တရားတော်
ပုထုဇဉ်နဲ့ အရိယာ ဝေဒနာခံစားကြပုံ
ပုထုဇဉ်နဲ့ အရိယာ ဝေဒနာခံစားကြပုံ
ကျေးဇူးတော်ရှင် အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး
မိုးကုတ်မြို့ မင်္ဂလာတိုက်၌ ဟောကြားတော်မူအပ်သော
The Most Venerable Agga Maha Pandita, Mogok Sayadaw. Delivered at Mingalar Taik, Mogok. When Pain Arises, You Must Launch an Offensive. Evening Meditation Instruction (20-4-62)
ပုထုဇဉ်နဲ့ အရိယာ ဝေဒနာခံစားကြပုံ
ဝေဒနာလာရင် ထိုးစစ်ဆင်ရမည်
ညအလုပ်ပေးတရားတော်
(၂၀-၄-၆၂)
ခံစားပုံချင်း ဘယ်လိုထူးသလဲ
မြတ်စွာဘုရားသခင်ကိုယ်တော်မြတ်ကြီးလက်ထက်က ရဟန်းတွေက မေးကြတယ်တဲ့၊ ဘယ်လို မေးသလဲလို့ မေးတော့ ဝေဒနာဆိုတာဘုရား ပုထုဇဉ်မှာလဲ ဝေဒနာရှိတာဘဲ၊ ရဟန္တာတွေ, ဘုရားတွေမှာလဲ ဝေဒနာရှိတာဘဲ၊ ဝေဒနာခံစားကြတာဘဲ၊ ခံစားပုံချင်း ဘယ်လိုထူးသလဲတဲ့၊ ဒါကို အမေးထုတ်လိုက်တယ် (မှန်ပါ့)။
During the time of the Buddha, the monks asked Him a question. They asked, "Lord, both ordinary people and Arahants, even the Buddhas, experience feeling (Vedana). How does the way they experience it differ?" (True, Sir).
ခံစားပုံချင်း ဘယ်လိုထူးသလဲလို့ အမေးထုတ်လိုက်တယ်၊ အမေးထုတ်လိုက်တော့ ပုထုဇဉ်ခံစားတာကို ငါ အရင်ရှင်းပြမယ်ကွာတဲ့၊ ပုထုဇဉ်ကတော့ကွာတဲ့ ခန္ဓာကိုယ်ထဲမှာ နာတဲ့ဒုက္ခဝေဒနာ ဖြစ်တယ်တဲ့၊ ကိုယ်ပေါ်မှာ ဒုက္ခ ဝေဒနာဖြစ်တယ်၊ ဥပမာ တခုခုနဲ့ ထိခိုက်တယ်၊ ဒီလို ဝေဒနာ ဖြစ်တဲ့အခါကျတော့ ပြင်ဘက်က ဒုက္ခဝေဒနာဖြစ်တော့ အတွင်းက ဒေါမနဿဖြစ်တယ်ကွတဲ့ (မှန်ပါ့)။
To this question, the Buddha first explained how an ordinary person experiences pain. He said, "Monks, when an ordinary person experiences painful feeling (Dukkha Vedana) in the body—for example, accidentally being struck by something—mental anguish (Domanassa) arises inside." (True, Sir).
အဲဒီတော့ ပုထုဇဉ်မှာ လှံတချက်ထိုးလိုက်တာ နှစ်ချက်ထိသွားတယ်တဲ့၊ ပြင်ဘက်ထိုးလိုက်တာပြင်ဘက်လဲ ထိတယ် အတွင်းလဲ ထိတယ်တဲ့၊ ကိုယ်ပေါ်မှာတချက် ဝမ်းထဲမှာတချက် သွားထိတယ် (မှန်ပါ့) ဒါ ပုထုဇဉ်ကွတဲ့။
Therefore, for an ordinary person, being struck by a spear once results in two wounds. They are hit on the outside, and they suffer on the inside. They take a hit on the physical body, and another hit in the mind. (True, Sir). This is the nature of an ordinary person.
လေးချက်ဖြစ်နေတယ် ပုထုဇဉ်မှာ
အဲဒီတော့ ပုထုဇဉ်မှာတဲ့ ကိုယ်ပေါ်မှာတချက်, ဝမ်းထဲမှာတချက် ထိသွားတော့ကိုတဲ့ ဪ ဒီဝေဒနာ ကိုယ်၏ ဆင်းရဲခြင်း စိတ်၏ဆင်းရဲခြင်းဆိုတဲ့ ဝေဒနာနှစ်မျိုးဟာ သက်သာရင် ကောင်းမှာဘဲဆိုတဲ့ တဏှာတောင် လာလိုက်သေးတယ်တဲ့ (မှန်ပါ့)။
Now, when the ordinary person is struck once on the body and once in the mind, they think, "Oh, it would be so good if this physical and mental suffering would just go away." Thus, craving (Tanha) arises. (True, Sir).
ပုထုဇဉ်မှာ သက်သာရင် ကောင်းမှာဘဲဆိုတဲ့ တဏှာ လာလိုက်သေးတယ်တဲ့။
For an ordinary person, the craving for relief naturally arises.
ဒီတဏှာ လာတဲ့အခါကျလို့ရှိရင်လဲ ဒီတဏှာကို ဘယ်လိုနည်းနဲ့မှ ချုပ်အောင် မတတ်နိုင်တော့ဘူးလို့ သူ့ စိတ်ထဲမှာ ပေါ်နေတော့ အဝိဇ္ဇာပါ ဝင်လာသေးတယ်ကွတဲ့ (မှန်လှပါ ဘုရား)။
When this craving arises, they feel helpless and believe they cannot extinguish it by any means. Because they do not know the way to extinguish this craving, ignorance (Avijja) enters the picture. (True, Sir).
တဏှာချုပ်တဲ့နည်းကိုလဲ သူ မရှာတတ်တဲ့အတွက် အဝိဇ္ဇာနောက်ထပ် တိုးလာတယ်ဆိုတော့ကို လေးချက် ဖြစ်သွားပြီ (မှန်ပါ့)။
Since they do not know how to search for the method to extinguish craving, ignorance is added to the list, making it four strikes in total. (True, Sir).
ဒုက္ခဝေဒနာတခု ပေါ်တယ် ဦးအောင်ဇံဝေ ဝမ်းထဲက ဒေါမနဿတချက်ဖြစ်တယ် (မှန်ပါ့) ဒေါမနဿဖြစ်တော့ ပျောက်ချင်တဲ့ တဏှာက လာပြန်တယ် (မှန်ပါ့)။
A painful feeling arises on the body, U Aung Zan Wai, and mental anguish occurs inside. (True, Sir). When mental anguish occurs, the craving to make it disappear follows. (True, Sir).
ဒီတဏှာချုပ်အောင် ဘယ်လိုကျင့်ရမယ်ဆိုတာ မသိပြန်တော့လဲ အဝိဇ္ဇာက လာပြန်တယ်တဲ့ (မှန်ပါ့) မလာ ဘူးလား (လာပါတယ် ဘုရား)။
Because they do not know how to practice to extinguish this craving, ignorance follows right behind. (True, Sir). Does it not? (It does, Sir).
ဒါဖြင့် သူ့မှာ လေးချက်ဖြစ်နေတယ် ပုထုဇဉ်မှာ (မှန်ပါ့) ဒါ ပုထုဇဉ်တိုင်းမှာ ဦးဘသန်း ဒီအတိုင်းမှတ်ပါ (မှန်ပါ့ ဘုရား)။
So, there are four strikes for an ordinary person. (True, Sir). U Ba Than, mark this well—this applies to every ordinary person. (Well noted, Sir).
အပ်ကလေးနဲ့ ထိုးမိတယ်
ပြန်ပြောပါဦးမယ် တခေါက်၊ ကိုယ်ပေါ်မှာ အပ်ကလေးနဲ့ ထိုးမိတယ် ဦးအောင်ဇံဝေ ခန္ဓာကိုယ်ပေါ်မှာ မတော်တဆဒုက္ခဖြစ်တယ်၊ ဝမ်းထဲကလဲ ဒေါမနဿ သွားဖြစ်တာဘဲ၊ နှစ်ချက်ဖြစ်သွားတယ်၊ ဖြစ်တာက တချက်တည်း နောက်တချက်က အပိုပါလာတယ် ဦးဘသန်းရဲ့နော် (မှန်ပါ့)။
Let me repeat this once more. Suppose your body is pricked by a small needle, U Aung Zan Wai. An accidental physical pain occurs, and mental anguish immediately follows inside. So, two strikes happen. The actual event is only one strike, but an extra one is added, U Ba Than. (True, Sir).
နောက်ကျတော့ ဦးအောင်ဇံဝေက ဘယ့်နှယ်ဖြစ်လာသတုံးလို့ မေးတဲ့အခါကျတော့ ဒီဟာ ပျောက်ချင်တဲ့ တဏှာ လာပြန်တာဘဲ၊ မလာဘူးလား (လာပါတယ် ဘုရား)။
Then, U Aung Zan Wai, what happens next? The craving to be cured arises again. Does it not? (It does, Sir).
ပျောက်ချင်တဲ့တဏှာ လာပြန်တော့ သူ့မှာ မကောင်းတာသုံးခုဖြစ်သွားပြီ ဒုက္ခ, ဒေါမနဿ, တဏှာ သုံးခု (မှန်ပါ့ ဘုရား)။
With the craving to be cured, three bad things have now occurred: Pain (Dukkha), Mental Anguish (Domanassa), and Craving (Tanha). (True, Sir).
ဒီတဏှာကို ဘယ်လိုများ ဖြတ်ရပါ့မတုံးဆိုတဲ့ ဉာဏ်ကလဲသူ့မှာ မရှိဘူးတဲ့၊ ပုထုဇဉ်မှာမရှိတဲ့အတွက် တဏှာ ဖြစ်ကြောင်းဖြစ်တဲ့ အဝိဇ္ဇာကလဲ နောက်ထပ် လာပြန်တာဘဲ (မှန်လှပါ ဘုရား)။
Furthermore, the person lacks the Insight Knowledge to sever this craving. Because the ordinary person lacks this knowledge, Ignorance (Avijja)—the root cause of craving—follows right behind. (True, Sir).
ဘယ်နှစ်ချက်လာသတုံး (လေးချက်လာပါတယ် ဘုရား) လေးချက်လာတယ်။ အဲဒါ ပုထုဇဉ်ဝေဒနာ ခံစားလို့ ရှိရင် အခုပြောခဲ့တဲ့ တချက် ထိလိုက်တာနဲ့ သုံးချက်ပေါ်တယ် (မှန်ပါ့ ဘုရား)။
How many strikes is that? (Four strikes, Sir). It becomes four. So, when an ordinary person experiences pain, one physical strike instantly brings three additional mental wounds. (True, Sir).
ကိုယ်ပေါ်မှာ တချက်ထိတာနဲ့ မောင်နိုင်မှာ သုံးချက်ပေါ်သေးတယ်။ ဒေါမနဿတချက်, လောဘက တချက်, အဝိဇ္ဇာတချက် (မှန်ပါ့) ဘယ်နှစ်ချက်လာသတုံး (သုံးချက်လာပါတယ် ဘုရား)။
When the body is struck once, Maung Naing, three more wounds appear: Mental Anguish, Craving (Lobha), and Ignorance (Avijja). (True, Sir). How many additional strikes? (Three strikes, Sir).
တချက်ထိတာနဲ့ နောက်သုံးချက် တခါတည်းလာတယ်ကွတဲ့။ အဲဒါ ပုထုဇဉ်ဝေဒနာခံစားတာ ဒီလိုဘဲ (မှန်လှပါ ဘုရား)။
One physical hit brings three mental strikes all at once. This is exactly how an ordinary person experiences feeling. (True, Sir).
အရိယာဝေဒနာ ခံစားတာပြောစမ်းပါဦး
ဒါဖြင့် ဘုရားတဲ့ အရိယာဝေဒနာ ခံစားတာပြောစမ်းပါဦးတဲ့။ တနည်း အရိယာတို့၏ တပည့်သား။ တပည့်သား ဆိုတော့ ခင်ဗျားတို့ ကျတယ် (မှန်ပါ့)။
"If so, Lord, please tell us how the Noble Ones experience feeling." Or, in another way, how the disciples of the Noble Ones experience it—which means all of you yogis here. (True, Sir).
အရိယာတို့၏ တပည့်သားခံစားတဲ့ ဝေဒနာပြောစမ်းပါဦးလို့ဆိုတော့ကွာတဲ့ သူတို့ကတော့ကိုတဲ့ ကိုယ်ပေါ်မှာ ဒုက္ခဝေဒနာဖြစ်တယ်။ သူကလှံနဲ့ တချက်ထိုးလိုက်တယ်ဆို ကိုယ်ကတခါပြန်ပြီထိုးတယ်။ သူက တချက်ထိုးလိုက်ရင် ကိုယ်က တချက်ပြန်ထိုးရမယ် (မှန်ပါ့)။
When asked how the disciples of the Noble Ones experience pain, the Buddha explained: When physical pain arises, it is like being struck by a spear. But when the pain strikes you once, you must strike back at once. If the pain strikes you, you must strike back. (True, Sir).
သူက ဒုက္ခဝေဒနာ ပေါ်တယ်ဆို ကိုယ်က ဖြစ်ပျက် ရှုချလိုက် (မှန်ပါ့ ဘုရား)။
When painful feeling (Dukkha Vedana) appears, you must instantly observe its Arising and Passing Away. (True, Sir).
ဖြစ်ပျက် ရှုချလိုက်တော့ကို ဦးဘသန်းက စဉ်းစား, မောင်ထွန်းအောင်က စဉ်းစား ဒေါမနဿလာသေးရဲ့လား (မလာပါ ဘုရား)။
When you observe its Arising and Passing Away, U Ba Than, Maung Tun Aung, think about it—does mental anguish (Domanassa) still arise? (No, it does not, Sir).
လောဘကော (မလာပါ ဘုရား)မောဟကော (မလာပါ ဘုရား) အဲဒါ ထူးတယ်ကွာတဲ့ (မှန်ပါ့ ဘုရား) ထူးသွား ပြီတဲ့၊ ဒါက သဠာယတနဝဂ္ဂသံယုဘ်မှာ လာတယ် (မှန်လှပါ ဘုရား)။
Does greed (Lobha) arise? (No, Sir). Does delusion (Moha) arise? (No, Sir). This is the profound difference! (True, Sir). It is entirely different. This is taught in the Salayatana Vagga Samyutta. (True, Sir).
အဲဒီတော့ ဦးအောင်ဇံဝေက စဉ်းစား ဒုက္ခတန်းကြီးဖြစ်နေတယ်ဆိုတာ ကိုယ်ကပြန်မထိုးတတ်လို့ဖြစ်တာ (မှန်ပါ့)ပေါ်သွားပြီ (မှန်ပါ့ ဘုရား)။
So, U Aung Zan Wai, consider this: an endless chain of suffering happens simply because you do not know how to strike back. (True, Sir). Do you see it now? (Yes, we see it, Sir).
ကိုယ်ကဉာဏ်နဲ့ တချက်ထိုးရမယ်
ကိုယ်ကပြန်ပြီး တချက်မထိုးတတ်လို့ပါ၊ သူက ဒုက္ခတချက်ထိုးလို့ရှိရင် ကိုယ်ကဉာဏ်နဲ့ တချက်ထိုးရမယ် (မှန်ပါ့) ဉာဏ်နဲ့တချက် ထိုးလို့ရှိရင် ဒေါမနဿပြတ်သွားမယ် (မှန်ပါ့ ဘုရား)။
It is because you do not know how to retaliate. When the pain strikes you once, you must strike back once with your Insight Knowledge (Nana). (True, Sir). If you strike back with Insight Knowledge, the mental anguish (Domanassa) is severed. (True, Sir).
ဒေါမနဿပြတ်သွားရင် ပျောက်ချင်တဲ့ လောဘကကောလာသေးရဲ့လား (မလာပါ) လောဘမှ မလာလို့ ရှိရင်လဲ လောဘ ဘယ်လိုချုပ်အောင် လုပ်ရပါ့မတုံးဆိုတာကို မသိတဲ့ အဝိဇ္ဇာကော လာသေးရဲ့လား (မလာပါ ဘုရား)။
If mental anguish is severed, will the craving (Lobha) to be cured arise? (No, Sir). If craving does not arise, will the ignorance (Avijja) of not knowing how to extinguish craving arise? (No, Sir).
မလာတော့ကို စဉ်းစားလိုက်ပါတဲ့၊ ဒေါမနဿရယ်, လောဘရယ်, အဝိဇ္ဇာရယ်၊ ဒါဖြင့် လောဘ, ဒေါသ, မောဟအကုန်ချုပ်တယ် (ချုပ်ပါတယ် ဘုရား) ရှင်းပလား (ရှင်းပါပြီ ဘုရား)။
Think about it: Mental Anguish, Craving, and Ignorance are gone. This means Hatred (Dosa), Greed (Lobha), and Delusion (Moha) are completely completely eradicated! (They are eradicated, Sir). Is that clear? (It is clear, Sir).
လောဘ,ဒေါသ,မောဟ, အကုန်ချုပ်တယ်တဲ့ အဲဒီတော့ကို ခင်ဗျားတို့ ကျင့်ကြံတဲ့အခါမှာ ကိုယ်ပေါ်မှာ ဒုက္ခ ဝေဒနာ ဒုက္ခစိတ်တော့ ပေါ်မှာဘဲ (မှန်ပါ့)ပေါ်ရင် ဉာဏ်နဲ့ပြန်ထိုးဖြစ်အောင်ထိုး (မှန်ပါ့ ဘုရား)။
Greed, Hatred, and Delusion are completely eradicated. Therefore, when you practice, physical pain and the painful mind will inevitably arise. (True, Sir). When it arises, make sure you strike back with your Insight Knowledge. (True, Sir).
ဉာဏ်နဲ့ ပြန်ထိုးလိုက်တဲ့အခါကျလို့ရှိရင်ဖြင့်တဲ့ ခုနင်ကပြောတဲ့ နောက်ဆက်တွဲ သုံးခု ပဋိစ္စသမုပ္ပါဒ်အဆုံးက ပြန်ပတ်မှာလဲ မလားဘူး (မှန်ပါ့) အလယ်က စ,မှာလဲ (မလာပါ) အစ,က စ,မှာကော (မလာပါ ဘုရား) မလာဘူး သုံးချက်ပြတ်သွးတယ်။
When you strike back with Insight Knowledge, the three mental chains we just discussed will not re-arise from the end of The Wheel of Dependent Origination. (True, Sir). Will it start from the middle? (No, Sir). Will it start from the beginning? (No, Sir). It will not arise. Three strikes are severed.
သို့သော် ဒါကလေး ရှင်းပေးလိုက်ပါဦးမယ်၊ ဒေါမနဿမလာဘူးဆိုကတည်းက ပဋိစ္စသမုပ္ပါဒ် အလယ်က ဖောက်ပြီးစ,သေးရဲ့လား (မစ,ပါ ဘုရား) မစ,ဘူး၊ တဏှာ,ဥပါဒါန်, ကံလာသေးရဲ့လား (မလာပါ ဘုရား) ဒါဖြင့် ပဋိစ္စ သမုပ္ပါဒ်နှစ်ချက်ပြတ်သွားပြီ။
Let me clarify this a bit more. Since mental anguish does not arise, does The Wheel of Dependent Origination break out and start from the middle? (It does not start, Sir). Craving, Clinging, and Kamma do not arise. (No, Sir). This means two sections of Dependent Origination are severed.
ကဲ တခါသွားလိုက်ပါဦး ချုပ်ရာချုပ်ကြောင်းအကျင့်ကို မသိသောကြောင့် အဝိဇ္ဇာကကော မလာဘူးလား၊ တဏှာချုပ်ရာ,ချုပ်ကြောင်း အကျင့်ကိုမသိတော့ အဝိဇ္ဇာလာတယ်လို့ ခုနင်က ပြောထားတယ် (မှန်ပါ့)။
Let us go a step further. We said earlier that ignorance arises because one does not know the practice that leads to cessation. (True, Sir).
အဲဒါကော ဒီလိုရှုလိုက်တော့ တဏှာပါ ချုပ်သွားတယ် (ချုပ်ပါတယ် ဘုရား) ချုပ်သွားတော့ အဝိဇ္ဇာကော လာသေးရဲ့လား (မလာတော့ပါ ဘုရား)။
But when you observe with Insight like this, does craving cease? (It ceases, Sir). Since it ceases, does ignorance arise? (It no longer arises, Sir).
သိလို့ ရှုတဲ့ပုဂ္ဂိုလ်မို့ မလာတာ၊ သိလို့ ရှုတဲ့ပုဂ္ဂိုလ်မို့ မလာသောကြောင့်လဲ ပဋိစ္စသမုပ္ပါဒ် အစ,က ပြန်ချုပ်တယ် (မှန်ပါ့) ပေါ်ပလား (ပေါ်ပါပြီ ဘုရား)။
Because you are a person who watches and observes with wisdom, it does not arise. And because it does not arise, the very beginning of Dependent Origination ceases. (True, Sir). Do you see it? (Yes, we see it, Sir).
ဘုမသိ, ဘမသိ ပုထုဇဉ်လူမိုက်
ဒါဖြင့် ဘုမသိ, ဘမသိ ပုထုဇဉ်လူမိုက်တွေမှာဖြင့် ဒုက္ခလာရင် ဒေါမနဿလိုက်တယ်, လောဘလိုက်တယ်, အဝိဇ္ဇာလိုက်တယ် (မှန်ပါ့)။
Therefore, for the totally ignorant, foolish ordinary people, when pain arrives, mental anguish follows, craving follows, and ignorance follows. (True, Sir).
သိ, ကြား, လိမ်မာတဲ့ သတိပဋ္ဌာန်သမားတွေ, အရိယာအစစ်ဖြစ်တဲ့ ပုဂ္ဂိုလ်တွေ, သို့မဟုတ် အရိယာတို့၏ တပည့်သားဖြစ်တဲ့ ပုဂ္ဂိုလ်တွေကျတော့ သူကတချက် ဒုက္ခက တချက်ထိုးလိုက်ရင် ကိုယ်က ဉာဏ်နဲ့ တချက်ပြန်ထိုး (မှန်ပါ့) ရှင်းပလား (ရှင်းပါပြီ ဘုရား)။
But for those who listen, understand, and wisely practice Satipatthana—those who are genuine Noble Ones or disciples of the Noble Ones—when the pain strikes once, they strike back once with Insight Knowledge. (True, Sir). Is that clear? (It is clear, Sir).
ဉာဏ်နဲ့ တချက်ပြန်ထိုးတဲ့အတွက် ဒေါမနဿက စ,ချုပ်တယ် (ချုပ်ပါတယ် ဘုရား) ပြီးတော့ လောဘကော (ချုပ်ပါတယ် ဘုရား) အဝိဇ္ဇာကော (ချုပ်ပါတယ် ဘုရား)။
Because you strike back once with Insight Knowledge, mental anguish ceases first. (It ceases, Sir). Then craving ceases. (It ceases, Sir). Then ignorance ceases. (It ceases, Sir).
အဲဒါ ပုထုဇဉ်တို့၏ ဝေဒနာခံစားပုံနဲ့ အရိယာ သို့မဟုတ် အရိယာတို့၏ တပည့်သား ဝေဒနာခံစားပုံနဲ့ ဤကဲ့သို့ ခြားနားပါတယ်ကွာတဲ့၊ ဘုရားက သဠာယတနဝဂ္ဂသံယုတ်မှာ သေသေချာချာဝေဖန်တယ် (မှန်ပါ့) အဖိုးမတန် ဘူးလား (အဖိုးတန်ပါတယ် ဘုရား)။
This is the vast difference between how an ordinary person experiences feeling and how a Noble One or their disciple experiences it. The Buddha analyzed this precisely in the Salayatana Vagga Samyutta. (True, Sir). Is this not incredibly valuable? (It is very valuable, Sir).
သူတချက် ကိုယ်တချက်မိအောင်လုပ်ပါ
အဲဒါက ဒီတရားကို ယခု စ,ပြီးတော့ ဟောခြင်းသည် ခင်ဗျားတို့ အလုပ်ခွင်ဝင်တဲ့ အချိန်မှာ သူတချက် ကိုယ်တချက်မိအောင်လုပ်ပါ (မှန်ပါ့) ဒုက္ခက တချက် ဉာဏ်ကတချက် (မှန်ပါ့)။
I am preaching this Dhamma to you now so that when you enter your meditation session, when the pain strikes once, you make sure to strike back once! (True, Sir). The pain will strike once, and your Insight Knowledge must strike back. (True, Sir).
ဒုက္ခကတော့ လာမှာဘဲ (မှန်ပါ့) ဒုက္ခက ဘုရားမှာလဲ လာတာဘဲ၊ ဘုရားမှာလဲ မှတ်ထားလိုက်စမ်းပါ၊ ကာယိက ဒုက္ခတော့ ရှိတာဘဲ စေတသိက ဒုက္ခ မရှိဘူး (မှန်ပါ့) စေတသိက ဒုက္ခဆိုတာ ဝမ်းထဲမှာ ဒေါမနဿ မပေါ်ဘူး၊ သူ့ကို မဂ်နဲ့ပယ်ပြီးသားဖြစ်နေတယ် (မှန်ပါ့)။
Pain will inevitably come. (True, Sir). Note this well: even the Buddha experienced pain. He had physical pain (Kayika Dukkha), but He had no mental pain (Cetasika Dukkha). (True, Sir). Mental anguish never arose within Him because He had already completely eradicated it with Path Knowledge (Magga). (True, Sir).
အဲဒီတော့ ခင်ဗျားတို့မှာတော့ မဂ်နဲ့မပယ်ရသေးတော့ကို ကိုယ်ပေါ်မှာ ကာယိက ဒုက္ခရှိတယ်ဆိုရင် ဝမ်းထဲက ဒေါမနဿ လိုက်တယ် (မှန်ပါ့)။
But since you have not yet eradicated it with Path Knowledge, when physical pain arises, mental anguish follows. (True, Sir).
ဒေါမနဿ လိုက်တဲ့အခါကျတော့ ဒေါမနဿက မကျေနပ်တော့ဘူး၊ နာတဲ့ဥစ္စာကို မကျေနပ်၊ မကျေနပ်တော့ ပျောက်ချင်တဲ့ တဏှာက လာ၊ တဏှာချုပ်ရာ ချုပ်ကြောင်းမသိတဲ့ အဝိဇ္ဇာကလဲ လာပြန်တယ် (မှန်ပါ့) မလာဘူးလား (လာပါတယ် ဘုရား)။
When mental anguish follows, dissatisfaction sets in. You resent the pain. Because of this resentment, the craving to be cured arises. Because you do not know the cause of its cessation, ignorance arises again. (True, Sir). Does it not? (It does, Sir).
ဤကဲ့သို့ လာသောကြောင့် ခင်ဗျားတို့မှာ တချက်ထိုးလိုက်တာနဲ့ တခါတည်း ဒဏ်ရာသုံးချက် လောက် ရသွား တယ် (မှန်ပါ့ရပါတယ် ဘုရား)။
Because it arises like this, a single strike of pain immediately gives you three extra wounds. (True, Sir, we get them).
ဦးဘသန်း တချက်ထိုးလိုက်ရင် ဒဏ်ရာသုံးချက်ရတယ်၊ ပဋိစ္စသမုပ္ပါဒ်သုံးမျိုးပေါ်တယ် (မှန်ပါ့ ဘုရား) ရှင်းပလား (ရှင်းပါပြီ ဘုရား)။
U Ba Than, one strike results in three wounds, bringing forth three chains of Dependent Origination. (True, Sir). Is that clear? (It is clear, Sir).
အလုပ်ခွင်မှာ ပြင်ရအောင်ဟောတာ
ဒါဖြင့် ခင်ဗျားတို့ ပြင်နည်းကို သေသေချာချာမှတ်ပါ၊ ဒါ အလုပ်ခွင်မှာ ပြင်ရအောင်ဟောတာ (မှန်ပါ့)။
Therefore, memorize this method of correction carefully. I am teaching this so you can apply it practically in your meditation sessions. (True, Sir).
ခင်ဗျားတို့ ကိုယ်ပေါ်မှာယားတယ် ယားတဲ့နေရာဖြစ်ပျက်ရှု၊ နာရင် နာတဲ့နေရာဖြစ်ပျက်ရှု၊ ဒေါမနဿ မလာစေနဲ့ (မှန်ပါ့ ဘုရား)။
When an itch arises on your body, observe the Arising and Passing away of that itch. If pain arises, observe the Arising and Passing Away of that pain. Do not let mental anguish arise! (True, Sir).
ဖြစ်ပျက်ရှုလိုက်တော့ ခင်ဗျားတို့ ဝိပဿနာမဂ်နဲ့ ရှုတာဖြစ်နေသောကြောင့် ဦးဘသန်းတို့ ဒေါသချုပ်တယ် လောဘချုပ်တယ် မောဟချုပ်တယ် (မှန်ပါ့) မချုပ်ဘူးလား (ချုပ်ပါတယ် ဘုရား)။
Because you are observing with Insight (Vipassana) Path Knowledge, U Ba Than, hatred (Dosa) ceases, craving (Lobha) ceases, and delusion (Moha) ceases. (True, Sir). Do they not cease? (They cease, Sir).
ဒီလိုဆိုတော့ကို ဪ အရိယာတို့၏ တပည့်သားမှာတော့ဖြင့် ပဋိစ္စသမုပ္ပါဒ် သုံးချက်ပြတ်သွားတယ် (မှန်ပါ့) မပြတ်ဘူးလား (ပြတ်ပါတယ် ဘုရား) ပုထုဇဉ်မှာတော့ဖြင့် လေးကျအောင်လာမှာဘဲ (မှန်ပါ့) မလာပေဘူးလား (လာ ပါတယ် ဘုရား)။
Thus, for the disciple of the Noble Ones, three chains of The Wheel of Dependent Origination are severed. (True, Sir). Are they not severed? (They are severed, Sir). But for the ordinary person, the total of four strikes will inevitably come. (True, Sir). Will they not come? (They will come, Sir).
၁-က ဒဏ်ရာရပြီး ၂-မှာ ဒေါမနဿဖြစ်တယ်၊ ၃-မှာ လောဘဖြစ်တယ် (မှန်ပါ့) ၄-မှာ မောဟသွားဖြစ် တယ် (မှန်ပါ့) မဖြစ်ဘူးလား (ဖြစ်ပါတယ် ဘုရား)။
1) The physical wound occurs. 2) Mental anguish arises. 3) Craving arises. (True, Sir). 4) Delusion arises. (True, Sir). Does it not? (It does, Sir).
အဲဒီတော့ ပုထုဇဉ်နဲ့အရိယာ ဘာထူးသတုံးလို့ အရိယာတို့၏ တပည့်သားနဲ့ မသိတဲ့ပုထုဇဉ်ပုဂ္ဂိုလ်နဲ့ ဘာထူး သတုံးဆိုတော့ အခု ယနေ့ထူးတဲ့အကြောင်း သေသေချာချာရှင်းပြတယ် (မှန်ပါ့ ဘုရား) ပေါ်သွားပလား (ပေါ်သွားပါ ပြီ ဘုရား)။
So, if someone asks what the difference is between an ordinary person and a Noble One—or between a disciple of the Noble Ones and an ignorant ordinary person—today I have explained the difference to you very clearly. (True, Sir). Do you grasp it? (Yes, we grasp it, Sir).
အဲဒါက မောင်ထွန်းအောင်တို့ သေသေချာချာ မှတ်ပါ၊ ဪ ဒါအခုဟောတာ ဆရာဘုန်းကြီးကဖြင့် ဟော နေပြီ၊ သံယုတ်ပါဠိတော်ကြီးကို ဟောနေတာဘဲ၊ ဒို့ ဘယ်နေရာအသုံးချရမှာတုံးဆိုတော့ အသုံးချတဲ့နေရာက အလုပ်ခွင် မှာ (မှန်ပ့ါ ဘုရား)။
Maung Tun Aung, note this well. "Oh, my teacher is preaching from the great Samyutta Nikaya right now. Where should we apply this?" You must apply it in your meditation practice! (True, Sir).
ဦးဘသန်း ဘယ်မှာတုံး (အလုပ်ခွင်မှာပါ ဘုရား) အဲဒီတော့ အလုပ်ခွင်မှာ အသုံးရချရမှာ၊ အခုဟာက နည်းယူတာ (မှန်ပါ့) ရှင်းပလား (ရှင်းပါပြီ ဘုရား)။
Where must you apply it, U Ba Than? (In the meditation practice, Sir). You must apply it in your practice. Right now, you are just learning the method. (True, Sir). Is that clear? (It is clear, Sir).
အခုဟာက ဘာတုံး (နည်းယူတာပါ ဘုရား) အသုံးချရမှာကတော့ (အလုပ်ခွင်မှာပါ ဘုရား)။
What are you doing right now? (Learning the method, Sir). And where must it be applied? (In the meditation practice, Sir).
အရိယာကတော့ ပြန်ထိုးနိုင်တဲ့ သတ္တိရှိတယ်
အဲဒီတော့ အရိယာကတော့ ပြန်ထိုးနိုင်တဲ့ သတ္တိရှိတယ်၊ ပုထုဇဉ်ကတော့ သူထိုးသ၍ ခံစားရတဲ့ သတ္တိရှိတယ် (မှန်ပါ့) မကွာခြားဘူးလား (ကွာခြားပါတယ် ဘုရား)။
The Noble One possesses the ability to strike back, whereas the ordinary person only has the capacity to passively suffer whenever struck. (True, Sir). Is there not a vast difference? (There is a vast difference, Sir).
ဒါကြောင့် အရိယာမှာလဲ ဒုက္ခဝေဒနာရှိတာဘဲ၊ ပုထုဇဉ်မှာလဲ ဒုက္ခဝေဒနာရှိတာဘဲ၊ ဘာထူးသတုံး ဝေဒနာ ခံစားပုံချင်းဘာထူးသတုံးဆိုတော့ ဟောဒီလိုထူးသကွ၊ အခုပြောပြီးသားအတိုင်း ထူးသကွဆိုတာ ဘုရားက သေသေ ချာချာ တာဝန်ခံပြတယ် (မှန်ပါ့)။
This is why pain exists for both the Noble One and the ordinary person. But how does their experience differ? It differs exactly in the way I just explained. The Buddha Himself guaranteed this. (True, Sir).
ဒါ ခင်ဗျားတို့ တသက်နဲ့တကိုယ် မနာဘူးလား (မနာဘူးပါ ဘုရား) မနာဘူးဘူးတဲ့၊ အင်မတန် အရေးကြီးတယ်။
Throughout your entire life, do you not experience pain? (We do experience pain, Sir). You do. This is extremely important.
ကဲဒါဖြင့် အလုပ်ခွင်ဝင်တော့မယ်ဆိုရင် သူကလဲ ထိုင်ပါများရင်လဲ လာတတ်တယ်၊ အောက်ပိုင်းက ဒုက္ခ ဝေဒနာ ဒုက္ခစိတ်ပေါ့ဗျာ (မှန်ပါ့) ဝေဒနာနဲ့စိတ်ဟာ အတူတူဘဲနော် အတူတူဘဲ သဟဇာတတွေ (မှန်ပါ့) 'သဟဇာတ ပစ္စယော' ဆိုတာ သဘောကျတယ်မဟုတ်လား ဦးဘသန်း တကွ ဖြစ်တာတွေ (မှန်ပါ့)။
Now, when you sit down to meditate, especially if you sit for a long time, painful feeling and the painful mind will arise in your lower body. (True, Sir). Feeling and the mind always arise together. They are conascent (Sahajata). (True, Sir). You understand Sahajata Paccayo, don't you, U Ba Than? They arise together. (True, Sir).
စိတ္တာနုပဿနာ
အဲဒီတော့ ဘုန်းကြီးက စိတ္တာနုပဿနာပေးပြီး သကာလ နေတော့ ဪ ဒါဒုက္ခစိတ်ရှုရုံဘဲဆိုတာ မှတ်လိုက် (မှန်ပါ့ ဘုရား) ဒုက္ခစိတ်က တကိုယ်လုံးပေါ်နိုင်တယ် (မှန်ပါ့)။
Therefore, when I assign you the practice of Contemplation of Mind (Cittanupassana), just note: "Oh, I only need to watch and observe the painful mind." (True, Sir). This painful mind can appear anywhere in the whole body. (True, Sir).
မပေါ်တဲ့နေရာကို ဘုန်းကြီးရှင်းပြလို့ရှိရင် ဆံဖျားမှာ မပေါ်ဘူး၊ အရေခြောက်မှာ မပေါ်ဘူး၊ ခြေသည်းဖျား လက်သည်းဖျားမှာ မပေါ်ဘူး (မှန်ပါ့)။
Let me clarify where it does not appear: it does not appear at the tips of the hair, on dry dead skin, or at the tips of the fingernails and toenails. (True, Sir).
ဆံဖျား, ခြေသည်းဖျား, လက်သည်းဖျား, အရေခြောက်ဒီသုံးနေရာမှာ မပေါ်ဘူး၊ ကျန်တဲ့နေရာ သူပေါ်နိုင်တဲ့ နေရာချည့်ဘဲ (မှန်ပါ့) အဲ ပေါ်တဲ့နေရာကို ဉာဏ်လိုက်ပါ (မှန်ပါ့ ဘုရား)။
Apart from the tips of the hair, fingernails, toenails, and dry dead skin, it can appear anywhere else. (True, Sir). Wherever it appears, follow it closely with your Insight Knowledge. (True, Sir).
ခေါင်းပေါ်က ယားရင် ခေါင်းပေါ်လိုက် ဟုတ်လား (မှန်ပါ့) ခြေထောက်က ကျင်ရင်ကော (ခြေထောက်လိုက်ရ ပါမယ်) သူက တချက်လာရင် ကိုယ်က တချက်လုပ် (မှန်ပါ့ ဘုရား)။
If an itch appears on your head, follow it to the head. (True, Sir). If numbness appears on the leg? (We must follow it to the leg). When it strikes once, you must act once! (True, Sir).
အခု ဒကာဒကာမတွေ သူကတပြိုင်တည်းဆိုတာ ကိုယ်ကမထိုးနိုင်လို့ သူ့ချည်းသွားတာ၊ ကိုယ်ကမဖြတ် နိုင်ဘူး (မှန်ပါ့) ရှင်းပလား (ရှင်းပါပြီ ဘုရား)။
Right now, yogis, because you fail to strike back when it strikes, the pain just keeps advancing on its own. You are unable to sever it. (True, Sir). Is that clear? (It is clear, Sir).
အဲဒီတော့ ကိုယ်ဖျင်းမှုဆိုတာ ဒါဘဲ၊ ဪ သူကတချက်ထိုးရင် ကိုယ်ကတချက်ပြန်ထိုးရမှာကို မထိုးနိုင်လို့ လွှမ်းမိုးသွားတာကိုး (မှန်ပါ့) ပေါ်ပလား (ပေါ်ပါပြီ) မထိုးနိုင်လို့နော်။
This is what it means to be dull-witted. "Oh, when it strikes once, I am supposed to strike back once, but because I cannot, I am overwhelmed!" (True, Sir). Do you see it? (Yes, we see it). It is because you cannot strike back.
ကျားကြီးလာချီတော့
ဝတ္ထုသက်သေသာဓက ထုတ်လိုက်တော့ ရှေးက ရဟန်းတွေကို ကျားကြီးလာချီတော့ ရဟန်းပေါင်းငါး ဆယ်လောက် တောထဲမှာနေတာ စကားမပြောကြစတမ်း ဆိုပြီး ကတိကဝတ်ထားတာနဲ့ ညကျတော့ ကျားတကောင်က ရဟန်းတပါးတပါးကို လာလာချီတဲ့အခါမှာ စကားမပြောရဘူးဆိုတဲ့ ကတိမဖျက်ဘဲနဲ့ အချီခံတယ်၊ အော်ခြင်းပြုခြင်း မရှိဘူး (မှန်ပါ့) ကတိကဝတ်တည်တာပေါ့ဗျာ (မှန်ပါ့ ဘုရား)။
Let me give you an illustrative story. In the past, about fifty monks lived in a forest. They made a solemn vow not to speak to one another during their practice. At night, a huge tiger came and carried off a monk. To keep his vow of silence, the monk allowed himself to be carried away without making a single sound or crying out. (True, Sir). He kept his promise. (True, Sir).
ဒါနဲ့ နောက်တော့ မထေရ်ကြီးက ဥပုသ်နေ့ သံဃာတွေ စည်းဝေးတဲ့အခါ ဒို့ရဟန်းတွေ နည်းသွားပြီ ဘာဖြစ် လို့ တုံးအရှင်ဘုရားက ဘုရား တရားအထားထုတ်တဲ့အနေရာမှာ မအော်ရ, စကားမပြောရ ဆိုတာနဲ့ ညအချိန် ကျားက လာချီတဲ့အခါ ဒီအတိုင်းဘဲ အသေခံသွားကြတယ်၊ အော်ခြင်းပြုခြင်းမရှိဘူးတဲ့၊ ကူပါဦး-ယူပါဦးဆိုတာ မလာဘူးတဲ့ (မှန်ပါ့ ဘုရား)။
Later, on the Uposatha day when the monks gathered, the elder monk noticed the numbers had dwindled. He asked why. They explained that because of the rule of silence, when the tiger came at night, the monks just let themselves be eaten without calling out for help. They never cried, "Help me! Save me!" (True, Sir).
ဟာ ဒါဖြင့် မဟုတ်ဘူးကွ၊ ဒီလိုအန္တရာယ်နဲ့တွေတော့ အော်ရမယ်၊ ကူပါဦး-ယူပါဦးဆိုတော့ ဒိုကောင်ဝှေးတွေ ဘာတွေနဲ့လိုက်ချောက်လို့ရှိရင် ဒီကျားဟာ ပြေးရမယ်(မှန်ပါ့) ဆိုပြီး နောက်တော့ ကတိကဝတ်ကို တခါ ကိစ္စကြုံရင် ပြောနိုင်တယ်ဆိုပြီး ချွင်းချက်ထားပစ်လိုက်တယ် (မှန်ပါ့ ဘုရား)။
"Oh, that is not right!" the elder monk said. "If you face such danger, you must shout. If you cry out for help, we can chase the tiger away with our walking sticks." So, they made an exception to the vow in case of emergencies. (True, Sir).
နောက်တော့ ဒီကျားက စားနေကျဖြစ်တော့ လာပြန်တာဘဲ လာပြီးတပါးကို ချီပြန်တာဘဲ၊ ချီတော့ရဟန်းကလဲ ကယ်ပါ ယူပါအော်တော့ ကျားကလဲပါးတော့ တခါတည်းဆွဲပြီးတော့ ကျောပေါ်တင်ပြီးတော့ ချောက်ဟိုဘက်ခုန်သွား တယ်(မှန်ပါ့) ဒီက ရဟန်းတွေက မလိုက်နိုင်တော့ဘူး ညကြီးလဲဖြစ်နေတယ်(မှန်ပါ့) ကြားက ချောက်ကြီးကလဲ ခြားနေတယ် (မှန်ပါ့)။
Later, the tiger returned, as it had developed a taste for them. It grabbed another monk. The monk cried out, "Help! Save me!" But the tiger was quick; it threw him on its back and leaped across a deep ravine. (True, Sir). The other monks could not follow. It was dark. (True, Sir). And a massive ravine separated them. (True, Sir).
ဒါနဲ့ ဒို့တာဝန်ကုန်ပြီဟေ့ မင်း သတိပဋ္ဌာန်သာ နှလုံးသွင်းပေတော့ဆိုပြီး ဒီကနေပြီး အသံပေးကြတယ် (မှန်ပါ့)။
Realizing they could do nothing, they shouted across to him: "Hey! Our duty is over. Just devote yourself to the establishment of mindfulness (Satipatthana)!" (True, Sir).
ဒို့တာဝန်ဖြင့်ကုန်ပြီ
ဒို့ချောက်လှန့်တဲ့ကိစ္စဖြင့် ဒို့လဲကူးမလာနိုင်တဲ့အတွက် ဒို့တာဝန်ဖြင့်ကုန်ပြီ၊ မင်းဘဲလုပ်တော့ဆိုတော့ တခါ တည်းကျားက ခြေမျက်စိက စ,ကိုက်တယ်၊ ကိုယ်တော့ ဒုက္ခဝေဒနာပေါ်တာဘဲ (မှန်ပါ့) တချက်ပြန်ထိုးတယ် သူက (မှန်ပါ့)။
Our duty is completely over. We cannot cross over to scare the beast away. Our duty is completely over. It is up to you now!" The tiger began biting the monk from the ankle. Naturally, physical pain arose. (True, Sir). But the monk struck back once! (True, Sir).
တချက်ပြန်ထိုးလိုက်တဲ့ အခါကျတော့ တကယ်တမ်းအနာမရှိတော့ဘူး၊ အဲဒီကျတော့ ဖြစ်ပျက်သာ တွေ့တော့ တယ် (မှန်ပါ့) ဖြစ်ပျက်ဆိုတော့ နာသေးရဲ့လား (မနာပါ ဘုရား)။
When he struck back, the actual pain was no longer there. He only saw the Arising and Passing Away. (True, Sir). If he is seeing Arising and Passing Away, does he feel the pain? (He does not feel the pain, Sir).
အဲ မနာရင်တော့ ဖြစ်ပျက်နဲ့ မဂ်နဲ့သွားကိုက်တယ် (မှန်ပါ့) နာရင်တော့ ဝေဒနာနဲ့သွားတွဲတယ် (မှန်ပါ့) ဝေဒနာနဲ့ ဉာဏ်နဲ့သွားတွဲတာတမျိုး၊ ဖြစ်ပျက်နဲ့ မဂ်နဲ့ကိုက်တာကတမျိုး (မှန်ပါ့) ရှင်းကြရဲ့လား (ရှင်းပါပြီ ဘုရား)။
If the pain is absent, the Arising and Passing Away aligns perfectly with Path Knowledge (Magga). (True, Sir). If you focus on the pain, your mind is merely associating with the feeling (Vedana). (True, Sir). Associating Insight Knowledge with feeling is one thing; aligning Arising and Passing Away with Path Knowledge is entirely different! (True, Sir). Are you clear? (Yes, we are clear, Sir).
ဝေဒနာနဲ့ ဉာဏ်နဲ့တွေ့တာကမျိုး (မှန်ပါ့)ဖြစ်ပျက်နဲ့ ဉာဏ်နဲ့ကိုက်တာက (တမျိုးပါ ဘုရား)။
Associating Insight Knowledge with feeling is one thing. (True, Sir). Aligning Arising and Passing Away with Insight Knowledge is another! (It is another thing, Sir).
ဝေဒနာနဲ့ ဉာဏ်နဲ့ကိုက်ရင် ဒါဟာတဲ့ ဘာတုံးဆိုလို့ရှိရင် နာမပရိစ္ဆေဒဉာဏ်ဘဲ သွားဖြစ်တယ် (မှန်ပါ့)ဖြစ်ပျက် နဲ့ မဂ်နဲ့ကိုက်ရင် တခါတည်း ဝိပဿနာဉာဏ်သွားဖြစ်တယ် (မှန်ပါ့) ဉာဏ်ချင်းက တခြားစီဖြစ်နေတယ် (မှန်ပါ့) ရှင်းပလား (ရှင်းပါပြီ ဘုရား)။
If Insight Knowledge associates with the feeling, it merely becomes the Knowledge that distinguishes Mentality and Materiality (Nama-pariccheda-nana). (True, Sir). But when the Arising and Passing Away aligns perfectly with Path Knowledge, it directly becomes Insight (Vipassana) Knowledge! (True, Sir). The two types of Knowledge are completely different. (True, Sir). Is that clear? (It is clear, Sir).
ဖြစ်ပျက်နဲ့ မဂ်နဲ့ ကိုက်ရင်
ဝေဒနာနဲ့ ဉာဏ်နဲ့ကိုက်ရင် နာမပရိစ္ဆေဉာဏ်၊ ဖြစ်ပျက်နဲ့ မဂ်နဲ့ ကိုက်ရင် လက္ခဏာဉာဏ်၊ ဝိပဿနာဉာဏ် (မှန်ပါ့) ရှင်းပလား (ရှင်းပါပြီ ဘုရား)။
If Insight Knowledge associates with feeling, it is Nama-pariccheda-nana. If the Arising and Passing Away aligns with Path Knowledge, it is the Knowledge of Comprehension (Lakkhana-nana), true Insight (Vipassana) Knowledge! (True, Sir). Is that clear? (It is clear, Sir).
အဲဒီရဟန်းမှာတော့ ခြေမျက်စိ စ,ကိုက်တော့ ဖြစ်ပျက်နဲ့ မဂ်နဲ့သွားကိုက်တယ်၊ ဝေဒနာရယ်လို့ မလုပ်တော့ ဘူး၊ တရားတခုဖြစ်ပြီး ပျက်တာဘဲရှိတယ်လို့ ရှုချလိုက်တယ် (မှန်ပါ့)။
For that monk, as the tiger began eating his ankle, he aligned the Arising and Passing Away with Path Knowledge. He did not treat it as "pain." He observed it simply as a phenomenon that arises and passes away. (True, Sir).
ရှုချလိုက်တော့ ခုနင်က ကျားက ခြေမျက်စိစားလိုက်တာနဲ့ သောတာပတ္တိမဂ်ရတယ် သောတာပန်တည်တယ် (မှန်ပါ့) နောက် ခြေသလုံးဆက်စားတယ်၊ ဆက်စားပြီးဒီလိုဘဲ ဖြစ်ပျက်နဲပ မဂ်နဲပ ကိုက်အောင်ဘဲ သူရှုချတယ်၊ သကဒါဂါမ်တည်တာဘဲ (မှန်ပါ့ ဘုရား)။
By observing in this way, just as the tiger consumed his ankle, he attained the path of Sotapanna (Stream-Enterer). (True, Sir). Then, the tiger continued eating his calf. He continued to observe to align the Arising and Passing Away with Path Knowledge. He attained the stage of Sakadagami (Once-Returner). (True, Sir).
နောက် ပေါင်စားတယ်၊ ဖြစ်ပျက်နဲပ မဂ်နဲ့ကိုက်အောင်ဘဲ လုပ်လိုက်တယ်၊ အနာဂါမ်တည်တာဘဲ (မှန်ပါ့ ဘုရား) နောက်တင်ပါးတို့ ဘာတို့စားတဲ့ အချိန်ကျတော့ ရဟန္တာဖြစ်ပါတယ် ဖြစ်ပျက်နဲ့မဂ်နဲ့ကိုက်လို့ (မှန်ပါ့)ရှင်းပလား (ရှင်းပါပြီ ဘုရား)။
Next, the tiger ate his thigh. He maintained the alignment of Arising and Passing Away with Path Knowledge. He attained the stage of Anagami (Non-Returner). (True, Sir). Finally, as the tiger started eating his buttocks and upper body, he became an Arahant because the Arising and Passing Away perfectly synced with Path Knowledge! (True, Sir). Is that clear? (It is clear, Sir).
အဲဒီတော့ ခင်ဗျားတို့လိုမှုကလဲ ပေါ်သွားပါပြီ ဒီဝတ္ထုထောက်သဖြင့် မဟုတ်ဘူးလား (မှန်ပါ ဘုရား) ပေါ် တယ်တဲ့ ခင်ဗျားတို့ဖြစ်ပျက်နဲပ မဂ်နဲ့ကိုက်အောင် မလုပ်နိုင်လို့ (မှန်ပါ့မလုပ်နိုင်ပါ ဘုရား)။
Through this story, your own situation becomes clear, doesn't it? (Yes, it does, Sir). It becomes obvious. You suffer because you fail to align the Arising and Passing Away with Path Knowledge. (True, Sir, we cannot do it).
မလုပ်နိုင်ဘူး၊ အဲဒီတော့ ခုနင်ကပြောခဲ့တဲ့စကားကို သေသေချာချာမှတ်ပါ၊ သူက တချက်လာရင် ကိုယ်က တချက်ပြန်ထိုး နိုင်ဘို့အရေးဟာ ကိုယ့်အရေး (မှန်ပါ့) သဘောပါလား (ပါ-ပါပြီ ဘုရား)။
You cannot do it. Therefore, remember my previous words carefully: When the pain strikes once, the responsibility to strike back once is entirely yours! (True, Sir). Do you grasp the meaning? (Yes, we do, Sir).
ဒုက္ခဝေဒနာကတော့ သူလာမှာဘဲ၊ ဘုရားလဲ မရွေးဘူး၊ ပုထုဇဉ်လဲမရွေးဘူး (မှန်ပါ့)ဒုက္ခဝေဒနာကို ဘယ်သူမှ မပယ်နိုင်ဘူး (မှန်ပါ့) ဒေါမနဿသာပယ်နိုင်တာ (မှန်ပါ့) ရှင်းပလား (ရှင်းပါပြီ ဘုရား)။
Painful feeling will inevitably come. It spares neither the Buddha nor the ordinary person. (True, Sir). No one can eradicate painful feeling. (True, Sir). But mental anguish (Domanassa) can be eradicated! (True, Sir). Is that clear? (It is clear, Sir).
ဉာဏ်နဲ့တချက်ပြန်ထိုးရမယ်
ဒါဖြင့် သူကတချက်ထိုးရင် ခင်ဗျားတို့က ဘယ်နှယ့်တုံး (တချက်ပြန်ထိုးရပါမယ်) ဉာဏ်နဲ့တချက်ပြန်ထိုးရ မယ် (မှန်ပါ့) သူ့နေရာကို ရောက်အောင်ထိုးရမယ် (မှန်ပါ့)။
So, when the pain strikes you once, what must you do? (We must strike back once). You must strike back once with Insight Knowledge. (True, Sir). You must strike right at the spot where it appears. (True, Sir).
အဲဒီလိုဆိုတော့ သူက ဝေဒနာမဟုတ်တော့ဘူးတဲ့၊ ဒီကပြန်ထိုးနိုင်တယ်ဆိုတာ အပျက်နဲ့မဂ်နဲ့ သွားကိုက်တယ်၊ မကိုက်ဘူးလား (ကိုက်ပါတယ် ဘုရား)။
When you do that, it is no longer just a feeling (Vedana). Because you can strike back, the Passing Away perfectly aligns with the Path Knowledge. Doesn't it align? (It aligns, Sir).
အဲ အပျက်နဲ့ မဂ်နဲ့ သွားကိုက်လို့ရှိရင် ခုနင်က ပြောခဲ့တဲ့ ပဋိစ္စသမုပ္ပါဒ်သုံးမျိုးဟာ သုံးမျိုးစလုံးသွားတာဘဲ (မှန်ပါ့) မသွားဘူးလား (သွားပါတယ် ဘုရား)။
When the Passing Away aligns with the Path Knowledge, the three links of The Wheel of Dependent Origination we discussed earlier are completely severed! (True, Sir). Are they not severed? (They are severed, Sir).
အဲဒီကဲ့သို့ သွားလို့ရှိရင် ခင်ဗျားတို့သည် ကိုယ်ပေါ်မှာပေါ်လဲ အပျက်နဲ့မဂ်နဲ့ ကိုက်အောင်လို့ (မှန်ပါ့) မျက်လုံး မှာ ပေါ်ရင်ကော (အပျက်နဲ့ မဂ်နဲ့ ကိုက်အောင် လုပ်ရပါမယ် ဘုရား) ဘယ်နေရာပေါ်ပေါ် အပျက်နဲ့ မဂ်နဲ့ဖြင့် (ကိုက်အောင် လုပ်ရပါမယ် ဘုရား)။
Therefore, whenever anything appears on your body, you must ensure the Passing Away aligns with the Path Knowledge. (True, Sir). What if it appears at the eye? (We must ensure the Passing Away aligns with the Path Knowledge, Sir). Wherever it appears, ensure the Passing Away aligns with the Path Knowledge. (We must ensure it aligns, Sir).
အဲဒီလို ကိုက်အောင်လုပ်နိုင်လို့ရှိရင်တဲ့ မနက်အားထုတ်ညနေ သောတာပန်တည်ပါတယ် (မှန်ပါ့ ဘုရား) လာပြန်တယ် အင်္ဂုတ္တိုရ်ပါဠိတော်က (မှန်ပါ့)။
If you can successfully align them like this, the Buddha said in the Anguttara Nikaya that if you practice in the morning, you will attain Sotapanna by the evening! (True, Sir).
ကိလေသာ ကြားမထိုးဘဲကိုး
ဘာပြုလို့တုံးလို့ မေးတဲ့အခါကျတော့ ဪ ဒါကတော့ကွာတဲ့ ဘုရားက ကိလေသာ ကြားမထိုးဘဲကိုးတဲ့ (မှန်ပါ့)ပေါ်ပလား (ပေါ်ပါပြီ ဘုရား)။
If you ask why, it is because, as the Buddha explained, defilements (Kilesa) do not interfere. (True, Sir). Is that clear? (Yes, it is, Sir).
အပျက်နဲ့ မဂ်နဲ့ ကိုက်ပြီးတော့ နေတာဟာ ဥပမာမယ် ဘယ်အချိန်ထ,ပြီး အားထုတ်အားထုတ် ကိုက်နေတယ် ဆိုရင်ဖြင့် အခု ဆရာဘုန်းကြီးဆီမှာ နည်းယူပြီး ခင်ဗျားတို့ ညအားထုတ် မနက်ရမှာဘဲတဲ့ (မှန်ပါ့)။
When the passing away of phenomena and the Path (Magga) align perfectly, whenever you practice, you will succeed. Having taken this method from me, if you practice at night and make them align, you will attain realization by morning! (True, Sir).
ကြားထိုးနေရင် အဲဒါကြာလိမ့်မယ် (မှန်ပါ့ ဘုရား) သဘောပါပလား (ပါ-ပါပြီ ဘုရား)။
However, if defilements interject, it will take a long time. (True, Sir). Do you grasp the meaning? (Yes, we do, Sir).
ကြားထိုးတယ်ဆိုတော့ ဦးဘသန်းက မနာဘူးသေးတော့ တခြားသောစိတ် ဝင်တယ်ပြောတာနော် (မှန်ပါ့)။
When I say "interjecting"—since U Ba Than might not be familiar with this term—it means a wandering mind enters. (True, Sir).
ကြားထိုးတယ်ဆိုတာ ဘာတုံး (တခြားသောစိတ် ဝင်တာပါ ဘုရား)။
What does it mean to interject? (A wandering mind enters, Sir).
တခြားသောစိတ် ဝင်တယ်ဆိုတော့ သူ့ကို တခါတလေမှ မိတယ်၊ ကြားစိတ်က ဝင်ပြီးထိုးနေတော့ ကိလေသာ ကြားခြားသွားတယ် (မှန်ပါ့ ဘုရား) သဘောပါပလား (ပါ-ပါပြီ ဘုရား)။
Because a wandering mind enters, you only catch the true meditation object occasionally. The wandering mind disrupts the process, and thus, defilements (Kilesa) wedge themselves in. (True, Sir). Do you grasp the meaning? (Yes, we do, Sir).
ဘယ်သူ ကြားထိုးသတုံး (ကိလေသာ ကြားထိုးပါတယ်) ကိလေသာ ကြားထိုးတယ်၊ ကြားဆိုတာက ဖြစ်ပျက်နဲပ မဂ်နဲ့ ကြားထဲ သူဝင်လာတယ် (မှန်ပါ့)။
What is it that interjects? (Defilements interject, Sir). Yes, defilements interject. They wedge themselves right between the observation of Arising and Passing Away and the Path (Magga). (True, Sir).
မဂ်လာခွင့်မပေးဘူး၊ သူ ကြားထိုးနေတယ်၊ သဘောပါပလား (ပါ-ပါပြီ ဘုရား)။
They deny the Path the opportunity to arise; they just keep interfering. Do you grasp the meaning? (Yes, we do, Sir).
အဲဒီတော့ကို ခင်ဗျားတို့ကို သင်လိုက်ပါတယ်တဲ့ ဆရာဘုန်းကြီးက ကိုယ်ဖြစ်ပျက်ကို မိလို့ရှိရင် ကြားထိုး ဖြစ်ပျက်ကို မိအောင်ရှုပါ (မှန်ပါ့) ရှင်းပလား (ရှင်းပါပြီ ဘုရား)။
Therefore, I will instruct you on this. If you lose track of the primary Arising and Passing Away, you must watch and observe the Arising and Passing Away of that very interfering mind! (True, Sir). Is that clear? (Yes, it is, Sir).
မူလဖြစ်ပျက်ကို မမိဘူးဆိုလို့ရှိရင် ဘာကိုရှုမယ် (ကြာထိုးကို ရှုရပါမယ်) ကြားစိတ်ဝင်လာတာ မရှိပေဘူူး လား (ရှိပါတယ်) အဲဒါ မိအောင်ရှု (မှန်ပါ့) သဘောကျပလား (ကျပါပြီ ဘုရား)။
If you fail to catch the original object of meditation, what must you watch and observe? (We must observe the interfering mind, Sir). Does a wandering mind not enter? (It does, Sir). Observe that wandering mind until you clearly discern it. (True, Sir). Are you convinced? (Yes, we are, Sir).
ဒါဖြင့် အဲဒါ မိအောင်ရှုပြီးတော့မှ ခင်ဗျားတို့ မူလဖြစ်တာကို ပြန်ရှုပါ၊ မူလက ပေါ်ဦးမှာကိုးဗျ (မှန်ပါ့) မပေါ်ပေဘူးလား (ပေါ်ပါတယ် ဘုရား)။
Once you have successfully observed and discerned that wandering mind, return your focus to the primary object. The primary object will naturally appear again, won't it? (True, Sir). Does it not appear? (It does appear, Sir).
ကြားထိုးလာတိုင်း-လာတိုင်း
အဲဒီတော့ သူ့ကို မနိုင်ဘဲနဲ့ ဟိုဟာကို ပြန်ကို မကောက်နဲ့ (မှန်ပါ့) ကြားထိုးလာတိုင်း-လာတိုင်း ခင်ဗျားတို့က သူ့ကိုနိုင်အောင် လုပ်ပြီးတော့မှ ခင်ဗျားတို့ ပေးထားတဲ့ ကမ္မဋ္ဌာန်းကို ရှုရမယ် (မှန်ပါ့) ဦးဘသန်း ရိပ်မိရဲ့လား (မှန်ပါ့) ကြားထိုးနဲ့ မူလပေးထားတဲ့ ကမ္မဋ္ဌာန်းနဲ့ တခြားစီ (မှန်ပါ့)။
Therefore, do not return to your primary object without first overcoming this wandering mind. (True, Sir). Whenever an interfering mind arises, you must overcome it first by observing it, and only then should you return to watch and observe your assigned meditation object. (True, Sir). U Ba Than, do you see it? (Yes, Sir). The interfering mind and your primary meditation object are completely different things. (True, Sir).
ကြားထိုးနဲ့ မူလပေးထားတဲ့ ကမ္မဋ္ဌာန်းနဲ့ (တခြားစီပါ) တခြားစီမှာ ကြားထိုးသည် မာရ်နတ် (မှန်ပါ့) ရှင်းပလား (ရှင်းပါပြီ) ကိလေသာမာရ်နတ်ခေါ်တယ် (မှန်ပါ့)။
The interfering mind and the primary meditation object are—(Completely different things, Sir). They are different. This interfering mind is actually Mara. (True, Sir). Is that clear? (Yes, it is, Sir). It is called the Mara of Defilements (Kilesa-mara). (True, Sir).
ကြားထိုးသည် ကိလေသာမာရ်နတ်ဖြစ်ပြီး သကာလ နေတော့ ဒီ ကိလေသာမာရ်နတ်ဖြစ်ပြီး သကာလ နေတော့ ဒီ ကိလေသာမာရ်နတ်ကို ခင်ဗျားတို့က မတိုက်ထုတ်နိုင်လို့ရှိရင် ခင်ဗျားတို့ ကမ္မဋ္ဌာန်းရှုံးပြီ (မှန်ပါ့)။
Since this wandering mind is the Mara of Defilements, if you cannot drive this Mara away through insight, your meditation will end in failure. (True, Sir).
မရှုံးပေဘူးလား (ရှုံးပါတယ် ဘုရား) ရှုံးသွားတော့ ကြားထိုးက,နေပြီး ပဋိစ္စသမုပ္ပါဒ် ဆက်သွားတယ် (မှန်ပါ့) မဆက်ပေဘူးလား (ဆက်ပါတယ် ဘုရား) အဲ ဆက်သွားလို့ရှိရင် ခင်ဗျားတို့ဟာ ရှုံးပြီသာ အောက်မေ့ပေတော့ မဟုတ် ဘူးလား (မှန်ပါ့)။
Will it not fail? (It will fail, Sir). When you fail, the Wheel of Dependent Origination continues to spin starting right from that interfering mind. (True, Sir). Does it not continue spinning? (It does, Sir). If it continues spinning, you must consider yourself defeated, must you not? (True, Sir).
ခင်ဗျားတို့က သံသရာဖြတ်နေတာ၊ ဖြတ်မည့်တရားကို ခင်ဗျားတို့က လက်ခံမိတယ် (မှန်ပါ့)မဟုတ်ဘူးလား (မှန်ပါ့) အဲဒီတော့ ခင်ဗျားတို့ဂြိုလ်ဝင်တာ၊ မဆိုနိုင်ဘူးလား (ဆိုနိုင်ပါတယ် ဘုရား)။
You are practicing to terminate the cycle of Samsara. Yet, you end up embracing the very defilement that perpetuates it! (True, Sir). Is that not so? (True, Sir). In that case, could we not say that a sinister force has possessed you? (We could say that, Sir).
အဲဒီ ပြိုလ်ကို ဘုန်းကြီးက ပြောလိုက်ပါတယ်၊ ဒီဂြိုလ်ကို ဂြိုလ်လို့ မယူလိုက်ပါနဲ့လို့ ခင်ဗျားတို့ကို ဆုံးမတယ် (မှန်ပါ့ ဘုရား)။
But I must tell you about this so-called sinister force. I instruct you: do not perceive this interference as a sinister force. (True, Sir).
ဂြိုလ်မဟုတ်ဘူး ဧဟိပဿပေါ့ (မှန်ပါ့) ဧဟိ=လာခဲ့ပါ၊ ပဿ=ကျုပ်လဲရှုပါဦး၊ သူ့ ရှုပါဦးလို့ လာတာ (မှန်ပါ့ ဘုရား)။
It is not a sinister force; it is actually Ehipassiko. (True, Sir). Ehi means "Come," and Passa means "Observe me too." It arises just to invite you to watch and observe it. (True, Sir).
သူက အရှုခံလာတာ
ခင်ဗျားတို့က ဒါကို အဖျက်တရားလို့ ယူပစ်လိုက်တယ် (မှန်ပါ့) သူက အရှုခံလာတာ (မှန်ပါ့) ခင်ဗျားတို့က ဘယ့်နှယ်ယူပစ်လိုက်သလဲ (အဖျက်တရားလို့ ယူပါတယ်) အဲဒီမှာ အယူအဆလွဲသွားတယ် (မှန်ပါ့ ဘုရား) ပေါ်ပလား (ပေါ်ပါပြီ ဘုရား)။
You mistakenly perceive it as a destructive element. (True, Sir). In reality, it arises only to be observed. (True, Sir). How do you usually perceive it? (We perceive it as a destructive element, Sir). That is exactly where your understanding goes astray. (True, Sir). Is it clear now? (Yes, it is, Sir).
သူက လာတာက ဘာတုံး (အရှုခံပါ ဘုရား) အရှုခံလာတာ (မှန်ပါ) ဧဟိပဿိကော၊ ဧဟိ=လာခဲ့ပါ၊ ပဿ= ကျုပ်ကို ရှုပါ၊ ကြားထိုးကို ရှုပါ (မှန်ပါ့)။
Why does it arise? (To be observed, Sir). Yes, it arises to be an object of observation. (True, Sir). It is Ehipassiko. Ehi means "Come," and Passa means "Observe me." It is telling you to observe the interfering mind. (True, Sir).
သူက ဧဟိပဿိကော အဖြစ်နဲ့လာတာ (မှန်ပါ့) သဘောပါသလား (ပါ-ပါပြီ) ခင်ဗျားတို့က သန္ဒိဋ္ဌိကောနဲ့ ရှုလိုက်ရင်ပြီးတာဘဲ (မှန်ပါ့) နို့မဟုတ်ရင် အပြစ်ဖြစ်သွားမယ် (မှန်လှပါ ဘုရား)။
It arises bearing the nature of Ehipassiko. (True, Sir). Do you grasp the meaning? (Yes, we do, Sir). All you have to do is apply Sandhiṭṭhiko—observing it so you see the truth for yourself—and the job is done. (True, Sir). Otherwise, it becomes a fault. (True, Sir).
သန္ဒိဋ္ဌိကောနဲ့ ကိုယ်တိုင်သာ မြင်အောင်ရှုချလိုက် (မှန်ပါ့) သူလဲ အနိစ္စဘဲလို့ မြင်အောင်ရှုချလိုက်တော့ ကိုယ်တိုင် မြင်ရာမကျဘူးလား (ကျပါတယ် ဘုရား) ပေါ်ပလား (ပေါ်ပါပြီ ဘုရား)။
Apply Sandhiṭṭhiko and watch and observe it until you clearly discern it for yourself. (True, Sir). If you observe it until you realize, "Ah, this too is Impermanence (Anicca)," does that not become a truth you have seen for yourself? (It does, Sir). Is it clear? (Yes, it is, Sir).
ဒါဖြင့် ဧဟိပဿိကော ခေါ်ရာကို သိန္ဒိဋ္ဌိကောနဲ့ လိုက်ပါ (မှန်ပါ့) မှတ်မိပလား (မှတ်မိပါပြီ ဘုရား)။
Therefore, wherever Ehipassiko calls, follow it with Sandhiṭṭhiko. (True, Sir). Will you remember this? (We will remember, Sir).
ဘယ်နှယ့် ဧဟိပဿိကော ခေါ်ရာကို သန္ဒိဋ္ဌိကောနဲ့ လိုက်ပါ (မှန်ပါ့) ကြားထိုးလာရင်လဲ ဒါလိုက်ရမှာဘဲ (မှန်ပါ့ ဘုရား)။
How should you proceed? Wherever Ehipassiko calls, follow it with Sandhiṭṭhiko. (True, Sir). If an interfering mind arises, you must follow it in this exact manner. (True, Sir).
ကြားထိုးမလားလို့ရှိရင်လဲ ခေါ်ရာကို လိုက် (မှန်ပါ့) သူကတော့ ခေါ်တာသက်သက်ဘဲ (မှန်ပါ့) ပေါ်ပလား (ပေါ်ပါပြီ ဘုရား)။
Whatever interjects, follow its call. (True, Sir). Its only function is to invite you to observe. (True, Sir). Is that clear? (Yes, it is, Sir).
ဒါဖြင့် တပည့်တော်တို့ ဘုရား ရှင်းတတ်ပါပြီ, လင်းတက်ပါပြီ, အလုပ်သဘောတွေလဲ သိပြီဆိုတဲ့ အဓိပ္ပါယ် မရောကသေးဘူးလား (ရောက်ပါပြီ ဘုရား) ရောက်သွားပြီ အခုနာရီဝက်ဟောလိုက်တယ် (မှန်ပါ့)။
So now, have you not reached the point where you can confidently say, "Sir, we are clear, we are enlightened on this, and we finally understand the practical application"? (We have reached that point, Sir). You have reached it. I have been teaching you this for half an hour now. (True, Sir).
ဘာလာလာ ဧဟိပဿိကော မှတ်
အဲဒီတော့ကို ဘာလာလာ ဧဟိပဿိကော မှတ် (မှန်ပါ့) ဘာလာလာ သန္ဒိဋ္ဌိကောနဲ့ ပြန်ပြီးရှုမယ်၊ သဘော ကျပလား (ကျပါပြီ ဘုရား)။
Therefore, whatever arises, recognize it as Ehipassiko. (True, Sir). Whatever arises, you will respond by observing it with Sandhiṭṭhiko. Are you convinced? (Yes, we are, Sir).
လာတာဟူသ၍ ဘာတုံး (ဧဟိ ပဿိကောပါ) ကိုယ်က ရှုမှာဟူသ၍ဟာ (သန္ဒိဋ္ဌိကောပါ) “သန္ဒိဋ္ဌိကော သာမံပဿိတဗ္ဗော” ကိုယ်တိုင်မြင်အောင်သာကြည့်ချ (မှန်ပါ့) အဲဒီတော့ ဒိဋ္ဌိဓမ္မ မဖြစ်ဘူးလား (ဖြစ်ပါတယ် ဘုရား)။
Whatever phenomenon arises, what is its nature? (It is Ehipassiko, Sir). And the mind that watches and observes it is...? (It is Sandhiṭṭhiko, Sir). "Sandhiṭṭhiko sāmaṃ passitabbo"—you must observe it until you see the truth for yourself. (True, Sir). When you do, doesn't it become a truth realized here and now (Diṭṭhadhamma)? (It does, Sir).
အဲ ဒိဋ္ဌဓမ္မမြင်လို့ရှိရင် ပတ္တဓမ္မ, ပရိယောဂါဠံဓမ္မ, တိဏ္ဏဝိစိကိစ္ဆာဆိုပြီး တခါတည်း သောတာပန်တည်တာဘဲ (မှန်ပါ့) ရှင်းပလား (ရှင်းပါပြီ ဘုရား)။
Once you see the truth here and now (Diṭṭhadhamma), you will sequentially attain the reached truth (Pattadhamma), plunge into the ultimate truth (Pariyogāḷhadhamma), cross over all doubts (Tiṇṇavicikicchā), and immediately become a Stream-Enterer (Sotāpanna)! (True, Sir). Is that clear? (Yes, it is, Sir).
ကဲ ယနေ့ ဒီတွင် တော်ကြဦးစို့။
သာဓု သာဓု သာဓု။
Well then, let us stop here for today. Sādhu! Sādhu! Sādhu!