တရားတော်

book-211

ဘယ်အခါမှ သတိမလစ်စေနဲ့ နိဗ္ဗာန်ရောက်ပါတယ်

ဘယ်အခါမှ သတိမလစ်စေနဲ့ နိဗ္ဗာန်ရောက်ပါတယ်

Never Let Mindfulness Slip, and You Will Reach Nibbana

(သမ္မာသတိ)

အသံဖိုင်ခေါင်းစဉ်= သတိနှင့်ဆား ဥပမာပြတရားတော်

စာအုပ်ခေါင်းစဉ်= ဘယ်အခါမှ သတိမလစ်စေနဲ့ နိဗ္ဗာန်ရောက်ပါတယ်

ကျေးဇူးတော်ရှင်အဂ္ဂမဟာပဏ္ဍိတ

Dhamma Talk by the Venerable Mogok Sayadaw

Place: Amarapura

Date: September 29, 1954

မိုးကုတ်ဆရာတော်ဘုရားကြီး အမရပူရမြို့၌

ဟောကြားတော်မူသောတရားတော်

“ဘယ်အခါမှ သတိမလစ်စေနဲ့”

နိဗ္ဗာန်ရောက်ပါတယ်

(၂၉-၉- ၅၄ )၁၃၁၆-တပို့တွဲလဆန်း(၄)ရက်

Never Let Mindfulness Slip, and You Will Reach Nibbana

Dhamma Talk by the Venerable Mogok Sayadaw

Place: Amarapura

Date: September 29, 1954

သမ္မာသတိဆိုတာ

What is Right Mindfulness (Sammā-sati)?

မှန်ကန်စွာ အောက်မေ့တာကို သမ္မာသတိလို့မှတ်ပါ (မှန်ပါ) သမ္မာက မှန်ကန်စွာ။ သတိက အောက်မေ့တာ။ အောက်မေ့တယ်ဆိုတာ သတိရတာပဲ မြန်မာလိုပြောကြစို့ ဆိုလို့ရှိရင်။ အဲဒီတော့ သမ္မာသတိဆိုတာ မှန်ကန်စွာ သတိရတာ မှန်ကန်စွာ အောက်မေ့တာလို့ မှတ်ထားပါ (မှန်ပါ)။

Mark this clearly: Sammā-sati means Right Mindfulness or correct recollection. (Yes, Sir). Sammā means Right, and Sati means Recollection. In our language, it simply means "not forgetting." Therefore, understand Sammā-sati as remembering rightly and noting correctly. (Yes, Sir).

အဲဒီ သမ္မာသတိသည် လောကီဥပမာ ပြောကြပါစို့ ဆိုလို့ရှိရင် ဝီရိယဟာ လွန်တာရှိတယ်။ သတိဟာ ဘယ်တော့ မှ မလွန်ဘူးလို့ မှတ်ထားပါ။ လိုတာသာရှိတယ် (မှန်ပါ)။

Let us use a worldly analogy. In your practice, Energy (Viriya) can be excessive. But Mindfulness (Sati) is never excessive. It is always in demand. (True, Sir).

သမာဓိလွန်ရင်ငိုက်လိမ့်မယ်

The Danger of Excess in Other Faculties

ဝီရိယဟာ လွန်လာလို့ရှိရင် ဝီရိယလွန်ရင် ဥဒ္ဓစ္စဖြစ် တယ်(မှန်ပါ)။ ပညာလွန်ရင် ကောက်ကျစ်တဲ့ ဘက်သွား တယ်။ သမာဓိဟာ လွန်တာ ရှိတယ်။ လွန်ရင် ထိနမိဒ္ဓဘက် ကူးသွားတယ် (မှန်ပါ) အဲဒီတော့ကို လွန်တာလို့ မှတ်ထားကြ ပါ (မှန်ပါ)။

If Energy is excessive, it leads to Restlessness (Uddhacca). (True, Sir). If Wisdom (Paññā) is excessive without balance, it leads to cunningness and crookedness. If Concentration (Samādhi) is excessive, it leads to Sloth and Torpor (Thina-Middha). So, mark this well: these factors can be excessive. (Yes, Sir).

ဝီရိယလွန်ရင်စိတ်ပျံ့လွင်မယ်

If Energy is excessive, the mind will scatter

ဝီရိယဟာ လွန်တယ်။ လွန်ရင် ဥဒ္ဓစ္စဖြစ်သွားတာပဲ၊ ဝီရိယ သိပ်စိုက်လိုက်ပြန်လို့ရှိရင်လည်း ဒကာ ဒကာမတို့ ဥဒ္ဓစ္စဘက် ပြေးတာပဲ၊ စိတ်ပျံ့လွင့်ပြီး ထွက်သွားတာပဲ (မှန်ပါ) သမာဓိက သိပ်အားကောင်း နေတယ် ဆိုလို့ရှိရင် ဒကာ ဒကာမ တွေ မပေါ့နဲ့တော့ ငိုက်လိမ့်မယ်။ ထိနမိဒ္ဓ လာလိမ့်မယ်။ ကောသဇ္ဇဘက် ပြေးဝင်တယ်။

If you apply too much Energy, you run towards Restlessness; the mind scatters and wanders off. (True, Sir). If Concentration is too strong, do not be complacent, Yogis—you will nod off. Sloth and Torpor will set in, and you will drift into laziness (Kosajja).

ပညာလွန်ရင်ကောက်ကျစ်လိမ့်မယ်

If Wisdom is excessive, one will be cunning

ပညာဟာ သိပ်ပြီး လွန်နေပြန်လို့ ရှိရင်လည်း ကောက် ကျစ်တဲ့ဘက် လှည့်သွားတတ်တယ်။ နားလည်ကြပလား (နားလည်ပါပြီ)။

ဝီရိယလွန်ရင် ဘယ်သွားမယ် (ဥဒ္ဓစ္စဘက် သွားပါ တယ်)။ ပညာလွန်ရင် (ကောက်ကျစ်တဲ့ ဘက်သွားပါတယ်) - သမာဓိ လွန်ရင် ထိနမိဒ္ဓဘက်သွားပြီ (မှန်ပါ)။

If Wisdom is excessive, one tends to become tricky and cunning. Do you understand? (We understand, Sir). Where does excessive Energy lead? (It leads to Restlessness). Where does excessive Wisdom lead? (It leads to cunningness). And excessive Concentration? (It leads to Sloth and Torpor, Sir).

သတိကတော့အလွန်မရှိဘူး

Mindfulness is Never "Too Much"

ယနေ့ဟောမည့် သတိဟာ သေသေချာချာမှတ်ပါ။ ဘယ်အခါကာလမှ အလွန် မရှိဘူးတဲ့။ အလိုသာ ရှိတယ် (မှန်ပါ)။

ဒါဖြင့် သတိဟာ အမြဲတမ်း ခင်ဗျားတို့မှာ ဂရုစိုက်ပြီး သကာလ နေရလိမ့်မယ် ဆိုတာ အောက်မေ့ပါ (မှန်ပါ) သူက ဘယ်လောက် သတိထားထား ပိုတယ်လို့ မရှိဘူး (မှန်ပါ)။

Now, regarding the Mindfulness I am preaching today—note this carefully. It is never excessive at any time. It is only ever "needed." (True, Sir). You must realize that you need to apply Mindfulness constantly. No matter how much Mindfulness you have, there is no such thing as "too much." (No, Sir).

သတိဟာလိုတာသာရှိတယ်

Mindfulness is Always Needed

ဒါကြောင့် အဋ္ဌကထာ ဆရာများက သတိဟာ ဘာနဲ့ တူသတုံးလို့ ဆိုရင် သတိဟာ လိုတာသာ ရှိတာပဲ။ ပိုတယ်လို့ ဘယ်တော့မှ မရှိသောကြောင့် သတိ မရှိပြီဆိုမှဖြင့် ဟင်းချက်တဲ့ ပုဂ္ဂိုလ်တွေမှာ ဘယ်လောက်ပင် ဝက်သား၊ ကြက်သား ကောင်းကောင်း မွန်မွန် ချက်ငြားသော်လည်း၊ ဆားမပါရင် အကုန် အရသာ ချို့ယွင်းပြီး ပျက်သကဲ့သို့၊ သတိ မပါလို့ရှိရင်ဖြင့် အားလုံးသော ဒကာ ဒကာမတို့မှာ ဘယ်နည်းနဲ့မှ မဂ်ကို မဆိုက် နိုင်ဘူး (မှန်ပါ)။ မှတ်မိကြပြီလား (မှတ်မိပါပြီဘုရား)။

That is why the Commentators compare Mindfulness to salt. Mindfulness is never "surplus"; it is always "essential." Just as a cook may prepare the finest pork or chicken, if he forgets the salt, the dish loses all flavor and is ruined. Similarly, without Mindfulness, none of you can ever reach the Path (Magga). Do you remember this? (We remember, Sir).

သတိဟာဆားနဲ့တူတယ်

Mindfulness is Like Salt

ဟင်းချက်တဲ့ ပုဂ္ဂိုလ်မှာ ဘယ်ဟင်း ချက်ချက် ဆား အရေးကြီးတယ်ဆိုတာ ခင်ဗျားတို့ သိပြီးသား အတိုင်း ဖြစ်ပါ လိမ့်မယ် (မှန်ပါ) ဒီမှာလည်း ဝိပဿနာ အလုပ်လုပ်တဲ့ ပုဂ္ဂိုလ်မှာ သတိ မပါလို့ရှိရင် ဘယ်အလုပ်မှ ခရီး မရောက်ဘူး (မှန်ပါ) အဲဒါကြောင့် သတိ အရေးကြီးတယ်၊ သတိဟာ ဆားနဲ့ တူတယ်ဆိုတာ မှတ်ထားကြပါ (မှန်ပါ)။

You all know that for a cook, salt is critical for any curry. (True, Sir). In the same way, for a person practicing Insight (Vipassana), without Mindfulness, no work will ever succeed. (True, Sir). Therefore, realize that Mindfulness is crucial; Mindfulness is like salt. (Yes, Sir).

ဝိပဿနာလုပ်ရင်သတိအရေးကြီးတယ်

Mindfulness is Critical for Vipassana

ဆားသည် ဟင်းချက်ရင် နေရာတိုင်းမှာ အရေးကြီး တယ် မဟုတ်လား (ကြီးပါတယ်) သတိဟာလည်း နေရာတိုင်း မှာ အလုပ် လုပ်တိုင်းမှာ ဝိပဿနာ အလုပ်လုပ်တိုင်း လုပ်တိုင်း အရေးကြီး တယ်လို့ မှတ်ကြစမ်းပါ (မှန်ပါ)။

သတိဟာ ဘယ်တော့မှ ပိုတယ် မရှိပါဘူးနော်။ လိုတယ် သာရှိတယ်လို့ မှတ်ရမယ် (မှန်ပါ)။

Is salt not important in every aspect of cooking? (It is important, Sir). Then realize that Mindfulness is important in every aspect of your practice, every time you meditate. (Yes, Sir). You must note that Mindfulness is never excessive; it is only ever required. (True, Sir).

သတိသည် မမေ့မှုကိုဆိုသည်

Mindfulness Means "Not Forgetting"

အဲဒီတော့ ဒီသတိသည်ကားလို့ ဆိုလို့ရှိရင်ဖြင့် မြန်မာလိုပြန်တော့ မမေ့မှုကို ဆိုသည် (မှန်ပါ) အဲဒီ သတိများ လိုသွားမယ် ဆိုရင်ဖြင့် တစ်ခါတည်း မေ့မှု ရောက်တာပဲ (မှန်ပါ)။

မမေ့မှု ချုပ်သွားရင် ဘယ်သူ ရောက်လာသတုံး (မေ့မှု ရောက်လာပါတယ်) မေ့မှု အဝိဇ္ဇာ ရောက်လာတယ်လို့ မှတ် လိုက်ကြစမ်းပါ (မှန်ပါ)။

သတိဟာ ဘယ်လောက် အရေးကြီးတယ် ဆိုတာ သတိ ကလေးမို့ လွတ်ကင်းလိုက်လို့ ရှိရင်ဖြင့် မေ့တယ်ဆိုတဲ့ အဝိဇ္ဇာ တစ်ခါတည်း ရောက်လာတယ် (မှန်ပါ)။ အဝိဇ္ဇာ လာကတည်း ကိုက ခင်ဗျားတို့ လုပ်တဲ့ အလုပ်သည် ဘယ်အလုပ်မှ အမှန် မရောက်တော့ပါဘူး ဆိုတာ သေသေချာချာ ဆုံးဖြတ်ချက် ချပါ (မှန်ပါ)။ ဘယ်အလုပ်မှ မမှန်တော့ဘူး။

When we translate Sati into Burmese, it means "Non-forgetfulness." (True, Sir). If this Mindfulness is lacking, you immediately fall into "Forgetfulness." (True, Sir). When "Non-forgetfulness" ceases, who arrives? (Forgetfulness arrives, Sir). Realize that "Forgetfulness" is actually Ignorance (Avijja). (True, Sir). See how important Mindfulness is? The moment you let go of Mindfulness, the forgetfulness known as Ignorance steps in immediately. (True, Sir). And once Ignorance arrives, make a firm decision on this: No work you do will ever be correct. (True, Sir). Nothing will be right.

ဝီရိယထက်ပိုပြီးအရေးကြီးတယ်

More Important than Energy

အဲဒီတော့ မေ့မှု - မမေ့မှု။ မမေ့မှုသည် ဒကာ ဒကာမ တွေ သတိ (မှန်ပါ)။ မေ့မှုသည် အဝိဇ္ဇာ (မှန်ပါ)။ ကိုင်း မောင်ထွန်းလှိုင်တို့၊ မင်းတို့ ဝီရိယထက် ပိုအရေးကြီး လာတာ ပေါ်လာတာပေါ့ကွာ (မှန်ပါ)။ ဝီရိယထက် ပိုအရေးကြီး လာတယ် မောင်စိန်ထွန်း (မှန်ပါ)။

သတိမရှိပြီ ဆိုမှဖြင့် မယုံလို့ရှိရင် ခင်ဗျားတို့ ကြက်သွန် ကလေးကို ဓားထက်ထက်နဲ့ လှီးကြည့်ပါ။ လှီးကြည့်သည်နဲ့ တစ်ပြိုင်နက်တည်း သတိမပါရင် တစ်ခုခုတော့ ထိခိုက်ရတော့ မှာပဲ (မှန်ပါ)၊ ဘာလိုသွားတာတုံး (သတိလို သွားပါတယ်)။

So, we have Forgetfulness and Non-forgetfulness. Non-forgetfulness is Mindfulness, Yogis. (Yes, Sir). Forgetfulness is Ignorance (Avijja). (Yes, Sir). Now, Maung Tun Hlaing, this is becoming more important than Energy! (True, Sir). It is more critical than Energy, Maung Sein Tun. (True, Sir). If you don't believe that Mindfulness is absent, try slicing an onion with a sharp knife. The moment Mindfulness slips, you will inevitably cut yourself. (True, Sir). What was missing? (Mindfulness was missing, Sir).

သတိမရှိရင်အလွဲချည်းလုပ်တယ်

Without Mindfulness, You Only Make Mistakes

ဒါဖြင့် သတိလိုသည်နဲ့ တစ်ပြိုင်နက်တည်း လုပ်သည့် အလုပ်ဟာ အလွဲချည့် မှတ်လိုက်ပါ (မှန်ပါ)၊ ဒကာသိုက် လုပ်သည့် အလုပ်ဟာ အလွဲချည့်နော် (အလွဲချည့်ပါ)။

ဘာဖြစ်လို့ အလွဲချည့် ဖြစ်ရသတုံး ဆိုတော့ သတိမရှိ တော့ဘူး ဆိုလို့ ရှိရင်ဖြင့် သတိဆိုတာ မမေ့မှု။ မေ့လျော့မှု ဝင်လာလို့ပဲ (မှန်ပါ)၊ သဘောကျပြီလား (ကျပါပြီ)။

ဘယ်သူဝင်လာသတုံး (မေ့လျော့မှု ဝင်လာပါ တယ် ဘုရား)၊ မေ့လျော့မှု ဝင်လာတယ်လို့ ဒကာ ဒကာမတွေက မှတ်ပါ (မှန်ပါ)။

Therefore, the moment Mindfulness is missing, everything you do is wrong. (True, Sir). Whatever work you do, layman Thaik, becomes wrong. (It is all wrong, Sir). Why is it all wrong? Because when Mindfulness is gone—meaning "Non-forgetfulness" is gone—"Forgetfulness" enters. (True, Sir). Do you grasp this? (We grasp it, Sir). Who enters? (Forgetfulness enters, Sir). You must note that Forgetfulness enters. (Yes, Sir).

နေရာတိုင်းမှာသတိလိုတယ်

Needed Everywhere

အဲဒါကြောင့် သတိသည်ကားလို့ ဆိုလို့ရှိရင်ဖြင့် နေရာတိုင်းမှာ လိုတယ် ဆိုတာ သဘော ကျပြီလား (ကျပါပြီ)။

ဘယ်သူဝင်လာသတုံး (မေ့လျော့မှု ဝင်လာပါ တယ် ဘုရား) မေ့လျော့မှုဝင်လာတယ်လို့ ဒကာ ဒကာမတွေက မှတ်ပါ (မှန်ပါ)။

အဲဒါကြောင့် သတိသည်ကားလို့ ဆိုလို့ရှိရင်ဖြင့် နေရာ တိုင်းမှာ လိုတယ် ဆိုတာ သဘော ကျပြီလား (ကျပါပြီ) သူလစ်သွားသည်နဲ့ တစ်ပြိုင်နက်တည်း၊ သတိကလေး မပါသည် နဲ့ တစ်ပြိုင် နက်တည်း၊ သတိကလေး ငုတ်သည်နဲ့ တစ်ပြိုင်နက် တည်း အဝိဇ္ဇာ ဝင်လာတာပဲ (မှန်ပါ)

အဝိဇ္ဇာဝင်လာလို့ရှိရင် ဖြင့် ဓားလှီးတာက အစ အမှားလှီးမယ်။ ဘာဖြစ်ဖြစ် လုပ်သရွေ့ အလုပ်ဟာ အမှားချည် းလုပ်တော့မယ် (မှန်ပါ)၊ အမှား ချည့် လုပ်တော့မယ် ဆိုတာ သေသေချာချာ မှတ်ပါ။ ရှင်းကြပြီလား (ရှင်းပါပြီ)။

ဒါဖြင့် မမေ့တာက ဘယ်သူပါလိမ့် (သတိပါ ဘုရား)၊ မေ့တာက (အဝိဇ္ဇာပါ ဘုရား)၊ ဪ ဒါဖြင့် သတိ ချို့ယွင်းချက် ရှိလို့ ရှိရင်ဖြင့် မဂ္ဂင်ရှစ်ပါး အကုန်ပျက် (မှန်ပါ)။

Do you see now that Mindfulness is needed everywhere? (Yes, we see, Sir). As soon as it slips, as soon as that small spark of Mindfulness disappears, Ignorance (Avijja) rushes in. (True, Sir). When Ignorance enters, starting from slicing onions, you will slice wrongly. Whatever you do, as long as you are acting, you will be acting wrongly. (True, Sir). Mark this carefully: You will only make mistakes. Is that clear? (Clear, Sir). So, who is "Not forgetting"? (Mindfulness, Sir). And who is "Forgetting"? (Ignorance, Sir). Oh, indeed. If Mindfulness is flawed, the entire Noble Eightfold Path is ruined. (True, Sir). Maung Sein Than, it is all ruined. (True, Sir). Maung Tun Hlaing, how important is this? (It is very important, Sir).

မောင်စိန်သန်း အကုန်ပျက်ပြီ (မှန်ပါ)၊ မောင်ထွန်းလှိုင် ဘယ်လောက် အရေးကြီးသတုံး (ကြီးပါတယ် ဘုရား)။

သတိလွတ်ရင် ဖိနပ်မှားတတ်တယ်

If Mindfulness Slips, You Wear the Wrong Shoes

သတိအရေးကြီးလာပြီ ဒကာ ဒကာမတို့ (မှန်ပါ)။ ဒေါ်ရွှေ သတိ အရေးကြီးလာပြီ (မှန်ပါ ဘုရား) သတိ ကလေး လွတ်ပြီး သကာလ ခင်ဗျားတို့ ဖိနပ်လျှိုကြည့်ပါ။ သူများ ဖိနပ်ကို လျှိုမိလေရဲ့၊ ကိုယ့်ဖိနပ်ဆီကို ရောက်မှာ မဟုတ်ဘူး (မှန်ပါ)၊

သတိလွတ်ပကော သတိလွတ်လို့ ရှိရင်ဖြင့် ဖိနပ်မှား တာတွေ ခင်ဗျားတို့ မကြုံကြဘူးလား (ကြုံပါတယ်)၊ အဲဒါ ဘယ်သူ လွတ်သွားတာတုံး (သတိ လွတ်သွားတာပါ)။

အဲဒါ သတိ လွတ်သွား ကတည်းက အဝိဇ္ဇာနဲ့ ဖိနပ်ကို လျှိုပြီ (မှန်ပါ)၊ ဒါကြောင့် သူများ ဖိနပ် စီးမိလျက် ကြုံတယ် (မှန်ပါ)၊ ဒါတော်တာ မတော်တာတောင် မသိသေးဘူး သတိ လွတ်နေလို့ရှိရင် စီးသာသွားတာပဲ (မှန်ပါ)၊

ကိုယ်စီး နေကျ ဖိနပ်တောင် ခြေခွင်ကျ၊ တူမတူ မရွေးနိုင်ဘူး၊ သတိသာ လွတ်သွား။ မောင်ထွန်းလှိုင် သူများ ဖိနပ်ပေမယ့် စီးချင် စီးသွား တာပဲ (မှန်ပါ) ဒါဘာ လွတ်သွားတာတုံး (သတိလွတ်သွား တာပါ ဘုရား) ဒါဖြင့် ဘယ်သူနဲ့ စီးသွားတာတုံးလို့ မေးရင် ဘယ့်နှယ်ပြောမတုံး (အဝိဇ္ဇာနဲ့ စီးသွားပါတယ်)။

ကိုင်း ဒါဖြင့် ဒကာ ဒကာမတို့ သတိ လွတ်လိုက်တဲ့ အတွက် အဝိဇ္ဇာနဲ့ စီးသွားတဲ့ အတွက် အမှားလား အမှန်လား (အမှားပါ ဘုရား)။

Mindfulness has become critical, Yogis. (True, Sir). Daw Shwe, Mindfulness is critical now. (Yes, Sir). Try slipping on your shoes without Mindfulness. You might put on someone else's slippers; you won't even find your own. (True, Sir). When Mindfulness slips, haven't you experienced putting on the wrong shoes? (We have, Sir). What slipped away? (Mindfulness slipped away). Since Mindfulness slipped, you put on the shoes with Ignorance (Avijja). (True, Sir). That is why you end up wearing someone else's shoes. (True, Sir). You don't even know if they fit or not; if Mindfulness is gone, you just walk off in them. (True, Sir). Even with your own shoes, you might wear them on the wrong feet or mismatched. You can't distinguish them if Mindfulness is gone. Maung Tun Hlaing, you might just walk off in someone else’s shoes if you want to. (True, Sir). What slipped? (Mindfulness slipped, Sir). If asked, "Who are you walking with?" what will you say? (Walking with Ignorance, Sir). So, Yogis, because Mindfulness slipped and you walked with Ignorance, was it right or wrong? (It was wrong, Sir).

သတိလွတ်ရင်အမှားချည်းလုပ်တယ်

Missing Mindfulness Means Constant Error

ဒါဖြင့် မောင်စိန်သန်းတို့ ရိပ်မိရောပေါ့ (ရိပ်မိပါပြီ ဘုရား)၊ ဘယ်လို ရိပ်မိသလဲလို့ မေးရင် ဪ သတိလွတ် ရင် အမှားချည်း လုပ်တော့မှာပဲ (မှန်ပါ)။

ဒါကြောင့် သတိက ဘာနဲ့ တူသတုံးဆိုလို့ရှိရင် သတိကို မြန်မာလို ပြန်လိုက်တဲ့အခါကျလို့ရှိရင် မမေ့မှု၊ ဟုတ်ပလား (မှန်ပါ) မမေ့မှု၏ အန္တရာယ် ဘယ်သူတုံးလို့ မေးလို့ ရှိရင် မေ့မှု အဝိဇ္ဇာ (မှန်ပါ)၊ မမေ့မှုက သတိနော် (မှန်ပါ)၊ သူ၏ အန္တရာယ် ဘယ်သူတုံး (အဝိဇ္ဇာပါ ဘုရား)၊ အဝိဇ္ဇာ ဆိုတဲ့ မေ့မှု၊ နားလည်ကြပြီလား (နားလည်ပါပြီ)။

အဲဒါကြောင့် ဘုန်းကြီးတို့ ဒကာ ဒကာမတွေ ပြောရ တယ်၊ အင်း ခင်ဗျားတို့ ဘုရား အဆူဆူနဲ့ လွဲခဲ့။ ဝိပဿနာ အလုပ်တွေ လုပ်ရင်း လုပ်ရင်းနဲ့ ဝိပဿနာ အလုပ်တွေ မမြင် မထင်ဘဲ ဖြစ်လာလိုက်။

လုပ်တုန်းကတော့ သတိထား လုပ်တာ ပဲ။ နောက်သတိက ထွက်ပြေးပြီ။ အဝိဇ္ဇာက ကျန်နေ ရစ်တဲ့ အခါကျတော့ ဘာမှကို မမြင်တော့ဘူး (မှန်ပါ)

သတိ ကလေး လွတ်သွားသည်နဲ့ တစ်ပြိုင်နက်တည်း မမေ့မှု ကလေး ပျောက်သွားသည်နဲ့ တစ်ပြိုင်နက်တည်း မေ့မှုကြီးက ဦးစီးလာ တော့တာပဲ (မှန်ပါ ဘုရား) မေ့မှုကြီးက ဦးစီးလာကတည်း က ဒေါ်ရွှေတို့ အမှန် ရောက်မလား အမှား ရောက်မလား (အမှား ရောက်မှာပါ ဘုရား)။

So, Maung Sein Than, you surely grasp the situation. (We grasp it, Sir). If asked how you grasp it: "Oh, if Mindfulness slips, I will only commit errors." (True, Sir). That is why, if we ask what Mindfulness is like, in Burmese it is "Non-forgetfulness." Correct? (Yes, Sir). And if asked who is the enemy of Non-forgetfulness? It is Forgetfulness—Ignorance (Avijja). (True, Sir). Non-forgetfulness is Mindfulness. (True, Sir). Who is its enemy? (Ignorance, Sir). The forgetfulness called Ignorance. Do you understand? (We understand, Sir). That is why I tell you, Yogis: You have missed the teachings of countless Buddhas. Even while practicing Insight (Vipassana), you practice without seeing or perceiving anything. You might start the work with Mindfulness. But later, Mindfulness runs away. When Ignorance is left behind, you see absolutely nothing. (True, Sir). The moment that small spark of Mindfulness slips—the moment "Non-forgetfulness" vanishes—the great mass of "Forgetfulness" takes charge. (True, Sir). Once the great Forgetfulness takes charge, Daw Shwe, will you reach the Truth or will you reach error? (We will reach error, Sir).

ဘုရားအဆူဆူနဲ့လွဲခဲ့သော ဘာ့ကြောင့်တုံး

Why Have We Missed Countless Buddhas?

ဒါကြောင့် ဘုရားအဆူဆူနဲ့ လွဲတာ ဘာကြောင့်တုံး (သတိ လွတ်မှုကြောင့်ပါ) သတိလွတ်မှု ရှိတဲ့ အခါကျတော့ အဝိဇ္ဇာက ရောက်ရောက် ရောက်ရောက်ပြီး သကာလ လာတော့တယ်။

ဒါ့ကြောင့် ဘုန်းကြီးတို့ ဒကာ ဒကာမတွေ သတိပဋ္ဌာန်ဆိုတာ - သတိဟာ အတော် အရေးကြီးလို့ သတိ ပဋ္ဌာန်လို့ ဆိုတာ (မှန်ပါ)၊ သတိအရေးကြီးလို့ သတိပဋ္ဌာန်လို့ အခုည ဟောနေတာ သတိပဋ္ဌာန် (မှန်ပါ)၊ သတိ အရေးကြီး လိုက်တာနော် (မှန်ပါ)။

သတိကလေး လက်လွတ်လို့ရှိရင် ဒကာ ဒကာမတို့ ခုနင်က ပြောတဲ့ ဖိနပ်တောင် မှားစီးတယ် (မှန်ပါ)၊ မှားစီးတယ် ဆိုကတည်းက သတိနဲ့ စီးတာလား အဝိဇ္ဇာနဲ့ စီးတာလား (အဝိဇ္ဇာနဲ့စီးတာပါ)၊ ဒါဖြင့် သတိလွတ်သည်နဲ့ တစ်ပြိုင်နက် တည်း အဝိဇ္ဇာ ဝင်တယ်ဆိုတဲ့ဥစ္စာ ဒကာ ဒကာမတို့ ဉာဏ်ထဲ မှာမှတ်ထားပါ (မှန်ပါ)။

အဲဒီကဲ့သို့ အဝိဇ္ဇာ ဝင်လာသည်နဲ့ တစ်ပြိုင်နက်တည်း လောကီ လုပ်လည်း အမှား၊ လောကုတ္တရာ လုပ်လည်း အမှားပဲ (မှန်ပါ)။

Why have you missed meeting countless Buddhas? (Because Mindfulness slipped, Sir). When there is a slip in Mindfulness, Ignorance arrives again and again. That is why I teach you the Satipatthana. Sati (Mindfulness) is so important that the practice is named Satipatthana (The Foundation of Mindfulness). (True, Sir). Because Mindfulness is crucial, I am preaching Satipatthana tonight. (True, Sir). Mindfulness is incredibly important! (True, Sir). If Mindfulness slips, as I said before, you even wear your shoes wrongly. (True, Sir). Since you wore them wrongly, did you wear them with Mindfulness or with Ignorance? (With Ignorance, Sir). So, keep this in your intellect: The moment Mindfulness slips, Ignorance enters. (True, Sir). And once Ignorance enters, if you engage in worldly affairs, it is wrong. If you engage in spiritual affairs, it is also wrong. (True, Sir).

သတိလုံးလုံးလွတ်နေလို့

Totally Devoid of Mindfulness

ဒါဖြင့် အမှားဟူသ၍ နဲ့ကြုံ၊ အမှန် ဟူသ၍နဲ့ လွဲဆိုတာ သတိ မရှိလို့ (မှန်ပါ)၊ ရှင်းကြပြီလား (ရှင်းပါပြီ)။

ဒါဖြင့် ဒကာ ဒကာမတွေမှာ ဘုန်းကြီး ပြောပါတယ်။ ဘယ့်နှယ်ကြောင့် အိုနာသေကြီးနဲ့ အမြဲ နေရပါလိမ့်မလဲ၊ ဆင်းရဲ ပွဲကြီး အမြဲနွှဲ နေရတာ ဘာကြောင့်ပါလိမ့်မလဲ မေးလိုက် တဲ့အခါကျတော့၊ ဘဝများစွာ သံသရာက သတိပဋ္ဌာန် ဆိုတဲ့ သတိလုံးလုံး လွတ်နေလို့ ဒီ အိုနာသေကြီးနဲ့တွဲ ဆင်းရဲ ဟူသရွေ့ နဲ့တွဲ ဒီလိုနေကြရတယ် (မှန်ပါ)။ ရိပ်မိကြပလား (ရိပ်မိ ပါပြီ)။

ဪ ဒါဖြင့် တို့ အိုနာသေနဲ့ နေပြီး သကာလ၊ ဆင်း ရဲပွဲကြီး နွှဲနေရတာသည် ဘာကလေး လိုနေတယ် ဆိုတာ ပေါ်လာရမယ် (ပေါ်လာပါတယ်)၊ ဘာလိုနေသလဲ (သတိ လိုနေပါတယ်)၊

အားလုံး ဒကာ ဒကာမတွေ သတိကလေး လိုနေတယ်လို့ မှတ်စမ်းပါ။ (မှန်ပါ) ရိပ်မိကြပြီလား (ရိပ်မိ ပါပြီ ဘုရား)။

So, encountering only wrongs and missing all truths is due to the lack of Mindfulness. (True, Sir). Is that clear? (It is clear, Sir). Therefore, I ask you, Yogis: Why must you live constantly with this great mass of Aging, Sickness, and Death? Why are you always marching in the procession of suffering? If asked, the answer is: Because throughout the cycle of Samsara, we have been totally devoid of the Mindfulness known as Satipatthana. That is why we are paired with Aging, Sickness, and Death; paired with all forms of suffering. (True, Sir). Do you see it? (We see it, Sir). Oh, so while we live with Aging, Sickness, and Death, marching in the procession of suffering, it becomes clear that something was missing. (It is clear, Sir). What was missing? (Mindfulness was missing, Sir). All of you Yogis, please mark this: Mindfulness was missing. (Yes, Sir). Do you see it? (We see it, Sir).

အခုဘာဘေးသင့်နေသတုံး

What Danger Are We Facing Now?

ဒါဖြင့် ဒကာ ဒကာမတို့ အခု ဘာဘေး သင့်နေသတုံး၊ ခန္ဓာကိုယ်ကြီးဟာ မအိုချင်ဘဲအို မနာချင်ဘဲနဲ့ နာရ၊ မသေချင် ဘဲနဲ့ သေရာဌာန ပြေးကြရ။

ဘယ့်နှယ်ကြောင့် ဒီဆိုးဝါးတဲ့ အဖြစ်ကြီး ကြုံရဆုံရကြပါလိမ့်မတုံး မေးတဲ့ အခါကျတော့ သတိလွတ်မှုကြောင့် ဒီအဖြစ် တွေ့နေတာ၊ (မှန်ပါ)၊ ရိပ်မိပြီလား (ရိပ်မိပါပြီ)။

ဘာလွတ်မှုတုံး၊ (သတိလွတ်မှုပါ ဘုရား) အေး သတိလွတ်မှုကြောင့် ဒီအဖြစ်တွေ တွေ့နေရတယ် ဆိုတာ ကျေ နပ်ကြပြီလား။ (ကျေနပ်ပါပြီ)။

ဒါဖြင့် ဒကာ ဒကာမတို့ ခင်ဗျားတို့ သတိ တစ်လုံးကိုဖြင့် ကောင်းကောင်းကြီး ကိုယ်ပိုင် ထားပြီး မသုံးကြလို့ရှိရင်ဖြင့်၊ တို့သည် နောင်ဘုရား အဆူဆူနဲ့လည်း လွဲရချေသေးရဲ့ (မှန်ပါ)၊

အိုပွဲ၊ နာပွဲ၊ သေပွဲ တွေကို အမြဲတမ်း နွှဲနေရ ချည်သေးရဲ့ (မှန်ပါ)၊ ပူပွဲ၊ သေပွဲတွေ ဟူသ၍ လည်း တို့နဲ့ အမြဲတွဲ ရချည်သေးရဲ့ ဆိုတာ သေသေချာချာ မှတ်ပါ (မှန်ပါ)။ ဘယ်လောက် ကြောက်စရာ ကောင်းသတုံး။ (ကောင်းပါတယ် ဘုရား)။

So, Yogis, what danger is befalling you now? This body ages though it does not want to age; it suffers sickness though it does not want to suffer; it must run to the place of death though it does not want to die. If asked, "Why do we encounter such terrible existences?"—it is because of the slip in Mindfulness. (True, Sir). Do you see? (We see, Sir). What slipped? (Mindfulness slipped, Sir). Indeed. Are you convinced that you encounter these states because Mindfulness slipped? (We are convinced, Sir). Therefore, Yogis, if you do not firmly possess this single thing called Mindfulness and use it, we will surely miss the future Buddhas as well. (True, Sir). We will surely have to march in the procession of Aging, Sickness, and Death again. (True, Sir). Mark this with certainty: we will be forever paired with grief and death. (True, Sir). How terrifying is this? (It is very terrifying, Sir).

အရာရာတိုင်းမှာသတိလိုအပ်တယ်

Needed in Every Situation

ဒါဖြင့် သတိဟာ ဘယ်လောက် အရေးကြီးတယ် ဆိုတာ ပေါ်လာကြပြီလား (ပေါ်လာပါပြီ) ဒါကြောင့် ...

‘‘သတိ စ ခွာဟံ ဘိက္ခဝေ သဗ္ဗတ္တိကံ ဝဒါမိ။’’

ဘိက္ခဝေ- ရဟန်းတို့၊ ခေါ- စင်စစ်၊ သတိ- သတိကို၊ သဗ္ဗတ္တိကံ- အရာရာတိုင်း၌ အလိုရှိအပ်၏ ဟူ၍ အဟံ- ငါဘုရားသည်၊ ဝဒါမိ- ဟောတော်မူ၏။

သတိဟာ အရာ ရာတိုင်းမှာ ရှိရမယ်။ ကျန်တဲ့ တရားတွေထက် အရေးကြီးတယ် (မှန်ပါ) မဂ္ဂရှစ်ပါးရှိတဲ့ အနက် သူက ပိုမို ဂရုစိုက်နေရမယ်။ (မှန်ပါ)။

အံမာလေး မင်းတို့က သတိကို သာမည အောက် မေ့ချင် အောက်မေ့ နေကြလိမ့်မယ်။ ဝီရိယ ဟောစဉ် မှာတုန်း ကတော့ ဝီရိယ အင်မတန် အရေးကြီး နေတာ အောက် မေ့နေမယ်။ (မှန်ပါ) အခု သတိက ပိုအရေးကြီးနေတယ် (မှန်ပါ)။

Has it become clear how important Mindfulness is? (It has, Sir). That is why... "Sati ca khvāhaṃ, Bhikkhave, sabbatthikaṃ vadāmi." Bhikkhave—Monks; Khvā—indeed; Sati—Mindfulness; Sabbatthikaṃ—is needed in every situation; Vadāmi—thus I, the Buddha, declare. Mindfulness must be present in everything. It is more important than the other factors. (True, Sir). Among the Eightfold Path, you must pay extra attention to it. (True, Sir). Goodness, you might have thought Mindfulness was just ordinary. When I preached on Energy (Viriya), you probably thought Energy was the most important. (True, Sir). Now, Mindfulness is even more important. (True, Sir).

သားမဟုတ်တာ သားလုပ်တယ်

Mistaking the False for the True

သတိကပိုအရေးကြီးလာနေတယ် ဒကာ ဒကာမတို့၊ သတိမရှိသည်နဲ့ တစ်ပြိုင်နက်တည်း ဒကာ ဒကာမတို့ ဘုန်းကြီး က သတိ ကလေးထားပြီးတော့ ဝိပဿနာရှုကြ၊ သတိကလေး ထားပြီး ဝိပဿနာရှုကြ ဆိုတော့ ဒကာ ဒကာမတွေက သတိကလေးက မထားမိဘူး။ (မှန်ပါ)

မထားမိသည်နဲ့ တစ်ပြိုင် နက်တည်း ဘုန်းကြီးတို့ ဒကာ ဒကာမတွေဟာ တစ်ခါတည်း မသိမှု ဆိုတဲ့ အဝိဇ္ဇာကြီးက သားမဟုတ်တာကို သား လုပ်လိုက် ပြီ (မှန်ပါ)၊ သမီး မဟုတ်တာ သမီး လုပ်လိုက်ပြီ။

ပစ္စည်းမဟုတ် တာကို (ပစ္စည်းလုပ်ပါတယ်)၊ ဟော တစ်ခါတည်း အဝိဇ္ဇာ ဝင်ရင် သေတဲ့ အခါကျတော့ အပါယ် ရောက်သွားနိုင်ပြီ။ ေဩာ် သတိလွတ်ပြီး သေသွားလို့ အပါယ် ရောက်တာ (မှန်ပါ) ရိပ်မိကြပြီလား (ရိပ်မိပါပြီ ဘုရား)။

Mindfulness is becoming more critical, Yogis. The moment Mindfulness is absent... I urge you, "Yogis, keep Mindfulness and observe with Insight! Keep Mindfulness and observe!" But the Yogis fail to keep that Mindfulness. (True, Sir). The moment you fail to keep it, the great Ignorance—the state of "Not Knowing"—makes you mistake someone else's son for your son. (True, Sir). You mistake someone else's daughter for your daughter. You mistake what is not property for property. (True, Sir). And once Ignorance enters, when you die, you are liable to reach the Lower Realms (Apaya). Oh, you reach the Lower Realms because you died letting Mindfulness slip. (True, Sir). Do you see this? (We see it, Sir).

ဘာ့ကြောင့် လူတွေ အပါယ်သွားရသတုံး

Why Do People Go to Hell?

ဘာ့ကြောင့် လူတွေ အပါယ် သွားရသတုံးဆိုတာ ရိပ်မိ ပလား (ရိပ်မိပါပြီ)။ ဘယ်လို သေလို့ပါလိမ့် (သတိလွတ် ကင်းလို့ ပါ ဘုရား)။

ဒါဖြင့် အပါယ်မှာ ရောက်သူအပေါင်း အရေအတွက် ဘယ်လောက်ရှိသတုံး ဆိုရင်ဖြင့် မရေတွက် နိုင်ပါဘူး ဘုရား (မှန်ပါ)

ဘယ်လို လူတွေ သေတာပါလိမ့်မလဲလို့ သေသေချာချာ မေးလိုက်လို့ရှိရင်ဖြင့် ခင်ဗျားတို့ ပေါ်ရမယ် (ပေါ်ပါတယ် ဘုရား) ဘယ်လို ပေါ်ကြရမတုံး (သတိလွတ်တဲ့ သူတွေရောက်တာ ပါ) သတိလွတ်ပြီး သေကြတယ်။

Do you realize now why people go to the Lower Realms? (We realize it, Sir). How did they die? (They died devoid of Mindfulness, Sir). If asked, "How many people are there in the Lower Realms?"—the number is uncountable, Sir. (True, Sir). If we ask carefully, "What kind of people died to end up there?"—it should be clear to you. (It is clear, Sir). How is it clear? (Those who let Mindfulness slip end up there). They died with Mindfulness slipping away.

သတိလွတ်တဲ့အချိန်ဖမ်းတယ်

Caught When Mindfulness Slips

တစ်ခါကြည့်ပါအုံး ခိုကလေးတွေ ငှက်ကလေး တွေ သူတို့ကို ကြောင်တွေက ဖမ်းတယ် မြွေတွေက ဖမ်းတယ်၊ ဘယ်အချိန် ဖမ်းသတုံး ဆိုလို့ ရှိရင်ဖြင့် မင်းတို့ ရိပ်မိကြပြီ သတိလွတ်တဲ့ အချိန် ဖမ်းလိုက်တယ် (မှန်ပါ) ရိပ်မိပြီလား (ရိပ်မိပါပြီ)။

Just look at the little pigeons and birds. Cats catch them; snakes catch them. When do they catch them? You must realize: They catch them exactly when their mindfulness slips. (True, Sir). Do you see? (We see it, Sir).

ငရဲကဘယ်အချိန်ခေါ်မယ်ထင်သတုံး

When Will Hell Call You?

ခိုကလေးတွေ ငှက်ကလေးတွေ တိရစ္ဆာန်တွေ နိုင်ရာ စား ပုဂ္ဂိုလ်က ဖမ်းယူ စားသောက် လိုက်တယ်။ ဒကာ ဒကာမတို့ ဘယ်အချိန် ဖမ်းပါလိမ့် (သတိလွတ်တဲ့ အချိန်ဖမ်းပါ တယ်)၊

ခင်ဗျားတို့ကိုလည်း သေမင်းက ဘယ်အချိန် ဖမ်းပါလိမ့် (သတိ လွတ်တဲ့ အချိန် ဖမ်းပါတယ် ဘုရား) ငရဲကလည်း ဘယ်အချိန် ခေါ်မယ် ထင်သတုံး (သတိလွတ်တဲ့ အချိန်ပါ)။

The pigeons, birds, and animals—the stronger predator catches and eats them. Yogis, when do they catch them? (They catch them when Mindfulness slips). And you? When does the King of Death catch you? (He catches us when Mindfulness slips, Sir). And when do you think Hell will call for you? (When Mindfulness slips).

သတိကိုလက်ကိုင်ထားကြပါ

Clutch Mindfulness Firmly

အံမာလေး ဒါဖြင့် ဒကာ ဒကာမတို့ သတိကို လက်ကိုင်ထားကြပါ (မှန်ပါ) သတိကို လက်ကိုင် ထားပါ။

တောတိရစ္ဆာန် ကလေးတွေတောင်မှ သတိ လက်လွတ်တဲ့ အချိန် မှာ၊ တစ်ခါတည်း လေးနဲ့ ပစ်တဲ့လူက သူတို့ ငေးနေတဲ့အချိန်မှာ လေးနဲ့ ပစ်တာပဲ။ မဟုတ်ဘူးလား (မှန်ပါ)။

ကြောင်က ဖမ်းရင်လည်း သူသတိလွတ်တာကို ကြည့် နေတာပဲ။ သူသတိ လွတ်တဲ့အချိန် ဖမ်းမယ် (မှန်ပါ) ကျား ဖမ်းတယ် ဆိုတာကော (သတိလွတ်တဲ့ အချိန်ဖမ်းတာပါ ဘုရား)။

ဒါဖြင့် ဒကာ ဒကာမတို့ သေခြင်းဆိုး သေခဲ့ရတဲ့ ဘဝဟူသ၍ မောင်စိန်ထွန်း ရိပ်မိရောပေါ့ (ရိပ်မိပါပြီ ဘုရား)၊ ဘာတုံးကွ (သတိလွတ်လို့ပါ ဘုရား)။

ဒါဖြင့် ဒကာ ဒကာမတို့ သေခြင်းဆိုး သေခဲ့ရတာဖြင့် သတိလွတ်လို ချည့်ပဲ ဆိုတာ မပေါ် လာသေးဘူးလား (ပေါ်လာ ပါပြီ) ဒါဖြင့် ဘာအရေးကြီးသတုံး။ (သတိ အရေးကြီးပါတယ်)

Goodness! Therefore, Yogis, clutch Mindfulness firmly in your hand! (Yes, Sir). Keep Mindfulness in hand. Even wild animals—when their mindfulness slips, the hunter shoots them with a bow. He shoots them while they are gazing absently. Is that not so? (True, Sir). If a cat hunts, it watches for the moment the prey loses mindfulness. It will catch it when mindfulness slips. (True, Sir). And when does a tiger catch its prey? (It catches when mindfulness slips, Sir). Therefore, Yogis, regarding all those who died a terrible death—Maung Sein Tun, you realize it now? (I realize it, Sir). What is it? (It is because of lost Mindfulness, Sir). So, has it not become clear that every "bad death" happened purely because Mindfulness slipped? (It has appeared, Sir). So, what is important? (Mindfulness is important). Layman Thaik, mark this with exceptional care: Mindfulness is important. (Yes, Sir).

သတိ အရေးကြီးတယ် ဆို တာဖြင့် ဒကာသိုက် ထူးထူးခြားခြား မှတ်ပါ (မှန်ပါ)။

မဂ္ဂင်ရှစ်ပါးမှာလည်းအရေးကြီးတယ်

Crucial in the Eightfold Path

ဒါဘုန်းကြီးက သွယ်ဝိုက်ပြီး ပြောတာ မဟုတ်ပါဘူး။ ဘုရား ကိုယ်တော်မြတ်ကြီးက

“သတိစ ခွာဟံ ဘိက္ခဝေ သဗ္ဗတ္တိကံ ဝဒါမိ” သတိဟာ နေရာတိုင်းမှာ အရေးကြီးတယ် (မှန်ပါ)၊

မဂ္ဂင်ရှစ်ပါးမှာ သူကမှ လွတ်ကင်းနေရင် ကျန်ခုနစ်ပါး မလာ နိုင်တော့ဘူး (မှန်ပါ) လာနိုင် သေးရဲ့လား (မလာနိုင်ပါ ဘူး) မလာနိုင်ဘူး။ သူကင်း သွားတော့ အဝိဇ္ဇာက ဝင်ပေါ့ကွာ (မှန်ပါ) အဝိဇ္ဇာ ဝင်ကတည်းက ဒိပြင် မဂ္ဂင်တွေက ကိန်းနိုင်သေး ရဲ့လား (မကိန်းနိုင်ပါဘူး)။

I am not speaking in riddles. The Buddha Himself declared: "Sati ca khvāhaṃ, Bhikkhave, sabbatthikaṃ vadāmi." Mindfulness is important in every place. (True, Sir). If Mindfulness is missing from the Noble Eightfold Path, can the remaining seven factors arrive? (They cannot, Sir). Can they still come? (No, Sir). They cannot come. When Mindfulness is gone, Ignorance enters. (True, Sir). Once Ignorance enters, can the other Path Factors reside there? (They cannot, Sir).

သတိတယ်ပြီးအရေးကြီးပါလား

How Crucial is Mindfulness?

အဲဒါကြောင့် ဒကာ ဒကာမတို့ ဒီနေ့ ပြောတဲ့စကားမှာ သတိ တယ်အရေးကြီးပါလား ဆိုတဲ့ဥစ္စာ ပေါလာပြီ (မှန်ပါ)။

ကဲ-ဒါဖြင့် မဂ္ဂင်ရှစ်ပါးမှာ ဘယ်သူ အရေးကြီးသလဲ (သတိ အရေးကြီးပါတယ်)၊ သတိက တည်ပြီးမှ သာလျှင် ဒီအပေါ် မှာ ဝီရိယက လိုလာတာကိုး (မှန်ပါ)၊ နို့မဟုတ်ရင် ဝီရိယကလည်း သူ့ဆိုင်ရာ လုပ်ငန်း လုပ်နိုင်ပါဦးမလား (မလုပ်နိုင်ပါဘူး)

သတိက ဒီနေရာမှာ ဓားနဲ့ခုတ်မယ်လို့ သတိထားပြီး မှ ဝီရိယနဲ့ အားစိုက်ခုတ်မှ ဒီနေရာ ပြတ်တာကိုး (မှန်ပါ) သတိက ဘယ်နေရာရယ်လို့ သတ်မှတ် မထားလို့ရှိရင် ဓားက ခုတ်ချင်တဲ့ နေရာ ခုတ်မယ် ဆိုရင် ပြတ်တဲ့ နေရာ ရောက်နိုင်ပါ့မလား (မရောက်နိုင်ပါဘူး) အရမ်းပြတ်ပေါ့ဗျာ ဒီလိုပဲ ဖြစ်မှာပဲ (မှန်ပါ ဘုရား)။

အေး- ဒါကြောင့် ဒကာ ဒကာမတို့ ဘာများ အရေးကြီး နေတယ် ဆိုတာ ပေါ်လာကြပြီလား (ပေါ်လာပါပြီ ဘုရား) ဘာအရေးကြီးသလဲ (သတိ အရေးကြီးပါတယ် ဘုရား)။

တောတိရစ္ဆာန်တွေ သေကြတာလည်း သတိကင်းလို့ (မှန်ပါ) ရေထဲက ငါးတွေ ဖမ်းယူထားပြီ ဆိုမှဖြင့်လည်း ပိုက်ကွန် ထဲ မပါကြဘူးလား (ပါပါတယ်) ဒါလည်း ဘာလို သွားတာတုံး (သတိ လိုသွားတာပါ)

တချို့ရထားကြိတ်ပြီး မော်တော်ကား တိုက်ပြီး သေကြတယ်ဆိုတာတွေကော (သတိ လိုသွားတာပါ) သတိလိုသွားတာ သတိလိုသွားတာ။

So, Yogis, in today's talk, it has become clear: "How crucial Mindfulness is!" (True, Sir). Well then, in the Eightfold Path, who is important? (Mindfulness is important, Sir). Only when Mindfulness is established does the need for Energy (Viriya) arise upon it. (True, Sir). Otherwise, can Energy perform its respective task? (It cannot, Sir). Only when Mindfulness marks the spot, saying "I will cut here with the sword," and only when Energy strikes with force, does the cut happen. (True, Sir). If Mindfulness does not designate the spot, and the sword strikes wherever it wants, will it hit the place that needs to be cut? (It will not, Sir). It will just be a reckless cut; that is how it will be. (True, Sir). So, Yogis, has it emerged what is critically important here? (It has emerged, Sir). What is important? (Mindfulness is important, Sir). Wild animals die because they lack Mindfulness. (True, Sir). When fish in the water are caught, don't they end up in the net? (They do, Sir). What was missing there? (Mindfulness was missing). What about those crushed by trains or hit by cars? (Mindfulness was missing). Mindfulness was missing; Mindfulness was missing.

သတိလွတ်လို့အသေဆိုးသေကြရ

Bad Deaths Come from Slipping Mindfulness

ဒါဖြင့် ဒကာ ဒကာမတို့ တိုတို ပြောကြပါစို့။ အသေဆိုး သေတဲ့ ပုဂ္ဂိုလ်တွေဟာ သတိလွတ်လို့ (မှန်ပါ) ရှင်းပြီ လား (ရှင်းပါပြီ ဘုရား)။

သတိ အရေးကြီးတယ် ဒကာ ဒကာမတို့၊ တောထဲမှာ သွားလာလုပ်ကိုင်ကြတဲ့ ပုဂ္ဂိုလ်တွေ နေ့လယ် ကြောင်တောင်တောင်ကြီးမှ မောင်ထွန်းလှိုင်ရေ မြွေကိုက် သတဲ့ကွာ၊

အဲဒါ ဘာလိုသွားတုံး (သတိလိုသွားတာပါ ဘုရား)၊ ဪ ဒါဖြင့် မြွေကိုက်လို့ ဆုံးရှုံးခြင်းသို့ ရောက်သွားသတဲ့ ဆိုတာ သတိလို သွားတာပဲ (မှန်ပါ)။

So, let us speak briefly, Yogis. People who die bad deaths do so because Mindfulness slipped. (True, Sir). Is that clear? (Clear, Sir). Mindfulness is important, Yogis. Maung Tun Hlaing, they say people working in the forest get bitten by snakes in broad daylight. What was missing there? (Mindfulness was missing, Sir). Oh, so being bitten by a snake and meeting one's end... that was Mindfulness missing. (True, Sir).

စားတဲ့နေရာမှာလည်းအရေးကြီးတယ်

Important Even for Eating

တစ်ခါစဉ်းစားကြည့်ပါအုံး ဒီရာသ ီဒီဌာနမှာ ဒီအစာ စားရင် ဒီလို မူးတတ်သတဲ့။ ဒီလို ဝေတတ်သတဲ့။ ဒီလိုအော့တတ် အန်တတ်သတဲ့ ဆိုတဲ့ဥစ္စာ မူးတတ်တဲ့ အစာ အာဟာရ၊ နေက လည်း ပူပါဘိသနဲ့ ရှောင်ရမယ်လို့ သတိထားလို့ ရှိရင် မူးဝေ တဲ့ ရောဂါဝေဒနာ ရောက်ပါ့မလား (မရောက် ပါဘူး)။

သတိမထားတော့ စားကြ မျိုမိကြရော။ မူးဝေတဲ့ ဝေဒနာတွေ ရောက်မလာဘူးလား (ရောက်လာ ပါတယ်) ဒါလည်း ဘာကြောင့် ပါလိမ့် (သတိလိုလို့ပါ ဘုရား) သတိလစ်ဟင်းလို့ ဟုတ်လား (မှန်ပါ)။

Consider this: "In this season, in this place, if I eat this food, I will get dizzy. I will feel heavy. I will vomit." If one knows there is dizzying food and the sun is hot, and one applies Mindfulness to avoid it, will the dizziness and sickness arrive? (They will not, Sir). But because they don't keep Mindfulness, they eat and swallow it down. Then, doesn't the dizziness and sickness arrive? (It arrives, Sir). Why is that? (Because Mindfulness was needed, Sir). Because Mindfulness was flawed. (True, Sir).

ဘာဖြစ်လို့ခလုတ်တိုက်ရသတုံး

Why Do You Stumble?

ဒါဖြင့် သတိသည်ကားလို့ ဆိုရင် စားတဲ့ေ နရာလည်း သတိအရေးကြီးတာပဲ (မှန်ပါ)၊ ယုတ်စွ အဆုံး ဖိနပ်စီးတဲ့ နေရာတောင် (သတိအရေးကြီးပါတယ်)၊

လမ်းသွားတဲ့ နေရာကော (သတိအရေးကြီးပါတယ် ဘုရား)၊ မယုံလို့ရှိရင် ခင်ဗျားတို့ သတိ မပါဘဲသွားကြည့်။ ဘယ်လောက်ကြီးတဲ့ ခလုတ်တောင်မှ တိုက်တယ် (မှန်ပါ) ဘယ်လောက်ကြီးတဲ့ ခလုတ်ဖြစ်ဖြစ် တိုက် တယ် (မှန်ပါ့) ဘာဖြစ်လို့ တိုက်ရသတုံး (သတိ လွတ်သွားလို့ပါ ဘုရား)။

ဒါဖြင့် ခလုတ် တိုက်လိုက်တာ၊ ကျုပ်ခြေမကို ကွဲသွား တာပဲ ဆိုတော့ ဒကာ ဒကာမတွေ ဘာကြောင့် ခလုတ်တိုက် တာပါလိမ့်မတုံးလို့ မေးတဲ့အခါ ကျလို့ရှိရင်ဖြင့် ေဩာ် သတိလိုလို့ (မှန်ပါ့)၊ သဘော ကျပါပြီလား (ကျပါပြီ)။

Therefore, Mindfulness is important even in eating. (True, Sir). Even in the simple act of wearing shoes. (Mindfulness is important). What about walking on the road? (Mindfulness is important, Sir). If you don't believe me, try walking without Mindfulness. You will stumble over even a large stump. (True, Sir). No matter how big the stump is, you will hit it. (True, Sir). Why did you hit it? (Because Mindfulness slipped, Sir). So, when you say, "I hit a stump! My toe is split!" and we ask why you hit it—Oh, it is because Mindfulness was missing. (True, Sir). Do you grasp the meaning? (We grasp it, Sir).

ဘယ်အခါမှသတိမလစ်စေနဲ့

Never Let Mindfulness Slip

ကဲ ဒါဖြင့် သတိ သည်ကားလို့ ဆိုရင်ဖြင့် ပစ္စုပ္ပန်မှာ လည်း ဆိုးကျိုး ပေးတယ် (မှန်ပါ) သံသရာ မှာလည်း အပါယ် အကျိုး ရတယ် ဆိုတော့ သတိဟာ ဘယ်လောက် ထိအောင် အရေးကြီး နေတယ် ဆိုတာ ဘယ်အခါမှ မလစ်စေနဲ့လို့ ဘုရားက ဟောတယ် (မှန်ပါ)။

Now, consider Mindfulness (Sati). If you lack it, you suffer bad results in the present, and in the future, you fall into the Lower Realms of Samsara. That is why the Buddha declared: Never let your Mindfulness slip, not even for a moment! (Yes, Sir).

အဲဒီတော့ ဒကာ ဒကာမတို့ သတိလစ်မှုသည်ကားလို့ ဆိုရင် ခင်ဗျားတို့ ပစ္စုပ္ပန်မှာလည်း အကျိုးယုတ်သည်။ သံသရာမှာ အပါယ်ကျမှုဟာဖြင့် ေဩာ် သတိ လက်ကိုင်မရှိတဲ့ အတွက်ပဲလို့ မဆိုနိုင်ဘူးလား (ဆိုနိုင်ပါတယ်)။

Yogis, if you are heedless, you decline in this life. And if you fall into the Lower Realms hereafter, can we not say it is precisely because you failed to hold onto Mindfulness? (Yes, we can say that, Sir).

ကိုင်း ဒါဖြင့် ဒီနေ့ည ဘာအရေးကြီးတယ် ဆိုတာ ပေါ်လာကြပလား (သတိ အရေးကြီးပါတယ် ဘုရား)။

So, has it dawned on you what is most crucial for tonight? (Mindfulness is crucial, Sir).

ဒါကြောင့် ဘုရားသခင် ကိုယ်တော်မြတ်ကြီးက ဟောတော်မူတာ

‘‘အပ္ပမာဒေါ အမတံ ပဒံ၊’’ အပ္ပမာဒေါ- မမေ့မလျော့ဘဲ သတိထားတဲ့ ပုဂ္ဂိုလ်သည်၊ အမတံ ပဒံ- မသေရာ ဖြစ်သော နိဗ္ဗာန်သို့ ရောက်ကြောင်းဖြစ်၏။

That is why the Lord Buddha preached: “Appamādo amataṃ padaṃ.” Appamādo means the one who is not forgetful, the one who is mindful. Amataṃ padaṃ means the path to the Cessation of Death—Nibbana.

သတိသာ မမေ့လို့ရှိရင် နိဗ္ဗာန်ရောက်ကြောင်း အစစ်တဲ့ (မှန်ပါ) ကဲ ယုံကြပါပြီလား (ယုံပါပြီ ဘုရား)။

If you do not forget Mindfulness, it is the true path to Nibbana. (True, Sir). Do you believe this? (We believe it, Sir).

သတိမလွတ်ရင်နိဗ္ဗာန်ရောက်ကြောင်းအစစ်

Constant Mindfulness is the Path to Nibbana

ဒကာ ဒကာမတို့၊ သတိမလွတ်ရင် နိဗ္ဗာန်ရောက် ကြောင်း အစစ် (မှန်ပါ)၊ ဒါဖြင့် သတိလွတ်ရင် သေရာသို့ ရောက်ရမယ် (မှန်ပါ)၊ ပြောင်းပြန် ပြန်ပြီးတော့ မှတ်လိုက်ကြ (မှန်ပါ)။

Yogis, constant Mindfulness is the genuine path to Nibbana. (True, Sir). Conversely, if you lose Mindfulness, you are on the path to Death. (True, Sir). Mark this distinction clearly in your minds. (Yes, Sir).

သတိမလွတ်တဲ့ ပုဂ္ဂိုလ်သည် မသေရာ နိဗ္ဗာန်ကို ရောက် တယ်။ သတိလွတ်တဲ့ ပုဂ္ဂိုလ်သည် (သေရာကို ရောက်ပါတယ် ဘုရား)။

The Mindful person reaches the Deathless Nibbana. The heedless person... (Reaches the state of death, Sir).

ဒါဖြင့် သတိ လွတ်တိုင်း လွတ်တိုင်း ဒကာ ဒကာမတွေ က အင်း သေရာ ရောက်ဖို့ပဲ။ သေရာ ရောက်ဖို့လွယ်တာ။

သေရာချည်း သွားရတော့မှာပဲ။ သူလွယ်နေသရွေ့ ကာလပတ် လုံး မသေရာ မရောက်နိုင်ဘူး ဆိုတော့ ဘုရားက ဓမ္မပဒ ပါဠိတော်မှာ ဟောသွားပါတယ် (မှန်ပါ ဘုရား) ဒကာသိုက် တယ်အရေးကြီး ပါလား (ကြီးပါတယ်) မောင်ထွန်းလှိုင် ဒီနေ့က သတိအရေးကြီးပုံ ပေါ်လာကြပြီလား (ပေါ်လာ ပါပြီ)။

So, every time your Mindfulness slips, tell yourself: "Ah, I am heading towards death." It is so easy to drift towards death. You are walking entirely towards death. As long as you find it easy to be heedless, you will never reach the Deathless. The Buddha taught this in the Dhammapada. (True, Sir). Daka Thaik, isn't this critically important? (It is, Sir). Maung Tun Hlaing, do you see how vital Mindfulness is today? (We see it, Sir).

အဖန်ဖန်သေခြင်း၏အကြောင်း

The Cause of Repeated Death

ဒါဖြင့် အားလုံး ဒကာ၊ ဒကာမတွေ

‘‘အပ္ပမာဒေါ အမတံ ပဒံ၊

ပမာဒေါ မစ္စုနော ပဒံ၊’’

ပမာဒေါ- မေ့လျော့သော ပုဂ္ဂိုလ် သည်၊ မစ္စုနော - သေခြင်း၏၊ ပဒံ- အကြောင်းတည်း တဲ့ (မှန်ပါ့) ဒကာ ဒကာမတို့ မမေ့မလျော့ရင် နိဗ္ဗာန်ရောက်ကြောင်း၊ မေ့လျော့ရင် (သေခြင်း၏ အကြောင်းပါ ဘုရား)

အဖန်ဖန် သေခြင်း၏ အကြောင်းလို့ သေသေချာချာ မှတ်လိုက်ကြစမ်းပါ (မှန်ပါ)။

Therefore, all Yogis, listen to the second line: “Appamādo amataṃ padaṃ, Pamādo maccuno padaṃ.” Pamādo means the heedless person. Maccuno padaṃ means the cause of death. (True, Sir). Heedfulness leads to Nibbana. Heedlessness is... (The cause of death, Sir). Please note this carefully: It is the cause of dying again and again. (Yes, Sir).

ဒါဖြင့် အဖန်ဖန် သေချင်ရင် ခင်ဗျားတို့ ဝေဒနာပေါ် တိုင်းပေါ်တိုင်း သတိမထားနဲ့ (မှန်ပါ)

အဖန်ဖန် မသေချင် တော့ပါဘူး။ မသေရာ ရောက်ချင်ပါတော့တယ် ဆိုရင်ဖြင့် ဝေဒနာပေါ်တိုင်း ပေါ်တိုင်း ဘာလုပ်ရမလဲ။ (သတိထားရပါ တယ်)၊ ကိုင်း ဒီပါဠိတော်နဲ့ မောင်စိန်ထွန်း ကိုက်ပါလား (ကိုက်ပါပြီ ဘုရား)။

So, if you want to die repeatedly, just ignore the Feelings (Vedanā) as they arise! Do not be mindful of them! (True, Sir). But if you say, "I don't want to die anymore; I want to reach the Deathless," then what must you do when a Feeling arises? (We must be mindful, Sir). Does this fit with the Pali text, Maung Sein Tun? (It fits perfectly, Sir).

ကိုက်ပြီ ဒကာ ဒကာမတို့၊ သာမည အရေးကြီးရုံ ဆိုရင် ဘုရား ဒီပါဠိတော် ဟောပါ့မလား။ အလွန် အရေးကြီးလို့ ဟောတော် မူတာနော် (မှန်ပါ့) ရိပ်မိပါလား (ရိပ်မိပါပြီ)။

It fits perfectly, Yogis. If this were only of ordinary importance, would the Buddha have preached this verse? He preached it because it is of the utmost importance. (True, Sir). Do you grasp it? (We grasp it, Sir).

ဝေဒနာပေါ်တိုင်းပျက်တိုင်းသိ

Awareness of Arising and Passing

‘‘အပ္ပမတ္တာ န မိယန္တိ’’.. ဟော လှည့်တောင် လာလိုက် သေးတယ်။

အပ္ပမတ္တာ- သတိမမေ့ဘဲနဲ့ ဝေဒနာပေါ် ရင် ဝေဒနာပေါ်တိုင်း ပေါ်တိုင်း သတိထားတဲ့ ပုဂ္ဂိုလ် တို့သည်။ န မိယန္တိ- မသေကြတော့ဘူးတဲ့ (မှန်ပါ)၊

“Appamattā na mīyanti.” The verse continues. Appamattā—those who are mindful, who observe every Feeling as it arises—Na mīyanti—they do not die. (True, Sir).

သတိမမေ့တဲ့ ပုဂ္ဂိုလ်တို့ ဖြင့် ဝေဒနာ ပေါ်တိုင်းပေါ်တိုင်း သိလို့ရှိရင် ပျက်တိုင်း ပျက်တိုင်း သိတော့မှာပဲ ဆိုတာကလည်း နောက်က လိုက်နေသောကြောင့် ဒီပုဂ္ဂိုလ် မသေတော့ဘူးတဲ့ (မှန်ပါ)၊ ရိပ်မိကြပါလား (ရိပ်မိပါပြီ)။

Why? Because the mindful person sees the arising and passing away. Since they see the impermanence, they are no longer subject to death. (True, Sir). Do you grasp this? (Yes, Sir).

‘‘ယေ ပမတ္တ ယထာ မတာ’’ တဲ့။ ယေ-အကြင် ပုဂ္ဂိုလ်သည်၊ ပမတ္တာ- မေ့လျော့ကြကုန်၏။ တေ- ထိုပုဂ္ဂိုလ်တို့သည်၊ မတာ ယထာ- သေကုန်သကဲ့သို့ ပဲတဲ့ (မှန်ပါ့)

“Ye pamattā yathā matā.” Ye—Those people who; Pamattā—are heedless; Te—those people; Matā yathā—are just like dead people. (True, Sir).

ခင်ဗျားတို့ သတိလွတ်နေတဲ့ အချိန်ကျတော့ ထွက်သက် ဝင်သက်တော့ ရှူရှိုက်နေတာပဲ။ သို့သော် သေသူလို ဖြစ်နေလို့ လူသေလို့ ဘုရားက ခေါ်လိုက်သတဲ့ (မှန်ပါ)။

When you lose Mindfulness, you may still be breathing in and out, but because you are spiritually asleep, the Buddha declares: "This is a dead person." (True, Sir).

အသက်ရှင်လျက်နဲ့လူသေ

Dead While Alive

ဒကာသိုက် အင်မတန် အရေးကြီးအောင် ဘုရား မသုံး ဘူးလား (သုံးပါတယ်) အသက်ပင် ရှင်နေငြား သော်လည်း သတိ လွတ်ကင်းနေရင် ဒီပုဂ္ဂိုလ်ကို အရှင်လို့ မခေါ်နဲ့။ အသေပဲ (မှန်ပါ့) အသေပဲ၊ သူဟာ သူသေတဲ့ ရိပ်မိကြပြီလား (ရိပ်မိပါပြီ)။

Daka Thaik, did the Buddha not use incredibly strong language here? (He did, Sir). Even if a person is physically alive, if they are devoid of Mindfulness, do not call them "living." They are dead. (True, Sir). They are dead. Do you realize they are dead? (We realize it, Sir).

ရှင်လျက်နဲ့ လူသေဆိုတာ ဘာလွတ်နေတာတုံး၊ (သတိ လွတ်နေတာပါ ဘုရား) ဘုရားသခင် ကိုယ်တော်မြတ်ကြီးက သတိလွတ် နေလို့ရှိရင် ထွက်သက်ဝင်သက် ရှုပြီးသွားလာ နေငြား သော်လည်း၊ ဒီပုဂ္ဂိုလ်ကို လူရှင်လို့ မခေါ်နဲ့၊ ဘာလို့ ခေါ်ရသတုံး (လူသေလို့ ခေါ်ရပါမယ်)။

Why are they called "dead" while currently alive? What is missing? (Mindfulness is missing, Sir). The Lord Buddha taught that even if a person walks around breathing air, if Mindfulness is absent, do not call him alive. What should we call him? (We must call him a dead man, Sir).

သတိလွတ်နေတဲ့အချိန်မှာလူသေ

A Corpse Knows Nothing

လူသေလို့ခေါ်ရမှာပဲ၊ လူသေသည်ကားလို့ ဆိုရင်ဖြင့် ဘယ်သူက အပ်နဲ့ထိုးတယ် ဘာလုပ်တယ် သူမသိဘူး (မှန်ပါ့) ဘယ်သူက ခြေကြိုးလက်ကြိုးတွေ တုပ်ကော သူသိသေးရဲ့ လား (မသိပါဘူး ဘုရား)။ ဘယ်သူက ထမ်းသွားတော့ကော (မသိပါဘူး) ဟိုကျတော့ မြေထဲ မြှုပ်တော့ကော (မသိပါဘူး) လူသေဟာ ဘာမှ မသိဘူး (မှန်ပါ)။

We must call him dead. Consider a corpse: If you prick it with a needle, does it know? (No, Sir). If you tie its hands and feet, does it know? (No, Sir). If you carry it away? (No, Sir). When you bury it in the ground? (No, Sir). A dead person knows nothing. (True, Sir).

ထို့အတူပဲတဲ့ ဒကာ ဒကာမတွေလည်း ကောင်းတာနဲ့ ဆိုးတာကို ဝေဖန်နိုင်အောင်ပဲ မသိတော့ ပါဘူးတဲ့၊ သတိလွတ် သွားရင် (မှန်ပါ ဘုရား) လူသေနဲ့ ထူးသေးရဲ့ လား၊ (မထူးပါဘူး) အကောင်း အဆိုး ဝေဖန် နိုင်သေးရဲ့လား (မဝေဖန် နိုင်ပါဘူး)။

In the same way, Yogis, when Mindfulness slips, you no longer have the wisdom to discriminate between right and wrong. (True, Sir). Are you any different from a corpse? (No difference, Sir). Can you discern good from bad? (No, Sir).

သာမညအရေးကြီးရင်ဒီစကားမသုံးဘူး

Strong Words for Urgent Matters

ဒါဖြင့် ထွက်သက် ဝင်သက်တွေ ရှုနေငြား သော်လည်း သတိလွတ်နေတဲ့ ပုဂ္ဂိုလ်ဟာ လူသေနဲ့ အတူတူပဲလို့ ဘုရားက ဟောတော်မူတယ် (မှန်ပါ့) မောင်ထွန်းလှိုင် သာမည အရေးကြီး ရင် ဒီစကား မသုံးဘူး (မသုံးပါဘူး)၊ အင်မတန် အရေးကြီးလို့ သုံးလိုက်တယ် ဆိုတာ ဒကာ ဒကာမတွေ သဘော ကျပလား (ကျပါပြီ)။

So, the Buddha preached that even if you are breathing, if you are heedless, you are the same as dead. (True, Sir). Maung Tun Hlaing, if this were only trivially important, the Buddha would not have used such strong language. (He would not, Sir). Do you Yogis appreciate why He used such severe terms? (We do, Sir).

သတိလွတ်တဲ့ အချိန်မှာ ကိုယ့်ကိုယ်ကို လူရှင်လို့ခေါ် ကြမလား လူသေလို့ ခေါ်မလား (လူသေလို့ ခေါ်ပါ တယ်) ဒါဖြင့် သေချိန်ရှင်ချိန် ကိုဖြင့် ဒကာ ဒကာမတွေ နေ့တိုင်း ဝေဖန်ကြ (မှန်ပါ)။

When you lose your Mindfulness, will you call yourself alive or dead? (We must call ourselves dead, Sir). So, judge yourselves every day: "Am I dead or am I alive?" (Yes, Sir).

ဝေဒနာပေါ်တာကို မသိတာကများနေပြီ

Most of You are "Dead"

အခု ဒကာ ဒကာမတွေက ဝေဒနာကိုဖြစ်ပျက် ကြိုးစား နေကြတယ်။ ဝေဒနာကို ဖြစ်ပျက် ကြိုးစား နေတော့ ဝေဒနာ ပေါ်တိုင်း ပေါ်တိုင်း မသိတာက များနေပြီ။ သတိ မထားမိဘူး ဆိုလို့ရှိရင် ဪ ငါ့နှယ် လူသေ ဖြစ်နေတာကများ နေပါ ပေါ့လား (မှန်ပါ ဘုရား) လူရှင် အဖြစ်က (နည်းနေပါတယ် ဘုရား)

Now, you Yogis are trying to observe the Arising and Passing of Feelings. But often, you fail to note them as they appear. If you are not mindful, oh my... you are "dead" most of the time! (True, Sir). Your time as a "living person" is... (Very little, Sir).

ဒါဘုန်းကြီးက ကြံဖန်ပြောတာလား၊ ဘုရား တိုက်ရိုက် ဟောတာလား (ဘုရားတိုက်ရိုက် ဟောတာပါ) လူသေနဲ့ လူရှင် ကွဲကြပလား (ကွဲပါပြီ ဘုရား)။

Is this just me making things up, or is it the Buddha’s direct teaching? (It is the Buddha's direct teaching, Sir). Can you distinguish between the dead and the living now? (Yes, Sir).

လူသေလူရှင်ကွဲဖို့ရာအရေးကြီးတယ်

Why the Distinction Matters

ဒါဖြင့် ခင်ဗျားတို့ လူသေနဲ့ လူရှင်ကွဲသွားတယ်ဆို ကတည်းက ကိုယ့်ကိုယ်ကို ကွဲဖို့ရာကလည်း ပိုအရေးကြီးတော့ တယ် (မှန်ပါ့)၊

Since you can now distinguish between the dead and the living, it is crucial to apply this to yourselves. (True, Sir).

ဘာကြောင့် ဆရာဘုန်းကြီးက ဒါလောက်တောင် အရေးတကြီး ပြောရသတုံးလို့ မေးလို့ ရှိရင်ဖြင့်၊ ထွက်သက် ဝင်သက်ပင် ရှိငြား သော်လည်း သတိကင်းနေတဲ့ ပုဂ္ဂိုလ် ဟာ လာတဲ့ ရန်သူက သူ့ကို အကုန်မိမှာပဲ (မှန်ပါ)၊ လာတဲ့ ရန်သူ ဟူသ၍ သူလွတ်အောင် ရှောင်နိုင်သေးရဲ့လား (မရှောင် နိုင်ပါဘူး)၊

Why do I emphasize this so strongly? Because a person who lacks Mindfulness, even if breathing, is vulnerable. When an enemy attacks, he will be caught completely. (True, Sir). Can he escape any enemy that approaches? (He cannot, Sir).

ဒါဖြင့် ချောင်းဆိုးတာလည်းခံ၊ သွေးနာလာရင် လည်းခံ၊ လေနာလာရင်ကော (ခံရပါတယ်) အကုန်ခံ အကုန်ခံပဲ။ သူ့မှာ သတိလက်လွတ် နေတဲ့အတွက် ဘာနဲ့မှ တားစရာ အပြုအပြင် ရှိသေးရဲ့လား (မရှိပါဘူး) တားစရာ အကာ အကွယ် သူ့မှာ ထားသေးရဲ့လား (မထားပါဘူး) ဒါဘာ ဖြစ်လို့ပါလိမ့် (သတိလွတ်လို့ပါ ဘုရား)။

So, if a cough comes, he suffers. If a blood disease comes, he suffers. If wind disorders arise? (He suffers, Sir). He has to suffer everything. Because his Mindfulness is gone, does he have any means to fix it or protect his mind? (No, Sir). Does he have any shield? (No, Sir). Why is this? (Because he lost Mindfulness, Sir).

အပါယ်ရောက်လေသမျှသတိလွတ်လို့

Falling into Apaya

ကဲ ဒကာ ဒကာမတို့ အပါယ် ရောက်လေသမျှ ပုဂ္ဂိုလ် ဟူသရွေ့ သည် ဘာတုံး (သတိ လွတ်လို့ပါ ဘုရား)

Now Yogis, consider all those who have fallen into the Lower Realms (Apaya). What happened to them? (They lost their Mindfulness, Sir).

နတ်ပြည် ပျော်နေတဲ့ ပုဂ္ဂိုလ်တွေဟာလည်း သတိ လွတ်နေတာ (မှန်ပါ) ဒါကြောင့် အချို့ နတ်တွေများ တစ်ပြုံကြီး တစ်ပြုံကြီး အပါယ် ကျတယ် (မှန်ပါ့) ကိုင်း ဘယ်သူဖြုတ်ချ လိုက်တာတုံး (သတိ ဖြုတ်ချလိုက်တာပါ ဘုရား)။

Even Devas enjoying the celestial realms are often heedless. That is why some Devas fall into the Lower Realms in great bunches. (True, Sir). Who pushed them down? (Their own lack of Mindfulness pushed them, Sir).

သုဗြဟ္မနတ်သားရဲ့ နတ်သမီးငါးရာ

Subrahma Deva’s Nymphs

ကဲ သတိတည်းဟူသော တရားမရှိတဲ့ အခါကျ တော့၊ နတ်ပြည် ရောက်တယ်လို့ ခင်ဗျားတို့က စိတ်ချနေငြား သော်လည်း၊ တစ်နေ့က ပြောခဲ့တဲ့ သုဗြဟ္မနတ်သားရဲ့ နတ်သမီး ငါးရာ တစ်ပြုံကြီး ဒယ်အိုးထဲ ရောက်သွားတာ ဘုန်းကြီးဟော ပြီးသား ဖြစ်ပါတယ် (မှန်ပါ)၊ ဟုတ်ပလား (မှန်ပါ)

အဲဒါသည် ကားလို့ ဆိုရင် ဘာလွတ်တာတုံး (သတိလွတ်တာပါ ဘုရား)။

When Mindfulness is absent, you might think, "I am safe in the Deva realm." But remember the story I preached the other day about Subrahma Deva? Five hundred of his celestial nymphs fell directly into the Hell fires. (Yes, Sir). Is that true? (Yes, Sir). What was missing? (Mindfulness was missing, Sir).

မယုံရင် သစ်ပင်ပေါ် တက်ကြည့်ပါ။ သတိလွတ်ရင် လွတ်တဲ့ အချိန် အောက်ကို ဝုန်းကနဲ ကျချည့်ရဲ့ (မှန်ပါ) မကျပေဘူးလား (ကျပါတယ်)။

If you don't believe it, climb a tree and lose your mindfulness. You will come crashing down instantly! (True, Sir). Won't you fall? (We will, Sir).

ဒါဖြင့် အားလုံး ဒကာ ဒကာမတွေ သတိသည်ကားလို့ ဆိုရင်ဖြင့်၊ သတိလွတ်တဲ့ ပုဂ္ဂိုလ်ဟာ အပါယ်ပဲ သွားစရာတွေ ကများတယ် (မှန်ပါ)၊

သေရင်လည်း သေခြင်းဆိုး သေရမှာပဲ (မှန်ပါ) သွားရင်လည်း အပါယ်သွားရမှာပဲ။ ရိပ်မိကြ ပလား (ရိပ်မိပါပြီ) ဒါဖြင့် ဒကာ ဒကာမတို့ ဘာအရေးကြီးပါလိမ့် (သတိ အရေးကြီးပါတယ် ဘုရား)။

Therefore, Yogis, if you lose Mindfulness, there are many paths leading to the Lower Realms. (True, Sir). If you die, you will die a terrible death. (True, Sir). And you will go to a terrible destination. Do you see this? (We see it, Sir). So, what is the most important thing? (Mindfulness is most important, Sir).

ဘုရားကိုယ်တော်တိုင်ဟောတာ

The Buddha’s Own Words

သတိအရေးကြီးလိုက်တဲ့ ဖြစ်ခြင်း မပြောပါနဲ့တော့၊

‘‘သတိ စ ခွာဟံ ဘိက္ခဝေ သဗ္ဗတ္တိကံ ဝဒါမိ’’ အားလုံး အကျိုးကြီး တာဖြင့် သတိပဲဟေ့ တဲ့ (မှန်ပါ)၊ ဒါကြောင့် ဘုရားက သတိဟာ အရေးကြီးဆုံး အကျိုး သက်ရောက်ဆုံးလို့ ဟောတာ ပဲ (မှန်ပါ)။

The importance of Mindfulness cannot be overstated. “Satiñca khvāhaṃ, bhikkhave, sabbatthikaṃ vadāmi.” "Monks, I declare that Mindfulness is essential in all things." (True, Sir). The Buddha taught that it brings the greatest benefit. (True, Sir).

အကျိုးအကြီးဆုံး သက်ရောက်တာ ဘယ်သူပါလိမ့် (သတိပါ ဘုရား)၊ ဘယ်သူ ဟောတော့ပါလိမ့် (ဘုရား ကိုယ်တော်တိုင် ဟောတာပါ ဘုရား)။

What brings the greatest benefit? (Mindfulness, Sir). Who taught this? (The Buddha Himself taught it, Sir).

သတိပဋ္ဌာန် လက်လွတ်ရင် အပါယ်သွားဖို့

Letting Go of Satipatthana

ေဩာ် ဒါဖြင့် ဘုရားက သတိ အရေးကြီးပါတယ်။ လက်သုံး ထားကြပါ ဆိုတာ ဒကာ ဒကာမတွေက သတိပဋ္ဌာန် ချည်း လက်လွှတ်နေကြတယ် (မှန်ပါ)၊

The Buddha urged us to keep Mindfulness as our constant companion. Yet, you Yogis keep letting go of the Practice of Mindfulness (Satipaṭṭhāna). (True, Sir).

ဒကာသိုက် သတိပဋ္ဌာန် လက်လွှတ်ကတည်းက ဒကာ ဒကာမတွေ သေသေချာချာသာ မှတ်လိုက်ပါတော့ အပါယ်သွားဖို့ပဲ (မှန်ပါ)၊ သေခြင်းဆိုး သေဖို့ နဲ့ အပါယ်ရောက်ဖို့ ဒီနှစ်လမ်းပဲ ရှိတယ် (မှန်ပါ)။

Daka Thaik, mark this well: Once you let go of Satipaṭṭhāna, you are heading for the Lower Realms. (True, Sir). There are only two outcomes: a terrible death and a fall into Hell. (True, Sir).

ဒါကြောင့် ဒကာ ဒကာမတွေ ဝေဒနာပေါ်တိုင်း ပေါ်တိုင်း သတိထားပါ ဆိုတဲ့စကား မသုံးသင့် ဘူးလား (သုံးသင့်ပါတယ် ဘုရား)

ဘာကြောင့်တုံးလို့ မေးတဲ့အခါကျတော့ ခင်ဗျားတို့ လူရှင်ကလေး ဖြစ်ပါမှသာလျှင် ဘေးဥပါဒ် အန္တရာယ် လာရင် ရှောင်နိုင်သကိုး (မှန်ပါ့)

လူသေဆိုတော့ ဘေးဥပါဒ် အန္တရာယ်လာရင် ရှောင်နိုင်သေးရဲ့လား (မရှောင်နိုင်ပါဘူး)။

That is why I instruct you: "Be mindful of every Feeling (Vedanā) as it arises." Is this not the right instruction? (It is, Sir). Why? Because only if you are a "living person" (mindful) can you avoid dangers when they approach. (True, Sir). If you are a "dead person" (heedless), can you avoid them? (No, Sir).

သတိလွတ်တဲ့လူ၊ လူသေ

Dangers Await the Dead

သတိလွတ်တဲ့ ပုဂ္ဂိုလ်ဟာ လူသေလို့ ဘုရားက ဟော တယ် (မှန်ပါ့) ဒါဖြင့် အပါယ်ဘေး လာလည်း သူကြုံဖို့ပဲ။ တိရစ္ဆာန်ဘေး သင့်ရင်ကော (ကြုံဖို့ပါ ဘုရား)၊ ရေ မီး မင်း ခိုးသူ ဘေး သင့်ရင်ကော (ကြုံဖို့ပါ ဘုရား)

၉၆-ပါးသော ဘေးတွေ သင့်ရင်ကော (ကြုံဖို့ပါ ဘုရား)၊ အဲ သူ့ဖို့ချည့်မှတ် (မှန်ပါ) သတိလွတ်တဲ့ ပုဂ္ဂိုလ်၏ အဖို့ချည်းမှတ် (မှန်ပါ) ဒါ ဘယ်လောက် အရေးကြီးသတုံးကွ (ကြီးပါတယ်)။

The Buddha calls the heedless person "dead." (True, Sir). Therefore, if the danger of Hell comes, he must face it. If the danger of rebirth as an animal comes? (He must face it, Sir). If dangers from floods, fire, tyrants, or thieves come? (He must face them, Sir). If the many diseases arise? (He must face them, Sir). Mark this: All these dangers are reserved for the heedless. (True, Sir). How terrifyingly important is this! (It is very important, Sir).

ဒါဖြင့် ဒကာ ဒကာမတို့ မြို့ထဲမှာ အခုသေတဲ့ ပုဂ္ဂိုလ် တွေရှိကြတယ်။ ဟာဘာဖြစ်လို့ သေကြပါလိမ့်မလဲ ဆိုတော့ အို နောက်ဘဝက သတိပဋ္ဌာန် အလုပ် မလုပ်ဖူးလို့၊ အခု အသေ တွေ့ရတာပေါ့(မှန်ပါ့)၊

နောက်ဘဝက သတိပဋ္ဌာန် အလုပ်ကို လုပ်ခဲ့သည် ဆိုလို့ရှိရင် ဒီလူသေတွေ တို့မသာ ပို့စရာ မရှိဘူးကွ။ နိဗ္ဗာန်တောင် ရောက်သွား ကုန်ပြီ (မှန်ပါ)။

Yogis, people are dying in the city right now. Why are they dying? Because in their past lives, they did not practice Satipaṭṭhāna. That is why they are facing death now. (True, Sir). If they had practiced Satipaṭṭhāna in the past, we wouldn't need to attend their funerals today. They would have already attained Nibbana! (True, Sir).

သတိပဋ္ဌာန်အလုပ်သာလုပ်ပါတဲ့

We Bury the Heedless

ဒါဖြင့် မသာပို့ရတာ ဘယ်လို ပုဂ္ဂိုလ်ပို့ရတာ များသတုံး (သတိလွတ်တဲ့ ပုဂ္ဂိုလ်များပါတယ်) သတိလွတ်တဲ့ ပုဂ္ဂိုလ်တွေချည်းပဲ (မှန်ပါ)၊ သတိလွတ်တဲ့ပုဂ္ဂိုလ်မို့ အသေနဲ့လာတိုး တာပေါ့ (မှန်ပါ)

သတိသာ မလွတ်လို့ သတိပဋ္ဌာန် အလုပ်ကို လုပ်ခဲ့လို့ရှိရင် ခုနစ်ရက်၊ ခုနစ်လ၊ ခုနစ်နှစ်နဲ့ နိဗ္ဗာန်ရောက်နိုင် , ပါတယ်လို့ ဘုရားက တာဝန်ခံတော်မူထားတာပဲ (မှန်ပါ)။

So, whose funerals are we attending? (The funerals of heedless people, Sir). Indeed, only the heedless. They collide with death because they are heedless. (True, Sir). The Buddha guaranteed that if one practices Satipaṭṭhāna without wavering, one can attain Nibbana in seven years, seven months, or even seven days. (True, Sir).

သတိပဋ္ဌာန်သာလုပ်ပါတဲ့ ခုနစ်ရက်၊ ခုနစ်လ၊ ခုနစ်နှစ်နဲ့ပဲ ကိစ္စ ပြီးနိုင်ပါတယ် ဆိုတော့၊ အခုကိစ္စ မပြီးသေးလို့ မသာတွေချည်း ပို့နေရတဲ့ ပုဂ္ဂိုလ်တွေသည် ဘာလွတ်သွားလို့တုံး (သတိလွတ်သွားလို့ပါ ဘုရား)။

Since the work is not finished and we are still burying corpses, what was missing? (Mindfulness was missing, Sir).

ဟာ ဒါဖြင့် သတိသည်ကားလို့ ဆိုရင်ဖြင့် သေခြင်း ၏အကြောင်း ဆိုတာ မောင်စိန်ထွန်း မှန်လိုက်တာကွာ (မှန်ပါတယ် ဘုရား)၊ ဒကာ ဒကာမတွေ မမှန်ဘူးလား (မှန်ပါ တယ် ဘုရား) သတိလွတ်လို့ သေကြတာဆိုတာ ရိပ်မိကြပလား (ရိပ်မိပါပြီ)။

Ah, Maung Sein Tun, you are absolutely right to say that Mindfulness is the cause of death! (True, Sir). Yogis, isn't it true? (It is true, Sir). Do you see that people die because they lose Mindfulness? (We see it, Sir).

အိုနာသေဟာ ကိုယ်ပိုင်ရနေတာ

Owning Aging and Death

အခု ကိုင်း ဘယ်အိမ်မှာ ဘယ်သူ သေပြန်ပြီ တဲ့၊ ဘယ်အိမ်မှာ ဘယ်သူ အိုပြန်ပြီတဲ့၊ ဘယ်သူဟာ ဘယ်လို ဝေဒနာရပြန်ပြီ ဆိုတော့၊ သတ္တဝါ အတည်ဖြစ်နေတာ ဟူသရွေ့၊ နိဗ္ဗာန် မရောက်သေးဘဲနဲ့ သတ္တဝါ အတည်ဖြစ်နေတဲ့ သူ ဟူသရွေ့၊ ဘာလွတ်နေလို့ ဒီဥစ္စာ အိုနာသေတွေဟာ ကိုင်ပိုင် ရနေတာတုံး (သတိ လွတ်နေလို့ပါ ဘုရား)။

We hear news: "Someone died in that house," "Someone has grown old," "Someone is sick." As long as beings have not attained Nibbana, why do Aging, Sickness, and Death continue to be their own property? (Because they lost Mindfulness, Sir).

ကိုင်း ဒါဖြင့် တစ်ယောက်နဲ့တစ်ယောက် ဖော်ပေး ကြစမ်းပါ။ တစ်ယောက်နဲ့တစ်ယောက် သတိပေးကြစမ်းပါ (မှန်ပါ)၊ မောင်ထွန်းလှိုင်ရေ တစ်ယောက်နဲ့တစ်ယောက် သတိ ပေးကြစမ်းကွာ၊

မင်းသတိမလွတ်နဲ့နော်၊ အိုနာသေဟာ မင်းဟာ ဖြစ်နေလိမ့်မယ် (မှန်ပါ့) မင်း သတိ မလွတ်နဲ့နော် ဘေးအတန်တန် ရန်အထပ်ထပ် တွေဟာ မင်းဟာချည်း ဖြစ်နေလိမ့်မယ် (မှန်ပါ)။

So, please remind one another. Warn one another. (Yes, Sir). Maung Tun Hlaing, tell your friends: "Hey, don't let your Mindfulness slip! If you do, Aging, Sickness, and Death will become your property." (True, Sir). "Don't be heedless, or layer upon layer of dangers will be yours." (True, Sir).

သတိထားရင်မသေရာရောက်တယ်

Mindfulness Leads to the Deathless

‘‘အပ္ပမာဒေါ အမတံ ပဒံ’’ ကိုး။ မမေ့ မလျော့ဘဲနဲ့ သတိ ထားတဲ့ ပုဂ္ဂိုလ်သည် မသေရာ အရပ်သို့ ရောက်ကြောင်းဆိုတော့ မသေရာအရပ် ရောက်ပါတယ် ဆိုကြတည်းက အိုနာ လည်း မရှိတော့ဘူးပေါ့ (မှန်ပါ)။

Remember: “Appamādo amataṃ padaṃ.” The mindful person reaches the Deathless. If you reach the Deathless state, there is no more aging or sickness. (True, Sir).

ဒါဖြင့် ဒီထဲမှာ အဘွားကြီးတွေ ပါကြတယ်၊ လူကြီးတွေ ပါကြတယ်၊ လူလတ်တွေ ပါကြတယ်။ ဒါတွေဟာ အကုန်လုံး အိုကြဦးမယ် မဟုတ်လား (မှန်ပါ)၊

ဟာ ဒီ ဒကာဒကာမတွေ ဘယ့်နှယ်ကြောင့် အိုခြင်း ဆိုးကြီးနဲ့ပဲ ရောက်အောင် ကြုံအောင် နေကြပါလိမ့်မလဲလို့ မေးလို့ရှိရင် နောက်က သူသတိလစ် လာခဲ့ တယ်။ (မှန်ပါ) သတိလစ်ခဲ့တယ် (မှန်ပါ့) ဒကာသိုက် ဘာဖြစ် လို့တုံး မမေးနဲ့၊ သတိလစ်ခဲ့လို့ (မှန်ပါ့) ရိပ်မိကြပါလား (ရိပ်မိ ပါပြီ)။

Now, look at this audience—grandmothers, adults, middle-aged people. You are all going to get old, aren't you? (Yes, Sir). Why are you stuck with this terrible burden of aging? If asked, the answer is: You were heedless in the past. (True, Sir). You lost your Mindfulness. (True, Sir). Daka Thaik, don't ask why; it is simply because you lost Mindfulness. (True, Sir). Do you see it? (We see it, Sir).

ဒါဖြင့် ဘယ်သူမမာလို့ သွားမေးရဦးမတဲ့ လို့ဆိုပြီး ခင်ဗျားတို့က သွားမေးကြတယ်၊ ဘာဖြစ်လို့ သူ နာခြင်းဆိုးကြီး နဲ့ ကြုံနေသလဲ (သတိလစ်လို့ပါ)။

သတိလွတ်ခဲ့ပြန်ပြီ၊ ဘဝများ စွာ သံသရာက သတိ လွတ်ခဲ့ပြန်ပြီ (မှန်ပါ့) တော်တော်ကြာ သေသတဲ့၊ မသာ ပို့လိုက်ကြပါဦးတဲ့၊ ဒီအသေဟာ ဘယ်သူသေ တာတုံး ဆိုရင်ကော ရိပ်မိပါလား၊ သတိလွတ်တဲ့ ပုဂ္ဂိုလ်၏ အသေ (မှန်ပါ) ရိပ်မိပါလား (ရိပ်မိပါပြီ)။

You go to visit the sick. You ask, "Why is he suffering this terrible illness?" The answer: He was heedless. He lost Mindfulness again. Throughout the rounds of Samsara, he was heedless. (True, Sir). Soon, you hear he is dead. You go to his funeral. Who died? The heedless person died. (True, Sir). Do you understand? (Yes, Sir).

သတိလွတ်တာသည်သေခြင်း၏အကြောင်း

Heedlessness is the Cause of Death

ဒါဖြင့် မောင်စိန်ထွန်းရေ သတိ လွတ်တာသည်ကားလို့ ဆိုရင်ဖြင့် သေခြင်း၏ အကြောင်းလို့ ဘုရား ဟောတော်မူလိုက် တာသည် ဒကာသိုက်တို့ တကယ် အရေးကြီးလို့ ဟောတာပေါ့ ဗျာ (မှန်ပါ)။

Maung Sein Tun, the Buddha declared that heedlessness is the cause of death. He taught this because it is urgently important. (True, Sir).

ဒီဂါထာကို မမေ့ကြစေနဲ့နော်။ အားလုံး ဆိုသလိုပဲ ရထားကြပါတယ်။ သို့သော်လည်း ဒါလောက် အဖိုးတန်မှန်း မသိကြဘူး (မှန်ပါ)

အခုတော့ တန်လိုက်တဲ့ ဂါထာမှ မောင်ထွန်းအောင်ရေ သတိ လွတ်လိုက်လို့ရှိရင် သေခြင်း၏ အကြောင်းသာ မှတ်လိုက်ပါတော့ကွာ (မှန်ပါ) သတိ မလွတ်ရင် မသေခြင်း၏ အကြောင်းသာ မှတ်လိုက် ပါတော့တဲ့ (မှန်ပါ)။

Do not forget this verse. You may know it by rote, but you do not realize its immense value. (True, Sir). Now, Maung Tun Aung, mark this: Heedlessness is the cause of death. (True, Sir). Mindfulness is the cause of the Deathless. (True, Sir).

ဒကာ ဒကာမတို့ သတိမလွတ်ရင်ဘာတုံး (မသေခြင်း၏ အကြောင်းပါ)၊ သတိလွတ်လိုက်ရင် (သေခြင်း၏ အကြောင်းပါ ဘုရား)

ကဲဗျာ ဘယ်လောက်များမိသတုံး၊ ဘုရား ဟောတော် မူတာ (မှန်ပါ မိပါတယ်) မောင်မြင့်တို့ ဘုရားသခင် ကိုယ်တော် မြတ်ကြီးဟာ ဘယ်လောက် အဖိုးတန်တာ သုံးထား သလဲ (မှန်ပါ့)

သတိ လွတ်လိုက်လို့ ရှိရင်ဘာတဲ့တုံး (သေခြင်း၏ အကြောင်းပါ ဘုရား) သတိ မလွတ်တော့ဘူး ဆိုရင် (နိဗ္ဗာန်၏ အကြောင်းပါ)။

Yogis, what happens if you don't lose Mindfulness? (It is the cause of the Deathless, Sir). And if you lose it? (It is the cause of death, Sir). How perfectly it fits! The Buddha's teaching is precise. (It fits perfectly, Sir). Maung Myint, see how the Lord Buddha used such valuable concepts. (True, Sir). If you lose Mindfulness, what is it? (The cause of death, Sir). If you do not lose Mindfulness? (The cause of Nibbana, Sir).

ဝေဒနာပေါ်တိုင်းဖြစ်ပျက်ကြည့်နေတဲ့ပုဂ္ဂိုလ်

Observing Arising and Passing

ကဲ ဒါဖြင့် မင်းတို့ဟာ မင်းတို့ ဝေဖန်ကြ။ အခု တရားနာတဲ့ ပုဂ္ဂိုလ်တွေက ဝေဖန်ကြ။ သတိ လွတ်အောင်နေတဲ့ အချိန်ကျလို့ရှိရင်ဖြင့်၊ အင်း သေခြင်း၏ အကြောင်းလုပ် ပြန်ပြီ၊ သေခြင်း၏ အကြောင်း လုပ်ပြန်ပြီလို့ ကိုယ့်ကိုယ်ကိုယ်သာ မြည်ကြတွန်ကြပေတော့ (မှန်ပါ)။

So, judge yourselves. Listeners, analyze your own minds. When you are heedless, scold yourself: "Ah! I am building the cause for death again! I am building the cause for death!" (True, Sir).

သတိမလွတ်တဲ့ ပုဂ္ဂိုလ်တော့ ဝေဒနာတွေ ပေါ် တိုင်း ပေါ်တိုင်း ဖြစ်ပျက် ကြည့်နေတဲ့ ပုဂ္ဂိုလ် ကျတော့၊ အင်း မသေခြင်း၏ အကြောင်းကို သူတို့ ကြိုးစားနေ တယ် ဆိုပြီး ဝမ်းမြောက်ကြ (မှန်ပါ)။

But when you are mindful, observing the Arising and Passing of Feelings, rejoice: "I am striving for the Cause of the Deathless!" (True, Sir).

ဒီနှစ်ကြိမ်ကိုခွဲလိုက်ရင်သိပ်ကောင်းမယ်

Rejoicing vs. Blaming

ဒါဖြင့် ကိုယ့်ကိုယ်ကိုယ် ဝမ်းမြောက်နိုင်တဲ့ အချိန်၊ ကိုယ့်ကိုယ်ကိုယ် အပြစ်တင်ရမည့် အချိန်၊ ဒီနှစ်ကြိမ်ကို ခွဲလိုက် ရင် ဒကာ ဒကာသိုက် သိပ်ကောင်းမယ် (မှန်ပါ)

သတိလွတ် တဲ့အချိန်ကျတော့ ကိုယ့်ကိုယ်ကိုယ် အပြစ် တင်ရမယ့် အချိန် (မှန်ပါ) မင်းဟာ သေဦးမှာပါပဲ၊ မင်းနေပုံနဲ့ သေဦးမှာပါပဲ။ နာဦးမှာပဲ၊ ကမ္ဘာပျက်မီးလောင်ဦးမှာပဲ၊ အပါယ်တွေဟူသ၍ ဟာ မင်းရောက်စရာ ဌာနချည်းဖြစ်ဦးမှာပဲ၊ မဆိုထိုက်ဘူးလား (ဆိုထိုက်ပါတယ်)၊

ကိုင်း မောင်ချစ်စိန်တို့ သတိ ဘယ်လောက် အရေးကြီး သတုံးကွ (ကြီးပါတယ် ဘုရား)။

It would be excellent, Daka Thaik, if you could distinguish between the time to rejoice and the time to blame yourself. (True, Sir). When Mindfulness slips, it is time to blame yourself. (True, Sir). "You are going to die again. With the way you are living, you will suffer, you will burn in the fires of the Aeon, you will fall into Hell." Do you not deserve such scolding? (We do, Sir). Maung Chit Sein, how important is Mindfulness? (It is very important, Sir).

ပါဠိတော်ရှိနေလို့ပြောရဲတာ

I Speak Boldly Because of the Text

ဒါဟာ ဘုန်းကြီးက စကားသိုင်းဝန်းပြီး ပြောကို ပြောတတ်လို့ သတိ ဒါလောက် အရေးကြီး နေတာလို့ မင်းတို့ ကလည်း မထင်လိုက်နဲ့ဦး။ ပါဠိတော်ရှိနေလို့ ပြောရဲတာ (မှန်ပါ ဘုရား)

‘‘အပ္ပမာဒေါ အမတံ ပဒံ၊’’ မမေ့ မလျော့ဘဲ သတိထားတဲ့ ပုဂ္ဂိုလ်သည် မသေရာ နိဗ္ဗာန်သို့ ရောက်ကြောင်း အစစ် ဆိုတော့ သတိကလေးသာ ထားနေပါတဲ့ ဒကာဒကာမတို့၊ မသေရာ၊ နိဗ္ဗာန်သို့ ရောက်ကြောင်း အစစ်ပဲတဲ့ (မှန်ပါ)

သတိကလေး လွတ်သွားလို့ ရှိရင်ဖြင့် အဖန်ဖန် သေခြင်း၏ အကြောင်းတဲ့ (မှန်ပါ)။

ဒါဖြင့် ဘာအရေးကြီးသတုံး (သတိအရေးကြီးပါတယ် ဘုရား)။

Do not think I am just using eloquent words to scare you. I dare to speak this boldly only because the Pali Canon exists to support it. (True, Sir). “Appamādo amataṃ padaṃ.” The mindful person travels the true path to the Deathless Nibbana. Just keep your Mindfulness, Yogis. It is the true path. (True, Sir). If Mindfulness slips, it is the cause of repeated death. (True, Sir). So, what is important? (Mindfulness is important, Sir).

မမေ့မလျော့တဲ့ပုဂ္ဂိုလ်နိဗ္ဗာန်ရောက်မယ်

The Mindful Never Die

‘‘အပ္ပမတ္တာ နမိယန္တိ။’’ အပ္ပမတ္တာ - မမေ့မလျော့တဲ့ ပုဂ္ဂိုလ်တို့သည်၊ န မိယန္တိ - မသေနိုင် ကြကုန်။

မမေ့မလျော့တဲ့ ပုဂ္ဂိုလ်ဟာ ဘယ်တော့မှ မသေနိုင်တဲ့ နိဗ္ဗာန် ရောက်မယ်။ (မှန်ပါ)

နောက်ဘယ်တော့မှ မသေတော့ဘူး။ သေစရာ မရှိတော့ဘူး။ သတိထား နေတဲ့ ပုဂ္ဂိုလ်ဟာ ဘယ်တော့မှ မသေဘူးတဲ့ (မှန်ပါ့)။

“Appamattā na mīyanti.” The mindful do not die. The mindful person will reach Nibbana, where death never occurs again. (True, Sir). There is no more death for them. The mindful person never dies. (True, Sir).

သတိထားတော့ ဝေဒနာရဲ့ ဖြစ်ပျက်တွေ့တယ်

Seeing with Insight

ဝေဒနာ ပေါ်တိုင်း ပေါ်တိုင်း သတိထား နေတော့ ဝေဒနာ ဖြစ်တာ ပျက်တာ ကလေးတွေဟာ မတွေ့ပေဘူးလား (တွေ့ပါ တယ် ဘုရား) ပျက်တိုင်း ပျက်တိုင်း တွေ့တယ် ဆိုတာ ဉာဏ်နဲ့ တွေ့တာ (မှန်ပါ့)

အဲဒီဉာဏ်နဲ့ တွေ့တယ် ဆိုကတည်းက၊ ခုနင်က သေခြင်း၏ အကြောင်းဖြစ်တဲ့ တဏှာတွေ ဥပါဒါန်တွေ လာသေးရဲ့လား (မလာပါဘူး) ကဲ မပေါ်သေးဘူးလား (ပေါ်ပါပြီ)။

When you are mindful of Feeling, do you not see its Arising and Passing Away? (We see it, Sir). You see it with your Insight Knowledge. (True, Sir). Because you see it with Insight, the causes of death—Craving (Taṇhā) and Clinging (Upādāna)—cannot enter. (No, they cannot, Sir). Is that clear? (Yes, Sir).

သေချင်သေးလို့လုပ်တဲ့ပုဂ္ဂိုလ်

Chasing Death

ပေါ်လာပြီ ဒကာဒကာမတို့ အင်မတန် အရေးကြီးလို့ ပြောပါတယ် (မှန်ပါ) အဲဒီတော့ ခင်ဗျားတို့ သားရေး သမီးရေး စီးပွားရေး ဆွေရေး မျိုးရေး လုပ်နေတဲ့ ပုဂ္ဂိုလ်ဟာ ဝေဒနာနုပဿနာ မရှုဘူး၊ သတိပဋ္ဌာန်လက်လွတ်တဲ့အတွက် သေ ခြင်း၏ အကြောင်းကို လိုက်နေကြတာပဲ (မှန်ပါ)။

It is clear now. Yogis, I say this because it is vital. (True, Sir). Those of you consumed by family affairs, social obligations, and business matters—you are not practicing Vedanānupassanā. Because you have let go of Satipaṭṭhāna, you are actively pursuing the cause of death. (True, Sir).

သားရေး သမီးရေး စီးပွားရေးလိုက်တဲ့ ပုဂ္ဂိုလ်သည် သားရေး သမီးရေး စီးပွားရေး လိုက်တာလား၊ သေခြင်း၏ အကြောင်းကို လိုက်နေတာလား (သေခြင်း၏ အကြောင်းကို လိုက်နေတာပါ ဘုရား)

အဲ သေချင်သေးလို့ လုပ်နေတာ။ တိုတို ပြောလိုက်တော့ (မှန်ပါ) သေချင်သေးလို့ လုပ်နေ တာသည် ခင်ဗျားတို့ ဘယ်အလုပ်တွေတုံး ဆိုတော့ ခင်ဗျားတို့ သားရေး သမီးရေး စီးပွားရေး လုပ်နေတဲ့ ပုဂ္ဂိုလ် (မှန်ပါ)။

Are those people chasing family and business, or are they chasing the cause of death? (They are chasing the cause of death, Sir). To put it briefly: They are doing it because they still want to die. (True, Sir). Those busy with family and business are the people who still want to die. (True, Sir).

မသေအောင်လုပ်တဲ့ပုဂ္ဂိုလ်

Working for the Deathless

ဝိပဿနာ အလုပ်ကို သတိထားလုပ်နေတဲ့ ပုဂ္ဂိုလ်က - တော့ မသေအောင် လုပ်နေတဲ့ ပုဂ္ဂိုလ် (မှန်ပါ)။

ဒါဖြင့် ခင်ဗျားတို့ ပြောင်းပြန်ကြီး ဖြစ်နေပြီ (မှန်ပါ)။ သားရေး သမီးရေး စီးပွားရေး လုပ်နေ တော့သည် ဒကာဒကာမ တို့ အဖန်ဖန် သေချင်သေးလို့ (မှန်ပါ့)

သတိပဋ္ဌာန် အလုပ် လက်လွတ်နေခြင်းသည် အဖန်ဖန် သေချင်သေးလို့ (မှန်ပါ)

သတိပဋ္ဌာန် လက်လွတ် မနေတဲ့ ပုဂ္ဂိုလ်သည် အဖန်ဖန် မသေရ တော့ဘူး၊ မသေရာ နိဗ္ဗာန် ရောက်ကြောင်းလို့ ဘုရားက ဟောလိုက်သေးတယ် (မှန်ပါ့)

ကိုင်း ဘယ်လောက် အဖိုး တန်သလဲ (တန်သွားပါတယ် ဘုရား)။

The person practicing Vipassana with Mindfulness is working to never die again. (True, Sir). So, your priorities are upside down. (True, Sir). If you are busy with family and business, you are saying, "I want to die again and again!" (True, Sir). Letting go of Satipaṭṭhāna means you want to die again and again. (True, Sir). The person who does not let go of Satipaṭṭhāna will never die again; the Buddha taught that this is the path to Nibbana. (True, Sir). How valuable is this? (It is priceless, Sir). Mindfulness (Sati) is even more important than Effort (Viriya).

ဝီရိယထက် သတိက ပိုအရေးကြီးတယ်

ဒါကြောင့် ဒကာ ဒကာမတို့ မနေ့က ဝီရိယ ကိုတော့ ဘုန်းကြီးက အသားယူပြီး သကာလ အမျိုးမျိုး အဖုံဖုံ ဘုန်းကြီး က ဘုရားဟော ပါဠိတွေနဲ့ ပြောလိုက်ပါတယ်၊ (မှန်ပါ) သို့သော် သူ့ထက် ပိုမိုပြီး သတိ အရေးကြီးတယ် (မှန်ပါ)။

Yesterday, I emphasized Effort (Viriya), citing various Pali canons. (True, Sir). However, Mindfulness (Sati) is even more critical than that. (True, Sir).

ဒါကြောင့် ပါဠိတော်ကို ကြည့်ပါ။ ဟုတ်လား စာအုပ် ကို ကြည့်ကြပါ။ သတိပဋ္ဌာန် စာအုပ်လို့ ရေးထားတယ်။

Look at the Pali texts. Look at the book titles. It is written as the "Book of Satipatthana."

မောင်ထွန်းလှိုင် ဘယ်လိုဖတ်မိသတုံးကွာ၊ (သတိပဋ္ဌာန်စာအုပ် ပါ ဘုရား) သတိ အရေးကြီး လို့ပေါ့ကွာ (မှန်ပါ)

Maung Htun Hlaing, how do you read it? (It is the Book of Satipatthana, Sir). It is because Mindfulness is the key. (True, Sir).

ဝီရိယပဋ္ဌာနံ စာအုပ်ရယ်လို့ လာရဲ့ လား (မလာပါဘူး) မလာဘူး မလာဘူး ကိုထွန်းအောင်။ သတိ အရေးကြီးလို့ပေါ့ (မှန်ပါ့)။

Does it say "Book of Viriyapatthana"? (No, it does not, Sir). It does not, Tun Aung. Because Mindfulness is crucial. (True, Sir).

ဘုရားသခင်ကိုယ်တော်မြတ်ကလည်း ‘‘စတ္တာရော သတိပဋ္ဌာနာ’’ တဲ့ မောင်ထွန်းရင်ရေ လာပြန်ပြီ (မှန်ပါ) ဘာလာ သတုံး - (စတ္တာရော သတိပဋ္ဌာနာ)၊

Even the Lord Buddha declared, "Cattāro Satipaṭṭhānā." Maung Htun Yin, here it comes again. (True, Sir). What comes? (Cattāro Satipaṭṭhānā).

စတ္တာရော သတိပဋ္ဌာနတဲ့။ သတိပဋ္ဌာန်က အရေးကြီးတယ်နော်၊ သတိပဋ္ဌာန် တရား လေးပါး အရေးကြီးတယ်နော် မပြောဘူးလား (ပြောပါတယ်)။

It means the Four Foundations of Mindfulness. Mindfulness is essential. Did He not say the Four Foundations are essential? (He did, Sir).

ဒကာ ဒကာမတွေကသာ သတိ ဆိုတာ သာမည အောက်မေ့နေကြတယ်၊ ဘုရားသခင် ကိုယ်တော်မြတ်ကြီး ကတော့လည်း သတိကို အရေးတကြီး ပြောနေတယ် (မှန်ပါ)၊ ကဲ ဉာဏ်ရောက် ကြပါလား (ရောက်ပါပြီ ဘုရား)။

You Yogis might think "Mindfulness" is just an ordinary word. But the Lord Buddha spoke of it with the utmost seriousness. (True, Sir). Has this entered your understanding? (Yes, Sir).

ဒါဖြင့် ဒကာ ဒကာမတို့ ခုနင်ကပြောခဲ့တဲ့ သဘောတွေ သာ မှတ်ကြပါတော့နော် (မှန်ပါ) မှတ်ကြပါတော့။

So, mark this well. (Yes, Sir).

မသေသင့် ဘဲနဲ့သေ၊ ခလုတ်မတိုက်သင့်ဘဲနဲ့တိုက်၊ အပါယ် မရောက်သင့် ဘဲနဲ့ ရောက်ရတာဟာ ဒကာ ဒကာမတို့ ဘယ်သူတုံး (သတိ လက်လွတ်လို့ပါ ဘုရား)၊ သတိလွတ်တဲ့ ပုဂ္ဂိုလ် ချည်းပဲ (မှန်ပါ)။

Who are the ones who die untimely deaths? Who are the ones stumbling and colliding when they shouldn't? Who are the ones falling into the Lower Realms (Apaya) when they shouldn't? (Those who lack Mindfulness, Sir). Indeed, it is only those devoid of Mindfulness. (True, Sir).

အဲဒါကြောင့် သတိ လွတ်လိုက်ပြီဆိုတဲ့ တစ်နေ့ကျလာ လို့ရှိရင်ဖြင့် ဒကာသိုက်ရေ ယခုဘဝ ဘဝ သေခြင်းဆိုး (မှန်ပါ) အပါယ်ကျ လို့ရှိရင် နေခြင်းဆိုး (မှန်ပါ)။

Therefore, on the day you lose your Mindfulness, consider your death in this life a "Bad Death." (True, Sir). And if you fall into the Lower Realms, it will be a "Bad Existence." (True, Sir).

ဝေဒနာပေါ်တိုင်း မမေ့စေနဲ့

Do Not Forget Whenever Feelings Arise

ဒါဖြင့် ဒကာ ဒကာမတို့ကို ဝေဒနာ ပေါ်တိုင်း ပေါ်တိုင်း မမေ့စေနဲ့ ဆရာဘုန်းကြီးက မှာတာဗျား ခင်ဗျား တို့ကို မသေတဲ့ဆီပို့နေတာ (မှန်ပါ)၊ ခင်ဗျားတို့က ဆရာဘုန်း ကြီးကတော့ ဟောရှာပါရဲ့ - လုပ်မနေနဲ့ သေချင်တဲ့ အသံကြီး ထွက်မလာခဲ့နဲ့ (မှန်ပါ) ရိပ်မိပလား (ရိပ်မိပါပြီ)။

That is why I instruct you: Whenever a Feeling (Vedana) arises, do not forget to be mindful. I am guiding you toward the Cessation of Death. (True, Sir). Do not just say, "Oh, the Sayadaw preaches so well," while failing to practice. Do not let me hear the cry of someone wanting to die! (True, Sir). Do you grasp this? (We grasp it, Sir).

ခင်ဗျားတို့က အင်း ဆရာဘုန်းကြီးကတော့ ဟော ရှာပါတယ်။ ကိုယ့်ကိုယ်က ကိုယ့်ကိုယ်က ဆိုပြီး သကာလ တစ်ခါ တည်း မလုပ်ဖြစ်ဘူး ဘက်ကို လှည့်သွားတယ် (မှန်ပါ့)၊ ကိုယ့် ကိုယ်က မလုပ်ဖြစ်ဘူး ဆိုတော့ ကိုယ့်ဟာကိုယ် ဆုံးဖြတ်ချက်ချ။

You say, "The Sayadaw preaches well," but then you turn away and say, "I can't do it myself." If you say you cannot do it, make your own decision about your fate.

ဪ နင်မိုက်ပုံကဖြင့် နင်အဖန်ဖန် သေချင်လို့ ဆိုတဲ့ အဓိပ္ပါယ်က မရောက်သေးဘူးလား (ရောက်ပါတယ်)။

Oh, if you are that foolish, does it not mean you want to die again and again? (It does, Sir).

ဆားမပါရင် ဘယ်ဟင်းမှ မကောင်းဘူး

Without Salt, No Curry is Good

ကဲ ဒါဖြင့် ဒကာ ဒကာမတို့ ဘာအရေးကြီးနေ တယ်ဆိုတာ ပေါ်လာကြပါလား (ပေါ်ပါပြီ) ဘာအရေးကြီးသတုံး (သတိအရေးကြီးပါတယ်)

Now, is it clear what is most important? (Yes, it is, Sir). What is it? (Mindfulness is important, Sir).

ဒကာသိုက်ရေ သတိဟာ အလုံးစုံတို့ထက် ပိုမို အရေးကြီးတယ် (မှန်ပါ့) ချက်ချင်တဲ့ ဟင်း ချက်ပါ၊ ဆားမပါရင် ဘယ်ဟင်းမှ မကောင်းဘူး။ ဘယ်လောက် အဘိုးတန်တဲ့ ဟင်းချက်ချက် မကောင်းဘူး။ (မှန်ပါ့)

Daw Thike, Mindfulness is more important than anything else. (True, Sir). Cook whatever curry you like; without salt, no curry tastes good. No matter how expensive the ingredients, it will not be good. (True, Sir).

ဒီဟာလည်း ဘယ်အလုပ်ကို လုပ်နေနေ ဒကာဒကာမတို့ သတိ မပါလို့ရှိရင် ဘယ်အလုပ်မှ မပြီးဘူးသာ အောက်မေ့ကြ (မှန်ပါ့) ပြီးနိုင်သေး ရဲ့လား (မပြီးနိုင်ပါဘူး)

Similarly, whatever task you undertake, if Mindfulness is absent, consider that task unfinished. (True, Sir). Can it ever be complete? (No, Sir).

ဆားမပါတဲ့ဟင်း ဘယ်ဟင်းမှ မကောင်း သလို၊ သတိမပါတဲ့ အလုပ်သည် ဘယ်အလုပ်မှ မကောင်း (မှန်ပါ့) မအောင်မြင်တော့ဘူးလို့ မဆိုထိုက်ဘူးလား (ဆိုထိုက် ပါတယ်)။

Just as curry without salt is tasteless, work without Mindfulness is worthless. (True, Sir). Is it not fair to say it will not succeed? (It is, Sir).

သတိလွတ်ကင်းလို့ ဖြစ်ကြရတာ

Beings Exist Because of Lost Mindfulness

အေး ဒါကြောင့် သတိဟာ အရေးကြီးလိုက်တာ၊ ကျောင်းဝင်ရင် ဟိုကျောင်းလည်း ခွေးတွေနဲ့၊ ဒီကျောင်းလည်း ခွေးတွေနဲ့။ ဒီခွေးတွေ ဘယ်က လာတာပါလိမ့်။ သတိလွတ် ကင်းလို့ ခွေးဖြစ်လာ တာပဲ (မှန်ပါ့)၊ ရိပ်မိပလား (ရိပ်မိပါပြီ)

That is why Mindfulness is so vital. When you enter a monastery, you see dogs here and dogs there. Where did these dogs come from? They became dogs because they were devoid of Mindfulness. (True, Sir). Do you see it? (We see it, Sir).

ဟိုပုရွက်ဆိတ်တွင်းထဲက ပုရွက်ဆိတ်တွေဟာ ဘယ့်နှယ်ကြောင့် ပုရွက်ဆိတ် ဖြစ်လာတာ ပါလိမ့် (သတိ လွတ်ကင်းလို့ပါ ဘုရား) ဒီထဲ ငါးတွေ များလိုက်တာ ဆိုတာက ဘာပါလိမ့် (သတိ လွတ်ကင်းလို့ ဖြစ်လာတာပါ)။

Why did those ants in the anthill become ants? (Because they were devoid of Mindfulness, Sir). And all these fish in the water—what is the cause? (They came to be because of lost Mindfulness).

ဒါဖြင့် သတိလွတ်တဲ့ ပုဂ္ဂိုလ် အရေအတွက်ဟာ ခင်ဗျား တို့ လူဦးရေနဲ့ စာလိုက်လို့ရှိရင် ဘယ်သူက များသတုံး၊ (သတိ လွတ်တဲ့ ပုဂ္ဂိုလ်တွေ များပါတယ်)၊ လူ့ပြည် တစ်တိုင်းပြည်လုံး ဟာ သူတို့ တစ်တွင်းစာလောက် ခြတွင်းကြီး တစ်တွင်း စာလောက် ရှိတော့မပေါ့ (မှန်ပါ)။

So, if we compare the population of humans to those devoid of Mindfulness, who is more numerous? (Those devoid of Mindfulness are numerous, Sir). The entire human population is perhaps the size of a single hole, while the heedless are the size of a massive termite mound. (True, Sir).

အဲဒီတော့ ဪ သတိ လွတ်လို့ဖြစ်နေတဲ့ ပုဂ္ဂိုလ် တွေကို ရေတွက် ကြည့်လိုက်လို့ ရှိရင်ဖြင့် မရေတွက် နိုင်အောင် များတယ် ဆိုတာကော မပေါ်လာဘူးလား (ပေါ်လာပါတယ်)။

When you count those existing because of lost Mindfulness, does it not become clear that they are innumerable? (It does, Sir).

သတိလွတ်ချိန်များရင် ခြတွင်းထဲရောက်လိမ့်မယ်

If You Are Heedless, You Will Enter the Termite Mound

ကဲ တစ်ခါ ခင်ဗျားတို့လည်း သတိ လွတ်တဲ့အချိန် နဲ့ ဝေဒနာလေး ပေါ်တိုင်း ပေါ်တိုင်း သတိ လွတ်တဲ့အချိန်နဲ့ သတိရှိတဲ့အချိန်နဲ့ ဘယ်သူကများသတုံး (သတိလွတ်တဲ့ အချိန်က များပါတယ် ဘုရား) သွားပါလိမ့်ဦးမယ်၊ အဲဒီ ခြတွင်း ကြီးထဲ ရောက်ပါလိမ့်ဦးမယ် (မှန်ပါ)

Now, look at yourselves. Between the time you are mindful of arising Vedana and the time you are heedless, which is greater? (The time we are heedless is greater, Sir). Then you are heading there! You will end up in that massive termite mound! (True, Sir).

ရောက်မယ် ရောက်မယ် ခင်ဗျားတို့ ဒီလိုနေပုံနဲ့သာဖြင့် ရောက်ဖို့က များနေတယ် (မဖြစ် ချင်ပါ ဘုရား)၊ အဲ မဖြစ်ချင်ရင် သတိ မလစ်နဲ့လေ၊ (မှန်ပါ) သတိ လစ်လို့ရှိရင်တော့ မရဘူး (မှန်ပါ)။

You will arrive there. Judging by your current state, it is highly likely. (We do not want that to happen, Sir). Ah, if you do not want that, do not let your Mindfulness slip. (True, Sir). If it slips, there is no hope. (True, Sir).

သတိတော့ မလစ်ဘူး ဆိုတဲ့ဥစ္စာဖြင့် ဒကာဒကာမတို့ ဘုန်းကြီးကလည်း မလစ်စရာ နေရာတွေကို အမျိုးမျိုး အဖုံဖုံ ပေးထားတယ်။ မပေးဘူးလားဗျာ (ပေးပါတယ် ဘုရား)။

I have given you various methods to ensure Mindfulness does not slip. Have I not? (You have, Sir).

စားချင်လာတာ ဒုက္ခဝေဒနာပေါ်တာ

Wanting to Eat is Dukkha Vedana

စားချင်တယ်လို့ ပြောလိုက်တယ်၊ စားချင်တာသည် ကားလို့ဆိုလို့ရှိရင် ဆာလောင် မွတ်သိပ်လာတာ မဟုတ်လား (မှန်ပါ) စားချင်တယ် ဆိုရင်ဖြင့် ဒကာဒကာမတို့ သတိမလစ်နဲ့ အဲဒါ ဒုက္ခဝေဒနာ ပေါ်တာ (မှန်ပါ) ဟော ဆရာဘုန်းကြီးက သင်ထားပြီ။

You say, "I want to eat." Does "wanting to eat" not mean you are suffering from hunger? (True, Sir). If you want to eat, do not lose your Mindfulness. That is the arising of Suffering (Dukkha Vedana). (True, Sir). See? I have taught you this.

ရေသောက်ချင်တာ ဒုက္ခဝေဒနာ

Wanting to Drink is Dukkha Vedana

ဒကာသိုက်ရေ စားချင်တာဘာတုံး (ဒုက္ခဝေဒနာပါ ဘုရား) ဆာလောင် မွတ်သိပ်တာ ဘာတုံး (ဒုက္ခဝေဒနာပါ) ရေသောက်ချင်တာ ဘာတုံး (ဒုက္ခဝေဒနာ ပေါ်တာပါ)

Daw Thike, what is "wanting to eat"? (It is Dukkha Vedana, Sir). What is hunger? (Dukkha Vedana, Sir). What is "wanting to drink"? (It is the arising of Dukkha Vedana, Sir).

အဲဒါတွေ ခင်ဗျားတို့က သတိ လစ်လစ်ပြီး ရေသာ သွားသောက်တယ်၊ ဒုက္ခဝေဒနာကလေး ဖြစ်လို့ ပျက်တယ်လို့ သိကို မသိဘူး။ လစ်လိုက်တဲ့ သတိ ကလည်း မပြောနဲ့တော့၊ (မှန်ပါ့) ကြာတော့ ရေတောင် နင်ဦး မလိုလို ဖြစ်သေးတယ်၊ ခင်ဗျားတို့ ဟာလစ် လိုက်တဲ့ သတိကလည်း (မှန်ပါ) ရိပ်မိပလား (ရိပ်မိပါပြီ)။

Yet, you lose your Mindfulness and just go drink water. You do not know that a Dukkha Vedana has arisen and passed away. Your heedlessness is unspeakable. (True, Sir). Because of this, you might even choke on the water! That is how heedless you are. (True, Sir). Do you see? (We see, Sir).

ဆာလောင်တာဟူသ၍ ဒုက္ခဝေဒနာ

All Hunger is Dukkha Vedana

ရေသောက်ချင်တာ ဘယ်သူတုံး (ဒုက္ခဝေဒနာပါ ဘုရား) အဲဒါ သတိထားမိကြရဲ့လား (မထားမိပါဘူး) မိုးကြိုး ပစ်ပါလိမ့်မယ်၊ ခင်ဗျားတို့ သေခြင်းဆိုး သေပါလိမ့်။ ရိပ်မိပလား (ရိပ်မိပါပြီ)။

Who is it that wants to drink? (Dukkha Vedana, Sir). Did you notice that? (No, we did not, Sir). Then lightning will strike you! You will die a "Bad Death." Do you understand? (We understand, Sir).

ဝေဒနာပေါ်ရင် ပျက်တယ်လို့ ရှုပြီးမှသောက်

Observe the Passing Before You Drink

မောင်စိန်ထွန်းရေ ဆာလောင် မွတ်သိပ်တာ ဟူသ၍ ဘာ ဝေဒနာတုံး (ဒုက္ခဝေဒနာပါ) အဲ ဒုက္ခဝေဒနာ ကလေး ပေါ်လာပြီ၊ ပျက်တယ် ဆိုတာ ခင်ဗျားတို့ ရှုပါဦးလား၊ ပြီးတော့မှ ခင်ဗျားတို့ ရေသောက်ချင် သောက်တာပေါ့ (မှန်ပါ)။

Maung Sein Htun, what kind of feeling is hunger? (Dukkha Vedana, Sir). When that little Dukkha Vedana arises, observe that it passes away. Only then should you drink the water. (True, Sir).

အခုတော့ ရေတစ်နေ့ ဘယ်နှခါ သောက်သတုံး။ နွေခါ မို့ဘုရား တစ်နေ့ ၄-၅-၈ ခါတော့ သောက်ရတာပါပဲ။

လက်ဖက် ရည်ကကော။ လက်ဖက်ရည်ကလည်း တယ်မပြတ်ပါဘူး။ သတိရမိရဲ့ လားလို့ မေးတော့ ဒုက္ခဝေဒနာ ပေါ်တယ်လို့ သတိ ရမိရဲ့ လားဆိုတော့ ပန်းကန်သာ ကုန်သွားတယ်၊ ခင်ဗျားတို့က သတိ မရဘူး (မှန်ပါ့) ရိပ်မိပလား (ရိပ်မိပါပြီ)။

Currently, how many times a day do you drink? Since it is summer, perhaps 4 to 8 times. What about tea? That is frequent too. When I ask if you remembered to note it as Dukkha Vedana, the answer is no—only the cup is empty. You had no Mindfulness. (True, Sir). Do you realize this? (We realize it, Sir).

သေမင်းက ဒယ်အိုးထဲပို့တယ်

Death Sends You to the Frying Pan

အဲဒီအချိန်မှာ သေမင်းက ကိုင်း ခုနက ကြွက် သတိလစ် နေတဲ့နေရာ ကြောင်စောင့် ခုတ်သလို၊ ခင်ဗျားတို့ သတိ လွတ်တုံးမှာ သူက ခုတ်ချ လိုက်တာပဲ (မှန်ပါ့) အဲဒီ ခုတ်ချ လိုက်တာ ကျတော့ ခင်ဗျားတို့မှာ ကန့်လန့်ကန့်လန့် ပါပြီး သကာလ ဒယ်အိုးထဲ ရောက်ရတော့တာပေါ့ (မှန်ပါ့) ရိပ်မိ ပလား (ရိပ်မိပါပြီ)။

At that moment, just as a cat waits to pounce on a heedless mouse, the King of Death strikes while your Mindfulness is gone. (True, Sir). When he strikes, you are dragged kicking and screaming into the frying pan of Hell. (True, Sir). Do you see the danger? (We see it, Sir).

ဒါဖြင့် ဘုန်းကြီးတို့ ဒကာဒကာမတွေ သတိမလစ်ဖို့ အရေးဟာဖြင့် အထူးပဲ အရေးကြီး တော့တယ် ဆိုတာ မပေါ် လာသေးဘူးလား (ပေါ်လာပါပြီ ဘုရား)။

Does it not become clear that not losing Mindfulness is the most critical issue for you? (It is clear, Sir).

အေး ဒါဖြင့် ကြပ်ကြပ် သတိထားကြစမ်းပါ။ သတိ -မလစ်စေနဲ့။ ထမင်း စားတိုင်း စားတိုင်း ဘာဝေဒနာ ပေါ် သတုံး (ဒုက္ခဝေဒနာပေါ်ပါတယ်) ရေသောက်ချင်တိုင်း သောက်ချင်တိုင်း (ဒုက္ခဝေဒနာ ပေါ်ပါတယ်) လက်ဘက် စားချင်တိုင်း စားချင်တိုင်း (ဒုက္ခဝေဒနာ ပေါ်ပါတယ်) ဒုက္ခဝေဒနာ ပေါ်တယ် ဆိုတာ ရိပ်မိ ပလား (ရိပ်မိပါပြီ)။

So, please be strictly mindful. Do not let it slip. Whenever you eat, what feeling arises? (Dukkha Vedana arises, Sir). Whenever you want to drink water? (Dukkha Vedana arises, Sir). Whenever you want tea? (Dukkha Vedana arises, Sir). Do you realize that it is Dukkha Vedana arising? (We realize it, Sir).

သတိလစ်ပြီး မီးခြစ်ကိုပြောင်းပြန်ခြစ်တယ်

Heedlessness Leads to Striking the Match Upside Down

အေး ဒါဖြင့် အဲဒါတွေသည်ကားလို့ ဆိုရင်ဖြင့် ကိုယ့်လက်ဖက်နဲ့ ကိုယ်ဆေးလိပ်နဲ့ကို ဒေါ်ရွှေ တော်တော်နေရာ ကျမယ် (မှန်ပါ ဘုရား)၊ ဒုက္ခဝေဒနာတွေ တွေ့သွားမှာကိုး။

If that is the case, Daw Shwe, your tea and your cigars are perfect opportunities. (True, Sir). You will encounter Dukkha Vedana.

ဒုက္ခ ဝေဒနာတွေ့လို့ရှိရင်ဖြင့် မောင်စိန်ထွန်းရေ ဒုက္ခဝေဒနာ ပျက် သွားမယ်။ အပျက် တွေ့မှာပဲ (မှန်ပါ့) အခုတော့ မင်းတို့ သံဘူး တစ်ဘူးလောက်သာ ဆေးလိပ် ၅၀ ဘူး ကုန်ရင်သာ ကုန်သွား မယ်။ သတိက တစ်ခါမှ မပါဘူး (မှန်ပါ)၊ ကုန်တာတောင် မသိသေးဘူး၊ မေးယူ ရသေးတယ်၊ သတိများ မထားလိုက်တာ (မှန်ပါ)၊

Maung Sein Htun, when Dukkha Vedana arises, it will pass away. You will see the passing. (True, Sir). But now, you might finish a tin of fifty cigarettes without a shred of Mindfulness. (True, Sir). You don't even know they are finished; you have to ask for more. That is how unmindful you are. (True, Sir).

ပထမယူတုန်းက ဘယ်နှလိပ် ကျန်တယ်လို့ မသိဘူး၊ ကုန်ပြီလား မေးရသေးတယ်။ (မှန်ပါ) ဒီကတည်းက သတိက ပါသေးရဲ့လား (မပါပါဘူး) သတိ မပါတော့ တစ်ခါတလေ ကျ တော့ မီးခြစ်တောင် ပြောင်းပြန် ဖြစ်လိုက်သေးတယ် (မှန်ပါ) သတိက လွတ်လိုက်တဲ့ဖြစ်ခြင်း (မှန်ပါ့)။

You didn't know how many were left when you started, and you have to ask if they are gone. (True, Sir). Was there any Mindfulness from the start? (No, Sir). Because Mindfulness was absent, you sometimes even try to strike the match upside down! (True, Sir). That is the nature of heedlessness. (True, Sir).

ရဟန်းတစ်ပါးကို ဘုရားက ဆုံးမတယ်

The Buddha Admonishes a Monk

သတိ လွတ်လိုက်တဲ့ ဖြစ်ခြင်းသည်ကားလို့ ဆိုရင် ဒကာ ဒကာမတို့ အမှန်ကို ရောက်သေး ရဲ့လား (မရောက်ပါဘူး)

အဲဒါကြောင့် သတိသည်ကားလို့ဆိုရင် အထူးတလည် အရေး ကြီးတယ်ဆိုပြီး ဘုရားသခင် ကိုယ်တော်မြတ်ကြီးက “သတိ မလစ်နဲ့ဟ သတိမလစ်နဲ့ဟ” ဆိုပြီးတော့ ရဟန်း တစ်ပါးကို ဆုံးမတယ် (မှန်ပါ)။

When one is heedless, does one reach the Truth? (No, Sir). That is why the Lord Buddha, emphasizing the supreme importance of Mindfulness, admonished a monk: "Do not be heedless! Do not be heedless!" (True, Sir).

ဝေဒနာနုပဿနာပေးလိုက်တယ်

Giving the Practice of Vedananupassana

ဘယ်လို ဆုံးမလိုက်သတုံးလို့ မေးလိုက်တဲ့အခါကျတော့၊ ဘုရားသခင် ကိုယ်တော်မြတ်ကြီးက ဝေဒနာ နုပဿနာကို ရဟန်းတစ်ပါး ပေးလိုက်တယ် (မှန်ပါ) ဝေဒနာ နုပဿနာ ပေး လိုက်တယ်။

How did He admonish him? The Buddha gave that monk the practice of Vedanā-nupassanā (Contemplation of Feelings). (True, Sir). He said:

မင်း ဝေဒနာတွေ ပေါ်တိုင်း ပေါ်တိုင်း ဆာလောင် မွတ်သိပ်လည်း သိနော် စားချင်လည်းသိ၊ သောက်ချင် လည်း သိ။ အကုန်သိပေး။ ထ-တာလည်းသိ ကြွတာလည်းသိ၊ ကွေး တာလည်းသိ၊ ဆန့်တာ လည်းသိလို့ ဘုရားက ပေးလိုက်တယ်။ ဒါ ဝေဒနာချည်းပဲ မဟုတ်လား (မှန်ပါ့)။

"Whenever feelings arise—whether hunger, desire to eat, or desire to drink—know them. Know when you stand, know when you move, know when you bend, know when you stretch." The Buddha gave these instructions. Are these not all Vedana? (They are, Sir).

အဲ ကွေးချင်တယ်ဆိုကတည်းက ဒကာ ဒကာမတို့ ဆန့်တာဟာ ညောင်းလို့ မဟုတ်လား။ (မှန်ပါ့) ဆန့်တာက ဒုက္ခ ဝေဒနာ။ ကွေးချင် တာကလည်း ဝေဒနာ မပေါ်ဘူးလား (ပေါ်ပါ တယ်)

အကုန် မပေါ်တာကို ရှိသေးရဲ့ လား (မရှိပါဘူး)၊ မရှိဘူး အကုန် ပေါ်နေတာပဲ (မှန်ပါ) အဲဒါတွေကို မင်းကြပ်ကြပ်သတိ ထားလို့ ဘုရားက သတိပဋ္ဌာန်အလုပ်ကို တရားပေးလိုက်တယ်။

When you want to bend, is it not because stretching has become painful? (True, Sir). Stretching is Dukkha Vedana. Wanting to bend is also the arising of Vedana. Does it not arise? (It arises, Sir). Is there any moment when it does not arise? (No, Sir). It is always arising. (True, Sir). "Be strictly mindful of these," the Buddha said, giving him the practice of Satipatthana.

တောထဲမှာ သွားပြီးအားထုတ်တယ်

Practicing in the Forest

ကျောင်းတော်က နေပြီး ဘုရားက ပေးလိုက်တဲ့ အခါ ကိုယ်တော်ကလေးက တောထဲသွားပြီး အားထုတ်တယ်။ နေရာတိုင်းပဲ သတိ ထားတယ် (မှန်ပါ) သတိ ထားပေမယ့်လည်း တရားက နုပြီး သကာလ နေတော့ မောင်သစ် တရားဟာ မပေါ်လာဘဲ ဖြစ်နေတယ် ဒကာ ဒကာမတို့ (မှန်ပါ)။

After receiving the instruction, the monk went into the forest to practice. He was mindful in every posture. (True, Sir). But even with mindfulness, his wisdom was immature, and the Dhamma did not become clear to him. (True, Sir).

မပေါ်လာတာနဲ့ ဘုရားပေးလိုက်တဲ့ တရားတော်ဖြင့် နှစ်လ သုံးလရှိပြီ ကြိုးစားတယ်၊ ဘယ်လို မှလည်း မဂ္ဂင်အစစ် မပေါ်လာ။

မပေါ်လာတော့ ဘုရားဆီ သွားပြီး ကိုယ့်စရိုက်နဲ့ မတော်လို့လား၊ သို့မဟုတ် ဘာများ ချို့ယွင်းချက် ရှိလို့ပါလိမ့်မလဲ ဆိုပြီးတော့၊ သူ့စိတ်ထဲ သံသယရှိတာနဲ့ တောကျောင်းက နေပြီးတော့ ဘုရားကျောင်းတော် ရောက်အောင် ပြန်တာကိုးကွ။

ပြန်တဲ့အခါကျတော့ အခုလို နွေရာသီနဲ့တူပါ တယ်။ တောမီးတွေက တစ်ခါတည်း ကျောက်စရစ် တစ်ခုနဲ့ တစ်ခု၊ ဝါးတစ်ခုနဲ့ တစ်ခု စသည် ပွတ်ပြီး လောင်တာပေါ့ဗျာ (မှန်ပါ)။

Two or three months passed, yet the true Magga path did not appear. He began to doubt: "Is this not suited to my character? Is there some defect in my practice?" So, he left his forest abode to return to the Buddha. On his way back—it must have been summer like now—a forest fire broke out, caused by the friction of bamboo and stones. (True, Sir).

တောမီးကအားလုံးကို လောင်တယ်

The Forest Fire Burns Everything

မီးတွေထ လောင်ပြီး မီးတွေက သူ့အနား နီးနီးလာတာ နဲ့ တောင်ပေါ်တက် ပြေးတယ် (မှန်ပါ)၊ တောင်ပေါ်က နေပြီး ကြည့်နေတော့ သူ့စိတ်ထဲမှာက၊ ဪ ဒီမီးဟာ ကြည့်စမ်း မြက်ငယ် ကလေး တွေလည်း လောင်တာပဲ၊ မြက်ရှည် ကြီးတွေ လည်း လောင်တာပဲ။ သစ်ပင်တွေလည်း လောင်တာပဲ၊ အငယ် ရော၊ အလတ်ရော၊ အကြီးရော ဒီမီးဘာမှ မရှောင်ပါကလား၊ အကုန် လောင်တာ ပါကလား (မှန်ပါ)၊

သူ့စိတ်ထဲက ဒီလို အောက်မေ့နေတယ် (မှန်ပါ)။

As the fire raged and approached him, he ran up a mountain for safety. (True, Sir). Watching from the mountain, he reflected: "Oh, look at this fire. It burns the small grass. It burns the tall grass. It burns the trees. Small, medium, or large—this fire spares nothing. It burns them all." (True, Sir). He contemplated this deeply. (True, Sir).

သူ့ခန္ဓာကိုယ်ပြန်ကြည့်တယ်

Observing His Own Body

ဒါနဲ့ သူ့ခန္ဓာကိုယ် ပြန်ကြည့်တယ်၊ ပြန်ကြည့်တော့ ဪ ခန္ဓာကိုယ်ထဲမှာ ဝေဒနာနု ကလေးတွေလည်း ပျက်တာပဲ၊ ဝေဒနာ အလတ်စားတွေကော (ပျက်ပါတယ်)၊ ဝေဒနာ အကြီး တွေကော (ပျက်ပါတယ်)။

Then, he turned his gaze back to his own body. He saw: "Oh, within this body, small Vedana arise and perish. What about medium Vedana? (They perish, Sir). And the intense, large Vedana? (They perish too, Sir)."

မီးကို နမူနာထားတာကိုးဗျ (မှန်ပါ့) မီးဟာ ကြည့်စမ်း ဒကာ ဒကာမတို့၊ မြက်ငယ် ကလေးတွေကော မလောင်ဘဲနဲ့ ရှပ်သွားသလား (လောင်ပါတယ်)၊ မြက်လတ်တွေကော (လောင် ပါတယ်)၊ မြက်ကြီးတွေကော (လောင်ပါတယ်)၊

သစ်ပင်ငယ် တွေကော (လောင်ပါတယ်)၊ သစ်ပင် လတ်တွေကော (လောင်ပါ တယ်)၊ သစ်ပင် ကြီးကြီးတွေကော (လောင်ပါ တယ်)

He used the fire as an analogy. (True, Sir). Just as the fire does not merely singe the small grass but consumes it—(It burns it, Sir)—what about the medium grass? (It burns it, Sir). The large trees? (It burns them, Sir).

တောမီးသာ ဆိုရင် ဘယ်သူ့ရှောင်သေးသတုံး (ဘယ်သူ့မှ မရှောင်ပါဘူး)။ အကုန် ရှိသမျှ တောက်လျှောက် သိမ်းပြီး လောင်တာပဲ (မှန်ပါ့) တစ်ခါတည်း လေတိုက် သလို လောင်ချတာပဲ ဒကာသိုက် မြင်ဖူး ပါလိမ့်မယ်ဗျာ (မြင်ဖူးပါတယ် ဘုရား)၊ ဘာများ ချန်ထား ခဲ့သေးသလဲ (ဘာမှမချန်ခဲ့ပါဘူး ဘုရား)။

Does a forest fire spare anyone? (It spares no one, Sir). It sweeps through and consumes everything in its path. (True, Sir). Just like the wind-driven fire you have seen, Daw Thike. (Yes, Sir). Did it leave anything behind? (Nothing, Sir).

ဇရာ မရဏ မီးလောင်လို့ပျက်တယ်

Burned by the Fire of Aging and Death

မီးဟာ ဘာမှ မချန်ခဲ့သလို ဒီမှာလည်း ဉာဏ်ထဲမှာ ကြည့်လိုက်လို့ ရှိရင်ဖြင့်၊ ဒုက္ခငယ် ကလေးလည်း ဇရာ မရဏ မီးလောင်လိုက်တာ ပျက်သွားတာပဲ (မှန်ပါ့)

ဒုက္ခ အလတ်စား တွေကော (ပျက်သွားပါတယ်)။ ဇရာ မရဏ မီးလောင်လိုက် တာ ပျက်သွားတာပဲ။ သဘောကျပလား (ကျပါပြီ) ဒုက္ခကြီးတွေကော (ပျက်သွားတာပဲ) ဇရာ မရဏမီးလောင်ရင် ပျက် သွားတာပဲ (မှန်ပါ)၊

In the same way, when viewed with Insight: Small sufferings are burned away by the Fire of Aging and Death (Jara-Marana). (True, Sir). The medium sufferings? (They perish, Sir). Burned away by Aging and Death. Do you grasp this? (We do, Sir). And the great sufferings? (They perish). They are burned away by Aging and Death. (True, Sir).

အလိုလို ပျက်တာဟုတ်ရဲ့လား (မဟုတ်ပါ ဘူး)၊ ဇရာ မရဏမီးလောင်လို့ ပျက်တာချည်းပဲ (မှန်ပါ)။

Do they disappear on their own? (No, Sir). They perish because they are consumed by the Fire of Aging and Death. (True, Sir).

သူ့စိတ်ထဲအကုန်ထင်လာတယ်

It All Became Clear in His Mind

အဲဒီမှာ ဉာဏ်ကကြည့်ပြီး သူက ဟိုမီးတွေကြည့် လေလေ မြက်ငယ် ကလေးတွေ လောင်တာ ကြည့်။ မြက်ကြီး တွေ လောင်တာ ကြည့်။ မြက်လတ်တွေ လောင်တာကြည့်။ အကုန် လောင်တာ ပါလား အကုန်လောင်တာပါလား အကုန်လောင် တာပါလား။

As he watched the fire burning the small grass, the large grass, and the medium grass, realizing "It burns all, it burns all," he applied this to his own internal phenomena.

ဒီလိုပဲ ကိုယ့်သန္တာန်ကြည့်လိုက်တဲ့ ဝေဒနာကလေး တွေဟာလည်း ပေါ်စ ဝေဒနာ ကလေးတွေလည်း ပျက်သွား တာပဲ။ တော်တော် ကျင်စ ဝေဒနာကလေးလည်းပျက်၊ တော် တော်ကျင် လာတာကြီးလည်း ပျက်သွားတာပဲ။

အင်မတန် ကျင်လာတာကြီးတွေကော (ပျက်တာပါပဲ)။ ပျက်တာချည်းပဲ ဆိုပြီး သကာလ တောမီး အကုန် လောင်သလို သူ့စိတ်ထဲမှာ အကုန် ထင်လာတာကိုး (မှန်ပါ)။

The initial slight feelings perish. The feelings that start to ache perish. The aching itself perishes. What about the unbearable pain? (It perishes too). "It is all perishing!" Just as the forest fire consumes everything, this realization became vivid in his mind. (True, Sir).

မမေ့နဲ့ သတိနဲ့ ရှုနေလို့ဘုရားကမှာတယ်

The Buddha Instructions: Do Not Forget!

အဲဒီတွင် ဘုရားသခင် ကိုယ်တော်မြတ်က ငါ၏ တပည့်သားကဖြင့်၊ တောမီး နမူနာ ထားပြီး သကာလ ယခု ရှုလိုက် တာသည်ကားလို့ ဆိုရင်ဖြင့် သတိ မလွတ်တဲ့အတွက် အတော် ကလေး ခရီး ပေါက်လာပါပေါ့လား (မှန်ပါ)၊ ကျောင်းတော် ကနေ ကြည့်နေတယ် (မှန်ပါ)၊

At that moment, the Lord Buddha observed him from the monastery: "My disciple, taking the forest fire as an example, is observing. Because he has not lost his Mindfulness, he has made significant progress." (True, Sir).

အဝေးကြီး , အဝေးကြီး။ ကျောင်းတော်နဲ့ ဒီကိုယ်တော်ကလေး တောခုလပ်မှာ တောင် ပေါ်တက်ပြီး တောင်ပေါ်က နေပြီး မီးတွေကြည့်ပြီး ခန္ဓာတွေ ကြည့်နေတာနဲ့ဟာ အဝေးကြီး (မှန်ပါ)၊

အဲဒီတွင်မှ ဘုရားသခင် ကိုယ်တော်မြတ်ကြီးက “အပ္ပမတ္တာ သဒါ ဟောထ၊ သစိတ္တ မနုရက္ခထ” မမေ့နဲ့ပေါ့နော် မမေ့နဲ့။ သတိကလေး ကြည့်နေ သတိနဲ့ ကြည့်နေ ဟုတ်လား (မှန်ပါ)။

Although the monastery was far from the mountain where the monk stood watching the fire and his Aggregates, the Buddha projected His image and spoke: "Appamattā sadā hotha, sacitta manurakkhatha." "Do not forget! Keep watching with Mindfulness!" (True, Sir).

“သံယောဇနမဏုံ ထူလံ၊ ဂဟံ အဂ္ဂိံဝ ဂစ္ဆတိ” ဟင်း သံယောဇဉ်တွေကို မင်းရဲ့ သတိ ပညာ ကလေးတွေက အကုန် လောင်နေပြီကွ။

မင်းရှုနေတဲ့ ဥစ္စာသည် သံယောဇဉ် လောဘ အငယ် ကလေးတွေလည်း အကုန် လောင်နေပြီ။ ဒေါသငယ် ကလေးတွေလည်း အကုန် လောင်နေတယ်။

"Saṃyojanaṃ aṇuṃ thūlaṃ, ḍahaṃ aggīva gacchati." "Just as the fire burns everything, your Mindfulness and Wisdom are burning away the Fetters (Sanyojana). You are observing the small feelings, medium feelings, and large feelings perishing like the fuel in the fire. In doing so, the Fire of the Path (Magga) is burning away the small Defilements (Kilesa) within you. The Fire of the Path is consuming the medium Defilements."

မဂ်မီးကလောင်ပစ်လိုက်ပြီ

The Magga Fire Consumed It All

မင်းက ဝေဒနာ ကလေးတွေလည်း အသေး ကလေးတွေရှု၊ အလတ်ကလေးတွေရှု၊ အကြီးတွေ လည်းရှု၊ မီးလောင်သလို လောင်တာ ကလေးတွေ မင်းရှုနေတာနဲ့၊ မင်း သန္တာန်မှာ ကိလေသာ အငယ် ကလေးတွေလည်း မဂ်မီးလောင်ဟ။

ကိလေသာ အလတ်ကလေး တွေလည်း မင်းရှုနေတဲ့ မဂ်မီးက လောင်ပစ်လိုက်ပြီတဲ့။ ရိပ်မိပါလား (ရိပ်မိပါပြီ ဘုရား)။ ကိလေသာ အကြီးစားတွေလည်း မင်းရှုနေတဲ့မဂ်မီးက လောင် ပစ်လိုက်ပြီဟေ့ တဲ့။ ဘုရားက ကျောင်းပေါ် ကနေ ဟော နေတာကိုး (မှန်ပါ)။

"You are observing the small feelings, the medium, and the large. Just as you see the fire consuming them, the Fire of the Path is burning away the small Defilements in your continuity. The Fire of the Path is consuming the medium Defilements. Do you see it? (We see it, Sir). The Fire of the Path is burning away the massive Defilements!" The Buddha preached this from the monastery. (True, Sir).

ကိလေသာတွေ ဉာဏ်မီးကြောင့်လောင်ကုန်ပြီ

Defilements Burned by the Fire of Wisdom

ကိုင်း မောင်စိန်ထွန်း ဘယ့်လောက် အဖိုးတန်သလဲ (တန်ပါတယ် ဘုရား)၊ မင်းကြည့်နေတဲ့ မီးက မြက်ငယ်ကလေး တွေလည်း လောင်တယ်၊ မြက်ကြီးတွေလည်း လောင်တယ် သစ်ပင်ကြီး တွေလည်း လောင်တယ်လို့ မင်းရှုနေသဖြင့်

Now, Maung Sein Htun, how valuable is this? (Very valuable, Sir).

မင်း ကလည်း ဒါတွေ နမူနာထားပြီး ဝေဒနာ အငယ်ကလေးတွေ လည်း ပျက်တာပဲ၊ ဝေဒနာ အလတ်လည်းပျက်တာပဲ၊ ဝေဒနာ အကြီးလည်း ပျက်တာပဲ။ မင်းက ဒါတွေကိုဉာဏ်ကလေးနဲ့ ရှုနေတော့၊ မင်းရှုနေရင်း မတ္တနဲ့ ကိလေသာ အငယ်ကလေး တွေလည်း လောင်ပြီကွလို့ ဘုရားက သိမ်းဆည်း ပေးတယ် (မှန်ပါ)

"Just as you see the fire burning the small grass, tall grass, and big trees, you are seeing the small, medium, and large Vedana perishing. As you observe this with Insight, the small Defilements are burned to ash by the Fire of the Path. The medium Defilements are burned to ash.

မင်းရှုနေတဲ့အတွက် ကိလေသာ အငယ်စား ကလေး တွေလည်း မဂ်မီးက လောင်လို့ ပြောင်ပြီကွ။ ကိလေသာ အလတ် စားတွေလည်း မဂ်မီးက လောင်လို့ပြောင်ပြီကွ။

ကိလေသာ အကြီးစားတွေလည်း မင်းရှုနေတဲ့ ဉာဏ်မီးကြောင့် လောင်ကုန်ပြီကွ၊ ကြိုးစားလိုက် ကြိုးစားလိုက် ငါ၏ ချစ်သား ကြိုးစားလိုက်ဆိုပြီး ကျောင်းတော်က နေပြီး အားပေးတယ်။ (မှန်ပါ)။

The large Defilements are consumed by the Fire of Wisdom. Strive on! Strive on, my son!" The Buddha encouraged him from the monastery. (True, Sir). The Fire of the Path burns the small Defilements until they are gone. It burns the medium Defilements until they are gone. It consumes the large Defilements.

သတိထားပြီး ဉာဏ်အားနဲ့ရှုလိုက်တယ်

Mindfulness Coupled with Wisdom

ဒီကလည်း အကုန်ကြားပြီး နေတယ် (မှန်ပါ) ဒီက အကုန်ကြားပြီး နေတော့ ဘုရားကလည်း အားပေး၊ သူကလည်း ရှုအားက သတိထားပြီး ဉာဏ်အားနဲ့ ရှုလိုက်တဲ့ အခါကျတော့၊

The monk heard everything. (True, Sir). With the Buddha’s encouragement and his own strengthened Mindfulness and Wisdom, he continued to observe.

မောင်ထွန်းလှိုင် အဲဒီနေရာတင်ပဲ တောမီးပုန်းရင်း တောမီး ကာကွယ်ရင်း၊ တောမီးကြောင့် တောင်ပေါ် တက်ပြီး တောမီး နမူနာ ထားပြီးသကာလ ဝေဒနာ ဖြစ်ပျက်တွေကို ရှု ရှုပြီး သကာလ၊ ဝေဒနာ ဖြစ်ပျက်တွေကို ရှု ရှုပြီး သကာလ၊ ကိလေသာ အငယ်စား၊ အလတ်စား၊ အကြီးစားတွေရော မဂ်ဉာဏ်က အကုန် လောင်ပစ်တာကိုး (မှန်ပါ)

အဲဒီနေရာတွင်ပဲ ဒီကိုယ်တော် ရဟန္တာ ဖြစ်တယ် (မှန်ပါ) မောင်စိန်ထွန်း ဘယ်လောက် အဖိုးတန်တယ် ဆိုတာ သဘောကျပြီလား (ကျပါပြီ)။

Maung Htun Hlaing, right there—while sheltering from the fire, using the fire as an object of meditation, observing the arising and passing of Vedana—the Magga Wisdom completely consumed the small, medium, and large Defilements. (True, Sir). Right at that spot, the monk became an Arahant. (True, Sir). Maung Sein Htun, do you appreciate how valuable this is? (We do, Sir).

ဒီနေရာမှာပဲရဟန္တာဖြစ်သွားတယ်

He Became an Arahant Right There

ဒါကြောင့် ‘‘အပ္ပမတ္တာသဒါ ဟောထ၊ သစိတ္တမနုရက္ခထ၊’’ အလုံးစုံ မိမိစိတ်ကိုဖြင့် သတိနှင့် အမြဲစောင့်ရှောက် ကြစမ်းပါ။

မေ့လျော့တဲ့ သဘောကလေးနဲ့ဖြင့် နည်းနည်းမှ မနေလိုက် ကြပါနဲ့တဲ့ ဟုတ်လား (မှန်ပါ)၊

Therefore, "Appamattā sadā hotha, sacitta manurakkhatha." Always guard your own mind with Mindfulness. Do not remain with a heedless nature even for a moment. (True, Sir).

‘‘သံယောဇန မဏုံထူလံ၊ ဂဟံအဂ္ဂိံဝ ဂစ္ဆတိ’’တဲ့ အငယ် အကြီးဖြစ်တဲ့ သံယောဇဉ် တို့သည် ကားလို့ ဆိုရင်ဖြင့်၊ မြက်မီးလောင်လို့ ပြောင် သလိုရှုတဲ့ ဉာဏ်မီးကလည်း သံယောဇဉ် အကြီးရော အငယ်ရော အလတ်ရော ပြောင်ပါလိမ့်မယ်။ ကြိုးစားလိုက်စမ်းပါ ကြိုးစားလိုက် စမ်းပါလို့ ဘုရားကလည်း အားပေး၊ သူကလည်း သတိထား ရှုတော့ ဒီနေရာမှာပဲ ရဟန္တာဖြစ်သွားတယ်။

"Saṃyojanaṃ aṇuṃ thūlaṃ, ḍahaṃ aggīva gacchati." Just as the fire burns the grass, the Fire of Wisdom burns the Fetters—small, medium, and large. "Strive on! Strive on!" urged the Buddha. Because he observed with Mindfulness, he became an Arahant right there.

သတိရှေ့ထားပညာကနောက်ကလိုက်

Mindfulness Leads, Wisdom Follows

ဘယ်လောက် သတိ အရေးကြီးသတုံးတဲ့ (ကြီးပါ တယ်) အဲ သတိက ရှေ့သွားလိုက်တော့ ပညာကလည်း နောက်က လိုက်လာတာကိုး (မှန်ပါ)။

How important is Mindfulness? (Very important, Sir). When Mindfulness takes the lead, Wisdom follows behind. (True, Sir).

အဲဒီလို သတိကရှေ့ထား ပညာက နောက်ကလိုက်လာ တော့ ဒကာ ဒကာမတို့ ဒီကိုယ်တော် ကလေးမှာ တောထဲမှာ သုံးလလောက် အားထုတ်တာ တရားမရဘူး (မှန်ပါ)၊

လမ်းကျ မှ တောင်မီးလောင်လို့ တောမီး နမူနာ ထားပြီးတော့ ရှုလိုက် တာနဲ့၊ ခန္ဓာထဲက ကိလေသာ ဆိုတဲ့ တရားတွေဟာ အကုန် လောင်ကျွမ်းပြီး သကာလ ရဟန္တာ ဖြစ်သွားတယ်။

When Mindfulness led and Wisdom followed, the monk—who had struggled for three months in the forest without success—finally succeeded. On the road, by using the forest fire as an example, he observed the internal phenomena. The Defilements within the Aggregates were consumed, and he became an Arahant.

လောင်ပြီဟေ့ကြပ်ကြပ်ရှုပေး

It Is Burning! Observe Strictly!

ဘုရားက ကျောင်းတော်ကနေပြီး လောင်ပဟေ့ မင်းကြပ်ကြပ်ရှုပေး။ မင်းရှုတဲ့ ဉာဏ်ကလေးက ကိလေသာ အငယ်စားလည်း လောင်ပြီကွ ကိလေသာအကြီးစားတွေ လည်း ပြောင်ပြီပေါ့။ မလျှော့လိုက်နဲ့ သတိကလေး ကြပ်ကြပ် ထားရှုကွ လို့ဆိုပြီး ဘုရားက ကျောင်းတော်က နေပြီး ဒီကိုယ်တော်ကလေး ကြားနိုင်အောင် ဟောတော်မူတာကိုး (မှန်ပါ)။

The Buddha called out from the monastery: "It is burning! Watch closely! Your Wisdom is burning the small and large Defilements. Do not slacken! Observe with strict Mindfulness!" (True, Sir).

အဲဒီကိုကြားလောက်အောင် ဟောတော့ ငါလုပ်နေတဲ့ အလုပ်ဟာ သိပ်မှန်တာပဲ၊ သတိထားတဲ့ အလုပ်ဟာ သိပ်မှန်တာပဲ။ သတိထားတာသည် မသေရာ သွားတာ။ သတိလွတ်လို့ ရှိရင် သေရာ သွားလိမ့်မယ်။ သတိ လွတ်လို့ရှိရင် သေရာသွား လိမ့်မယ်။

Hearing this, the monk realized: "My practice is truly correct. The work of Mindfulness is truly correct. Mindfulness leads to the Cessation of Death. Heedlessness leads to Death."

သတိနဲ့ပညာနဲ့တွဲပြီးလွှတ်လိုက်တယ်

Combining Mindfulness and Wisdom

သတိကိုပဲ သူက တစ်ခါတည်း မသေရာသွားတဲ့ သဘော ကိုပဲ ကြိုးစား လိုက်ပါတော့မယ် ဆိုပြီးတော့ သတိနဲ့ ပညာနဲ့တွဲပြီး လွှတ်လိုက်တော့ အငယ်စား ကိလေသာတွေကိုလည်း သတိ ပညာက လောင်ပစ်လိုက်။

He decided to pursue the nature of the Deathless through Mindfulness. He coupled Mindfulness with Wisdom and launched his effort. The combination burned away the small, medium, and large Defilements.

အလတ်စား ကိလေသာတွေကို လည်း သတိပညာက လောင်ပစ်လိုက်တော့၊ အကြီးစား လောင် တယ်ဆိုကတည်းက အရဟတ္တမဂ် မရသေး ဘူးလား (ရပါတယ်) အဲဒီမှာ ဒကာ ဒကာမတို့ ရဟန္တာဖြစ် သွားတယ်ဆိုတာ ရိပ်မိပလား (ရိပ်မိပါပြီ)။

Once the large Defilements were burned, did he not attain the Path of Arahantship? (He did, Sir). There, he became an Arahant. Do you see it? (We see it, Sir).

ဒါကြောင့် ဘုန်းကြီးတို့ ဒကာ ဒကာမတွေကလည်း ဘယ်ဝေဒနာ ပေါ်ပေါ် ဘာလုပ်ရမလဲ (သတိထားရပါ တယ်) သတိထားလို့ ရှိရင် အပျက် မတွေ့ပေဘူးလား (တွေ့ပါတယ်)။

Therefore, my Yogis, whatever Vedana arises, what must you do? (We must be mindful, Sir). If you are mindful, will you not see it pass away? (We will, Sir).

ဝိပဿနာဉာဏ်မဂ်ဉာဏ်ဆိုတာ

Vipassana Knowledge and Magga Knowledge

ကဲ သတိထားရင် အပျက် တွေ့တယ်ဆိုကတည်း က သတိထားလို့ အပျက်တွေ့တဲ့ ဉာဏ် ဆိုတာ သည်ကားလို့ဆို ရင် ဝိပဿနာဉာဏ် မဂ်ဉာဏ် ဆိုတာ အင်မတန် ထက်တဲ့ လောင်နိုင်တဲ့ မီးပါပဲ (မှန်ပါ)။

Since you see the passing away through Mindfulness, that knowing mind—the Insight Knowledge (Vipassana) and Path Knowledge (Magga)—is an incredibly sharp, consuming fire. (True, Sir).

ဝိပဿနာဉာဏ် မဂ်ဉာဏ်တည်းဟူသော မီးထူး မီးဆန်း ကြီး ရထားတဲ့ အခါကျတော့ ကိလေသာ အမှိုက်သရိုက်တွေဟာ မောင်ထွန်းလှိုင် လောင်တာပဲ (လောင်ပါတယ်) ရိပ်မိပလား (ရိပ်မိပါပြီ)။

When you possess this extraordinary Fire of Vipassana and Magga, Maung Htun Hlaing, the rubbish of Defilements gets burned away. (It gets burned, Sir). Do you grasp this? (We grasp it, Sir).

သတိသာထားရင် နိဗ္ဗာန်သို့ရောက်မယ်

ဒါဖြင့် သတိပညာ တည်းဟူသော မီးသည် ကိလေသာ အမှိုက်သရိုက်တွေကို လောင်စေ နိုင်သောကြောင့်၊ ကိလေသာ ရှိမှ သေရတာကို ဒကာ ဒကာမတွေ - ကိလေသာ အမှိုက် သရိုက်တွေ လောင်လိုက်သည် ဖြစ်လေ သောကြောင့် တို့ဖြင့် သတိသာ ထားလို့ ရှိရင်ဖြင့် ဘယ်တော့မဆို မသေရာ မှန် မြတ် နိဗ္ဗာန်သို့ သေသေချာချာ ရောက်မယ်ဆိုတာ တို့ဆုံးဖြတ်ချက် ချမယ်လို့ စိတ်ထဲမှာ ထားကြပါ (မှန်ပါ) ရိပ်မိပြီလား (ရိပ်မိပါပြီ)။

Therefore, the Fire of Mindfulness and Wisdom is capable of burning away the refuse of Defilements (Kilesas). Yogis, realize that one must undergo death only because these Defilements exist.

Since this fire incinerates the rubbish of Defilements, if you simply maintain this Mindfulness, you will most certainly attain the Cessation of Death—the Noble Nibbana. You must firmly resolve in your minds: "We will definitely reach it." (True, Sir).

Do you grasp this? (Yes, we do, Sir).

ကိုင်း ယနေ့ ဒီတွင်တော်ကြဦး။

Well, let us conclude here for today.

သာဓု သာဓု သာဓု။

Sadhu... Sadhu... Sadhu.