တရားတော်
ခင်ရာ မင်ရာမှ တဏှာလာပုံ
ခင်ရာ မင်ရာမှ တဏှာလာပုံ
ကျေးဇူးတော်ရှင် အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး
ဟောကြားဆုံးမတော်မူသော
ခင်ရာ မင်ရာမှ တဏှာလာပုံ
(သမ္မသ သုတ်တော်ထွက်)နေ့အလုပ်ပေးတရားတော်
How Craving Arises from Endearment and Attachment. Delivered by the Benefactor, Agga Maha Pandita Mogok Sayadaw. Daytime Instruction based on the Sammasa Sutta (March 6, 1960).
(၆-၃-၆၀)
ခန္ဓာကိုယ်ထဲမှာ အကြောင်းတွေရှိတယ်
ဘုရားသခင် ကိုယ်တော်မြတ်ကြီး ကုရုတိုင်းမှာ သီတင်းသုံးနေတဲ့အခါကျတော့ ရဟန်းတွေက တရားဓမ္မ နာချင်လို့ ဘုရားဆီမှာ ဆည်းကပ် ဝိုင်းနေကြတယ်။
While the Exalted Buddha was residing in the Kuru kingdom, the monks gathered around Him to listen to the Dhamma.
အဲဒီတော့ ကိုယ်တော်မြတ်ကြီးက မေးတယ်၊ ရဟန်းတို့ မင်းတို့ခန္ဓာကိုယ်ထဲမှာ အကြောင်းတွေရှိတယ်၊ ခန္ဓာကိုယ်ဆိုတာ အကြောင်းမရှိဘဲနဲ့မဖြစ်ဘူး၊ မင်းတို့ခန္ဓာကိုယ်ထဲမှာ အကြောင်းတရားတွေရှိတယ်၊ အကြောင်းတရားများ မင်းတို့ သေသေချာချာ သုံးသပ်ကြရဲ့လား၊ ဆင်ခြင်ကြရဲ့လား လို့ မေးတယ်၊ မေးတော့ ရဟန်းတပါးက လျှောက်တယ်၊ တပည့်တော်များ သုံးသပ်ပါတယ်ဘုရား လို့ ရဟန်းတပါးက လျှောက်တယ် (မှန်ပါ့)။
The Buddha asked them, "Monks, there are causes within your body. The body does not exist without a cause. Are you thoroughly investigating and reflecting upon the causes within your body?" A monk respectfully replied, "We do investigate them, Venerable." (True, Sir)
မင်း-သုံးသပ်တာ ပြောစမ်းပါကွာ လို့ ဘုရားသခင် ကိုယ်တော်မြတ်ကြီးက မေးတော့ သူက “ကေသာ လောမာ နခါ ဒန္တာ တစော”ဆိုတဲ့ တစ ပဉ္စက ကမ္မဋ္ဌာန်းကို အသုဘကမ္မဋ္ဌာန်းကို ဒါတွေ သူက သုံးဆယ့်နှစ်ပုံ-ပုံပြီး သကာလ နှလုံးသွင်းနေပါတယ်လို့ လျှောက်တယ် (မှန်ပါ့)။
When the Buddha asked him to explain how he investigated, the monk replied that he contemplated the thirty-two parts of the body—starting with hair, body hair, nails, teeth, and skin—focusing on their loathsome nature (Asubha). (Yes, Sir)
ဒါက သူ့ဟာက အသုဘကမ္မဋ္ဌာန်းဘဲရှိတာ အကြောင်း-အကျိုးမှ မဟုတ်ဘဲ၊ ဘုရားကမေးတာက အကြောင်းကို ခန္ဓာကိုယ်တွင်းကို သုံးသပ်ကြရဲ့လား၊ ဆင်ခြင်ကြရဲ့လား မေးတာကို ခန္ဓာကိုယ် သုံးဆယ့်နှစ်ပုံ-ပုံပြီး သကာလ အသုဘ ဘာဝနာ ပွားတာကို ပြောနေတော့ အလိုတော်မကျဘူးလို့ မှတ်ရမယ် (မှန်ပါ့)။
However, the monk's practice was merely Asubha meditation, not the contemplation of cause and effect. Since the Buddha specifically asked if they were investigating the causes within the body, answering with the contemplation of loathsomeness meant that the Buddha was not satisfied. (Yes, Sir)
ဒီလိုသုံးသပ်ရတယ်
အဲဒီလိုဖြစ်နေတော့ ရှင်အာနန္ဒာက အနားမှာရှိတော့ အရှင်ဘုရားဟောမှ၊ အရှင်ဘုရားဆုံးမမှ သိရတဲ့ပုဂ္ဂိုလ်တွေ ဖြစ်ပါတယ်ဘုရား လို့ သုံးသပ်ရမယ်ဆိုတဲ့ဥစ္စာ၊ အဲဒါကြောင့် အရှင်ဘုရား ပြောရမည့်ကာလပါဘုရား၊ အရှင်ဘုရား ဆုံးမရမည့် ကာလပါဘုရား၊ တပည့်တော်များ ပြောဆိုဆုံးမမှ သိရမည့် ပုဂ္ဂိုလ်အချိုးအစားတွေ ဖြစ်ပါတယ် လျှောက်တော့မှ မင်းတို့ ကောင်းမွန်စွာ နာကြ-ဆိုပြီး ဘုရားသခင် ကိုယ်တော်မြတ်ကြီးက သုံးသပ်ပုံကို ဟောတော်မူတယ်၊ ဒီလိုသုံးသပ်ရတယ်၊ သစ္စာမြင်အောင် သုံးသပ်ရတယ် (မှန်ပ့ါ)။
Seeing this situation, Venerable Ananda, who was nearby, intervened. He implored, "Venerable Sir, we are the kind of individuals who can only understand when you teach and instruct us. Therefore, it is the proper time for you to teach. Please instruct us." Following this request, the Buddha said, "Listen well," and began to teach them the proper way to investigate. He taught that you must investigate to clearly see the Noble Truths (Sacca). (Yes, Sir)
ဒကာ ဒကာမတို့ ဘယ်လိုသုံးသပ်သတုံး (သစ္စာမြင်အောင် သုံးသပ်ရပါတယ် ဘုရား) သစ္စာမြင်အောင် သုံးသပ်ရတယ်၊ သစ္စာဆိုတာ အကြောင်းသစ္စာ၊ အကျိုးသစ္စာရယ်လို့ ရှိတယ်၊ သစ္စာမသိရင် သံသရာရှည်တယ်၊ သစ္စာသိမှ သံသရာ ပြတ်တယ်၊ ဒါကြောင့် အကြောင်းဆိုတဲ့ဥစ္စာ သုံးသပ်ရတယ်။
Yogis, how must you investigate? (We must investigate to see the Truths, Sir). Yes, you must investigate to see the Truths. Truth means the Truth of the Cause (Samudaya Sacca) and the Truth of the Effect (Dukkha Sacca). If you do not know the Truths, your journey through Samsara will be prolonged. Only when you realize the Truths will Samsara be severed. That is why you must investigate the cause.
အကြောင်းသစ္စာ၊ အကျိုးသစ္စာ ခွဲတတ်မှသာလျှင် သံသရာစခန်းကို ဘယ်ကနေဖြတ်လို့ ဘယ်ကနေ သတ်ရလို့ ရှိရင်ဖြင့် ဒုက္ခခပ်သိမ်းငြိမ်းတဲ့ နိဗ္ဗာန်ကြီးကို ရောက်နိုင်တယ်ဆိုတာ ဒကာ ဒကာမတွေ ဘုရားသခင် ကိုယ်တော်မြတ်ကြီးက အကြောင်းသုံးသပ်ဖို့ သိပ်အရေးကြီးပါတယ်တဲ့ (မှန်ပါ့)။
Only when you can distinguish between the Truth of the Cause and the Truth of the Effect will you know where to terminate the cycle of Samsara to reach Nibbana, the cessation of all suffering. Thus, the Buddha emphasized that investigating the cause is of utmost importance. (Yes, Sir)
အကြောင်းသုံးသပ်ပုံ ရှင်းပြမယ်
ဘာအရေးကြီးသလဲ (အကြောင်းသုံးသပ်ဖို့ အရေးကြီးပါတယ် ဘုရား) ကိုင်း သေသေချာချာနာကြ၊ အကြောင်းသုံးသပ်ပုံ ရှင်းပြမယ်ဆိုရင် အခု ဒကာ ဒကာမတွေ ခန္ဓာကိုယ်ထဲမှာ ခန္ဓာကိုယ်ကို စမ်းကြည့်ကြစမ်း၊ နည်းနည်းတော့ ပူတာတွေ့ပါလိမ့်မယ် (မှန်ပါ့) အဲဒါ ဘာဖြစ်နေတာတုံး ဆိုလို့ရှိရင်ဖြင့် ဇရာမီးလောင်နေတာ (မှန်ပါ့)။
What is important? (Investigating the cause is important, Sir). Listen carefully, I will explain how to investigate the cause. Yogis, feel your own bodies right now. You will find that it is slightly warm. (Yes, Sir) What is happening? It is the fire of aging (Jarā) burning within you. (Yes, Sir)
ဘာဖြစ်နေတာတုံး (ဇရာမီးလောင်နေတာပါ) ဇရာမီးလောင်နေတာတဲ့ ဒကာဒကာမတို့၊ ဒါဟာ အမြဲတမ်း လောင်နေတော့ ဦးခင်မောင်တို့ ဦးဘအုန်းတို့ ကျွမ်းကုန်တော့မှာဘဲ (မှန်ပါ့)။
What is happening? (The fire of aging is burning, Sir). Indeed, the fire of aging is burning. Because it burns constantly, yogis like U Khin Maung and U Ba Ohn will eventually be reduced to ashes! (Yes, Sir)
ဒါဖြင့် ဒကာ ဒကာမတွေ၏ ခန္ဓာကိုယ်ဟာ ထိုင်ပြီး ကျွေးမွေးပြုပြင်၊ ထိုင်ပြီး အဝတ်အစားတွေ အမျိုးမျိုး လဲပေးနေငြားသော်လဲ ဒီမီးလောက်မှု ရပ်စဲရဲ့လား (မရပ်စဲပါ ဘုရား)။
You sit here feeding, grooming, and changing the clothes of this body, but does this burning fire ever stop? (It does not stop, Sir).
အဲဒီ ဇရာမီး အမြဲလောက်နေသောကြောင့် ဒကာ ဒကာမတွေ အခု ဘာဖြစ်နေကြသတုံး ဆိုလို့ရှိရင် ယခု ရင့်ရော်ကြပါပြီဘုရား လို့ ဖြေရမှာဘဲ (မှန်ပါ့)။
Because this fire of aging burns continuously, what is happening to you all right now? You must answer, "We are getting older." (Yes, Sir)
လောင်ပါများလို့ရှိရင်ဖြင့် ဦးခင်မောင် ဥပမာ-ဝါးပင်ကြီးကို မီးလောင်တယ်၊ လောင်ပါများရင် ဒီဝါးပင်ကြီး လဲရမှာဘဲ (မှန်ပါ့) အဲဒီလိုပဲ ဒီမှာလဲ ဇရာများလို့ရှိရင် ဗျာဓိဆိုတဲ့ လဲမှုကြီးဟာ ကြုံရမှာဘဲ (မှန်ပါ့) လဲမှုကြုံလို့ရှိရင်ဖြင့် သစ်ပင်ကြီး ပျောက်မှုဆိုတာလဲ ဧကန်ကြုံရမည့် အလုပ် ဝတ္တရားဘဲဆိုတာ မလွဲဘူးပေါ့ဗျာ (မှန်ပါ့)။
Take a large bamboo tree as an example. If it catches fire and burns extensively, it will eventually collapse. (Yes, Sir) Similarly, as aging progresses, you will inevitably face the collapse known as sickness (Vyādhi). (Yes, Sir) And once it collapses, the complete destruction of the tree—death (Maraṇa)—is an inescapable duty and natural law. (Yes, Sir)
အခု ဇရာမီးကလဲ လောင်နေတယ်
အဲဒီတော့ ဒကာ ဒကာမတွေ ခန္ဓာကိုယ်ထဲမှာ အခု ဇရာမီးကလဲ လောင်နေတယ်၊ ဗျာဓိမီးဆိုတာလဲ ခဏခဏ ဟိုဘက် ပြောင်းရ ဒီဘက်ပြောင်းရဆိုတာ ဗျာဓိမီးလောင်တာနော် (မှန်ပါ့) ဟိုစောင်းရ ဒီငဲ့ရဆိုတာ ဘာဖြစ်တာတုံး (ဗျာဓိမီးလောင်တာပါ ဘုရား)။
So, yogis, the fire of aging is currently burning within your bodies. The fact that you constantly have to shift from one side to another is the fire of sickness (Vyādhi) burning you. (Yes, Sir) Why do you have to toss and turn? (Because the fire of sickness is burning, Sir).
ဗျာဓိမီးဆိုတာ အနာပေါက်တာပေါ့ဗျာ (မှန်ပါ့) အနာကလဲ ခဏခဏ ဒကာဒကာမတွေ ပေါက်နေတော့ ဟိုပြောင်းလိုက်ရ ဒီပြောင်းလိုက်ရနဲ့ ကိုယ်ကထုံးစံအတိုင်း ညောင်းလွန်းလို့ ပြောင်းလိုက်ရတယ်ဆိုတဲ့ဥစ္စာသည် ကိုက်တာ နာတာ ပူတာတွေလဲ ခန္ဓာကိုယ်ထဲ အနာပေါက်လို့ ပြောင်းရလွှဲရတာတွေ ဖြစ်နေတော့ ဗျာဓိမီးကလဲ လောင်လျက်ဘဲ (မှန်ပါ့) မဆိုနိုင်ဘူးလား (ဆိုနိုင်ပါတယ် ဘုရား)။
Sickness is like an eruption of a sore. Because sores erupt repeatedly in your body, you have to shift your posture. When you say, "I am shifting because I am stiff," that stiffness, aching, and heat are actually the afflictions in the body forcing you to move. Therefore, we must say the fire of sickness is burning continuously. (Yes, Sir) Can we not say that? (We can, Sir).
လောင်ပါများရင်လဲ ဦးဘတင်ရေ သွားဖို့သာ စိတ်ကူးတော့နော် (မှန်ပါ့) သုသာန်ရောက်ဖို့သာ စိတ်ကူးတော့ ဒကာ ဒကာမတို့။
And if it burns too much, U Ba Tin, you only have to plan for your departure! (Yes, Sir) You only have to plan for the cemetery, yogis.
အဲဒီတော့ ဇရာ၊ဗျာဓိ၊မရဏဆိုတဲ့ တရားသုံးခုဟာ ဒကာ ဒကာမတွေ ခန္ဓာကိုယ်ထဲမှာရှိတယ်၊ မရှိဘူးလား (ရှိပါတယ် ဘုရား) မရဏကလဲ ရောက်မှာဘဲနော် (မှန်ပါ့) မရောက်ပါနဲ့ဆိုလို့ ဘယ်သူကတားတား မရပါဘူး (မရပါ) မရဘူး ဦးခင်မောင် ဒါကိုမတားနဲ့၊ သေတတ်တဲ့တရားကြီး ရထားရင်တော့ သေမှာဘဲ၊ အဲဒါ ခန္ဓာကိုယ်ရှိလျက်နဲ့ မသေပါနဲ့ ဆုတောင်းလို့ မရဘူး၊ ပြည့်မှာလဲ မဟုတ်ဘူး (မှန်ပါ့)။
Therefore, these three realities—aging, sickness, and death—exist right within your body. Do they not? (They do, Sir). Death (Maraṇa) will definitely arrive. (Yes, Sir) No matter who tries to prevent it, it cannot be stopped. (It cannot, Sir). U Khin Maung, do not try to stop it. If you possess a nature that is bound to die, you will inevitably die. You cannot pray to avoid death while still possessing this body; such a prayer will never be fulfilled. (Yes, Sir)
ကောင်းပြီ ဒါဖြင့် ဇရာ ဗျာဓိ မရဏတို့ ခန္ဓာကိုယ်ထဲမှာရှိနေတော့ ဒကာဒကာမတွေသိကြပါပြီနော် (မှန်ပါ့) ဒါဟာအမြဲနှိပ်စက်နေသောကြောင့် ဒုက္ခသစ္စာ (မှန်ပါ့) ဘယ်အချိန် မနှိပ်စက်တဲ့အချိန် ရှိပါလိမ့် (မရှိပါ ဘုရား)။
Very well. You all now realize that aging, sickness, and death reside within your body. (Yes, Sir) Because they oppress you constantly, what Noble Truth are they? They are the Truth of Suffering (Dukkha Sacca). (Yes, Sir) Is there ever a time when they do not oppress you? (No, Sir).
မနှိပ်စက်တဲ့အချိန် မရှိ
ဘယ်အချိန် မနှိပ်စက်တဲ့အချိန် မရှိသောကြောင့် ဦးခင်မောင်တို့ ဦးဘအုန်းတို့ ဘာသစ္စာဖွဲ့ကြမလဲ (ဒုက္ခသစ္စာပါ) ဘုရားကော ညှာသေးသလား (မညှာပါ ဘုရား) မညှာဘူး ဘုရားသခင် ကိုယ်တော်မြတ်ကြီးက ဆောင်းတွင်း နေစာလှုံနေတော့ ရှင်အာနန္ဒာက အနားမှာရှိတော့ အရှင်ဘုရား ရွှေတုံး ရွှေခဲကြီးနဲ့တူတဲ့ ခန္ဓာကိုယ်တော်ကြီးမှာ ယခုတော့ အရေကလေးတွေ တွန့်လိပ်ကုန်ပါပေါ့ဘုရားလို့ လျှောက်ရသေးတယ် (မှန်ပါ့ ဘုရား)။
Since there is no time without oppression, U Khin Maung and U Ba Ohn, what Truth shall we call this? (The Truth of Suffering, Sir). Did the Buddha's body spare Him from this? (No, Sir). It did not. Even the Exalted Buddha, while sunbathing in the winter, was approached by Venerable Ananda who remarked, "Venerable Sir, your body, which once resembled a solid block of gold, now has wrinkled skin." (Yes, Sir)
ဒုက္ခသစ္စာ ခန္ဓာကိုယ် အမြဲနှိပ်စက်ခံနေရတာ ဇရာမီးလောင်နေတဲ့ဥစ္စာကြီးအရေတွန့်တာများတော့ မည်သူူတစ်ဦးတစ်ယောက်မှ မလွတ်ပါဘူးတဲ့ (မှန်ပါ့) အတုမရှိဆိုတာက ဒါမျိုးတွေဆိုလိုရင်းမဟုတ်သေးပါဘူး၊ ဘုရားမှာလဲ ဇရာရှိတာဘဲ၊ ဗျာဓိရှိတာဘဲ ဦးခင်မောင် (မှန်ပါ့) ကျုပ်တို့ ကျုပ်တို့မှာကော (ရှိပါတယ် ဘုရား)။
The Truth of Suffering constantly oppresses the body. The fire of aging burns, causing wrinkles, and absolutely no one is exempt from it. (Yes, Sir) When we say the Buddha is "Incomparable," it does not mean He was exempt from these physical realities. Even the Buddha’s body was subject to aging and sickness, U Khin Maung. (Yes, Sir) What about ours? (Ours are too, Sir).
ရှိကြတာချည့်ဘဲဆိုတာ ဒကာ ဒကာမတွေ မှတ်ထားတော့ ဒကာဒကာမတွေက တွေးလိမ့်မယ်၊ လူကြီးတွေက ကြီးကြပြီတဲ့၊ ကိုယ်ကြီးနေတာတော့ ပြန်မကြည့်လို့ပေါ့ဗျာ (မှန်ပါ့ ဘုရား)။
Everyone is subject to them. Keep this in mind. Sometimes yogis think, "Oh, the elders are getting old," while ignoring their own aging. (Yes, Sir)
ကိုယ့်မှာလဲ ဒီလိုလဲ လူကြီးတွေကြီးသလို ကြီးလိုက်နေတဲ့ဥစ္စာက လူကြီးတွေကကြီးလှပြီး သူတို့တော့ သေခါနီးတွေဘဲ ထင်နေတယ် (မှန်ပါ့) မဟုတ်ပါဘူးတဲ့ သူ့လမ်းနဲ့သူ့စခန်း မရှောင်တန်း သွားနေရတဲ့ တန်းတူတွေပါလို့ မှတ်လိုက်ရင် ဒါဟာ ပြီးသွားတာဘဲ (မှန်ပါ့ ဘုရား)။
While you watch others age, you are aging just the same. You might think the elders are very old and near death, but that is a misconception. Realize that everyone is traveling equally along the exact same path, without exception. Once you understand this, the matter is settled. (Yes, Sir)
ဘာသစ္စာတွေရှိသတုံး
ကောင်းပြီ ဒါဖြင့် ဇရာ-ဗျာဓိ-မရဏ ခန္ဓာကိုယ်ထဲမှာ ရှိကြရဲ့လား (ရှိပါတယ်) ဘာသစ္စာတွေရှိသတုံး (ဒုက္ခသစ္စာပါ) ဪ ဒါဖြင့် ခင်ဗျားတို့ ခန္ဓာကိုယ်ကြီးဟာ ဘယ်အချိန်ကြည့်လိုက်ကြည့်လိုက် ဘယ်သစ္စာမှမရောပါလား (မရောပါ ဘုရား) ဘယ်သစ္စာမှမရောဘူး ဒုက္ခသစ္စာဘဲ ရှိပြီး သကာလ နေတယ်ဆိုတာတော့ သိကြပြီ (မှန်ပါ့ ဘုရား)။
Very well. Do aging, sickness, and death exist in your body? (They do, Sir). What Truth do they represent? (The Truth of Suffering, Sir). Indeed. So, whenever you look at this body, is it mixed with any other Truth? (No, Sir). It is not mixed with any other Truth. You now clearly know that there is only the Truth of Suffering. (Yes, Sir)
ကောင်းပြီ ဒါဖြင့်ဒုက္ခသစ္စာကို ဦးခင်မောင်တို့ ဦးဘအုန်းတို့ သိကြပြီနော် (သိပါပြီ) ဒီဒုက္ခသစ္စာ သိလို့ရှိရင် ဒီဒုက္ခသစ္စာဘယ်ကလာသတုံး၊ ဘယ်သူ့ကြောင့်ဖြစ်သတုံး ဆိုတဲ့အကြောင်းများ သုံးသပ်ကြရဲ့လားလို့ ဘုရားကမေးတယ် (မှန်ပါ့ ဘုရား)။
Now that U Khin Maung and U Ba Ohn know the Truth of Suffering (Yes, Sir), the Buddha asks: "Where does this Truth of Suffering come from? What causes it? Have you investigated the cause?" (Yes, Sir)
မေးတာကို ဒီဒကာဒကာမတွေကို မနေ့ကသင်ထားတော့ ဒကာဒကာမတို့ ဒီဇရာ ဗျာဓိ မရဏတွေဟာ ဘယ်ကများ လာပါလိမ့်မတုံးလို့ စဉ်းစားကြည့်ကြစမ်း (ခန္ဓာငါးပါးက လာပါတယ် ဘုရား) ဟုတ်ပြီ ဒကာ ဒကာမတွေ ခန္ဓာငါးပါး ရှိလို့လာတာနော် (မှန်ပါ့ ဘုရား)။
I taught you this yesterday. Yogis, think about it—where do this aging, sickness, and death come from? (They come from the Five Aggregates, Sir). Exactly. They arise because you possess the Five Aggregates (Khandhas). (Yes, Sir)
ဘယ်အထဲက ပေါ်လာသတုံး (ခန္ဓာငါးပါးထဲက ပေါ်လာပါတယ်) ခန္ဓာငါးပါးထဲက ပေါ်လာတော့ ခန္ဓာငါးပါးထဲက အကြောင်း သမုဒယသစ္စာ ဇရာ ဗျာဓိ မရဏက အကျိုးဒုက္ခသစ္စာ (မှန်ပါ့) တိုတိုပြောကြပါစို့ ဆိုတာ့ ခန္ဓာငါးပါးက သမုဒယသစ္စာ ဇရာ ဗျာဓိ မရဏက ဒုက္ခသစ္စာ (မှန်ပါ့)။
Where do they emerge from? (They emerge from the Five Aggregates, Sir). Since they emerge from the Five Aggregates, the Five Aggregates are the Cause—the Truth of the Origin (Samudaya Sacca). Aging, sickness, and death are the Effect—the Truth of Suffering (Dukkha Sacca). (Yes, Sir) In short, the Five Aggregates are Samudaya Sacca, and aging, sickness, and death are Dukkha Sacca. (Yes, Sir)
ဒီနေ့ သစ္စာကိုထည့်လာပြီ
ဒါဟာ မနေ့ကနဲက မတူတော့ဘူး ဒကာဒကာမတို့၊ ဒီနေ့ သစ္စာကိုထည့်လာပြီဆိုတာကို သေသေချာချာမှတ်ပါ (မှန်ပါ့ ဘုရား)။
Yogis, this is different from yesterday's teaching. Mark this carefully: today, I am incorporating the Noble Truths into the explanation. (Yes, Sir)
ဦးဘအုန်း ခန္ဓာငါးပါးဟာ ဘာသစ္စာတုံး (သမုဒယသစ္စာပါ ဘုရား) သူက အကြောင်းကိုးဗျနော် (မှန်ပါ့) ခင်ဗျားတို့က လောဘတစ်ခုတည်းရယ်လို့ သမုဒယကို မှတ်မထားနဲ့၊ ဒီခန္ဓာမရှိရင် ဒီဇရာ ဗျာဓိ မရဏ မရှိပါဘူး၊ ရှိပါ့မလား (မရှိပါ ဘုရား)။
U Ba Ohn, what Truth are the Five Aggregates? (The Truth of the Origin, Sir). Because they are the cause. (Yes, Sir) Do not simply memorize that greed (Lobha) alone is the Truth of the Origin. If these Aggregates did not exist, would this aging, sickness, and death exist? (They would not, Sir).
ဒါဖြင့် ဒီခန္ဓာကအကြောင်း သမုဒယသစ္စာ၊ ဇရာ၊ ဗျာဓိ၊ မရဏတို့က (ဒုက္ခသစ္စာပါ ဘုရား) အကျိုးဒုက္ခသစ္စာဆိုတော့ ဪ ဒကာ ဒကာမတို့မှာ မူတည်တုန်းကလဲ အမိဝမ်းခေါင်းထဲမှာ ခန္ဓာငါးပါးနဲ့ မူတည်ခဲ့တယ် အခုအပြင်ရောက်သည်နဲ့ တပြိုင်နက်တည်းလဲ ဒကာ ဒကာမတို့မှာ ဇရာ ဗျာဓိ မရဏတွေနဲ့ မလွဲတမ်း နေရတယ်ဆိုတာလဲ ရှင်းကြပြီ(မှန်ပါ့) ဒကာဒကာမတွေ ဘယ်သစ္စာနှစ်ပါးနဲ့ နေကြရပါလိမ့်မတုံးဆိုတော့ ခန္ဓာငါးပါးက သမုဒယသစ္စာ ဒီထဲမှာ အိုတတ်-နာတတ်-သေတတ်တာက ဒုက္ခသစ္စာ (မှန်ပါ့ ဘုရား)။
Therefore, the Aggregates are the cause, Samudaya Sacca. And aging, sickness, and death are...? (The effect, Dukkha Sacca, Sir). Now it is clear. Yogis, you started with the Five Aggregates in your mother's womb. The moment you arrived outside, you were inevitably bound to face aging, sickness, and death. (Yes, Sir) Which two Truths are you living with? The Five Aggregates are Samudaya Sacca, and the aging, sickness, and death within them are Dukkha Sacca. (Yes, Sir)
ခန္ဓာငါးပါးက (သမုဒယသစ္စာပါ) အို၊နာ၊သေက (ဒုက္ခသစ္စာပါ) ခန္ဓာငါးပါးရှိကြရဲ့လား ခင်ဗျားတို့မှာ (ရှိပါတယ်) အကြောင်းသမုဒယကလဲရှိလျက်ဘဲ၊ အကျိုးဒုက္ခသစ္စာကြီးကလဲ ဒကာ ဒကာမတို့ ကိုယ်တိုင်ဘဲ တွေ့နေကြသလားလို့ မေးရင် ဘယ့်နှယ်ဖြေပါ့မလဲ (တွေ့ပါတယ် ဘုရား)။
The Five Aggregates are...? (The Truth of the Origin, Sir). Aging, sickness, and death are...? (The Truth of Suffering, Sir). Do you possess the Five Aggregates? (We do, Sir). So, if I ask whether you are personally experiencing both the Truth of the Origin and the Truth of Suffering, how would you answer? (We are experiencing them, Sir).
ဒါဖြင့် ဒကာ ဒကာမတို့ သစ္စာဉာဏ်နဲ့ သစ္စာသိတဲ့ဉာဏ်နဲ့ ဘုရားက ဟောလိုက်တော့မှ ဪ ဒို့မျာ ခန္ဓာငါးပါးရလာတုန်းကလဲ ရလာတာကို ဒို့က လူ့ဘဝ မရစဘူး အရထူးတယ် ဆိုပြီး ဦးခင်မောင်တို့က အောက်မေ့ကြတယ် (မှန်ပါ့)။
Now, through the Buddha’s teaching, you possess the Insight Knowledge that understands the Truths. In the past, when you obtained these Five Aggregates, U Khin Maung and others thought, "A human life is rare! We have gained a great privilege!" (Yes, Sir)
မကောင်းတဲ့ အကြောင်းတရားကြီးပေါ်လာတာ (မှန်ပါ့) ဒါကြောင့် မကောင်းတဲ့တရားက မကောင်းတဲ့အကျိုးတရားကြီးကို ဖြစ်စေတာဘဲ (မှန်ပါ့) သဘောကျပလား(ကျပါပြီ ဘုရား)။
But in reality, a terrible cause had arisen. (Yes, Sir) And because the cause is terrible, it inevitably produces a terrible effect. (Yes, Sir) Do you grasp the meaning? (Yes, we do, Sir).
ဒါဖြင့် ခန္ဓာငါးပါးက သမုဒယသစ္စာ၊ ဦးခင်မောင် ဒီဉာဏ်ကလေး ရပလား (ရပါပြီ ဘုရား) ဇရာ၊ ဗျာဓိ၊ မရဏ (ဒုက္ခသစ္စာပါ ဘုရား) ဪ သစ္စာနှစ်ခု သိသွားပြီ (မှန်ပါ့)။
Therefore, the Five Aggregates are Samudaya Sacca. U Khin Maung, have you gained this Insight Knowledge? (Yes, Sir). Aging, sickness, and death are...? (The Truth of Suffering, Sir). Ah, you have now realized two Noble Truths! (Yes, Sir)
ဒီခန္ဓာငါးပါးများ ချုပ်သွားလို့ရှိရင်
ကဲ တခါသွားကြဦးစို့ တဲ့၊ ဒီခန္ဓာငါးပါးများ ချုပ်သွားလို့ရှိရင်ဖြင့် ချုပ်အောင်ကျင့်ကြလို့ရှိရင်ဖြင့် ဇရာ၊ဗျာဓိ၊မရဏက မချုပ်ပေဘူးလား (ချုပ်ပါတယ် ဘုရား) သေချာပလား (သေချာပါတယ် ဘုရား)။
Let us go a step further. If you practice so that these Five Aggregates cease, will aging, sickness, and death not cease as well? (They will cease, Sir). Are you certain? (We are certain, Sir).
ဒါဖြင့် ခန္ဓာငါးပါးချုပ်အောင် ကျင့်နိုင်တဲ့ပုဂ္ဂိုလ်ဖြစ်ရင် ဇရာ၊ဗျာဓိ၊မရဏချုပ်ပါစေတော့လို့ ဆုတောင်းရသေးရဲ့လား (မတောင်းရပါ ဘုရား) ခန္ဓာငါးပါးချုပ်သွားတာက ဘာသစ္စာဆိုကြမလဲ (နိရောဓသစ္စာပါ) ချုပ်အောင်ကျင့်တဲ့အကျင့်ကိုတော့ ဘာသစ္စာဆိုကြမလဲ (မဂ္ဂသစ္စာပါ ဘုရား)။
So, if you are a person practicing for the cessation of the Five Aggregates, do you even need to pray, "May aging, sickness, and death cease"? (No need to pray, Sir). What Truth is the cessation of the Five Aggregates? (The Truth of Cessation, Nirodha Sacca, Sir). And what Truth is the practice that leads to this cessation? (The Truth of the Path, Magga Sacca, Sir).
ဒီလို အကြောင်းအကျိုးဆက်ပြီး သစ္စာသိသွားကြမယ်ဆိုလို့ရှိရင် ဒီခန္ဓာကြီးကိုလဲ မလိုချင်၊ မလိုချင်လို့ ဇရာ၊မရဏတွေလဲ ကိုယ်ပိုင်ပစ္စည်းမဖြစ်ရ၊ ခန္ဓာဝဋ် ကျွတ်သွားတာပေါ့၊ နတ္ထိ ခန္ဓပရမာ ဒုက္ခာ-ဆိုတဲ့အတိုင်း ခန္ဓာထက်ကြီးတဲ့ဒုက္ခ မရှိဘူးဆိုတဲ့ ဥစ္စာ ဒီဒုက္ခချုပ်ကတည်းကိုက ဇရာ၊ဗျာဓိ၊မရဏတွေ ဒကာသစ်တို့ ကိုမြရွှေတို့ ချုပ်မချုပ် (ချုပ်ပါတယ် ဘုရား)။
If you understand causality and the Truths in this way, you will no longer desire this body. Because you no longer desire it, aging and death will no longer be your personal property; you will be liberated from the cycle of the Aggregates (Khandha-vatta). As the Pali states, Natthi khandhasamā dukhā—there is no suffering greater than the Aggregates. The moment this suffering ceases, Dakathit and Ko Mya Shwe, will aging, sickness, and death cease or not? (They will cease, Sir).
ဒါဖြင့် ခင်ဗျားတို့ကို နေ့တိုင်း အလုပ်ခိုင်းတာ ဒီခန္ဓာ အရှုခိုင်းတာက ဒီခန္ဓာငါးပါး တပါးပါး အကြည့်ခိုင်းတာက ဦးခင်မောင်တို့ ရိပ်မိရောပေါ့၊ အို၊နာ၊သေ လွတ်အောင် ခိုင်းနေတာ (မှန်လှပါ)။
Therefore, when I instruct you every day to watch and observe any of these Five Aggregates, U Khin Maung, you should realize why. I am instructing you so that you can escape from aging, sickness, and death. (Yes, Sir).
ခန္ဓာငါးပါး ဖြစ်ပျက်အရှုခိုင်းတာက ဘာပါလိမ့် (အို၊နာ၊သေ လွတ်အောင်အရှုခိုင်းတာပါ) ခင်ဗျားတို့က မရှုချင်ဘူး ဆိုရင် အို၊နာ၊သေနဲ့ နေပါရစေဦး (မှန်ပါ့) ဒီသဘော မသက်ရောက်ဘူးလား (သက်ရောက်ပါတယ် ဘုရား)။
Why do I instruct you to watch and observe the arising and passing away of the Five Aggregates? (To escape from aging, sickness, and death, Sir). If you refuse to practice and observe, then go ahead and live with aging, sickness, and death! (Yes, Sir) Doesn't the logic point exactly to that? (It does, Sir).
အို၊နာ၊သေနဲ့ နေပါရစေဦး
မရှုချင်ရင် ဘာနဲ့နေပါရစေဦးလဲ (အို၊နာ၊သေနဲ့ နေပါရစေဦး) အို၊နာ၊သေနဲ့ နေပါရစေဦး ဆိုတော့ ဒီနေ့တော့ ကျုပ်တို့လဲ ညောင်းလာတာနဲ့ စားလို့သောက်လို့ကလဲ မကောင်းတာနဲ့ ခေါင်းကလေးကလဲ ခဲသလို၊ လည်က နာသလိုလိုရှိတာနဲ့ မရှုသေးပါဘူးဆိုတော့ မရှုချင်သေးရင် ဒီအနာနဲ့ နေရုံဘဲရှိတယ် (မှန်ပါ့)။
If you refuse to watch and observe, what are you asking to live with? (With aging, sickness, and death, Sir). When you say, "Let me continue living with aging, sickness, and death," it usually sounds like this: "Today, I feel stiff. My digestion is poor. My head aches. My throat is a bit sore. So, I will not practice today." If you refuse to practice, you are choosing to remain with the disease. (Yes, Sir).
မရှုသေးရင် ဘယ့်နှယ်ဆိုကြမလဲ (ဒီအနာနဲ့ နေရုံပါဘဲ) ဒီဗျာဓိတွေနဲ့ နေရုံဘဲ၊ သဘောပါကြပလား (ပါပါပြီ ဘုရား)။
If you refuse to practice, what are you doing? (Just remaining with the disease, Sir). You are just living with the afflictions of sickness. Do you grasp the meaning? (Yes, we do, Sir).
ဪ ခင်ဗျားတို့သည်ကား လို့ဆိုရင် မနေချင်ရင် ရှုရမယ်၊ နေချင်လို့ရှိရင် မရှုဘဲနေရင် ဒီအနာနဲ့နေရုံဘဲရှိတယ် (မှန်ပါ့) ဦးဝတို့ အရုပ်ဆိုးနေလိုက်တာ (မှန်ပါ့) မဆိုးဘူးလား (ဆိုးပါတယ် ဘုရား)။
Consider this: if you do not want to live with them, you must watch and observe. If you refuse to observe, it means you want to live with them, choosing to remain with the disease. (Yes, Sir) U Wa, what an ugly situation! (Yes, Sir) Is it not ugly? (It is, Sir).
တပည့်တော်ဘုရား မထိုင်နိုင်လို့ မရှုဘူးဘုရာ့၊ ဒီနေ့တော့ အစာမကြေလို့ မရှုဘူးဘုရာ့၊ ဝမ်းသွားနေလို့ မရှုဘူးဘုရာ့၊ ခေါင်းကိုက်နေလို့ မရှုဘူးဘုရာ့-ဆိုရင် အံမာလေး ဖျင်းလိုက်တဲ့ ဒကာ ဒကာမတွေ ဘယ့်နှယ်ကြောင့်ပါလိမ့်မတုံးဆိုလို့ရှိရင် ဒါတွေမရှိအောင်လို့ အရှုခိုင်းနေတာ ဒါတွေနဲ့ နေပရစေဦးဆိုရင် မရှုဘဲ နေလိုက်ရုံဘဲ (မှန်ပါ့) ဆိုးဝါးတဲ့ စိတ်ထားဆိုတာကော ပေါ်ကြပလား (ပေါ်ပါပြီ ဘုရား)။
Consider this: "Venerable Sir, I cannot sit, so I won't practice. My food hasn't digested today, so I won't practice. I have diarrhea, so I won't practice. My head aches, so I won't practice..." Oh, you foolish yogis! Why am I urging you to watch and observe? I am instructing you precisely so that these afflictions will cease to exist! If you choose not to observe, you are essentially saying, "Let me continue living with them." (Yes, Sir) Do you see how terrible that mindset is? (We see it, Sir).
ဒီနေ့မရှုလို့ရှိရင် ဒီနေ့ စိတ်ထား အတော်ရိုင်းစိုင်းတယ် (မှန်ပါ့) ဒီဟာနဲ့နေချင်သေးတဲ့အဓိပ္ပာယ် ရောက်သွားတယ် (မှန်ပ့ါ)။
If you skip your practice today, your mindset for the day is extremely poor. (Yes, Sir) It implies you still desire to live with these afflictions. (Yes, Sir).
ရှုလိုက်လို့ရှိရင် ဒီခန္ဓာငါးပါးဟာ ဦးခင်မောင် မင်း မကောင်းဘူး၊ မင်း မကောင်းဘူးဆိုလို့ရှိရင် သက်သက်နှိပ်စက်နေတာဘဲ ဆိုလိုက်လို့ရှိရင် ဒုက္ခသစ္စာဟာ ခင်ဗျားတို့ ဉာဏ်အောက်တွင် ရှုရင်းမတ္တနဲ့ မလိုချင်တာနဲ့ ချုပ်သွားမယ် (မှန်ပါ့)။
But if you watch and observe these Five Aggregates and realize, "U Khin Maung, you are no good! You are nothing but sheer oppression!"—the moment you see this Truth of Suffering through your Insight Knowledge, you will become disgusted with it, and it will cease. (Yes, Sir).
မရှုရင် ညှင်းဆဲခံချင်လို့
ချုပ်သွားရင် ခင်ဗျားတို့ ခုနင်က ကပ်ရောက်နေတဲ့ အနာတွေ ရှိပါဦးမလား (မရှိပါဘရား) ရှုရင်မရှိဘူးဗျ၊ မရှုရင် ညှင်းဆဲခံချင်လို့၊ ဝေဒနာနဲ့ အတူတူနေချင်လို့ ဒီအဓိပ္ပာယ် မရဘူးလား (ရပါတယ် ဘုရား)။
When it ceases, will the diseases that were plaguing you earlier still remain? (They will not, Sir). If you observe, they disappear. If you do not observe, it means you actively want to be tortured. It means you want to live together with the painful feeling (Vedanā). Does it not carry this meaning? (It does, Sir).
နောက်တော့ ဒကာ ဒကာမတို့ ဘုန်းကြီး အတိအကျ သတိပေးရလို့ရှိရင်ဖြင့် ဝေဒနာဖြစ်လာလို့ရှိရင် ရှုသာရှုလိုက် (မှန်ပါ့) ရှုလိုက်လို့ရှိရင် ဒီဝေဒနာဟာ ဝေဒနာက္ခန္ဓာ ဖြစ်သွားတာဘဲ၊ ဝေဒနာချုပ်ပျောက်သွားတယ် ဆိုလို့ရှိရင် ဒကာ ဒကာမတို့ ဝေဒနာရှိလို့ မရှုဘူးဆိုရင် ဝေဒနာ မမြဲနှိပ်စက် နေမယ် (မှန်ပ့ါ)။
Therefore, yogis, I must give you a strict warning: whenever a painful feeling (Vedanā) arises, you must watch and observe it! (Yes, Sir) When you observe it, that feeling simply becomes the Aggregate of Feeling (Vedanākkhandha). If you watch it until it ceases and vanishes, you win. But if you make excuses and refuse to practice because there is pain, that pain will endlessly oppress you. (Yes, Sir).
ဝေဒနာရှိလို့ ဝေဒနာက္ခန္ဓာကိုဖြစ်စေ၊ ကျန်ခန္ဓာဖြစ်စေ၊ ကြိုက်ရာရှုလို့ သူတို့သည်ကား လို့ ဆိုရင်ဖြင့် အနိစ္စအချက်ပေါ်လာရင်ဘဲ ခင်ဗျားတို့နှိပ်စက်တာ အားသေးသွားမယ် (မှန်ပါ့)။
Because of the pain, whether you choose to observe the Aggregate of Feeling or any other Aggregate, the moment you catch a glimpse of Impermanence (Anicca), the oppression loses its power over you. (Yes, Sir).
ဟာ မင်းကို မလိုချင်တော့ပါဘူးဆိုပြီး မဂ်ဉာဏ်ပေါ်လာအောင် ရှုလိုက်လို့ရှိရင် ခန္ဓာပါ ပျောက်ထွက်သွားတယ်၊ နိဗ္ဗာန်ပေါ်လာရင် သူ နှိပ်စက်စရာရှိသေးရဲ့လား (မရှိပါ ဘုရား)။
And when you observe until the Path Knowledge (Magga Ñāṇa) arises, thinking, "I no longer want this!", the Aggregates themselves will disappear. Once Nibbana appears, is there anything left to oppress you? (No, Sir).
ဒါဖြင့် ဒကာ ဒကာမတွေ စိတ်ကူးလွဲတယ်လို့ ဘုန်းကြီးပြောတာ ခင်ဗျားတို့ဟာ ဘုန်းကြီးက လွန်လွန်းတယ်လို့ မဆိုပါနဲ့၊ ရှုလိုက်ရင် ဘာဖြစ်သွားသတုံး (ဝေဒနာ ချုပ်သွားပါမယ် ဘုရား)။
Therefore, when I tell you that your thinking is completely backwards, do not think I am being too harsh. If you watch and observe, what happens? (The painful feeling ceases, Sir).
ခုနင်က ခံစားနေရတဲ့ ဝေဒနာတွေ ချုပ်သွားတော့ကို ခင်ဗျားတို့က ဆင်ခြေလဲတာက တပည့်တော်- ဝေဒနာက ပြင်းထန်တာနဲ့ ဝေဒနာက နှိပ်စက်နေတာနဲ့ မရှုနိုင်အောင် ဖြစ်နေတယ် (မှန်ပါ့)။
You make excuses, saying, "Venerable Sir, the pain is so severe, the pain is oppressing me so much that I cannot practice." But the truth is, the painful feelings you were suffering from will cease if you observe them! (Yes, Sir).
ဒကာ ဒကာမတွေ ဒီလိုမလုပ်ရဘူး၊ ဘုရားသခင် ကိုယ်တော်မြတ်ကြီးက ဒီလိုဆုံးမထားတယ်၊ ခန္ဓာရှိလို့ ဇရာ၊ဗျာဓိရှိတယ် လို့ ခုနင်က ဒီလိုပြောခဲ့ပြီမဟုတ်လား (မှန်ပါ့)။
Yogis, you must not act this way. The Exalted Buddha taught us clearly: because there are Aggregates, there is aging and sickness. I just explained this to you, did I not? (Yes, Sir).
ဖြစ်ပျက်ရှုပြီး ဖြစ်ပျက်ဆုံးအောင် လိုက်စမ်းပါလား
ခန္ဓာမရှိလောက်အောင် ခင်ဗျားတို့က ဖြစ်ပျက်ရှုပြီး ဖြစ်ပျက်ဆုံးအောင် လိုက်စမ်းပါလား ဦးခင်မောင်တို့က (မှန်ပါ့) လိုက် လိုက်ရင် ဘာဖြစ်သွားမယ်ထင်သတုံး (ခန္ဓာပျောက်သွားပါမယ်) ပျောက်သွားတော့ ဇရာ၊ဗျာဓိတွေ ဘယ်သွားမတုံး (ချုပ်သွားပါမယ် ဘုရား)။
Why don't you, U Khin Maung and the rest, watch and observe the Arising and Passing Away until it reaches its end, until the Aggregates disappear? (Yes, Sir) If you follow this practice, what do you think will happen? (The Aggregates will disappear). When they disappear, where will the aging and sickness go? (They will cease, Sir).
ဒါဖြင့် ခင်ဗျားတို့က ဒီနေ့တော့ နေမကောင်း ထိုင်မသာရှိလို့ မရှုသေးဘူးဆိုတော့ ရှုရမည့်အချက်ကြီး သူ့ဟာက (မှန်ပါ့) နေကောင်းထိုင်သာဖြစ်အောင်ကို ရှုရမယ် (မှန်ပါ့) သဘောကျပလား (ကျပါပြီ ဘုရား)။
Therefore, making the excuse "I am not feeling well today, so I won't practice" is a grave error. Your sickness is the exact reason why you must observe! (Yes, Sir) You must watch and observe precisely to overcome the sickness and find relief. (Yes, Sir) Do you grasp the meaning? (Yes, we do, Sir).
ဘုန်းကြီးက ဇွတ်တိုးလို့ ဆိုချင်သေးသလား (မဆိုချင်ပါ ဘုရား) ဇွတ်တိုးကိုမဆိုနဲ့၊ ခင်ဗျားတို့က ဇွတ်လုပ်နေတာ (မှန်ပါ့) အနာတော့ကင်းချင်တယ်၊ အနာကင်းကြောင်းတော့ မလုပ်ဘူး(မှန်ပါ့)။
Does it sound like I am forcing you against your will? (No, Sir). I am not the one forcing things; you are the ones stubbornly forcing yourselves down the wrong path! (Yes, Sir) You want to be free from disease, but you refuse to do the very work that cures the disease. (Yes, Sir).
ဦးဇံရင် ဘယ့်နှယ်တုံး (အနာတော့ ကင်းချင်ပါတယ် ဘုရား) အနာတော့ ကင်းချင်တယ်၊ အနာကင်းကြောင်းတော့ မလုပ်ဘူးဆိုတော့ ဒီအနာ ဘယ်တော့ ကင်းမှာတုံး(မှန်ပါ့) ကဲ နောက်ကို ပါးကြမလားလို့ မေးလိုကပါတယ် (ပါးပါပြီ ဘုရား)။
U Zan Yin, how is it? (We want to be free from disease, Sir). You want to be free from disease, but you refuse to do the work that cures it. So, when will the disease ever leave you? (Yes, Sir) Let me ask you: will you be wiser from now on? (We will, Sir).
အနာရောက်လာရင် ဘာလုပ်ကြမယ် (ဖြစ်ပျက်ရှုရပါမယ် ဘုရား) ဝေဒနာကြိုက်ရင် ဝေဒနာရှု၊ သို့မဟုတ် စိတ်ကြိုက်ရင် စိတ်ရှုပါ၊ ရှုချင်တာရှု တခုချုပ်ရင် အကုန်ချုပ်တာဘဲ (မှန်ပါ့) ဦးဘအုန်း ရိပ်မိပလား (ရိပ်မိပါပြီ ဘုရား)။
When sickness arrives, what must you do? (We must observe the Arising and Passing Away, Sir). If you prefer, observe the feeling (Vedanā). Or, if you prefer, observe the mind (Citta). Observe whichever you like. When one ceases, they all cease. (Yes, Sir) U Ba Ohn, do you see it? (Yes, we do, Sir).
ဒါဖြင့် ဝေဒနာရောက်တဲ့အချိန်မှာ ဘာလုပ်ရမယ် (ဖြစ်ပျက်ရှုရပါမယ်) အဲဒါ ခင်ဗျားတို့ လဲထားတဲ့ဆင်ခြေ ယနေ့က စပြီးတော့ ဪ ဒို့ဟာ အလွဲကြီး လွဲထားတာကိုး လို့ဆိုတာ ပေါ်လာတယ် (မှန်ပါ့) မပေါ်လာဘူးလား (ပေါ်လာပါတယ် ဘုရား)။
So, when painful feelings arise, what must you do? (We must observe the Arising and Passing Away). Now you realize that the excuses you have been making are a massive mistake. (Yes, Sir) Do you not see it? (We see it, Sir).
ဝေဒနာကို ဖြစ်ပျက်ရှုရမှာ
ဘုန်းကြီးကလဲ မေးတယ်ထားပါတော့၊ ဒကာ ဒကာမတွေ မနေ့ကပြန်သွားတော့ ရှုကြရဲ့လား၊ ဟာ တပည့်တော်တို့ ဒီကပြန်ရင် ညောင်းတာနဲ့ ကိုက်တာနဲ့ မရှုမိဘူးဘုရာ့၊ ဝေဒနာက နှိပ်စက်တော့ ခက်နေတယ် (မှန်ပါ့) ဪ ဖျင်းလိုက်တဲ့ဖြစ်ခြင်း မပြောပါနဲ့တော့၊ ရိပ်မိပလား (ရိပ်မိပါပြီ ဘုရား)။
Let me give you an example. Yesterday, I asked some yogis if they practiced after they went home. They replied, "Oh, Venerable Sir, when we got back, we were so stiff and aching that we didn't practice. The pain was too oppressive." (Yes, Sir) Oh, what a foolish state of affairs! Do you see it? (Yes, we do, Sir).
ဘယ်လိုလုပ်ပစ်ရမှာတုံး (ဝေဒနာကို ဖြစ်ပျက်ရှုရမှာပါ ဘုရား) ဖြစ်ပျက်ရှုလိုက်လို့ရှိရင်ဖြင့် ခန္ဓာပါပျောက်သွားမယ်၊ အနိစ္စတွေ့ရင် အနိစ္စဆုံးမသွားပေဘူးလား (ဆုံးသွားပါတယ် ဘုရား)။
How should you have handled it? (We should have observed the Arising and Passing Away of the feeling, Sir). If you observe the Arising and Passing Away, the Aggregates will disappear. When you see Impermanence (Anicca), will it not eventually reach its end? (It will end, Sir).
ဆုံးသွားသည်နဲ့ တပြိုင်နက်တည်း ခင်ဗျားတို့ နှိပ်စက်တဲ့ သဘောဟာက ခန္ဓာရှိလို့ နှိပ်စက်နေတာ ခန္ဓာပျောက်အောင် လုပ်လိုက်လို့ရှိရင် နှိပ်စက်စရာအကွက် ပါသေးရဲ့လား (မပါပါ ဘုရား) ကဲ ဒါဖြင့် အသုံးချတတ်ပလား (ချတတ်ပါပြီ ဘုရား)။
The moment it ends, the oppression ends. The nature of oppression exists only because the Aggregates exist. If you practice until the Aggregates disappear, is there any room left for oppression? (No, Sir) Well then, do you now know how to apply this practice? (Yes, we do, Sir).
ဒါဖြင့် မာရင်လဲရှုပါ ဦးခင်မောင်၊ မမာရင်လဲ (ရှုရမှာပါ ဘုရား) ရှင်းပလား (ရှင်းပါပြီ ဘုရား)။
Therefore, U Khin Maung, you must practice when you are healthy. And when you are sick...? (We must practice then too, Sir). Is that clear? (It is clear, Sir).
ကိုင်း ဒါကို ယုံလောက်အောင်ဘဲ အကိုးအကားနဲ့ ဦးဘတင်တို့ ထုတ်ပြဦးမယ်နော် (မှန်ပါ့)။
To ensure you truly believe this, U Ba Tin, I will provide scriptural evidence. (Yes, Sir).
ဒကာ ဒကာမတို့ ခင်ဗျားတို့ ဗောဇ္ဈင်သုတ်ဆိုတာ ကြားဘူးပါလိမ့်မယ် (ကြားဘူးပါတယ် ဘုရား) ဗောဇ္ဈင်သုတ်ဟာ ခင်ဗျားတို့ ဘယ်အချိန်မှာ ခင်ဗျားတို့ ရွတ်ကြသတုံးလို့ မေးကြလို့ရှိရင်ဖြင့် မမာတဲ့အခါမှာ ရွတ်ကြတယ် (မှန်ပါ့ ဘုရား)။
Yogis, you have likely heard of the Bojjhaṅga Sutta. (Yes, we have, Sir). When do people usually recite the Bojjhaṅga Sutta? They recite it when someone is sick. (Yes, Sir).
ဒါ ဘယ်ကလာသတုံး၊ ဗောဇ္ဈင်သုတ်မမာတဲ့အခါမှာ ရွတ်ရမယ်ဆိုတဲ့ဥစ္စာ ဘယ်ကလာသတုံး လို့ အကြောင်းလက်သည်ရှာဖို့ ဒကာသစ်တို့ ကိုမြရွှေတို့ အရေးမကြီးဘူးလား (ကြီးပါတယ် ဘုရား)။
Where did this tradition come from? Dakathit and Ko Mya Shwe, isn't it important to find the original reason why the Bojjhaṅga Sutta is recited during sickness? (It is important, Sir).
ဘုရားသခင် ကိုယ်တော်မြတ်ကြီးက ရှင်မေဂ္ဂလာန်တို့ ရှင်မဟာကဿပတို့ မမာတဲ့အချိန်မှာ သူတို့ခေါင်းကိုက် ၊လေနာ၊ စသည်တွေဖြစ်နေတယ် ဦးခင်မောင်(မှန်ပါ့) ဖြစ်နေတဲ့အချိန်မှာ ဘုရားသခင် ကိုယ်တော်မြတ်ကြီးက သူတို့ခံစားနေရတဲ့ ဝေဒနာတွေကို ပျောက်စေရန် ဘုရားသခင် ကိုယ်တော်မြတ်ကြီးက လူမမာရှိရာ ကြွတယ်၊ ဘယ့်နှယ်နေသတုံး စသည်ဖြင့် လူမမာမေးကြွတော့ ခေါင်းကိုက်၊ လေနာ၊ ရင်နာ စသည်တွေ ဖြစ်နေကြောင်း လျှောက်တော့ မင်းတို့ ဗောဇ္ဈင်ကို နှလုံးသွင်းကြစေရန် ဗောဇ္ဈင်ကို ဟောတယ်၊ ဗောဇ္ဈင်ထဲမှာ ဓမ္မ ဝိစယ သမ္ဗောဇ္ဈင်ဆိုတာ ခင်ဗျားတို့ ဖြစ်ပျက်မြင်တဲ့ဉာဏ်ကိုဆိုတာ (မှန်ပါ့ ဘုရား)။
There were times when Venerables Moggallana and Maha Kassapa were severely ill. They suffered from headaches, colic, and other ailments, U Khin Maung. (Yes, Sir) While they were suffering, the Exalted Buddha visited them. He asked about their condition. When they reported their severe pains, such as headaches and chest pains, the Buddha preached the Bojjhaṅga (Factors of Enlightenment) to alleviate their suffering, instructing them to contemplate it. In the Bojjhaṅga, there is Dhammavicaya-sambojjhaṅga (Investigation of Phenomena). This refers directly to the Insight Knowledge that sees the Arising and Passing Away! (Yes, Sir)
ဝီရိယ သမ္ဗောဇ္ဈင် ဆိုတာ ခင်ဗျားတို့ မဂ္ဂင်ထဲ ပါပြီးသား မနေဘူးလား (ပါပါတယ်) ပီတိပဿဒ္ဓိ သမ္ဗောဇ္ဈင်ဆိုတာ သူနဲ့ သဟဇာတအဖြစ်နဲ့ ပါပြီးသား ဦးခင်မောင် (မှန်ပါ့ ဘုရား)။
Then there is Viriya-sambojjhaṅga (Energy), which is already included in your Path Factors (Maggaṅga), is it not? (It is, Sir). And Pīti-sambojjhaṅga (Joy) and Passaddhi-sambojjhaṅga (Tranquility) arise naturally alongside it (Sahajāta), U Khin Maung. (Yes, Sir).
ခန္ဓာကိုယ်ကို ရှုကြရန် ခိုင်းတာ
အဲဒီတော့ ခန္ဓာကိုယ်ကို ရှုကြရန် ခိုင်းတာ (မှန်ပါ့ ဘုရား) ဒီတော့ ခန္ဓာကိုယ်ကို ပြန်ပြီး နှလုံးသွင်းလိုက်တယ်၊ ချက်ချင်းဘဲ ဝေဒနာကင်းရှင်းသွားတယ် (မှန်ပါ့) ရိပ်မိပလား (ရိပ်မိပါပြီ ဘုရား)။
So, I instructed you to watch and observe the body. (True, Sir) When you bring your attention back to the body, the feeling (Vedanā) disappears immediately. (True, Sir) Do you see it? (Yes, we do, Sir).
ဒါဟာ ဝေဒနာရှုလို့ ကျေးဇူးများပုံလဲ (မှန်ပါ့) ခင်ဗျားတို့က်တော့ ရှုရမှာကို ရွတ်ရမှာလောက် လုပ်နေကြလို့ ခက်နေတာ (မှန်ပါ့)။
This shows the great benefit of watching and observing Vedanā. (True, Sir) The problem with you Yogis is that instead of actually observing it, you treat it like a mere recitation. (True, Sir).
ဘာလုပ်ရမှာတုံး (ရှုရမှာပါ) ဘာဝိတာ ဗဟုလီကတာ-လို့ ဗောဇ္ဈင်အကျယ်မှာ မလာဘူးလား (လာပါတယ် ဘုရား) ဘာဝိတာ=ပွားများရမယ်၊ ဗဟုလီကတာ=ကြိမ်ဖန်များစွာ ရှုရမယ်ဆိုတာ ဦးဘအုန်း သံသယရှိဖို့ လိုသေးသလား (မလိုပါ ဘုရား) ရှင်းကြပလား (ရှင်းပါပြီ ဘုရား)။
What must you do? (We must watch and observe, Sir). Doesn't the detailed teaching on the Factors of Enlightenment (Bojjhanga) mention "Bhāvitā Bahulīkatā"? (Yes, it does, Sir). Bhāvitā means you must cultivate it, and Bahulīkatā means you must watch and observe it repeatedly. Is there any need to doubt this? (No need, Sir). Is that clear? (Yes, it is, Sir).
ဒါဖြင့် ခင်ဗျားတို့ ဒီကရှေ့ကို ဒီနေ့တော့ နေမကောင်းလို့ မရှုနိုင်ဘူး၊ လေနာနေလို့ မရှုနိုင်ဘူး၊ အညောင်းတွေက ထူလွန်းလို့ မရှုနိုင်ဘူး၊ နေ့လည်က ပန်းလာလို့ အမောဆိုက်လို့ မရှုနိုင်ဘူးလို့ မလုပ်ကြနဲ့၊ အဲဒါတွေ အကုန်ပျောက်နိုင်တဲ့ဆေးကို မရှုနိုင်ဘူးဆိုတော့ ပျောက်တဲ့ဆေးကို မသောက်ဘူးလို့ ပြောတာနဲက အတူတူကျနေတယ် (ကျနေပါတယ်) သဘောပါပလား (ပါပါပြီ ဘုရား)။
Therefore, from now on, do not make excuses, saying, "I am unwell today, so I cannot observe," or "I have gastric pain," or "I am too stiff," or "I am too exhausted from the afternoon's work, so I cannot observe." Saying you cannot observe is exactly the same as refusing to take the very medicine that can cure all these ailments. (It is exactly the same, Sir) Do you grasp the meaning? (Yes, we do, Sir).
မာလဲရှု မမာလဲရှု
ကဲ ဒီကရှေ့ကို မူကလေးပြောင်းဦးဗျ၊ ပြောင်းတတ်ပလား (ပြောင်းတတ်ပါပြီ) ဘယ်လိုပြောင်မလဲ (မာလဲရှု မမာလဲရှုရမှာပါ) မမာရင် ပိုရှုဖို့ပေါ့ဗျာ မာတဲ့အခါလဲရှု၊ မာတဲ့အခါရှုရင် ဝေဒနာကို တားပြီးသာဖြစ်တယ်၊ မမာတဲ့အခါ ရှုလို့ရှိရင် ဝေဒနာပျောက်စေတဲ့ဆေးကိုစားပြီသားဖြစ်တယ် (မှန်ပါ့) ကဲ ဒါဖြင့် နေတတ်ကြပလား (နေတတ်ပါပြီ ဘုရား)။
Now, you must change your mindset. Can you change it? (Yes, we can, Sir). How will you change it? (We must observe whether we are well or unwell, Sir). Indeed, if you are unwell, you must observe even more! Watch and observe when you are well, too. Observing when you are well prevents the suffering from arising. Observing when you are unwell is like taking the medicine that cures the suffering. (True, Sir). Now, do you know how to live properly? (Yes, we do, Sir).
ကောင်းပြီ ဒါဖြင့် ဒကာ ဒကာမတို့ ဒီလိုရှုရမှန်းသိတာက မဂ္ဂသစ္စာ၊ မဂ်စစ်ဝင်တော့ ဝေဒနာနဲ့တကွ ခန္ဓာပါ ပျောက်မသွားဘူးလား (ပျောက်သွားပါတယ် ဘုရား)။
Very well. Yogis, knowing that you must watch and observe like this is the Truth of the Path (Magga Sacca). When the genuine Path arises, don't the feeling and the Aggregate (Khandha) disappear? (They disappear, Sir).
အဲဒါက ဘာသစ္စာတုံး (နိရောဓသစ္စာပါ) အဲဒီလိုလုပ်ပါ ဒီလိုအကြောင်းအကျိုး ဆက်ကြစမ်းပါ၊ ရှင်းပလား (ရှင်းပါပြီ ဘုရား)။
What Truth is that? (It is the Truth of Cessation, Nirodha Sacca, Sir). Practice exactly like this! Connect the causes and effects in this way. Is that clear? (Yes, it is, Sir).
ဒါဖြင့် ပြန်မေးတယ်၊ ပြန်မေးတယ် ဒကာ ဒကာမတို့ ဒီတရားဟာ အင်မတန် အရေးကြီးနေပါတယ်၊ ခန္ဓာကိုယ်တွင်း အကြောင်း သုံးသပ်ကြရဲ့လား ဆိုတာ သစ္စာလေးပါးကို သိပြီး လုပ်ကြရဲ့လားလို့ မေးလိုရင်းဘဲ (မှန်ပါ့)။
So, I will ask you again. Yogis, this Dhamma is extremely important. Are you contemplating the internal nature of your body? What I am really asking is whether you are practicing with a clear understanding of the Four Noble Truths. (True, Sir).
ဇရာ၊ ဗျာဓိ၊ မရဏက ဘာသစ္စာတုံး (ဒုက္ခသစ္စာပါ ဘုရား) ခန္ဓာငါးပါးက (သမုဒယသစ္စာပါ) ချုပ်အောင်ကျင့်တဲ့ အကျင့်က (မဂ္ဂသစ္စာပါ) ချုပ်သွားတော့ (နိရောဓသစ္စာပါ ဘုရား) ဒီတော့ ခန္ဓာငါးပါးမှာ ရှုပွားမှုမဂ္ဂ လုပ်မှ နိရောဓ ဖြစ်မှာပါလားဆိုတာ မပေါ်ကြသေးဘူးလား (ပေါ်ပါပြီ ဘုရား)။
Aging, sickness, and death are which Truth? (They are the Truth of Suffering, Dukkha Sacca, Sir). The Five Aggregates? (They are the Truth of the Cause of Suffering, Samudaya Sacca, Sir). The practice to make them cease? (It is the Truth of the Path, Magga Sacca, Sir). When they cease? (It is the Truth of Cessation, Nirodha Sacca, Sir). Does it not become obvious to you that only by cultivating the Path (Magga) of watching and observing the Five Aggregates will Cessation (Nirodha) occur? (It is obvious, Sir).
ဒါကြောင့် ခေါင်းကိုက်တယ်၊ ခေါင်းကိုက်တဲ့နေရာကိုသာ ဖြစ်ပျက်ရှုချ၊ သဘောကျပလား(ကျပါပြီ ဘုရား) လည်နာတယ် (လည်နာတဲ့နေရာကို ဖြစ်ပျက်ရှုရပါမယ် ဘုရား) အဲဒီလိုရှုတော့ ဘုရားတောင်မှ ပြန်မကြွသေးဘူး၊ ဝေဒနာခံစားနေရတဲ့ ပုဂ္ဂိုလ်တွေ ပျောက်ကုန်ပါပြီဆိုတာ သဘောကျပလား (ကျပါပြီ ဘုရား)။
Therefore, if your head aches, just watch and observe the Arising and Passing Away (Anicca) right where it aches. Are you convinced? (Yes, we are, Sir). If your throat hurts? (We must watch and observe the Arising and Passing Away right where it hurts, Sir). When you observe in this way, even before the Buddha finishes his visit, the suffering of those enduring the pain completely disappears. Are you convinced? (Yes, we are, Sir).
သူတို့မှာ ဝေဒနာချုပ်ကုန်တယ်
ရှင်မဟာကဿပတို့က ဗောဇ္ဈင်ပြန်ရှုလိုက်သည်နဲ့ တပြိုင်နက်တည်း ဦးခင်မောင် ဘုရားကြွလာပြီး လူမမာမေးတာ ဘုရားတောင် မပြန်သေးဘူး သူတို့မှာ ဝေဒနာချုပ်ကုန်တယ် (မှန်ပါ့) သဘောကျပလား (ကျပါပြီ ဘုရား)။
As soon as Venerable Maha Kassapa and others reflected on the Factors of Enlightenment (Bojjhanga), while the Buddha was still visiting to ask about their illness—even before He left—their suffering completely ceased! (True, Sir). Are you convinced? (Yes, we are, Sir).
ကဲ ဦးခင်မောင် နေရာတိုင်း ဆရာဝန်ခေါ်ဖို့ လိုသေးသလား (မလိုပါ ဘုရား) ဝေဒနာလဲ သက်သာသေးတယ်၊ နိဗ္ဗာန်လဲ ရောက်နိုင်သေးတယ်နော် (မှန်ပါ့) ရိပ်မိပလား (ရိပ်မိပါပြီ ဘုရား)။
စရိတ်လဲ သက်သာသေးတယ်၊ နိဗ္ဗာန်လဲ ရောက်နိုင်သေးတယ် ဆိုတဲ့ဥစ္စာ ဒီ့ထက်ဆေးကောင်းတော့ ဦးဘတင် ရှိသေးရဲ့လား (မရှိပါ ဘုရား) သဘောပါကြပလား (ပါပါပြီ ဘုရား)။
ကဲ ဒါဖြင့် သစ္စာဘယ်နှစ်ပါးသိသွားကြပလဲ (လေးပါးသိသွာပါတယ်) တခေါက်ပြောပါဦး၊ ဇရာ၊ဗျာဓိ၊မရဏက (ဒုက္ခသစ္စာပါ) ခန္ဓာငါးပါးက (သမုဒယသစ္စာပါ) ချုပ်အောင်ကျင့်တဲ့ အကျင့်က (မဂ္ဂသစ္စာပါ) ချုပ်သွားလို့ရှိရင် (နိရောဓသစ္စာပါ) ဪ နိရောဓသစ္စာဆိုတာ ဒီခန္ဓာအဆုံးမှာ နိရောဓပါကလားဆိုတာ ပေါ်သွားတယ် (မှန်ပါ့)။
နိဗ္ဗာန်ဟာ ဘယ်မှာရှိသတုံး (ခန္ဓာအဆုံးမှာ ရှိပါတယ်) ဒီခန္ဓာအဆုံးဆိုတော့ တလံမျှလောက်သော ခန္ဓာအဆုံးဘဲ (မှန်ပါ့) ရိပ်မိပလား (ရိပ်မိပါပြီ ဘုရား)။
နိဗ္ဗာန်က ခန္ဓာအဆုံးမှာရှိနေတာ
အဲဒီတော့ နိဗ္ဗာန်ရောက်ချင်လို့ရှိရင် ခင်ဗျားတို့ကနေပြီး သကာလ ဟိုသွား ဒီသွားနဲက သွားပေမဲ့ လမ်းမမှန် နည်းမကျရင် မရနိုင်သေးဘူး၊ နိဗ္ဗာန်က ခန္ဓာအဆုံးမှာရှိနေတာ ဟုတ်လား (မှန်ပါ့) ဒီခန္ဓာအဆုံးမှာရှိနေတော့ ခန္ဓာတော့ ဆုံးအောင် မလုပ်ရဘူးဆိုလို့ရှိရင် ဦးခင်မောင် ဘယ်သွားသွား ရမှာမဟုတ်သေးဘူး (မှန်ပါ့)။
ဒါ ဝတ္ထုသက်သေ ရောဟိတဿ နတ်သားတို့ဟာ ဒီအတိုင်းဘဲ လောကဆုံးရာဆိုတာကို ရှာဖွေခဲ့တယ်၊ ခြေလျင် ရှောက်ပြီး ရှာလို့ တွေ့ခဲ့တယ်လို့ ရှိခဲ့ရဲ့လား (မရှိပါ ဘုရား) သဘောပါကြပလား (ပါပါပြီ ဘုရား)။
ကိုင်း ဒါဖြင့် ဒကာ ဒကာမတို့ ဝေဒနာပေါ်တိုင်း ပေါ်တိုင်း ရှုတတ်ကြပလား (ရှုတတ်ပါပြီ ဘုရား) ရှုတတ်တဲ့ ဉာဏ်က ဘာသစ္စာတုံး (မဂ္ဂသစ္စာပါ) ရှုလို့ ချုပ်သွားတာက (နိရောဓသစ္စာပါ ဘုရား)။
ဒါကြောင့် ဝေဒနာနိရောဓော နိဗ္ဗာနံ (မှန်ပါ့) ဝေဒနာနံခယာ ဘိက္ခု၊ နိစ္ဆာတော ပရိနိဗ္ဗုတော့ တဲ့၊ ဝေဒနာနံ=ဝေဒနာတို့၏၊ ခယာ-ကုန်ခြင်းကြောင့်၊ ဘိက္ခု=ရဟန်းသည်၊ နိစ္ဆာတော=တဏှာမရှိသည်ဖြစ်၍၊ ပရိနိဗ္ဗုတော=ကိလေသာနိဗ္ဗာန်စံသည်၊ ဟောတိ=ဖြစ်၏တဲ့၊ ခန္ဓာရှိသေးတယ်၊ ကိလေသာတော့ ချုပ်ငြိမ်းသွားပြီ (မှန်ပါ့)။
သစ္စာသိတဲ့ သုံးသပ်နည်း
အဲဒါလဲ သံယုတ်ပါဠိတော်မှာ လာတာဘဲ၊ ဪ ဒို့ဒီလို သုံးသပ်တဲ့နည်းဟာ သစ္စာသိတဲ့ သုံးသပ်နည်း ပါကလား ဆိုတာ ပေါ်လာတယ်(မှန်ပါ့)။
သစ္စာဘယ်နှစ်ပါးသိသတုံး (လေးပါးသိပါတယ် ဘုရား) အဲဒါ အနုဓမ္မစာရီတဲ့ အခုဟာ အလုပ်လုပ် နေတာဘဲ (မှန်ပါ့)။
တရားအတိုင်းကျင့်လို့ ဒုက္ခသစ္စာရှိလို့ ဒုက္ခသစ္စာ သိနေတာဘဲ (မှန်ပါ့) ၎င်းင်းဒုက္ခသစ္စာဆုံးသွားတော့ နိရောဓသစ္စာ သိနေတာဆိုတော့ ကိုင်း တရားရှိလို့ တရားသိနေတာက ဦးခင်မောင် တရားရှိတာက ဒုက္ခသစ္စာ၊ တရားသိနေတာက (မဂ္ဂသစ္စာပါ) အသိခံနေရတဲ့တရား ချုပ်သွားတာက (နိရောဓသစ္စာပါ) ချုပ်ကြောင်းကျင့်တာက (မဂ္ဂသစ္စာပါ ဘုရား)။
ဒီအတိုင်း ခင်ဗျားတို့ နေလိုက်လို့ရှိရင် နိဗ္ဗာန်ဟာ ဦးဘအုန်းတို့ နီးပါတယ် (နီးပါတယ် ဘုရား) အခု ဝေဒနာချုပ်၊ အခု ဒီနေရာဟာ နိဗ္ဗာန်ဘဲ (မှန်ပါ့) ကျေနပ်ပလား (ကျေနပ်ပါပြီ ဘုရား)။
ဒီလိုသုံးသပ်သွားရမှာ၊ ကဲ ပထမသုံးသပ်ကတည်းက သစ္စာလေးပါး ပေါ်လာတယ်၊ မပေါ်လာဘူးလား (ပေါ်လာပါတယ် ဘုရား)။
ကိုင်း ရှေ့ကို ဆက်ကြဦးစို့ ဒကာ ဒကာမတို့ ဒီခန္ဓာငါးပါးဟာ ဘယ်ကများ လာပါလိမ့်မတုံးလို့ မေးဖို့မလိုဘူးလား (လိုပါတယ် ဘုရား)။
ဒကာ ဒကာမတို့ မနေ့က ဘယ့်နှယ်ဖြေကြသလဲ (တဏှာက လာပါတယ်) ဒီကျတော့ သွားကြဦးစို့ ဦးခင်မောင် တဏှာက သမုဒယသစ္စာ၊ ခန္ဓာငါးပါးက (ဒုက္ခသစ္စာပါ ဘုရား)။
ဒါဖြင့် ခင်ဗျားတို့သည် သမုဒယသစ္စာကိုလဲ သိပြီ၊ ဒုက္ခသစ္စာကိုလဲ သိပြီ၊ ရှုတဲ့ဉာဏ်လဲ မဂ္ဂသစ္စာဆိုသဖြင့် ဒီသမုဒယနဲ့ ဒုက္ခများ ချုပ်သွားရင် ဘာဖြစ်မယ်ထင်ကြသတုံး (နိရောဓသစ္စာပါ ဘုရား) ဒီလို သစ္စာကိုပြန်သိပါ (မှန်ပါ့)။
ဘုရားပွင့်တော်မူမှ ပေါ်တဲ့တရား
ကိုင်း ပြောကြစမ်းပါဦး၊ ဘုရားပွင့်တော်မူမှ ပေါ်တဲ့ တရားမျိုးဆိုတာ ဒီတရားတွေဘဲ (မှန်ပါ့) ဘုရားဟာ ရှေးဦးစွာ တရားဦးဟောနိုင်တယ်ဆိုတဲ့ဥစ္စာ ဒကာ ဒကာမတို့ သစ္စာဟောတာ (မှန်ပါ့ ဘုရား)။
ဘယ်ဘုရားပွင့်လာလာ ဘာကိုဟောလိမ့်မတုံးလို့ ခင်ဗျားတို့ စဉ်းစားမနေကြပါနဲ့ ဒီသစ္စာဘဲ ဟောမှာပါဘဲ (မှန်ပါ့)။
ဒါဖြင့် ဒကာ ဒကာမတို့ တဏှာကဘာသစ္စာတုံး (သမုဒယသစ္စာပါ) ဖြစ်ပေါ်လာတဲ့ အကျိုးခန္ဓာငါးပါးက (ဒုက္ခသစ္စာပါ) သိတာကလေးက (မဂ္ဂသစ္စာပါ) သူတို့နှစ်ခုချုပ်သွားအောင် ကျင့်မယ်ဆိုရင် ချုပ်သွားတာကလေးက ဘာသစ္စာတုံး (နိရောဓသစ္စာပါ ဘုရား)။
ဪ ဒီလို ဒီလိုခင်ဗျားတို့ အကြောင်းကို သိသိသွားကြစမ်းပါဆိုတာကော ဒကာ ဒကာမတို့ ဒီနေ့ရေလည်ပလား (ရေလည်ပါပြီ ဘုရား) ရှင်းသွားပြီ ဦးခင်မောင် (မှန်ပါ့ ဘုရား)။
ကိုင်း ဒကာ ဒကာမတို့ ကျင့်ရမှာကတော့ဖြင့် ခုနင်က နှစ်ခုကျင့်လဲ နိဗ္ဗာန်ရောက်တာလဲ၊ ယခု နောက်ပြောတဲ့ နှစ်ခုကျင့်နိုင်ရင်ကော (နိဗ္ဗာန်ရောက်ပါတယ်) နိဗ္ဗာန်ရောက်တာချည့်ပါတဲ့၊ ဒီအထဲကတော့ နိဗ္ဗာန်မရောက်တဲ့တရား မရှိပါဘူး (မှန်ပါ့ ဘုရား)။
ပြန်ပြောပါဦး ဒကာ ဒကာမတို့ ခန္ဓာငါးပါးကဘာသစ္စာ (ဒုက္ခသစ္စာပါ) သူ့အကြောင်းက (သမုဒယသစ္စာပါ ဘုရား) ဒါကြောင့် အကြောင်း သမုဒယကြောင့် အကျိုးဒုက္ခသစ္စာပေါ်တယ်၊ ဒီလိုသိနေတဲ့ ဉာဏ်ကလေးက (မဂ္ဂသစ္စာပါ ဘုရား)။
တဏှာနိရောဓော နိဗ္ဗာနံ
သူတို့နှစ်ခု ချုပ်အောင် ကျင့်လိုက်လို့ ချုပ်များသွားရင် ဘာသစ္စာတုံး (နိရောဓသစ္စာပါ) အဲဒီကျတော့လဲ တဏှာနိရောဓော နိဗ္ဗာနံဖြစ်သွားတာဘဲ (မှန်ပါ့) တဏှာချုပ်သွားရင် ခန္ဓာချုပ်သွားတာဘဲ၊ ခန္ဓာနိရောဓော နိဗ္ဗာနံဖြစ်တာဘဲ (မှန်ပါ့ ဘုရား)။
တဏှာချုပ်သွားရင် ခန္ဓာချုပ်သွားတာဘဲ (မှန်ပါ့) နိရောဓော နိဗ္ဗာနံဖြစ်သွားတာဘဲ (မှန်ပါ့) ခုနင်ကဟာကတော့ ခန္ဓာနိရောဓော နိဗ္ဗာနံ၊ အခုဟာကတော့ (တဏှာနိရောဓော နိဗ္ဗာနံပါ) ဟော နိဗ္ဗာန်ဟာ ဒီနှစ်မျိုးထက် ပိုပြီးမရှိဘူး (မှန်ပါ့) တဏှာချုပ်အောင်ရှုလဲ နိဗ္ဗာန်ရောက်တာဘဲ၊ ခန္ဓာချုပ်အောင်ရှုလဲ (နိဗ္ဗာန်ရောက်တာပါလဲ ဘုရား)။
ဪ ခင်ဗျားတို့ နိဗ္ဗာန်ရောက်တရား ဘယ်မှများရှိပါလိမ့်မတုံးလို့ဆိုတော့ ကိုယ့်ခန္ဓာထဲမှာဘဲ ရှိနေတယ် (မှန်ပါ့) နိဗ္ဗာန်ကလဲ ဒီခန္ဓာအဆုံးမှာဘဲ (မှန်ပါ့) ရိပ်မိကြပလား (ရိပ်မိပါပြီ ဘုရား)။
ကိုင်း ဒကာ ဒကာမတို့ တလှမ်းတက်ကြပါဦးစို့၊ သစ္စာလေးပါး နှစ်ခါတွေ့သွားကြပြီနော် (မှန်ပါ့) တဏှာဘယ်က လာပါလိမ့်မတုံး (အာယတန ၁၂ပါးက လာပါတယ် ဘုရား) အေး အာယတန ၁၂ပါးကလာတယ်၊ အာယတန ၁၂ပါးကို မြန်မာလို အဓိပ္ပာယ်ရှင်အောင် သုံးလိုက်တော့ ခင်ရာမင်ရာ ပစ္စည်းဖြစ်သွားတယ် (မှန်ပါ့) ခင်စရာမင်စရာဆိုရင်လဲ မှန်တာဘဲနော် (မှန်ပါ့ ဘုရား)။
ဒါဖြင့် ခင်စရာမင်စရာက ဘာသစ္စာတုံး (သမုဒယသစ္စာပါ) တဏှာက (ဒုက္ခသစ္စာပါ) ဒီလိုသွားရမှာ၊ ဒါကသုတ္တန်နည်း၊ ခင်ဗျားတို့က သမုဒယသစ္စာကို တဏှာကိုသာယူထားတယ် (မှန်ပါ့) ရှင်းပလား (ရှင်းပါပြီ ဘုရား)။
ခင်ရာမင်ရာမရှိဘဲနဲက တဏှာပေါ်ပါ့မလား (မပေါ်ပါ ဘုရား) ဒါဖြင့် ခင်ရာမင်ရာက (သမုဒယသစ္စာပါ) တဏှာက (ဒုက္ခသစ္စာပါ) သိတဲ့ဉာဏ်ကလေးက (မဂ္ဂသစ္စာပါ ဘုရား)။
ခင်ရာမင်ရာဆုံးအောင်လိုက်မယ်ဆိုရင် ဘာဖြစ်သွားမယ် ထင်သတုံး (နိရောဓသစ္စာပါ) အကုန်နိဗ္ဗာန်ရောက်တဲ့ တရားချည့်ဘဲ (မှန်ပါ့) ပေါ်ကြပလား (ပေါ်ပါပြီ ဘုရား)။
ဒီဟာရှုလဲ နိဗ္ဗာန်ရောက်မှာဘဲ
နိဗ္ဗာန်ရောက်တဲ့ တရားတွေဟာ ဒီဟာရှုလဲ နိဗ္ဗာန်ရောက်မှာဘဲ (မှန်ပါ့) ဒါကိုရှုလဲ (ရောက်ပါတယ်) ဒီကဟာရှုကော (ရောက်ပါတယ်) ဪ နိဗ္ဗာန်ရောက်တရားတွေ ပုံနေပါလျက်သားနဲ့ ဒီထဲမှာ ဘယ်ဟာများလုပ်ရပါ့မတုံး၊ ကျုပ်ဖြင့် နိဗ္ဗာန်ရောက်တရားမတွေ့သေးပါဘူးဆိုရင်ဖြင့် ပုတီးကိုလည်ပင်းစွပ်ပြီး ရှာတာဘဲ (မှန်ပါ့) မဟုတ်ဘူးလား (မှန်ပါ့)။
ပုတီးလည်ပင်းစွပ်ပြီး သကာလ ဘေးမှာ လျှောက်ရှာတယ်၊ ဘေးမှာ လျှောက်ရှာတော့ရှာလေဝေးလေဘဲ (မှန်ပါ့) သဘောကျပလား (ကျပါပြီ ဘုရား)။
အဲဒီ နိဗ္ဗာန်ရောက် တရားဟာ ဘယ်များရှိပါလိမ့်မတုံး၊ ကျုပ်ဖြင့် အခုရောက်ရင် အခုလိုချင်တယ်တဲ့၊ နိဗ္ဗာန်ရောက်တရားတွေက ခန္ဓာရင်လဲ ပြုံးပါလိမ့်မယ်၊ တဏှာရင်လဲ (ပြုံးပါလိမ့်မယ်) ဘာဖြစ်လို့ ပြုံးတာတုံးဆိုတော့ မသိတဲ့ အတွက် ဟိုကနေပြီး သကာလ ပြုံးမှာဘဲ (မှန်ပါ့)။
နိဗ္ဗာန်ရောက်တရားက ပြုံးတတ်မယ်ဆိုရင် ပြုံးမှာဘဲ (မှန်ပါ့) နိဗ္ဗာန်ရောက်တရားဆိုတာက တဏှာကို ဖြစ်ပျက်ရှုလဲ နိဗ္ဗာန်ရောက်တာဘဲ (မှန်ပါ့) ခန္ဓာဖြစ်ပျက်ရှုကော (နိဗ္ဗာန်ရောက်မှာပါ) အာယတနသိ ဖြစ်ပျက်ရှုကော (နိဗ္ဗာန်ရောက်မှာပါ ဘုရား) ဆုံးအောင်ရှုရင် အကုန်ရောက်မှာချည့်ဘဲ (မှန်ပါ့) ဦးခင်မောင် မရောက်တာပါသေးရဲ့လား (မပါပါ ဘုရား)။
အဲဒါကြောင့် ဒကာ ဒကာမတို့ ကျုပ်ဖြင့် အသက်လဲကြီးပြီ ဝေဒနာကလဲထူ နိဗ္ဗာန်မှရောက်ပါ့မလား (မှန်ပါ့) ဪ နိဗ္ဗာန်ရောက်တဲ့တရားတွေဘဲ အသက်ကလဲ ကြီးလာတော့ ဇရာရှုလိုက်ရင် နိဗ္ဗာန်ရောက်တော့မယ် (မှန်ပါ့) ဝေဒနာကများတယ်ဆို ဝေဒနာရှုလိုက်ရင် နိဗ္ဗာန်ရောက်မှာဘဲ၊ အဲဒါကို သူကညည်းလုံးများ ထုတ်နေသေးတယ် (မှန်ပါ့ ဘုရား)။
တရားတွေ့ပြီးတော့ ဘာဖြစ်နေတာတုံး
အသက်ကလဲကြီးပြန်၊ ဝေဒနာကလဲ ထူပြန်၊ ဒီဘဝ ဒီမျှ ထင်ပါရဲ့တဲ့၊ လျှော့များပစ်လိုက်တယ် (မှန်ပါ့) ဖြစ်မှဖြစ်ရလေဗျာ တရားတွေ့ပြီးတော့ ဘာဖြစ်နေတာတုံး (တွန့်နေပါတယ် ဘုရား)။
တွေ့နေတယ်လို့ သူက စိတ်ထဲမှာထင်ရဲ့လား (မထင်ပါ ဘုရား) သူညည်းပုံကြည့်လေ အသက်ကလဲ ကြီးပြန်ဆိုတော့ အသက်ကြီးလို့ရှိရင် ဝမ်းထဲက တေဇောရှုလိုက်လို့ရှိရင် မရဘူးလား၊ ရမလား (ရမှာပါ ဘုရား)။
အဲဒီတော့ သူ စိတ်ကူးတာကို အသက်သာ ကြီးတယ်ဆိုတယ်၊ ကြီးနေတယ်လို့သာ သိတယ်၊ ဘယ်သူ့ကြောင့် ကြီးတယ်လို့ မသိတော့ မရှုတတ်ဘူးပေါ့ဗျာ (မှန်ပါ့)။
အခုတော့ တေဇောကြောင့် ရင့်ကျက်ရတယ်ဆိုတာသိတော့ ခန္ဓာကိုယ်ထဲက တေဇောဓာတ် ရှုနေလိုက်လို့ရှိရင်ဖြင့် ဦးဘအုန်း နိဗ္ဗာန်မရောက်ဘူးလား၊ ရောက်မလား (ရောက်ပါမယ် ဘုရား) သဘောကျပလား (ကျပါပြိ ဘုရား) တေဇောသိမ်းရင် ကမ္ဘာကြီးပါ သိမ်းတာဗျ (မှန်ပါ့)။
ဝေဒနာကလဲ ထူနေတယ်၊ ဒါ့ကြောင့် ဒီဘဝ ဒီမျှ ထင်ပါရဲ့လို့ ဦးခင်မောင် ခင်ဗျားတို့ ညည်းချင် ညည်းမယ် (မှန်ပါ့) သစ္စာမသိရင် ညည်းကြမယ် (ညည်းပါမယ် ဘုရား)။
အသက်ကလဲ ကြီးပြန်၊ ဝေဒနာကလဲ ပေါ်ပြန်၊ အခုမှလဲ တရားတွေ့တော့ မရပါဘူး ကျုပ်တို့တော့ (မှန်ပါ့) တချို့ ဒကာ ဒကာမတွေ တခါတည်း ဗိုင်းဗိုင်းလဲ နောက် ထိုင်လိုက်တယ်၊ အတော် ရှော်နေတယ်၊ မရှော်ဘူးလား (ရှော်ပါတယ် ဘုရား)။
သူပြောတာက သူ့ထဲမှာ အသက်ကလဲ ကြီးပြန် ဆိုတော့ ဇရာကို သူသိနေတာဘဲ၊ ဇရာကို သူသိနေတော့ ဇရာက ဒုက္ခသစ္စာ၊ သိတာက မဂ္ဂသစ္စာ ဖြစ်နိုင်ပါလျက်သားနဲ့ ဒကာ ဒကာမတွေက ဒါတွေ မဂ္ဂသစ္စာလို့လဲ မသိလိုက်ဘူး၊ မဂ္ဂသစ္စာ သဘောရောက်အောင်လဲ မရှုဘူး (မှန်ပါ့)။
ရနိုင်တဲ့ပစ္စည်း မြင်ပြီး
အဲဒါကြောင့် ဦးခင်မောင်- သူ့ညည်းလုံးသည်ကား လို့ဆိုလို့ရှိရင်ဖြင့် ရနိုင်တဲ့ပစ္စည်း မြင်ပြီး သကာလ မလိုချင် ညည်းလုံးဖြစ်နေတယ် (မှန်ပါ့) ဘယ်လောက်ဆိုးဝါးသွားသတုံး (ဆိုးဝါးပါတယ် ဘုရား)။
သူညည်းပုံကလေး ဦးခင်မောင်တို့ ခင်ဗျားတို့လဲ ညည်းတတ်မှာဘဲ၊ ဘယ့်နှယ်ညည်းကြသတုံး အသက်ကလဲကြီးပြန်၊ ဝေဒနာကလဲ ထူတယ်၊ ကျုပ်တော့ဖြင့် ရမယ်မထင်ပါဘူး၊ ဂွကျလိုက်တာ၊ ဒကာ ဒကာမတွေ အခုဂွကျလိုက်တာဆိုတာ သဘောကျပလား (ကျပါပြီ ဘုရား)။
အသက်ကြီးရင် အသက်ကြီးတဲ့ဇရာကို ဖြစ်ပျက်ရှု၊ ဒါနိဗ္ဗာန်ရသွားတာဘဲ (မှန်ပါ့) သဘောကျပလား (ကျပါပြီ ဘုရား)။
အနာက များပြန်ရင်ကော (အနာကို ဖြစ်ပျက်ရှုပါ) အနာကို ဖြစ်ပျက်ရှုလိုက်လို့ရှိရင်လဲ ဦးခင်မောင် ဘာဖြစ်မယ်ထင်သတုံး (နိဗ္ဗာန်ရပါမယ်) နိဗ္ဗာန်ရနိုင်တဲ့တရား ပေါ်နေတယ် သူ့သန္တာန်မှာ (မှန်ပါ့) အဲဒါ သူရနိုင်မှာ မဟုတ်ပါဘူးတဲ့ (မှန်ပါ့) ဂွကျလိုက်တာ ထီပေါက်နေတာ နံပါတ်မမှတ်မိတာနဲ့ကို မသိတော့ဘူး (မှန်ပါ့) ရိပ်မိပလား (ရိပ်မိပါပြီ ဘုရား)။
ဒါဟာ ရှုစရာတွေပေါ်နေတာ
ကိုင်း ဒါဖြင့်နောက်ညည်းတဲ့အထဲမှာ နိဗ္ဗာန်ရောက်တရား ပါဝင်နေသေးတယ်လို့ မှတ်ကြ (မှန်ပါ့) ခင်ဗျားတို့ ဘယ့်နှယ်မှား ညည်းကြသတုံး အသက်ကလဲ ကြီးလာပြီ၊ ဝေဒနာကလဲ ထူပြန်ဆိုတော့ ဒါဟာ ရှုစရာတွေပေါ်နေတာ (မှန်ပါ့ ဘုရား)။
အသက်ကြီးတော့ ဇရာကိုရှုဗျ (မှန်ပါ့) ဇရာဆိုတော့ အခု ဆရာဘုန်းကြီးကလဲ ဖော်ပြောတယ်၊ တေဇောဆိုတဲ့ ဒီအပူရုပ်ကလေးတွေ နည်းနည်းပူလိုက်၊ များများပူလိုက်နဲ့ ခဏခဏ ဖြစ်ပျက်တွေ မတွေ့ရဘူးလားဗျာ (တွေ့ရပါတယ် ဘုရား)။
သူက နှိပ်စက်နေတဲ့ ပိဠနဋ္ဌသဘောကို မရှိဘူးလား (ရှိပါတယ် ဘုရား) အဲဒီ ပိဠနဋ္ဌသဘောကို နှိပ်စက်ပြန်ပြီ၊ နှိပ်စက်ပြန်ပြီလို့သာ ရှုနေပါ၊ ဦးခင်မောင် မရဘူးလား၊ ရသလား (ရပါတယ် ဘုရား)။
နှိပ်စက်ပြန်ပြီလို့ သိတော့ ဒီနှိပ်စက်တာနဲ့ မလိုချင်ဘူးဆိုတဲ့ ဉာဏ်မလာဘူးလား (လာပါတယ် ဘုရား) လာလို့ရှိရင်လဲ နှိပ်စက်တာတွေ အကုန်ချုပ်သွားလို့ရှိရင်လဲ ဘာခေါ်ကြမလဲ (နိဗ္ဗာန်ပါ ဘုရား)။
ဒါနဲ့ ကျုပ်က အသက်ကလဲ ကြီးပြန်ဆိုတော့ ခက်ပေါ့၊ မခက်ဘူးလား (ခက်ပါတယ် ဘုရား) ဒီအထဲမှာ အသက်ကြီးတွေများနေလို့ စောင်းပြောနေတယ်လို့ အောက်မေ့မနေကြပါနဲ့ဦး၊ ဦးဝက ဒီအထဲမှာ အသက်အကြီးဆုံးဖြစ်နေတယ် (မှန်ပါ့) ဘယ်လိုမှမထင်နဲ့ အသက်ကြီးလေ သူ့ဟာက သစ္စာပေါ်လေ (မှန်ပါ့) ဝေဒနာထူလေလေ သစ္စာပေါ်လေလေဘဲ (မှန်ပါ့) သဘောကျပလား (ကျပါပြီ ဘုရား)။
ဝေဒနာကလဲ ဒုက္ခသစ္စာဘဲ
ဒီတော့ ဒီသစ္စာသည် ဝေဒနာကလဲ ဒုက္ခသစ္စာဘဲ (မှန်ပါ့) အိုတတ်တဲ့ဇရာကလဲ (ဒုက္ခသစ္စာပါ ဘုရား) ဒုက္ခသစ္စာဆိုလို့ရှိရင် ဒုက္ခသစ္စာကို ပရိညေယျနဲက ကျုပ်တို့က ပိုင်းခြားနိုင်အောင် မဂ်နဲ့ပိုင်းခြားပါလား၊ မရမည့်တရားလို့ ဆိုလို့ရပါဦးမလား (ဆိုလို့မရပါ ဘုရား)။
ဒုက္ခမပိုင်းခြားဘဲနဲ့ နိဗ္ဗာန်ရောက်တဲ့တရားများ တွေ့ဘူးရဲ့လား (မတွေ့ဘူးပါ ဘုရား) နိဗ္ဗာန်ရောက်တဲ့ ရဟန္တာကော (မတွေ့ဘူးပါ ဘုရား) ဘာဖြစ်လို့ ညည်းလုံးထုတ်နေဦးမလဲ၊ ဒုက္ခရောက်တဲ့တရားကို ပိုင်ပိုင်နိုင်နိုင်သိအောင် လုပ်နေရင် မပြီးဘူးလား (ပြီးပါတယ် ဘုရား)။
အခုတော့ ဒုက္ခရောက်တာနဲ့ ကျုပ်တော့ မရတော့ပါဘူးတဲ့ ဂွကျလိုက်တာ၊ ရ-ရမည့်ဥစ္စာ ဘယ့်နှယ်ဖြစ်သွားသတုံး၊ ရှောင်တဲ့ အဓိပ္ပာယ်မရောက်ဘူးလား (ရောက်ပါတယ် ဘုရား)။
ဒါဖြင့် ဦးခင်မောင် မသိတဲ့လူဟာ တော်တော်ခက်ပါလား (ခက်ပါတယ် ဘုရား)။
ခလေးကလေး ရွှေကောက်ရသလို ဖြစ်နေတယ်၊ ခလေးကလေးက ရွှေကောက်ရတော့ ဦးခင်မောင် သုံးတတ်ကဲ့လား (မသုံးတတ်ပါ ဘုရား)။
ဒီမှာ ဒကာ ဒကာမတွေ ဘယ့်နှယ်ဖြစ်နေသတုံး (ရွှေကောက်ရသလိုဖြစ်နေပါတယ်) ရွှေကောက်ရသလို ဖြစ်နေတော့ သုံးတတ်ကြရဲ့လား (မသုံးတတ်ပါ ဘုရား) သုံးနိုင်မယ်ဆိုရင်ဖြင့် ဒါဟာ အင်မတန် အဖိုးတန်တဲ့ဉာဏ်ဘဲလို့ ဆိုရင်လဲ မလွဲဘူးပေါ့ (မလွဲပါဘူး) ရှင်းကြပလား (ရှင်းပါပြီ ဘုရား)။
ကဲ ဒါဖြင့် အသက်ကြီးလာရင် ဘာလုပ်မလဲ (ဖြစ်ပျက်ရှုပါမယ်) ကြီးရင့်အောင်လုပ်နေတဲ့ တေဇောကို ဖြစ်ပျက်ရှုပါ (မှန်ပါ့) ဝေဒနာတူလာရင် (ဝေဒနာကို ဖြစ်ပျက်ရှုရပါမယ် ဘုရား)။
ဖြစ်ပျက်ဆုံးရင် ဘာခေါ်ကြမယ်
အဲဒီဖြစ်ပျက်ဆုံးရင် ဘာခေါ်ကြမယ် (နိဗ္ဗာန်ပါ ဘုရား) ရှုတဲ့ဉာဏ်က (မဂ်ဉာဏ်ပါ) အဲ မဂ်ဉာဏ်နဲ့ နိဗ္ဗာန်ပေါ်ဖို့ရာ ခင်ဗျားတို့ကို တရားက ငါ့ကိုရှုပါလို့ ဧဟိ ပဿိကော၊ ဧဟိ=လာခဲ့၊ ပဿ=ရှုပါ၊ ကဲ ပါဠိတော်နဲ့ မကိုက်ဘူးလား (ကိုက်ပါတယ် ဘုရား)။
ဧဟိကဘာတုံး (လာလှည့်) ပဿက (ရှုပါ) လာလှည့်မဆိုနဲ့ ဦးခင်မောင် ပေါ်လွင်အောင် လာခဲ့ပါလို့ဆိုပါ၊ ရိပ်မိပလား (ရိပ်မိပါပြီ ဘုရား)။
ဧဟိကဘာတုံး (လာခဲ့ပါ) လာခဲ့တဲ့၊ ဝေဒနာက လာခဲ့-လာခဲ့လို့ခေါ်နေတယ် ခင်ဗျားတို့က ဘာလုပ်ရမလဲ (ရှုရပါမယ်) ပဿကဘာတုံး (ရှုရပါမယ်) အဲ လာခဲ့ ရှုပါလို့ ခေါ်နေတယ်၊ ဒီနေရာရှု ဒီနေရာရှုလို့ ခေါ်နေတာ၊ မရှုနိုင်ဘူး မင်းနဲ့ငါနဲ့ ရန်ဖြစ်ရလိမ့်မယ် ဆိုရင်တော့ မတတ်နိုင်ဘူး (မှန်ပါ့) ရိပ်မိပလား (ရိပ်မိပါပြီ ဘုရား)။
ခင်ဗျားတို့က ရန်ဖြစ်နေတာက များပါတယ် (မှန်ပါ့) ဝေဒနာပေါ်ရင် ဘာလုပ်နေကြသတုံး (ရန်ဖြစ်နေကြပါတယ် ဘုရား) ရန်ဖြစ်နေကြတယ်၊ ဖြစ်ပျက်ကို မရှုဘူး (မှန်ပါ့ ဘုရား)။
ဖြစ်မှ ဖြစ်ရပလေတယ်၊ ကြည့်စမ်းပါဦး ခြေထောက်ကလေး အနာပေါက် လူလာတိုင်း ထိုးပြနေတာဘဲ (မှန်ပါ့) အတော်မဆိုးဘူးလား (ဆိုးပါတယ် ဘုရား)။
ကိုင်း ဒါဖြင့် ဒကာ ဒကာမတို့ နိဗ္ဗာန်ရောက်မည့် တရားကိုပင်လျှင် နိဗ္ဗာန်ရောက်မည့်တရားက ဧဟိ ပဿိကော= လာခဲ့ရှုပါလို့ ပြောလျက်သားနဲ့ ခင်ဗျားတို့က မရှုချင်ဘူး၊ ဒီဟာကို ကြက်သရေမရှိဘူး၊ ဒီလိုတောင် လုပ်တတ်ကြတယ် (မှန်ပါ့)။
တရားက ခေါ်နေတာကို မသိတော့
ဒီအနာဟာ ကြက်သရေမရှိဘူး တဲ့၊ နိဗ္ဗာန်ရောက်မည့် တရားက ခေါ်နေတာကို မသိတော့ ကြက်သရေ မရှိဘူးချည့် ထင်နေတယ် (မှန်ပါ့) ဒါလောက်တောင် အသိခေါင်းပါးနေရင်ဖြင့် နိဗ္ဗာန်ရမှရပါ့မလား ဒကာဒကာမတို့ (မရပါ ဘုရား) ဒီကရှေ့ကို ပြောင်းလွဲတတ်ပလား (ပြောင်းလွဲတတ်ပါပြီ ဘုရား)။
People say, "This disease is so inauspicious!" Because they do not realize that the Dhamma leading to Nibbana is calling them, they just think it is inauspicious. (True, Sir). Yogis, if your understanding is this poor, will you ever attain Nibbana? (No, Sir). From now on, do you know how to change your perspective? (Yes, we do, Sir).
အသက်ကြီးရင်လဲ ဘာရှုကြမယ် (တေဇောဓာတ်ကို ရှုရပါမယ်) ဝေဒနာများရင်လဲ (အနာကို ရှုရပါမယ် ဘုရား) အဲဒီတော့ ခင်ဗျားတို့ ပါးစပ်ကထွက်လာတာဟာ သူတို့က ခေါ်လို့ထွက်တာ (မှန်ပါ့) အနာကခေါ်လို့ အနာရှိမှန်း သိတာမဟုတ်လား (မှန်ပါ့)။
When you grow old, what will you watch and observe? (We must watch and observe the Fire Element, Sir). And when pain is severe? (We must watch and observe the pain, Sir). Therefore, the words coming out of your mouth are only because these phenomena are calling you. (True, Sir). You know there is a disease because the disease is calling you, isn't it? (True, Sir).
အိုတာက ခေါ်လို့အိုတာ သိတဲ့ဉာဏ် မလိုက်ဘူးလား (လိုက်ပါတယ် ဘုရား) အဲဒီတော့ ငါ့ကိုရှုပါ၊ ငါ့ကိုရှုပါဆိုလျက်သားနဲ့ ခင်ဗျားတို့က သူနဲ့သွား-သွားပြီး ရန်ဖြစ်တာက သစ္စာမသိလို့ (မှန်ပါ့) ရှင်းပလား (ရှင်းပါပြီ ဘုရား)။
Because aging calls you, doesn't the knowing intellect follow? (Yes, it does, Sir). So, while it is explicitly saying, "Watch and observe me! Watch and observe me!" you go and fight with it. This happens because you do not know the Truth (Sacca). (True, Sir). Is that clear? (Yes, it is, Sir).
သစ္စာသိတော့ နိဗ္ဗာန်ရတယ် (မှန်ပါ့) သစ္စာမသိတော့ ရန်ဖြစ်တော့ ဒေါသ၊ သောက၊ ပရိဒေဝ စသည်ဖြစ်ပြီး အပါယ်ရောက်သွားနိုင်တယ် (မှန်ပါ့) မရောက်ပေဘူးလား (ရောက်ပါတယ် ဘုရား)။
If you know the Truth (Sacca), you will attain Nibbana. (True, Sir). If you do not know the Truth, you fight with it. This leads to anger (Dosa), sorrow (Soka), lamentation (Parideva), and so on, which can drag you down to the lower realms (Apaya). (True, Sir). Won't it drag you down? (It will, Sir).
ကိုင်း ဒါဖြင့် ဦးခင်မောင် ဒီကရှေ့ကို မူပြောင်းတတ်ပလား (ပြောင်းတတ်ပါပြီ ဘုရား) ဘယ်လိုပြောင်းမလဲ (မာလဲရှု၊ မမာလဲ ရှုရပါမယ်) သဘောကျပလား (ကျပါပြီ ဘုရား)။
Well then, U Khin Maung, from now on, do you know how to change your approach? (Yes, we do, Sir). How will you change it? (Whether we are healthy or sick, we must watch and observe, Sir). Do you grasp the meaning? (Yes, we do, Sir).
ဒကာ ဒကာမတို့ အို၊နာ၊သေကို ခင်ဗျားတို့ အဖော်မလုပ်ရအောင်လို့ ဒီဥစ္စာ အိုရမှာများ ကြောက်လိုက်တာ၊ ကြောက်သာကြောက်နေတယ်၊ အတွင်းရောက်နေပြီ (မှန်ပါ့ ဘုရား) ကြောက်တော့ ကြောက်နေတာဘဲ၊ အတွင်းရောက်ပလား (ရောက်ပါပြီ ဘုရား)။
Yogis, I am teaching this so that you will stop making aging, disease, and death your companions. You are so terrified of growing old. You may be terrified, but aging is already inside you! (True, Sir). You are just afraid, but hasn't it already arrived within you? (It has arrived, Sir).
နာရမှာလဲ ကြောက်တယ် တဲ့
နာရမှာလဲ ကြောက်တယ် တဲ့၊ နာရမှာ ကြောက်လို့ရှိရင်လဲ ခင်ဗျားတို့ နိဗ္ဗာန်ရောက်အောင် လုပ်ရမှာဘဲ၊ ခင်ဗျားတို့ ဒီခန္ဓာရှိနေရင်တော့ နာမှာဘဲ(မှန်ပါ့) သေရမှာ ကြောက်တယ်ဆိုရင်ကော (သေမှာပါပဲ) သေတတ်တဲ့တရားဟာ ဝမ်းထဲမှာရှိနေတာဘဲ၊ သေတတ်တဲ့တရာတွေက ခန္ဓာကိုယ်ထဲမှာ ရှိနေတာ ပထဝီဓာတ်၊ အာပေါဓာတ်၊ တေဇောဓာတ်၊ ဝါယောဓာတ်တွေက သူသတ် ယောက်ျားတွေလို့ ဘုရားက မဟောဘူးလား (ဟောပါတယ် ဘုရား)။
People say they are terrified of getting sick. If you are terrified of disease, you must practice to attain Nibbana! As long as you have these Aggregates (Khandhas), you will inevitably get sick. (True, Sir). What if you say you are terrified of dying? (We will still die, Sir). The very nature of death already exists within you. The elements subject to death—Earth (Pathavi), Water (Apo), Fire (Tejo), and Wind (Vayo)—are already residing inside your body. Didn't the Buddha declare them to be murderers? (He did, Sir).
အဲဒီတော့ သေတတ်တဲ့တရားတွေ ရှိနေတော့ သေရမှာ ကြောက်နေပေမဲ့ သူတို့သတ်တာနဲ့ သေရမှာဘဲ (မှန်ပါ့) ရှင်းကြပလား (ရှင်းပါပြီ ဘုရား)။
Therefore, since the elements of death are already present, no matter how terrified you are of dying, you will die when they execute you. (True, Sir). Is that clear to you? (Yes, it is, Sir).
ကောင်းပြီ ဒါဖြင့် ဒကာ ဒကာမတို့ နောက်ဆုတ်တွေးကြဦးစို့၊ ဇရာ မရဏ ဘယ်ကလာသတုံး (ခန္ဓာငါးပါးကလာပါတယ်) ဒီခန္ဓာငါးပါးက ဘယ်ကလာသတုံး (တဏှာကလာပါတယ်) တဏှာ ဘယ်ကလာသတုံး (အာယတန ၁၂-ပါးက လာပါတယ်) မြန်မာလိုရှင်းအောင်ပြောလိုက်တော့ (ခင်ရာမင်ရာကလာပါတယ်) ခင်စရာ မင်စရာက လာတာ သဘောကျပလား (ကျပါပြီ ဘုရား)။
Very well. Now, Yogis, let us trace this backward. Where do aging and death (Jara-Marana) come from? (They come from the Five Aggregates, Sir). Where do these Five Aggregates come from? (They come from Craving, Sir). Where does Craving (Tanha) come from? (It comes from the twelve sense bases, Sir). To say it plainly in our language, it comes from the objects of your affection and attachment. It comes from having things to crave and cling to. Do you grasp the meaning? (Yes, we do, Sir).
ခင်ဗျားတို့က ခင်စရာ မင်စရာမရှိရင် ဒီအရပ် မပျော်ကြဘူး ပြောတယ် (မှန်ပါ့) အရင်တုန်းက ဒီနေရာကွာ သားနဲ့ သမီးနဲ့ နေခဲ့တာ အခုတော့ ချောက်တောက်ကြီး ပျင်းစရာကြီးတဲ့၊ သားသမီးတွေက ခွဲကုန်လို့ရှိရင် (မှန်ပါ့)။
You often say that without things to crave and attach to, you cannot find joy in a place. (True, Sir). When your children move away, you complain, "I used to live here with my sons and daughters. Now it is completely empty and miserably lonely!" (True, Sir).
ဘာဖြစ်လို့တုံး (ခင်စရာ မင်စရာမရှိလို့ပါ ဘုရား) ဒါဖြင့် တဏှာမဖြစ်ရလို့ပေါ့ဗျာ (မှန်ပါ့) တဏှာဖြစ်ရရင်လဲ ခန္ဓာဖြစ်ဦးမှာဘဲ၊ ခန္ဓာဖြစ်ရင်လဲ အို၊နာ၊သေ ကိုယ်ပိုင်ရဦးမှာဘဲ (မှန်ပါ့)။
Why do you feel this way? (Because there is nothing to crave and attach to, Sir). Indeed, it is because Craving (Tanha) does not have a chance to arise! (True, Sir). But mark this: if Craving arises, the Aggregates (Khandhas) will arise again. And if the Aggregates arise, aging, disease, and death will be yours to own once more. (True, Sir).
ကဲ ဒီတော့ ခင်ဗျားတို့ကလဲ ခင်စရာ မင်စရာမရှိရင် ခင်ဗျားတို့က နေလို့ဖြစ်ကြရဲ့လား (မဖြစ်ပါ ဘုရား) မဖြစ်ဘူးတဲ့၊ ခင်စရာ မင်စရာမရှိလို့ ရှိရင်ဖြင့် ကျုပ်စိတ်ထဲ ဘယ့်နှယ်ဖြစ်နေတယ် မပြောတတ်ပါဘူးတဲ့၊ ဘာဖြစ်နေတာတုံး (ခင်စရာ မင်စရာမရှိလို့ပါ ဘုရား) ခင်စရာ မင်စရာမရှိတော့ ခင်တဲ့တဏှာက ရှိသေးရဲ့လား (မရှိပါ ဘုရား)။
So, can you manage to live without having things to crave and attach to? (No, we cannot, Sir). You simply cannot! You complain, "Without things to crave and attach to, I don't even know what is wrong with my mind." What is actually happening? (It is because there is nothing to crave and attach to, Sir). When there is nothing to crave and attach to, does the Craving still exist? (No, it does not, Sir).
ခင်တဲ့တဏှာမဖြစ်ရတော့ သူ့မှာ ဘာဝင်လာသတုံးဆိုတော့ ပျင်းတတ်တဲ့ ကောသဇ္ဇဆိုတဲ့ ဒေါမနဿ အနုစားဝင်လာတယ် (မှန်ပါ့) သဘောကျပလား (ကျပါပြီ ဘုရား)။
When Craving does not get a chance to arise, what enters your mind instead? A subtle form of displeasure (Domanassa) known as boredom or laziness (Kosajja) creeps in. (True, Sir). Do you grasp the meaning? (Yes, we do, Sir).
ကိုင်း ဒါဖြင့် ဒေါမနဿ ဝင်လာတဲ့အခါကျလို့ရှိရင်ဖြင့် ဒကာ ဒကာမတို့ ဒီဒေါမနဿက ပဋိစ္စသမုပ္ပာဒ် မစသေးဘူးလား (စပါတယ် ဘုရား) ဒါဖြင့် ပျင်းတဲ့ပုဂ္ဂိုလ်ဟာ ပျင်းခြင်းကြောင့် ဦးဘတင် အပါယ်သွားရတယ် (မှန်ပါ့) သဘောကျပလား (ကျပါပြီ ဘုရား)။
Well then, Yogis, when this displeasure (Domanassa) enters, doesn't The Wheel of Dependent Origination start spinning right there? (It starts, Sir). Therefore, U Ba Tin, a bored person can end up in the lower realms (Apaya) simply because of that boredom! (True, Sir). Do you grasp the meaning? (Yes, we do, Sir).
အလုပ်ကို စကြစို့ဆိုတော့
ကိုင်း ဒါဖြင့် ဒကာ ဒကာမတို့ အလုပ်ကို စကြစို့ဆိုတော့ (မှန်ပါ့) ဘုရားသခင် ကိုယ်တော် မြတ်ကြီးက အခုလေးမျိုး ပြထားတာ ဒကာ ဒကာမတို့ ရှင်းကြပလား (ရှင်းပါပြီ ဘုရား) ဒီလေးမျိုးဟာ သူ့အကြောင်း အကျိုး ဆက်တက်ကြပလား (ဆက်တက်ပါပြီ ဘုရား)။
Now then, Yogis, let us begin the practice. (True, Sir). The Buddha has shown four distinct stages here. Are they clear to you? (They are clear, Sir). Do you see how causes and effects link together among these four? (Yes, we see the link, Sir).
ဇရာ၊ ဗျာဓိ၊ မရဏ ဘယ်ကလာသတုံး (ခန္ဓာငါးပါးက လာပါတယ်) ခန္ဓာငါးပါးဘယ်ကလာသတုံး (တဏှာကလာပါတယ်) တဏှာဘယ်ကလာသတုံး (ခင်ရာ မင်ရာက လာပါတယ် ဘုရား) ခင်ရာ မင်ရာ အာယတနကလာတယ်၊ ရှင်းပလား (ရှင်းပါပြီ ဘုရား)။
Where do aging, disease, and death come from? (They come from the Five Aggregates, Sir). Where do the Five Aggregates come from? (They come from Craving, Sir). Where does Craving come from? (It comes from the objects of affection and attachment, Sir). Exactly, it comes from the sense bases (Ayatana)—the objects you crave and attach to. Is that clear? (Yes, it is, Sir).
ကောင်းပြီ ဒါဖြင့် ဒကာ ဒကာမတို့ ကျုပ်တို့ ဒီအို၊နာ၊သေကြီးဟာ တဘဝမှာလဲ ကျုပ်တို့ဒါနဲ့တွေ့ကြရတယ်၊ နောက်ဘဝကျတော့ကော (ဒါနဲ့တွေ့ကြရပါတယ်) ဘဝတိုင်း ကျုပ်တို့သည် ဒါနဲ့အသက်ထွက်ခဲ့ရတယ် (မှန်ပါ့) မဆိုနိုင်ကြဘူးလား (ဆိုနိုင်ပါတယ် ဘုရား)။
Very well. Yogis, we encounter this massive burden of aging, disease, and death in this life. What about the next life? (We will encounter it again, Sir). In every single existence, we have had to surrender our lives to this very fate. (True, Sir). Can't we firmly declare this? (We can, Sir).
ဪ ဘယ့်နှယ်ကြောင့် ဘဝများစွာ သံသရာမှာ အို၊နာ၊ သေတွေနဲ့ချည့် ဇာတ်သိမ်းခဲ့ရပါလိမ့်မလဲ လို့မေးတော့ ခင်ရာမင်ရာကို ကျုပ်တို့ ဘယ်အခါကာလမှ ခင်စရာ မင်စရာ မဟုတ်လို့ မတွေးခဲ့ကြဘူးလို့ ဒီကျအောင် လမ်းဆုံး-ဆုံးသွားတယ် (မှန်ပါ့) သဘောကျပလား (ကျပါပြီ ဘုရား)။
You must ask yourselves, "Why have we ended up with nothing but aging, disease, and death throughout countless lives in Samsara?" The ultimate answer is this: At no point did we ever realize that these objects of affection and attachment are, in truth, not worthy of craving or clinging to. (True, Sir). Do you grasp the meaning? (Yes, we do, Sir).
ဒါ ကြပ်ကြပ်စဉ်းသားပါ၊ တရားသားကို ဟောတော့မလို့ (မှန်ပါ့) တရားသားဟောတော့မလို့ ဒကာ ဒကာမတွေ ကြပ်ကြပ်စဉ်းစားပါ၊ ဘဝများစွာ သံသရာက လွန်ခဲ့တဲ့ ဘဝကလဲ ကျုပ်တို့ အို၊နာ၊သေမှာ ဇာတ်သိမ်းခဲ့တယ်၊ ဒီဘဝမှာလဲ ဘယ်မှာ ဇာတ်သိမ်းမယ်ထင်သတုံး (အို၊နာ၊သေမှာ ဇာတ်သိမ်းပါမယ် ဘုရား) နောက်ဘဝမှာလဲ သစ္စာမမြင်သေးရင် (အို၊နာ၊သေမှာဘဲ ဇာတ်သိမ်းပါ) သုံးချက် ဘုရားကဟောတယ် (မှန်ပါ့)။
Ponder this deeply! I am about to deliver the very core of the Dhamma. (True, Sir). Yogis, think very carefully. In our past lives across the long cycle of Samsara, our stories ended in aging, disease, and death. How do you think the story of this current life will end? (It will end in aging, disease, and death, Sir). And in the next life, if you still fail to see the Truth (Sacca)? (It will end in aging, disease, and death again, Sir). The Buddha expounded these three points. (True, Sir).
အို၊နာ၊သေချည့် အဖော်လုပ်ပြီးနေတာ
သတ္တဝါတွေ အို၊နာ၊သေချည့် အဖော်လုပ်ပြီး သကာလ နေတာဟာ ဘယ့်နှယ်ကြောင့် ပါလိမ့်မတုံးလို့ မေးတဲ့အခါ ဘယ်လိုစဉ်းစားဆင်ခြင်သလဲ ဆိုတော့ စဉ်းစားပုံတော့ဖြင့် ဦးဘအုန်း ပေါ်ပြီဗျ (ပေါ်ပါပြီ ဘုရား)။
When you ask, "Why do living beings constantly make aging, disease, and death their companions?" how should you reflect on it? U Ba Ohn, the way to reflect upon this is now vividly clear! (It is clear, Sir).
အို၊နာ၊သေဘယ်ကလာ (ခန္ဓာက လာပါတယ် ဘုရား) ခန္ဓာငါးပါး ဘယ်ကလာ (တဏှာက လာပါတယ် ဘုရား) တဏှာ ဘယ်ကလာပါလိမ့် (ခင်ရာ မင်ရာက လာပါတယ် ဘုရား)။
Where do aging, disease, and death come from? (They come from the Aggregates, Sir). Where do the Five Aggregates come from? (They come from Craving, Sir). Where does Craving come from? (It comes from the objects of affection and attachment, Sir).
ဪ ဒါဖြင့် ခင်ရာ မင်ရာဆိုတဲ့ဥစ္စာ ခင်ဗျားတို့၏ခန္ဓာဆို ဟုတ်တာဘဲ၊ သားသမီးခန္ဓာဆိုရင်လဲ (ဟုတ်ပါတယ် ဘုရား) ဟုတ်တာဘဲဆိုတော့ ဒကာ ဒကာမတိုက ဘုရားပွင့်လာတာသည် ဘယ်အကျိုးငှာ ပွင့်လာသတုံးဆိုတော့ သတ္တဝါတွေ ကြည့်ရတဲ့အခါမှာ ဘုရားသခင် ကိုယ်တော်မြတ်ကြီးက ဘုရားဖြစ်တဲ့အခါမှာ တစ်ယောက်ကြည့်လိုက်ပြန်လဲ အို၊နာ၊သေက ပါနေလို့ အန္တရာယ်ကင်းလို့ ဘေးရှင်းတာမပါ (မှန်ပါ့)။
Indeed! These objects of affection and attachment are none other than your own Aggregates (Khandhas). If we say they are your children's Aggregates, wouldn't that also be true? (It is true, Sir). It is absolutely true. Yogis, for what purpose did a Buddha arise in this world? When the Exalted Buddha attained Enlightenment and looked upon living beings, He saw that every single person was burdened with aging, disease, and death. There was not a single being completely safe and free from danger. (True, Sir).
ဟိုဘက်တစ်ယောက် ကြည့်လိုက်ပြန်လဲ အို၊နာ၊သေကြီးအပြည့် အစုံက ပါလာတယ် (မှန်ပါ့) အန္တရာယ်ကင်းလို့ ဘေးရှင်းတာမြင်ရဲ့လား (မမြင်ပါ ဘုရား)။
He looked at one person over there, and they were fully loaded with aging, disease, and death. (True, Sir). Did He see anyone who was perfectly safe and free from danger? (No, He did not, Sir).
ခင်ဗျားတို့ ကျုပ်တို့ကို ကြည့်ရတာ ဘုရားမှာ သိပ်ပင်ပန်းသနားတော်မူတာဘဲ (မှန်ပါ့) ခင်ဗျားတို့ကတော့ ဖီးလိမ်းကြွားဝါနေလို့ ကိုယ့်ကိုယ်တော့ ဟုတ်နေတာပေါ့ဗျာ (မှန်ပါ့ ဘုရား)။
Looking at all of you, the Buddha felt an overwhelming, exhausting compassion. (True, Sir). Meanwhile, you are busy grooming yourselves, showing off, and thinking you are so grand! (True, Sir).
အရူးပြုံးပြုံးနေတာကိုး
ဘုရားဉာဏ်တော်ကြီးနဲ့ အမြင်ကျယ်ကျယ်နဲ့ကြည့်လိုက်တော့ အခုဟာက အရူးပြုံးပြုံးနေတာကိုး (မှန်ပါ့) အို၊နာ၊သေတွေက ဆိုက်နေတာ (မှန်ပါ့) အို၊နာ၊သေတွေက ခန္ဓာကြီးက ဆိုက်မနေဘူးလား (ဆိုက်နေပါတယ် ဘုရား)။
When the Buddha observed with His vast, omniscient wisdom, He saw that you are smiling the smile of a madman. (True, Sir). Aging, disease, and death have already crashed down upon you! (True, Sir). Hasn't this massive body of aging, disease, and death already arrived? (It has arrived, Sir).
အဲဒီတော့ ဘုရားကတော့ဖြင့် သနားတော်မူလိုက်တာ၊ ခင်ဗျားတို့ကတော့ ပြုံးများနေလိုက်သေးတယ် ၊အို၊နာ၊သေလက်ရှိနဲ့ (မှန်ပါ့)။
Therefore, the Buddha felt such profound pity for you. Yet, you dare to smile while holding aging, disease, and death right in your hands! (True, Sir).
ဦးခင်မောင်တို့က ဘယ်လိုများ နေသတုံး(ပြုံးများနေလိုက်ပါသေးတယ်) အို၊နာ၊သေလက်ရှိနဲ့ ပြုံးများနေလိုက်သေးတယ် (မှန်ပါ့) သူများသာဖြစ်တယ်၊ ငါမဖြစ်ဘူး၊ သဘောကျပလား (ကျပါပြီ ဘုရား)။
U Khin Maung, how do you all carry on? (We are still smiling, Sir). You dare to smile while possessing aging, disease, and death! (True, Sir). You delusionally think, "This only happens to others; it won't happen to me." Do you grasp the meaning? (Yes, we do, Sir).
သူများမသာပို့ပြီး ပြုံးပြီးတော့ ကိုယ်ကပြန်လာသေးတယ်၊ ဒို့ကတော့ နေနိုင်ပါသေးတယ်၊ မလာဘူးလား (လာပါတယ် ဘုရား)။
You attend the funerals of others, and you come back smiling, thinking to yourselves, "We are still alive and well!" Don't these thoughts arise? (They do, Sir).
ကဲ ဒကာ ဒကာမတို့ ဘုရားက ဒီလိုပြုံးနေတဲ့ပုဂ္ဂိုလ်များ ဪ အရူးပြုံးဘဲ၊ ဦးခင်မောင်လွဲမလား၊ မလွဲဘူးလား (လွဲပါတယ် ဘုရား)။
Now, Yogis, the Buddha looked at people smiling like this and realized, "Oh, they are smiling the smile of a madman!" U Khin Maung, is the Buddha's assessment wrong? (It is not wrong, Sir).
သူ့မှာ အို၊နာ၊သေ ပါမပါ (ပါပါတယ် ဘုရား) ပါနေလျက်နဲ့ သူကပြုံးနေတာ ဘာဖြစ်နေတာတုံး (အရူးပြုံးပါ ဘုရား)။
Do they possess aging, disease, and death or not? (They do, Sir). If they are smiling despite possessing them, what kind of smile is that? (It is the smile of a madman, Sir).
အရူးပြုံးက အန္တရာယ်ကင်းလို့ ဘေးကင်းလို့ ပြုံးတာလား (မဟုတ်ပါ ဘုရား) ရူးလို့ပြုံးတာ (မှန်ပါ့) ဘယ်လိုရူးတာတုံးဆိုတော့ မောဟုမ္မတ္တက တဲ့၊ အဝိဇ္ဇာရူး-ရူးနေတာ (မှန်ပါ့ ဘုရား)။
Is this madman smiling because he is truly safe and free from danger? (No, Sir). He is smiling simply because he is insane! (True, Sir). What kind of insanity is this? It is called Mohumattaka—you are mad with Ignorance (Avijja)! (True, Sir).
အဝိဇ္ဇာရူး၊ မသိရူး
ဘာရူးတဲ့တုံး (မောဟုမ္မတ္တကပါ) မောဟုမ္မတ္တကဆိုတာ အဝိဇ္ဇာရူး၊ မသိရူး-ရူးနေတာ၊ ရိပ်မိပလား (ရိပ်မိပါပြီ ဘုရား) မသိရူးက ဘာမသိတာတုံးဆိုတော့ သစ္စာလေးပါးမသိတာ (မှန်ပါ့) ရှင်းပလား (ရှင်းပါပြီ ဘုရား)။
What kind of madness is this? (It is Mohumattaka, Sir). Mohumattaka means being mad with Ignorance (Avijja). It means you are blinded by not knowing! Do you see it? (Yes, we do, Sir). What is it that this ignorant madness fails to know? It fails to know the Four Noble Truths (Sacca). (True, Sir). Is that clear? (Yes, it is, Sir).
မသိတာက ဘာမသိတာတုံး (သစ္စာလေးပါးမသိတာပါ) ဪ သားနဲ့ သမီးနဲ့၊ ဆွေနဲ့ မျိုးနဲ့၊ သားကလေး၊ လူလားမြောက်လာလို့ သမီးကလေး လူလားမြောက်လာလို့ ဒိုးတူဘောင်ဖက်ကလေးရှိလာလို့ ကူညီဖော်ကလေးရလာလို့ အားထားဖို့ရာကလေး အကြောင်းကလေး ပေါ်လာလို့ ပြုံးများနေလိုက်သေးတယ် အမေမိဘုတွေက ဟင်(မှန်ပါ့ ဘုရား)။
What is it that they fail to know? (They fail to know the Four Noble Truths, Sir). Oh, when parents are surrounded by sons, daughters, and relatives—when a son comes of age, when a daughter comes of age, when they finally have companions, helpers, and someone to rely upon—they dare to smile! Isn't that so? (True, Sir).
အို၊နာ၊သေတော့၊ လှည့်မကြည့်ဘူး (မှန်ပါ့) ဘုရားဉာဏ်တော်ကြီးနဲ့ ကြည့်တော့ တော်တော်ရူးသေးတယ်ဟေံ မဆိုထိုက်ဘူးလား (ဆိုထိုက်ပါတယ် ဘုရား)။
Yet, they never turn back to look at the aging, disease, and death looming over them! (True, Sir). When viewed through the lens of the Buddha’s Supreme Wisdom, shouldn't we say, "My, they are quite thoroughly insane"? (We should, Sir).
ဘာဖြစ်လို့ ပြုံးနေသတုံးဆိုတော့ မသိပြုံး-ပြုံးတာ (မှန်ပါ့) မသိတာက ဘာမသိတာတုံး (သစ္စာလေးပါးမသိတာပါ) သစ္စာလေးပါးမသိရင် အဝိဇ္ဇာမဟုတ်လား (မှန်ပါ့ ဘုရား)။
Why are they smiling? They are smiling out of sheer ignorance. (True, Sir). What is it they do not know? (They do not know the Four Noble Truths, Sir). And failing to know the Four Noble Truths is Ignorance (Avijja), is it not? (True, Sir).
ဒါဖြင့် ဦးဘအုန်း ဒီအပြုံးသည်ကားလို့ ဆိုလို့ရှိရင် အကောင်းပြုံးလို့ ဘယ်နည်းနဲကမှ ဆိုလို့မရဘူး (မရပါ) ရနိုင်ကြပါ့မလား (မရနိုင်ပါ ဘုရား)။
Therefore, U Ba Ohn, we can never, under any circumstances, call this a "good" smile. (We cannot, Sir). Could we ever possibly call it good? (No, we cannot, Sir).
ရူးတာ အဖော်ညှိများ ပြုံးနေလိုက်သေးတယ်
ဒကာ ဒကာမတို့ ဘာအပြုံးတုံး (အရူးပြုံးပါ ဘုရား) အဲဒီတော့ ခင်ဗျားတို့ကလဲ ခက်လိုက်တဲ့ဖြစ်ခြင်း လက်တို့ပြီး တစ်ယောက်နဲ့ တစ်ယောက်များ ပြုံးများနေလိုက်တဲ့အခါ ကြည့်လိုက်တော့ ဘုရားက သဗ္ဗညုတဉာဏ်တော်နဲ့ ကြည့်လိုက်တော့ ဪ ရူးတာ အဖော်ညှိများ ပြုံးနေလိုက်သေးတယ် (မှန်ပါ့) ဆိုနိုင်-မဆိုနိုင် (ဆိုနိုင်ပါတယ် ဘုရား) ခင်ဗျားတို့ လက်တို့ပြီး ပြုံးများမနေကြနဲ့ဦး၊ ကိုယ်သဘောကျတာကလေးတွေ တွေ့တွေ့နေလို့ (မှန်ပါ့ ဘုရား)။
Yogis, what kind of smile is it? (It is the smile of a madman, Sir). How tragic your situation is! When you nudge each other and smile, the Buddha looks down with His Omniscient Wisdom (Sabbannuta Nana) and remarks, "Oh, look at these madmen, gathering together to share a smile!" (True, Sir). Can we conclude this or not? (We can, Sir). Stop nudging each other and smiling just because you come across worldly things that please you! (True, Sir).
သားကလေး လူလားမြောက်လို့ သမီးကလေး အကြောင်းညီညွတ်လို့ ရောဂါဝေဒနာ တစ်အိမ်လုံးကင်းပြီး စီးပွားရေးကလေးက ဖြောင့်နေလို့ ပြုံးများမနေနဲ့ အို၊နာ၊သေကို ပွေ့ထားရတာ (မှန်ပါ့ ဘုရား)။
Do not smile just because your son has come of age, your daughter has settled down favorably, your entire household is momentarily free of sickness, or your business is running smoothly. Do not smile, because you are still tightly embracing aging, disease, and death! (True, Sir).
အို၊နာ၊သေက တစ်ချက်ဖောက်ရင် ဘယ့်နှယ်နေသတုံး (သေမှာပါ) တစ်ချက်ဖောက်ရင် ဗိုင်းဗိုင်းလဲတာပေါ့ ဒကာ ဒကာမတို့ (မှန်ပါ့) ဘာမသိလို့ ဒါလောက်ပြုံးနေတာတုံး (သစ္စာမသိလို့ပါ ဘုရား)။
If aging, disease, and death strike you just once, what will happen? (We will die, Sir). If they strike just once, you will collapse completely, Yogis! (True, Sir). Why are you smiling so much without realizing this? (Because we do not know the Truth, Sir).
သစ္စာမသိတာက ဘယ်သူတုံး (အဝိဇ္ဇာပါ ဘုရား) အဝိဇ္ဇာရူးရူးတယ်ဆိုတော့ မောဟုမ္မတ္တကဆိုတာ မကိုက်သေးဘူးလား (ကိုက်ပါတယ်) သဘောကျပလား (ကျပါပြီ ဘုရား)။
And what is it that fails to know the Truth? (It is Ignorance, Sir). So, doesn't the term Mohumattaka—being mad with Ignorance—fit perfectly? (It fits perfectly, Sir). Do you grasp the meaning? (Yes, we do, Sir).
အဲဒါကြောင့် ဒကာ ဒကာမတို့ ပြုံးချိန်မရောက်သေးပါဘူး၊ ယခုအချိန်မှာ မျက်နှာမှန်မှန်ထားပြီး သကာလ လွတ်ရေး ကျွတ်ရေးကြိုးစားတဲ့စိတ်ထား လွတ်ရေး ကျွတ်ရေးကြိုးစားတဲ့ မျက်နှာနဲကနေကြပါ၊ ပြုံးချိန်မရောက်သေးဘူး (မှန်ပါ့) ရှင်းပလား (ရှင်းပါပြီ ဘုရား)။
Therefore, Yogis, the time to smile has not yet arrived! For now, keep a serious expression. Live with a mindset entirely dedicated to striving for liberation, and let your face reflect that urgent striving. It is not yet the time to smile! (True, Sir). Is that clear? (Yes, it is, Sir).
ပြုံးချိန်မရောက်သေးပါ
ဘယ့်နှယ် မှာသတုံး ဆရာဘုန်းကြီးက (ပြုံးချိန်မရောက်သေးပါ ဘုရား) မျက်နှာတင်းတင်းထားပြီး လွတ်အောင်လုပ်မဟဲ့ဆိုတဲ့စိတ်နဲ့ လုပ်ကြစမ်းပါ ခင်ဗျားတို့ အရူးပြုံးတော့ မပြုံးပါနဲ့ ရှက်စရာကောင်းလို့ (မှန်ပါ့) မကောင်းဘူးလား (ကောင်းပါတယ် ဘုရား)။
What have I urged you to do? (That the time to smile has not yet arrived, Sir). Keep a stern face and practice with the fierce determination: "I must break free!" Please, do not smile the smile of a madman. It is shameful! (True, Sir). Isn't it shameful? (It is, Sir).
ဦးခင်မောင် ပေါ်ပလားရူးပုံ (ပေါ်ပါပြီ ဘုရား) ပြုံးတိုင်း ပြုံးတိုင်းဟာ ကိုယ့်ခန္ဓာကြည့်ပြီးကျန်းမာလို့ ပြုံးတာကတမျိုး ကိုယ့်သားသမီးကလေး အကြောင်းညီညွတ်လို့ ပြုံးတာကတမျိုး စီးပွားရေး အကြောင်းညီညွတ်လို့ ပြုံးတာကတမျိုး၊ ပြုံးတာဟူသ၍ဟာ ကိုယ့်သန္တာန်ထဲမှာရှိတဲ့ အို၊နာ၊သေဆိုတဲ့ ဒုက္ခသစ္စာကြီးပွေ့ပိုက်ပြီး သကာလ ပြုံးနေတော့ ဒကာ ဒကာမတို့ ခွေးနာကိုလောက်ကိုက်ရင်း ပြုံးနေတာနဲ့တူနေတယ် (မှန်ပါ့) နာတော့မနာကြနဲ့ တူတော့တူနေတယ် (မှန်ပါ့ ဘုရား)။
U Khin Maung, is the nature of this madness clear now? (It is clear, Sir). Every single time you smile—whether you smile because you look at your body and feel healthy, or because your children are doing well, or because your business is prospering—every single smile occurs while you are tightly embracing the grand Truth of Suffering (Dukkha-Sacca) of aging, disease, and death within you! Therefore, Yogis, you are just like a mangy dog smiling while maggots are eating away at its sores! (True, Sir). Do not feel offended; the comparison is quite accurate! (True, Sir).
နာတော့မနာကြနဲ့လို့ ဖုံးရသေးတယ်၊ တူတာတော့ဧကန်ဘဲ (မှန်ပါ့) ရိပ်မိပလား (ရိပ်မိပါပြီ) ခွေးနာလောက်ကိုက်ပြုံးဆိုတော့ ဒကာ ဒကာမတွေ ဘယ်မှာ ကောင်းတော့မတုံးဗျ (မှန်ပါ့ ဘုရား)။
I have to soften the blow by telling you not to be offended, but it is the absolute truth! (True, Sir). Do you see it? (Yes, we do, Sir). If it is the smile of a mangy dog being eaten by maggots, Yogis, how could it possibly be a good thing? (True, Sir).
ကိုင်း ဒကာ ဒကာမတို့ ခင်ဗျားတို့ ပြုံးတာဟူသ၍သည်ကားလို့ ဆိုလို့ရှိရင်ဖြင့် သေသေချာချာလွဲတယ် (လွဲပါတယ် ဘုရား)အို၊နာ၊သေကို တခါတည်းခန္ဓာထဲကြည့်လိုက်ပါ ခန္ဓာပါပျောက်ပြီး သကာလ အို၊နာ၊သေကိုရှာမတွေ့ဘူး၊ ဟာ နေရာကျပြီ ဒုက္ခသစ္စာကြီးနဲ့ အိုးစားကွဲပြီ (မှန်ပါ့)။
So, Yogis, every smile you have been smiling is entirely misguided. (It is misguided, Sir). You must watch and observe the aging, disease, and death directly within your Aggregates (Khandhas). When your perception of the Aggregates vanishes through insight, and you can no longer find aging, disease, and death—ah! That is the perfect state! You have finally severed your ties with the grand Truth of Suffering (Dukkha-Sacca). (True, Sir).
အဲဒီလို မြင်ပြီးရင်တော့ ဦးခင်မောင် ပြုံးတော့၊ကွာ မင်းနှိပ်နိုင်လှ ဘဝအနည်းငယ်ပေါ့ကွာ မင်းကိုနိုင်ပါပြီ၊ ခန္ဓမာရ်ကို အောင်တော့မည် (မှန်ပါ့)။
Once you see it like that by insight, U Khin Maung, only then may you smile! You can declare, "You have oppressed me for countless lives, but now I have defeated you! I will soon conquer the Mara of the Aggregates (Khandha-Mara)!" (True, Sir).
အဲဒီတော့ ပြုံးချိန်ရောက်လို့ ပြုံးတာကတော့ဖြင့် ဒကာ ဒကာမတို့ နေရာကျတာပေါ့နော် (မှန်ပါ့) ပြုံးချိန်မရောက်ဘဲနဲ့ ပြုံးနေတာကတော့ဖြင့် မသိပြုံးသော်၎င်းင်း ဖြစ်ပါလိမ့်မယ်၊ မသိပြုံးမှတပါးလဲ ဘာမှမပါပါဘူး (မပါပါ ဘုရား) သဘောပါကြပလား (ပါပါပြီ ဘုရား)။
Smiling when the time to smile has actually arrived is entirely appropriate, Yogis. (True, Sir). But smiling when the time has not yet come is nothing but a smile born of ignorance. It is rooted in absolutely nothing but blind ignorance! (True, Sir). Do you grasp the meaning? (Yes, we do, Sir).
ဒီခန္ဓာကိုယ်ကြီးထဲမှာ ဘာရှိသတဲ့တုံး
ဒါဖြင့် ခင်ဗျားတို့ တစ်ယောက်နဲ့ တစ်ယောက်ပြုံးမယ်ကြံရင် လက်တို့ကြဦး၊ မပြုံးနဲ့ ဆရာဘုန်းကြီး ပြောထားတာ မကြားဘူးလား လက်တို့ကြဦး (မှန်ပါ့) ဒီခန္ဓာကိုယ်ကြီးထဲမှာ ဘာရှိသတဲ့တုံး (အို၊နာ၊သေ ရှိပါတယ် ဘုရား)။
Therefore, if you are about to smile at one another, nudge each other and say, "Do not smile! Didn't you hear what the Sayadaw said?" Remind each other! (True, Sir). What actually exists inside this massive body? (Aging, disease, and death exist within it, Sir).
အို၊နာ၊သေရှိတဲ့ပုဂ္ဂိုလ်ဟာ အို၊နာ၊သေ ပျောက်တဲ့ဆေးကိုသာ ကြိုးစား-စားနေရမှာ ပြုံးချိန်မဟုတ်သေးဘူး၊ ကိုယ့်ဟာကိုယ်ဆုံးမပါ၊ ရှင်းပလား (ရှင်းပါပြီ ဘုရား)။
A person harboring aging, disease, and death must urgently strive to consume the medicine that cures them! It is not the time to smile. Admonish yourselves! Is that clear? (Yes, it is, Sir).
သူတပါးကိုလဲ လက်တို့ပြီး သကာလ ဉာဏ်ချင်းသဘောချင်း တိုက်ဆိုင်ကြရင် ဆုံးမပေးကြပါ (မှန်ပါ့) ဦးခင်မောင် နေတတ်ကြပလား (နေတတ်ပါပြီ ဘုရား)။
Nudge others as well, and if your intellect and understanding align, admonish them too. (True, Sir). U Khin Maung, do you now know how you must live? (Yes, we know how to live, Sir).
ကောင်းပြီ ဒါဖြင့် ဒကာ ဒကာမတို့ အလုပ်သွားကြစို့ဆိုတော့၊ ဘုရားကကြည့်လိုက်တယ်နော်၊ လူတွေကြည့်လိုက်ပြန်လဲ အို၊နာ၊သေတွေနဲ့ ဘယ်ကများ လာပါလိမ့်မတုံး၊ ခင်ရာမင်ရာကလာတာဘဲ၊ ဒါကြောင့် ကိုယ်ပိုင်ရနေကြတာ၊ ဘယ်သူကြည့်လိုက်ကြည့်လိုက် ဒီလိုချည့်ဘဲ (မှန်ပါ့) သဘောကျပလား (ကျပါပြီ ဘုရား)။
Very well. Yogis, let us move to the actual practice. The Buddha looked closely at humanity. He saw them burdened with aging, disease, and death, and investigated: "Where do these burdens come from?" He saw they come directly from the objects of affection and attachment. That is why beings possess these burdens. Whomever He looked at, it was exactly the same! (True, Sir). Do you grasp the meaning? (Yes, we do, Sir).
ဘယ်သူကြည့်လိုက်ကြည့်လိုက် ဘာတွေမြင်သတုံး (အို၊နာ၊သေတွေမြင်ပါတယ်) အို၊နာ၊သေဟာ ဘယ်ကများ လာပါလိမ့်မတုံး ကြည့်လိုက်ပြန်တော့လဲ (ခင်ရာ မင်ရာကလာပါတယ် ဘုရား)။
Whomever He looked at, what did He see? (He saw aging, disease, and death, Sir). And when He investigated where aging, disease, and death came from? (They come from the objects of affection and attachment, Sir).
ဪ ဒါဖြင့် ခင်ရာ မင်ရာကိုဖြင့် မသိခင် ခင်နေတဲ့ဥစ္စာကို သိပ်မုန်းအောင် ကြိုးစားရတော့မယ်ဆိုတာ ပေါ်လာတယ် (မှန်ပါ့) အဲဒီမှာ တရားဟောချင်တဲ့စိတ် ပေါ်လာတယ် (မှန်ပါ့)။
"Ah," He realized, "I must urge them to thoroughly despise the very things they are currently attached to out of ignorance!" That was when the Buddha's profound desire to preach the Dhamma arose. (True, Sir).
မသိလို့ ခင်နေတဲ့ဥစ္စာကို ဒကာ ဒကာမတို့ ခင်ရာမင်ရာဆိုတာ မသိလို့ခင်တာ (မှန်ပါ့) ဒီက တဏှာက ဘာတုံး (မသိလို့ခင်တာပါ ဘုရား) မသိလို့ ခင်တာပေါ့ ဦးခင်မောင်၊ တဏှာဆိုတာ အဝိဇ္ဇာက တွဲလျက်ကြီး (မှန်ပါ့) သဘောကျပလား (ကျပါပြီ ဘုရား)။
Yogis, you attach to these objects simply because you do not know the Truth. (True, Sir). What exactly is Craving (Tanha) here? (It is attaching due to ignorance, Sir). Of course it is attaching out of ignorance, U Khin Maung! Craving is always tightly coupled with Ignorance (Avijja). (True, Sir). Do you grasp the meaning? (Yes, we do, Sir).
မသိလို့ ခင်တဲ့ဥစ္စာ
အဝိဇ္ဇာနဲ့တဏှာ ခွဲလို့ရရဲ့လား (မရပါ ဘုရား) မရတော့ မသိလို့ ခင်တဲ့ဥစ္စာကို ခင်ခြင်းကြောင့် ဒကာ ဒကာမတို့ ဒီတဏှာရတယ်၊ ဒီတဏှာရလို့ ဒီခန္ဓာရတယ် (မှန်ပါ့) ဒီခန္ဓာရလို့ အို၊နာ၊သေကြီးနဲ့ အိုးစားမကွဘဲ အတူတကွ နေကြရတယ် ဆိုတာရှင်းပလား (ရှင်းပါပြီ ဘုရား)။
Can Ignorance and Craving be separated? (No, they cannot, Sir). Because they cannot be separated, your attachment to things out of sheer ignorance gives rise to Craving. Because of this Craving, you acquire these Aggregates (Khandhas). And because you acquire these Aggregates, you are forced to live inseparably with aging, disease, and death. Is that clear? (Yes, it is, Sir).
ကိုင်း ဒကာ ဒကာမတို့ ဘုရားမြင်တော်မူပုံ ဘယ်လောက်ရှင်းတယ်ဆိုတာ ပေါ်ကြပလား (ပေါ်ပါပြီ ဘုရား) ဒါဖြင့် အို၊နာ၊သေ၏ လက်သည်အစ ခင်ရာ မင်ရာကသာ မှတ်လိုက်ပါတော့ (မှန်ပါ့) ဦးခင်မောင် တရားကွက်တော့ ပေါ်လာပြီ (ပေါ်လာပါပြီ ဘုရား)။
Now, Yogis, do you see how incredibly clear the Buddha’s vision is? (We see it, Sir). Therefore, mark this well: the ultimate root cause of aging, disease, and death is nothing but your objects of affection and attachment! (True, Sir). U Khin Maung, the core focal point of the Dhamma is now revealed! (It is revealed, Sir).
ဒါ သမ္မသနသုတ် တဲ့၊ အကြောင်း ပြန်သုံးသပ်လိုက်တော့မှ ငါဘုရားသခင် ကိုယ်တော်မြတ်ကြီး ယနေ့တော့ဖြင့် မင်းတို့ကို အကြောင်းဖြတ်ပေးမယ်ဆိုတဲ့ အဓိပ္ပာယ်ဟာဖြင့် ရှင်းပြီ ဒကာ ဒကာမတို့ (မှန်ပါ့)။
This is from the Sammasana Sutta. By tracing back through the causes, the Buddha’s intent becomes perfectly clear: "Today, I will sever the root cause for all of you." (True, Sir).
ဟောဒီအကြောင်းသာ ဒကာ ဒကာမတို့ ခင်ရာ မင်ရာကို မုန်းရာသာ ဖြစ်လိုက်မယ်ဆိုလို့ရှိရင် ဦးဘတင် ကျေနပ်စရာကောင်းပြီ(မှန်ပါ့)။
Yogis, if this very root cause—the objects of your affection and attachment—transforms into something you thoroughly despise, U Ba Tin, that would be truly magnificent! (True, Sir).
ခင်ရာ မင်ရာကို မုန်းတတ်တဲ့ဉာဏ်သာ လာပေစေဗျ၊ သဘောကျပလား (ကျပါပြီ ဘုရား) ခင်ရာ မင်ရာကို မုန်းစရာ ဖြစ်သွားတဲ့အခါကျတော့ မုန်းတဲ့ဉာဏ် ဒီမှာ မလာဘူးလား (လာပါတယ် ဘုရား)။
Just let the Insight Knowledge (Nyan) that feels absolute disgust toward these objects of attachment arise! Do you grasp the meaning? (Yes, we do, Sir). When the things you once attached to become utterly despicable to you, doesn't the Insight Knowledge of Disgust (Nibbida-Nyan) arise right there? (It arises, Sir).
ဉာဏ်လာသောကြောင့် ဒကာ ဒကာမတို့ တဏှာနေရာမှာ ဉာဏ်လာသောကြောင့် ဉာဏ်က တဏှာကို သတ်ပစ်လိုက်တယ် (မှန်ပါ့) တဏှာသတ်ပစ်လိုက်တော့ ဒီခန္ဓာ လာဦးမလား (မလာပါ ဘုရား) ဒီခန္ဓာမှ မလာဘဲနဲ့ အို၊နာ၊သေ လာဦးမလား (မလာပါ ဘုရား)။
Because Insight Knowledge arises, Yogis—because Insight takes the place of Craving—Insight eradicates the Craving! (True, Sir). Once Craving is eradicated, will these Aggregates ever arise again? (No, they will not, Sir). And if the Aggregates do not arise, will aging, disease, and death ever arise again? (No, they will not, Sir).
ဒါဖြင့် ဒကာ ဒကာမတို့ ဒီနှစ်ခုကြောက်ဖို့အရေးကြီးတယ် (မှန်ပါ့) ခင်ရာ မင်ရာကလဲ မုန်းစရာဖြစ်လို့ (မှန်ပါ့) ခင်တာ မင်တာကလဲ ဒကာ ဒကာမတို့ ခင်စရာ မင်စရာ မဟုတ်ဘူးလို့ အမှန်သိဖို့ အရေးမကြီးဘူးလား (ကြီးပါတယ် ဘုရား)။
Therefore, Yogis, it is critically important to be fearful of these two things! (True, Sir). The objects of attachment must become objects of disgust. (True, Sir). And isn't it crucial to truly realize by insight that the things you crave and attach to are, in fact, absolutely unworthy of your affection? (It is crucial, Sir).
ဒါက မုန်းစရာဖြစ်ဖို့၊ ဒါက အမှန်သိဖို့ (မှန်ပါ့) သဘောကျပလား (ကျပါပြီ ဘုရား)။
First, they must become objects of disgust. Second, you must realize the absolute truth about them! (True, Sir). Do you grasp the meaning? (Yes, we do, Sir).
ဒါက ဘာတုံး (မုန်းစရာဖြစ်ဖို့ပါ) မုန်းစရာ မလိုချင်စရာဖြစ်ဖို့၊ ဒါကဘာတုံး (အမှန်သိဖို့ပါ) မုန်းစရာ မလိုချင်စရာကို အမှန်သိဖို့ (မှန်ပါ့) ဒီနှစ်ခုကို ပြင်လိုက်လို့ရှိရင် ဒီဘက်က ပြီးတယ် (မှန်ပါ့) မပြီးသေးဘူးလား (ပြီးပါတယ် ဘုရား)။
What is the first requirement? (They must become objects of disgust, Sir). Yes, they must become despicable and utterly undesirable. What is the second? (We must realize the truth, Sir). Yes, you must realize the absolute truth that they are despicable and undesirable! (True, Sir). If you correct these two things right here, the rest of the chain is terminated! (True, Sir). Isn't the cycle broken? (It is broken, Sir).
နှစ်ခုပြင်ရမယ်
လေးခုရှိတဲ့အနက်က ကျုပ်တို့ ဘာပြင်ရမလဲ (နှစ်ခုပြင်ရပါမယ်) အဲ ၁-နံပါတ်နဲ့ ၂-နံပါတ်ကို ပြင်လိုက်လို့ရှိရင်ဖြင့် ၃-၄ အလိုလိုပြုတ်တယ် (မှန်ပါ့) သဘောပါကြပလား (ပါ-ပါပြီ ဘုရား)။
Out of the four stages in the chain, what must we correct? (We must correct two things, Sir). Exactly. If you correct number 1 and number 2, then number 3 and number 4 drop off automatically! (True, Sir). Do you grasp the meaning? (Yes, we do, Sir).
ဒါဖြင့် ဘာပြင်ရမှာပါလိမ့် (၁နဲ့ ၂ကို ပြင်ရမှာပါ) ၁နဲ့၂ကို ပြင်လိုက်လို့ရှိရင်ဖြင့် ၃နဲ့၄ ဟာ ပြင်စရာလိုသေးသလား (မလိုပါ ဘုရား)။
So, what exactly must be corrected? (Numbers 1 and 2 must be corrected, Sir). Once numbers 1 and 2 are corrected, is there any need to worry about fixing numbers 3 and 4? (No, there is not, Sir).
ဒါဖြင့် အိုရမှာလဲ မကြောက်ပါနဲ့၊ နာရမှာလဲ မကြောက်ပါနဲ့၊ သေရမှာလဲ မကြောက်ပါနဲ့၊ ခင်တာ မင်တာကို ကြောက်ပါ (မှန်ပါ့) သဘောပါပလား (ပါပါပြီ ဘုရား)။
Therefore, do not be afraid of growing old! Do not be afraid of getting sick! Do not be afraid of dying! You must only be terrified of your own craving and attachment! (True, Sir). Do you grasp the meaning? (Yes, we do, Sir).
ဪ ဒီဆေးဟာ အသောက်အခက်ဆုံးပဲလို့တော့ မပြောနဲ့နော် (မှန်ပါ့) ဒီဆေးအသောက်အခက်ဆုံးပဲလို့ ဦးခင်မောင်တို့က ထင်ချင်ထင်ကြမယ် (မှန်ပါ့) ဘာဖြစ်လို့တုံး-ဆိုတော့ ကိုယ်က တသံသရာလုံး လာခဲ့တာက ဟိုဘဝမှာလဲ သားနဲ့၊ သမီးနဲ့၊ ဆွေနဲ့၊ မျိုးနဲ့၊ နေခဲ့တယ် ခင်တဲ့ဥစ္စာ ဝ ပြီးကျေနပ်ပြီး သေခဲ့ရတဲ့မသာ ဟုတ်ပါရဲ့လား (မဟုတ်ပါ ဘုရား)။
However, do not complain that this medicine is the hardest to swallow! (True, Sir). U Khin Maung and the rest of you might feel that this is the most difficult medicine to take. (True, Sir). Why is that? Because throughout the entire cycle of Samsara, in all your past lives, you lived surrounded by sons, daughters, and relatives. But tell me, were you ever a corpse that died fully satiated and completely satisfied with your attachments? (No, we were not, Sir).
အဲဒီလို ဝ ပြီးသေခဲ့ရတဲ့မသာကို မဖြစ်ဘူး၊ ခင်လျက် တန်းလန်း၊ မင်လျက်တန်းလန်းနဲ့ဘဲ ခေါင်းထဲ ဝင်ခဲ့ကြရတယ် (မှန်ပါ့)။
You were never a corpse that died fully satisfied! You were forced into the coffin while still desperately craving, still desperately clinging to your attachments! (True, Sir).
အဲဒီတော့ ဒီမသာတွေကို ဒကာ ဒကာမတွေက စဉ်းစားကြည့်ပါ၊ ဘဝများစွာက သားနဲ့၊ သမီးနဲ့၊ ဆွေနဲ့၊ မျိုးနဲ့၊ နောက်ဘဝက ခင်လုံး မင်လုံးတွေ အကုန်-ကုန်ပြီး သကာလ သေလာတဲ့ မသာများ ဖြစ်နိုင်ကြပါ့မလား (မဖြစ်နိုင်ပါ ဘုရား)။
Just think about the state of those corpses, Yogis. Throughout countless past lives, surrounded by your sons, daughters, and relatives, could you ever have been a corpse that died having exhausted all its cravings and attachments? (No, that is impossible, Sir).
ဒါဖြင့် ဒီပုဂ္ဂိုလ်ဟာ ခင်လျက်တန်းလန်း မင်လျက်တန်းလန်းနဲ့ သေသွားတယ်လို့ ဆိုရင်ကော (မလွဲပါ ဘုရား)။
Therefore, if we conclude that this person died while still heavily entangled in craving and clinging, would that be wrong? (It is absolutely correct, Sir).
နဂိုကလဲ ငတ်လာခဲ့ပြန်တယ်
ဒီတော့ ဒီဘဝမှာ ဒါမျိုးတွေ့မယ်ဆိုတော့ သူဟာ နဂိုကလဲ ငတ်လာခဲ့ပြန်တယ်၊ ဒီဘဝတွေ့ပြန်တော့လဲ ဒီအာရုံတွေကို သူသည် ခင်မိမယ်၊ မင်မိမယ်ဆိုတာ မသေချာဘူးလား (သေချာပါတယ် ဘုရား)။
Since you have come into this life starving with craving from the past, when you encounter these sense objects again now, isn't it certain that you will become attached and cling to them? (It is certain, Sir).
ဪ ခက်ပြီ-ခက်ပြီ ဒကာ ဒကာမတို့ ဒါဖြင့် နောက်ကလဲ ငတ်လာခဲ့ပြန်တယ်၊ ဒီဘဝ တွေ့ပြန်တော့လဲ အငတ်သဘောအတိုင်းဘဲ တွေ့ရာကို ခင်ချင် မင်ချင်တဲ့စိတ်က လာပြန်တော့ တသံသရာလုံးဟာက အငတ်ကလဲ မပြေခဲ့၊ တွေ့ရာမှာလဲ ဇွတ်အတင်းစွဲပြီးခင်၊ ခင်တာကိုလဲ မဝဘဲနဲ့ သေပွဲဝင်ပြန်တော့ အငတ်ဘေးချည့် သေလာခဲ့တော့ ဒကာ ဒကာမတို့ ရောက်ရာမှာ တခါတည်း အဆိပ်ချည့် သောက်တော့တာဘဲ (မှန်ပါ့ ဘုရား)။
This is very difficult, Yogis! You were starving in the past. When you encounter things in this life, the desire to cling and attach to whatever you meet arises again due to that nature of starvation. Throughout the entire Samsara, this thirst was never quenched. You grasp blindly at whatever you encounter, and yet, remaining unfulfilled by this clinging, you face death once more. Dying repeatedly from this starvation, Yogis, wherever you end up, you are simply drinking poison. (True, Sir).
ရောက်ရာမှာ ဘာဖြစ်သတုံး (အဆိပ်သောက်ပါတယ် ဘုရား) အဆိပ်သောက်တော့ ဒကာဒကာမတို့ ဒီဒုက္ခတွေ မလာပါနဲ့ဆိုလို့ (မရပါဘူး) သဘောပါပလား (ပါပါပြီ ဘုရား)။
What happens wherever you end up? (We drink poison, Sir). Having drunk the poison, Yogis, can you ask for these sufferings not to come? (No, we cannot, Sir). Do you grasp the meaning? (Yes, we do, Sir).
ဪ ဒကာ ဒကာမတို့ နောက်ဘဝ ဘယ်လိုများ သေခဲ့ကြသတုံးလို့ ဖြေတတ်ကြပလား (ဖြေတတ်ပါပြီ) တပည့်တော်တို့ ရှင်မဝ၊ သေမဝ၊ အငတ်ဘဝနဲ့ သေခဲ့ရပါတယ်ဘုရား၊ သဘောကျပလား (ကျပါပြီ ဘုရား)။
Now, Yogis, do you know how to answer if asked how you died in your past lives? (Yes, we know how to answer, Sir). You must answer: "We died unfulfilled in living, unfulfilled in dying, passing away in a state of starvation." Are you convinced? (Yes, we are, Sir).
နောက်ဘဝက ဘယ်လိုနေခဲ့သတုံး (အငတ်ဘဝနဲ့ နေခဲ့ရပါတယ်) ခင်လို့လဲ မဝဘူး၊ ကြင်နာလို့ကော (မဝပါ ဘုရား)။
How did you live in your past lives? (We lived in a state of starvation, Sir). You were never satisfied with clinging, nor were you satisfied with loving affection. (We were not satisfied, Sir).
ဪ မဝဘဲနဲ့သေခဲ့ရတယ် (မှန်ပါ့) ဒီဘဝလဲ တွေ့တဲ့အာရုံတွေနဲ့ကျတော့ ဘယ်လိုများဖြစ်မယ် ထင်ကြသတုံး၊ တခါတည်း နွားငတ် ရေထဲချဖြစ်မယ် (မှန်ပါ့)။
Indeed, you died unfulfilled. (True, Sir). So, what do you think will happen when you encounter the sense objects in this life? It will be exactly like a thirsty cow plunging into the water. (True, Sir).
ဘယ်လိုဆိုကြမလဲ (နွားငတ်ရေချဖြစ်ပါမယ်) နွားငတ်ရေချ ဖြစ်ပြီး သကာလ တွေ့ရာကို ဇွတ်ခင်ချ တာဘဲ (မှန်ပါ့) ဘာဖြစ်လို့တုန်း နောက်က ငတ်ခဲ့လို့ (မှန်ပါ့) သဘောကျပလား (ကျပါပြီ ဘုရား)။
How shall we put it? (It will be like a thirsty cow plunging into water, Sir). Like a thirsty cow plunging into water, you blindly cling to whatever you encounter! (True, Sir). Why is that? Because you were starving in the past. (True, Sir). Are you convinced? (Yes, we are, Sir).
သူတို့က ဇွတ်ခင်တော့ ဦးခင်မောင် ဝပြီးသေမှာလား၊ မဝဘဲနဲ့သေမှာလား (မဝဘဲနဲ့ သေမှာပါ ဘုရား) နောက်ဘဝ တွေ့ပြန်တော့ကော (မဝဘဲနဲ့ သေမှာပါ ဘုရား)။
Since you cling so blindly, U Khin Maung, will you die satisfied or unfulfilled? (We will die unfulfilled, Sir). And when you encounter them again in the next life? (We will die unfulfilled, Sir).
သေရင်ခန္ဓာဘဲရမယ်
ဒါဖြင့် ခင်စရာ မင်စရာ ဒကာ ဒကာမတို့ ခင်တတ်တာနဲ့ သေသွားမှာဘဲ၊ သေရင်ခန္ဓာဘဲရမယ် (မှန်ပါ့) ခန္ဓာရရင် အို၊နာ၊သေနဲ့လမ်းဆုံးမယ် (မှန်ပ့ါ)။
Therefore, Yogis, surrounded by things to be attached to, you will die with clinging. When you die with clinging, you will only obtain new Aggregates (Khandhas). (True, Sir). Once you get the Aggregates, it will all end in aging, sickness, and death. (True, Sir).
နောက်တစ်ခါ အို၊နာ၊သေနဲ့လမ်းဆုံးပြီး ဘဝတစ်ခု ရပြန်တော့ အငတ်သေ သေသွားတဲ့အတွက် ခင်ရာမင်ရာနဲ့ တွေ့ပြန်တော့ ဘာတွေ့ပြန်သတုံး (အို၊နာ၊သေနဲ့ တွေ့ပြန်ပါတယ် ဘုရား)။
Once it ends in aging, sickness, and death, and you attain another existence, because you died in starvation, you will again encounter things to cling to. And what will you ultimately meet again? (We will meet aging, sickness, and death, Sir).
ခင်ပြန်လို့ရှိရင် ခင်ခြင်းကြောင့် ခန္ဓာငါးပါး မရဘူးလား (ရပါတယ် ဘုရား) ခန္ဓာငါးပါးရတော့ (အို၊နာ၊သေရပါမယ် ဘုရား)။
If you cling again, won't you get the Five Aggregates due to that clinging? (We will get them, Sir). And when you get the Five Aggregates? (We will face aging, sickness, and death, Sir).
အို၊နာ၊သေရတော့ ဒီဘဝလဲ ဒကာ ဒကာမတို့ ဝပြီးသေတာလား၊ အငတ်နဲ့ သေတာလား (အငတ်နဲ့ သေသွားတာပါ ဘုရား) ဒါဖြင့် ဒုတိယဘဝရောက်ပြန်ပြီ ဦးခင်မောင် (မှန်ပါ့ ဘုရား)။
Facing aging, sickness, and death, Yogis, do you die in this life satisfied or starving? (We die starving, Sir). And so, you arrive at the second life, U Khin Maung. (True, Sir).
တွေ့ရာကို ဘာလုပ်ပြန်တယ် (ခင်ပါတယ်) ခင်ပြန်ရင် ဘာလာဦးမယ်(ခန္ဓာငါးပါးလာပါမယ်) ခန္ဓာငါးပါးလာရင် ဘာဖြစ်မယ် (အို၊နာ၊သေလာပါမယ်) ဒါက သံသရာလည်ပုံနည်းတစ်မျိုး (မှန်ပါ့) ရိပ်မိပလား (ရိပ်မိပါပြီ ဘုရား) ဒီပဋိစ္စသမုပ္ပာဒ်လေးမျိုးနဲ့ လှည့်တယ် (မှန်ပါ့) သဘောပါကြပလား (ပါပါပြီ ဘုရား)။
What do you do to whatever you encounter? (We cling to it, Sir). If you cling again, what will follow? (The Five Aggregates will follow, Sir). If the Five Aggregates arrive, what will happen? (Aging, sickness, and death will follow, Sir). This is one way the cycle of Samsara turns. (True, Sir). Do you see it? (Yes, we do, Sir). It revolves through these four links of The Wheel of Dependent Origination. (True, Sir). Do you grasp the meaning? (Yes, we do, Sir).
ဒါဖြင့် ဒကာ ဒကာမတို့ ဘုရားသာ မပွင့်တော့ဘူးဆိုရင်ဖြင့် ခင်ဗျားတို့ အငတ်ပြဿနာကို ဖြေရှင်းပေးမည့် ပုဂ္ဂိုလ်တော့ မရှိတော့ပါဘူး (မရှိပါ ဘုရား) ပေါ်ကြပလား (ပေါ်ပါပြီ ဘုရား)။
Therefore, Yogis, if the Buddha had not appeared, there would be no one to solve this problem of your starvation. (There would be no one, Sir). Is this clear to you? (It is clear, Sir).
ဒါဖြင့် ဒကာ ဒကာမတို့ ခင်စရာ၊ မင်စရာ၊ မုန်းစရာ၊ ရွံစရာ ဖြစ်မှသာလျှင် နေရာကျတော့မယ် (မှန်ပါ့) ပေါ်ပြီနော် (ပေါ်ပါပြီ ဘုရား)။
Thus, Yogis, only when the things you currently cling to and attach to become things of disgust and revulsion, will you be on the right path. (True, Sir). Is that evident now? (It is evident, Sir).
လက်သည် အခုမှတွေ့တာ
ဒါဖြင့် ဝိပဿနာဆိုတာက ဘယ်ကပေါ်တာတုံးဆိုတာ ဦးခင်မောင် လက်သည် အခုမှတွေ့တာ၊ ဪ ဒို့တသံသရာလုံးက ငတ်ပြီး ရမ်းခင်လာတာတွေဟာ ဘာမှမဟုတ်တာတွေကို ဒို့သည်ကား လို့ ဆိုရင် အကောင်အထည်လုပ်ပြီး သကာလ ခင်လာခဲ့တဲ့အတွက် တသံသရာလုံးမှာ အို၊နာ၊သေနဲ့ချည့် ဇာတ်သိမ်းခဲ့ရတာ ဒို့သည်ကား လို့ဆိုရင်ဖြင့် ခင်စရာ မင်စရာကို မုန်းစရာမလုပ်တဲ့အတွက်ဘဲ (မှန်ပါ့) စင်စစ်ကတော့ မုန်းစရာ၊ သဘောကျပလား (ကျပါပြီ ဘုရား)။
So, where does Insight (Vipassana) begin? U Khin Maung, we have only just found the true culprit! Throughout the entire Samsara, we have been starving and blindly clinging. We took phenomena that were essentially nothing, turned them into solid entities, and attached to them. Because of this, our entire journey through Samsara always ended with aging, sickness, and death. This happened strictly because we failed to see the things we cling to as objects of revulsion. (True, Sir). In reality, they are truly disgusting. Are you convinced? (Yes, we are, Sir).
ခင်စရာ မုန်းစရာဟာ စင်စစ်ကတော့ ဘာတုံး (မုန်းစရာပါ ဘုရား) ကြည့်ပါ၊ အာယတန ၁၂-ပါးသည် သဗ္ဗေ သင်္ခါရာ အနိစ္စထဲက မထွက်ဘူး (မှန်ပါ့) သဗ္ဗေ သင်္ခါရာ ဒုက္ခထဲကကော (မထွက်ပါ ဘုရား)။
Are these things to be clung to or, in reality, are they things to be disgusted by? (They are to be disgusted by, Sir). Look here! The twelve sense bases (Ayatanas) do not escape the truth of Sabbe Sankhara Anicca—that all conditioned things are impermanent. (True, Sir). Do they escape the truth of Sabbe Sankhara Dukkha—that all conditioned things are suffering? (They do not escape it, Sir).
အားလုံး သစ္စာဖွဲ့ရင် ဘာသစ္စာဖွဲ့မလဲ (ဒုက္ခသစ္စာဖွဲ့ပါမယ် ဘုရား) ဘယ့်မှာတုံး ကျုပ်တို့ ခင်စရာ မင်စရာ ဟုတ်ပါရဲ့လား (မဟုတ်ပါ ဘုရား)။
If we group all of them into the Noble Truths, which Truth do they belong to? (They belong to the Truth of Suffering, Dukkha Sacca, Sir). Where is the appeal? Are they really things to be clung to and attached to? (No, they are not, Sir).
အဲဒီ ခင်စရာ မင်စရာ မဟုတ်တာကို ကျုပ်တို့က တခါတည်း ခင်စရာ မင်စရာ လုပ်ပြီး သကာလ သမုဒယသစ္စာလာ၊ သမုဒယသစ္စာလာသောကြောင့် ခန္ဓာငါးပါးရ၊ ခန္ဓာငါးပါးရလို့ အို၊နာ၊သေနဲ့ တွေ့ရ၊ သေသွားပြန်တော့လဲ ခင်လျက် မင်လျက်တန်းလန်းနဲ့ အငတ်ကမပြေ၊ မပြေလို့ ရောက်ရာမှာ အာယတနတွေနဲ့ တွေ့ပြန်တော့လဲ ဘာဖြစ်ပြန်သတုံး (ခင်ပါတယ်) ခင်ပြန်တော့ ဘာရပြန်သလဲ (ခန္ဓာငါးပါးရပါတယ်) ခန္ဓာငါးပါးရပြန်တော့လဲ ဘာဖြစ်ပြန်သလဲ (အို၊နာ၊သေ တွေ့ပါတယ် ဘုရား)။
Even though they are not worthy of attachment, we treat them as things to be clung to. As a result, the Truth of the Origin of Suffering (Samudaya Sacca) arises. Because Samudaya Sacca arises, you get the Five Aggregates. Because you get the Five Aggregates, you face aging, sickness, and death. When you die, you pass away still clinging and attaching, your starvation unquenched. Because it is unquenched, wherever you end up, you encounter the sense bases (Ayatanas) again. And what happens then? (We cling to them, Sir). When you cling again, what do you get? (We get the Five Aggregates, Sir). When you get the Five Aggregates again, what happens? (We encounter aging, sickness, and death, Sir).
ဪ ဒါဖြင့် ခင်ဗျားတို့ သံသရာ၊ ကျုပ်တို့သံသရာ ဘယ်တော့များ ဆုံးစရာမြင်သေးသတုံး (မမြင်ပါ ဘုရား) အားကြီးနစ်နာပြီဆိုတာ သဘောပါပလား(ပါပါပြီ ဘုရား)။
Alas, in that case, do you see any end in sight for your Samsara and my Samsara? (We do not see an end, Sir). Do you grasp what a tremendous loss this is? (Yes, we do, Sir).
ခင်စရာ မင်စရာဟာ မူလအကြောင်းပဲ
ဒါဖြင့် ခင်စရာ မင်စရာဟာ မူလအကြောင်းပဲဆိုတာပေါ်လာကြပလား (ပေါ်လာပါပြီ) ဒါကို ဝိပဿနာရှုမှဘဲ ကိစ္စပြီးတော့တယ်ဆိုတာကော သဘောကျပလား (ကျပါပြီ ဘုရား)။
Has it become clear to you that the things you cling to and attach to are the root cause? (It has become clear, Sir). Are you convinced that the only way to end this business is to watch and observe them with Insight (Vipassana) Knowledge? (Yes, we are, Sir).
အဲ ဝိပဿနာအစ ခင်စရာ မင်စရာက စပြီးရှုရမယ် (မှန်ပါ့) ခင်ရာ မင်ရာကို ဝိပဿနာ စရလိမ့်မယ် (မှန်ပါ့) အဲဒီတော့ ခင်စရာ မင်စရာက ဝိပဿနာ စရမယ်ဆိုတော့ တီကောင်ကို ဆားနဲ့တို့သလိုလဲ ဖြစ်နေမှာစိုးရသေးတယ် (မှန်ပါ့)။
Therefore, Insight (Vipassana) must begin by observing the very things you cling to and attach to. (True, Sir). You must start your Vipassana on the objects of your clinging. (True, Sir). However, telling you to start Vipassana on the things you love and cling to makes me worry that you might react like an earthworm touched by salt! (True, Sir).
ကိုင်း ဒကာ ဒကာမတို့ ဝိပဿနာအစ ခင်စရာ မင်စရာက(မှန်ပါ့) ခင်စရာ မင်စရာကို စပြီးရှုရမယ် (မှန်ပါ့) သဘောပါကြပလား(ပါပါပြီ ဘုရား)။
So, Yogis, the beginning of Vipassana starts with the objects of clinging. (True, Sir). You must watch and observe the very things you cling to and attach to. (True, Sir). Do you grasp the meaning? (Yes, we do, Sir).
ကဲ နက်ဖြန်မှ စကြစို့။
Well then, let us begin this tomorrow.
သာဓု သာဓု သာဓု။
Sadhu! Sadhu! Sadhu!