တရားတော်

book-247

အသက်ကြီးတဲ့ပုဂ္ဂိုလ်တွေ အချိန်မီပါသေးတယ်

အသက်ကြီးတဲ့ပုဂ္ဂိုလ်တွေ အချိန်မီပါသေးတယ်

It Is Not Too Late for Older People

အသံဖိုင်ခေါင်းစဉ်= နိဗ္ဗာန်အရှာမလွဲကြစေရန်တရားတော်

စာအုပ်ခေါင်းစဉ်= အသက်ကြီးတဲ့ပုဂ္ဂိုလ်တွေ အချိန်မီပါသေးတယ်

အသံမကြည်ပါ။

ကျေးဇူးတော်ရှင်အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး အမရပူရမြို့၌

ဟောကြားဆုံးမတော်မူသောတရားတော်

A Dhamma Talk delivered by the Benefactor, Aggamahāpaṇḍita Venerable Mogok Sayadaw, in Amarapura on November 11th, 1960.

အသက်ကြီးတဲ့ပုဂ္ဂိုလ်တွေ အချိန်မီပါသေးတယ်

ဟောကြားသည့်နေ့

(၁၁-၁၁-၆၀)

ဒုက္ခခပ်သိမ်း ငြိမ်းတာ ဘာခေါ်ကြမယ် (နိဗ္ဗာန်ပါ)၊ ဪ နိဗ္ဗာန်ဆိုတာ ဒုက္ခ ဘာမှ မရှိတာပါလား ဆိုတာ ဒကာကြွယ်တို့ အစောကြီး မှတ်ထားရမယ် (မှန်ပါ့)၊ တစ်ထောင့်ငါးရာ ကိလေသာ ငြိမ်းတာလည်း ဘာခေါ်ကြမယ် (နိဗ္ဗာန်ပါဘုရား)။

What do we call the cessation of all suffering? (Nibbana, Sir). Oh, Daga Kywe, you must note this very early on: Nibbana means the total absence of suffering. And what do we call the extinguishing of the one thousand five hundred defilements? (Nibbana, Sir).

ကောင်းပြီ ဒါဖြင့် နိဗ္ဗာန်ကို ဒကာ ဒကာမတွေ ယနေ့ အရေးတကြီးပြောစရာက ဘုန်းကြီးကလည်း စေတနာ ကြီးကြီး ထားတယ်၊ ဒကာ ဒကာမတွေကလည်း ဟာ ဒီတစ်ခါ အရယူမယ်လို့ စေတနာ ထားကြပါ (မှန်ပါ့)။

Good. Today, I have a great desire to speak to you about Nibbana, and you must have the desire to attain it this time. (Yes, Sir).

ဘေးလွတ်ရာကို ရောက်ပြီးမှ စိတ်အေးကြပါ

Relax Only After Reaching Safety

ဒကာ ဒကာမတို့ အမျိုးမျိုးသော ဘေးတွေကလည်း ရှိသေးတယ်၊ အိုရမည့်ဘေးတွေကလည်း ရှိသေးတယ်၊ နာရမည့် ဘေးတွေကလည်း ရှိသေးတယ်၊ တစ်ဖန် ပဋိသန္ဓေနေပြီး အပါယ် လေးပါးကို အမေမိဘလွဲ အယူလွဲတွေကြောင့် ကျရမည့် မသူတော်ဘေးတွေကလည်း ရှိနေသေးတော့ ဘေးလွတ်ရာကို ရောက်ပြီးမှပဲ စိတ်အေးကြပါဆိုတာကို သတိပေးပါတယ် (မှန်ပါ့)။

Yogis, there are still many dangers surrounding you. The danger of aging helps no one; the danger of sickness awaits. Furthermore, due to wrong views picked up from parents or teachers, there is the lingering danger of being reborn in the Four Woeful States (Apaya). Therefore, I warn you: Do not relax until you have reached the place free from danger. (True, Sir).

ဘေးလွတ်ရာကိုရောက်ပြီးမှ စိတ်အေးကြပါဆိုတော့ ဆရာဘုန်းကြီး မှာချင်တာပြောချင်တာက ဘာပါလိမ့်မလဲ ဆိုတော့ ဘုန်းကြီးတို့ ဒကာ ဒကာမတွေ ရှေ့နောက် အခွဲကလေး တစ်ခုကိုဖြင့် မမေ့ပါနဲ့ (မှန်ပါ့)၊ ရှေ့ဆိုတာက သားရေး၊ သမီးရေး၊ စီးပွားရေးကို နောက်ထားပြီး သကာလ ကိုယ် မအို မသေ အမြဲနေရမည့် ချမ်းသာတဲ့ အရေးကို ရှေ့ထားပါ (မှန်ပါ့)။

When I say "reach safety," what do I mean? Do not forget to distinguish what comes first and what comes last. (Yes, Sir). What comes first? You must prioritize the task of ending aging and death—the eternal happiness. Put the affairs of sons, daughters, and business behind you. (Yes, Sir).

ကိုယ်အသေလွတ်တဲ့ဘေးကို ရှေ့ထားပါ

Prioritize the Escape from Death

ပြီးတော့မှ မတတ်သာလို့ နောက်တုန်းက မှားယွင်း ထားလို့ သားတွေ၊ သမီးတွေ၊ ခင်ပွန်းမတွေ ပေါ်ပြီး သကာလ နေတဲ့အရေး ကျွေးစရာ မွေးစရာစတဲ့ အရေးတွေကလည်း ရှိကြ သေးတယ် (မှန်ပါ့)၊ အဲဒါကို နောက်ထားပါ။ ကိုယ်အသေ လွတ်တဲ့ဘေးကို ရှေ့ထားပါလို့ သတိ ပေးလိုက်ပါတယ် (မှန်ပါ့ ဘုရား)။

Of course, due to past entanglements, you have spouses and children, and you must feed and care for them. There is no helping that. (True, Sir). But put that second. I warn you: Prioritize the escape from the danger of rebirth and death. (Yes, Sir).

သားရေး၊ သမီးရေး၊ စီးပွားရေးကို မလုပ်ရဘူးလို့ ဒီလို ဆရာဘုန်းကြီးမဟောပါဘူး (မှန်ပါ့)၊ သားရေး၊ သမီးရေး၊ စီးပွားရေး ဘာလုပ်ရမလဲ (နောက်ထားရပါမယ် ဘုရား)၊ ကိုယ့်အိုဘေး၊ နာဘေး ကင်းတဲ့ အရေးကို (ရှေ့ထားရပါ မယ် ဘုရား)။

I am not telling you to abandon your children or stop your business. (True, Sir). But where should you place those concerns? (We must place them second, Sir). And the task of escaping aging and sickness? (We must place it first, Sir).

ဒကာကြွယ် ဒါလောက် ပြင်လိုက်ရင်ပဲ တော်ပါပြီ (မှန်ပါ့)၊ အားလုံးသော ဒကာ ဒကာမတွေ ဒီလိုခွဲခြမ်းပြီး သကာလ သိထားလို့ရှိရင် ဒကာသစ်တို့ ကျေးဇူးများပါလိမ့် မယ် (မှန်ပါ့ ဘုရား)။

Daga Kywe, if you can just adjust this much, it is enough. (Yes, Sir). If all you Yogis can distinguish clearly between what is primary and what is secondary, it will be of great benefit to Daga Thit and the rest of you. (True, Sir).

သားရေးသမီးရေးနောက်ထားပါ

Put Worldly Affairs Behind You

သားရေး၊ သမီးရေး၊ စီးပွားရေး ဘာလုပ်ရမယ် (နောက်ထားရပါမယ်)၊ ကိုယ့်အိုရေး၊ နာရေး၊ သေရေး အပါယ် ကျမည့်ဘေးကို လွတ်တဲ့အရေးကို (ရှေ့ထားရမှာပါ ဘုရား)၊ ဒါဖြင့် ရှေ့နောက် ကလေးခွဲရုံနဲ့ပဲ ဘုန်းကြီးတို့ ဒကာ ဒကာမတွေ မှာ ကျေးဇူး အင်မတန် များပါလိမ့်မယ်လို့ မှတ်လိုက် ကြစမ်းပါ (မှန်ပါ့ ဘုရား)။

What must you do with family affairs and business? (Put them in the back). And the task of escaping aging, sickness, death, and the Woeful States? (Put it in the front, Sir). Just by making this distinction between front and back, you will gain immense benefit. Mark this well. (Yes, Sir).

အဲဒီတော့ အခုဆရာဘုန်းကြီးက ဒကာ ဒကာမတွေဟာ ရှေ့နောက်လွဲပြီးနေတယ်၊ အိုမှ ဘုရားတရား ကျောင်းကန် ဆိုတော့ အိုတော့လည်း ကံမွဲ၊ ဉာဏ်မွဲနဲ့ နေပြန်တော့ အင်မတန် ခက်ခဲနက်နဲတဲ့ နိဗ္ဗာန်ဆိုတဲ့ အရပ်ကြီးကို သွားဖို့ရာ လမ်းခရီး ကြီးကို အားမထုတ်နိုင်တော့ဘူး (မှန်ပါ့ ဘုရား)။

Right now, you Yogis have your priorities backward. You think, "I will attend to the Buddha and the Dhamma only when I am old." But when you are old, your Kamma is depleted, and your intellect is dull. You no longer have the strength to strive on the difficult, profound journey to Nibbana. (True, Sir).

အဲဒီတော့ ဘုန်းကြီးတို့ ဒကာ ဒကာမတွေ လွဲနေတာက သားရေး၊ သမီးရေးကို ရှေ့ထားပြီး သကာလ နိဗ္ဗာန်ရောက်မည့် အရေးကို နောက်ထားတော့ မရနိုင်တဲ့အချိန်ကျမှ လိုချင်ပါတယ် ဆိုလို့ ရှိရင်ဖြင့် ဒကာကြွယ်၊ ဒကာသစ်တို့ ရနိုင်စရာ မြင်သေးရဲ့လား (မမြင်ပါ ဘုရား)။

You are mistaken because you put family affairs in the front and the task of attaining Nibbana in the back. If you only say "I want it" when the time has run out and you can no longer practice, Daga Kywe, Daga Thit—do you think you can still get it? (We do not see how, Sir).

ရှေ့နောက်ခွဲပေးကြစမ်းပါ

Please Sort Out Your Priorities

အဲဒါကို ဆရာဘုန်းကြီးက ဒကာ ဒကာမတို့ ရှေ့နောက် ကလေးတော့ ခွဲပေးကြစမ်းပါ။ ကိုယ့်ကိုယ်ကို သနားရင် (မှန်ပါ့)၊ ကိုယ့်ကိုယ်ကို သနားရင် ဘာခွဲရမယ် (ရှေ့နောက် ခွဲရပါမယ်)၊ သားရေး၊ သမီးရေး၊ စီးပွားရေး ဘာလုပ်ရမတုံး (နောက်က ထားရပါမယ် ဘုရား)၊ အိုမှု၊ နာမှု၊ သေမှု လွတ်တဲ့ အရေးကို (ရှေ့ထားရပါမယ် ဘုရား)၊ ဒကာကြွယ် ဒီသဘော မှတ်ထားရမယ် (မှန်ပါ ဘုရား)။

That is why I urge you: Please, sort out your priorities. If you have any compassion for yourself—(Yes, Sir)—if you pity yourself, what must you do? (We must prioritize correctly, Sir). What do we do with children and business? (Put them behind us, Sir). And the freedom from aging, sickness, and death? (Put it before us, Sir). Daga Kywe, you must memorize this principle. (Yes, Sir).

ဒကာကြွယ်တို့ လုပ်ပြီးသား ဘုန်းကြီးပြင်ပေးလို့သင့်ရုံ ကလေးရှိတာနော် (မှန်ပါ့)၊ လွဲထားတာကတော့ အတော့်ကို လွဲထားတာ (မှန်ပါ့ ဘုရား)။

I am merely adjusting what you are already doing. (Yes, Sir). But currently, your priorities are drastically wrong. (True, Sir).

နိဗ္ဗာန်ရောက်တဲ့အရေးရှေ့ထားကြ

Prioritize the Task of Nibbana

ကိုင်း ဒါဖြင့် ဒကာ ဒကာမတို့ ရှေ့ထားရမည့် ဥစ္စာကို တရားတစ်ပွဲလုံးက တာဝန်ခံတော့ ဘုန်းကြီးများကလည်း ကိုင်း-အိုရေး၊ နာရေး၊ သေရေးလွတ်တဲ့ နိဗ္ဗာန်ရောက်တဲ့အရေး ရှေ့ထား ကြစို့လို့ တရားတစ်ပွဲလုံးက ဆုံးဖြတ်ချက်ချ (မှန်ပါ့)။

Now, since the whole audience is responsible for what must be prioritized, let us make a firm decision: "We will prioritize the attainment of Nibbana—freedom from aging, sickness, and death!" Let the whole audience decide this. (Yes, Sir).

သားရေး၊ သမီးရေး၊ စီးပွားရေးဆိုတာ ဘဝများစွာက ထမ်းပိုးပြီး ဆောင်ရွက်လာခဲ့ရလို့ အပါယ်ထဲ ခေါင်းကိုမပြုနိုင်လို့ ဒုက္ခမျိုးစုံခဲ့ပါပြီ၊ ဒါတွေကို ရှေ့တန်းက အစီအစဉ်လွဲလာလို့ ဒုက္ခ အကြီးအကျယ်ရောက်ခဲ့တယ်ဆိုတာ ဒကာသစ်တို့ ရိပ်မိပါပြီ (ရိပ်မိပါပြီ ဘုရား)။

You have carried the burden of family and business for countless lifetimes. Because you could not lift your head from the Four Woeful States, you have suffered immensely. Do you realize now that you suffered because your priorities were wrong? (We realize it, Sir).

ဒီဘဝတောင်မှ အခုဆရာဘုန်းကြီး အပြင်အဆင် ကောင်းနဲ့တွေ့လို့ ဪ တို့ရှေ့ နောက် လွဲနေပါကလား ဆိုတာ ပေါ်လာတယ် (ပေါ်လာပါတယ် ဘုရား)၊ ဘယ်လိုများ ပေါ်လာပါလိမ့် (ရှေ့နောက် လွဲနေတယ်ဆိုတာ ပေါ်လာပါ တယ် ဘုရား)။

Only now, in this life, because you have met a teacher who can set you straight, do you realize: "Oh! We have been backward all along!" (Yes, it has become clear, Sir). How has it become clear? (It is clear that our priorities were reversed, Sir).

ယခုတော့ဖြင့် ဒကာ ဒကာမတွေ ပြင်ချိန်ဆင်ချိန် ရှိတုန်းကို ပြင်ဖို့ဆင်ဖို့အရေးကို ပြောတတ်တဲ့ ဆရာနဲ့ တွေ့ပြန်တော့ တော်သေးရဲ့ဆိုပြီး စိတ်ထဲမှာဖြင့် ဆုံးဖြတ်ချက်ချပြီး သကာ လ သားရေး၊ သမီးရေး၊ စီးပွားရေးကို ဘာလုပ်ကြမယ် (နောက်ထားရပါမယ်)၊ အအို အနာလွတ်တဲ့ အရေးကို (ရှေ့ ထားရပါမယ် ဘုရား)၊ သဘောကျသွားပြီ (ကျပါပြီ ဘုရား)။

Now that there is still time to fix and amend your ways, and you have met a teacher who can tell you how to fix them, you are fortunate. Make up your minds! What will you do with family and business? (Put them second). And the freedom from aging and sickness? (Put it first, Sir). Now you have grasped the meaning. (Yes, Sir).

နားကထိုင်း၊ ခါးကကိုင်း

Hard of Hearing, Back Bent

ဒါဖြင့် ဒကာကြွယ်၊ ဒကာသစ်တို့၊ ဦးလှဘူးတို့ ရှေ့က အစီအစဉ် လွဲခဲ့တယ် (လွဲပါတယ် ဘုရား)၊ ကံမွဲ၊ ဉာဏ်မွဲ အသက်ငါးဆယ်ကျော် ခြောက်ဆယ်ကျလာမှ ကျောင်းကန် ဘုရား တရားနဲ့ နေတော့ ကံကလည်းမွဲ၊ ကံတည်းဟူသော အကြောင်းကြောင့်ဖြစ်တဲ့ မျက်စိကမွဲ၊ နားကထိုင်း၊ ခါးကကိုင်း၊ ဒီအချိန်ကျမှ ကိုယ့်အရေးရှာတော့တာပဲ (မှန်ပါ့)။

So, Daga Kywe, Daga Thit, U Hla Bu—your previous plans were wrong. (They were wrong, Sir). You waited until you were over fifty or sixty, destitute of Kamma and wisdom, to approach the Dhamma. By then, your eyes are dim, your ears are hard of hearing, and your back is bent. Only at this late stage do you start looking for your own salvation. (True, Sir).

ကံမွဲ ဉာဏ်မွဲနဲ့ကျမှ ရှာလို့ နိဗ္ဗာန်ရဖို့ လွယ်ပါ့မလား (မလွယ်ပါ ဘုရား)၊ ဒါဖြင့် မရနိုင်တဲ့အချိန် နောက်ထားပြီး သကာလ ရနိုင်တဲ့အချိန် ရှေ့ထားလို့ ဘုရားအဆူဆူနဲ့လည်း လွဲခဲ့လို့ အပါယ်လေးပါး ကြီးမှာ ခန္ဓာတည်းဟူသော တရားနဲ့ အလိုလေး၊ အမယ်လေး အော်ပြီး ခံပြီးနွှဲနေရတဲ့ ပွဲတွေက ခံခဲ့ရပါတယ် (မှန်ပါ့)၊ ဒါ - ရှေ့နောက်လွဲတဲ့အပြစ်ဆိုတာ ယနေ့ ထူးထူးခြားခြားမှတ်ပါ (မှန်ပါ့ ဘုရား)။

When you search only after your Kamma and wisdom are exhausted, will it be easy to attain Nibbana? (It will not be easy, Sir). Because you prioritized the time when you couldn't practice and neglected the time when you could, you missed the teachings of previous Buddhas. You have been through the cycle of the Four Woeful States, crying "Alas! Oh Mother!" while being tormented in the hells. You have suffered through all that. (True, Sir). Mark this today as the specific fault of having the wrong priorities. (Yes, Sir).

ဘယ်လိုမှတ်ကြမယ် (ရှေ့နောက်လွဲနေတဲ့အပြစ်ပါ ဘုရား)၊ ဒီတစ်ခါ ရှေ့နောက် လွဲလို့ ရှိရင်ဖြင့် ဘုန်းကြီးများလည်း မကယ်နိုင်တော့ဘူး (မှန်ပါ့ ဘုရား)။

How will you mark it? (As the fault of having reversed priorities, Sir). If you get it wrong this time, even we monks cannot save you. (True, Sir).

အချိန်မီပါသေးတယ်

It Is Not Too Late

ကိုင်း ဒါဖြင့် အရှင်ဘုရား အရှင်ဘုရား တည်း ဟူသော သူတော်ကောင်း အကြောင်းပြုပြီး သကာလ ရှေ့နောက် လွဲခဲ့တဲ့ ပုဂ္ဂိုလ်တွေလည်း လွဲလတံ့ ရှေ့ကြီးကို ဖြုတ်ပြီး သကာလ ပြင်ပါတော့မယ်၊ ဆင်ပါတော့မယ်၊ ပြင်ချိန်ဆင်ချိန်ရှိတုန်း ကြိုးစားပါတော့မယ် ဆိုတဲ့ဥစ္စာ အားလုံး တာဝန်ယူပြီး ကြိုးစားကြ မယ်ဆိုလို့ရှိရင်ဖြင့် အချိန်မီပါသေးတယ် (မှန်ပါ့ ဘုရား)။

Now, you might say, "Venerable Sir, relying on you as our virtuous teacher, we will correct our past mistakes. We will strive while we still have time to amend our ways." If you take this responsibility and strive earnestly, it is not too late. (True, Sir).

ဒါ့ကြောင့် ဒကာကြွယ်ရေ အချိန်မှီတဲ့အရေး ပြောကြ ပါစို့ အဲဒါက တစ်ခါ စဉ်းစားလိုက်တော့၊ ငါတို့ ရှေ့နောက်လွဲတဲ့အထဲမှာ ဆရာကောင်း သမားကောင်းနဲ့ တစ်ခါ လွဲပြန်မယ် ဆိုလို့ရှိရင်လည်း ကြုံဖို့ဆုံဖို့ အတော်ခဲယဉ်းတယ် (မှန်ပါ့ ဘုရား)၊ ကိုယ်ကမှ ရှေ့နောက်လွဲလို့ အမှားကြီးမှားတဲ့ အထဲမှာ ဆရာကောင်း သမားကောင်း မတွေ့ပြီ ဆိုမှဖြင့်လည်း ဒကာကြွယ်တို့ ဦးလှဘူးတို့ ဒီထက် လွဲစရာ ကိုက ရှိပြန်တယ် (ရှိပါတယ် ဘုရား)။

So, Daga Kywe, let us speak about being in time. When you think about it, finding a good teacher while being confused is incredibly rare. (True, Sir). If you make a huge mistake in your priorities and don't meet a good teacher, Daga Kywe, U Hla Bu—there is room for even greater error. (There is, Sir).

အထိသုံးပါးညီပါပြီ

The Conditions Are Aligned

ယခုတော့ဖြင့် ဒကာ ဒကာမတွေကလည်း ရှေ့နောက် ပြောင်းပါတော့မယ်ဆိုတဲ့ စိတ်ကလေး လည်း မွေးထား၊ ဆရာကောင်း ကလည်း ရှေ့မှာ အထင်အရှား ရှိထားပြန်တော့ ဒီတစ်ခါဖြင့် အထိသုံးပါး ညီပေါ့ဟဲ့လို့ ဆုံးဖြတ်ချက်ချပါ (မှန်ပါ့ ဘုရား)။

But now, you Yogis have the mind to change your ways, and right in front of you, there is a good teacher. Make the decision: "The Three Conditions are now in alignment!" (Yes, Sir).

ဒီတစ်ခါ ဘယ်လိုပါလိမ့်ဗျာ (အထိသုံးပါး ညီပါတယ် ဘုရား)၊ အထိသုံးပါး ညီပါပြီလို့ ဆုံးဖြတ်ချက် ချလိုက်ရ လို့ရှိရင်ဖြင့် ဒကာ ဒကာမတို့ တစ်သံသရာလုံး အိုဘေးကြီး ထမ်းပြီး သံသရာကြီး ထဲမှာ လည်ခဲ့တယ် (မှန်ပါ့)၊ နာဘေးကြီး ထမ်းပြီးတော့ကော (လည်ခဲ့ရပါတယ် ဘုရား)၊ သေတတ်တဲ့ အသုဘကြီး ထမ်းပြီးတော့ကော (လည်ခဲ့ရပါတယ် ဘုရား)၊ လည်သာလည်ခဲ့ရတယ်၊ လည်ရင်းနဲ့ အပါယ်လေးပါး ရောက် ရတဲ့ အရေးနဲ့ပဲနေခဲ့ရပါတယ် (မှန်ပါ့)။

How is it this time? (The Three Conditions are aligned, Sir). If you can decide that the conditions are met, consider this: You have wandered through Samsara carrying the burden of aging. (True, Sir). And carrying the burden of sickness? (We wandered with that too, Sir). And carrying this loathsome, dying body? (We wandered with that too, Sir). You wandered indeed, and while wandering, you mostly ended up in the Four Woeful States. (True, Sir).

ဒါကြောင့် ဘုန်းကြီးတို့ ဒကာ ဒကာမတွေ ပြောရတယ်၊ ရှေ့ကစီစဉ်ထားလိုက်တာ ဒကာကြွယ် တို့များ လွှဲလိုက်တဲ့ဖြစ်ခြင်း (မှန်ပါ့)၊

စီးပွားရေးအချိန် စီးပွားရေးအချိန်ပေါ့ကွ၊ ကျောင်းကန် ဘုရားအချိန် ကျောင်းကန်ဘုရား အချိန်ပေါ့ကွ၊ အသက်အရွယ် ကလေး ကြီးလာတော့ ကိုယ့်အရေး ကိုယ်ရှာမယ် ကွဆိုတာ ရှာနိုင်တဲ့ ဉာဏ်မှ မရှိတော့လည်း (မှန်ပါ့)၊ ရှာနိုင် တဲ့မျက်လုံးကော (မရှိပါ ဘုရား)၊ မရှိမှ ရှာမယ် ဆိုတော့ မရ တာတောင် နည်းသေးတယ် (မှန်ပါ့)၊ အင်မတန် မဆိုးဝါးဘူးလား (ဆိုးဝါးပါတယ် ဘုရား)။

That is why I must speak to you. Your previous planning, Daga Kywe, was a disaster. (True, Sir). You said, "Business time is for business; religious time is for religion." You thought, "I will look for my own salvation when I get old." But when you got old, did you have the wisdom to search? (No, Sir). Did you have the eyes to search? (No, Sir). To search only when you have nothing left—the chances of success are slim. (True, Sir). Is that not terrible? (It is terrible, Sir).

ပြင်ဆင်ပေးမည့်ဆရာနဲ့တွေ့ရ

Meeting a Teacher Who Can Correct You

အေး ဒါကြောင့် ဪ တော်တော် သေးရဲ့ ပြင်ပေးဆင်ပေးမည့် ဆရာနဲ့တွေ့ရ၊ ပြင်ချိန် ဆင်ချိန်မှာ ပြင်တတ်၊ ဆင်တတ်တဲ့ဆရာမှီဝဲရလို့ တော်တော်သေးရဲ့ဆိုတာ ဖြင့် ယနေ့ကစပြီး ဝမ်းမြောက်ကြပါလို့ သတိပေး လိုက်တယ် (မှန်ပါ့)။

Therefore, rejoice today! Think to yourselves: "It is fortunate that I have met a teacher who can correct me. It is fortunate that I can associate with a teacher who knows how to fix me while there is still time." I warn you to rejoice in this. (Yes, Sir).

ဒါ နည်းတဲ့စကားမဟုတ်ပါဘူး ဒကာသစ်ရေ (မှန်ပါ့)၊ နည်းတဲ့စကား မဟုတ်ပါဘူး၊ အင်မတန် အရေးကြီးပါ တယ်ဆိုတာ မပေါ်လာသေးဘူးလား (ပေါ်လာပါတယ် ဘုရား)။

This is no small matter, Daga Thit. (No, Sir). It is no small matter. Has it not become clear that this is incredibly urgent? (It has become clear, Sir).

နိဗ္ဗာန်သည် (၃၁) ဘုံထဲမှာမရှိ

Nibbana Is Not Within the 31 Planes

ကိုင်း ဒါဖြင့် ပြောကြပါစို့ နိဗ္ဗာန်ဘယ်မှာ ရှိသတုံး မအိုမသေ အမြဲနေတဲ့ နိဗ္ဗာန်ဆိုတာ၊ ဘယ်မှာ ရှိသတုံး လို့ မေးတော့ ဒကာ ဒကာမတို့ သုံးဆယ့်တစ်ဘုံ ထဲမှာ မရှိပါ ဘူး (မှန်ပါ့)၊ မှတ်ထားကြနော် နိဗ္ဗာန်ဆိုတာ သုံးဆယ့် တစ်ဘုံထဲမှာ အပါအဝင် မဟုတ်တဲ့ အတွက် နိဗ္ဗာန်ဟာ သုံးဆယ့် တစ်ဘုံထဲမှာ ရှိပါရဲ့လား (မရှိပါ ဘုရား)။

Now, let us discuss this. Where is Nibbana? If you ask where the state of no aging, no death, and eternal life exists—Yogis, it does not exist within the Thirty-One Planes of Existence. (True, Sir). Mark this well! Since Nibbana is not included in the Thirty-One Planes, does it exist there? (No, Sir).

ဒါဖြင့် ဟိုဘုံရောက်ရပါလို၏၊ ဒီဘုံရောက်ပါလို၏ဆိုတဲ့ ပုဂ္ဂိုလ်များဖြင့် ဪ ဒုက္ခခပ်သိမ်း မငြိမ်းတဲ့ နေရာသာရောက် ရှာတော့တယ်လို့ ဒကာကြွယ်တို့၊ ဒကာသစ်တို့၊ ဦးလှဘူးတို့ ဆုံးဖြတ်ချက်ချပါ (မှန်ပါ့ ဘုရား)။

So, for those who pray, "May I reach this realm" or "May I reach that realm," Daga Kywe, Daga Thit, U Hla Bu—you must decide that they are merely seeking a place where suffering never ceases. (True, Sir).

ဟိုဘုံဒီဘုံ ရောက်ချင်တဲ့ပုဂ္ဂိုလ်များ၊ ဒုက္ခသည်ရှာကြတာ ကိုးဗျ (မှန်ပါ့)၊ အဘယ့်ကြောင့် ဒုက္ခလည် ရှာကြသလဲလို့ ဆရာဘုန်းကြီး ပြောရတာက နိဗ္ဗာန်ဟာ သုံးဆယ့်တစ်ဘုံ ထဲမှာ ရှိ - မရှိ (မရှိပါ ဘုရား)၊ မရှိတဲ့ဆီ ချမ်းသာရှာလို့ ရှိရင်ဖြင့် ဆင်းရဲတာပဲတွေ့မှာပဲ (မှန်ပါ့ ဘုရား)။

Those who want to reach this or that realm are simply seeking suffering. (True, Sir). Why do I say they are seeking suffering? Because Nibbana—does it exist in the Thirty-One Planes or not? (It does not, Sir).

မရှိတဲ့ဆီ ချမ်းသာရှာကြလို့ရှိရင် (ဆင်းရဲတာပဲတွေ့ မှာပါ ဘုရား)၊ ဆင်းရဲတာပဲ တွေ့မှာ ဆိုတော့ ဪ ဒကာကြွယ် ရှာမည့် ရှာတော့ မျက်စိလည်နေတာပဲ (မှန်ပါ့ ဘုရား)၊ ဘယ်လောက် များ ကြောက်စရာကောင်းတယ်ဆိုတာ ဒကာသစ်တို့ စဉ်းစားကြပါတော့ (မှန်ပါ့ ဘုရား)။

If you look for happiness where it does not exist, you will only find suffering. (True, Sir). If you search for happiness where there is none? (We will only find suffering, Sir). If you will only find suffering, then Daga Kywe, your search has left you dizzy and lost. (True, Sir). Daga Thit, consider how terrifying that is. (Yes, Sir).

နိဗ္ဗာန်သည် ခန္ဓာ အဆုံးမှာရှိတယ်

Nibbana Is at the End of the Aggregates

အားလုံး ဒကာ ဒကာမတွေ ရှာမည့်ရှာတော့ မျက်စိ လည်နေလို့ တွေ့ရဲ့လား (မတွေ့ပါ ဘုရား)၊ ကိုင်း - ယနေ့ တော့ဖြင့် ဘုန်းကြီးတို့ ဒကာ ဒကာမတွေ မေတ္တာကြီးကြီး ထားပြီး တော့ ဒကာ ဒကာမတို့ နိဗ္ဗာန်သည်ကားလို့ဆိုရင် ဒကာ ဒကာမ တို့၏ ခန္ဓာကိုယ်ကို ကိုယ့်အတောင်နဲ့ကိုယ် မတ်တတ် ရပ်ပြီး တိုင်းလို့ရှိရင် လေးတောင်ပဲ ရှိတယ် (မှန်ပါ့)၊ အဲဒီခန္ဓာကိုယ် လေးတောင် အဆုံးမှာ ရှိတယ်၊ အဲဒီမှာ ရှာယူပါ (မှန်ပါ့)။

You Yogis have been searching until you are dizzy, but have you found it? (We have not, Sir). Now, with great compassion, I tell you: If you ask where Nibbana is, measure your own body. If you stand up and measure it with your own arm, it is exactly four cubits (one fathom). (True, Sir). Nibbana is at the end of this four-cubit body. Search for it there. (Yes, Sir).

နိဗ္ဗာန်ကိုတွေ့နိုင်တဲ့နည်း နဲ့ရှာ

Search With the Method to Find It

ဪ နိဗ္ဗာန်သည် လေးတောင် အဆုံးမှာရှိတယ် (မှန်ပါ့)၊ သုံးဆယ့်တစ်ဘုံထဲ ရှာရင် (မတွေ့ပါ ဘုရား)၊ ဒါဖြင့် ဒကာကြွယ် ကျောင်းကြီးဆောက် ဘုရားတည်ပြီး လှူတော့ လှူပါရဲ့ နိဗ္ဗာန်ကိုတော့ တွေ့နိုင်တဲ့နည်းနဲ့ မရှာဘဲ အရှာလွဲနေရင် တော်တော်နဲ့ တွေ့နိုင်စရာ မြင်သေးရဲ့လား (မမြင်ပါ ဘုရား)၊ ကျောင်းဆောက်၊ ဘုရားတည်တာ အပြစ်ဆိုတာ မဟုတ်ပါဘူး၊ အင်မတန် ကောင်းတဲ့ ကုသိုလ်ကြီးပါ၊ နိဗ္ဗာန်ကို အရှာလွဲမှာအပြစ်ဆိုပါတယ်၊ သဘောပါကြပလား (ပါပါပြီ ဘုရား)။

Oh, Nibbana is at the end of this four-cubit body. (Yes, Sir). If you search in the Thirty-One Planes? (We will not find it, Sir). So, Daga Kywe, you may build monasteries and pagodas. These are indeed noble merits. But if you search for Nibbana in the wrong way, without the method to see it, will you find it? (We will not, Sir). Building monasteries and pagodas is not a fault; it is great merit. But searching for Nibbana in the wrong place is the fault. Do you grasp this? (We grasp it, Sir).

ဒါဖြင့် နိဗ္ဗာန်ဘယ်မှာရှာကြမယ် (ခန္ဓာကိုယ်မှာ ရှာရပါမယ် ဘုရား)၊ ခန္ဓာကိုယ်လေးတောင် အဆုံးမှာရှိတယ် (မှန်ပါ့)၊ ခန္ဓာကိုယ် လေးတောင် အဆုံးမှာ နိဗ္ဗာန်ရှိတယ် ဆိုတော့ ဪ ငါဒီဘဝ စုတေမနေ သေလွန်ရသည် ရှိသော် ချမ်းသာရာ အစစ်ကို ရှာပါတော့မယ်ဆိုတော့ လူ့ပြည်၊ နတ်ပြည်၊ ဗြဟ္မာပြည်ကြီး လည်ပြီး ရှာပြန်တော့လည်း အသေထဲပဲ ပြန်ရတယ် (မှန်ပါ့ ဘုရား)။

So where will we search for Nibbana? (We must search in the body, Sir). It is at the end of the four-cubit body. (Yes, Sir). Because Nibbana is at the end of this body, if you think, "I will search for true happiness after I die," and you go wandering through the human realm, the deva realm, or the brahma realm, you will only end up with "death" again. (True, Sir).

ဪ မသိရှာတဲ့ပုဂ္ဂိုလ်များက လူချမ်းသာ၊ နတ်ချမ်းသာ၊ ဗြဟ္မာချမ်းသာဆိုပြီး အသေ ထည်ကြီးကို ချမ်းသာ လုပ်ပြီး ဆိုင်းဘုတ်ဆွဲပြီးသကာလ နေကြတဲ့ဥစ္စာ ဒကာကြွယ် သစ္စဉာဏ် မရလို့ပဲ (မှန်ပါ့)။

Those who do not know this put up a sign saying "Happiness" on a pile of death—calling it Human Happiness, Deva Happiness, Brahma Happiness. Daga Kywe, this is because they lack the Knowledge of Truth (Sacca-Ñana). (True, Sir).

အသေထည်ရှိလျက်နဲ့ အသေရှာတယ်

Seeking Death While Holding Death

ဘာမရလို့ပါလိမ့် (သစ္စဉာဏ် မရလို့ပါ ဘုရား)၊ ဘယ်ခန္ဓာရရ၊ ဘာသစ္စာပါလိမ့် (ဒုက္ခသစ္စာပါ ဘုရား)၊

ဪ သစ္စဉာဏ်မရတဲ့ ဒကာ ဒကာမတွေ အတွက်မှာဖြင့် အသေထည်ရှိလျက်နဲ့ အသေထပ် ရှာတယ် (မှန်ပါ့)၊ အခု ခန္ဓာကြီးကလည်း သေရဦးမှာ ကိုယ်လှူဒါန်းပေးကမ်းပြီး ဆုတောင်းလို့ ရောက်ရမည့် လူ့ပြည်၊ နတ်ပြည်၊ ဗြဟ္မာပြည်က လည်း ဘာထည်ရမှာပါလိမ့် (အသေထည်ရမှာပါ ဘုရား)။

What do they lack? (They lack Sacca-Ñana, Sir). Whatever aggregate (Khandha) you get, what Truth (Sacca) is it? (It is Dukkha Sacca, Sir). Oh, for those Yogis without Insight Knowledge, you already possess a body subject to death, yet you go looking for another one! (True, Sir). The body you have now must die. And the Human, Deva, or Brahma realms you pray for by making donations—what kind of body will you get there? (We will get a body subject to death, Sir).

ဪ မိုက်လိုက်တဲ့ဖြစ်ခြင်း၊ အသေထည်ရှိလျက်နဲ့ အသေရှာတာသည် ဒကာကြွယ် ဒီထက်မိုက်တာ ရှိသေးသလား (မရှိပါ ဘုရား)၊ ဦးလှဘူးရေ ဒါကြောင့် ရှာပြန်တော့လည်း မျက်စိလည် နေတယ် ဆိုတာကော သဘောကျပလား (ကျပါ ပြီ ဘုရား)။

Oh, what foolishness! You have a death-packet, and you go shopping for another death-packet. Daga Kywe, is there anything more foolish than this? (No, Sir). U Hla Bu, do you see that searching like this means you are lost? (We see it, Sir).

ဒါဖြင့် သုံးဆယ့်တစ်ဘုံထဲ နိဗ္ဗာန်ရှိပါရဲ့လား (မရှိပါ ဘုရား)၊ ရှိရာကိုရှာမယ်ဆိုပြီး လူ့ပြည်၊ နတ်ပြည်၊ ဗြဟ္မာပြည် လည်ပြန်တော့လည်း ဘာတွေပြန်ရပါလိမ့် (ဒုက္ခသစ္စာရပါ တယ်)၊ ဒုက္ခသစ္စာ အသေထည်တွေ ချည့်ပြန်မရဘူးလား (ရပါတယ် ဘုရား)။

So, is Nibbana in the Thirty-One Planes? (No, Sir). Thinking to search for it, you wander through the Human, Deva, and Brahma realms, but what do you get in return? (We get Dukkha Sacca). You get nothing but masses of death (Dukkha Sacca), don't you? (Yes, Sir).

ဪ ရှာပြန်တော့လည်း မျက်စိလည်ပွဲကြီးနဲ့ နွှဲနေ ရပြန်တော့ ဒီဘုံငိုပွဲပြီးတော့ ဟိုဘုံငိုပွဲ ဆက်ပြီးတော့ နွှဲရပြန် တယ်ဆိုရင် လွဲပါ့မလား (မလွဲပါ ဘုရား)။

Oh, searching leaves you dizzy. You finish a crying session in this realm, only to start a crying session in that realm. Are you not completely off track? (We are, Sir).

နိဗ္ဗာန်အရှာမလွဲတဲ့တရား

The Dhamma That Prevents You from Searching Wrongly

အဲဒါကြောင့် ကိုယ်ကျိုးယုတ်တဲ့ အလုပ်တွေဖြုတ်ပြီး သကာလ နိဗ္ဗာန် အရှာ မလွဲအောင် ယနေ့ ဒီတရားကို စ- ပါတော့ မယ် (မှန်ပါ့)၊ နိဗ္ဗာန်အရှာ မလွဲတဲ့ တရားကို စ-ပါတော့ မယ် (မှန်ပါ့)၊ နိဗ္ဗာန်အရှာ မလွဲတဲ့ တရားကို ဒကာ ဒကာမတို့ သေသေချာချာ ရှာကြပေတော့ (မှန်ပါ့ ဘုရား)။

Therefore, I will begin the Dhamma teaching today so that you may discard these self-defeating actions and search for Nibbana without error. (Yes, Sir). I will begin the Dhamma that ensures you do not miss Nibbana. (Yes, Sir). Yogis, you must search for the "Dhamma of No-Mistake" very carefully. (Yes, Sir).

ကိုင်း-ဒါဖြင့် နိဗ္ဗာန်ရှာကြပါစို့ဆိုတော့ တစ်လံမျှလောက် သော ခန္ဓာကိုယ် အဆုံးမှာရှိတယ် (မှန်ပါ့)၊ တစ်လံမျှ လောက်သော ခန္ဓာကိုယ် အဆုံးမှာ ရှိပါလျက်သာနဲ့ နီးလျက်နဲ့ ဝေးပြီး သကာလ နေရတာ မျက်စိလည်မှုကြောင့်ပဲ (မှန်ပါ့)၊ ဒီက မျက်စိထပ်ပြီး လည်ကြဦးမယ် ဆိုရင်ဖြင့် ချောက်နဲ့ ကျင်း ကျဖို့ ပဲရှိတော့တယ်လို့ မှတ်လိုက်ပါတော့ (မှန်ပါ့ ဘုရား)၊ မဆိုးဝါး ဘူးလား (ဆိုးပါးပါတယ် ဘုရား)။

Now, let us search for Nibbana. It is at the end of this fathom-long body. (Yes, Sir). Although it is right there at the end of your fathom-long body—so close—you remain far from it because you are dizzy with confusion. (True, Sir). If you continue to be confused from this point on, you are destined only for the cliffs and deep ravines of Hell. Mark this well. (True, Sir). Is this not terrible? (It is terrible, Sir).

ဆရာကောင်း၊ လမ်းညွှန်ကောင်းတွေ့တုန်း

You Have a Good Guide

အေး- ဒါ့ကြောင့် တကယ်တမ်း ဆရာကောင်း သမားကောင်း လမ်းညွှန်ကောင်းတွေ ရှိပါ လျက်သားနဲ့ မလိုက်ဘဲ နဲ့ လွဲနေတဲ့ ပုဂ္ဂိုလ်တွေများ၊ မျက်စိလည် စခန်းမသတ်ချင်လို့ အိုတတ်၊ နာတတ်၊ သေတတ်တာကြီးကိုပဲ ဒလစပ်ရချင်လို့ ရှိရင်ဖြင့်၊ ဒကာသစ်၊ ဒကာကြွယ်၊ ဦးလှဘူးတို့ လွဲပါ့မလား၊ (မလွဲပါ ဘုရား)၊ ပြင်ကြပါတော့ဗျာ (မှန်ပါ့ပြင်ပါ့မယ် ဘုရား)။

While you have good teachers and good guides, if you do not follow them and continue to go astray, you are people who do not want to end your confusion. If you crave the relentless cycle of aging, sickness, and death—Daga Thit, Daga Kywe, U Hla Bu—are you not wrong? (We are wrong, Sir). So, fix it! (Yes, Sir, we will fix it).

နောက်က ဒကာ ဒကာမတွေ ပြင်ကြမှာလား (ပြင် ကြပါ့မယ်)၊ ပြင်ကြ၊ ပြင်ကြ၊ ဘုန်းကြီးက အပြင်ခိုင်းလို့ ပြင်ရတယ် လို့ ဒီလိုမယူလိုက်ပါနဲ့၊ ကိုယ့်မျက်စိလည် နေတာ မသိလို့ ပြင်မဟဲ့ ဒါကို အမှန်အကန် ယူရမယ်နော် (မှန်ပါ့)၊ ကိုယ့်မျက်စိလည် နေတာ မသိလို့ ပြင်မဟဲ့ဆိုတဲ့ အသွားကိုသာ အရေးထားပြီး သကာလ အသားယူကြပါလို့ဆိုတာ တိုက်တွန်းရပြန်တယ် (မှန်ပါ့ ဘုရား)။

Will the Yogis in the back fix it? (We will fix it). Fix it, fix it! Do not take it as "I must fix it because the Monk ordered me to." You must accept the truth: "I will fix it because I did not know I was lost." (True, Sir). I urge you to take the essence of this: "I will fix my path because I was unaware of my own confusion." (Yes, Sir).

ကိုင်း - ဒါဖြင့် ပြောကြပါစို့ ရှေးကမုဆိုး၏ သား တစ်ယောက်ရှိတယ်၊ သူသည် မုဆိုးသားပင် ဖြစ်ငြား သော်လည်း တောထဲမှာ တရားဓမ္မတွေ သမထတွေ အားထုတ်လိုက်လို့ ဈာန် သမာပတ်တွေ ရတယ်၊ ဈာန်သမာပတ်တွေရပြီးတော့ သူသည် မသေရာ၊ မနာရာ၊ မအိုရာ ဖြင့် ရှာပါတော့မယ် ဆိုပြီး သကာလ လေးကျွန်း တစ်မြင့်မိုရ်ဖြစ်တဲ့ နေရာက နေပြီး သကာလ နေရာမှ တစ်လှမ်းတည်း လှမ်းပြီး သကာလ လေးကျွန်းတစ်မြင့်မိုရ်တွေကို ရှောက်ပြီး ရှာလိုက်တာ ကျင်ကြီးကျင်ငယ် စွန့်ရုံ စားရုံ သောက်ရုံ ကလေး ချန်လှပ်ပြီး ဒကာ ဒကာမတို့ စကြာဝဠာတစ်ခုမှာ တစ်လှမ်းတည်း လှမ်းပြီး ရှာတယ် (မှန်ပါ့ ဘုရား)။

Let me tell you a story. Long ago, there was a son of a hunter. Although he was a hunter's son, he practiced Dhamma and Samatha in the forest and attained Jhana and meditative absorbances. After attaining these powers, he decided, "I will search for the place where there is no death, no aging, and no sickness." He started from a place where he could see the four islands and Mount Meru. He traveled with such speed that he could step across a whole universe in a single stride—stopping only to eat and relieve himself. (True, Sir).

အဲဒါ စကြာဝဠာမဆုံးဘူး၊ အိုရာ၊ နာရာ၊ သေရာတွေ ချည့် တွေ့တယ်၊ အိုတဲ့၊ နာတဲ့၊ သေတဲ့ အထဲမှာ ချောက်ကျပြီး သွားရတယ် (မှန်ပါ့)၊ ရှေးကရှာဖူးတာနော် (မှန်ပါ့ ဘုရား)။

He did not reach the end of the universes. He found only aging, sickness, and death. He fell into the abyss of aging, sickness, and death. (True, Sir). That is how he searched in the past. (Yes, Sir).

အဲဒါနဲ့ ဘုန်းကြီးတို့ ဂေါတမမြတ်စွာဘုရားသခင် ကိုယ်တော်မြတ်ကြီး လက်ထက်ကျတော့ သူက နတ်သားဖြစ် နေတော့ နတ်သား အဖြစ်နဲ့ပဲ လာပြီး လျှောက်တယ်၊ အရှင်ဘုရား မအို၊ မသေ အမြဲနေတဲ့နိဗ္ဗာန် (လောကအဆုံး)၊ ရောက်ချင် လို့ရှိရင် ခြေလျင်သွားပြီး ရှာလို့ရှိရင် ရောက်ပါ့မလား ဘုရားလို့ လျှောက်လိုက်တယ်နော် (မှန်ပါ့ ဘုရား)။

In the time of our Gautama Buddha, he had become a deity (Rohitassa). As a deity, he came and asked the Buddha: "Venerable Sir, if I wish to reach Nibbana—the End of the World, where there is no aging, no death, and eternal life—can I reach it by traveling on foot?" He asked this question. (True, Sir).

လောကအဆုံးဆိုတဲ့ မအို၊ မသေ၊ အမြဲနေတဲ့ နိဗ္ဗာန် ကြီးကိုရောက်ချင်တဲ့ ပုဂ္ဂိုလ်ဟာ ခြေလျင် လေယာဉ်နဲ့ သွားလို့ရှိရင် ရနိုင် ရောက်နိုင်ပါ့မလားဆိုတော့ ဘုရားသခင်ကိုယ်တော်မြတ် ကြီးက မရောက်နိုင်ဘူးလို့ ဟောလိုက်တယ် (မှန်ပါ့ ဘုရား)။

The Buddha answered that a person who wishes to reach the End of the World—Nibbana—cannot reach it by traveling on foot or by vehicle. (True, Sir).

နိဗ္ဗာန်ကို ခြေလျင်၊ လေယာဉ်နဲ့ မရောက်နိုင်

You Cannot Reach Nibbana by Travel

ဒါဖြင့် ခြေလျင်၊ လေယာဉ်နဲ့သွားပြီးသကာလ မအို၊ မသေ အမြဲနေတဲ့ နိဗ္ဗာန်ကြီး ရှာမယ် ဆိုလို့ရှိရင် မရဘူးကွလို့ ဘုရားက ဖြေတော်မူလိုက်တယ် (မှန်ပါ့ ဘုရား)။

So, the Buddha answered: "You cannot reach Nibbana—the cessation of birth and death—by traveling on foot or by vehicle." (True, Sir).

ဒါကြောင့် ဘုန်းကြီးတို့ ဒကာ ဒကာမတွေ နတ်ပြည်သွား တယ်ဆိုလို့ရှိရင် ကံမြှောက်သလို မြောက်ပြီး သွားရတာ ဖြစ်သောကြောင့် မရောက်ပါဘူး နိဗ္ဗာန်ကို (မှန်ပါ့ ဘုရား)။

That is why, Yogis, if you go to the Deva realm, you are merely elevated by Kamma; you do not reach Nibbana. (True, Sir).

ဗြဟ္မာပြည် တက်သွားလိုက်ပြန်လည်း (နိဗ္ဗာန် ရောက်တာမဟုတ်ပါ ဘုရား)၊ ဘာရောက်မလဲ ဒကာဦးလှဘူးရာ၊ အိုတတ်၊ နာတတ်၊ သေတတ်တဲ့ အထည်ကြီးပဲ ပြန်ရတာပဲ (မှန်ပါ့)၊ ဒုက္ခခပ်သိမ်း ငြိမ်းတဲ့ သဘောကြီးကို ရနိုင်ပါ့မလား (မရနိုင်ပါ ဘုရား)။

If you ascend to the Brahma realm? (It is not reaching Nibbana, Sir). What do you arrive at, Daga U Hla Bu? You arrive back at a mass of aging, sickness, and death. (True, Sir). Can you attain the nature of the cessation of all suffering there? (We cannot, Sir).

ရောဟိတဿနတ်သား

The Rohitassa Deity

ဒါကြောင့် ဘုရားသခင်ကိုယ်တော်ကြီးက ဟောလိုက် တယ်၊ ရောဟိတဿနတ်သား လောက၏ အဆုံးကို ခြေလျင်၊ လေယာဉ် သွားလို့ မရနိုင်ဘူး၊ မရောက်နိုင်ဘူး ဆိုတော့ နတ်သားက ဟုတ်ပါတယ်ဘုရား၊ တပည့်တော် တန်ခိုးဣဒ္ဓိပါဒ်နဲ့ ပြည့်စုံတဲ့ ပုဂ္ဂိုလ်ဖြစ်ခဲ့ပါတယ်၊ လေးကျွန်း တစ်မြင့်မိုရ်ကို တစ်လှမ်း တစ်လှမ်းတည်း လှမ်းပြီး ရှာလိုက်တာ ဒီလို လေးကျွန်းတစ်မြင့် မိုရ်ပေါင်းကို မရေတွက်နိုင်ခဲ့ပါဘူး၊ အိုတတ်၊ နာတတ်၊ သေတတ် တာတွေထဲ တပည့်တော်ပါ အသက်တမ်းစေ့လို့ သေပွဲဝင်ခဲ့ရပါ တယ်ဘုရား၊ နိဗ္ဗာန်ရှာလို့ကို မတွေ့သေးပါဘုရား ခြေလျင်ခရီး အဘိညာဉ်ခရီးဖြင့် ရှာခဲ့တဲ့အတွက် (မှန်ပါ့ ဘုရား)။

That is why the Buddha preached: "Rohitassa Deity, one cannot reach the End of the World by walking or flying." The deity replied, "It is true, Sir. I was once a person with great supernatural powers. I strode across universes, one step per universe. I passed countless world-systems. Yet, I died of old age in the midst of aging, sickness, and death. I never found Nibbana by traveling with supernormal powers." (True, Sir).

အဲဒါကို ဘယ်လိုရှာမှရတယ်ဆိုတာ အမိန့်ရှိတော်မူပါ လို့လျှောက်တော့ တစ်လံမျှ လောက်သော ခန္ဓာကိုယ် အဆုံးမှာ ရှိတယ်၊ အဲဒါကြည့်ပါ (မှန်ပါ့)၊ ဘာကြည့်ရမလဲ (တစ်လံ မျှ လောက်သော ခန္ဓာကိုယ်ကို ကြည့်ရပါမယ် ဘုရား)။

When he asked, "Then how can it be found? Please tell me," the Buddha replied: "It is at the end of this fathom-long body. Look there." (Yes, Sir). What must you look at? (We must look at the fathom-long body, Sir).

ခန္ဓာကိုယ်မှာဖြစ်ပျက်မှုသာရှိတယ်

There Is Only Arising and Passing Away in the Body

တစ်လံမျှလောက်သော ခန္ဓာကိုယ်ကို ကြည့်လိုက်တဲ့ အခါတော့ ဖြစ်မှုပျက်မှုတွေ ပေါ်လိမ့်မယ် (မှန်ပါ့)၊ တစ်လံ၊ မျှလောက်သော ခန္ဓာကိုယ် ကြည့်လိုက်တဲ့အခါ ဖြစ်မှုပျက်မှုမှ တစ်ပါး ဘာများ ရှိသေးသတုံး (မရှိပါ ဘုရား)။

When you look at this fathom-long body, you will see Arising and Passing Away. (True, Sir). When looking at the fathom-long body, is there anything else besides Arising and Passing Away? (There is nothing else, Sir).

စဉ်းစားကြည့်၊ စဉ်းစားကြည့် ဒကာ ဒကာမတွေ၊ ဉာဏ်မျက်လုံးနဲ့ ကြည့်လိုက်တဲ့ အခါကျတော့ ဖြစ်မှု ပျက်မှုတွေ ရှိပါတယ် (မှန်ပါ့)၊ အဲဒီ ဖြစ်မှုပျက်မှုတွေဟာ ဒုက္ခသစ္စာ လို့ မှတ်လိုက်စမ်းပါ (မှန်ပါ့ ဘုရား)။

Consider this carefully, Yogis. When you look with the Eye of Wisdom (Insight), there is only Arising and Passing Away. (True, Sir). You must mark this Arising and Passing Away as the Truth of Suffering (Dukkha Sacca). (Yes, Sir).

ဒီဖြစ်ပျက်မှုတွေဟာ (ဒုက္ခသစ္စာပါ ဘုရား)၊ ဒုက္ခ သစ္စာပဲလို့ သေသေချာချာ မှတ်ပါ (မှန်ပါ့)၊ ရှင်းကြပလား (ရှင်းပါပြီ ဘုရား)။

These risings and passings are... (Dukkha Sacca, Sir). Mark it clearly as Dukkha Sacca. (Yes, Sir). Is that clear? (It is clear, Sir).

တစ်လံမျှလောက်သော ခန္ဓာကိုယ်ကို ကြည့်လိုက်တော့ ဘာတွေတွေ့ကြမယ် (ဖြစ်ပျက်မှု တွေ့ပါမယ် ဘုရား)၊ ဖြစ်မှုပျက်မှု တွေ့မယ်နော် ကျုပ်တို့ဖြင့် မမြင်သေးဘူးလို့ ဒီလိုမယူပါနဲ့ (မှန်ပါ့ ဘုရား)။

When you look at the fathom-long body, what will you encounter? (We will encounter Arising and Passing Away, Sir). You will see Arising and Passing Away. Do not assume, "We do not see it yet." (Yes, Sir).

စိတ်ပေါ်လာတယ် ဖြစ်ပြီး ပျက်တယ်

The mind appears, arises, and passes away...

ကိုယ့်အိမ်ရာ ရောက်တဲ့အခါမှာ ဖြစ်စေ၊ ကိုယ့်ခန္ဓာကို ကြည့်လိုက်။ ဟိုနေရာက ယားလာတာ လည်း ဖောက်ပြန်ပျက်စီး တာ၊ ဪ ဒါဖြစ်ပြီးပျက်စီးတာ၊ ဖြစ်ပြီး ပျက်တာပဲ (မှန်ပါ့)၊ စိတ်ကလေး ပေါ်လာလဲ (ဖြစ်ပြီး ပျက်တာပါ ဘုရား)၊ ဝေဒနာကလေးတွေ ပေါ်လာလဲ (ဖြစ်ပြီး ပျက်တာပါ ဘုရား)။

Observe your own body, whether you are at home or anywhere else. Look at this body. When an itch arises, it is merely a disturbance—a deterioration. Realize: "Oh, this arises and then it perishes." It is simply Arising and Passing Away. (True, Sir). When a mind arises, note it. (It arises and passes away, Sir). When a sensation (Vedanā) arises, note it. (It arises and passes away, Sir).

ဒါဖြင့် ခန္ဓာကိုယ်ထဲမှာ ဘာတွေ ရှိပါလိမ့် (ဖြစ်မှု ပျက်မှု ရှိပါတယ် ဘုရား)၊ အဲဒီဖြစ်မှု ပျက်မှုတွေတည်း ဟူသော သင်္ခါရလောက ဆုံးသွားလို့ရှိရင်ဖြင့် တစ်လံလုံး ဆုံးသွားတယ် (မှန်ပါ့)၊ အဲဒီတစ်လံလုံး အဆုံးမှာမှ နိဗ္ဗာန်ရှိတယ်ကွာ ဆိုတော့ နိဗ္ဗာန်က ဒီအနားတွင်ပါလား (မှန်ပါ့ ဘုရား)။

So, what really exists within this body? (Only Arising and Passing Away exists, Sir). If this world of formations (Sankhara), consisting solely of Arising and Passing Away, comes to an end, then this whole fathom-length body ends. (True, Sir). Where this fathom-length body ends, Nibbana exists. So, is Nibbana far away? No, it is right here, at the cessation of the process. (True, Sir).

သို့သော် နိဗ္ဗာန်ဘယ့်နှယ်ကြောင့် မတွေ့ရပါလိမ့်မလဲ လို့ ဒကာကြွယ်တို့ မေးလို့ရှိရင် ဖြစ်မှုပျက်မှု မတွေ့လို့ရှိရင် ဖြစ်မှုပျက်မှု အဆုံးဖြစ်တဲ့ နိဗ္ဗာန် ဘယ်လိုတွေ့နိုင်မလဲ (မတွေ့နိုင်ပါ ဘုရား)။

But Daka Kywe, if you ask, "Why do we not see Nibbana?" the answer is simple: If you do not see the Arising and Passing Away, how can you possibly see the End of Arising and Passing Away, which is Nibbana? (We cannot see it, Sir).

ပေပြီးနာပါ၊ နားလည်လာလိမ့်မယ်

Listen with Endurance and You Will Understand

ဒါကြောင့် ဘုန်းကြီးတို့ ဒကာ ဒကာမတွေ အရေးတကြီး ပြောပါတယ်၊ နားမလည်တဲ့ ဒကာ ဒကာမတွေ ရှိပေမယ်လို့ ရက်ပေါင်းများစွာ ဟောမှာဖြစ်လေသောကြောင့် ပေပြီးနာပါ (မှန်ပါ့)၊ ပေနာရင် နားလည်လိမ့်မယ်၊ နာပြီးသား ပုဂ္ဂိုလ်တွေကတော့ လုပ်ယူရလိမ့်မယ် ဆိုတာ သိထား (မှန်ပါ့ ဘုရား) နာပြီးသား ပုဂ္ဂိုလ်က (လုပ်ရပါမယ် ဘုရား)။

Therefore, I tell you with great urgency. Even if there are Yogis who do not understand yet, since I will be preaching for many days, you must grit your teeth and listen (Pey-pyi-nar-par). (Yes, Sir). If you listen with endurance, you will understand. Those who have already heard this must understand that they now have to practice it. (True, Sir). Those who have listened must... (Practice, Sir).

နာပြီးသား ပုဂ္ဂိုလ်က ပေပြီး ဆက်ပြီး နာရလိမ့် မယ်လို့ စိတ်ထဲမှတ်ထား (မှန်ပါ့)၊ အကယ်၍ မနာချင်တဲ့ စိတ် ပေါ်လာလို့ အိမ်မှာ ပျင်းတယ်၊ ရိတယ် ဘုန်းကြီးပြောတဲ့ တရား တို့ကလည်း နားမလည် လို့ရှိရင် ဒီလိုမနေနဲ့ (မှန်ပါ့)၊ ဒီလိုနေမည့် ကြံတော့ ဟ အိုရေး၊ နာရေး၊ သေရေး လွတ်တဲ့ အရေးကို ရှေ့ထားရမတဲ့၊ အဲဒီတော့ တို့ ရှေ့နောက် လွဲမှာစိုးလို့ သွားပြီးနာမယ် ဆိုပြီး ပေပြီးနာပါ (မှန်ပါ့)၊ သဘောပါကြပလား (ပါပါပြီ ဘုရား)။

Keep this in your mind: "I have listened, now I must endure and continue to listen." (Yes, Sir). If a mind arises that does not want to listen—if you feel lazy at home, or bored, or think, "I don't understand the monk's Dhamma anyway"—do not succumb to that state. (True, Sir). If you are about to stay home, scold yourself: "Hey! The crisis of Aging, Sickness, and Death is approaching! I must put the task of escaping these terrors first." Thinking thus—lest you get your priorities backward—go and listen. Listen with endurance. (Yes, Sir). Do you grasp the meaning? (We grasp it, Sir).

သနားလွန်းလို့ပြောရပါတယ်

I Speak Out of Overwhelming Compassion

အင်မတန် သနားလွန်းလို့ ဆင်ခြေတွေ လဲတာတွေကို လည်း ကိုယ့်ဆင်ခြေကိုယ် နှိပ်စက်မှာ စိုးလို့ ဒကာသစ် - ဒကာကြွယ်တို့ ပြောရပါတယ် (မှန်ပါ့ ဘုရား)။

I speak to you, Daka Thit and Daka Kywe, out of overwhelming compassion. I do not want you to be tortured by your own excuses. (True, Sir).

ခင်ဗျားတို့ ဆင်ခြေက အိမ်တွင် ပေါ်နေသည့် ဆင်ခြေ ဒီနေ့တော့ဖြင့် ခေါင်းကိုက်သလေး၊ လေနာသလေး၊ နေပူ သလေး၊ အလုပ်ရှုပ်သလေး ဆိုပြီးသကာလ ဒီလိုနေလိုက်မယ် ဆိုလို့ရှိရင်ဖြင့် အိုရေး၊ နာရေး၊ သေရေး၊ ရှေ့ထားပြီးသကာလ အအို၊ အနာ၊ အသေ၊ လွတ်တဲ့ အရေးကို နောက်ထား တာနဲ့ မတူဘူးလား (တူပါတယ် ဘုရား) အိုနာ၊ သေရေး၊ တွေ့ပြီးမှတော့ဖြင့် အအို၊ အနာ၊ လွတ်တာ ရှာပါ့မယ် ဆိုသဖြင့် ရှာချိန် ရှိသေးရဲ့ လား (မရှိပါ ဘုရား)။

Your excuses arise at home: "Oh, today I have a headache," "My wind element is acting up," "The sun is too hot," "I am too busy." If you stay home making these excuses, are you not placing the crisis of Aging, Sickness, and Death behind you, while prioritizing the very things that do not free you? (We are, Sir). Once you are actually face-to-face with Aging, Sickness, and Death, if you say, "I will now search for liberation," will there be any time left to search? (No time left, Sir).

သိတဲ့ပုဂ္ဂိုလ်က ပြောရင် ချက်ချင်းပြင်ပါ

Correct Yourself Immediately

အဲဒါတွေ စိုးရိမ်လွန်းလို့ ဒကာကြွယ်တို့၊ ဦးလှဘူးတို့ သာမည ပြောနေတယ်လို့ ဒီလို မယူလိုက်ပါနဲ့ အင်မတန် အရေး တကြီး ထားပြီး သကာလ ပြောဆိုနေတဲ့ စကား၊ တို့ အရေးဟာ တို့မသိလို့သာ တို့ဟာ ရှေ့နောက် လွဲနေတာ သိတဲ့ ပုဂ္ဂိုလ်တွေက ပြောလို့ရှိရင် ချက်ချင်း ပြင်မဟ ဆိုပြီး သကာလ ပြင်ဖြစ်အောင် ပြင်ပါ ဆိုတာ သတိပေးလိုက်ပါတယ် (မှန်ပါ့)၊ ရှင်းပလား (ရှင်းပါပြီ ဘုရား)။

I am worried for you. Do not think I am merely having a casual chat with Daka Kywe or U Hla Bu. These are words spoken with the utmost urgency. Our priorities are backward because we do not know. But when those who do know point it out, you must say, "I will correct it immediately!" You must correct your course instantly. I am giving you this warning. (Yes, Sir). Is that clear? (It is clear, Sir).

ဒီနေ့ ရက်ကန်းမရက်ရဘူး၊ ဒီနေ့ ပိုးမချရဘူးဆိုလို့ရှိရင် ဖြင့် ဒီနေ့ပဲ ထမင်းငတ်ရတော့မည့်ပုံ၊ နက်ဖြန် ဆန်မရှိလို့ ဒုက္ခ ရောက်ရတော့မည်ပုံ၊ ဒါတွေ ဘာမှ ပဓာန မထားပါနဲ့။ ဒါတွေဟာ ခန္ဓာဇာတ်သိမ်း ငြိမ်းတဲ့နိဗ္ဗာန် ရှေ့ထားလိုက်လို့ ရှိရင် ဒီအရေးဟာ ဝင်သေးရဲ့လား၊ စကားထဲမှာ (မဝင်ပါ ဘုရား)။

"If I don't weave the loom today, if I don't spin the silk today, I will starve. Tomorrow there will be no rice." Do not make these concerns your priority. If you prioritize Nibbana—the cessation of the Khandhas—do these trivial concerns even enter the conversation? (They do not enter, Sir).

ဘာမှ ဆင်ခြေလဲမနေပါနဲ့

Do Not Make Excuses

ဒါကြောင့် ဒကာ ဒကာမတွေ ဘာအရေးနဲ့မှ ဆင်ခြေ လဲမနေဘဲနဲ့ ဘုန်းကြီးပြောတဲ့ ရှေ့နောက် ခွဲတဲ့ အရေးကို ရှေ့ထားပြီးသကာလ ကြိုးစားပါ ဆိုတာကို ပြောလိုက်ပြန်ပါတယ် (မှန်ပါ့)၊ သဘော ပါကြပလား (ပါ-ပါပြီ ဘုရား)။

Therefore, Yogis, I tell you again: Do not make excuses with any other affairs. Prioritize the wisdom that distinguishes the front from the back—what is urgent from what is not—and strive hard. (Yes, Sir). Do you grasp the meaning? (We grasp it, Sir).

ကိုင်း - ဒါဖြင့် ရှေ့ကို ဆက်ကြစို့၊ နိဗ္ဗာန်ရှာရင် ခန္ဓာ အဆုံးမှာရှိ၏ (မှန်ပါ့)၊ ဒကာကြွယ် ဘာတဲ့ (နိဗ္ဗာန် ရှာရင် ခန္ဓာအဆုံးမှာ ရှိပါတယ် ဘုရား)။

Now, let us proceed. If you search for Nibbana, it is found at the end of the Khandhas. (True, Sir). Daka Kywe, what did I say? (If we search for Nibbana, it is at the end of the Khandhas, Sir).

ဒကာကြွယ်တို့ အရင် ရှာခဲ့တာက လွဲနေခဲ့ပြီ (မှန်ပါ့)၊ တစ်စတစ်စနဲ့ နိဗ္ဗာန်ဆိုတာ တစ်စ တစ်စနဲ့ ရှာသွားမှ ရနိုင်တာ ဆိုတော့ တစ်စတစ်စ ဦးလှဘူး ပျောက်တောင် သွားလိုက် သေးတယ် (သွားပါတယ် ဘုရား)၊ အမေမှား အဖေမှားနဲ့ တွေ့တော့ ဘယ်နှယ်နေသတုံး (ပျောက်ပါ တယ်) သားရေး၊ သမီးရေး၊ စီးပွားရေး လုပ်နေတော့ (ပျောက်သွားပါတယ် ဘုရား)။

Daka Kywe, the way you searched in the past was wrong. (True, Sir). You thought Nibbana was attained "bit by bit" (Ta-sa-ta-sa). Because you thought you could search gradually, bit by bit, U Hla Bu even got lost along the way. (He got lost, Sir). When you encounter the "Wrong Mother" and "Wrong Father" (Ignorance and Craving), how does it go? (We get lost). You get busy with sons, daughters, and business, and... (We get lost, Sir).

တစ်စတစ်စဆိုတော့

The Trap of "Bit by Bit"

ဪ ခင်ဗျားတို့ တစ်စတစ်စကလည်း ခင်ဗျားတို့ နှိပ်စက်ဖို့ ကြံလုံးပေါ်လာတာကိုး (မှန်ပါ့)၊ ခင်ဗျားတို့ နှိပ်စက်ဖို့ ကြံလုံးပေါ်လာတဲ့ တစ်စတစ်စဆိုတာ သေချာပလား (သေချာပါပြီ ဘုရား)။

Oh, this "bit by bit" approach is just a trick of the defilements to torture you. (True, Sir). Are you certain that "gradual practice" is a plot to torture you? (We are certain, Sir).

ခင်ဗျားတို့ တစ်စတစ်စဆိုတာက ရှည်လာရင်လည်း ဘုန်းကြီးက အပြစ်မဆိုပါဘူး၊ တစ်စ တစ်စ ဆုံးစရာသာ ရှိတယ် ဒကာကြွယ်ရ၊ ရှည်စရာရှိရဲ့လား (မရှိပါ ဘုရား)။

If your "bit by bit" meant that your life was getting longer, I would not blame you. But Daka Kywe, "bit by bit" only leads to the end of life. Does your life get longer? (No, Sir).

ဥပမာ ပြောကြပါစို့ ဆိုရင် ဒီဘက်က ဒကာကြီးဟာ အိုပြီ ကံတွေ ဉာဏ်တွေ ဘယ့်နှယ် နေပါလိမ့်မတုံး မေးတော့ ဘယ့်နှယ် ဖြေကြံမလဲ (ကံမွဲပါတယ်)၊ ကံ-တုံး ဉာဏ်တုံး၊ ကံမွဲ-ဉာဏ်မွဲ ဖြစ်သွားတယ်၊ ရှည်လာသလား တိုလာသလား ပြောကြပါဦး (တိုလာပါတယ် ဘုရား)။

For example, let's ask this elderly Yogi here. You are old now. How are your Kamma (Past Actions) and Nyan (Intellect)? (My Kamma is depleted). Your Kamma is blunt; your Intellect is blunt. You have become poor in Kamma and poor in Wisdom. Tell me, has your time grown longer or shorter? (Shorter, Sir).

ဉာဏ်ရှည်မှ နိဗ္ဗာန်ရောက်မှာ၊ ဉာဏ်ကျယ်မှ နိဗ္ဗာန် ရောက်မှာ၊ ဉာဏ်ကြီးမှ နိဗ္ဗာန်ရောက်မှာ ဉာဏ်တုံးတဲ့ အချိန်ကျမှ ရှာလို့ ရှိရင်ကော (မရနိုင်ကြပါ ဘုရား)။

You attain Nibbana only when your Wisdom is sharp. You attain it when your Wisdom is broad and vast. If you only start searching when your Wisdom has become blunt and dull, can you attain it? (We cannot, Sir).

ဪ မရတဲ့အချိန်မှ ရှာချင်တဲ့စိတ် ပေါ်လိုက် တာများဟာဖြင့် အတော်လွဲတဲ့ အလွဲကြီးပဲ ဆိုလို့ရှိရင်ဖြင့် ပြောစရာရှိသေးရဲ့လား (မရှိပါ ဘုရား)။

Oh, if the mind to search only arises when you are no longer capable, that is a massive mistake. Is there anything left to say? (Nothing left to say, Sir).

အသက်ကြီးတဲ့ ပုဂ္ဂိုလ်တွေမလျှော့ပါနဲ့

Do Not Slacken Your Effort

ဒါကြောင့် ဘုန်းကြီးတို့ ဒကာ ဒကာမတွေ အသက်ကြီး တဲ့ ပုဂ္ဂိုလ်များကလည်း မလျှော့ပါနဲ့၊ ရှေ့နောက် ခွဲကြည့်၊ ရှေ့နောက် ခွဲကြည့်လိုက်လို့ရှိရင် ဒီအရေးကြီးသဟ (မှန်ပါ့) အသက်ငယ်တဲ့ ပုဂ္ဂိုလ်ကလည်း ရှေ့နောက်ခွဲရင် ဒီအရေးကြီး သဟ၊ ဒီလို အားတက်ကြပါ ဆိုတဲ့ ဥစ္စာကို လေးစားစွာနဲ့ပဲ မေတ္တာရှေ့ထားပြီး တောင်းပန်ပါတယ် (မှန်ပါ့ ဘုရား)။

Therefore, to the elderly Yogis: Do not slacken your effort. Discern clearly what comes first and what comes last. If you discern this, you will see that this task is the most urgent. (True, Sir). Younger Yogis, too—if you discern priorities, this is the only urgent task. I implore you with respect and loving-kindness: Take heart and strive! (Yes, Sir).

ဒကာကြွယ် သာမည ကရုဏာနဲ့ ပြောတာမဟုတ်ဘူး။ ခင်ဗျားတို့ အလွဲကဖြင့် ဪ အရွယ် ရှိတုန်း ဥစ္စာရှိမှ၊ အရွယ်ရှိ တုန်းမှလဲ ကံတွေ၊ ဉာဏ်တွေက ထက်တာ ဆိုတော့ ထက်တဲ့ကံနဲ့ ထက်တဲ့ ဉာဏ်ကို တဏှာခိုင်းတာနဲ့ အသုံးပြုလိုက်တယ် (မှန်ပါ့)၊ ဉာဏ်ခိုင်းတဲ့ အခါကျတော့ ဒါတွေက သုံးပြီးသွားတော့ အားလုံး ဒကာ ဒကာမတွေ သုံးလို့ ဖြစ်သေးရဲ့လား (မဖြစ်ပါ ဘုရား)။

I, and Daka Kywe, do not speak out of ordinary compassion. Your mistake is thinking: "I will practice when I have wealth, while I still have my youth." But while you had youth, you used your sharp Kamma and sharp Intellect to serve Tanha (Craving). (True, Sir). Now that wisdom demands you work, you have already used up your vitality. Can you still function efficiently? (No, Sir).

ကြည့်စမ်း ကြည့်စမ်း ကိုယ့်ကိုယ်ကို စဉ်းစားပါ ဒကာ သစ်တို့ရ၊ သူများကိုလည်း စဉ်းစားဖို့ လိုသေးသလား (မလိုပါ ဘုရား)။

Look at yourselves. Consider this, Daka Thit. Do you need to consider others? (No need, Sir).

အဲဒါကြောင့် ဒကာကြွယ်တို့ ဒကာသစ်တို့ နောက်ပိုင်း ကလေးမှ မချိတ်မိဘူးဆိုရင်ဖြင့် နောက်ချိတ်မိစရာ ရှိသေးရဲ့လား (မရှိပါ ဘုရား)၊ တယ်နစ်နာပါလား (နစ်နာပါတယ် ဘုရား)။

Therefore, Daka Kywe and Daka Thit, if you do not hook onto the path in this final stage, will there be another chance to hook on? (No chance, Sir). Is that not a great loss? (It is a great loss, Sir).

ပညာရင့်ကျက်ချိန်ကြိုးစားလိုက်ကြ

Strive When Wisdom is Mature

ဒါကြောင့် ရပ်စကား ရွာစကားတွေ ဖယ်ထားပြီး သကာလ ဘုရားသခင် ကိုယ်တော်မြတ် ကြီးက ပညာဒသက ဆိုတဲ့ ပညာရင့်ကျက်ချိန် ၄၀နဲ့ ၅၀ အတွင်းမှာ ကြိုးစားလိုက်ကြ ဆိုတာ ပညာထက်လို့ ခိုင်းတာ (မှန်ပါ့)။

So, put aside the village gossip. The Supreme Buddha said that the Pannya Dasaka—the Decade of Wisdom—is between forty and fifty years of age. He urged you to strive then because that is when wisdom is sharpest. (True, Sir).

ကဲ ဒါဖြင့် နိဗ္ဗာန်ရှာ ခန္ဓာအဆုံးမှာ တွေ့ပါမယ် (မှန်ပါ့)၊ ဪ ဒါဖြင့် ခန္ဓာအဆုံးဟာ ဘာပါလိမ့်မလဲ ဆိုတော့ ခန္ဓာကြီး ကြည့်လိုက်တော့ သဗ္ဗေ သင်္ခါရာ အနိစ္စာ၊

ဪ အနိစ္စ အဆုံးမှာ ရှိပါကလား (မှန်ပါ့)၊ ရှင်းပလား (ရှင်းပါပြီ ဘုရား)။

Now, if you search for Nibbana, you will find it at the end of the Khandhas. (True, Sir). "What is the end of the Khandhas?" you ask. Look at the Khandhas: Sabbe Sankhara Anicca — All formations are Impermanent. Oh! Nibbana is at the end of Impermanence (Anicca). (True, Sir). Is that clear? (Clear, Sir).

သဗ္ဗေသင်္ခါရာ ဒုက္ခာဆိုတော့ ခန္ဓာကြီးက ဒုက္ခခန္ဓာကြီး (မှန်ပါ့) ဒီဒုက္ခကြီးဆုံးတော့ ခန္ဓာကြီးဟာ အနတ္တခန္ဓာကြီး ဖြစ်လိုက် ပျက်လိုက်၊ ဖြစ်လိုက် ပျက်လိုက်နဲ့ အနတ္တတွေမရှိဘူးလား (ရှိနေတယ်)၊ အဲဒါ ဖြစ်ပျက် အနတ္တတွေ ဆုံးသွားတော့ ဘာတွေ့သတုံး (နိဗ္ဗာန် တွေ့ပါတယ် ဘုရား)၊

ဪ နိဗ္ဗာန် သည်ကားလို့ဆိုလို့ရှိရင် ဒကာကြွယ်တို့ ဒါဆုံးအောင် မလိုက်လို့ မတွေ့တာကိုး (မှန်ပါ့ ဘုရား)။

Sabbe Sankhara Dukkha — The Khandhas are a mass of Suffering. (True, Sir). When this mass of Suffering ends... The Khandhas are Anatta (Non-self); they arise and perish, arise and perish. Is there not Anatta there? (There is, Sir). When these Arising, Passing, and Non-self phenomena cease, what do you find? (We find Nibbana, Sir). Oh, regarding Nibbana—Daka Kywe, you didn't find it because you didn't follow the process to its end. (True, Sir).

ခန္ဓာဆုံးအောင်လိုက်တဲ့ပုဂ္ဂိုလ်

Praying for Suffering to be Your Property

ခန္ဓာဆုံးအောင်လိုက်တဲ့ ပုဂ္ဂိုလ်ကျတော့ ဘာတွေ့သတုံး (နိဗ္ဗာန် တွေ့ပါတယ် ဘုရား) ခန္ဓာ ရှာနေတဲ့ ပုဂ္ဂိုလ်ကျတော့ ဒုက္ခ တွေ့တယ် (မှန်ပါ့)၊ သဘောကျပလား (ကျပါပြီ ဘုရား)။

What does the person who follows the Khandhas to the end find? (He finds Nibbana, Sir). But the person who keeps searching for Khandhas (rebirth) finds only Suffering. (True, Sir). Do you understand? (We understand, Sir).

ဟိုဘ၀ ဒီဘဝဆိုတဲ့ ခန္ဓာတွေရှာနေတဲ့ ပုဂ္ဂိုလ်ကျတော့ ဒုက္ခတွေ့တယ် (မှန်ပါ့)၊ လူ့ခန္ဓာ၊ နတ်ခန္ဓာ၊ ဗြဟ္မာခန္ဓာကြီးတွေ ဆုတောင်းနေတဲ့ ပုဂ္ဂိုလ်ကျတော့ ဒုက္ခတွေ ကိုယ်ပိုင် ပစ္စည်း ဖြစ်ရပါလို၏ (မှန်ပါ့)၊ သဘောကျပလား (ကျပါပြီ ဘုရား)။

Those who search for "this life" and "that life" find Suffering. (True, Sir). Those who pray for Human Khandhas, Deva Khandhas, or Brahma Khandhas are praying: "May Suffering be my own personal property!" (True, Sir). Do you accept this? (We accept it, Sir).

ဒုက္ခတွေဘာတဲ့ (ကိုယ်ပိုင်ပစ္စည်းဖြစ်ရပါလို၏) အံမာလေး ဒကာကြွယ်တို့ တောင်းကောင်း မကောင်းကောင်း၊ (မတောင်းကောင်းပါ ဘုရား)။

What are they asking for? (To make Suffering their own property). Oh my... Daka Kywe, is that a good prayer or a bad one? (A bad prayer, Sir).

သို့သော်လည်း ဒကာကြွယ်တို့က လူကြီး လူကောင်းလုပ် ခဲ့ပြီး သကာလ ရှေးအခါတုန်း ကပေါ့ဗျာ၊ ကဲကွာ အခ ုဘဝဆင်း ရဲတယ်၊ မင်းတော့ နောက်ဘဝချမ်းသာမှာပဲကွာ လှူကွာ တန်းကွာ ပေးကွာ နိဗ္ဗာန်ဆိုတဲ့လမ်းကို မပြနိုင်တော့ ကိုယ် ကလည်း တစ်ဖက်ကန်း နောက်က လုပ်တဲ့လူက စုံလုံးကန်း (မှန်ပါ့ ဘုရား)၊ ချောက်တစ်ခု တွေ့တဲ့အခါကျတော့ ကိုယ့်ဖက်က မမြင်လိုက်ရင် ကိုယ်ကချောက်ကျတော့ နောက်က လူကလည်း တွဲလျက်ကြီး ပါသွားတတ်တယ်။

But in the past, Daka Kywe, you acted like a "gentleman." You would say, "Hey, you are poor in this life. You will be rich in the next. Donate! Offer! Give!" You could not show them the path to Nibbana. You were blind in one eye, and the follower behind you was blind in both eyes! (True, Sir). When you reached a precipice, because you couldn't see, you fell in, and the person holding onto you from behind fell in with you.

အေး ဒါကြောင့် ဒီဒကာ ဒကာမတွေ အမေမိဘ ဆွေမျိုး ညာတကာ မတော်ဘူးသူ မည်သည် မရှိသလောက် ဖြစ်နေတော့ စကားကြမ်းတာ မဟုတ်ပါဘူး၊ ခင်ဗျားတို့ တတ်စေ ချင်လို့ ပြောနေတာ (မှန်ပါ့)၊ အနာ ပျောက်စေချင်လွန်းလို့ (မှန်ပါ့)၊ သဘောပါကြပလား (ပါပါပြီ ဘုရား)။

Listen. Since you Yogis are like my own parents and relatives—I have almost no one I am not related to—I am not speaking roughly to be rude. I speak because I want you to be skilled. (True, Sir). I want your sickness to be cured. (True, Sir). Do you grasp the meaning? (Yes, Sir).

ဆေးခွက်မြင်ရင်ပြေးနေတာ

Running Away from the Medicine

ဘယ်နှယ့်ကြောင့် ဒါလောက်ပုံရိုင်းရိုင်း ပြောပါလိမ့်မတုံး ဘယ်နှယ့်ပြောမတုံး (တတ်စေချင် လွန်းလို့ ပြောတာပါ ဘုရား)၊ ဒီခွေးနာကလည်း အနာရှိမှန်းကို မသိတော့ ဆေးခွက်မြင် ရင် သူ့ကို ရိုက်မယ် ထင်တာနဲ့ ပြေးနေတာ (မှန်ပါ့)။

Why do I use such rough examples? How should I explain it? (You speak because you want us to be skilled, Sir). Consider a dog with mange (Kway-nar). It does not realize it has a sore. When it sees someone holding a cup of medicine, it thinks, "He is going to hit me!" and it runs away. (True, Sir).

ဘုန်းကြီးကတော့ ဟေ့ သူ့မှာတော့ ဘုန်းနဲ့ ကံနဲ့ စားစရာနဲ့ သောက်စရာနဲ့ ကျောင်းနဲ့ ကန်နဲ့ တိုက်နဲ့ တို့ကတော့ လွယ်တာ မဟုတ်ဘူး ဆိုတော့ လွယ်တာ မဟုတ်လေ သူပြေးလေ ပဲ (မှန်ပါ့)၊ ဒကာကြွယ် လွန်လှချည့်လား (လွန်ပါတယ် ဘုရား)၊ အနာရှိမှန်းသိတဲ့ ခွေးလို့ ဆိုမလား (မဆိုနိုင်ပါ ဘုရား)။

I say, "Hey! He has glory, kamma, food, a house, and a monastery. But for us monks, liberation is not easy." And the more I say it is not easy, the more he runs! (True, Sir). Daka Kywe, is that not excessive? (It is excessive, Sir). Can we say this is a dog that knows it has a sore? (We cannot, Sir).

အံမာလေး ခွေးလည်းဖြစ်ပြန်၊ အနာရှိမှန်းလည်း မသိပြန်၊ ဆေးခွက် ကိုင်တော့လည်း ပြေးပြန် ဆိုတော့ ခွေး ဖြစ်တာက တစ်မိုက်၊ အနာရှိမှန်း မသိတာက တစ်မိုက် (မှန်ပါ့)၊ ဆေးမှန်း မသိတာက တစ်မိုက်၊ အံမာလေး သုံးမိုက်နဲ့ ပြေးနေတာပါလား (မှန်ပါ့)၊ ပေါ်ကြပလား (ပေါ်ပါပြီ ဘုရား)။

Oh my. It is a dog—that is one foolishness. It does not know it has a sore—that is the second foolishness. (True, Sir). It does not know the cup holds medicine—that is the third foolishness. Oh my! It is running away with three layers of foolishness! (True, Sir). Is it clear? (It is clear, Sir).

သုံးမိုက်နဲ့ပြေးနေသော

Running with Three Foolishnesses

ဘယ်နှစ်မိုက်နဲ့ ပြေးနေတာတုံး (သုံးမိုက်နဲ့ ပြေးနေ တာပါ ဘုရား)၊ အံမာလေး ဒီဘက်က အသက်ကြီး ပုဂ္ဂိုလ် တွေလည်း စဉ်းစားကြည့်စမ်းပါဦး (မှန်ပါ့)။

With how many foolishnesses is he running? (Running with three foolishnesses, Sir). Oh my... Elderly Yogis on this side, please consider this. (Yes, Sir).

၁။ တို့ဟာမသိတဲ့လူ ဖြစ်နေရတာက ဒကာကြွယ် တစ်မိုက်ပဲ (မှန်ပါ့)။

၂။ ကိလေသာနာတွေ ရှိနေတာကလဲ (တစ်မိုက်ပါ , ဘုရား)။

၃။ ဆေးခွက်နဲ့လာလို့ပြေးပြန်တာကလဲ (တစ်မိုက် ပါ ဘုရား)။

1. That we are ignorant people—Daka Kywe, that is One Foolishness. (True, Sir).

2. That we have the sores of Defilements (Kilesa)—that is One Foolishness. (True, Sir).

3. That we run away when the medicine cup is offered—that is One Foolishness. (True, Sir).

ဦးလှဘူး ဒါဘုန်းကြီး စကားတတ်လို့ ပြောတာလား၊ ကိုယ့်ဖြစ်စဉ်က အကိုက်လား (ကိုယ့်ဖြစ်စဉ်က အကိုက်ပါ ဘုရား)၊ အံမာလေး နစ်နာလိုက်တာ၊ နက်ဖြန် မလာရင် ဆေးခွက် ကိုင်တာ ကြောက်လို့ပဲ (မှန်ပါ့)၊ ရိပ်မိပလား (ရိပ်မိပါပြီ ဘုရား)။

U Hla Bu, am I saying this just because I am good at speaking? Or does this match your actual situation? (It matches our situation, Sir). Oh, what a loss! You don't come tomorrow because you are afraid of the medicine cup. (True, Sir). Do you see it? (We see it, Sir).

ကဲ ဒကာကြွယ်ရေ ဒီဒကာဒကာမတွေ အရင်း အချာတွေမို့ ပြောရပါတယ်နော် (မှန်ပါ့)၊ အနာရှိတာ မသိတော့လဲ ဆေးမရှာဘူးပေါ့ဗျာ (မှန်ပါ့ ဘုရား)။

Now, Daka Kywe, I speak this way because these Yogis are my close intimates. (True, Sir). If one does not know one has a sore, one will not search for medicine. (True, Sir).

ကဲ ဒါဖြင့် ဒကာ ဒကာမတို့ ဒုက္ခခပ်သိမ်း ကင်းငြိမ်းရာမှန် ပြည်နိဗ္ဗာန်ဆိုတဲ့ ဥစ္စာ ကိုယ်တလံ မျှလောက်သော ခန္ဓာကိုယ် အဆုံးမှာ ရှိပါတယ် (မှန်ပါ့)၊ နိဗ္ဗာန်ဘယ် မှာရှိပါလိမ့် (တလံ မျှလောက် သော ခန္ဓာကိုယ် အဆုံးမှာရှိပါ တယ် ဘုရား)။

So, Yogis, realize this: Nibbana, the cessation of all Suffering, exists at the end of this fathom-length body. (True, Sir). Where is Nibbana? (It is at the end of the fathom-length body, Sir).

မသေခင်ကတွေ့အောင်ရှာ

Find It Before You Die

ဒါဖြင့် တလံမျှလောက်သော ခန္ဓာကိုယ် အဆုံးမှာ ရှိပါ - လျက်သားနဲ့ တပည့်တော်တို့မှာ သေဆုံးသာ သေဆုံးသွား တယ်ဘုရား၊ ဒုက္ခဆုံးတဲ့ နိဗ္ဗာန် ကိုတော့ မမြင်ရပါကလား ဆိုတာ ဒကာ ဒကာမတွေက ဖြစ်ပျက်ကို မတွေ့ခဲ့လို့ (မှန်ပါ့) နာလိုက်တဲ့ ဖြစ်ခြင်းမှ မပြောပါနဲ့တော့ (မှန်ပါ့) ဖြစ်ပျက် အနိစ္စကို မတွေ့လိုက်တာနဲ့ သေသာ သေလိုက် ရတယ် ဒကာ ဒကာမတို့ နိဗ္ဗာန်မတွေ့ဘူး (မတွေ့ပါ ဘုရား)၊ ကဲ ဒါဖြင့် မသေခင်က တွေ့အောင်ရှာ (မှန်ပါ့)။

"Although it exists at the end of this fathom-length body, we only ended up dying, Sir. We did not see Nibbana, the end of suffering." That is because you Yogis did not see the Arising and Passing Away. (True, Sir). Don't talk about the tragedy of your past. (True, Sir). Because you did not see Impermanence (Anicca), you only managed to die. You did not find Nibbana. (We did not, Sir). So, search so that you find it before you die. (True, Sir).

နိဗ္ဗာန် ဘယ်အချိန်က ရှာရမှာတုံး (မသေခင်က တွေ့အောင်ရှာရပါမယ်) ဘုန်းကြီးက ရင်းရင်းနှီးနှီး တွေမို့ ပြောပါတယ်၊ ဘုန်းကြီးပြောတဲ့ အတိုင်းသာ အားထုတ်လို့ရှိရင် ခုနစ်ရက်နဲ့ ရနိုင်ပါတယ် (ရနိုင်ပါတယ် ဘုရား)၊ ဒကာကြွယ် အဟုတ်အားထုတ်ရင် ခုနစ်ရက်နဲ့ ရနိုင်ပါတယ် (မှန်ပါ့)။

When must you search for Nibbana? (Search to find it before death). I speak to you as family. If you practice exactly as I tell you, you can attain it in seven days. (We can attain it, Sir). Daka Kywe, if you truly exert yourself, seven days is enough. (True, Sir).

ကိုင်း ဒါဖြင့် ပြောကြပါစို့ ဒကာဒကာမတို့နော် (မှန်ပါ့) နိဗ္ဗာန်ရှိတဲ့ နေရာကဖြင့် ဒီခန္ဓာအဆုံးမှာ ရှိပါတယ်၊ ဒီခန္ဓာ အဆုံးဆိုတော့ ဘယ်လောက်များ ဝေးသတုံး ဆိုလို့ရှိရင် လေးတောင် (တစ်လံ) ဒီနေရာ မရှိလို့ ရှိရင်ဖြင့် လေးတောင် ပျောက်တဲ့ နေရာမှာ နိဗ္ဗာန်ရှိတယ် (မှန်ပါ့ ဘုရား)။

So, let us speak plainly. Nibbana is at the end of the Khandha. How far is the end of the Khandha? It is four cubits (one fathom). If it is not here, then Nibbana is where these four cubits disappear. (True, Sir).

ခန္ဓာကိုယ်က ဘယ်နှစ်တောင်ရှိပါလိမ့် (လေး တောင်ရှိပါတယ် ဘုရား)၊ ဒီလေးတောင်ကို ဒုက္ခသစ္စာတွေပဲ မင်းကို မလိုချင်တော့ဘူး ဆိုတော့ လေးတောင်စလုံး ပျောက် မသွားပေဘူးလား (ပျောက်သွားပါတယ်) ပျောက်တဲ့နေရာ မှာ ဒုက္ခတွေ ပျောက်သောကြောင့် သုခနိဗ္ဗာန် မပေါ်ပေဘူးလား (ပေါ်ပါတယ် ဘုရား)။

How many cubits is the body? (Four cubits, Sir). If you realize, "These four cubits are merely the Truth of Suffering (Dukkha Sacca), I do not want you!"—won't the four cubits disappear from your view? (They will disappear). Where they disappear, because Suffering disappears, does not the Bliss of Nibbana appear? (It appears, Sir).

ဒုက္ခသိမှ သုခတွေ့မယ်

You Must Know Dukkha to Find Sukha

ဒါဖြင့် ဒကာ ဒကာမတို့ ဒုက္ခမသိတဲ့ ပုဂ္ဂိုလ်ဟာ သုခ တွေ့ဖို့ အတော် ခဲယဉ်းတယ် (ခဲယဉ်းပါတယ် ဘုရား)၊ ပေါ်ကြပလား (ပေါ်ပါပြီ ဘုရား)။

Therefore, Yogis, for a person who does not know Suffering (Dukkha), it is very difficult to find Bliss (Sukha). (It is difficult, Sir). Is that clear? (Clear, Sir).

ကိုင်း ဒါဖြင့် ပြပါတော့မယ် ဒကာ ဒကာမတို့ ခုနင်က နတ်သား မေးတဲ့အခါမှာ မအိုမသေ အမြဲနေတဲ့ နိဗ္ဗာန် ကြီးခြေလျင် လေယာဉ်စသည်နဲ့ သွားလို့ ရောက်ပါ့မလားလို့ မေးတဲ့အခါကျတော့ ဘုရားက မရောက်နိုင်ဘူးလို့ ဖြေလိုက် တယ် (မှန်ပါ့ ဘုရား)။

So, I will show you. Earlier, when the Deva asked if one could reach the ageless, deathless Nibbana by walking or flying, the Buddha answered, "You cannot reach it by travel." (True, Sir).

ဟုတ်ပါတယ်ဘုရား၊ တပည့်တော် အဘိညာဉ် ခြေလျင် ဖြင့် သွားခဲ့တာ တပည့်တော် သေသာ သေခဲ့ပါတယ် ဘုရား၊ နိဗ္ဗာန်မရောက်ခဲ့ပါဘူးလို့ သူ့ကိုယ်တိုင် ထောက်ခံချက် မပေးဘူးလား (ပေးပါတယ် ဘုရား)။

"Yes, Lord. In a past life, I traveled with supernormal powers (Abhinna), but I only managed to die. I did not reach Nibbana." Did he not give his own testimony? (He did, Sir).

ပုတီးလည်ပင်းစွပ်ပြီးရှာတယ်

Wearing the Beads around Your Neck and Searching

ဘုရားက တစ်လံမျှလောက်သော ခန္ဓာကိုယ်ထဲမှာ ရှာကွ (မှန်ပါ့)၊ ဪ ဒကာ ဒကာမတို့ ပုတီးကို လည်ပင်းမှာစွပ်ပြီး ဘယ်မှာရှိပါလိမ့်မတုံး ဆိုရင်တော့ဖြင့် ရှာလေ မတွေ့လေဘဲ (မှန်ပါ့ ဘုရား)၊ ဒီနေရာမှာ ရှိပါတယ်၊ လည်ပင်းမှာ ရှိပါတယ် ဆိုတော့လည်း အနီးကလေးနဲ့ လှမ်းယူလိုက်ရင် တွေ့တာပါပဲ (မှန်ပါ့ ဘုရား)။

The Buddha said: "Search within this fathom-length body." (True, Sir). Yogis, if you wear your rosary beads around your neck but ask, "Where are my beads?"—the more you search, the less you will find. (True, Sir). If you realize, "It is right here, around my neck," you just reach out and grab it. (True, Sir).

လည်ပင်းစွပ်ပြီး သကာလ ဘယ်နေရာမှာ ရှိပါလိမ့်မတုံး ဆိုရင် ရှာလေ ဝေးလေပဲ (မှန်ပါ့)၊ သဘောပါပလား (ပါပါပြီ ဘုရား) ဒီမှာလဲ ဒီခန္ဓာလေးတောင် အဆုံးမှာ ရှိတယ်ဆို တာ ယနေ့ ဆုံးဖြတ်ချက် ချလိုက်ပါတော့ (မှန်ပါ့ ဘုရား)။

If you wear it around your neck but ask "Where is it?", the more you search, the further away it seems. (True, Sir). Do you grasp the meaning? (We grasp it, Sir). Decide today: It exists at the end of these four cubits. (True, Sir).

ခန္ဓာကြီးသည်ဒုက္ခသစ္စာ

The Body is the Truth of Suffering

အဲဒါကြောင့် အင်္ဂုတ္တိုရ်ပါဠိတော်မှာ ဒကာ ဒကာမတို့ သေသေချာချာမှတ်ပါ၊ ဒီခန္ဓာကြီး သည်ကားလို့ ဆိုရင် ဒုက္ခသစ္စာ ကွ၊ ဒီခန္ဓာထဲမှာပဲ သမုဒယသစ္စာ ရှိတယ်ကွ၊ ဒီခန္ဓာကြီး အဖြစ်အပျက်ကို မြင်လို့ ရှိရင်လည်း မြင်တဲ့ ဉာဏ်က မဂ္ဂသစ္စာပဲ (မှန်ပါ့ ဘုရား)။

Therefore, in the Anguttara Pali, Yogis, mark this carefully: "This body is the Truth of Suffering (Dukkha Sacca)." "Within this body exists the Truth of the Cause of Suffering (Samudaya Sacca)." "The Wisdom that sees the Arising and Passing of this body is the Truth of the Path (Magga Sacca)." (True, Sir).

ဒီခန္ဓာကြီးကို မလိုချင်လို့ ဪ မင်းဟာ ဒုက္ခသစ္စာ အစစ်ပဲ၊ မင်းကိုမလိုချင်ဘူး ဆိုတော့ လေးတောင် လောက်ရှိတဲ့ ခန္ဓာကြီး မပျောက်ပေဘူးလား (ပျောက်ပါတယ်) ပျောက်တာက ဘာသစ္စာခေါ်ကြမလဲ (နိရောဓသစ္စာပါ ဘုရား)။

Because you do not want this body, realizing "You are truly the Truth of Suffering, I do not want you," the four-cubit body disappears. (It disappears). What do we call that disappearance? (Nirodha Sacca — The Truth of Cessation, Sir).

ဒါဖြင့် ဒကာ ဒကာမတို့ ရှုရင်းတွေ့ရတာကိုး (မှန်ပါ့) ဪ နိဗ္ဗာန်သည်ကား ဉာဏ်နဲ့ ရှာလိုက်တော့လဲ ဒီနားတွင်ပါလား (မှန်ပါ့)၊ ဒါဖြင့် နိဗ္ဗာန်သည် ဒကာဒကာမ တို့ အရှာကောင်း တော့လဲ အိမ်နားတွင်ပဲ (မှန်ပါ့) သဘောကျပလား (ကျပါပြီ ဘုရား)။

So, Yogis, you find it while observing. (True, Sir). "Oh, Nibbana! When searching with wisdom, it is right here!" (True, Sir). So, for those who know how to search, Nibbana is right near the house. (True, Sir).

အရှာကောင်းတော့လဲ (ဒီနားတင်ပါ ဘုရား)၊ ဒီနားတွင်ပဲ ဆိုတာ သေချာပလား (သေချာပါပြီ)၊ ဒါဖြင့် ဘုန်းကြီးက ဒီဒကာ ဒကာမတွေ ဘယ်လို မအိုမသေ အမြဲနေတဲ့ နိဗ္ဗာန်ကြီး ပို့ရပါ့မလဲ ဆိုတော့ အရှာကောင်း ဉာဏ်ပေးဖို့ပဲ အရေးကြီးတယ် (မှန်ပါ့)၊ ဘာအရေးကြီးပါလိမ့် (အရှာကောင်း ဉာဏ်ပေးဖို့ အရေးကြီးပါတယ် ဘုရား)။

If you know how to search... (It is right here, Sir). Are you certain it is right here? (Certain, Sir). So, my task is to give you the "Good Searching Wisdom" to send you to the ageless, deathless Nibbana. That is the most important thing. (True, Sir). What is important? (Giving the Good Searching Wisdom is important, Sir).

ဆရာကူမှပဲရမယ်

You Need a Teacher's Help

ဪ ဒါဖြင့် ဒီအရှာကောင်း ဉာဏ်ကတော့ဖြင့် ဒကာကြွယ်ရေ ပေးလို့မရဘူး (မှန်ပါ့) ဒါကတော့ ဆရာကူမှ ပဲရမယ်၊ ဆရာမကူရင် (မရပါ ဘုရား)၊ ဆရာ မကူဘဲနဲ့ ရတာသည် ထူးထူးလည်လည် မှတ်လိုက်စမ်းပါ၊ ဘုရားနဲ့ ပစ္စေကဗုဒ္ဓပဲ ရတယ် (မှန်ပါ့)၊ ဘုရားနဲ့ ပစ္စေကဗုဒ္ဓါ မှတစ်ပါး၊ ကျန်တဲ့ ပုဂ္ဂိုလ်တွေ မရနိုင်ပါဘူး (မှန်ပါ ဘုရား)။

However, Daka Kywe, this "Good Searching Wisdom" cannot just be handed over. (True, Sir). You can only get it with a Teacher's help. Without a Teacher... (We cannot get it, Sir). Note this as something extraordinary: Without a Teacher, only a Samma-Sambuddha or a Paccekabuddha can attain it. (True, Sir). Apart from Buddhas and Paccekabuddhas, no one else can attain it. (True, Sir).

ဆရာမပြရင်နိဗ္ဗာန်မရ

Without a Teacher, No Nibbana

ကျန်တဲ့ ပုဂ္ဂိုလ်တွေ ဆရာကူမှပဲ ရတယ် ဆိုတာ သေသေ ချာချာ ဆုံးဖြတ်ချက် ချပါ (မှန်ပါ့)၊ ရှင်းကြပလား (ရှင်းပါပြီ)၊ ကျန်တဲ့ ပုဂ္ဂိုလ်တွေသည် ဆရာမပြလို့ရှိရင် ဘယ်နည်းနဲ့ မှ နိဗ္ဗာန်မရဘူး ဆိုတာ ဧကန်ဆုံးဖြတ်ချက်ချပါ (မှန်ပါ့ ဘုရား)။

Make a firm decision: The rest of us can only attain it with a Teacher's help. (True, Sir). Is that clear? (Clear). Decide with certainty: Without a Teacher pointing the way, there is no way to attain Nibbana. (True, Sir).

ကိုင်း ဒါဖြင့် အခုဘယ်သူ့ အရေးကျန်ပါလိမ့်မလဲ ဆိုတာ မပေါ်လာသေးဘူးလား (ပေါ်လာပါပြီ)၊ ဆရာကူဖို့အရေး ကျန်နေတယ် (မှန်ပါ့ ဘုရား)။

So, whose responsibility is left now? (The Teacher's responsibility is left, Sir). Yes, the responsibility to help lies with the Teacher. (True, Sir).

အဲဒါကိုတော့ဖြင့် ဘုန်းကြီးတို့ ဒကာ ဒကာမတွေက အင်မတန် ကြီးလှစွာသော ကရုဏာနဲ့ မေတ္တာ မကူမရှိဘူး ဆိုတာ ဆုံးဖြတ် ချက်ချ (မှန်ပါ့)၊ ဘယ်နည်းနဲ့မှ မကူမရှိဆိုတာ တို့ ဆရာက ဖြင့် တို့ကယ်ယူမှာပဲဆိုတာ သေသေချာချာ ဆုံးဖြတ်ချက်ချပါ (မှန်ပါ့) သဘောပါပလား (ပါပါပြီ ဘုရား)။

Regarding this, you Yogis must decide: "There is no way the Sayadaw will not help us with his great compassion and loving-kindness. Our Teacher will surely save us." (True, Sir). Do you grasp it? (We grasp it, Sir).

ဘာလို့ဆုံးဖြတ်ချက်ချခိုင်းလဲ (ဆေးခွက်ကိုင်တိုင်း ပြေးနေလို့ပါ ဘုရား)၊ ဒီတစ်ခါပြေးလို့ ရှိရင်ဖြင့် ဟိုဘက်ချောက်ထဲ ကျဖို့ရှိတော့တယ်၊ အနာမပျက်ဘူး၊ လူပါသေဖို့ပဲ (မှန်ပါ့ ဘုရား)။

Why do I ask you to make this decision? (Because we run away every time we see the medicine cup, Sir). If you run away this time, you are destined to fall into the abyss on the other side. Not only will the sore not heal, but the patient will die. (True, Sir).

ကဲ ဘယ့်နှယ်တုံး ဆေးခွက်ကိုင်ရင် ပြေးကြဦးမှာ လား (မပြေးပါ ဘုရား)၊ ပြေးတယ် မပြေးတယ် ရက်ပေါင်း များစွာ နားထောင်ပြီး ခင်ဗျားတို့ ကိုယ့်အနာ ပျောက်ဆေးကို မရအရယူပါ (မှန်ပါ့)၊ အနာကြီး ပေါက်လာတော့ ကမ္ဘာကစပြီး သကာလ ငန်းမန်းတွေ ကျလာတာ အခုထက်ထိ သနံရေတစိုစို ရှိသေးတယ် (မှန်ပါ့ ဘုရား)။

So, how about it? Will you run when I hold the medicine cup? (We will not run, Sir). Whether you run or not, listen for many days and make sure you get the medicine that cures your own sore. (True, Sir). This great sore started erupting aeons ago, and it is still oozing pus and infection even now. (True, Sir).

ဒါကြီးကို နေ့ချင်း ပျောက်တော့ မကုနိုင်ဘူး ဒကာကြွယ်ရ (မှန်ပါ့) မကုနိုင်ဘူး ဆိုတာ သေချာပလား (သေချာ ပါပြီ)၊ ဟာ ပေါက်ခါစ ဝက်ခြံကလေးပဲ ဆိုရင်တော့ အလွယ် သားပေါ့၊ တစ်သံသရာလုံး ကိလေသာ အနာကြီး ထွက်ပေါက် လာတာကြီးကို ငန်းတွေ ထုတ်ရလိမ့်မယ်၊ မန်းတွေ ထုတ်ရလိမ့် မယ် (မှန်ပါ့ ဘုရား)။

Daka Kywe, I cannot cure this huge sore in a single day. (True, Sir). Are you certain I cannot? (Certain, Sir). If it were just a small pimple that popped up recently, it would be easy. But this is a defilement-sore that has been erupting throughout the entire Samsara. We must drain the infection; we must extract the pus. (True, Sir).

ပြီးတော့မှ ချပ်စေတတ်တဲ့ ဖယောင်းချက်တွေ တင်ရလိမ့်မယ်ဆိုတော့ နည်းနည်း ကြာလိမ့်မယ် ပေါ့ဗျာ (မှန်ပါ့)၊ ဒီအထဲမှာ ကြောက်ကြောက်နဲ့ပဲ ခင်ဗျားတို့ ဆေးကုခံကြလို့ ရှိရင်ဖြင့် လုံးလုံး ပျောက်ပါလိမ့်မယ် ဆိုတာ တာဝန်ယူပါတယ် (မှန်ပါ့)၊

ဟာ ကြာလိုက်တာ အနာပေါက်မှန်းလဲ မသိ၊ ဆေးကုတာ ကြာတယ်လို့လဲ ထင်ပြန်လို့ရှိရင် ဒီဝေဒနာသည် နောက် အလှော်တွေ့ ရှိလို့ရှိရင်ဖြင့် ဝေဒနာ မပျောက်တဲ့အပြင် အသက်ပါ ပျောက် ပါလိမ့်မယ် (မှန်ပါ့ ဘုရား)။

Then we must apply the healing wax. It will take a little time. (True, Sir). If you accept the treatment even while trembling with fear, I guarantee you will be completely cured. (True, Sir). "Oh, it's taking so long! I don't even know I have a sore, and this treatment is taking forever!" If you think like this, when this patient meets the "Burning Fire" (Hell) later, not only will the sore not be cured, but his life will be lost. (True, Sir).

အနာပျောက်ဆေးပေးကြပါစို့

Let Us Give the Medicine

ကိုင်း ဒါဖြင့် အနာပျောက်ဆေးပေးကြပါစို့ (မှန်ပါ့)၊ အခုပြထားတာ ဒကာ ဒကာမတွေ တခြားမဟုတ်ပါဘူး တရားနာနေတဲ့ ယောက်ျားလို့ ဆိုင်းဘုတ်ဆွဲထားတဲ့ ခန္ဓာ ငါးပါးပါ၊ မိန်းမလို့ ဆိုင်းဘုတ်ဆွဲထားတဲ့ ခန္ဓာငါးပါး (မှန်ပါ့) ခလေးလို့ ဆိုင်းဘုတ်ဆွဲထားတဲ့ ပုဂ္ဂိုလ်၏ (ခန္ဓာငါးပါးပါ ဘုရား)။

Now, let us give the medicine for the sore. (True, Sir). What I am showing you now, Yogis, is nothing else: The "Man" sitting here listening to the Dhamma is actually Five Aggregates (Khandhas). The "Woman" listening is also Five Aggregates. (True, Sir). The "Child" is also... (Five Aggregates, Sir).

ဂရုစိုက်နာကြပါ၊ ဒကာ ဒကာမတို့ ဒီခန္ဓာငါးပါးဟာ အခုပုံစံပြထားတဲ့အတိုင်း ကြည့်မယ်ဆိုရင် ၁ဝ လက်မလောက် ရှိမယ်၊ ဒီ ၁ဝ လက်မလောက်ဟာ အနိစ္စချည်းပဲ မှတ်ပါ (မှန်ပါ့ ဘုရား)။

Listen carefully. Yogis, if we look at these Five Aggregates as shown in the diagram, it is about 10 inches long. Note that this 10 inches is entirely Impermanence (Anicca). (True, Sir).

ဒီအနိစ္စတွေကို ဥပမာ ဒါက ရူပက္ခန္ဓာ၊ ဝေဒနာက္ခန္ဓာ သညာက္ခန္ဓာ၊ သင်္ခါရက္ခန္ဓာ၊ ဝိညာဏက္ခန္ဓာ ဆိုတာ ဒကာ ကြွယ်ရေ အခု တရားနာနေကြတာ ဒီငါးပါးနဲ့ နာနေကြတာ (မှန်ပါ ဘုရား)။

These Impermanent things are: Rupa-khandha, Vedana-khandha, Sañña-khandha, Sankhara-khandha, Viññana-khandha. Daka Kywe, you are listening to the Dhamma right now using these Five. (True, Sir).

တရားနာနေကြတာ၊ ဘယ်သူတွေပါလိမ့်

Who is Listening to the Dhamma?

တရားနာနေကြတာ ဘယ်သူတွေပါလိမ့် (ခန္ဓာ ငါးပါးတွေပါ ဘုရား) ခန္ဓာငါးပါးတွေပဲဆိုတာ သေချာပလား (သေချာပါပြီ ဘုရား)။

Who is listening to the Dhamma? (The Five Aggregates are listening, Sir). Are you certain it is the Five Aggregates? (Certain, Sir).

ခန္ဓာငါးပါးတွေသည်ကားလို့ ဆိုလို့ရှိရင်ဖြင့် အခေါ်က တော့ ခန္ဓာငါးပါး၊ အရှိကတော့ အနိစ္စ (မှန်ပါ့)၊ အခေါ်က (ခန္ဓာငါးပါးပါ ဘုရား)၊ အရှိကတော့ (အနိစ္စပါ ဘုရား) အရှိက အနိစ္စဆိုတာ သေချာပလား (သေချာပါပြီ ဘုရား)။

If we speak of them, we call them "Five Aggregates." But in reality, they are Impermanence. (True, Sir). The name is... (Five Aggregates, Sir). The reality is... (Impermanence, Sir). Are you certain the reality is Impermanence? (Certain, Sir).

ဒါဖြင့် ဒကာ ဒကာမတို့ အထဲမှာ ရူပက္ခန္ဓာ၊ ဝေဒနာက္ခန္ဓာ၊ သညာက္ခန္ဓာ၊ သင်္ခါရက္ခန္ဓာ၊ ဝိညာဏက္ခန္ဓာလို့ ခန္ဓာငါးပါး မရှိဘူးလား (ရှိပါတယ် ဘုရား)၊ ငါးပါးကို ဒကာ ဒကာမတွေက တပည့်တော်တို့ ငါးပါးစလုံး ရှုရမယ်လို့ ဆိုလို့ရှိရင်ဖြင့် (သက်ကြီးအိုမတွေ ဘုရား)၊ ကံကမွဲ၊ ဉာဏ်က မွဲတဲ့အချိန်ကျမှ တရားရှာတဲ့ ပုဂ္ဂိုလ်တွေ အရှင်ဘုရားက ငါးခုတောင် ပေးထားလို့ရှိရင် ကိုယ်ကျိုး နည်းရချည်ရဲ့၊ ငါးခုတောင် မရှုနိုင်ဘူး ဆိုလို့ရှိရင် နှစ်ခုတည်းရှု (မှန်ပါ့)၊ ဒီက နာမ်တရား ဒီဘက်က ဘာပါလိမ့် (ရုပ်တရားပါ ဘုရား)၊ ရုပ်နာမ် နှစ်ပါးပဲ ရှိတယ် (မှန်ပါ့)၊ သဘောကျပလား (ကျပါပြီ ဘုရား)။

So, do the Five Aggregates exist within you? (They exist, Sir). If you say, "Sir, we old ladies have to observe all five? That is too much!"... If you are people who only start searching for Dhamma when your Kamma and Intellect are poor, and I give you five tasks, you will be ruined. If you cannot observe five, observe just two. (True, Sir). This side is Mind (Nama), and that side is Matter (Rupa). There are only Mind and Matter. (True, Sir). Do you grasp it? (We grasp it, Sir).

ငါးခုမရှုနိုင်ရင် နှစ်ခုတည်းပါ

If you cannot observe five, use just two.

တပည့်တော်တို့ ကံမွဲဉာဏ်မွဲမို့ ငါးခု မရှုနိုင်ဘူးဆိုတာနဲ့ အခု ဆရာဘုန်းကြီးက ချုံးပြီး ပြလိုက်တော့ နှစ်ခုကျန်ပါတော့ တယ် (မှန်ပါ့)၊ နှစ်ခုက ဘာပါလိမ့် (ရုပ်နဲ့နာမ်ပါ ဘုရား)။ ရုပ်နဲ့နာမ်ပဲ ရှိတော့တယ်၊ များသေးသလားဗျာ (မများပါ ဘုရား)။

Since you claim that your Kamma and Wisdom (Parami) are poor and that you cannot observe five things (the Five Aggregates), I, your teacher, have condensed them into just two. (True, Sir). What are those two? (Matter and Mind, Sir). There is only Matter (Rupa) and Mind (Nama). Is that still too much? (No, it is not, Sir).

အို မများပေမယ့် ခင်ဗျားတို့က ကံမွဲဉာဏ်မွဲနဲ့ ကျောင်းလာတာတွေ ဖြစ်နေတော့ ဒီထက်သာတဲ့ နည်းကို ပေးပါ ဦးမယ် (မှန်ပါ့)၊ သဘောကျပလား (ကျပါပြီ)၊ ဘယ်လို ကျဉ်းလို့ ဘယ်လိုများ ချုံးဦးမှာလည်းဆိုတဲ့ မေးခွန်း ထွက်မလာ ဘူးလား (ထွက်လာပါတယ် ဘုရား)။

Even though two isn't many, since you came here claiming to be "poor in wisdom," I will give you an even better method. (Yes, Sir). Do you like that? (We do, Sir). Aren't you going to ask how I will shorten it further? (We are asking, Sir).

ရုပ်ကြည့်ပြန်တော့လည်း ပူလိုက်၊ အေးလိုက် ဆိုတာ ဖြစ်ပျက် သဘော ကျပလား (ကျပါပြီ)၊ ဒီဘက်ကနာမ်တွေ ဝေဒနာတွေ၊ စိတ်တွေ ကြည့်လိုက်ပြန်တော့လည်း ဒကာ ဒကာမတို့ ဝေဒနာ ကလေးဟာ ပေါ်လိုက် ပျက်လိုက် (မှန်ပါ့)၊ စိတ်ကလေးကြည့် လိုက်ပြန်တော့ကော (ပေါ်လိုက် ပျက်လိုက်)၊ အဲဒီတော့ ဝေဒနာ ပျက်လို့ရှိရင် ကျန်တဲ့ သညာ သင်္ခါရ ဝိညာဏ် ဆိုတာ အကုန် ပျက်တယ် (မှန်ပါ ဘုရား)။

Look at Matter: it gets hot, then it gets cold—that is the nature of Arising and Passing. Do you grasp this? (Yes, Sir). Now look at the Mind—at Feelings (Vedanā) and Thoughts (Citta). You will see that feelings appear and then vanish. (True, Sir). And when you look at the mind? (It appears and vanishes). If Feeling vanishes, then the remaining Perception (Saññā), Volitional Formations (Saṅkhāra), and Consciousness (Viññāṇa) all vanish too. (True, Sir).

ဖြစ်ပျက်တစ်လုံးတည်းရှုပါ

Just Observe Arising and Passing

ဪ- ဒါဖြင့် ဒကာ ဒကာမတို့ ဒီဘက်ကြည့်လိုက် ဖြစ်ပျက်ရှိ မယ် ဒါဖြင့် ဒကာ ဒကာမတို့ ဟိုဘက်ကြည့်လိုက် ဖြစ်ပျက်ရှိမယ်၊ ရုပ်ကြည့်လိုက်ရင်ကော (ဖြစ်ပျက်ပါပဲ)၊ ဒါဖြင့် ဖြစ်ပျက် တစ်လုံးတည်းရှု ဆိုတော့ မမှားတော့ဘူး (မမှားပါ ဘုရား)၊ များသေးသလား (မများပါ ဘုရား)၊ ဒါမှ လျှော့ရင်လည်း မပေးရုံ ကျန်တော့တယ်၊ ရိပ်မိပလား (ရိပ်မိပါပြီ ဘုရား)။

So, Yogis, look here: Arising and Passing. Look there: Arising and Passing. If you look at Matter? (Arising and Passing). Therefore, if you observe just "Arising and Passing" (Phit-Pyet), you cannot go wrong. (We won't go wrong, Sir). Is that still too much? (No, Sir). If I reduce it more than this, there is nothing left to give! Do you see? (We see, Sir).

ဒါမှ လျှော့ရင် မပေးရုံ ကျန်တော့တယ် ဆိုတော့ ဪ ဒါဟာ ဘုန်းကြီးက တို့ကိုသနားလို့ ချုံးနိုင်သရွေ့ ချုံးပြီး ဟော တယ်လို့ မယူလိုက်ပါနဲ့၊ တရားကို ချုံးနိုင်သမျှ ချုံးပြီး ဟော တယ်လို့ ဒီလို မယူလိုက်ပါနဲ့ ဘုရားတရားကို ကျယ်ဟော လေ ကြိုက်လေပဲ (မှန်ပါ့ ဘုရား)။

When I say, "If I reduce it more, there is nothing left," do not assume I am condensing this merely out of pity for you. Do not think I am oversimplifying the Dhamma. In truth, the more detailed the Dhamma is preached, the better it is. (True, Sir).

ဘယ်တရားမဆိုဖြစ်ပျက်ပဲရှိတယ်

Everything is Just Arising and Passing

သို့ရာတွင် ရှိတာက “သဗ္ဗေ သင်္ခါရာ အနိစ္စာ”ဆိုတော့ ‘‘ဟုတွာ အဘာဝဋ္ဌေန အနိစ္စံ’’ ဘယ်တရားမဆို ဖြစ်တာနဲ့ ပျက်တာပဲ ရှိတယ် (မှန်ပါ့)၊ ရုပ်ကြည့်လိုက်ပြန်လဲ (ဖြစ်တာနဲ့ ပျက်တာပါပဲ)၊ ကျန်တဲ့နာမ် ကြည့်လိုက်ပြန်လဲ (ဖြစ်တာနဲ့ ပျက်တာပါပဲ ဘုရား)။

However, the reality is “Sabbe Saṅkhārā Aniccā.” Because they cease after having arisen, they are Impermanent. In everything, there is only Arising and Passing. (True, Sir). If you look at Matter? (It is Arising and Passing). If you look at the remaining Mind? (It is Arising and Passing, Sir).

ဒါဖြင့် ဒကာ ဒကာမတွေ ခန္ဓာကိုယ်ထဲ ဉာဏ်စိုက်ကြည့် ဘာတွေများ ရှိပါလိမ့်မလဲ ဆိုတာ စိုက်ကြည့်၊ စိုက်ကြည့် လိုက်တဲ့ အခါကျတော့ ဟိုနေရာက ယားပြီး ပျောက်သွားလိုက် ဪ ဖြစ်ပျက် ပါကလား (မှန်ပါ့ ဘုရား)။

So, Yogis, focus your Insight (Nyana) into your body. Look closely to see what is there. When you focus, an itch arises here and vanishes. Oh, it is Arising and Passing! (True, Sir).

ဝိပဿနာဉာဏ်နဲ့ကြည့်

Look with Vipassana Knowledge

ဒီနေရာက နာပြီး ပျောက်သွားလိုက် (ဖြစ်ပျက်ပါ ဘုရား)၊ ဟိုနေရာက စိတ်ကလေး ပြန်ပေါ်တော့ကော (ဖြစ် ပျက်ပါ ဘုရား)၊ ဪ သေသေချာချာ ကြည့်တော့ တစ် ကိုယ်လုံးမှာဖြင့် ရုပ်လည်း မရှိဘူး၊ နာမ်လည်း မရှိဘူး၊ သေသေ ချာချာ ဝိပဿနာ ဉာဏ်နဲ့ ကြည့်လိုက်တဲ့ အခါကျတော့ ဖြစ်မှု ပျက်မှုသာ ရှိပါကလား (မှန်ပါ့ ဘုရား)။

Pain arises here and vanishes. (Arising and Passing, Sir). A thought arises there and vanishes. (Arising and Passing, Sir). Oh, if you look closely, you realize: in this whole body, there is no "Matter," there is no "Mind." When you look precisely with Insight (Vipassana) Knowledge, there is only the process of Arising and Passing. (True, Sir).

ဉာဏ်က တခြားထားလိုက်

Keep the Insight Separate

ဒကာကြွယ် တကယ် အလုပ်လုပ်ကြည့်တော့ ဘာတွေ့ သတုံး (ဖြစ်မှုပျက်မှုသာ ရှိပါတယ် ဘုရား)၊ ဒါဖြင့် ဒီဖြစ် ပျက်မှုကို ဒကာ ဒကာမတွေက စဉ်းစားလိုက်တော့နော် (မှန်ပါ့)၊ ဒီဖြစ်မှုပျက်မှု သည်ကားလို့ဆိုရင်ဖြင့် ဉာဏ်က တခြား ထားလိုက် ဖြစ်မှုပျက်မှုက တခြားထားလိုက် (မှန်ပါ့)၊ သဘောကျပလား (ကျပါပြီ ဘုရား)။

Daka Kywe, when you really practice, what do you find? (Only Arising and Passing, Sir). Now, consider this. Keep the Insight (Nyana) separate; keep the Arising and Passing separate. (Yes, Sir). Do you grasp this? (Yes, Sir).

ဉာဏ်တခြားနော် (မှန်ပါ့)၊ ဉာဏ်က ဆရာပေးထား တဲ့ဉာဏ်ကိုးဗျ (မှန်ပါ့)၊ ဖြစ်မှုပျက်မှုက ခင်ဗျားတို့ ခန္ဓာကိုး (မှန်ပါ့ ဘုရား)။

Insight is separate. Insight is the tool I, the teacher, gave you. (True, Sir). The Arising and Passing is your Body (Khandha). (True, Sir).

ဉာဏ်က ဘယ်သူပေးထားသတုံး (ဆရာကပေး ထားပါတယ်)၊ ဆရာက ဖြစ်မှုပျက်မှုကို မြင်အောင် ကြည့်တဲ့ဉာဏ် ပေးထားတယ် (မှန်ပါ့)၊ ဒကာကြွယ် သဘောကျပလား (ကျပါပြီ ဘုရား)။

Who gave you the Insight? (The teacher gave it). The teacher gave you the knowledge to see the Arising and Passing clearly. (True, Sir). Daka Kywe, do you understand? (Yes, I do, Sir).

ဆရာပေးထားအက ဉာဏ်မဂ်

The Teacher's Magga vs. Your Arising and Passing

ခင်ဗျားတို့ ရှိတာက ဖြစ်ပျက် (မှန်ပါ့)၊ ဆရာပေးထား တာက ဖြစ်မှုပျက်မှုကို သိတဲ့ဉာဏ်ပဲ (မှန်ပါ)၊ အဲ ဆရာ ပေးထားတဲ့ ဉာဏ်မဂ်နဲ့ ခင်ဗျားတို့မှာရှိတဲ့ ဖြစ်ပျက်နဲ့ တွဲလိုက် (မှန်ပါ့)၊ သဘောကျပလား (ကျပါပြီ ဘုရား)။

What you possess is Arising and Passing. (True, Sir). What the teacher gave is the Insight that knows it. (True, Sir). So, pair the Path Knowledge (Magga) I gave with the Arising and Passing that you have. (True, Sir). Do you understand? (Yes, Sir).

ဆရာပေးထားတဲ့ ဉာဏ်မဂ်နဲ့ ခင်ဗျားတို့ရှိတဲ့ ဖြစ်ပျက် နဲ့ တွဲလိုက် (မှန်ပါ့)၊ သဘောကျပလား (ကျပါပြီ)၊ ဒါ ဆရာမကူရင် မရဘူး ဆိုတာ ပေါ်လာတယ် (မှန်ပါ့)၊ မပေါ် လာသေးဘူးလား (ပေါ်လာ ပါတယ် ဘုရား)။

Pair the teacher's Magga with your Arising and Passing. (True, Sir). Do you see? It becomes clear that you cannot succeed without the teacher's help. (True, Sir). Has that become clear? (It has, Sir).

ကိုယ့်သန္တာန်ရှိတာက ဖြစ်ပျက်

What is Within You is Arising and Passing

ဆရာမကူရင် ဘယ်နည်းနဲ့မှ မရဘူးဆိုတာ ပေါ်လာ တယ် (ပေါ်လာပါတယ်)၊ ဒါဖြင့် ဆရာ ပေးထားတာက ဉာဏ်မဂ် ကိုယ့်သန္တာန်ရှိတာက ဖြစ်ပျက် (မှန်ပါ့ ဘုရား)။

It becomes clear that without the teacher, you cannot attain this by any means. (It is clear). The teacher provided the Magga Knowledge; your own continuity (Santana) provides the Arising and Passing. (True, Sir).

ကိုယ့်သန္တာန်မရှိတာက (ဉာဏ်မဂ်ပါ)၊ ကိုယ့်သန္တာန် ရှိတာက (ဖြစ်ပျက်ပါ)၊ အဲ ဆရာ ပေးထားတဲ့ ဉာဏ်မဂ္ဂ သစ္စာနဲ့ ဒကာ ဒကာမတွေရှိတဲ့ဖြစ်ပျက် ဒုက္ခသစ္စာနဲ့ တွဲလိုက် (မှန်ပါ့)၊ ရှင်းပလား (ရှင်းပါပြီ ဘုရား)။

What is not naturally in your continuity? (The Magga Knowledge). What is in your continuity? (Arising and Passing). So, pair the Truth of the Path (Magga Sacca) given by the teacher with the Truth of Suffering (Dukkha Sacca)—the Arising and Passing—that exists within you. (True, Sir). Is that clear? (Clear, Sir).

ဉာဏ်မဂ်နဲ့ ဖြစ်ပျက်နဲ့ မခွဲနဲ့

Do Not Separate Magga and Arising-Passing

ဆရာပေးထားတဲ့ ဉာဏ်မဂ်နဲ့ (ကိုယ့်သန္တာန် ရှိတဲ့ ဖြစ်ပျက်နဲ့ ကိုက်ရပါ့မယ် ဘုရား)၊ အေး မိမိသန္တာန် ရှိတဲ့ ဖြစ်ပျက်နဲ့ မခွဲနဲ့ (မှန်ပါ့)၊ မခွဲတဲ့ အခါကျတော့ ရုပ်ကလည်းဖြစ် ပျက်၊ နာမ်ကလည်း ဖြစ်ပျက်ပဲ ဆိုတော့ ဖြစ်ပျက်ချည့်ပဲတွေ့နေတော့ ရုပ်လည်း မတွေ့တော့ဘူး၊ နာမ်လည်း မတွေ့တော့ဘူး၊ ဖြစ်ပျက်ပဲ တွေ့တယ် (မှန်ပါ့ ဘုရား)။

The Magga Knowledge from the teacher... (Must match with the Arising and Passing in our continuity, Sir). Yes, do not separate it from the Arising and Passing within you. (True, Sir). When you do not separate them, since Matter is Arising and Passing, and Mind is Arising and Passing, you will see only Arising and Passing. You will no longer see "Matter." You will no longer see "Mind." You will find only Arising and Passing. (True, Sir).

ဒါဖြင့် ဒီခန္ဓာငါးပါး စလုံးဟာ ဖြစ်ပျက်ချည့် တွေ့နေတယ် ဆိုသဖြင့် ကိုယ့်အသေနဲ့ ကိုယ့်ဉာဏ်နဲ့ သွားပြီး ဟပ်မိတာပဲ (မှန်ပါ့)၊ ကိုယ့်ဉာဏ်ကမဂ်၊ ကိုယ့်အသေက (ဖြစ်ပျက်ပါ ဘုရား)၊ ဒါဖြင့် ကိုယ့်အသေ ကိုယ်မြင်ပြီ (မှန်ပါ့ ဘုရား)။

Since you see the entire Five Aggregates only as Arising and Passing, your Insight is colliding with your "Death." (True, Sir). Your Insight is Magga. Your "Death" is... (Arising and Passing, Sir). So, you are seeing your own death! (True, Sir).

ယထာဘူတဉာဏ်ရပြီ

Attaining Yathabhuta-nana

ဪ တို့သည်ကား လူချမ်းသာလို့ နဂိုက သူများ က ပြောတယ်၊ နတ်ချမ်းသာလို့ ပြောသံ ကြားတယ်၊ ဗြဟ္မာချမ်း သာလို့ ပြောသံ ကြားတယ်၊ အခုတော့ ခဏခဏ ဖြစ်ပျက်ပဲ သေပွဲချည့် ကိုယ်ပိုင်ရ ထားပါကလား ဆိုတာ ပေါ်လာတယ် (ပေါ်လာ ပါတယ်)၊ ခဏခဏ ဖြစ်ပျက်ပဲ သေပွဲချည့်ပဲလို့ ကိုယ်ပိုင် ရ ထားတယ်လို့ ပေါ်လာတော့ ယထာဘူတဉာဏ် ရပြီ (မှန်ပါ့ ဘုရား)။

Before, people told you, "Human life is blissful," or you heard, "Deva life is blissful," "Brahma life is blissful." But now, you realize: "Oh! It is just momentary Arising and Passing—nothing but a pile of death that I truly own!" (It is clear). When it becomes clear that you own nothing but a constant state of death—momentary Arising and Passing—you have attained Knowledge of things as they truly are (Yathabhūta-ñāṇa). (True, Sir).

ကိုယ့်အသေပွဲကိုယ်မြင်ရင် ဘာဉာဏ်ရသလဲ (ယထာဘူတဉာဏ်ရပါတယ်)၊ ဒကာကြွယ် ဒီနေ့ အင်မတန် အရေးကြီးတာ ပြောနေတယ် (မှန်ပါ့)၊ ဆရာပေးတဲ့ မဂ်နဲ့ ကိုယ့်သန္တာန်ဖြစ်ပျက်နဲ့ တွဲရတော့ ဘာဉာဏ်ရပါလိမ့် (ယထာဘူတဉာဏ် ရပါတယ် ဘုရား)။

If you see your own death process, what Knowledge is that? (It is Yathabhūta-ñāṇa). Daka Kywe, I am saying something very important today. (True, Sir). When you pair the Magga I gave with the Arising and Passing within, what Knowledge do you get? (Yathabhūta-ñāṇa, Sir).

ဟုတ်တိုင်းမှန်စွာသိတဲ့ဉာဏ်

Knowledge of Correct Knowing

ယထာဘူတဆိုတာ အခုမှ ဟုတ်တိုင်းမှန်စွာ သိတဲ့ဉာဏ် ရတယ် (မှန်ပါ့)၊ နဂိုက လိမ်လည် ကောက်ကျစ်တဲ့ဉာဏ်၊ တဏှာခိုင်းပြီး သကာလ၊ တဏှာ ကောက်ကျစ်ပြီး သကာလ ထားရတဲ့ မိစ္ဆာဉာဏ်၊ ဒီဉာဏ်တွေနဲ့ အသက်မွေး လာကြတယ် (မှန်ပါ့)၊ ဟုတ်တိုင်း မှန်ကန်စွာ သိတဲ့ဉာဏ် တစ်ခါမှ မရခဲ့ ပါဘူး (မှန်ပါ့ ဘုရား)။

Yathabhūta means that only now do you possess the Knowledge that knows correctly. (True, Sir). Before this, you lived with deceitful knowledge—Knowledge driven by Craving (Taṇhā), Wrong Knowledge (Micchā-ñāṇa). You earned your livelihood with these false knowledges. (True, Sir). You never once had the Knowledge that knows the Truth correctly. (True, Sir).

အဲ ကိုယ့်သန္တာန်ကို ကိုယ့်အသေဆိုတာ မွေးလိုက် သေလိုက်ဖြစ်နေတဲ့ ခန္ဓာငါးပါး၏ အဲဒါကို ဆရာ ပေးထားတဲ့ ဉာဏ်နဲ့ကြည့်လိုက် (မှန်ပါ့)၊ သဘောကျပလား (ကျပါပြီ ဘုရား)။

So, look at your own continuity—this definition of "your death," the Five Aggregates being born and dying—using the Insight the teacher gave. (True, Sir). Do you understand? (Yes, Sir).

ကိုယ့်သန္တာန်က ဖြစ်ပျက်နဲ့ ဆရာပေးထားတဲ့ မဂ်နဲ့ ကိုက် အောင်ကြည့်ပေး (မှန်ပါ့)၊ ကိုက်အောင်ကြည့်ပေးတဲ့ အခါကျတော့ ကိုက်အောင်ကြည့်နိုင်တဲ့ဉာဏ်ကို ဘာဉာဏ်ခေါ်ကြမယ် (ယထာဘူတဉာဏ် ခေါ်ပါတယ် ဘုရား)။

Make the Arising and Passing inside you match with the Magga I gave. (True, Sir). When you can see that they match, what do we call the Knowledge that sees this match? (It is called Yathabhūta-ñāṇa, Sir).

ဒုတိယဘဝနိဗ္ဗာန်ရနိုင်တယ်

You Can Attain Nibbana in the Second Life

နေရာကျလိုက်တာ၊ ယထာဘူတဉာဏ်ရလို့ရှိရင်ဖြင့် (ဝါ) ဟုတ်တိုင်းမှန်စွာ သိတဲ့ဉာဏ် ရလို့ရှိရင်ဖြင့်၊ ဒီဉာဏ်နဲ့ သေချင်လည်း သေလိုက်ပါ၊ ဒုတိယဘဝမှာ နိဗ္ဗာန်ရနိုင်တယ် (မှန်ပါ့)၊ သို့သော် ဒုတိယဘဝ နိဗ္ဗာန်ရနိုင်တယ် ဆိုတော့ နိဗ္ဗာန်မရခင် ပဋိသန္ဓေဒုက္ခနဲ့ တွေ့ရဦးမယ် (မှန်ပါ့ ဘုရား)။

This is excellent! If you attain Yathabhūta-ñāṇa—(or) Knowledge of things as they truly are—even if you die with this knowledge, you can attain Nibbana in your second life (the very next life). (True, Sir). However, saying "You can attain Nibbana in the second life" means you still have to encounter the suffering of Rebirth (Paṭisandhi) first. (True, Sir).

အဲဒီတော့နစ်နာမှုတွေ ကျန်ပါသေးတယ်ဘုရား၊ တပည့်တော်တို့ ကယ်မည့်ကယ်ရင် အဆုံး ကျအောင် ကယ်တော်မူပါ ဆိုတော့ နောက်ပဋိသန္ဓေ မလာတာ အကောင်းဆုံးပါပဲ (မှန်ပါ့)၊ လာရင် ဘာသစ္စာ (ဒုက္ခသစ္စာပါ)၊ အဲဒီ ဒုက္ခမှ ကယ်တင်ပါဘုရားလို့ပဲ လျှောက်ဖို့ လိုတော့တယ် (မှန်ပါ့)။ သဘောပါပလား (ပါပါပြီ ဘုရား)။

You might say, "That is still a loss, Sir! If you are going to save us, save us completely to the very end!" Indeed, it is best if no future rebirth arises. (True, Sir). If rebirth comes, what Truth is it? (It is Dukkha Sacca). You must ask to be saved from that Suffering. (True, Sir). Do you grasp this? (Yes, Sir).

ခန္ဓာကဖြစ်ပျက်ချည်းပြတယ်

The Khandha Shows Only Arising and Passing

ဒါဖြင့် ဒီဖြစ်ပျက်ကလေးကို ဒကာ ဒကာမတို့ ဖြစ်လိုက် ပျက်လိုက်၊ ဖြစ်လိုက်ပျက်လိုက် နေတာကို ဘုရားပေးထားတဲ့ ဉာဏ်မဂ်နဲ့ ကြည့်လိုက်တဲ့ အခါ ခန္ဓာက ဖြစ်ပျက်ချည့်ပြတယ် (မှန်ပါ့)၊ ဟိုနေရာက ယားလိုက်၊ ပျောက်သွားလိုက် ဒီနေရာ က နာလိုက်၊ ပျောက်သွားလိုက် ရှုတဲ့စိတ်ကလေး ပေါ်လာလိုက် ပျောက်သွားလိုက် ဆိုတော့ တစ်ကိုယ်လုံးရှောက်ကြည့်ရင် ယောက်ျားလည်း မတွေ့ဘူး၊ မိန်းမလည်း မတွေ့ဘူး ဖြစ်မှုပျက်မှု တွေချည့် တစ်ကိုယ်လုံး ရှုပ်နေတာပဲ (မှန်ပါ့ ဘုရား)။

So, Yogis, when you observe this Arising and Passing using the Magga Knowledge the Buddha gave, the Khandha reveals only Arising and Passing. (True, Sir). An itch arises there and vanishes. A pain arises here and vanishes. The observing mind appears and vanishes. If you look through the whole body, you find no man, no woman. You find only a chaotic mass of Arising and Passing. (True, Sir).

အဲဒီတော့ ရုပ်လည်းမရှုနဲ့၊ နာမ်လည်း မရှုနဲ့တော့ ရုပ်နာမ်ကို နဂိုက သိပြီးသား ဖြစ်တဲ့အတွက် ဪ ရုပ်နာမ် ဆိုတာ ခေါ်သာခေါ်ရတာ ရှုတော့ ဖြစ်ပျက်တွေ ပါကလားလို့ မှတ်လိုက် (မှန်ပါ့ ဘုရား)။

So, do not look for "Matter" nor "Mind" anymore. Since you already know what Mind and Matter are, just realize: "Oh, what we call Mind and Matter are simply things that Arise and Pass away." (True, Sir).

ရုပ်နာမ်တွေ,တွေ့နေသေးသလား

Do You Still See Mind and Matter?

ဒကာကြွယ် ရှုတော့ ဘာတွေ့သတုံး (ဖြစ်ပျက်တွေ့ ပါတယ် ဘုရား)၊ ရုပ်နာမ်တွေများ တွေ့နေသေးသလား (မတွေ့ပါ ဘုရား)၊ ဘာတွေတွေ့ပါလိမ့် (ဖြစ်ပျက်တွေ တွေ့ပါတယ်)၊ ဪ ဒါဖြင့် ဖြစ်ပျက်တွေ့တဲ့ ဉာဏ်ကို ဘာဉာဏ်ခေါ်ကြမယ် (ယထာဘူတဉာဏ်ပါ)၊

Daka Kywe, when you observe, what do you see? (I see Arising and Passing, Sir). Do you still see Mind and Matter? (No, Sir). What do you see? (I see Arising and Passing). Oh, seeing Arising and Passing—what Knowledge is that? (It is Yathabhūta-ñāṇa).

ဒီဉာဏ်နဲ့ သေရင် ဒုတိယဘဝမှာ နိဗ္ဗာန် ရနိုင်တယ်လို့ ဆုံးဖြတ်ချက်ချ (မှန်ပါ့)၊ သဘောပါပလား (ပါပါပြီ ဘုရား)။

Decide this: "If I die with this Knowledge, I can attain Nibbana in the next life." (True, Sir). Do you understand? (Yes, Sir).

ကိုင်း ဉာဏ်ကတစ်ဆင့် တက်ကြဦးစို့နော် (မှန်ပါ့)၊ ဒီဖြစ်ပျက်တာ သည်ကား သူများ အသေလား၊ မိမိအသေလား (မိမိအသေပါ ဘုရား)၊ ဪ တစ်သံသရာလုံး ကိုယ့်အသေကိုယ် မမြင်ဘူး (မှန်ပါ့)၊ သူများ မသာသာ ချဘူးတယ်၊ ကိုယ်သေတဲ့ အခါကျတော့ ငါ့မသာ ပါကလားလို့ ဘယ်သူများ ပြောမည့်သူ ရှိသေးသတုံး (မရှိပါ ဘုရား)။

Now, let us advance the Insight a step further. (Yes, Sir). This Arising and Passing—is it someone else’s death, or your own death? (It is my own death, Sir). Oh, throughout the entire Samsara, you have never seen your own death process. (True, Sir). You have only attended other people's funerals. When you die, is there anyone who says, "Oh look, it’s my funeral"? (No, Sir).

ကိုယ့်အသေကိုယ်တွေ့ပြီ

Seeing Your Own Death

အဲဒါကြောင့် အခုတော့ ဆရာပေးတဲ့ မျက်လုံးတပ် ကြည့်လိုက်တဲ့ အခါကျတော့ ခဏခဏ သေနေတဲ့ ကိုယ့်အသေ ကိုယ်တွေ့ပြီ (မှန်ပါ့)၊ မတွေ့ဘူးလား (တွေ့ပါတယ် ဘုရား)။

But now, wearing the "glasses" the teacher gave you, you finally see your own death, occurring moment by moment. (True, Sir). Do you see it? (Yes, Sir).

စိတ်ကလေး ပေါ်လာလိုက် ပျက်သွားလိုက်၊ ရုပ်ကလေး ပေါ်လာလိုက် (ပျက်သွားလိုက်ပါ ဘုရား)၊ ဒါဖြင့် ရုပ်နဲ့ နာမ် ရှိတာလည်း အဖြစ်နဲ့ အပျက်ပဲ မတွေ့ဘူးလားဗျာ (တွေ့ပါတယ် ဘုရား)၊ အမွေးနဲ့ အသေပဲ မတွေ့ဘူးလား (တွေ့ပါတယ် ဘုရား)။

A mind arises and vanishes. Matter arises... (And vanishes, Sir). So, Mind and Matter are just Arising and Passing. Do you see that? (Yes, Sir). Aren't they just Birth and Death? (Yes, Sir).

အဲဒီတော့ ဒါဘယ်သူမွေးလို့ ဘယ်သူသေတာတုံး မေးလို့ရှိရင် ဘယ့်နှယ်ဖြေကြမယ် (မိမိမွေးပြီး မိမိသေတာပါ ဘုရား)၊ ကိုယ့်အသေ ကိုယ်သိရင် ယထာဘူတဉာဏ် (မှန်ပါ့)၊ ရှင်းကြပလား (ရှင်းပါပြီ ဘုရား)။

If asked, "Who is being born and who is dying?" how will you answer? (I am being born and I am dying, Sir). Knowing your own death process is Yathabhūta-ñāṇa. (True, Sir). Is that clear? (Clear, Sir).

ဉာဏ်တစ်ဆင့်တက်လိုက်ပါ

Step Up the Insight

ကိုင်း ဒါဖြင့် ဒကာကြွယ် ဒုတိယဘဝ ပဋိသန္ဓေ မနေချင်တော့ဘူး (မှန်ပါ့)၊ အမိဝမ်းခေါင်းထဲ ကိုးလခွဲ ဆယ် လ အမိ အစာဟောင်း အိမ်ပေါ် ထိုင်ပြီး အန်ဖတ်နဲ့တူတဲ့ အစာ သစ်တွေ ရွက်ပြီး သကာလ ကိုးလခွဲ ဆယ်လဆောင့်ကြောင့် ထိုင်ပြီး ဒူလာစွဲချင်သေးလို့လား၊ ပဋိသန္ဓေနေရတာ မေးဖို့ မလိုဘူး လား (လိုပါတယ် ဘုရား)၊ အဲဒါကြောင့် ဉာဏ်တစ်ဆင့် တက်လိုက်ပါဦးလို့ ဘုန်းကြီးတို့ ဒကာ ဒကာမတွေ မေတ္တာရှေ့ထားပြီး ပြောပါတယ် (မှန်ပါ့ ဘုရား)။

Now, Daka Kywe, you don't want a rebirth in the next life, do you? (No, Sir). Do you really want to squat in a mother's womb for nine or ten months, sitting on top of old feces, carrying a load of new food on your head—squatting there until you get aches and pains? Don't you need to ask how to avoid rebirth? (We do, Sir). That is why, out of compassion, I urge you: Step up your Insight! (True, Sir).

နိဗ္ဗိန္ဒဉာဏ်

Nibbida-nana (Knowledge of Disgust)

ဘယ်လိုမှတ်ကြမယ် (ဉာဏ်တက် လာတာပါ ဘုရား)၊ အဲ မုန်းလျက်နဲ့ ပေပြီးရှု (မှန်ပါ့)၊ ဒီဖြစ်ပျက်ကို မုန်းလျက်နဲ့ ပေရှုလိုက်တဲ့ အခါကျတော့ မုန်းဉာဏ် မြင်သွားတော့ နိဗ္ဗိန္ဒဉာဏ်ဆိုပြီး ခုနင်က ယထာဘူတဉာဏ် ရင့်ပြီး နိဗ္ဗိန္ဒဉာဏ် ဖြစ်လာတယ် (မှန်ပါ့)၊

သရက်သီးအစိမ်းကလေးက ယထာဘူတဉာဏ် (မှန်ပါ့)၊ သရက်သီးဝမ်းပျဉ်းကလေး ဖြစ်တာက (နိဗ္ဗိန္ဒဉာဏ်ပါ ဘုရား)၊ ဉာဏ်ရင့် လာတာဆိုတာ ဒါပဲ (မှန်ပါ့)။

How should you note it? (We must advance the Insight, Sir). Watch it with disgust! (True, Sir). Even if you feel hate towards it, keep watching firmly. When you see it with disgust, your Yathabhūta-ñāṇa matures into Nibbida-ñāṇa (Knowledge of Disenchantment). (True, Sir). The green mango is Yathabhūta-ñāṇa. (True, Sir). The ripe yellow mango is... (Nibbida-ñāṇa, Sir). That is what "maturing" means. (True, Sir).

ဉာဏ်ရင့်လာတာနော်၊ အဲဒါ ရှုဖန်များလို့ ရင့်လာတာ (မှန်ပါ့)၊ ဒါဖြင့် ပါရမီဟာ တစ်စတစ်စ လုပ်ရမှာလား ဒကာ ဒကာမတို့ ရှုရင်း ရင့်လာတာလား (ရှုရင်း ရင့်လာတာပါ ဘုရား)၊ မရှုဘဲ သူ့ဟာသူ ဘယ့်နှယ်လုပ်ရင့်မလဲ (မရင့်ပါ ဘုရား)။

Insight matures, you see. It matures because you watch it repeatedly. (True, Sir). So, Yogis, is Parami something you accumulate gradually, or does it mature while you observe? (It matures while observing, Sir). How can it mature if you don't observe? (It cannot, Sir).

မိရိုးဖလာမူတွေ၊ အကုန်ဖျောက်ပါ

Discard All Traditional Views

အဲဒါကြောင့် ဒကာ ဒကာမတွေ မိရိုးဖလာ အရပ်ပေးတဲ့ မူတွေ အကုန်ဖျောက်ပြီး သကာလ ဆရာက အမှန်ပေးတဲ့ မူကို အသစ်နားထဲ ရောက်ကြပါစေ (မှန်ပါ့ ဘုရား)။

Therefore, Yogis, discard all the traditional methods given by your neighbors. Receive the Teacher's correct method as something new in your ears. (True, Sir).

ပါရမီဆိုတာ တစ်စတစ်စလို့ ပြောချင်ပြောနေဦးမှာ (မှန်ပါ့)၊ မလုပ်ဘဲနဲ့ ဘယ့်နှယ် ဉာဏ်တက် လာမတုံး (မတက်ပါ ဘုရား)၊ ကြည့်စမ်း မုန်းဉာဏ်ဟာ ဒကာဒကာမတို့ အသစ် လာတာလား၊ ယထာဘူတ ဉာဏ်က ရင့်လာတာလား (ယထာဘူတ ဉာဏ်ရင့် လာတာပါ)၊ ဒါလုပ်လို့ ရင့်လာတာ ဆိုတာ သေချာပလား (သေချာပါပြီ)၊ ပေါ်ပြီနော် (မှန်ပါ့)။

People will keep saying Parami is a gradual accumulation. (True, Sir). But without work, how will Insight arise? (It will not, Sir). Look at the Knowledge of Disgust (Nibbida). Is it something brand new, or is it the Yathabhūta-ñāṇa that has matured? (It is the Yathabhūta-ñāṇa that has matured). It matures because you work at it. Is that certain? (Certain, Sir). It has become clear. (True, Sir).

မုန်းလျက်နဲ့ပေရှုပါ

Watch with Disgust

ကဲ ပေါ်လာတော့ ဒကာ ဒကာမတို့ ကိစ္စပြီးအောင် တက်ကြပေတော့ ဆိုတော့ မုန်းလျက်နဲ့ ပေရှုတာ ဒီအပေကြီး ဟာ ဘာသစ္စာတုန်း (ဒုက္ခသစ္စာပါ)၊ ဖြစ်ရတာလည်းဒုက္ခ၊ ပျက်တာကော (ဒုက္ခပါပဲ ဘုရား)၊ အဲဒီလို ဖြစ်ဒုက္ခ ပျက်ဒုက္ခ ကို ပိုင်ပိုင်နိုင်နိုင် သိသွားလိမ့်မယ် (မှန်ပါ့ ဘုရား)။

Now that this is clear, strive to finish the task! When you observe with disgust, what Truth is this disgusting object? (It is Dukkha Sacca). Arising is Suffering; Passing Away is also... (Suffering, Sir). You will come to know this Arising-Suffering and Passing-Suffering firmly. (True, Sir).

ခန္ဓာကိုယ်ကြီးပျောက်သွားတယ်

The Body Disappears

မုန်းလျက်နဲ့ ပေရှုရင် ဖြစ်ဒုက္ခ ပျက်ဒုက္ခလို့ (ပိုင်ပိုင် နိုင်နိုင်သိပါတယ် ဘုရား)၊ ပိုင်ပိုင်နိုင်နိုင် သိသွားတော့ ဒီဒုက္ခကြီးကို လိုချင်သေးရဲ့လား (မလိုချင်ပါ ဘုရား)၊ မလိုချင်တော့ မဂ်ဉာဏ် ဖြစ်ပါတယ် (မှန်ပါ့)၊ မဂ်ဉာဏ်ဖြစ်တော့ ဒီတစ်လံ မျှလောက်ရှိတဲ့ ခန္ဓာကိုယ်ကြီး ပျောက်သွားတယ် (မှန်ပါ့)။

If you observe with disgust and know firmly that it is Suffering... (We know it firmly, Sir). When you know it firmly, do you still want this great mass of Suffering? (No, Sir). Not wanting it is Magga-ñāṇa (Path Knowledge). (True, Sir). When Magga-ñāṇa arises, this fathom-long body disappears! (True, Sir).

ပျောက်သွားတော့ ဒုက္ခသစ္စာ ပျောက်သွားတယ် (မှန်ပါ့)၊ ဘာပျောက်သွားပါလိမ့် (ဒုက္ခသစ္စာ ပျောက်သွား ပါတယ်)၊ ဒါဖြင့် “ဒုက္ခနိရောဓော နိဗ္ဗာနံ’’ (မှန်ပါ့ ဘုရား)။

When the body disappears, the Truth of Suffering (Dukkha Sacca) disappears. (True, Sir). What disappears? (The Truth of Suffering disappears). Thus, “Dukkha Nirodho Nibbānaṃ.” (True, Sir).

သူပျောက်တဲ့နေရာနိဗ္ဗာန်အစားထိုး

Nibbana Replaces the Disappeared Spot

ဒီပျောက်တဲ့နေရာမှာ ဘာပေါ်ပါလိမ့် (ဒုက္ခနိရောဓော နိဗ္ဗာနံ ပေါ်ပါတယ်)၊ ဒါဖြင့် နိဗ္ဗာန်သည် သူမပျောက်ဘူး သူရှိနေတယ် (မှန်ပါ့)၊ သူပျောက်တော့ သူ့နေရာမှာ အစားထိုးပေါ်တယ် ဆိုတာ သေချာပလား (သေချာပါပြီ ဘုရား)။

What appears in the place where Suffering disappeared? (Dukkha Nirodho Nibbānaṃ appears). So, Nibbana is that which does not disappear; it exists. (True, Sir). It replaces the spot where the other disappeared. Is that certain? (Certain, Sir).

ဒါဖြင့် နိဗ္ဗာန်ရှာလို့ရှိရင် တစ်လံမျှလောက်သော ခန္ဓာ ကိုယ်အဆုံးမှာ တွေ့ပြီလို့ ဆုံးဖြတ်ချက်ချ (မှန်ပါ့)၊ ဉာဏ်စဉ် တက်တတ်ပလား (တက်တတ်ပါပြီ ဘုရား)။

Therefore, decide this: "If I search for Nibbana, I will find it at the end of this fathom-long body." (True, Sir). Do you know how to climb the ladder of Insight now? (We do, Sir).

1။ ဖြစ်ပျက်မြင်ရင် ဘာဉာဏ် (ယထာဘူတဉာဏ်)၊

2။ နောက်ရင့်လာလို့ ဖြစ်ပျက်မုန်းရင် (နိဗ္ဗိန္ဒဉာဏ်)၊

3။ နောက် ဖြစ်ပျက် မလိုချင်ရင် (မဂ်ဉာဏ်ပါ ဘုရား)၊

1. If you see Arising and Passing? (Yathabhūta-ñāṇa). 2. Later, when it matures and you feel disgust at the Arising and Passing? (Nibbida-ñāṇa). 3. Later, when you no longer want the Arising and Passing? (Magga-ñāṇa, Sir).

မဂ်ဉာဏ်ကျတော့ ရှေ့ခန္ဓာရှိသေးရဲ့ လား (မရှိပါ ဘုရား)၊ မရှိတာလဲ နိရောဓ သစ္စာ (မှန်ပါ့)၊ ချုပ်ပျောက်တာ ဒုက္ခသစ္စာ သေချာပလား (သေချာပါပြီ ဘုရား)။

At Magga-ñāṇa, does the physical body still exist? (No, Sir). Its non-existence is Nirodha Sacca. (True, Sir). The thing that ceased to exist was Dukkha Sacca. Is that clear? (Clear, Sir).

အနုပါဒိသေသနိဗ္ဗာန်

Anupadisesa Nibbana

ဒီတော့ နောက်ဘဝ ခန္ဓာလုပ်မည့် တဏှာလာသေးရဲ့ လား (မလာပါ ဘုရား)၊ အဲဒါ သမုဒယသစ္စာချုပ်တာ (မှန်ပါ့)၊ နောက်ခန္ဓာကြီး မပေါ်လာတာ အနုပါဒိသေသနိဗ္ဗာန် (မှန်ပါ့)၊ ရှင်းပလား (ရှင်းပါပြီ ဘုရား)။

So, does the Craving (Taṇhā) that builds the next life's body still arise? (No, Sir). That is the cessation of the Truth of the Cause (Samudaya Sacca). (True, Sir). The fact that a future body does not arise is Anupādisesa Nibbāna. (True, Sir). Is that clear? (Clear, Sir).

ကဲ ယနေ့ ဒီတွင် တော်ကြဦးစို့။

သာဓု သာဓု သာဓု။

Well, let us stop here for today. Sadhu... Sadhu... Sadhu.