တရားတော်

book-13509

ဝေဒနာကမ္မဌာန်းရှုနည်း

မာတိကာသို့

ဝေဒနာကမ္မဌာန်းရှုနည်း

ကျေးဇူးတော်ရှင် အဂ္ဂမဟာပဏ္ဍိတ

A Practical Dhamma Talk delivered by The Most Venerable Agga Maha Pandita

မိုးကုတ်ဆရာတော် ဘုရားကြီး

Mogok Sayadaw

အမရပူရဓမ္မာရုံ၌ ဟောကြားတော်မူသော

At Amarapura Dhamma Hall

ဝေဒနာကမ္မဌာန်းရှုနည်း

How to Observe Feelings

အလုပ်ပေးတရားတော်

A Practical Dhamma Talk

(၂၃-၉-၁၉၆၂)

(23-9-1962)

ဝေဒနာသုံးမျိုးရှိတယ်

ဒကာ ဒကာမတွေ ခန္ဓာကိုယ်မှာ ဝေဒနာသုံးမျိုးရှိတယ်လို့မှတ်ထားပါ။ ဆင်းရဲတဲ့ဝေဒနာတစ်မျိုး၊ ချမ်းသာတဲ့ ဝေဒနာကတစ်မျိုး၊ ချမ်းသာဆင်းရဲမဟုတ်ပဲနဲ့ အလတ်စားဝေဒနာကတစ်မျိုးလို့ ဝေဒနာသုံးမျိုးရှိတာကို မှတ်ထားရမယ်၊ (မှန်ပါ)။

Yogis, mark this carefully: there are three kinds of feelings (Vedana) in your body. There is unpleasant feeling (Dukkha Vedana), pleasant feeling (Sukha Vedana), and neutral feeling (Upekkha Vedana), which is neither pleasant nor unpleasant. You must understand that there are exactly these three. (Yes, Sir).

ဝေဒနာသုံးမျိုးကတော့ ဒီဒကာ ဒကာမတွေမှာ တစ်ခုမရှိ တစ်ခုရှိရမယ်လို့ မှတ်ထားရမယ်။ ဝေဒနာက ဒကာ ဒကာမတွေ သန္တာန်၌ ချမ်းသာက ဝေဒနာတစ်မျိုးရှိတယ်နော် (မှန်ပါ)။ ဆင်းရဲတဲ့ဝေဒနာ (တစ်မျိုးမျိုး ရှိတယ်)။ ချမ်းသာဆင်းရဲမဟုတ်ပဲ ကြားဝေဒနာကော (တစ်မျိုးရှိပါတယ်)။ ပေါင်းတော့ သုံးမျိုးရှိတယ်။

You must realize that at any given moment, one of these three feelings will always be present in you. You experience pleasant feeling, don't you? (Yes, Sir). You experience unpleasant feeling too. And what about the neutral feeling in between? (We experience that too, Sir). In total, there are three.

ဒါ့ကြောင့် ဒီဒကာ ဒကာမတွေ၏ ခန္ဓာကိုယ်ကို ဝေဒနက္ခန္ဓာလို့ ဟောတော်မူတယ်။ ဝေဒနက္ခန္ဓာလို့ ဟောတော်မူခြင်းသည် ဝေဒနာသုံးမျိုးတစ်ခုခုရှိနေလို့ ဝေဒနက္ခန္ဓာလို့ ဟောလိုက်ပါတယ် (မှန်ပါ)။

That is why the Buddha declared your body to be the Aggregate of Feeling (Vedanakkhandha). He called it Vedanakkhandha because one of these three feelings is always present. (Yes, Sir).

အဲဒီတော့ ဒီဝေဒနာသုံးမျိုးရှိနေလို့ ဘယ်အချိန်မှ ဝေဒနာမကင်းဘူးဆိုတဲ့ဥစ္စာ ကိုယ့်ဟာကိုယ်မှတ်ထားကြပါ (မှန်ပါ)။

Therefore, note this well: because these three exist, there is never a time when you are free from feeling. (Yes, Sir).

ဘယ်အချိန်ဝေဒနာကင်းသတုံးမေးရင် ဘယ့်နှယ်ဖြေကြမလဲ (ဘယ်အချိန်မှမကင်းပါဘူး)။

If I ask you, "When are you ever free from feeling?" how will you answer? (We are never free from it, Sir).

ဘယ်အချိန်မှ ဝေဒနာမကင်းဘူး

ဘယ်အချိန်မှ ဝေဒနာမကင်းဘူး၊ တစ်ခါတစ်လေ ဆင်းရဲတဲ့ဝေဒနာဖြစ်နေတယ်။ တစ်ခါတစ်လေတော့လဲ ချမ်းသာတဲ့ဝေဒနာဖြစ်နေတယ်။ တစ်ခါတစ်လေကျတော့လဲ ချမ်းသာဆင်းရဲမပါတဲ့ ဥပေက္ခာဝေဒနာ ဆိုတာ ဖြစ်နေတယ်လို့ မှတ်ရမယ် (မှန်ပါ)။

Indeed, you are never free from feeling. Sometimes an unpleasant feeling arises. Sometimes a pleasant feeling arises. At other times, a neutral feeling—Upekkha Vedana—arises. You must recognize this. (Yes, Sir).

အဲဒါကြောင့် ဒီဝေဒနာတွေကို ဘယ်အချိန်ကြည့်လိုက်ကြည့်လိုက်- တစ်ပါးပါးကို ဉာဏ်နဲ့ကြည့်လိုက်တဲ့ ပုဂ္ဂိုလ်မှာတွေ့ရမယ် (မှန်ပါ)။

Therefore, whenever you watch and observe with Insight (Vipassana), you will always find one of these feelings present. (Yes, Sir).

တွေ့တဲ့အခါကျလို့ရှိရင်ဖြင့် ဪ- ဝေဒနက္ခန္ဓာပဲလို့ ဒီခန္ဓာကိုယ်ကြီးကို သိထားရမယ် (မှန်ပါ)။ ဘာ့ကြောင့်တုံးဆိုတော့ ဘယ်အချိန်မဆို ဉာဏ်နဲ့ မျက်စောင်းထိုးကြည့် ဝေဒနာက္ခန္ဓာမတွေ့တဲ့အချိန်တော့ မရှိပါဘူး (မှန်ပါ)။

When you see it, you must realize: "Oh, this body is indeed nothing but the Aggregate of Feeling (Vedanakkhandha)." (Yes, Sir). Why? Because no matter when you observe closely with Insight, there is never a moment when the Vedanakkhandha is absent. (Yes, Sir).

ဒါ့ကြောင့် မောင်သစ်တို့၊ မောင်ချစ်စိန်တို့က ဝေဒနာကင်းနေတဲ့အခါမရှိဘူးလို့ ဆုံးဖြတ်ချက်ချပါ (မှန်ပါ)။ ဒီဝေဒနာတွေ အကုန်ကင်းရင် နိဗ္ဗာန်လို့မှတ်စမ်းပါ (မှန်ပါ)။

Therefore, Maung Thit and Maung Chit Sein, you must make a firm decision that there is no time free from feelings. (Yes, Sir). Mark this: the complete cessation of all these feelings is Nibbana. (Yes, Sir).

ဒီဝေဒနာတွေ အကုန်ကင်းရင် ဘာခေါ်ကြမယ် (နိဗ္ဗာန်ပါ)။ နိဗ္ဗာန်ဆိုတာ ဝေဒနာမရှိတာကို ဆိုသည်လို့ မှတ်ထားကြပါ (မှန်ပါ)။

If all these feelings completely cease, what do we call it? (Nibbana, Sir). Understand that Nibbana means the absolute absence of feeling whatsoever. (Yes, Sir).

အဲဒီတော့ ဒီဝေဒနာသည် ဘယ်အချိန် ဉာဏ်နဲ့ကြည့်လိုက်ကြည့်လိုက် တစ်ခုခုတွေ့ခဲ့သော် ဒီပုဂ္ဂိုလ်ဟာ ဉာဏ်မျက်လုံးရပြီလို့ မှတ်ရမယ် (မှန်ပါ)။ ဝေဒနာ မတွေ့သေးပါဘူး ဆိုလို့ရှိရင်ဖြင့် ဉာဏ်မျက်လုံး မရလို့ပဲ။ ဘာ့ကြောင့်တုံး တစ်ခုခုအမြဲရှိနေတဲ့ဥစ္စာကို ရှိတာမသိလို့ပဲလို့ မဆိုထိုက်ဘူးလား (ဆိုထိုက်ပါတယ်)။

So, if a person watches and observes with Insight at any time and finds one of these feelings, know that this person has gained the Eye of Insight. (Yes, Sir). If you say you cannot find any feeling, it is simply because you lack the Eye of Insight. Why? Because something is always there, and yet you fail to see it. Wouldn't you agree? (We agree, Sir).

ဉာဏ်နဲ့ကြည့်လိုက်လို့ရှိရင် တွေ့ရမယ်

အေး-ဒါကြောင့် ဝေဒနာသုံးမျိုး အမြဲတမ်းရှိနေတာကို ဉာဏ်နဲ့ကြည့်လိုက်လို့ရှိရင် တွေ့ရမယ် (မှန်ပါ)။

Thus, because these three feelings are always present, if you watch and observe with Insight, you will definitely see them. (Yes, Sir).

ဝေဒါနာသုံးမျိုးကတော့ ပုထုဇဉ်မှာလဲရှိတာပဲ။ အကြားအမြင်မရှိတဲ့ ပုဂ္ဂိုလ်မှာလဲ ဝေဒနာသုံးမျိုးရှိတာပဲ၊ အကြားအမြင်ရှိတဲ့ပုဂ္ဂိုလ်မှာလဲ ဝေဒနာသုံးမျိုးရှိတာပဲ။ ရှိတာကတော့ ထူးသေးသလား (မထူးပါဘူး)။

Now, these three feelings exist in ordinary, uninstructed people (Puthujjana). An untaught ordinary person experiences them, and a well-instructed noble disciple experiences them too. Is there any difference in the mere existence of these feelings? (No difference, Sir).

အကြားအမြင်ရှိတဲ့ ပုဂ္ဂိုလ်မှာလဲ ဝေဒနာသုံးမျိုးခံစားလျက်ပဲ (မှန်ပါ)။ အကြားအမြင်မရှိတဲ့ပုဂ္ဂိုလ်မှာလဲ ဝေဒနာသုံးမျိုးခံစားလျက်ပဲလို့ မှတ်ရမယ်နော် (မှန်ပါ)။

You must understand that both the well-instructed disciple and the untaught ordinary person experience these three feelings alike. (Yes, Sir).

ဒါနဲ့ ရဟန်းတစ်ပါးကလျှောက်တယ်၊ အကြားအမြင်ရှိတဲ့ပုဂ္ဂိုလ်လဲ ဝေဒနာသုံးမျိုးဟာ အမြဲတမ်းရှိနေတာပဲ၊ ဝေဒနာသုံးမျိုး တစ်ခုခုရှိနေတာပဲ။ အကြားအမြင်မရှိတဲ့ ပုဂ္ဂိုလ်မှာလဲ ဝေဒနာသုံးမျိုး တစ်ပါးပါးရှိပြီး သကာလ နေတာပဲ။ ဝေဒနာခံစားတာချင်း အကြားအမြင်မရှိတဲ့ပုဂ္ဂိုလ်နဲ့၊ အကြားအမြင်ရှိတဲ့ပုဂ္ဂိုလ် ဘာထူးသတုံးဆိုတဲ့ဥစ္စာ ဘုရားကို ရဟန်းတစ်ပါးက လျှောက်တယ် (မှန်ပါ)။

Regarding this, a monk once approached the Buddha and asked: "Venerable Sir, both the well-instructed person and the untaught person constantly experience one of these three feelings. When it comes to experiencing feelings, what is the difference between the untaught person and the well-instructed one?" (Yes, Sir).

နားလည်ကြပြီနော် (နားလည်ပါတယ်)။ လူတစ်ယောက်မှာ ဝေဒနာဘယ်နှစ်မျိုးရှိသတုံး (သုံးမျိုးရှိပါတယ်)။ အကြားအမြင်မရှိတဲ့ပုဂ္ဂိုလ်လဲ သုံးမျိုးရှိတာပဲ။ အကြားအမြင်ဗဟုသုတရှိတဲ့ပုဂ္ဂိုလ်မှာကော (သုံးမျိုးပါပဲ ဘုရား)။ သုံးမျိုးရှိတာပဲ - မထူးဘူး။

Do you grasp the point? (Yes, we do, Sir). How many kinds of feelings does a person have? (Three kinds, Sir). The untaught person has three. What about the well-instructed person? (Also three, Sir). They both have three—there is no difference in that regard.

သို့သော်လဲ အကြားအမြင်ရှိတဲ့ပုဂ္ဂိုလ်မှာ ဝေဒနာသုံးမျိုးရှိပုံက နောက်လိုက်မှာ ကွာခြားကြတယ် (မှန်ပါ)။ နောက်လိုက်ဆိုတာက သုခဝေဒနာမှာလဲ နောက်လိုက်ရှိတာပဲ၊ ဒုက္ခဝေဒနာမှာလဲ နောက်လိုက်ရှိတာပဲ။ ဥပေက္ခာမှာလဲ နောက်ကလိုက်တဲ့ ဝေဒနာရှိတာပဲ။ အဲဒီတော့ နောက်က လိုက်ပုံချင်းတော့ ခြားနားတယ် (မှန်ပါ)။

However, the difference lies in what follows the feeling. (Yes, Sir). There is a consequence that follows a pleasant feeling, a consequence that follows an unpleasant feeling, and a consequence that follows a neutral feeling. The way these consequences follow is completely different between the two types of people. (Yes, Sir).

နောက်ကလိုက်တာတော့ ထူးတယ်

အကြားအမြင်မရှိတဲ့ပုဂ္ဂိုလ်မှာလဲ ဝေဒနာသုံးမျိုးပေါ်တာပဲ။ သို့သော် နောက်ကလိုက်တာတော့ ထူးတယ်။ သုခဝေဒနာနောက်က ဝေဒနာလိုက်ပုံ၊ ဒုက္ခဝေဒနာနောက်က ဝေဒနာလိုက်ပုံ ဒါတွေခြားနားတယ်လို့ တရားနာတဲ့ပုဂ္ဂိုလ်တွေ မှတ်ထားရမယ် (မှန်ပါ)။

The three feelings arise in the untaught person as well. But what follows makes all the difference. You Yogis listening to this Dhamma must note that the mental state following a pleasant feeling and the mental state following an unpleasant feeling are entirely different between the instructed and the uninstructed. (Yes, Sir).

ဒါဘယ့်နှယ်ကြောင့် ဒီတရားကို ဟောပါလိမ့်မတုံးဆိုလို့ရှိရင်ဖြင့် စိတ်ရှုလဲဝေဒနာပါ၊ ဝေဒနာရှုလဲ စိတ်ပါနေလို့ ဝိပဿနာရှုတတ်ပါစေတော့ဆိုတဲ့သဘောနဲ့ ဒီအကြောင်းကို ရှင်းလင်းပြီး သကာလ ပြနေတယ်လို့ မှတ်ရမယ် (မှန်ပါ)။

Why am I preaching this specific Dhamma? Because when you observe the mind, feeling is involved, and when you observe feeling, the mind is involved. I am explaining this clearly so that you will know exactly how to practice Insight (Vipassana). (Yes, Sir).

ဒါနဲ့ ရဟန်းတစ်ပါးကလျှောက်တယ်၊ အရှင်ဘုရားအကြားအမြင် မရှိတဲ့ပုဂ္ဂိုလ်လဲ ဝေဒနာသုံးမျိုးက လာတာပဲ၊ အကြားအမြင်ရှိတဲ့ပုဂ္ဂိုလ်လဲ ဝေဒနာသုံးမျိုးကလာတာပဲ။ လာပုံချင်း ဘာခြားနားသတုံးဆိုတော့ ခြားနားပုံရှင်းပြမယ်ဆိုပြီး၊ ဘုရားသခင် ကိုယ်တော်မြတ်ကြီးက ဝေဒနာကမ္မဋ္ဌာန်းစီးဖြန်းတဲ့ပုဂ္ဂိုလ်များ ခံစားပုံကို ထူးထူးခြားခြား ဘုရားသခင် ကိုယ်တော်မြတ်ကြီး ဝေဒနာသံယုတ်မှာ ဟောတော်မူတယ်လို့ မှတ်ထားရမယ်နော် (မှန်ပါ)။

So, when the monk asked the Buddha about the difference between the untaught and the well-instructed person regarding feelings, the Buddha gave a profound explanation in the Vedana Samyutta on how those who practice Vedana Kammatthana experience feelings differently. (Yes, Sir).

အကြားအမြင်မရှိတဲ့ပုဂ္ဂိုလ်

အကြားအမြင်မရှိတဲ့ပုဂ္ဂိုလ်ကို ငါစဟောမယ်တဲ့။ ဥပမာမယ်- ခြေထောက်မှာ ဆူးကလေးစူးတယ်ဆိုလို့ရှိရင် ခဲကလေးနင်းမိတယ်ဆိုလို့ရှိရင် ဒကာ ဒကာမတို့ ဒုက္ခဝေဒနာပေါ်မှာပဲ (မှန်ပါ)။ မပေါ်ပေဘူးလား (ပေါ်ပါတယ်)။

The Buddha said, "I will first explain the untaught ordinary person." For example, Yogis, if you step on a thorn or a sharp pebble, an unpleasant feeling (Dukkha Vedana) will surely arise. (Yes, Sir). Doesn't it arise? (It does, Sir).

ပေါ်တဲ့အခါကတော့ ဒုက္ခနောက်က သူက ဒေါမနဿဝေဒနာလိုက်တယ်၊ ရှင်းကြပြီလား (ရှင်းပါပြီ)။

When it arises, this physical pain is immediately followed by mental displeasure (Domanassa Vedana). Is that clear? (It is clear, Sir).

ဒုက္ခဝေဒနာနောက်က (ဒေါမနဿဝေဒနာလိုက်ပါတယ်)၊ အကြားအမြင်မရှိပဲကိုးဗျ (မှန်ပါ)။ အရိယာတို့၏ တရားကို မနာဖူးဘူး။ အရိယာတို့၏ တပည့်သားမဖြစ်ဘူး။ ဤကဲ့သို့ဖြစ်ပြီးသကာနေတော့ အကြားအမြင်မရှိတဲ့ ပုဂ္ဂိုလ်ဖြစ်ပြီးတော့နေတယ်။ ခြေထောက်ဆူးစူးတော့ ဒုက္ခဝေဒနာကလေး ရှေးဦးစွာပေါ်လာတယ်။

Unpleasant physical feeling is followed by (Mental displeasure, Sir). Because they lack knowledge! (Yes, Sir). They have never heard the teachings of the Noble Ones. They are not disciples of the Noble Ones. Being untaught, when a thorn pierces their foot, the physical pain arises first.

ဝမ်းထဲမှာ ဒေါမနဿဝေဒနာဆိုတာ နောက်ကလိုက်လာတယ်။ ဪ-သူ့မှာဖြင့် ဒုက္ခဝေဒနာပေါ်တာက တစ်ချက်။ ဝမ်းထဲမှာ ဒေါမနဿဝေဒနာက တစ်ချက် (မှန်ပါ)။ ခြေထောက်မှာ ဒုက္ခဝေဒနာပေါ်တယ်။ ဝမ်းထဲမှာ ဒေါမနဿဝေဒနာပေါ်တယ်ဆိုတော့ သူ့မှာ တစ်ချက် ထိလိုက်တယ်ဆိုလို့ရှိရင်ဖြင့် တစ်ချက် အကုသိုလ်ဖြစ်တာပဲ-မဆိုထိုက်ဖူးလား၊ (ဆိုထိုက်ပါတယ်)။

Then, mental displeasure arises within their mind. Oh! Look at that: the physical pain is one thing, and the mental distress inside is another. (Yes, Sir). Physical pain at the foot, mental distress in the mind. So, doesn't this mean that with just one physical impact, an unwholesome state (Akusala) immediately arises? (Yes, it does, Sir).

ခြေထောက်မှာက ဒုက္ခဝေဒနာပေါ်တယ် ဒကာ ဒကာမတို့နော် (မှန်ပါ)။ ခြေထောက်မှာ ဒုက္ခဝေဒနာပေါ်တော့ ဝမ်းထဲက ဘာပေါ်သတုံး (ဒေါမနဿဝေဒနာပေါ်ပါတယ်)။

Physical pain arises at the foot, Yogis. (Yes, Sir). When that happens, what arises in the mind? (Mental displeasure arises, Sir).

ဪ- အကြားအမြင်မရှိတဲ့ပုဂ္ဂိုလ်များ ခြေထောက်မှာ ဒုက္ခဝေဒနာပေါ်တော့ ဝမ်းထဲမှာ ဒေါမနဿဝေဒနာ ပေါ်ရပြန်တယ်ဆိုတော့ ဒေါမနဿဝေဒနာဆိုတာက အကုသိုလ်နော် (မှန်ပါ)။

Ah, for the untaught person, physical pain at the foot triggers mental displeasure inside. And mental displeasure (Domanassa) is an unwholesome state (Akusala), isn't it? (Yes, Sir).

အဆိုးဝေဒနာလိုက်လာတယ်

အဲဒီ ဒုက္ခဝေဒနာပေါ်ရုံတင်နဲ့ သူမပြီးသေးဘူး၊ ဝေဒနာတစ်မျိုးပေါ်လိုက်တာနဲ့ နောက်လိုက်တာက အကောင်းလိုက်သလား၊ အဆိုးလိုက်သလား (အဆိုးလိုက်ပါတယ်)။ ဒေါမနဿဝေဒနာဆိုတဲ့ အဆိုးဝေဒနာလိုက်လာတယ်။

But it doesn't end with just the physical pain. When this feeling arises, does a good thing or a bad thing follow it? (A bad thing follows, Sir). The negative feeling of mental displeasure follows.

တစ်ခါတင်မရပ်ဘူးတဲ့။ သူ့စိတ်ထဲမှာဪ-ဒီခြေထောက်ဆူးစူးတဲ့ဝေဒနာသည် ဒေါမနဿလိုက်ရုံသာမက ဘယ်တော့များမှ သက်သာပါ့မလဲ- ဘယ်တော့များမှ သက်သာပါ့မလဲဆိုတဲ့ တောင့်တတဲ့တဏှာတောင် ပေါ်လာတယ်။(မှန်ပါ)။ မပေါ်ဘူးလား (ပေါ်ပါတယ်)။ ဘယ်တော့သက်သာပါ့မလဲဆိုတဲ့ သက်သာခြင်းကို အလိုရှိတဲ့ တဏှာမလိုက်ဘူးလား (လိုက်ပါတယ်)။

And it doesn't stop even there. In their mind, not only does mental distress arise over the pierced foot, but they also start longing: "When will this pain go away? When will I get relief?" Craving (Tanha) for relief arises. (Yes, Sir). Doesn't it arise? (It arises, Sir). Doesn't Craving that desires relief follow right behind? (It does, Sir).

ဟာ- သူ့မှာကြည့်စမ်းမောင်သစ်။ ဒုက္ခနောက်က ဒေါမနဿလိုက်ပြီးပြီ။ ဒေါမနဿနောက်က တစ်ခါ ဘာလိုက်လာပြန်သလဲ (တဏှာလိုက်ပါတယ်)။ တဏှာလိုက်လာပြန်တော့ တဏှာဥပါဒါန်ပဲ၊ ပဋိစ္စသူမုပ္ပါဒ် ကြည့်ကြ ဒကာ ဒကာမတို့ (မှန်ပါ)။

Hah! Look at this, Maung Thit. Physical pain is followed by mental displeasure. And what follows mental displeasure? (Craving follows, Sir). When Craving (Tanha) follows, Clinging (Upadana) follows. Yogis, look at The Wheel of Dependent Origination! (Yes, Sir).

ဒုက္ခနောက်က ဒေါမနဿလိုက်တယ်။ ၁-နံပါတ်။ ဒေါမနဿလိုက်တယ်ဆိုကတည်းက မင်းတို့ပဋိစ္စသမုပ္ပါဒ် ရပြီးသား ပုဂ္ဂိုလ်တွေဆိုတော့ သောကပရိဒေဝ ဥပါယာသ အဝိဇ္ဇာ သင်္ခါရကျအောင် မလာဘူးလား (လာပါတယ်)။

Physical pain is followed by mental displeasure. That is number one. And since you are Yogis who already understand Dependent Origination, you know that once mental displeasure arises, doesn't it lead all the way down to Sorrow, Lamentation, Despair, and eventually Ignorance (Avijja) and Volitional Formations (Sankhara)? (It does, Sir).

သူအပြစ်သင့်သွားပြီကွ၊ မောင်ချစ်စိန်ရ၊ (မှန်ပါ)။မသင့်သေးဘူးလား (သင့်သွားပါပြီ)။ ပဋိစ္စသမုပ္ပါဒ် လည်သွားပြီ။ အဆုံးကနေ အစပြန်မရောက်ဘူးလား (ရောက်ပါတယ်)။ အဝိဇ္ဇာသင်္ခါရကျအောင် ပြန်ရောက်သွားပြီ။

He has fallen into a terrible fault, Maung Chit Sein! (Yes, Sir). Hasn't he? (He has, Sir). The Wheel of Dependent Origination has started spinning. It loops from the end back to the beginning, doesn't it? (It does, Sir). It loops right back up to Ignorance and Volitional Formations.

တစ်ခါ ဒါတင်မရပါဘူးတဲ့။ ဒီပုဂ္ဂိုလ်က။ ဘာဖြစ်ပြန်သတုံးလို့ မေးတဲ့အခါကတော့ ဒေါမနဿနောက်က ပျောက်ချင်တဲ့ တဏှာက လာပြန်တယ် (မှန်ပါ)။ ရှင်းကြပြီလား (ရှင်းပါပြီ)။

And even that is not all for this person. If you ask what happens next, Craving to be cured follows the mental displeasure. (Yes, Sir). Is that clear? (It is clear, Sir).

ပျောက်ချင်တဲ့တဏှာလာတယ်

ဘာလာပြန်သတုံး (ပျောက်ချင်တဲ့တဏှာလာပါတယ်)။ ပျောက်ချင်တဲ့တဏှာပြီးတော့ ဘာလာသတုံး (ဥပါဒါန်လာပါတယ်)။ ဥပါဒါန်ကံကျအောင်မလာဘူးလား (လာပါတယ်)။ ဒီပုဂ္ဂိုလ်မှာ နောက်ကလိုက်လာတာ ခုနက ဒေါမနဿ။ အခုတော့ တဏှာ။ သဘောကျပြီလား (ကျပါပြီ)။

What arises next? (Craving for relief arises, Sir). And after this Craving, what follows? (Clinging follows, Sir). Doesn't it lead all the way down to Clinging (Upadana) and Kamma? (It does, Sir). So, for this person, mental displeasure followed first. Now, Craving follows. Do you grasp the sequence? (Yes, we do, Sir).

ဒါဖြင့် ပျောက်ချင်တဲ့တဏှာလိုက်ပြီး သကာလ လာပြန်တော့ သူ့မှာ ပဋိစ္စသမုပ္ပါဒ် ခုနကလဲတစ်မျိုးပေါ်တယ်၊ အခုလဲတစ်မျိုးပေါ်တယ်၊ နှစ်မျိုးရှိသွားပြီ (မှန်ပါ)။

Because Craving for relief has followed, a second cycle of Dependent Origination has now arisen. One cycle appeared just a moment ago, and now another has appeared. That makes two cycles. (Yes, Sir).

အဲဒီတော့ ပျောက်ချင်တဲ့တဏှာပေါ်ပြီး သကာလ ဒီဝေဒနာလေးကို သူပဋိစ္စသမုပ္ပါဒ်လည်သွားတယ်-ဆက်သွားတယ်လို့ သူ့ဟာသူတော့သိရဲ့လား (မသိပါဘူး)။

So, when this Craving for relief arises, does he even realize that The Wheel of Dependent Origination is spinning and continuing because of this simple feeling? (He does not, Sir).

မသိတော့ကိုး ဒီဝေဒနာကလေးကို သူဪ-ဖြစ်တတ်တဲ့တရား၊ ပျက်တတ်တဲ့တရားလို့ ဒုက္ခဝေဒနာပေါ်စကောရှုမိသေးရဲ့လား (မရှုမိပါဘူး)။ မရှုမိခြင်းကြောင့်လဲ နောက်ထပ်တစ်ခါ အဝိဇ္ဇာပစ္စယာ သင်္ခါရာ၊ သင်္ခါရ ပစ္စယာ ဝိညာဏံဆိုတဲ့ ပဋိစ္စသမုပ္ပါဒ်အစကော လိုက်မလာဘူးလား (လိုက်လာပါတယ်)။

Because he doesn't know, does he watch and observe the painful feeling as it arises, recognizing it as, "Oh, this is just a phenomenon that naturally arises and passes away"? (He does not observe it, Sir). Because he fails to observe it, another cycle of Paticcasamuppada begins anew: "Due to Ignorance, Volitional Formations arise; due to Volitional Formations, Consciousness arises." Doesn't this follow? (It follows, Sir).

ဒါဖြင့် အကြားအမြင်မရှိတဲ့ပုဂ္ဂိုလ်မှာ ဒုက္ခဝေဒနာနောက်က ဒေါသ၊ သောက တစ်ပတ်လိုက်-လိုက်တယ်၊ (မှန်ပါ)။ တဏှာ ဥပါဒါန်ကံကော (တစ်ပတ်လိုက်ပါတယ်)။ အဝိဇ္ဇာသင်္ခါရ (တစ်ပတ်လိုက်ပါတယ်)။

Thus, for the untaught person, the physical pain is followed by one cycle of Anger and Sorrow. (Yes, Sir). What about Craving, Clinging, and Kamma? (Another cycle follows, Sir). And Ignorance and Volitional Formations? (Yet another cycle follows, Sir).

အားလုံး ဒကာ ဒကာမတွေ ခင်ဗျားတို့မှာ ဆူးကလေးစူးရင်လဲ ပဋိစ္စသမုပ္ပါဒ်သုံးမျိုးပေါ်တယ် (မှန်ပါ)။

So, Yogis, even when you get pricked by a simple thorn, three distinct cycles of Dependent Origination arise in you. (Yes, Sir).

ဆူးကလေးစူးရင် အပ်ကလေးစူးလို့ ဒါကလေးပေါ်ရင် ဘယ်နှစ်မျိုးပေါ်သတုံး (သုံးမျိုးပေါ်ပါတယ်)။ အကြားအမြင်မရှိတော့ သံသရာကို လည်သွားတာပဲ (မှန်ပါ)။

If you are pricked by a thorn or a needle, how many cycles arise? (Three cycles arise, Sir). Because of a lack of knowledge, the Wheel of Samsara spins out of control. (Yes, Sir).

အပါယ်သွားတာချည်း မလာဘူးလား

ဘယ့်နှယ်တုံး မောင်ချစ်စိန်- အကြားအမြင် မရှိတဲ့ပုဂ္ဂိုလ်မှာ သိပ်ကြောက်စရာ ကောင်းပါလား (ကောင်းပါတယ်)။ ပဋိစ္စသမုပ္ပါဒ်သုံးမျိုးစလုံးကလဲ အပါယ်သွားတာချည်း မလာဘူးလား (လာပါတယ်)။ ပြတ်တယ်လို့ပါရဲ့လား (မပါပါဘူး)။ ပြတ်တယ်လို့ မပါပါဘူး၊ အပါယ်သွားတာချည်းပဲလာနေတယ်ဆိုတာ ရှင်းကြပြီလား (ရှင်းပါပြီ)။

What do you think, Maung Chit Sein? The state of an untaught person is truly terrifying, isn't it? (It is, Sir). Don't all three of these cycles lead straight to the lower realms (Apaya)? (They do, Sir). Is there any breaking of the cycle here? (No, Sir). There is no termination of the cycle; it only leads to the lower realms. Is that clear? (It is clear, Sir).

ကဲတစ်ခေါက်ပြန်ပြောပါဦးမယ်။ ဒါအကြားအမြင်မရှိတဲ့ပုဂ္ဂိုလ်၏ ပဋိစ္စသမုပ္ပါဒ်သုံးမျိုးလည်ပုံ။ ဝေဒနာက ကမ္မဋ္ဌာန်းမှာဖြစ်စဉ်ကဖြင့် အတော်ကလေးဆိုးနေပြီဆိုတာ မပေါ်လာဘူးလား (ပေါ်လာပါတယ်)။

Let me repeat this once more. This is how the three cycles of Dependent Origination spin for an untaught person. When we look at the process of feelings, isn't it obvious that the situation is quite dire? (It is obvious, Sir).

ထပ်ပြောပါတယ်-ဒကာ ဒကာမတို့ ပဋိစ္စသမုပ္ပါဒ်ကြည့်ကြပါ။ ၂-နံပါတ်ကွက်မှာ ဒုက္ခဝေဒနာပေါ်တယ်။ ၂-နံပါတ်မှာ ဆူးစူးတဲ့ဒုက္ခဝေဒနာပေါ်တယ် ထားပါတော့။ ပေါ်လိုက်လို့ရှိရင် ဒုက္ခဝေဒနာနောက်က ဒုက္ခရောက်တော့ ဒေါသ၊ သောကတွေ မရောက်ပေဘူးလား (ရောက်ပါတယ်)။ ဒေါသ၊ သောက၊ ပရိဒေဝ၊ ဥပါယာသ သွားလိုက် အဝိဇ္ဇာသင်္ခါရ မလာဘူးလား (လာပါတယ်)။ ပဋိစ္စသမုပ္ပါဒ်တစ်ပတ်လှည့်မသွားပေဘူးလား (လှည့်သွားပါတယ်)။ အကြားအမြင်မရှိတော့ ဒုက္ခနောက်က ဒေါသလိုက်လာလိမ့်မယ်။ ပေါ်ကြပြီလား (ပေါ်ပါပြီ ဘုရား)။

I will say it again—Yogis, look at The Wheel of Dependent Origination. In Section 2, painful feeling arises. Let's say the pain of a thorn prick arises in Section 2. When you experience this suffering, don't Anger (Dosa) and Sorrow (Soka) follow? (They do, Sir). And when Anger, Sorrow, Lamentation, and Despair flow down, do not Ignorance and Volitional Formations follow right after? (They do, Sir). Hasn't The Wheel of Dependent Origination completed a full rotation? (It has, Sir). Lacking knowledge, physical pain is immediately followed by Anger. Do you see it now? (We see it, Sir).

ဒုက္ခဝေဒနာနောက်က ဒေါသလိုက်ပါလာခဲ့သဖြင့် ပဋိစ္စသမုပ္ပါဒ်စက်ရဟတ်ကြီးဟာ လှည့်သွားပြန်တယ်ဆိုတာ မှန်သွားပြီ (မှန်ပါ)။

Because Anger follows the painful feeling, it is an absolute certainty that The Wheel of Dependent Origination spins again. (Yes, Sir).

တစ်ခါ ဒီတွင်မရပ်သေးဘူးတဲ့။ သူက ဒေါသလိုက်ပြီးနောက်ဪ-ဒီဆူးစူးတဲ့ဝေဒနာဟာ ဘယ်တော့ပျောက်ပါ့မလဲ-ပျောက်ချင်လိုက်တာဆိုတော့ ဒုက္ခဝေဒနာနောက်က တစ်ခါတဏှာပဲပြန်လိုက်တာတယ် (မှန်ပါ)။ မလိုက်ဘူးလား (လိုက်ပါတယ်)။

And it doesn't stop there. After Anger, the thought comes: "When will this thorn prick heal? I want it to be cured so badly!" Thus, the painful feeling is followed by Craving. (Yes, Sir). Doesn't it follow? (It follows, Sir).

ဝေဒနာပစ္စယာ တဏှာဖက်လှည့်သွားပြန်ပြီ။ ခုနင်ကတော့ ဝေဒနာပစ္စယာ ဒေါမနဿ။ အခုတော့ ဝေဒနာပစ္စယာ (တဏှာပါ ဘုရား)။ တဏှာ ဥပါဒါန်ကံနဲ့ ပဋိစ္စသမုပ္ပါဒ်ကြီးလည်မသွားဘူးလား၊ (လည်သွားပါတယ်)။

It shifts to "Due to feeling, Craving arises" (Vedanā-paccayā Taṇhā). Earlier, it was "Due to feeling, Mental Displeasure arises." Now, it is "Due to feeling..." (Craving arises, Sir). With Craving, Clinging, and Kamma, doesn't the great Wheel of Dependent Origination spin again? (It spins, Sir).

ပဋိစ္စသမုပ္ပါဒ်ဘယ်နှစ်မျိုးလိုက်နေသတုံး

အကြားအမြင်မရှိတဲ့ပုဂ္ဂိုလ်ဟာ ၁-နံပါတ်က ဒေါသသောကလိုက်ပြီး အပါယ်ရောက်လိုက်သေးတယ်။ ၂-နံပါတ်ကျတော့လဲ ပျောက်ချင်တဲ့ တဏှာလာပြန်ပြီ။ တဏှာဥပါဒါန် ကံ ဇာတိ ဇရာ မရဏဘက်လှည့်သွားတယ် (မှန်ပါ)။ တစ်ခါ ဒီဝေဒနာကလေးပေါ်နေတဲ့ဥစ္စာ ဝေဒနာပေါ်တယ်။ ဝေဒနာပျက်တတ်လို့ ဝေဒနာပေါ်ပျက် မသိပြန်ဘူး။ မသိတော့ အဝိဇ္ဇာလာပြန်တယ် (မှန်ပါ)။ မလာဘူးလား (လာပါတယ်)။

For the untaught person, the first cycle involves Anger and Sorrow, leading them to the lower realms. In the second cycle, Craving for relief arises. It shifts towards Craving, Clinging, Kamma, Rebirth, Aging, and Death (Jati, Jara, Marana). (Yes, Sir). Furthermore, this feeling arises, but they fail to see that feeling naturally passes away. They do not know the arising and passing away of feeling. Because they do not know, Ignorance (Avijja) arises. (Yes, Sir). Doesn't it arise? (It arises, Sir).

ဒါဖြင့် အဝိဇ္ဇာသင်္ခါရမလာဘူးလား (လာပါတယ်)။ လာတော့ အကြားအမြင်မရှိတဲ့ပုဂ္ဂိုလ်မှာ မောင်ချစ်စိန် ပဋိစ္စသမုပ္ပါဒ်ဘယ်နှစ်မျိုးလိုက်နေသတုံး (သုံးမျိုးလိုက်ပါတယ် ဘုရား)။

Thus, don't Ignorance and Volitional Formations follow? (They follow, Sir). When they arise, Maung Chit Sein, how many cycles of Dependent Origination are trailing behind the untaught person? (Three cycles, Sir).

ကဲ - စဉ်းစားကြည့်ကြပါတော့တဲ့။ အခုတရားနာတဲ့ပုဂ္ဂိုလ်တွေကော ဒီဥစ္စာ အခုဖျပ်ကနဲ နှလုံးသွင်းဖို့မလွယ်တော့ တရားမှ မနာဖူးတဲ့ပုဂ္ဂိုလ်များဒီလိုဖြစ်တတ်တယ်ဆိုတာ မသိတဲ့ပုဂ္ဂိုလ်များအတွက်မှာ မောင်သစ် ဘယ်လိုစဉ်းစားမလဲ၊ ဒီလိုချည်းလာနေမှာပဲ (လာမှာပါ ဘုရား)။ ဒီပြင် ဘာလာစရာရှိသေးသတုံး (မရှိပါဘူး)။

Now, think about this carefully. Even for you Yogis listening to this Dhamma right now, it is not easy to instantly apply this mindfulness. So, regarding those who have never heard the Dhamma and do not know that this happens—Maung Thit, what do you think? This exact chain reaction will just keep happening to them. (It will happen, Sir). Is there anything else that could possibly happen? (No, Sir).

သူတို့မှာ ဆူးတစ်ခါ စူးလိုက်ရင် ခလုတ်ကလေးတစ်ခါ တိုက်လိုက်ရင် ပဋိစ္စသမုပ္ပါဒ်သုံးမျိုးနဲ့ အပါယ်လမ်း ပွင့်သွားတယ်။ အပါယ်လေးပါးပဋိစ္စသမုပ္ပါဒ်မလာပေဘူးလား (လာပါတယ်)။

For them, a single thorn prick or a single stubbed toe opens the path to the lower realms through three cycles of Dependent Origination. Doesn't the Dependent Origination leading to the four lower realms (Apaya) arise? (It arises, Sir).

အပါယ်သုံးခါလောက် လမ်းပွင့်သွားတယ်

အဲဒါဉာဏ်နဲ့စဉ်းစားကြည့်တော့ အကြားအမြင်မရှိတဲ့ ဉာဏ်ဟာ ဟေ- တကယ်ကြောက်စရာ ကောင်းပါလား- ဆူးစူးတာ တစ်ခုတည်းနဲ့ပဲ အပါယ်သုံးခါလောက် လမ်းပွင့်သွားတယ်။ မဆိုနိုင်ဘူးလား (ဆိုနိုင်ပါတယ်)။ ကျောက်ခဲကလေးနင်းမိကော (အပါယ်တံခါးပွင့်ပါတယ်)။ သုံးမျိုးစလုံးပွင့်တယ် (မှန်ပါ)။

When you reflect on this with Insight, you realize: "Hey, lacking knowledge is truly terrifying! A single thorn prick opens the path to the lower realms three times over." Can't we say this? (We can say it, Sir). What if you step on a small pebble? (The door to the lower realms opens, Sir). All three doors open! (Yes, Sir).

စဉ်းစားကြည့်ပါတဲ့၊ ဘုန်းကြီးရှင်းပြပါ့မယ်။ ဆူးစူးတယ် ခြေထောက်မှာ။ ကျောက်ခဲကလေးနင်းမိတယ်။ ပုလင်းကွဲကလေးရှိမိတယ်၊ သံပြားကလေးခြစ်မိတယ်၊ ဒုက္ခဝေဒနာက ပေါ်လာတယ်။ ပေါ်တဲ့နောက်ကနေပြီး ဒေါမနဿ ဒေါသဖြစ်လိုက်တာ မကျေမချမ်းနဲ့ မလာဘူးလား (လာပါတယ်)။

Consider this; I will explain it clearly. A thorn pierces your foot. You step on a pebble. You step on a broken piece of glass. You scrape against a piece of iron. Unpleasant feeling arises. Right after it arises, doesn't mental displeasure and Anger follow with bitter resentment? (It follows, Sir).

ဒေါသနဲ့သေလျှင် အများအားဖြင့် ငရဲပြည်သွားရတယ်။ ငရဲရောက်တဲ့ပဋိစ္စသမုပ္ပါဒ်၊ ငရဲရောက်နိုင်တယ် (မှန်ပါ)။ ဒေါသနဲ့သေရင် ငရဲအရောက်များတယ်။ နောက်တစ်ခါပျောက်ချင်တဲ့တဏှာနဲ့ သူနေပြန်တော့ကော တဏှာဥပါဒါန်ကံနဲ့ သွားပြန်တော့ကော တဏှာဆိုတာ များသောအားဖြင့် ပြိတ္တာဘုံသွားတာများတယ် (မှန်ပါ)။ တဏှာနဲ့ဖြစ်ပေါ်နေတဲ့အတွက် ပြိတ္တာဘုံလမ်းပွင့်သွားနိုင်တယ် (မှန်ပါ)။ နောက်တစ်ခါ ဒီဒုက္ခဝေဒနာကလေးဟာ ပေါ်တယ်ပျောက်တယ်လို့ သူ့စိတ်ထဲမှာ ရှုကိုမရှုဘူးတဲ့။ ရှုမိသေးရဲ့လား (မရှုမိပါဘူး)။

If a person dies with Anger, they generally go straight to Hell (Niraya). It is the Dependent Origination that leads to Hell; they can certainly end up there. (Yes, Sir). Dying with Anger mostly leads to Hell. Next, what happens when they dwell in Craving, wishing for a cure? When Craving, Clinging, and Kamma take over, Craving generally leads them to the realm of Hungry Ghosts (Peta). (Yes, Sir). Because it arises with Craving, the path to the Peta realm opens. (Yes, Sir). And furthermore, do they watch and observe in their mind that this unpleasant feeling naturally arises and passes away? Do they watch and observe it? (They do not observe it, Sir).

မရှုမိလိုက်တော့ သစ္စာမသိလိုက်တော့ဘူး။ ပေါ်ပျောက်ဟာ ဒုက္ခသစ္စာပါလား၊ အနိစ္စပါလား၊ ဒုက္ခပါလား၊ အနတ္တပါလားလို့ မရှုမိပြန်ဘူး (မှန်ပါ)။ မရှုမိတော့ အဝိဇ္ဇာကလာပြန်တာပဲ။ မောဟနဲ့ သွားပြန်တယ် (မှန်ပါ)။ မသွားဘူးလား (သွားပါတယ်)။ မောဟဆိုတာက အများအားဖြင့် ဒေါသနဲ့သေရင်ငရဲ။ လောဘနဲ့သေရင် ပြိတ္တာ။ မောဟနဲ့သေတော့ တိရစ္ဆာန်ဘုံ၊ ဒါများသောအားဖြင့် ဖြစ်တတ်တယ် (မှန်ပါ)။

Because they fail to observe it, they do not realize the Noble Truth (Sacca). They fail to see: "Ah, this arising and passing away is the Truth of Suffering (Dukkha Sacca). It is Impermanence (Anicca). It is Suffering (Dukkha). It is Non-Self (Anatta)." (Yes, Sir). Because they fail to observe it, Ignorance arises again. Delusion (Moha) takes over. (Yes, Sir). Doesn't it? (It does, Sir). Generally speaking: dying with Anger leads to Hell. Dying with Greed (Loba) leads to the Peta realm. And dying with Delusion (Moha) leads to the Animal realm. This is what usually happens. (Yes, Sir).

သူ့ဓမ္မက သူ့ကိုဆွဲဆောင်သွားတာ

ဒီတော့ ဆူးတစ်ခါစူးတာ အပါယ်လေးပါးတံခါးပွင့်သွားတယ်လို့ ဘုန်းကြီးကပြောတာလား- သူ့ဓမ္မက သူ့ကိုဆွဲဆောင်သွားတာလား (သူ့ဓမ္မက သူ့ကို ဆွဲဆောင်သွားတာပါ)။

So, when I say that a single thorn prick opens the doors to the four lower realms, is it merely my own statement, or is it their own natural process (Dhamma) dragging them down? (Their own natural process drags them down, Sir).

သူ့ဓမ္မကသူ့ကို ဆွဲဆောင်သွားတယ်ဆိုလို့ရှိရင်ဖြင့် ဘုန်းကြီးတို့ ဒကာ ဒကာမတွေမှာ အကြားအမြင်မရှိတဲ့အတွက် နစ်နာလိုက်တာဆိုတဲ့စကားဟာ ယနေ့သုံးရတော့မှာပဲ (မှန်ပါ)။

If it is their own natural process dragging them down, then today we must truly use the phrase: "Oh, how my Yogis suffer immense loss simply because they lack knowledge!" (Yes, Sir).

အကြားအမြင်မရှိတဲ့အတွက် ဘယ့်နှယ်တုံး ဒကာ ဒကာမတို့ (နစ်နာပါတယ် ဘုရား)။ ပစ္စုပ္ပန်လဲနစ်နာ၊ သံသရာလဲနစ်နာပဲဟင် (မှန်ပါ)။

Lacking this knowledge, what happens, Yogis? (We suffer a great loss, Sir). You suffer in the present life, and you suffer throughout Samsara. (Yes, Sir).

အကြားအမြင်မရှိတဲ့အဖြစ်ဟာ ဒကာ ဒကာမတို့ ငရဲတိရစ္ဆာန်ပြိတ္တာ မောင်သစ်အကုန်သွားတာပဲ (မှန်ပါ)။ ဒါဘယ့်နှယ်ကြောင့်သွားရသတုံးလို့မေးရင် ဘယ့်နှယ်အဖြေထွက်ကြမလဲ (အကြားအမြင်မရှိလို့ပါ)။

Yogis, this lack of knowledge leads straight to the realms of Hell, Animals, and Hungry Ghosts, Maung Thit! (Yes, Sir). If asked why they must go there, what is your answer? (Because of a lack of knowledge, Sir).

အကြားအမြင်မရှိလို့ပဲ။ ဒီလိုသတ်ရမယ်၊ ဘယ်လိုရှုရမယ်၊ ဒီဟာတွေငရဲတိရစ္ဆာန်ပြိတ္တာမသွားအောင် ဘယ်လိုလုပ်မယ်ဆိုတဲ့ အကြားအမြင်မရှိတော့ ဦးနက် အတော်ခက်နေတယ် (ခက်ပါတယ် ဘုရား)။ မခက်ဘူးလား (ခက်ပါတယ် ဘုရား)။

Exactly, because of a lack of knowledge. They do not know how to eradicate Wrong Views, how to watch and observe, or how to practice to avoid the realms of Hell, Animals, and Hungry Ghosts. Because they lack this knowledge, U Net, they are in deep trouble. (They are, Sir). Aren't they? (They are, Sir).

မောင်သစ် အကြားအမြင်မရှိတဲ့ပုဂ္ဂိုလ် အဖြစ်ဟာ အင်မတန်မှ နစ်နာပါလားဆိုတာ မပေါ်လာသေးဘူးလား (ပေါ်လာပါတယ်)။

Maung Thit, isn't it glaringly obvious now what a tragic loss it is to be an untaught person? (It is obvious, Sir).

မရှုတတ်တဲ့ပုဂ္ဂိုလ်က များမယ်

ကဲ-ဒါဖြင့် ဒကာ ဒကာမတို့၊ ကဲ-ဒါဖြင့် ဒကာ ဒကာမတို့ ဝိပဿနာရှုတတ်တဲ့ပုဂ္ဂိုလ်နဲ့ မရှုတတ်တဲ့ ပုဂ္ဂိုလ်လဲ ဘယ်ဟာကများသတုံးလို့ မေးတဲ့အခါကျတော့ မရှုတတ်တဲ့ပုဂ္ဂိုလ်က များမယ် (မှန်ပါ)။ မရှုတတ်တဲ့ပုဂ္ဂိုလ်ကများတော့ သေသည်၏အခြားမဲ့၌ ဒီဥစ္စာခလုတ်ထိမယ်၊ ဆူးငြိမယ်ဆိုတာလဲ ခဏခဏတွေ့ပါလိမ့်မယ်။ မဟုတ်ဖူးလား (မှန်ပါ)။ သူတို့မှာ ခလုတ်ထိတိုင်း ဆူးငြိတိုင်း ဘယ်တံခါးချည်း ပွင့်ကုန်သတုံး (အပါယ်တံခါးပွင့်ပါတယ်)။ ရှင်းကြပြီလား (ရှင်းပါတယ် ဘုရား)။

Well then, Yogis, if we compare those who know how to practice Insight (Vipassana) and those who do not, which group is larger? The group that doesn't know how to observe is much larger. (Yes, Sir). Since the majority do not know how to observe, and because they will frequently stumble, stub their toes, or get pierced by thorns right up until the moment of death—isn't that the case? (Yes, Sir). Every time they stub a toe or get pricked by a thorn, which doors swing wide open for them? (The doors to the lower realms open, Sir). Is that clear? (It is clear, Sir).

ဘာဖြစ်လို့ပါလိမ့်မောင်သစ် (အကြားအမြင်မရှိလို့ပါ ဘုရား)။

Why does this happen, Maung Thit? (Because they lack knowledge, Sir).

အကြားအမြင်မရှိတဲ့သတ္တိ။ ခင်ဗျားတို့လှူတာ၊ ပေးတာ၊ ကမ်းတာကလောက် ဒါလောက်မများပါဘူး (မှန်ပါ)။ ဒီမှာ အခု ခဏခဏ ထိမိခိုက်မိကျော်မိလွှားမိတဲ့ ဒုက္ခဒေါမနဿဝေဒနာတွေဖြစ်တာကတော့ တစ်နေ့ ဘယ်နှစ်ကြိမ်ဖြစ်တယ်လို့တောင် မရေတွက်နိုင်ပါဘူး။ ရေတွက်နိုင်ပါ့မလား (မရေတွက်နိုင်ပါဘူး)။ မရေတွက်နိုင်ဘူးတဲ့။ ဒုက္ခဆိုတာ မောတာလဲဒုက္ခပဲ၊ ပင်ပန်းတာလဲ (ဒုက္ခပါပဲ)။

That is the consequence of lacking knowledge. The acts of charity, giving, and donating that you do are nowhere near as frequent as these moments of suffering. (Yes, Sir). You frequently bump into things, scrape yourself, stumble, and fall. The physical pain and mental displeasure that arise from these incidents cannot even be counted in a single day. Can you count them? (We cannot count them, Sir). Indeed, you cannot. Suffering means feeling exhausted—that is suffering. Feeling fatigued is also (Suffering, Sir).

အဲဒီဒုက္ခပေါင်းက တစ်နေ့ကို ဘယ်လောက်လာသတုံး၊ (မရေတွက်နိုင်ပါဘူး)။ အဲဒီနောက်ကနေပြီး ပဋိစ္စသမုပ္ပါဒ်သုံးမျိုး သုံးမျိုးလိုက်တာကလဲ ခဏခဏလိုက်နေမှာပဲ (မှန်ပါ)။ တစ်ခုမလိုက် တစ်ခုလိုက်နေမှာပဲ (မှန်ပါ)။ လိုက်တော့ ဆွမ်းကျွေးနေတဲ့အချိန် ဘုရားရှိခိုးနေတဲ့အချိန်နဲ့ သူလိုက်နေတဲ့အချိန်နဲ့ ဘယ်ဟာကများသတုံး (သူလိုက်နေတဲ့အချိန်ကများပါတယ်)။

How many times a day do all these forms of suffering arise? (Countless times, Sir). And right behind them, the three cycles of Dependent Origination follow relentlessly, again and again. (Yes, Sir). If one cycle doesn't follow, another one will. (Yes, Sir). So, if you compare the time spent offering food or paying homage to the Buddha with the time these cycles are trailing behind you, which is greater? (The time the cycles are trailing behind is greater, Sir).

လူတစ်သိန်းသေလို့ တစ်ယောက် သုဂတိမရောက်ပါဖူး

ဒါဖြင့် လူတစ်သိန်းသေလို့ တစ်ယောက် သုဂတိမရောက်ပါဖူး၊ အပါယ်ချည်းသွားတာပါပဲကွာဆိုပြီး ဘုရားသခင် ကိုယ်တော်မြတ်ကြီးဟောလိုက်တာ ဒကာသစ်ဟောထိုက်တယ် (မှန်ပါ)။ ဒကာ ဒကာမတွေ ဘယ့်နှယ်တုံး ဟောထိုက်ပါရဲ့လား (ဟောထိုက်ပါတယ် ဘုရား)။

Therefore, when the Buddha declared, "Out of a hundred thousand who die, not even one reaches a good destination (Sugati); they all go straight to the lower realms," He was absolutely right to say so, Daka Thit. (Yes, Sir). What do you say, Yogis? Was the Buddha justified in saying this? (He was justified, Sir).

သို့သော် ခင်ဗျားတို့က တော်ရုံတန်ရုံကုသိုလ်လောက်ကို အသားယူပြီး ကျုပ်တို့ကုသိုလ်တွေပြုထားလိုက်တာ ဒါလောက် အသားယူနေတာပဲ။ ဒီကြားထဲမှာ အပါယ်သွားစရာတွေ မိုးမွှန်နေတာတော့ သိကိုမသိလိုက်ဘူး။ (မှန်ပါ)။ သိသေးရဲ့လား (မသိပါဘူး)။

But you people take immense pride in just a modest amount of merit, boasting, "Oh, we have done so many meritorious deeds!" You bask in that pride. Meanwhile, the causes leading you to the lower realms are piling up higher than the sky, and you don't even realize it! (Yes, Sir). Do you realize it? (We do not, Sir).

အပါယ်သွားတာ မိုးမွှန်နေတာပါပဲ။ အဲဒီလိုဖြစ်ပြီး သကာလ နေတော့ မသိတဲ့အဖြစ်ဟာ အတော်ဆိုး ပါလား (ဆိုးပါတယ် ဘုရား)။

The causes leading to the lower realms are stacked up to the sky! Given this reality, isn't the state of ignorance terribly dangerous? (It is terribly dangerous, Sir).

ဘယ့်နှယ်ဆိုကြမလဲ (မသိတဲ့အဖြစ်က အတော်ဆိုးပါတယ် ဘုရား)။

How would you describe it? (The state of ignorance is terribly dangerous, Sir).

ဒါကြောင့် ကလျာဏမိတ္တဆိုတဲ့ သူတော်ကောင်းမပေါင်းပဲနဲ့ နိဗ္ဗာန်မရနိုင်ဘူးဆိုတဲ့ဥစ္စာ ပေါ်ရောပေါ့ (မှန်ပါ)။

That is why it becomes glaringly obvious that without associating with a Kalyanamitta—a noble spiritual friend—you cannot attain Nibbana. (Yes, Sir).

ကလျာဏမိတ္တမည်မျှလောက်အရေးကြီးတယ်ဆိုတာ ဒကာ ဒကာမတို့ပေါ်ပြီ (ပေါ်ပါပြီ ဘုရား)။ အကြားအမြင်ရှိအောင်ဆိုတာ ကလျာဏမိတ္တကမှ ပြောနိုင်မှာကိုး (မှန်ပါ)။ ဒီ့ပြင် လူကပြောနိုင်ပါ့မလား (မပြောနိုင်ပါဘူး)။ သေချာကြပြီလား (သေချာပါပြီ)။

Yogis, the supreme importance of a Kalyanamitta is now clear to you. (It is clear, Sir). Only a Kalyanamitta can teach you so that you gain this vital knowledge. (Yes, Sir). Can ordinary people teach you this? (They cannot, Sir). Are you certain of this? (We are certain, Sir).

ဒါ့ကြောင့် ခင်ဗျားတို့ဒုက္ခကတော့ ရောက်ဖူးတာများပြီ။ ဆူးစူးမိတယ်၊ ကျောက်ပေါက်မိတယ်၊ ဖျားမိတယ်ဟုတ်လား။ ခေါင်းကိုက်တယ်၊ လေနာတယ်၊ ရင်ကြပ်တယ် ဆိုတဲ့ဒုက္ခတွေကတော့ လူတိုင်းမှာ ဒကာ ဒကာမတွေ မတွေ့ဖူးတဲ့ပုဂ္ဂိုလ်ရှိသေးရဲ့လား (မရှိပါဘူး)။

Therefore, you have all experienced plenty of suffering. Getting pierced by a thorn, stepping on a sharp rock, falling ill—isn't that so? Headaches, stomach pains, chest tightness—is there anyone here who has never experienced these sufferings? (No one, Sir).

သို့သော် သူ့ကိုဘယ်လို အဆုံးသတ်ရမယ်။ ဘယ်လိုအပါယ်လွတ်အောင် တို့ကြိုးစားရမယ်။ ဒီဒုက္ခတော့ ပေါ်နေပြီ။ သူဟာ အပါယ်လေးပါး ရောက်တယ်လို့ ဆိုနေပြီ။ ဘယ်လို သူ့ကိုမရောက်တဲ့နည်း ရှာမယ်ဆိုတဲ့စိတ်ဟာ လာကို မလာဘူး။ (မလာပါဘူး)။

Yet, the thought never occurs to you: "How do I make this stop? How must I strive to escape the lower realms? This suffering has arisen. It is said that this leads to the four lower realms. How do I find the way to avoid ending up there?" That thought never even enters your mind. (It does not, Sir).

ဘာ့ကြောင့်မလာသတုံး

Why doesn't it arise?

ဘာ့ကြောင့်မလာသတုံး- အကြားအမြင်က နည်းနည်းမှ မရှိဘူး (မှန်ပါ)။ ပေါ်ကြပြီလား (ပေါ်ပါပြီ)။

Why does this happen? It is because you have no knowledge of the Dhamma at all. (True, Sir). Is that clear? (Yes, it is, Sir).

ဒါဖြင့် ဒကာသစ်တို့လဲ ဒီအရွယ်ကြီးသာရောက်လာတယ် အကြားအမြင်ကမရှိဘူး (မရှိပါဘူး)။ ဒီအရွယ်ကြီးသာ ရောက်လာတယ် ဒီအကြားအမြင်မရှိတော့ ဟိုဖြစ်စဉ်ကတော့လိုက်နေမှာပဲ (မှန်ပါ)။ ခုနကပြောတဲ့ဖြစ်စဉ်ကတော့ ရှောင်လို့ရှားလို့ရသေးရဲ့လား (မရပါဘူး)။

So, Yogi Thit, you have reached this old age, yet you have no knowledge of the Dhamma. (We do not, Sir). Since you have reached this old age without this knowledge, that natural process will just keep following you. (True, Sir). Can you avoid or evade the process I just explained? (No, we cannot, Sir).

အဲဒါကြောင့် ခင်ဗျားတို့ ကလျာဏမိတ္တ သူတော်ကောင်းလို အကြားအမြင်ရှိတဲ့ပုဂ္ဂိုလ်ကိုပေါင်းပါမှာ၊ ဆည်းကပ်ပါ၊ မှီဝဲပါဆိုတာ ဘုရားသခင် ကိုယ်တော်မြတ်ကြီး ဟောတော်မူတဲ့ဥစ္စာ အခုလိုအချက်တွေ ကိုယ်သိရတော့မှဪ- အကြားအမြင်မရှိတဲ့အဖြစ်လောက် အဖြစ်ဆိုးတာမရှိတော့ပါလား ဆိုတာ မပေါ်လာဘူးလား (ပေါ်လာပါတယ်)။ အကြားအမြင်မရှိတဲ့အဖြစ်ဟာ အဖြစ်ဆိုးပဲဆိုတာ သေချာကြပြီလား (သေချာပါပြီ)။

Therefore, the Buddha taught us to associate with, approach, and rely on noble friends (Kalyāṇa-mitta) who possess the knowledge of the Dhamma. Only when you understand these points do you realize, "Indeed, there is nothing worse than lacking the knowledge of the Dhamma!" Do you see this now? (Yes, we do, Sir). Are you utterly convinced that lacking this knowledge is a terrible misfortune? (Yes, we are, Sir).

ကဲ- ကိုယ်ကိုယ်တိုင်ပဲ အပါယ်ရောက်ဖို့ တရားပေါင်းဘယ်လောက်များခဲ့သတုံးလို့ ကိုယ့်ဟာကိုယ်စစ်ဆေးကြည့်ပါ။ မရေတွက်နိုင်တော့ဘူး (မှန်ပါ)။ မရေတွက်နိုင်ဘူး။ ဒါဘယ့်နှယ်ကြောင့်တုံး လို့မေးတော့ ဘယ့်နှယ်ဆိုကြမလဲ (အကြားအမြင်မရှိလို့ပါ ဘုရား)။ အကြားအမြင်မရှိတော့ ဘယ်လိုနည်းနဲ့သူ့ကို ပိတ်ပင်ရမယ်၊ ဆီးတားရမယ်၊ ဘယ်လိုကန့်ကွက်ရမယ်ဆိုတဲ့သဘောက မပေါ်လာတော့ဘူး (မှန်ပါ)။ ရှင်းပြီလား (ရှင်းပါပြီ ဘုရား)။

Now, examine yourselves. How many mental states have you accumulated that will lead you to the lower realms (Apāya)? You cannot even count them! (True, Sir). They are countless. If asked why this is so, how would you answer? (Because we lack the knowledge of the Dhamma, Sir). Exactly. Without this knowledge, you have no idea how to block them, how to stop them, or how to eradicate them. (True, Sir). Is that clear? (Yes, it is clear, Sir).

အကြားအမြင်က သိပ်အရေးကြီးပါလား

မပေါ်လာတော့ ဘုန်းကြီးတို့ဒကာ ဒကာမတွေမှာ အကြားအမြင်က သိပ်အရေးကြီးပါလား- အကြားအမြင်ဟာလဲ သူတော်ကောင်းကလျာဏမိတ္တနဲ့ပေါင်းမှ ရပါကလား၊ နို့မဟုတ်လို့ရှိရင် မရပါကလားဆိုတာ ပေါ်လာပြီ (မှန်ပါ)။

Since you do not know how to stop them, it becomes obvious to you Yogis just how crucial this Dhamma knowledge is. And you realize that you can only gain this knowledge by associating with a noble friend (Kalyāṇa-mitta); otherwise, you will never get it. (True, Sir).

ဒါဖြင့် အကြားအမြင်မရှိတဲ့အဖြစ်ဟာ အဖြစ်ဆိုးကြီးဆိုတာဖြင့် ယနေ့ရှင်းသွားပြီ (မှန်ပါ)။ အကြားအမြင်မရှိတဲ့အဖြစ်ဟာ အကြီးဆုံးသော ဆိုးသောအပြစ် ကြီးဆိုးသောနစ်နာခြင်းကြီးဆိုတဲ့ဥစ္စာ သေသေချာချာပေါ်ပါပြီ (မှန်ပါ)။ မပေါ်ကြသေးဘူးလား (ပေါ်ပါပြီ)။

So, it is clear today that lacking this knowledge is a great tragedy. (True, Sir). It is now absolutely clear that lacking this knowledge is the greatest fault and the most severe loss. (True, Sir). Do you see it clearly? (Yes, we do, Sir).

ဝေဒနာတစ်ခုရောက်တယ်ဆိုရင် သူ့မှာဖြင့် ပဋိစ္စသမုပ္ပါဒ်သုံးမျိုးလောက် ဖြစ်တယ် ဆိုတဲ့ဥစ္စာ အထူးသဖြင့် ပြောစရာ လိုသေးသလား (မလိုပါဘူး)။

Do I even need to explain that whenever a feeling (Vedanā) arises, about three cycles of The Wheel of Dependent Origination (Paṭiccasamuppāda) occur? (No, Sir).

ကဲ ဒါဖြင့် အကြားအမြင်ရှိတဲ့ပုဂ္ဂိုလ်ကတော့ ဒီလိုမဖြစ်ပါဘူး၊ ဝေဒနာကတော့ပေါ်တာပါပဲ။ ပေါ်ပင်ပေါ်ငြားသော်လဲ သူတို့ကတော့ ဒုက္ခဝေဒနာပေါ်တယ်ဆိုရင် ဒုက္ခဝေဒနာကိုပဲ ဉာဏ်နဲ့ဖြစ်ပျက် ရှုလိုက်တယ် (မှန်ပါ)။ ဖြစ်ပျက်ရှုလိုက်တဲ့အခါကတော့ ဒေါသ၊ သောကတွေ လာသေးရဲ့လား (မလာပါဘူး)။

Now, for a person who has the knowledge of the Dhamma, this does not happen. Feeling still arises, of course. Even though it arises, when painful feeling (Dukkha-vedanā) appears, they watch and observe its Arising and Passing Away with Insight Knowledge. (True, Sir). When they watch and observe the Arising and Passing Away, do anger (Dosa) and sorrow (Soka) follow? (No, they do not, Sir).

ဝိပဿနာရှုလိုက်တဲ့ အတွက်

ဪ- သူကတော့ အကြားအမြင် ရှိတဲ့အတွက် ဒုက္ခဝေဒနာကလေး၏ ပေါ်မှုပျက်မှုကိုပဲ ဝိပဿနာရှုလိုက်တဲ့ အတွက် သူ့မှာဖြင့် ပဋိစ္စသမုပ္ပါဒ်သုံးမျိုးစလုံးပြတ်သွားတယ်၊ (မှန်ပါ)။

Because they possess Dhamma knowledge, they watch and observe the mere arising and passing away of the painful feeling through Vipassana. Because of this, all three cycles of Dependent Origination are severed. (True, Sir).

ဘယ့်နှယ်ဆိုကြမလဲ (ပဋိစ္စသမုပ္ပါဒ်သုံးမျိုးစလုံးပြတ်ပါတယ်)။

What happens then? (All three cycles of Dependent Origination are severed, Sir).

ဒေါသ၊ သောကပရိဒေဝဆိုတဲ့ ပဋိစ္စသမုပ္ပါဒ်လဲ မလာဘူး (မှန်ပါ)။ တဏှာ ဥပါဒါန်ကံဆိုတဲ့ ပဋိစ္စသမုပ္ပါဒ်ကော (မလာပါဘူး)။ အဝိဇ္ဇာသင်္ခါရဆိုတဲ့ ပဋိစ္စသမုပ္ပါဒ်ကော (မလာပါဘူး)။

The cycle of Dependent Origination involving anger, sorrow, and lamentation (Dosa, Soka, Parideva) does not arise. (True, Sir). What about the cycle involving craving, clinging, and action (Taṇhā, Upādāna, Kamma)? (It does not arise, Sir). And the cycle involving ignorance and mental formations (Avijjā, Saṅkhāra)? (It does not arise, Sir).

ဪ-ဒါဖြင့် ဒုက္ခဝေဒနာလာတိုင်းလာတိုင်း၊ ဒီဒကာ ဒကာမတွေမှာ အကြားအမြင်ရှိပြီးသား ဖြစ်နေတော့ ဖြစ်ပျက်ရှုပေးပါ (မှန်ပါ)။ နို့မဟုတ်လို့ရှိရင် နောက်က ဒေါသလိုက်မှာစိုးလို့နော် (မှန်ပါ)။ ပေါ်ကြပြီလား (ပေါ်ပါပြီ)။

Therefore, whenever painful feeling arises, since you Yogis already have this knowledge, you must watch and observe its Arising and Passing Away. (Yes, Sir). Otherwise, anger will follow right behind it! (True, Sir). Do you see it now? (Yes, we do, Sir).

တစ်ခါ အကြားအမြင် မရှိတဲ့ပုဂ္ဂိုလ်မှာတဲ့ သုခပေါ်ပြန်တော့ သူကတဏှာ လိုက်သွားတယ်။ အကြားအမြင် မရှိတော့ (မှန်ပါ)။ တဏှာ ဥပါဒါန်ကံ မလိုက်ဘူးလား (လိုက်ပါတယ်)၊ ချမ်းသာတဲ့ဝေဒနာကလေးပေါ်ရင် သူကြိုက်တယ်၊ စွဲလမ်းတယ်၊ အားထုတ်တယ်ဆိုတဲ့ တဏှာ ဥပါဒါန်ကံမလိုက်ဘူးလား (လိုက်ပါတယ်)။ ဒါ ဘယ်ပုဂ္ဂိုလ်တုံး သူက (အကြားအမြင်မရှိတဲ့ပုဂ္ဂိုလ်ပါ ဘုရား)။ အကြားအမြင် မရှိတဲ့ပုဂ္ဂိုလ်ဆိုတဲ့ဥစ္စာ ထင်ရှားသွးပြီနော် (မှန်ပါ)။

On the other hand, consider a person without this knowledge. When pleasant feeling (Sukha) arises, craving follows. This is because they lack knowledge. (True, Sir). Do craving, clinging, and action (Taṇhā, Upādāna, Kamma) not follow? (They do, Sir). When a pleasant feeling arises, they crave it, they cling to it, and they strive for it. Does this chain of Taṇhā, Upādāna, and Kamma not follow? (It does, Sir). Who is this person? (A person without Dhamma knowledge, Sir). The danger of being a person without knowledge is now very clear! (True, Sir).

အဲဒီတော့ သူ့မှာ ခုနကပြောခဲ့တဲ့ ပြိတ္တာဘုံ ရောက်နိုင်တဲ့လမ်းပဲ၊ ပဋိစ္စသမုပ္ပါဒ်က ဆက်သွားတယ်။ မသွားဘူးလား (သွားပါတယ်)။ တစ်ခါ သုခဝေဒနာပေါ်တာ မရှုခြင်းကြောင့်လဲ အဝိဇ္ဇာပစ္စယာ သင်္ခါရာတွေ နောက်ကမလိုက်ဘူးလား (လိုက်ပါတယ်)။ ဒီတော့ တိရစ္ဆာန်ဘုံရောက်နိုင်တဲ့လမ်းလဲ သူမလိုက်ဘူးလား (လိုက်ပါတယ် ဘုရား)။

So, for them, this is the path leading straight to the realm of hungry ghosts (Peta). The Wheel of Dependent Origination keeps rolling. Doesn't it? (It does, Sir). Furthermore, because they fail to watch and observe the pleasant feeling when it arises, do ignorance and mental formations (Avijjā-paccayā Saṅkhārā) not follow? (They do, Sir). Consequently, do they not also take the path leading to the animal realm? (They do, Sir).

အနိစ္စ၊ ဒုက္ခ၊ အနတ္တ ဒုက္ခသစ္စာလို့ရှုလိုက်တယ်

အကြားအမြင်ရှိတဲ့ပုဂ္ဂိုလ်ကတော့ သုခဝေဒနာပေါ်လာလဲ ဒါကလေးပဲဖြစ်ပြီးပျက်တဲ့ အနိစ္စ၊ ဒုက္ခ၊ အနတ္တ ဒုက္ခသစ္စာလို့ရှုလိုက်တယ်။ ရှုလိုက်တော့ သူ့မှာ ခုနက ပြောခဲ့တဲ့တဏှာလဲမလာဘူး၊

However, for a person equipped with Dhamma knowledge, when pleasant feeling arises, they watch and observe it simply as something that arises and passes away—as Impermanence (Anicca), Suffering (Dukkha), Non-Self (Anatta), and the Truth of Suffering (Dukkha Sacca). Because they observe it this way, neither craving nor ignorance arises.

အဝိဇ္ဇာလဲမလာဆိုတော့ မောင်သစ်သူ့မှာ သုခပေါ်လဲ နိဗ္ဗာန်ရောက်နိုင်တာပဲ။ မဟုတ်ဘူးလား (မှန်ပါ)။

Therefore, Yogi Thit, even when pleasant feeling arises, they can attain Nibbana! Isn't that right? (True, Sir).

ဘာကွာသွားတာတုံးမေးတော့ ဘယ့်နှယ်ဖြေကြပါ့မလဲ (အကြားအမြင်မရှိတာနဲ့ ရှိတာ ကွာသွားပါတယ်)။ သဘောပါကြပြီလား (ပါပါပြီ)။

If asked what makes the difference, how would you answer? (The difference lies in having Dhamma knowledge versus lacking it, Sir). Do you grasp the meaning? (Yes, we do, Sir).

အကြားအမြင်ရှိတာနဲ့ မရှိတာကွာသွားတယ်။ နည်းနည်းနောနောခြားနားတာလား၊ မိုးနဲ့မြေကြီးမကဘူး (မှန်ပါ)။ မိုးနဲ့မြေကြီးဟာ ဝေးတယ်ဆိုငြားသော်လဲ လှမ်းကြည့်လို့ရှိရင် အပေါ်ကောင်းကင်အောက်က မြေကြီးဆိုတာ သိရသေးတယ် (မှန်ပါ)။ အဲဒါက သိနိုင်စရာရှိသေးတယ်၊ အခုဟာက နိဗ္ဗာန်နဲ့အပါယ်ဆိုတော့ ဒကာသစ်အင်မတန်ကွာခြားသွားတယ် (မှန်ပါ)။ မကွာခြားဘူးလား (ကွာခြားပါတယ်)။ အပါယ်လေးပါးနဲ့ နိဗ္ဗာန်ဆိုတော့ ဒုက္ခအကြီးနဲ့ သုခအကောင်းဆုံးနဲ့ကွာခြားသွားတယ် (မှန်ပါ)။ အကြီးဆုံးသော ဒုက္ခနဲ့ အချမ်းသာဆုံးသော သုခနဲ့ ခြားနားသွားတယ်ဆိုတော့ အင်မတန်ကိုပဲ အကြားအမြင်ရှိတဲ့ပုဂ္ဂိုလ်က ခရီးရောက်ပါလားဆိုတာ ပေါ်လာတယ် (မှန်ပါ)။ မပေါ်ကြဘူးလား (ပေါ်ပါတယ် ဘုရား)။

The difference is between having knowledge and lacking it. Is it a minor difference? It is farther apart than the sky and the earth! (True, Sir). Though the sky and the earth are far apart, when you look, you can still perceive the sky above and the earth below. (True, Sir). You can still comprehend that distance. But here, we are talking about the difference between Nibbana and the lower realms (Apāya). Yogi Thit, it is vastly different! (True, Sir). Isn't it vastly different? (It is different, Sir). Comparing the four lower realms to Nibbana is comparing the greatest suffering to the ultimate bliss. (True, Sir). Since it is the difference between the most extreme suffering and the highest peace, it becomes obvious how far a person with Dhamma knowledge can advance! (True, Sir). Do you see it? (Yes, we do, Sir).

အဲဒါကြောင့် အခု ဝိပဿနာကိုရှုလဲနေကြပြီ၊ ဒကာ ဒကာမတို့ သုခလာလဲဘာတုံး (ဖြစ်ပြီး ပျက်တာပါပဲ)။ ဖြစ်ပြီးပျက်တဲ့ဓမ္မပဲလို့သာ ဉာဏ်နဲ့တည့်အောင်ရှု။ ရှုလိုက်လို့ရှိရင် တဏှာ ဥပါဒါန်သေ အဝိဇ္ဇာသင်္ခါရသေ ဆိုတဲ့ဥစ္စာဖြင့် ပြောစရာမလိုတော့ပါဘူး။ လိုသေးသလား (မလိုပါဘူး)။ ရှင်းကြပြီနော် (မှန်ပါ)။

Therefore, now that you are practicing Vipassana, Yogis, what is it when pleasant feeling arises? (It merely arises and passes away, Sir). Just watch and observe it directly with Insight Knowledge as a natural phenomenon that arises and passes away. If you observe it this way, I do not even need to explain that craving and clinging will be eradicated, and ignorance and mental formations will be eradicated. Do I need to explain it? (No, Sir). Is it clear? (Yes, it is, Sir).

ဥပေက္ခာတွေပေါ်တော့ ပေါ်ပါတယ်

တစ်ခါသွားပါဦးတဲ့။ အကြားအမြင်မရှိတဲ့ပုဂ္ဂိုလ်ဟာ ဥပေက္ခာတွေပေါ်တော့ ပေါ်ပါတယ်။ သူ့ဟာသူကိုပေါ်မှန်းမသိဘူး (မှန်ပါ)။ ဥပေက္ခာတွေပေါ်ပါရဲ့ မြင်လိုက်တယ်၊ ကြားလိုက်တယ်၊ နံလိုက်တယ်၊ စားလိုက်တယ်၊ ဘယ်သူက ဘာဖြစ်လို့ ကမ္မဿကာထားတာတွေကောမရှိဘူးလား (ရှိပါတယ်)။ သူ့ဟာသူ ဥပေက္ခာဖြစ်တယ်လို့သိရဲ့လား (မသိပါဘူး)။ မသိတော့လို့ ဥပေက္ခာဖြစ်တာမှ မသိတော့ ဖြစ်ပျက်မသိတော့ဘူး။ ဥပေက္ခာကလေး၏ ဖြစ်မှုပျက်မှုသိသေးရဲ့လား (မသိပါဘူး)။ မသိတော့ အဝိဇ္ဇာမလိုက်ဘူးလား (လိုက်ပါတယ်)။ အဝိဇ္ဇာပစ္စယာသင်္ခါ သင်္ခါရပစ္စယာ ဝိညာဏံဆိုတဲ့ သဘောတွေ မလာပေဘူးလား (လာပါတယ်)။

Let’s move to the next point. For a person without knowledge, neutral feeling (Upekkhā) definitely arises. But they do not even realize it has arisen. (True, Sir). Neutral feeling arises when they see, hear, smell, or eat. Also, do they not sometimes just adopt a neutral stance, attributing things to kamma (Kammassakatā)? (They do, Sir). Do they actually know that neutral feeling is occurring? (No, they do not, Sir). Since they do not even know that neutral feeling is occurring, they certainly do not know its Arising and Passing Away. Do they know the arising and passing away of that neutral feeling? (No, they do not, Sir). Since they do not know, does ignorance (Avijjā) not follow? (It does, Sir). Do the states of "Ignorance conditions mental formations" (Avijjā-paccayā Saṅkhārā) and "Mental formations condition consciousness" (Saṅkhāra-paccayā Viññāṇaṃ) not follow? (They do, Sir).

သူ့မှာ အကြားအမြင်မရှိတဲ့အတွက် ဒကာ ဒကာမတွေ သူ့မှာ ဥပေက္ခာဖြစ်တာ တိရစ္ဆာန်လမ်းပွင့်တယ်၊ မောဟဖြစ်တာကိုး၊ မောဟပဋိစ္စသမုပ္ပါဒ်လာလို့ရှိရင် တိရစ္ဆာန်ဘုံရောက်ဖို့များတယ်ဆိုတာ ငြင်းဖို့လိုသေးသလား (မလိုပါဘူး ဘုရား)။

Yogis, because they lack Dhamma knowledge, the arising of neutral feeling opens the door to the animal realm. This is because delusion (Moha) takes over. When The Wheel of Dependent Origination driven by delusion starts turning, is there any need to argue that they are highly likely to end up in the animal realm? (No need, Sir).

ဒါဖြင့် အကြားအမြင်မရှိတဲ့ ပုဂ္ဂိုလ်မှာ ဥပေက္ခာဖြစ်တယ်လို့ဆိုတာ ဖြစ်မှန်းလဲမသိ၊ ပျက်မှန်းလဲ မသိတဲ့အတွက် သူ့အတွက်မှာဖြင့် ကြောက်စရာကြီးပဲ၊ သူ့သန္တာန် ဥပေက္ခာဖြစ်ရင်ပဲ တိရစ္ဆာန်ဘုံလမ်း ပွင့်တာက များတေယ် (မှန်ပါ)။ ပေါ်ကြရဲ့လား (ပေါ်ပါတယ်)။

Therefore, for a person without knowledge, when neutral feeling arises, they neither know its arising nor its passing away. This makes it terrifying for them! Whenever neutral feeling arises in their mind, it most likely opens the path to the animal realm. (True, Sir). Do you see it? (Yes, we do, Sir).

အပါယ်လေးပါးသွားတဲ့လမ်းသာ ပွင့်နေတယ်

ကိုင်းဒါဖြင့် သူ့မှာ ဝေဒနာသုံးမျိုးကလဲ ရှိနေပြန်၊ အကြားအမြင်ကလဲမရှိလို့ ဘယ်လိုလုပ်ရမယ် ဆိုတာမသိတော့ တစ်နေ့လုံး တစ်ညလုံး အသက်ရှင်သရွေ့ ကာလပတ်လုံး အများဆုံးက အပါယ်လေးပါး သွားတဲ့လမ်းသာ ပွင့်နေတယ်။ ဒီ့ပြင် ဘယ်နည်းရှိသေးသတုံး (မရှိပါဘူး)။

So then, the three types of feelings are present in them. But since they lack knowledge, they do not know what to do about them. Thus, all day and all night, for as long as they live, only the path leading to the four lower realms is wide open. Is there any other way for them? (No, there is not, Sir).

အကြားအမြင် ရှိတဲ့ပုဂ္ဂိုလ်မှာ အပါယ်လေးပါးသွားတဲ့နည်းမှတစ်ပါး ဒီ့ပြင်နည်းကများသေးရဲ့လား (မများပါဘူး)။ တယ်ကြောက်စရာ ကောင်းပါလား (မှန်ပါ)။

For a person lacking this knowledge, is there any path other than the one leading to the four lower realms? (No, there is not, Sir). It is truly terrifying! (True, Sir).

ဒါတွေက တော်ရုံတန်ရုံ ဒါန၊ သီလလောက်နဲ့ တားမြစ်ဖို့မလွယ်ဘူး၊ အပါယ်တံခါးပိတ်တယ် လို့ဆိုလို့ မရနိုင်ဘူး။ ဒါနရှိလျက်နဲ့ အပါယ်သွားနေတာတွေရှိတာပဲ။ သီလရှိလျက်နဲ့ကော (အပါယ်သွားနေတာ ရှိပါတယ်)။ သမထအားထုတ်လျက်နဲ့ကော (အပါယ်သွားနေတာရှိတာပါပဲ)။ အဲ-ဝိပဿနာနဲ့မဂ်ကမှ တားမြစ်နိုင်တယ်။ ဒီ့ပြင်တရားက အပါယ်မတားနိုင်ဘူးဆိုတာ အထူးတလည်ပဲပြောဖို့မလိုတော့ပါဘူး (မှန်ပါ)။

You cannot easily stop this with just ordinary charity (Dāna) or morality (Sīla). You cannot say that they close the doors to the lower realms. There are people who perform Dāna yet still fall into the lower realms. What about those who observe Sīla? (They also fall into the lower realms, Sir). What about those who practice concentration (Samatha)? (They also fall into the lower realms, Sir). Only Vipassana and the Path Knowledge (Magga Ñāṇa) can prevent this. I do not need to elaborate further that no other practice can prevent you from falling into the lower realms. (True, Sir).

အကြားအမြင်ရှိတဲ့ပုဂ္ဂိုလ်က မဂ်ဉာဏ်ဖိုလ်ဉာဏ်ရနိုင်တယ်

ကိုင်း ဒါဖြင့် ဒကာ ဒကာမတို့ ရှင်းကြပြီလား (ရှင်းပါပြီ)။ အကြားအမြင်မရှိတဲ့ပုဂ္ဂိုလ်နဲ့ အကြားအမြင်ရှိတဲ့ပုဂ္ဂိုလ် ဘာထူးသတုံးဆိုတော့ တိုတိုရှင်းကြပါစို့ဆိုတော့ အကြားအမြင်မရှိတဲ့ပုဂ္ဂိုလ်က အပါယ်တံခါးပွင့်တယ်၊ အကြားအမြင်ရှိတဲ့ပုဂ္ဂိုလ်က မဂ်ဉာဏ်ဖိုလ်ဉာဏ်ရနိုင်တယ်။ ရှင်းပြီလား (ရှင်းပါပြီ)။

Well then, Yogis, is it clear? (It is clear, Sir). What is the difference between a person without knowledge and a person with knowledge? Let’s put it simply: For a person without knowledge, the door to the lower realms is open; for a person with knowledge, they can attain Path and Fruition Knowledges (Magga Ñāṇa and Phala Ñāṇa). Is that clear? (Yes, it is clear, Sir).

မောင်သစ် ဘယ်လောက်ခြားနားသလဲ (ခြားနားပါတယ် ဘုရား)။ ဦးနက် မခြားနားဘူးလား (ခြားနားပါတယ် ဘုရား)။

Yogi Thit, how vast is the difference? (It is vastly different, Sir). U Net, isn't there a massive difference? (There is, Sir).

ဒါသိဖို့ရာတောင်မှလဲ မောင်ချစ်စိန်လွယ်မှမလွယ်ပဲ (မလွယ်ပါဘူး ဘုရား)။ မလွယ်တော့ကို ဝေဒနာသုံးမျိုးကတော့ မပေါ်ပါနဲ့ဆိုလို့ တားလို့ဆီးလို့မရဘူး (မှန်ပါ)။ သဘောကျကြပြီလား (ကျပါပြီ)။ ဝေဒနာသုံးမျိုးကတော့ လှည့်ပေါ်မှာပဲ။ ပေါ်တိုင်းပေါ်တိုင်းလဲ မသိလို့ရှိရင် သူ့မှာ အပါယ်သွားဖို့ကများနေတယ်။ နိဗ္ဗာန်သွားဖို့က ပါသေးရဲ့လား (မပါပါဘူး)။ ဘယ့်နှယ်ကြောင့်ပါလိမ့် (အကြားအမြင်မရှိလို့ပါ) ပေါ်ကြပြီလား (ပေါ်ပါပြီ)။

Even gaining this understanding is not easy at all, Maung Chit Sein. (It is not easy, Sir). Since it is not easy, you cannot stop the three types of feelings and command them not to arise. (True, Sir). Do you agree? (Yes, we do, Sir). The three types of feelings will arise in rotation. If you fail to watch and observe them every time they arise, you are highly likely to head to the lower realms. Is there any chance of going to Nibbana? (No, there is not). Why is that? (Because of the lack of Dhamma knowledge). Do you see it now? (Yes, we do, Sir).

အကြားအမြင်ရှိရင် ဘယ်ဝေဒနာပေါ်ပေါ် (မဂ်ဉာဏ်ဖိုလ်ဉာဏ် ရနိုင်ပါတယ်)။

If you have Dhamma knowledge, no matter what feeling arises... (We can attain Path and Fruition Knowledges, Sir).

ပဋိစ္စသမုပ္ပါဒ်တွေကလဲ ဘယ်တော့ရပ်ဦးမှာတုံး

နို့ အကြားအမြင်မရှိတဲ့ ပုဂ္ဂိုလ်တွေအတွက်မှာဖြင့် ဝေဒနာကလဲ မပြတ်ဆိုတော့ အပါယ်လမ်းကြောင်း ပဋိစ္စသမုပ္ပါဒ်တွေကလဲ ဘယ်တော့ရပ်ဦးမှာတုံး (မှန်ပါ)။ ဝေဒနာကလဲ မပြတ်ဘူးနော် (မှန်ပါ)။ အပါယ်သွားဖို့ပဋိစ္စသမုပ္ပါဒ်ကကော (မပြတ်ပါဘူး)။ မပြတ်တော့ကို မောင်ချစ်စိန် သုဂတိသွားဖို့တောင် မခဲယဉ်းဘူးလား (ခဲယဉ်းပါတယ်)။

For people lacking this knowledge, feeling arises endlessly. So, when will The Wheel of Dependent Origination that leads to the lower realms ever stop? (True, Sir). Feeling is ceaseless, isn't it? (True, Sir). What about The Wheel of Dependent Origination leading to the lower realms? (It is also ceaseless, Sir). Since it is ceaseless, Maung Chit Sein, wouldn't it be extremely difficult even to reach the good destinations (Sugati)? (It would be difficult, Sir).

သူက ခန္ဓာထဲကနေပြီး သကာလ အမြဲတမ်းဒလစပ်ဖြစ်နေတဲ့သဘောပဲဆိုတာ သေချာကြပြီလား (သေချာပါပြီ)။

Are you now certain that this process is happening continuously and relentlessly inside the Aggregates (Khandhas)? (We are certain, Sir).

ဥပမာပြောကြပါစို့။ ဒါနပြုလိုက်တယ်၊ ဒါနပြုလိုက်တော့ ဝမ်းမြောက်ဝမ်းသာနဲ့ နောက်ဘဝတော့ဖြင့် လူချမ်းသာ၊ နတ်ချမ်းသာရတော့မှာပဲဆိုတဲ့ တောင်းတတဲ့တဏှာက ပါလာသလား (လာပါတယ်)။ တဏှာ ဥပါဒါန်ကံဆိုရင် သွားပြီကောကွ (မှန်ပါ)။ ဇာတိ၊ ဇရာ၊ မရဏ မရပေဘူးလား (ရပါတယ်)။

Let’s look at an example. You perform an act of charity (Dāna). Having done so, you rejoice and think, "In my next life, I will surely enjoy the wealth of a human or a deva." Doesn't the craving that wishes for this arise? (It does, Sir). Once craving, clinging, and action (Taṇhā, Upādāna, Kamma) are involved, you are done for! (True, Sir). Will rebirth, aging, and death (Jāti, Jarā, Maraṇa) not follow? (They will, Sir).

သီလဆောက်တည်လို့ ငါတော့ နောက်ဘဝအသက်ရှည်မှာပဲဆိုတာလောက်ဆိုရင်ဖြင့် အသက်ရှည်ခြင်းလိုချင်တဲ့ တဏှာဥပါဒါန်ကံကလာဦးမှာပဲ (လာမှာပါ)။ မလာပေဘူးလား (လာပါတယ်)။ လာပြန်လို့ရှိရင်လဲ သုဂတိရောက်သွားပြန်၊ ဒုက္ခသစ္စာနဲ့ မနေရပေဘူးလား နေရမလား (နေရပါမယ်)။

When you observe morality (Sīla), if you simply think, "I will have a long life in my next existence," the craving, clinging, and action that desire a long life will definitely arise. (They will, Sir). Won't they arise? (They will, Sir). When they arise, even if you reach a good destination (Sugati), won't you still be dwelling in the Truth of Suffering (Dukkha Sacca)? (We will, Sir).

အဲဒီလိုအကြားအမြင်မရှိတော့ ပြုတဲ့ကုသိုလ်ကကိုက ပဋိစ္စသမုပ္ပါဒ်တွေနောက် လိုက်နေတယ်၊ မကောင်းတဲ့ ပဋိစ္စသမုပ္ပါဒ်တွေ တစ်ပတ်ကြီးလိုက်နေတယ်ဆိုတာ အထင်အရှားဖြစ်ပြီး သကာလ နေပါတယ်။ ပေါ်ကြပြီလား (ပေါ်ပါပြီ ဘုရား)။

Thus, without knowledge, even the merits (Kusala) you perform are followed by The Wheel of Dependent Origination. It is obvious that the ceaseless arising of causes and effects is continuously revolving around you. Do you see it? (Yes, we do, Sir).

အကြားအမြင်မရှိတဲ့ပုဂ္ဂိုလ်များ အင်မတန်ကြောက်စရာ

ကိုင်း ဒါဖြင့် အကြားအမြင်မရှိတဲ့ပုဂ္ဂိုလ်များ အင်မတန်ကြောက်စရာ ကောင်းပါလားဆိုတာ ပေါ်လာကြပြီလား (ပေါ်လာပါပြီ)။

So, do you realize how terrifying the situation is for people without Dhamma knowledge? (We realize it, Sir).

ဒါဖြင့် ဝေဒနာကမ္မဋ္ဌာန်းကို သုခလာလဲဘာလုပ်ကြမလဲ (ဖြစ်ပျက်ရှုရပါမယ်)။ ဒုက္ခလာလဲ (ဖြစ်ပျက်ရှုရပါမယ်)။ ဒေါမနဿလာလဲ (ဖြစ်ပျက်ရှုရပါမယ်)။ သောမနဿလာလဲ (ဖြစ်ပျက်ရှုရပါမယ်)။ သောမနဿလာလဲ (ဖြစ်ပျက်ရှုရပါမယ်)။ ဥပေက္ခာလာလဲ (ဖြစ်ပျက်ရှုရပါမယ်)။

Therefore, in practicing Vedanā meditation, what must you do when pleasant feeling (Sukha) arises? (We must watch and observe its Arising and Passing Away, Sir). When painful feeling (Dukkha) arises? (We must watch and observe its Arising and Passing Away, Sir). When mental displeasure (Domanassa) arises? (We must watch and observe its Arising and Passing Away, Sir). When mental joy (Somanassa) arises? (We must watch and observe its Arising and Passing Away, Sir). When neutral feeling (Upekkhā) arises? (We must watch and observe its Arising and Passing Away, Sir).

အဲ-ခင်ဗျားတို့က မရှုပဲနေရင်သာ။ သူတို့ကတော့ လှည့်ပြီးလာနေမှာပဲ (မှန်ပါ)။ ဘာ့ကြောင့်တုံးဆိုတော့ ဝေဒနက္ခန္ဓာကိုးဗျ (မှန်ပါ)။ ဝေဒနက္ခန္ဓာဆိုတော့ ဦးနက်ဝေဒနာသုံးမျိုးကင်းပြီး သကာလ နေတဲ့အခါများ ပါသေးရဲ့လား (မပါပါဘူး)။ မပါတော့ ဒါမရှုမိလို့ရှိရင် ခုနက ဆိုင်ရာဆိုင်ရာ ပဋိစ္စသမုပ္ပါဒ် အပါယ်သွားတာတွေက လိုက်လာမှာပဲ (မှန်ပါ)။ ရှုမိလို့ရှိရင်လဲ မဂ်ဉာဏ်ဖိုဉာဏ်ပေါ်ကြမှာပဲ။ မကွာခြားဘူးလား (ကွာခြားပါတယ်)။

Exactly! Only if you fail to observe them will you suffer. As for the feelings, they will just keep arising in rotation. (True, Sir). Why is that? Because this is the Aggregate of Feeling (Vedanakkhandhā)! (True, Sir). Since it is the Aggregate of Feeling, U Net, is there ever a time when you are entirely free from the three types of feelings? (No, there is not, Sir). Since there is not, if you fail to watch and observe them, the respective cycles of Dependent Origination leading to the lower realms will definitely follow. (True, Sir). On the other hand, if you successfully watch and observe them, Path and Fruition Knowledges will arise. Isn't the difference immense? (It is immense, Sir).

အဲဒါကြောင့် ရှင်သာရိပုတ္တရာကို မေးလိုက်တယ်၊ သာရိပုတ္တရာ ကလျာဏမိတ္တနဲ့ပေါင်းရလို့ရှိရင်ဖြင့် ဘယ်လောက်များ ကျေးဇူးများမယ်လို့ မင်းဉာဏ်ထဲမှာမြင်သလဲဆိုတော့ ကလျာဏမိတ္တနဲ့ပေါင်းတယ် ဆိုလို့ရှိရင် ဘုရား အလုံးစုံအကုန်လုံး သူ့ကြောင့်ပဲ ကလျာဏမိတ္တက ဆောင်သွားလို့ နိဗ္ဗာန်ရောက်တာပဲ။ အလုံးစုံဟာ ကလျာဏမိတ္တကြောင့်ပြီးပါတယ်တဲ့ (မှန်ပါ)။ သဘောပါပြီလား (ပါပါပြီ)။

That is why the Buddha once asked Venerable Sariputta, "Sariputta, in your understanding, how much benefit is there in associating with a noble friend (Kalyāṇa-mitta)?" Venerable Sariputta replied, "Venerable Sir, it is entirely because of the Kalyāṇa-mitta! By the guidance of the Kalyāṇa-mitta, one reaches Nibbana. Everything is accomplished because of the Kalyāṇa-mitta." (True, Sir). Do you grasp the meaning? (Yes, we do, Sir).

ဆရာသမားက ခင်ဗျားတို့ကိုဆောင်တာပဲ

ဒါဖြင့် နိဗ္ဗာန်ရောက်တဲ့နေရာမှာ ခင်ဗျားတို့ ကလျာဏမိတ္တက အခုလိုသင်ကြားပြသတဲ့ ဆရာသမားက ခင်ဗျားတို့ကိုဆောင်တာပဲ။ ခင်ဗျားတို့ကဖြင့် ဗလာသဘောလာတာပဲဆိုတာပေါ်နေပြီ။ မပေါ်လာဘူးလား (ပေါ်လာပါပြီ)။

Therefore, in reaching Nibbana, it is the Kalyāṇa-mitta—the teacher who instructs and shows you the way like this—who guides you. It is obvious that you came here completely empty-handed. Do you see it? (Yes, we see it, Sir).

ဗလာပဲတဲ့။ ဘာမှမပါလာဘူး။ သူ့အမှီပြုပြီး သကာလ နိဗ္ဗာန်ရောက် ကြရတယ်နော် (မှန်ပါ)။ ဒုက္ခခပ်သိမ်းငြိမ်းတဲ့ နိဗ္ဗာန်ရောက်ရမှာပဲဆိုတဲ့။ ဥစ္စာရှင်းရှင်းကြီးမပေါ်သေးဘူးလား (ပေါ်ပါပြီ)။

Empty-handed! You brought nothing with you. It is only by relying on the teacher that you can reach Nibbana. (True, Sir). It is crystal clear that you will reach Nibbana, where all suffering ceases. Is it not perfectly clear? (It is clear, Sir).

ကိုယ့်မွေးအမေနဲ့ အဖေက သင်လွှတ်လိုက်တာတွေက ဝေဒနက္ခန္ဓာသုံးပါးရှိတယ်လို့လဲ မပြောဘူး။ ဒီနောက်က ဘာတွေဘာတွေလိုက်တာကိုလဲ မင်းတို့ဘယ်လိုပိတ်ပင်ကြဆိုတာ ဘယ်သူမှ ပြောတတ်တာမဟုတ်တော့ မောင်သစ်သိပ်ခဲယဉ်းတာပဲ (ခဲယဉ်းပါတယ်)။ မင်းပညာသင်ကွာ။ အိမ်ထောင်ကျတော့ ဒါလုပ်ကျွေးရလိမ့်မယ်။ ဒါလောက်သင်လွှတ်လိုက်တာပဲ (မှန်ပါ)။ ဒီ့ပြင် ဘာပါသေးသတုံး (ဘာမှမပါပါဘူး)။ ဘာမှမပါဘူးတဲ့။ အပါယ်တံခါးပိတ်ပေးဖို့မပါဘူး၊ နိဗ္ဗာန်တံခါးဖွင့်ပေးဖို့ကော (မပါပါဘူး)။

The teachings your own parents imparted to you did not include telling you that there are three types of feelings in the Aggregate of Feeling. Nobody could tell you what consequences follow them or how to block them. Therefore, Yogi Thit, it is extremely difficult for you! (It is difficult, Sir). They just taught you, "Go get an education. When you marry, you will have to work and provide." That is all they taught you. (True, Sir). Did they include anything else? (Nothing else, Sir). Nothing else. There were no instructions on how to close the doors to the lower realms. Were there any instructions on how to open the door to Nibbana? (None, Sir).

မပါတော့ ကလျာဏမိတ္တနဲ့မှ မတွေ့လို့ရှိရင် ကိုယ်ကျိုးတော့အကြီးအကျယ်နည်းတာပဲ (မှန်ပါ)။ မဆိုထိုက်ဘူးလား (ဆိုထိုက်ပါတယ်)။

Since you lack this, if you never meet a Kalyāṇa-mitta, your loss is incredibly massive! (True, Sir). Can't we say that? (We certainly can, Sir).

မပြတ်ဝိပဿနာနဲ့ နေမှတော်မည်

အခုဒီနေ့ဟောတဲ့တရားဟာက ခန္ဓာကိုယ်ထဲမှာ မပြတ်ဝိပဿနာနဲ့ နေမှတော်မည့်တရားလို့ ဟောတာနဲ့ အတူတူပဲ (မှန်ပါ)။ မဟုတ်ဘူးလား (မှန်ပါ)။

The Dhamma I am preaching today is equivalent to saying that you must live your life observing the Aggregates with continuous Vipassana. (True, Sir). Isn't it? (True, Sir).

ဝေဒနာသုံးမျိုးကတော့ ကင်းလို့ရရဲ့လား (မရပါဘူး)။

Can you ever be free from the three types of feelings? (No, we cannot).

ခုနကဟောခဲ့ပါတယ်တဲ့။ စကတည်းက ဝေဒနာမရှိရင် လူသေ (မှန်ပါ)။ အဲဒီတော့ မရှိတဲ့အချိန်ရယ်လို့လဲ ဆိုစရာအကွက်မြင်သေးရဲ့လား (မမြင်ပါဘူး)။ ရှိတဲ့အချိန်ချည်းပဲ (မှန်ပါ)။

I mentioned earlier: from the very beginning, if there is no feeling, it means a person is dead. (True, Sir). So, can you point to any moment when feeling does not exist? (No, we cannot). It exists all the time. (True, Sir).

ကိုယ်ကမရှုမိလို့ရှိရင်လဲ အပါယ်လေးပါးသွားတဲ့ဝေဒနာတွေ။ ဝေဒနာပစ္စယာတဏှာ၊ ဝေဒနာ ပစ္စယာ ဒေါသော၊ ဝေဒနာပစ္စယာ မောဟောဆိုတာမျိုးတွေသာလျှင်လာနေမှာပဲ (မှန်ပါ)။ အမှန်အဖြောင့် ကောင်းတဲ့ မဂ်ဉာဏ်၊ ဖိုလ်ဉာဏ် ပေါ်စရာမြင်သေးရဲ့လား (မမြင်ပါဘူး)။

If you fail to watch and observe, these feelings will lead you to the four lower realms. Processes like "Feeling conditions craving" (Vedanā-paccayā Taṇhā), "Feeling conditions anger" (Vedanā-paccayā Dosa), and "Feeling conditions delusion" (Vedanā-paccayā Moha) will inevitably follow. (True, Sir). Do you see any chance for the right and noble Path and Fruition Knowledges to arise? (No, we do not).

အဲဒါကြောင့် ခင်ဗျားတို့ ဘယ်ရောက်ရောက်ကလျာဏမိတ္တဒီလိုထူးထူးခြားခြား ထိုးထိုးထွင်းထွင်း ကိုယ့်ခန္ဓာဖြစ်စဉ်နဲ့ ကိုက်အောင်ပြောတတ်တဲ့ ဆရာတော့ရှာမှဖြစ်မယ် (မှန်ပါ)။ မရှာရင်တော့ မဖြစ်ဘူးတဲ့။ ရိုးရာအတိုင်းသာနေကြလို့ရှိရင်တော့ဖြင့် အပါယ်ပဲပြန်ရောက်မှာပဲ (မှန်ပါ)။ မရောက်ပေဘူးလား (ရောက်မှာပါ ဘုရား)။

That is why, wherever you go, you must seek out a Kalyāṇa-mitta—a teacher who can explain the Dhamma profoundly and penetratingly, matching the exact natural process of your own Aggregates. (True, Sir). You absolutely must find one. If you just live according to tradition, you will simply return to the lower realms. (True, Sir). Won't you end up there? (We will end up there, Sir).

ဝေဒနာတွေက တစ်နေ့အကြိမ်ပေါင်း ဘယ်လောက်

ဒီဝေဒနာတွေက တစ်နေ့အကြိမ်ပေါင်း ဘယ်လောက်ဆိုတာ ဥပေက္ခာက ဘယ်နှစ်ကြိမ်ပေါ်လို့ သောမနဿက ဘယ်နှစ်ကြိမ်၊ ဒေါမနဿက ဘယ်နှစ်ကြိမ်၊ သုခက ဘယ်နှစ်ကြိမ်၊ ဒုက္ခက ဘယ်နှစ်ကြိမ်လို့ ရေတွက်ကြရဲ့လား (မရေတွက်နိုင်ပါဘူး)။

Can you count how many times these feelings arise in a single day? How many times neutral feeling arises, how many times mental joy arises, how many times mental displeasure arises, how many times physical pleasure arises, and how many times physical pain arises? Can you count them? (We cannot count them, Sir).

ပေါ်တိုင်းပေါ်တိုင်း မရှုမိလို့ရှိရင်လဲ သူ့စခန်းနဲ့သူ့လမ်းကတော့ မပို့ပေဘူးလား-ပို့မလား (ပို့မှာပါ ဘုရား)။ ဘယ်လောက် ကြောက်စရာကောင်းသတုံး (မှန်ပါ)။ ရှင်းကြပြီလား (ရှင်းပါပြီ)။

Every single time they arise, if you fail to watch and observe them, won't they send you down their respective paths to their destinations? (They will, Sir). How terrifying is that! (True, Sir). Is it clear? (It is clear, Sir).

အဲဒါကြောင့် လူတစ်သိန်းသေလို့ သုဂတိကိုတစ်ယောက်မရောက်ပါဘူး၊ နိဗ္ဗာန်ဆိုတာဝေးပါတယ်ဆိုတာ ဒါတွေနဲ့ဝေဖန်လိုက်တော့မှ မောင်ချစ်စိန်၊ ဪ- ဟုတ်ပါလား ဆိုတာပေါ်လာတယ် (မှန်ပါ)။ ဪ-ဟုတ်ပါလား၊ အလွန်ဆိုးဝါးပါကလား၊ အလွန်နစ်နာပါလား။ ဒါ့ကြောင့်လဲ သုဂတိသွားတာ မရှိသလောက်နည်းတာပဲ။

That is why it is said that out of a hundred thousand people who die, not even one reaches a good destination (Sugati), let alone Nibbana! When you analyze it with these facts, Maung Chit Sein, you realize, "Ah, it is true!" (True, Sir). "Ah, it is true! It is incredibly dire! It is a massive loss!" This is why those who go to good destinations are practically non-existent.

မြတ်စွာဘုရားက သစ္စသံယုတ်မှာ ဟောတော်မူတာများ ယုံကြည်စရာသိပ်ကောင်းပါတယ် (မှန်ပါ ဘုရား)။ ပဋိစ္စသမုပ္ပါဒ်ဖြစ်စရာနဲ့ကြည့်မှ ယုံကြည်စရာသိပ်ကောင်းတယ်ဆိုတာ ပေါ်ကြပြီလား (ပေါ်ပါပြီ)။

The teachings of the Buddha in the Sacca Saṃyutta are profoundly convincing. (True, Sir). When you look at it through the lens of how The Wheel of Dependent Origination arises, you see how utterly convincing it is. Do you see it? (Yes, we do, Sir).

ရှင်သာရိပုတ္တရာကိုကြည့်ပါ

ကိုင်း ဒါဖြင့် ဒီလိုလုပ်ကြပေတော့တဲ့။ ကလျာဏမိတ္တနဲ့မပေါင်းရင် မရဘူးဆိုတာ ဒီ့ပြင်ပုဂ္ဂိုလ်ကိုမကြည့်နဲ့ ရှင်သာရိပုတ္တရာကိုကြည့်ပါ (မှန်ပါ)၊ ရှင်သာရိပုတ္တရာသည် တစ်သေင်္ချေနဲ့ ကမ္ဘာတစ်သိန်း ပါရမီဖြည့်ပြီးသား လက်ယာရံ အဂ္ဂသာဝကကြီးဖြစ်ဖို့၊ ပုဏ္ဏားမျိုးထဲသွားပြီး ပဋိသန္ဓေနေရတော့ သူ့အမေက ဗြဟ္မာကိုးကွယ်တယ်။

Well then, you must practice like this. To understand that you cannot succeed without associating with a Kalyāṇa-mitta, do not look at anyone else; look at Venerable Sariputta. (True, Sir). Venerable Sariputta had fulfilled the perfections (Pāramī) for one incalculable period (Asaṅkheyya) and a hundred thousand world-cycles (Kappas) to become the Right-Hand Chief Disciple. He took rebirth in a brahmin family, and his mother worshipped Brahma.

ဒါနဲ့ သူထွက်မြောက်စရာရှာမှပဲ သူဌေးသားအဖြစ်နဲ့ပျော်ပါးနေလို့ မတော်ဘူးဆိုပြီး သိဉ္စည်းဆရာကြီးဆီ ရောက်သွားတယ်။ ရောက်သွားတော့ သူဟာ သိဉ္စည်းတို့ အဝတ်မျိုးဝတ်၊ သိဉ္စည်းတို့ဆွမ်းခံစားတဲ့ အကျင့်မျိုးကို ကျင့်သေးတာပဲ။ မိစ္ဆာဒိဋ္ဌိအကျင့်ပေါ့ (မှန်ပါ)။

He decided, "I must seek the path to liberation. It is not proper to just enjoy life as a wealthy man's son." So, he went to the great teacher Sañcaya. There, he wore the garments of Sañcaya's followers and practiced their custom of begging for alms. It was a practice of Wrong View (Micchā Diṭṭhi). (True, Sir).

ဒါဟာ ထွက်ရလမ်း မဟုတ်ပါဘူးလို့ သူ့ဟာသူတွေးမိတယ်။ ဒါနဲ့သူ့ဆရာကြီးပြောပြီး ထွက်ရလမ်းရှာဦးမယ် ဆိုပြီး သကာလ ဒီအဝတ်တော့ဝတ်လျက်ပဲ၊ ထွက်ရလမ်းရှာတော့မှ ပဉ္စဝဂ္ဂီငါးပါးထဲက ရှင်အဿဇိ မထေရ်က ဆွမ်းခံကြွလာတယ်။ သူကမြင်တော့ ဒီပုဂ္ဂိုလ်ဣန္ဒြေလဲရှိတယ်။ အဆင်အပြင်လဲ အင်မတန် ထူးခြားတယ်။ ဝမ်းထဲမှာ တရားထူးတရားမြတ် ရှိလိမ့်မယ်ဆိုပြီး မြင်တာနဲ့သိတယ် (မှန်ပါ)။

He realized on his own, "This is not the path to liberation." So, he told his teacher that he would go search for the true path of liberation. Still wearing those garments, he went out searching. It was then that Venerable Assaji, one of the Group of Five Monks (Pañcavaggī), came walking for alms. Upon seeing him, Sariputta noticed, "This person is so composed. His demeanor is exceptionally remarkable. He must possess the noble, extraordinary Dhamma within him." He knew it the moment he saw him. (True, Sir).

မြင်တာနဲ့ပဲသိတယ်။ တရားထူးတရားမြတ် ရှိလိမ့်မယ်၊ သွားပုံလာပုံ၊ ဣန္ဒြေရပုံမြင်လို့သိတယ်။ အရှင်အဿဇိကလဲ ဆွမ်ခံကြွတယ်။ သူကလဲ နောက်ကဆွမ်းခံရင်းလိုက်တယ် (မှန်ပါ)။

He knew it instantly. Seeing the way the monk walked and his serene composure, he knew there must be a noble Dhamma within him. Venerable Assaji was walking for alms, and Sariputta followed behind him while also begging for alms. (True, Sir).

တရားထူးရှိတဲ့ပုဂ္ဂိုလ်ပဲဆိုပြီး

လိုက်တာကတော့ တခြားကြောင့်တော့ မဟုတ်ပါဘူး၊ ဆွမ်းခံကိစ္စပြီးလို့ရှိရင် သူမေးမလို့။ တရားထူးရှိတဲ့ပုဂ္ဂိုလ်ပဲဆိုပြီး သူလိုက်တော့ မြို့အပြင်ဖက်ရောက်ကြတော့ အရှင်ဘုရား အရှင်ဘုရားနေပုံထိုင်ပုံ၊ ဣန္ဒြေတွေအလွန် ကြည်လင်လှပါသည်။ ဝမ်းထဲမှာ တရားမြတ်ရှိပါလိမ့်မယ်။

He followed him for no other reason than to question him once the alms round was finished. Recognizing him as a person possessing the noble Dhamma, he followed him. When they reached outside the city, Sariputta approached and said, "Venerable Sir, your demeanor and composure are extremely pure and serene. You must possess the noble Dhamma within you.

အဲဒီတော့ အရှင်ဘုရား ဘယ်ဆရာကို ရည်ညွှန်း၍ရဟန်းပြုခဲ့ပါသနည်း စသည်ကိုမေးလျှောက်တယ်။ ရှင်အဿဇိက ဂေါတမမြတ်စွာဘုရား၏ တပည့်ပါလို့ပြောတယ် (မှန်ပါ)။

Venerable Sir, under which teacher did you ordain?" Venerable Assaji replied that he was a disciple of the Gotama Buddha. (True, Sir).

ဒါနဲ့ အရှင်ဘုရားဆရာက ဟောကြားတဲ့တရားကို ဟောကြားတော်မူဖို့တောင်းပန်တော့-ငါ့မှာ ရဟန်းဖြစ်စ မကြာသေး၍ အကျယ်တဝင့် မဟောတတ်သေးပါဆိုပြီးတော့ သစ္စာလေးပါး ပဋိစ္စသမုပ္ပါဒ်နဲ့ပတ်သက်တဲ့ ဒီဂါထာကို ဟောတယ်။

Then, Sariputta requested, "Please teach me the Dhamma that your teacher proclaims." Venerable Assaji replied, "I am newly ordained and have not been in the monkhood for long. I cannot preach it in great detail." He then recited this verse concerning the Four Noble Truths and Dependent Origination:

ယေဓမ္မာဟေတုပ္ပဘဝါ၊ တေ သံဟေတုံတထာဂတောအာဟ။

တေသဉ္စနိရောဓော။ ဧဝံ ဝါဒီ မဟာသမဏော။

Ye dhammā hetuppabhavā, tesaṃ hetuṃ tathāgato āha.

Tesañca yo nirodho, evaṃvādī mahāsamaṇo.

ဒီဂါထာရဲ့ဆိုလိုရင်းကတော့ အကြောင်းတရားဖြစ်လို့အကျိုးတရားဖြစ်တယ်။ အကြောင်းတရားချုပ်လို့ အကျိုးက ချုပ်တယ်။ ဒါကိုပြောလိုရင်း (မှန်ပါ)။

The essence of this verse is: Because causes arise, effects arise. Because causes cease, effects cease. This is the core message. (True, Sir).

ဧဝံ ဝါဒီ မဟာသဏော။ မဟာသမဏော-ရဟန်းကြီးဖြစ်တော်မူသော ဂေါတမမြတ်စွာဘုရားသည် ဧဝံဝါဒီ- ဤသို့ဟောလေ့ရှိ၏။

Evaṃvādī mahāsamaṇo. The Great Recluse, the Gotama Buddha, has the doctrine of teaching in this way.

အကြောင်းဖြစ်ရင် အကျိုးဖြစ်တယ်

အကြောင်းဖြစ်ရင် အကျိုးဖြစ်တယ်၊ အကြောင်းချုပ်ရင် အကျိုးချုပ်တယ်ဆိုတော့ ဘာဟောလိုက်သတုံး ဆိုတော့ ဖြစ်ပျက်ပဋိစ္စသမုပ္ပါဒ်ကို ဟောလိုက်တယ် (မှန်ပါ)။

If causes arise, effects arise; if causes cease, effects cease. What was he preaching? He was preaching the Dependent Origination of Arising and Passing Away! (True, Sir).

အဲဒီလိုဟောလိုက်တာနဲ့ ခန္ဓာဉာဏ်လှည့်လိုက်တယ်။ ခန္ဓာကိုယ်ထဲမှာ အကြောင်းဖြစ်လို့ အကျိုး ဖြစ်နေတာပဲ၊ ဖဿဖြစ်လို့ ဝေဒနာဖြစ်နေတာ၊ ဖဿချုပ်လို့ ဝေဒနာချုပ်တာပဲ။ ဉာဏ်က အဲဒီရောက်တယ် (မှန်ပါ)။

As soon as this was preached, Sariputta directed his Insight Knowledge into his own Aggregates. "Ah! Inside the body, effects are arising because causes are arising. Because Contact (Phassa) arises, Feeling (Vedanā) arises. Because Contact ceases, Feeling ceases." His Insight Knowledge penetrated exactly there. (True, Sir).

အကြောင်းဖြစ်ရင် (အကျိုးဖြစ်ပါတယ်)။ အကြောင်းချုပ်ရင် (အကျိုးချုပ်ပါတယ်)။

If causes arise... (Effects arise, Sir). If causes cease... (Effects cease, Sir).

အဲဒီကနေပြီး သကာလ ခန္ဓာထဲ ဉာဏ်လှည့်လိုက်တယ်၊ဪ- ခန္ဓာထဲမှာ ဖဿစသည်ဖြစ်လို့ ဝေဒနာစသည်ဖြစ်နေတာပဲ။ ဖဿချုပ်လို့ (ဝေဒနာချုပ်ပါတယ်)။ ခန္ဓာထဲမှာ ဖြစ်ခြင်းချုပ်ခြင်းပဲရှိပါလား၊ ဖြစ်ပျက်သာရှိပါလားလို့ ဉာဏ်လှည့်လိုက်တော့ ဆွမ်းခံရင်းမတ္တနဲ့ တရားလဲနာလိုက်ရော တစ်ခါတည်း သောတာပန်တည်တာပဲ (မှန်ပါ)။ ဖြစ်ပျက်မြင်လိုက်တာ။ ဖြစ်ပျက်မြင်-ဖြစ်ပျက်မုန်း-ဖြစ်ပျက်ဆုံးပေါ့လေ (မှန်ပါ)။ အဲဒီမှာ သောတာပန်တည်ပြီး သကာလ သွားတယ်။

From there, he directed his Insight Knowledge into his Aggregates. "Oh! Inside the Aggregates, because Contact and the like arise, Feeling and the like are arising. Because Contact ceases..." (Feeling ceases, Sir). He directed his Insight Knowledge and realized, "There is nothing but arising and ceasing inside the Aggregates! There is only Arising and Passing Away!" Just by listening to this Dhamma while standing there after the alms round, he instantly became a Stream-Enterer (Sotāpanna)! (True, Sir). He saw the Arising and Passing Away. First, you see the Arising and Passing Away; then you feel unpleasant on seeing the same thing endlessly (Nibbida) towards it. Finally, your mind reaches the cessation of seeing them and this the Wrong View (Diṭṭhi) is completely uprooted. (True, Sir). Right there, he attained Stream-Entry.

ဪ-ဒါဖြင့် ဒကာ ဒကာမတို့ ဖဿဖြစ်ရင် ဝေဒနာဖြစ်တယ်၊ ဖဿချုပ်ရင် ဝေဒနာချုပ်တယ်၊ ခင်ဗျားတို့မှာနော် (မှန်ပါ)။

Therefore, Yogis, if Contact arises, Feeling arises; if Contact ceases, Feeling ceases. This applies to you as well! (True, Sir).

အဲဒီတော့ ဖြစ်ပျက်ပဲ ရှိလိမ့်မယ်။ ဝေဒနာပေါ်တိုင်းပေါ်တိုင်း (မှန်ပါ)။ သံသယရှိလို့ရှိရင် ဘယ့်နှယ်ကြောင့် ဖြစ်ပါလိမ့်မလဲ၊ အို-အကြောင်းဖြစ်လို့ဖြစ်တယ် (မှန်ပါ)။ ဘယ့်နှယ်ကြောင့် ချုပ်သွားပါလိမ့်မတုံး၊ သံသယပေါ်လာလို့ရှိရင်လဲ အကြောင်းချုပ်လို့ ချုပ်တယ်၊ ဒီလိုနှလုံးသွင်းလိုက်ရင် ပြီးတာပဲ (မှန်ပါ)။ ရှုတတ်ကြပြီလား (ရှုတတ်ပါပြီ)။

So, there is only Arising and Passing Away. Whenever feeling arises, this is all there is. (True, Sir). If you ever doubt, "Why did this arise?", just realize, "Oh! It arises because its cause arises." (True, Sir). "Why did it cease?" If this doubt appears, realize, "It ceases because its cause ceases." If you apply your mind to this truth, that is all you need! (True, Sir). Do you now know how to watch and observe? (We know how, Sir).

ဝေဒနာသုံးမျိုး၊ ဝေဒနာငါးမျိုးကြိုက်တာရှု

ဝေဒနာသုံးမျိုး၊ ဝေဒနာငါးမျိုးကြိုက်တာရှု၊ သုခ၊ ဒုက္ခ၊ သောမနဿ၊ ဒေါမနဿ၊ ဥပေက္ခာဆိုတဲ့ငါးမျိုး (မှန်ပါ)။

Yogis, you can watch and observe the three kinds of feeling (Vedana) or the five kinds of feeling. The five kinds are physical pleasure (Sukha), physical pain (Dukkha), mental joy (Somanassa), mental displeasure (Domanassa), and neutral feeling (Upekkha). (Yes, Sir)

အဲဒီငါးမျိုးကို ဒကာ ဒကာမတွေကလှည့်ပြီး သကာလ ရှုနေလို့ရှိရင်ဖြင့် ဝေဒနာနံ ခယာ ဘိက္ခု၊ နိစ္ဆာတောပရိနိမ္ဗုတော။ ဒီဝေဒနာတွေကို ဖြစ်ပျက်မြင်၊ ဖြစ်ပျက်မုန်း၊ ဝေဒနာဆုံးအောင် ရှုနော် (မှန်ပါ)။ ရှုလိုက်လို့ရှိရင်ဖြင့် ဝေဒနာပျောက်တယ်ဆိုတာ ခန္ဓာပျောက်တာပဲ (မှန်ပါ)။ ဝေဒနာဟာသုံးပါးတောင် ရှိပါတယ်။

If you continuously watch and observe these five kinds of feelings as they arise, you will align with the Pali verse: Vedanānaṃ khayā bhikkhu, nicchāto parinibbuto. You must watch and observe these feelings until you see their Arising and Passing Away, become disillusioned with them, and finally reach their cessation. (Yes, Sir)

ဝေဒနာတွေအကုန်ပျောက်တော့ ခန္ဓာကျန်နေသေးရဲ့လား (မကျန်ပါဘူး)။ အဲဒီတော့ ခန္ဓာပျောက်တဲ့လမ်းလို့ အဓိပ္ပာယ်ကော ပေါ်ပြီလား (ပေါ်ပါပြီ)။

When you observe in this way, the disappearance of feeling means the disappearance of the Aggregate (Khandha). (True, Sir) There are indeed three main kinds of feeling. When all feelings disappear, does the Aggregate remain? (No, it does not, Sir) So, is the meaning clear to you that this is the path to the cessation of the Aggregates? (It is clear, Sir)

ဝေဒနာသုံးပါးရှိတာကိုး။ ဝေဒနာသုံးပါး ဘယ်ဟာမှရှုစရာမရှိဘူးဆိုတော့ ဝေဒနက္ခန္ဓာချည်းပဲ၊ ဒီ့ပြင်ခန္ဓာကြည့်စရာလိုသေးသလား (မလိုပါဘူး)။

There are three main kinds of feeling. When there is nothing left to observe among these three feelings—which constitute the Aggregate of Feeling (Vedanakkhandha)—do you need to look at any other Aggregate? (No, we do not, Sir)

မလိုတော့လို့ ဝေဒနာနံ-ဝေဒနာတို့၏၊ ခယာ-ကုန်ခြင်းကြောင့်၊ ဘိက္ခု-ရဟန်းသည်၊ နိစ္ဆာတော့ နိတ္တဏှော-တဏှာမရှိသည်ဖြစ်၍ ပရိနိဗ္ဗူတော-ခန္ဓာရှိလျှက်နဲ့ ကိလေသာပရိနိဗ္ဗာန်စံသည်၊ ဟောတိ-ဖြစ်၏။ ဆိုတော့ ခန္ဓာရှိလျက်နဲ့ပဲသောတာပန်၊ သကဒါဂါမ်၊ အနာဂါမ်တည်တယ်ပြောတာပဲနော် (မှန်ပါ)။ ပေါ်ကြပြီလား (ပေါ်ပါပြီ ဘုရား)။

Since there is no need to look elsewhere, the Pali states: Vedanānaṃ khayā—due to the exhaustion of feelings; Bhikkhu—the monk; Nicchāto—becomes free from craving (Taṇhā); and Parinibbuto—attains the extinction of defilements (Kilesa Parinibbana) while the Aggregates still remain. This means one becomes a Stream-Enterer (Sotapanna), a Once-Returner (Sakadagami), or a Non-Returner (Anagami) even while the physical body still exists. (True, Sir) Is that clear? (Yes, it is, Sir)

ဒါဖြင့် ဒကာဒကာမတို့ ဒီနေ့ အကြားအမြင်ရှိတဲ့ ပုဂ္ဂိုလ်ဝေဒနာပေါ်ပုံနဲ့ အကြားအမြင်မရှိတဲ့ ပုဂ္ဂိုလ်ဝေဒနာပေါ်ပုံနဲ့လဲ သိပ်ခြားနားတယ် (မှန်ပါ)။ မခြားနားဘူးလား (ခြားနားပါတယ်)။

Therefore, Yogis, the way feeling arises in a person who has heard the Dhamma is vastly different from how it arises in a person who lacks such knowledge. (True, Sir) Isn't there a great difference? (There is a difference, Sir)

အနက်သဘောကို အလိုရှိတယ်

အဲဒီတော့ အနက်နဲ့ပါဠိမှာလဲ ရှင်သာရိပုတ္တရာက ဘာကို အလိုရှိသတုံး (အနက်ကိုအလိုရှိပါတယ်)။ အနက်သဘောကို အလိုရှိတယ်။ အနက်ကိုပြောပါဆိုသောကြောင့် ဒီမှာအနက်တွေချည်းပဲ၊ သဘောတွေချည်းပဲပြောနေတယ်ဆိုတာ သဘောကျကြပြီလား (ကျပါပြီ)။

Between the literal Pali words and their underlying meaning, what did Venerable Sariputta desire? (He desired the meaning, Sir) He sought the true essence. Because he asked for the meaning, I am explaining only the true essence and the underlying meaning here. Do you understand? (Yes, we do, Sir)

ပြီးတော့ ဘာဟောလိုက်သတုံးဆိုတော့ ရှင်အဿဇိကအကြောင်းဖြစ်ရင် အကျိုးဖြစ်တယ်၊ အကြောင်း ချုပ်ရင် အကျိုးချုပ်တယ်ဆိုတော့ ခန္ဓာကိုယ်တစ်ကိုယ်လုံးလဲ ဒါပဲရှိတယ်။ ဒီ့ပြင်ဘာရှိသေးသတုံး (မရှိပါဘူး)။

And what did Venerable Assaji preach to him? He taught that when causes arise, effects arise; when causes cease, effects cease. In your entire body, there is only this process. Is there anything else? (No, there is not, Sir)

အကြောင်းဖြစ်ရင် (အကျိုးဖြစ်ပါတယ်)။ အကြောင်းချုပ်ရင် (အကျိုးချုပ်ပါတယ်)။ ဒါပဲရှိတယ်ဆိုတာ သိပြီး သကာလ နေတော့ ခန္ဓာကိုယ်ထဲမှာ ဖြစ်ပျက်ပဲရှိတယ်။ ရုပ်ဆိုတာလဲ အပြော-ဖြစ်ပျက်ပဲ (မှန်ပါ)။ ဝေဒနာဆိုတာလဲ (အပြောပါ ဘုရား)။ ရှိတာကတော့ (ဖြစ်ပျက်ပါ ဘုရား)။

When causes arise... (Effects arise, Sir). When causes cease... (Effects cease, Sir). Once you realize that this is all there is, you see that within the body, there is only the process of Arising and Passing Away. Matter (Rupa) is just a conventional term; in reality, it is just Arising and Passing Away. (True, Sir) Feeling (Vedana) is also... (Just a conventional term, Sir). What actually exists is... (Only Arising and Passing Away, Sir).

အေး-ခန္ဓာငါးပါးစလုံး ခန္ဓာငါးပါးလို့သာ ဆိုရပါတယ်တဲ့ အပြီးသတ်တော့ ဖြစ်ပျက်ပဲရှိတယ် (မှန်ပါ)။

Indeed. We call them the Five Aggregates (Khandhas), but ultimately, there is only the process of Arising and Passing Away. (True, Sir)

အဲဒါကို ဒကာ ဒကာမတွေက မြင်အောင်ကြည့် မုန်းအောင်ကြည့်လို့ရှိရင်ဖြင့် ဆုံးအောင်ကြည့်လို့ရှိရင် နိဗ္ဗာန်ပဲဆိုတာ ငြင်းစရာလိုသေးသလား (မလိုပါဘူး)။

Yogis, if you watch and observe this process until you clearly see it, until you become truly disillusioned with it, and until you reach its cessation, you will undoubtedly attain Nibbana. Is there any need to dispute this? (No need, Sir)

ဝေဒနာကမ္မဋ္ဌာန်းဟောတယ်

အဲဒါကြောင့် ရှင်အဿဇိနဲ့ သောတာပန်တည်တယ် (မှန်ပါ)။ နောက်ကျတော့ အထက်မဂ်တွေ တက်ချင်တော့ ဒီဃနခပရိဗိုရ်ကို ဘုရားသခင် ကိုယ်တော်မြတ်ကြီးက ဝေဒနာကမ္မဋ္ဌာန်းဟောတယ်။ ဝေဒနာကမ္မဋ္ဌာန်းဟောတော့ သူက နောက်ကယပ်ခတ်ပေးပြီးတော့ တရားနာတယ်။ အဲဒီတရားနာရင်းမတ္တနဲ့ ဒီဃနခက သောတာပန်တည်တယ်။ သူက ဝေဒနာကမ္မဋ္ဌာန်းကိုရှုမှတ်ပြီးနေတယ်။ ဒီဃနခကလဲ ဝေဒနာမေးနေတာပဲ။ အဲဒါနဲ့ ဝေဒနာသုံးမျိုးကိုလှည့်ပြီးရှုရင်းမတ္တနဲ့ ဘုရားနောက်ကယပ်ခတ်ပေးရင်း ခန္ဓာထဲမှာ ဉာဏ်လှည့်ပြီးကြည့်လိုက်တယ်။ အဲဒီတော့မှ ရဟန္တာဖြစ်တယ် (မှန်ပါ)။

Because of that teaching from Venerable Assaji, Venerable Sariputta became a Stream-Enterer (Sotapanna). (True, Sir) Later, to help him advance to the higher paths, the Buddha delivered a discourse on the Meditation on Feeling (Vedana Kammatthana) to the wandering ascetic Dighanakha. While the Buddha was preaching this discourse, Venerable Sariputta was standing behind him, fanning the Buddha and listening to the Dhamma. Simply by listening to that discourse, Dighanakha became a Stream-Enterer. Dighanakha had been asking questions about feelings, and the Buddha taught the meditation on feeling. As Venerable Sariputta stood there fanning the Buddha, he turned his Insight (Vipassana) Knowledge inward, continuously observing the three kinds of feelings within his own Aggregate. Right then and there, he became an Arahant. (True, Sir)

ရှင်အဿဇိနဲ့တွေ့တုန်းက သောတာပန်ပဲတည်တယ်၊ (မှန်ပါ)။ ဒါ့ကြောင့် ရှင်အဿဇိကို ကလျာဏမိတ္တ သူထားတယ် (မှန်ပါ)။ဪ-သူ့ကြောင့် သောတာပန်တည်တာပဲ။ အောက်မဂ်ရတယ်ဆိုတော့ အထက်မဂ်က လွယ်သွားတယ် (မှန်ပါ)။

When he first met Venerable Assaji, he only became a Stream-Enterer. (True, Sir) That is why he revered Venerable Assaji as his noble friend (Kalyāṇa-mitta). (True, Sir) He reflected, "It is because of him that I became a Stream-Enterer." Once the lower path is attained, reaching the higher paths becomes much easier. (True, Sir)

ဒါ့ကြောင့် သူဟာနေ့တိုင်း သတင်းမေးတယ်။ ဒီနေ့သူ့ဆရာရှင်အဿဇိဘယ်မှာ ကျိန်းပါလိမ့်မတုံး။ ဒီနေ့အနောက်ရွာမှာ ကျိန်းတယ်ဆိုလို့ရှိရင် သူက အရှေ့မှာနေလို့ရှိရင် သူ့ဦးခေါင်းဟာ အနောက်ကိုပြုတယ်။ ဒီနေ့မြောက်ဖက်မှာ ကျိန်းတယ်ဆိုရင် သူ့ဦးခေါင်းကို မြောက်ကိုလှည့်ပြီး ဝတ်ချပြီးအိပ်တယ် (မှန်ပါ)။

Therefore, he would inquire about his teacher's whereabouts every single day, asking, "Where is my teacher, Venerable Assaji, resting today?" If he heard that his teacher was resting in the western village, and he himself was in the east, he would sleep with his head pointing toward the west. If he heard his teacher was resting in the north, he would prostrate and sleep with his head pointing north. (True, Sir)

ဒါကြောင့် ဘေးရဟန်းတွေက ရှင်သာရိပုတ္တဟာ ပုဏ္ဏားမျိုးပဲ၊ အခုထက်ထိ အနောက်ကိုခေါင်းပြုတုံးပဲ၊ ဘာပဲလို့ ကဲ့ရဲ့ခြင်းခံကြရသေးတယ် (မှန်ပါ)။ ဒါနဲ့ဘုရားသခင် ကိုယ်တော်မြတ်ကြီးက ဆရာ့ဂုဏ် ရည်မှတ်ပြီး သူ့ဆရာကို သူဦးတိုက်ပြီးအိပ်တာ။ ပုဏ္ဏားအယူမဟုတ်ဘူး ဒီဥစ္စာ။ ဆရာကိုရိုသေလေးစားတဲ့ သဘော။ ဒါကို သေသေချာချာ လိုက်နာကြဆိုပြီး၊ ဘုရားကတောင် နည်းပေးလိုက်တယ် (မှန်ပါ)။

Because of this, other monks criticized him, saying, "Sariputta comes from a Brahmin background, and he is still practicing Brahmin rituals by pointing his head to the west!" (True, Sir) But the Buddha clarified that Venerable Sariputta was sleeping with his head pointed towards his teacher out of deep gratitude and reverence for his teacher's virtues. It was not a Brahmin belief. It was an expression of profound respect for his teacher. The Buddha even instructed the other monks to carefully follow this noble example. (True, Sir)

ဦးခေါင်းကို ဘယ်အရပ်ထားရမယ်

ဒါကြောင့် ဦးခေါင်းကို ဘယ်အရပ်ထားရမယ်ဆိုတဲ့ စည်းကမ်းဟာ လိုရင်းမဟုတ်ဘူး။ ကိုယ့်ကျေးဇူးရှင် ရှိရာကို ကိုယ့်ဦးခေါင်းပြုတာ အကောင်းဆုံးပဲ (မှန်ပါ)။ ဟာ တောင်ကို ခေါင်းပြုမှ၊ မြောက်ခေါင်းပြုရင် ဘာဖြစ်တတ်သလေး၊ ဘာလေး၊ ညာလေး ဆိုတာတွေဟာ အပိုတွေ (မှန်ပါ)။ ရိပ်မိပြီလား (ရိပ်မိပါပြီ)။

Therefore, rigid rules about which cardinal direction you must point your head are not the main point. Pointing your head toward your benefactor—the one who taught you the Dhamma—is the best practice. (True, Sir) Superstitions claiming that you must point your head south, or that pointing it north will bring misfortune, are entirely useless nonsense. (True, Sir) Do you see it? (Yes, we do, Sir)

ဘာမှမဟုတ်ဘူး၊ ဒီဥစ္စာတွေ။ ကိုယ့်ဆရာသမားရှိတဲ့ဆီခေါင်းပြုပြီး သကာလ ၊ဪ- ငါ့မှာ ဒီကလျာဏမိတ္တကြောင့် တရားထူးတရားမြတ်ရပေးတယ်ဆိုပြီး သကာလ ရှင်သာရိပုတ္တရာကတော့ ဆရာရှိတဲ့ဖက်ပြုတယ်(မှန်ပါ)။ သဘောပါကြပြီလား (ပါပါပြီ)။

Those beliefs mean nothing. Venerable Sariputta simply pointed his head toward his teacher, reflecting with gratitude, "It is because of this noble friend (Kalyāṇa-mitta) that I have attained this supreme Dhamma." (True, Sir) Do you grasp the meaning? (Yes, we do, Sir)

အထက်တက်ချင်ဝေဒနာနဲ့တက်

အဲဒီမှာ ကလျာဏမိတ္တနဲ့ပေါင်းလိုက်လို့ သောတာပန်တည်တယ်။ သောတာပန်တည်ပြီး နောက်ကျတော့ ဘုရားယပ်ခတ်ရင်းနဲ့ သကဒါဂါမ်၊ အနာဂါမ်၊ ရဟန္တာအဖြစ်သို့ ရောက်သွားတယ်လို့ဆိုတဲ့ဥစ္စာ ဝေဒနာနဲ့ရောက်သွားတာ (မှန်ပါ)။ ပေါ်ကြပြီလား (ပေါ်ပါပြီ)။

So, by associating with a noble friend, he became a Stream-Enterer. Later, while fanning the Buddha, he progressed to become a Once-Returner (Sakadagami), a Non-Returner (Anagami), and finally an Arahant. He reached these higher stages through the observation of feeling (Vedana). (True, Sir) Is that clear? (Yes, it is, Sir)

ဒါ့ကြောင့် ဝေဒနာကမ္မဋ္ဌာန်းဟာလဲ သူ့နေရာနဲ့သူကောင်းတာပဲ။ အထက်တက်ချင်ဝေဒနာနဲ့တက်၊ သောတာပန်တည်ချင်ရင် စိတ္တာနုပဿနာနဲ့တက်။ သကဒါဂါမ်၊ အနာဂါမ်၊ ရဟန္တာဖြစ်ချင်ရင် ဝေဒနာနုပဿနာနဲ့တက်။ ဒီစက္ကူကြည့်ပါလား (မှန်ပါ)။ ရိပ်မိပြီလား (ရိပ်မိပါပြီ)။

ကဲ- ယနေ့ ဒီတွင် တော်ကြပါစို့။

သာဓု သာဓု သာဓု

Therefore, the Meditation on Feeling (Vedana Kammatthana) is profoundly effective in its own right. If you want to advance to the higher paths, do so through feeling. If you want to become a Stream-Enterer, you can advance through the Contemplation of Mind (Cittanupassana). But to become a Once-Returner, a Non-Returner, or an Arahant, you should advance through the Contemplation of Feelings (Vedananupassana). Look at this chart here. (Yes, Sir) Do you see it? (Yes, we do, Sir)