တရားတော်

book-186

ရုပ်ရည်ကတော့ချောပါရဲ့ အိုနာသေက ပါနေတယ်

ရုပ်ရည်ကတော့ချောပါရဲ့ အိုနာသေက ပါနေတယ်

Fair on the Outside, but Aging, Sickness, and Death are Within

အသံဖိုင်ခေါင်းစဉ်= အကြားအမြင်မရှိသော ပုထုဇဉ်များ၏ တွေးလုံး

စာအုပ်ခေါင်းစဉ်= ရုပ်ရည်ကတော့ချောပါရဲ့ အိုနာသေက ပါနေတယ်

Audio Title: The Reasoning of Worldlings Who Lack Insight

Book Title: Fair on the Outside, but Aging, Sickness, and Death are Within

ကျေးဇူးတော်ရှင်အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး အမပူရမြို့၌

ဟောကြားတော်မူသော တရားတော်

ရုပ်ရည်ကတော့ချောပါရဲ့ အိုနာသေက ပါနေတယ်

ဟောကြားသည့်နေ့

A Dhamma Discourse delivered by the Benefactor, Aggamahāpaṇḍita Venerable Mogok Sayadaw in Amarapura.

Date: 26th August 1958

(၂၆-၈-၅၈)

အကြားအမြင်မရှိတဲ့ ပုထုဇဉ်များ၏ တွေးလုံးလို့ မှတ်ထားရမယ် (မှန်ပါ ဘုရား) တွေးလုံး ချပြတာက ဘာပါ လိမ့် (အကြားအမြင်မရှိတဲ့ ပုထုဇဉ်များ၏ တွေးလုံးပါ ဘုရား)။

You must note this as the reasoning of Puthujjanas (worldlings) who lack instruction and insight. (Yes, Sir). What kind of reasoning is he exposing? (The reasoning of worldlings who lack insight, Sir).

အကြားအမြင်မရှိသူတို့၏တွေးလုံး

The Reasoning of the Uninstructed

အကြားအမြင်မရှိသော ပုထုဇဉ်များ၏ တွေးလုံးလို့ မှတ်ထားပါ (မှန်ပါ ဘုရား) အကြားအမြင် မရှိသော ပုထုဇဉ်များ၏ တွေးလုံးလို့ ဒီဃနိပါတ်အင်္ဂုတ္တိုရ် မှာ ဘုရားသခင် ကိုယ်တော်မြတ်ကြီးက ဟောတော်မူတယ်။

အဲတော့ ဒီဥစ္စာ ဘယ်လိုအကြားအမြင်မရှိတဲ့ ပုဂ္ဂိုလ်လဲလို့ ဒကာ-ဒကာမတွေက အမေး ထုတ်လိမ့်မယ် (မှန်ပါ ဘုရား)။

Mark this well: these are the thoughts of ordinary people who have never truly heard or seen the Dhamma. The Supreme Buddha preached this in the Aṅguttara Nikāya. Now, you Yogis might ask, "What kind of uninstructed person thinks like this?" (Yes, Sir).

၁။ ရေဘေး

1. The Fear of Floods

သူတို့ကြံဖန်ပြီးတွေးကြတယ်တဲ့၊ အမေ မိဖတွေက ဪ ရေများလွှမ်းမိုးလာလို့ရှိရင်ဖြင့် မိုးတွေသည်းထန် စွာ ရွာပြီးသကာလ ရေတွေထဲ မျောပါများသွားမယ် ဆိုလို့ရှိရင်ဖြင့် ၊ အမေအဖေ ကလည်း သားသမီးမကယ်နိုင် သားသမီးကလည်း အမေအဖေမကယ်နိုင် ဪ ဒီဥစ္စာလည်း ဒုက္ခပဲလို့ အကြားအမြင် မရှိတော့ ဒီလိုတွေးလေ့ ရှိတယ်၊ (မှန်ပါ ဘုရား)။ ဒီအတွေးကော မတွေးတတ်ပေဘူးလား (တွေး တတ်ပါတယ် ဘုရား)။

They conjure up worries and think like this: "Oh, if a great flood comes, if the rains pour down and we are washed away in the torrents, the parents cannot save their children, and the children cannot save their parents. Oh, this is such suffering!" Those without insight tend to think this way. (True, Sir). Is this not a common line of thinking? (It is, Sir).

၂။ မီးဘေး

2. The Fear of Fire

ကောင်းပြီ ဒါက ရေဘေးသင့်လို့ တွေးတယ်ပေါ့ဗျာ (မှန်လှပါ)။ အဲ မီးတွေတစ်မြို့လုံးလောင်ပြီး သကာလ လာပြန်လို့ ရှိရင်လည်း ဟိုကဝိုင်း ဒီကဝိုင်းနဲ့ ဆိုလို့ရှိ ရင်ဖြင့် ၊ အမေ အဖေကလည်း သားသမီး မကယ်နိုင်၊ သား သမီးကလည်း အမေအဖေ မကယ်နိုင်ဘူး၊

အဲဒီလို ဒုက္ခများ တွေ့ ရမှာ၊ အလွန်ကြောက်စရာကောင်းတာပဲလို့ ၊ အကြား အမြင်မရှိသော ပုထုဇဉ်ပုဂ္ဂိုလ်များက မီးဘေးနဲ့ ပတ်သက်လို့ တွေးလုံးထုတ်ပြန်သတဲ့ (မှန်လှပါ ဘုရား)။

That was the fear of water disasters. (Yes, Sir). Now, consider if a fire breaks out and consumes the whole city. Surrounded by flames on all sides, the parents cannot save their children, and the children cannot save their parents. They think, "To face such suffering is terrifying!" This is how ordinary worldlings weave their worries regarding fire. (True, Sir).

၃။ သူပုန်ဘေး

3. The Fear of Conflict

တစ်ခါ သုံးနံပါတ်က အကြားအမြင်မရှိတဲ့ ပုထု ဇဉ်ပုဂ္ဂိုလ်များက ၊ သူပုန်တွေက မြို့မှာ လုကြမယ် ယက်ကြ မယ် ဆိုရင်ဖြင့် ၊ သားနဲ့ သမီးနဲ့ တကွဲတပြားစီ ပြေး ကြ လွှားကြ၊ သူ့ငါ မကယ်နိုင် ၊ ငါ့သူမကယ်နိုင်၊ အင်း-ဒီ လိုဖြစ်ရမှာလည်း ကြောက်စရာကြီးပါပဲ၊ မကယ်နိုင်တဲ့ အလုပ်တွေကလည်း တယ်များပါလားလို့ တွေးလေ့ရှိတယ်နော် (မှန်လှပါ ဘုရား)။

ရေဘေးနဲ့ တစ်ချက်တွေးလိုက်တယ် (မှန်လှပါ ဘုရား) မီးဘေးကော (တွေးပါတယ် ဘုရား) အေး သူပုန် ဘေးတွေနဲ့ကော (တွေးလိုက်ပါတယ် ဘုရား)။

ဒါအကြားအမြင်မရှိတဲ့ ပုထုဇဉ်များ၏ တွေးလုံးတဲ့ ဒကာကြွယ်ရေ၊ ဒီတွေးလုံးဆိုပါလား (မှန်လှပါ ဘုရား)။

အကြားအမြင်မရှိသော ပုထုဇဉ်ပုဂ္ဂိုလ်တို့၏ တွေးလုံးလို့ မှတ်လိုက်စမ်းပါ (မှန်လှပါ ဘုရား)။

အဲတော့-ငါဘုရားရှင်ကိုယ်တော်မြတ်ကြီးက ဟော လိုက်ပါတယ်ကွာ၊ မင်းတို့ ရေဘေး သင့်တယ် ဆိုပေမယ့်လည်း ကံကောင်း အကြောင်းသင့်ရင်၊ အမေအဖေနဲ့ သားသမီးများဟာ တစ်နေရာရာတွင် နေပြီး တွေ့နိုင်သေးတာပဲ (မှန်လှပါ ဘုရား)။

Thirdly, uninstructed worldlings worry about conflict. "If insurgents loot and ravage the city, my son and daughter will flee in one direction, and I in another. We will be scattered. I cannot save him, and he cannot save me. Oh, it is terrifying to face a situation where we are helpless!" They think like this, do they not? (Yes, Sir). They worry about floods. (Yes, Sir). They worry about fires. (Yes, Sir). They worry about the dangers of insurgents and war. (Yes, Sir). U Kywe, this is the reasoning of those who lack insight. Is this not how they think? (It is, Sir). Please mark this clearly: This is the reasoning of the Uninstructed Worldling. (Yes, Sir). But then, my Lord, the Supreme Buddha, declared: "Listen! Even if a flood occurs, if your Kamma is good and fortune favors you, parents and children can still find each other and reunite somewhere." (True, Sir).

ပြန်ပြီးတွေ့နိုင်သေးတယ်

Reunion is Still Possible

တွေ့ကြသေးတယ်ကွတဲ့ ကံကောင်းအကြောင်းသင့်တဲ့ အခါ သဘောကျပလား (ကျပါပြီ ဘုရား) မီးဘေးသင့် တော့လည်း ထို့အတူပဲတဲ့ ပြေးကြ၊ လွှားကြ၊ တကွဲတပြားစီ ဒီနေကြငြား သော်လည်းတဲ့ ၊ ကံကောင်း အကြောင်းသင့်လို့ ရှိရင်ဖြင့်၊ အမေနဲ့သားသမီး၊ အဖေနဲ့သားသမီး တွေ့နိုင်သေး တယ်ကွ (မှန်လှပါ ဘုရား)။။

အဲတော့ သူပုန်တွေက မြို့ထဲလုကြယက်ကြ ခုတ်ကြ ထစ်ကြ၊ ဒီကဲ့သို့ရှိငြား သော်လည်း၊ အင်း-ကိုယ်လမ်းပေါက် ကိုယ် ဦးတည့်ရာ ပြေးကြငြားသော်လည်း၊ ကံကောင်း အကြောင်းသင့်တဲ့ အခါကျလို့ရှိရင်ဖြင့် ဒကာသိုက် တွေ့နိုင်သေးတယ် (မှန်လှပါ ဘုရား)။

"They can still meet, if fortune favors them." Do you grasp this? (Yes, Sir). The same applies to fire. You may run, flee, and be scattered in different directions. Yet, if your Kamma is good, mothers and sons, fathers and daughters—they can still find each other. (True, Sir). Even when insurgents loot, kill, and destroy the city, and everyone flees for their lives in different directions, if fortune favors you, U Thike, you can still meet again. (True, Sir).

တွေ့နိုင်တာသုံးမျိုး

Three Kinds of Reunions

တွေ့နိုင်တာ ဘယ်နှစ်မျိုးပါလိမ့် (သုံးမျိုးပါ ဘုရား) မီးဘေးသင့်လည်းတွေ့နိုင်တယ်ပေါ့ဗျာ (မှန်လှပါ ဘုရား) ရေဘေးသင့်လည်း (တွေ့နိုင်ပါတယ် ဘုရား) ကံကောင်း အကြောင်းသင့် လို့ရှိရင်ပေါ့ဗျာ။

အင်း-သူခိုး ဓါးပြဘေးတွေ့ရင်ကော (တွေ့နိုင် ပါတယ် ဘုရား) အကုန်တွေ့နိုင်တာပဲတဲ့၊ အဲဒါ အကြားအမြင် မရှိတဲ့ ပုထုဇဉ်တို့၏ တွေးလုံးလို့ မှတ်လိုက်စမ်းပါ (မှန်လှပါ ဘုရား)။။

သေသေချာချာ ငါဘုရားရှင်ကိုယ်တော်မြတ်ကြီးက အမေက၊ သားသမီးမကယ်နိုင်၊ သားသမီးက အမေမကယ်နိုင် ဆိုတဲ့၊ တွေးလုံးအစစ်ကိုတော့ သူတို့က မရောက်ကြဘူးပေါ့ (မှန်လှပါ ဘုရား)။

တွေးလုံးအစစ်က မရောက်ဘူးတဲ့ (မှန်ပါ ဘုရား) ဒကာ ဒကာမတို့ တွေးလုံးအစစ်တော့ ဒကာ ဒကာမတွေက မရောက်ဘူးဆိုပါလား (မှန်လှပါ ဘုရား)။

မရောက်ခဲ့ဘူးတဲ့ ဒကာသိုက်၊ တွေးလုံးအစစ်ကို တွေးစေချင်တယ် ဘုရားက (မှန်လှပါ ဘုရား)။

How many scenarios allow for reunion? (Three kinds, Sir). If you face fire, can you meet again? (Yes, Sir). If you face floods? (Yes, we can, Sir). Provided your Kamma allows it. What about thieves and bandits? (We can still meet, Sir). Indeed, reunion is possible in all these cases. So, mark this as the flawed reasoning of the uninstructed. (True, Sir). The Supreme Buddha pointed out that they have not yet reached the Genuine Reasoning—the realization of a situation where a mother truly cannot save her child, and a child truly cannot save the mother. (True, Sir). They haven't reached the real point. (No, Sir). Yogis, you haven't reached the genuine line of thinking yet. (True, Sir). U Thike, you haven't reached it. The Buddha wants you to think about the Ultimate Reality. (Yes, Sir).

တွေးလုံးအစစ်ကဘာပါလိမ့်

What is the Genuine Reasoning?

တွေးလုံးအစစ်က ဘာပါလိမ့်မလဲလို့ ဒကာ ဒကာမ တွေက မေးလို့ရှိရင် ဘုရားက ဟောရှာတယ် ၊ သားအိုလာ တာ အမေ့ရှေ့မှောက်တွင်ကော (မတတ် နိုင်ဘူး ဘုရား) ဪ အဲဒါ တွေးစေချင်တယ် (မှန်ပါ ဘုရား)။

ဘာတွေးစေချင်တဲ့တုံး ဒကာ ဒကာမတွေ သားအိုတာ အမေ့ရှေ့မှောက်ပဲ (မှန်လှပါ ဘုရား) တက်နိုင်ကြရဲ့လား (မတတ်နိုင်ပါဘူး ဘုရား) အမေအိုလာတော့လည်း သား ရှေ့မှောက်ပဲ (မှန်ပါ) အဲဒါ တွေးစေချင်တယ်ကွဆိုတော့ သစ္စာတွေးစေချင်တယ်လို့ ဒကာကြွယ်ပြောလိုက်တာ (မှန်လှပါ ဘုရား)။

If you ask what the genuine reasoning is, the Buddha preached it clearly: When the son begins to age right in front of his mother, can she prevent it? (She cannot, Sir). Oh, this is what He wants you to think about! (Yes, Sir). What does He want you to see? The son is aging right before the mother's eyes. (Yes, Sir). Can anyone stop it? (No, Sir). And when the mother ages, it happens right before the son's eyes. (True). "I want you to contemplate this," He says. U Kywe, He implies that He wants you to contemplate the Truth of Suffering (Sacca). (True, Sir).

သစ္စာတွေးစေချင်တာ

Contemplating the Truth

ဘာတွေးစေချင်တာပါလိမ့် (သစ္စာတွေးစေချင် တာပါ ဘုရား) သစ္စာတွေးစေချင်တယ် ဒါကတော့ အဟုတ် ကို ကံကောင်းအကြောင်းသင့်လို့ ကယ်နိုင်တာပါသေးလား (မပါပါဘူး ဘုရား) ဒါဟာက သာကြောက်စရာကောင်းပါလား ဒကာ ဒကာမတို့ (မှန်ပါ ဘုရား)။။

ဒါက ကံကောင်းအကြောင်းသင့်ဆိုတဲ့ ချွင်းချက်ပါသေး လား (မပါပါဘူး ဘုရား) သဘော ကျကြပလား (ကျပါပြီ ဘုရား)။

နာတာလာတဲ့ အခါကျလို့ရှိရင်လည်းတဲ့ ၊ အနာ ပေါက်ရောက်ပြီးသကာလ လာလို့ရှိရင်လည်း၊ အမေ အဖေက သားသမီး ကယ်ချင်ငြားသော်လည်း ဘယ့်နဲ့နေတုံး မေးရုံမှ တစ်ပါး ဘာမှ မတတ် နိုင်ပါဘူး (မှန်ပါ ဘုရား)။

ဘယ်ဆေးလိမ်းပါ့လား၊ ဘယ်ဟာ သောက်ပါ့လား၊ မှတစ်ပါးလည်း ဒကာကြွယ် ဘာရှိသေးတုံး (ဘာမှ မရှိပါ ဘူး ဘုရား) တတ်နိုင်သေးရဲ့လား (မတတ်နိုင်ပါဘူး ဘုရား)။

အင်း အမေအဖေ အနာတွေ ပေါက်လာလို့ရှိရင် လည်း၊ သားတွေ သမီးတွေက ခင်ပါတယ် မင်ပါတယ် ယုယ ပါတယ်၊ အမေအဖေကို အိမ်ဦးခန်းမှာ ဘုရားတစ်ဆူ ဂူတစ်လုံး မျှ ထားပါတယ် ဆိုငြားသော်လည်း၊ သူတို့ တတ်နိုင်ကြရဲ့လား (မတတ်နိုင်ပါဘူး ဘုရား)။

What does He want you to contemplate? (The Truth, Sir). He wants you to think about the Truth. In this case, is there any "good luck" or "fortune" that can save you? (No, Sir). Now, this is truly terrifying, Yogis. (True, Sir). Is there any exception for "good Kamma"? (No, Sir). Do you grasp the difference? (Yes, Sir). When sickness comes—when boils and tumors appear—even though the parents desperately want to save their children, all they can do is ask, "How are you feeling?" They cannot take the pain away. (True, Sir). Apart from saying, "Apply this medicine" or "Drink this," U Kywe, is there anything else they can do? (Nothing else, Sir). Can they truly save them? (No, Sir). Even if the parents are covered in sores, and the sons and daughters love and cherish them, placing them in the front room and worshipping them like a Buddha in a shrine, can the children stop the sickness? (They cannot, Sir).

အသိအမြင်ရှိသူတို့၏တွေးလုံး

The Reasoning of the Wise

အဲတော့ အဲဒီ ဗျာဓိဆိုတဲ့ အနာနှိပ်စက်တဲ့ ဒုက္ခသစ္စာ တွေဟာတဲ့ မှန်တဲ့တရား ဖြစ်နေ သောကြောင့်၊ ဘယ်သူ့ဘယ်သူမှ မကယ်နိုင်လို့ တွေးချင်းတွေးရင် အဲဒါမှ အသိအမြင်ရှိတဲ့ ပုဂ္ဂိုလ် ၏တွေးလုံး (မှန်လှပါ ဘုရား) သဘောပါပြီလား (ပါပါ ပြီ ဘုရား)။

ဘယ်ပုဂ္ဂိုလ်၏တွေးလုံးပါလိမ့် (အသိအမြင်ရှိတဲ့ ပုဂ္ဂိုလ်၏တွေးလုံးပါ ဘုရား)။

ကောင်းပြီ တစ်ခါ အမေအဖေက အသက်ကြီး၍ သေတဲ့အခါ၊ သားသမီးများက တတ်နိုင် ကြရဲ့လား။ (မတတ်နိုင်ကြပါဘူး ဘုရား) အမေအဖေမှာ သားသမီးတွေက ငယ်ရွယ်စဉ်မှာပဲ သေကြ၊ ကြေကြတာလည်း အမေအဖေတွေ ကတော့ တတ်နိုင်ကြရဲ့လား (မတတ်နိုင်ကြပါဘူး ဘုရား)။

Therefore, regarding the suffering of Sickness (Byadhi)—because it is a Truth (Sacca)—if one reflects that "No one can save another from this," that is the reasoning of a person with Insight. (True, Sir). Do you understand? (Yes, we do, Sir). Whose reasoning is this? (The reasoning of the person with Insight, Sir). Now consider this: When parents grow old and face death, can the children prevent it? (They cannot, Sir). And when children die young, crushed by mortality, can the parents prevent it? (They cannot, Sir).

ပုထုဇဉ်တွေ အတွေးချော်နေတယ်

Worldlings are Off-Track

အင်း ဒါဖြင့် မရဏမီး ဒုက္ခသစ္စာကျတော့ ဒကာ ဒကာမတွေ သိပြီးသားအတိုင်း ဘယ်သူ့ကို ဘယ်သူက ကယ်နိုင်သေးတယ်ဆိုတာ ရှိပါသေးရဲ့ လား (မရှိပါဘူး ဘုရား) အဲဒါတွေးရမှာကွ အထွေးက၊ ပုထုဇဉ်တွေက ချော်နေ တယ် (မှန်ပါ) သဘောကျပလား (ကျပါပြီ ဘုရား) အတွေးချော် နေတာကော ပေါ်ပြီလား (ပေါ်ပါပြီ ဘုရား)။

Regarding the fire of Death (Marana)—the Truth of Suffering—you already know that no one can save another. Does any savior exist here? (No, Sir). "This is what you must contemplate!" But the thinking of worldlings is off-track. (True, Sir). Do you see it? (Yes, Sir). Is it clear that your thinking has been wrong? (It is clear, Sir).

အိုဘေး၊ နာဘေး၊ သေဘေး

The Dangers of Aging, Sickness, and Death

အင်း အိုဘေးဆိုတာ သူ့လည်း ငါမကယ်နိုင်၊ ငါလည်းသူမကယ်နိုင်ပါလားလို့ တွေးပါတယ် (မှန်လှပါ ဘုရား) နာဘေးကိုလည်း သူ့လည်းငါမကယ်နိုင် ငါလည်း သူမကယ်နိုင်ပါလားလို့ တွေးရမယ်၊ သေဘေးကလည်း အမေ အဖေကလည်း သားသမီးမကယ်နိုင်၊ သားသမီးကလည်း အမေ အဖေမကယ်နိုင်ဘူးလို့ တွေးရမယ် (မှန်ပါ ဘုရား) သဘော ကျပလား (ကျပါပြီ ဘုရား)။

အဲဒီကဲ့သို့ တွေးလိုက်လို့ရှိရင်ဖြင့် သစ္စာဆိုက်တဲ့ တွေးလုံး ဖြစ်သောကြောင့် သူသည် ဉာဏ်ထက် လာပြီး သကာလ ကယ်နိုင်ရာလမ်းကြောင်း ကယ်နိုင်ရာအကျင့်ဆိုတာ သူကြံဖန် လာလိမ့်မယ် (မှန်ပါ ဘုရား)။

ခုတော့ လိုရင်းဖြစ်တာကိုတော့ ဘုန်းကြီးတို့ ဒကာ ဒကာမတွေက မတွေးဘဲနဲ့ ၊ ခုနက ကံကောင်း အကြောင်းသင့်လို့ ကယ်နိုင် ယူနိုင်တဲ့ မီးဘေးတို့ ရေဘေးတို့ သူခိုး ဓါးပြ သူပုန်ဘေးတို့ ဒါတွေကိုသာလျှင် တွေ့မှာကြောက်ပြီး သကာလ နေတယ် (မှန်ပါ ဘုရား)။

You must reflect on Aging: "I cannot save him from it, and he cannot save me from it." (True, Sir). You must reflect on Sickness: "I cannot save him, and he cannot save me." You must reflect on Death: "Parents cannot save their children, and children cannot save their parents." (True, Sir). Do you accept this? (We accept it, Sir). If you think this way, because it is a thought process aligned with the Truth (Sacca), your wisdom will sharpen. You will inevitably start searching for a Path that can truly save, a Practice that can truly save. (True, Sir). But right now, you Yogis are not thinking about the essential matter. You are only living in fear of fires, floods, thieves, and bandits—situations where luck might still save you. (True, Sir).

အတွေးပြောင်းကြပါဦး

Change Your Thinking

တကယ် မကယ်နိုင်တာကိုတော့ မတွေးမိဘူး (မှန်လှပါ ဘုရား) နောက်အတွေး ပြောင်းကြ ပါဦးလို့ သတိပေး လိုက်ပါတယ် (မှန်ပါ) ဘယ်လိုသတိပေးရမယ် (အတွေးပြောင်း ကြပါဦးလို့ သတိပေးရပါမယ် ဘုရား) အတွေး ပြောင်းကြပါဦး ဒကာ ဒကာမတို့၊ ဘယ်လိုတွေးကြရမယ်၊

အေး ဘယ်သူ့ ဘယ်သူမှ မကယ်နိုင်တဲ့ အိုဘေး၊ နာဘေး၊ သေ ဘေးတွေကို၊ သားကလည်း အမေအဖေ မကယ်နိုင်၊ အမေ အဖေကလည်း သားသမီး မကယ်နိုင်ဆိုတဲ့၊ အဲဒီတွေးလုံးကို တွေးစေချင်တယ်ကွာ (မှန်လှပါ ဘုရား)။

ကံကောင်းအကြောင်းသင့်ပြီး သကာလ ဖြစ်မယ့် ဥစ္စာတွေသာ လျှောက်တွေးနေတယ် ၊ တကယ့်သစ္စာဆိုက် တာကို မတွေးမိဘူးလို့ ဘုရားက အပြစ်တင်လိုက်တယ် (မှန်လှပါ ဘုရား) သဘောကျကြပလား။။

ဒါဖြင့် ဒကာ ဒကာမတို့ နောက်တွေးတတ်ကြပလား၊ သားသမီးကလည်း အမေ့မကယ်နိုင် အမေ ကလည်း သား သမီးမကယ်နိုင်ဆိုတဲ့ ဗျာဓိဒုက္ခရောက်လာရင်ဖြင့်၊ ဘယ်သူ့ ဘယ်သူမှ မကယ်နိုင်ကြဘူး ဆိုတာ ပေါ်ပလား (ပေါ်ပါပြီ ဘုရား) သဘောကျပလား (ကျပါပြီ ဘုရား)။

အင်းသားသမီးကလည်း အမေအဖေမကယ်နိုင်၊ အမေ အဖေကလည်း သားသမီးမကယ်နိုင်၊ ခင်ပွန်းမ ကလည်း ခင်ပွန်း ယောက်ျားကို မကယ်နိုင်ဆိုတဲ့ နာဘေးသင့်လာရင်တော့ မကယ်နိုင်ဘူး ဆိုတာ ပေါ်လာကြပလား (ပေါ်ပါပြီ ဘုရား)။

သို့သော် ဒကာ ဒကာမတွေက အထင်လွဲပြီးသကာလ၊ ဒီတစ်ခါ ကျုပ်ကယ်လိုက်ရတယ် ဆိုတာ ပြောချင် ပြောမှာ (မှန်လှပါ ဘုရား) တကယ်သေမယ့် ဝေဒနာဖြင့် ဘယ်သူ ကယ် ကယ်ဗျာ (မရပါဘူး ဘုရား)။

နောက်ဆုံးပိတ်ကော ဒီလိုချည့်ကယ်ခဲ့တာ ရသေးရဲ့ လား (မရပါဘူး ဘုရား) အဲဒီ မရတာ တွေက ရှိပြီးသကာလ နေတော့၊ ဒါတွေသာ ဒကာ ဒကာမတွေက တွေးလုံးထုတ်လို့ ရှိရင်ဖြင့်၊ ဒကာကြွယ်ရေ သစ္စာတွေးလုံးဆိုပါတယ် (မှန်လှ ပါ ဘုရား) သဘောပါကြပလား (ပါပါပြီ ဘုရား)။

ဘာတွေးလုံးတဲ့တုံး (သစ္စာတွေးလုံးပါ ဘုရား) သစ္စာ သိတော့သံသရာက ပြတ်မှာကိုဗျ (မှန်လှပါ ဘုရား) အဲတော့ သစ္စာတွေးလုံးကို တွေးကြပါလို့ ဘုရားသခင်ကိုယ်တော်မြတ်ကြီး က သတိပေး လိုက်တယ် (မှန်ပါ)။

You fail to think about the situations where you are truly helpless. (True, Sir). I am warning you: Please change your thinking. (Yes, Sir). How must I warn you? (You must warn us to change our thinking, Sir). Change your thinking, Yogis. How should you think? "I want you to contemplate the thoughts of Aging, Sickness, and Death—the dangers where no one can save another, where the son cannot save the mother, and the mother cannot save the son." (True, Sir). The Buddha blames you: You are only worrying about your possessions and worldly dangers where luck might intervene, but you fail to contemplate the dangers that strike at the Ultimate Truth. (True, Sir). Do you agree? So, Yogis, do you know how to think from now on? When the suffering of Sickness arrives—where the child cannot save the mother and the mother cannot save the child—is it clear that no one can save anyone? (It is clear, Sir). Are you convinced? (Yes, Sir). When the danger of Sickness arises—where the wife cannot save the husband—it becomes clear that there is no salvation. (Yes, Sir). However, you Yogis might mistakenly say, "I managed to save him this time!" (True, Sir). But when the terminal illness truly strikes, can anyone save him? (No, Sir). In the end, all those times you thought you "saved" someone—does it count for anything? (No, Sir). Since these inevitable things exist, if you Yogis focus your reasoning here, U Kywe, this is called Thinking with Sacca (Truth). (True, Sir). Do you grasp it? (Yes, Sir). What kind of thinking is it? (Thinking with Sacca, Sir). If you know the Truth, the cycle of Samsara will be severed! (True, Sir). Therefore, the Supreme Buddha warns you: Think the thoughts of Truth. (Yes, Sir).

မကယ်နိုင်တဲ့တရားသုံးမျိုး

Three Things You Cannot Save

အဲတော့ကိုတဲ့ ဒီနေ့ဟောရမယ့်တရားက ဒကာ ဒကာမတို့ သိပြီးသားအတိုင်း မကယ်နိုင်တဲ့ တရားသုံးမျိုးကော သိကြပလား (သိပါပြီ ဘုရား)။။

အိုဘေးကို မကယ်နိုင်ဘူး၊ နာဘေးကို (မကယ်နိုင် ဘူး ဘုရား) သေဘေးကို (မကယ်နိုင်ဘူး ဘုရား) သားသမီးက အမေမိဘကော (မကယ်နိုင်ပါဘူး ဘုရား) ဒါဖြင့် ဘယ်သူ့ ဘယ်သူမှ မကယ် နိုင်ဘူး ဆိုတာ ဒကာကြွယ်ပေါ်ရောပေါ့ (ပေါ်ပါပြီ ဘုရား) ဦးလှဘူး မပေါ်သေးဘူးလား (ပေါ်ပါပြီ ဘုရား)။

So, regarding the Dhamma we must discuss today—Yogis, as you already know—are you aware of the three things that cannot be saved? (We are aware, Sir). You cannot save anyone from Aging. You cannot save anyone from Sickness. (No, Sir). You cannot save anyone from Death. (No, Sir). Can the children or parents intervene? (They cannot, Sir). So, U Kywe, it is clear that no one can save another. (It is clear, Sir). U Hla Bu, isn't it clear yet? (It is clear, Sir).

ဘုတ်ထိုင် ထိုင်ပြီးဉာဏ်တုံးမနေနဲ့

Do Not Just Sit There Dejected

ပေါ်တော့ကိုကွာ မင်းတို့သည် ဒီအတိုင်း ဘုတ် ထိုင် ထိုင်ပြီးသကာလ၊ ဪ ဒီဥစ္စာ သစ္စာတရား တွေ “ဗျာဓိပိ ဒုက္ခသစ္စံ” “ဇရာပိ ဒုက္ခသစ္စံ” “မရဏမ္ပိ ဒုက္ခသစ္စံ” မို့ သစ္စာဆိုတာ အမှန်ဖြစ်တာ ၊ ဘယ်သူ့ဘယ်သူမှ မကယ်နိုင်ဘူး ဘုတ်ထိုင် ထိုင်ပြီးသကာလ ဉာဏ်တုံးမနေ လိုက်ပါနဲ့လို့ ဒကာသိုက်ရေ ဘုရားက မှာတော်မူပြန်တယ် ၊ ဘုတ်ထိုင် ထိုင်ပြီးဘာတဲ့ (ဉာဏ်တုံးမနေလိုက်ပါနဲ့)။

ရှိတယ်ကွတဲ့ ကယ်နိုင်တဲ့လမ်းကြောင်း၊ ကယ်နိုင်တဲ့ အကျင့်ရှိတယ် (မှန်လှပါ ဘုရား) အမေက သားသမီးကယ် နိုင်တဲ့လမ်းကြောင်း၊ ကယ်နိုင်တဲ့အကျင့် ရှိတယ်တဲ့ ဒကာ ဒကာမတို့ (မှန်ပါ ဘုရား)။

Now that this is clear, the Buddha warns U Thike: "Do not just sit there in despair, thinking, 'Sickness is Suffering, Aging is Suffering, Death is Suffering. This is the Truth. No one can save anyone.' Do not sit there with a dull mind, doing nothing!" What did He say? (Do not sit there with a dull mind, Sir). "There is a way," He says. "There is a Path that saves. There is a Practice that saves." (True, Sir). There is a Path and a Practice whereby a mother can save her children. (True, Sir).

ကယ်နိုင်တဲ့အကျင့်ရှိပါတယ်

There is a Valid Practice for Salvation

ဘာရှိသတဲ့တုံးဗျာ (အမေက သားသမီးကယ်နိုင် တဲ့လမ်းကြောင်းအကျင့်ပါ ဘုရား) ကယ်နိုင်တဲ့ လမ်းကြောင်း ကယ်နိုင်တဲ့အကျင့် (မှန်ပါ ဘုရား) သဘောကျပလား (ကျပါပြီ ဘုရား) ကယ်နိုင်တဲ့ လမ်းကြောင့်နဲ့ ကယ်နိုင်တဲ့ အကျင့်ရှိပါတယ်လို့ ဆိုတာ ဒကာ ဒကာမတွေ ယခုတရားထူး ကြားရပြီ မဟုတ်လား (မှန်ပါ ဘုရား)။

နဂိုတုန်းက မှတ်ထားတာကတော့ အိုတာ ဘယ်သူမှ မတတ်နိုင်၊ သားကလည်း အမေ မကယ်နိုင်၊ အမေကလည်း သား မတတ်နိုင်၊ နာတာကိုလည်း သားက အမေမတတ်နိုင်၊ အမေက လည်း သူတို့၏ အပေါ်၌ ဘယ်လိုမှ မတတ်နိုင်ဘူး၊ သေသွားပြန် လို့ရှိရင်လည်း ဘယ်သူ့ဘယ်သူမှ တားမရဘူးဆိုတာ၊ ကျုပ်တို့ သည်က ဆိုလို့ရှိရင်ဖြင့် သစ္စာတစ်ပါးတည်းသိနေတဲ့အတွက်၊ ဒါဟာ နစ်နာမှု ဘုတ်ထိုင် ထိုင်နေတာပဲ (မှန်လှပါ ဘုရား)။

ဘာတဲ့တုံး (နစ်နာမှု ဘုတ်ထိုင် ထိုင်လိုက်တာပဲ) အေး ဒုက္ခသစ္စာတစ်ပါးပဲ သိနေလို့ ဒကာကြွယ်ရ (မှန်လှပါ ဘုရား) သဘောကျပလား (ကျပါပြီ ဘုရား) အင်း မဂ္ဂသစ္စာ များ သိလိုက်မယ် ဆိုလို့ရှိရင်ဖြင့် ဒကာ ဒကာမတို့ အမေကလည်း သားသမီးကယ်နိုင် သားသမီးကလည်း (အမေကယ်ပါ တယ် ဘုရား)။

အင်း ဒါဖြင့် သစ္စာတစ်ပါးတည်းသိနေပြန်လို့ရှိရင် လည်း စိတ်ညှိုးငယ်ပြီး ချောက်ကျနေတဲ့ အဓိပ္ပါယ် ရောက်တယ် (မှန်ပါ ဘုရား)သဘောပါပလား (ပါပါပြီ ဘုရား)။

What is there? (There is a Path and Practice where a mother can save her children, Sir). A Path that saves, a Practice that saves. (True, Sir). Do you appreciate this? (Yes, Sir). Yogis, hearing this special Dhamma today, you now know there is a saving Path, do you not? (Yes, Sir). Before this, you noted only that no one can stop Aging, Sickness, or Death. You thought, "If these things happen, no one can stop them." Because you knew only the Truth of Suffering (Dukkha Sacca), you just sat there in sorrow, feeling helpless. (True, Sir). What were you doing? (Sitting there in sorrow, Sir). Yes, U Kywe, because you only knew one Truth—Dukkha. (True, Sir). Do you see? (Yes, Sir). But if you realize the Truth of the Path (Magga Sacca), Yogis, the mother can save the children, and the children... (Can save the mother, Sir). If you only know one Truth (Dukkha), it leads to a depressed mind and despair. (True, Sir). Do you understand? (Yes, Sir).

ဒီအတိုင်းနေလို့တော့မဖြစ်ဘူး

You Cannot Stay Like This

ဒါဖြင့် သစ္စာလည်း ဒကာ ဒကာမတို့ အစုံသိမှပဲ ၊ ဒကာကြွယ်တို့ ဦးလှဘူးတို့ ကိစ္စပြီးမှာပေါ့ဗျာ (မှန်လှပါ ဘုရား)

ကိုင်း-ဒါဖြင့် ဒကာ ဒကာမတို့ အမေကလည်း သားမ ကယ်နိုင်၊ သားကလည်း အမေ မကယ်နိုင်၊ အိုဘေး၊ နာဘေး၊ သေဘေးတွေက ဘယ်သူ့ ဘယ်သူမှ မတတ်နိုင်တော့ဘူးဆိုပြီး သကာလ ၊ ဒီအတိုင်းထိုင်နေလို့တော့ မဖြစ်ဘူးဗျ (မှန်လှပါ ဘုရား)။

ဒကာသိုက်ရေ ဘာတဲ့တုံး (ဒီအတိုင်းထိုင်နေလို့ တော့မဖြစ်ပါဘူး ဘုရား) အဲဒီတော့ ခင်ဗျားတို့ ဆရာဘုန်းကြီးက သတိပေးလိုက်ပါတယ်၊ မဂ္ဂသစ္စာဆိုတဲ့ လမ်းမတော်ကြီး၊ မဂ္ဂသစ္စာဆိုတဲ့ အကျင့် ကောင်းကြီး၊ ဒကာသိုက် ဘာတဲ့တုံး (မဂ္ဂသစ္စာဆိုတဲ့ လမ်းမတော်ကြီး၊ မဂ္ဂသစ္စာဆိုတဲ့ အကျင့် ကောင်းကြီးပါ ဘုရား)။

Therefore, Yogis, only when you know the Truths completely will the task be finished for U Kywe and U Hla Bu. (True, Sir). So, Yogis, you cannot just sit there saying, "The mother can't save the son, the son can't save the mother; no one can stop Aging, Sickness, and Death." You cannot just leave it at that! (True, Sir). U Thike, what is the situation? (We cannot just sit there like that, Sir). So, your Teacher warns you: There is the Great Highway of Magga Sacca. There is the Noble Practice of Magga Sacca. U Thike, what is it? (The Great Highway of Magga Sacca, the Noble Practice of Magga Sacca, Sir).

မဂ္ဂသစ္စာအကျင့်

The Practice of Magga Sacca

မဂ္ဂသစ္စာ ဆိုတဲ့ လမ်းမတော်ကြီး မဂ္ဂသစ္စာဆိုတဲ့ အကျင့်ကောင်းကြီးဟာ၊ အမေက သားသမီး ကယ်နိုင်သတဲ့ဗျာ (မှန်လှပါ ဘုရား) သားသမီးက အမေအဖေကို (ကယ်နိုင် ပါတယ် ဘုရား) အင်း-ဒါဖြင့် ဒကာ ဒကာမတို့သည် ဒီလမ်းနဲ့ ဒီအကျင့် လိုက်လိုက်ရလို့ရှိရင်ဖြင့် ညည်းလုံးတွေ အကုန် ပျောက်ပေါ့ဗျာ (မှန်လှပါ ဘုရား)။

တွေးလုံးမှားတွေလည်း အကုန်ဆယ်မိ (မှန်လှပါ ဘုရား) သဘောကျပလား (ကျပါပြီ ဘုရား) တွေးလုံးမှား တွေလည်း ဘာဖြစ်တုံး (အကုန်ဆယ်မိပါတယ် ဘုရား) အင်း ညည်းလုံးတွေကော (အကုန်ပျောက်ပါတယ် ဘုရား) ညည်းလုံးတွေကော ဒကာသိုက် အကုန်ပျောက်ပါတယ် (မှန်ပါ ဘုရား) သဘောပါကြပလား (ပါပါပြီ ဘုရား)။

အင်း- ခုတော့ဖြင့် ဒကာ ဒကာမတွေက သစ္စာမသိတော့ သူဒါတွေ မတတ်သာလို့ လွှတ်လိုက် ရတယ် ၊ သေမင်းနဲ့တောင် စစ်တိုက်လိုက်ချင်သေး (မှန်ပါ ဘုရား) အမလေး ဒေါသများ ဖြစ်နေ လိုက်သေး (မှန်လှပါ)။

အင်း- ရတနာသုံးပါး ကောက်ပြီး သကာလနေတယ်၊ ကျုပ်ဖြင့် ရူးရတဲ့အခါလည်း မနည်းလှဘူး (မှန်ပါ ဘုရား) အစ ရှိသည်နဲ့ အနာနဲ့အမေနဲ့ ရန်ဖြစ်နေတာပဲ (မှန်လှပါ) ဟုတ် ဖူးလား ဘယ်သူမှ မတတ် နိုင်ဘူး၊ မပြတ်တာ လေ့ကျင့်တော့ ဟုတ်လား (မှန်ပါ့ ဘုရား)။

နာတာ ဘယ်သူမှ မတတ်နိုင်ဘူး ကွဲတာ လွဲတာ ဘယ်သူမှ မတတ်နိုင်ဘူးတဲ့၊ ဆင်ခြင်ပြီး သကာလသာ နေတော့ ဆိုတဲ့ အဘိဏှသုတ်များနဲ့ ဒကာ ဒကာမတို့ အဲဒါက တဏှာ အကြမ်း သတ်တာပါ (မှန်ပါ ဘုရား)။

The Great Highway of Magga Sacca, the Noble Practice of Magga Sacca—this, indeed, allows the mother to save the children. (True, Sir). And the children to save the parents. (Yes, Sir). If you Yogis follow this Path and practice this Practice, all your groaning and moaning will vanish! (True, Sir). And your wrong reasoning? (We will be pulled out of it, Sir). Do you see? (Yes, Sir). What happens to the wrong thoughts? (We are pulled out of them, Sir). And the groaning? (It all vanishes, Sir). U Thike, all the moaning disappears. (True, Sir). Do you grasp the meaning? (Yes, Sir). But now, because you do not know the Truths, when you cannot handle these inevitable things, you just let go in despair. You even want to wage war against the King of Death! (True, Sir). Oh my, you even get angry! (True, Sir). You hold onto the Three Jewels, but often you behave as if you are out of your mind. (True, Sir). You fight with the sickness; you fight with your mother. (True, Sir). Is it not so? You haven't trained yourself to realize, "No one can prevent this." (True, Sir). Some recite the Abhiṇha Sutta: "No one can prevent sickness; no one can prevent separation; I must only reflect on this." Yogis, that is merely suppressing the coarse craving (Tanha). (True, Sir).

ဒီလမ်းသွားပြီး ဒီအကျင့်ကျင့်ပါ

Walk This Path, Practice This Practice

ယခုဟာက တစ်ခါတည်း တဏှာအကြမ်းရော တဏှာ အနုရော ဘုံဘဝပါပြတ်တဲ့ အလုပ် ဖြစ်တဲ့ မဂ္ဂင်စခန်းကို၊ ဒကာ ဒကာမတွေက ဒီလမ်းကိုသွား ဒီအကျင့်ကို ကျင့်လိုက်လို့ရှိရင် ဖြင့်၊ အမေကလည်း သားသမီးကယ်နိုင်တယ်၊ သားသမီးက (အမေကိုကယ်နိုင်ပါတယ် ဘုရား)။

ဒါဖြင့် ခင်ဗျားတို့ သားနဲ့ အမေမခွဲချင်ပါဘူး ဟုတ်လား၊ အမေနဲ့သား မခွဲချင်ပါဘူး ဆိုလို့ ရှိရင်ဖြင့်၊ ဘာကို လုပ်ထိုက်တယ်ဆိုတာ ပေါ်လာပြီ၊ ဘယ်လိုများပေါ်တုံး (မဂ္ဂင် အလုပ်လုပ်ဖို့ပဲ ဆိုတာပါ ဘုရား) မဂ္ဂင် အလုပ်လုပ်ဖို့ပဲ ဆိုတာ ပေါ်လာပြီ (မှန်ပါ ဘုရား)။

ဒကာကြွယ်ရေ သိပ်အဖိုးတန်ပါလား (တန်ပါတယ် ဘုရား) အင်း-ဘုရားသခင် ကိုယ်တော် မြတ်ကြီး ထုတ်ဖေါ်ပြော ပေလို့၊ ဘုန်းကြီးတို့ ဒကာ ဒကာမတွေမှာ ၊ သော် - တကယ် လိုတဲ့ အကျင့် တကယ်လိုတဲ့ လမ်းစဉ် ဒကာသိုက် ရှိသေးတယ် ဆိုတာ တွေ့ရတယ် (မှန်လှပါ ဘုရား)။

But what I am teaching now is the Magga work—the work that severs coarse craving, subtle craving, and the very existence of rebirths. If you Yogis walk this Path and practice this Practice, the mother can save the children, and the children... (Can save the mother, Sir). So, if you say, "I don't want to be separated from my son," or "I don't want to be separated from my mother," it is now clear what you must do. How does it appear to you? (It appears that we must do the work of Magga, Sir). It is clear that you must practice Magga. (True, Sir). U Kywe, isn't this incredibly valuable? (It is valuable, Sir). Because the Supreme Buddha revealed this, we find that there is a practice we truly need, a path we truly need, U Thike. (True, Sir).

ဘုတ်ထိုင်ထိုင်ပြီးလက်လျှော့ရတယ်

Sitting Dejectedly and Giving Up

ဒကာကြွယ် တယ်အဖိုးတန်ပါလား (တန်ပါတယ် ဘုရား) ဒကာ ဒကာမတို့ ရှေးက ဘုတ်ထိုင် ထိုင်ပြီး သကာလ၊ အေး သူ့ကံနဲ့ သူ့အကြောင်းနဲ့သူ၊ သူအိုတာ သူနာတာ သူသေ တာကိုလည်း ကျုပ်တို့လည်း ဝတ္တရားအတိုင်းတော့ ပြုလိုက် တာပဲ၊ သို့သော် မတတ်နိုင်တော့ လက်လျှော့ လိုက်ရတာပဲ ဆိုပြီး၊ ဒါနဲ့သာ ဇာတ်သိမ်းသွားတယ် (မှန်လှပါ ဘုရား) သဘောကျ ပလား (ကျပါပြီ ဘုရား)။

ဒါဖြင့် ရှေ့ဒီလိုဇာတ်သိမ်းရမှာလားလို့ ကယ်နိုင်တဲ့နည်း ရှိသေးတယ်ဆိုပြီး လမ်းစဉ် လိုက်ရ မှာလား (လမ်းစဉ် လိုက်ရမှာပါ ဘုရား)။

ကိုင်း-ဒါဖြင့် အင်မတန် အဖိုးတန်မယ်ဆိုတာ ဒကာသိုက် တို့ ပေါ်လာတယ် မပေါ်ဘူးလား (ပေါ်ပါတယ် ဘုရား) ခုတော့ဖြင့် ဒကာ ဒကာမတို့ နေကြထိုင်ကြတာက မကယ်နိုင်ဘူး၊ မယူနိုင်ဘူး၊ အနတ္တတစ်လုံး လက်ကိုင်ထားပြီးသကာလ တစ်ခါတည်း ဘယ်သူက ဘယ်သူ့မကယ်နိုင်ဘူး။

U Kywe, is it not precious? (It is precious, Sir). Yogis, in the past, you just sat there dejectedly. You thought, "It is his Kamma, his destiny. He ages, he gets sick, he dies. We did our duty, but we couldn't save him, so we just have to give up." You ended the story there. (True, Sir). Do you see? (Yes, Sir). Should you end the story like that? Or should you follow the Path because there is a way to save them? (We must follow the Path, Sir). So, U Thike, it becomes clear that this is incredibly valuable. (It is, Sir). But currently, Yogis, the way you live is by thinking, "I can't save them, I can't take their place." You hold onto the word "Anatta" (Not-self/Uncontrollable) and simply conclude, "No one can save anyone."

အနတ္တတစ်လုံးကိုင်ပြီးပိတ်ထားတယ်

Blocking Yourself with "Anatta"

သူ့ခန္ဓာကလည်းအနတ္တ၊ ကိုယ့်ခန္ဓာကလည်း အနတ္တ ဆိုပြီး၊ အနတ္တလေးတစ်လုံးကို နှုတ်ဖျားတပ်တပ်ပြီးသကာလ၊ ဒကာ ဒကာမတွေက ကယ်မယ့် ယူမယ့်လမ်း မရှိဘူးလို့ ပိတ်ထားတယ် (မှန်လှပါ ဘုရား)။

အနတ္တတစ်လုံးကိုင်ပြီး ပိတ်ထားတယ်၊ ဘယ်လောက် နစ်နာတုံး မနစ်နာဘူးလား (နစ်နာပါတယ် ဘုရား)

အဲဒါကြောင့် ဒီနေ့ ခင်ဗျားတို့ နားလည်ထားတဲ့ အနတ္တဟာ၊ ဘယ် လိုပင် အမေက သားမပိုင်၊ သားက အမေမပိုင်၊ အမေကလည်း အမေ့ရုပ်နာမ်မပိုင်၊ သားကလည်း သားရုပ်နာမ် မပိုင်ဘူးဆိုတာ လည်း အနတ္တသဘော ကတော့ဖြင့် ဒကာကြွယ် မှန်ပါရဲ့ (မှန်လှပါ ဘုရား)။

You say, "His aggregate is Anatta, my aggregate is Anatta." You keep the word Anatta on the tip of your tongue and use it to block the path of salvation. (True, Sir). You are holding Anatta and using it to close the door! Is this not a great loss? (It is a great loss, Sir). Indeed, regarding the understanding of Anatta you hold: "The mother does not own the child, the child does not own the mother; the mother does not own her own mind and body, the child does not own his own mind and body"—as for the nature of Anatta, U Kywe, that is correct. (True, Sir).

ကယ်နိုင်တဲ့လမ်းစဉ်ရှိသေးတယ်

There is Still a Path to Salvation

မှန်ပင်မှန်ငြားသော်လည်း ကယ်နိုင် ယူနိုင်တဲ့ လမ်းစဉ် နဲ့ အကျင့် ရှိသေးတယ် (မှန်လှပါဘု ရား) ဘာတဲ့တုံး (ကယ်နိုင် ယူနိုင်တဲ့လမ်းစဉ်နဲ့ အကျင့်ရှိသေးပါတယ် ဘုရား)။

ကယ်နိုင် ယူနိုင်တဲ့ လမ်းစဉ်လည်းရှိ အကျင့်လည်းရှိ ဆိုသဖြင့် အင်္ဂုတ္တိုရ်ပါဠိတော်မှာ ဘုရားသခင် ကိုယ်တော်မြတ် ကြီးက ဟောတော်မူသောကြောင့်၊ ဪ -ဒို့သည်ကားလို့ဆိုရင် အနတ္တ အနတ္တနဲ့ ထိုင်နေလို့မပြီးသေးပါလား (မှန်လှပါ ဘုရား) ပေါ်လာပြီလား (ပေါ်ပါပြီ ဘုရား)။

Although it is correct in nature, there is still a Path and a Practice that can save and redeem. (True, Sir). What did I say? (There is still a Path and a Practice that can save and redeem, Sir). Because the Supreme Buddha preached in the Aṅguttara Pali text that there is a Path and a Practice to save and redeem, we realize: "Oh! It is not finished just by sitting there saying 'Anatta, Anatta'." (True, Sir). Has it become clear? (Yes, Sir).

အနတ္တဆိုပြီးထိုင်နေလို့မပြီးဘူး

It Does Not End by Saying "Anatta"

အနတ္တ အနတ္တနဲ့ ထိုင်နေလို့ ပြီးကြပါ့မလား (မပြီးပါဘူး ဘုရား) အနတ္တ အနတ္တနဲ့ ထိုင်နေတော့ အနတ္တ ဉာဏ်စစ်မဟုတ်ဘဲနဲ့ မျက်ရေထဲထိုင်နေတာ (မှန်လှပါ ဘုရား)။

သောကနဲ့ထိုင်နေတာ (မှန်ပါ ဘုရား) ဘာနဲ့ ထိုင်နေတာတုံးသောကနဲ့ထိုင် ပရိဒေဝဆိုတဲ့ မျက်ရည်နဲ့ထိုင် (မှန်လှပါ ဘုရား) အင်း-ဒီအတိုင်းဟာ အထိုင်မှန်ဟုတ်ပါ ရဲ့ လား (မဟုတ်ပါဘူး ဘုရား)။

အင်း-ဒါဖြင့် ဒကာ ဒကာမတွေ လိုသေးတဲ့အချက်ကို ဘုရားသခင်ကိုယ်တော်မြတ်ကြီးက ဖြည့်စွက်လိုက်ခြင်းကြောင့် ကျုပ်တို့ဖြင့် ယနေ့ကိုးစားရာ အားထားရာအစစ်၊ အမေက သား ကယ်နိုင်တဲ့၊ သားက အမေကယ်နိုင်တဲ့ လမ်းစဉ်အသစ် တွေ ရှိပါသေးတယ်ဆိုတာ၊ ဘုရားက ထုတ်ဖော်ပြောတဲ့ အတွက်၊ အလွန်ဝမ်းမြောက်စရာကောင်းတဲ့နေ့ပဲလို့ ဆုံးဖြတ် ချက်ချပါ (မှန်လှပါ ဘုရား)။

မတွေ့ဘူးတဲ့တရား (မှန်လှပါ ဘုရား) သဘောကျ ကြပလား (မှန်ပါ ဘုရား) ခင်ဗျားတို့ သားလေးတွေ သမီးလေးတွေ ကျလာလို့ရှိရင်ဖြင့် ဒကာကြွယ်တို့ ဒကာသိုက် တို့က ရွှေပေါ်မြတင် ပေါ့ဗျာ (မှန်လှပါ ဘုရား)။

ကယ်ချင်ယူချင်လိုက်တာ ကမ်းကုန်နေတာပဲ (မှန်လှပါ) သို့သော်လည်း အချို့ငယ်ငယ်နဲ့ သေကြ ကြေကြ တချို့အရွယ်ကလေးရောက်မှ သေကြ ကြေကြ တာတွေကော မရှိဘူးလား အင်း (ရှိပါတယ် ဘုရား)။

Will it end just by sitting there chanting "Anatta, Anatta"? (No, Sir). If you sit there just saying "Anatta," without genuine Insight Knowledge of Anatta, you are essentially sitting in your own tears. (True, Sir). You are sitting in sorrow (Soka). (True, Sir). What are you sitting in? (Sitting in sorrow, Sir). You are sitting in Parideva—lamentation and tears. (True, Sir). Is this the correct way to sit? (No, Sir). Because the Supreme Buddha supplied the missing factor that you Yogis need, we can decide today: "This is our true refuge. There is a new Path where a mother can save her son and a son can save his mother." Because the Buddha revealed this, decide that this is a day of great rejoicing! (True, Sir). A Dhamma we have never met before! (True, Sir). Do you agree? (Yes, Sir). When you have sons and daughters, U Kywe and U Thike, you feel as if you are on top of the world. (True, Sir). Your desire to save and protect them is boundless. (True, Sir). But don't some die and perish while young? Don't some die and perish only after they grow up? (They do, Sir).

ကယ်နိုင်ယူနိုင်တဲ့လမ်းစဉ်

The Path That Can Save and Redeem

နာလိုက်တာ မဖြစ်သာလို့သာ ၊ သေမင်းနိုင်ငံ လိုက်သွားတာ မတတ်နိုင်လို့ လျော့လိုက်ရတယ် ၊ အနတ္တ မို့သာ လျော့လိုက်ရတယ် ဆိုပြီးသကာလ သည်းလုံးနဲ့၊ ဒေါမနဿနဲ့၊ ဒီလိုပဲ ဒကာ ဒကာမတွေက အချိန်ကုန်ပြီး နေခဲ့တာ အဲဒီအနတ္တကို ဒကာ ဒကာမတို့ ယနေ့သည်ကားလို့ ဆိုလို့ရှိရင်ဖြင့် ၊ ဪ ဒီအနတ္တနယ်ကနေပြီးသကာလ ကျုပ်တို့သည်ကားလို့ဆိုရင်၊ ခုနက ညည်းလုံးနဲ့ မျက်ရည်နဲ့ နေရတဲ့ အဖြစ်မှ၊ ညည်းလုံးရော မျက်ရည်ပါသိမ်းပြီးသကာလ ကယ်နိုင် ယူနိုင်တဲ့ လမ်းစဉ်အကျင့် သေသေချာချာရှိတယ်ဆို တာ ဆုံးဖြတ်ချပါ (မှန်လှပါ ဘုရား) ရှင်းပလား (ရှင်းပါပြီ ဘုရား)။

It is painful. Because you felt you could not change the situation, because you could not resist following the King of Death, you just gave up. You resigned yourselves, saying, "It is Anatta (not self/uncontrollable), so we must just let it go." And so, Yogis, you have spent your time living with deep sighs and grief. But today, regarding this Anatta, consider this: Is there a way for us to leave behind this state of sighing and tears? Is there a path of practice that can actually save us and allow us to save others? You must make a firm decision that there is indeed such a way. (Yes, Sir). Is that clear? (It is clear, Sir).

ကဲ ဒကာသိုက်ရေ နေရာကျပလား (ကျပါပြီ ဘုရား) ဒါဘုန်းကြီးက ကြံဖန်ဟောတာ မဟုတ် ပါဘူး အင်္ဂုတ္တိုရ်ပါဠိတော်မှာ ဒီဃနိပါတ်အင်္ဂုတ္တိုရ်မှာ သုံးခု ဟောတဲ့ အတွက် ဒကာ ဒကာမတွေ ဒီလမ်းစဉ်ဟာ အမှန်ပဲလို့ ယူကြပါနော် (မှန်လှပါ ဘုရား)။

Well, Daka Thaik, does that make sense? (Yes, it does, Sir). I am not inventing this. Because the Buddha preached these three points in the Tika Nipata of the Anguttara Nikaya, you must accept this path as the absolute truth. (True, Sir).

ကိုင်း ဒါဖြင့် ဒကာ ဒကာမတို့ စဉ်းစားကြပါစို့တဲ့ ကျုပ်တို့အဖြစ် စဉ်းစားလိုက်ရင် ပေါ်လာ ပါလိမ့်မယ် တဲ့၊ ဒီဘက်က နှစ်ခုဖြတ်လိုက်တယ် ဒကာသိုက်ရေ (မှန်လှပါ)

Come then, let us consider our situation. If we reflect on our existence, it will become clear. Let us sever the cycle here, Daka Thaik. (Yes, Sir).

ဘာပါလိမ့် (ဇရာမရဏပါ ဘုရား) ဒီဘက်ကကျရင် ဇရာ မရဏချည်းပဲ (မှန်ပါ)။

What is on this side? (Aging and Death, Sir). Indeed. On this side, there is nothing but Aging and Death (Jara-Marana).

ခန္ဓာက ဇရာမရဏလမ်းဆုံးတယ်

The Body Ends in Aging and Death

အင်း မိမိခန္ဓာကလည်း ဇရာမရဏလမ်းဆုံး သဘောကျပလား (ကျပါပြီ ဘုရား) သားသမီးခန္ဓာ ကြည့် လိုက်လည်း .(ဇရာ မရဏလမ်းဆုံးပါ ဘုရား) အေး ဇရာ မရဏလမ်းဆုံး သဘောကျကြပလား (ကျပါပြီ ဘုရား) အင်း သားသမီးခန္ဓာကလည်း ဇရာ မရဏလမ်း ဆုံးတော့ ၊ အမေမိဘကလည်း ထိုင်သာကြည့်နေရတယ် မတတ်နိုင်ဘူး၊ မိမိခန္ဓာကလည်း ဇရာ မရဏလမ်းဆုံး ဖြစ်နေ တဲ့အတွက် ထိုင်သာကြည့်နေရတယ်၊ သားသမီးတွေက အမေ မိဘကမကယ်နိုင်ဘူးဆိုပြီး သကာလ လက်လျှော့ (မှန်ပါ ဘုရား)။

Mark this: Your own body ends in Aging and Death. Do you grasp this? (We grasp it, Sir). If you look at your children's bodies... (They also end in Aging and Death, Sir). Indeed. Do you accept that they end in Aging and Death? (We accept it, Sir). Since the bodies of your children end in Aging and Death, and the bodies of parents also end in Aging and Death, you just sit there watching each other helplessly. You think, "Parents cannot save their children," and you give up. (True, Sir).

မလျှော့လိုက်ပါနဲ့

Do Not Give Up

မလျှော့လိုက်ပါနဲ့လို့ ဒီနေ့တရားသတိပေးလိုက် ပါတယ်၊ ဒကာ ဒကာမတို့ ဘယ်လို သတိပေး ပါလိမ့် ( မလျှော့ပါနဲ့ ဘုရား) မလျှော့ပါနဲ့ဆိုတော့ ဒကာကြွယ်ရေ အားတက်စရာသိပ်ကောင်း (မှန်လှပါ ဘုရား) အားတက် စရာ အလွန်ကောင်းတယ်ဆိုတာ ဒကာ ဒကာမတွေ ပေါ်လာ ကြပလား (ပေါ်ပါပြီ ဘုရား)။။

Do not give up! I am giving you a warning in this Dhamma talk today. What is the warning? (Do not give up, Sir). When I say "Do not give up," isn't that incredibly encouraging, Daka Kywe? (It is, Sir). Does it dawn on you now that this is a source of great strength? (Yes, it does, Sir).

ကောင်းပြီ ဒါဖြင့် ဒကာ ဒကာမတို့ ဒီဘက်က နေပြီးသကာလ တစ်လုံးချပြန်တော့၊ ဪ ဒါက ဇာတိလို့ ခေါ်ကြမယ် (မှန်ပါ ဘုရား) ဇာတိဆိုတာ ပဋိသန္ဓေပေါ့ဗျာ (မှန်ပါ ဘုရား) ပဋိသန္ဓေနေမိလို့ အိုသေ ဆိုတာက လာရတယ် (မှန်လှပါ ဘုရား) ပဋိသန္ဓေနေမိလို့ ဘာပါလိမ့် (အိုသေ လာရပါတယ် ဘုရား)။

Very well. If we trace back one step from this side, we call this *Rebirth (Jati). (True, Sir). Jati* means taking conception. (Yes, Sir). Because one takes conception, Aging and Death must follow. (True, Sir). Because one takes conception, what happens? (Aging and Death must follow, Sir).

အင်း ဒကာ ဒကာမတို့ သားသမီး ပဋိသန္ဓေနေ မိလည်း အိုသေလာရမှာပဲ (မှန်လှပါ ဘုရား) အဖေ ပဋိသန္ဓေ နေမိရင်လည်း (အိုသေလာမှာပါ ဘုရား)။

Yogis, if your children take conception, they must undergo Aging and Death. (True, Sir). If the father takes conception... (He must undergo Aging and Death, Sir).

ဪ ဒါဖြင့် သားသမီးလည်း ပဋိသန္ဓေမနေရ (မှန်လှပါ ဘုရား) ဟုတ်လား ကိုယ်လည်း ပဋိသန္ဓေ မနေရ လုပ်လိုက်လို့ရှိရင်ဖြင့် ကိုယ့်သားသမီးလည်း အိုသေနဲ့ မတွေ့ရဘူး မိမိရော (အိုသေနဲ့ မတွေ့ရပါ ဘူး ဘုရား)။

Oh! Then, if we ensure the children do not take conception—(True, Sir)—and if we ensure we ourselves do not take conception, then our children will not meet with Aging and Death. And what about us? (We will not meet with Aging and Death, Sir).

ကယ်နိုင်တဲ့တရားရှိတယ်

There is a Dhamma That Saves

အင်း ဒါဖြင့် သူ့လည်းအလုပ်ခိုင်း၊ ကိုယ်လည်း လုပ်ဆိုလို့ရှိရင်ဖြင့် ကယ်နိုင်တဲ့ တရားရှိတယ် (မှန်လှပါ ဘုရား) သူ့လည်းအလုပ်ခိုင်း ကိုယ်လည်းလုပ်ဆိုရင်ဖြင့် (ကယ်နိုင်တဲ့တရား ရှိပါတယ် ဘုရား)။

If you make them work, and if you work yourself, there is a Dhamma that can save you. (True, Sir). If you make them work and you work yourself... (There is a Dhamma that can save us, Sir).

ဒကာသိုက်ရေ ဒကာကြွယ်တို့ တော်တော် အဖိုးတန်တဲ့တရားဆိုတာ ဒကာ ဒကာမတွေ ကောင်းကောင်း ကြီးပေါ်ပြီလား ၊ အဲတော့ အလကားနေ အိမ်မှာညည်းပြီး သကာလ မနေစမ်းပါနဲ့ ၊ ဆရာဘုန်းကြီးက သတိပေးလိုက် တယ် (မှန်လှပါ ဘုရား) နင်တို့အတွက် ခက်သေးတယ် နင်တို့ကြီးမှာဖြင့် ငါကြောက်နေသေးတယ် မလုပ်ပါနဲ့ (မှန်လှပါ ဘုရား) သဘောကျပလား (ကျပါပြီ ဘုရား)။

Daka Thaik, Daka Kywe, do you clearly see now that this is an incredibly valuable teaching? So, do not just sit at home sighing. I, your teacher, am warning you. (Yes, Sir). It is still difficult for you. I am still afraid for you. Do not just sit there. (Well noted, Sir). Do you agree? (We agree, Sir).

ညည်းလုံးထုတ်မနေနဲ့

Stop Sighing

အေး ငါတို့များ မရှိလို့ရှိရင်ဖြင့် နင်တို့အခက်ကြီး ကြုံဦးမယ်လို့ ညည်းလုံးတွေ ထုတ်မနေ လိုက်ပါနဲ့ (မှန်လှပါ ဘုရား) ဟုတ်လား (ဟုတ်ပါတယ် ဘုရား) ညည်းလုံး ထုတ်တာက မကယ်နိုင်ဘူး (မှန်ပါ ဘုရား)။

"If we die, you will be in trouble"—do not waste time uttering such sighs and complaints. (True, Sir). Is that right? (Yes, Sir). Sighing cannot save anyone. (True, Sir).

သူ့ကိုလည်း ပဋိ သန္ဓေ မနေအောင်လုပ်ပေး (မှန်ပါ ဘုရား) မိမိကကော (ပဋိသန္ဓေ မနေအောင် လုပ်ရမှာပါ ဘုရား) မိမိလည်း ပဋိသန္ဓေမနေအောင် လုပ်ပေါ့ဗျာ (မှန်ပါ ဘုရား)။

You must act to prevent their Rebirth. (Yes, Sir). And for yourself? (We must act to prevent our own Rebirth, Sir). You must work to stop your own Rebirth. (Yes, Sir).

ပဋိသန္ဓေမနေအောင်လုပ်

Work to Prevent Rebirth

မိမိလည်း ပဋိသန္ဓေမနေအောင်လုပ်၊ သားသမီးလည်း (ပဋိသန္ဓေနေအောင်လုပ်ပါ ဘုရား) ဒါဖြင့် သူ့အိုသေ လည်းမရှိ ကိုယ့်အိုသေလည်းမရှိသောကြောင့်၊ သော် သည် နည်း ကားလို့ဆိုရင် အမေက သားသမီးကို ကယ်နိုင်တဲ့ တရားပါလား၊ သားသမီးက အမေအဖေတို့ (ကယ်နိုင်တဲ့ တရားပါ ဘုရား)။

You work to prevent your own Rebirth. And for the children? (Work to prevent their Rebirth, Sir). If you do this, since they will have no Aging and Death, and you will have no Aging and Death, consider this: The mother is the Dhamma that can save the children. And the children? (They serve as the Dhamma that can save the parents, Sir).

ဪ ဒါမသိသေးတာနဲ့ ဒကာသိုက်တို့ ဒကာကြွယ် တို့က အနတ္တတစ်လုံးနဲ့ ချုံးပွဲချ နေကြတယ် (မှန်ပါ ဘုရား) သဘောပါပလား (ပါပါပြီ ဘုရား) တစ်လုံးနဲ့ ချုံးပွဲချနေတာလဲ (အနတ္တ တစ်လုံးနဲ့ ချုံးပွဲချနေတာပါ ဘုရား)။

Oh, because Daka Thaik and Daka Kywe did not know this before, they just blamed it on "Anatta" (non-self/uncontrollability) and broke down weeping. (True, Sir). Do you understand? (Yes, Sir). You blamed it all on one word and cried your eyes out. (We cried blaming it on Anatta, Sir).

မဂ္ဂသစ္စာကိုလက်ကိုင်ထားပါ

Hold On to the Truth of the Path

ကိုင်း ဒီဘက် ဒကာ ဒကာမတွေကော ပေါ်ကြပ လား ၊ နောက် အနတ္တတစ်လုံးနဲ့ ချုံးပွဲချ မနေပါနဲ့၊ မဂ္ဂ သစ္စာကို လက်ကိုင်ထားလိုက်စမ်းပါ (မှန်လှပါ ဘုရား) ဘာလက်ကိုင်ထားရမလဲ (မဂ္ဂသစ္စာကို လက်ကိုင်ထားရမှာ ပါ ဘုရား)။

Come now, is it clear to the Yogis on this side? In the future, do not just sit there weeping over Anatta. *Grab hold of the Truth of the Path (Magga Sacca)!* (Yes, Sir). What should you hold on to? (We must hold on to the Truth of the Path, Sir).

မဂ္ဂသစ္စာ လက်ကိုင်ထားလိုက်ပြီဆိုမှဖြင့် ဇာတိ ဆိုတဲ့ ပဋိသန္ဓေနေမှုရှိသေးရဲ့ လား (မရှိပါဘူး ဘုရား)။

Once you hold on to the Truth of the Path, does the nature of taking Rebirth (Jati) still exist? (It does not, Sir).

အင်း သူမရှိလို့ရှိရင် အိုသေကော (မလာတော့ ပါဘူး ဘုရား) ဒါဖြင့် သားသမီးများကိုလည်း ဒီအလုပ်တိုက်တွန်း ရမယ် (မှန်ပါ ဘုရား) အမေ မိဘကလည်း ဒီအလုပ် ကိုယ်တိုင် လုပ်ရမယ် သားသမီး များ ကိုလည်း (တိုက်တွန်း ရမယ် ဘုရား)။။

If Rebirth does not exist, what about Aging and Death? (They will not come, Sir). Therefore, you must urge your children to do this work. (Yes, Sir). Parents must do this work themselves, and they must also urge their children. (Urge them, Sir).

အလကားနေ ခင်ဗျားတို့က ချစ်တာ ခင်တာနဲ့ပဲ။ မင်းတို့ ငယ်ပါသေးတယ်၊ နေသေးတာပေါ့။ အမေ အဖေတို့သာ အသက်ကြီးလို့ သံသရာအရေး အရေးကြီးပြီး တို့သွားနာမယ်လို့ ဒီလိုမလုပ်ပါနဲ့ မချစ်ရာ ရောက်တယ် (မှန်လှပါ ဘုရား)။

Otherwise, you are just living with attachment and affection. "You are still young, you have plenty of time. Only we parents are old; the affair of Samsara is urgent for us." Do not do this. If you do, you do not truly love them. (True, Sir).

ဆရာဘုန်းကြီးက၊ အပြစ်တင်လိုက်တယ်

The Monk Blames You

မင်းဟာမင်းအို - မင်းဟာမင်းသေရင်ကွာ၊ အမေ အဖေ က ချစ်ရာများရောက်သေးရဲ့လား (မရောက် တော့ပါဘူး ဘုရား) စဉ်းစားမိရဲ့လား (စဉ်းစားမိပါတယ် ဘုရား) ခင်ဗျား တို့ ပြောနေကြတာ၊ အားကြီး လွဲနေတယ်လို့ ဒကာသိုက်တို့ ဒကာကြွယ်တို့ ဆရာဘုန်းကြီးက အပြစ်တင်လိုက်တယ် (မှန် ပါ ဘုရား) မတင်ထိုက်ဘူးလား (တင်ထိုက်ပါတယ် ဘုရား)။

If they age and die on their own, can it be said that the parents love them? (No, Sir). Have you thought about this? (We have, Sir). "What you are saying is completely wrong"—I, the monk, am blaming Daka Thaik and Daka Kywe for this. (True, Sir). Do I not have the right to blame you? (You do, Sir).

အင်း သူ့အို သေဆိုတော့ဖြင့် မင်းတို့က အိုမှာ သေမှာတွေ ရှိငြားသော်လည်း၊ တို့က အိုမှာသေမှာ သာပြီး သကာလ နီးတယ်ဟ ဆိုပြီးသကာလ၊ နင်တို့တော့ ကမ္မ သကာပဲ ဆိုပြီး မဂ္ဂင်အလုပ် နှောင့်နှောင့်နှေးနှေး အလုပ်ခိုင်း လို့ရှိရင်ဖြင့် မကယ်ချင်တဲ့ အမေမိဘပဲ (မှန်လှပါ ဘုရား)။

You say, "It is their Aging and Death. Although they have these burdens, our Aging and Death is closer." You say, "It is their Karma (Kammasaka)," and you employ them in worldly tasks while delaying the work of the Path. If you do this, you are parents who do not want to save your children. (True, Sir).

ပါးစပ်ကချစ်လိုက်တာ

Lip-Service Love

ဆိုထိုက်ပလား (ဆိုထိုက်ပါပြီ ဘုရား) ဘယ်လို ဆိုကြမယ် (မကယ်ချင်တဲ့ အမေမိဘပါ ဘုရား) ပြီးတော့ ပါးစပ် ချစ်ပေါ့လေ (မှန်လှပါ ဘုရား) ပါးစပ်ကတော့ ချစ်လိုက်တာ ကြင်နာလိုက်တာ နင်တို့ငုံတောင်ထားချင်သေး တယ် (မှန်လှပါ ဘုရား) အစရှိသည်နဲ့ ဒကာသိုက်တို့ လောကွတ်တွေက တော့ ပေါပေါ့ဗျာ (မှန်လှပါ ဘုရား)။

Do I deserve to say this? (Yes, Sir). What shall we call them? (Parents who do not want to save their children, Sir). And yet, the mouth says "Love." (True, Sir). With your mouth, you say, "I love you so much, I have such compassion, I want to keep you safe in my mouth." Daka Thaik, these social pleasantries (Lauk-kwat) are plentiful. (True, Sir).

ပေါသာ ပေါတယ် ဒီဥစ္စာ ဝမ်းထဲက စင်စစ်ပါ ပါရဲ့ လား လို့မေးရင် (မပါပါဘူး ဘုရား) ရှင်းပလား (ရှင်းပါပြီ ဘုရား) ဒါသားသမီးများ ချစ်ပါတယ် ခင်ပါတယ် ကြင်နာပါတယ် ဆိုတဲ့ စကား ကဖြင့်၊ ခင်ဗျားတို့ ချစ်နေတဲ့ အလုပ်ဟာ လောကွတ်ပါပဲ (မှန်ပါ ဘုရား) တကယ်တန်း အိုတဲ့ နာတဲ့လမ်း ပိတ်ပင် ပေးတာမှ မဟုတ်ဘဲ (မှန်လှပါ ဘုရား)။

They are plentiful, but if I ask, is it truly sincere from the bottom of your gut? (No, Sir). Is that clear? (Clear, Sir). So, when you say "I love my children, I adore them," your love is merely social pleasantry. (True, Sir). It does not actually block the path to Aging and Sickness. (True, Sir).

ဒကာကြွယ်ရေ လောကွတ်တွေပေါ်ပလား (ပေါ်ပါပြီ ဘုရား) ဒါဖြင့် နောက် ဒီလောကွတ်တွေ သုံးလို့ တော်ပါ့မလား (မတော်ပါဘူး ဘုရား) ဒကာသိုက်ကော သုံးချင်သေးလား (မသုံးချင်ပါဘူး ဘုရား)။

Daka Kywe, do you see these social pleasantries for what they are? (Yes, Sir). So, in the future, is it appropriate to use them? (It is not, Sir). Daka Thaik, do you still want to use them? (I do not, Sir).

ဖဝါးလက်နှစ်လုံးစပြီးမွေးလာရတာ

Raised from the Size of a Fist

အဟုတ်ကို မသုံးတော့ဘူးလား (မှန်ပါ ဘုရား) မသုံး မှ ဒကာ ဒကာမတို့ သုံးလိုက်လို့ရှိရင်ဖြင့် ငါးပါးမှောက် တယ် (မှန်ပါ ဘုရား) အမေမိဘက သားသမီးများကို နင်တို့လား ဖဝါးလက်နှစ်လုံး ပခုံးလက်နှစ်သစ် ကနေ ကျွေး ရမွေးရတာ ၊ အငယ်လေးပဲ ထင်သေးတယ် ၊ မင်းတို့ ကြီးပင်ကြီးငြား သော်လည်း ဆိုပြီးတော့၊ ချစ်ကြောင်း ခင်ကြောင်းကို တစ်ခါတည်း ငယ်ကျိုးငယ်နာ လှန်ပြီး သကာလ၊ ကရုဏာတွေ မေတ္တာတွေများ ပြောများနေလိုက်တာ မဆုံး ဘူး (မှန်လှပါ ဘုရား) သဘောကျပလား (ကျပါပြီ ဘုရား)။

Will you truly stop using them? (Yes, Sir). If you don't stop—if you keep using them—Yogis, you will be utterly ruined (face the five-fold destruction). (True, Sir). Parents say to children, "I fed and raised you since you were the size of a fist, two fingers width on my shoulder. Even though you are grown, I still see you as a child." You recount your hardships, declaring your love and attachment, going on endlessly about your Metta and Karuna. (True, Sir). Do you agree? (We agree, Sir).

မဂ္ဂင်လမ်းကိုမတိုက်တွန်းရင်

If You Do Not Urge the Path

အဲဒီ မဆုံးပေမယ့်လည်း ခုနက မဂ္ဂင်လမ်းကို သင်မပေးလို့ရှိရင် သူအိုတာ နာတာ၊ အမေ မိဘက ကြည့်ချင်လို့ ဟုတ်လား (ဟုတ်ပါတယ် ဘုရား)။

Even though you talk endlessly, if you do not teach them the Path (Magga), then the parents simply want to watch their children age and suffer. Is that right? (Yes, Sir).

အမေမိဘ မဂ္ဂင်လမ်းကို သားသမီးတွေက မတိုက် တွန်းပြန်လို့ရှိရင်လည်း အမေတွေ အဖေတွေက အိုကုန်လို့ တို့ဟာဖြင့် အင်း ခြေမွှေးမီးမလောင် လက်မွှေး မီးမလောင်နဲ့ပဲ ကျွေးပါ တော့မယ် ဆိုငြားသော်လည်း အိုမှုနာမှု ကယ်နိုင်ကြလား (မကယ်နိုင်ပါဘူး ဘုရား)။

Conversely, if the children do not urge their parents toward the Path, then even if the parents become old and the children say, "We will feed you and care for you so perfectly that not even the heat of a hair's breadth will touch you," can they save them from Aging and Sickness? (They cannot save them, Sir).

မကယ်နိုင်တော့ သူတို့ ပြောတာလည်း လော ကွတ်ပဲ (မှန်ပါ ဘုရား) ဒါဖြင့် သားသမီးများ ကလည်း အမေ မိဘကို မဂ္ဂင်အလုပ် လုပ်စမ်းပါ၊ ဒါမှ အဖေ အမေတို့ အိုမှု သေမှု လွတ်နိုင်တယ် ဆိုပြီး သကာလ၊ လူငယ်များကလည်း အမေမိဘများ တိုက်တွန်းရတယ်၊ အမေမိဘများကလည်း လူငယ်တွေလို့ နင်တို့ဟာ နင်တို့သေချင်သေ ကြေချင်ကြလို့ ဥပေက္ခာသဘောနဲ့ မထားလိုက်ပါနဲ့လို့ ဒီသုတ်မှာ အသေ အချာဟောတယ် (မှန်ပါ ဘုရား) သဘောပါပလား (ပါပါပြီ ဘုရား)။

Since they cannot save them, their words are also just social pleasantries. (True, Sir). Therefore, children must urge their parents: "Mother, Father, please practice the Path. Only then can you be free from Aging and Death." And parents must not be indifferent to the young, thinking, "Let them die or suffer if they wish." This Sutta preaches this clearly. (True, Sir). Do you grasp the meaning? (We grasp it, Sir).

ဒီကရှေ့ပြင်ချိန်ရောက်ပြီ

Time to Change Your Ways

ဒါဖြင့် ဒီကရှေ့ ဒကာကြွယ်တို့၊ ဦးလှဘူးတို့ ပြင်ချိန် ရောက်ပြီ (မှန်ပါ ဘုရား) ဒကာသိုက် ဘယ့်နဲ့ လုပ်မလဲ (ပြင်ချိန်ရောက်ပါပြီ ဘုရား) ပြင်ရမှာပဲ အမေက သားသမီး ချစ်လို့ရှိရင် မဂ္ဂင် အလုပ် လုပ်ပါဟေ့၊ ဒါမှ ညည်းတို့အိုတာ ညည်းတို့ နာတာ ညည်းတို့သေတာ မမြင်ချင်ဘူး၊ ဒါကြောင့် မဂ္ဂင် အလုပ်လုပ်ပါ (မှန်လှပါ ဘုရား)။

So, from now on, Daka Kywe, U Hla Bu—it is time to change. (True, Sir). Daka Thaik, what will you do? (It is time to change, Sir). You must change. If a mother loves her children, she must say: "Practice the Path! I do not want to see you age, suffer, and die. Therefore, work on the Path." (True, Sir).

သားသမီးများက အမေအဖေ ကြင်နာပါတယ်၊ ယုယ ပါတယ် ဆိုလို့ရှိလည်း၊ အမေတို့ အဖေတို့ မဂ္ဂင်အလုပ်လုပ်ပါ။ အိုနာသေ မရှိဘူး၊ အဲဒီလိုဆိုရင် ကျွန်မတို့ ကျွန်တော်တို့ဟာ ပူစရာ ပင်စရာမရှိဘူး၊

အဲဒီလို တစ်ယောက်ကိုတစ်ယောက် ကယ်နိုင်တဲ့အလုပ်ဟာ ရှိသေးတယ်ဆိုတာ ယနေ့ သိရတဲ့ အတွက် ဒကာ ဒကာမတို့ သော် ဒီတရားသည် ကားလို့ဆိုလို့ ရှိရင်ဖြင့်၊ ခါတိုင်းတော့ အနတ္တနဲ့ ဘုတ်ထိုင် ထိုင်နေလိုက်တာ မဂ္ဂမသိလို့ ထိုင်တာကို ရှင်းပလား (ရှင်းပါပြီ ဘုရား)။

If children claim to adore and cherish their parents, they must say: "Mother, Father, please practice the Path. If there is no Aging, Sickness, and Death, then we will have no cause for worry or anxiety." Because you have learned today that there is a work where you can save one another, Yogis, realize this: In the past, you just sat there slumped in resignation over Anatta because you did not know the Path. Is that clear? (Clear, Sir).

ညည်းလုံးတွေကို အကုန်သိမ်းပါ

Put Away Your Sighs

အနတ္တ ဉာဏ်နဲ့ ဘုတ်ထိုင်ထိုင်ပြီးသကာလ မတတ် နိုင်ဘူး လက်လျှော့လိုက်ရတာပဲ။ မတတ်နိုင်ဘူး လက်လျှော့ လိုက်ရတာပဲလို့ဆိုတဲ့ ညည်းလုံးတွေကို ဒကာသိုက်တို့ ဒကာကြွယ်တို့ အကုန် သိမ်းပေါ့ဗျာ (မှန်လှပါ ဘုရား)။

You sat slumped with a misunderstanding of Anatta, thinking, "I cannot do anything," and simply gave up. Daka Thaik, Daka Kywe, you must now put away all those sighs of resignation. (True, Sir).

မသိမ်းရပေဘူးလား (သိမ်းရမှာပါ ဘုရား) သိမ်းပြီး သကာလ၊ သိမ်းဆိုတာလည်း ကိုယ့်ပါးစပ် ထဲတင် မသိမ်းလိုက် ပါနဲ့၊ ကိုယ့်အတွက်လည်း အိုသေ လွတ်တာ လုပ်လိုက်ပါ (မှန်လှပါ ဘုရား) သားသမီးများ အတွက်လည်း အိုသေလွတ်ရာ တိုက်တွန်းပါ (မှန်လှပါ ဘုရား)။

Shouldn't you put them away? (We must put them away, Sir). And when you put them away, do not just stop the words in your mouth. You must act to free yourself from Aging and Death. (True, Sir). And you must urge your children toward the freedom from Aging and Death. (True, Sir).

ကိုယ့်အတွက်လည်း (အို သေလွတ်ရာလုပ်ပါ ဘုရား) အိုသေလွတ်ရာလုပ်လိုက်ပါ သားသမီးများ အတွက် လည်း (အိုသေလွတ်ရာလုပ်လိုက်ပါ) ဒီလိုဆိုတော့ ဘယ့် နှယ်ဖြစ်သွားတုံး သားသမီး ကလည်း အမေမိဘ ကယ်နိုင် တယ် (မှန်လှပါ ဘုရား) အမေမိဘကလည်း (သားသမီး ကယ်နိုင်ပါတယ် ဘုရား)။

For yourself... (Do the work to be free from Aging and Death, Sir). And for your children... (Do the work to be free from Aging and Death). If you do this, what happens? The children can save the parents. (True, Sir). And the parents... (Can save the children, Sir).

အခုတော့ ခင်ဗျားတို့ ချစ်တယ် ခင်တယ် ကြင် နာတယ် ယုယတယ်ဆိုတဲ့ အလုံးတွေဟာဖြင့် အင်း၊ လောကီနဲ့ပဲ အချိန်ကုန်နေတာပဲ (မှန်လှပါ ဘုရား)။

But now, all these words—"I love you, I cherish you, I adore you"—are just wasting time with worldly matters. (True, Sir).

အိုတာသေတာကို ထိုင်ကြည့်နေတာနဲ့တူတယ်

Just Sitting and Watching Them Die

စိန်ဝယ်ဆင်လိုက်၊ ကားဝယ်ပေးလိုက် အမျိုးမျိုးပေါ့ ကိုယ့်အတန်းနဲ့ ကိုယ်ပေါ့ဗျာ (မှန်ပါ ဘုရား) ဒီလိုသာလျင် လုပ်ဖေါ် ရပြီးသကာလနေတော့၊ အိုတာ သေတာကို ထိုင်ကြည့် နေတာနဲ့ တူတယ် (မှန်လှပါ ဘုရား) မတူဘူးလား (တူပါတယ် ဘုရား)။

You buy them diamonds, you buy them cars—whatever fits your status. (True, Sir). By living only in this way, having found companions in this cycle, you are akin to someone acting as a spectator to their aging and death. (True, Sir). Are you not? (We are, Sir).

အိုတာ သေတာ ဘယ်လိုကြည့်နေတုံး (ထိုင်ကြည့် နေပါတယ် ဘုရား) အဲတော့ ချစ်တယ် လည်း ဆိုရဲ့ ကမ္မသကာ လည်းပါရဲ့ (ပါနေပါတယ် ဘုရား) ဘယ့်နဲ့ဆိုကြမတုံး (ကမ္မသကာ၊ ပါနေပါတယ် ဘုရား။)

ချစ်တယ်လည်းဆိုရဲ့ ကမ္မသကာလည်းပါရဲ့ဆိုတော့ အင်းဒကာသိုက်ရေ၊ ဒီဥစ္စာအတော် အရုပ်ဆိုးနေတယ် (မှန် လှပါ ဘုရား) မဆိုးဘူးလား (ဆိုးပါတယ် ဘုရား)။

How are you watching? (Just sitting and watching them age and die, Sir). So you say "I love you," but you also say "It is their Karma." (Yes, Sir). What do you say? ("It is their Karma," Sir). You say "I love you," but you admit "It is their Karma." Oh, Daka Thaik, this is quite ugly. (True, Sir). Is it not ugly? (It is ugly, Sir).

မဂ္ဂနဲ့ထိုင်လိုက်စမ်းပါ

Sit with the Path

အေး ဒါကြောင့် ဒကာ ဒကာမတွေသည် ကားလို့ဆိုရင်ဖြင့်၊ အနတ္တနဲ့ထိုင်ပြီး သကာလ ယနေ့ မနေဘဲနဲ့၊ မဂ္ဂနဲ့ ထိုင်လိုက်စမ်းပါ ဆိုတာ သတိပေးရတယ် (မှန်လှပါ ဘုရား) ဘယ်လိုသတိပေးပါလိမ့် (မဂ္ဂနဲ့ ထိုင်လိုက်စမ်းပါ ဘုရား) မဂ္ဂနဲ့ထိုင်လိုက်စမ်းပါလို့ သတိပေးလိုက်ပါတယ် (မှန်လှပါ ဘုရား)။

Therefore, I warn the Yogis: Do not sit with Anatta (passive resignation) today. *Sit with the Path (Magga)!* (True, Sir). What is the warning? (Sit with the Path, Sir). I warn you to sit with the Path. (True, Sir).

ဒါ သံဝေဂလည်းပါရော အလုပ်စဉ်လည်းပါရော၊ လမ်းစဉ်လည်းရှိသေးတယ်၊ ကာကွယ် နိုင်တဲ့နည်း ရှိသေးတယ် ဆိုတာလည်းပေါ်သွားပြီ (မှန်လှပါ ဘုရား) ရှင်းကြပလား (ရှင်းပါပြီ ဘုရား)။။

This includes spiritual urgency (Samvega), the order of practice, the path itself, and the revelation that there is a method of protection. (True, Sir). Is that clear? (Clear, Sir).

ဒါဖြင့် ဒကာသိုက်ရေ ဒီကရှေ့ ချို့ယွင်းချက် မရှိစေနဲ့ ပေါ့ဗျာ၊ တကယ့်ဆွေမျိုး ဉာတကာတွေ ဖြစ်လို့ ရှိရင်လည်း ဘာလုပ်ပေးရမတုံး (မဂ္ဂင် အလုပ်တိုက်တွန်းရမယ် ဘုရား)။

So, Daka Thaik, form now on, do not let there be any flaws. If they are truly your relatives and kin, what must you do for them? (Urge them to practice the Path, Sir).

မဂ္ဂင်အလုပ်တိုက်တွန်းပါ ကိုယ့်ကိုယ်ကို မအိုချင် မသေချင်ရင်ရော (မဂ္ဂင်အလုပ်လုပ်ရပါမယ် ဘုရား) ဒါပဲ အားကိုးရာ ရှိတယ် (မှန်လှပါ ဘုရား) မင်းအနတ္တနဲ့ မင်းကမ္မသကာပဲလို့ မလုပ်လိုက်ပါနဲ့ (မှန်လှပါ ဘုရား) သဘောပါပလား (ပါပါပြီ ဘုရား)။

Urge them to practice the Path. And if you yourself do not wish to age or die? (We must practice the Path, Sir). This is the only refuge. (True, Sir). Do not just dismiss it by saying, "It is your Anatta, it is your Karma." (True, Sir). Do you get it? (We get it, Sir).

ရှေးတုန်းကဘယ်လိုဖြစ်နေတုံး

How It Was in the Past

အခုတော့ ဒကာ ဒကာမတွေ ရှေးတုန်းက ဘယ့်နဲ့ ဖြစ်နေ တုံးဆိုတော့၊ အနတ္တကွ မပိုင်ဘူး မပိုင်ဘူး ၊ မပိုင်လို့ ကြည့်စမ်းပါလားကွ၊ သားငယ်လည်း ငယ်ငယ်က ပျက်စီးသွားတယ်၊ သားကြီး လည်း အရွယ်ရောက်မှ ပျက်စီး သွားတယ်၊ မပိုင်တော့ ဒီလိုစွန့်လိုက်ရတာပဲ၊ မတတ်နိုင် ဘူးကွ၊ စိတ်တော့ ဘယ်ကောင်းတယ် ဟုတ်မလဲ (မှန်ပါ ဘုရား)။

In the past, Yogis, how did you handle this? You said: "It is Anatta. We don't own them. We don't own them. Look, the young son died young; the older son died when he came of age. Since we don't own them, we just have to give them up. We can't do anything. How can we feel good about it?" (True, Sir).

အမယ်လေး အရှည်ကြီးပါလား (မှန်ပါ ဘုရား) လေ သာရှည်နေတယ် မတတ်နိုင်တဲ့ဘက်က ရှည်နေတယ် (မှန်လှပါ ဘုရား) သဘောကျပလား (ကျပါပြီ ဘုရား) အခုတော့ ဘယ်ကရှည်ရမတုံး (မတတ်နိုင်တဲ့ ဘက်က ရှည်နေတယ် ဘုရား)။

Oh my, that is a long story! (True, Sir). You are long-winded about the side where you are helpless. (True, Sir). Do you agree? (We agree, Sir). Now, where should you be long-winded? (We were long-winded on the helpless side, Sir).

မတတ်နိုင်တဲ့ဘက်က လေရှည်ကြီးနဲ့ မျက်ရည်သုတ် မနေနဲ့တော့ (မှန်ပါ ဘုရား) မဖြစ်ဘူး ဆိုတာ ပေါ်ပလား (ပေါ်ပါပြီ ဘုရား) ရနိုင်တဲ့ ဘက်က ကြိုးစားလိုက်မယ် ဆိုတော့ မသိခင်တုန်းက ဒကာကြွယ်တို့ မကြိုးစားတာ ဒကာသိုက် တို့ မကြိုးစားတာ အရေးမကြီးဘူးပေါ့ဗျာ (မှန်ပါ ဘုရား)။

Stop being long-winded about being helpless while wiping away tears. (True, Sir). Do you see that "it cannot be done" is not the answer? (We see it, Sir). If you decide to try on the side where it is possible... well, the fact that Daka Kywe and Daka Thaik didn't try before when they didn't know—that doesn't matter now. (True, Sir).

မျက်ရည်ကျတဲ့ဇာတ်သိမ်းကြပါ

End the Drama of Tears

အနတ္တပဲ ကိုယ်က ပိုင်တာကို၊ အင်း သားလည်း အဖေ လည်းအနတ္တ၊ ဒါကြောင့်ပဲ အနတ္တ နယ်ထဲမှာဖြင့် ဘယ်သူ့ ဘယ်သူမှ မတတ်နိုင်ဘူး။ ဒီလိုပဲ နေကြ ထိုင်ကြရတော့မှာပဲဆိုပြီး သကာလ၊ ခင်ဗျားတို့ ကျုပ်တို့တတွေ အဖေတို့ အမေတို့နဲ့ပဲ မျက်ရည်စက်လက်နဲ့ ခွဲကြရတယ် (မှန်လှပါ ဘုရား) ဒီလို မနေဘူးလား (နေပါတယ် ဘုရား)

ဒီကရှေ့ကျတော့ မျက်ရည်စက်ကျတဲ့ ဇာတ်ကို သိမ်းကြပေါ့ ဗျာ (မှန်ပါ ဘုရား) သိမ်းနိုင်ကြပလား (သိမ်းနိုင်ပါပြီ ဘုရား)။

You thought, "It is Anatta. I own nothing. The son is Anatta, the father is Anatta. Therefore, in the realm of Anatta, no one can help anyone. We just have to live like this." And so, you and your parents parted ways with tears streaming down your faces. (True, Sir). Did you not live like that? (We did, Sir). From now on, you must end this drama of falling tears. (True, Sir). Can you end it? (We can, Sir).

ဒါဖြင့် သားက အမေအဖေကြင်နာလို့ရှိရင်လည်း ဘာလုပ်ခိုင်းရမယ် (မဂ္ဂင်အလုပ် လုပ်ခိုင်း ရမယ် ဘုရား) ရှင်း ပလား (ရှင်းပါပြီ ဘုရား) အမေက သားသမီးတွေ အဖေက သားသမီးတွေ ကြင်နာပါတယ် ယုယပါတယ်ဆိုရင် (မဂ္ဂင် အလုပ်လုပ်ခိုင်းရမယ် ဘုရား)။

So, if the son loves the parents, what must he make them do? (Make them practice the Path, Sir). Is that clear? (Clear, Sir). If the mother and father cherish and adore their children... (Make them practice the Path, Sir).

ရှေးတရားတွေဖျက်တယ်လို့မဆိုနဲ့

Do Not Say I Am Destroying Traditions

အင်း ဒါဖြင့် သူတို့ အအိုနဲ့ သူတို့အသေ တားပေး ပါ၊ လမ်းကောင်းညွှန်ရာကော (ရောက်ပါတယ် ဘုရား) အေး ဒါကြောင့် ဒီနေ့ဟောတဲ့ တရားမှာဖြင့် ဒကာ ဒကာမတို့

ရှေးတရားတွေ အကုန်ဖျက်တယ်လို့လည်း ဒကာကြွယ်က မဆိုလိုက်နဲ့ (မှန်လှပါ ဘုရား) တတ်နိုင်တဲ့နည်း ရှိလို့ ဟောတာ (မှန်လှပါ ဘုရား) ဘုရား တရားတော် ဘုန်းကြီး က ဟောတာ မဟုတ်ပါဘူး ဒီဃနိပါတ်အင်္ဂုတ္တိုရ်မှာ မဂ္ဂင်လမ်း ရှိသေးတယ်ဆိုတာ မသိလို့ဟောတာပေါ့ (မှန်လှပါ ဘုရား)။

So, prevent their Aging and Death. You have arrived at the signpost of the good path. (We have, Sir). Therefore, regarding the Dhamma preached today, Daka Kywe, do not say that I am destroying all the ancient traditions. (True, Sir). I preach this because there is a way that is possible. (True, Sir). I, the monk, am not preaching this on my own. I preach it because people did not know that the Anguttara Nikaya reveals the existence of the Path (Magga). (True, Sir).

အမေက သားမကယ်နိုင်၊ သားကအမေမကယ်နိုင် ဆိုတာ မဂ္ဂင်လမ်းရှိမှန်းမသိတဲ့ ပုဂ္ဂိုလ်၏ အကြားအမြင် မရှိသော ပုဂ္ဂိုလ်တို့၏ ညည်းလုံး မျက်ရည်ကျလုံး ဆိုပါလား (မှန်လှပါ ဘုရား)။

To say "A mother cannot save her son, a son cannot save his mother"—these are the sighs and tearful words of those who have no learning and do not know the existence of the Path. (True, Sir).

ဖြေဖျောက်နိုင်တဲ့နည်းရှိတယ်

There is a Way to Relieve Grief

ကဲ ဒီကရှေ့ ဒါဖြင့် မျက်ရည်ဇာတ် လည်း သိမ်းနိုင်တဲ့ နည်းရှိသားပဲ ဟုတ်လား (မှန်ပါ ဘုရား) အင်း သုံးနှစ်သုံးသီး လွမ်းဆွတ်နေရတဲ့ သောကလုံးတွေ ကိုလည်း ဖြေဖျောက်နိုင်တဲ့နည်းကော (ရှိပါတယ် ဘုရား) ဘာလုပ်ကြမလဲ (မဂ္ဂင်အလုပ် လုပ်ကြ ပါမယ် ဘုရား) ရှင်းပလား (ရှင်းပါပြီ ဘုရား)။

So, from now on, there really is a way to end the drama of tears. Is that right? (True, Sir). Is there a way to relieve the knots of grief and longing that last for three years or three seasons? (There is, Sir). What will you do? (We will practice the Path, Sir). Is that clear? (Clear, Sir).

အေး ဒါကြောင့် အခု ဒကာ ဒကာမတွေက ဖြစ်နေကြတာ ၊ အင်း-သားသမီးလေးတွေ ပျက်စီးကြ၊ အမေအို အဖေအိုတွေ ပျက်စီးကြပြီဆိုမှဖြင့်၊ စိတ်ပျက် ပြီးသကာလ တောင်ရိုးထွက်လို ထွက်ပေါ့ဗျာ ၊ အမျိုး မျိုးအဖုံဖုံ စိတ်ပျက်ထွက်တာပေါ့ဗျာ (မှန်လှပါ ဘုရား)။

That is why Yogis act the way they do now. When children die, or when aged parents pass away, they get depressed and run off to the hills or monasteries. They leave in various states of depression. (True, Sir).

အင်း ယူနိုင်တဲ့နည်း ကယ်နိုင်နည်း ရှိပါတော့ မယ်လို့ ထွက်တာဟုတ်ကဲ့လား (မဟုတ်ပါဘူး ဘုရား) စိတ် ပျက်ထွက်တာ (မှန်လှပါ ဘုရား) ဒကာကြွယ်ရေ ဒီနည်းကော ကောင်းရဲ့လား (မကောင်း ပါဘူး ဘုရား) နည်း မသိပဲကိုဗျ (မှန်လှပါ ဘုရား)။

Did they leave thinking, "There must be a way to save them"? (No, Sir). They left because they were depressed. (True, Sir). Daka Kywe, is this method any good? (It is not good, Sir). It is because they do not know the method. (True, Sir).

အမျှပေးရင်မျက်ရည်ကျတယ်

Giving Merits with Tears

နည်းမသိတဲ့ အခါကျ သူလုပ်သရွေ့ဟာ အမျှ အမျှ အမျှ၊ သေတဲ့လူပဲ ဆွမ်းလေး ကျွေးပြန် ရင်လည်း သူ့အတွက် အမျှ၊ အင်း သီလလေးဆောက်တည် ပြန်လည်း (သူ့အတွက်အမျှပါ ဘုရား) သူ့ အတွက်အမျှပဲ ဆိုပြီး ဒါအမျှ ပေးရင်း မျက်ရည်ကလယ် ကလယ်လာ သေးတယ် (လာသေးပါတယ် ဘုရား)။

When they don't know the method, all they can do is say, "Share the merits, share the merits (Ah-hmya)." Even when offering a meal for the deceased, they say, "This is for him, share the merits." And even when observing precepts... (It is for him, share the merits, Sir). Saying "Share the merits for him," they do so while tears well up in their eyes. (They do, Sir).

မဂ္ဂင်အလုပ်လုပ်ခိုင်းပါ

Make Them Work on the Path

အဲဒါတွေသည် ဒကာ ဒကာမတို့ ရှေးက ထုံးစံလို့ မှတ်လိုက်စမ်းပါ (မှန်လှပါ ဘုရား) အခုတော့ဖြင့် ဒကာ ကြွယ်တို့ လက်ထက်မှာ ဆရာကောင်း သမားကောင်းတွေ ကြုံ ဒကာသိုက်ရေ ဪ အမေက သားကယ်နိုင်တဲ့ တရားထူးရှိသေးလား (ရှိပါတယ် ဘုရား) သားသမီးက အမေ အဖေ ကယ်နိုင်တဲ့ တရားထူး မရှိဘူးလား (ရှိပါ တယ် ဘုရား) ရှိတာတွေ မသိသေးခင်က ဪ မျက်ရည် စက်လက်နဲ့ ဝမ်းနည်းပြီးသကာလ အမျှသာ ဝေနေရတော့တာ ပဲ ဆိုတာတွေ အကုန်ဇာတ်သိမ်းပါ (မှန်လှပါ ဘုရား)။

ဒီတစ်ခါတော့ဖြင့် ကြီးတဲ့သားသမီးကိုလည်း မဂ္ဂင်အလုပ်တိုက်တွန်းပါ။

Consider those to be the customs of the past, Yogis. (Yes, Sir). Now, in the time of Daka Kywe, you have met a good teacher. Daka Thaik, is there a special Dhamma by which a mother can save her son? (There is, Sir). Is there a special Dhamma by which a son can save his parents? (There is, Sir). Before you knew these things existed, you could only share merits with tear-filled eyes and a heavy heart. End all of those dramas now. (True, Sir). This time, urge even the adult children to practice the Path.

ကယ်နိုင်ပုံလက်တွေ့ပြကြစို့

Let Us Show Practically How to Save

ကောင်းပြီ ဒါဖြင့် ပဋိစ္စသမုပ္ပါဒ်စပါဦးတဲ့၊ ကယ်နိုင်ပုံ လက်တွေ့ပြကြပါဦးစို့ (မှန်လှပါ ဘုရား) ကယ်နိုင်ပုံ လက်တွေ့ပြုကြပါဦးဆိုတော့ ဒီဘက်က ဇာတိဗျာ (မှန်လှပါ ဘုရား)၊ ဒကာ ဒကာမတွေက တွေးတာပေါ့ဗျာ (မှန်လှ ပါ ဘုရား)။

Good. Then let us start with *Dependent Origination (Paticcasamuppada). Let us show practically how one can save another. (Yes, Sir). To show practically how to save... on this side, there is Rebirth (Jati*). (True, Sir). The Yogis are thinking about it. (Yes, Sir).

အေး ကာယကံ ဝစီကံ မနောကံတွေ မသေခင် လုပ်တဲ့ ကာယကံ ဝစီကံ မနောကံတွေ၊ သည်ဇာတိရဖို့လုပ်တဲ့ ကာယကံ ဝစီကံ မနောကံတွေကြောင့် ဘာဖြစ်ရတုံး (ဇာတိ ဖြစ်ရပါတယ် ဘုရား)။

Indeed. The bodily actions (Kaya-kamma), verbal actions (Vaci-kamma), and mental actions (Mano-kamma) performed before death—because of these actions done to obtain this Rebirth, what happens? (Rebirth arises, Sir).

နောင်ဘဝကောင်းစားချင်လို့

Wanting a Good Next Life

အင်း ခင်ဗျားတို့ကလည်း နောက်ဘဝ လူကောင်း နတ်ကောင်းဖြစ်ချင်ပြီဆိုမှဖြင့် ကာယကံ ကောင်း ဝစီကံကောင်း မနောကံကောင်းတွေနဲ့ အတော်ကြိုးစားတယ် (မှန်လှပါ ဘုရား)။

You want to become a good human or a good Deva in the next life, so you try very hard with good bodily actions, good verbal actions, and good mental actions. (True, Sir).

အတော်ကြိုးစားလိုက်တဲ့အခါ ဇာတိရတော့ ဇရာ မရဏတွေက မနေတော့ဘူး (မှန်လှပါ ဘုရား)။ နေရစ်သေးရဲ့လား (မနေရစ်တော့ပါဘူး ဘုရား)၊ အင်း ဒါဖြင့် ဒကာ ဒကာမတို့ သားသမီး များကို ကာယကံ ဝစီကံ ကောင်းကောင်း ထားနော်၊ ဒါမှ နင်နောက်ဘဝနေရာကျမယ်တဲ့၊ ဘယ်မှာ နေရာကျမတုံး သုံးခုစလုံးနေရာမကျဘူး (မှန်လှပါ ဘုရား) ကျသေးရဲ့ လား (မကျပါဘူး ဘုရား)။

When you try hard like that and obtain Rebirth (Jati), do Aging and Death stay behind? (True, Sir). Do they stay behind? (They do not stay behind, Sir). So, parents tell their children: "Keep your actions of body and speech good. Then you will be well-placed in the next life." Where will they be well-placed? In all three aspects, they are not well-placed. (True, Sir). Are they well-placed? (No, Sir).

ဇာတိကလည်း ဒုက္ခသစ္စာ၊ ဇရာ မရဏကလည်း (ဒုက္ခ သစ္စာပါ ဘုရား) ခင်ဗျားတို့က နေရာ ကျမယ်လို့ ပြောနေတာ ၊ နေရာကျတဲ့ အကွက်ကိုပဲ ထောက်စရာပါရဲ့ လား (မပါပါဘူး ဘုရား)၊ ဉာဏ်ရောက်ပလား (ရောက်ပါပြီ ဘုရား) ဉာဏ်ရောက်ပြီ ဒကာ ဒကာမတို့ ရှင်းပြီနော် (ရှင်းပါပြီ ဘုရား)။

Rebirth (Jati) is the Truth of Suffering (Dukkha Sacca). Aging and Death (Jara-Marana) are also... (The Truth of Suffering, Sir). You say they will be "well-placed," but is there any spot that supports being well-placed? (There is not, Sir). Has knowledge arrived? (It has arrived, Sir). Knowledge has arrived. Yogis, is it clear? (It is clear, Sir).

ရုပ်ရည်ကချောပါရဲ့ အိုနာသေကပါနေတယ်

Beautiful Appearance, Mixed with Death

အင်း လက်သည်ရှာတော့မှ မိပလား (မိပါပြီ ဘုရား) ဒီကာယကံ ဝစီကံ မနောကံတွေနဲ့ မင်းတို့ စင်စင်ကြယ် ကြယ်ဆေး ဟုတ်လား (မှန်ပါ ဘုရား) ဆွမ်းချက် ပြန်လို့ရှိရင်လည်း စပါးလုံးမပါစေနဲ့ ဖွဲမပါစေနဲ့၊ သန့်သန့် ရှင်းရှင်း လုပ်ရတယ်ဟ ၊ နောက်ဘဝကျတော့ နင် သန့်သန့်ရှင်းရှင်းဖြစ်မယ်တဲ့၊ သန့်ရှင်းတာ ဘယ်သန့်ရမလဲ (မှန်လှပါ ဘုရား) ဟုတ်ဖူးလား (ဟုတ်ပါတယ် ဘုရား)။

Now that we search for the culprit, do we catch it? (We catch it, Sir). You say, "Wash these actions clean." (True, Sir). Even when cooking rice for alms, you say, "Let there be no paddy grains, no chaff; do it purely and cleanly. Then in the next life, you will be pure." How can one be pure? (True, Sir). Is that not so? (It is so, Sir).

ရုပ်ရည်ရူပကာလေးက ချောပါရဲ့ လှပါရဲ့ အို နာ သေက ပါနေတော့ ဒီအချောတွေက အိုနာသေထဲ ရော နေတယ်၊ ဒီအလှတွေက အို နာ သေထဲ ရောဆင်းသွားတယ် ဆိုတာ ပေါ် ပလား (ပေါ်ပါပြီ ဘုရား) ဒါဖြင့် အင်မတန် အရုပ်မဆိုးဘူးလား (ဆိုးပါတယ် ဘုရား)။

The physical appearance may be handsome or beautiful, but since Aging, Sickness, and Death are attached to it, this smoothness is mixed with Aging, Sickness, and Death. This beauty sinks mixed with Aging, Sickness, and Death. Do you see this? (We see it, Sir). Isn't that incredibly ugly? (It is ugly, Sir).

ဒီကံတွေဘယ်ကလာပါလိမ့်

Where Do These Karmas Come From?

ဒီကံ ဘယ်ကလာပါလိမ့် (ဥပါဒါန်က လာပါ တယ် ဘုရား) ဒီက လာကတည်းက ဒကာကြွယ်က စဉ်းစား ဥပါဒါန် ဆိုတာ အကုသိုလ် (မှန်လှပါ) အကုသိုလ် က လာတဲ့ကံဆိုတော့ ကောင်းသေးရဲ့ လား (မကောင်းပါဘူး ဘုရား)၊ ဥပါဒါန ပစ္စယာ ကမ္မဘဝေါ ကမ္မဘဝ ပစ္စယာ ဇာတိ ဇာတိပစ္စယာ (ဇရာ မရဏပါ ဘုရား)၊ ကယ်နိုင်တာ ပါသေးလား (မပါပါဘူး ဘုရား)၊ ပါသေးရဲ့ လား (မပါပါဘူး ဘုရား)။

Where does this Karma come from? (It comes from Clinging—Upadana, Sir). Since it comes from there, Daka Kywe, consider this: Clinging (Upadana) is unwholesome (Akusala). (True, Sir). If the Karma comes from unwholesome roots, is it still good? (It is not good, Sir). Upadana causes Kamma-bhava; Kamma-bhava causes Jati; Jati causes... (Jara-Marana, Sir). Is there anything in there that saves? (No, Sir). Is there? (No, Sir).

ဥပါဒါန်ဘယ်ကလာပါလိမ့်

Where Does Clinging Come From?

အားလုံး ဒကာ ဒကာမတို့ ကယ်နိုင်တဲ့တရား ပြတော့ မယ်ဆိုတော့ကို အတော်လေးကို နောက်ဆုတ် နားလည်မှ ဖြစ်တော့မယ်၊ ဒီဥပါဒါန် ဘယ်ကလာပါလိမ့် တဏှာကလာတယ်၊

တဏှာပစ္စယာဥပါဒါန်ကို လက်သည်တွေကိုက ဒကာ သိုက်တို့က စဉ်းစား (၁) ကော၊ (၂) ကော (၃) ကော ကောင်း ရဲ့လား (မကောင်းပါဘူး ဘုရား)။

ဒါကြောင့် သားသမီးတွေဖြစ်စေ မိမိတို့ဖြစ်စေ အို နာ သေနဲ့ မိတ်ဆွေဖြစ်နေတာ မဖြစ်ဘူးလား (ဖြစ်ပါ တယ် ဘုရား) တယ်ကြောက်စရာကောင်းပါလား (မှန်လှပါ ဘုရား) သဘောပါပလား (ပါပါပြီ ဘုရား)။

I am about to explain the Dhamma that can save you. To understand this, you must listen with profound attention and set aside your wandering thoughts. Where does Clinging (Upadana) come from? It comes from Craving (Tanha). Consider the links in this chain—Craving, Clinging, and Becoming. Are these good things? (No, they are not, Sir). Because of these, you have become intimate friends with Aging, Sickness, and Death. Isn't that terrifying? (It is very terrifying, Sir). Do you grasp this? (Yes, we do, Sir).

တဏှာဘယ်ကလာပါလိမ့်

Tracing the Source of Craving

ဒီတဏှာ ဘယ်ကလာပါလိမ့်မတုံး (ဝေဒနာက လာပါတယ် ဘုရား)၊ ဒီဝေဒနာ ဘယ်က လာပါလိမ့် (ဖဿကလာပါတယ် ဘုရား) ဖဿကလာတယ်ဆိုတာ ပေါ်နေပြီ (မှန်လှပါ ဘုရား)၊ ဖဿ ဘယ်ကလာပါလိမ့် (သဠာယတနကလာပါတယ် ဘုရား) သဠာယတန က လာတယ် ဆိုတော့ ဒကာ ဒကာမတွေက သိပြီးသားမို့ ရှင်း မနေဘူးလား။။

သဠာယတန ဘယ်ကလာတုံး (နာမ်ရုပ်က လာပါ တယ် ဘုရား) အေး နာမ်ရုပ်က လာတယ် ဆိုတာသိပြီ နာမ်ရုပ်ဘယ်က လာပါလိမ့် (ဝိညာဏ်ကလာပါတယ် ဘုရား) ဝိညာဏ်ကလာတယ် ဝိညာဏ်ဆိုတာ သိပြီ။

Where does this Craving come from? (It comes from Feeling, Sir). And where does Feeling (Vedana) come from? (It comes from Contact, Sir). Indeed, Contact (Phassa) is apparent. Where does Contact come from? (It comes from the Six Sense Bases, Sir). And the Six Sense Bases (Salayatana)? (They come from Mind and Matter, Sir). And Mind and Matter (Nama-Rupa)? (They come from Consciousness, Sir). Since you Yogis are already familiar with this, is it not clear? (It is clear, Sir).

တရားအားမထုတ်တဲ့အချိန်မှာ (၈)ခု

The Eight Factors vs. The Five Factors

အင်း ဒါဖြင့် ဒကာ ဒကာမတို့ မိမိခန္ဓာဟာ ၁၊ ၂၊ ၃၊ ၄၊ ၅၊ ၆၊ ၇၊ ၈ မိမိခန္ဓာဟာ ဘယ်နှစ်ခုပါလိမ့် (၈-ခုပါ ဘုရား) ယခုဘဝခန္ဓာလေဗျာ (မှန်ပါ ဘုရား)။

ယခုဘဝခန္ဓာ ဘယ်နှစ်ခုပါလိမ့် (ရှစ်ခုပါ) အနာဂတ်ခန္ဓာက (၃)ခု၊ သဘောကျပလား (ကျပါပြီ ဘုရား) ယခုဘဝ ခန္ဓာ နေ့တိုင်းဖြစ်နေတာက (ရှစ်ခုပါ ဘုရား) တရားမနာ တဲ့အချိန်မှာ ရှစ်ခု တရားအားမထုတ်တဲ့ အချိန်မှာ - (ရှစ်ခုပါ ဘုရား) တရားအားထုတ်တဲ့အချိန် (၅ခုပါ ဘုရား)။

Now, consider your own existence. In the cycle of Dependent Origination, how many factors are usually churning within your Aggregates? (Eight factors, Sir). Yes, in this present life, the cycle runs with eight factors. And for the future? There are three factors awaiting you. Do you accept this? (Yes, we do, Sir). Mark this well: When you are not listening to the Dhamma, or when you are not practicing Insight Meditation, the cycle runs with eight factors. But when you are practicing? (Only five factors, Sir).

တရားအားထုတ်တဲ့အချိန် (၅) ခု

Severing the Cycle through Practice

တရားအားထုတ်တယ်ဆိုရင်ပဲ ဒကာ ဒကာမတို့ ၁ ရယ်၊ ၂ ရယ်၊ ၃ ရယ်၊ ၄ ရယ်၊ ၅ ရယ် ဟုတ်လား အဲတော့ ဒကာ ဒကာမတို့ ဒီကြားထဲမှာ မဂ္ဂင်ငါးပါးနဲ့ အားထုတ်၊ အားထုတ်၊ မဂ္ဂင်ရှစ်ပါးနဲ့ အားထုတ်၊ အားထုတ်၊ တရားနာတဲ့ အချိန်မှာပဲ ဒီဘက်က ဘယ်သူပြတ်သွားတုံး (အို နာ သေ လုပ်မယ့် တရားသုံးခုပြတ်သွားပါတယ် ဘုရား)။

The moment you start practicing, the cycle changes. You have the Five Aggregates: One, Two, Three, Four, Five. In the midst of this, you apply the Five Factors of the Path (Magga). You practice again and again. Eventually, you develop the Eight Factors of the Noble Path. When you listen to Dhamma and practice in this way, what gets severed on the other end? (The three factors of Aging, Sickness, and Death are severed, Sir).

အိုနာသေလုပ်မည့်တရားပြတ်တယ်

Eliminating the Cause of Suffering

ဒါ တရားနာလိုက်တာနဲ့ တရားအားထုတ်လိုက်တာနဲ့ ဘာပြတ်သွားတုံး (အို နာ သေ လုပ်မည့် တရား ပြတ်သွားပါတယ် ဘုရား) အင်းဒီဘက်က တရားတွေက မိစ္ဆာတရားတွေပါလားလို့ ဒီကနေ ဉာဏ်နဲ့သွင်းလိုက်။ ဒီကနေဉာဏ်ကသွင်းလိုက်တော့၊ ဒီမဂ္ဂင် ပထမရှေးဦးစွာ ငါးပါးဖြစ်မှာပေါ့ (မှန်လှပါ ဘုရား) မဖြစ်ပေဘူးလား (ဖြစ်ပါတယ် ဘုရား)။

ငါးပါးဖြစ်တုန်းက၊ ကတည်းက သူတို့လာသေးရဲ့ လား (မလာပါဘူး ဘုရား) လာသာမလာတာ ဒကာ ဒကာမတို့ ငါးပါး ဖြစ်တုန်းကတော့ သူကိုအမြစ်ပြတ်အောင် သတ်နိုင်တဲ့ ငါးပါးမဟုတ်ဘူး (မှန်ပါ ဘုရား) သတ်နိုင်ပါ့မလား (မသတ်နိုင်ပါဘူး ဘုရား)။

By listening to the Dhamma and practicing, what is cut off? (Aging, Sickness, and Death are cut off, Sir). You must realize with your Insight: "Ah, the factors on the other side are the False Path (Miccha-dhamma)." You must inject Wisdom (Nana) into the process right here. Initially, the Five Factors of the Mundane Path will arise. (Yes, Sir). When these five arise, do the defilements still come? (No, Sir). Well, they may not manifest at that moment, but note this: The Five Factors of the Mundane Path are not yet strong enough to completely eradicate the defilements at the root. (True, Sir). Can they kill them completely? (No, they cannot, Sir).

အပါယ်သွားမည့်ကံတွေအကုန်ချုပ်တယ်

Closing the Gates to the Lower Realms

မသတ်နိုင်သေးတော့ ဒကာ ဒကာမတွေက ထပ်ပြန်တလဲလဲ ကြိုးစားလိုက်တာပေါ့ (မှန်ပါ ဘုရား)၊ သဘောကျပလား (ကျပါပြီ ဘုရား) ထပ်ပြန်တလဲလဲ ကြိုးစားလိုက်တော့ ဒကာကြွယ်တို့ ဦးလှဘူးတို့ မဂ္ဂင်ရှစ်ပါး မဖြစ်ဘူးလား (ဖြစ်ပါတယ် ဘုရား) ရှစ်ပါးဖြစ်သည် နှင့် တစ်ပြိုင်နက်တည်း တဏှာ ဥပါဒါန် ကံတွေ အပါယ် သွားစေတတ်တဲ့ကံတွေ အကုန်ချုပ်တယ် (မှန်ပါ ဘုရား)။

အပါယ်ခန္ဓာဖြစ်သေးရဲ့လား (မဖြစ်ပါဘူး ဘုရား) အို နာ သေ ကော (မဖြစ်ပါဘူး ဘုရား) ကိုယ်ကိုယ်တိုင် အားထုတ်လည်း အို နာ သေ လွတ်ပါလား သားသမီး တွေ တိုက်တွန်းနှိုးဆော် လိုက်ပြန်တော့ကော (အို နာ သေ လွတ်ပါတယ် ဘုရား) အို နာ သေ မလွတ်ဘူးလား (လွတ်ပါတယ် ဘုရား)။

Since they cannot eradicate the defilements yet, what must you do? You must practice repeatedly! (Yes, Sir). When you practice incessantly, for Yogis like Daka Kywe and U Hla Bu, the Path matures into the Eight Factors of the Noble Path. The moment the Eight Factors arise, Craving (Tanha), Clinging (Upadana), and Kamma—the forces that drag you to the Lower Realms (Apaya)—cease immediately. (True, Sir). Does the Aggregate that leads to hell arise anymore? (No, Sir). What about Aging, Sickness, and Death? (They do not arise, Sir). If you practice this yourself, you are free from Aging, Sickness, and Death. If you urge your children to practice? (They will be free too, Sir).

မဂ္ဂင်အလုပ်လုပ်ဖို့တိုက်တွန်းပါ

Urge Your Loved Ones to Practice

ဒါဖြင့် ခင်ဗျားတို့ ချစ်တာ ခင်တာ ကြင်နာတာတွေ ဘယ်နေရာမှာ အသုံးချမလဲဆိုတာ ယနေ့ ပေါ်လာပြီ (မှန်လှပါ ဘုရား) ဘယ်လိုများပေါ်တုံး (မဂ္ဂင်အလုပ်ကို တိုက်တွန်းရမယ်) မဂ္ဂင်ရှစ်ပါး တိုက်တွန်း မဂ္ဂင် အလုပ် လုပ်ကြ (မှန်လှပါ ဘုရား) ဒါသာလျှင် ခင်ဗျားတို့ နင်တို့ အိုတာ နင်တို့ နာတာတွေ မကြည့်ချင်ဘူး၊ ငါအိုတာ ငါနာတာကိုလည်း နင်တို့ သားသမီးတွေက ကြည့်နိုင်ကြမှာ မဟုတ်ဘူး၊

အဲတော့ကို နင့်ကိုလည်း ငါကယ်နိုင်တဲ့တရားရှိ တယ်၊ ငါ့ကိုလည်း နင်ကယ်နိုင်တဲ့တရား ရှိတယ် ဆိုပြီး သကာလ နင်လည်း မဂ္ဂင်အလုပ်လုပ် (မှန်လှပါ ဘုရား) ငါလည်း မဂ္ဂင်အလုပ် လုပ်မယ် ဆိုလို့ရှိရင်ဖြင့် တစ်ယောက် တစ်ယောက် လွမ်းစရာရှိသေးရဲ့လား (မရှိပါဘူး ဘုရား)။

ဆွေးစရာကော (မရှိပါဘူး ဘုရား) မျက်ရည်ကျစရာကော (မရှိပါဘူး ဘုရား) မရှိတော့ ဘူး ဆိုတာ ပေါ်လာပလား (ပေါ်လာပါပြီ ဘုရား)။

Now you know where to direct your love, affection, and kindness. It has become clear today. (Yes, Sir). How should you love them? (We must urge them to do the work of the Path). You must urge them: "Work on the Eightfold Path!" (Yes, Sir). Tell them: "I cannot bear to watch you age and suffer. Your children cannot bear to watch me age and suffer. There is a Dhamma that can save me, and a Dhamma that can save you. You practice the Path. I will practice the Path." If you both do this, is there any reason to miss each other with grief? (No, Sir). Is there any reason for sorrow? (No, Sir). Is there any reason for tears? (No, Sir). Do you see now that these miseries vanish? (Yes, we see it, Sir).

မကျေနပ်တဲ့ဇာတ်သိမ်းနည်း

The Unsatisfactory Ending

အင်း ဒါဖြင့် ဒကာ ဒကာမတို့ ခင်ဗျားတို့က ရှေ့မှောက်က ပျောက်သွားမှာစိုးရိမ်တယ် (မှန်လှပါ)

သဘောကျပလား (ကျပါပြီ ဘုရား) ရှေ့မှောက်က သားနဲ့ခွဲရ မယ် သမီးနဲ့ခွဲရမယ်ဆို ဘယ့်နှယ်များနေကြတုံး (မကျေနပ်ပါဘူး ဘုရား) အင်း အိမ်ထောင်ရက်သားကျလို့ အိမ်ပြောင်းမှာတောင် ကျေနပ်ကဲ့လား (မကျေနပ်ပါဘူး ဘုရား) မကျေနပ်ဘူး (မှန်လှပါ ဘုရား)။

တကယ်လို့ ရောဂါဝေဒနာရလို့ သေကြမယ်၊ နာကြ မယ်ဆိုရင်ကော (မကျေနပ်ပါဘူး ဘုရား) သာပြီး မကျေနပ်သေးတယ်၊ အဲဒီ မကျေနပ်ဇာတ်တွေကို ဒကာသိုက်ရေ သိမ်းနိုင်တဲ့နည်း ယနေ့ တွေ့ပလား (တွေ့ ပါပြီ ဘုရား) ဘာလုပ်ရမတုံး (မဂ္ဂင်အလုပ် လုပ်ရမယ် ဘုရား)။

I worry that you might lose sight of this truth. (Yes, Sir). How do you feel about separating from your sons and daughters? (We are not satisfied, Sir). Indeed. Even when you just move houses, you are not satisfied. What more if you have to die? (We are not satisfied, Sir). If you die in pain and sickness? (Not satisfied, Sir). It is always an unsatisfactory ending. But today, Daka Thike, have you found the way to end the drama properly? (Yes, we have, Sir). What must you do? (We must work on the Path, Sir).

ဆရာဘုန်းကြီးနဲ့ကြုံလို့နည်းရကြပြီ

A Rare Opportunity

မဂ္ဂင်အလုပ် လုပ်လိုက်တော့ ဘုန်းကြီးတို့ ဒကာ ဒကာမတွေ မကျေနပ်တဲ့ ဇာတ်တွေကို သားသမီး အပေါ် မကျေနပ်တဲ့ဇာတ်၊ သားသမီးက အမေ အဖေအပေါ် မကျေနပ်တဲ့ ဇာတ်တွေကို အမျိုးမျိုးကို သိမ်းနိုင်တဲ့ နည်းလမ်းဟာ ဆရာဘုန်းကြီးနဲ့ ဘုရားသာသနာကြုံလို့ ယခုအခါမှာ နည်းရကြပြီ။

ဪ -ဒီဇာတ်သိမ်းနည်းဟာ ဘယ်အခါကာလမှ နောက်လည်းတွေ့မှာမဟုတ်ဘူး ဟုတ်ပလား (ဟုတ်ပါပြီ ဘုရား) အခုတွေ့တုန်းကို ဇာတ်သိမ်းလိုက်မှ ပဲဆိုတဲ့စိတ် မွေးဖြစ်အောင် မွေးပါ (မှန်လှပါ ဘုရား)။ သဘောကျပလား (ကျပါပြီ ဘုရား)။

By meeting the Teacher and the Buddha’s Sasana, you have found the method to end all these unsatisfactory dramas—the drama of parents unsatisfied with children, and children unsatisfied with parents. Realize that you will not easily find this method again. While you have found it, you must cultivate the mind that resolves: "I will end this cycle of suffering right now!" (Yes, Sir).

တောဒေယျပုဏ္ဏာခွေးဖြစ်တယ်

The Cautionary Tale of Todeyya

သားတွေ သမီးတွေ ခင်ဗျားတို့က ငါသေလို့ရှိရင် အမွေ တွေ ထားပစ်ခဲ့တယ်၊ အင်း နင်တို့က မသုံးတတ် သုံးတတ်နဲ့ နင်တို့အတွက်တော့ ငါစိတ်မချဘူးဆို စိတ်မချဘဲနဲ့ သေရတယ် (မှန်လှပါ ဘုရား)၊ သဘောကျပလား (ကျပါပြီ ဘုရား) စိတ်မချဘဲနဲ့သေရတော့ အဖေ အမေမှာ ပစ္စည်း လည်း ထားခဲ့ရသေးတယ်၊ စုတေ မနေ သေလွန်ပြီး အခြားမဲ့၌ တောဒေးယျတို့မှာ ခွေးလည်းဖြစ်ရသေးတယ် (မှန်လှပါ ဘုရား) မဖြစ်ဘူးလား (ဖြစ်ပါတယ် ဘုရား)

တောဒေယျပုဏ္ဏားကြီးက ခွေးဖြစ်ရှာတယ်၊ သဘောကျပလား (ကျပါပြီ ဘုရား)။

အဲဒီတော့ စိတ်မချလုံးတွေကို ခင်ဗျားတို့ စိတ်မချခြင်းကြောင့်လည်း ဒကာကြွယ်ရေ ခွေးဖြစ်ရတဲ့ ဝဋ် (မှန်လှပါ ဘုရား) ကောင်းသေးရဲ့ လား (မကောင်း ပါဘူး ဘုရား) ရှင်းပလား (ရှင်းပါပြီ ဘုရား)။

Parents often die thinking, "I leave this inheritance to my children. They don't know how to spend it. They will waste it. I don't trust them." They die with worry and attachment. (True, Sir). Because they die with attachment to their property, they are reborn in the Four Lower Realms. Remember the Brahmin Todeyya? He was reborn as a dog in his own house! (True, Sir). Did he not become a dog? (He did, Sir). So, because of this "Unsatisfactory Ending" and "Lack of Trust," Daka Kywe, one suffers the cycle of becoming a dog. Is that good? (No, Sir). Is it clear? (It is clear, Sir).

စိတ်ချရတဲ့မဂ္ဂင်အလုပ် လုပ်ပါ

Do the Reliable Work

အဲတော့ အဲဒီ စိတ်ချရတဲ့အလုပ် တွေ့ပလားလို့ ယနေ့ မေးလိုက်တယ် (တွေ့ပါပြီ ဘုရား) ဘယ်လို များ တွေ့ပါလိမ့် (မဂ္ဂင်အလုပ်နဲ့တွေ့ပါတယ် ဘုရား) ဒကာ ဒကာမတို့ ဘာအလုပ် ကြိုးစားရမယ် (မဂ္ဂင်အလုပ် ကြိုးစားရမယ် ဘုရား)၊ ဒါဟာလည်း သားသမီးခန္ဓာပဲဗျ အမေ မိဘခန္ဓာကော မဟုတ်ဘူးလား (ဟုတ်ပါတယ် ဘုရား)၊ အဲတော့ အမေမိဘလည်း ဒီကနေ ဖြတ်လို့ ရှိရင် ဒီဘက် အိုသေတွေ လာသေးရဲ့ လား (မလာပါဘူး ဘုရား)

သားသမီးကလည်း ဒီကနေပြီး ဖြတ်လိုက်လို့ရှိရင် ပဋိသန္ဓေ နေမှု၊ အိုမှု၊ သေမှု ရှိသေးရဲ့လား (မရှိပါဘူး ဘုရား)။

So I ask you today: Have you found the work that is truly reliable? (We have, Sir). What is it? (It is the work of the Path, Sir). What work must you strive for? (We must strive for the Path, Sir). This body is the Aggregate of the child; the other is the Aggregate of the parent. If the parent severs the cycle here, will Aging and Death follow? (No, Sir). If the child severs the cycle here, will Rebirth, Aging, and Death remain? (No, Sir).

မခွဲချင်ဘူးဆိုရင်နိဗ္ဗာန်သွားနေကြ

If You Don't Want to Separate, Go to Nibbana

အင်း ဒါဖြင့် အမေက အဖေကို ကြင်နာပါတယ် ယုယပါတယ်။ အကြောင်းတိုက်ဆိုင်လို့ တွေ့ရ ငြားသော် လည်း၊ ငါတို့ဖြင့် မင်းတို့အပေါ်မှာ ဘယ်နည်းနဲ့မှ မခွဲချင်ဘူးဆို လို့ရှိရင်၊ နှစ်ယောက်စလုံး နိဗ္ဗာန်မှာ သွားနေ (မှန်လှပါ ဘုရား) မခွဲရဘူး ခွဲရသေးရဲ့ လား (မခွဲရပါ ဘူး ဘုရား)။

အဲတော့ ခင်ဗျားတို့က ဒီလိုလုပ်တာ မဟုတ်ဘူး၊ ခွဲရပြီ ဆို ရင်ထုတော့ ကောင်းသေးရဲ့ လား၊ ဪ လမ်းက သိပ်လွဲ နေတာကို (မှန်လှပါ ဘုရား) မဆိုထိုက်ဘူးလား (ဆိုထိုက်ပါတယ် ဘုရား)။

If a mother loves her father, or holds her children dear, and says, "I never want to be separated from you," then both of you must go to Nibbana. (Yes, Sir). In Nibbana, do you ever have to separate? (No, Sir). But if you do not do this, and you are forced to separate by death, is it good? Oh, you are so far off the track! (True, Sir). Should we not say this? (We should, Sir).

အေး ဒါကြောင့် တစ်ယောက် တစ်ယောက် ခင်ဗျားတို့ က မေးတဲ့အခါကျလို့ရှိရင် မနက်ဖြန် ကျလို့ရှိရင်ဖြင့် ဘယ်သူ ဘာဖြစ်သတဲ့ဆိုတာ မြို့ကြီးတွေကျတော့ ကြားကြရတယ် (မှန်လှပါ ဘုရား) မကြားရဘူးလား (ကြားရပါတယ် ဘုရား)။

ဪ ဖြစ်မှဖြစ်ရလေ ကျုပ်ဖြင့် စိတ်မကောင်း ဘူး၊ ဒါပဲ ခင်ဗျားတို့က စိတ်မကောင်းဘူး ဆိုတာနဲ့ နေ့ တိုင်း ဇာတ်သိမ်းနေတာပဲ (မှန်လှပါ ဘုရား) စိတ်ကောင်းမှုလာရဲ့လား (မလာပါဘူး ဘုရား)၊

ဖြစ်မှဖြစ်ရ လေဗျာ ကျုပ်အင်မတန် ရင်းနှီးတဲ့မိတ်ဆွေ ထိုက် သလောက်လည်း အားကိုးရတဲ့ မိတ်ဆွေပဲ သေသွားရှာ သတဲ့ဆိုပြီးသကာလ ခင်ဗျားတို့ ဒါ ကိုယ်အသက် ရှင်သလောက် ဒီဥစ္စာဟာ ဒုက္ခဒေါမနဿ လာနေမှာပဲ (လာမှာပါ ဘုရား) ကိုယ့်အတွက်ကော (လာနေမှာပါ ဘုရား)။

သားသမီးအတွက်ကော (လာနေမှာပါ ဘုရား) - မိတ်ဆွေသင်္ဂဟတွေ အတွက်ကော (လာမှာပါ ဘုရား)။

Every day, you ask each other, "What happened to so-and-so?" In big cities, you hear the news daily. (Yes, Sir). "Oh, how tragic. I am so sad." By saying "I am so sad," you are ending every day with grief. (True, Sir). Does any happiness come from that? (No, Sir). "My close friend passed away. My reliable partner died." As long as you are alive in this cycle, this Dukkha and Domanassa (Suffering and Grief) will keep coming. (It will keep coming, Sir). Will it come for you? (Yes, Sir). For your children? (Yes, Sir). For your friends? (Yes, Sir).

ရှေ့ငါးပါးကိုဖြစ်ပျက်ရှုပါ

Observe the Five Aggregates

အဲဒီ ကိုယ့်အတွက်ရော သားသမီးအတွက်ရော မိတ်ဆွေသင်္ဂဟအတွက်ရော ဇာတ်သိမ်း ရအောင် ဒကာ ဒကာမတို့ မဂ္ဂင်အလုပ်နဲ့ ဉာဏ်နဲ့ ဒီဘက် ရှေ့ငါးခုကို ဖြစ်ပျက် ရှုပါ (မှန်လှပါ ဘုရား)။

ဘယ့်နှယ်တုံး (ရှေ့ငါးခုကို ဖြစ်ပျက်ရှုပါ ဘုရား) ရှေ့ငါးခု ဖြစ်ပျက်ရှုရမယ်၊ ရှေ့ငါးခုကိုလည်း ငါးခုလို့ ပြောငြား သော်လည်း တစ်ခုတည်းရှု (မှန်လှပါ ဘုရား) သဘောကျပလား (ကျပါပြီ ဘုရား)၊ ဘာတဲ့ (တစ်ခုတည်း ရှုရမှာပါ ဘုရား) တစ်ခုတည်းရှု အကုန်ပါတယ်ဆိုတာ ဒကာကြွယ်ရေ ရှင်းမနေဘူးလား (ရှင်းပါတယ် ဘုရား)။

To end this drama for yourself, your children, and your friends, you must use your Insight (Nana) and the Path (Magga) to observe the Five Aggregates right here. Observe their Arising and Passing Away. (Yes, Sir). What must you do? (Observe the Arising and Passing Away of the first five, Sir). Although we say "Five Aggregates," you only need to observe one. (Yes, Sir). What did I say? (Observe only one, Sir). If you observe one, Daka Kywe, is it not clear that all are included? (It is clear, Sir).

လုပ်နည်းကတိုပြီး အမြတ်ကြီးရတယ်

Short Method, Big Profit

ရုပ်ရှု နာမ်ပါတယ် မဟုတ်လား (ဟုတ်ပါ တယ် ဘုရား) နာမ်ရှု (ရုပ်ပါပါတယ် ဘုရား) အေး ဒါဖြင့် တစ်ခုခုရှုလိုက်ရင် ဒကာသိုက်ရေ မပြီးဘူးလား (ပြီးပါ တယ် ဘုရား) ဒါဖြင့် နည်းကလည်းတိုတို အမြတ် ကလည်းကြီးကြီး (မှန်လှပါ ဘုရား)။

ဒကာ ဒကာမတွေ ပြတ်နည်းကလည်း အင်မတန်တိုပါ တယ်၊ အမြတ်ကလည်း ကြီးလိုက်တဲ့ ဖြစ်ခြင်း၊ သားသမီးလည်း အို နာ သေ လွတ်၊ ဆွေမျိုးညာတကာတွေကော (အို နာ သေ လွတ်ပါတယ် ဘုရား) မိမိကော (အို နာ သေ လွတ်ပါ တယ် ဘုရား)။

ဒါဖြင့် အမြတ်ကလည်း သည်ထက်ကြီးရှိသေးရဲ့လား (မရှိတော့ပါဘူး ဘုရား) အခုတော့ဖြင့် ဒကာ ဒကာမတွေ ဒီလမ်း ဒီစခန်းကို ဒီအကျင့်လမ်းကို မသိတဲ့အတွက်၊ ကိစ္စ ရှိရင် ကျုပ်ကိုယ်ကျိုး နည်းတာပဲ ၊ သူ့ဆီ ကြွေးဘယ်လောက်ရှိတယ် ဟုတ်လား (ဟုတ်ပါတယ် ဘုရား)

ဒါတွေ လက်မှတ်ကလည်းမထိုးရဘူး အစရှိသည်နဲ့ ထိုးထားတယ် သူတို့က သားတွေ သမီးတွေက မဆပ်ဘူးဆိုရင် ဘယ့်နဲ့မှ မတတ်နိုင်ဘူး ၊ ကိုယ်ကျိုးချည်းနည်းနေမှာပဲ (မှန်လှပါ ဘုရား) မနည်းပေဘူးလား (နည်းပါတယ် ဘုရား)။

If you observe Matter (Rupa), Mind (Nama) is included, is it not? (Yes, Sir). If you observe Mind? (Matter is included, Sir). So, if you observe just one, is the job not done? (It is done, Sir). The method is short, and the profit is huge. (True, Sir). The method to sever the cycle is very short. But the profit! Your children escape Aging and Death. Your relatives? (They escape Aging and Death, Sir). And yourself? (I escape Aging and Death, Sir). Is there any profit greater than this? (No, Sir). But now, because people do not know this path, this station, this practice, they spend their lives saying, "I am ruined! He owes me so much debt! I didn't even get a signature!" If the children don't pay it back, you can do nothing. You just sit there being ruined. (True, Sir). Are you not ruined? (We are, Sir).

ကိုယ်ကျိုးနည်းတဲ့ဇာတ်ကိုသိမ်းကြပါ

End the Ruinous Drama

ကိုင်းဒါနဲ့သာ အချိန်ကုန်ကြမှာ ဖြစ်လေတော့၊ ကိုင်း ကိုယ်ကျိုးနည်းဇာတ်ကိုလည်း ဒကာကြွယ်ရေ သိမ်းလိုက်ပါတော့ (မှန်လှပါ ဘုရား) ဘယ်လိုသိမ်းရမလဲ (ကိုယ်ကျိုးနည်း ဇာတ် ကိုသိမ်း ရမှာပါ ဘုရား) ဘာနဲ့သိမ်းကြမလဲ (မဂ္ဂင်အလုပ် လုပ်သိမ်းရမှာပါ ဘုရား) မဂ္ဂင်အလုပ် လုပ်ပြီး သိမ်းလိုက်လို့ ရှိရင်ဖြင့် ကိုယ်ကျိုးနည်းဇာတ်ရော သူကျိုးနည်းဇာတ်ရော အကုန်သိမ်းပေါ့ဗျာ (မှန်လှ ပါ ဘုရား)။။

သူကျိုးနည်းတာပဲ ကိုယ်ကျိုးနည်းတာပဲ ဆိုတဲ့ဥစ္စာတွေ အကုန်ဇာတ်သိမ်းပြီး သကာလ၊ မဂ္ဂင်ဆိုတဲ့ လွတ်မြောက်ရာနိဗ္ဗာန်ကို သေသေချာချာရောက်ပါတယ် (မှန်ပါ) မရောက်ပေဘူးလား (ရောက်ပါတယ် ဘုရား)။

ဒါဖြင့် ဒကာ ဒကာမတို့ ရှေ့ပိုင်းက ဘယ်နှစ်ခု ရှိပါလိမ့် (ငါးခုရှိပါတယ် ဘုရား)၊ ငါးခုရှိတဲ့ အခါကျတော့ အင်း-ဒီထဲက ဝိညာဏ်ဆိုတဲ့ဥစ္စာလေးရှိနေပြီပေါ့ဗျာ မရှိ ဘူးလား (ရှိပါတယ် ဘုရား)။

Since you are wasting time in ruin, Daka Kywe, please end this ruinous drama. (Yes, Sir). How will you end it? (By doing the work of the Path, Sir). If you practice the Path, you end the drama of your own ruin and the ruin of others. (True, Sir). You will arrive definitively at Nibbana—the liberation from "My ruin" and "His ruin." (Yes, Sir). Now, let us look at the beginning. How many factors are there? (Five, Sir). Among these, there is Consciousness (Vinnana). (Yes, Sir).

မြင်ရုပ်၊ မြင်စရာ၊ မြင်စိတ်

The Technique: Seeing Consciousness

အဲတော့ ဒကာ ဒကာမတို့ ဒါလေးကစိတ်ပေါ့ဗျာ၊ မြင် စိတ်ကလေးထားပါ၊ မြင်တဲ့စိတ်ကလေး ဒါက မြင်စရာ ပစ္စည်းလေး (မှန်လှပါ ဘုရား)၊ သဘောကျပလား ဒါက ဘာပါ လိမ့် (မြင်စရာ ပစ္စည်းလေးပါ ဘုရား) မြင်စရာ ပစ္စည်းလေးတစ်ခုထားလိုက်၊ ဒါဖြင့် ဒါက မြင်ရုပ်၊ ဒါက မြင်စရာ အဆင်းပေါ့ (မှန်ပါ ဘုရား)။

ဒီကမြင်စိတ် သဘောကျပလား (ကျပါပြီ ဘုရား)၊ မျက်လုံးထဲမှာ မျက်လုံးကန်းနေတဲ့ ပသာဒ ချို့ယွင်းနေတဲ့ပုဂ္ဂိုလ်ကျတော့လည်း မမြင်ဘူးဗျ (မှန်ပါ ဘုရား)၊ အဲတော့ မျက်လုံးရုပ်ကယ် မြင်စရာ တစ်ခုခု ဖြူနီကြောင်ကြားဆိုတဲ့ အဆင်းရယ် မျက်လုံးရုပ်နဲ့ ဒါနဲ့ တည့် လိုက် ဘာပေါ်ပါ့မလဲ (မြင်စိတ် ပေါ်ပါတယ် ဘုရား) မြင်စိတ်ပေါ် တယ်ဆိုတော့ ဒကာကြွယ်ရေ ရှင်းမနေ ဘူးလား (ရှင်းပါတယ် ဘုရား)။

Let's take the Mind that Sees. Here is the Seeing Consciousness. Here is the Object to be seen. (Yes, Sir). What is this? (The object to be seen, Sir). So, here is the Eye-Matter (Rupa) and the Visible Object (Rupa). Here is the Seeing Consciousness (Nama). (Yes, Sir). If a person has a blind eye or defective retina, they cannot see. (True, Sir). But if the Eye-Matter is intact and a Visible Object (white, red, or spotted) appears, and they align... what arises? (Seeing Consciousness arises, Sir). Is that not clear, Daka Kywe? (It is clear, Sir).

မှန်ရှေ့မှာလူရပ်ရင်လူရိပ်ပေါ်

The Mirror Analogy

မှန်နဲ့လူနဲ့တည့်လိုက်၊ ပြဒါးသုတ်ထားတဲ့ မှန်ရှေ့မှာ လူသွားရပ်လိုက်ပါ၊ အရိပ်ဟာ အလယ်မှာ ပေါ်တယ် (မှန်လှ ပါ ဘုရား) အင်း ဘယ့်နှယ်ကြောင့် ပေါ်ပါလိမ့်မတုံး မေးခွန်း ထုတ်လို့ရှိရင် ရှေ့ကလူလည်းရှိလို့ (မှန်ပါ ဘုရား) မှန်ကော (ရှိလို့ပါ ဘုရား) ဒါကြောင့် အရိပ် အလယ်မှာ ပေါ်လာ ရတယ် (မှန်လှပါ ဘုရား)။

ဒီမှာလည်း မှန်နဲ့တူတဲ့ မျက်လုံးအကြည်လေးရှိ လို့ ဒီကရပ်တဲ့လူ ရှေ့ကလည်း ရှိလို့ (ရှိပါတယ် ဘုရား)၊ အရိပ်သဖွယ် မြင်စိတ်ပေါ်တယ် ပေါ်ဘူးလား (ပေါ်ပါတယ် ဘုရား)။

အဲဒီတော့ ဒီသုံးခုပေါ်တယ်ဆိုတာ သဘောကျပလား (ကျပါပြီ ဘုရား) “တိဏ္ဏသင်္ဂတိဖဿ” ဆိုတော့ ဖဿကလည်း ဒီထဲတွဲလျက်ပဲ (မှန်လှပါ ဘုရား)။

ဝေဒနာကော (တွဲလျှက်ပါ ဘုရား) တွဲလျှက်ဖြစ်ပြီး သကာလနေတော့ ဒီထဲက မြင်တယ်ဆိုရင် မြင်စိတ်ကလေးကို ဖြစ်ပြီးပျက်တာပဲ ခဏနေပြီး ခဏပျက်တာပဲလို့ ဒီကနေ မဂ္ဂင်နဲ့ ရှုပေး (မှန်လှပါ ဘုရား)။

Stand a person in front of a mirror. A reflection appears in the center. (Yes, Sir). If one asks why it appears: It is because the person is in front. (Yes, Sir). And the mirror? (It is there too, Sir). Because both exist, the reflection appears. (True, Sir). Here too, because the clear sensitivity of the eye exists (like the mirror) and the person stands in front (the object), the Seeing Consciousness arises like a reflection. Does it not? (It does, Sir). So, three things have met. Do you grasp this? (Yes, Sir). "Contact arises from the meeting of three" (Tiṇṇaṃ saṅgati phasso). So Contact (Phassa) is already included. (Yes, Sir). And Feeling (Vedana)? (It is included, Sir). When they are linked like this, if seeing occurs, observe that the Seeing Consciousness arises and passes away. Use the Path (Magga) to watch it. (Yes, Sir).

မြင်စိတ်ဟာ မြင်ပြီးပျက်တယ်

Whatever Arises, Observe its Passing

ကိုယ့်မျက်လုံးထဲကို မြင်တဲ့စိတ်ကလေးက မြင်ပြီး ပျက်တာပဲလို့သာရှုပါ (မှန်ပါ ဘုရား)၊ ကြားတဲ့ စိတ်ကလေးက (ကြားပြီးပျက်တာပဲလို့ရှုရမှာပါ ဘုရား) ကြားပြီးပျက်တာပဲ လို့ ဉာဏ်ကလေး နဲ့သာ ရှုပေးပါ သဘောကျပလား။

အေး နံတဲ့စိတ်ကလေးကော (နံပြီးပျက်တာပဲ) စားတဲ့စိတ်ကလေးကော (စားပြီးပျက်တာပဲ) ယားတဲ့ယံတဲ့ စိတ်ကလေးက (ယားယံပြီးပျက်တာပါ) ကြံတဲ့ စိတ်ကလေးကော (ကြံပြီးပျက်တာပဲ) ကြံပြီးပျက် တာပဲလို့ ဒီစိတ်ကလေးကို ရှုပေးလို့ရှိရင် သူကအပျက်၊ ရှုတာ က မဂ်လာဖြစ်တယ် (မှန်ပါ ဘုရား) မဖြစ်ဘူးလား (ဖြစ်ပါတယ် ဘုရား)။

Simply observe that the Seeing Consciousness in your eye arises and then passes away. (Yes, Sir). And the Hearing Consciousness? (Observe that it hears and passes away, Sir). Just watch it with your Insight. And the Smelling Consciousness? (Smells and passes). The Tasting Consciousness? (Tastes and passes). The Itching Consciousness? (Itches and passes). The Thinking Consciousness? (Thinks and passes). If you observe that "It thinks and then passes," the thought is the Imperfection (the object), and the observation is the Path (Magga). (Yes, Sir).

မဂ်ဆိုတော့ဥပါဒါန် ကံချုပ်တယ်

Magga Terminates Kamma

မဂ်ဆိုတော့ ကိလေသာ သေစေတယ်ဆိုတာကော သဘောကျပလား (ကျပါပြီ ဘုရား) တဏှာတွေ ဥပါဒါန်တွေ ကံတွေ ဘယ့်နဲ့နေပါလိမ့် (ချုပ်သွားပါ တယ် ဘုရား) တဏှာတွေ ဥပါဒါန် ကံတွေ ဒကာ ဒကာမ တို့ မချုပ်ဘူးလား (ချုပ်ပါတယ် ဘုရား) သူတို့ ချုပ် ပေါ့ဗျာ သားသမီး ခန္ဓာ ပေါ်သေးရဲ့ လား သားသမီး အိုသေ (မပေါ်ပါဘူး ဘုရား)။

မိမိခန္ဓာရော (မပေါ်ပါဘူး ဘုရား) အင်းမိမိအိုသေကော (မပေါ်ပါဘူး ဘုရား) ဒါဖြင့် ဒကာ ဒကာမတို့ အင်း-ဒါဖြင့် ကိုယ့်စိတ်ကို ရှုရတဲ့အဓိပ္ပါယ်ဟာ တယ်ကောင်းပါလား (မှန်လှပါ ဘုရား)။

Since it is the Path, do you realize it kills Defilements? (Yes, Sir). What happens to Craving, Clinging, and Kamma? (They cease, Sir). Daka and Dakama, do they not cease? (They cease, Sir). If they cease, does the Aggregate of the "Child" appear? Does the "Child's Aging and Death" appear? (No, Sir). Does your own Aggregate appear? (No, Sir). Does your own Aging and Death appear? (No, Sir). Therefore, the meaning of observing your own mind—is it not wonderful? (It is, Sir).

အကြောင်းနှစ်ခုတိုက်ဆိုင်လို့ပေါ်တဲ့စိတ်

Not "My Mind," Just Causes and Effects

ကိုယ့်စိတ်ကို ရှုရတဲ့ အဓိပ္ပါယ်သည် ကိုယ့်စိတ်သာ ဆိုရတာ အပြောမို့ ဘုန်းကြီးက ကိုယ့်စိတ် ပြောနေရတာ ဒီစိတ်ကလေးဟာ အကြောင်းနှစ်ခု တိုက်ဆိုင်လို့ ပေါ်လာတဲ့ စိတ် (မှန်လှပါ ဘုရား) ကိုယ့်စိတ်ကို မဟုတ်ဘူး (မှန်လှပါ ဘုရား) ရှင်းပလား (ရှင်းပါပြီ ဘုရား)။

ကောင်းပြီ အဲဒီကဲ့သို့ သိထားတော့ ဘယ်စိတ်ပေါ်ပေါ် အကြောင်းနှစ်ခု တိုက်ဆိုင်လို့ပဲ (မှန်လှပါ ဘုရား)၊ မြင် စိတ်ပေါ်လည်း အကြောင်းနှစ်ခု တိုက်ဆိုင်လို့ပါဘုရား နံစိတ်ကလေး ပေါ်လာရင် (အကြောင်းနှစ်ခု တိုက်ဆိုင် လို့ပါ ဘုရား) အင်း စားတဲ့စိတ်ကလေး (အကြောင်းနှစ်ခု တိုက်ဆိုင်လို့ပေါ်တာပါ ဘုရား) လျှာလည်းမရှိဘူး ထည့် တဲ့ချိုချင်လည်းမရှိဘူးဆိုရင် ဘယ့်နှယ့် စားချင် စိတ်ကလေး ကောင်းတဲ့ ဆိုတဲ့ စိတ်ကလေး ပေါ်ပါ့မလား (မပေါ်ပါဘူး ဘုရား)။

အဲဒါတွေ ထောက်ပြီးသကာလ အထည်အဝတ် လည်း ခြုံတယ်၊ လေလည်းမတိုက်ဘူး ဆိုရင်ဖြင့် အေးတယ်ဆို တဲ့ ကိုယ်ပေါ်မှာ အေးသည့်ရုပ်ကလေးပေါ်ပါ့မလား (မပေါ်ပါဘူး ဘုရား)၊ ဘာမှ မတွေးဘဲနေ ကြံစိတ်ကော (မပေါ် ပါဘူး) အဲတော့ ကြံစိတ်လာလည်း ဒီကြံစိတ် ရှိ-မရှိကို ဒီမဂ်နဲ့ တွေးလိုက်၊ သဘောကျပလား (ကျပါပြီ ဘုရား)။

When I say "Observe your mind," I use the term "Your Mind" only for the sake of conversation. In reality, this mind arises only because two causes collide. (True, Sir). It is not "yours." (True, Sir). Is that clear? (Clear, Sir). Good. Knowing this, whatever mind arises, it is due to the collision of two causes. (Yes, Sir). Seeing Consciousness arises due to two causes. Smelling Consciousness? (Due to two causes, Sir). Tasting Consciousness? (Due to two causes, Sir). If there is no tongue and no sour or sweet food to put on it, would the "Tasting Consciousness" or "Thinking it is good" arise? (No, Sir). Considering this: if you have no blanket and the wind is not blowing, would the "Feeling of Cold" arise on the body? (No, Sir). If you are not thinking about anything, would the Thinking Mind arise? (No, Sir). So, whenever a Thinking Mind arises, verify its existence or non-existence with the Path (Magga). (Yes, Sir).

ရှေ့ကအပျက်၊ နောက်ကမဂ်

Front is Impermanence, Back is Magga

ထိုကဲ့သို့တွေးလိုက်ပြီဆိုမှဖြင့် ဘုန်းကြီးတို့ ဒကာ ဒကာမတွေ ကိုယ့်စိတ်ဟာ အပျက်တွေ ပါလား (မှန်လှ ပါ ဘုရား) သဘောကျပလား (ကျပါပြီ ဘုရား)၊ ကိုယ့်စိတ်အပျက်ကို ကိုယ့်မဂ်နဲ့ မသိဘူးလား (သိပါ တယ် ဘုရား)။

ဒါဖြင့် အပျက်နဲ့ မဂ်နဲ့ ကိုက်သွားတဲ့အခါကျလို့ရှိရင် ဖြင့်၊ ရှေ့ကအပျက် နောက်ကမဂ်နဲ့ ကိုက်သွားရင် တဏှာ၊ ဥပါဒါန်၊ ကံ ဘယ့်နှယ်လုပ်မတုံး (မရှိတော့ပါဘူး ဘုရား)

ဒါဖြင့် သားသမီး အိုသေကော ကယ်နိုင်ပါ့မလား (ကယ် နိုင်ပါပြီ ဘုရား)၊ မိမိ အိုသေကော ရှိသေးရဲ့လား (မရှိတော့ပါဘူး ဘုရား)။

When you verify it like that, you Yogis will see: My mind is just a series of passings. (True, Sir). Do you not know the passing of your own mind with your own Path? (We know it, Sir). So, when the Passing (in front) and the Path (behind) align perfectly: If the front is Impermanence and the back is Magga... What happens to Craving, Clinging, and Kamma? (They exist no more, Sir). Can this save you from the Aging and Death of your children? (It can save them, Sir). Does your own Aging and Death still exist? (No, Sir).

အိုသေကြောက်ရင်ဒီအလုပ်လုပ်ပါ

The Only Refuge

ဒါဖြင့် အိုရမှာ နာရမှာ သေရမှာ မိမိကြောက်လည်း ဒီအလုပ် လုပ် (မှန်ပါ ဘုရား)၊ သားသမီး များ အိုမှာ နာမှာ သေမှာ ကြောက်ရင်လည်း (ဒီအလုပ်လုပ်ရမှာ ပါ ဘုရား) ဒီအလုပ်မှတစ်ပါး ကိုးစားရာ အားထားရာ ရှိသေးရဲ့လား (မရှိတော့ပါဘူး ဘုရား)

ဒါဖြင့် ကယ်နိုင်တဲ့ လမ်း၊ ကယ်နိုင်တဲ့ အကျင့်၊ ကယ်နိုင်တဲ့ လမ်းဆိုတာက ဒါ မဂ္ဂင်ရှစ်ပါး မဂ္ဂင်လမ်းမတော်ကြီး လာဖြစ်တယ် (မှန်ပါ ဘုရား) ဟုတ်လား ကယ်နိုင်တဲ့အကျင့်ဆိုတာ ရှေ့က အဖြစ်အပျက်တွေကို နောက် မဂ်နဲ့ရှုပေးတော့ ဒီအကျင့်မဖြစ်သေးဘူးလား (ဖြစ်ပါတယ် ဘုရား)။

Therefore, if you fear Aging, Sickness, and Death, do this work. (Yes, Sir). If you fear that your children will age, sicken, and die, (We must do this work, Sir). Other than this work, is there any other refuge or support? (No, Sir). This is the Saving Path, the Saving Practice. The "Saving Path" is this Great Highway of the Eightfold Path. (True, Sir). The "Saving Practice" is observing the arising and passing of the phenomena in front with the Path behind. Is this not the practice? (It is, Sir).

ကယ်နိုင်တဲ့လမ်းတွေ့ပြီ

Following the Buddhas

ဒါဖြင့် ဒကာ ဒကာမတို့ ကယ်နိုင်တဲ့အကျင့် လည်းတွေ့ပြီ (မှန်ပါ ဘုရား) ကယ်နိုင်တဲ့ လမ်း ကော (တွေ့ပါပြီ ဘုရား) ဒီလမ်းက တဏှာသတ်တဲ့လမ်း (မှန်လှပါ ဘုရား) တဏှာသတ်တော့ ဒီက ဒုက္ခတွေကကော (အကုန်ချုပ်ပါတယ် ဘုရား)၊ ဒီဘက်က သမုဒယသစ္စာတွေ အကုန်သတ် ၊ ဒီဘက်က ဒုက္ခသစ္စာတွေကော (အကုန်ချုပ်ပါတယ် ဘုရား)။

So, Yogis, have you found the Saving Practice? (We have, Sir). Have you found the Saving Path? (We have, Sir). This path kills Craving (Tanha). (True, Sir). When Craving is killed, what happens to the Suffering (Dukkha)? (It all ceases, Sir). You kill the Truth of the Cause (Samudaya Sacca), and the Truth of Suffering (Dukkha Sacca) follows. (It all ceases, Sir).

ကျွက်တမ်းဝင်တဲ့ပုဂ္ဂိုလ်တွေ

အင်း- ဒီလမ်းသည်ကားဆိုရင် ဒကာ ဒကာမတို့ ကျင့်ကောင်းတဲ့လမ်း ပွားကောင်းတဲ့ (လမ်းပါ ဘုရား)၊ ဘုရားအဆူဆူနဲ့တကွ ဘုရားတစ်ဆူတစ်ဆူနောက်မှာ ဒီလမ်းလိုက်တဲ့ ပုဂ္ဂိုလ်ဟာတဲ့ (၂၄) သင်္ချေရှိတယ်၊ ကုဋေရှစ် ဆယ်၊ ကုဋေပေါင်းက ရှစ်ဆယ်ရှိတယ်၊ ဗိုလ်ခြေတစ်သိန်းရှိ တယ်၊ ဒီလမ်းချည်း လိုက်သွားတာ (မှန်လှပါ ဘုရား) အငိုလွတ်အတွေးလွတ်တွေ (မှန်လှပါ ဘုရား) မလိုက် ပေဘူးလား (လိုက်ပါတယ် ဘုရား)။

အဲတော့ ဘုရားတစ်ဆူတစ်ဆူမှာ ကျုပ်တို့သည်ကား ဆိုလို့ရှိရင်ဖြင့် နည်းနည်းနောနော ပါသွားတာ မဟုတ်ဘူး (၂၄) သင်္ချေ၊ ကုဋေရှစ်ဆယ်၊ ဗိုလ်ခြေတစ်သိန်း တောင်ပါသွားတာ၊ ကျုပ်တို့ ကျန်နေရစ်တော့ ဒီအနတ္တတစ်လုံးနဲ့ မတတ်နိုင် ဘူးလို့ ပင်နေတာနဲ့ ကျန်နေရစ်တာ (မှန်လှပါ ဘုရား) သဘောကျပလား (ကျပါပြီ ဘုရား)။

အနတ္တပေမယ့်ကယ်နိုင်တဲ့လမ်း

This Path is the path of good practice and development. (Yes, Sir). Following each and every Buddha, countless beings—Twenty-four Asankhyeyas, eighty crores, a hundred thousand multitudes—have walked this very path. (True, Sir). They were the ones who escaped weeping and wandering. (True, Sir). Did they not follow this path? (They did, Sir). So, under each Buddha, it was not a small number who escaped. Twenty-four Asankhyeyas! We were left behind because we groaned, "I cannot do it," thinking there was a Self, unable to grasp Anatta. That is why we are left behind. (True, Sir).

အခုတော့ဖြင့် ဪ အနတ္တ ပေမယ့်လည်း အင်း- ဒီဥစ္စာသည်ကားလို့ ဆိုလို့ရှိရင် ကယ်နိုင်ယူနိုင်တဲ့ လမ်း ရှိပါသေးလားဆိုတာ ဒကာ ဒကာမတွေ ပေါ်ပလား (ပေါ်ပါပြီ ဘုရား)။

ဒါဖြင့် ဒကာ ဒကာမတို့ ကိုယ့်စိတ်ကိုရှုပါ (မှန်လှ ပါ ဘုရား)၊ ရှင်းပလား (ရှင်းပါပြီ ဘုရား)၊ ကိုယ့်စိတ် ဆိုတာက ဘာတုံး ဖြစ်ပျက် (မှန်လှပါ ဘုရား) ကိုယ်ရှု ပါဆိုတာက (မဂ်ပါ ဘုရား) ကိုယ့်စိတ် ဆိုတာက (ဖြစ် ပျက်ပါ ဘုရား) ဖြစ်ပျက်ကိုရှုပါဆိုတာက (မဂ်ပါ ဘုရား)။

Now, although it is Anatta (Non-Self), do you see that there is a path that can save you? (We see it, Sir). Therefore, observe your mind. (Yes, Sir). Is that clear? (Clear, Sir). What is "Your Mind"? (Arising and Passing, Sir). What is "Observe it"? (The Path, Sir). "Your Mind" is... (Arising and Passing). "Observe it" is... (The Path).

သိတဲ့တွေးလုံးကမဂ္ဂင်

The Thought That Knows

အဲတော့ - ကိုယ့်စိတ်ကလေး ခုနက စားချင်တဲ့ စိတ် ရှိ-မရှိတွေး အိပ်ချင်တဲ့စိတ်ကလေးပေါ် ရင်လည်း ရှိ- မရှိ နောက်ကတွေးလုံးကို မထစ်စေနဲ့ မြန်မြန်တွေး (မှန်လှပါ ဘုရား) ဟုတ်လား (ဟုတ်ပါတယ် ဘုရား) စကားပြောပြီးတဲ့ စိတ်ကလေးရှိတယ်၊ ပြောချင်တဲ့စိတ်ကလေး ရှိတယ်၊ ပြောပြီးလို့ရှိရင်လည်း ခုနကပြောချင်တဲ့စိတ်ကလေး ရှိမရှိ မြန်မြန်တွေး (မှန်လှပါ ဘုရား) တွေးလိုက် ရင်ဖြင့် ခုနက ပြောချင်တဲ့စိတ်က ပျက်သွားတာပဲ (မှန်လှပါ ဘုရား)။

If a desire to eat arises, check to see if it is still there. If a desire to sleep arises, check if it is still there. Do not let the knowing thought lag behind. Insight must follow instantly. (Yes, Sir). There is a mind that has spoken; there is a mind that wants to speak. After speaking, check quickly if the "mind that wanted to speak" is still there. (Yes, Sir). If you check, you will see that the mind that wanted to speak has vanished. (True, Sir).

အမေ့ကိုကယ်နိုင်တဲ့နည်းလမ်း

အင်း တွေးလုံးသည်ကားဆိုလို့ရှိရင်ဖြင့် မရှိဘူးလို့ သိတဲ့တွေးလုံးဟာ မဂ္ဂင်ကဖြစ်တာ (မှန်လှပါ ဘုရား) မဖြစ်သင့်ဘူးလား (ဖြစ်သင့်ပါတယ် ဘုရား)

ဒီလိုဆိုတော့ သားသမီးက အမေ့ကိုကယ်နိုင်တဲ့လမ်း ၊ အမေက ကော (သားသမီးကို ကယ်နိုင်တဲ့ လမ်းပါ ဘုရား)၊ သားသမီး ကယ်နိုင်တဲ့လမ်းတွေ ကောင်းကောင်းကြီး အထ မမြောက်ဘူးလား (မြောက်ပါတယ် ဘုရား) ရှင်းကြပလား (ရှင်းပါပြီ ဘုရား)။

ကိုင်း ယနေ့ ဒီတွင်တော်ကြစို့။

သာဓု သာဓု သာဓု။

The Thought that realizes "It is gone" is the Path (Magga). Is this not how it should be? (It should be, Sir). If this is done, it is the way a child saves their mother. And the mother? (It is the way she saves her child, Sir). The path to save your children becomes fully established. (It does, Sir). Are you clear? (Yes, Sir). Well, let us stop here for today. Sadhu... Sadhu... Sadhu.