တရားတော်
သဿတ နှင့် ဥစ္ဆေဒဒိဋ္ဌိရှိပုံ အကဲခတ်နည်း
သဿတ နှင့် ဥစ္ဆေဒဒိဋ္ဌိရှိပုံ အကဲခတ်နည်း
How to Observe the Presence of Sassata and Uccheda Ditthi
ကျေးဇူးတော်ရှင် အဂ္ဂမဟာပဏ္ဍိ
မိုးကုတ်ဆရာတော်ဘုရားကြီး
ဟောကြားတော်မူသော
သဿတ နှင့် ဥစ္ဆေဒဒိဋ္ဌိရှိပုံ အကဲခတ်နည်း
ညအလုပ်ပေး တရားတော်
A Nighttime Practical Dhamma Talk Delivered by the Most Venerable Agga Maha Pandita Mogok Sayadaw (December 8, 1961)
(၈-၁၂-၆၁)
ဒိဋ္ဌိဝိပ္ပလ္လာသ အရေးကြီးတယ်
ဝိပ္ပလ္လာသထဲမှာ ရှေးဦးစွာ ဒိဋ္ဌိဝိလ္လာသ၊ စာဆိုမှာ နောက်ကျငြားသော်လည်း ဒကာ ဒကာမတွေမှာ အရေး ကြီးတာကတော့ ဒိဋ္ဌိဝိပ္ပလ္လာသဟာ အရေးကြီးတယ် (မှန်ပါ ဘုရား)။
Among the perversions (Vipallasa), the perversion of view (Ditthi Vipallasa) is the most critical for you Yogis, even though the scriptures might list it later. (True, Sir)
ဒိဋ္ဌိဝိပ္ပလ္လာသ ဘယ့်နှယ်ကြောင့် အရေးကြီးသလဲလို့ မေးလို့ရှိရင် ရှေးဦးစွာ သောတာပတ္တိမဂ်က သူ့ကို အရင်ပယ်ရခြင်းသည် အပါယ်ပဋိသန္ဓေကို မုချပေးစေနိုင်လို့ လို့ မှတ်ရမယ်နော် အပါယ်ကိုဖြစ်စေနိုင်လို့ (မှန်ပါ ဘုရား)။
If you ask why the perversion of view is so important, you must understand that the Path of Stream-Entry (Sotapatti Magga) must eradicate it first. Why? Because this wrong view definitely leads to rebirth in the lower realms (Apaya). It guarantees a fall into the lower realms. (Yes, Sir)
အဲဒီတော့ အပါယ်ဖြစ်စေနိုင်လို့ဆိုတော့ ဒကာ ဒကာမတွေက အမှန်မသိရင် ဒိဋ္ဌိဝိပ္ပလ္လာသကိုကပ်တယ်၊ အဲဒါကြောင့် ဒီနေ့ ဒိဋ္ဌိကနေပြီးသကာလ ဒိဋ္ဌိ ဒိဋ္ဌုပါဒါန် ဒိဋ္ဌိအုပ်ချုပ်တဲ့ ကံတွေဆိုတဲ့ ပဋိစ္စသမုပ္ပါဒ် မသွားရအောင် သေသေချာချာပြောမယ်တဲ့ (မှန်ပါ့)။
Because it drags you down to the lower realms, Yogis who do not know the truth will inevitably cling to this perversion of view. Therefore, today I will explain this carefully so that you do not fall into the Wheel of Dependent Origination governed by wrong view and clinging to wrong view (Ditthi and Ditthupadana). (Well noted, Sir)
ကောင်းပြီဒါဖြင့် မြန်မာပြည်မှာ ဒိဋ္ဌိဘယ်နှစ်မျိုး ရှိသတုန်းလို့ မေးလို့ရှိရင် သက္ကာယဒိဋ္ဌိလဲရှိတယ်၊ သက္ကာယဒိဋ္ဌိကိုခွဲလိုက်လို့ရှိရင် သဿတဒိဋ္ဌိနဲ့ ဥစ္ဆေဒဒိဋ္ဌိဘဲရတယ်။
Very well. If you ask how many types of wrong views exist here in Myanmar, there is Personality Belief (Sakkaya Ditthi). When you divide Personality Belief, you get only two: the View of Eternity (Sassata Ditthi) and the View of Annihilation (Uccheda Ditthi).
သက္ကာယဒိဋ္ဌိက ခွဲလိုက်လို့ရှိရင် သဿတဒိဋ္ဌိနဲ့ ဥစ္ဆေဒဒိဋ္ဌိဘဲ ရှိတယ်လို့ မှတ်ထားကြပါ (မှန်ပါ ဘုရား)။
Mark this well: if you break down Personality Belief, there are only these two. (Yes, Sir)
သက္ကာယဒိဋ္ဌိ လို့ဆိုတော့ ပေါင်းခေါ်တာ၊ ခွဲလိုက်လို့ရှိရင် သဿတဒိဋ္ဌိ, ဥစ္ဆေဒဒိဋ္ဌိ၊ ဒါဘဲရှိတယ် (မှန်ပါ ဘုရား)။
Personality Belief is just a collective term. When divided, there is only Sassata Ditthi and Uccheda Ditthi. (Yes, Sir)
ကိုယ့်ဟာကိုယ် အကဲခတ်
ကောင်းပြီ ဒါဖြင့် ဒကာ ဒကာမတွေ အထူးမှတ်စရာက ကိုယ့်သန္တာန်မှာ ဒီနေ့အကဲခတ်ကြည့်၊ ငါ့သန္တာန်မှာ သဿတဒိဋ္ဌိရှိသလား သို့မဟုတ် ငါ့မှာ ဥစ္ဆေဒဒိဋ္ဌိရှိသလားလို့ ဆိုတာကို ဘုရားကဟောလိမ့်မယ်၊ ဘုရားဟောတော် မူတဲ့အတိုင်း ဆရာဘုန်းကြီးကပြောလိမ့်မယ်၊ ပြောတဲ့အခါကျလို့ရှိရင် ကိုယ့်ဟာကိုယ် အကဲခတ်ကြ (မှန်ပါ့)။
Now, what you Yogis must specifically note today is to observe your own mind. The Buddha taught how to find out whether you harbor the View of Eternity (Sassata Ditthi) or the View of Annihilation (Uccheda Ditthi). I will explain it exactly as the Buddha taught. As I explain, you must evaluate yourselves. (Well noted, Sir)
ဘယ်သူ့အကဲခတ်ရမှာတုန်း (ကိုယ့်ဟာကိုယ် အကဲခတ်ရမှာပါ ဘုရား)။
Who must you observe? (We must observe ourselves, Sir).
ကိုယ့်ဟာကိုယ် အကဲခတ်ရမယ်၊ ငါဟာ သဿတဒိဋ္ဌိရှိတဲ့ ပုဂ္ဂိုလ်လား၊ ဥစ္ဆေဒဒိဋ္ဌိရှိတဲ့ ပုဂ္ဂိုလ်လား၊ ဒီ ဝိပ္ပလ္လာသတွေမှာ ဒိဋ္ဌိဆိုတာ ဝိပ္ပလ္လာသချည့်ဘဲ (မှန်ပါ့) ဘယ်လို အချိုးအစားထဲက မိမိစရိုက်နေပါလိမ့်မလဲ၊ မိမိ ဝါသနာ အထုံဟာ ဘယ်ဘက် သန်နေပါလိမ့်မလဲဆိုတာ အကဲခတ်ပါနော် (မှန်ပါ့)။
You must observe yourselves. You must ask, "Am I someone with Sassata Ditthi or Uccheda Ditthi?" In these perversions, Ditthi is entirely a perversion of the mind. You must observe your own character and habits to see which side you lean towards. (Well noted, Sir)
”ဒွိဟိ ဘိက္ခဝေ ဒိဋ္ဌိဂတေဟိ ပရိယုဋ္ဌိတာ ဒေဝမနုဿာ ဩလီယန္တိ ဧကေ၊ အတိဓာဝန္တိ ဧကေ၊ ဒိဋ္ဌိဟာနှစ်မျိုး ရှိတယ်ကွာတဲ့၊ သက္ကာယ ဒိဋ္ဌိ နှစ်ဆယ်မှာ ဝေဖန်လိုက်လို့ရှိရင် သဿတနဲ့ ဥစ္ဆေဒဘဲ ဒီအထဲပြန်ဝင်တာဘဲ (မှန်ပါ့)။
The Buddha said: "Dvīhi, bhikkhave, diṭṭhigatehi pariyuṭṭhitā devamanussā olīyanti eke, atidhāvanti eke." This means there are two main views. When you classify the twenty types of Personality Belief, they all fall back into either Sassata or Uccheda. (Yes, Sir)
သဿတနဲ့ ဥစ္ဆေဒ
အဲဒီကဲ့သို့ သိထားတော့ကို တချို့သဿတ ဒိဋ္ဌိရှိတဲ့ ပုဂ္ဂိုလ်တွေကတော့ တရားနာလိုက်ရင် တွန့်ထွက်သွား တယ်၊ ဥစ္ဆေဒဒိဋ္ဌိရှိတဲ့ ပုဂ္ဂိုလ်ကလဲ လွန်သွားတယ်၊ ဒါ မှတ်ထားစမ်းပါ (မှန်ပါ့)။
Knowing this, mark this well: when people with Sassata Ditthi listen to the Dhamma, they shrink back. On the other hand, people with Uccheda Ditthi overshoot the mark. (Well noted, Sir)
သဿတဒိဋ္ဌိရှိတဲ့ ပုဂ္ဂိုလ်က တရားနာလိုက်ရင်လို့ရှိရင် ဘဝပြတ် ဟောလိုက်ရင် တွန့်ထွက်သွားတယ် (မှန်ပါ့) စိတ်နောက်ဆုတ်သွားတယ် (မှန်ပါ့)။
When someone with Sassata Ditthi hears a sermon about the cessation of existence, they shrink back. (Yes, Sir) Their mind retreats. (True, Sir)
ဥစ္ဆေဒဒိဋ္ဌိရှိတဲ့ ပုဂ္ဂိုလ်ကလဲ လွန်ပြေးတယ်၊ ဘုရားအလိုကိုမကျဘူး၊ ဒီ ဒိဋ္ဌိနှစ်ခုက (မှန်ပါ့)။
Conversely, someone with Uccheda Ditthi runs too far. Neither aligns with the Buddha’s wish. Both of these views are extremely terrifying. (True, Sir)
သဿတဒိဋ္ဌိရှိတဲ့ ပုဂ္ဂိုလ်က ဘာဖြစ်သွားသတုန်း (တွန့်သွားပါတယ် ဘုရား) တွန့်သွားတယ်၊ သူကလဲ တမျိုးဘဲ ဥစ္ဆေဒဒိဋ္ဌိရှိတဲ့ပုဂ္ဂိုလ်က လွန်သွားတယ် (မှန်ပါ့) ဘုရားအလိုကို အလည်မကျဘူး (မှန်ပါ့) သိပ်ကြောက်စရာကောင်း တဲ့ ဒိဋ္ဌိနှစ်ခုတဲ့၊ ဒီဝိပ္ပလ္လာသဟာ သိပ်ကြောက်စရာကောင်းတယ်။
What happens to a person with Sassata Ditthi? (They shrink back, Sir). They shrink back. And similarly, a person with Uccheda Ditthi overshoots. (Yes, Sir) They do not walk the Middle Path desired by the Buddha. (True, Sir) These are two extremely terrifying wrong views. This perversion is truly frightening.
ကောင်းပြီ သက္ကာယဒိဋ္ဌိ နှစ်ဆယ်ကို ဝေဖန်လိုက်တဲ့အခါ သဿတဒိဋ္ဌိ နဲ့ ဥစ္ဆေဒဒိဋ္ဌိဘဲ ရှိတယ်လို့ မှတ်ထား လိုက်ပါ (မှန်ပါ့)။
Therefore, remember that when the twenty types of Personality Belief are analyzed, they simply come down to Sassata Ditthi and Uccheda Ditthi. (Well noted, Sir)
သဿတဒိဋ္ဌိရှိတဲ့ ပုဂ္ဂိုလ်
သဿတဒိဋ္ဌိရှိတဲ့ ပုဂ္ဂိုလ်က ဘဝကို ပြတ်အောင် ဟောလိုက်လို့ရှိရင် သူက မကြိုက်ဘူး၊ သူ့စိတ်တွန့်ထွက် သွားတယ်၊ ဥစ္ဆေဒဒိဋ္ဌိရှိတဲ့ပုဂ္ဂိုလ်က ဘဝပြတ်ကို ဟောလိုက်တဲ့ အခါကျတော့ လွန်ထွက်ပြေးတယ်ဆိုတော့ကို ဒကာ ဒကာမတွေ မှတ်ရမှာက ဘယ်သူမှ အချိုးမကျဘူးဆိုတာ မှတ်ပါ (မှန်ပါ့ ဘုရား) အလည်လမ်းဘယ်သူမှ မရောက်ဘူး။
If you preach about the complete cessation of existence to a person with Sassata Ditthi, they do not like it. Their mind recoils. When you preach about the cessation of existence to a person with Uccheda Ditthi, they run too far. Yogis, you must realize that neither of them hits the right balance. (True, Sir) Neither reaches the Middle Path.
ကောင်းပြီ ဒါဖြင့် ဘုရားသခင်ကိုယ်တော်မြတ်ကြီးက “ဒွီဟိ ဘိက္ခဝေ ဒိဋ္ဌီဂတေဟိ ပရိယုဋ္ဌိတာ ဒေဝမနုဿာ ဩလီယန္တိ ဧကေ အတိဓါဝန္တိဧကေ” လို့ ပါဠိတော်က ရှိနေတယ်၊ သဿတဒိဋ္ဌိ ရှိနေတဲ့ ပုဂ္ဂိုလ်ဟာ ဘဝပြတ် ဟော လိုက်ရင် ဘာဖြစ်သတုန်း (တွန့်သွားပါတယ်) တွန့်သွားတယ်၊ နောက်ဆုတ်သွားတယ် (မှန်ပါ့)။
Very well. The Exalted Buddha declared in the Pali canon: "Dvīhi, bhikkhave, diṭṭhigatehi pariyuṭṭhitā devamanussā olīyanti eke, atidhāvanti eke." What happens when the complete cessation of existence is preached to a person harboring Sassata Ditthi? (They shrink back). They shrink back. They retreat. (Yes, Sir)
ဥစ္ဆေဒဒိဋ္ဌိရှိတဲ့ ပုဂ္ဂိုလ်
ဥစ္ဆေဒဒိဋ္ဌိရှိတဲ့ ပုဂ္ဂိုလ်ကို ဟောလိုက်ပြန်တော့ (လွန်သွားပါတယ် ဘုရား) အဲ ဘဝပြတ်ဟောလိုက်ရင် သူကတော့ လဲ လွန်ပြေးတယ်။
And what about when it is preached to a person with Uccheda Ditthi? (They overshoot, Sir). Exactly. When the cessation of existence is taught, they run entirely too far.
အဲဒီတော့ကို အခု တရားနာနေကြတာ အများကြီးပါပဲ၊ ငါ ဘယ်ဒိဋ္ဌိထဲကလဲဆိုတာကို အကဲခတ်၊ ကိုယ် ဟာ ကိုယ်အကဲခတ်လို့ရပြီဆိုလို့ရှိရင် ဒီဒိဋ္ဌိနှစ်ခုစလုံးကို ဘုန်းကြီးက နောက်ဆုံးပိတ်ကို ဘာမှ မရှိရအောင် ဖျက်ပေးပါ မယ်(မှန်ပါ့ ဘုရား)။
Now, there are many of you listening to this Dhamma talk. Evaluate yourself: "Which wrong view do I hold?" Once you can diagnose yourself, I will ultimately help you eradicate both of these wrong views completely. (Well noted, Sir)
ဒီ ဒိဋ္ဌိနှစ်ခု မရှိမှ၊ ရှိလို့ရှိရင် မဂ်ဉာဏ် ဖိုလ်ဉာဏ်ကို ဘယ်လိုပင် အားထုတ်ထုတ် ဦးသံဒိုင်တို့ မရဘူး (မှန်ပါ့ ဘုရား) သဿတဒိဋ္ဌိငြိနေလဲမရပါဘုရား၊ ဥစ္ဆေဒဒိဋ္ဌိငြိနေရင်ကော (မရပါ ဘုရား) မရဘူးဆိုတာ သေသေချာ ချာ မှတ်ကြပါ။
You must be free from these two views. If they remain, no matter how hard you strive, U Than Daing, you will never attain Path and Fruition Knowledges (Magga and Phala Nyana). (True, Sir) If you are entangled in Sassata Ditthi, you cannot attain them. What if you are entangled in Uccheda Ditthi? (We cannot attain them, Sir). Mark this with absolute certainty: you cannot attain them.
သဿတဒိဋ္ဌိရှိတဲ့ ပုဂ္ဂိုလ်က ကဲ ကွာ ရုပ်နာမ်ဆုံးရင် နိဗ္ဗာန်ပါဘဲ၊ ရုပ်နာမ်မရှိလို့ရှိရင် နိဗ္ဗာန်ပါပဲ၊ ဟော လိုက်တယ် ဘုရားကပဲ ဘုန်းကြီးကပဲ ဟောလိုက်တယ်၊ ဘုရားကလဲ ဒီအတိုင်းပဲ ဟောလို့ ရုပ်နာမ်ဆုံးရင် နိဗ္ဗာန်ပဲဟေ့။
Now, suppose the Buddha or I preach to someone with Sassata Ditthi, saying, "Listen, the cessation of mind and matter (Nama-Rupa) is Nibbana! The absence of mind and matter is Nibbana!" The Buddha taught exactly this: the end of mind and matter is Nibbana.
ရုပ်နာမ်ဆိုတာက ဒုက္ခသစ္စာကိုး (မှန်ပါ့) ဒုက္ခဿ အန္တံ ကရိဿတိ ဆိုတဲ့အတိုင်း ဒုက္ခဿ=ဒုက္ခ၏၊ အန္တံ အဆုံးကို ကရိဿတိ = မျက်မှောက်ပြုနိုင်လတ္တံ့၊ ဒီတရားတွေ ဟောလိုက်တယ်၊ ဒုက္ခဆုံးတာ နိဗ္ဗာန်ပဲဟေ့ ဒုက္ခဆုံးတာ ဒါပဲ ရှိတာကိုး (မှန်ပါ့)။
Mind and matter are indeed the Noble Truth of Suffering (Dukkha Sacca). (True, Sir) As the phrase "Dukkhassa antaṃ karissati" states, it means one will realize the end of suffering. When we preach this—that Nibbana is simply the cessation of suffering—this is the ultimate truth. (Yes, Sir)
သဿတ ဒိဋ္ဌိရှိတဲ့ ပုဂ္ဂိုလ်က မကြိုက်ဘူး
ဒုက္ခဆုံးတာ (နိဗ္ဗာန်ပါ ဘုရား) အဲဒီတော့ ခန္ဓာကြီးကလဲ ဒုက္ခသစ္စာ၊ ခန္ဓာကြီးက ဒုက္ခသစ္စာဖြစ်ပြီးနေတော့ ရုပ်နာမ်အဆုံးကို ဟောလိုက်တဲ့အခါကျတော့ အို သူက ဘယ့်နှယ်ဖြစ်သွားသတုန်းလို့ ဆိုတော့ သဿတ ဒိဋ္ဌိရှိတဲ့ ပုဂ္ဂိုလ်က မကြိုက်ဘူးတဲ့ (မှန်ပါ့)။
The end of suffering is what? (Nibbana, Sir). So, the aggregates (Khandhas) are the Noble Truth of Suffering. When we preach the cessation of mind and matter, what happens to them? A person with Sassata Ditthi absolutely dislikes it. (Yes, Sir)
ရုပ်နာမ်မရှိလို့ရှိရင် ဘာအသုံးကျတော့မတုန်း၊ ဘာစားလို့ ဘာဝတ်ရမှာတုန်း၊ ဘယ်ဟာ ခံစားရမှာတုန်း အစရှိသည်နဲ့တဲ့ သူက ဘဝထဲ ပျော်မွေ့နေတယ် (မှန်ပါ့ ဘုရား)။
They think, "If there is no mind and matter, what is the point? What will we eat? What will we wear? What is there to enjoy?" They are reveling in existence. (True, Sir)
ရုပ်နာမ်အဆုံး ဟောလိုက်လို့ရှိရင် ကျုပ်တော့ ဒီတရားတယ်မကျေနပ်ပါဘူး၊ သဘောလဲမကျပါဘူး၊ ရုပ်နာမ် ဆုံး နိဗ္ဗာန်လို့ခေါ်ထားစတယ်၊ ခေါ်ထားတော့ ကျုပ်တို့သည်ကားလို့ ဆိုလို့ရှိရင် ရုပ်နာမ် မရှိဘူးဆိုလို့ရှိရင် ဘာနဲ့ နေလို့ ဘာနဲ့စားလို့ ဘာနဲ့ ဝတ်မတုန်း၊ ဘယ်လိုစည်းစိမ် ဘယ်လိုချမ်းသာဆိုတဲ့ ဥစ္စာ သူ နားမလည်တော့ ဘဝပြတ် ဟောလိုက်လို့ရှိရင် တခါတည်း တွန့်ထွက်သွားပြီး နောက်ဆုတ်သွားပြီး ဘဝထဲမှာဘဲ နေပါတော့မယ်ဆိုတဲ့ စိတ်ပေါ် လာတယ် (မှန်ပါ့ ဘုရား) နားလည်ပလား (နားလည်ပါပြီ ဘုရား)။
When the cessation of mind and matter is preached, they think, "I am not satisfied with this Dhamma. I don't like it. You call the end of mind and matter Nibbana. But if there is no mind and matter, how will we live? What will we eat? What will we wear? What kind of luxury and happiness is that?" Because they do not understand, when the cessation of existence is preached, they instantly recoil and retreat. The thought arises in them: "I would rather just stay in the cycle of existence." (True, Sir) Do you grasp this? (Yes, we do, Sir)
ဘယ်မှာ နေချင်သတုန်း (ဘဝထဲမှာဘဲ နေချင်ပါတယ်)။
Where do they want to stay? (They want to stay in existence).
”ဘဝရတာ ဘဝသမ္မုဒိတာ” တဲ့ ဘဝလို့ တခါတည်း ဟောလိုက်လို့ရှိရင်ဖြင့် “စိတ္တံ နပက္ခန္ဒတိ နပ္ပသီဒတိ နသန္တိ ဋ္ဌတိ နာဓိ မုစ္စတိ၊” နှလုံးကို မသွင်းနိုင်ဘူးတဲ့ (မှန်ပါ့)။
"Bhavaratā bhavasammuditā"—they delight in existence. When Nibbana is preached as the end of existence, "Cittaṃ nappakkhandati nappasīdati na santiṭṭhati nādhimuccati." Their minds do not enter into it, do not find clarity, do not settle, and they simply cannot take it to heart. (Yes, Sir)
သဿတဒိဋ္ဌိခံနေတယ်
ဒါ ဘယ်သူကလဲ ဘယ့်နှယ်ကြောင့် ဒီဥစ္စာ ဖြစ်ရပါလိမ့်မတုန်း၊ ဘဝပြတ်လို့ ရုပ်နာမ်ဆုံးရင် နိဗ္ဗာန်လို့ ဟောထားတဲ့ဥစ္စာ သူဘယ့်နှယ်ကြောင့် မကြိုက်ပါလိမ့်မတုန်းဆိုတော့ သူ့ဝမ်းထဲမှာ သဿတဒိဋ္ဌိခံနေတယ်လို့ ဆုံး ဖြတ်ချက်ချပါ (မှန်ပါ့)။
Who is this? Why does this happen? Why do they dislike it when it is taught that the cessation of mind and matter is Nibbana? You must conclude that Sassata Ditthi is lurking deep within them. (Yes, Sir)
ဘယ်လိုမှတ်ကြမယ် (သူ့ဝမ်းထဲမှာ သဿတဒိဋ္ဌိခံနေပါတယ်) သဿတဒိဋ္ဌိခံနေတယ်၊ ရှင်းပြီနော် (ရှင်းပါပြီ)။
How should you mark this? (Sassata Ditthi is lurking within them). Sassata Ditthi is lurking. Is that clear? (It is clear).
သူ့ဝမ်းထဲမှာ ဘာခံနေသတုန်း (သဿတဒိဋ္ဌိခံနေပါတယ်)။
What is lurking within them? (Sassata Ditthi is lurking).
သဿတဒိဋ္ဌိရှိတဲ့ပုဂ္ဂိုလ်ဟာ ဘဝဆုံးနိဗ္ဗာန်ဆိုလို့ရှိရင် သူမကြိုက်ဘူး (မှန်ပါ့ ဘုရား) ရုပ်နာမ်ချုပ်ငြိမ်းတယ်ဆို ရင် ဘာနဲ့စည်းစိမ်ခံစားလို့ ဘာနဲ့ဝတ်လို့ ဘာနဲ့စားလို့ ဘယ်လိုနေရမှန်းမသိတဲ့အတွက် ကျုပ်တို့တော့ တော်ပြီ၊ ဘုံစဉ်စံပဲကြိုက်တော့တယ်၊ အစရှိသည်နဲ့ သူ ဒီလို ပြောင်းထွက်သွားတယ် (မှန်ပါ့ ဘုရား) ဘဝချုပ်ငြိမ်း ရုပ်သိမ်းတာ ဟောလိုက်တာနဲ့ (မှန်ပါ့) ဘဝချုပ်ငြိမ်းရုပ်သိမ်းတဲ့ တရား ဟောလိုက်တော့ နိဗ္ဗာန်ဟောလိုက်တယ်၊ နိဗ္ဗာန်ဟောလိုက် တော့ သူကြိုက်တဲ့လား (မကြိုက်ပါ) အဲဒါ ဘယ်ဒိဋ္ဌိရှိတဲ့ ပုဂ္ဂိုလ်မို့လဲ (သဿတဒိဋ္ဌိရှိတဲ့ ပုဂ္ဂိုလ်မို့ပါ)။
A person with Sassata Ditthi does not like it when told that Nibbana is the end of existence. (True, Sir) When they hear that mind and matter cease, they think, "What will we enjoy? What will we wear? What will we eat? I don't know how to live like that! I've had enough of this teaching. I only prefer to enjoy luxuries realm after realm." They deflect the teaching like this. (True, Sir) The moment the cessation of existence is preached! (Yes, Sir) When the Dhamma of ceasing existence—Nibbana—is preached, do they like it? (No, they do not). What kind of view does such a person hold? (They are a person with Sassata Ditthi).
ကိုယ့်ဟာကိုယ် အကဲခတ်ပါ၊ ဝိသာခါတို့ နဂိုက ပုထုဇဉ်ဖြစ်စဉ်အခါတုန်းက ဘဝပျော်မွေ့တယ် ဘဝပျော်မွေ့ တဲ့အတွက် သူတို့သည်ကားလို့ ဆိုလို့ရှိရင်ဖြင့် အင်း သောတာပန် ဖြစ်လို့ရှိရင်လည်း ဖြုန်းကနဲတော့ ခန္ဓာဆုံး နိဗ္ဗာန်ကို မသွားချင်သေးဘူးဆိုပြီး သကာလ ပုထုဇဉ်တုန်းက သဿတဒိဋ္ဌိရှိတာနဲ့ အခု ခုနှစ်ဘဝ ဒုက္ခသစ္စာနဲ့ နေရသေးတယ် (မှန်ပါ့ ဘုရား)။
Evaluate yourselves. Look at Visakha and others when they were still ordinary people (Puthujjana). They delighted in existence. Because they delighted in existence, even when they became Stream-Enterers (Sotapannas), they did not want to go straight to Nibbana where the aggregates cease. Because they harbored Sassata Ditthi as ordinary people, they still had to endure the Noble Truth of Suffering for seven more lifetimes. (True, Sir)
ဘယ်နှစ်ဘဝတုန်း (ခုနှစ်ဘဝပါ ဘုရား) ခုနှစ်ဘဝ ဒုက္ခသစ္စာနဲ့နေရတယ်၊ နဂိုက သူ ဒုက္ခသစ္စာနဲ့နေရတယ်၊ နဂိုက ဘာရှိတယ်ဆိုတာ သူ့ကို အကဲခတ်ကြည့်လိုက်ရင် သိတာပဲ (သဿတဒိဋ္ဌိရှိပါတယ်) သဿတဒိဋ္ဌိရှိနေတယ်ဆို တာ သဘောကျပလား (ကျပါပြီ)။
How many lifetimes? (Seven lifetimes, Sir). They had to live with the Noble Truth of Suffering for seven lifetimes. They were originally living with the Noble Truth of Suffering. If you observe what was originally in them, you will know. (They had Sassata Ditthi). Do you grasp that they had Sassata Ditthi? (Yes, we do).
ဘဝထဲ မွေ့လျော်တယ်
သူက ဘယ်လိုကြောင့်တုန်း၊ ဘဝါရာမာ ဘဝထဲ မွေ့လျော်တယ်၊ ဘဝရတာ တဲ့၊ ဘဝထဲနှစ်သက်နေတယ်၊ ဘဝသမ္မုဒိတာဘဝထဲမှာ သူနေရတာ ဝမ်းမြောက်နေတယ်။
Why is that? "Bhavārāmā"—they delight in existence. "Bhavaratā"—they are attached to existence. "Bhavasammuditā"—they rejoice in being in existence.
"တေသံ ဘဝနိရောဓာယဓမ္မေ ဒေသိယမာနေ စိတ္တံ နာပက္ခန္ဒတိ နပ္ပသီဒတိနာဓိမုစ္စတိ"(ဣတိဝုတ္တကပါဠိ၊ ၂၂၄) တဲ့၊ ဘဝချုပ်ငြိမ်းတဲ့ ပြတ်တဲ့ တရား ဟောလိုက်လို့ ရှိရင် နားထဲမှာကို ဒီတရား မဝင်လာဘူးတဲ့ (မှန်ပါ့) ဘာဒိဋ္ဌိရှိတဲ့သူမို့လဲ (သဿတဒိဋ္ဌိ ရှိတဲ့သူပါ ဘုရား)။
"Tesaṃ bhavanirodhāya dhamme desiyamāne cittaṃ na pakkhandati nappasīdati nādhimuccati" (Itivuttaka Pali, 224). When the Dhamma regarding the complete cessation of existence is preached, this teaching simply does not enter their ears. (True, Sir) What kind of wrong view do they have? (They have Sassata Ditthi, Sir).
အဲဒါ ခင်ဗျားတို့လည်း ကြားဘူးကြပါလိမ့်မယ်၊ ကျုပ်တို့တော့ နိဗ္ဗာန်တော့ နိဗ္ဗာန်ဆိုတာ ရုပ်နာမ်မရှိဘူးလို့ လဲ ဆရာသမားတွေက ဟောတယ်၊ အဲဒါကြောင့် ကျုပ်တို့တော့ဖြင့် ဘာမှမရှိလို့ရှိရင် ရုပ်နာမ်မှမရှိရင် ဘာခံစား မလဲ ဘာဝတ်မလဲ ဘာစားမလဲ၊ အဲဒီတော့ ကျုပ်တို့တော့ဖြင့် အပါယ်လွတ်ရင်တော်ပြီ၊ အပါယ်တစ်ခုလွတ်ရင်တော်ပါ ပြီတဲ့၊ အခုလို အသံတွေဟာ ဘဝါရာမ ဘဝမွေ့လျော်တဲ့ပုဂ္ဂိုလ်၏ အသံတွေ (မှန်ပါ့ ဘုရား) ဘာဒိဋ္ဌိရှိနေသတုန်း (သဿတဒိဋ္ဌိရှိနေပါတယ် ဘုရား)။
You must have heard people say this: "Teachers preach that Nibbana means there is no mind and matter. But if there is no mind and matter, what will we enjoy? What will we wear? What will we eat? Therefore, for us, just escaping the lower realms is enough. Escaping the lower realms is plenty!" Statements like these are the voices of people who delight and revel in existence. (True, Sir) What wrong view do they have? (They have Sassata Ditthi, Sir).
သဿတဒိဋ္ဌိရှိနေတယ်၊ အဲဒါ မြို့ထဲရွာထဲမှာ ဒီအသံရှိတဲ့ ပုဂ္ဂိုလ်ကို ခင်ဗျားတိုက ကိုယ့်ကိုယ်လဲ အကဲခတ်ပါ၊ သူများလဲ အကဲခတ်ပါ (မှန်ပါ့)။
They have Sassata Ditthi. When you hear such voices in your towns and villages, evaluate yourselves, and evaluate others too. (Yes, Sir)
သူများလဲအကဲခတ်လိုက်တော့ ဒီအသံတွေ ထွက်လာလို့ရှိရင် ဪ သဿတဒိဋ္ဌိက လာတာလို့မှတ်ပါ (မှန်ပါ့) ရှင်းပလား (ရှင်းပါပြီ)။
When you observe others and hear these voices, mark this: "Oh, this comes from Sassata Ditthi!" (Yes, Sir) Is that clear? (It is clear).
သဿတဒိဋ္ဌိသမားက ဘဝပျော်မွေ့တယ် (မှန်ပါ့) ဘဝချုပ်ကြောင်းကို ဟောလိုက်လို့ရှိရင် တွန့်ထွက်သွား တာဘဲ (မှန်ပါ့)။
A person with Sassata Ditthi delights in existence. (Yes, Sir) If you preach the cause of the cessation of existence, they simply recoil. (True, Sir)
ဒါ့ကြောင့် တရားနာတဲ့အထဲမှာ လူကမျိုးစုံပါပြီး သကာလနေတော့ ဒါ ကိုယ့်ဟာကိုယ် အကဲခတ်ပါ (မှန်ပါ့) ကိုယ့်ဟာကိုယ်အကဲခတ်တော့ များသောအားဖြင့် သဿတဒိဋ္ဌိကတော်တော်များတယ် (မှန်ပါ့)။
Therefore, among the audience listening to the Dhamma, there are all sorts of people. Evaluate yourselves. (Yes, Sir) Upon self-evaluation, you will find that Sassata Ditthi is quite prevalent. (True, Sir)
ရုပ်နာမ်အဆုံး နိဗ္ဗာန်၊ ခန္ဓာဆုံးနိဗ္ဗာန်၊ ဒါကို ဟောလိုက်လို့ရှိရင် ရုပ်နာမ်ခန္ဓာမှ မရှိလို့ရှိရင် ဘာစားလို့ ဘာဝတ်လို့ ဘယ်လိုပျော်လို့ ဘယ်လိုမွေ့လို့ ဘယ်ချမ်းသာကို ဘာခံစားမလဲ၊ ဦးသံဒိုင် မလာပေဘူးလား (လာပါတယ် ဘုရား)။
When we preach that the end of mind and matter is Nibbana, that the end of the aggregates is Nibbana, the thought inevitably comes to them: "If there are no aggregates, what will we eat? What will we wear? How will we enjoy ourselves? What kind of happiness is there to experience?" Doesn't this thought arise, U Than Daing? (It does, Sir).
လာတော့ သူကြိုက်နိုင်သေးရဲ့လား၊ မကြိုက်နိုင်ဘူးလား (မကြိုက်နိုင်ပါ ဘုရား)။
When it arises, can they still like Nibbana? (No, they cannot, Sir).
သူ နောက်ဆုတ်သွားတာဘဲ
အဲဒီတော့ ဘဝပြတ် နိဗ္ဗာန်ကို ဟောလိုက်လို့ရှိရင် မောင်သစ် သူ နောက်ဆုတ်သွားတာဘဲ (မှန်ပါ့ ဘုရား) ဘယ်ပုဂ္ဂိုလ်လို့ အကဲခတ်မလဲ (သဿတဒိဋ္ဌိရှိတဲ့ ပုဂ္ဂိုလ်ပါ ဘုရား) သဿတဒိဋ္ဌိရှိတဲ့ ပုဂ္ဂိုလ်။
So, Maung Thit, when Nibbana is preached as the cessation of existence, they simply retreat. (True, Sir) How would you evaluate such a person? (A person with Sassata Ditthi, Sir). Yes, a person with Sassata Ditthi.
ကျုပ်တို့တော့ဖြေးဖြေးဘဲ၊ ဘုံစဉ်စံပဲ ကြိုက်နေတယ်၊ အပါယ်လဲမကျဘူး၊ ဘုံစဉ်လည်း စံရမယ်ဆိုရင် ကျုပ်တို့ ကြိုက်တယ်၊ ဒါ ဘာဒိဋ္ဌိလဲ (သဿတဒိဋ္ဌိပါ ဘုရား) ရှင်းကြပလား (ရှင်းပါပြီ)။
"We will take it slowly. We prefer to enjoy the celestial realms step by step. As long as we don't fall into the lower realms and can enjoy successive good rebirths, we like that." What kind of view is this? (Sassata Ditthi, Sir). Is that clear to all of you? (It is clear).
ဒါက သဿတဒိဋ္ဌိ သမားက သူ့ဝမ်းထဲမှာရှိလို့ သူ့အသံ ထွက်လာတာ (မှန်ပါ့ ဘုရား) သူ့ဝမ်းထဲမှာ ရှိတဲ့ အတွက် ရုပ်နာမ်ဆုံးသွားတာ နိဗ္ဗာန်ပါပဲ ဆိုလို့ရှိရင် ရုပ်နာမ်မရှိရင် ဘာခံစားမလဲဆိုတဲ့ သူ့ဆင်ခြေနဲ့ သူလဲတတ်ပြီး သကာလ ဘဝထဲဘဲ ပြန်ပုန်းအောင်းချင်တဲ့ စိတ်ပေါ်တယ် (မှန်ပါ့) ဘာဒိဋ္ဌိရှိတဲ့ ပုဂ္ဂိုလ်လဲ (သဿတဒိဋ္ဌိရှိတဲ့ ပုဂ္ဂိုလ် ပါ) သိပ်ကြောက်စရာကောင်းပါကလား (ကောင်းပါတယ် ဘုရား)။
Because Sassata Ditthi resides inside them, this is the voice that comes out. (True, Sir) Because it is inside them, when told that the end of mind and matter is Nibbana, they argue back, "If there is no mind and matter, what is there to enjoy?" They want to hide back inside existence. (Yes, Sir) What kind of person is this? (A person with Sassata Ditthi). Isn't this incredibly terrifying? (It is, Sir).
အကြိမ်ကြိမ်ခံစား၍ ဆိုတဲ့ပုဂ္ဂိုလ်
ဒါဖြင့် ဘုရားရှေ့ ဆုတောင်းပြီးသကာလ လူ့ပြည်နတ်ပြည် အကြိမ်ကြိမ်ခံစား၍ ဆိုတဲ့ပုဂ္ဂိုလ်ဟာ ဘာထင်ကြ သတုန်း (သဿတဒိဋ္ဌိရှိတဲ့ ပုဂ္ဂိုလ်ပါ ဘုရား)။
Then, what do you think about the person who prays in front of the Buddha, saying, "...may I enjoy the human and celestial realms again and again"? (That is a person with Sassata Ditthi, Sir).
မရဘူးတဲ့ သူ နိဗ္ဗာန်၊ လူ့ပြည် နတ်ပြည်တော့ ရမယ် (မှန်ပါ့) နိဗ္ဗာန်တော့ (မရပါ ဘုရား) ဘာခံနေသတုန်း (သဿတဒိဋ္ဌိခံနေပါတယ်)။
They will not attain Nibbana! They will attain the human and celestial realms. (True, Sir) But Nibbana? (They will not attain it, Sir). What is obstructing them? (Sassata Ditthi is obstructing them).
သဿတဒိဋ္ဌိဆိုတဲ့ ဒိဋ္ဌိဝိပ္ပလ္လာသခံပြီ (မှန်ပါ့) ရှင်းပလား (ရှင်းပါပြီ) ကြောက်စရာကြီးပါလား (မှန်ပါ့)။
The perversion of view called Sassata Ditthi is blocking them. (True, Sir) Is that clear? (It is clear). Isn't it terrifying? (True, Sir).
သဿတဒိဋ္ဌိကလည်း နိဗ္ဗာန်တော့ ရခဲတဲ့ အထဲကဘဲလို့မှတ်လိုက်စမ်းပါ (မှန်ပါ့)။
Mark this down: Sassata Ditthi places you among those who will find it exceedingly difficult to attain Nibbana. (True, Sir).
သဿတဒိဋ္ဌိက (နိဗ္ဗာန်ရခဲတဲ့ အထဲကပါ)။
Sassata Ditthi is... (Among those who find it hard to attain Nibbana).
နိဗ္ဗာန်ရခဲတဲ့ အထဲ၊ ဘာ့ကြောင့် ရခဲသတုန်းဆိုတော့ ဘဝါရာမာ၊ ကဲ ဘဝထဲ ပျော်နေတယ်၊ ဘဝရတာ၊ ဘဝကို ထပ်နှစ်သက်တယ်တဲ့၊ ဘဝသမ္မုဒိတာ ဘဝထဲနေရတာ၊ သူ သိပ်ဝမ်းမြောက်နေတယ်တဲ့ (မှန်ပါ့)။
Why is it hard to attain? Because of "Bhavārāmā"—they are happy in existence. "Bhavaratā"—they repeatedly delight in existence. "Bhavasammuditā"—they rejoice greatly in living in existence. (Yes, Sir)
တေသံ = ထိုပုဂ္ဂိုလ်တို့အား၊ ဘဝနိရောဓာယ = ဘဝ၏ချုပ်ရာ နိဗ္ဗာန်အကျိုးငှာ၊ ဓမ္မေ = တရားကို၊ ဒေသိယမာနေ = ဘုရားက ဟောသည်ရှိသော်၊ နပက္ခန္ဒတိ = ဒီတရားထဲ စိတ်မဝင်စားတော့ဘူးတဲ့၊ နပ္ပသီဒတိ = ကြည်လင်ခြင်း မရှိတော့ဘူးတဲ့ (မှန်ပါ့) နာဓိမုစ္စတိ = နှလုံးလဲမသွင်းတော့ဘူးတဲ့၊ ဒီတရားကို (မှန်ပါ)။
"Tesaṃ"—to those persons; "Bhavanirodhāya"—for the sake of Nibbana, the cessation of existence; "Dhamme"—the Dhamma; "Desiyamāne"—when preached by the Buddha; "Nappakkhandati"—their mind does not enter this Dhamma; "Nappasīdati"—there is no clarity; (True, Sir) "Nādhimuccati"—they do not take this Dhamma to heart. (True, Sir)
ဒါ ဘာဒိဋ္ဌိရှိတဲ့ပုဂ္ဂိုလ်လဲ (သဿတဒိဋ္ဌိရှိတဲ့ ပုဂ္ဂိုလ်ပါ ဘုရား) သဿတဒိဋ္ဌိရှိတဲ့ ပုဂ္ဂိုလ်တဲ့၊ ဦးသံဒိုင် ဘယ့်နှယ် တုန်း၊ ကြောက်စရာကောင်းတယ် (ကောင်းပါတယ် ဘုရား)။
What kind of view does such a person hold? (A person with Sassata Ditthi, Sir). A person with Sassata Ditthi. What do you think, U Than Daing? It is terrifying. (It is terrifying, Sir).
များသောအားဖြင့် ဗုဒ္ဓဘာသာမှာ ဒီဒိဋ္ဌိရှိတယ် (မှန်ပါ့)။
Mostly, in Buddhism, this wrong view is prevalent. (True, Sir).
များသောအားဖြင့် ဗုဒ္ဓဘာသာမှာ ဒီဒိဋ္ဌိရှိတယ်
များသောအားဖြင့် (ဗုဒ္ဓဘာသာမှာ ဒီ ဒိဋ္ဌိရှိပါတယ်) ဒီ ဒိဋ္ဌိရှိတယ်ဆိုတာ ကျေနပ်ကြပလား (ကျေနပ်ပါပြီ)။
Mostly, (This wrong view exists in Buddhism). Are you convinced that this wrong view exists? (We are convinced).
ဒီ ဒိဋ္ဌိရှိနေလို့ရှိရင် ဒီ ဒိဋ္ဌိက ကြီးလာလိမ့်မယ်၊ ဒိဋ္ဌိ ဒိဋ္ဌုပါ ဒါန် ဒိဋ္ဌိ အုပ်ချုပ်တဲ့ကံဆိုပြီး သကာလ သူ ဒုက္ခ သစ္စာကြီးရဦးတော့မယ် (မှန်ပါ့) မရပေဘူးလား (ရပါတယ်) ဒီ ပဋိစ္စသမုပ္ပါဒ်က လွတ်မှာမှမဟုတ်ဘဲ (မှန်ပါ့)။
If this wrong view is present, it will grow. Wrong View (Ditthi) becomes Clinging to Wrong View (Ditthupadana), which then drives Kamma (Ditthi-governed Kamma). Because of this, they will have to endure the Noble Truth of Suffering all over again. (True, Sir) Won't they? (They will). They will certainly not escape the Wheel of Dependent Origination. (True, Sir)
မလွတ်ပေမဲ့လည်း သူအပါယ်သာကြောက်တယ်၊ ခန္ဓာတွေကျတော့ သဘောကျတယ် (မှန်ပါ့) လူခန္ဓာ နတ်ခန္ဓာ ဗြဟ္မာ ခန္ဓာတွေကို ဘယ်လိုပဲအို ဘယ်လိုပဲနေ ဘယ်လိုပဲသေသေ သူကြိုက်တယ် (မှန်ပါ) ဘာဒိဋ္ဌိရှိတဲ့ ပုဂ္ဂိုလ်လဲ (သဿတဒိဋ္ဌိရှိတဲ့ ပုဂ္ဂိုလ်ပါ)။
Even though they won't escape, they only fear the lower realms (Apaya). They actually like having aggregates (Khandhas). (True, Sir) Whether it's a human aggregate, a deva aggregate, or a brahma aggregate—no matter how it ages, suffers, or dies—they like it! (True, Sir) What kind of person is this? (A person with Sassata Ditthi).
အင်း သဿတဒိဋ္ဌိရှိတဲ့ပုဂ္ဂိုလ်လဲ အင်မတန် ကြောက်စရာကောင်းပါတယ်။
Indeed, a person with Sassata Ditthi is extremely terrifying.
ဒါဖြင့် ဒိဋ္ဌိမဂ်တားတယ်ဆိုတာဟာပေါ်ကြပြီ (ပေါ်ပါပြီ ဘုရား) မပေါ်သေးဘူးလား (ပေါ်ပါပြီ)။
So, is it now crystal clear that Ditthi obstructs the Noble Path (Magga)? (It is clear, Sir). Isn't it clear? (It is clear).
ဒိဋ္ဌိမဂ်တားတယ်ကွ၊ ဘုရားကဟောတယ်နော် (မှန်ပါ့) ဒိဋ္ဌိဟာ မဂ်ဉာဏ် ဖိုလ်ဉာဏ်ကို တားတယ်ကွ ဆိုတဲ့ ဥစ္စဟာ ဒကာ ဒကာမတွေ ဒီနေ့ ဒီဟာကို ပြောလိုက်သဖြင့် ပဋိသမ္ဘိ ဒါမဂ် ပါဠိတော် ပြောလိုက်သဖြင့် ဒိဋ္ဌိအ ကြောင်းကို ဪ ဟုတ်ပေမှာဘဲ ဒိဋ္ဌိမဂ်တားတယ်ဆိုတာ၊ မဂ်ဉာဏ် ဖိုလ်ဉာဏ်ကိုမှ သူရဖို့ရာ မကြိုးစားချင်တော့ ပဲ၊ ကြိုးစားသေးရဲ့လား (မကြိုးစားပါ ဘုရား)။
"Wrong view obstructs the Path!" The Buddha taught this. (True, Sir) Today, by explaining this quotation from the Patisambhida Magga Pali text, you Yogis realize: "Ah, it is true that Ditthi blocks the Path." They don't even want to strive for Path and Fruition Knowledges. Do they still want to strive? (They do not, Sir).
ဘာဖြစ်လို့ မကြိုးစားသတုန်း (နားမလည်လို့ပါ) ဒီလိုမဆိုနဲ့၊ ဘဝပျော်ပိုက်လို့ (မှန်ပါ့) ရှင်းပြီ (ရှင်းပါပြီ)။
Why don't they strive? (Because they don't understand). Do not just say that. It is because they delight in existence. (True, Sir) Is it clear? (It is clear).
ဘယ်လိုကြောင့်ပါလိမ့် (ဘဝပျော်ပိုက်လို့ပါ ဘုရား)။
Why is it? (Because they delight in existence, Sir).
သူကလည်း နားမလည်ဘူးလေ၊ ရုပ်နာမ်ဆုံး နိဗ္ဗာန်ဆိုတာကို ရုပ်နာမ်မရှိ ဘာခံစားမလဲ၊ ဘာဝတ်လို့ ဘယ် ချမ်းသာဆိုတာ ကျုပ်တို့တော့ မပြောတတ်ပါဘူး၊ မပြောတတ်တဲ့အတွက် ဘဝထဲမှာဘဲ သူသည် အကြိမ်ကြိမ် ခံစားချင် တဲ့စိတ်၊ အပါယ်တော့ကြောက်တယ် (မှန်ပါ့) သုဂတိတော့ မကြောက်ဘူး (မှန်ပါ့) ရှင်းပလား (ရှင်းပါပြီ)။
It is also because they do not understand. When they hear that Nibbana is the cessation of mind and matter, they think, "If there is no mind and matter, what will we enjoy? What will we wear? What kind of happiness is that? We cannot say!" Because they cannot say, they harbor the desire to enjoy existence again and again. They fear the lower realms (Apaya). (True, Sir) But they do not fear the good realms (Sugati). (True, Sir) Is that clear? (It is clear).
အပါယ်တော့ ကြောက်ပါတယ်
အပါယ်တော့ (ကြောက်ပါတယ်) သုဂတိတော့ (မကြောက်ပါ ဘုရား)။
They fear the lower realms? (Yes, they fear them). But the good realms? (They do not fear them, Sir).
မကြောက်တဲ့ ပုဂ္ဂိုလ် ဘာဒိဋ္ဌိရှိတယ်လို့သာ အကဲခတ်စမ်း (သဿတဒိဋ္ဌိရှိပါတယ်)။
Evaluate a person who does not fear existence. What view do they hold? (They hold Sassata Ditthi).
အဲဒါ ကိုယ့်ဟာကိုယ်ရှိနေရင်လဲ နောက်တရားနိဂုံးချုပ်တော့ ပါပါလိမ့်မယ်၊ ပြင်ရလိမ့်မယ် (မှန်ပါ) ပြင်ရလိမ့် မယ်။
If you find this within yourself, you will have to correct it. I will explain how to correct it at the conclusion of this Dhamma talk. You must correct it. (True, Sir) You must correct it.
ဘယ့်နှယ်ကြောင့်ပြင်ရလိမ့်မတုန်းလို့ မေးလို့ရှိရင်ဖြင့် ဒိဋ္ဌိမဂ္ဂါဓိဂမဿ နိဝါရဏာ ဒိဋ္ဌိဟာမဂ်တားတယ်ကွာ တဲ့။
If you ask why you must correct it: "Diṭṭhi maggādhigamassa nivāraṇā"—because wrong view obstructs the attainment of the Noble Path.
ဒိဋ္ဌိဟာဘာတဲ့ (မဂ်တားပါတယ် ဘုရား) မဂ်တားတယ်။
What does wrong view do? (It obstructs the Path, Sir). It obstructs the Path.
ဒါဖြင့် ခင်ဗျားတို့နိဗ္ဗာန်မရတာ ပါရမီမရှိလို့မရတာလား၊ ကိုယ့်ကိုယ်တိုင်သည်ပင် ဘဝပျော်မွေ့လို့ မရတာ လားဆိုလို့ မေးလို့ရှိရင်ဖြင့် ကိုယ့် ကိုယ် ကိုယ် အကဲခတ်ကြည့် မခတ်နိုင်သေးဘူးလား (ခတ်နိုင်ပါတယ် ဘုရား) ဘာဖြစ်နေသတုန်း (ဘဝပျော်လို့မရတာပါ) ရောက်ရာဘဝ ပျော်မွေ့တယ်၊ ရှင်းပလား (ရှင်းပါပြီ)။
Therefore, if you ask, "Are we failing to attain Nibbana because we lack Perfections (Parami), or is it because we ourselves are delighting in existence?" Evaluate yourselves! Can you not evaluate yourselves? (We can, Sir). What is the problem? (We are failing because we delight in existence). You delight wherever you are reborn. Is that clear? (It is clear).
ဘာဒိဋ္ဌိရှိတာတုန်း (သဿတဒိဋ္ဌိရှိပါတယ်) အဲဒီတော့ ကိုယ့်ဟာကိုယ် တရားနာကြည့်တဲ့ အခါမှာ သိပါတယ် တဲ့ ဘုရားက ကိုယ်ဟာကိုယ် တရားနာကြည့်တဲ့အခါကျတော့ နိဗ္ဗာန်ဆိုတာ ရုပ်နာမ်ဆုံးနိဗ္ဗာန်လို့ ကြားလိုက်လို့ရှိရင် သူ့စိတ်ထဲ ကျေကိုမကျေနပ်ဘူး (မှန်ပါ့)။
What view is that? (Sassata Ditthi). So, the Buddha said you will know when you listen to the Dhamma and evaluate yourself. When they hear that Nibbana is the cessation of mind and matter, they are entirely dissatisfied. (True, Sir)
ဘာဖြစ်လို့တုန်းလို့မေးတော့ သဿတဒိဋ္ဌိရှိနေတော့ သစ္စာကို သူမသိသေးဘူး (မှန်ပါ) ရုပ်နာမ်ဟာ ဒုက္ခသစ္စာ လို့ သူ့ဉာဏ်ထဲမှာ မပိုင်ဘူး (မှန်ပါ့) မပိုင်တော့ နိဗ္ဗာန်၏သဘောကို ကောင်းကောင်းမသိတဲ့အတွက် ဘဝထဲ ပျော်မွေ့တဲ့ စိတ်သာ ပေါ်ပေါက်ပြီးသကာလ လာတဲ့အဖြစ်ဟာ သဿတဒိဋ္ဌိက ဝမ်းထဲက နေပြီးသကာလ နှိုးဆော်နေတယ်၊ သူသည် ဒိဋ္ဌာနုသယအဖြစ်နဲ့ ဝမ်းထဲမှာ ကိန်းနေတယ်လို့ မှတ်လိုက်စမ်းပါ (မှန်ပါ့)။
If you ask why, it is because Sassata Ditthi is present; they do not yet know the Noble Truths. (True, Sir) Their insight has not grasped that mind and matter are the Noble Truth of Suffering. (True, Sir) Because they do not grasp it, they do not truly understand the nature of Nibbana. Thus, only the desire to delight in existence arises. This happens because Sassata Ditthi is urging them from within. Mark this well: it rests within them as a latent wrong view (Ditthanusaya). (True, Sir)
ဘယ်လိုမှတ်ကြမယ် (ဒိဋ္ဌာနုသယအဖြစ်နဲ့ ဝမ်းထဲမှာ ကိန်းနေပါတယ် ဘုရား)။
How should you mark it? (It rests within us as a latent wrong view, Sir).
ဒိဋ္ဌိနုသယအဖြစ်နဲ့ ဝမ်းထဲမှာ ကိန်းနေတယ်ဆိုတာ သေသေချာချာမှတ်ပါ (မှန်ပါ့) တယ်ကြောက်စရာကောင်း ပါသလား မောင်သစ်တို့ ကဲ ပေါ်ပြီလား (ပေါ်ပါပြီ)။
You must mark carefully that it rests within as a latent wrong view. (True, Sir) Isn't it terrifying, Maung Thit? Is it clear now? (It is clear).
ဘယ်ဒိဋ္ဌိက အပင်းခံနေသတုန်း
ဘုရားရှေ့များသွားပြီး အို ပန်းကလေး တပွင့်နဲ့ပန်းကလေးလက်ထဲ ထည့်ပြီးသကာလ အမျိုးမျိုးများ ဦးသံဒိုင် တို့ရွှေတိဂုံ သွားသွား ဘုရားကြီးထဲသွားသွား တောင်းနေလိုက်တဲ့ ဆုဟာ ဘာ သမားတွေတုန်းလို့ အကဲခတ်လို့ ရှိရင် ဆုရှည်ကြီးတောင်းပြီးတော့ တခါတည်း ဒီသားနဲ့ ဒီသမီးနဲ့ ဒီမြေးနဲ့ ဒီမြစ်နဲ့ ဟုတ်လား၊ နိဗ္ဗာန် သွားတောင်မှ အတူတူမှဘဲ ဘုံစဉ်စံ ဘယ်ရောက်ရောက် အတူတူ၊ ဒီဟာတွေဟာ တောင်းထည့်နေလိုက်တဲ့ ဥစ္စာ ခင်ဗျားတို့က ဘာက တောင်းတယ် ထင်သလဲ (သဿတဒိဋ္ဌိကပါ ဘုရား) သဿတဒိဋ္ဌိကနေပြီး တောင်းနေတာ (မှန်ပါ့)။
When people go before the Buddha, hold a small flower in their hands, and pray for all sorts of things—U Than Daing, whether they go to the Shwedagon Pagoda or the Mahamuni Pagoda—they pray long, elaborate prayers: "May I be together with this son, this daughter, this grandchild, this great-grandchild! Even if we go to Nibbana, let us go together! Whatever realm we reach, let us be together!" When they make such prayers, what do you think is doing the praying? (It is Sassata Ditthi, Sir). Yes, Sassata Ditthi is doing the praying. (True, Sir)
အင်း သူ့ဝမ်းထဲမှာဖြင့် ဒီ ဒိဋ္ဌိရှိတယ်ဆိုတာ တခါတည်း ဒကာ ဒကာမတွေက အကဲသာ ခတ်လိုက်တော့၊ ဪ သဿတဒိဋ္ဌိသမားပါကလား လို့ (မှန်ပါ့) အခုရလည်း သူယူမည့်လူ မဟုတ်ဘူး (မှန်ပါ့) ယူပါ့မလား (မယူပါ ဘုရား)။
You Yogis must evaluate immediately and realize, "Ah, this person harbors this wrong view. They are a Sassata Ditthi person!" (True, Sir) Even if Nibbana were handed to them right now, they wouldn't take it. (True, Sir). Would they take it? (They would not, Sir).
မယူဘူးတဲ့ ဘယ်ဒိဋ္ဌိက အပင်းခံနေသတုန်း (သဿတဒိဋ္ဌိက အပင်းခံနေပါတယ်)။
They wouldn't take it. Which wrong view is lurking and obstructing them? (Sassata Ditthi is lurking).
သဿတဒိဋ္ဌိ အပင်းခံနေတယ်ဆိုတာတော့ ကျေနပ်လောက်အောင် သဘောကျကြပြီ (ကျပါပြီ ဘုရား)။
Are you now fully convinced that Sassata Ditthi is lurking within? (We are convinced, Sir).
ကထဉ္စ ဘိက္ခဝေ ဩလီယန္တိ ဧကေ၊ ဘယ်လိုများ တွန့်သွားသတုန်းဆိုတော့ ဘဝါရာမာဘိက္ခဝေ ဘဝရတာ ဘဝသမ္ဗုဒိတာ တေသံ ဘဝနိရောဓယ ဓမ္မေဒေသိယမာနေ ဘဝထဲ ပျော်နေတဲ့ပုဂ္ဂိုလ်ဟာ ဘဝပြတ် ဟောလိုက်လို့ရှိရင် ဖြင့် စိတ်ကိုမဝင်စားတော့ဘူးတဲ့၊ တရာနာရင်းကို စိတ်မဝင်စားဘူးတဲ့ (မှန်ပါ့)။
"Kathañca, bhikkhave, olīyanti eke?" How do some shrink back? "Bhavārāmā, bhikkhave, bhavaratā bhavasammuditā tesaṃ bhavanirodhāya dhamme desiyamāne..." When the cessation of existence is preached to those who delight in existence, they lose all interest. Even as they listen to the Dhamma, they take no interest. (True, Sir)
ဘယ်သူက ခံနေသတုန်း (သဿတဒိဋ္ဌိက ခံနေပါတယ် ဘုရား)။
What is obstructing them? (Sassata Ditthi is obstructing them, Sir).
သဿတဒိဋ္ဌိက ခံနေတဲ့ အတွက်တဲ့နိဗ္ဗာန်တော့ ပြောကြတာပဲ၊ သူ့စိတ်ထဲကပေါ့လေ (မှန်ပါ့) ပြောပင်ပြောကြ ငြားသော်လည်း ကျုပ်တို့တော့ သဘောကလည်း မပါလို့ ထင်ပါရဲ့ သိပ်တော့ အကြိုက်ကြီး မကြိုက်သေးဘူးဆိုရင် သဿတဒိဋ္ဌိသာမှတ်ပေတော့ (မှန်ပါ့ ဘုရား) ရှင်းပလား (ရှင်းပါပြီ)။
Because Sassata Ditthi is obstructing them, they might say the word "Nibbana," but deep in their minds, they think, "People talk about Nibbana, but honestly, I don't really feel it. I don't really like it that much." If they feel this way, mark it down as Sassata Ditthi! (True, Sir) Is that clear? (It is clear).
ဒီလိုလူ များလိမ့်မလား၊ နည်းလိမ့်မလားလို့ မောင်သစ်အကဲခတ်စမ်း (များပါတယ် ဘုရား)။
Maung Thit, evaluate this: are there many such people, or few? (There are many, Sir).
ဟာ ဒါဖြင့် ဘယ်မှာ နိဗ္ဗာန်ရမလဲ၊ နိဗ္ဗာန်မရနိုင်ဘူး၊ ဦးသံဒိုင် ရှင်းပလား (ရှင်းပါပြီ)။
Ha! If so, how will they ever attain Nibbana? They cannot attain Nibbana. U Than Daing, is that clear? (It is clear).
ဘဝပြတ်တရား ဟောလို့ရှိရင် စိတ်မဝင်စားပါဘူး
နိဗ္ဗာန်မရတာဟာ သူကိုယ်တိုင်ကိုက ဘဝထဲပျော်မွေ့ပြီးသကာလ ဘဝပြတ်တရား ဟောလို့ရှိရင် စိတ်ကိုမှ မဝင်စားပါဘူးတဲ့၊ စိတ်ကိုမဝင်စားပါဘူးတဲ့ (မှန်ပါ့) ဘယ်လောက်ကြောက်စရာကောင်းသတုန်း (ကောင်းပါတယ် ဘုရား)။
The reason people do not attain Nibbana is that they are deeply attached to and revel in existence. When I preach the Dhamma that ends existence, they are simply not interested. They pay no attention at all. (True, Sir). Isn't this truly terrifying? (Yes, it is, Sir).
ဘယ့်နှယ်ကြောင့် ဒီပုဂ္ဂိုလ် စိတ်မဝင်စားပါလိမ့်မတုန်းလို့ မေးတဲ့အခါကျတော့ ဘဝနိရောဓောနိဗ္ဗာနံကို သူသဘောမကျဘူး (မှန်ပါ့ ဘုရား)။
If you ask why such a person is completely uninterested, it is because they do not like the truth that Bhava nirodho Nibbānaṃ—the cessation of existence is Nibbana. (True, Sir).
ဘဝနိရောဓော နိဗ္ဗာနံကို (သဘောမကျပါ ဘုရား)။
They do not like the cessation of existence. (No, they do not, Sir).
ဘဝချုပ်ရင် နိဗ္ဗာန်ဘဲဆိုတာ ဥစ္စာကိုဘဲ သူ့စိတ်ထဲ ဒီအသံကိုမကြားချင်ဘူး (မှန်ပါ့)။
The very idea that "the cessation of existence is Nibbana" is something they do not even want to hear. (True, Sir).
ဒီအသံ မကြားချင်ဘူး၊ ဒီရုပ်နာမ်မရှိလို့ရှိရင် ဘာနဲ့သုံးစွဲပြီး ဘယ်လိုနေလို့ ဘယ်လိုခံရမှန်းမသိဘူး၊ ဘယ်လိုစံရ မှန်းမသိဘူးဆိုတဲ့ အဓိပ္ပါယ် ဦးသံဒိုင် သူ ဒါဘဲ ဝေဖန်တော့တာပဲ (မှန်ပါ့)။
They refuse to listen to it. Yogi U Than Daing, they only analyze it like this: "If there is no Mind and Body (Nama-Rupa), what will I use? How will I live? How will I experience or enjoy anything?" (True, Sir).
ဒါဖြင့် ဒီ ပုဂ္ဂိုလ် ဘယ်လိုပဲ တရားနာနာ ဘယ်လိုပဲ တရားအားထုတ်ငြားသော်လည်း သူမရနိုင်ဘူးကွတဲ့ (မှန်ပါ့)။
Therefore, no matter how much such a person listens to the Dhamma or how hard they practice, they will never attain Nibbana. (True, Sir).
တရားနာလည်း မရနိုင်ဘူးကွ၊ တရားအားထုတ်လည်း (မရနိုင်ပါ ဘုရား) ဘာခံနေသတုန်း (သဿတဒိဋ္ဌိ ခံနေပါတယ်) သဿတဒိဋ္ဌိခံနေတယ်ဆိုတာ ကျေနပ်ပလား (ကျေနပ်ပါပြီ)။
Listening to the Dhamma will not lead to realization; practicing will not lead to realization. (True, Sir). What is blocking them? (It is the Eternity Belief—Sassata-ditthi, Sir). Are you convinced that Sassata-ditthi is standing in the way? (Yes, we are, Sir).
ဒီသားနဲ့ ဒီသမီးနဲ့ ဒီမြေးနဲ့ ဒီမြစ်နဲ့ ဒီဆွေနဲ့ ဒီမျိုးနဲ့၊ သွားခြင်းသွားလည်း တပြုံကြီးမှတဲ့၊ အင်း သူ့ဘဝထဲတော့ သေသေချာချာပျော်ပြီ (မှန်ပါ ဘုရား)။
They think, "With this son, this daughter, this grandchild, these relatives—if we go, we must all go together in a big group!" Indeed, they are thoroughly enjoying existence. (True, Sir).
တပြုံကြီးဆိုတာက တယောက်ကအဝီစိ တယောက်ကနေဝသညာနာသညာယတနဘုံမှာ၊ ခုနင်က ဖားကလေး ဖြစ်နေတယ် ဘယ့်နှယ် လုပ်ဆုံမှာတုန်း (မဆုံပါ ဘုရား) ဒါဖြင့် မသွားဘူးပြောတာနဲ့ ဘယ့်နှယ်တုန်း (အတူတူပါဘဲ) အတူတူပဲဆိုတော့ သဘောကျကြပလား (မှန်ပါ့) အင်း ဘာဒိဋ္ဌိရှိတဲ့ပုဂ္ဂိုလ်လဲ(သဿတဒိဋ္ဌိရှိတဲ့ ပုဂ္ဂိုလ်ပါ ဘုရား)။
But consider this "big group"—one might end up in the Avici hell, another in the highest formless realm, and another might be reborn as a little frog. How could they possibly meet? (They cannot meet, Sir). So, wishing to travel together in Samsara is exactly the same as saying, "I will not attain Nibbana." Do you grasp this? (Yes, Sir). Now, what kind of Wrong View (Ditthi) does this person hold? (They hold the Eternity Belief—Sassata-ditthi, Sir).
တရားနာရင်းကို ဗွေဖောက်တာဘဲ
သူတရားနာရင်းကို ဗွေဖောက်တာဘဲ (မှန်ပါ့) ဘဝချုပ်ငြိမ်းတဲ့ တရား ဟောလိုက်လို့ရှိရင် မကြိုက်တော့ဘူး၊ စိတ်လဲမဝင်စားဘူး၊ ဒီတရားလဲ မနာချင်ပါဘူး၊ သူများနဲ့ ရောလက်အုပ်ချီပြီး နာငြားသော်လည်း သူ့စိတ်ထဲကတော့ ဖြင့် ဒိဋ္ဌိက အတင်းကန်ထုတ်နေတယ် (မှန်ပါ ဘုရား)။
Such a person mentally rebels even while listening to the Dhamma. (True, Sir). When I preach the Dhamma on the cessation of existence, they immediately dislike it. They lose interest and do not want to listen. Even though they sit with their hands clasped in reverence along with everyone else, deep inside, their Wrong View (Ditthi) is violently pushing the truth away. (True, Sir).
နိဗ္ဗာန်လည်း ကျုပ်တို့သိပ်ပြီး မလိုချင်သေးဘူးတဲ့၊ ဒါယဉ်အောင်ပြောတာ (မှန်ပါ့) စင်စစ်တော့ လိုကို မလိုချင်တာ (မှန်ပါ့) ဘယ်ဒိဋ္ဌိကတုန်း (သဿတဒိဋ္ဌိကပါ ဘုရား) သဿတဒိဋ္ဌိက သိပ်ကြောက်စရာကောင်းပါလား (မှန်ပါ့ ဘုရား)။
They might say, "We don't really want Nibbana just yet." That is just their polite way of putting it. (True, Sir). In reality, they do not want it at all! (True, Sir). Which Wrong View causes this? (It is Sassata-ditthi, Sir). Isn't Sassata-ditthi absolutely terrifying? (Yes, it is, Sir).
ဒါဖြင့် ဒီဒကာ ဒကာမတွေမှ ဘဝသံသရာ ရှည်ခဲ့တာလဲ ဒို့လဲ ဒိဋ္ဌိဘဲဆိုတဲ့ ဥစ္စာကို ယနေ့ဆုံးဖြတ်ချက်ချ ရင် ရပါပြီ (ရပါပြီ ဘုရား)။
Therefore, Yogis, you must make a firm realization today: "The reason we have prolonged our journey in Samsara is purely because of our own Wrong View (Ditthi)." Can you conclude that today? (Yes, we can, Sir).
ဘုရားတဆူနဲ့ မတွေ့ရင် တဆူနဲ့တော့ တွေ့ခဲ့တာဘဲ၊ တွေ့ရင် ဒီ ဒိဋ္ဌိနှစ်ခုတော့ဖြင့် သူရှင်းအောင် ဟောတာဘဲ (မှန်ပါ့)ဟောပင် ဟောငြားသော်လည်းကျုပ်တို့ မရခဲ့တာ ထောက်ကြည့်လို့ရှိရင် ဘာထင်ကြသတုန်း (သဿတဒိဋ္ဌိခံနေ လို့ပါ ဘုရား) သဿတဒိဋ္ဌိရှိလို့ပဲ၊ ရှင်းပြီနော် (ရှင်းပါပြီ ဘုရား)။
Throughout your past lives, if you didn't encounter one Buddha, you surely encountered another. And whenever you met a Buddha, He undoubtedly explained clearly how to eradicate these two extreme Wrong Views. (True, Sir). Even though He preached so clearly, we failed to attain liberation. Considering this, what do you think is the reason? (Because Sassata-ditthi was blocking us, Sir). Exactly, it is because you clung to Sassata-ditthi. Is that clear? (It is clear, Sir).
ဘဝပြတ် ဟောလို့ကိုမရဘူး (မရပါ ဘုရား) မရဘူး၊ သူ့ဟာက ကြောက်စရာကြီးပါသလား (မှန်ပါ ဘုရား)။
I simply cannot preach the cessation of existence to them; they refuse to accept it. (True, Sir). It is impossible. Isn't this mindset truly terrifying? (Yes, it is, Sir).
အဲဒါ ဘာကြောင့်တုန်းလို့ မေးလို့ရှိရင်ဖြင့် နိရောဓသစ္စာ၏ ချမ်းသာမှု သန္တိလက္ခဏာ ငြိမ်းအေးခြင်း လက္ခဏာကိုလည်း သူမကြိုက်ဘူး၊ မသိလည်း မသိဘူး၊ မိမိခန္ဓာကြီး၏ ဒုက္ခသစ္စာကိုလည်း ဒိဋ္ဌိကခံနေတော့ မသိဘူး (မှန်ပါ ဘုရား)။
If you ask why, it is because they do not appreciate the ultimate bliss and the peaceful nature (Santi-lakkhaṇa) of the Truth of Cessation (Nirodha-sacca). They do not understand it. Furthermore, because Wrong View is blocking their minds, they cannot see the Truth of Suffering (Dukkha-sacca) inherent in their own Aggregates (Khandhas). (True, Sir).
ဘယ်ဘုရားနဲ့ တွေ့တွေ့ ဒီ ဒိဋ္ဌိက ကန်ထုတ်ပစ်တယ်
အဲဒီ မသိတဲ့အတွက်တဲ့ ဒီ ဒိဋ္ဌိက ဘယ်ဘုရားနဲ့ တွေ့တွေ့ ဒီ ဒိဋ္ဌိက ကန်ထုတ်ပစ်တယ် (မှန်ပါ့)။
Because of this ignorance, no matter which Buddha they encounter, this Wrong View vigorously pushes the Buddha's teachings away. (True, Sir).
ဘုရားဟာ ဂင်္ဂါသဲမှုန့်နဲ့အမျှ ပွင့်သွားတယ်ဆိုတာ ဒကာ ဒကာမတွေကို ခဏ ခဏ ဟောလို့ ကြားဘူးကြ ပါပြီ (မှန်ပါ ဘုရား) ထိုကဲ့သို့ ကြားဘူးပါလျက်သားနဲ့ ဂင်္ဂါသဲမှုန့်နဲ့ အမျှဆိုတဲ့ ဥစ္စာက ဦးသံဒိုင်ရေတွက်လို့ ရတာမျိုး လား (မရပါ ဘုရား) ရေတွက်လို့ မရဘူး (မှန်ပါ့)။
I have often preached, and you Yogis have often heard, that the number of Buddhas who have appeared in the past is as countless as the grains of sand in the Ganges River. (True, Sir). Since you have heard this, let me ask you: Yogi U Than Daing, can you possibly count the grains of sand in the Ganges? (No, Sir). They are innumerable. (True, Sir).
ထိုကဲ့သို့ မရတဲ့အထဲမှာ ကျုပ်တို့မပါတာဟာ ပေါ်ကြပါပြီ (ပေါ်ပါပြီ ဘုရား) ဘာခံနေသတုန်း (သဿတဒိဋ္ဌိ ခံနေပါတယ် ဘုရား) သဿတဒိဋ္ဌိ ခံနေတယ်။
Out of those countless Buddhas, it is now obvious why we were left behind and not liberated. (It is obvious, Sir). What was blocking us? (It was Sassata-ditthi, Sir). Indeed, Sassata-ditthi was standing in the way.
ဘုရားဟောတိုင်း ဟောတိုင်းဟာ ဘဝပြတ်ချည့်ဟောတာဘဲ (မှန်ပါ့) ဘဝပြတ်ချည့်ဟောတာပဲ၊ ဟောတိုင်း ဟောတိုင်းလဲ သူ့နားထဲမှာ ကြားတော့ကြားတယ်၊ သဘောက မကြိုက်ဘူး (မှန်ပါ့ ဘုရား)။
Every single time a Buddha preaches, He teaches strictly about severing the cycle of existence. (True, Sir). That is all He teaches. And every time He preaches, the listener hears the words, but deep down, they simply despise the message. (True, Sir).
ကြားတော့ (ကြားပါတယ်) သဘောကတော့ (မကြိုက်ပါ ဘုရား) ဘာဖြစ်လို့ မကြိုက်တာတုန်း (သဿတဒိဋ္ဌိ ခံနေလို့ပါ ဘုရား)။
They hear it with their ears? (Yes, they do). But what about their attitude towards it? (They despise it, Sir). Why do they despise it? (Because Sassata-ditthi is in the way, Sir).
သဿတဒိဋ္ဌိက ဘယ်ထဲပျော်မွေ့သတုန်း (ဘဝထဲပျော်မွေ့ပါတယ် ဘုရား)။
Where does this Sassata-ditthi find its joy? (It revels in existence, Sir).
ဘဝထဲမှာ ပျော်မွေ့ နှစ်ခြိုက်ပြီး သကာလ နေတော့ ခင်ဗျားတို့ကြည့်ပါလား သားကလေး မြေးကလေး ကြည့်နေချင်သေးတယ်၊ မသေချင်သေးဘူး၊ ဒီလိုညည်းတဲ့ ပုဂ္ဂိုလ်တွေရှိတယ်၊ သမီးကလေးတွေ လူလားမြောက်အောင် လို့ နေမယ်ဆို နေလို့ရနေချင်သေးတယ် (မှန်ပါ့) ဘာဒိဋ္ဌိဖြစ်နေသတုန်း (သဿတဒိဋ္ဌိဖြစ်နေပါတယ် ဘုရား) မများ ဘူးလား များသလား (များပါတယ် ဘုရား)။
Because they are so deeply attached to and intoxicated by existence, just look around! There are people who lament, "I still want to watch my children and grandchildren grow up. I do not want to die yet." They desperately wish to stay alive at least until their daughters come of age. (True, Sir). What kind of Wrong View is driving this? (It is Sassata-ditthi, Sir). Are there many people like this? (Yes, many, Sir).
ကဲ မောင်သစ် ကိုယ့်ကိုယ်တိုင်က ကိုယ့်ကိုယ်ကနေ ဆုံးဖြတ်ချက်ချ (မှန်ပါ့) ကိုယ့်ကိုယ်ကနေ ဆုံးဖြတ်ချက်ချ၊ ဟိုမှာ သီလရှင်တွေ ဝတ်ထားတာတွေလည်း အင်း နိဗ္ဗာန် လိုချင်လို့ဝတ်တာ၊ ဟုတ်ကဲလား မဟုတ်ဘူးလား၊ တခါ ကိုယ့်ဟာကိုယ်လဲ ဆုံးဖြတ်ချက်ချကြပါဦး ဟင် (မှန်ပါ ဘုရား)။
Now, Yogi Maung Thit, you must examine and judge yourself. (Yes, Sir). Judge your own mind. Look at the nuns gathered over there—did they ordain because they truly desire Nibbana? Is that the reality or not? Everyone must critically examine their own true motives. (True, Sir).
မပေါ်လာသေးဘူးလား (ပေါ်လာပါပြီ ဘုရား) ပေါ်လာပြီတဲ့ သဿတဒိဋ္ဌိကပေမဲ့ ဒကာ ဒကာမတို့ အလွန် ကြောက်စရာကောင်းတဲ့တရား (မှန်ပါ့ ဘုရား) ဘယ်ကျမှ ကန့်ကွက်တာတုန်း (နိဗ္ဗာန်ကျမှ ကန့်ကွက်ပါတယ် ဘုရား)။
Isn't the truth becoming clear to you? (It is clear, Sir). Yogis, this Sassata-ditthi is an extremely terrifying phenomenon. (True, Sir). When does it actively protest? (It protests when it comes to Nibbana, Sir).
နိဗ္ဗာန်ကျမှ ကန့်ကွက်တယ်
နိဗ္ဗာန်ကျမှ ကန့်ကွက်တယ်၊ မဂ်ဉာဏ် ဖိုလ်ဉာဏ် ကျရင်ကန့်ကွက်ပြီ (မှန်ပါ့)။
Yes, it protests specifically against Nibbana. The moment the Path and Fruition Knowledges (Magga-Ñāṇa and Phala-Ñāṇa) are mentioned, it vehemently objects. (True, Sir).
ဒါနလုပ်ပါကွ ဆိုရင် အို အကြီးအကျယ်လုပ်တယ် (မှန်ပါ့) သီလဆောက်တည်ပါဆိုရင် (အကြီးအကျယ် ဆောက်တည်ပါတယ် ဘုရား) အသက်ရှည်သကိုး (မှန်ပါ့) အကြီးအကျယ်ပဲ သူဆောက်တည်မှာဘဲ (မှန်ပါ့)။
If you tell them to offer charity (Dāna), oh, they will do it on a massive scale! (True, Sir). If you tell them to observe morality (Sīla)... (They observe it rigorously, Sir). Why? Because they believe it leads to a long life in future existences! (True, Sir). They will absolutely undertake it with great enthusiasm. (True, Sir).
ဟေ့ နိဗ္ဗာန်အလုပ် လုပ်ပါ ဆိုလို့ရှိရင် နောက်တွန့်တယ် (မှန်ပါ့ ဘုရား) သဘောပါပလား (ပါပါပြီ ဘုရား) နိဗ္ဗာန်အလုပ် လုပ်ပါဆိုရင် (နောက်တွန့်ပါတယ် ဘုရား) ဘာဖြစ်လို့တုန်း (သဿတဒိဋ္ဌိ ခံနေလို့ပါ)။
But if you say, "Practice for the realization of Nibbana," they immediately shrink back in hesitation. (True, Sir). Do you grasp the meaning? (Yes, we do, Sir). When told to work for Nibbana... (They shrink back, Sir). Why is that? (Because Sassata-ditthi is blocking them, Sir).
အဲဒါကြောင့် တရားဟောစက ခင်ဗျားတို့ကို ပြောပါတယ်၊ ဪ ငါဘာဒိဋ္ဌိရှိတယ်ဆိုတဲ့ ဥစ္စာ ကိုယ့်ဟာကိုယ် အကဲခတ်ကြပါဆိုတဲ့ဥစ္စာ မောင်သစ် ပေါ်ရောပေါ့ (ပေါ်ပါပြီ ဘုရား) မပေါ်သေးဘူးလား (ပေါ်ပါပြီ)။
That is exactly why I told you at the beginning of this sermon, "You must assess yourselves to see what kind of Wrong View resides within you." Yogi Maung Thit, you see it now, don't you? (Yes, we see it, Sir). Is it not profoundly clear? (It is clear).
ဒါဖြင့် သဿတဒိဋ္ဌိရှိသော ပုဂ္ဂိုလ်၏ စိတ်နေ စိတ်ထား သဘောသွားဆိုတာ ပေါ်ပြီ (ပေါ်ပါပြီ ဘုရား) ပေါ် ကြပြီနော် (မှန်ပါ့)။
So, the mindset, attitude, and hidden motives of a person harboring Sassata-ditthi have now been exposed. (Yes, they have, Sir). You understand it clearly now. (True, Sir).
နက်ဖြန် ခန္ဓာဇာတ်သိမ်းငြိမ်းတဲ့နိဗ္ဗာန် ရောက်ပါလိမ့်မယ်ဆိုလို့ရှိရင်ဖြင့် “ဆိုင်းပါရစေဦး” ဆိုလို့ရှိရင် ဘာဒိဋ္ဌိ ထင်ကြသတုန်း (သဿတဒိဋ္ဌိ ခံနေတာပါ) သဿတဒိဋ္ဌိနော်။
If I were to tell you, "Tomorrow, you will attain Nibbana, the ultimate cessation of the Aggregates," and your immediate reaction is, "Please, let me postpone it for a while!"—what kind of Wrong View do you think that is? (It is Sassata-ditthi blocking us, Sir). Mark this, it is Sassata-ditthi.
သားကလေးတွေ မြေးကလေးတွေ လူလားမြောက်တာကို ကြည့်ချင်ပါသေးတယ်ဆိုတဲ့ အသွားဟာ ဘယ်သူက လာထွက်တယ်ဆိုတာလည်း အကဲခတ် (သဿတဒိဋ္ဌိက ထွက်တာပါ ဘုရား)။
When the thought arises, "I still want to see my children and grandchildren grow up," evaluate exactly where that desire stems from. (It comes from Sassata-ditthi, Sir).
သဿတဒိဋ္ဌိက အကဲခတ်တယ်ဆိုတာ သူ၏အာဘော်အကုန်ထွက်လာတယ် (မှန်ပါ့) မထွက်တာရယ်လို့ ရှိသေးရဲ့လား (မရှိပါ ဘုရား)။
When you truly scrutinize Sassata-ditthi, all of its underlying motives and voices are clearly exposed. (True, Sir). Is there anything left hidden? (No, Sir).
တော်တော်အရာကျယ်ပါတယ် (မှန်ပါ့) မကျယ်ဘူးလး (ကျယ်ပါတယ် ဘုရား)။
Its influence over you is vast and pervasive! (True, Sir). Isn't its domain incredibly wide? (Yes, it is, Sir).
ဆုမျိုးစုံတောင်းနေတဲ့ ပုဂ္ဂိုလ်တွေ မောင်သစ် အကဲခတ်စမ်း ဘာတွေတုန်းက (သဿတဒိဋ္ဌိ ခံနေတာတွေပါ ဘုရား)။
Yogi Maung Thit, look at those people who are constantly praying for all sorts of worldly wishes and evaluate them. What is driving them? (It is Sassata-ditthi blocking them, Sir).
ဒါဘဲ သူက အတောင်းခိုင်းနေတာ (မှန်ပါ) ဘယ်သူက အတောင်းခိုင်းနေတာတုန်း (သဿတဒိဋ္ဌိက အတောင်း ခိုင်းနေတာပါ ဘုရား)။
Exactly! It is the one urging you to beg for wishes. (True, Sir). Who is commanding you to make these prayers? (It is Sassata-ditthi commanding us, Sir).
အဲဒါကြောင့် ခင်ဗျားတို့က မသိလို့ ဒိဋ္ဌိက ဘုရားရှေ့ဝင်ရှုပ်နေတာများ ခင်ဗျားတို့က မတွေးမိဘူး၊ ဘုရား ရှိခိုးနေတယ် အောက်မေ့နေတယ် (မှန်ပါ့ ဘုရား)။
Because you lack Insight, you completely fail to realize that it is your Wrong View (Ditthi) intruding and making a mess right in front of the Buddha. You mistakenly believe, "I am paying homage to the Buddha." (True, Sir).
ခင်ဗျားတို့ကတော့ ဘုရားရှိခိုးနေတယ်၊ အဲဒါ ဘုရားရှိခိုးကို မဟုတ်ဘူး၊ ဆုတောင်းနေတာ (မှန်ပါ့)။
You think you are engaged in devout worship, but you are not worshipping the Buddha at all; you are just begging for worldly desires! (True, Sir).
ဘုရားရှိခိုးက ပြီးခဲ့ပြီ၊ ရှိခိုးပါ၏ ဆိုပြီး ရှိခိုးရသော အကြောင်းကြောင့်ဆိုရင် သွားပြီ (မှန်ပါ့ ဘုရား)။
The actual homage to the Buddha is very brief and is already finished. But the moment you say, "I pay homage..." and follow it with, "By the merit of this homage, may I get this or that," you are completely lost! (True, Sir).
ဘုရားရှိခိုးက တိုတိုကလေး (မှန်ပါ) မောင်သစ် ဘုရားရှိခိုးက ရှည်တယ်ထင်သလား (တိုပါတယ် ဘုရား) ဆုတောင်းက (ဆုတောင်းကရှည်ပါတယ် ဘုရား)။
True homage to the Buddha is very short. (True, Sir). Yogi Maung Thit, do you think paying homage takes a long time? (No, it is very short, Sir). And what about the prayers for wishes? (The prayers are endlessly long, Sir).
အဲဒါ ဘယ်သူက တောင်းတယ်ထင်သတုန်း (သဿတဒိဋ္ဌိကပါ) ဒိဋ္ဌိကဝင်တောင်းနေတာ (မှန်ပါ့) ပေါ်ပလား (ပေါ်ပါပြီ ဘုရား)။
Who do you think is actually making those requests? (It is Sassata-ditthi, Sir). It is Wrong View (Ditthi) stepping in to do the begging! (True, Sir). Is the truth surfacing now? (Yes, it is, Sir).
အံမာလေး ဒီလူဟာ ဘုရားရှိခိုး ရှည်လိုက်တာလို့ဆိုတော့ အင်း ဂုဏ်တော်တွေ လျှောက်ပြီး ရှိခိုးနေရင်တော့ ဘုန်းကြီးမဆိုလိုပါဘူး (မှန်ပါ့) ရှိခိုးပါ၏ ဆိုပြီး ရှိခိုးရသော အကြောင်းကြောင့် ရှိခိုးရသာ အကျိုးကြောင့် လာလို့ရှိရင် တော့ အင်း သွားပြီ သွားပြီ၊ ဒိဋ္ဌိကဝင်ရှုပ်ပြီး (မှန်ပါ့ ဘုရား) ရိပ်မိပလား (ရိပ်မိပါပြီ ဘုရား)။
People might praise someone, saying, "Oh, this person spends such a long time worshipping!" Now, if they are genuinely reciting the supreme virtues of the Buddha, I have no objection to that. (True, Sir). But if they say, "I pay homage," and immediately continue with, "Because of this homage, by the merit of this homage, may I become..."—then alas, they are lost. They are completely lost. Wrong View has infiltrated and corrupted the act. (True, Sir). Do you see it? (Yes, we do, Sir).
ဒါကြောင့် ခင်ဗျားတို့ကတော့ သူများရေးထားတဲ့ စာလမ်းဆုံးနေတာ ဆုတောင်းကလေးကောင်းလို့ရှိရင် ကျက်ထားလိုက်တာဘဲ (မှန်ပါ့) မကျက်ကြဘူးလား (ကျက်ကြပါတယ်) ဟ ဘယ်သူက ကျက်တာတုန်း (သဿတဒိဋ္ဌိ က ကျက်တာပါ ဘုရား)။
That is why you blindly follow the prayer books written by others. If a certain prayer for worldly blessings sounds beautiful, you eagerly memorize it. (True, Sir). Don't you memorize them? (Yes, we do, Sir). Ha! Who is doing the memorizing? (It is Sassata-ditthi doing the memorizing, Sir).
ဒိဋ္ဌိ အကျက်ခိုင်းတာ ခင်ဗျားတို့က မသိလို့သာ (မှန်ပါ့)။
It is Wrong View (Ditthi) forcing you to memorize it, but because of your ignorance, you completely fail to realize it. (True, Sir).
ဒိဋ္ဌိက အကျက်ခိုင်းတယ်
ဒိဋ္ဌိက အကျက်ခိုင်းတယ်၊ ဆုတောင်းကလေးက နေရာကျလိုက်တာ၊ အင်း နေရာကျတယ်ဆိုလို့ရှိရင် သူ့ဟာ သူသာ အကဲခတ်လိုက်တော့၊ သူ့အကဲခတ်လိုက် (မှန်ပါ့)။
Wrong View makes you memorize it. You think, "Ah, this prayer is composed so beautifully!" Whenever you feel a prayer is perfectly suited to your desires, you must immediately scrutinize your own mind. (True, Sir).
ဒီ ဒကာ ဒကာမတွေထဲမှာ ဆုတောင်းကြီး ရှည်နေပြီဆိုလို့ ရှိရင်ဖြင့် ကိုယ့်ကိုယ်ကို အကဲခတ်ကြပါ၊ ဘာဒိဋ္ဌိ က လာသတုန်း (သဿတဒိဋ္ဌိက လာပါတယ် ဘုရား)။
If any of you Yogis find your prayers of supplication dragging on and on, you must evaluate yourselves. Where is this coming from? (It is coming from Sassata-ditthi, Sir).
ဒါ သဿတဒိဋ္ဌိက ဘယ်လောက် အရာကျယ်တယ်ဆိုတာ ဦးသံဒိုင်ပေါ်ပလား (ပေါ်ပါပြီ ဘုရား) ပေါ်ပြီနော် (မှန်ပါ့) ဒါဖြင့် ဘုရားမှာကရုဏာမရှိလို့လား ပွင့်တိုင်းဘုရားတွေမှာ ဟုတ်လား (မှန်ပါ့) ကိုယ့် သဿတဒိဋ္ဌိကြောင့် လား ဒုက္ခခပ်သိမ်းငြိမ်းတဲ့ နိဗ္ဗာန်မရောက်တာ (ကိုယ့် သဿတဒိဋ္ဌိကြောင့်ပါ ဘုရား)။
Yogi U Than Daing, do you now see how incredibly vast the domain of Sassata-ditthi is? (Yes, it is clear, Sir). It is obvious now. (True, Sir). So, did you fail to attain the suffering-free state of Nibbana because the countless Buddhas lacked compassion? (True, Sir). Or is it purely because of your own Sassata-ditthi? (It is because of our own Sassata-ditthi, Sir).
ဘယ်ဘုရားမဆို လောကတ္ထစရိယံ = လောကကြီးအကုန်ကယ်တင်မည်ဆိုပြီးကျင့်တာ (မှန်ပါ့) ဉာတတ္ထစရိယံ = သူ့အမျိုးတွေလည်း အကုန်ကယ်တင်မည်လို့ ကျင့်တာပဲ၊ ခင်ဗျားတို့လည်း သူ့အမျိုးတွေ မဟုတ်တဲ့အထဲမှာလည်း နေဘူးတယ်၊ ဟုတ်တဲ့အထဲမှာလည်း (နေဘူးပါတယ်) သို့သော်မပါဘူး (မှန်ပါ့)။
Every single Buddha practiced Lokattha-cariyā—the supreme conduct to save the entire world. (True, Sir). They also practiced Ñātattha-cariyā—the conduct to save all their relatives. Throughout your infinite past lives, you have been reborn both as non-relatives of the Buddhas, and as their relatives. (We have, Sir). And yet, you were not saved. (True, Sir).
ဘာဖြစ်နေသတုန်း (သဿတဒိဋ္ဌိ ခံနေလို့ပါ ဘုရား) ရှင်းပလား (ရှင်းပါပြီ ဘုရား)။
What was blocking you? (It was Sassata-ditthi blocking us, Sir). Is the reason absolutely clear? (It is clear, Sir).
အံမာလေး ခင်ဗျားတို့ နက်ဖြန် ဘုရားရှိခိုးကြည့်နော် နက်ဖြန် ဆွမ်းတော်တင်ကြည့်၊ နက်ဖြန်ဘုရားရှိခိုးကြည့်၊ ငါဘာဒိဋ္ဌိတုန်းဆိုတာ ပေါ်လာလိမ့်မယ် (မှန်ပါ့ ဘုရား)။
Mark my words! Tomorrow, when you offer your morning alms-food to the Buddha, observe your own mind. Tomorrow, when you pay homage, observe your mind. The answer to "What kind of Wrong View do I have?" will vividly reveal itself. (True, Sir).
မပေါ်ပေဘူးလား (ပေါ်ပါတယ်) ပေါ်မှာဘဲ တဲ့။
Will it not reveal itself? (It will, Sir). It absolutely will.
ပါတဲ့လူတွေ လှလှပလုပ်ကြဟ၊ ဒါမှ နောင်ဘဝ တဲ့ အင်း ဒါဟာ ဒိဋ္ဌိကပေးတဲ့အသံပဲ (မှန်ပါ့)။
You will hear yourselves saying, "Make the offerings look beautiful! Only then will we get good results in our next life!" Realize this: that is the voice of Wrong View speaking. (True, Sir).
ဘယ်သူကပေးတဲ့အသံတုန်း (ဒိဋ္ဌိကပေးတဲ့အလံပါ ဘုရား) ဒိဋ္ဌိကပေးတဲ့အသံ၊ လာတာပဲ၊ မဟုတ်ဘူးလား (မှန်ပါ့)။
Whose voice is dictating that? (It is the voice of Ditthi, Sir). It is the voice of Ditthi. It undeniably arises, doesn't it? (True, Sir).
အဲဒီတော့ ဆွမ်းတော်ပွဲကလေး ဟိုကမ်း ဒီကမ်းနဲ့ ရှိသေးတယ်၊ မရှိဘူးလး (ရှိပါတယ်)။
And consider how the alms-food tray is passed from hand to hand among family members. Does this not happen? (It does, Sir).
တယောက်က ဆွမ်းတော်တင်ပြီးရင် ဟိုတယောက် ပေးလိုက်ပြန်ပြီ၊ ခင်ဗျားတင်ဦး၊ မလာဘူးလား (လာပါ တယ် ဘုရား) ဘာဖြစ်လို့တုန်း၊ အို သားရယ် သမီးရယ်လို့ ဖြစ်လာတော့ သွားတူလာတူပေါ့ (မှန်ပါ့) အင်း လာပြီ ဒိဋ္ဌိ (မှန်ပါ့) မလာသေးဘူးလား (လာပါတယ်)။
After one person touches the tray to offer it, they pass it to the next, saying, "Here, you must offer it too!" Does this not happen? (It does, Sir). Why do they do it? They think, "Oh, since we are parents and children, we must accumulate merit together so we can travel through Samsara together!" (True, Sir). There it is! Ditthi has taken over. (True, Sir). Has it not appeared? (It has, Sir).
သွားတူလာတူဆိုတော့
သွားတူလာတူဆိုတော့ ဟိုသွားလဲ သူက အတူတူပါသွားပြီ (မှန်ပါ့) ဘာဒိဋ္ဌိရှိလို့လဲ (သဿတဒိဋ္ဌိပါ) အံမာ လေး ကြောက်စရာကြီးပါလား (မှန်ပါ့)။
By wishing to "travel together," they are dragging each other along into future existences. (True, Sir). What Wrong View causes this? (It is Sassata-ditthi, Sir). Good heavens! Isn't that deeply terrifying? (True, Sir).
မရိပ်မိဘူးနော်၊ အခု သေသေချာချာ ဖော်ပြလို့ ဪ ငါ ဆွမ်းတော်တင်နေတာ၊ ဆွမ်းတော်တင်နေတာ တော့ဟုတ်ပါရဲ့၊ ဆွမ်းတော်တင်နောက်ဆက်တွဲက ဒိဋ္ဌိကောင်ရှုပ်နေတယ် (မှန်လှပါ ဘုရား)။
You never realized it before. Now that I am clearly discerning and exposing it for you, you must rethink: "Yes, I am offering alms-food, but riding right on the coattails of this offering, the monster of Ditthi is making a complete mess of my mind." (Very true, Sir).
ဆွမ်းတော်တင် နောက်ဆက်တွဲမှာ ဘယ့်နှယ်နေကြသလဲ (ဒိဋ္ဌိကဝင်ရှုပ်နေပါတယ်)။
What exactly is happening in the immediate aftermath of your alms-offering? (Ditthi is intruding and corrupting it, Sir).
အေးရှုပ်ပေမယ့် ခင်ဗျားတို့က အင်း အမျှသာ ယူကြတော့ အစရှိသည်နဲ့ ဒိဋ္ဌိဝင်ရှုပ်တာကို ခင်ဗျားတို့က မသိဘူး (မသိပါ ဘုရား) အမျှပေးချင်တာသာ စောင့်နေတော့တယ် (မှန်ပါ့)။
It corrupts your deed! But you just blindly proceed, saying, "May everyone share in this merit," and so on. You are completely oblivious to the fact that Ditthi has hijacked the process. (We do not know, Sir). You are entirely focused on waiting to share the merit, missing the defilement entirely. (True, Sir).
မောင်သစ် ပေါ်ပလား (ပေါ်ပါပြီ) ဦးသံဒိုင်ကော ပေါ်ပလား (ပေါ်ပါပြီ)။
Yogi Maung Thit, do you see it clearly now? (Yes, Sir). Yogi U Than Daing, do you see it? (Yes, we do, Sir).
များသောအားဖြင့် ဒကာမတွေကသာများတယ် (မှန်ပါ့) ဒီဘက်က ဒီဘက်က (မှန်ပါ့)။
Generally speaking, it is the female Yogis who do this the most. (True, Sir). Over on this side of the hall. (True, Sir).
များသောအားဖြင့် (ဒကာမတွေကသာများပါတယ်) ဒကာမတွေဘက်ကသာများပါတယ်။
In most cases... (It is mostly the female Yogis, Sir). Yes, it is predominantly the women.
သူက ဘာကြောင့်တုန်းဆိုတော့ လောဘစရိုက်ကိုး၊ များသောအားဖြင့် (မှန်ပါ့) လောဘစရိုက်ဆိုတော့ လောဘနဲ့ ဒိဋ္ဌိဆိုတာ တွဲလျက်ဘဲ (တွဲလျက်ပါ ဘုရား)။
Why is that? Because they generally have a greedy temperament (Lobha-carita). (True, Sir). And when there is Greed (Lobha), Wrong View (Ditthi) is always coupled right alongside it. (They are always coupled, Sir).
အဲဒါကြောင့် အငဲ့အပြုများတဲ့ပုဂ္ဂိုလ်မှာ သဿတဒိဋ္ဌိပိုတယ်ဆိုတာ တခါတည်းမှတ်ပါ (မှန်ပါ့) အငဲ့များတဲ့ ပုဂ္ဂိုလ်မှာ (သဿတဒိဋ္ဌိ ပိုပါတယ် ဘုရား)။
Therefore, firmly mark this in your minds: A person who has strong sentimental attachments and always looks back at their loved ones has an excess of Sassata-ditthi. (True, Sir). For those with strong sentimental attachments... (They have an excess of Sassata-ditthi, Sir).
အငဲ့များတော့ကို ဘာဖြစ်သလဲလို့ မေးတဲ့အခါကျတော့ကို ခုနင်ကဘဝတွေ ပျော်မွေ့ချင်တဲ့သဘောပါတယ် (မှန်ပါ့) ဘာပါသတုန်း(ဘဝတွေ ပျော်မွေ့ချင်တဲ့သဘော ပါပါတယ် ဘုရား) ရှင်းကြပလား (ရှင်းပါပြီ ဘုရား)။
If you ask what happens when there is so much attachment, the answer is that the desire to revel in future existences is deeply embedded within it. (True, Sir). What is embedded within it? (The desire to revel in existences, Sir). Is that clear to everyone? (It is clear, Sir).
ဒါဖြင့် ဘယ်ဒိဋ္ဌိကနေပြီးသကာလ ခေါင်းဆောင်နေတာတုန်းဆိုတော့ ပေါ်သွားပြီ (မှန်ပါ့) မပေါ်သေးဘူးလား (ပေါ်ပါပြီ) ဘယ်သူတုန်း (သဿတဒိဋ္ဌိပါ ဘုရား)။
So, it has now become obvious exactly which Wrong View is playing the leading role. (True, Sir). Has it not become obvious? (It has, Sir). Who is the ringleader? (It is Sassata-ditthi, Sir).
အင်း ဆွမ်းတော်တင် နောက်ဆက်တွဲချင်ရင် သူလာလိမ့်မယ်နော် (မှန်ပါ့) ဆွမ်းတော်တင် နောက်ဆက်တွဲက ရှိသေးတယ်၊ ဘုရားရှိခိုးနောက်ဆက်တွဲတာကော (ရှိပါတယ် ဘုရား)။
Indeed, in the immediate aftermath of offering alms-food, it will surely emerge! (True, Sir). And it does not just happen after offering alms; what about in the aftermath of paying homage to the Buddha? (It happens then too, Sir).
ရှိသေးတယ်၊ အဲဒါကို ဘယ်သူ ခြယ်လှယ်သည်ဆိုတာကို ကိုယ့်ဟာကိုယ်သိပါ (မှန်ပါ။)
Yes, it happens there too. You must recognize for yourselves exactly who is pulling the strings and manipulating your mind! (True, Sir).
သိလို့ရှိရင်ဖြင့် ဪ ဒါသဿတဒိဋ္ဌိပဲ၊ မင်းတော့နိုင်အောင်သတ်မှဘဲ၊ မင်းခံနေလို့ရှိရင် ဘယ်တော့မှ နိဗ္ဗာန်ရမှာမဟုတ်ဘူးဆိုပြီးသကာလ သူ့ကိုကြိမ်းမောင်းရမည့် အသွားကိုယနေ့ပြောတာပဲ (မှန်ပါ့ ဘုရား)။
Once you recognize it, you must resolve, "Oh! This is Sassata-ditthi! I must completely eradicate you. As long as you stand in my way, I will never attain Nibbana!" I am teaching you today how to forcefully reprimand and subdue this defilement. (True, Sir).
ကြိမ်းမောင်းရဲပါ့မလား (ကြိမ်းမောင်းရဲပါတယ် ဘုရား) ဟာ ဆွမ်းတော်မှ မတင်သေးဘဲ ခင်ဗျားတို့ တင်လို့ ရှိရင် ခင်ဗျားတို့က တော်တော်ကြာ ကိုယ်ရတာ လျှောက်ရွတ်လိမ့်ဦးမယ် (မှန်ပါ့) မရွတ်ပေဘူးလား (ရွတ်ပါတယ် ဘုရား)။
Do you have the courage to reprimand it? (We dare to do it, Sir). Ha! Even before you officially offer the alms-food, you will likely start absentmindedly reciting the worldly prayers you have memorized. (True, Sir). Won't you recite them? (We will recite them, Sir).
ရွတ်လို့ရှိရင်ဖြင့် သူဝင်လာတာ ခင်ဗျားတို့ သိရမယ် သဿတဒိဋ္ဌိဝင်လာပြီး မဝင်လာဘူးဆိုတဲ့ဥစ္စာ ပေါ် လာလိမ့်မယ် (မှန်ပါ့) သဘောပါကြလား (ပါ ပါပြီ) တယ်လဲကြောက်စရာကောင်းပါလား (မှန်ပါ့)။
When you catch yourself reciting those prayers, you must instantly realize that the defilement has infiltrated. It will become glaringly obvious whether Sassata-ditthi has crept in or not. (True, Sir). Do you grasp this? (We grasp it, Sir). It is terribly frightening, isn't it? (True, Sir).
လောကကြီးကို အကုန် ကယ်တင်မည်
ဒါကြောင့် ခုနင်က စကားကုန် ပြောလိုက်ပါတယ်၊ ဘယ်ဘုရားမှ မဟာကရုဏာတော် မပါဘဲနဲ့ “လောကတ္ထစရိယ ဉာတတ္ထစရိယ ဗုဒ္ဓတ္ထစရိယ” ဆိုတာ ဘယ်ဘုရားမှ မစွန့်ရဘူး (မှန်ပါ့) လောကကြီးကို အကုန် ကယ်တင်မည် ဆိုတဲ့ စိတ်ထားပါရတယ် (မှန်ပါ့) မပါဘူးလား (ပါ ပါတယ် ဘုရား)။
This is why I spoke so bluntly a moment ago. No Buddha ever lacks Great Compassion (Maha-karuṇā). No Buddha ever abandons the three supreme conducts: Lokattha-cariyā, Ñātattha-cariyā, and Buddhattha-cariyā. (True, Sir). They possess the absolute resolve to save the entire world. (True, Sir). Do they not possess it? (They do, Sir).
သူ့ အမျိုးအဆွေတော်ဘူးသ၍လည်း အကုန်ကယ်တင်တယ် (မှန်ပါ့) ဒါ ဘုရားနဲ့ မတော်ဘူးတဲ့ ပုဂ္ဂိုလ်က ဒီအထဲမှာရှာပါ (မှန်ပါ့) မဟုတ်ဘူးလား၊ ရှာမှရှားပါတယ် (မှန်ပါ့) ဂင်္ဂါဝါဠု သဲစုဘုရားတွေကိုး (မှန်ပါ့)။
They save every single being who was ever related to them. (True, Sir). Now, try to find a single person in this hall who has never been related to a Buddha in a past life! (True, Sir). It would be impossible to find one. (True, Sir). Because the number of Buddhas who have appeared is as numerous as the grains of sand in the Ganges! (True, Sir).
အဲဒီထဲ မပါတာကို ကိုယ်တိုင်ဉာဏ်နဲ့ စဉ်းစားကြည့်ပါ (သဿတဒိဋ္ဌိခံနေလို့ပါ ဘုရား)။
Use your own Insight Knowledge to reflect deeply on why you were not among those saved. (It is because Sassata-ditthi was blocking us, Sir).
ဟော သူ့ဟာသူ ထွက်လာပြီကော (မှန်ပါ့) ဒကာ ဒကာမတို့ ပေါ်ကြပလား (ပေါ်ပါပြီ ဘုရား)။
There you go! The truth has revealed itself. (True, Sir). Yogis, is it absolutely clear now? (It is clear, Sir).
ဘုရားသခင်တို့မှာ မဟာကရုဏာတော် မပါတဲ့ဘုရားရှိခိုးရဲ့လား (မရှိပါ ဘုရား) ဘယ့်နှယ်ကြောင့် ဒို့အပေါ် ကရုဏာမနှံ့ပါလိမ့်မတုန်းလို့ ဆိုမလား မဆိုဘူးလား၊ ခင်ဗျားတို့ အရမ်းဆိုရင်တော့ ဆိုလိမ့်မယ် (မှန်ပါ့)။
Has there ever been a Buddha devoid of Great Compassion? (No, Sir). Sometimes, you might ignorantly wonder, "Why didn't the Buddha's compassion reach us?" If you speak recklessly, you might actually make such a foolish claim. (True, Sir).
ကရုဏာတော်က နှံ့တယ် (မှန်ပါ့) မလိုက်ချင်တာက ပိုလာတယ် (မှန်ပါ့) ရှင်းပလား (ရှင်းပါပြီ) ကိုယ်တော့ ဟာ ကိုယ်တော်ကြွပါထဲကပဲ၊ ရှင်းပလား (ရှင်းပါပြီ)။
The Buddha's compassion reaches everywhere! (True, Sir). It is your own sheer unwillingness to follow the Path that overpowers it. (True, Sir). Is that clear? (It is clear, Sir). Your attitude was basically, "Venerable Sir, please go on to Nibbana without me!" Is that clear? (It is clear, Sir).
ဘာတဲ့တုန်း (ကိုယ်တော်ဟာ ကိုယ်တော်ကြွပါထဲကပါ) ကိုယ်တော့ဟာ ကိုယ်တော်ကြွပါ ထဲကကျနေတာ (မှန်ပါ့) ဘာဒိဋ္ဌိကနေ တွန်းထုတ်နေသတုန်း (သဿတဒိဋ္ဌိကနေတွန်းထုတ်ပါတယ်)။
What was your attitude? (It was "Venerable Sir, please go on without me," Sir). Yes, you were essentially saying, "Venerable Sir, please proceed without me." (True, Sir). What kind of Wrong View was violently pushing the opportunity away? (It was Sassata-ditthi pushing it away, Sir).
ဘုရားလက်လျှော့တဲ့ အထဲမှာ
အဲဒါ ဘုရားလက်လျှော့တဲ့ အထဲမှာဖြင့် အခုကျန်နေတဲ့ ဒကာ ဒကာမတွေ ပါပြီးသားဆိုတာ ဆုံးဖြတ်ချက် ချ (မှန်ပါ ဘုရား)။
You must firmly conclude that you Yogis sitting here today are the very ones the past Buddhas had to leave behind. (True, Sir).
အခုတော့ ဘုန်းကြီးများက ကိုင်း ဒကာ ဒကာမတို့က ဒီဥစ္စာ သဿတဒိဋ္ဌိရှိနေလို့ရှိရင် ဘဝထဲမှာဘဲ၊ ဘဝဆိုတာ ဘယ်ဘဝရရ ခင်ဗျားတို့ ဇာတိ ဇရာ ဗျာဓိ မရဏ သောက ပရိဒေဝ ဒုက္ခဒေါမနဿတို့၏ လောင်စာနဲ့ ထင်းချည်းပါပဲ (မှန်ပါ့) ဘယ်ဘဝမဆို လောင်စာထင်းချည်းဘဲ (မှန်ပါ ဘုရား) ရိပ်မိပလား (ရိပ်မိပါပြီ)။
Therefore, I urge you, Yogis: realize that as long as you harbor Sassata-ditthi, you will remain trapped in existence. And what is existence? No matter which life you get, you are merely becoming fuel and firewood for rebirth (Jāti), aging (Jarā), sickness (Vyādhi), death (Maraṇa), sorrow, lamentation, pain, and grief! (True, Sir). Every existence is nothing but fuel for the fire of suffering! (True, Sir). Do you see it? (We see it, Sir).
ဘယ်ဘဝမဆို (လောင်စာထင်းချည်းပါ ဘုရား)။
What is every existence? (It is nothing but fuel and firewood for suffering, Sir).
အဲဒါ သေသေချာချာ သိထားတော့မှ ဪ ဘဝပျော်မွေ့တယ်ဆိုတာ ဒုက္ခသစ္စာထဲ ပျော်မွေ့တာပါလား (မှန်ပါ့)။
Only when you understand this clearly will you realize: "Oh! Reveling in existence is actually reveling in the Truth of Suffering (Dukkha-sacca)!" (True, Sir).
ဘယ်သစ္စာထဲ ပျော်မွေ့တာပဲဆိုတဲ့ဥစ္စာ (ဒုက္ခသစ္စာထဲ ပျော်မွေ့ပါတယ်)။
In which Noble Truth are you reveling? (We are reveling in the Truth of Suffering, Sir).
ဒုက္ခသစ္စာထဲ ပျော်မွေ့တာပဲဆိုတဲ့ဥစ္စာ မောင်သစ် သေချာပြီကွ (သေချာပါပြီ ဘုရား)။
Yogi Maung Thit, you are absolutely reveling in the Truth of Suffering. Is that certain? (It is certain, Sir).
ကိုင်း ဒါဖြင့် သဿတဒိဋ္ဌိ အကြောင်းတော့ အခု နာရီဝက်သာသာပြောပြီးလို့ ဪ ကိုယ့်အကြောင်းကို ကိုယ်အကဲခတ်နိုင်ကြပါပြီ (မှန်ပါ့) မခတ်နိုင်သေးဘူးလား (ခတ်နိုင်ပါပြီ)။
Well then, I have spoken for over half an hour regarding the nature of Sassata-ditthi. By now, you should be fully capable of evaluating your own minds. (True, Sir). Are you not capable of doing so? (We are capable, Sir).
အဲ ဘယ်အချိန် အကဲခတ်ရမှာတုန်းဆိုလို့ရှိရင်ဖြင့် ခင်ဗျားတို့ အလှူအတန်းပေးတဲ့အချိန်မှာ သူ့ သတ္တိပါ တတ်တယ် (မှန်ပါ့ ဘုရား) ရှင်းပလား (ရှင်းပါပြီ ဘုရား)။
When exactly should you evaluate yourselves? Its hidden energy most frequently reveals itself precisely at the moment you are performing acts of charity and offering. (True, Sir). Is that clear? (It is clear, Sir).
အလှူအတန်းပေးတဲ့အချိန်မှာ (သူ့သတ္တိပါတတ်ပါတယ် ဘုရား)။
When you are offering charity... (Its hidden energy reveals itself, Sir).
အဲဒီ့အချိန် အကဲခတ်ပါ ၊ အခုအချိန် တရားနာတုန်းကို သိပ်မရသေးဘူး (မှန်ပါ့ ဘုရား)။
Evaluate yourselves at that exact moment! Right now, while you are listening to the Dhamma, it might not be so apparent. (True, Sir).
ဆွမ်းတော်တင်တော့မယ်၊ ကျောင်းကန်ဘုရားလှူတော့မယ်၊ လှူတော့မယ် တန်းတော့မယ် ဆိုတော့မှ စိတ်မချလုံးကလေး ပါပါလာလို့ရှိရင် သူကဆွဲပြီအောက်မေ့ပေတော့ (မှန်ပါ့)။
But the moment you prepare to offer alms-food, donate to monasteries, or perform any charity—if a tiny seed of worldly attachment or desire for a future result creeps in, realize instantly that Ditthi is dragging you down! (True, Sir).
ဒုက္ခဝဋ်မှကျွတ်ရပါလို၏ ဆိုပြီးတော့ ဒုက္ခဝဋ်မှ မကျွတ်ခင်စပ်ကြား တလုံးပါလာလို့ရှိရင် သူသာမှတ်ပေတော့ (မှန်ပါ့ ဘုရား) ရိပ်မိပလား (ရိပ်မိပါပြီ)။
You may verbally pray, "May I be liberated from the cycle of suffering." But if you add a single phrase like, "However, in the meantime, before I attain liberation, may I..."—mark it firmly! That is the voice of Ditthi! (True, Sir). Do you see it? (We see it, Sir).
နိဗ္ဗာန်မရမီစပ်ကြား ဆိုတာ
နိဗ္ဗာန်မရမီစပ်ကြား ဆိုတာတွေဟာ မောင်သစ် ဘယ်သူထင်သတုန်း (သဿတဒိဋ္ဌိပါ ဘုရား)။
Yogi Maung Thit, who do you think is responsible for the phrase, "In the meantime, before attaining Nibbana"? (It is Sassata-ditthi, Sir).
ဒါမင်းတို့ အခု ဒိဋ္ဌိနှစ်ပါးကို ကောင်းကောင်းမသိတဲ့ ပုဂ္ဂိုလ်ဖြစ်ခဲ့လို့ ရှိရင်ဖြစ်တဲ့ ဒီဥစ္စာပါလာတာဘဲ (မှန်ပါ့) မပါလာဘူးလား (ပါလာပါတယ်)။
This phrase slips in precisely because you have lived as people who do not clearly understand the two extreme Wrong Views. (True, Sir). Does it not slip in? (It does, Sir).
ကိုင်း ဒါဖြင့် ကိုယ့်ဟာ ကိုယ်အကဲခတ်တတ်ပလားလို့ မေးလိုက်တယ် (ခတ်တတ်ပါပြီ) ခတ်တတ်ပြီနော် (မှန်ပါ့ ဘုရား)။
Well then, I ask you: do you now know how to evaluate yourselves? (We know how, Sir). You have learned how to do it. (True, Sir).
ဘယ်အချိန်တုန်း မေးတဲ့အခါကျတော့ ဘာတံမြက်စည်း ကလေးလှဲလှဲ ရေအိုးစင်တည်တည် ကျောင်းကန် ဘုရားပဲလုပ်လုပ် တပို့တွဲ နှမ်းမနဲဘဲထိုးထိုး သူရှိရင်သူလာတာဘဲ (မှန်ပါ့ ဘုရား)။
At what exact moments? Whether you are sweeping the pagoda grounds, building a drinking water stand, donating to a monastery, or offering traditional Htamane food during the month of Tabodwe—if the Wrong View exists within you, it will show up! (True, Sir).
သူရှိရင် (သူလာပါတယ် ဘုရား) အေး သူမရှိရင် မလာပေဘူး (မှန်ပါ့)။
If it exists within you... (It will show up, Sir). Yes. If it is entirely eradicated, it will not arise. (True, Sir).
သူရှိလို့ရှိရင်တော့ (လာပါတယ်) လာမှာဘဲဆိုတဲ့ဥစ္စာ ခင်ဗျားတို့နက်ဖြန်မိုးလင်းရင် သိပါပြီ၊ ငါ ဘာဒိဋ္ဌိ တုန်းဟေ့ဆိုတာ ဒီအတိုင်းရှာပေတော့ (မှန်ပါ့)။
But if it remains inside you... (It will arise, Sir). It will inevitably arise. You will see this for yourselves when tomorrow morning dawns. When you wonder, "What kind of Wrong View do I have?"—search your mind exactly like this. (True, Sir).
လာမယ် လာမယ် သူ့သတ္တိကို အကုန်ပြမယ် (မှန်ပါ့) မပြပေဘူးလား (ပြပါတယ် ဘုရား)။
It will definitely come! It will display all its hidden energy. (True, Sir). Will it not reveal itself? (It will, Sir).
ကဲ ဒါဖြင့် သဿတဒိဋ္ဌိ စိတ်နေစိတ်ထား သဘောသွား သဿတဒိဋ္ဌိရှိသော ပုဂ္ဂိုလ်၏ စိတ်နေ စိတ်ထား သဘောသွားကို အခုနာရီဝက်သာသာ ပြောပြီးပြီ (မှန်ပါ့) ဥစ္ဆေဒဒိဋ္ဌိပြောပြဦးမယ် (မှန်ပါ့)။
Very well. I have now spent over half an hour thoroughly explaining the mindset, attitude, and hidden motives of a person harboring the Eternity Belief (Sassata-ditthi). (True, Sir). Now, I will explain the Annihilation Belief (Uccheda-ditthi). (True, Sir).
ဥစ္ဆေဒဒိဋ္ဌိက ဘဝပြတ်တာကိုကြိုက်တယ်
ဥစ္ဆေဒဒိဋ္ဌိက သူက ဘဝပြတ်တာကိုကြိုက်တယ် (မှန်ပါ့) ကြိုက်ပြီးတော့ သူကလွန်သွားတတ်တယ်၊ ဘယ်လို လွန်သွားသတုန်းမေးတဲ့အခါကျတော့ ဘာမှမဖြစ်ရင် ကောင်းတယ် (မှန်ပါ့) သူက ဘာမှမဖြစ်ရင် ကောင်းတယ်ဆို တော့ နိဗ္ဗာန်တနေ့ဟောခဲ့တယ်၊ နိဗ္ဗာန်ဆိုတာဟေ့ ဒုက္ခချုပ်ပြီး သုခရှိတာကို နိဗ္ဗာန်ခေါ်တယ် (မှန်ပါ့ ဘုရား) ဘုန်းကြီးတို့ ကဟောတယ်၊ ဘုရားကဟောတဲ့အတိုင်း (မှန်ပါ့)။
The Annihilation Belief (Uccheda-ditthi) actually likes the idea of ending existence. (True, Sir). But in liking it, it goes to an absolute extreme. If you ask how it goes to the extreme, it believes, "It is best if absolutely nothing exists after death." (True, Sir). Let us reflect on how Nibbana was taught the other day. I taught you exactly as the Buddha taught: Nibbana is the cessation of suffering (Dukkha) and the presence of ultimate peace (Sukha). (True, Sir).
ဒုက္ခချုပ်ပြီး သုခပေါ်လာတာ (နိဗ္ဗာန်ပါ ဘုရား) ဒုက္ခကတော့ချုပ်သွားတယ် (မှန်ပါ့) သုခသစ္စာကတော့ပေါ် လာပါတယ်ဘုရား။
When suffering ceases and ultimate peace appears, what is that? (It is Nibbana, Sir). Suffering completely ceases. (True, Sir). And the truth of ultimate peace becomes evident.
အတ္ထိဘိက္ခဝေ ကိုး၊ ဘိက္ခဝေ = ရဟန်းတို့၊ နိဗ္ဗာနံ=နိဗ္ဗာန်သည်၊ အတ္တိ=ရှိ၏။ သူကိုယ်တိုင် တခါတည်း ဟောထားတယ် ဥဒါန်းပါဠိတော်များမှာ (မှန်ပါ့)။
As the Buddha explicitly declared in the Udāna Pāli text: "Atthi, bhikkhave, tadāyatanaṃ..." meaning, "Monks, there is that dimension of Nibbana." He personally proclaimed its reality. (True, Sir).
ရှိပါတယ်၊ ဟောတဲ့ဥစ္စာ သူကပြတ်ရင် ကြိုက်တယ်၊ ဒီမပြတ်လို့ ခက်နေတာ (မှန်ပါ့) ဒီတော့ သူကတော့ လဲ လွန်သွားပြီကွတဲ့၊ သဘောကျပလား (ကျပါပြီ)။
Nibbana truly exists. But a person with Uccheda-ditthi wants total nothingness. They are troubled by the fact that ultimate peace remains! (True, Sir). Therefore, their view has swung entirely to the opposite extreme of absolute annihilation. Do you grasp this? (We grasp it, Sir).
ဥစ္ဆေဒဒိဋ္ဌိရှိတဲ့ပုဂ္ဂိုလ်က (လွန်သွားပါပြီ ဘုရား) ဘာမှ မဖြစ်ရင် ကျုပ်ကြိုက်တာဘဲ (မှန်ပါ့)။
A person harboring Uccheda-ditthi... (Goes to the absolute extreme, Sir). They think, "I only like it if there is absolute nothingness after death." (True, Sir).
ဘာမှမဖြစ်ရင် ကျုပ်ကြိုက်တာပဲဆိုတော့ ဒကာ ဒကာမတွေ သူကတော့အကြံလွန်သွားပြန်ပြီ (မှန်ပါ့) ဒီထဲမှာ ရှိတဲ့ ဓါးခုတ် လှံထိုး မင်းစိုးရာဇာတို့၏ ဩဇာတိက္ကမတွေကို အမျိုးမျိုး ညှင်းဆဲတယ်၊ ခံနေရတယ် (မှန်ပါ့) ဒီရုပ်နာမ်ရှိနေ လို့၊ ရုပ်နာမ်မရှိရင်ပြီးတာပဲ၊ ဘယ်လိုနေရနေရ သူက ဒီဘက်လှည့်သွားတယ် (မှန်ပါ့)။
By declaring, "I only like it if there is absolute nothingness," Yogis, their thinking has once again overshot the truth. (True, Sir). They look at the physical world and see people suffering from being hacked by swords, pierced by spears, and oppressed by the heavy hands of rulers. They realize, "We are suffering all of this solely because we possess this Mind and Body (Nama-Rupa). If this Mind and Body are completely annihilated, that is the end of it!" They veer entirely toward the extreme of absolute non-existence. (True, Sir).
နိဗ္ဗာန်ကို ကျော်လွန်သွား တယ်
သူက ဘာဖြစ်သွားသတုန်း (ဥစ္ဆေဒဒိဋ္ဌိဖြစ်သွားပါတယ် ဘုရား) ဒီလိုမလုပ်နဲ့၊ သူက နိဗ္ဗာန်ကို ကျော်လွန်သွား တယ်။ (ကျော်လွန်သွားပါတယ်) သဘောကျပလား (ကျပါပြီ)။
What happens to him? (He falls into Uccheda Ditthi, Sir). Do not adopt this view. He has bypassed Nibbana entirely. (He has overshot it, Sir). Do you grasp the meaning? (Yes, we do, Sir).
လွန်ထွက်သွားတယ်တဲ့၊ သူကြံတာနဲ့သူ (မှန်ပါ့) အင်း ရုပ်နာမ်ရှိနေတဲ့အတွက် သူများက မျက်စောင်းထိုး အမျိုးမျိုးအဖုံဖုံ ကဲ့ရဲ့သင်္ဂြိုဟ် စကားတင်းဆိုတာခံရ၊ ရုပ်နာမ် မရှိလို့ရှိရင်ဖြင့် ဘာမှမရှိဘူး၊ ဘယ်သူ ဘာပြောစရာရှိ သေးသတုန်း၊ ဒီတော့ မရှိတာကျုပ်ကြိုက်တယ်ဆိုတော့ သူကရုပ်နာမ်မရှိတာသာကြိုက်တာ၊ နိဗ္ဗာန်မကြိုက်ပြန်ဘူး၊ ဘာဖြစ်သွားပြန်သတုန်း (လွန်သွားပါတယ် ဘုရား)။
He goes off track with his own reasoning. (True, Sir). Because of having this mind and body (Nama-Rupa), you have to endure people glaring at you, criticizing you in various ways, and speaking ill of you. He thinks, "If this mind and body do not exist, there is nothing left. Who would be there to say anything?" So, he declares, "I like non-existence." He merely desires the annihilation of mind and body, but he does not desire Nibbana. What happens to him then? (He overshoots the mark, Sir).
လွန်သွားပြန်တယ်၊ ဒါမရှိရင် ဟိုဟာရှိရမှာကိုး (မှန်ပါ့) အဲဒီကို သူကမသွားဘူးစိတ်က (မှန်ပါ့) သွားရဲ့လား (မသွားပါ ဘုရား) မသွားတော့ သူကလည်း အကြံ လွန်သွားပြန်တယ် (မှန်ပါ့)။
He overshoots again. If this mind and body cease to exist, Nibbana must exist. (True, Sir). But his mind does not go to Nibbana. (True, Sir). Does it go there? (No, it does not, Sir). Since it does not, his thinking has gone to the extreme once again. (True, Sir).
အဲဒီပုဂ္ဂိုလ်ဟာလဲတဲ့ ဒကာ ဒကာမတိုက ဒိဋ္ဌိတမျိုးဘဲ၊ ဥစ္ဆေဒဒိဋ္ဌိ (မှန်ပါ့) သူဝမ်းထဲရှိနေလျက်နဲ့ တရားအား ထုတ်ရင် သူက ဝင်တားတာပဲ၊ မရနိုင်ဘူးတဲ့ (မှန်ပါ့) သဘောပါကြပလား (ပါပါပြီ)။
Yogis, that person is trapped in another form of Wrong View—Uccheda Ditthi (the view of annihilation). (True, Sir). If you practice meditation with this view still residing within you, it will obstruct your path. You will not attain Nibbana. (True, Sir). Do you grasp the meaning? (Yes, we do, Sir).
သူဝမ်းထဲရှိနေလျက်နဲ့ အဖြစ်အပျက် အလုပ်တွေ ဆရာဘုန်းကြီးက ဘယ်လိုပဲ အာပေါက်အောင်ပေး၊ ခင်ဗျားတို့ကလည်းကြိုးစား၊ ဥစ္ဆေဒဒိဋ္ဌိရှိနေတဲ့အတွက် မရနိုင်ဘူးကွတဲ့ (မှန်ပါ့) လွန်သွားပြီ (မှန်ပါ့) သဘောပါကြ ပလား (ပါပါပြီ)။
As long as this view remains within you, no matter how much I preach until my throat is sore about watching and observing the Arising and Passing Away, and no matter how hard you try, you will not attain Nibbana because of this Uccheda Ditthi. (True, Sir). You have overshot the mark. (True, Sir). Do you grasp the meaning? (Yes, we do, Sir).
ဒိဋ္ဌိနှစ်ခုကြားသွားဖို့တယ်မလွယ်ဘူး
အင်း ဒီ ဒိဋ္ဌိနှစ်ခုကြားသွားဖို့တယ်မလွယ်ဘူးနော် (မှန်ပါ့)တယ်မလွယ်ပါဘုရား အတော်ခဲယဉ်းတယ် (မှန်ပါ့)။
Indeed, walking the path between these two extreme views is not easy at all! (True, Sir). It is exceptionally difficult. (True, Sir).
သူကလည်း နိဗ္ဗာန်ကို သဘောကျတာလား၊ သူကတော့ ဘာတုန်းလို့ မေးရင်ရုပ်နာမ်ရှိလို့ ဓါးခုတ်လှံထိုး ခံရတယ်၊ သူများ ကဲ့ရဲ့သင်္ဂြိုဟ် စကားတင်းဆိုခြင်း ခံကြရတယ်၊ မင်းစိုးရာဇာတို့ဝိုင်းပြီးသကာလ မွှေကြနှောက်ကြ နှိပ်စက်ကြတယ်၊ အဲဒီတော့ ရုပ်နာမ်အပြစ်ပဲတဲ့၊ တည့်သလိုလိုနဲ့ သူကစောင်းထွက်သွားတယ် (မှန်ပါ့)။
Does he actually favor Nibbana? If you ask what he really thinks, he believes: "Because I have this mind and body, I am subjected to being stabbed and cut. I suffer people's criticism, mockery, and harsh words. Kings and authorities surround, harass, and oppress me. Therefore, it is all the fault of having a mind and body." He seems to be on the right track, but then he veers off completely. (True, Sir).
အဲဒီတော့ သူမရှိတာသာ ကျုပ်ကြိုက်တာဘဲ (မှန်ပါ့) သူကတော့ ရုပ်နာမ်မရှိတာသာ ကြိုက်နေတော့ သူက လည်းမရှိ တလုံးသာပိုင်တာ၊ မှန်သလိုလိုနဲ့ သူကမှားတယ် (မှန်ပါ့)။
So he concludes, "I merely prefer its non-existence." (True, Sir). Since he only desires the annihilation of mind and body, he clings solely to the idea of "nothingness." It sounds correct at first glance, but he is completely wrong. (True, Sir).
ဘာဒိဋ္ဌိတုန်း (ဥစ္ဆေဒဒိဋ္ဌိပါ ဘုရား) သူကတော့ အပြတ်ကြိုက်တယ်၊ ဘယ်လို အပြတ်ကြိုက်နေသတုန်းလို့ မေးလို့ရှိရင်ဘဝကိုသူက စက်ဆုပ်နေတာကိုး (မှန်ပါ့)။
What kind of Wrong View is this? (Uccheda Ditthi, Sir). He prefers utter annihilation. If you ask why he prefers such annihilation, it is because he is entirely disgusted with existence (Bhava). (True, Sir).
”ဘဝေနေဝ အဋ္ဋီယမာနာ ဟရာယမာနာ ဇိဂုစ္ဆမာနာ” ဘဝကို သူက စက်ဆုပ်တယ်၊ “တေသံ ဘဝ နိရောဓေ ပက္ခန္ဒတိ။ ဘဝနိရောဓာယ ဒိဋ္ဌိစိတ္တံ ပက္ခန္ဒတိ” ကြိုက်တယ်တဲ့၊ ကျုပ်တို့က ဒီလိုပြတ်သွားတာကြိုက်တာဘဲဆိုပြီး သကာလ သူကလည်းအပြတ်ကြိုက်ကြိုက်ဖြစ်နေတော့လဲ နိဗ္ဗာန်ကလဲ ရုပ်နာမ်မရှိလို့ရှိရင်ဖြင့် နိဗ္ဗာန်ရှိတော့မယ် (မှန်ပါ့) သဘောကျပလား (ကျပါပြီ)။
"Bhavenena aṭṭīyamānā harāyamānā jigucchamānā"—he is thoroughly disgusted with existence. "Tesaṃ bhava nirodhe pakkhandati. Bhavanurodhāya diṭṭhicittaṃ pakkhandati"—he falsely delights in annihilation. He says, "We prefer it to be completely severed just like this." Because he is so fixated on total annihilation, he thinks that simply wanting mind and body to cease is the same as wanting Nibbana. (True, Sir). Do you grasp the meaning? (Yes, we do, Sir).
ရုပ်နာမ်မရှိရင် (နိဗ္ဗာန်ရှိပါတယ်) နိဗ္ဗာန်ပေါ်လာရမယ် (မှန်ပါ့)။
Actually, only when mind and body cease to exist can Nibbana appear. (True, Sir).
ရုပ်နာမ်ဖုံးကွယ်နေလို့ နိဗ္ဗာန်မမြင်ရဘူး
ရုပ်နာမ်ဖုံးကွယ်နေလို့ နိဗ္ဗာန်မမြင်ရဘူး (မှန်ပါ့) ရုပ်နာမ်ဖုံးကွယ်နေလို့) နိဗ္ဗာန်မမြင်ရပါ ဘုရား)။
You cannot see Nibbana because mind and body are concealing it. (True, Sir). Because mind and body are concealing it... (We cannot see Nibbana, Sir).
နေ့လည်က ပြလိုက်တယ် ဒီဥစ္စာကို ကြားလိုက်ကြတယ်မဟုတ်လား (မှန်ပါ့) ၂-နံပါတ်ဖုံးနေတဲ့အတွက် ၂-နံပါတ် ထဲရှိတဲ့ နိဗ္ဗာန်ကိုမမြင်ဘူး (မှန်ပါ့) နေ့လည်က ဟောလိုက်တယ် ပဋိစ္စသမုပ္ပါဒ်မှာနော် (မှန်ပါ့ ဘုရား)။
I explained this clearly this afternoon. You heard it, didn't you? (Yes, Sir). Because Section 2 conceals it, you cannot see the Nibbana that lies right there within Section 2. (True, Sir). I preached this in the context of The Wheel of Dependent Origination this afternoon. (True, Sir).
၂-နံပါတ် ဒုက္ခသစ္စာကြီးကိုမကျော်လွှားနိုင်တာနဲ့ ၂-နံပါတ်အထဲမှာပါတဲ့ နိဗ္ဗာန်ကို ခင်ဗျားတို့ မရောက်ကြ ဘူး (မှန်ပါ ဘုရား) သဘောကျပလား (ကျပါပြီ ဘုရား)။
Because you cannot transcend the immense Truth of Suffering (Dukkha Sacca) in Section 2, you fail to reach the Nibbana that is contained right within Section 2. (True, Sir). Do you grasp the meaning? (Yes, we do, Sir).
၂-နံပါတ် ဒုက္ခသစ္စာကြီးကို မကျော်လွှားနိုင်တာနဲ့ ၂-နံပါတ်ထဲမှာဘဲရှိတဲ့ နိဗ္ဗာန်ကိုမရဘူး၊ ပဋိစ္စသမုပ္ပါဒ် အဝိုင်းကြီးသွားကြည့်ပါ (မှန်ပါ့)။
Failing to overcome the Truth of Suffering in Section 2 prevents you from attaining the Nibbana found right there in Section 2. Go and look at the chart of The Wheel of Dependent Origination! (True, Sir).
၂-နံပါတ်ဘယ်မှာတုန်း ဒုက္ခသစ္စာထဲပါတယ်(မှန်ပါ့) ၂-နံပါတ်မှာဘဲ နိရောဓသစ္စာ (ပါပါတယ်) ပါတယ် ပဋိစ္စသမုပ္ပါဒ်အဝိုင်းကြီးမှာ (မှန်ပါ့)။
Where is Section 2? It is included in the Truth of Suffering. (True, Sir). Right there in Section 2, isn't the Truth of Cessation (Nirodha Sacca) also present? (It is included, Sir). Yes, it is right there on The Wheel of Dependent Origination. (True, Sir).
”ဝေဒနာ နိရောဓာ တဏှာနိရောဓော” နိဗ္ဗာန်ဟုတ်လား (မှန်ပါ့) တနည်းအားဖြင့်လည်း ခန္ဓာနိရောဓော နိဗ္ဗာနံ ပေါ့လေ၊ ပေါင်းဆိုလိုက်ရင် (မှန်ပါ့) ရှင်းပလား (ရှင်းပါပြီ)။
"Vedanā-nirodhā Taṇhā-nirodho." When Feeling ceases, Craving ceases. This leads to Nibbana, doesn't it? (True, Sir). In other words, Khandha-nirodho Nibbānaṃ—the cessation of the Aggregates is Nibbana, to summarize it all. (True, Sir). Is that clear? (Yes, it is, Sir).
အဲဒါ နိဗ္ဗာန်ဟာ ရှိတယ်လို့ ဥစ္ဆေဒဒိဋ္ဌိသမားက မယူဘဲနဲ့ခန္ဓာကိုသာ စက်ဆုပ်ပြီး သကာလ ခန္ဓာမရှိတာ တခုတည်းကြိုက်နေပြန်တော့လည်း လွန်သွားပြန်တယ် (မှန်ပါ့) ရိပ်မိပလား (ရိပ်မိပါပြီ ဘုရား)။
However, the person holding the Annihilation View (Uccheda Ditthi) does not accept that Nibbana naturally exists. He merely feels disgust towards the Aggregates (Khandhas) and desires only their non-existence. Thus, he overshoots the mark once again. (True, Sir). Do you see it? (Yes, we do, Sir).
ခန္ဓာမရှိတာ တခုတည်းကြိုက်နေပြန်တော့ (လွန်သွားပါတယ် ဘုရား) လွန်သွားတယ်။
Because he solely desires the non-existence of the Aggregates... (He overshoots, Sir). Yes, he overshoots.
အဲဒီ ပုဂ္ဂိုလ်ကလဲတဲ့ ဘာဒိဋ္ဌိရှိသတုန်း (ဥစ္ဆေဒိဒိဋ္ဌိရှိပါတယ်) အဲ ဥစ္ဆေဒဒိဋ္ဌိကတော့လည်း လွန်သွားသော ကြောင့် ဘုန်းကြီးတို့ ဒကာ ဒကာမတွေမှာ နိဗ္ဗာန်မရနိုင်ပြန်ဘူး (မှန်ပါ့)။
What kind of Wrong View does that person hold? (He holds Uccheda Ditthi, Sir). Exactly. Because Uccheda Ditthi goes to the extreme of annihilation, Yogis, you cannot attain Nibbana with it. (True, Sir).
တသံသရာလုံး အလည်လမ်းကို မရောက်ဘူး
အလည်လမ်းကို မရောက်ဘူး (မှန်ပါ့) ခင်ဗျားတို့ တသံသရာလုံးလာတာ အလည်လမ်းကို မရောက်ဘူး (မှန်ပါ့)။
You have not reached the Middle Path. (True, Sir). Throughout your entire journey in Samsara, you have never reached the Middle Path. (True, Sir).
တခါတလေ ဒေါသဖြစ်တဲ့ အခါကျတော့ ဒီရုပ်နာမ်ကြီးရှိလို့ ခက်တယ်ကွာ၊ ရုပ်နာမ်မရှိရင် ကောင်းတာဘဲ ဆိုပြန်တော့လည်း ဥစ္ဆေဒဒိဋ္ဌိဘက် ပြေးသွားတယ် (မှန်ပါ့) သဘောကျပလား (ကျပါပြီ ဘုရား)။
Sometimes, when anger arises, you complain, "Having this mind and body is such a burden. It would be better if mind and body did not exist at all!" When you say this, you run straight towards Uccheda Ditthi! (True, Sir). Do you grasp the meaning? (Yes, we do, Sir).
ရုပ်နာမ်အပြတ် ဟောလိုက်ပြန်တော့လဲ ခုနင်က ပြောသလို ဒကာ ဒကာမတွေက ရုပ်နာမ်ထဲသွားပြီး ဘုံဘဝထဲ သွားပြီး ပုန်းအောင်းနေတယ် (မှန်ပါ့) အလည်လမ်းကို မတက်ဘူး (မှန်ပါ ဘုရား)။
But if I preach about the complete cessation of mind and body, as I mentioned earlier, you Yogis retreat into your mind and body, hiding away in the realms of existence! (True, Sir). You refuse to step onto the Middle Path. (True, Sir).
နိဗ္ဗာန်ကလဲ မောင်သစ်အလည်လမ်းက သွားရမှာ (မှန်ပါ ဘုရား) နိဗ္ဗာန် ဘယ်လမ်းက သွားရမယ် (အလည် လမ်းက သွားရမှာပါ ဘုရား)။
Maung Thit, Nibbana can only be reached through the Middle Path. (True, Sir). Which path must you take to Nibbana? (We must take the Middle Path, Sir).
အလည်လမ်းကသွားရမည့်ဥစ္စာကိုဦးသံဒိုင် အလည်လမ်းက သွားရမည့်ဥစ္စာကို ဦးသံဒိုင် အလည်လမ်းကို မတက်မိဘူး (မှန်ပါ့) ဘေးတက်လိုက်၊ ဒီဘက်ဘေးတက်လိုက်၊ ဟိုဘက်ဘေးတက်လိုက်၊ အလည်လမ်းကို မရောက် ဘူး (မှန်ပါ ဘုရား)။
Even though you must travel on the Middle Path, U Than Daing... you fail to step onto it! (True, Sir). You veer off to one side, then you veer off to the other side. You never actually reach the Middle Path. (True, Sir).
တခါတလေကျပြန်တော့ သားနဲ့ သမီးနဲ့ပျော်နေတဲ့ အခါကျတော့ ဒီလိုများနေရတယ်ဆိုရင် အသက်ရှည်ချင် ပါသေးရဲ့ (မှန်ပါ့) ဒီကျတော့ သဿတဒိဋ္ဌိက စောင်းတယ် (မှန်ပါ့) ဟာ နင်တို့နဲ့ နေရတာ သေဘဲ သေချင်ပါတယ် ဆိုတော့ ဥစ္ဆေဒဒိဋ္ဌိဘက် စောင်းတယ်၊ ဒီနှစ်လမ်းဘဲ ပြောနေကြတယ်၊ အလည်လမ်းကို စကားပြောသံ ကြားဘူးရဲ့ လား (မကြာဘူးပါ ဘုရား)။
Sometimes, when you are enjoying yourself with your sons and daughters, you think, "If life is always like this, I want to live a long time!" (True, Sir). Here, you tilt towards Sassata Ditthi (the view of Eternalism). (True, Sir). Then, when you get frustrated and cry out, "Living with you all is miserable, I just want to die!" you tilt towards Uccheda Ditthi! You only ever speak of these two extreme paths. Have you ever heard yourselves speaking from the Middle Path? (No, we have not, Sir).
ကျုပ်တို့မပါတဲ့ သတ္တိဟာဒါဘဲ
ဟာ ဒါကြောင့်လဲ ဂင်္ဂါဝါဠုသဲစုမက ဘုရားတွေပွင့်သွားတာ ကျုပ်တို့မပါတဲ့ သတ္တိဟာဒါဘဲ (မှန်ပါ့) တခါ တလေဥစ္ဆေဒဘက် စောင်းပြေးလိုက်၊ တခါတလေကျတော့ သဿတဘက် စောင်းပြေးလိုက် (မှန်ပါ့)။
This is exactly why countless Buddhas—more numerous than the grains of sand in the Ganges River—have appeared and passed away, and we were left behind! It is because of this very habit of ours. (True, Sir). Sometimes you run tilting towards Annihilationism, and sometimes you run tilting towards Eternalism. (True, Sir).
တခါတလေ သားနဲ့ သမီးနဲ့ စီးပွားရေးနဲ့များ အကြောင်းညီညွတ်လို့ အဆင်ကလေးများ၊ ပြေနေတဲ့အခါကျ တော့မသေချင်ဘူး၊ လာတာပဲ (မှန်ပါ့) မလာဘူးလား (လာပါတယ်)။
Sometimes, when everything is harmonious—when your relationships with your children are good and your business is thriving—you feel that you do not want to die. The craving arises, doesn't it? (True, Sir). Does it not arise? (It does, Sir).
သူများ မပြောရှိရမယ်၊ ကိုယ့်ဝမ်းထဲက (သဘောကျပါတယ်) ကိုယ့်ဝမ်းထဲမတော့ ဒီဥစ္စာသဘောကျတယ် (မှန်ပါ့) ဒါက ဘယ်သူကသဘောကျနေတာလဲ (သဿတကသဘောကျနေတာပါ ဘုရား)။
You don't even need others to tell you; your own mind knows it. (We like it, Sir). Deep down, you are attached to this existence. (True, Sir). Now, who is it that is liking this? (It is Sassata Ditthi liking it, Sir).
အဲဒီကျတော့ သားကလည်း ထော်လော်ကန့်လန့်၊ သမီးကလည်း ထော်လော်ကန့်လန့်၊ မဟုတ်ဘူးလား (မှန်ပါ့) ကိုယ်ကလဲခန္ဓာကမမာ၊ လာပြီ ကဲ သေရင်လည်း အေးတယ် (မှန်ပါ့) မလာဘူးလား (လာပါတယ်) ဒါက ဘာဒိဋ္ဌိလဲ (ဥစ္ဆေဒဒဋ္ဌိပါ) ဒီဘက်ချည့်သွားပါလား (မှန်ပါ ဘုရား)။
Then, when your son becomes rebellious, and your daughter becomes disobedient, isn't that right? (True, Sir). And on top of that, your health deteriorates. Here it comes: "Well, it would be peaceful if I just died." (True, Sir). Does this thought not come? (It does come, Sir). What kind of Wrong View is this? (It is Uccheda Ditthi, Sir). You see, you are constantly drifting toward this extreme! (True, Sir).
ဒကာ ဒကာမတွေ ဘယ်ဘက်ချည့် လှည့်နေသတုန်း (ဥစ္ဆေဒဘက်ချည့်လှည့်နေပါတယ်) စိတ်ပျက်တော့ ဥစ္ဆေဒ (မှန်ပါ့) စိတ်ပျော်တော့ (သဿတပါ ဘုရား)။
Yogis, which way are you always turning? (We keep turning toward Uccheda, Sir). When you are depressed, it is Uccheda. (True, Sir). And when you are delighted? (It is Sassata, Sir).
ကဲ ဒါကြောင့် တမြန်နေ့ကပဲ ပြောလိုက်ရသေးတယ်၊ ဦးသံဒိုင်တို့ ဒီကကြားမှာပေါ့မကြားဘူးလား (ကြားပါ တယ် ဘုရား) ပြုံးလမ်း မဲ့လမ်းဟေ့ (မှန်ပါ့) ဒါဟောနေတာ အခုဟာ (မှန်ပါ ဘုရား)။
That is why I just explained this the day before yesterday. U Than Daing, you heard it from here, didn't you? (Yes, we heard it, Sir). It is the Path of Smiling and the Path of Frowning! (True, Sir). That is exactly what I am preaching about now. (True, Sir).
ပြုံးလမ်း မဲ့လမ်းဟေ့ဆိုတာ ရှင်းပလား (ရှင်းပါပြီ) ခင်ဗျားတို့ သားနဲ့သမီးနဲ့ ပစ္စည်းနဲ့အဆင်ပြေနေတော့ အင်း ဒီအချိန်ဖြင့် မရဏမင်းခေါ်လို့သာ လိုက်ရမယ်၊ ကျုပ်တော့မသေချင်သေးပါဘူးတဲ့ (မှန်ပါ့) ဘာတုန်းသူက (သဿတဒိဋ္ဌိပါ) ထော်လော်ကန့်လန့်တွေနဲ့ တွေ့ပြီဆိုမှဖြင့် (ဥစ္ဆေဒဒိဋ္ဌိပါ ဘုရား)။
Is the meaning of the Path of Smiling and the Path of Frowning clear to you? (Yes, it is clear). When things are going well with your children and your wealth, you say, "Even if the King of Death calls me now, I am only forced to follow. I really do not want to die yet!" (True, Sir). What view is driving this? (It is Sassata Ditthi, Sir). But the moment you encounter rebellious and difficult situations... (It is Uccheda Ditthi, Sir).
ထော်လော်ကန့်လန့်နဲ့ တွေ့ပြန်တော့ ဥစ္ဆေဒဒိဋ္ဌိဘက် ပြေးပြန်တာပဲ (မှန်ပါ ဘုရား) အံမာလေး ကြောက်စရာ ကြီးပါလား (မှန်ပါ့)။
Yes, when you face hardships and rebellious behavior, you run straight back to Uccheda Ditthi! (True, Sir). Goodness, how terrifying this is! (True, Sir).
ခင်ဗျားတို့က အလည်လမ်းကို မတက်ဘူးပါဘူး (မှန်ပါ့) ဘယ့်နှယ်နေကြသလဲ (အလည်လမ်းကို မတက်ဘူးပါ ဘုရား)။
You have never once stepped onto the Middle Path. (True, Sir). What is your situation? (We have never stepped onto the Middle Path, Sir).
အလည်လမ်းကို တခါမှ မတက်ဘူးဘူးတဲ့၊ တခါတလေ သဿတဘက်ပြေးလိုက်၊ တခါတလေ ဥစ္ဆေဒဘက် ပြေးလိုက်၊ အလယ်လမ်းရှိမှန်းလဲ မသိဘူး (မှန်ပါ့) စိတ်ပျက်တာနဲ့ စိတ်ပျော်တာသာရှိတာကိုး (မှန်ပါ့) အလယ်လမ်း ကို မပါဘူး (မပါ ပါ ဘုရား)။
You have never walked the Middle Path. Sometimes you run toward Eternalism, and sometimes you run toward Annihilationism. You do not even realize that a Middle Path exists! (True, Sir). All you know is becoming depressed or becoming delighted. (True, Sir). The Middle Path is completely missing from your lives. (It is missing, Sir).
မပျော်မပျင်းတဲ့လမ်းကို တခါမှမသွားဘူး (မသွားဘူးပါ ဘုရား) ဘယ်လောက် အရုပ်ဆိုး အကျည်းတန်တဲ့ နေမှုနဲ့နေခဲ့ရတယ်ဆိုတဲ့ ဥစ္စာ မပေါ်ကြသေးဘူးလား (ပေါ်ပါပြီ ဘုရား)။
You have never traveled the path that is free from both delight and depression. (We have never gone there, Sir). Doesn't it now become clear to you how ugly and unseemly your way of living has been? (It has become clear, Sir).
အဆင်ပြေရင် သဿတ(မှန်ပါ့) အဆင်မပြေရင် (ဥစ္ဆေဒပါ) ဥစ္ဆေဒ၊ အဲဒါ ဘဝတိုင်း ဒါချည်းလာတာပဲ (မှန်ပါ့)။
When things go well, it is Sassata. (True, Sir). When things do not go well? (It is Uccheda). Yes, Uccheda. It has been exactly like this in every single lifetime! (True, Sir).
အလယ်လမ်းကမှ သွားလို့ရတယ်
အဲဒီတော့ နိဗ္ဗာန်ကလဲ သွားချင်လို့ရှိရင် အလယ်လမ်းကမှ သွားလို့ရတယ် (မှန်ပါ့) သဿတလမ်းက သွား လည်း (မရပါ ဘုရား) ဥစ္ဆေဒလမ်းက သွားလည်း (မရပါ ဘုရား)။
Therefore, if you truly want to reach Nibbana, you can only go there via the Middle Path. (True, Sir). Can you reach it through the path of Sassata? (No, we cannot, Sir). Can you reach it through the path of Uccheda? (No, we cannot, Sir).
ကဲ ဦးသံဒိုင် ဘယ်က သွားမတုန်း (အလယ်လမ်းက သွားရပါမယ်)။
So, U Than Daing, which way will you take? (I must take the Middle Path, Sir).
အလယ်လမ်းလဲ ခင်ဗျားက မတက်မိဘူး (မှန်ပါ့) ခက်လိုက်တာ၊ အကြောင်းမညီညွတ်ရင်လဲ ကွာ သေတာ အေးသေးတယ်၊ အင်း ဥစ္ဆေဒဘက်၊ သေတာ ဘယ်အေးရမလဲ (မှန်ပါ့) အေးရဲ့လား (မအေးပါ)။
Yet, you continually fail to step onto this Middle Path. (True, Sir). How difficult this is! When circumstances are unfavorable, you say, "Dying would be more peaceful!" This pulls you toward Uccheda. But how could dying possibly be peaceful? (True, Sir). Is it peaceful? (No, it is not).
မအေးပါဘူးတဲ့၊ သေတာက ဒုက္ခသစ္စာဘဲ၊ နောက်ပဋိသန္ဓေနေပြန်တော့ကော (ဒုက္ခသစ္စာပါ)။
No, it is not peaceful at all! Death itself is the Truth of Suffering (Dukkha Sacca). And what about taking a new rebirth afterward? (It is also Dukkha Sacca).
ဘယ်အေးရမလဲ၊ သေတာ အေးတယ်လို့ သူပြောခဲ့တယ် (မှန်ပါ့) သူက လွန်သွားတယ် အဲဒါကျတော့ (မှန်ပါ့) မလွန်ဘူးလား (လွန်ပါတယ်)။
How could it be peaceful? Yet, you claim that dying is peaceful. (True, Sir). In saying this, you overshoot the mark. (True, Sir). Do you not overshoot? (We do overshoot, Sir).
ဥစ္ဆေဒက လွန်လွန်ထွက်သွားတယ် (မှန်ပါ့) သဿတကတော့လဲ ဘဝပျော်မွေ့လိုက်တာ သူ့ဟာ လွန်နေတာ ဘဲ (မှန်ပါ့)။
Uccheda Ditthi radically overshoots the mark. (True, Sir). Meanwhile, Sassata Ditthi makes you revel in existence, which is also overshooting the mark. (True, Sir).
ကိုင်း ဒါဖြင့် သဿတလမ်းကလည်း ဘုရားသခင်ကိုယ်တော်မြတ်ကြီးက မရောက်နိုင်ဘူးကွ၊ သဿတလမ်း က ကာမသုခလ္လိကာ နုယောဂလမ်း (မှန်ပါ့) ရှင်းပလား (ရှင်းပါပြီ)။
So then, the Exalted Buddha declared that you cannot reach Nibbana through the path of Sassata. The path of Sassata is Kamasukhallikanuyoga (the extreme of sensual indulgence). (True, Sir). Is that clear? (Yes, it is, Sir).
ဥစ္ဆေဒလမ်းက အတ္တကိလမထ ခန္ဓာကိုယ်ကြီး ဆင်းရဲတဲ့ အချိန်မှ သူက ပေါ်ပေါ်လာတယ် (မှန်ပါ့) ရှင်းပ လား (ရှင်းပါပြီ)။
The path of Uccheda is Attakilamathanuyoga (the extreme of self-mortification). It only surfaces when the physical body encounters suffering. (True, Sir). Is that clear? (Yes, it is, Sir).
ဒါဖြင့် ဘယ်လမ်း လိုက်ကြမယ် (အလယ်လမ်း လိုက်ပါမယ် ဘုရား)။
Therefore, which path will you follow? (We will follow the Middle Path, Sir).
အို ခင်ဗျားတို့ အပြောဘဲ အလယ်လမ်းဖြစ်နေတယ်။
Oh, you only say you will take the Middle Path!
ကဲ ယနေ့ ဒီတွင် တော်ပါဦးစို့။
သာဓု သာဓု သာဓု။
Well, let us stop here for today. Sadhu! Sadhu! Sadhu!