာမတွေ ဒီနေ့ ဉာဏ်နှစ်ဉာဏ်ကူးသွားတယ် (မှန်ပါ့)၊ သံဝေဂဉာဏ်တစ်မျိုး (မှန်ပါ့)၊ ရှင်းပြီးနော် (ရှင်းပါပြီ ဘုရား)၊ ဝိပဿနာဉာဏ်နဲ့ မုန်းတာက (တစ်မျိုးပါ ဘုရား)၊ တစ်မျိုးဆိုတော့ ဪ ဒီလိုပဲ ထူးခြားသေးပါကလားလို့ဆိုတာကို ဒကာကြွယ် သေသေချာချာမှတ်ပါ (မှန်ပါ့)၊ ဦးမာဒင် သေသေချာချာ မှတ်နော် (မှန်ပါ့)။

So, Yogis, today we have transitioned through two kinds of knowledge. (True, Sir). One is Saṃvega knowledge. (True, Sir). Is that clear? (It is clear, Sir). And disgust born of Insight Knowledge is... (Another kind, Sir). Because they are different, you must clearly understand: "Ah, there is a distinct difference between them." Note this very carefully, Daka Kywe. (True, Sir). Note this carefully, U Ma Din. (Yes, Sir).

ကောင်းပြီ ဒါဖြင့် ဒကာ ဒကာမတို့ သုတဝါဆိုတဲ့ဥစ္စာ ဉာဏ်နားနဲ့ အခုပြောတဲ့အတိုင်း ဪ ဒါက သံဝေဂဉာဏ်၊ ဒါက ဝိပဿနာဉာဏ်ဆိုတာ အခု ကြားဖူးသွားပြီ (မှန်ပ့ါ)၊ သဘောကျပလား (ကျပါပြီ ဘုရား)။

Very well. Now, regarding Sutavā—hearing with the ear of wisdom—just as I have explained, you have now heard and realized, "Ah, this is Saṃvega knowledge, and this is Insight Knowledge." (True, Sir). Are you convinced? (Yes, we are, Sir).

ဟာ အခုမှ ကြားဖူးပြန်လို့ရှိရင်လဲ ကိုယ့်ဟာကိုယ် ဘဝင်မြင့်ပြီးတော့ ဒီခန္ဓာကြီးတော့ ဘုရား၊ ယနေ့စွန့်ချင်တာပဲ၊ ဟာ ဘာဖြစ်လို့တုန်း၊ အို အကိုက်အခဲက တယ်ထူတာကိုး၊ ဒါ သံဝေဂပြောတာ ဘာမှမဆိုင်ဘူး (မဆိုင်ပါ ဘုရား)၊ သဘောကျပလား (ကျပါပြီ ဘုရား)။

Now that you have heard it, do not be conceited and say, "Oh Sir, I want to discard this body today!" "Why is that?" "Oh, because the aches and pains are so severe!" That is just speaking from Saṃvega; it has nothing to do with Insight. (It has nothing to do with it, Sir). Do you grasp the meaning? (Yes, we do, Sir).

ဝိပဿနာဉာဏ်အမြင်ဆိုတာကတော့ဖြင့် နာတာ၊ ကျင်တာ၊ ကိုက်တာ၊ ခဲတာ ဒါလောက်မဟုတ်ဘူး (မှန်ပါ့)၊ တားမရဆီးမရ ဖြစ်နေတာကို သူ့ကို မုန်းတယ် (မှန်ပါ့)။

The perspective of Insight (Vipassanā) Knowledge is not merely about pain, numbness, aches, or throbbing. (True, Sir). It is being disgusted by the uncontrollable, unstoppable process of phenomena. (True, Sir).

တားမရ ဆီးမရ ဖြစ်ပျက်နေတာကို (မုန်းပါတယ် ဘုရား)၊ အဲဒါကမှ ဝိပဿနာဉာဏ် (မှန်ပါ့)၊ ရှင်းပလား (ရှင်းပါပြီ ဘုရား)။

Being disgusted by the unstoppable Arising and Passing Away. (Disgusted by it, Sir). Only that is Insight Knowledge. (True, Sir). Is it clear? (It is clear, Sir).

ကောင်းပြီ ဒါဖြင့် ဒကာ ဒကာမတွေမှာ ယနေ့ ဉာဏ်နှစ်ဉာဏ် အထူးကို စောစောကြီးမှတ်ရမယ် (မှန်ပါ့)။

Very well. So today, you Yogis must grasp the distinction between these two knowledges early on. (True, Sir).

ဉာဏ်နှစ်ဉာဏ်အထူးကို (စောစောကြေီးမှတ်ရပါမယ်)၊ စောစောကြီး မှတ်ထားလိုက်ပါဆိုတော့ ကဲ ဒါဖြင့် သုတဝါ အရိယသာဝကော၊ သုတဝါ-ပညာနားနဲ့ ကြားဖူးခြင်းရှိသောဆိုတော့ ခင်ဗျားတို့ ပညာနား ရသွားပြီ (မှန်ပါ့ ဘုရား)။

The distinction between the two knowledges... (Must be grasped early on, Sir). Having grasped it early on, let's return to Sutavā ariyasāvako. Since Sutavā means having heard with the ear of wisdom, you have now gained the ear of wisdom! (Yes, Sir).

ဒါကြောင့် အနတ္တပဲဆိုပြီး

ဪ ဒုက္ခဝေဒနာ ဖြစ်ပျက်နေတာလဲ မဖြစ်ပါနဲ့ဆိုလို့ မရဘူး၊ မပျက်ပါစေနဲ့ဆိုလို့လဲ (မရပါ ဘုရား)။

Ah, painful feelings (Dukkha vedanā) arise and pass away. You cannot command them not to arise, nor can you command them not to pass away. (No, we cannot, Sir).

ဪ ဒါကြောင့် အနတ္တပဲဆိုပြီး သူ့ကို မုန်းလာမှ (မှန်ပါ့)၊ ရှင်းပလား (ရှင်းပါပြီ ဘုရား)။

Only when you realize, "Therefore, this is Non-self (Anatta)," and become disgusted with it will you succeed. (True, Sir). Is it clear? (It is clear, Sir).

သုခဝေဒနာလေးပေါ်လာလဲ မပေါ်ပါနဲ့ဆိုလို့ (မရပါ ဘုရား)၊ မပျက်ပါနဲ့ဆိုလို့ (မရပါ ဘုရား)။

When pleasant feelings (Sukha vedanā) arise, can you command them not to arise? (No, Sir). Not to pass away? (No, Sir).

ဪ ဒီလိုဆိုလို့ရှိရင်ဖြင့် တားမရ ဆီးမရနဲ့ ဒီခန္ဓာကြီးနဲ့ နေရတာကိုး ဆိုတော့ ဒီခန္ဓာကြီး ဖြစ်ပျက်ကိုမြင်ပြီး မုန်းလာမှ ဝိပဿနာဉာဏ်၏ အခြေပါ (မှန်ပါ့)၊ သဘောပါပလား (ပါပါပြီ ဘုရား)။

Ah, if so, you are living with a body that is completely beyond your control! Seeing the Arising and Passing Away in this body and becoming disgusted with it is the foundation of Insight Knowledge. (True, Sir). Do you grasp the meaning? (Yes, we do, Sir).

ဥပေက္ခာဝေဒနာကလေးပေါ်လာလဲ မပေါ်ပါနဲ့ဆိုလို့လဲ မရဘူး၊ မပျက်ပါနဲ့ဆိုလို့လဲ တားလို့ ဆီးလို့မရဘူး (မှန်ပါ့ ဘုရား)၊ ဒါတွေ သိလိုက်တဲ့အခါကျတော့ ဪ ဒီခန္ဓာကြီးဟာ တကယ့်ကို အစိုးရစွာ အလိုပါသော ကိုယ်အတ္တ မဟုတ်ပါလား၊ (မှန်ပါ့) အစိုးရစွာ အလိုပါသော ကိုယ်အတ္တမဟုတ်ဘူး (မှန်ပ့ါ) သဘောကျပလား (ကျပါပြီ ဘုရား)။

When neutral feelings (Upekkhā vedanā) arise, you cannot command them not to arise. You cannot stop or prevent them from passing away. (Yes, Sir). When you realize this, you understand: "Ah, this body is truly not a self (Atta) that I can control or bend to my will!" (True, Sir). It is not a self that you can control or bend to your will. (True, Sir). Do you grasp the meaning? (Yes, we do, Sir).

အစိုးရစွာ ခင်ဗျားတို့က အစိုးရတာ၊ ခင်ဗျားတို့ အလိုပါသော အတ္တမဟုတ်ဘူး၊ ဒါမှ အနတ္တ (မှန်ပါ့)၊ ရှင်းပလား (ရှင်းပါပြီ ဘုရား)။

It is not a self that you can govern or that follows your desires. That is exactly what Anatta means. (True, Sir). Is it clear? (It is clear, Sir).

ခင်ဗျားတို့ အစိုးရသလား (မရပါ ဘုရား)၊ ခင်ဗျားတို့ အလိုလိုက်ကဲ့လား (မလိုက်ပါ ဘုရား)၊ ဒါဖြင့် အစိုးရသော အလိုသို့ပါသော ကိုယ့်အတ္တမဟုတ်ဘူး (မှန်ပါ့)။

Do you have control over it? (No, Sir). Does it comply with your wishes? (No, Sir). Therefore, it is not your own self (Atta) that you can control or bend to your will. (True, Sir).

ကိုယ်လဲ မဟုတ်ဘူးနော် (မဟုတ်ပါ ဘုရား)၊ အတ္တကော (မဟုတ်ပါ ဘုရား) သက်သက်ဖြစ်ပျက်တာ အနတ္တပဲ (မှန်ပါ့ ဘုရား)။

It is not "you," is it? (No, Sir). Is it a "self"? (No, Sir). It is purely the process of Arising and Passing Away—it is Anatta. (Yes, Sir).

ဖြစ်ပျက်အနတ္တကို မုန်းလာမှ

သက်သက် ဘာပါလိမ့် (အနတ္တပါ ဘုရား)၊ အဲဒီ ဖြစ်ပျက်အနတ္တကို မုန်းလာမှ ဪ ဒါကတော့ဖြင့် နိဗ္ဗိန္ဒပါကလားဆိုတာ ဒကာကြွယ် ရှင်းသွားပြီ (ရှင်းသွားပါပြီ ဘုရား)။

What is it purely? (It is Anatta, Sir). Only when you become disgusted with this Anatta process of Arising and Passing Away do you realize, "Ah, this is Nibbinda (Disgust)." Daka Kywe, is it clear now? (It is clear, Sir).

ကဲ ဒါဖြင့် ခင်ဗျားတို့ ပညာနားနဲ့ ဪ ဒီလိုမြင်ပြီး သကာလ အနတ္တပါလားဆိုတာ ဒီသဘောကို ဆိုတာကိုး ဆိုတော့ သုတဝါ-ပညာနားနဲ့ကြားဖူးခြင်းရှိသောဆိုတော့ ဟိုသံဝေဂနဲ့ အခုမြင်တဲ့ မပိုင်လို့ အစိုးမရလို့ ဒကာ ဒကာမတွေမှာ မုန်းလာတာသည် ဒါက ဝိပဿနာ၏ နိဗ္ဗိန္ဒိ (မှန်ပါ့)၊ ရှင်းပြီနော် (ရှင်းပါပြီ ဘုရား)။

Well then, using your ear of wisdom, you see this and realize, "Ah, this is what Anatta means." This fulfills Sutavā—having heard with the ear of wisdom. So, compared to that Saṃvega we discussed earlier, the disgust you Yogis feel now because you see that you have no ownership and no control—that is the Nibbinda of Insight (Vipassanā). (True, Sir). It is clear now, right? (It is clear, Sir).

ဒါ ကြားဖူးကြပလား (ကြားဖူးပါပြီ)၊ အစိုးရစွာ အလိုပါသော ကိုယ်အတ္တမဟုတ်ဘူးလို့ သိတာမှ (နိဗ္ဗိန္ဒပါ) သဘောပါကြပလား (ပါပါပြီ ဘုရား)၊ အစိုးကော ရရဲ့လား (မရပါ)၊ အလိုကော ပါပါရဲ့လား (မပါပါ)၊ ကိုယ့်အတ္တလို့ကော ဆိုနိုင်ရဲ့လား (မဆိုနိုင်ပါ ဘုရား)။

Have you heard this now? (We have heard it). Only knowing that it is not a self that you can control or bend to your will is... (Nibbinda). Do you grasp the meaning? (Yes, we do, Sir). Do you have control? (No). Does it follow your desires? (No). Can you call it your own self? (We cannot, Sir).

အဲ အစိုးရစွာ အလိုပါသော ကိုယ်အတ္တမဟုတ်ဘူးဆိုတာကို ဒီဖြစ်ပျက်ကလေးတွေ ဖြစ်တာလဲ တားမရ၊ ပျက်တာလဲ တားမရ (မှန်ပါ့ ဘုရား)။

Realizing that it is not a self you can control or bend to your will comes from seeing these processes of Arising and Passing Away. You cannot stop them from arising, nor can you stop them from passing away. (Yes, Sir).

ဖြစ်တာလဲ ကန့်ကွက်လို့မရ၊ ပျက်တာလဲ ဆိုင်းပါဦးဆိုလို့မရ (မှန်ပါ့)၊ အဲဒါ ကလေးတွေမြင်ပြီး ငြီးငွေ့ပြီးလာမှ ဦးမာဒင်ရေ နိဗ္ဗိန္ဒ (မှန်ပါ့)၊ သဘောပါကြပလား (ပါ ပါပြီ ဘုရား)။

You cannot object to their arising, and you cannot ask them to pause before passing away. (True, Sir). Only when you see these processes and grow weary of them, U Ma Din, is it true Nibbinda. (True, Sir). Do you grasp the meaning? (Yes, we do, Sir).

ဒါက တရားကို ကောင်းအောင် ဟောတာမဟုတ်ပါလား၊ တရားတက်တာကို ကိုယ်ကိုယ်တိုင်သိဖို့ ဆုံးဖြတ်ချက် ချပေးနေတာပါကလားလို့ သိ (မှန်ပါ့ ဘုရား)။

Realize that I am not just preaching to sound eloquent. I am giving you the criteria so you can personally judge whether your Insight is actually progressing. (Yes, Sir).

တရားတက်တာဆိုတာ

တရားတက်တာဆိုတာ ဪ ဒီဉာဏ်တက်လာတာပဲ (မှန်ပါ့)၊ ရှင်းကြပလား (ရှင်းပါပြီ)၊ ဒီဉာဏ်က ဘာပါလိမ့် (တက်လာပါတယ် ဘုရား)။

When we say one is advancing in the Dhamma, it means this Insight Knowledge is developing. (True, Sir). Is that clear? (Yes, it is, Sir). What is this knowledge doing? (It is arising, Sir).

အဲဒါက သုတဝါ-ပညာနားနဲ့ကြားဖူးလို့ ဒီဆုံးဖြတ်ချက်ချနိုင်တာ (မှန်ပါ့) ပြီးတော့ အရိယသာဝကော-အရိယာတို့၏ တရားကို မှတ်သားကျင့်ကြံတဲ့ ပုဂ္ဂိုလ်မှ ဒီအဓိပ္ပာယ်က ရှင်းသွားတယ် (မှန်ပါ့)၊ သဘောကျပလား (ကျပါပြီ ဘုရား)။

You can make this decision because you have heard it with the ear of wisdom (Sutavā). (True, Sir). Furthermore, the meaning becomes clear only to an Ariya-sāvako—a noble disciple who remembers and practices the teachings of the Noble Ones. (True, Sir). Do you grasp the meaning? (Yes, we do, Sir).

ဒါဖြင့် အားလုံး ဒကာ ဒကာမတွေ ရှေးဦးစွာ သုတဝါဖြစ်ဖို့ အရေးကြီးတယ် (မှန်ပါ့)၊ ပြီးတော့ အရိယသာဝ ကော ဆိုတဲ အရိယာတို့၏ စကားကို မှတ်သားကျင့်ကြံတဲ့ တပည့်လဲ ဖြစ်ရမယ် (မှန်ပါ့)၊ သဘောကျပလား (ကျပါပြီ ဘုရား)။

Therefore, Yogis, it is crucial that you first become a Sutavā—one who has heard the teachings. (True, Sir). Then, you must also be an Ariya-sāvako—a disciple who remembers and practices the words of the Noble Ones. (True, Sir). Do you grasp the meaning? (Yes, we do, Sir).

ဒါဖြင့် ကြားဖူးမှု ၁ နံပါတ်ကို၊ ကျင့်မှု ၂ နံပါတ် (မှန်ပါ့)၊ ကြားဖူးမှုက (၁ နံပါတ်ပါ)၊ ကျင့်မှုက (၂ နံပါတ်ပါ ဘုရား)။

Thus, having heard the teachings is number one, and practicing them is number two. (True, Sir). Having heard the teachings is? (Number one, Sir). And practicing them is? (Number two, Sir).

ကျင့်လိုက်တဲ့အခါမှာလဲတဲ့ ကြားဖူးတဲ့အတိုင်း ဪဖြစ်တာ တားမရ ပျက်တာ တားမရနဲ့ ဘယ်လိုတားလို့မှ မရပါကလား၊ ဒီဖြစ်ပျက် သဘောဟာက ကောင်းတာကလေးပဲ မပျောက်ပါစေနဲ့ဆိုလို့မရဘူး (မရပါ ဘုရား)။

When you practice, you will realize exactly what you have heard: "Ah, arising cannot be stopped, and passing away cannot be stopped. They cannot be prevented at all!" You cannot demand that the arising and passing away of a pleasant thing not disappear. (We cannot, Sir).

ကောင်းတာကလေးပဲ ကောင်းတဲ့သုခဝေဒနာကလေးလဲပေါ်ပျောက် (မှန်ပါ့)၊ ဆိုတဲ့ ဒုက္ခဝေဒနာကလေးလဲ မပေါ်ပါစေနဲ့ဆိုလို့ (မရပါ)၊ မပျောက်ပါစေနဲ့ဆိုလို့ (မရပါ)၊ မရဘူး ၊ ပေါ်တဲ့ ဓမ္မကလေးက ပေါ်ပြီးတော့ ပျောက်ပြန်တာပဲ (မှန်ပါ့ ဘုရား)။

Even a pleasant feeling (Sukha Vedanā) arises and then passes away. (True, Sir). You cannot demand that an unpleasant feeling (Dukkha Vedanā) not arise. (We cannot, Sir). Nor can you demand that it not pass away. (We cannot, Sir). It is impossible. Whatever phenomenon arises, it simply arises and then passes away. (True, Sir).

ဥပေက္ခာဝေဒနာကလေး ဖြစ်လိုက်ပြန်လဲ ဝေဒနာက္ခန္ဓာကိုးဗျ၊ ဖြစ်လိုက် ပေါ်လိုက်ပါပဲ (မှန်ပါ့) အကြောင်းတိုက် ဆိုင်လို့ အာရုံဒွါရ ထိခိုက်ပြန်လဲ ပေါ်လာတယ် (မှန်ပါ့)ဘုရား။

When a neutral feeling (Upekkhā Vedanā) arises, it is also just the Aggregate of Feeling (Vedanākkhandhā). It simply arises and appears. (True, Sir). Whenever there is a cause and an object strikes the sense doors, it arises again. (True, Sir).

အဲဒါပေါ်နေတာကလေးကို ဘာ့ကြောင့် ဒီခန္ဓာကြီး၊ ဟော ဝေဒနာက္ခန္ဓာကြီးလို့ ဆိုလိုက်တယ် (မှန်ပါ့)၊ ဘာ့ကြောင့် ဒီခန္ဓာကြီး သည်ကားလို့ဆိုလို့ရှိရင် အစိုးရစွာအလိုပါတဲ့ ကိုယ်အတ္တမဟုတ်ဘူး(မှန်ပ့ါ ဘုရား)။

Why do we call this arising phenomenon the Aggregate of Feeling (Vedanākkhandhā)? (True, Sir). We call it an aggregate because it is not a self (Atta) that you can control or govern according to your wishes. (True, Sir).

အနတ္တဉာဏ်က အတ္တဒိဋ္ဌိဖြုတ်ချလိုက်တယ်

ဒီလိုဉာဏ်ထဲမှာ ထင်ထင် ထင်ထင် သွားကြလို့ရှိရင်ဖြင့် ဒကာ ဒကာမတို့ ငါတို့ဆိုတဲ့ ဒိဋ္ဌိက အနားကပ်သေးရဲ့ လား (မကပ်ပါ ဘုရား)၊ အနတ္တဉာဏ်က အတ္တဒိဋ္ဌိဖြုတ်ချလိုက်တယ် (မှန်ပါ့ ဘုရား)။

Yogis, if this becomes profoundly clear in your Insight Knowledge, will the Wrong View (Ditthi) of "I" or "We" come anywhere near you? (No, Sir). Insight into Non-Self (Anatta) eradicates the Wrong View of Self (Atta-Ditthi). (True, Sir).

အနတ္တဉာဏ်က (အတ္တဒိဋ္ဌိဖြုတ်ချလိုက်ပါတယ်)၊ အတ္တဒိဋ္ဌိဖြုတ်တယ်ဆိုတာ ဒကာကြွယ် သေချာပေါ့ (မှန်ပါ့ ဘုရား)။

Insight into Anatta does what? (It eradicates Atta-Ditthi, Sir). It is certain that it eradicates Atta-Ditthi, isn't it, Daga Kywe? (Yes, Sir).

ဦးမာဒင်တို့ အနတ္တဉာဏ်က ဘာဖြုတ်သလဲ (အတ္တဒိဋ္ဌိဖြုတ်ပါတယ် ဘုရား)၊ ဪ အတ္တဒိဋ္ဌိဖြုတ်လိုက်တယ် ဆိုတော့ ဒကာသစ် ကျေကျေနပ်နပ် သဘောကျဖို့ပဲ (ကျပါတယ် ဘုရား)။

U Ba Din, what does Insight into Anatta eradicate? (It eradicates Atta-Ditthi, Sir). Ah, since it eradicates Atta-Ditthi, you should be thoroughly satisfied with this, Daga Thit. (We are, Sir).

ဘာ့ကြောင့်တုန်းဆိုတော့ အနတ္တမလာနိုင်တာက အတ္တခံနေလို့ကိုးဗျ (မှန်ပါ့)၊ အခုတော့ အနတ္တကို အစိုးရစွာ အလိုပါတဲ့ ကိုယ့်အတ္တမဟုတ်ဘူးလို့ ဖြစ်မှုကလေးတွေ ပျက်မှုကလေးတွေမြင်လိုက်တဲ့အခါကျတော့ အတ္တဆိုတဲ့ ဥစ္စာခိုင် တယ်၊ မြဲတယ်၊ ယူတဲ့သဘောက အတ္တ(မှန်ပါ့)၊ အဲဒါကလေးက ဦးမာဒင် အနားကပ်နိုင်သေးရဲ့လား (မကပ်နိုင်ပါ ဘုရား)။

Why? Because the realization of Anatta cannot arise as long as the notion of Atta is blocking the way. (True, Sir). Now, when you see the arising and passing away and realize that it is not a manageable self (Atta) that obeys your commands, can that notion of Atta—the belief that things are solid and permanent—come anywhere near you, U Ba Din? (It cannot, Sir).

ဪ ဒါဖြင့် ဒီ အနတ္တသည် အတ္တကို ဖြတ်တောက်တဲ့တရားပဲလို့ ဒကာသစ်ဆိုနိုင်ပြီ (ဆိုနိုင်ပါပြီ ဘုရား)။

And so, Daga Thit, you can now say that this realization of Anatta is the very Dhamma that severs Atta. (Yes, we can, Sir).

အဲဒါ ကိုယ့်ဉာဏ်နဲ့ကိုယ်ကျတော့ ဉာဏ်စိုက်လိုက် (မှန်ပါ့)၊ ဉာဏ်စိုက်လိုက်တော့ ဟိုနေရာကလေးက ဝေဒနာလေးပေါ်လာပြန်၊ ပျောက်သွားပြန် (မှန်ပါ့ ဘုရား)။

When you apply your own insight to this, focus your mind intently. (True, Sir). As you focus, a feeling arises over there and then passes away. (True, Sir).

ဒီနေရာကလေးက ပေါ်လာပြန် ပျောက်သွားပြန်၊ ဟိုနေရာ ကလေးက ပေါ်လာပြန်ပျောက်သွားပြန် (မှန်ပါ့)၊ ဪ အစိုးရစွာ အလိုပါသော ကိုယ်အတ္တမဟုတ်ဆိုတာ ဒါတွေကိုး (မှန်ပါ့ ဘုရား)။

Another feeling arises here and passes away. Another one arises there and passes away. (True, Sir). Then you realize, "Ah, these are indeed not a self (Atta) that I can govern or control!" (True, Sir).

လက်ရိုက်ရိုး ဥပမာ

ဒါတွေကိုးလို့ ဉာဏ်ထဲမှာ ရှင်းရှင်း ရှင်းရှင်းသွားလို့ရှိရင်ဖြင့် အတ္တဒိဋ္ဌိဟာ မနေ့က ပြောတဲ့ လက်ရိုက်လိုပဲ (မှန်ပါ့)၊ လက်ရိုက်ဟာ ရိုက်ပါများတော့ လက်ချောင်းရာတွေ အရိုးမှာထင်လာတယ် (မှန်ပါ့)၊ ဘယ့်နှယ်ကြောင့် ထင်ပါလိမ့်မတုန်းမေးတော့ လက်ကစားလို့ဘုရား (မှန်ပါ့ ဘုရား)။

When this becomes crystal clear in your Insight Knowledge, the eradication of Atta-Ditthi is just like the metaphor of the axe handle I mentioned yesterday. (True, Sir). When you swing an axe repeatedly, the marks of your fingers wear into the handle. (True, Sir). If someone asks why those marks appear, it is because the friction of the hand wears down the wood. (True, Sir).

လက်က စားတာနဲ့ လက်ရိုက်ရိုးမှာ ဒကာ ဒကာမတို့ လက်ချောင်းရာ လက်မရာတွေ ဘယ့်နှယ်တုန်း (ထင်ပါတယ်)၊ မစားဘဲနဲ့ မထင်ဘူး၊ စားလို့ထင်တာ (မှန်ပါ့ ဘုရား)။

Yogis, as the hand wears it down, what happens to the axe handle? The marks of the fingers and thumb appear. (They appear, Sir). They do not appear without being worn down; they appear because of the wearing down. (True, Sir).

ဒီမှာလဲ ခင်ဗျားတို့ အတ္တဒိဋ္ဌိဘဝများစွာ သံသရာကပါလာတဲ့ လက်ရိုက်ရိုးပင်ကိုအချောဟာ အနတ္တဆိုတဲ့ ဉာဏ်ကလေးနဲ့ ခဏ ခဏ နှလုံးသွင်းလိုက်တော့ သူဟာပါးပါး ပါးပါးသွားတယ် (မှန်ပါ့)၊ ဒကာ ဒကာမတွေ ကြာတော့ သုံးမဖြစ်အောင် ဖြစ်တယ် (မှန်ပါ့)၊ အတ္တဒိဋ္ဌိဝင် မဖြစ်အောင် ဖြစ်တယ် (မှန်ပါ့ ဘုရား)။

In the same way, the smooth handle of Atta-Ditthi that you have carried along throughout countless lives in Samsara gets worn down. As you repeatedly apply the insight of Anatta, it gradually wears thinner and thinner. (True, Sir). Over time, Yogis, it becomes completely worn out. (True, Sir). It reaches the point where Atta-Ditthi can no longer enter. (True, Sir).

ဒါ့ကြောင့် ကြပ်ကြပ်ရှုပေးပါ ပါးပါးလိမ့်မယ်ဆိုတာ လက်ရိုက်ရိုးဥပမာနဲ့ ဝါသိဇဋသုတ်ဆိုပြီး ခန္ဓဝဂ္ဂသံယုတ်မှာ သေသေချာချာဟောတယ် (မှန်ပါ့ ဘုရား)။

That is why the Buddha taught: "Watch and observe diligently; it will wear down." This is explicitly explained using the metaphor of the axe handle in the Vāsijaṭa Sutta of the Khandha Vagga Saṃyutta. (True, Sir).

တရားအားထုတ်တဲ့ယောဂီရဟန်းဟာ တစ်နေ့ ဒိဋ္ဌိဘယ်လောက် ပြုတ်တယ်လို့ မသိဘူး မပြောပြနိုင်ဘူး၊ ကုန်တာကို ကုန်တယ်လို့တော့ သိတယ်၊ ဒီဖြစ်ပျက်ကလေးတွေရှုနေလို့ အစိုးရစွာ အလိုပါသော ကိုယ်အတ္တမဟုတ်ဘူးလို့ သိနေတဲ့ပုဂ္ဂိုလ်ဟာ နေ့တိုင်းပါးနေတယ် (မှန်ပါ့)၊ နေ့တိုင်း အတ္တဒိဋ္ဌိတွေ လျော့လျော့နေတာပဲ (လျော့ပါတယ် ဘုရား) ကဲ ကျေနပ်ပလား (ကျေနပ်ပါပြီ ဘုရား)။

A practicing Yogi or monk cannot measure or state exactly how much Ditthi is eradicated in a single day. But he knows when it is completely exhausted. A person who watches and observes this arising and passing away, realizing that it is not a manageable self (Atta), wears down that wrong view every day. (True, Sir). The Atta-Ditthi diminishes day by day. (It diminishes, Sir). Are you convinced? (Yes, we are, Sir).

ဘုရားကိုက လက်ရိုက်ရိုးဥပမာနဲ့ သေသေချာချာပြတော့ ဒကာသစ်ရေ ကျေနပ်ဖို့ပဲ (မှန်ပါ့)၊ ကျုပ် ဝိပဿနာရှုနေတာ ကြာပြီဗျ၊ ဘာမှလဲ ခရီးက မပေါက်ဘူး၊ ဒီညည်းလုံးလာတယ် (မှန်ပါ့)။

Since the Buddha Himself illustrated this clearly with the metaphor of the axe handle, Daga Thit, you should be completely satisfied. (True, Sir). Yet, some object: "I have been practicing Vipassana for a long time, but I haven't made any progress." Such complaints tend to arise. (True, Sir).

ဒီညည်းလုံး လာတတ်ပါတယ်၊ ဒကာ ဒကာမတို့ (မှန်ပါ့)၊ လက်ရိုက်ရိုးက တစ်နေ့ ဘယ်လောက်စားတယ်လို့ ငါဘုရားတော့ မဟောနိုင်ဘူးကွတဲ့၊ စားတာတော့ အမှန်ပဲ (မှန်ပါ့)၊ ရှင်းပလား (ရှင်းပါပြီ ဘုရား)။

These complaints do arise, Yogis. (True, Sir). The Buddha declared: "I cannot say exactly how much the handle is worn down in a single day, but it is certainly being worn down." (True, Sir). Is that clear? (Yes, it is, Sir).

လက်က လက်ရိုက်ရိုးကို (စားပါတယ်)၊ တစ်နေ့ဘယ်လောက် စားသလဲ (မတွက်နိုင်ပါ ဘုရား)၊ ဒီလိုတော့ မတွက်နိုင်ပါ ဘုရား)၊ ဒီလိုတော့ မတက်နိုင်ဘူးတဲ့ စားတာတော့ အမှန်ပဲ (မှန်ပါ့)။

The hand does what to the axe handle? (It wears it down, Sir). Can you calculate how much it wears down in a day? (We cannot calculate it, Sir). Indeed, it cannot be calculated, but it is certainly being worn down. (True, Sir).

လက်တည်းဟူသော ကြမ်းတမ်းမှုက လက်ရိုက်ရိုးတည်းဟူသော အသားတွေကို တစ်ခါတည်း လက်ကနေပြီး စားစားစားစားသွားတော့ လက်ရိုက်ရိုးသည် လက်ချောင်းရာတွေ၊ လက်မရာတွေ မထင်ပါနဲ့ဆိုလို့ (မရပါ ဘုရား)။

The roughness of the hand continuously wears down the wood of the handle. As it wears down, you cannot prevent the finger and thumb marks from appearing on the handle. (We cannot, Sir).

ဟာ ဒါဖြင့် စားလို့ထင်တာလား၊ မစားလို့ထင်တာလား (စားလို့ ထင်တာပါ ဘုရား)။

So, do they appear because it is worn down, or because it is not worn down? (Because it is worn down, Sir).

အနတ္တမြင်နေတဲ့ ဉာဏ်က

ဒီမှာလဲ လုပ်သာလုပ်ကွတဲ့ ဘုရားက (မှန်ပါ့)၊ လက်ရိုက်ရိုးမှာပဲ မင်း၏ အနတ္တမြင်နေတဲ့ ဉာဏ်က အတ္တဒိဋ္ဌိ တည်းဟူသော လက်ရိုက်ရိုးကိုတော့ နေ့တိုင်းစားနေတာပဲ (မှန်ပါ့ ဘုရား)။

The Buddha advises: "Just keep practicing." (True, Sir). Just as the hand wears down the axe handle, your Insight Knowledge seeing Anatta is wearing down the handle of Atta-Ditthi every single day. (True, Sir).

မင်း မလျှော့နဲ့တဲ့၊ ကြာလျှင် သူလုံးလုံးပြုတ်သွားမယ်တဲ့ဆိုတော့ ဦးမာဒင်ရေ၊ ဘုရားကိုယ်တိုင် ဒီနည်း ဟောခဲ့တယ် (မှန်ပါ့)။

"Do not slacken," He said. "Eventually, it will be completely eradicated." U Ba Din, the Buddha Himself taught this method. (True, Sir).

ဒကာသစ် ဘုရားကိုယ်တိုင် ဒီနည်းဟောခဲ့တဲ့အတွက် ကျုပ်တို့က ညည်းလုံးထုတ်ပြီး သကာလ ကြာပြီအား ထုတ်နေတာ၊ ခုထိ ဘာမှလဲ ခရီးမပေါက်သေးဘူး (မှန်ပါ့)၊ သူညည်းတာ။

Daga Thit, despite the Buddha Himself teaching this, we tend to complain: "I have been practicing for a long time, but I haven't made any progress yet." (True, Sir). That is just a complaint.

သူ ခရီးပေါက်တာကို သူည်းလို့မသိတော့ ပေါက်နေတာကို ပေါက်မှန်းမသိဖြစ်နေတယ် (မှန်ပါ့)။

Because they complain without realizing their own progress, they fail to see that they are actually advancing. (True, Sir).

ခရီးပေါက်နေတာကို (ခရီးပေါက်မှန်းမသိ ဖြစ်ပါတယ်)၊ အဲဒီကဲ့သို့ သုတဝါ အရိယသာဝကောဆိုတဲ့အတိုင်း ပညာနားနဲ့ ကြားဖူးခြင်း မရှိတော့ ညည်းလုံးဟာ လာတယ် (မှန်ပါ့)။

They are making progress but? (They do not realize they are making progress, Sir). Without having heard the teachings with the ear of wisdom as a Sutavā Ariya-sāvako, such complaints will naturally arise. (True, Sir).

အခုတော့ ညည်းလုံးလာစရာ လိုသေးသလား (မလိုပါ)၊ နေ့တိုင်း ဘယ့်နှယ်တုံး (စားပါတယ်)၊ မလုပ်တတ် သူဖြစ်တဲ့ လူကတော့ မစားဘူးပေါ့ဗျာ (မှန်ပါ့)၊ ခဏခဏရိုက်နှက်နေတဲ့ ပုဂ္ဂိုလ်တော့ (စားပါတယ် ဘုရား)။

Now, is there any need to complain? (No need, Sir). What happens every day? (It gets worn down, Sir). Of course, for someone who doesn't know how to practice, it won't be worn down. (True, Sir). But for the person who continuously strikes with the axe? (It gets worn down, Sir).

ထိုနည်းအတူတူပဲ ခဏ ခဏ ခန္ဓာ ဉာဏ်လှည့်ပြီး သကာလ ဪ ဖြစ်တာလဲ အနတ္တ၊ ဖျက်တာလဲ အနတ္တ၊ မဖြစ်ပါစေနဲ့ဆိုလို့လဲ မရ၊ မပျက်ပါနဲ့ဆိုလို့လဲမရ၊ ဒါကလေးတွေကို စိုက်စိုက် စိုက်စိုက်ပြီး ဉာဏ်တည်းဟူသော သမ္မာဒိဋ္ဌိ နဲ့ကြည့်ပြီး သကာလ နေတော့ ဟို မိစ္ဆာဒိဋ္ဌိကို စားစားသွားတယ် (မှန်လှပါ ဘုရား)။

In exactly the same way, whenever you direct your insight toward the Aggregates (Khandhas), you realize: "Ah, the arising is Anatta; the passing away is Anatta. I cannot command it not to arise, nor can I command it not to pass away." When you watch and observe this intently with Right View (Sammā-Ditthi), it continuously wears down that Wrong View (Micchā-Ditthi). (True, Sir).

မိစ္ဆာဒိဋ္ဌိတည်းဟူသော လက်ရိုက်ရိုးက ကုန်ကုန်သွားတယ် (မှန်ပါ့)၊ သဘောပါပလား (ပါပါပြီ ဘုရား)၊ ရှင်းပလား (ရှင်းပါပြီ ဘုရား)။

The axe handle of Wrong View (Micchā-Ditthi) gets completely worn away. (True, Sir). Do you grasp the meaning? (Yes, we do, Sir). Is that clear? (Yes, it is, Sir).

အဲဒီတော့ အကြားအမြင်များလို့ တရားထူးနာရမှ ဪ တို့ခရီး မပေါက်ဘူးထင်နေတာ၊ ပေါက်သားပဲ (မှန်ပါ့)၊ ဦးလှဘူး ပေါ်လာပြီ (ပေါ်ပါပြီ ဘုရား)။

Therefore, only when you have much learning and hear such profound Dhamma do you realize: "Oh, I thought I wasn't making progress, but I actually am!" (True, Sir). U Hla Bu, is it clear now? (It is clear, Sir).

အဲဒီ ဥပမာကို ဘုန်းကြီးက ထုတ်တဲ့ ဥပမာလို့ မယူနဲ့၊ ဝါသိဇဋသုတ် ဆိုပြီး ခန္ဓဝဂ္ဂသံယုတ်မှာ ကိုယ်တော်တိုင် ဟောထားတယ်လို့ မှတ်ပါ (မှန်ပါ့ ဘုရား)၊ ရှင်းပလား (ရှင်းပါပြီ ဘုရား)။

Do not think I invented this metaphor myself. Note that the Buddha Himself taught this in the Vāsijaṭa Sutta of the Khandha Vagga Saṃyutta. (True, Sir). Is that clear? (Yes, it is, Sir).

ကိလေသာကနေပြီး နောက်ဆုတ်ခိုင်း

အဲဒီမှာ ဘုန်းကြီးတို့က ဒီသုတ်မျိုးကို ဥပမာ ဒကာကြွယ်က မကြားဖူး၊ ဦးမာဒင်က မကြားဖူးတော့ နောက်ဆုတ်ချင်တဲ့ စိတ်ကလေးများ လာမှာစိုးလို့၊ ဒီသုတ်မျိုး မကြားဖူးတော့ကို ငါ့မှာ ပါရမီက မပါလို့လား၊ ငါ့ကိုယ်က ဖျင်းလွန်းလို့လား ၊ ဒီဘဝ မရထိုက်တဲ့ပုဂ္ဂိုလ်မို့လား၊ ငါ့မှာ ကံကြီးတွေကများ ရှိနေလို့လား၊ နဂိုကမှ ကိလေသာကနေပြီး နောက်ဆုတ်ခိုင်းရတဲ့အထဲ ကိုယ့်တွေးလုံးနဲ့ ကိလေသာ ဆွဲချသွားလိုက်တော့ ဒိဋ္ဌိပြုတ်စရာရှိသေးရဲ့လား (မရှိပါ)၊ သဘာပါလား (ပါပါပြီ ဘုရား)။

I share this Sutta because if you Yogis, like Daga Kywe and U Ba Din, have never heard it, you might feel discouraged and want to retreat. Without hearing this Sutta, you might doubt yourself: "Do I lack Perfections (Paramis)? Am I too foolish? Am I not worthy of attaining Dhamma in this life? Do I have heavy negative Kamma?" Your inherent defilements (Kilesas) are already urging you to retreat. If you let your own negative thoughts drag you down along with those defilements, is there any chance left to eradicate Ditthi? (None, Sir). Do you grasp the meaning? (Yes, we do, Sir).

ဒါဖြင့် ဒီတွေးလုံးကို မလာစေနဲ့ (မှန်ပါ့)၊ နေ့တိုင်း စားတယ်လို့မှတ် (မှန်ပါ့)၊ ဒကာကြွယ် ဘယ့်နှယ်မှတ်မလဲ (နေ့တိုင်းစားပါတယ် ဘုရား)။

Therefore, do not let these negative thoughts arise. (True, Sir). Just note that the wrong view is being worn down every day. (True, Sir). Daga Kywe, how will you note it? (It is being worn down every day, Sir).

မိစ္ဆာဒိဋ္ဌိ လက်ရိုက်ရိုးကို သမ္မာဒိဋ္ဌိက နေ့တိုင်း စားပစ်ရတယ်ဆိုတာ ဦးမာဒင်တို့ သေသေချာချာမှတ်ပါ (မှန်ပါ့ ဘုရား)။

U Ba Din, mark this clearly: Right View (Sammā-Ditthi) wears down the axe handle of Wrong View (Micchā-Ditthi) every single day. (True, Sir).

ဒါ အားပေးတရားလား၊ ဘုရားဟောတာ အမှန်ပြောနေတာလား (ဘုရားဟောတာ အမှန်ပြောနေတာပါ ဘုရား)။

Am I just giving you a motivational talk, or am I telling you the exact truth taught by the Buddha? (It is the exact truth taught by the Buddha, Sir).

အဲဒါ ခင်ဗျားတို့က ဘုန်းကြီး စကားတတ်လို့ အားပေးတဲ့ တရားထဲများ ထည့်လိုက်ရင်တော့ ငါးပါးမှောက် ပါရော၊ ဘာမှမဟုတ်ဘူး၊ ဘုရားကိုက တိုက်ရိုက်ဟောတာ (မှန်ပါ့)၊ ရိပ်မိလား (ရိပ်မိပါပြီ ဘုရား)။

If you dismiss this as merely an encouraging sermon from an eloquent monk, you will be utterly ruined. It is nothing of the sort; it is the direct teaching of the Buddha. (True, Sir). Do you see it? (Yes, we do, Sir).

ဘယ်သူက ဟောတာတုံး (ဘုရားကိုက တိုက်ရိုက်ဟောတာပါ ဘုရား)။

Who taught this? (It is the direct teaching of the Buddha, Sir).

မင်းတို့ အနတ္တမြင်တဲ့အချိန်တိုင်း၊ အချိန်တိုင်း သမ္မာဒိဋ္ဌိကတော့ မိစ္ဆာဒိဋ္ဌိကို စားပစ်လိုက်တာပဲတဲ့ (မှန်ပါ့)၊ ကြာတော့ စားပါများရင် ကုန်ရမယ် ဆိုတဲ့ အဓိပ္ပာယ်ဟာ မသေချာဘူးလား (သေချာပါတယ် ဘုရား)။

He said, "Every time you see Anatta, Right View (Sammā-Ditthi) is wearing away Wrong View (Micchā-Ditthi)." (True, Sir). Is it not certain that with continuous wearing down over time, it will be completely exhausted? (It is certain, Sir).

တွေးနေရင် သူသည် ကိလေသာ ဝင်ရှုပ်တာ

အဲဒါကြောင့် ဘာပါရမီတွေ၊ ဘယ်ဉာဏ်တွေ ဘယ်အန္တရာယ်တွေ ဘယ်နေရာတွေ ဒါတွေကို ဦးမာဒင် တွေးမနေနဲ့ တော့ (မှန်ပါ့)၊ ရိပ်မိပလား၊ (ရိပ်မိပါပြီ)၊ ဒကာကြွယ် တွေးမနေနဲ့နော် (မှန်ပါ့)၊ တွေးနေရင် ကိလေသာ ဆင်ခြေလဲမလာ ဘူးလား (လာပါတယ် ဘုရား)၊ တွေးနေရင် သူသည် ကိလေသာ ဝင်ရှုပ်တာလို့သာ မှတ်လိုက်စမ်းပါ (မှန်ပါ့)။

That is why, U Ba Din, you must stop overthinking about your Paramis, your level of insight, the obstacles, or the circumstances. (True, Sir). Do you see it? (Yes, we do, Sir). Daga Kywe, do not overthink. (True, Sir). If you do, won't defilements come up with excuses? (They will, Sir). Just mark this: if you are overthinking, it is simply the defilements interfering. (True, Sir).

နဂိုကမှ ဒီအလုပ်လုပ်တာကို ကိလေသာက သဘောမှမကျဘဲ (မှန်ပါ့)၊ လောဘ ကိလေသာက သဘောမကျဘူး (မကျပါ ဘုရား)၊ မကျတော့ သူက ဆင်ခြေလဲ လာတယ်၊ အင်း ဒါလောက်ဆိုရင်လဲ သေပျော်ပြီလို့ သူက ပြောချင်လဲ ပြောလာတာ (မှန်ပါ့)။

Inherently, your defilements do not like you doing this practice. (True, Sir). The defilement of Greed (Lobha) is displeased. (It is displeased, Sir). Because it is displeased, it makes excuses. It might even whisper to you, "Well, reaching this level is good enough to die peacefully." (True, Sir).

ခင်ဗျားတို့က တရားဟောကောင်းဆိုပြီး သကာလ အင်း ပျော်နေပြီဆိုပြီး ထိုင်နေရင် သွားပါရော (မှန်ပါ့)၊ ရိပ်မိပလား (ရိပ်မိပါပြီ ဘုရား)။

If you agree, thinking, "The Dhamma talk was good, I am content now," and you just sit back, you are finished. (True, Sir). Do you see it? (Yes, we do, Sir).

ဒါဖြင့် သေပျော် နေပျော်တွေက ဒကာကြွယ်ရ အားကျစရာ မလိုသေးဘူး (မလိုဘူး)၊ အနာပဲဟုတ်လား မင့်ဟာ ပြည်နည်းနည်း ကျန်သေးတယ်ဆိုလို့ရှိရင်ဖြင့် ဦးမာဒင်ပျောက်ချင်သလား မပျောက်ချင်ဘူးလား (ပျောက်ချင်ပါ တယ် ဘုရား)။

Therefore, Daga Kywe, there is no need to be satisfied with merely "dying peacefully" or "living comfortably." (No need, Sir). It is like a wound. If there is still a little pus left in your wound, U Ba Din, do you want it completely healed or not? (We want it completely healed, Sir).

နဂို ပြည်လုံးကြီးတော့ မရှိဘူး၊ သို့သော်လဲ ပြည်လက်စ မပြတ် သေးဘူးဆိုလို့ရှိရင် အနာဆုံးအောင် ကုပါ (မှန်ပါ့)၊ အနာကျန်နေလို့ရှိရင် မန်းကျန်၊ မန်းကျန်ရင် ဒီအနာဟာ အကြီးအကျယ် နောက်ထပ် ဖြစ်လာနိုင်သေးတယ် (မှန်ပါ့)။

The massive lump of pus might be gone, but if the infection isn't entirely cleared out, you must treat the wound until it is completely cured. (True, Sir). If a trace of the wound remains, the infection remains. And if the infection remains, it can flare up into a massive sore once again. (True, Sir).

အနာကုသလိုမှတ်ပါ

ဒီလိုမှတ်ပြီး သကာလ နည်းနည်းကျန်လဲ မကောင်းဘူးလို့သာ မှတ်ပေတော့ (မှန်ပါ့) ဘယ်လိုမှတ်ကြမလဲ (လုံးလုံးပျောက်တာ ကောင်းပါတယ်)၊ အနာကုသလိုမှတ်ပါ (မှန်ပါ့ ဘုရား)။

Keeping this in mind, realize that even a tiny remnant is dangerous. (True, Sir). How should you remember this? (It is best when it is completely healed, Sir). Treat it like curing a wound. (True, Sir).

ဒကာကြွယ် အနာကလေး ကျန်နေတော့ ဆရာ လက်လွှတ်တာကို ကျေနပ်ကဲ့လား (မကျေနပ်ပါ)၊ ဆရာကလဲ ပျောက်အောင်လုပ်ပါဆိုတဲ့ ဥစ္စာငွေများတဲ့ဆီ လိုက်သွားတယ်ထင်ပါရဲ့ အစရှိသည်နဲ့ ဆရာ အပြစ်တင်သလိုပေါ့ဗျာ (မှန်ပါ့) ဒီမှာလဲ ခင်ဗျားတို့ တဏှာများတဲ့ဆီ လိုက်မသွားပါနဲ့ (မှန်ပါ့)၊ ရိပ်မိပလား (ရိပ်မိပါပြီ)။

Daga Kywe, if a small part of the wound remains and the doctor abandons you, would you be satisfied? (No, Sir). You would blame the doctor, thinking, "He was supposed to cure me, but he chased after patients who pay more." (True, Sir). In the same way, Yogis, do not chase after Craving (Taṇhā). (True, Sir). Do you see it? (Yes, we do, Sir).

တဏှာက ဆင်ခြေသိပ်ပေါသနော် (မှန်ပါ့)၊ အင်း ထမင်းစား မကောင်းလို့ ဒီနေ့တော့ လျှော့လိုက်ဦးမယ် (မှန်ပါ့ ဘုရား)။

Craving has plenty of excuses, doesn't it? (True, Sir). "Ah, I don't have much of an appetite today, so I will take it easy with the practice." (True, Sir).

ဒီနေ့ြ့ဖင့် ဝေဒနာကလေးက ထူတာနဲ့ နည်းနည်းလျှော့လိုက်ဦးမယ်၊ ပြန်လျှော့တာနဲ့ ဘာမှမကျန်ဘဲ နေဦးမယ် (မှန်ပါ့)၊ ရိပ်မိပလား (ရိပ်မိပါပြီ ဘုရား)။

"The pain is a bit intense today, so I will slacken off a bit." If you slack off, you will end up with nothing. (True, Sir). Do you see it? (Yes, we do, Sir).

အံမာလေး ခင်ဗျားတို့ တဏှာဝင်လာတာလဲမသိဘူး၊ ခင်ဗျားတို့ကလဲ အတော်ဖျင်းတယ် (မှန်ပါ့)၊ ဝိပဿနာ လုပ်နေတုန်း လျော့ပေါ့မှု ဝင်လာလို့ရှိရင်ဖြင့် ဦးမာဒင်ဘယ်သူတုန်း ဒါ (တဏှာပါ ဘုရား)၊ ဂြိုလ်ဝင်တာဗျ၊ ရိပ်မိပလား (ရိပ်မိပါပြီ ဘုရား)။

Goodness! You don't even realize when Craving (Taṇhā) has infiltrated. You are quite foolish. (True, Sir). When the urge to slack off enters while practicing Vipassana, U Ba Din, who is that? (It is Craving, Sir). It is an evil influence possessing you! Do you see it? (Yes, we do, Sir).

ဒကာကြွယ် ဘာဝင်တာတုံး (ဂြိုလ်ဝင်တာပါ ဘုရား)၊ အဲဒါ ဂြိုလ်ဝင်တာ ဒကာ ဒကာမတွေရ (မှန်ပါ့)၊ ဂြိုလ်ဝင်တာကို ဘယ့်နှယ် ထင်လိုက်သတုံး ဆိုလို့ရှိရင်ဖြင့် အသက်ဉာဏ်စောင့် ခင်ဗျားတို့က လာပြီ လာပြီ (မှန်ပါ့)၊ ဂြိုလ်ဝင်တာကို အသက်ဉာဏ်စောင့်လို့များ ကာကွယ်နေလိုက်သေးတယ် (မှန်ပါ့)။

Daga Kywe, what has entered? (An evil influence, Sir). Yogis, it is indeed an evil influence. (True, Sir). And what do you mistake this evil influence for? You justify it as "Wisdom protecting life." There you go! (True, Sir). You actually defend this evil influence, calling it "Wisdom protecting life"! (True, Sir).

ဒကာကြွယ် အတော်မဆိုးဘူးလား (ဆိုးပါတယ် ဘုရား)၊ ဂြိုလ်ဝင်တာကို လူများက ဘယ့်နှယ်ထင်လိုက်သတုံး (အသက်ဉာဏ်စောင့်လို့ ထင်ပါတယ် ဘုရား)၊ ဖြစ်မှဖြစ်ရပလေ၊ နဂိုကဖျင်းရတဲ့အထဲ အပျင်းပိုပြီး ထည့်ပြန်တော့ သာမဆိုးဘူးလား (ဆိုးပါတယ် ဘုရား)။

Daga Kywe, isn't that terrible? (It is terrible, Sir). What do people mistake this evil influence for? (They mistake it for wisdom protecting life, Sir). How tragic! You are already foolish to begin with, and when you add laziness on top of it, doesn't it become far worse? (It is far worse, Sir).

ဖျင်းတဲ့အထဲ အပျင်းထည့်ရင် ဒကာကြွယ် (သာလို့ဆိုးပါတယ်) ဘုရား) ၊ ခရီးပေါက်စရာ မြင်သေးရဲ့လား (မမြင်ပါ ဘုရား)။

Daga Kywe, adding laziness to foolishness makes it? (Far worse, Sir). Do you see any chance of making progress? (No chance, Sir).

ဖျင်းတဲ့အထဲ အပျင်းတော့ မဖြည့်ပါနဲ့

အဲ ဒါကြောင့် ဒကာ ဒကာမတွေ ပြောရတယ်၊ ဖျင်းတဲ့အထဲ အပျင်းတော့ မဖြည့်ပါနဲ့တော့လို့ (မှန်ပါ့)။

That is exactly why I tell you Yogis: "Do not add laziness to your foolishness!" (True, Sir).

ပျင်းတဲ့ဥစ္စာကလေး ဝင်လာတာကို နဂိုကမှ ထင်ခဲ မြင်ခဲရနေလို့ ဖျင်းရတဲ့အထဲ အပျင်းက နောက်ဆုတ်ခိုင်း လိုက်ပြန်လို့ရှိရင် ဗလာပဲကျန်တော့မယ် (မှန်ပါ့)၊ သဘောကျပလား (ကျပါပြီ ဘုရား)။

It is already difficult to clearly see and discern the Dhamma, which is why you are foolish. If laziness enters and forces you to retreat, you will be left with absolutely nothing. (True, Sir). Do you grasp the meaning? (Yes, we do, Sir).

ဗလာကျန်တော့ ဒိဋ္ဌိက ဒကာ ဒကာမတို့ ငါ့ထိအောင် မလုပ်နိုင်ဘူး ဆိုပြီး သကာလ ငါစီမံတာ သူခံပေတော့ ဆိုပြီး အပါယ်လေးပါးပါ တွန်းချတယ် (မှန်လှပါ)၊ ဘယ်လောက် ကြောက်စရာကောင်းသလဲ (ကောင်းပါ တယ် ဘုရား)၊ ပေါ်ကြပလား (ပေါ်ပါပြီ ဘုရား)။

When you are left with nothing, Ditthi sneers, "Ah, they couldn't touch me! Now they will suffer what I dictate!" and it shoves you right down into the four lower realms (Apāya). (True, Sir). How terrifying is that? (It is terrifying, Sir). Is this clear to you? (It is clear, Sir).

ဒါဖြင့် ဒကာ ဒကာမတို့ “သုတဝါ အရိယသာဝကော” ဆိုတဲ့အတိုင်း အခု ပညာနားနဲ့ ကြားကြပလား (ကြားကြပါပြီ ဘုရား)၊ ကိလေသာ ရန်သူက ခင်ဗျားတို့ကို ချော့ကာ မော့ကာနဲ့ နောက်ဆုတ်ခိုင်းတာလဲ ပညာနဲ့ ကြားကြပလား (ကြားပါပြီ ဘုရား)။

So, Yogis, have you now heard this with the ear of wisdom, as a Sutavā Ariya-sāvako? (We have heard it, Sir). Have you heard with wisdom how the enemy of defilements flatters you and forces you to retreat? (We have heard it, Sir).

ဝေဒနာကလေးတွေ ပေါ်လိုက် ပျက်လိုက်တာ တားမရ ဆီးမရတဲ့ သဘောမို့ အနတ္တဆိုတာလဲ “သုတဝါ” ဆိုတဲ့အတိုင်း ပညာနားနဲ ကြားကြပလား (ကြားပါပြီ ဘုရား)။

Have you also heard with the ear of wisdom, as a Sutavā, that feelings arising and passing away cannot be prevented or stopped, and therefore they are Anatta? (We have heard it, Sir).

ကြားလို့ရှိရင်ဖြင့် တစ်ခုသောကြားမှုကိုဖြင့် နားမထောင်နဲ့ (မှန်ပါ့)၊ တစ်ခုသော ကြားမှုကိုကြိုးစားလုပ်ရမယ် (မှန်ပါ့ ဘုရား)။

Now that you have heard it, there is one thing you hear that you must ignore. (True, Sir). And there is another thing you hear that you must strive to practice. (True, Sir).

ကိလေသာရန်သူတို့ကို ထူထပ်ပါတယ်ဆိုတဲ့ ကြားမှုကိုတော့ ဒကာ ဒကာမတွေက သူ့ကို လက်မခံနဲ့ (မှန်ပါ့)၊ ခုနင်က အနတ္တတွေ ခဏ ခဏ ပေါ်နေတာကို အနတ္တနဲ့ဉာဏ်နဲ့ မပြတ်အောင်ဖြင့် လိုက်နာရလိမ့်မယ် (မှန်ပါ့)၊ သဘောပါ ကြပလား (ပါပါပြီ ဘုရား)။

When you hear the enemy defilements telling you that the obstacles are too thick, you must reject it. (True, Sir). Instead, you must diligently follow the practice, ensuring that your Insight Knowledge continuously observes the Anatta that is constantly appearing. (True, Sir). Do you grasp the meaning? (Yes, we do, Sir).

အနတ္တနဲ့ဉာဏ်နဲ့ မခွဲလိုက်ပါနဲ့

အနတ္တနဲ့ဉာဏ်နဲ့ မခွဲလိုက်ပါနဲ့ (မှန်ပါ့)၊ ဦးမာဒင် ဘယ်လိုမှာပါလိမ့် (အနတ္တနဲ့ ဉာဏ်နဲ့ မခွဲလိုက်ပါနဲ့ ဘုရား)။

Do not let Anatta and your Insight Knowledge be separated! (True, Sir). U Ba Din, what is my instruction? (Do not separate Anatta from Insight Knowledge, Sir).

အနတ္တနဲ့ ဉာဏ်နဲ့ ခွဲလိုက်သည်နဲ့ တစ်ပြိုင်နက်တည်း အတ္တဒိဋ္ဌိက အသားတက်လာလိမ့်မယ် (မှန်ပါ့ ဘုရား)၊ လက်ရိုက်ရိုးကလေး မရိုက်ဘဲထားရင် အဲဒီနေရာက လက်ဆီနေရာက မှိုမတက်ရင် ဘုန်းကြီးကို ဆိုချင်သလိုဆို (မှန်ပါ့)၊ မှိုတက်ရမယ်၊ ရိပ်မိပလား (မှန်ပါ့)။

The very moment you separate Anatta from your Insight Knowledge, Atta-Ditthi will grow back and thicken. (True, Sir). If you leave an axe handle unused, it will gather mold where the hand's oils used to grip it. If it doesn't, you can call me a liar! (True, Sir). Mold will definitely grow on it. Do you see it? (True, Sir).

ဒကာကြွယ် ပစ်ထားကြည့်တော့ ဘယ့်နှယ့်ဖြစ်လာသတုံး၊ မိုးကလေးလဲ ရွာမယ်ဆိုတော့ ဟင် မှိုကလေးတွေ တက်လာတယ် (မှန်ပါ့)၊ မှိုတက်လာကြတဲ့အခါကျတော့ မကိုင်ကြတော့ဘူး ဖြစ်လိမ့်မယ် (မှန်ပါ့)၊ မကိုင်ချင်ရင် သူက ကြီးထွားလာမှာပဲ (မှန်ပါ့ ဘုရား)၊ သဘောပါပလား (ပါပါပြီ)။

Daga Kywe, what happens when you just toss it aside? When the rain falls, mold starts to grow on it. (True, Sir). When mold grows on it, you won't want to hold it anymore. (True, Sir). If you refuse to hold it, the mold will only grow thicker. (True, Sir). Do you grasp the meaning? (Yes, we do, Sir).

ဒါကြောင့် မှိုတက်မခံပါနဲ့၊ ဒီဥစ္စာ စားသည်ထက် စားပြီး ပြောင်သည်ထက် ပြောင်ပြီး သုံးလို့ဖြစ်အောင် လုပ်လိုက်စမ်းပါ (မှန်ပါ့)၊ ရှင်းပလား (ရှင်းပါပြီ ဘုရား)။

Therefore, do not let the mold grow! Keep using it until it is worn down further and further, until it is completely smooth and polished. (True, Sir). Is that clear? (Yes, it is, Sir).

အံမာလေး မနည်းပြောရပါကလား ဒကာကြွယ်ရ၊ လူကြီးတွေမို့ တွန်းရတာ ထင်ပါရဲ့ (မှန်ပါ့)။

Goodness! I have to speak so forcefully to you, Daga Kywe. Perhaps it is because I am pushing adults. (True, Sir).

လူကြီးတွေမို့ တွန်းရတာများလား ဒကာကြွယ်ရ (မှန်ပါ့)၊ မကောင်းပါဘူးဗျာ၊ ကလေးတွန်းရတယ်ဆိုတော့ ကြိမ်ကလေး ဘာကလေး ပြခိုင်းရင် ရသေးတယ် (မှန်ပါ့)၊ လူကြီးတွေကျတော့ ဒီဥစ္စာ တို့အတွန်းခံရတာကို နာလှပြီကွ၊ ငါ့နေရာကျလို့ရှိရင်ဖြင့် ဒီလက်ရိုက်ရိုးကို ကျိုးအောင်ပဲကိုင်ပြီး ရိုက်နေမယ်ကွလို့ဆိုလို့ရှိရင်ဖြင့် ဒါ သိပ်အဖိုးတန်မယ် (တန်ပါတယ် ဘုရား) သဘောပါပလား (ပါပါပြီ ဘုရား)။

Is it because I have to push adults, Daga Kywe? (True, Sir). It is quite unseemly. If I were pushing children, I could just show them a cane and they would obey. (True, Sir). But for adults, if you think, "I am deeply ashamed to be pushed like this. I will grip this axe handle and strike until it breaks!"—that mindset would be incredibly valuable. (It is valuable, Sir). Do you grasp the meaning? (Yes, we do, Sir).

အခုကွာ ဘုန်းကြီးက လူကြီးတွေ သိပ်တွန်းနေတယ်လို့ ဒီလိုများသွားပြီး မယူလိုက်နဲ့နော် (မှန်ပါ့)၊ သွားယူ လိုက်လို့ရှိရင်ဖြင့် ဪ-လူကြီးမို့ အတွန်းခံရတာဆို ရှက်စရာကြီး (မှန်ပါ့)၊ ရိပ်မိပါလား (ရိပ်မိပါပြီ ဘုရား)။

Now, do not misunderstand and think, "The Sayadaw is pushing us adults too hard." (True, Sir). If you take it that way, it is truly shameful to need such pushing at your age. (True, Sir). Do you see it? (Yes, we do, Sir).

ထောင်နိုင်တဲ့ နားရှိတဲ့ ပုဂ္ဂိုလ်တွေချည်း

ကိုင်း ဒါဖြင့် ဒီအထဲ လူငယ်တစ်ယောက်မှ မပါဘူး (မပါပါ ဘုရား)၊ ထောင်နိုင်တဲ့ နားရှိတဲ့ ပုဂ္ဂိုလ်တွေချည်း ပဲဆိုတာ ပေါ်ပလား (ပေါ်ပါပြီ ဘုရား)။

Well then, there is not a single young person here. (There is none, Sir). It is clear that this audience consists only of mature people capable of listening. (It is clear, Sir).

ကဲ ဒါဖြင့် အတိုက်တွန်းဖြင့် နောက်တော့ဖြင့် ဘုရား၊ တိုက်တွန်းတဲ့ တရားမဟောပါနဲ့၊ တရားမှန်သာ ပြောပါလို့ နောက်တောင်းပန်တာတောင်မှ ခင်ဗျားတို့ (မှန်ပါ့)၊ ရိပ်မိပလား (ရိပ်မိပါပြီ ဘုရား)။

So, regarding my urging, you might even plead later, "Venerable Sir, please do not preach urging sermons anymore; just teach us the straight Dhamma." (True, Sir). Do you see it? (Yes, we do, Sir).

ရိပ်မိပလား ဒကာကြွယ်ရ (ရိပ်မိပါပြီ ဘုရား)၊ တိုက်တွန်းတဲ့ စကားသုံးရတာ တပည့်တော်တို့ အရွယ်နဲ့မလိုက် လွန်းလို့ (မှန်ပါ့)၊ ဒကာသစ်ပေါ်ပလား (ပေါ်ပါပြီ ဘုရား)။

Do you see it, Daga Kywe? (Yes, we do, Sir). You might think, "Being urged like this does not suit our age." (True, Sir). Is it clear, Daga Thit? (It is clear, Sir).

ကိုင်း ဒါဖြင့် ဒကာ ဒကာမတို့ တရားသာ ပြောကြပါစို့ (မှန်ပါ့)။

Very well, Yogis, let us focus solely on the Dhamma now. (True, Sir).

ဒါက ရူပက္ခန္ဓာ၊ သညာက္ခန္ဓာ၊ ဝိညာဏက္ခန္ဓာလေးပါး (မှန်ပါ့)။ ဝေဒနာက္ခန္ဓာချန်ထား (မှန်ပါ့ ဘုရား)၊ ဒေဒနာ က္ခန္ဓာ ဘာဖြစ်လို့ချန်ထားသတုံးလို့မေးတဲ့ အခါကျတော့ ဝေဒနာက္ခန္ဓာက ဒကာ ဒကာမတို့ ကျန်ခန္ဓာလေးပါးကို မှီပေါ်ရတယ် (မှန်ပါ့)၊ ဒီခန္ဓာလေးပါး အပေါ်မှာ မှီပြီး ပေါ်ရမယ် (မှန်ပါ့)၊ သဘောကျပလား (ကျပါပြီ ဘုရား)။

Here we have four aggregates: Form (Rūpakkhandhā), Perception (Saññākkhandhā), Mental Formations (Saṅkhārakkhandhā), and Consciousness (Viññāṇakkhandhā). (True, Sir). Set aside the Aggregate of Feeling (Vedanākkhandhā). (True, Sir). If you ask why we set aside Vedanākkhandhā, Yogis, it is because Vedanākkhandhā depends on the other four aggregates to arise. (True, Sir). It must rely on these four aggregates to appear. (True, Sir). Do you grasp the meaning? (Yes, we do, Sir).

ဒီခန္ဓာလေးပါးအပေါ်မှာ ဝေဒနာက ဘာဖြစ်ရမလဲ (မှီပြီးပေါ်ရပါမယ်)၊ မှီပြီးပေါ်မယ်ဆိုတော့ မှီပြီးပေါ်မယ် ဆိုတော့ မှီပြီးပေါ်တယ်မပေါ်တယ် ဒကာ ဒကာမတွေ စဉ်းစားကြည့်ပါတဲ့၊ နေပူတယ်ဆိုတဲ့အခါ ကျလို့ရှိရင် ခေါင်းပေါ် ပူတယ်။ ကျောပေါ်နေပူတယ်ဆိုတော့မှ ဒီခန္ဓာပေါ်မှာ ဝေဒနာကလေးက အခု လာပေါ်တယ် (မှန်ပါ့)၊ ဪ သူက အမှီတရားပါလား (မှန်ပါ့ ဘုရား)။

What must feeling (Vedanā) do on these four aggregates? (It must rely on them to arise, Sir). It arises based on them. Consider whether it relies on them or not, Yogis. When it is hot outside, your head feels hot. Your back feels hot. This means the feeling has just appeared upon this physical body (Khandha). (True, Sir). "Ah, it is a dependent phenomenon!" (True, Sir).

အမှီတရားဆိုကတည်းက

အမှီတရားဆိုကတည်းက ဒကာ ဒကာမတွေက စဉ်းစားမိလို့ ဪ အခုပေါ်လာ (မှန်ပါ့)၊ မဟုတ်ဘူးလား (မှန်ပါ့ ဘုရား)။

Since it is a dependent phenomenon, Yogis, if you reflect on it, you realize, "Ah, it has just appeared." (True, Sir). Is that not so? (True, Sir).

အခုပေါ်လာတဲ့တရားကို အသက်တမ်းကြည့်လိုက်၊ အသက်တမ်း ကြည့်လိုက်တဲ့အခါကျတော့ ၁ ဆိုရင်ဖြစ်၊ ၂ ဆိုရင် ပျက် (ပျက်ပါပြီ)၊ ဒါဖြင့် အခုပေါ်တဲ့တရားကလဲ ပေါ်ပြီးပျက်မယ် (ပျက်ပါမယ် ဘုရား)။

Look at the lifespan of the phenomenon that has just appeared. When you examine its lifespan: 1 means it arises, and 2 means it? (Passes away, Sir). Therefore, the phenomenon that has just appeared will arise and pass away. (It will pass away, Sir).

ဒါ နေပူတဲ့ ဒုက္ခဝေဒနာကလေးပေါ့ဗျာ (မှန်ပါ့)၊ ဖျက်ဆို နေရိပ်ထဲမှာ ဒီခန္ဓာကြီးက ရောက်သွားပြန်တော့လဲ ဒကာ ဒကာမတို့ သုခဝေဒနာကလေး ပေါ်လိုက်တယ် (ပေါ်ပါတယ် ဘုရား)၊ သူကလဲ ဧည့်သည်ပဲဆိုတာ သဘောကျပ လား (ကျပါပြီ ဘုရား)။

This is the unpleasant feeling (Dukkha Vedanā) of the heat. (True, Sir). Suddenly, when this physical body moves into the shade, Yogis, a pleasant feeling (Sukha Vedanā) appears. (It appears, Sir). Do you understand that it, too, is merely a guest? (Yes, we do, Sir).

သူလဲ ပေါ်ပြီး သကာလ သူ့အသက်တမ်းစေ့ရုံပဲ နေနိုင်မှာပဲ (မှန်ပ့ါ)၊ သူ့အသက်တမ်းစေ့ရုံဆိုတာက ဖြစ်မှုရယ်၊ ပျက်မှုရယ် (မှန်ပါ့ ဘုရား)။

It arises and can only stay for the duration of its lifespan. (True, Sir). Its lifespan consists only of arising and passing away. (True, Sir).

ဖြစ်မှုမှာ မွေးတယ်၊ ပျက်မှုမှာ သေတယ်ဆိုတော့ သူလဲ ဧည့်သည်အဖြစ်နဲ့ ဒီနေရာမှာပဲ ပျောက်ရရှာတယ် (မှန်ပါ့)၊ ဘယ်နေရာရွေ့သေးသတုံး (မရွှေ့ပါ)၊ သဘောကျပလား (ကျပါပြီဘုရား။)

It is born in the arising and dies in the passing away. As a guest, it disappears right where it appeared. (True, Sir). Does it move anywhere else? (It does not move, Sir). Do you grasp the meaning? (Yes, we do, Sir).

ကောင်းကင်မှာ လျှပ်စစ်လင်းသလိုပဲ မှတ်လိုက်စမ်းပါ (မှန်ပါ့)၊ ကောင်းကင်မှာ လျှပ်စစ်လင်းတာ ဒီနေရာပဲ လင်းတဲ့ လျှပ်စစ်ကလေးဟာ ဒီနေရာမှာပဲ ပျောက်သွားတာပဲ (မှန်ပါ့)၊ နေရာများ ရွှေ့သေးသလား (မရွှေ့ပါ ဘုရား)။

Just think of it like a flash of lightning in the sky. (True, Sir). When lightning flashes in the sky, it illuminates a spot and disappears right in that same spot. (True, Sir). Does it move to another location? (It does not move, Sir).

အဲ ဒီမှာလဲ ဝေဒနာကလေးတွေဟာ ဒကာ ဒကာမတို့ ဒီနေရာပေါ် ဒီနေရာပျောက်တာပဲ (မှန်ပါ့)၊ သဘောကျ ပလား (ကျပါပြီ ဘုရား)။

In the exact same way, Yogis, these feelings arise right here and pass away right here. (True, Sir). Do you grasp the meaning? (Yes, we do, Sir).

ကဲ ဒကာသစ် ဒီလေးပါးအပေါ်မှာ မျက်စိကမြင်လိုက်တဲ့ ဥပေက္ခာ ဒေဝနာကလေးပေါ်တယ် (မှန်ပါ့)၊ ဒီနေရာ ပေါ်တာပဲ၊ ဒီနေရာမှာပဲ ပေါ်တယ် (မှန်ပါ့)၊ ဒါဖြင့် ခန္ဓာပေါ်မှာ ခန္ဓာဆင့်ပေါ်တယ် (မှန်ပါ့)၊ သေသေချာချာ ပေါ်ပါ ဒီဥစ္စာကို (မှန်ပါ့ ဘုရား)။

Now, Daga Thit, when the eye sees something, a neutral feeling (Upekkhā Vedanā) appears upon these four aggregates. (True, Sir). It arises right here. It appears right here. (True, Sir). Thus, an aggregate appears on top of an aggregate. (True, Sir). Let this be vividly clear to you! (True, Sir).

ဦးမာဒင် ဘာတဲ့ဗျာ (ခန္ဓာပေါ်မှာ ခန္ဓာဆင့် ပေါ်ပါတယ် ဘုရား)။

U Ba Din, what did I say? (An aggregate appears on top of an aggregate, Sir).

ဒါဖြင့် ခန္ဓာပေါ်မှာ ခန္ဓာဆင့်တော့ ဒါ့ကြောင့် ခန္ဓာငါးပါးလို့ ဆိုငြားသော်လဲ ခင်ဗျားတို့ကပြောတော့ ငါးပါး (မှန်ပါ့)၊ သဘောကျပလား (ကျပါပြီ ဘုရား)။

Since an aggregate appears on top of an aggregate, even though we call them the "Five Aggregates," you only speak of them as five. (True, Sir). Do you grasp the meaning? (Yes, we do, Sir).

ဧည့်သည် ခန္ဓာသိမှ

သို့သော် အိမ်သည် ခန္ဓာကြီးတော့ ခင်ဗျားတို့ကသိပြီး ဧည့်သည် ခန္ဓာမသိလို့ရှိရင် ဝိပဿနာဉာဏ် ဝင်လို့ မရဘူး (မှန်ပါ့) ပေါ်ပလား (ပေါ်ပါပြီ)၊ ဧည့်သည် ခန္ဓာသိမှ ဝိပဿနာဉာဏ် ဝင်လို့ရတယ် (မှန်ပါ့ ဘုရား)။

However, if you only recognize the "host" aggregate and fail to notice the "guest" aggregate, Insight (Vipassana) Knowledge cannot arise within you. (True, Sir). Is that clear? (It is clear, Sir). Insight Knowledge can only arise when you truly discern the guest aggregate. (True, Sir).

အဲ ဒေဝနာက ဒကာကြွယ် ဘာခန္ဓာဆိုမလဲ အိမ်သည် ခန္ဓာဆိုမလား ဧည့်သည်ခန္ဓာဆိုမလား (ဧည့်သည် ခန္ဓာပါ ဘုရား)။

Now, Daga Kywe, what kind of aggregate is Feeling (Vedanā)? Would you call it the host aggregate or the guest aggregate? (The guest aggregate, Sir).

ဒါကိုလဲ ရှင်းထားရတယ်၊ ဒါကိုမှ မရှင်းရင် တော်ကိုမတော်ဘူး (မှန်ပါ့) ရှင်းပလား (ရှင်းပါပြီ ဘုရား)။

I must explain this very clearly. It is entirely improper to leave this unexplained. (True, Sir). Is it clear now? (It is clear, Sir).

ကြည့်လေ၊ ဒီခန္ဓာကြီးက ဒကာ ဒကာမတွေ၏ လက်ရှိခန္ဓာကြီး (မှန်ပါ့) ဒီပေါ်မှာ နေပူလိုက်တယ်၊ ထီးကလေး က မပါဘူးဆိုရင် စပ်ဖျင်းဖျင်းဆိုတဲ့ ဒုက္ခဝေဒနာပေါ်တယ် (ပေါ်ပါတယ်)၊ အဲဒါ ဟုတ် မဟုတ် (ဟုတ်ပါတယ် ဘုရား)။

Look here. Take this physical body that you Yogis possess. (True, Sir). If you walk under the hot sun without an umbrella, a burning, painful feeling—Dukkha Vedanā—arises on it. (It arises, Sir). Is that true or not? (It is true, Sir).

သူက ဧည့်သည်ဗျ (မှန်ပါ့)၊ သို့သော်လဲ ဒကာသစ်က သိပြီးသား၊ ဦးမာဒင်က သိပြီးသားဖြစ်နေတော့ ဧည့် သည်သက်သက် ဘယ်လောက်ရှည်သတုံး၊ ဧည့်သည်ဆိုတာ ခဏပေါ့ကွာ (မှန်ပါ့ဘုရား။)

That feeling is just a guest! (True, Sir). Since Daga Thit and U Ma Din already understand this, let me ask: how long does a mere guest stay? A guest stays only for a brief moment. (True, Sir).

ဘယ့်နှယ်ဆိုကြမလဲ (ခဏပါ ဘုရား)၊ ဒါဖြင့် သူသက်တမ်းရှိသလောက် သူနေပြီး ဒီအပေါ်မှာပဲ မွေးပြီး ဒီအပေါ်မှာပဲ သေရရှာတယ် (မှန်ပါ့ ဘုရား)။

What do you say? (Just a brief moment, Sir). Therefore, it only stays for its short lifespan. It is born right here on this body, and it dies right here on this body. (True, Sir).

ဒုက္ခဝေဒနာကလေး ဒီအပေါ်မွေး ဒီအပေါ်သေပဲ (မှန်ပါ့)၊ သုခ ဝေဒနာကလေးကလဲ ခုနင်က လေကလေး ယပ်တောင်ကလေး ခတ်လိုက်တဲ့အခါကျတော့ ဒကာ ဒကာမတွေ ဖျတ်ဆို သုခဝေဒနာကလေးဟာ အေးယောင်ကလေး ပေါ်လာတယ် (ပေါ်လာပါတယ်)၊ ယပ်တောင်မှ ဟိုက မဆုံးသေးဘူး၊ သူက ပျောက်နေပြီ (မှန်ပါ့ ဘုရား)။

The painful feeling is born here and dies here. (True, Sir). The same goes for the pleasant feeling (Sukha Vedanā). When you fan yourselves, Yogis, a cool, pleasant feeling instantly flashes into existence. (It arises, Sir). Yet, even before the stroke of the fan finishes, that feeling has already vanished. (True, Sir).

ဒီတော့ ပြန်မခတ်ရဘူးလား (ခတ်ရပါတယ်) ပြန်ခေတ်တော့ ပြန်ပေါ်တယ် (မှန်ပါ့)၊ ယပ်တောင်ကလေးလဲ ရှေ့နည်းနည်းလွန်သွားပါရော (ပျောက်သွားပါတယ်)၊ ဒါဖြင့် သူ ဧည့်သည်ပေ့ါ (မှန်ပါ့)၊ ရိပ်မိပလား (ရိပ်မိပါပြီ ဘုရား)။

So, don't you have to fan yourselves again? (We have to, Sir). When you fan again, it re-arises. (True, Sir). And as soon as the fan moves slightly past you? (It vanishes, Sir). This proves it is nothing but a guest. (True, Sir). Do you see it? (We see it, Sir).

ဘာရှုရမှာပါလိမ့်မတုန်း

ဪ ဒါဖြင့် ဝိပဿနာရှုဆိုတာ ဒကာ ဒကာမတို့ ဘာရှုရမှာပါလိမ့်မတုန်းဆိုတော့ ခန္ဓာငါးပါး ဧည့်သည် တရားကို ကြည့်ပြီး ရှုရမှာ (မှန်ပါ့ ဘုရား)။

And so, when we talk about practicing Vipassana, Yogis, what exactly must you watch and observe? You must watch and observe the guest phenomena arising within the Five Aggregates. (True, Sir).

ခန္ဓာငါးပါး (ဧည့်သည်တရားကို ကြည့်ပြီ ရှုရမှာပါ)၊ ဧည့်သည် တရားဆိုတော့ ယနေ့တော့ ဝေဒနာ ဟောတဲ့နေ့ ဖြစ်နေတော့ ဦးမာဒင် ဝေဒနာဟာ ဧည့်သည်မှန်လိုက် (မှန်ပါ့)၊ ရှင်းပလား (ရှင်းပါပြီ ဘုရား)။

Within the Five Aggregates, (We must watch and observe the guest phenomena, Sir). Since today is the day I am preaching on Feeling (Vedanā), mark this well, U Ma Din: Feeling is undeniably a guest. (True, Sir). Is that clear? (It is clear, Sir).

အကုန်ဧည့်သည်တော့ ဟောရမှာပဲတဲ့၊ သို့သော်လဲ တစ်နေ့တည်းနဲ့လဲ လုံးထွေးပြီး ဟောလို့မဖြစ်ဘူး (မှန်ပါ့)၊ ဖြစ်ပါ့မလား (မဖြစ်ပါ ဘုရား)။

I must eventually explain all the guest phenomena to you. However, I cannot jumble everything together and preach it all in a single day. (True, Sir). Would that work? (No, it would not, Sir).

ကဲဒါဖြင့် ဒီနေ့ ကျန်ခန္ဓာလေးပါးက အိမသည် (မှန်ပါ့)၊ ဝေဒနာက (ဧည့်သည်ပါ) ဧည့်သည်ပဲဆိုတာ ကျေနပ်ပလား (ကျေနပ်ပါပြီ ဘုရား)။

Right then, for today's teaching, consider the remaining four aggregates as the host. (True, Sir). And what is Vedanā? (It is the guest, Sir). Are you convinced that it is merely a guest? (We are convinced, Sir).

ဒါဖြင့် ဧည့်သည်သည် ဒကာ ဒကာမတို့ ဘယ်နှစ်ယောက်ရှိသတုံးလို့ မေးတဲ့အခါကျတော့ ခင်ဗျားတို့ သန္တာန်မှာ ဧည့်သည် သုံးယောက်ရှိတယ် (မှန်ပါ့)၊ သုခဝေဒနာ၊ ဒုက္ခဝေဒနာ၊ ဥပက္ခောဝေဒနာ ဒါပဲရှိတယ် (မှန်ပါ့ ဘုရား)။

If you ask, "Yogis, how many guests are there?", the answer is that there are exactly three guests in your continuum. (True, Sir). They are Pleasant Feeling (Sukha Vedanā), Painful Feeling (Dukkha Vedanā), and Neutral Feeling (Upekkhā Vedanā). That is all there is. (True, Sir).

ဒါပဲရှိလို့ ဘုရားက ဧည့်သည်သုံးယောက်ရှိတယ် (မှန်ပါ့) သဘောကျပလား (ကျပါပြီ ဘုရား)။

Because there is nothing outside of this, the Buddha taught that there are only these three guests. (True, Sir). Do you grasp the meaning? (Yes, we do, Sir).

အဲဒီဧည့်သည်သုံးယောက်ကို ခင်ဗျားတို့က တစ်ခါတလေကျတော့ ခင်ဗျားတို့ကလဲ တော်တော်ခက်တယ်၊ သုခဝေဒနာကလေးက ဧည့်သည်အဖြစ်နဲ့ ခန္ဓာကိုယ်ပေါ် ရောက်လာတယ် (မှန်ပ့ါ)၊ ငါ ချမ်းသာတာပဲ၊ ငါချမ်းသာတာ ဘယ်သူမျက်စောင်းထိုးထိုး ဘာဖြစ်ရမတုံး (မှန်ပါ့)၊ ဒါကလေး ငါလုပ်ပစ်လိုက်တယ် (မှန်ပါ့)၊ ဧည့်သည်ကို ငါ လုပ်ပစ် လိုက်တယ် သဘောပါပလား (ပါပါတယ် ဘုရား)။

But sometimes, you Yogis are quite difficult when dealing with these three guests. When a pleasant feeling arrives on your body as a guest, (True, Sir), you immediately think, "I am happy! Why should I care if anyone glares at me out of envy?" (True, Sir). You instantly turn this mere feeling into 'I'. (True, Sir). You take the guest and make it 'I'. Do you grasp the meaning? (Yes, we do, Sir).

ဧည့်သည်ကို ငါ လုပ်ပစ် လိုက်တယ်

ဧည့်သည်ကို (ငါလုပ်ပစ်လိုက်ပါတယ်)၊ ဪ ဒိဋ္ဌိပဲ ဒကာ ဒကာမတို့ရဲ့ ဧည့်သည်ကို ငါလုပ်တယ်ဆို ကတည်းက ဧည့်သည်ဆိုတာ အိမ်ရှင်မပိုင်တာချည်း သိလျက်သားနဲ့ ဧည့်သည်ကို ငါလုပ်လိုကကတည်းက ဒိဋ္ဌိကပ်လာပြီး (ကပ်ပါပြီ)၊ ရိပ်မိပလား (ရိပ်မိပါပြီ ဘုရား)။

What do you do to the guest? (We turn it into "I", Sir). Indeed! That is Wrong View (Diṭṭhi), Yogis! The moment you turn the guest into "I"—even though you know perfectly well that a guest does not belong to the host—Diṭṭhi attaches to you. (It attaches, Sir). Do you see it? (We see it, Sir).

ဧည့်သည် ငါလုပ်ရင် (ဒိဠိကပ်ပါပြီ)၊ အခုလို လည်လည်ပတ်ပတ်နဲ့ ဧည့်သည်အိမ်သည် ခွဲမဟောလို့ရှိရင်လဲ ဦးမာဒင် သိပ်ရှုပ်တယ် (ရှုပ်ပါတယ် ဘုရား)၊ အခု ရှင်းပလား (ရှင်းပါပြီ ဘုရား)။

If you turn the guest into "I", what happens? (Diṭṭhi attaches, Sir). If I do not explain this skillfully by separating the host and the guest, U Ma Din, things get extremely confusing. (They do, Sir). Is it clear now? (It is clear, Sir).

ဒကာကြွယ် နေရာကျပြီ (ကျပါပြီ)၊ ကဲ ဒါဖြင့် တစ်ခါတလေကျတော့ ဒုက္ခဝေဒနာကလေးက ရောက်လာတယ် (မှန်ပါ့)။

Daga Kywe, does everything fall into place? (It does, Sir). Now consider this: sometimes, a painful feeling arrives. (True, Sir).

အို တို့များဆင်းရဲတော့ တို့အိမ်ခြေဦးမှ မလှည့်ဘူး (မှန်ပါ့)၊ ဟော လာပြန်ပြီ၊ တို့ဆင်းရဲတော့ ကဲ တို့လုပ်ပြန်ပြီဗျ (မှန်ပါ့)။

You complain, "Oh, now that we are suffering, nobody even steps foot in our house!" (True, Sir). Look, there it goes again! By saying "we are suffering," you have turned it into "I" and "Mine" once more! (True, Sir).

တို့ဆင်းရဲတဲ့အခါများ တို့အိမ်များ ဘယ်သူမှ ခြေဦးကို လှည့်မည့်လူ မရှိဘူး၊ တို့အိမ်ကို အလျင်တုန်းကများဖြင့် စီစီငါငါလို့ လာလိုက်ကြတာ မျက်နှာချိုသွေးလိုက်ကြတာတဲ့ (မှန်ပါ့)။

You lament, "When we are going through tough times, absolutely no one visits us. But in the past, they used to flock to our house, smiling so sweetly at us." (True, Sir).

အင်း ဘာလုပ်ကြတာတုံး ခင်ဗျားတို့ဟာ ပြောပဲ ပြောစမ်းပါဦး (ဧည့်သည်ကို ငါ လုပ်တာပါ ဘုရား)၊ ရိပ်မိပလား (ရိပ်မိပါပြီ ဘုရား)။

Now, tell me, what are you actually doing here? Speak up! (We are turning the guest into "I", Sir). Do you see it? (We see it, Sir).

ဧည့်သည်ကို ဘာလုပ်ပြန်သတုံး (ငါ လုပ်ပါတယ် ဘုရား)၊ ဧည့်သည်ကို ငါလုပ်ပြန်ပြီ ခင်ဗျားတို့ (မှန်ပါ့)၊ ရိပ်မိပလား (ရိပ်မိပါပြီ ဘုရား)။

What are you doing to the guest again? (Turning it into "I", Sir). Exactly! You have turned the guest into 'I' once again. (True, Sir). Do you see it? (We see it, Sir).

ကောင်းပြီ၊ ဒါ ဧည့်သည် မသိပြီဆိုမှဖြင့် ဒကာကြွယ်ရေ ဧည့်သည်ကို တစ်ခါတည်း ငါလုပ်ပြီးနေတော့တာပဲ (မှန်ပါ့ ဘုရား)။

Very well. Daga Kywe, the moment you fail to recognize the guest, you inevitably take it to be "I". (True, Sir).

ဝေဒနာမှန်းလဲမသိ၊ ဧည့်သည်မှန်းလဲမသိ၊ အနတ္တမှန်းလဲမသိတော့ ဒါတွေနဲ့ ဟိုအိမ်နဲ့ ဒီအိမ် ရန်ဖြစ်တယ် (မှန်ပါ့ ဘုရား)။

You do not discern it as just Feeling (Vedanā). You do not recognize it as a guest. You do not realize it is Non-Self (Anatta). Because of this ignorance, you start quarreling with your neighbors. (True, Sir).

ဘယ့်နှယ်ကြောင့် ရန်ဖြစ်တာပါလိမ့်

ဘယ့်နှယ်ကြောင့် ရန်ဖြစ်တာပါလိမ့် (ဧည့်သည်မှန်း မသိလို့ပါ)၊ ဧည့်သည်မှန်းမသိ၊ အနတ္တမှန်းမသိ (မှန်ပါ့)၊ ဧည့်သည်မှန်းမှ မသိတော့ အနတ္တက သိသေးရဲ့လား (မသိပါ ဘုရား)။

Why exactly do people quarrel? (Because they fail to recognize the guest, Sir). They fail to recognize the guest, and they fail to realize Anatta. (True, Sir). If they do not even recognize it as a guest, is there any chance they would realize it as Anatta? (No, Sir).

အဲဒါနဲ့ ခင်ဗျားတို့ မျက်စောင်းထိုးမေးငေ့ါတွေ ပေါ်လာတယ် ဒါပဲ (မှန်ပါ့)၊ ရိပ်မိပလား (ရိပ်မိပါပြီ)၊ တကယ်လဲ ကြောက်စရာကောင်းပါလား (ကောင်းပါတယ် ဘုရား)။

That is precisely why all the glaring, sneering, and gossiping arise. That is all there is to it. (True, Sir). Do you see it? (We see it, Sir). It is truly terrifying, is it not? (It is, Sir).

ဒကာကြွယ် ဒီလိုများဖြစ်ဖူးသေးသလား (ဖြစ်ဖူးပါတယ် ဘုရား) ရိုးရိုးပြောစမ်းပါဗျာ ရိုးရိုးပဲ (မှန်လှပါ ဘုရား)။ အဲ ဒကာ ဒကာမတွေဘက်က ကြပ်ကြပ်သတိထားပါ (မှန်ပါ့)၊ ဒီဧည့်သည်ဟာ အခု ခဏကလေးပေါ်တာ (မှန်ပါ့)၊ ဒီပေါ်မှာ တာရှည်ကော နေနိုင်ရဲ့လား (မနေနိုင်ပါ ဘုရား)။

Daga Kywe, have you ever experienced this yourself? (I have, Sir). Speak honestly now, just be honest. (It is true, Sir). Therefore, Yogis, you must be extremely mindful! (True, Sir). This guest only appears for a fleeting moment. (True, Sir). Can it stay on your body for long? (It cannot, Sir).

သူ့သက်တမ်းစေ့ရင် သူသေတာပဲ (မှန်ပါ့)၊ သူ့သက်တမ်းလဲ ဘာမှ မတွေးနဲ့၊ ၁-ဖြစ်ပြီးရင် ၂-ဖြစ်တာပဲ (မှန်ပါ့ ဘုရား) ၁-၂ ရေနေတာက ကြာသေးတယ်။ ဒကာ ဒကာမတို့ သူ့အသက်က ဒီထက် မြန်တယ် (မှန်ပါ့)။

When its lifespan runs out, it dies. (True, Sir). And do not overthink its lifespan. As soon as number 1 arises, number 2 immediately follows. (True, Sir). In fact, even counting "one, two" takes too long. Yogis, its lifespan is much faster than that! (True, Sir).

ခုနင်က ယပ်တောင်ကလေး ဟိုဘက်ရောက်သွားလို့ရှိရင်ပဲ ဒုက္ခဝေဒနာ ချက်ချင်းပေါ်တာပဲ၊ ယပ်တောင် ကလေးနဲ့ လေကလေးနဲ့ ဟပ်လိုက်ပြန်လို့ရှိရင် သုခဝေဒနာ ချက်ချင်းပေါ်တာပဲ (မှန်ပါ့)၊ အာရုံ ဒွါရထိမှပေါ်တဲ့ ဧည်သည့်ဆိုတာ သေချာပလား (သေချာပါပြီ ဘုရား)။

As I mentioned earlier, the moment the fan moves away from you, the painful feeling of heat instantly arises. The moment the breeze from the fan strikes you again, the pleasant feeling of coolness instantly arises. (True, Sir). Are you now absolutely certain that this is merely a guest that arises only when a sense object strikes a sense door? (We are certain, Sir).

အေး ဧည့်သည်ကိုဖြင့် ဒကာ ဒကာမတွေက ငါချမ်းသာလို့ လာကြတယ်၊ ငါမချမ်းသာလို့ ခြေဦးတောင် မလှည့်လာဘူးလို့ ဒီလိုမလုပ်ပါနဲ့ (မှန်ပါ့ ဘုရား)၊ ရှင်းပလား (ရှင်းပါပြီ ဘုရား)။

Indeed! Therefore, Yogis, do not misinterpret this guest by thinking, "People visit me because I am well-off," or "Nobody steps foot here because I am struggling." Do not personalize it like this. (True, Sir). Is that clear? (It is clear, Sir).

ဒကာကြွယ် ဝေဒနာတွေက အိမ်သည်လား၊ ဧည့်သည်လား (ဧည့်သည်ပါ ဘုရား)၊ ဧည့်သည်တွေနဲ့ ခင်ဗျားတို့ ဘာများ ကြွားလုံး ဝါလုံး ထုတ်နေတာတုန်း၊ အဿုတဝါ အကြားအမြင် မရှိဘူးဘုရား (မှန်ပါ့)။

Daga Kywe, are feelings the host or the guest? (They are the guest, Sir). Then why on earth are you bragging and boasting about mere guests? You do this because you lack the hearing of the True Dhamma (Assutavā). (True, Sir).

အရိယသာဝကဆိုတဲ့ အရိယာတို့ ဟောတဲ့ တရားလဲ မကျင့်ဖူးဘူးဘုရား (မှန်ပါ့)။

It is because you have never practiced the teachings of the Noble Ones (Ariyas), thus failing to become Noble Disciples (Ariya-sāvakā). (True, Sir).

ဧည့်သည်ကို ငါထင်နေတာကိုး

ဒါ့ကြောင့် တပည့်တော်တို့က ဧည့်သည်မှန်း မသိတော့ကို ငါ့ ဘာထင်လို့တုန်း (မှန်ပါ့)၊ ငါ မချမ်းသာပေမယ့် ဘယ်သူ့ဆီမှ ဆားတစ်လျက် ငါတောင်းတာ မဟုတ်ဘူးတဲ့ (မှန်ပါ့ ဘုရား)။

Because you fail to recognize the guest, what defiant thoughts cross your mind? (True, Sir). You say, "I may not be rich, but I don't go begging around for even a pinch of salt from anyone!" (True, Sir).

အံမာလေး ရှုပ်လိုကတဲ့ဖြစ်ခြင်း၊ ဧည့်သည်ကို ငါထင်နေတာကိုး (မှန်ပါ့)၊ ရိပ်မိပလား (ရိပ်မိပါပြီ)၊ အတော်ကို ဆိုးနေတယ်ဆိုတာ ပေါ်ပလား (ပေါ်ပါပြီ ဘုရား)။

Goodness, what a tangled mess! You are completely mistaking the guest for 'I'. (True, Sir). Do you see it? (We see it, Sir). Is it clear to you how severe this delusion is? (It is clear, Sir).

အင်း ဒါ ဝေဒနာကို ငါထင်နေတာ (မှန်ပါ့)၊ ချမ်းသာတာလဲ ဝေဒနာ (မှန်ပါ့)၊ ဆင်းရဲတာကော (ဝေဒနာပါ ဘုရား)၊ အလတ်စားကော (ဝေဒနာပါ ဘုရား)။

You are taking Feeling (Vedanā) to be "I". (True, Sir). Being happy is just a feeling. (True, Sir). What about suffering? (That is also a feeling, Sir). And the neutral state? (That is a feeling too, Sir).

အလတ်စားသမားကလဲ ဒကာ ဒကာမတို့ ပြောလိုက်သေးတယ်၊ ဥပက္ခေဝေဒနာပေါ်လာတယ်လို့ ကျုပ်တို့က မရှိမရှား (မှန်ပါ့)။

Even those experiencing the neutral state speak up. When Neutral Feeling (Upekkhā Vedanā) arises, they say, "Well, we are neither lacking nor abundant." (True, Sir).

အင်း ဦးမာဒင် ဘယ့်နှယ်သုံးသလဲ (မရှိမရှားပါ ဘုရား)၊ မရှိ မရှားဆိုတော့ ကိုယ့်ဟာနဲ့ကိုယ်တော့ ကျုပ်တော့ ကျေနပ်နေတာပဲ (မှန်ပါ့)၊ ဒါကလေး ကျုပ်ဖြစ်ပြီး ကျေနပ်ပါတယ် (မှန်ပါ့)။

U Ma Din, how do people usually phrase it? (Neither lacking nor abundant, Sir). By saying, "I am perfectly satisfied with what little I have," they claim it as their own. (True, Sir). They think, "I am content just being like this." (True, Sir).

ဥပက္ခောဝေဒနာ ဘာဖြစ်ပြီး ကျေနပ်နေသလဲ (ကျုပ်ဖြစ်ပြီး ကျေနပ်နေပါတယ် ဘုရား)။

When Neutral Feeling arises, what are they actually satisfied with? (They are satisfied with the idea of 'I', Sir).

ဖြစ်မှ ဖြစ်ရပလေ၊ ဧည့်သည်မှန်းကို မသိရှာဘူး (မှန်ပါ့)၊ အတော် ဆိုးနေပါပေါ့လား (ဆိုးပါတယ် ဘုရား)။

Alas, what a tragedy! They have absolutely no idea that it is merely a guest. (True, Sir). The situation is quite dire, is it not? (It is dire, Sir).

ဒကာ ဒကာမတွေ ဒါဖြင့် ခင်ဗျားတို့၏ မျက်စောင်းထိုးမှု၊ ခုံဖိနပ် ဆောင့်နင်းမှုပေါ်ပလား (ပေါ်ပါပြီ)၊ ဝေဒနာကြောင့် ဖြစ်တာ (မှန်ပါ့)။

Yogis, is it clear to you now where all your glaring and angry stomping of wooden slippers stems from? (It is clear, Sir). It all happens because of Feeling (Vedanā). (True, Sir).

ဒါကို ဘေးကလူတွေက တစ်ခါတလေကျတော့ အသိဉာဏ်ကလေးနဲ့ ပြောတဲ့ပုဂ္ဂိုလ်က သိလို့တော့ ပြောတာ မဟုတ်ဘူး ဦးမာဒင်ရေ၊ တစ်ချို့က သူ့သွားပြီး မစပါနဲ့၊ သူက ဝေဒနာသည် ဖြစ်နေတယ် (မှန်ပါ့)။

Sometimes, bystanders with a little bit of common sense might say—though not out of true Insight, U Ma Din—they might say, "Don't go and provoke him right now; he is a Vedanā-the (a patient suffering from a disease)." (True, Sir).

ဒ့ါကြောင့် သူပြောချင်ရာ ပြောနေတာ အစရှိသည်နဲ့ ပြောတဲ့လူက ဝေဒနာသည်သာပြောတာ၊ ဟိုက ဝေဒနာ ဆိုတာ သူက အနာကြီးပြောနေတာ (မှန်ပါ့)၊ ရိပ်မိပလား (ရိပ်မိပါပြီ ဘုရား)။

They say, "That is why he is lashing out." The person saying this uses the word Vedanā (feeling/pain), but they are actually referring to a physical disease or ailment. (True, Sir). Do you see the difference? (We see it, Sir).

ဒီ ခဏခဏပေါ်တဲ့ နာမ်ဝေဒနာကိုဆိုတာ ဟုတ်ကဲ့လား (မဟုတ်ပါ ဘုရား)၊ မဟုတ်ဘူး၊ သူက ပြည်တည်နေတဲ့ အနာကြီးပြောနေတာ (မှန်ပါ့)၊ အံမာလေး ကြောက်စရာကြီးပါလား (မှန်ပါ့)။

Are they referring to this mental feeling (Nāma Vedanā) that flickers and arises moment by moment? (No, they are not, Sir). No, they are not. They are talking about a festering physical sore! (True, Sir). Oh, how terrifying this ignorance is! (True, Sir).

ဒကာကြွယ် ဝေဒနာသိပြန်တော့လဲ အနာကိုသိတာ (မှန်ပါ့ ဘုရား)၊ အနာသိတာကျတော့ အနာဆိုတာက ရုပ် (မှန်ပါ့)၊ အဲရုပ်ကြီး သိနေပြန်တော့ ဦးမာဒင် ခက်ပြန်တယ် (ခက်ပါတယ် ဘုရား)။

Daga Kywe, even when ordinary people think they know Vedanā, they only know the physical ailment. (True, Sir). And a physical ailment is merely Form (Rūpa). (True, Sir). So, they are only aware of the gross physical body, U Ma Din, which completely misses the point! (It misses the point, Sir).

ကဲ ဒါဖြင့် ဒကာ ဒကာမတို့ ခန္ဓာကိုယ်ထဲမှာ ဧည့်သည် ဘယ်နှစ်ယောက်လာနိုင်သတုန်း (သုံးယောက်ပါ)၊ ဧည့်သည်ရောက်တိုင်း ရောက်တိုင်း ဒကာ ဒကာမတို့ ခင်ဗျားတို့ ဧည့်သည်မှန်း သိပါစေ (မှန်ပါ့ ဘုရား)။

Very well, Yogis. How many guests can visit this body? (Three guests, Sir). Whenever a guest arrives—every single time—you must be thoroughly aware that it is just a guest! (True, Sir).

ဧည့်သည်မှန်းသိပါစေ

ဧည့်သည်ရောက်တိုင်း ရောက်တိုင်း (ဧည့်သည်မှန်းသိပါစေ) ဒါဟာ ဒကာကြွယ် ဧည့်သည်ရောက်တိုင်း ရောက်တိုင်း သိလို့ရှိရင် ခင်ဗျားတို့ နိဗ္ဗာန်ရတယ် (မှန်ပါ့ ဘုရား)။

Whenever a guest arrives, what must you do? (We must realize it is a guest, Sir). Daga Kywe, if you can properly discern it every time a guest arrives, you will attain Nibbana! (True, Sir).

ဧည့်သည်ရောက်တိုင်း ရောက်တိုင်း သိရင် (နိဗ္ဗာန်ရပါတယ် ဘုရား)၊ အခုတော့ ခင်ဗျားတို့က ဧည့်သည်ကနေပြီး ဧည့်ကျယ် လုပ်ထားတော့ အတော်ခက်နေတယ် (မှန်ပါ့)၊ မခက်ဘူးလား (ခက်ပါတယ် ဘုရား)။

What happens if you recognize it every single time? (We attain Nibbana, Sir). But right now, you treat the guest as if it were the master of the house. That makes things incredibly difficult. (True, Sir). Is it not difficult? (It is, Sir).

ဧည့်သည်ကနေပြီး လာလုပ်ထားသတုံး (ဧည့်ကျယ်လုပ်ထားပါတယ်) ငါလုပ်ထားတာကိုးဗျ (မှန်ပါ့ ဘုရား)။

What have you turned the guest into? (We have turned it into the master of the house, Sir). Exactly! You have turned it into "I"! (True, Sir).

ငါ့မထိနဲ့၊ ဟော သူက ဧည့်ကျယ်က လုပ်သွားပြီ (မှန်ပါ့)၊ ငါ့ မထိနဲ့ ဟုတ်လား၊ ကိုယ်ကံနဲ့ကိုယ် ချမ်းသာတာ ဘယ်သူမျက်စောင်းထိုးလို့ ဘယ်သူမကြည့်လို့ ဘာဖြစ်ရမှာတုံး ဟော သူက ဧည့်ကျယ်ဖြစ်သွားပြီ (မှန်ပါ့)၊ သူက ထပြီး စကားပြောကုန်ပြီ (မှန်ပါ့)၊ ရိပ်မိပလား (ရိပ်မိပါပြီ ဘုရား)။

You say things like, "Don't mess with me!" Look at that—the guest has taken over the house! (True, Sir). "Don't mess with me! I am well-off because of my own Karma. Who cares if they glare at me?" Look! The guest has taken full control. (True, Sir). The feeling itself stands up and does the talking! (True, Sir). Do you see it? (We see it, Sir).

အဲဒီတော့ “သုတဝါ” ဆိုတဲ့ အရိယာတို့၏ တရားကို မနာဖူးလို့ဖြစ်တာ (မှန်ပါ့ ဘုရား)၊ အရိယသာဝကောဆိုတဲ့ အတိုင်း အရိယာတို့၏ ဟောစဉ်ကို မကျင့်ဖူးလို့ ဖြစ်ရတာ (မှန်ပါ့ ဘုရား)။

This happens entirely because you lack the hearing of the Noble Dhamma (Sutavā). (True, Sir). It happens because you have never practiced the teachings of the Noble Ones (Ariyas) to become true Noble Disciples (Ariya-sāvakā). (True, Sir).

ဒါကြောင့် ဘုရားသခင်ကိုယ်တော်မြတ်ကြီးက တရားဟောတော့မယ်ဆိုရင် သုတဝါ အရိယသာဝကော ဖြစ်ပါ စေကွာ၊ သုတဝါ အရိယ သာဝကောဖြစ်စေ (မှန်ပါ့)။

That is exactly why, before delivering a sermon, the Exalted Buddha would always lay down this foundation: "May you be Sutavā (well-instructed)! May you be Ariya-sāvakā (Noble Disciples)!" (True, Sir).

ဒကာသစ် ဒီဥစ္စာ အများကြီး ဆုံးမတယ်၊ သံယုတ်တစ်ကျမ်းထဲမှာလဲ အများကြီးပါတာပဲ ဒကာ ဒကာမတို့၊ အင်္ဂုတ္တိုရ်မှာလဲ ပါတာပဲ၊ ပဏ္ဏာသမှာလဲ ပါတာပဲ (မှန်ပါ့)၊ တရားဟောတော့မယ်ဆိုလို့ရှိရင် အများအားဖြင့် ဒီနှစ်ခု စပြီး ချီလာပြီ (မှန်ပ့ါ)။

Daga Thit, the Buddha emphasized this heavily. Yogis, you will find this repeatedly in the Saṃyutta Nikāya. It is in the Aṅguttara Nikāya. It is in the Paṇṇāsa as well. (True, Sir). Whenever a sermon begins, it almost always starts by citing these two qualities. (True, Sir).

အရိယာတို့၏ ကျင့်စဉ်အတိုင်း

သုတဝါ ပညာနားနဲ့ ကြားဖူးတာ ဖြစ်ပါစေကွ၊ အရိယသာဝကော အရိယာတို့၏ ကျင့်စဉ်အတိုင်း မှတ်သားပြီး ကျင့်နိုင်တဲ့ပုဂ္ဂိုလ်ဖြစ်ပါစေကွ (မှန်ပါ့)၊ ဒီအရေးနှစ်ခုဟာ ဦးမာဒင် မကြီးဘူးလားဗျာ (ကြီးပါတယ် ဘုရား)။

Sutavā: May you be one who listens with the ear of wisdom. Ariya-sāvakā: May you be one who notes the teachings and practices strictly according to the path of the Noble Ones. (True, Sir). U Ma Din, are these two requirements not of the utmost importance? (They are incredibly important, Sir).

အင်မတန် ကြီးပါတယ်၊ ပညာနားနဲ့ ကြားဖူးဖို့ကော လွယ်ရဲ့လား (မလွယ်ပါ)၊ အရိယာတို့၏ ကျင့်စဉ်အတိုင်း ကျင့်ဖို့ကော (မလွယ်ပါ ဘုရား)။

They are profoundly important! Is it easy to cultivate the ear of wisdom to hear the Dhamma? (No, it is not, Sir). Is it easy to practice according to the path of the Noble Ones? (It is not easy, Sir).

ဒါဖြင့် ခင်ဗျားတို့မှာ အရိယာမျိုးစေ့ကို မရှိလို့ အရိယာပင်မပေါက်နိုင်ဘူး (မှန်ပါ့)၊ ရိပ်မိပလား (ရိပ်မိပါပြီ ဘုရား)။

Therefore, without the seed of the Noble Ones planted within you, the tree of the Noble Ones can never grow. (True, Sir). Do you see it? (We see it, Sir).

ဪ ငါ နိဗ္ဗာန်မဂ်ဖိုလ် ဘာဖြစ်လို့ မရနိုင်ပါလိမ့်၊ အရိယာမျိုးစေ့ နှစ်ခုဟာ ဘာမှမရှိဘူး (မှန်ပါ့) မရိတော့ အရိယာပင် ဖြစ်နိုင်ပါ့မလား (မဖြစ်နိုင်ပါ)၊ အဲဒီတော့ ပါရမီ မရှိလို့လား၊ မျိုးစေ့မရှိလို့လား (မျိုးစေ့မရှိလို့ပါ ဘုရား)။

You might wonder, "Alas, why haven't I attained Path and Fruition (Magga-Phala) and Nibbana?" It is simply because you completely lack these two Noble seeds! (True, Sir). Without the seed, can the tree of the Noble Ones possibly sprout? (It cannot, Sir). So, is your failure due to a lack of past perfections (Pāramī), or a lack of the right seed? (It is due to a lack of the right seed, Sir).

ကဲ ဒါဖြင့် ယနေ့တော့ဖြင့် ဒကာ ဒကာမတို့ မျိုးစေ့ပေးပါပြီ၊ သုတဝါ အရိယာနားနဲ့ အရိယာတို့ဟောတဲ့တရားကို ဒကာ ဒကာမတို့ ပညာနားနဲ့ နားထောင်လိုက်ပါ (မှန်ပါ့ ဘုရား)။

Very well! Today, Yogis, I am handing you that very seed. Listen to the Dhamma taught by the Noble Ones with the ear of wisdom. (True, Sir).

သုတဝါ ကြားတယ် ကြားတယ်ဆိုပေမယ့် ဒကာ ဒကာမတို့ ပညာနားနဲ့ကြားဖူးမှနော် (မှန်ပါ့)၊ အရိယ သာဝကောဆိုတော့ အရိယာတို့၏ ကျင့်စဉ်အတိုင်းကျင့်မှ သာဝက ဖြစ်တယ် (မှန်ပါ့)၊ သဘောကျပလား (ကျပါပြီ ဘုရား)။

When we say Sutavā—"having heard"—it means you must truly hear it with the ear of wisdom! (True, Sir). And Ariya-sāvakā means you only become a true disciple when you practice exactly according to the path of the Noble Ones. (True, Sir). Do you grasp the meaning? (Yes, we do, Sir).

ဖြစ်ပျက် ကျင့်သွားတယ်၊

အရိယာတို့ ကျင့်သွားတာက ဖြစ်ပျက် ကျင့်သွားတယ်၊ သာဝက က ခိုင်တယ်၊ မြဲတယ်ယူနေရင် ကိုက်ပါ့မလား (မကိုက်ပါ ဘုရား)။

The Noble Ones practiced by observing the process of Arising and Passing Away (Anicca). But if the disciple clings to the belief that things are solid and permanent, will the practice align with the Noble Ones? (It will not align, Sir).

အဲဒါကြောင့် သုတဝါကလဲ ပညာနားနဲ့ နားထောင်ရမယ် (မှန်ပါ့)၊ အရိယသာဝကောကလဲ အရိယာတို့၏ ကျင့်စဉ်အတိုင်း ဖြစ်ပျက်မြင်လို့ ဖြစ်ပျက်အတိုင်းပဲ ကျင့်ရမယ် (မှန်ပ့ါ) ရှင်းပလား (ရှင်းပါပြီ ဘုရား)။

That is why Sutavā requires you to listen with the ear of wisdom. (True, Sir). And Ariya-sāvakā requires you to practice exactly as the Noble Ones did—by clearly seeing the Arising and Passing Away. (True, Sir). Is that clear? (It is clear, Sir).

ဒါဖြင့် ဒကာသစ်ရေ သွားကြပါဦးစို့၊ ဒီခန္ဓာကြီးပေါ်မှာ ဧည့်သည် ဘယ်နှစ်ယောက်လဲ (သုံးယောက်ပါ ဘုရား)၊ ဘာဝေဒနာပါလိမ့် (သုခဝေဒနာ၊ ဒုက္ခဝေဒနာ၊ ဥပက္ခာဝေဒနာပါ ဘုရား)။

So, Daga Thit, let us proceed. How many guests appear on this physical body? (Three guests, Sir). What are those feelings? (Pleasant Feeling, Painful Feeling, and Neutral Feeling, Sir).

ဒါကို ခင်ဗျားတို့ ရှုဖြစ်အောင် ရှုပါနော် (မှန်ပါ့)၊ ဧည့်သည် လာတိုင်း လာတိုင်း အရိယသာဝကတို့၏ စိတ္တုပ္ပါဒ်မွေးလိုက်ပါ (မှန်ပါ့)။

You must ensure that you watch and observe them! (True, Sir). Whenever a guest arrives, you must cultivate the mindset (Cittuppāda) of a Noble Disciple. (True, Sir).

အရိယာသာဝကတို့၏ (စိတ္တုပ္ပါဒ်မွေးရပါမယ်)၊ စိတ္တုပ္ပါဒ် မွေးလိုက်တဲ့အခါကျတော့ ဒါ ဧည့်သည်မရှိဘူး၊ ဧည့်သည်မရှိဘူး၊ ဒါနဲ့ ကြည့်ကြည့်ပေးပါ (မှန်ပါ့)။

What must you cultivate? (The mindset of a Noble Disciple, Sir). When you cultivate that mindset, you must watch and observe with the realization: "The guest is no more. The guest has vanished." (True, Sir).

အရိယာတို့၏ ကျင့်စဉ်အတိုင်း ဧည့်သည်မရှိဘူး၊ ဧည့်သည်မရှိဘူး၊ ဒီလို ကြည့်ပေးရမယ် (မှန်ပါ့)၊ ဧည့်သ်ညမရှိ ဘူး ကြည့်ပေးလိုက်တဲ့အခါကျလို့ရှိရင် ဝေဒနာ အနတ္တဖြစ်သွားတယ် (မှန်လှပါ)၊ သဘောကျပလား (ကျပါပြီ ဘုရား)။

Following the practice of the Noble Ones, you must observe it as: "The guest is no more. The guest has vanished." (True, Sir). When you watch and observe that the guest is no longer there, Feeling (Vedanā) is fully realized as Non-Self (Anatta). (True, Sir). Do you grasp the meaning? (Yes, we do, Sir).

ဝေဒနာ (အနတ္တပါ ဘုရား)၊ ဧည့်သည် မရှိဘူး၊ မြန်မာလို ပြန်လိုက်တော့ (မှန်ပါ့)။

Feeling is precisely what? (It is Anatta, Sir). "The guest is no more" is the plain translation of it. (True, Sir).

မြန်မာလိုပြန်လိုက်တော့ (ဧည့်သည်မရှိပါ ဘုရား)၊ နို့ ဧည့်သည်ကော မဟုတ်ဘူးလား (ဟုတ်ပါတယ် ဘုရား)၊ ဒီလေးပါးပေါ်မှာ တစ်ခါတလေမှ သုခပေါ်တာ (မှန်ပါ့)။ တစ်ခါတလေမှာ ဒုက္ခကကော (ပေါ်ပါတယ် ဘုရား)၊ ဒါဖြင့် ဧည့်သည်ကောရှိရဲ့လား (မရှိပါ ဘုရား)၊ ဒကာ ဒကာမတို့ ရိပ်မိပလား (ရိပ်မိပါပြီ ဘုရား)။

How do we translate it? ("The guest is no more", Sir). Now, is it not truly a guest? (It is, Sir). Out of the four remaining aggregates, a pleasant feeling only arises occasionally. (True, Sir). And what about a painful feeling? (It only arises occasionally, Sir). Therefore, is that guest permanently there? (It is not there, Sir). Yogis, do you see it? (We see it, Sir).

မရှိဘူးသိရင် တော်ပါပြီ

ဒါဖြင့် ဧည့်သည်၊ ဒီကနေပြီး သကာလ ဧည့်သည်ကို မသိချင်နေပါစေတော့၊ ဧည့်သည်ကို ဘုန်းကြီး ပြောထား တယ် ကြားဖူးပါပြီ (မှန်ပါ့)၊ အဲဒါ မရှိဘူးသိရင် တော်ပါပြီ (မှန်ပါ့)။

Therefore, even if you do not actively label it as a "guest," you have already heard my explanation. (True, Sir). Simply knowing by Insight that it is "no more" is enough! (True, Sir).

မရှိဘူးသိရင် တော်ပါပြီ၊ ဒါ့ကြောင့် ဖြစ်တယ်ဆိုတာ ဧည့်သည်ပေါ်တာ၊ ပျက်တယ်ဆိုတဲ့ဥစ္စာက မရှိတာ (မှန်ပါ့)၊ ဒါကြောင့် ဖြစ်ပျက်ကို မိအောင်ကြည့် (မှန်ပါ့)၊ ဖြစ်ပျက်ကို (မိအောင် ကြည့်ရပါမယ် ဘုရား)။

Knowing its absence is enough. "Arising" means the guest has appeared. "Passing away" means it is no more. (True, Sir). That is why you must clearly catch the process of Arising and Passing Away. (True, Sir). What must you catch? (We must clearly catch the Arising and Passing Away, Sir).

အဲဒီတော့ အဖြစ် မမိလိုက်ဘူးဆိုရင် အပျက် မိအောင်ကြည့် (မှန်ပါ့)၊ သဘောကျပလား (ကျပါပြီ ဘုရား)။

If you happen to miss its Arising, you must ensure you catch its Passing Away. (True, Sir). Do you grasp the meaning? (Yes, we do, Sir).

အဖြစ် မမိလိုက်ရင် ရှိစေတော့၊ အပျက်တော့ဖြင့် (မိရပါမယ် ဘုရား)။

If you do not catch the Arising, let it be. But as for the Passing Away? (We must catch it, Sir).

ဘာဖြစ်လို့တုန်းဆိုတော့ အဖြစ်မမိချင် ရှိပါစေတော့ဆိုတာ သူက ဖြစ်နေတုန်း သူက ဖြစ်ခွင့်မရဘူး (မှန်ပါ့)၊ ရှုဉာဏ်က ဖြစ်ခွင့်မရဘူး (မှန်ပါ့)။

Why do I say let it be if you miss the Arising? Because while the feeling is in the process of arising, the mind that watches and observes (Vipassanā Ñāṇa) cannot arise simultaneously. (True, Sir). The Insight Knowledge does not get the chance to arise. (True, Sir).

သူက ပျက်သွားလို့ မရှိတဲ့အချိန်ကျမှ ဒီရှုဉာဏ်က အရိယာတို့၏ ကျင့်စဉ်က ပေါ်လာတယ် (မှန်ပါ့)၊ ကျင့်စဉ်က ပေါ်လာတဲ့အခါကျတော့ ဦးမာဒင်ရေ ဧည့်သည်မရှိဘူးလို့ သူ မသိဘူးလား (သိပါတယ် ဘုရား)။

It is only when the feeling has passed away and is no more that the Insight Knowledge—the practice of the Noble Ones—arises. (True, Sir). When this practice comes into play, U Ma Din, does the Insight not realize that the guest is no more? (It realizes it, Sir).

မရှိမှန်းသိတာက မဂ္ဂ

ဒါဖြင့် ဧည့်သည်မရှိတာက အနတ္တ၊ သဘောကျပလား (ကျပါပြီ ဘုရား)၊ မရှိမှန်းသိတာက (မဂ္ဂပါ ဘုရား)၊ မဂ္ဂပဲဆိုတော့ ဒကာ ဒကာမတို့ ဪ မဂ်ဆိုတာ ဒီလိုယူရတာပါကလား (မှန်ပါ့ ဘုရား)၊ မဂ် ခန္ဓာကိုယ်ထဲ ပေါ်ခင်လို့ ရှိရင် ဧည့်သည်မရှိတာသိမှ မဂ်ပေါ်တယ် (မှန်ပါ့)။

Therefore, the fact that the guest is no more is Anatta. Do you grasp the meaning? (Yes, we do, Sir). And the Insight that knows its absence is what? (It is the Path, Magga, Sir). Exactly, it is Magga. Yogis, now you realize: "Oh! This is how the Path is developed!" (True, Sir). For the Path to arise within you, you must first realize that the guest is no more. (True, Sir).

ဧည့်သည်မရှိတာသိရင် (မဂ်ပေါ်ပါတယ် ဘုရား)၊ ဒါဖြင့် မဂ်ဟာ ဆုတောင်ယူရမှာလား မရှိတာသိမှ ပေါ်တာလား (မရှိတာသိမှ ပေါ်လာတာပါ ဘုရား)။

When you realize the guest is no more, what happens? (The Path arises, Sir). So, is the Path something you get by praying for it, or does it arise by knowing the absence of phenomena? (It arises by knowing their absence, Sir).

ခင်ဗျားတို့ ဒီလိုသာ မဂ်ကို ရှုလို့မှ မပေါ်လာလို့ရှိရင် ဘဝတိုစရာ အကြောင်းမမြင်ဘူးလား (မှန်ပါ့)၊ ရှင်းပလား (ရှင်းပါပြီ ဘုရား)။

If you fail to watch and observe, and thus the Path fails to arise, is there any chance of shortening your cycle of rebirths? (There is no chance, Sir). Is that clear? (It is clear, Sir).

ကဲ မဂ်ဖိုလ်ကို ဘဝတိုတိုနဲ့ ရချင်တယ်ဆိုလို့ရှိရင် ဧည့်သည်မရှိတာ သိမှ (မှန်ပါ့)၊ သဘောကျပလား (ကျပါပြီ ဘုရား)။

If you wish to attain Path and Fruition (Magga-Phala) swiftly, you absolutely must realize that the guest is no more! (True, Sir). Do you grasp the meaning? (Yes, we do, Sir).

ဧည့်သည်မရှိတာက အနတ္တ (မှန်ပါ့)၊ သိတာက (မဂ္ဂပါ)၊ မဂ္ဂဆိုတော့ ဒကာ ဒကာမတွေ သိတဲ့အတိုင်းတဲ့ သူဟာ သုခဝေဒနာ ဆိုပါဦးတော့ ဧည့်သည်ဟာ (မှန်ပါ့)၊ မရှိတာ မသိတဲ့ ပုဂ္ဂိုလ်ကျတော့ သုခဝေဒနာ ပစ္စယာ တဏှာ, ဥပါဒါန်, ကံ (မှန်ပါ့)၊ ဒီထက် ဇာတိ, ဇရာ, မရဏ (မှန်ပါ့) အနာဂတ်ဘဝ ဆက်သွားတယ် (မှန်ပါ့) သဘော ပါကလား (ပါ ပါပြီ ဘုရား)။

The fact that the guest is no more is Anatta. (True, Sir). And the Insight that knows it is? (It is Magga, Sir). Let us say the guest is a Pleasant Feeling. (True, Sir). For the person who fails to see its absence, what happens? Sukha Vedanā leads to Craving (Taṇhā), Clinging (Upādāna), and Action (Kamma). (True, Sir). From there, it leads to Rebirth (Jāti), Aging (Jarā), and Death (Maraṇa). (True, Sir). It drives them straight into future existences! (True, Sir). Do you grasp the meaning? (Yes, we do, Sir).

ဒီခန္ဓာပြီးရင် ဒီခန္ဓာလာတော့မှာ

ဒါ ဧည့်သည်မရှိတာ မသိလိုက်လို့ (မှန်ပါ့)၊ မသိလိုက်တော့ ပဋိစ္စသမုပ္ပာဒ်က ခန္ဓာ့ပဋိစ္စသမုပ္ပာဒ် (မှန်ပါ့)၊ ဘာယူရမတုံး (ခန္ဓာ့ပဋိစ္စသမုပ္ပာဒ်ပါ ဘုရား)၊ ဒီခန္ဓာပြီးရင် ဒီခန္ဓာလာတော့မှာပဲ (မှန်ပါ့)၊ ဒီခန္ဓာပြီးရင် ဒီခန္ဓာကော (လာမှာပါ ဘုရား)။

All of this happens simply because they failed to realize that the guest is no more. (True, Sir). Because of this ignorance, the Wheel of Dependent Origination (Paṭiccasamuppāda) keeps turning within the Aggregates. (True, Sir). What must you understand? (The Dependent Origination of the Aggregates, Sir). After this current aggregate perishes, a new one will inevitably follow. (True, Sir). After this body, will another body not come? (It will come, Sir).

အဲ ဝေဒနာက္ခန္ဓာကို မသိတဲ့ ပုဂ္ဂိုလ်သည် ချုပ်မှန်းပျက်မှန်း မသိတဲ့ ပုဂ္ဂိုလ်ဟာ ဝေဒနာပစ္စယာတဏှာ (မှန်ပါ့)၊ တဏှာ ပစ္စယာ (ဥပါဒါနံပါ ဘုရား)၊ ဥပါဒါနပစ္စယာ (ကမ္မဘဝေါပါ ဘုရား)၊ ကမ္မဘဝပစ္စယာ (ဇာတိပါ ဘုရား)။

Indeed! For the person who fails to comprehend the Aggregate of Feeling (Vedanākkhandhā)—the person who fails to see its cessation and passing away—Vedanā leads to Taṇhā. (True, Sir). Taṇhā leads to? (Upādāna, Sir). Upādāna leads to? (Kammabhava, Sir). Kammabhava leads to? (Jāti, Sir).

အဲ ဇာတိဆိုတော့ ဦးမာဒင် ဘဝကူးသွားပြီ (မှန်ပါ့)၊ ဘဝ တစ်ဘဝ ဆက်မသွားသေးဘူးလား (ဆက်သွားပါပြီ ဘုရား)၊ ဒါ ဘယ့်နှယ်ကြောင့်တုံး၊ ဧည့်သည်မရှိတာကို တပည့်တော်တို့က မသိလိုက်လို့ပါဘုရား (မှန်ပါ့)၊ ပေါ်ပလား (ပေါ်ပါပြီ ဘုရား)။

And with Jāti (Rebirth), U Ma Din, they have crossed over into a brand new existence! (True, Sir). Has the cycle not continued into another life? (It has continued, Sir). Why did this happen? It happened because you failed to realize that the guest is no more! (True, Sir). Is that clear to you? (It is clear, Sir).

ဧည့်သည်မရှိတာကို (မသိလိုက်လို့ပါ ဘုရား)၊ နောက် ခင်ဗျားတို့ ခန္ဓာကိုယ်ကြီးထဲ ဧည့်သည်တစ်နေ့ ဘယ်နှစ် ကြိမ်ရောက်မယ် ထင်သတုန်း (မရေတွက်နိုင်ပါ ဘုရား)၊ မသိတာတော့ မရေတွက်နိုင်ဘူးပေါ့လေ (မှန်ပါ့)၊ ရိပ်မိပလား (ရိပ်မိပါပြီ ဘုရား)။

It is solely because you failed to realize its absence. (True, Sir). Now, how many times a day do you think guests arrive in this physical body of yours? (Countless times, Sir). And since they arrive countless times, your moments of ignorance are also countless! (True, Sir). Do you see it? (We see it, Sir).

ဒကာကြွယ်ရေ လာတဲ့ဧည့်သည်လဲ မနည်းဘူးတဲ့၊ မသိလိုက်တာတွေကလဲများတယ် (များပါတယ် ဘုရား)၊ မသိလိုက်တာများတော့ ခင်ဗျားတို့ မသိလိုက်တာ ကိစ္စမရှိပါဘူးတဲ့၊ ခင်ဗျားတို့ စိတ်အစဥၤက ရပ်ကဲ့လား (မရပ်ပါ ဘုရား)။

Daga Kywe, a massive number of guests arrive, and your failures to notice them are just as numerous. (They are numerous, Sir). But just because you fail to notice them, does your mental continuum stop running? (It does not stop, Sir).

ကြည့်လေ ဒီဧည့်သည်မသိလိုက်တော့ ဟောဒီ စိတ်စဉ်ပေါ်လာတယ် (မှန်ပါ့ ဘုရား)၊ တဏှာစိတ်စဉ် ပေါ်လာတယ်၊ တဏှာစိတ်စဉ် ပေါ်လာတော့ ဥပါဒါန်စိတ်စဉ်ကော (ပေါ်ပါတယ် ဘုရား)၊ ကမ္မဘဝ စိတ်စဉ်ကော (ပေါ်ပါတယ် ဘုရား)။

Look closely! Because you fail to recognize the guest, a new mental continuum instantly arises. (True, Sir). The continuum of Craving (Taṇhā) arises. When Craving arises, does the continuum of Clinging (Upādāna) follow? (It follows, Sir). Does the continuum of Action (Kammabhava) follow? (It follows, Sir).

သေသည်၏ အခြားမဲ့၌ ဇာတိအစဉ်ကြီးကော လာမလား (လာပါမယ် ဘုရား)၊ သေပြီးရင်တော့ လာတော့မှာပဲ (မှန်ပါ့)။

And immediately upon death, will the great continuum of Rebirth (Jāti) not follow? (It will follow, Sir). Once you die, it is absolutely certain to come. (True, Sir).

ဘယ့်နှယ်ကြောင့် လာပါလိမ့်

ဒါ ဘယ့်နှယ်ကြောင့် လာပါလိမ့်မတုံးလို့ ဒကာကြွယ်တို့ ဦးမာဒင်တို့ ဒကာသစ်တို့မေးတော့ ဧည့်သည်လာတာ ကို မသိလိုက်လို့ (မှန်ပါ့)၊ ဧည့်သည်၏ သဘောကို မသိလိုက်ဘူး (မှန်ပါ့)၊ ဧည့်သည်သည် နေလဲ နေသွားတယ်၊ သေလဲ သေသွားတယ်လို့ မသိလိုက်ဘူး (မှန်ပါ့)။

If Daga Kywe, U Ma Din, and Daga Thit ask, "Why exactly does this rebirth follow?", the answer is simple: Because you failed to notice the arrival of the guest! (True, Sir). You failed to comprehend the true nature of the guest. (True, Sir). You failed to realize that the guest merely stays for a moment and then completely dies away. (True, Sir).

အနေနဲ့အသေကို (မသိလိုက်ပါ ဘုရား)၊ မသိလိုက်တော့ကို ခင်ဗျားတို့က မသိလိုက်တာ ဘယ်သူတုန်းလို့မေး တော့ တစ်ချက်ကလေး တွေးလိုက်ပါ၊ မသိလိုက်တာဟာ အဝိဇ္ဇာ (မှန်ပါ့)၊ မဟုတ်ဘူးလား (ဟုတ်ပါတယ် ဘုရား)၊ အဝိဇ္ဇာကနေပြီး သင်္ခါရကျေးဇူးပြုတယ် (မှန်ပါ့)၊ တဏှာကနေပြီး ဥပါဒါန်ကို ကျေးဇူးပြုတယ် (မှန်ပါ့)၊ ဥပါဒါန်က ဆက်ပြီးတော့ (ကံကိုကျေးဇူးပြုပါတယ် ဘုရား)၊ သေသည်၏ အခြားမဲ့၌ ဇာတိကိုသွားပြီး ကျေးဇူးပြုလိုက်တယ် (မှန်ပါ့)၊ ကောင်းသေးရဲ့လား ဒကာကြွယ်ရေ (မကောင်းပါ ဘုရား)။

You completely missed its brief stay and its death. (We missed it, Sir). Since you failed to see it, ask yourself: "Who is the culprit behind this failure to know?" Think about it for a moment. This failure to know is Ignorance (Avijjā)! (True, Sir). Is that not so? (It is so, Sir). Avijjā then causes Volitional Formations (Saṅkhāra). (True, Sir). Then Craving (Taṇhā) causes Clinging (Upādāna). (True, Sir). And what does Upādāna lead to? (It leads to Kamma, Sir). And immediately after death, it inevitably results in Rebirth (Jāti). (True, Sir). Daga Kywe, is there anything good about this? (Nothing good at all, Sir).

ဒါ မသိလိုက်တဲ့အပြစ် (မှန်ပါ့)၊ မသိလိုက်တဲ့အပြစ် ဒကာ ဒကာမတို့ တော်တော်ကြီးတယ် (မှန်ပါ့)၊ သံသရာကို ဆက်သွားစေတယ် (မှန်ပါ့)။

This is the severe penalty for failing to know! (True, Sir). Yogis, the consequence of this ignorance is massive! (True, Sir). It forces Samsara to continue endlessly. (True, Sir).

မသိလိုက်တဲ့အပြစ်ဟာ (သံသရာကို ဆက်သွားစေပါတယ် ဘုရား)၊ အဲဒီတော့ ခင်ဗျားတို့က ကျုပ်ဖြင့် စောင့် ကြည့်နေတာပဲ၊ ကြည့်ပေမယ့်လဲ မမြင်လိုက်ပါဘူး (မှန်ပါ့)၊ အင်း မမြင်လိုက်ရင် သွားပေတော့ အပါယ် (မှန်ပါ့)၊ ရိပ်မိပလား (ရိပ်မိပါပြီ ဘုရား)။

What does this failure to know cause? (It forces Samsara to continue, Sir). Now, you might protest, "But I am watching! I just didn't manage to see it." (True, Sir). Well, if you fail to see it, then off you go to the Lower Realms (Apāya)! (True, Sir). Do you see the gravity of this? (We see it, Sir).

သူ့စိတ်စဉ်က သူ့ပို့တာ

မမြင်လိုက်ရင် သွားပေတော့ အပါယ်ဆိုတာက ဦးမာဒင် ရမ်းပြောတာလား သူ့စိတ်စဉ်က သူ့ပို့တာလား (သူ့စိတ်စဉ်က သူ့ပို့တာပါ)၊ ဘုန်းကြီးက ပို့တာမဟုတ်ပါဘူး (မှန်ပါ့ ဘုရား)။

When I say, "If you fail to see it, off you go to the Lower Realms," U Ma Din, am I just making a reckless threat, or is it their own mental continuum that sends them there? (Their own mental continuum sends them there, Sir). Indeed, I am not the one sending anyone there. (True, Sir).

ဘုန်းကြီးက ဘာမှ မဆိုင်ဘူး၊ စိတ်စဉ်ဟာ ခင်ဗျားတို့ ဒါထုံးစံ လာလိမ့်မယ်ပြောတာ (မှန်ပါ့)၊ သဘောပါကြ ပလား (ပါပါပြီ ဘုရား)။

I have nothing to do with this. I am simply explaining the natural progression of the mind and how it habitually arises. (True, Sir) Do you grasp the meaning? (Yes, we do, Sir).

ဒါဖြင့် ဒကာ ဒကာမတို့ အိမ်မှာ ခင်ဗျားတို့ဧည့်သည် ဘယ်နှစ်ယောက် လာတတ်သတုန်း (သုံးယောက်လာ တတ်ပါတယ်)၊ သိတာများသလား၊ မသိတာများသလား (မသိတာများပါတယ်)၊ ဟာ မသိတာများရင် အပါယ်ချည်းသွား တယ် (မှန်ပါ့)၊ ရိပ်မိပလား (ရိပ်မိပါပြီ ဘုရား)။

In that case, Yogis, how many guests usually visit your house? (Three guests come, Sir). Do you usually recognize them, or do they go unnoticed? (They usually go unnoticed, Sir). Well, if they mostly go unnoticed, you are heading straight to the lower realms (Apāya). (True, Sir) Do you see it? (Yes, we do, Sir).

မသိတာများရင် (အပါယ်ချည်းသွားပါတယ်)၊ မသိတာဆိုတာ အဝိဇ္ဇာ (မှန်ပါ့)၊ အဝိဇ္ဇာကြောင့် ဒီဘက်က တဏှာ၊ တဏှာကြောင့် (ဥပါဒါန်ပါ ဘုရား)။

If they mostly go unnoticed... (We head straight to the lower realms, Sir). Not knowing is Ignorance (Avijjā). (True, Sir) Due to Ignorance (Avijjā), Craving (Taṇhā) arises. Due to Craving (Taṇhā)... (Clinging (Upādāna) arises, Sir).

ဒါတွေက ဒီကမှမသိတာ ဒီတဏှာကော သိပါဦးမလား (မသိပါ) ဒီဥပါဒါန်ကော (မသိပါ)၊ ဒီကံဖြစ်တာကော (မသိပါ ဘုရား)။

Since you do not recognize the initial arising, will you be aware of this Craving (Taṇhā)? (No, Sir) Will you be aware of this Clinging (Upādāna)? (No, Sir) Will you be aware of the arising of Kamma? (No, Sir).

ဪ ခင်ဗျားတို့ မသိသလို ကျုပ်တို့က ဘာမှမသိတော့ ခပ်အေးအေးနေလိုက်တာပဲ (မှန်ပါ့)၊ ဒကာ ဒကာမ တွေ ဒီလိုသုံးချင်လဲ သုံးလိုက်မယ် (သုံးပါတယ်)၊ ဟ မအေးဘူး၊ ဒယ်အိုးရောက်အောင် သွားတယ် (မှန်ပါ့)၊ ရိပ်မိပလား (ရိပ်မိပါပြီ ဘုရား)။

You might think, "Well, since we don't know anything, we will just live peacefully." (True, Sir) Yogis, you might be inclined to use this excuse. (Yes, we do, Sir) But it is not peaceful at all! You are heading straight to the hellfire. (True, Sir) Do you see it? (Yes, we do, Sir).

အပါယ်ဒယ်အိုးရောက်အောင် ဘယ့်နှယ်တုန်း (သွားပါတယ် ဘုရား)။

What happens when you head straight to the hellfire? (We end up there, Sir).

အဲဒီတော့ ကျုပ်တို့ကတော့ မသိတော့ မသိသလိုနေလိုက်တာပဲ (မှန်ပါ့)၊ မသိသလိုနေကြတာလား ဒကာ ဒကာမတို့ အပါယ်ရောက်သွားတာလား (အပါယ်ရောက်သွားတာပါ ဘုရား)။

Therefore, you might say, "Since we do not know, we just live as if we do not know." (True, Sir) But Yogis, are you merely living without knowing, or are you actually falling into the lower realms? (We are falling into the lower realms, Sir).

အဲဒီတော့ နောက်ကို ဒီ အသုံးမသုံးနဲ့ (မှန်ပါ့)၊ အပါယ်ရောက်တာ မသိ မသိသလို နေလိုက်တာပဲဆိုတာများ ဘယ်တော့မှ မသုံးပါနဲ့ (မှန်ပါ့)၊ ရှင်းပလား (ရှင်းပါပြီ ဘုရား)။

So, from now on, never use that excuse again. (True, Sir) Never say, "We just live as if we do not know," because that means you are heading to the lower realms. (True, Sir) Is that clear? (Yes, it is, Sir).

ဒါဖြင့် ဒီဧည့်သည်ကလေး လာတိုင်း လာတိုင်း ဘာလုပ်ကြရမယ် (ဖြစ်ပျက်ရှုရပါမယ်)၊ ဧည့်သည်နေတာကို သိရမယ်၊ ဧည့်သည်ပြန်တော့ သိရမယ် (မှန်ပါ့ ဘုရား)။

In that case, whenever this little guest arrives, what must you do? (We must observe the arising and passing away, Sir). You must know when the guest is present, and you must know when the guest departs. (True, Sir).

ဧည့်သည်ဖြစ်တာကို (သိရပါမယ်)၊ ဧည့်သည်ပျက်တာကို (သိရပါမယ် ဘုရား)၊ သိတဲ့အခါကျတော့ ဖြစ်ပျက်သိ တော့ ဖြစ်ပျက်မဂ်ဆိုတော့ မဂ်ဆိုတာ ဒီအဝိဇ္ဇာလဲ သတ်တယ် (မှန်ပါ့ ဘုရား)။

You must know the arising of the guest. (Yes, we must, Sir) You must know the passing away of the guest. (Yes, we must, Sir) When you know the arising and passing away, it becomes the Path Knowledge (Magga). This Path Knowledge (Magga) eradicates Ignorance (Avijjā). (True, Sir).

အဝိဇ္ဇာလဲသတ်တယ် တဏှာကော (သတ်ပါတယ်)၊ ဥပါဒါန်ကော (သတ်ပါတယ်)၊ ခေါင်သူကြီး သတ်လိုက်ပေါ့ပဲ၊ ဒီဟာတွေ ဆက်နိုင်သေးရဲ့လား (မဆက်နိုင်ပါ ဘုရား)။

It eradicates Ignorance (Avijjā). What about Craving (Taṇhā)? (It eradicates it, Sir). What about Clinging (Upādāna)? (It eradicates it, Sir). It is like taking down the ringleader! Can the cycle continue to re-arise after that? (No, it cannot, Sir).

အပါယ်ဖြစ်စဉ်ဖြတ်တာ

အဲ ခင်ဗျားတို့၏ အပါယ်ဖြစ်စဉ်ဖြတ်တာ (မှန်ပါ့)၊ ရိပ်မိကြပလား (ရိပ်မိပါပြီ)၊ ဘာ ဖြတ်တာပါလိမ့် (အပါယ် ဖြစ်စဉ်ဖြတ်တာပါ ဘုရား)။

That is how you terminate the cycle of falling into the lower realms. (True, Sir) Do you see it? (Yes, we do, Sir) What are you terminating? (We are terminating the cycle of the lower realms, Sir).

ဒါဖြင့် ဒကာ ဒကာမတို့ ဧည့်သည် လာတိုင်း လာတိုင်း အသိအမှတ်ပြုပါ (မှန်ပါ့)၊ ရှင်းပလား (ရှင်းပါပြီ ဘုရား)။

Therefore, Yogis, whenever a guest arrives, you must acknowledge it. (True, Sir) Is that clear? (Yes, it is, Sir).

ဒါကြောင့် ဘုရားက “သုခံဝါ ဝေဒနံ ဝေဒယမာနာ သုခံ ဝေဒနံ ဝေဒယာမီတိ ပဇာနာတိ” မင်းသိအောင် လုပ်တဲ့ (မှန်ပါ့)၊ သူ ဧည့်သည် လာတာကို သိအောင်လုပ် (မှန်ပါ့)၊ မသိရင် မင်းဒုက္ခရောက်လိမ့်မယ် (မှန်ပါ့)၊ သဘောကျပလား (ကျပါပြီ ဘုရား)။

That is why the Buddha taught: "Sukhaṃ vā vedanaṃ vedayamāno sukhaṃ vedanaṃ vedayāmīti pajānāti" (When feeling a pleasant feeling, one knows: 'I feel a pleasant feeling'). He instructed you to be fully aware. (True, Sir) You must be aware when the guest arrives. (True, Sir) If you are not aware, you will face suffering. (True, Sir) Do you grasp the meaning? (Yes, we do, Sir).

မသိရင် မသိတဲ့ ဧည့်သည်လက်ခံပြီး ခင်ဗျားတို့ သူခိုးသူဝှက်တွေလာပြီး တည်းလို့ရှိရင်ဖြင့် ကိုယ့်အိမ် လက်ခံမှု ဒုက္ခက ရောက်ဦးမှာ (မှန်ပါ့)၊ မသိတဲ့ဒုက္ခ သေးသလား (မသေးပါ ဘုရား)။

If you remain unaware, you are welcoming an unknown guest. If thieves and robbers come and stay at your house, you will suffer the consequences of harboring them. (True, Sir) Is the suffering caused by this ignorance a small matter? (No, it is not small, Sir).

အဲ အဲဒီ ဒုက္ခက မကြီးသေးဘူး၊ ထောင်ကျရုံတင်ရှိသေးတာ၊ ဟိုက အပါယ်ထဲက လွတ်မှာမဟုတ်ဘူး (မှန်ပါ့)၊ ရိပ်မိပါလား (ရိပ်မိပါပြီ ဘုရား)။

Actually, harboring criminals only leads to worldly punishment like going to jail; that suffering is not even the worst of it. But harboring these mental guests without awareness means you will never escape from the lower realms. (True, Sir) Do you see it? (Yes, we do, Sir).

ဖြစ်ပျက်ရှုကြရမယ်

ဒါဖြင့် ဘယ့်နှယ်လုပ်ကြမလဲ (ဖြစ်ပျက်ရှုကြရပါမယ်)၊ ဧည့်သည်က ဘယ်နှစ်ယောက် လာမှာတုန်း (သုံးယောက် လာမှာပါ ဘုရား)၊ သုံးယောက်တည်း သိပ်မများပါဘူး (မှန်ပါ့)။

So, how shall we proceed? (We must observe the arising and passing away, Sir). How many guests will be coming? (Three guests will come, Sir). Just three—that is not too many to handle. (True, Sir).

ခင်ဗျားတို့ ဈေးရောင်းတဲ့အခါကျတော့ ဒီနေ့ သုံးဦးပဲ ရောင်းရတယ်လို့ ဒီလိုများ ရှိကြရဲ့လား (မရှိပါ)၊ မကပါဘူး၊ အများကြီးပါ၊ သဘောကျပလား (ကျပါပြီ ဘုရား)။

When you are selling goods at the market, do you ever say, "Today I only had three customers"? (No, Sir). Of course not, you handle many more than that! Do you grasp the meaning? (Yes, we do, Sir).

အဲဒါတွေကျတော့ မျက်စိ မျက်နှာများ မှတ်ထားပါလို့ ခင်ဗျားတို့က နှုတ်ဆက်ကောင်းလိုက်တာလွန်လို့ (မှန်ပါ့)၊ ဒီဟာကျတော့ မျက်စိ မျက်နှာ မှတ်ထားတာ မဟုတ်ဘူး၊ ရိပ်မိပလား (ရိပ်မိပါပြီ ဘုရား)၊

You easily remember the faces of your worldly customers because you are so eager to greet them. (True, Sir) Yet, when it comes to these mental guests, you fail to recognize their faces at all! Do you see it? (Yes, we do, Sir).

ကဲ ယနေ့ဒီတွင် တော်ကြဦးစို့။

သာဓု သာဓု သာဓု။

Well, let us stop here for today. Sādhu! Sādhu! Sādhu!