တရားတော်

book-10402

လောင်စာနဲ့မီး တွဲပုံ တရားတော်

မာတိကာသို့

လောင်စာနဲ့မီး တွဲပုံ တရားတော်

The Analogy of Fuel and Fire

ကျေးဇူးတော်ရှင် အမရပူရမြို့ မင်္ဂလာတိုက်ဟောင်း

A Discourse by the Venerable Mogok Sayadaw

မိုးကုတ် ဆရာတော်ဘုရား၊ မန္တလေးမြို့

Place: U Chit Swe’s Dhamma Hall, Mandalay

ဦးချစ်ဆွေ ဓမ္မာရုံ၌ ဟောကြားတော်မူသော

Date: February 14, 1961

လောင်စာနဲ့မီး တွဲပုံ တရားတော်

The Analogy of Fuel and Fire

(၁၄-၂-၆၁)

(14-2-61)

ဒကာ ဒကာမတွေ ရောဂါဝေဒနာ ရောက်တဲ့အခါများ ကျတော့ ဆရာရှာကြတယ်၊ ဆေးရှာကြတယ်ဆိုတာ ထုံးတမ်းဓမ္မတာပါဘဲ (မှန်လှပါဘုရား)။

Yogis, it is the custom of the world that when people fall ill, they seek a doctor and look for medicine. (True, Sir).

ရောဂါရောက်တဲ့ ပုဂ္ဂိုလ်သည်ကားဆိုလို့ရှိယင်ဖြင့် ဆေးရှာကြတယ်၊ ဆရာရှာကြတယ်ဆိုတာ ထုံးတမ်း ဓမ္မတာပါဘဲ (မှန်ပါ့ဘုရား)။

Indeed, it is natural for the sick to search for a cure.

အိုဘေး နာဘေး သေဘေးဆိုတဲ့ရောဂါ

The Disease of Aging, Sickness, and Death

ဒီမှာလဲ ဘုန်းကြီးတို့ ဒကာ၊ ဒကာမတွေကို အိုဘေး နာဘေး သေဘေးဆိုတဲ့ရောဂါတွေက ရှိကြတယ် နော် (မှန်ပါ့ဘုရား)။

Now, consider this. You all suffer from the diseases of Aging, Sickness, and Death. (Yes, Sir).

အိုဘေး နာဘေး သေဘေးဆိုတဲ့ ရောဂါတွေက ရှိကြတယ်၊ ဘယ်မှာ ရှိပါသတုံးလို့ မေးတဲ့အခါကျတော့ ခန္ဓာရှိတော့ အိုဘေး နာဘေး လွတ်ပါ့မလား (မလွတ်ပါဘူးဘုရား)။

Where do these diseases exist? As long as you possess these Aggregates (Khandhas), can you escape aging and sickness? (No, Sir).

ဒီရောဂါတွေသည်ကားလို့ဆိုရင် ဒကာ ဒကာမတို့ သိတဲ့အတိုင်း ပြေးရင် ပြေးရာလိုက်တဲ့ရောဂါကိုး (မှန်ပါ့ဘုရား)။

These diseases follow you wherever you run. (True, Sir).

အဲဒါကြောင့် ရောဂါရှိတဲ့ပုဂ္ဂိုလ် ဆေးမရှာဘဲနဲ့ နေခဲ့သော် ဆရာမရှာဘဲနဲ့ နေခဲ့သော် ရောဂါယှဉ်ပြီး အရူးသော် လည်းကောင်း ဖြစ်ရမယ်၊ အ-အသော်လည်းကောင်း ဖြစ်ရမယ်ဆိုတာ ဦးခင်မောင်တို့ ဆိုထိုက်တယ် (မှန်လှပါ ဘုရား) ရောဂါယှဉ်ပြီး အရူးသော်လည်းကောင်း၊ အ-အသော်လည်းကောင်းဖြစ်ရတော့မယ်ဆိုတဲ့ဥစ္စာ ဘာမှ သံသယရှိဘို့ မလိုပါဘူး (မလိုပါဘူး ဘုရား)။

If a sick person does not seek medicine or a doctor, they will inevitably end up mad or mute due to the illness. (True, Sir). There is no doubt about this; they will suffer greatly. (Yes, Sir).

အဲဒါ ဒီနေ့ ဒကာ ဒကာမတွေမှာ ခဏခဏ တေဇောလောင်လို့ အိုတဲ့ရောဂါများ ရှိကြပါရဲ့လားလို့ စမ်းသပ် ကြည့်တော့လဲ ခန္ဓာထဲ ခပ်နွေးနွေးရှိနေတော့ “ဪ လောင်လျက်ပါလား”ဆိုတာ ပေါ်လာတယ် နော် (မှန်လှပါဘုရား)။

Now, check yourselves. Do you have the disease of Aging caused by the burning Fire Element (Tejo)? When you touch your body and feel the warmth, you realize: "Oh, I am burning!" (Yes, Sir).

နောက်တခါ ဒီ့ထက်ပိုလောင်တဲ့ အခါကျတော့ ခေါင်းကိုက်တယ်, လည်နာတယ်, ရင်နာတယ်, အပူရှိန်များတယ် ဆိုပြီးသကာလ ဒကာ ဒကာမတို့ တေဇောမီး၏ စွမ်းရည်သတ္တိသည် လွှမ်းမိုးပြီးသကာလ ရောဂါတွေဖြစ်အောင် မလုပ် လား (လုပ်ပါတယ်ဘုရား) ထိုကဲ့သို့ လုပ်တာ ထောက်ပြန်တော့လဲ ဪ-ရောဂါရှိတာဘဲဆိုတာ သဘောပါကြပါ လိမ့်မယ် (ပါပါတယ်ဘုရား)။

When the heat intensifies, you complain of headaches, sore throats, and chest pain. The power of the Fire Element overwhelms you and creates disease. Does it not? (It does, Sir). When you consider this, you must admit: "Oh, I really do have this disease." (We admit it, Sir).

သူ့အသားတိုးလို့ သူသေလွယ်

The Flesh Kills the Pig

အဲဒီကဲ့သို့ တော်တော်ကြာကျတော့ ဒီခန္ဓာကြီးသည်ကားလို့ဆိုရင် ဒီအတိုင်းမနေဘဲနဲ့ သေရာဌာနသို့ သွားတဲ့ အလုပ်ကြီး မလျှော့တမ်းသွားပြန်တော့လဲ ဪ ဘယ်သူမှ လာသတ်လို့သေတာမဟုတ်ဘူး၊ ခန္ဓာတွင်း ရောဂါရှိလို့ သူ့ရောဂါနဲ့ သူသေတာဘဲဆိုတဲ့ဥစ္စာ-လောကီဥပမာပြောကြပါစို့ ဆိုတော့ “ဝက်ဟာ အသားတိုးလေလေ သူ့အသားတိုးလို့ သူသေလွယ်လေလေ” ဖြစ်ရတာပါပဲ (မှန်လှပါဘုရား)။

Eventually, this body proceeds relentlessly toward death. Realize this: No one comes to kill you. You die because of the disease within your own Aggregates. Let me give you a worldly example: "The fatter the pig grows, the easier it is for it to die due to its own flesh." (True, Sir).

ဝက်များ သူ့အသား အပြည့်အစုံတိုးလိုက်ရင် ဒီဝက်ဟာ သေသွားတော့တာပဲ (မှန်လှပါ) ဝက် ဘယ်သူ သတ်လို့သေပါလိမ့် သူ့အသားသတ်လို့သေပါသည် (မှန်လှပါဘုရား)။ ဒကာ ဝ ဘယ့်နှယ်ဆိုပါ့မယ် (သူ့အသားသတ်လို့ သေပါတယ်ဘုရား)။

When a pig grows to full size, it dies. (True, Sir). Who kills the pig? Its own flesh kills it. (True, Sir). What do you say, Donor Wa? (Its own flesh kills it, Sir).

ဪ ဘယ်သူမှလှံနဲ့မထိုး၊ ဘယ်သူမှ အဆိပ်မကျွေး၊ ဒီအတိုင်း သေရတဲ့ ဝက်တွေလဲ ရှိတယ်နော် (မှန်ပါ့) အဲဒီရှိတဲ့ ဝက်တွေသည်ကားလို့ဆိုရင် ဒကာ ဒကာမတို့ သူ ယူလာတဲ့ အသားဟာ သူ့သတ်တာဘဲ (မှန်ပါ့) သူ့ထဲပါတဲ့ အသားက (သူ့ကိုသတ်တာပါဘဲ)။

There are pigs that die without being speared or poisoned. They die because of the very flesh they carry. (True, Sir).

ဒီမှာလဲ ဒကာ ဒကာမတို့ ကိုယ့်ထဲပါတဲ့တေဇောက ကိုယ့်ကိုသတ်လိမ့်မယ်နော် (မှန်လှပါဘုရား) သူများက သတ်မှာလား (ကိုယ့်ထဲပါတဲ့ တေဇောက ကိုယ့်သတ်မှာပါဘုရား)။

Similarly, the Fire Element (Tejo) within you will be the cause of your death. (True, Sir). Will someone else kill you? (No, Sir, the Fire Element within us will kill us).

အဲဒီလို ရောဂါတွေက ဒကာ ဒကာမတို့ အိုတတ်တဲ့ရောဂါလဲ မပြတ်မစဲ၊ နာတတ်တဲ့ရောဂါလဲ ခဏခဏကြုံ၊ သေတတ်တဲ့ရောဂါကလဲ မလွတ်တမ်း တွေ့ရမယ်ဆိုတာ ခန္ဓာကိုယ်ထဲမှာ ဉာဏ်နဲ့ရှင်းပြီးသား, လင်းပြီးသား ဖြစ်နေတော့ ဘုန်းကြီး တို့ ဒကာ ဒကာမတွေ မသေဆေး၊ မနာဆေး၊ မအိုဆေးတော့ဖြင့် ဦးခင်မောင် ရှာဖို့သင့်ပြီ (မှန်လှပါဘုရား)။

Since you see clearly with insight that the diseases of Aging, Sickness, and Death are inherent in the body, it is time for you to seek the Medicine of Non-Aging, Non-Sickness, and Non-Death. (We should, Sir).

မသေဆေး, မနာဆေး, မအိုဆေး

Medicine for Non-Aging, Non-Sickness, and Non-Death

မသေဆေး, မနာဆေး, မအိုဆေး ဒကာ ဒကာမတို့ ဘာလုပ်ဖို့သင့်ပါလိမ့် (ရှာဖို့သင့်ပါတယ်ဘုရား)။

What should you be doing, Yogis? (We should be searching for the medicine, Sir).

အဲ့ဒီတော့ ဒါမရှာဘဲနဲ့ ဒကာ ဒကာမတွေက အိုတာဖြည့်တဲ့ဆေး, နာတာဖြည့်တဲ့ဆေး, သေတာဖြည့်တဲ့ဆေးတွေ ရှာနေကြပြီလို့ ဘုန်းကြီးက စွဲချက်တင်လိုက်ပြန်ပြီနော် (မှန်လှပါဘုရား)။

But I must charge you with this: You are not seeking the cure; you are seeking medicine that fuels more aging, sickness, and death! (True, Sir).

အိုတာ ဖြည့်တဲ့ ဆေးဆိုတော့ ဘာပါလိမ့်မတုံးဆိုတော့ လောဘချည်းထွက်သွားလို့ရှိရင် လောဘက တဏှာ ဥပါဒါန် ကံ-က ဇာတိခန္ဓာလုပ်ပြန်တော့ အိုတဲ့ဆေး ပြန်မရပေဘူးလား (ရပါတယ်ဘုရား)။

When Greed (Lobha) arises, it leads to Craving, Clinging, and Kamma, which produces a new Birth (Jati). Does this not bring back the medicine of Aging? (It does, Sir).

လောဘအားကြီးနေပြန်တော့လဲ ဒကာ ဒကာမတို့အိုဆေး နာဆေး ရှာနေပြန်တယ် (မှန်လှပါဘုရား) မောဟအားကြီးနေပြန်တော့လဲ ဘာတွေ ရှာနေကြသလဲ (အိုဆေး နာဆေး ရှာနေပါတယ်ဘုရား)။

When Greed is strong, you are searching for the medicine of Aging and Sickness. (True, Sir). When Delusion (Moha) is strong, what are you searching for? (We are searching for Aging and Sickness, Sir).

အိုဆေး နာဆေး သေဆေးဘဲ ရှာနေတော့ ဪ ဒီဒကာ ဒကာမတွေ ခက်လိုက်ပါဘိတော့တယ်။ အိုတတ် နာတတ် သေတတ်တဲ့ရောဂါ မပျောက်ဘဲနဲ့ အိုဆေး နာဆေး သေဆေး ထပ်ရှာနေတယ်ဆိုတော့ ဦးခင်မောင်ရေ လွန်လွန်းသွားပြီ (မှန်လှပါဘုရား) အမိုက်လွန်သွားပြီ၊ အ-အလွန်သွားပြီ၊ အထူလွန်သွားပြီလို့ ဘုန်းကြီးများက စွဲချက် တင်လိုက်ပါတယ် (မှန်လှပါဘုရား) မတင်ထိုက်ဘူးလား (တင်ထိုက်ပါတယ်ဘုရား)။

You are only seeking the causes of aging and death. Oh, these Yogis are difficult! You haven't cured the old disease, yet you are piling up more causes for it. You are exceedingly foolish and thick-witted! (True, Sir). Is this not a valid accusation? (It is, Sir).

ဒကာ ဒကာမတို့ ယခုခန္ဓာကြီးထဲမှာ အိုအောင်လုပ်နေတဲ့ တရား စင်သွားပလားလို့ မေးရင် ဘယ့်နှယ်ဖြေ ကြမလဲ (မစင်သေးပါဘူဘုရား)။

Let me ask you: Have you eradicated the Dhamma that causes Aging in this body? (No, Sir).

နာအောင်လုပ်နေတဲ့တရား စင်သွားပလားလို့ မေးရင် (မစင်သေးပါဘူးဘုရား)။

Have you eradicated the Dhamma that causes Sickness? (No, Sir).

သေအောင်လုပ်မည့်တရား စင်ပါပလားလို့ မေးရင် (မစင်သေးပါဘူးဘုရား)။

Have you eradicated the Dhamma that causes Death? (No, Sir).

မစင်သေးခင်က ဒကာ ဒကာမတို့ အိုအောင် နာအောင် သေအောင် လုပ်တတ်တဲ့ဆေးတွေ ထပ်ပြီးသကာလ ရှာပြီး စားနေကြဦးမယ်ဆိုလို့ရှိရင် ခက်ရချီရဲ့ (မှန်လှပါ)။

If you haven't eradicated them, and you continue to consume the "medicine" that causes more Aging, Sickness, and Death, you are in deep trouble. (True, Sir).

အခု ဝေဒနာလဲ မပျောက်၊ နောက်-ဝေဒနာလဲရောက်၊ ဒီလိုမကျပေဘူးလား (ကျပါတယ်ဘုရား) အခု ဝေဒနာလဲ (မပျောက်ပါဘုရား) နောက်-ဝေဒနာကော (ရောက်ပါတယ်ဘုရား) ထပ်ရောက်လာမယ်ဆိုတာ မသေချာကြပေဘူးလား (သေချာပါတယ်ဘုရား)။

The current suffering hasn't vanished, yet you are inviting future suffering. Is this not the case? (It is, Sir). The current suffering is present. (Yes, Sir). And future suffering? (It is arriving, Sir). Is it not certain that it will arrive? (It is certain, Sir).

အဲဒါကြောင့် ဒကာ ဒကာမတို့သမိတော့လဲ ဖော်ပြရတယ်ဆိုတာ ဦးခင်မောင် ပြောမှလဲ သိတယ်နော် (မှန်လှပါ) ခန္ဓာကိုယ်ကြီးထဲ အိုမှု, နာမှု, သေမှုဆိုတဲ့ တေဇောဓါတ်တွေက ဒကာ ဒကာမတွေလောင်လျက် ညှင်းဆဲ လျက် သတ်မလို့ရွယ်လျက်ဆိုတာကလဲ ငြင်းဘို့ လိုသေးသလား (မလိုပါဘူးဘုရား)။

Therefore, I must point this out to you explicitly. The Fire Element (Tejo) of Aging, Sickness, and Death within your body is burning you, tormenting you, and poised to kill you. Is there any need to deny this? (No need, Sir).

ရောဂါရောက်ဆေးဘဲ ရှာနေတယ်

Searching for the Disease, Not the Cure

ဒီထဲကနေပြီး ဒကာ ဒကာမတို့ သားရေး၊ သမီးရေး၊ စီးပွားရေးကြောင့် လောဘ, ဒေါသ, မောဟတွေက ပေါ်လာကြပြန်တော့ လောဘ, ဒေါသ, မောဟတွေက ဘာထပ်ရှာပြန်တာတုံးလို့မေးရင် ဒကာဝ ဘယ့်နှယ်ဖြေပါ့မယ် (အိုဘေး နာဘေး သေဘေးဘဲ ထပ်ရှာနေပါတယ်ဘုရား) အိုတတ် နာတတ် သေတတ်တဲ့ တရားတွေ ထပ်ရှာပြန်တယ် (မှန်လှပါဘုရား)။

Because of family and business matters, Greed, Anger, and Delusion arise. What are these defilements seeking? (They are seeking more Aging, Sickness, and Death, Sir). You are seeking the very things that age, sicken, and die. (True, Sir).

ဒါဖြင့် ဦးခင်မောင်က စဉ်းစား၊ ဘုန်းကြီးတို့ ဒကာ ဒကာမတွေအားလုံးက စဉ်းစားကြ၊ ရောဂါပျောက်ဆေးမရှာ ဘဲနဲ့ ရောဂါပျောက်ဆေး မရှာဘဲနဲ့ ရောဂါရောက်ဆေးဘဲ ရှာနေတယ်နော် (မှန်လှပါဘုရား) ဘယ်လိုဆိုကြမယ် (ရောဂါပျောက်ဆေး မရှာဘဲနဲ့ ရောဂါရောက်ဆေး ရှာနေပါတယ်ဘုရား)။

Think about this carefully. You are not searching for the Medicine to Cure the Disease; you are searching for the Medicine to Acquire the Disease. (True, Sir). What do you say? (We are searching for the medicine to acquire the disease, Sir).

အင်း ဒီပုဂ္ဂိုလ်တွေသည်ကားလို့ ဆိုလို့ရှိရင်ဖြင့်ရောဂါပျောက်ဆေးတော့ဖြင့် မရှာဘူး၊ ရှိတဲ့ရောဂါမသိလို့ (မှန်ပါ့) ရောဂါရောက်ဆေးတော့လဲ မသိလို့ဘဲ၊ တခါရောဂါရောက်ဆေးတွေ ထပ်ရှာနေပြန်တယ်ဆိုတော့ ဒကာသစ်တို့ ကျုပ်တို့အဖြစ်ဟာ တယ်ဆိုးပါကလား (ဆိုးပါတယ်ဘုရား)။

Indeed. These people do not search for the cure because they do not realize they are sick. (True, Sir). They do not know what brings the disease, so they keep searching for it. Our situation is quite dire, isn't it? (It is dire, Sir).

ဒကာ ဒကာမတို့ ဘယ့်နှယ်ဆိုကြပါ့မယ် (အဖြစ်ဆိုးပါတယ်ဘုရား)အဖြစ် အင်မတန်ဆိုးတယ်ဆိုတာ ပေါ်ကြပလား (ပေါ်ပါပြီဘုရား)။

What do you say, Yogis? (It is a tragic situation, Sir). Do you see how terrible it is? (We see it, Sir).

အေး ဒါကြောင့် ယနေ့တော့ဖြင့် ဒကာ ဒကာမတွေ ရောဂါပျောက်ဆေး အမှန်ပေးတော့မှာဘဲဆိုတာ ဒီဆေး ဖိသောက်ရလိမ့်မယ် (မှန်ပါ့ဘုရား)။

Therefore, today I will give you the true Medicine to Cure the Disease. You must drink this medicine diligently. (Yes, Sir).

ကိုင်း ဒီဆေး ဖိမသောက်လို့ရှိရင် တပည့်တော်တို့ ဘာပြစ်များသင့်မှာတုန်းလို့ မေးတဲ့အခါကျတော့ ဒကာ ဒကာမတို့ ယခုရထားတဲ့ဘဝကလေးဟာ ဆုံးရှုံးတော့မယ်နော် (မှန်ပါ့ဘုရား)။

If you ask, "What happens if we don't drink this medicine?"—Yogis, mark this: You will lose this rare human life you have obtained. (True, Sir).

ဒိဋ္ဌိမပြုတ်လို့ရှိရင် ဂတိကမမြဲသေးဘူး

If Ditthi is Not Uprooted, Your Destination is Uncertain

ယခုရထားတဲ့ ဘဝကလေးဟာ (ဆုံးရှုံးပါတော့မယ်ဘုရား) ဆုံးရှုံးလိမ့်မယ်ဆိုတာ ဒီဒိဋ္ဌိမပြုတ်လို့ရှိရင် ဂတိကမမြဲသေးဘူး (မှန်လှပါဘုရား)ဒိဋ္ဌိမပြုတ်ရင် (ဂတိမမြဲသေးပါဘုရား)သွားရာဂတိက (မမြဲသေးပါဘုရား)

You will lose this life. (Yes, Sir). If Wrong View (Ditthi) is not uprooted, your future destination (Gati) is uncertain. (True, Sir). If Ditthi is not removed—(The destination is not sure, Sir). Your future path is—(Not sure, Sir).

မမြဲသေးဖြစ်နေတော့ ဒီပဋိစ္စသမုပ္ပါဒ်မှ နားမလည်ရင်လဲ ဒိဋ္ဌိကမပြုတ် (မှန်ပါ့ဘုရား) အနိစ္စ ဒုက္ခ အနတ္တ မမြင်ပြန်လို့ရှိရင်လဲ ဒိဋ္ဌိကမပြုတ် (မှန်ပါ့ဘုရား)။

Because the destination is uncertain, if you don't understand Dependent Origination, Ditthi remains. (True, Sir). If you don't see Impermanence, Suffering, and Non-self (Anicca, Dukkha, Anatta), Ditthi remains. (True, Sir).

ဤကဲ့သို့ မပြုတ်ပြီဆိုမှဖြင့် ယခု ရ-လာတဲ့ ဘဝကလေးဟာ ဒကာ ဒကာမတို့ အင်မတန်အဘိုးတန်တဲ့ ဘဝ ကလေးဟာ ဆုံးရှုံးသွားရင် ဒီနေရာ ပြန်မရောက်တော့ဘူးဆိုတာ သေသေချာချာ မှတ်ပါ (မှန်လှပါဘုရား)။

If Ditthi is not uprooted, realize clearly that when this precious human life ends, you will not return to this state. (True, Sir).

ဒါ့ကြောင့် သစ္စသံယုတ်ပါဠိတော်ကြီးများမှာ လာလိုက်တာက ဒကာ ဒကာမတို့ နွားတို့၏ ပခုံးပေါ်မှာတင်တဲ့ ထမ်းပိုးဆိုတာ မြင်ဘူးကြပါလိမ့်မယ်-(မြင်ဘူးပါတယ်ဘုရား)။

This is why the Sacca Samyutta Pali texts give the analogy of the yoke. Yogis, you have seen a yoke placed on the shoulders of cattle, haven't you? (We have, Sir).

အဲဒီ ထမ်းပိုးဟာ လေးပေါက်ရှိတယ်၊ ထမ်းပိုးကြီးလျှိုတဲ့ အပေါက်ကလေးတွေက လေးပေါက်ရှိတဲ့အနက်က ထမ်းပိုးပေါက် မပြီးသေးတော့ တပေါက်တည်း ဖောက်ရသေးတယ် ထားပါတော့နော် (မှန်လှပါဘုရား)။

Imagine a yoke with a single hole floating in the ocean.

အဲဒီ တပေါက်တည်းဖောက်တဲ့ ထမ်းပိုးကို ဒကာ ဒကာမတို့ ဧရာဝတီကနေပြီး မျှောလိုက်တာပေါ့ဗျာ၊ ဘယ်သူမှ မဆယ်ရင် ပင်လယ်ရောက်တော့မယ် (မှန်လှပါဘုရား) မရောက်ပေဘူးလား (ရောက်ပါတယ်ဘုရား)။

If you cast this single-holed yoke into the Irrawaddy River, and no one retrieves it, it will eventually reach the ocean. (It will, Sir).

ပင်လယ်ထဲ ရောက်တဲ့အခါကျလို့ရှိရင်လဲ တောင်လေတိုက်ရင် မြောက်ကို သွားရမှာ ဧကန်ပဲနော် (မှန်လှ ပါ) မြောက်လေတိုက်ရင် တောင်ကိုသွားရမှာ (ဧကန်ပါပဲဘုရား) ဝဲထဲမှာ ကြုံလို့ရှိရင် မြုပ်ပြီးဘေးထွက်ပြီး ပေါ်ရမှာ ကလဲ သူ့ဝတ္တရားပေါ့ဗျာ(မှန်လှပါဘုရား)။

Once in the ocean, if the south wind blows, it must drift north. (True, Sir). If the north wind blows, it must drift south. (True, Sir). If it gets caught in a whirlpool, it will sink and resurface elsewhere. That is its nature. (True, Sir).

အဲဒီတော့ သူ့မှာ နေရာအမြဲရှိပါရဲ့လား (မရှိပါဘုရား) အင်း ဒကာ ဒကာမတို့ နေရာအမြဲမရှိဘူး၊ သူ့မှာတပေါက်ထဲ ပါတယ်နော် (မှန်လှပါဘုရား)။

Does it have a permanent place? (No, Sir). It has only one hole. (True, Sir).

လိပ်ကန်းဥပမာ

The Analogy of the Blind Turtle

အဲဒီ သံယုတ်ပါဠိတော်ကြီးက အနှစ်တစ်ရာမှ တခါတခါပေါ်တဲ့ လိပ်ကန်းကြီးရှိတယ်ကွာတဲ့ (မှန်ပါ့) အနှစ် တစ်ရာမှ ဘာတဲ့ (တခါတခါပေါ်ပါတယ်) အနှစ်တရာမှ တခါတခါပေါ်တဲ့ လိပ်ကန်းကြီး ရှိသကွ တဲ့ ပင်လယ်ထဲမှာ နော် (မှန်ပါ့)။

The texts speak of a blind turtle that lives in the ocean and surfaces only once every hundred years. (True, Sir). How often? (Once every hundred years, Sir). Yes, a blind turtle in the vast ocean. (True, Sir).

ဒီ ထမ်းပိုးတုံးကြီးကလဲ ဟိုရောက် ဒီရောက်၊ အဲဒီလိပ်ကန်းကြီးကလဲ ဟိုရောက် ဒီရောက်၊ လိပ်ကန်းကြီးခေါင်း ဟာ ထမ်းပိုးပေါက်ကလေးထဲမှာ ခဏကလေး အသက်ရှူဖို့ နားဖို့ လျှိုမိဖို့ရာ အရေးဟာ ဒကာ ဒကာမတို့ဉာဏ်နဲ့ စဉ်းစားကြည့် မြင်သေးရဲ့လား (မမြင်ပါဘူးဘုရား)။

The yoke drifts here and there. The blind turtle swims here and there. Can you imagine the likelihood of that blind turtle's head popping up exactly through the hole of that drifting yoke? (We cannot imagine it, Sir).

သူကလဲ အနှစ်တရာမှ တခါပေါ်တယ် (မှန်လှပါ) ထမ်းပိုးကလဲ သွားချင်ရာသွားနေတယ်(မှန်ပါ့) ဘယ့်နှယ် လုပ်ပြီး သကာလ ထမ်းပိုးပေါက်ထဲမှာ ဒကာ ဒကာမတို့ လိပ်ကန်းခေါင်း လျှိုမိဖို့အရေးဟာ ဪ မဖြစ်နိုင်ပါဘူး ဘုရားလို့ ပြောရုံပါပဲ (မှန်လှပါဘုရား) ဘယ်လိုဆုံးဖြတ်ချက် ချကြမလဲ (မဖြစ်နိုင်ပါဘူး ဘုရား) မဖြစ်နိုင်ဘူးတဲ့ (မှန်ပါ့ဘုရား) အဲ ဒကာ ဒကာမတို့ ယခု ရထားတဲ့ဘဝဟာ အဲဒီလိပ်ကန်း ထမ်းပိုးပေါက်လျှိုတာက ခဲယဉ်းတာ ထက် ဒကာ ဒကာမတို့ ယခု ရထားတဲ့ ခန္ဓာငါးပါး ယခုလို တရားဓမ္မ ကြားနာရတဲ့ ခန္ဓာငါးပါးဟာ ဒီထက် ရခဲသေး တယ် (မှန်လှပါဘုရား)။

The turtle surfaces only once in a century. (True, Sir). The yoke drifts wherever the wind takes it. (True, Sir). To say that the turtle would thread its neck through the yoke is... well, we must say it is impossible. (True, Sir). What is your verdict? (It is impossible, Sir). Now, listen. Obtaining these Five Aggregates and hearing the Dhamma as you are now is far more difficult than that turtle fitting its neck into the yoke. (True, Sir).

ဟိုဟာက လျှိုမိမယ်ဆိုရင် လျှိုမိနိုင်သေးတယ်၊ ဒီလို လူ့ဘဝကြုံဘို့ဟာက အတော်ခဲယဉ်းတယ် (မှန်ပါ့ဘုရား) သဘောကျပလား (ကျပါပြီ)။

That turtle might, by some chance, thread the yoke. But to attain this human life is infinitely harder. (True, Sir). Do you grasp this? (We do, Sir).

ဒကာ ဒကာမတို့ ရထားတဲ့ဘဝကလေးဟာ သေးသေးသိမ်သိမ်လား အလွန်ကြီးကျယ်မွန်မြတ်တဲ့ဘဝ ရထားသလားဆိုတာ အကဲခတ်စမ်းပါ (အလွန်ကြီးကျယ်တဲ့ဘဝကို ရထားပါတယ်ဘုရား).

Assess the value of the life you have now. Is it insignificant, or is it a life of immense value? (It is a life of immense value, Sir).

အလွန်ကြီးကျယ် မွန်မြတ်တဲ့ဘဝကြီး ရထားတဲ့ဥစ္စာကို ဒကာ ဒကာမတို့က အိုတတ် နာတတ် သေတတ်တဲ့ ခန္ဓာကိုယ်ကြီး ရပြီး အိုစာ နာစာ သေစာတွေကိုပဲ နောက်တခါ အိုရာ နာရာ သေရာဖြစ်ကြောင်းတွေ လျှောက်ရှာတုန်းလို့ ရှိခဲ့သည်ရှိသော် ဒီဘဝ ကတိယိမ်းလို့ရှိရင်ဖြင့် လူ့ဘဝမရတော့ဘူး(မှန်လှပါဘုရား)။

You possess this noble, high-value life. Yet, if you continue to search for causes that lead to aging, sickness, and death, and if you slip from this existence, you will not regain a human birth. (True, Sir).

မရလို့ရှိရင်ဖြင့်တဲ့ ဒကာ ဒကာမတို့ ငရဲသွားကြပေတော့ (မှန်ပါ့ဘုရား) ငရဲက နစ်ပြီးလို့ ပြန်တက်လာ တော့လည်း လူ့ပြည်တန်းမတက်ဘဲနဲ့ တိရစ္ဆာန်ဘုံ တက်ကြပေတော့ (မှန်ပါ့ဘုရား)။

If you don't get it back, you will go to Hell. (True, Sir). When you finally rise from Hell, you won't go straight to the human realm; you will go to the Animal realm. (True, Sir).

တိရစ္ဆာန်ဘုံ တက်ပြီးသကာလ တိရစ္ဆာန်ဆိုတာက ဒကာ ဒကာမတို့သိတဲ့အတိုင်း နိုင်ရာစားတွေ မဖြစ်ကြပေဘူး လား (ဖြစ်ပါတယ်ဘုရား) ကိုယ်ထူနိုင်ရင် ကိုယ်ကစားတာပဲ၊ သူက နိုင်ရင် (သူကစားတာပဲဘုရား)။

In the Animal realm, as you know, it is "survival of the fittest." (True, Sir). If you are strong, you eat others. If they are strong, (they eat us, Sir).

အဲဒီလို နိုင်ရာစားဘဝနဲ့ဆိုတော့ ပါဏာတိပါတကံတွေကလဲ မများဘူးလား (များပါတယ်ဘုရား) ပြန်ပြီး သကာလ ဒကာ ဒကာမတို့ နိုင်ရာစား အကုသိုလ်ကံကနေ တွန်းချလိုက်ပြန်တော့ ဦးခင်မောင် ငရဲပြန်ရောက်တယ် (မှန်လှပါဘုရား)။

Living this life of preying on others involves immense Killing (Panatipata) kamma. (It does, Sir). Because of this evil kamma from eating others, where will you go when you die? You will fall back into Hell. (True, Sir).

ဒါဖြင့် ငရဲကပြန်တက်-တိရစ္ဆာန်၊ တိရစ္ဆာန် နိုင်ရာစားက နေပြီးသကာလ ဘဝဆုံးသွားပြန်တော့လဲ ငရဲပြန်ကျ ပြန်ဆိုတော့ ဒကာ ဒကာမတို့ ပြန်တက်ခွင့် ဘယ့်နှယ်နေကြသလဲ (မရနိုင်ပါဘူးဘုရား)။

So, you rise from Hell to become an animal. As an animal, you prey on others, die, and fall back into Hell. What are your chances of coming back up? (We cannot come back up, Sir).

မရနိုင်တော့ဘူးတဲ့(မှန်ပါ့) မရနိုင်တော့ဘူးဆိုတာ သေချာပလား (သေချာပါတယ်ဘုရား) အဲဒီ သစ္စ သံယုတ်ပါဠိတော်မှာ လာတဲ့အတွက် ဒကာ ဒကာမတို့ ရထားတဲ့ ဘဝကလေးက လျှောမကျဖို့ အလွန်အရေးကြီးတယ် (မှန်လှပါဘုရား) ရ-ထားတဲ့ဘဝကလေးက (လျှောမကျဖို့ အလွန်အရေးကြီးပါတယ်) လျှောမကျဖို့ အလွန်အရေးကြီးနေ ပါပြီဆိုတာ ဉာဏ်ရောက်ကြပါ (မှန်ပါ့ဘုရား)။

It is impossible. (True, Sir). Are you certain? (We are certain, Sir). Because this is stated in the Sacca Samyutta Pali, it is critical that you do not let this current life slip away. (True, Sir). It is crucial not to slide back down. (True, Sir). You must realize with insight that it is urgent not to fall. (Yes, Sir).

ဒါဖြင့် ဒကာ ဒကာမတို့ အိုဘေး နာဘေး သေဘေးကလဲ နှိပ်စက်လို့၊ အိုဘေး နာဘေး သေဘေး နှိပ်စက်တဲ့ အလုပ်တွေ ထပ်ရှာနေကြလို့ ကတိယိမ်းသွားရင် ပြန်တက်ဖို့မရှိဘူး (မှန်ပါ့ဘုရား)။

The diseases of Aging, Sickness, and Death are oppressing you. If you keep seeking works that fuel these diseases, and you lose your footing, there is no coming back. (True, Sir).

အဲဒါကြောင့် ဘုန်းကြီးတို့ ဒကာ ဒကာမတွေ သစ္စာသိအောင် လုပ်ကြပေတော့လို့ ဒါမှပဲ ဒကာ ဒကာမတို့ လူ့ဘဝကနေပြီးသကာလ သောတာပန်, သကဒါဂါမ်, အနာဂါမ်, ရဟန္တာဖြစ်ပြီးသကာလ ဒုက္ခခပ်သိမ်း ကင်းငြိမ်းတဲ့ နိဗ္ဗာန်ကြီးမှာ အေးချမ်းသာယာစွာ နေကြပါတော့ (မှန်ပါ့ဘုရား) ဒီဘဝက အလျှောမခံကြနဲ့တော့နော် (မှန်လှပါ ဘုရား)။

Therefore, I urge you: Work to know the Truth (Sacca). Only then can you become a Stream Enterer (Sotapanna), a Once-Returner, a Non-Returner, or an Arahant, and dwell peacefully in Nibbana, free from all suffering. (True, Sir). Do not let this life slide away! (True, Sir).

ဒီဘဝက (အလျှောမခံပါနဲ့) အလျှောမခံကြပါနဲ့ အရှုံးမခံကြပါနဲ့ဆိုတာကိုဖြင့် သစ္စသံယုတ်ပါဠိတော်မှာ ဘုရားရှင်ကိုယ်တော်တိုင် ဟောထားသည် ဖြစ်လေသောကြောင့် တလုံးမှလည်း မလွဲတဲ့စကား ဖြစ်နေတယ်ဆိုတာ ဒကာဝ မှတ်မိပလား (မှတ်မိပါပြီဘုရား)။

The Buddha himself declared in the Sacca Samyutta that you must not let this opportunity slip or accept defeat. His words are never wrong. Do you remember this? (We remember, Sir).

ဒါဖြင့် ဒီအရင်းကို အရှုံးခံကြတော့မလား ဒကာ ဒကာမတို့ (မခံပါဘူးဘုရား) အားလုံး တရားတပွဲလုံးနော် မိဘ ဆွေမျိုး ဉာတကာ မတော်ဘူးသူမည်သည် မရှိလို့ တကယ်တမ်း ပြောနေတယ်ဆိုတာ ယုံကြည်ကြပါ(မှန်လှပါဘုရား)။

So, will you accept defeat regarding this capital you have? (No, Sir). I am speaking to the whole gathering—I have no relatives here to favor. I am telling you the absolute truth out of compassion. Believe this. (True, Sir).

ငရဲနဲ့ တိရစ္ဆာန်လှည့်ရုံပဲ

Cycling Between Hell and Animals

ကိုင်း-ဒါဖြင့် ဘုန်းကြီးတို့ ဒကာ ဒကာမတွေမှာ ဒီတခါတိမ်းသွားလို့ ကယ်မည့် ယူမည့် မဂ်တွေ မလာတော့ပါဘူး ဆိုလို့ရှိရင် မမျှော်လင့်ကြနဲ့တော့ ငရဲနဲ့ တိရစ္ဆာန်လှည့်ရုံပဲ (မှန်လှပါဘုရား) သဘောပါပလား (ပါ-ပါပြီ)။

If you miss this chance and the Path (Magga) that saves you does not appear, do not hope for anything else. You will merely rotate between Hell and the Animal realm. (True, Sir). Do you grasp this? (We do, Sir).

ဘာနဲ့ဘာ လှည့်နေမယ် (ငရဲနဲ့ တိရစ္ဆာန် လှည့်နေမယ်) ငရဲနဲ့တိရစ္ဆာန် လှည့်လည်ပြီးသကာလ နေရုံပဲ ဆိုတာဖြင့် ဦးခင်မောင် သေချာပလား (သေချာပါတယ်ဘုရား)။

What will you rotate between? (Hell and the Animal realm). You will just spin between these two. Is this clear? (It is clear, Sir).

ဒါကြောင့် ခင်ဗျားတို့က နောက်ဘဝဖြစ်ကြောင်းတွေကို လျှောက်ပြီးသကာလ ဒကာ ဒကာမတွေက တဏှာ ဥပါဒါန် ကံတွေ မဟုတ်တာတွေ လျှောက်ပြီးလုပ်နေကြမယ်ဆိုလို့ရှိရင်ဖြင့် ဒကာ ဒကာမတို့ နောက်ဘဝသည်ကားလို့ ဆိုရင် ဆက်မလာပေဘူးလား (လာပါတယ်ဘုရား)။

If you continue to perform deeds driven by Craving (Tanha), Clinging (Upadana), and Kamma that lead to future births, will the next existence not follow? (It will, Sir).

ထိုကဲ့သို့ ဆက်လာတော့ ဘယ်ဘဝလားမယ်လို့ သိကြရဲ့လား (မသိပါဘုရား) မသိကြတော့ “ပါပသ္မိံ ရမတေမနော” မနော=စိတ်သည်၊ ပါပသ္မိံ=မကောင်းမှု၌သာလျှင်၊ ရမတေ=မွေ့လျော်ပျော်ပိုက်၏လို့ ဓမ္မပဒက ဆိုထား သောကြောင့် စိတ်ကလဲ မကောင်းတဲ့ကံတွေချည်း ဖြစ်နေတော့ ဦးခင်မောင် အပါယ်ငရဲဘဲရောက်ကြမယ် (မှန်ပါ့ ဘုရား)။

When it follows, do you know what that existence will be? (We do not know, Sir). You don't know. The Dhammapada says, "Pāpasmiṃ ramate mano"—The mind delights in evil. Since the mind naturally inclines toward evil deeds, you will end up in the lower realms (Apaya/Hell). (True, Sir).

အပါယ်ငရဲရောက်လို့ ပြန်တက်တော့ တိရစ္ဆာန်ဘုံတဲ့၊ (မှန်လှပါဘုရား) တိရစ္ဆာန်ဘုံရောက်တော့ နောက် ဘာဖြစ်သတဲ့ (အပါယ်ငရဲ ပြန်ရောက်ပါတယ်) နိုင်ရာစားဖြစ်တဲ့အတွက် နိုင်ရာစား အကုသိုလ်ကံက ဘယ်ချလိုက် ပြန်သလဲ (အပါယ်ငရဲ ချလိုက်ပါတယ်ဘုရား)။

When you rise from Hell, you go to the Animal realm. (True, Sir). When you arrive there, what happens next? (We go back to Hell, Sir). Because you prey on others, that evil kamma throws you where? (It throws us back into Hell, Sir).

အပါယ်ငရဲက နှစ်စေ့လို့ တက်ပြန်တော့ ဘယ်ရောက်ပြန်သတုံး (တိရစ္ဆာန်ဘုံ ရောက်ပါတယ်) တိရစ္ဆာန်ဘုံ ရောက်တော့ ဘာအလုပ်-လုပ်ကြပါလိမ့် (နိုင်ရာစားအလုပ် လုပ်ပါတယ်ဘုရား) နိုင်ရာစားအလုပ် လုပ်ပြန်တော့ အောက်ပြန်ကျတယ်(မှန်ပါ့)။

When you serve your time in Hell and rise again, where do you go? (To the Animal realm, Sir). What do you do there? (We prey on others, Sir). And because of that? (We fall back down, Sir).

ဒါဖြင့် ဘယ့်နှယ်ဖြစ်နေသတုံးဆိုတဲ့ မေးခွန်းသည် ဒကာ ဒကာမတို့ အလွန်အရေးကြီးနေပါပေါ့ကလားဆိုတာ ပေါ်လာပါတယ် (ပေါ်လာပါတယ်ဘုရား)။

So, the question "What is happening to us?" reveals a terrifying urgency. (It does, Sir).

ဘယ့်နှယ် ဖြစ်နေသတုံးဆိုတဲ့မေးခွန်း မေးတဲ့အခါကျလို့ရှိရင် ဒကာ ဒကာမတို့ အင်မတန်မှ ချောမွေ့တဲ့ ဥပမာ ဟင်းချက်တဲ့ ဒန်ပေါက်ထမင်းတွေ ဘာတွေချက်တဲ့ မလိုင်သုတ်ထားတဲ့ အိုးတွေထဲမှာ အိမ်မြောင်တို့ ဘာတို့ ကျသွားမယ်ဆိုလို့ရှိရင် ဒကာ ဒကာမတို့ နှုတ်ခမ်းဝ ရောက်လိုက် ပြန်ကျလိုက်ပဲ (မှန်ပါ့ဘုရား) နှုတ်ခမ်းဝရောက်လိုက် (ပြန်ကျလိုက်ပါပဲ) အောက်ကပြန်တက်လို့ နှုတ်ခမ်းဝရောက်လိုက် (ပြန်ကျလိုက်ပါပဲဘုရား)။

It is like a lizard trapped in a pot coated with oil or cream. It tries to climb to the rim, but slips and falls back to the bottom. (True, Sir). It reaches the rim—(And falls back down). It climbs from the bottom to the rim—(And falls back down, Sir).

သစ္စာသိတဲ့မဂ် မလာသရွေ့

As Long as the Path Knowledge Does Not Arise

အဲ ဒီ ဒကာ ဒကာမတွေလဲ အခု ပြောလတ္တံ့ ဟောလတ္တံ့ဖြစ်တဲ့ သစ္စာသိတဲ့မဂ် မလာသရွေ့ ကာလပတ်လုံး ဒကာ ဒကာမတို့ တိရစ္ဆာန်ဘုံ ရောက်လိုက် ပြန်ကျလိုက် (မှန်ပါ့) ဒီက ကတိယိမ်းသွားရင်နော် (မှန်ပါ့ဘုရား)။

Similarly, as long as the Path Knowledge (Magga)—which I am about to explain—does not arise to realize the Truth, you will fall back down. You will reach the Animal realm, and then fall back to Hell. (True, Sir). If you slip from here, that is the cycle. (True, Sir).

အခု ဒါဖြင့် သစ္စာသိဖို့အရေးဟာ အလွန်ကြီးမလာဘူးလား (လာပါတယ်ဘုရား)။

Doesn't the importance of knowing the Truth become immense? (It does, Sir).

အေး ဒါကြောင့် ဒါသိပြီးလို့ရှိရင်ဖြင့် မဂ်ဉာဏ်နဲ့ အတိအလင်း သိပြီးလို့ရှိရင်ဖြင့် ဘာမှမပူကြနဲ့တော့ (မှန်ပါ့ဘုရား) သဘောပါကြလား (ပါပါတယ်ဘုရား)။

Once you know it—once you realize it clearly with Path Knowledge—you need not worry anymore. (True, Sir). Do you understand? (Yes, Sir).

ကိုင်း-ဒါဖြင့် သေသေချာချာသာ မှတ်ကြပေတော့ သစ္စာသိတရားကိုပဲ အစေလကဿပဝတ္ထုနှင့် သေသေချာချာ ကပ်ပြီးသကာလ ဒကာ ဒကာမတွေ ရှင်းသထက်ရှင်း လင်းသထက်လင်းအောင် ပြောပါတော့မယ်နော် (မှန်ပါ့ဘုရား)။

Now, mark this well. I will explain the Truth using the story of Acela Kassapa so that it becomes clearer and clearer to you. (Yes, Sir).

မမေ့ကြနဲ့ ဒကာ ဒကာမတွေ အဝိဇ္ဇာသင်္ခါရကြောင့် ဒါက အဝိဇ္ဇာ၊ ပြုပြင်တာက သင်္ခါရ (စက်ဝိုင်းကိုပြသည်) ဦးခင်မောင်ရေ မသိတာက (အဝိဇ္ဇာပါဘုရား) ပြုပြင်တာက (သင်္ခါရပါဘုရား)။

Do not forget. Because of Ignorance (Avijja) and Formations (Sankhara)... (Sayadaw points to the diagram). Not knowing is—(Ignorance, Sir). The act of forming or doing is—(Formations, Sir).

ဪ ရှေးဘဝက ကျုပ်တို့သည် သစ္စာလေးပါး မသိတာက အဝိဇ္ဇာ (မှန်လှပါ) သစ္စာလေးပါး မသိလို့ ပြုချင်သလိုပြုတာက ဘာပါလိမ့် (သင်္ခါရပါဘုရား)။

In the past life, not knowing the Four Noble Truths was Ignorance. (True, Sir). Because you didn't know, you acted as you pleased. What is that? (Formations, Sir).

ဪ ဒါကြောင့် “အဝိဇ္ဇာပစ္စယာ သင်္ခါရာ” လို့ ဆိုလိုက်တယ်၊ မသိခြင်းကြောင့် မသိသလိုပြုလုပ်တယ်၊ ပြုလုပ်ခြင်းကြောင့် ဒီဘက်က ဒကာ ဒကာမတွေ ဒီနေ့ ပဋိစ္စသမုပ္ပါဒ်က ခန္ဓာငါးပါးပေါ်လာတယ် (မှန်လှပါဘုရား)။

So we say, "Avijjā paccayā saṅkhārā"—Because of Ignorance, you acted. Because of that acting, the Five Aggregates of Dependent Origination appear in this life. (True, Sir).

ဒီ ခန္ဓာငါးပါးက ဒကာ ဒကာမတွေ သိတဲ့အတိုင်းတဲ့ ပဋိစ္စသမုပ္ပါဒ်က ခန္ဓာငါးပါး ပေါ်လာတယ် (မှန်လှပါ ဘုရား) မသိတာက (အဝိဇ္ဇာပါဘုရား)၊ ပြုပြင်တာက (သင်္ခါရပါဘုရား) အင်း ပြုပြင်လို့ ပေါ်လာတာက (ခန္ဓာငါးပါးပါဘုရား)။

Because of Ignorance (Avijja) and Formations (Sankhara), the Five Aggregates arose. (True, Sir). Not knowing is—(Ignorance, Sir). Acting is—(Formations, Sir). And what appeared because of that acting? (The Five Aggregates, Sir).

ခန္ဓာငါးပါးဟာ ဒုက္ခသစ္စာ

The Five Aggregates are the Truth of Suffering

ဪ ဒီခန္ဓာငါးပါးဟာ ဘာသစ္စာပါလိမ့် (ဒုက္ခသစ္စာပါဘုရား) ဦးခင်မောင် ဘာသစ္စာတဲ့ဗျာ (ဒုက္ခသစ္စာပါဘုရား) ဪ ဒကာ ဒကာမတို့ အလိုလိုပေါ်တာလားလို့ ကြည့်လိုက်တဲ့အခါကျတော့ မသိတဲ့အဝိဇ္ဇာ၊ မသိလို့ပြုပြင်တဲ့ သင်္ခါရကြောင့် ခန္ဓာငါးပါး ဒုက္ခသစ္စာတရားကြီး ဘွားကနဲပေါ်လာတော့ (မှန်လှပါဘုရား) ဘာသစ္စာပါ လိမ့် (ဒုက္ခသစ္စာပါဘုရား)။

What Truth is this Five Aggregates? (It is the Truth of Suffering (Dukkha Sacca), Sir). What Truth did you say it is? (Dukkha Sacca, Sir). When you look at whether it appeared without cause, you see: Because of the Ignorance that did not know, and the Formations that acted out of not knowing, this great mass of Dukkha Sacca—the Five Aggregates—suddenly appeared. (True, Sir). What Truth is it? (Dukkha Sacca, Sir).

အင်း ဒုက္ခသစ္စာ ပေါ်လာတယ် ဒကာ ဒကာမတို့ ရိပ်မိကြပလား (ရိပ်မိပါပြီဘုရား) မသိတာက (အဝိဇ္ဇာပါဘုရား) မသိလို့ ပြုပြင်လိုက်ပြန်တော့ (သင်္ခါရပါဘုရား) သင်္ခါရကြောင့် ယခု ဒကာ ဒကာမတွေ ဘာဖြစ်နေရ သတုံး (ခန္ဓာငါးပါး ဖြစ်နေပါတယ်) ခန္ဓာငါးပါး ဒုက္ခသစ္စာတရား ဖြစ်နေကြတယ်(မှန်ပါ့)။

Dukkha Sacca has appeared. Do you see it? (We see it, Sir). Not knowing is—(Ignorance, Sir). Because you didn't know, you acted—(Formations, Sir). Because of Formations, what are you now? (We are the Five Aggregates, Sir). You are the Five Aggregates, the Truth of Suffering. (True, Sir).

ဒါကြောင့် ဒီထဲမှာ ခုနကပြောခဲ့တဲ့ ဦးခင်မောင်တို့ ဒကာဝတို့ကြည့် ဇာတိ ဇရာ မရဏ ပါနေတယ် (ပါ-ပါတယ်ဘုရား) သေမင်းတွေကော (ပါ-ပါတယ်ဘုရား) သေမင်းတွေ ဇာတိ ဇရာ မရဏ ပါနေခြင်းကြောင့် သူ့ကို ဒုက္ခသစ္စာ ဆိုလိုက်ရပါတယ် (မှန်ပါ့ဘုရား) သဘောပါကြလား (ပါ-ပါပြီ)။

Look at this section (on the chart). It contains Birth (Jati), Aging (Jara), and Death (Marana). (It does, Sir). Are the agents of death included? (They are included, Sir). Because it contains Birth, Aging, and Death, we call it the Truth of Suffering (Dukkha Sacca). (True, Sir). Do you grasp this? (We do, Sir).

ဪ ဒါဖြင့် ဒကာ ဒကာမတို့ ဒီဥစ္စာက လွန်ခဲ့တဲ့ ၁-နံပါတ် အတိတ်ဘဝ (မှန်ပါ့) ဒါက ဘာပါလိမ့် (အတိတ်ဘဝပါ) ဪ ဒကာ ဒကာမတို့ အတိတ်က သစ္စာလေးပါးမသိခဲ့လို့ ပြုချင်သလို ပြုခဲ့ကြတဲ့အတွက် ယခုဖြင့် ကြုံချင်သလိုကြုံရတဲ့ အိုဘေး နာဘေး သေဘေးအဖြစ်နဲ့ ဒုက္ခသစ္စာကြီး ရထားတယ် (ရထားပါတယ်ဘုရား)။

This represents separate sections. This is Number 1: The Past Life. (True, Sir). What is this? (The Past Life). Because you did not know the Four Noble Truths in the past and acted according to your whims, you have now obtained this great Truth of Suffering, filled with Aging, Sickness, and Death. (We have obtained it, Sir).

ဒုက္ခသစ္စာကြီး ရထားတယ်

You Have Obtained a Great Mass of Suffering

အိုဘေး နာဘေး သေဘေးအဖြစ်နဲ့ ဘာရတုံး (ဒုက္ခသစ္စာကြီး ရထားပါတယ်ဘုရား) ဒုက္ခသစ္စာကြီး ရတယ်၊ ဦးခင်မောင် ရှင်းပြီနော် (ရှင်းပါပြီ)။

What do you really possess in the form of the dangers of aging, sickness, and death? (We possess the Truth of Suffering, Sir). Indeed, you possess the great Truth of Suffering (Dukkha Sacca). Is this clear, U Khin Maung? (Yes, it is clear, Sir).

ကောင်းပြီ ဒီခန္ဓာငါးပါးကြီးဟာ အိုဘေး နာဘေး သေဘေး အပြည့်အစုံ ၉၆-ပါးရောဂါ အပြည့်အစုံနဲ့ ဒကာ ဒကာမတို့ သိတဲ့အတိုင်းတဲ့ ဒုက္ခသစ္စာတရားကြီးကိုယ်ပိုင် လှလှကြီးရပြီး ဒါကြီးနဲ့ အခု နေကြရတယ် (မှန်ပါ့ဘုရား) ဘာနဲ့ နေကြရတာပါလိမ့် ဒကာ ဒကာမတွေ (ဒုက္ခသစ္စာကြီးနဲ့ နေကြရပါတယ်ဘုရား)။

Good. These Five Aggregates come complete with aging, sickness, and death, along with many diseases. As you Yogis well know, you have inherited this massive Truth of Suffering as your very own, and now you must live with it. (True, Sir). What are you living with, Yogis? (We are living with the Truth of Suffering, Sir).

ဒုက္ခသစ္စာကြီးနဲ့ နေကြရတာ ဒကာဝရေ-အဝတ်မဖုံးဘဲလဲ မရဘူး (မရပါဘူးဘုရား) အဝတ်မဖုံးရင် မဖုံး သလောက် ဖောက်ပြန်တတ်တယ် (မှန်ပါ့ဘုရား) ဖုံးလွန်းရင် ဖုံးလွန်းလို့ (ဖောက်ပြန်ပါတယ်ဘုရား)။

Living with this Truth of Suffering is a burden, Daka Wa. You cannot go without clothing. (No, we cannot, Sir). If you don't cover it, the body is afflicted by the elements. (True, Sir). If you cover it too much? (It is afflicted again, Sir).

ထမင်းမကျွေးရင် မကျွေးလို့ (ဖောက်ပြန်ပါတယ်ဘုရား) တခါကျွေးပြန်ရင်လဲ မတည့်လို့ (ဖောက်ပြန်ပါတယ် ဘုရား) ဘာသစ္စာကြီးပါလိမ့် (ဒုက္ခသစ္စာကြီးပါဘုရား) ဒါဖြင့် “ဝိပရိဏာမ လက္ခဏံ ဒုက္ခသစ္စံ” (မှန်လှပါဘုရား)။

If you don't feed it? (It suffers, Sir). If you feed it and the food disagrees with it? (It suffers again, Sir). What Truth is this? (It is the Truth of Suffering, Sir). Therefore, it is called "Vipariṇāma lakkhaṇaṃ Dukkha saccaṃ"—the suffering caused by constant change. (True, Sir).

အဲ အဝတ်မဖုံးလဲ ဖောက်ပြန်တယ် (မှန်လှပါ) ဖုံးပြန်တော့လဲ (ဖောက်ပြန်ပါတယ်) မကျွေးပြန်တော့လဲ (ဖောက်ပြန်ပါတယ်) ကျွေးပြန်တော့လဲ (ဖောက်ပြန်ပါတယ်ဘုရား) ရေမချိုးဘဲနေပြန်တော့လဲ (ဖောက်ပြန်ပါတယ် ဘုရား) ချိုးပြန်တော့လဲ (ဖောက်ပြန်ပါတယ်ဘုရား)။

Look at it. If you don't clothe it, it is afflicted. (True, Sir). If you clothe it? (It is afflicted). If you don't feed it? (It is afflicted). If you feed it? (It is afflicted, Sir). If you don't bathe? (It is afflicted, Sir). If you bathe? (It is afflicted, Sir).

ဒါဖြင့် “ဝိပရိဏာမ လက္ခဏံ ဒုက္ခသစ္စံ” (မှန်ပါ့ဘုရား) ဒီခန္ဓာကြီးဟာဖြင့် ဘာကြီး ရ-ထားပါလိမ့်မယ် (ဒုက္ခသစ္စာကြီး ရ-ထားပါတယ်ဘုရား)။

Thus, it confirms the characteristic of Change as Suffering (Vipariṇāma Dukkha). (True, Sir). What have you obtained in this body? (We have obtained the Truth of Suffering, Sir).

ဒုက္ခသစ္စာကြီး ရ-ထားတော့ ဒကာ ဒကာမတို့ ဘယ့်နှယ်ကြောင့် ဒီဒုက္ခသစ္စာကြီးနဲ့ ကျုပ်တို့သည် အတူတကွ နေရပါလိမ့်မလဲမေးတော့ ရှေးဘဝက-မသိလို့၊ မသိတော့ ပြုချင်တာပြုခဲ့ကြတယ် (မှန်ပါ့ဘုရား)။

Since you possess this Truth of Suffering, why must we live together with it? If you ask this, it is because you did not know in your past lives. Because of ignorance, you acted according to your desires. (True, Sir).

ပြုချင်တာပြုခဲ့ကြတာ ယခု “ဝိပရိဏာမ လက္ခဏံ ဒုက္ခသစ္စံ” ဖောက်ပြန်တတ်တဲ့ ဒုက္ခသစ္စာကြီး ကျုပ်တို့ ကိုယ်ပိုင်ရနေတယ် (မှန်လှပါဘုရား) သဘောကျပလား (ကျပါပြီ)။

Because you acted on impulse then, you now possess this Truth of Suffering, which is characterized by constant change and deterioration. (True, Sir). Do you grasp this? (Yes, we do, Sir).

ဘာကြီးနဲ့ ကိုယ်ပိုင် ရ-ပါလိမ့် (ဖောက်ပြန်တတ်တဲ့ ဒုက္ခသစ္စာကြီးနဲ့ ကိုယ်ပိုင်ရပါတယ်)။

What have you obtained as your own? (We have obtained the deteriorating Truth of Suffering).

ဖောက်ပြန်တတ်တဲ့ ဒုက္ခသစ္စာကြီးနဲ့ ဒကာ ဒကာမတွေ ကိုယ်ပိုင်ကိုယ်ဆိုင်အဖြစ်နဲ့ပဲ ခွဲလို့မရ ဖြေလို့မရ ဖြုတ်လို့မရ ဆိုတာကြီးနဲ့ ကျုပ်တို့ဖြင့် ဝိပါကဝဋ်သင့်နေပြီ၊ (မှန်ပါ့ဘုရား) သဘောကျပလား (ကျပါပြီ)။

You cannot separate from it, you cannot untie it, and you cannot remove it. You are now inextricably bound to this deteriorating Truth of Suffering. We are now caught in the Round of Results (Vipāka-vaṭṭa). (True, Sir). Do you see it? (Yes, we do, Sir).

ဒုက္ခတွေနဲ့ လုံးလည်ခတ်နေပါပြီ

Tumbling in Suffering

ဘာဝဋ် သင့်နေသလဲ (ဝိပါကဝဋ် သင့်နေပါတယ်) ဝိပါက-သဒ္ဒါက အကျိုးပေး၊ ဝဋ္ဋသဒ္ဒါက လုံးတယ် (မှန်ပါ့) အကျိုးပေး လုံးလည်ခတ်နေပြီ (မှန်ပါ့ဘုရား)။

Which Round are you caught in? (We are caught in the Round of Results, Sir). Vipāka means "result," and Vaṭṭa means "round" or "circling." The results are circling you; you are tumbling in the cycle of results. (True, Sir).

အကျိုးပေး ဘယ့်နှယ်တုံး (လုံးလည်ခတ်နေပါတယ်ဘုရား) ဒုက္ခတွေနဲ့ လုံးလည်ခတ်နေပါပြီ တဲ့ (မှန်ပါ့ ဘုရား) ဒကာသစ် ဘာတဲ့ဗျာ (ဒုက္ခသစ္စာတွေနဲ့ လုံးလည်ခတ်နေပါပြီ)။

How is the result treating you? (It is tumbling us around, Sir). You are tumbling amidst suffering. (True, Sir). New Daka, what is happening? (We are tumbling amidst the Truth of Suffering).

ဒုက္ခတွေနဲ့ လုံးလည်ခတ်နေတော့ ဝိပါက-က အကျိုး၊ ဝဋ္ဋက အလုံး၊ အကျိုးပေး လုံးလည်ခတ်ပြီး ဒုက္ခတွေ လုံးလည်ခတ်နေပါပေါ့လား ဒကာ ဒကာမတို့ (မှန်လှပါဘုရား)။

So, the result is the Round, and the Round is the result. You are tumbling in the results, which means you are tumbling in suffering. Is that not so, Yogis? (It is, Sir).

ဒါ့ကြောင့် ပဋိစ္စသမုပ္ပါဒ် ဒေသနာတော်ကြီးမှာ ကြည့်လိုက်တဲ့အခါကျတော့ (စက်ဝိုင်းပြသည်) ဟောဒီ အဝိဇ္ဇာက ကိလေသာဝဋ် (မှန်လှပါဘုရား) ဟောဒီနှစ်ခုက ကမ္မဝဋ်၊ ဟောဒါကြီးက ဝိပါကဝဋ် (မှန်ပါ့) ပေါ်လာပြီ ဒကာ ဒကာမတို့ (ပေါ်လာပြီ)။

Therefore, when we look at the teaching of Dependent Origination (Sayadaw points to the Wheel Chart): Here, Ignorance (Avijjā) is the Round of Defilements (Kilesa-vaṭṭa). (True, Sir). These two represent the Round of Action (Kamma-vaṭṭa). And this large section here is the Round of Results (Vipāka-vaṭṭa) has appeared. (It has appeared, Sir).

အဝိဇ္ဇာက ဘာတဲ့ဗျာ (ကိလေသဝဋ်ပါဘုရား) သင်္ခါရကဘာတဲ့ (ကမ္မဝဋ်ပါဘုရား) ခန္ဓာငါးပါးက (ဝိပါကဝဋ်ပါဘုရား) ဪ ဒကာ ဒကာမတွေဟာ ဝဋ်ကောင်တွေပါကလား (မှန်ပါ့ဘုရား)။

What is Avijjā? (It is the Round of Defilements, Sir). What are Saṅkhāras? (They are the Round of Action, Sir). What are the Five Aggregates? (They are the Round of Results, Sir). Oh, look at yourselves! You Yogis are merely creatures of the Round! (True, Sir).

ဒီဒကာ ဒကာမတွေဟာ ဒကာ ဒကာမတွေလား ဝဋ်တွေလား (ဝဋ်တွေပါဘုရား) ဘာသစ္စာတုံး (ဒုက္ခသစ္စာပါဘုရား) ဝဋ္ဋဒုက္ခသစ္စာတွေ (မှန်ပါ့ဘုရား) ဒကာဝရေ အရ တော်သလား၊ အရ ဆိုးသလား (အရ ဆိုးပါတယ်ဘုရား)။

Are you people, or are you just these Rounds? (We are just Rounds, Sir). What Truth is this? (It is the Truth of Suffering, Sir). It is the Truth of Suffering of the Round. (True, Sir). Daka Wa, is this an acquisition to be proud of, or a terrible acquisition? (It is a terrible acquisition, Sir).

အရဆိုးလို့ရှိရင်ဖြင့် ဒကာ ဒကာမတို့ ဇာတ်သိမ်းမှ တော်မလား ဒါမျိုး ထပ်ရပြီးမှ တော်မလားဆိုတာ အကဲခတ်ကြစမ်း (ဇာတ်သိမ်းမှတော်မှာပါဘုရား) ဇာတ်သိမ်းမှ တော်မနော် (မှန်ပါ့ဘုရား)။

If it is so terrible, judge for yourselves: Is it better to end this drama naturally, or to take up another role and repeat it? (It is better to end the drama, Sir). You must end the drama. (True, Sir).

ဘုန်းကြီးတို့ ဒကာ ဒကာမတွေ ဘယ်လိုဆုံးမပါလိမ့် (ဇာတ်သိမ်းမှ တော်ပါမယ်ဘုရား) ဇာတ်သိမ်းမှတော် မယ်ဆိုတာဖြင့် ကောင်းကောင်း သဘောကျပြီနော် (ကျပါပြီဘုရား)။

How do I instruct you? (To end the drama, Sir). Do you fully agree that the drama must end? (Yes, we do, Sir).

ကောင်းပြီ ဇာတ်သိမ်းမှ တော်မယ်ဆိုသော်ငြားလဲ ဒကာ ဒကာမတွေက ဒီခန္ဓာကြီးကို ကျွေးချင်တဲ့ ခန္ဓာကြီးခင် တဲ့ တဏှာက လာပြန်တယ် (မှန်ပါ့ဘုရား) ခန္ဓာကြီးစားချင်တယ် ဝတ်ချင်တယ် လှချင်တယ် ပချင်တယ်ဆိုတဲ့ တဏှာက မလာဘူးလား (လာပါတယ်ဘုရား)။

Good. Even though you say the drama must end, the Craving (Taṇhā) that loves this body returns. (True, Sir). Does the craving not arise, saying, "I want to feed this body, I want to dress it, I want to be beautiful, I want to be plump"? (It arises, Sir).

အဲဒါဟာ ဝိပါကဝဋ်ထဲက ကိလေသဝဋ် ထပ်ပေါက်ပွားတာ (မှန်လှပါဘုရား) ဝိပါကဝဋ်ထဲက (ကိလေသ ဝဋ် ထပ်ပေါက်ပွားတာပါ)။

That is the Round of Defilements (Kilesa-vaṭṭa) sprouting anew from the Round of Results (Vipāka-vaṭṭa). (True, Sir).

ကိလေသဝဋ် ထပ်ပေါက်ပွားတာ

Defilements Sprouting Anew

ဪ ဒါကြောင့် ခင်ဗျားတို့ အလုပ်အမျိုးမျိုးလုပ်ကြတာ ဘာလုပ်ကြတာပါလိမ့်မတုံး ၊ ရောင်းကြတာ ဝယ်ကြတာ လခစားလုပ်ကြတာတွေ ဘာလိုချင်လို့တုံးဆိုတော့ ခန္ဓာကြီးခင်လွန်းလို့ ကျွေးချင်မွေးချင်လို့ ငွေရှာတဲ့ တဏှာပေါ်ပေါက်တယ် (မှန်လှပါဘုရား)။

Oh, consider all the various jobs you do—selling, buying, working for a salary. Why do you do these things? It is because you love this body so much; you want to feed and nurture it, so the craving to make money arises. (True, Sir).

ဒါကြောင့် ဒီခန္ဓာကြီးထဲက အခု ဘာတွေများ သီးပွင့်ပေါ်ပေါက်လာပါလိမ့်မလဲ အကဲခတ်စမ်း (ကိလေသာ ဝဋ် ပေါ်ပေါက်ပါတယ်ဘုရား)။

Therefore, watch carefully what blooms from this body now. (The Round of Defilements blooms, Sir).

ခက်လိုက်တာ နဂိုကကိုက ကိလေသဝဋ်ကြောင့် ဒီဝဋ်မှ မကျွတ်သေးခင်က ဝဋ်မြစ်တစ်ခု ပေါက်ပြန်ပြီဆိုတော့ ကိုယ်ကျိုးဖြင့် လှလှကြီးနည်းပြီ (နည်းပါပြီဘုရား) မနည်းသေးဘူးလား (နည်းပါတယ်ဘုရား)။

How difficult this is! You haven't even escaped the current Round caused by past Defilements, and yet a new root for the Round is already sprouting. You are suffering a massive loss. (We are, Sir). Is it not a loss? (It is a loss, Sir).

ဉာဏ်နားနဲ့ ထောင်ကြ၊ ဉာဏ်နားနဲ့ ထောင်ကြ ဒကာ ဒကာမတို့ (မှန်ပါ့ဘုရား) ဉာဏ်နားနဲ့ထောင်ကြ ကိုယ့် အဖြစ်ကဖြင့် မသိရင်မသိသလို ဆိုးဝါးနေတာဆိုတာဖြင့် ပေါ်လောက်ပါပြီ (ပေါ်ပါပြီဘုရား) မသိ-မသိသလို ဘာဖြစ်သလဲ (ဆိုးဝါးပါတယ်ဘုရား)။

Listen with your Wisdom Ear! Listen with wisdom, Yogis. (Yes, Sir). If you do not understand your own situation, it becomes obvious that you are in a perilous state. (True, Sir). Ignorance leads to what? (It leads to a perilous state, Sir).

ဆိုးဝါးပြီးသကာလနေတယ်၊ ကြည့်စမ်း-ဝိပါကဝဋ်ထဲက ဘာတွေများ ပေါက်ပွားနေပါလိမ့်-(ကိလေသဝဋ် ပေါက်ပွားနေပါတယ်ဘုရား)။

You are living in this perilous state. Look! What is sprouting from the Round of Results? (The Round of Defilements is sprouting, Sir).

ခန္ဓာကြီးခင်တဲ့ တဏှာကြောင့် ခန္ဓာကြီးစွဲလမ်းတဲ့ ဥပါဒါန်ဆိုတော့ ဦးခင်မောင်တို့ ဒကာဝတို့ ကိလေသဝဋ် နှစ်ခုကို ရောက်လာပြီ (ရောက်လာပါပြီဘုရား)။

Because of the Craving (Taṇhā) that loves the body, Clinging (Upādāna) arises. Now, U Khin Maung and Daka Wa, you have arrived at two factors of the Round of Defilements. (Yes, we have, Sir).

အဲဒီတော့ ကာယကံ ဝစီကံနဲ့ ရောင်းဟဲ့ဝယ်ဟဲ့ဆိုတဲ့ ကာယကံ ဝစီကံတွေ လာရမှာလား မလာရဘူးလား (လာရမှာပါဘုရား) ရော ခက်နေပြီ ခက်နေပြီ ဒကာ ဒကာမတို့ ကိလေသဝဋ်ကြောင့် ကမ္မဝဋ်လုပ်ပြန်ပြီ (မှန်ပါ့ဘုရား)။

Then, doesn't Physical Action (Kāyakamma) and Verbal Action (Vacīkamma) follow? "Sell this! Buy that!" (They follow, Sir). Oh, this is trouble. Real trouble, Yogis. Because of the Round of Defilements, you are performing the Round of Action (Kamma-vaṭṭa) again. (True, Sir).

ဟ ဘယ်ထဲက ပေါက်ပွားလာတာပါလိမ့်မတုံး (ကိလေသဝဋ်ထဲက ကမ္မဝဋ်ပေါက်ပွားပါတယ်ဘုရား) လုံးလည်ခတ်နေပြီ (ခတ်နေပါပြီဘုရား) ဘယ့်နှယ်ဖြစ်နေကြသတုံး (လုံးလည်ခတ်နေပါတယ်ဘုရား)။

Ha! Where did this spring from? (The Round of Action sprang from the Round of Defilements, Sir). It is tumbling over and over. (It is, Sir). What is happening? (It is tumbling around, Sir).

လုံးလည်ခတ်နေပြီဆိုတာကို ဘုန်းကြီးမှ ဖော်မပြောလို့ရှိရင် ဒကာ ဒကာမတို့က အို ကျုပ်လုပ်နေတာ အကောင်းလို့ ဆိုလိမ့်မယ် (မှန်ပါ့)။

If I do not expose this "tumbling" nature, you will claim, "Oh, what I am doing is good and proper." (True, Sir).

သူများလဲ ရောင်းဝယ်ဖောက်ကား စားသောက်နေကြတာပဲ၊ သူများလဲ ပြောဆိုနေကြတဲ့ ဝစီကံ၊ သွားလာနေကြ တဲ့ ကာယကံနဲ့ဘဲ သူတို့လဲ လိုချင်ရချင်လို့ သွားကြတာပဲ၊ ကျုပ်တို့လဲ လိုချင်ရချင်လို့ သွားတာပဲ၊ ဘယ်သူ့အတွက်တုန်း- အစ်ကိုကြီးတို့ ကျုပ်တို့ စားဖို့ (မှန်ပါ့ဘုရား) ဟောဒါ ကျုပ်သမီးတွေ စားဖို့၊ ဟောဒါ ကျုပ်သားတွေ လူလားမြောက် ဖို့ (မှန်ပါ့ဘုရား)။

You will say, "Everyone else is buying and selling. Everyone else is using their speech and body to get what they want. I am just doing the same. Who is it for? It is for us to eat! It is for my daughters to eat! It is for my sons to grow up!" (True, Sir).

ဒီခန္ဓာကြီးကြောင့်ပဲ ကိလေသဝဋ်လာတယ်

The Body is the Source of Defilement

ဒီခန္ဓာကြီးကြောင့်ပဲ ကိလေသဝဋ် မလာဘူးလား (လာပါတယ်ဘုရား) ကိလေသဝဋ်ကြောင့် ကာယကံ ဝစီကံနဲ့ နံနက်မိုးလင်း ဆိုင်ရာဆိုင်ရာ သွားကြ လာကြမရှိဘူးလား (ရှိပါတယ်ဘုရား) ပြောကြတဲ့ ဝစီကံရော (ရှိပါတယ် ဘုရား)။

Isn't it because of this very body that the Round of Defilements arises? (It is, Sir). Because of the Defilements, isn't there physical going and coming from dawn till dusk? (There is, Sir). And verbal actions too? (Yes, Sir).

အင်း ကာယကံနဲ့ လှုပ်လှုပ်ရှားရှား ကားရှိ-ကားနဲ့သွားလို့၊ ကားမရှိရင်လဲ ခြေလျင်သွားလို့၊ ဒါတွေက ကံမြောက်တာတွေ မဟုတ်သေးဘူးလား (ဟုတ်ပါတယ်ဘုရား)။

Indeed. Moving about physically—if you have a car, you go by car; if not, you go on foot. Are these not the formation of Kamma? (They are, Sir).

ကဲ စုတေမနေ သေလွန်တော့ ဒကာ ဒကာမတို့ စဉ်းစားကြဦးတော့ ဝိပါကဝဋ်ဆိုတော့ ခန္ဓာငါးပါး လာပြန် တယ် (မှန်ပါ့ဘုရား) ဘာ လာပြန်သလဲ (ဝိပါကဝဋ်လာပါတယ်)။

Now, consider this: when you pass away (Cuti), the Round of Results returns in the form of the Five Aggregates. (True, Sir). What returns? (The Round of Results returns, Sir).

ခက်ပြီ ခက်ပြီ ဒကာ ဒကာမတို့ ဟောဒီမှာ အတိတ်ဘဝက ကိလေသဝဋ် ကမ္မဝဋ်ကြောင့် ပစ္စုပ္ပန်ဘဝမှာ ဝိပါကဝဋ်ကြီး ပေါ်နေတယ် (မှန်ပါ့ဘုရား) ရှင်းပလား (ရှင်းပါပြီ)။

Trouble, Yogis! Real trouble. Look here: Because of the Round of Defilements and Action in the past life, the massive Round of Results has appeared in the present life. (True, Sir). Is that clear? (Yes, Sir).

ဝိပါကဝဋ်က ဘာတွေ ပေါက်ပွားပြန်သလဲ စဉ်းစားစမ်း (ကိလေသဝဋ်ပေါက်ပွားတယ်ဘုရား) ကိလေသဝဋ် နဲ့ ကမ္မဝဋ် လာ-ပေါက်ပွားတယ် (မှန်ပါ့ဘုရား) သဘောကျပလား (ကျပါပြီ) ကိလေသဝဋ်နဲ့ (ကမ္မဝဋ် လာ-ပေါက်ပွားပါတယ်)။

And what sprouts from this Round of Results? Think about it. (The Round of Defilements sprouts, Sir). Defilements and Actions come and sprout again. (True, Sir). Do you see it? (Yes, we do, Sir).

ကဲ စုတေမနေ သေလွန်တော့ တခုသောဘဝမှာ ခန္ဓာငါးပါး ရဦးမယ် (မှန်ပါ့) မရပေဘူးလား (ရပါ တယ်ဘုရား) အဲဒါက ဘာလုပ်ကြမယ် ထင်သတုံး (ဝိပါကဝဋ်ပါဘုရား)။

When you die, you will acquire the Five Aggregates in another existence. (True, Sir). Will you not? (We will, Sir). What do you think that is? (It is the Round of Results, Sir).

ဒီဝိပါကဝဋ်ကလဲ အငြိမ်နေမည့် ဝိပါကဝဋ်လား မေးပါဦး-(မနေပါဘူးဘုရား) လာလိမ့်ဦးမယ်၊ ဒီ သူ့ခန္ဓာ စီစဉ်တဲ့ တဏှာ ဥပါဒါန်ကံတွေက မလာပေဘူးလား (လာပါတယ်ဘုရား) လာရင် ဟိုဘက်မှာ ဘာဝဋ် လာဦးမယ် ထင်သတုံး(ဝိပါကဝဋ်လာပါဦးမယ်ဘုရား)။

And will this Round of Results sit still? (No, Sir). It will come again. The Craving, Clinging, and Kamma that arrange the body will return. (They will, Sir). If they return, what Round comes next? (The Round of Results will come again, Sir).

ဂျာအေး သူ့အမေရိုက်

A Never-Ending Vicious Cycle

ကမ္မဝဋ်ပြီးတော့ ဝိပါကဝဋ်တွေ မဆက်ပေဘူးလား (ဆက်ပါတယ်ဘုရား) ကိုင်း-ဂျာအေး သူ့အမေရိုက်ပါ လို့ မှောင်မိုက်မှာတဲ့ငို ဖြစ်ကုန်ပြီ (မှန်လှပါဘုရား) ဒကာ ဒကာမတို့ ဆုံးကိုမဆုံးတော့ဘူး၊ ဆုံးပါ့မလား (မဆုံးပါ ဘူးဘုရား)။

After the Round of Action, doesn't the Round of Results follow? (It follows, Sir). It has become a never-ending vicious cycle. You are lost in the dark, crying. (True, Sir). Yogis, it never ends. Will it ever end? (No, Sir).

ကိုင်း ဒါဖြင့် ဝဋ်သုံးပါး လည်ပုံဖြင့် ဒကာ ဒကာမတို့ ယနေ့ရှင်းပါပြီ (မှန်လှပါဘုရား) ဟောဒီကိလေသဝဋ် ကမ္မဝဋ်ကြောင့် ဘာဖြစ်သတုံး (ဝိပါကဝဋ် ဖြစ်ပါတယ်ဘုရား) ဝိပါကဝဋ်ထဲက ဘာဝဋ်တွေ ပေါက်ပွားလာသတုံး (ကိလေသဝဋ်နဲ့ ကမ္မဝဋ်ပါဘုရား)။

So, today it is clear to you how the Three Rounds revolve. (Yes, Sir). Because of the Rounds of Defilements and Action, what happens? (The Round of Results arises, Sir). From the Round of Results, what sprouts? (The Rounds of Defilements and Action, Sir).

ကိလေသဝဋ် ကမ္မဝဋ်တွေ ပေါက်ပွားလာသောကြောင့် အနာဂတ် ဘာတွေ ရပြန်သတုံး (ဝိပါကဝဋ်တွေ ရပြန်ပါတယ်ဘုရား) အနာဂတ်ဝိပါကဝဋ်ထဲကလဲ ဘာတွေ ပေါက်ပွားမယ် ထင်သတုံး (ကိလေသဝဋ် ကမ္မဝဋ်တွေ ပေါက်ပွားပါတယ် ဘုရား)။

Because Defilements and Actions sprout, what do you get in the future? (We get the Round of Results again, Sir). And from that future Round of Results, what do you think will sprout? (Defilements and Actions will sprout, Sir).

ကိလေသဝဋ် ပေါက်ပွားလို့ရှိရင်ဖြင့် ဒကာ ဒကာမတို့ ဒီဝိပါကဝဋ်ဟာ ခန္ဓာပြန်လှည့်မယ် (လှည့်ပါတယ် ဘုရား) မလှည့်ပေဘူးလား (လှည့်ပါတယ်ဘုရား)။

If Defilements sprout, Yogis, this Round of Results will turn back into a body (Khandha). (It turns back, Sir). Won't it? (It will, Sir).

အဲဒီတော့ ခန္ဓာပတ်နေတယ်ဆိုတာ ပေါ်လာကြပလား (ပေါ်လာပါပြီဘုရား) ဒါဖြင့် ဒကာ ဒကာမတို့မှာ သေသေချာချာ စဉ်းစားတော့ ကိလေသဝဋ် ကမ္မဝဋ်ကြောင့် ဝိပါကဝဋ်ဖြစ်တယ် (မှန်လှပါဘုရား) ဝိပါကဝဋ်ထဲက ဘာတွေ ပေါက်ပွားသတုံး (ကိလေသဝဋ် ကမ္မဝဋ်တွေ ပေါက်ပွားပါတယ် ဘုရား) အနာဂတ်ဘဝ ဘာတွေပေါ်လာ ပြန်ပါလိမ့် (ဝိပါကဝဋ်တွေ ပေါ်လာပါတယ်) ဝိပါကဝဋ်ဆိုတဲ့ ဒုက္ခသစ္စာကြီး မပေါ်ဘူးလား (ပေါ်ပါတယ် ဘုရား)။

So, do you see how the body is cycling around? (We see it, Sir). Think carefully. Because of Defilements and Action, the Result arises. (True, Sir). From the Result, what sprouts? (Defilements and Action sprout, Sir). What appears in the future life? (The Round of Results appears). Does the massive Truth of Suffering—the Round of Results—not appear? (It appears, Sir).

ကိုင်း-ဒါဖြင့် ဒီထဲကလဲ ထပ်ပေါ်ဦးမယ်ဆိုရင်ဖြင့် ဦးခင်မောင်ရေ ကဲ ရှင်းကြစို့ ဒုက္ခသစ္စာဖြစ်တယ် (မှန်လှပါဘုရား) ဒုက္ခသစ္စာထဲက သမုဒယသစ္စာ အညွန့်အညှောင့်တွေ ထွက်သောကြောင့် အနာဂတ် ဘာလာပြန်သတုံး (ဒုက္ခသစ္စာလာပါတယ်ဘုရား) ဒါပဲ လှည့်လာတယ် (မှန်ပါ့)။

Now, U Khin Maung, let's clear this up. It is the Truth of Suffering. (True, Sir). Because the sprouts of the Truth of the Cause (Samudaya Sacca) shoot out from the Truth of Suffering, what comes in the future? (The Truth of Suffering comes, Sir). It just rotates like this. (True, Sir).

သမုဒယ+ဒုက္ခ၊ တသံသရာလုံးပဲ

Samudaya + Dukkha: The Entirety of Samsara

ဒါဖြင့် ဒကာသစ် သမုဒယ+ဒုက္ခ၊ သမုဒယ+ဒုက္ခ၊ တသံသရာလုံးပဲ (မှန်လှပါဘုရား) ပေါ်ပြီပေါ်ပြီ ဒကာ ဒကာမတို့ (မှန်လှပါဘုရား) တသံသရာလုံး ကျုပ်တို့ ဒီဝဋ် (၃)ပါးနဲ့ ပြောင်းလဲခံနေရပါတယ်၊ သမုဒယနဲ့ ဒုက္ခ နဲ့ ပြောင်းလဲခံနေရပါတယ်ဆိုတာဖြင့် ကောင်းကောင်းပေါ်ကြပလား (ပေါ်ပါပြီ ဘုရား) တော်တော်အရေးကြီးပါ ကလား ဒကာ ဒကာမတို့ (ကြီးပါတယ်ဘုရား)။

Thus, New Daka, it is just Samudaya plus Dukkha, Samudaya plus Dukkha. This is the entirety of Samsara. (True, Sir). It is clear now, Yogis. (Yes, Sir). Throughout the entire cycle of Samsara, we have been exchanging and undergoing these two: The Cause and The Suffering. Is this clear? (Yes, it is, Sir). This is a matter of great urgency, Yogis. (It is, Sir).

ဒါဖြင့် စဉ်းစားကြစို့ ဒကာ ဒကာမတို့ ကျုပ်တို့သည် မဂ်ဉာဏ်ဆိုတဲ့ မဂ္ဂသစ္စာ၊ နိဗ္ဗာန်ဆိုတဲ့ နိရောဓသစ္စာ များ အသံလဲမကြားဖူးဘူး၊ ခန္ဓာထဲလဲ မမြင်ဖူးပါဘူး(မှန်ပါ့ဘုရား) တသံသရာလုံး နေခဲ့ရတယ် (မှန်ပါ့ဘုရား) တွေ့ကြ ပလား (တွေ့ပါတယ်ဘုရား)။

Let us reflect. Throughout Samsara, we never even heard the sound of the Truth of the Path (Magga Sacca) or the Truth of Cessation (Nirodha Sacca—Nibbana). We never saw them within our bodies. (True, Sir). We lived through the entire Samsara without them. (True, Sir). Do you see that? (Yes, Sir).

မဂ္ဂသစ္စာ ဒီထဲပါရဲ့လား (မပါ-ပါဘူး) အင်း နိရောဓသစ္စာကော ကြုံခဲ့ကြရဲ့လား (မကြုံခဲ့ပါဘူး ဘုရား) ဘာနဲ့ လှည့်နေကြသလဲ (ဒုက္ခသစ္စာနဲ့ သမုဒယသစ္စာ လှည့်နေပါတယ်ဘုရား)။

Was the Truth of the Path included? (No, it was not, Sir). Did we encounter the Truth of Cessation? (No, Sir). What were we revolving with? (We were revolving with the Truth of Suffering and the Truth of the Cause, Sir).

သမုဒယသစ္စာ+ဒုက္ခသစ္စာ (မှန်ပါ့) သမုဒယသစ္စာ (ဒုက္ခသစ္စာပါ) ဒီဒုက္ခသစ္စာက ဘာတွေ ပွားဦးမလဲ (သမုဒယသစ္စာတွေ ပွားပါဦးမယ်) နောက်လာမှာက (ဒုက္ခသစ္စာပါဘုရား)။

Samudaya Sacca and Dukkha Sacca. (True, Sir). The Cause and the Suffering. From this Truth of Suffering, what will multiply? (The Truth of the Cause will multiply). And what follows? (The Truth of Suffering, Sir).

ရှေးတုန်းက တပည့်တော်တို့ ဘာများဖြစ်ခဲ့သတုံး

What happened to us in the past?

ဪ ရှေးတုန်းက တပည့်တော်များ အရှင်ဘုရား အရှင်ဘုရားက ဉာဏ်ကျယ်ပါတယ်၊ မသိလို့ လျှောက်ပါ ရစေ၊ ရှေးတုန်းက တပည့်တော်တို့ ဘာများဖြစ်ခဲ့သတုံး မေးလို့ရှိရင် ပေါ်ပြီ၊ ဒါပဲဖြစ်ခဲ့တယ် (မှန်လှပါဘုရား)။

Oh, if you ask, "Venerable Sir, what happened to us in the past?" The answer is clear. It was just this. (True, Sir).

ဘာဖြစ်ခဲ့ကြသတုံး (သမုဒယနဲ့ ဒုက္ခပဲဖြစ်ခဲ့ပါတယ်ဘုရား) သမုဒယ+ဒုက္ခ(မှန်ပါ့) နောက်တခါ လာပြန် တော့ကော (သမုဒယနဲ့ ဒုက္ခပါပဲဘုရား) နောက်တခါ လာပြန်တော့ကော (သမုဒယနဲ့ ဒုက္ခပါပဲဘုရား)။

What happened? (It was just the Cause and the Suffering). Samudaya and Dukkha. (True, Sir). And next time? (Samudaya and Dukkha again). And the time after that? (Samudaya and Dukkha again).

ရော ဒါဖြင့် မီးနဲ့လောင်စာ (မှန်ပါ့ဘုရား) သမုဒယက မီး (မှန်ပါ့ဘုရား) ခန္ဓာက (လောင်စာပါဘုရား) မီးနဲ့လောင်စာချည်း ဖြစ်ခဲ့တယ် (မှန်ပါ့ဘုရား) ရှင်းကြပလား (ရှင်းပါပြီဘုရား) ဘာတွေချည်းဖြစ်ခဲ့ကြပါလိမ့် (မီးနဲ့လောင်စာချည်း ဖြစ်ခဲ့ပါတယ်ဘုရား)။

So, it is Fire and Fuel. (True, Sir). The Cause (Samudaya) is the Fire. (True, Sir). The Body (Khandha) is the Fuel. (True, Sir). It has been nothing but Fire and Fuel. (True, Sir). Is that clear? (Yes, Sir). What has it been? (It has been nothing but Fire and Fuel, Sir).

မောင်မြရွှေ တယ်ဆိုးခဲ့ပါလားကွယ် (ဆိုးပါတယ်ဘုရား) ဒကာသစ် ဘယ့်နှယ်နေကြသလဲ (ဆိုးပါတယ်ဘုရား) ဘာချည်းဖြစ်ခဲ့ကြသလဲ (မီးနဲ့လောင်စာချည်း ဖြစ်ခဲ့ကြပါတယ်) မီးနဲ့လောင်စာချည်း ဖြစ်နေ တယ် (မှန်ပါ့ဘုရား)။

Maung Mya Shwe, that was quite terrible, wasn't it? (Yes, terrible, Sir). New Daka, how was it? (Terrible, Sir). What was it really? (It was just Fire and Fuel). Fire and Fuel constantly. (True, Sir).

ဒကာ ဒကာမတို့ ရှေးဘဝက တပည့်တော်တို့ဘုရား လူကောင်း နတ်ကောင်း ဗြဟ္မာကောင်းများပဲလား၊ အပြောတော့ဖြင့် ဖြစ်ချင်ဖြစ်ပါလိမ့်မယ် (မှန်ပါ့ဘုရား) အစစ်ကတော့ဖြင့် ဒကာ ဒကာမတို့ မီးနဲ့လောင်စာပဲ ဖြစ်ခဲ့ တယ်(မှန်လှပါဘုရား) ဘယ်လိုဆိုကြမယ် (မီးနဲ့လောင်စာပဲ ဖြစ်ခဲ့ပါတယ်ဘုရား) မီးနဲ့လောင်စာပဲ ဖြစ်တယ်ဆိုတာ ငြင်းဖို့လိုသေးသလား (မလိုပါဘူးဘုရား)။

Yogis, in past lives, were you good humans, good Devas, or good Brahmas? In conventional speech, perhaps you were. (True, Sir). But in ultimate reality, you were just Fire and Fuel. (True, Sir). How will you define it? (It was just Fire and Fuel, Sir). Do we need to argue about this? (No, Sir).

ကိုင်း-ဒါဖြင့် ဒကာ ဒကာမတို့ ရှေးဘဝက ခင်ဗျားတို့သန္တာန်ဖြင့် မဂ်ဉာဏ်ဆိုတဲ့တရားလဲ မပေါ်ပေါက်ခဲ့ပါဘူး၊ (မှန်ပါ့ဘုရား) နိဗ္ဗာန်ဆိုတဲ့တရားလဲ မျှော်မှန်းဖို့ရာအတွက် မမြင်ခဲ့ပါဘူး (မမြင်ခဲ့ပါဘူးဘုရား) မြင်သေးရဲ့လား (မမြင်ပါဘူး)။

So, in your past lives, the Truth of the Path (Magga Sacca) never appeared within you. (No, Sir). You never saw the Truth of Nibbana to aspire towards it. (We did not see it, Sir). Did you see it? (No, Sir).

သစ္စာနှစ်ပါး ကွယ်နေခဲ့ပါကလား

Two Truths were Hidden

ဪ ခင်ဗျားတို့ သစ္စာလေးပါးရှိသည့်အနက်က သစ္စာနှစ်ပါး ကွယ်နေခဲ့ပါကလား (မှန်ပါ့ဘုရား) ဘယ်သစ္စာ ဘယ်သစ္စာကွယ်ပါလိမ့် (မဂ္ဂသစ္စာနဲ့ နိရောဓသစ္စာ ကွယ်ပါတယ်ဘုရား) အင် ဟင် ဘယ်သူနဲ့ ကိုယ်ပိုင်နေရပါလိမ့် (သမုဒယ ဒုက္ခသစ္စာနဲ့ နေခဲ့ရပါတယ်ဘုရား) သမုဒယ မီး-ဟုတ်လား၊ ဒုက္ခသစ္စာက လောင်စာ (မှန်ပါ့ဘုရား)။

Oh, out of the Four Noble Truths, two were hidden from you. (True, Sir). Which two were hidden? (The Truth of the Path and the Truth of Cessation were hidden, Sir). And what did you own? (We lived with the Cause and Suffering, Sir). The Cause is the Fire, right? And the Truth of Suffering is the Fuel. (True, Sir).

ဪ ဒကာ ဒကာမတို့ လောင်စာနဲ့ မီးသာလျှင် အပြီးအပိုင်နေခဲ့ရတယ်ဆိုတာ လောင်စာနဲ့ မီးနဲ့သာ အပြီးနေခဲ့ရတယ်ဆိုတာကိုဖြင့် သေသေချာချာသာ ကြည့်ပေတော့ ဦးခင်မောင်ရေ ဒီဥစ္စာ အမှန်ဘဲလို့ ဆုံးဖြတ်ချက်ချ ပေတော့ (မှန်လှပါဘုရား)။

Oh, verify this carefully, U Khin Maung. Decide that this is the absolute truth: you lived entirely with Fuel and Fire. (True, Sir).

အမြင်အားဖြင့်လဲ ဟုတ်၏၊ ဖြစ်စဉ်အားဖြင့်လဲ (ဟုတ်ပါတယ်ဘုရား) သဘောပါကြလား (ပါ-ပါတယ် ဘုရား)။

It is true in terms of vision, and it is true in terms of the process. (True, Sir). Do you understand? (Yes, we do, Sir).

ဒါဖြင့် ဘုန်းကြီးတို့ ဒကာ ဒကာမတွေ လောင်စာသိမ်း၍ မီးငြိမ်းတာ ရှာရလိမ့်မယ် (မှန်လှပါဘုရား) ဘာရှာရ မယ် (လောင်စာသိမ်း၍ မီးငြိမ်းတာ ရှာရပါမယ်) ဘဝများစွာက လောင်စာနဲ့မီး တွဲလျက်ချည်းသာ နေခဲ့ရတယ် (မှန်လှပါဘုရား) ဘဝများစွာက (လောင်စာနဲ့မီး တွဲလျက်ချည်းသာ နေခဲ့ရပါတယ်ဘုရား)။

Therefore, we monks urge you: You must seek the cessation where the Fuel is removed and the Fire is extinguished. (True, Sir). What must you seek? (We must seek the removal of Fuel and the extinguishing of Fire). For many lives, you lived only with Fire and Fuel paired together. (True, Sir).

လောင်စာသိမ်း၍ မီးငြိမ်းတာ ရှာရလိမ့်မယ်

Seek the Removal of Fuel and Extinguishing of Fire

အခုအချိန်ကလေးမှာ ဘာရှာဖို့သင့်ပါလိမ့် (လောင်စာသိမ်းတာ ရှာရပါမယ်) လောင်စာသိမ်း၍ မီးငြိမ်းတာ ရှာရလိမ့်မယ် ဒကာ ဒကာမတို့ (မှန်လှပါဘုရား)။

In this brief moment of opportunity, what is appropriate to search for? (We must search for the removal of Fuel). You must find the way to put away the Fuel and extinguish the Fire, Yogis. (True, Sir).

သေသေချာချာ ဉာဏ်နားနဲ့ ထောင်ကြည့်စမ်းပါ၊ အင်မတန် အရေးကြီးတယ် (မှန်ပါ့ဘုရား) တသက်နဲ့ တကိုယ် ကြားရတယ်ဆိုတဲ့ဥစ္စာ ဒကာ ဒကာမတို့ မလွယ်ဘူးနော် (မှန်လှပါဘုရား) လွယ်ပါ့မလား (မလွယ်ပါဘူး)

Listen with your Wisdom Ear. This is incredibly important. (True, Sir). To hear this in a lifetime is not easy. (True, Sir). Is it easy? (No, it is not, Sir).

မလွယ်ဘူး-မလွယ်ဘူး၊ တသံသရာလုံး နေခဲ့ရတာက ဒကာ ဒကာမတို့ သမုဒယနဲ့ ဒုက္ခနဲ့ နေခဲ့ရတာ (မှန်လှပါ ဘုရား) တဘဝပြောင်းပြန်တော့လဲ ဘာမပြောင်းသတုံး (သမုဒယနဲ့ ဒုက္ခမပြောင်းပါဘူး)။

It is not easy. Throughout the entire cycle of Samsara, Yogis, you lived only with the Cause and the Suffering. (True, Sir). When you changed lives, what did not change? (The Cause and the Suffering did not change).

သမုဒယက ချေငံလိုက်၊ ဒုက္ခခန္ဓာက ပျက်လိုက် (မှန်ပါ့ဘုရား) ရောက်ရာဘဝ ဒုက္ခခန္ဓာက-သမုဒယခန္ဓာ အသီးအပွင့်တွေသီးပြီး၊ ဒုက္ခခန္ဓာတည်းဟူသော အပင်ကြီးပေါက်လိုက် (မှန်ပါ့) ဒီလိုချည်းပဲ ဖြစ်ခဲ့တယ်ဆိုတာဖြင့် ဒကာ ဒကာမတို့ ငြင်းစရာရှိသေးရဲ့လား (မရှိပါဘူးဘုရား)။

Throughout the cycle, Samudaya fabricates, and the Dukkha-body perishes. (True, Sir). In the next existence, the Dukkha-body bears the fruit of the Samudaya-body, and the great tree of Dukkha grows again. (True, Sir). Can you deny this? (No, Sir).

အဲဒါကြောင့် ဦးခင်မောင် မဂ္ဂနဲ့ နိရောဓကိုဖြင့် မျှော်မှန်းဘို့ရာ အခွင့်အရေးကို မကြုံခဲ့ပါကလား(မကြုံခဲ့ ပါဘူးဘုရား) ပေါ်ကြပလား (ပေါ်ပါပြီဘုရား)။

Therefore, U Khin Maung, you never had the opportunity to aspire for the Path and Cessation. (We did not, Sir). Is it clear? (Yes, Sir).

ကိုမြရွှေ ပေါ်ပလား (ပေါ်ပါပြီ) နောက်ဘဝတွေက ကျုပ်တို့ဘာနဲ့များ နေခဲ့ရပါလိမ့် (သမုဒယနဲ့ ဒုက္ခနဲ့ နေခဲ့ရပါတယ်) သမုဒယဆိုတာက မီးဗျ (မှန်လှပါ) ခန္ဓာက (ဒုက္ခပါဘုရား)။

Ko Mya Shwe, is it clear? (Yes, Sir). What did we live with in past lives? (We lived with the Cause and the Suffering). Samudaya is the Fire. (True, Sir). The Khandha is... (The Suffering, Sir).

အင် မီးနဲ့လောင်စာနဲ့ချည်း ကျုပ်တို့တခါတည်း ဇာတ်သိမ်းခဲ့ရတယ် (မှန်ပါ့ဘုရား) မီးနဲ့လောင်စာနဲ့တွဲ နောက်ဆုံးပိတ်ပြန်ပြီးသကာလ သေလိုက်၊ နောက်တခါ မီးနဲ့လောင်စာနဲ့ တွဲ ဖြစ်ပြန်ပြီ မလာဘူးလား (လာပါ တယ်)။

Indeed. We ended the drama with just Fire and Fuel. (True, Sir). Fire and Fuel paired together, then death. Then Fire and Fuel paired together again, arising. Did it not come? (It came, Sir).

ဒီလိုနဲ့ချည်း သေခဲ့ရတာဖြင့် သေခြင်းကောင်းများ ပါခဲ့ကြရဲ့လား (မပါခဲ့ပါဘူး ဘုရား) အင်း ဘာနဲ့ သေခဲ့ရသလဲ (သေခြင်းဆိုးနဲ့ သေခဲ့ရပါတယ်) အင်း နေတော့ကောဗျာ (နေခြင်းဆိုးနေခဲ့ရပါတယ်) နေတော့ နေခြင်းဆိုး၊ သေတော့ သေခြင်းဆိုး (မှန်ပါ့) နေတော့ကို (နေခြင်းဆိုး နေခဲ့ရပါတယ်) နေတော့ ကိလေသာပဲ ပေါက်ပွားနေတာကိုးဗျ (မှန်ပါ့ဘုရား)။

Dying like this repeatedly—did you ever have a "Good Death"? (No, Sir). And what about your living? (We had "Bad Living," Sir). Bad Living and Bad Dying. (True, Sir). Why "Bad Living"? (Because we lived breeding Defilements, Sir).

ကိလေသာ ပေါက်ပွားနေတော့ ခန္ဓာထဲမှာ ကိလေသာ ပေါက်ပွားနေတော့လဲ ဒီခန္ဓာထဲ လောင်နေတာပဲ (မှန်ပါ့ဘုရား)။

When Defilements breed in the body, it is burning inside. (True, Sir).

အဲဒါကြောင့် ဒကာ ဒကာမတို့ နေခြင်းဆိုး ဆိုတာလဲ မနာကြပါနဲ့ (မနာပါဘူးဘုရား) သေတော့လဲ ကိလေ သာမီး လောင်ပြီးသကာလ သား စိတ်မချ သမီး စိတ်မချဘဲနဲ့ ပစ္စည်းလိုသလောက် မပြည့်ဘဲနဲ့ ဖြစ်မှဖြစ်ရလေခြင်း ဆိုပြီး သေသွားတာပဲ။ ဒီ မီးလောင် သေသွားတာပဲ (မှန်ပါ့ဘုရား) သဘောကျပလား (ကျပါပြီ) သေတော့လဲ ဒီမီးလောင်သေတာပဲ (မှန်ပါ့)။

Therefore, Yogis, do not be offended when I say "Bad Living." (We are not, Sir). When you die, the Fire of Defilements burns you—you die worried about your son, worried about your daughter, lamenting that you didn't get enough property. You die being burned by this Fire. (True, Sir). Do you see? (Yes, Sir). You die in the flames. (True, Sir).

ဒါဖြင့် ဒကာ ဒကာမတို့ တပည့်တော် တပည့်တော်မတို့သည် ဘဝများစွာ သံသရာက ဘယ်လိုနေလို့ ဘယ်လို ထိုင်ခဲ့ရပါလိမ့်မလဲ ဘုရားလို့ မမေးပါနဲ့တော့ ဒကာ ဒကာမတွေ ပြတာနဲ့ပဲ ရှင်းနေပြီ (မှန်ပါ့ဘုရား)။

So, do not ask, "Venerable Sir, how did we live and die in the many lives of Samsara?" The answer is already clear. (True, Sir).

သေခြင်းဆိုးနဲ့ သေခဲ့ရတယ်

We Died a Bad Death

ဘယ်လိုများ နေခဲ့ရပါလိမ့် (နေခြင်းဆိုးနဲ့ နေခဲ့ကြရပြီး သေခြင်းဆိုးနဲ့ သေခဲ့ရပါတယ်ဘုရား) နေခြင်းဆိုး နဲ့နေ-သေခြင်းဆိုးနဲ့ သေခဲ့ရတယ် (မှန်ပါ့ဘုရား) သဘောကျပလား (မှန်ပါ့ ကျပါပြီ)။

How did you live? (We lived a Bad Life and died a Bad Death, Sir). Constant Bad Living and Bad Dying. (True, Sir). Are you satisfied? (Yes, we are, Sir).

နေတော့လဲ လောင်စာနဲ့မီး တွဲလျက်ပဲ (မှန်ပါ့) သေတော့လဲ မီးလောင်လို့ သေလိုက်ရတယ် (မှန်ပါ့ ဘုရား) သားစိတ်ချပြီး သေတဲ့ အမေအဖေ ရှားလိမ့်မယ် (ရှားပါတယ်ဘုရား) သမီး စိတ်ချပြီးသေတဲ့ အမေအဖေ ကော (ရှားပါတယ်ဘုရား) ပစ္စည်းရှာလို့ အားရလို့ အမွေပေးခဲ့ရတာ အားရလို့သေသွားတဲ့ အမေအဖေကော (ရှားပါတယ် ဘုရား)။

When living, it was Fuel and Fire together. (True, Sir). When dying, you died burning. (True, Sir). Parents who die with peace of mind regarding their sons are rare. (They are rare, Sir). Parents who die with peace of mind regarding their daughters? (Rare, Sir). Parents who die satisfied with the wealth they accumulated and the inheritance they left behind? (Rare, Sir).

ဒါဖြင့် စိုးရိမ်မှု၊ ကြောင့်ကြမှု၊ ဗျာပါရမှု ခင်မှုတန်းလန်း မင်မှုတန်းလန်း စာရင်းမချုပ် အင်းမချုပ်နဲ့ မီးလောင် သေတယ် (မှန်လှပါဘုရား) ရိပ်မိပလား (ရိပ်မိပါပြီ) ခင်မှုတန်းလန်း မင်မှုတန်းလန်းနဲ့ စာရင်းမချုပ် အင်းမချုပ် နဲ့ ဘာဖြစ်သွားပါလိမ့် (မီးလောင်သေပါတယ်ဘုရား)။

Lingering attachments, lingering affections, with accounts unsettled and business unfinished—you died burning. (True, Sir). Do you see it? (Yes, Sir). With unfinished attachments, what happened? (We died burning, Sir).

အင်း ဒကာ ဒကာမတို့ ကြောက်စရာ အကောင်းဆုံးလို့ ဒီဥစ္စာ သစ္စသံယုတ်မှာလာတာကို ပြောနေပါတယ် နော် (မှန်ပါ့ဘုရား) ကိုင်း ကိုယ့်အကြောင်း ကိုယ်သိကြပလား (သိပါတယ်ဘုရား)။

This is from the Sacca Saṃyutta. It is the most terrifying thing. (True, Sir). Do you know your own history now? (We know it, Sir).

ဒါဖြင့် သစ္စာနှစ်ပါးနဲ့ လည်နေခဲ့ရတယ် (မှန်ပါ့ဘုရား) သစ္စာနှစ်ပါးက စုန်းစုန်းမြုပ်နေတယ် (မှန်ပါ့ ဘုရား) ကျုပ်တို့ဉာဏ်ထဲမှာလဲ မပေါ်လာ (မပေါ်ပါဘုရား) တွေ့လဲမတွေ့ရ(မှန်ပါ့ဘုရား)။

You were revolving with the two Truths. (True, Sir). You were submerged in the two Truths. (True, Sir). Did they appear in your wisdom? (No, Sir). Did you ever find them? (No, Sir).

ဆင်းရဲသစ္စာနှစ်ပါးနဲ့သာ အချိန်ကုန်ခဲ့ရ

Time Wasted with the Two Truths of Suffering

ဒါဖြင့် ဆင်းရဲသစ္စာနှစ်ပါးနဲ့သာ အချိန်ကုန်ခဲ့ရ၍ ချမ်းသာသစ္စာနှစ်ပါးကို မျှော်မှန်းနိုင်တဲ့ဘဝ မရခဲ့ဘူး (မရခဲ့ပါဘူးဘုရား) ပေါ်ကြပလား (ပေါ်ပါပြီ)။

So, you have spent your time with the two Truths of Suffering. (True, Sir). You never had a life where you could aspire to the two Truths of Happiness. (No, Sir). Do you see? (Yes, Sir).

ဒါဖြင့် ဒီဘဝ အခု ခင်ဗျားတို့အားလုံးပဲ သံဃာတော်တွေ ဆရာတော်တွေ ပြောဆိုဟောကြားညွှန်ပြဆုံးမနေတဲ့ ကိုယ့်ကို ကယ်မည့် ယူမည့် သစ္စာနှစ်ပါးကို အရမယူလိုက်ရလို့ရှိရင်ဖြင့် ခုနက ပြောခဲ့တဲ့ မလိုင်သုတ်ထားသော ကြေးအိုး ဖင်ချွန်းထဲမှာကျတဲ့ အိမ်မြောင်တော့ ဖြစ်တော့မယ် (မှန်လှပါဘုရား)။

Therefore, if you do not grasp the two saving Truths that the Monks and Sayadaws are pointing out to you right now, you will become like a lizard fallen into a steep copper pot coated with oil. (True, Sir).

တက်လိုက်-အထက်ရောက်ကာနီး လျှောကျလိုက် (မှန်ပါ့) ဒီအတိုင်းမနေပေဘူးလား (နေပါတယ် ဘုရား) အဲဒါ ဒကာ ဒကာမတို့ ဘယ်တော့ အလင်းကို ရောက်ခဲ့တယ်ရှိသေးရဲ့လား (မရှိခဲ့ပါဘုရား)။

You try to climb up, but just as you reach the top, you slide back down. (True, Sir). Will you stay like this? (Yes, Sir). Did you ever reach the light? (No, Sir).

ဒီမှာ ခင်ဗျားတို့ သမုဒယသစ္စာကလဲ အမဲသစ္စာ၊ ဒုက္ခသစ္စာကလဲ ဆင်းရဲသစ္စာ (မှန်ပါ့ဘုရား) အမဲနဲ့ ဆင်းရဲ (မှန်ပါ့) ဦးခင်မောင်ရေ ဘာတဲ့တုန်း (အမဲနဲ့ ဆင်းရဲပါဘုရား)။

Here, the Truth of the Cause is the Truth of Darkness, and the Truth of Suffering is the Truth of Misery. (True, Sir). Darkness and Misery. (True, Sir). U Khin Maung, what is it? (Darkness and Misery, Sir).

နောက်တစ်ခါ လာပြန်တော့ကော (အမဲနဲ့ ဆင်းရဲပါပဲ) အမဲနဲ့ဆင်းရဲပဲရှိတယ်၊ နောက်တခါ လာပြန်တော့ ကော (အမဲနဲ့ဆင်းရဲပါပဲ)။

And when it comes again? (Darkness and Misery again). Just Darkness and Misery exist. And the next time? (Darkness and Misery again).

ဪ ဒကာ ဒကာမတို့ မှောင်ထဲနေတဲ့အထဲမှာ ဆင်းရဲထဲ မျှော်နေရတာပေါ့ (မှန်ပါ့ဘုရား) မှောင်မဲနေ တဲ့အထဲမှာ (ဆင်းရဲထဲ နေရပါတယ်) ဘယ်တော့မှ မဂ်ရောင်ခြည် မသန်းပါကလား (မှန်ပါ့ဘုရား)။

Oh, Yogis. Living in the darkness of Ignorance, you are merely waiting for suffering. (True, Sir). Existing in this darkness, the ray of the Path (Magga) never dawns. (True, Sir).

ဘယ်တော့မှ မဂ်ရောင်ခြည်မသန်း၊ ဘယ်တော့မှ နိဗ္ဗာန်ဆိုတဲ့ နေကြီးကလဲ မထွက်လာပါကလား ဒကာဝ ရေ (မှန်လှပါဘုရား) အင်မတန် ခက်နေပါပေါ့ ကလား (ခက်နေပါတယ်ဘုရား)။

The great Sun of Nibbana never rises. It is extremely difficult. (It is difficult, Sir).

သဿတဒိဋ္ဌိ ဥစ္ဆေဒဒိဋ္ဌိ နှစ်ပါးကို မပယ်နိုင်တဲ့အတွက်

Failure to Eradicate the Two Wrong Views

အဲဒါ ဘယ်သူ့ကြောင့်တုန်းလို့ မေးတဲ့အခါကျတော့ ဒကာ ဒကာမတို့ ဒီအထဲမှာ အရေးအကြီးဆုံး ပြောကြပါစို့ ဆိုတော့ သဿတဒိဋ္ဌိ ဥစ္ဆေဒဒိဋ္ဌိ နှစ်ပါးကို မပယ်နိုင်တဲ့အတွက် ဒီအဖြစ်ဆိုးကြီးနဲ့ တွေ့ကြ-ကြုံကြ-ဆုံကြရတယ်ဆိုတာ သေသေချာချာ မှတ်ပေတော့ (မှန်လှပါဘုရား)။

If you ask, "Why is this so?"—let us speak of the most important matter. Mark this well: You meet, encounter, and suffer this terrible fate because you have not eradicated the two Wrong Views: *Eternalism (Sassata Ditthi) and Annihilationism (Uccheda Ditthi).* (True, Sir).

သဿတဒိဋ္ဌိကလဲ ဪ ငါရှိတုန်း ငါ့သား သမီးကလေးတွေ လူလားမြောက်ချင်လိုက်တာ (မှန်ပါ့) ဒါ သဿတဒိဋ္ဌိပေါ့ (မှန်လှပါ) ငါရှိတုန်း ဘာတုံး (သားသမီးကလေးတွေ လူလားမြောက်ချင်လိုက်တာ)။

Eternalism thinks: "While 'I' exist, I want to see my children grow up." (True). That is Eternalism. (True, Sir). "While I exist..."? (I want my children to grow up).

ဒါမှ ငါ-အသေကောင်းမှာ၊ ငါ အသေကောင်းပြီး သကာလ ငါပဲ သုဂတိရောက်မှာဆိုတော့ ဘာဒိဋ္ဌိတွေ ဖြစ်နေသလဲ (သဿတဒိဋ္ဌိတွေ ဖြစ်နေပါတယ်)။

This belief—"If I die well, I will reach a good destination"—what kind of view is that? (It is Eternalism).

ဪ သဿတဒိဋ္ဌိတွေ ဖြစ်ပြီးသကာလ နေကြတော့ အင်း ဒကာ ဒကာမတို့ အခု သားတွေ-သမီးတွေ လုပ်ကိုင်ကျွေးနိုင်တာ ကိုယ့်အသေကျွေးကြသလားတဲ့၊ ဘယ်တော့ ငါသေလိမ့်မယ်၊ ငါ သူတော်ကောင်းဖြစ်အောင် မြန်မြန်အားထုတ်မှပဲလို့ ဆိုပြီးသကာလ ကျွေးကြ-မွေးကြတာလား၊ သူတို့ လူလားမြောက်ဖို့ကို စောင့်ပြီးသကာလ လုပ်ကျွေးနေတာလား မေးရင် ဘယ့်နှယ်ဖြေကြမလဲ (လူလားမြောက်ဖို့ စောင့်ပြီး လုပ်ကျွေးနေတာပါဘုရား)။

Oh, living with Eternalism... tell me, Yogis. Are your children feeding and caring for you now because they think, "Our parent will die soon; let us help them become noble quickly"? Or are you feeding them, waiting for them to grow up? (Waiting for them to grow up, Sir).

ဒါ သဿတဒိဋ္ဌိပဲဗျ (မှန်ပါ့ဘုရား) သူတို့ လူလားမြောက်ရင် ငါဘာဖြစ်ဖြစ်ဆိုတဲ့ အဓိပ္ပါယ်ကော မပါဘူး လား (ပါ-ပါတယ်ဘုရား) တယ်လဲ မှတ်ချက်က သန်ပါကလား (မှန်ပါ့ဘုရား) မှတ်ချက် သိပ်သန်တယ်။

That is Eternalism! (True, Sir). Does it not imply, "Once they are grown, whatever happens to me is fine"? (Yes, it does, Sir). Your attachment is indeed very strong. (True, Sir). Your attachment is intense.

ကဲ ဒါဖြင့် ဒကာ ဒကာမတို့ အခုအချိန်မှာပဲ နာရီလဲနီးလာလို့ အစေလကဿပဝတ္ထုဆက်ပြီး သကာလ နိဗ္ဗာန်ဝင်တဲ့အလုပ် လုပ်ကြစို့ (မှန်လှပါဘုရား)။

Now, as the time is short, let us continue the story of Acela Kassapa and perform the work to enter Nibbana. (Yes, Sir).

နိဗ္ဗာန်ဝင်တဲ့အလုပ် လုပ်မှသာလျှင် မဂ္ဂနှင့် နိရောဓပေါ်မှာကိုး (မှန်လှပါဘုရား) နို့မဟုတ်ရင်ဖြင့် လောင်စာနဲ့မီးချည်း ဆက်နေမှာပဲ (မှန်လှပါ) သဘောကျရဲ့လား (ကျပါတယ်)။

Only by doing the work to enter Nibbana will the Path and Cessation (Nirodha) appear. (True, Sir). Otherwise, it will just be a continuous cycle of fuel and fire. (True, Sir). Do you grasp this? (We do, Sir).

လောင်စာသိမ်း၍ မီးငြိမ်းတဲ့အလုပ် ပြကြစို့

The Work of Removing Fuel to Extinguish Fire

ဒါဖြင့် လောင်စာသိမ်း၍ မီးငြိမ်းတဲ့အလုပ် ပြကြစို့ (မှန်လှပါဘုရား) ဘာပါလိမ့် (လောင်စာသိမ်း၍ မီးငြိမ်းတဲ့အလုပ် ပြရမှာပါဘုရား)။

Let us demonstrate the work of removing the fuel to extinguish the fire. (Yes, Sir). What is it? (The work of removing fuel to extinguish the fire, Sir).

ခင်ဗျားတို့ ရှေးကနေခဲ့ရတာက လောင်စာနဲ့မီး တွဲလျက်ချည်းသာ အချိန်ကုန်ခဲ့တယ် (မှန်လှပါဘုရား) ရှေးဘဝများစွာက တပည့်တော်တို့ ဘာများဖြစ်ခဲ့ပါလိမ့် (လောင်စာနဲ့မီး တွဲလျက်ချည်းသာ အချိန်ကုန်ခဲ့ပါတယ် ဘုရား)။

In the past, you spent all your time living with the fuel and fire combined. (True, Sir). In countless past lives, what happened to us? (We spent our time with fuel and fire combined, Sir).

အင်း အခု ဘုန်းကြီးဟောမည့်တရားကို ဒကာ ဒကာမတို့ အလုပ်လုပ်လို့ရှိရင်ဖြင့် လောင်စာသိမ်း၍ မီးငြိမ်းတော့မယ်(မှန်ပါ့ဘုရား) ဘယ်လိုဆိုကြပါ့မယ် (လောင်စာသိမ်း၍ မီးငြိမ်းတော့မယ်) လောင်စာသိမ်း၍ မီးငြိမ်းတော့မယ်ဆိုတဲ့ ဥစ္စာ သေသေချာချာ မှတ်ကြပါ (မှန်လှပါဘုရား)။

Indeed. If you Yogis practice the Dhamma I am about to preach, you will remove the fuel, and the fire will be extinguished. (True, Sir). What will happen? (We will remove the fuel, and the fire will be extinguished). Mark this phrase well: "Remove the fuel to extinguish the fire." (Yes, Sir).

ကိုင်း ဒါဖြင့် စ,ကြစို့၊ လောင်စာသိမ်း၍ မီးငြိမ်းတာကို စ,ကြစို့ဆိုတာ အဖြစ်ဆိုးသိမှ အဖြစ်ကောင်းကို ဦးခင်မောင်-ရှာမယ်နော် (မှန်လှပါဘုရား) အဖြစ်ဆိုးမှ မသိတဲ့ပုဂ္ဂိုလ်ဟာ အဖြစ်ကောင်းကို (မရှာပါဘူး ဘုရား) မရှာနိုင်ဘူး။

So, let us begin. To start removing the fuel and extinguishing the fire, one must first realize the Bad Situation (Suffering) before seeking the Good Situation, U Khin Maung. (True, Sir). A person who does not realize their bad situation will never seek a better one. (They will not, Sir). They cannot.

ကဲ ဒါဖြင့် ဝတ္ထုကလေး နည်းနည်းစ,ကြစို့၊ ဒကာ ဒကာမတို့ မနေ့ကလဲ စ,တော့လဲ စ,တာပဲ၊ စ,တာနဲ့ အချိန်စေ့လို့ သိမ်းလိုက်ရတယ်။ ဒီနေ့တော့-တော်တော် ခရီးပေါက်ပါလိမ့်မယ် (မှန်လှပါဘုရား)။

Let us start with a small story. We started yesterday, but we had to stop when time ran out. Today, we shall make good progress. (Yes, Sir).

အစေလကဿပ

Acela Kassapa

မြတ်စွာဘုရားသခင် ကိုယ်တော်မြတ်ကြီး ရာဇဂြိုဟ်ပြည်ထဲ ဆွမ်းခံဝင်ပါတယ် ဒကာဝရဲ့ (မှန်ပါ့ဘုရား) ဆွမ်းခံဝင်ပြီးသကာလ မြို့ထဲ-ရွာထဲမှာ ရောက်သွားပါတယ်။

The Blessed One entered the city of Rajagaha for alms-round. (True, Sir). He went into the city and villages.

အစေလကဿပဆိုတာ နိစ္စေလဆိုတဲ့အတိုင်း အဝတ်မပါဘူး (မှန်ပါ့) လူနာမည်ကတော့ ကဿပ တဲ့ (မှန်ပါ့) အဝတ်မပါတဲ့ ကဿပပေါ့ဗျာ (မှန်ပါ့ဘုရား)။

There, he met Acela Kassapa. "Acela" means without clothes. (True). His name was Kassapa. (True). So, he was Kassapa the Naked Ascetic. (True, Sir).

သူဟာ တိတ္ထိတို့ဘာဝ တိတ္ထိတို့၏ လမ်းစဉ်အတိုင်း သူကလဲ ဆွမ်းခံထွက်တာပဲ (မှန်ပါ့) အဝတ်မပါဘူး (မှန်ပါ့ဘုရား) ဦးခင်မောင် အဝတ်ပါရဲ့လား (မပါပါဘူးဆရား)။

He was a Heretic (Titthi). Following the path of the heretics, he also went for alms without clothes. (True). U Khin Maung, do you go without clothes? (No, Sir).

သို့သော်လဲ သူတို့ကိုလဲ ကြည်ညိုတဲ့ ပုဂ္ဂိုလ်ရှိတာပဲ၊ ဘာဖြစ်လို့တုန်း၊ ခြိုးခြံလွန်းလို့ ကြည်ညိုတာ (မှန်ပါ့ ဘုရား) ရိပ်မိပလား (ရိပ်မိပါပြီ) ဘယ့်နှယ်ကြောင့် ကြည်ညိုပါလိမ့် (ခြိုးခြံလို့ ကြည်ညိုတာပါဘုရား)။

Yet, there were people who revered them. Why? They revered them because of their extreme austerity. (True, Sir). Do you see? Why did they revere him? (Because of his austerity, Sir).

ဪ အဝတ်မပါအောင်တော့ ခြိုးခြံတာပဲ၊ ဒကာ ဒကာမတို့ ဝမ်းထဲမှာ ဒိဋ္ဌိရှိနေတော့ ဟိရီဩတ္တပ္ပကင်း တာ ခြိုးခြံတဲ့အထဲသွင်းလိုက်တယ် (မှန်လှပါဘုရား)။

Oh, going without clothes is indeed "austere." But, because Wrong View (Ditthi) existed in his heart, his lack of Moral Shame and Moral Fear (Hiri-Ottappa) was mistaken for austerity. (True, Sir).

ဘယ်လောက်များ ဆိုးသွားသလဲဆိုတာ (ဆိုးပါတယ်ဘုရား) ဘုရားမပွင့်ခင်တုန်းကလေ (မှန်ပါ့) အဲ ဟိရီဩတ္တပ္ပမကင်းတာ ဘယ်ထဲသွင်းလိုက်သလဲ (ခြိုးခြံတဲ့အထဲ သွင်းလိုက်ပါတယ်ဘုရား) အေး ဒီဥစ္စာ ကိုယ့် အယူနဲ့ကိုယ် မှားနေတာတွေဆိုတာ ပေါ်ကြပလား (ပေါ်ပါပြီဘုရား)။

See how bad it was? (It was bad, Sir). Before the Buddha appeared... (True). They classified shamelessness as austerity. (True, Sir). Do you see how people are deluded by their own views? (We see it, Sir).

ပုစ္ဆာကလေးတစ်ခု မေးပါရစေ

May I Ask a Small Question?

ကိုင်း ဒါဖြင့် အစေလကဿပကလဲ အဝတ်မပါဘဲနဲ့ ဆွမ်းခံလာတဲ့အခါ ဘုရားနဲ့သွားတွေ့တယ် (မှန်ပါ့) ဘုရားနဲ့ သွားတွေ့တဲ့အခါ ရှင်ကြီးဂေါတမ ပုစ္ဆာကလေးတစ်ခု မေးပါရစေ တဲ့။

So, when Acela Kassapa, coming for alms without clothes, met the Buddha... (True). When he met the Buddha, he said, "Venerable Gotama, may I ask a small question?"

ဟ အစေလကဿပ ရွာထဲမှာကွ၊ ငါ့မှာလဲ သင်္ကန်းရုံကြီးနဲ့ ဆွမ်းခံရင်းကွ၊ အဲဒါမေးလို့ ဘယ်တော်ပါ့ မလဲ၊ ဒီအချိန်မမေးနဲ့ဦးကွ၊ တခါ ပယ်ချလိုက်တယ်နော် (မှန်ပါ့ဘုရား)။

The Buddha replied, "Hey, Kassapa, we are in the village. I am on my alms-round wearing my robes. It is not appropriate to ask now. Do not ask at this time." He rejected him once. (True, Sir).

နောက်တပြ နှစ်ပြလောက် ဆွမ်းခံကြွမိပြန်တဲ့အခါကျတော့ အစေလကဿပ-က နောက်ကလိုက်ပြီးသကာလ ဒကာဝတို့ ဦးခင်မောင်တို့ ရှင်ကြီးဂေါတမ ပုစ္ဆာကလေးတခု မေးပါရစေ-တဲ့ (မှန်လှပါဘုရား)။

Later, after another block or two of the alms-round, Acela Kassapa followed from behind and asked again, "Venerable Gotama, may I ask a small question?" (True, Sir).

ဟ ဆွမ်းခံတုန်းကွ အစေလကဿပရ၊ မေးလို့မတော်သေးဘူးတဲ့၊ ဒကာ ဒကာမတို့ ဘယ်နှစ်ခါရှိပြီလဲ ပယ်လိုက်တာ (နှစ်ခါရှိပါပြီ ဘုရား)။

"Hey, Kassapa, it is alms time. It is not yet proper to ask." Yogis, how many times has He rejected him? (Two times, Sir).

နောက် နှစ်ပြ-သုံးပြ သွားပြန်တော့လဲ သူက လိုက်လာပြန်တယ်၊ ဦးခင်မောင်ရေ (မှန်ပါ့ဘုရား)။

After another two or three blocks, he followed again, U Khin Maung. (True, Sir).

ဒီမယ်ဘုရား များလဲမများပါဘူး၊ မသိလဲ မသိလို့ပါ၊ ဒီပုစ္ဆာကလေး မေးပါရစေ ဆိုပြီးသကာလ တောင်းပန် တော့ ဘုရားသခင်ကိုယ်တော်မြတ်ကြီးက ကိုင်း မေးတာပေါ့ကွာ (မှန်ပါ့) သုံးခါမြောက်ကျတော့ မေးတာပေါ့ ကွာဆိုတဲ့ အမိန့်ရတယ်ဆိုကြပါစို့ (မှန်ပါ့)။

"Venerable Sir, it is not much. I ask because I do not know. Please let me ask this small question." When he begged like this, the Blessed One finally gave permission: "Well then, ask." (True). On the third time, let us say He gave the command, "Ask." (True).

ဘယ့်နှယ်ကြောင့် ဒါလောက်တောင် ဘုရားသခင်ကိုယ်တော်မြတ် နှစ်ခါပယ်ရပါလိမ့်မလဲဆိုတော့ ဒိဋ္ဌိတွေက ဘုရားသခင်ကိုယ်တော်မြတ်ကြီး မေးရတာ လွယ်တယ် ပြုတယ်ဆိုပြီး အဖြေပေးလိုက်တဲ့အခါ ဦးခင်မောင် ပေါ့ပေါ့ ဆဆ ယူသွားမှာလဲ စိုးရိမ်တယ် (မှန်လှပါ)။

Why did the Blessed One reject him twice? Because of his Wrong Views, if the Buddha had answered immediately, saying "It is easy to ask," Kassapa might have taken the answer lightly. The Buddha was concerned about that. (True, Sir).

ဒါကြောင့်လဲ ဆိုင်းငံ့တာ တစ်မျိုး၊ တနည်းအားဖြင့်လဲ အစေလကဿပ ဉာဏ်မရင့်သေးတော့ အဖြေကို နားမလည်မှာစိုးတာနဲ့လဲ ဆိုင်းငံ့တာက တမျိုး (မှန်လှပါဘုရား) ဆိုင်းငံ့နည်းနှစ်မျိုးနော် (မှန်လှပါ)။

That is one reason for the delay. Another reason: Kassapa’s wisdom was not yet mature. The Buddha waited to ensure he would understand the answer. (True, Sir). There were two reasons for the delay. (True).

ပေါ့ပေါ့နဲ့ ဖြေလိုက်လို့ရှိရင်လဲ အဖြေကို အဖိုးမတန်မှာစိုးလို့ တားမြစ်ပြီး နေရခြင်းတမျိုး (မှန်ပါ့ဘုရား)။

If answered lightly, the answer might not be valued—that is one reason for the prohibition. (True, Sir).

တနည်း အစေလကဿပမှာ ဉာဏ်မရင့်သေးလို့ ဉာဏ်ရင့်အောင် ဆိုင်းငံ့ပြီးသကာလ တားမြစ်ခြင်းကလဲ တမျိုးနဲ့တားမြစ်ထားပါတယ် (မှန်ပါ့ဘုရား)။

Alternatively, because Kassapa’s wisdom was not yet ripe, the Buddha delayed to allow it to ripen. (True, Sir).

သုံးခါမြောက်ကျတော့ ဒကာဝ ဘာတဲ့တုန်း (မေးတာပေါ့ တဲ့) မေးကွာလို့ မပြောဘူးလား (ပြောပါတယ်ဘုရား)။

On the third time, what happened? (He said, "Ask," Sir). Did He not say "Ask"? (He did, Sir).

မေးကွာလို့ပြောတော့ ဒကာ ဒကာမတို့ ဘုရားသခင်ကိုယ်တော်မြတ်ကြီးကို သူက မေးလိုက်ပါတယ်။ ဘယ်လို မေးလိုက်သလဲလို့ မေးတဲ့အခါကျတော့ (စက်ဝိုင်းကိုပြသည်)။

ဒါကြီးဟာ ဘာသစ္စာပါလိမ့်၊ ဒကာ ဒကာမတို့ ခုနက နားလည်ပြီ (ဒုက္ခသစ္စာပါဘုရား)။

When He said "Ask," Kassapa asked the Blessed One. If you ask what he asked... (Sayadaw points to the Chart of Dependent Origination). "What Truth is this massive thing?" You Yogis now understand. (It is the Truth of Suffering / Dukkha Sacca, Sir).

ဒုက္ခသစ္စာဆိုတော့ ဒကာ ဒကာမတွေက အခု ဉာဏ်က ဘုန်းကြီးက ရှေ့ပိုင်းက ရှင်းထားတဲ့အတွက် “အဝိဇ္ဇာ ပစ္စယာ၊ သင်္ခါရာ၊ သင်္ခါရပစ္စယာ ဒုက္ခသစ္စာ” (မှန်ပါ့) မကျသေးဘူးလား (ကျပါတယ်ဘုရား) ဒါဘာဘဲ တဲ့၊ အဲဒီတော့ ခန္ဓာငါးပါးဟာ ဒုက္ခသစ္စာနော် (မှန်ပါ့ဘုရား) ဝိပါကဝဋ်ကော ဟုတ်ပါသလား (ဟုတ်ပါတယ်ဘုရား) ကိလေသဝဋ်၊ ကမ္မဝဋ်၊ ဝိပါကဝဋ် ခုနက ရှင်းထားပြီနော် (မှန်ပါ့ဘုရား)။

Since it is Dukkha Sacca, and because I have explained the beginning part to you, you know: "Avijja causes Sankhara; Sankhara causes Dukkha Sacca." (True). Do you not see it? (We see it, Sir). What is it? The Five Aggregates are Dukkha Sacca. (True, Sir). Is the Round of Results (Vipaka-vatta) also true? (Yes, Sir). The Round of Defilements (Kilesa-vatta), the Round of Action (Kamma-vatta), and the Round of Results (Vipaka-vatta). I have explained this clearly. (True, Sir).

အဲဒါ စောစောက ဟောတာ ဒီအစေလကဿပ ဟောတဲ့အခါမှာ အဆင်သင့် နားလည်သွားအောင်လို့ ဒကာဝ ရှေ့ကလမ်းခင်းတာ (မှန်ပါ့ဘုရား) သေသေချာချာ နားထောင်ကြ-ဒကာ ဒကာမတို့၊ ဒီဥစ္စာကို နားကြီးကြီးနဲ့ ထောင်ပြီး ဪ ဒို့ကျွတ်တမ်းဝင်ရမှာ ဒါပါကလားဆိုတာလဲ ဆုံးဖြတ်ချက်ချပါ (မှန်လှပါဘုရား)။

I preached this earlier so that when we discuss Acela Kassapa, you would understand immediately. I paved the way for you. (True, Sir). Listen carefully, Yogis. Listen with "big ears" (intent focus) and make the firm decision: "Oh, this is how we shall escape!" (Yes, Sir).

ဒုက္ခကို မိမိပြုတာလား?

Is Suffering Created by Oneself?

ကဲ-ဒါဖြင့် သွားကြပါစို့၊ အစေလကဿပ-မေးတော့ကွ-ဆိုတော့ မေးလိုက်တယ်၊ ရှင်ကြီးဂေါတမ တဲ့ ဒုက္ခကို မိမိပြုတာလားတဲ့ ၊ မေးပြီနော် (မှန်လှပါဘုရား) ဘာတဲ့တုန်း (ဒုက္ခကို မိမိပြုတာလား တဲ့)။

"Well then, let us proceed. Kassapa asked: 'Venerable Gotama, is Suffering (Dukkha) created by oneself?'" He asked it. (True, Sir). What did he ask? (Is Suffering created by oneself?)

ဒုက္ခကို မိမိပြုတာလားဆိုတော့ ဘုရားက ပယ်လိုက်တယ် ”ဒုက္ခကို မိမိပြုတာ မဟုတ်ပါဘူးကွာ ”တဲ့၊ ဆိုတော့ ဒကာ ဒကာမတွေ ရှင်းတယ် (မှန်ပါ့)။

When asked if Suffering is created by oneself, the Buddha rejected it: "Suffering is not created by oneself." Yogis, is this clear? (Yes, Sir).

ကြည့် ကိလေသာဝဋ်ကြောင့် (ကမ္မဝဋ်ဖြစ်ပါတယ်) ကမ္မဝဋ်ကြောင့် (ဝိပါကဝဋ်ဖြစ်ပါတယ်)။

Look here. Because of the Round of Defilements... (The Round of Action arises). Because of the Round of Action... (The Round of Results arises).

ကြည့်စမ်း ကမ္မဝဋ်ပြုတာ (မှန်ပါ့) ကိလေသာဝဋ်ပြုတာ (မှန်ပါ့ဘုရား) သေချာပလား (သေချာပါတယ်) ဘယ်ဝဋ်ပြုတာပါလိမ့် (ကိလေသဝဋ်နဲ့ ကမ္မဝဋ် ပြုတာပါဘုရား) ကိလေသဝဋ်နဲ့ ကမ္မဝဋ်က ပြုလို့ ဒီမှာဘာတုံး ဝိပါကဝဋ်ဆိုတဲ့ ဒုက္ခသစ္စာ (မှန်ပါ့ဘုရား) ဝိပါကဝဋ်ဆိုတဲ့ ဒုက္ခသစ္စာကြီး မပေါ်လာသေးဘူးလား (ပေါ်လာပါတယ် ဘုရား)။

Look closely. Action (Kamma-vatta) creates. (True). Defilements (Kilesa-vatta) create. (True, Sir). Are you certain? (Certain, Sir). Which Rounds create? (The Round of Defilements and the Round of Action create, Sir). Because Kilesa and Kamma create, what appears here? The Truth of Suffering—the Round of Results (Vipaka-vatta). (True, Sir). Has the great Truth of Suffering not appeared? (It has appeared, Sir).

ကိုင်း-ဒါဖြင့် ဒီဟာ မိမိလားဆိုတော့ အဝိဇ္ဇာ (မှန်ပါ့ဘုရား) ဒီဟာ မိမိလားဆိုတော့ သင်္ခါရ (မှန်ပါ့ဘုရား) သဘောကျပလား (ကျပါတယ်) ဒီဟာ မိမိလားဆိုတော့ (ခန္ဓာငါးပါးပါ) ခန္ဓာငါးပါး-ဒုက္ခသစ္စာတရား (မှန်ပါ့ ဘုရား) ရှင်းနေပြီ-ရှင်းနေပြီ၊ မရှင်းကြသေးဘူးလား (ရှင်းပါတယ်)။

So, is this "Self"? No, it is Ignorance (Avijja). (True, Sir). Is this "Self"? No, it is Formations (Sankhara). (True, Sir). Do you agree? (We agree). Is this "Self"? (No, it is the Five Aggregates). It is the Five Aggregates—the Truth of Suffering. (True, Sir). It is clear. It is very clear. Is it not? (It is clear).

ကိုင်း-ဒကာ ဒကာမတို့ပဲ မေးပါ့မယ်၊ ဒကာ ဒကာမတို့ ခန္ဓာက ဒါပဲ၊ ယခု တရားနာနေတဲ့ခန္ဓာ နော် (မှန်ပါ့) ခန္ဓာငါးပါးနဲ့ တရားနာနေကြတာဆိုတာ ရှင်းပလား (ရှင်းပါပြီဘုရား)။

Let me ask the Yogis directly. Your Aggregate (Khandha) is just this. The Aggregate that is listening to the Dhamma right now. (True). Is it clear that you are listening with the Five Aggregates? (It is clear, Sir).

ကဲ ဘုရားသခင် ကိုယ်တော်မြတ်ကြီးကို အစေလကဿပ-က မေးလိုက်တယ်၊ ရှင်ကြီးဂေါတမ ဒုက္ခကို မိမိပြုတာလားလို့ မေးတော့ ဘုရားက ဘယ့်နှယ်ဖြေသတုံး (မဟုတ်ပါဘူးတဲ့ဘုရား)။

When Acela Kassapa asked the Blessed One, "Venerable Gotama, is Suffering created by oneself?", how did the Buddha answer? (He said, "No," Sir).

ဘုရားက မဟုတ်ဘူးလို့ ဖြေတယ် (မှန်ပါ့) ခင်ဗျားတို့ဒုက္ခ ခင်ဗျားတို့ပြုလို့ ရတာလား (မဟုတ်ပါဘူး ဘုရား) ဘယ်သူပြုတာပါလိမ့် (ကိလေသဝဋ် ကမ္မဝဋ်ပြုတာပါဘုရား)ကိလေသဝဋ်နဲ့ ကမ္မဝဋ်ရောပြုတယ် (မှန်ပါ့ ဘုရား) သဘောပါကြပလား (ပါ-ပါတယ်ဘုရား)။

The Buddha answered "No." (True). Can you create your own suffering? (No, Sir). Who creates it? (The Round of Defilements and the Round of Action create it, Sir). Both Kilesa and Kamma create it. (True, Sir). Do you grasp the meaning? (We do, Sir).

ဒုက္ခကို မိမိပြုတာ ဟုတ်သေးရဲ့လား (မဟုတ်ပါဘူးဘုရား) ကိလေသဝဋ်ကြောင့် (ကမ္မဝဋ်ဖြစ်ပါတယ်) ကမ္မဝဋ်ကြောင့် (ဝိပါကဝဋ် ဖြစ်ပါတယ်ဘုရား) ဟော သူ့အကြောင်းကြောင့် သူ့အကျိုးဖြစ်တာ (မှန်ပါ့ဘုရား) သေချာကြပလား (သေချာပါတယ်ဘုရား)။

Is Suffering created by oneself? Is that still true? (No, Sir). Because of the Round of Defilements... (The Round of Action arises). Because of the Round of Action... (The Round of Results arises). See! Effects arise due to causes. (True, Sir). Are you certain? (We are certain, Sir).

ကောင်းပြီ ဒါဖြင့် ပထမပုစ္ဆာမှာ အစေလကဿပသာ မသိတယ်၊ ဘုန်းကြီးတို့ ဒကာ ဒကာမတွေမှာ ရှင်းသွားပြီ (မှန်ပါ့ဘုရား) မရှင်းသေးဘူးလား (ရှင်းပါတယ်ဘုရား) ဒုက္ခကို မိမိပြုတာလား (မဟုတ်ပါဘူးဘုရား) ကိလေသ ဝဋ်နှင့် (ကမ္မဝဋ်တို့ ပြုတာပါဘုရား) သေချာပြီနော် (သေချာပါပြီ)။

Good. While Acela Kassapa did not yet understand the first question, my Yogis are already clear. (True, Sir). Are you not clear? (We are clear, Sir). Is Suffering created by oneself? (No, Sir). It is created by... (The Round of Defilements and the Round of Action, Sir). It is certain. (Certain).

ဒကာဝရေ သေသေချာချာမှတ်ပါ၊ သေသေချာချာမှတ်ပါ၊ ဒီတရားကို ဦးခင်မောင် တွင်တွင်ဟောလို့ မဖြစ်ဘူးနော် (မှန်လှပါဘုရား) ခင်ဗျားတို့ နားလည်မှုအတွက် အရေးတကြီးဆင်ပြီး ပြောရပါတယ် (မှန်လှပါ ဘုရား)။

Yogis, mark this well. Mark this well. U Khin Maung, I cannot preach this casually. (True, Sir). I must speak with great care and structure for your understanding. (True, Sir).

ကိုင်း နားထောင်ကောင်းအောင် ဟောတဲ့တရားမဟုတ်ဘူး ကိုယ့်ဖြစ်စဉ်ကိုယ်သိအောင် ဟောတဲ့တရား (မှန်လှပါဘုရား) ကိုယ့်ဖြစ်စဉ်ကို ကိုယ် ဇာတ်သိမ်းချင်တဲ့ဉာဏ် ပေါ်အောင် ရအောင် ဟောတဲ့တရားလို့ မှတ်ကြပါနော် (မှန်လှပါဘုရား)။

This is not a sermon meant to be "pleasant to the ear." It is a sermon meant for you to know your own process of existence. (True, Sir). Mark this as a sermon given so that the Wisdom to end your own drama arises within you. (True, Sir).

ကိုင်း ဒါဖြင့် အစေလကဿပ-က ဆွမ်းခံရင်း မေးပါတယ် ဒကာ ဒကာမတို့ ဒုက္ခ မိမိပြုတာလား လို့ ဘုရားကိုမေးတော့ ဘုရားက ဘယ့်နှယ်ဖြေသတုံး (မဟုတ်ပါဘူးတဲ့)။

So, Acela Kassapa asked while on alms-round: "Yogis, is Suffering created by oneself?" When asked, how did the Buddha answer? (He said "No").

ကဲ ယုံကြပလား (ယုံပါတယ်ဘုရား) ဒါ ဒုက္ခသစ္စာမဟုတ်လား (မှန်ပါ့ဘုရား) မိမိပြုတာ ဟုတ်ကဲ့ လား (မဟုတ်ပါဘူးဘုရား)။

Do you believe it? (We believe it, Sir). Is this not the Truth of Suffering? (True, Sir). Is it created by oneself? (No, Sir).

အို ဒကာ ဒကာမတို့ ကိုယ်ပြုလို့ ကိုယ်ရတာ ဟုတ်ပါရဲ့လား (မဟုတ်ပါဘူးဘုရား) ဒီလိုဆိုတော့ ဒုက္ခ မိမိပြုတာလားဆိုတော့ ဒကာ ဒကာမတို့ ပဋိစ္စသမုပ္ပါဒ်က ပြုတာဆိုရင်လဲ ဟုတ်တာပဲ (မှန်ပါ့ဘုရား) ကိလေသဝဋ် ကမ္မဝဋ်ကြောင့် ဖြစ်တယ်ဆိုရင်ကော (ဟုတ်ပါတယ်ဘုရား)။

Oh, Yogis, is it true that you created it and you got it? (No, Sir). If we say Suffering is created by oneself, one could argue that Dependent Origination created it. (True, Sir). Or that it arises because of Defilements and Action. (True, Sir).

အဲဒီတော့ အကြောင်းကြောင့်ဖြစ်တဲ့ အကျိုးဆိုရင်ကော (ဟုတ်ပါတယ်ဘုရား) အဲဒီလိုဆိုတော့ မိမိပါသေး ရဲ့လား (မပါပါဘူးဘုရား) ဒီမှာ သဿတစင်သွားတယ် (မှန်လှပါဘုရား)။

So, if it is an Effect arising from a Cause? (Yes, Sir). If so, is there any "Self" involved? (No, Sir). Here, *Eternalism (Sassata) is cleansed.* (True, Sir).

ဒကာ ဒကာမတို့ ခန္ဓာကိုယ်ကြီး ရထားတာ ကိုယ်လုပ်လို့ ကိုယ်ရထားတာလား (မဟုတ်ပါဘူးဘုရား) ဘယ်သူပါလိမ့် (ကိလေသဝဋ် ကမ္မဝဋ်ပါဘုရား) ကိလေသဝဋ် ကမ္မဝဋ်ပြုပြင်လိုက်တဲ့အတွက် ဝိပါကဝဋ်ခန္ဓာကြီး မရလား (ရပါတယ်ဘုရား) မိမိပြုတာ ဟုတ်သေးရဲ့လား (မဟုတ်ပါဘူးဘုရား) ကိုမြရွှေ ကျေနပ်ကဲ့လား (ကျေနပ်ပါတယ်ဘုရား) ဒီဘက်က ဒကာတွေ ကျေနပ်ကြရဲ့လား (ကျေနပ်ပါတယ်ဘုရား)။

Did you get this body because you made it yourself? (No, Sir). Who made it? (Defilements and Action, Sir). Because Defilements and Action conditioned it, did you not receive this Aggregate of the Round of Results? (We did, Sir). Is it still created by oneself? (No, Sir). Ko Mya Shwe, are you satisfied? (Satisfied, Sir). Are the Yogis on this side satisfied? (Satisfied, Sir).

ကိုင်း ဒါဖြင့် ၁-နံပါတ်ပုစ္ဆာ ခင်ဗျားတို့ ဉာဏ်ထဲမှာပဲ ရှင်းပါပြီ (ရှင်းပါပြီဘုရား) မရှင်းသေးဘူးလား (ရှင်းပါပြီ)။

So, regarding Question Number 1: It is clear in your wisdom. (Clear, Sir). Is it not? (Clear).

ဒုက္ခကို သူတပါးပြုတာလား?

Is Suffering Created by Another?

ကောင်းပြီ ၂-နံပါတ်ပုစ္ဆာ မေးလိုက်ပြီ၊ အစေလကဿပ-က မေးလိုက်တယ်၊ ရှင်ကြီးဂေါတမ ဒုက္ခကို သူတပါးပြုတာလား လို့ မေးလိုက်တယ်။

ဘုရားက မဟုတ်ပါဘူးကွာ တဲ့ (မှန်လှပါဘုရား) ဒီဒုက္ခ သူတပါးပြုတာ ဟုတ်သေးရဲ့လား (မဟုတ်ပါဘူးဘုရား) သူတပါးပြုတာဆိုရင် ဟိုလူတယောက်က ပေးလို့ရသလို ဖြစ်နေမှာပေါ့ (မှန်လှပါဘုရား)။

Good. Question Number 2 is asked. Acela Kassapa asked: "Venerable Gotama, is Suffering created by another?" The Buddha answered: "No." (True, Sir). Is this Suffering created by another? (No, Sir). If it were created by another, it would be as if someone else gave it to you. (True, Sir).

အခုတော့ ဒီလိုဟုတ်ပါရဲ့လား (မဟုတ်ပါဘုရား) ဘယ်သူက ပြုတာပါလိမ့် (ကိလေသဝဋ် ကမ္မဝဋ်က ပြုတာပါဘုရား) ကိလေသဝဋ်နဲ့ ကမ္မဝဋ်က ပြုလိုက်တာဆိုတာ မသေချာဘူးလား (သေချာပါတယ်ဘုရား)။

Now, is that the case? (No, Sir). Who created it? (Defilements and Action created it, Sir). It is certain that Defilements (Kilesa) and Action (Kamma) created it. (Certain, Sir).

ရှင်းလိုက်တာ-ရှင်းလိုက်တာ၊ ဦးခင်မောင်ရေ (မှန်လှပါဘုရား) ဒုက္ခကို သူတပါးပြုတာလဲ ဟုတ်ကဲ့လား (မဟုတ်ပါဘုရား) သူတပါးပြုရင် သူတပါးခံဆိုတဲ့ အဓိပ္ပါယ်မျိုး ယူသွားလို့ရှိရင်လဲ ပြုတဲ့လူက သူတပါး၊ ခံရတဲ့လူကကော (သူတပါးပါဘုရား) သူတပါးဆိုတော့ ဥစ္ဆေဒဒိဋ္ဌိဘက် မပြေးဘူးလား (ပြေးပါတယ်ဘုရား)။

How clear it is! How clear! U Khin Maung. (True, Sir). Is Suffering created by another? (No, Sir). If you take the view that another creates and another receives, then the creator is "another" and the receiver is... (Another, Sir). If it is "another," does it not run towards *Annihilationism (Uccheda Ditthi)*? (It does, Sir).

အဲဒါကြောင့် ဒီဒကာ ဒကာမတွေတော့ဖြင့် ခုနက သဿတဒိဋ္ဌိ စင်ခဲ့တယ်၊ ယခု ဥစ္ဆေဒဒိဋ္ဌိစင်သွားပြီ (မှန်လှပါ ဘုရား)။

Therefore, for these Yogis, Eternalism was cleansed earlier. Now, Annihilationism is cleansed. (True, Sir).

ပြန်မေးလိုက်ဦးမယ်၊ ဒုက္ခကို မိမိပြုတာလား (မဟုတ်ပါဘူးဘုရား) ဘယ်သူပြုတာပါလိမ့် (ကိလေသဝဋ် နဲ့ ကမ္မဝဋ်ပြုတာပါဘုရား) အဲဒီကတည်းကိုက ဒီအထဲ မိမိပါသေးရဲ့လား (မပါ-ပါဘုရား) မိမိပြုတာ မဟုတ်သောကြောင့် ဒီဥစ္စာလဲ မိမိဟုတ်သေးရဲ့လား (မဟုတ်ပါဘုရား) ခန္ဓာငါးပါး-ဒုက္ခသစ္စာတရားပဲ (မှန်လှပါဘုရား) အခု တရားနာ နေကြတာ ဘယ်သူတွေပါလိမ့် (ခန္ဓာငါးပါး ဒုက္ခသစ္စာတရားတွေပါ)။

Let me ask again. Is Suffering created by oneself? (No, Sir). Who created it? (Defilements and Action created it, Sir). Right there, is "Self" involved? (No, Sir). Because it is not created by oneself, is this "Self"? (No, Sir). It is the Five Aggregates—the Truth of Suffering. (True, Sir). Who are these people listening to the Dhamma? (The Five Aggregates, the Truth of Suffering).

ကဲ မိမိပြုလို့ မိမိရ-ထားတာ ဟုတ်ပါရဲ့လား (မဟုတ်ပါဘုရား) ငါပြုလို့ ငါရတာဆိုရင် သဿတဒိဋ္ဌိ ဖြစ်မယ် (မှန်လှပါဘုရား) အခုဒီထဲမှာ ငါပါရဲ့လား (မပါ-ပါဘူးဘုရား) အကျိုးထဲမှာကော (မပါ-ပါဘူး) အကြောင်းထဲမှာကော (မပါ-ပါဘူး) ဒါဖြင့် သဿတဒိဋ္ဌိစင်ပြီ (မှန်လှပါဘုရား)။

So, is it true that "I" created it and "I" possess it? (No, Sir). If "I" created it and "I" got it, that would be Eternalism. (True, Sir). Now, is there an "I" in this? (No, Sir). In the Effect? (No). In the Cause? (No). Thus, Eternalism is cleansed. (True, Sir).

ဒကာ ဒကာမတို့ သဿတဒိဋ္ဌိစင်ပြီ ခင်ဗျားတို့ သေချာပြီ၊ မကြာတော့ဘူး တဲ့ အလုပ်စခန်းဝင်လို့ရှိရင် နိဗ္ဗာန်ဝင်ဖို့ ဒိဋ္ဌိစင်ပြီးမှ လုပ်လို့ရှိရင် ဦးခင်မောင် သေသေချာချာရမယ် (မှန်လှပါ) ရှင်းပြီနော် (ရှင်းပါပြီ) ဒိဋ္ဌိစင်အောင် လုပ်ပေးနေတယ် (မှန်လှပါ)။

Yogis, Eternalism is cleansed. You are certain. "It will not be long," He says. If you enter the work, you will attain Nibbana. If you work after cleansing Wrong View (Ditthi), U Khin Maung, you will attain it steadily. (True, Sir). Is it clear? (Clear). I am helping you cleanse your Wrong Views. (True, Sir).

ကိုင်း ဒါဖြင့် ဒုတိယပုစ္ဆာက ရှင်ကြီးဂေါတမ ဒုက္ခကို သူတပါးပြုတာလားလို့မေးတော့ ဘုရားက ဘယ့်နှယ်ဖြေသလဲ (မဟုတ်ပါဘူး)။

So, regarding the second question: "Venerable Gotama, is Suffering created by another?" How did the Buddha answer? (He said "No").

ကဲ ဒကာ ဒကာမတို့ မဟုတ်တာကော သေချာပလား (သေချာပါပြီ) ဘယ်သူများ ဟုတ်ရမတုံး ကိလေသဝဋ်ကြောင့် ကမ္မဝဋ်ကြောင့် ပြုပြင်လိုက်တော့ ဘာဖြစ်လာသတုံး (ဝိပါကဝဋ်ဖြစ်ပါတယ်) ဝိပါကဝဋ် ဒုက္ခသစ္စာကြီး ပေါ်လာတယ် (မှန်ပါ့ဘုရား) မသေချာဘူးလား (သေချာပါတယ်ဘုရား) ဝိပါကဝဋ် ဒုက္ခသစ္စာ ကြီး လှလှကြီး ပေါ်လာတော့ ခင်ဗျားတို့ ခင်ဗျားတို့ခန္ဓာဘဲ (မှန်လှပါဘုရား) ရှင်းပြီနော် (ရှင်းပါပြီ)။

Are you Yogis certain that it is "No"? (Certain, Sir). Who is it, then? Because of Defilements, because of Action, when they condition it, what happens? (The Round of Results happens). The great Truth of Suffering—the Round of Results—appears. (True, Sir). Is it not certain? (Certain, Sir). When the great Truth of Suffering appears vividly, it is just your Aggregate. (True, Sir). Clear? (Clear).

ဒါဖြင့် နောက်ပုစ္ဆာကို သူတပါးပြုတာပဲလို့ ထင်လိုက်လို့ရှိရင်၊ တချို့ဘာသာမှာ ဗြဟ္မာကြီးက ဖန်ဆင်းတယ်၊ ထာဝရက ဖန်ဆင်းတယ်၊ ဒီလို ယူပစ်လိုက်ကြတာ (မှန်ပါ့ဘုရား) သူတပါးပြုတာ ယူလိုက်တယ် (မှန်လှပါဘုရား) ခန္ဓာကြီးဟာလေ (မှန်ပါ့)။

If you think, "It is created by another," you might adopt the view of some religions where a Great Brahma creates, or an Eternal God creates. You accept that "another" created it. (True, Sir). The great Aggregate... (True).

ခန္ဓာကြီး ဒုက္ခသစ္စာကြီး သူတပါးပြုတယ်လို့ ယူလိုက်တော့ ဒကာ ဒကာမတို့ ပြုသူကတခြား၊ ရသူက တခြားဆို တော့ အကြောင်းအကျိုး ဆက်သေးရဲ့လား (မဆက်ပါဘုရား) ဥစ္ဆေဒဒိဋ္ဌိဖြစ်တယ် (မှန်ပါ့) အဲဒါ ဒီ ဒကာ ဒကာမတွေ မှာ ဒီ ဥစ္ဆေဒဒိဋ္ဌိကော ရှိပါရဲ့လား (မရှိပါဘူးဘုရား) သေချာပလား (သေချာပါပြီ)။

If you accept that this great Mass of Suffering is created by another, Yogis, then the creator is one distinct entity, and the receiver is another. Does the Cause and Effect still connect? (They do not connect, Sir). It becomes Annihilationism. (True). Do these Yogis hold this Annihilationist view? (No, Sir). Are you certain? (Certain, Sir).

ကောင်းပြီ ဒါဖြင့် ဒိဋ္ဌိ ဘယ်နှစ်ခုစင်သတုံး (နှစ်ခုစင်ပါတယ်ဘုရား) ဒုက္ခ မိမိပြုတာလားဆိုတုန်းက ဘာစင်ခဲ့သတုံး (သဿတစင်ပါတယ်ဘုရား) သူတပါးပြုတာလားဆိုတော့ (ဥစ္ဆေဒဒိဋ္ဌိစင်ပါတယ်)။

Good. How many views have been cleansed? (Two have been cleansed, Sir). When asked if Suffering is created by oneself, what was cleansed? (Eternalism was cleansed, Sir). When asked if it is created by another? (Annihilationism was cleansed).

သူတပါးပြုတာ မဟုတ်ပါဘူး၊ ကိလေသဝဋ်၊ ကမ္မဝဋ်ကြောင့် ဝိပါကဝဋ်ဖြစ်တာပါလို့ သိလိုက်သဖြင့် ဥစ္ဆေဒဒိဋ္ဌိ မစင်ဘူးလား (စင်ပါတယ်ဘုရား)။

By knowing, "It is not created by another; it is the Round of Results arising from the Round of Defilements and Action," is Annihilationism not cleansed? (It is cleansed, Sir).

ဒုက္ခဟာ မိမိနှင့် သူတပါး နှစ်ဦးသား ရောပြီးပြုတာလား?

Is Suffering Created by Both?

၃-နံပါတ်ပုစ္ဆာ မေးပြန်တယ်၊ အစေလကဿပ-က မကျေနပ်ဘူး ဒီနေရာမှာတဲ့၊ ဒါဖြင့် ဒုက္ခဟာ မိမိနှင့် သူတပါး နှစ်ဦးသား ရောပြီးပြုတာလား လို့ မေးလိုက်ပြန်တယ် ဦးခင်မောင်ရေ ဘယ်လိုမေးလိုက်ပြန်ပါလိမ့် (မိမိနှင့်သူတပါး နှစ်ဦးသားရောပြုတာလားလို့ မေးပါတယ်)။

He asked Question Number 3. Acela Kassapa was not satisfied yet. "Then, is Suffering created by both oneself and another?" he asked. U Khin Maung, what did he ask? (He asked if it is created by both oneself and another combined).

မိမိနှင့်သူတပါး နှစ်ဦးသား ရောပြုတာလား လို့ မေးလိုက်တော့ သဿတနဲ့ ဥစ္ဆေဒရောမေးတယ် (မှန်လှပါဘုရား) ဒီလိုဆိုတော့ ဘုရားသခင်ကိုယ်တော်မြတ်ကြီးက မဟုတ်ပါဘူးကွလို့ပဲ ဖြေလိုက်တယ် (မှန်လှပါ ဘုရား)။

When asked if it is created by both oneself and another, he is asking about both Eternalism and Annihilationism combined. (True, Sir). To this, the Blessed One simply answered: "No." (True, Sir).

ဒကာ ဒကာမတွေ မေးသလို ယုံသလား (မယုံပါဘူးဘုရား) မိမိဒီထဲမှာ ပါရဲ့လား (မပါ-ပါဘူး) သူတပါးကော ပါရဲ့လား (မပါ-ပါဘူး) ဒါ မိမိလဲ မဟုတ်ပါဘူး၊ သူတပါးလဲ မဟုတ်ပါဘူး၊ ကိလေသဝဋ် ကမ္မဝဋ် တွေပါ (မှန်ပါ့)။

Do you Yogis believe as he asked? (We do not, Sir). Is "Self" involved here? (No, Sir). Is "Another" involved? (No, Sir). It is neither oneself nor another; it is the Round of Defilements and the Round of Action. (True).

ဒီကမ္မဝဋ်ကြောင့် ဝိပါကဝဋ်-ခန္ဓာကြီးဖြစ်တော့ မိမိလဲမဟုတ်ဘူး၊ သူတပါးလဲမဟုတ်ဘူး၊ အကြောင်းကြောင့်ဖြစ် တဲ့ အကျိုးပဲ (မှန်ပါ့ဘုရား) ဘယ်လိုဆုံးဖြတ်ချက်ချမလဲ (အကြောင်းကြောင့်ဖြစ်တဲ့ အကျိုးပါဘုရား) အကြောင်း ကြောင့်ဖြစ်တဲ့ အကျိုးပဲဆိုတာ သေချာပလား (သေချာပါပြီ)။

Because of this Round of Action, the Aggregate of the Round of Results arises. Thus, it is not "Self," nor is it "Another." It is an Effect arising due to a Cause. (True, Sir). What is your decision? (It is an Effect arising due to a Cause, Sir). Are you certain it is an Effect arising due to a Cause? (Certain, Sir).

ကိုင်း ဒီလိုဆိုတော့ သဿတဥစ္ဆေဒ မစင်သေးဘူးလား (စင်ပါတယ်ဘုရား) အကြောင်းအကျိုးတော့ ဦးခင်မောင် မလွဲစေနဲ့နော် (မှန်ပါ့) အကြောင်းကြောင့်ဖြစ်တဲ့ အကျိုးချည်းပဲ (မှန်လှပါဘုရား) ကိလေသဝဋ် ကမ္မဝဋ်ကြောင့် ဘာဖြစ်ပါလိမ့် (ဝိပါကဝဋ်ဖြစ်ပါတယ်) ဝိပါကဝဋ်ဆိုတဲ့ ဒုက္ခသစ္စာကြီး မပေါ်ဘူးလား (ပေါ်ပါ တယ်ဘုရား)။

So, are Eternalism and Annihilationism not cleansed? (They are cleansed, Sir). Do not lose sight of Cause and Effect, U Khin Maung. (True). It is purely Effects arising from Causes. (True, Sir). Due to Defilements and Action, what happens? (The Round of Results happens). Does the great Truth of Suffering not appear? (It appears, Sir).

ကောင်းပြီ ဒါဖြင့် ပုစ္ဆာသုံးခုစလုံးမှာ ဒကာ ဒကာမတို့ သဿတဥစ္ဆေဒ ဉာဏ်ထဲမှာ စင်ပလား (စင်ပါပြီ) ကိုယ့်ဉာဏ်ထဲမှာ (စင်ပါပြီဘုရား)။

Good. In all three questions, Yogis, are Eternalism and Annihilationism cleansed from your wisdom? (Cleansed, Sir). Inside your own wisdom? (Cleansed, Sir).

ဒီခန္ဓာကြီးဟာ တရားနာတဲ့ခန္ဓာကြီး (မှန်ပါ့) အင်း တရားနာတဲ့ခန္ဓာကြီး မိမိပြုတာလား (မဟုတ်ပါ ဘူး) သူတပါးပြုလိုက်တာလား (မဟုတ်ပါဘူး) အင်း ဒီအကြောင်းနှစ်ခုကြောင့် ဒီအကျိုးပေါ့ဗျာ (မှန်လှပါ) သေချာကြပလား (သေချာပါတယ်) မိမိနှင့် သူတပါး နှစ်ဦးသားပြုတာလား (မဟုတ်ပါဘူးဘုရား) ဒီအကြောင်း နှစ်ခုကြောင့် ဒီအကျိုး (မှန်ပါ့) သေချာပလား (သေချာပါပြီ)။

This great Aggregate... the Aggregate listening to the Dhamma... (True). Is this listening Aggregate created by oneself? (No). Is it created by another? (No). It is this Result arising from these two Causes. (True, Sir). Are you certain? (Certain). Is it created by both oneself and another? (No, Sir). This Result from these two Causes. (True). Are you certain? (Certain, Sir).

ဒုက္ခဆို တဲ့ခန္ဓာကြီးသည် အလိုလိုပေါ်တာလား

Does Suffering Arise Spontaneously?

ဒါနဲ့ ဦးခင်မောင် ဒကာဝ လေးကြိမ်မြောက် မေးပြန်တယ် (မှန်ပါ့) ရှင်ကြီးဂေါတမ ဒါဖြင့် ဒုက္ခဆို တဲ့ခန္ဓာကြီးသည် အလိုလိုပေါ်တာလား ဒါပဲ မေးစရာရှိတယ်၊ ဒုက္ခဆိုတဲ့ ခန္ဓာကိုယ်ကြီးဟာ အလိုလိုပေါ်တာလားဆို တော့ ဘုရားက မဟုတ်ပါဘူးကွာတဲ့ ဒကာ ဒကာမတို့ မဟုတ်ဘူးလို့ ဖြေရတယ်၊ အဓိစ္စသမုပ္ပန္နဒိဋ္ဌိကိုးဗျ (မှန်လှပါ ဘုရား)။

Then, U Khin Maung, he asked a fourth time. (True). "Venerable Gotama, then does this body, this Suffering, arise spontaneously on its own?" That is the only question left. "Does this Mass of Suffering arise spontaneously?" The Buddha answered: "No." Yogis, He had to answer "No." This is the *Wrong View of Causelessness (Adhicca-samuppanna Ditthi)*. (True, Sir).

ကဲ ဒါဖြင့် ဒကာ ဒကာမတွေကော အလိုလိုပေါ်တာကော ဟုတ်ကဲ့လား-(မဟုတ်ပါဘူးဘုရား) ကိလေသဝဋ် ကြောင့် (ကမ္မဝဋ်ပေါ်ပါတယ်) ကမ္မဝဋ်ကြောင့် (ဝိပါကဝဋ်ပေါ်တယ်)။

So, for the Yogis, does it arise spontaneously? (No, Sir). Because of the Round of Defilements... (The Round of Action appears). Because of the Round of Action... (The Round of Results appears).

ဒါဖြင့် ဘယ်မှာ အလိုလိုဟုတ်ကဲ့လား (မဟုတ်ပါဘူး) သေသေချာချာ ရှင်းကြပါ၊ သေသေချာချာ ရှင်းကြ ပါ၊ ဒီနေရာမှာ သိပ်အရေးကြီးတယ် (မှန်လှပါဘုရား) ဒကာ ဒကာမတွေ ဒိဋ္ဌိနှစ်မျိုး စင်သွားပြီ (မှန်လှပါ)။

So, is "spontaneously" correct? (No). clear this up thoroughly. Clear this up thoroughly. This point is very important. (True, Sir). Two types of Wrong Views are cleansed for the Yogis. (True, Sir).

အဲဒီနှစ်မျိုးစင်ပြီးမှ ဘုန်းကြီးက ဝိပဿနာ ထိုးပြလိုက်လို့ ရှုတတ် မှတ်တတ်ပြီဆိုလို့ရှိရင်ဖြင့် မကြာတော့ပါဘူး တဲ့၊ ကိုယ်လိုချင်တဲ့ ကိုယ့်ပါရမီ ကိုယ့်ဉာဏ်အလိုက် ဒီဘဝမှာ စူဠသောတာပန်ဖြစ်ပြီး နောက်ဘဝမှာ မဟာသောတာ ပန်ဖြစ်နိုင်တယ် (မှန်ပါ့ဘုရား)။

Once these two are cleansed, if I guide you with Insight (Vipassana), and if you know how to watch and note, it will not be long. According to your desire and your perfection (Parami), you can become a Lesser Stream Enterer (Sotapanna) in this life, and a Greater Stream Enterer in the next. (True, Sir).

ရဟန္တာမဆိတ်ပါဘူးကွ

Arhatship is not silent.

ကိုယ့်ဉာဏ်က ထက်လာပြန်လို့ရှိရင်လဲ ဒီဘဝမှာပဲ မဟာသောတာပန်ဖြစ်နိုင်တယ် (မှန်လှပါဘုရား) ဘယ်အခါမှ အရိယာမဆိတ်သုဉ်းဘူးဆိုတာ သုဘဒ်ရဟန်းကြီး မေးလို့ ဘုရားကဖြေထားခဲ့တာ ရှိတယ်နော် (မှန်ပါ့ ဘုရား)။

If your Insight Knowledge (Vipassana Ñāṇa) becomes sharp, you can attain the stage of a Maha-Sotapanna in this very life. (True, Sir). The Buddha explicitly answered the wandering ascetic Subhadda that the world will never be empty of Noble Ones (Ariyas). (Yes, Sir).

ဣမေ စ သုဘဒ္ဒ ဘိက္ခူ သမ္မာ ဝိဟရေယျုံ၊

အသုညော လောကော အရဟန္တေသိ အဿ- (မဟာဝဂ္ဂပါဠိ၊ ၁၂၅)

Ime ca Subhadda bhikkhū sammā vihareyyuṃ,

Asuñño loko arahantehi assā.

သုဘဒ္ဒ=အိုသုဘဒ္ဒ၊ ဣမေစဘိက္ခူ=ဤရဟန်းတို့သည်ကား၊ သမ္မဝိဟရေယျုံ=ကောင်းစွာကျင့်သုံး၍ နေကုန်ငြားအံ့၊ လောကော=လောကကြီးသည်၊ အရဟန္တေဟိ=ရဟန္တာတို့မှ၊ အသုညော=မဆိတ်သုဉ်းသည်၊ အဿ=ဖြစ်ရာ၏။

"O Subhadda! If these monks live rightly—practicing the Path—the world will not be empty of Arahants."

ဆိုပြီးသကာလ သုတ်မဟာဝါပါဠိတော် မဟာပရိနိဗ္ဗာနသုတ်မှာ အသေအချာလာပါတယ် (မှန်ပါ့ဘုရား)။

This is clearly stated in the Mahāparinibbāna Sutta of the Mahāvagga Pali. (True, Sir).

ဘယ်အခါမှ သောတာပန် သကဒါဂါမ် အနာဂါမ် ရဟန္တာမဆိတ်ပါဘူးကွ၊ သမ္မာပဋိပန္နဆိုတဲ့ ခုနက မဂ်အကျင့် ပဲ ကျင့်ပါ တဲ့ (မှန်ပါ့ဘုရား) ဦးခင်မောင်ရေ မဂ်ရကြောင်း အကျင့်သာကျင့်မယ်ဆိုရင် သောတာပန် သကဒါဂါမ် အနာဂါမ် ဆိတ်ကဲ့လား (မဆိတ်ပါဘူးဘုရား) ကဲဒါဖြင့် အဲဒါအသာထားလိုက်ပါဦး၊ သူ့ပုစ္ဆာကလေး မေးထားတဲ့ဥစ္စာ ဖြေကြဦးစို့ ၊ အခု လေးခုမြောက်သွားပြီ (မှန်ပါ့) ဘုရားကလဲ မဟုတ်ဘူးချည်းဖြေတယ်နော် (မှန်လှပါ) ကဲ ငါးခု မြောက်မေးလိုက်တယ်၊ ရှင်ကြီးဂေါတမ-ဒါဖြင့် ဒုက္ခမရှိဘူးလားလို့ သူက မေးလိုက်တယ်၊ ကဲ ဒကာ ဒကာမတွေက ဘယ့်နှယ်ဖြေမလဲ (ရှိပါတယ်ဘုရား)။

The world will never be devoid of Sotapannas, Sakadagamis, Anagamis, or Arahants. The Buddha urged us: "Just practice the Path correctly" (Sammā-patipanna). (Yes, Sir). U Khin Maung, if you practice the Path that leads to the Magga, will the world be empty of Noble Ones? (No, it won't, Sir). Well, let us leave that aside for a moment. Let us return to answering his questions. We have covered the fourth point. (Yes, Sir). The Buddha answered "No" to the previous questions. (True, Sir). Now, he asks the fifth question: "O Monk Gotama, does Suffering (Dukkha) not exist?" How would you Yogis answer? (It exists, Sir).

ခန္ဓာငါးပါးဟာ ဘာသစ္စာလဲ (ဒုက္ခသစ္စာပါဘုရား) ကိုယ့်မှာကို ကိုယ်ပိုင်ရှိနေတယ် (မှန်ပါ့ဘုရား) ကိုယ့်မှာ ကို ကိုယ်ပိုင်ရှိနေတဲ့ ဒုက္ခသစ္စာဆိုတာ သေချာပလား (သေချာပါတယ်ဘုရား)။

What Truth are the Five Aggregates? (They are the Truth of Suffering, Dukkha Sacca, Sir). You possess this within yourselves. (Yes, Sir). Is it certain that the Five Aggregates you possess are indeed the Truth of Suffering? (It is certain, Sir).

ဒုက္ခမရှိဘူးလား?

အစေလကဿပ ငါးခုမြောက်မေးလိုက်တာက ဒုက္ခမရှိဘူးလား လို့ ဘုရားကိုမေးတော့ ဘုရားက ရှိပါတယ် ကွာ တဲ့၊ (မှန်ပါ့ဘုရား) ရှိကော-ရှိတာ သေချာကြပလား (သေချာပါတယ်ဘုရား)။

When Acela Kassapa asked the fifth question—"Does Suffering not exist?"—the Buddha replied, "It does exist." (Yes, Sir). Does it exist? Are you sure? (We are sure, Sir).

ဘုရားက ဘာဖြစ်လို့ ရှိတယ်လို့ ပြောတာပါလိမ့် (ခန္ဓာငါးပါး ဒုက္ခသစ္စာကို မြင်လို့ပါဘုရား) အဲ ခန္ဓာ ငါးပါးဟာ ဒုက္ခသစ္စာတရား “သံခိတ္တေန ပဉ္စုပါဒါနက္ခန္ဓာပိ ဒုက္ခာ” ဆိုတဲ့အတိုင်း ခန္ဓာငါးပါးဟာ ဒုက္ခသစ္စာဆိုတာ မသေချာလား (သေချာပါတယ်ဘုရား) အဲ-ဒါနဲ့ပဲ အခု ငါးခုပြီးသွားပြီနော် (မှန်ပါ့) ခြောက်ခုမြောက်ကို တခါ မေးပြန်တယ်၊ ရှင်ကြီးဂေါတမ ဒုက္ခမရှိဘူးလားဆိုတော့ ရှိတယ်လို့ပြောတယ်၊ ရှင်ကြီးဂေါတမ ဒုက္ခမသိဘူးလားလို့ သူက ဆက်မေးပြန်တယ် (မှန်ပါ့ဘုရား)။

Why did the Buddha say it exists? (Because He saw the Five Aggregates as the Truth of Suffering, Sir). Indeed. As the verse goes, "Saṃkhittena pañcupādānakkhandhā pi dukkhā"—in brief, the Five Aggregates of Clinging are Suffering. Is it not certain that the Five Aggregates are Dukkha Sacca? (It is certain, Sir). So, five questions are complete. (Yes, Sir). Now he asks the sixth question. After being told that suffering exists, he asks: "O Monk Gotama, do You not know Suffering?" (Yes, Sir).

ဒုက္ခမသိဘူးလား?

ဒုက္ခမသိဘူးလားလို့ မေးတဲ့အခါကျတော့ ဒုက္ခ ငါ သိပါတယ်ကွ ဆိုတော့ ဘာကို လက်ညှိုးထိုးပြသလဲ (ခန္ဓာငါးပါး ပြပါတယ်) ခန္ဓာငါးပါးပဲ ပြတယ် (မှန်လှပါဘုရား) ဒကာ ဒကာမတို့ သဘောကျပလား (ကျပါပြီ) ပုစ္ဆာဘယ်နှစ်ချက်ပါလိမ့် (ခြောက်ချက်ပါဘုရား)။

When asked if He did not know Suffering, the Buddha replied, "I do know Suffering." What did He point to? (He pointed to the Five Aggregates, Sir). He pointed only to the Five Aggregates. (True, Sir). Do you Yogis grasp this? (We grasp it, Sir). How many questions were there? (Six questions, Sir).

ဒါဖြင့် ဒကာ ဒကာမတို့ ပုစ္ဆာခြောက်ချက်မေးတော့ကို ဒကာ ဒကာမတို့သန္တာန်မှာ ဒိဋ္ဌိဘယ်နှစ်မျိုး စင်သတုံး (နှစ်မျိုးစင်ပါတယ်ဘုရား) ဘယ်ဟာပါလိမ့်ဗျာ (သဿတဒိဋ္ဌိနဲ့ ဥစ္ဆေဒဒိဋ္ဌိပါ) သဿတဒိဋ္ဌိနဲ့ ဥစ္ဆေဒဒိဋ္ဌိစင်ပြီ (မှန်လှပါ)။

So, having gone through these six questions, how many types of Wrong View (Ditthi) have been cleared from your minds? (Two types are cleared, Sir). Which ones? (Sassata Ditthi and Uccheda Ditthi). Yes, Eternalism (Sassata) and Annihilationism (Uccheda) are cleared. (True, Sir).

ဒါဖြင့် ဒိဋ္ဌိစင်ပြီးမှ ဝိပဿနာကြိုးစားရရင် ခရီးမပေါက်ဘဲ ရှိပါ့မလား (ပေါက်ပါတယ်ဘုရား) သဘောကျ ပလား (ကျပါပြီ) ဒိဋ္ဌိစင်ပုံကော ကျေနပ်ပလား (ကျေနပ်ပါပြီ)။

If you practice Insight Meditation (Vipassana) only after clearing these Wrong Views, is there any chance you won't reach the goal? (We will reach it, Sir). Do you see the logic? (Yes, Sir). Are you satisfied with how Wrong View is removed? (We are satisfied, Sir).

နက်ဖြန် ပဋိစ္စသမုပ္ပါဒ်ကို ဒကာ ဒကာမတို့ အစေလကဿပ အရှုခိုင်းတော့မယ် (မှန်ပါ့ဘုရား) အရှုခိုင်းလို့ရှိရင် သူကိုယ်တိုင်ပဲ မကြာခင် ရဟန္တာဖြစ်ပါလိမ့်မယ်ဆိုတာ ဒီဝတ္ထုမှာ သေသေချာချာလာတယ် (မှန်လှပါ) ရှင်းကြပလား (ရှင်းပါပြီ)။

Tomorrow, I will explain how the Buddha instructed Acela Kassapa to observe the Dependent Origination (Paticcasamuppada). (Yes, Sir). It is clearly stated in the story that by following this instruction, he soon became an Arahant. (True, Sir). Is that clear? (Yes, it is, Sir).

ကိုင်း ဒီနေ့ နာရီစေ့ပြီ၊ တော်ကြဦးစို့။

သာဓု သာဓု သာဓု။

Well, the hour is up. Let us stop here for today.

Sadhu! Sadhu! Sadhu!