တရားတော်

book-12309

တဏှာ,မာန,ဒိဋ္ဌိချုပ်တဲ့ပုဂ္ဂိုလ် ဘယ်သွားသတုံး

မာတိကာသို့

တဏှာ,မာန,ဒိဋ္ဌိချုပ်တဲ့ပုဂ္ဂိုလ် ဘယ်သွားသတုံး

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

မိုးကုတ်မြို့ မင်္ဂလာတိုက်၌ ဟောကြား ဆုံးမတော်မူသော

Delivered by the Most Venerable Agga Maha Pandita Mogok Sayadaw At Mingala Taik, Mogok Night Meditation Instruction (April 25, 1962) Vacchagotta (Aggi-Vacchagotta) Sutta

တဏှာ,မာန,ဒိဋ္ဌိချုပ်တဲ့ပုဂ္ဂိုလ် ဘယ်သွားသတုံး

ညအလုပ်ပေးတရားတော်

(၂၅-၄-၆၂)

အဂ္ဂိဝစ္ဆ

မနေ့ကဟောခဲ့တဲ့ တရားအဆက်မကုန်သေးဘူးတဲ့၊ အဂ္ဂိဝစ္ဆက တဏှာ, မာန, ဒိဋ္ဌိချုပ်တဲ့ပုဂ္ဂိုလ် ဘယ်သွား သတုံး-မသွားဘူးလားလို့ မေးတဲ့ အမေးပုစ္ဆာတွေမှာ ဘုရားက ဘယ်လိုမှ မပြောတော့ ဘယ်သွားတယ်လို့လဲ မဆိုနိုင်၊ မသွားဘူးလို့ မဆိုနိုင်၊ သွားချီတလှည့် မသွားချီတလှည့်လို့လဲ ငါမဆိုဘူး၊ မသွားသည်မဟုတ် သွားယောင်ယောင်လို့လဲ ငါမဆိုဘူး ဆိုတော့ သူဉာဏ်တုံးသွားတယ်လို့ဆိုတဲ့ အဖြေကို ဦးအောင်ဇံဝေ ပုဏ္ဏားကဘဲထွက်ပါတယ်နော် (မှန်ပါ့ ဘုရား)။

Today's teaching is a continuation of yesterday's sermon. Aggi-Vaccha asked the Buddha, "Where does a person whose Craving (Tanha), Conceit (Mana), and Wrong View (Ditthi) have ceased go? Do they not go anywhere?" To these questions, the Buddha replied, "I do not say they go somewhere. I do not say they do not go anywhere. I do not say they both go and do not go. I do not say they neither go nor do not go." Hearing this, Aggi-Vaccha's mind went entirely blank. As U Aung Zan Wai rightly pointed out, he was completely dumbfounded! (Yes, Sir).

ဉာဏ်တုံးသွားပြီတဲ့ သူမေးစရာမရှိတော့ဘူး နားမလည်တော့ဘူးဆိုတဲ့ မင်းဉာဏ်တုံးမှာဘဲတဲ့ သာမညကျမ်း စာနဲ့ သာမညဆရာသမားနဲ့ မရဘူးကွ၊ ပဋိစ္စသမုပ္ပါဒ်နားလည်မှရတယ်ကွာလို့ ဘုရားက မနေ့က အကျဉ်းချုပ် ဖြေ လိုက်တယ်၊ နိဗ္ဗာန်နားလည်ချင်ရင် ပဋိစ္စသမုပ္ပါဒ်နားလည်ရမယ်တဲ့ (မှန်ပါ့)။

His intellect hit a wall. He had no more questions; he simply could not understand. The Buddha told him in brief yesterday, "Your intellect has failed you. You cannot understand this through ordinary texts or ordinary teachers. You can only grasp this if you understand the Wheel of Dependent Origination (Paticcasamuppada)." To understand Nibbana, you must understand Dependent Origination. (True, Sir).

နိဗ္ဗာန် နားလည်ချင်ရင် ဘာတဲ့တုန်း (ပဋိစ္စသမုပ္ပါဒ်နားလည်ရပါမယ် ဘုရား)။

If you want to understand Nibbana, what must you understand? (We must understand Dependent Origination, Sir).

ဒုက္ခအစုကြီး ချုပ်သွားတယ်

ဒါ နားလည်ရမယ် သူချုပ်မှ၊ မင်းတို့ ပဋိစ္စသမုပ္ပါဒ် အဆုံးရွတ်ကြည့်ပါလား “ဒုက္ခက္ခန္ဓဿ နိရောဓော ဟောတိ” ဆိုတော့ ဒုက္ခအစုကြီး ချုပ်သွားတယ်ပြောတာ (မှန်ပါ့) မပါဘူးလား (ပါ ပါတယ် ဘုရား)။

You must understand this. Look at the very end of the Dependent Origination formula: "Dukkhakkhandhassa nirodho hoti." It means the entire mass of suffering ceases. Does it not? (Yes, it does, Sir).

”တဏှာနိရောဓာ ဥပါဒါနနိရောဓော” က-နေပြီး ရွတ်လိုက်လို့ရှိရင် နောက်ဆုံးပိတ် “ဒုက္ခက္ခန္ဓဿ နိရောဓော ဟောတိ” ဆိုတော့ ဒုက္ခအစုကြီး ချုပ်သွားတယ်လို့ပြောတာ (မှန်ပါ့ ဘုရား)။

If you recite the chain of cessation starting from "Taṇhā-nirodhā upādāna-nirodho" [With the cessation of Craving, Clinging ceases], the final conclusion is "Dukkhakkhandhassa nirodho hoti." This declares that the whole mass of suffering simply ceases. (True, Sir).

အဲဒီဒုက္ခတွေ ချုပ်သွားတယ်လို့ပြောတော့ ပဋိစ္စသမုပ္ပါဒ်နားလည်တဲ့ ပုဂ္ဂိုလ်ကျတော့ ဪ နိဗ္ဗာန်ဆိုတာ ဒုက္ခအစုချုပ်သွားတာကိုးလို့ မှတ်လိုက်ရုံဘဲ။

Therefore, for a person who truly understands Dependent Origination, they can simply note: "Oh! Nibbana is just the cessation of the mass of suffering."

ဒုက္ခအစု ဘယ်သူတုံးလို့ မောင်အောင်ချီတို့က မေး၊ ဦးဘသန်းတို့က မေးလို့ရှိရင်ဖြင့် ခန္ဓဟာ ဒုက္ခအစုဘဲ (မှန်ပါ့ ဘုရား) “သံခိတ္တေန ပဉ္စုပါဒါနက္ခန္ဓာ ဒုက္ခာ” ကိုး (မှန်ပါ့) အဲဒီတော့ ခန္ဓာဟာ ဒုက္ခအစုဘဲ၊ ဒီဒုက္ခအစုကြီး ချုပ်သွားတယ်လို့ ပြောတာဘဲ။

If Maung Aung Chi or U Ba Than were to ask, "What exactly is this mass of suffering?" The answer is that the Aggregates (Khandhas) themselves are the mass of suffering. (Yes, Sir). As the Buddha stated, "Samkhittena pancupadanakkhandha dukkha" [In short, the five clinging-aggregates are suffering]. Thus, the Khandhas are the mass of suffering, and it is this very mass of suffering that ceases to exist.

ဒုက္ခအစုချုပ်တာ ဘာခေါ်ကြမလဲ နိဗ္ဗာန်ဘဲ ခေါ်ကြ (မှန်ပါ့ ဘုရား)။

What should we call the cessation of the mass of suffering? Call it Nibbana. (Yes, Sir).

နောက်က ဒကာ ဒကာမတွေ ဒုက္ခအစုချုပ်တာ ဘာခေါ်ကြမလဲ (နိဗ္ဗာန်ပါ ဘုရား) နိဗ္ဗာန် မှတ်ထားလိုက် (မှန်လှပါ ဘုရား)။

Yogis at the back, what do we call the cessation of the mass of suffering? (It is Nibbana, Sir). Mark this as Nibbana. (Well noted, Sir).

ဪ နိဗ္ဗာန်ဆိုတာ ဒုက္ခအစုအဝေးကြီး ချုပ်သွားတာ နိဗ္ဗာန်ဆိုတာကိုးလို့ မှတ်ထားလိုက်လို့ရှိရင် ပြီးတာဘဲ (မှန်လှပါ ဘုရား)။

If you can firmly grasp the realization, "Oh, Nibbana is simply the complete cessation of this great mass of suffering," then your understanding is complete. (Yes, Sir).

ဒါနဲ့ ဘုရားက မင်း ဉာဏ်တုံးပေမဲ့ကွာ ငါ ဥပမာကလေးနဲ့ ဟောပါဦးမယ်ဆိုပြီး အဂ္ဂိဝစ္ဆပုဏ္ဏားဘဲ ဦးဘသန်း ဟောပြန်တယ်နော် (မှန်ပါ့)။

However, the Buddha saw Aggi-Vaccha's confusion and said, "Though your intellect has hit a wall, I will explain it to you using an analogy." U Ba Than, the Buddha gave Aggi-Vaccha an analogy. (Yes, Sir).

လောင်စာရှိလို့လောင်တာပါ

ကဲကွာ အရှေ့ဘက်မှာ မီးတွေ လောင်နေတယ်တဲ့ မင်းကြည့်စမ်းတဲ့ ဥပမာပြတယ် (မှန်ပါ့) မြင်ပြီဘုရားတဲ့။ ဟော ဘာဖြစ်လို့ လောင်သတုံးကွဆိုတော့ လောင်စာရှိလို့လောင်တာပါဘုရားတဲ့။

The Buddha pointed out, "Look here, there is a fire burning in front of you." Aggi-Vaccha replied, "I see it, Venerable Sir." "Now, why is it burning?" The Brahmin answered, "It is burning because there is fuel, Venerable Sir."

အေးဟုတ်ပြီ၊ လောင်စာရှိလို့ လောင်တာပေါ့တဲ့၊ မီးဘယ်နှယ့်ကြောင့် မငြိမ်းသတုံးမေးရင် ဘယ့်နှယ့်ဖြေကြ မတုံး (လောင်စာရှိလို့ မငြိမ်းတာပါ ဘုရား)။

"Exactly. It burns because there is fuel. If I ask why the fire isn't going out, how would you answer?" (It does not go out because there is fuel, Sir).

လောင်စာရှိလို့ မငြိမ်းတာဘဲ၊ တောက်နေတဲ့မီး မငြိမ်းတာဟာ (လောင်စာရှိလို့ မငြိမ်းတာပါ ဘုရား)။

Indeed, it doesn't extinguish because there is fuel. A blazing fire fails to go out... (Because there is fuel, Sir).

ဒီမှာလဲတဲ့ ခန္ဓာကြီးရှိနေလို့ရှိရင် ကိလေသာနဲ့တကွ ဆဲ့တမီးကလောင်နေတာဘဲ (မှန်ပါ့) ငြိမ်းပါ့မလား (မငြိမ်းပါ ဘုရား)။

The Buddha explained, "In the exact same way, as long as this Khandha exists, the eleven fires of Defilements (Kilesa) will keep burning." (True, Sir). Will they ever go out? (No, they will not, Sir).

ခန္ဓာနဲ့ မီးနဲ့က မောင်အောင်ချီတို့ နောက်က ဒကာ ဒကာမတွေ တွဲလျက်ကြီးဖြစ်နေတယ် (မှန်ပါ့) လောဘ ဒေါသ မောဟ သောက ပရိဒေဝ ဒုက္ခ ဒေါမနဿ ဥပါယာသဇာတိ ဇရာ မရဏ (၁၁)ပါး (မှန်ပါ့)။

Maung Aung Chi, and you Yogis at the back, the Khandha and the fire are inseparably bound together! (True, Sir). These are the eleven fires: Greed, Anger, Delusion, Sorrow, Lamentation, Pain, Grief, Despair, Rebirth, Aging, and Death. (Yes, Sir).

အဲဒီဆယ့်တမီးက ဦးဘသန်း ခန္ဓာထဲ ရှိနေတယ် (မှန်ပါ့ ဘုရား) ခန္ဓာထဲ ရှိနေတော့ ခန္ဓာက ထင်း၊ သူက မီး ဆိုတော့ လောင်မနေပေဘူးလား (လောင်နေပါတယ် ဘုရား)။

U Ba Than, these eleven fires reside right inside the Khandha. (True, Sir). Since they reside within the Khandha, the Khandha acts as the firewood, and they act as the fire. So, isn't it constantly burning? (It is burning, Sir).

အဲဒါကြောင့် ဦးအောင်ဇံဝေတို့ အလုပ်-လုပ်ခဲ့တာ ဘာဖြစ်လို့တုန်း ငွေလိုချင်လို့ပေါ့ဘုရား၊ မရတော့ ဘာ ဖြစ်သတုန်း ဒေါသဖြစ်တာပေါ့ဘုရား၊ ဒေါသဖြစ်တော့ ဘာဖြစ်သတုန်း သောကပရိဒေဝဖြစ်တာပေါ့ဆိုတော့ ဦးဘသန်း တို့လဲ ရှေ့နေလိုက်တုန်းက ဒီလ ငွေဝင်နည်းတယ်ဆိုလို့ရှိရင်ဖြင့် လောဘ ဒေါသ ဖြစ်လာတာဘဲ (ဖြစ်ပါတယ် ဘုရား)။

Take U Aung Zan Wai, for example. Why do you go to work? "Because I want money, Sir." What happens if you don't get it? "I get angry (Dosa), Sir." And when anger arises, what follows? "Sorrow and lamentation follow, Sir." Similarly, when U Ba Than was practicing law, if the income was low for the month, the fires of Greed (Loba) and Anger (Dosa) would flare up. (They do, Sir).

ခန္ဓာထဲမှာ ဒီမီးတွေ ရှိနေတယ်

ဘယ်ထဲက ဖြစ်တာတုန်း ခန္ဓာထဲက ဖြစ်တာ၊ ခန္ဓာထဲမှာ ဒီမီးတွေ ရှိနေတယ်ဆိုတာ မသေချာဘူးလား (သေချာပါတယ် ဘုရား)။

Where do these fires originate? They arise from within the Khandha. It is an undeniable fact that these fires reside directly inside the Khandha. Is it not certain? (It is certain, Sir).

ဒီမီးကလဲ မောင်အောင်ချီ ဘယ်သူ့လောင်မှာတုန်း မေးရင် ဘယ်နှယ့်ဖြေပါ့မလဲ (ခန္ဓာလောင်မှာပါ) ဒီခန္ဓာ လောင်မယ်၊ မီးနဲ့ တွဲနေတာကို (မှန်ပါ့ ဘုရား) ရှင်းပလား (ရှင်းပါပြီ ဘုရား)။

Maung Aung Chi, if we ask, "What is this fire burning?" how would you answer? (It is burning the Khandha, Sir). Yes, it will burn this Khandha, because the fire and the Khandha are bound together. (True, Sir). Is that clear? (Yes, it is, Sir).

ဪ ဒါဖြင့် ဒကာ ဒကာမတွေမှာ (၁၁)မီးနဲ့ ခန္ဓာငါးပါးနဲ့ တွဲပြီး သကာလ နေတော့ သွားနေလဲ လောင်လျက်ဘဲ၊ အိပ်နေကော (လောင်လျက်ပါ) အိပ်နေတော့ ဇာတိ ဇရာ မရဏက လောင်လျက်ဘဲ (မှန်ပါ့)။

Ah! Therefore, as long as you Yogis live with the Five Aggregates bound to these eleven fires, you will be burning while walking. And what about when you are sleeping? (Burning as well, Sir). Even while sleeping, the fires of Rebirth (Jati), Aging (Jara), and Death (Marana) are relentlessly burning you. (True, Sir).

သွားလာနေတဲ့အခါ လောဘမီး ဒေါသမီးက လောင်လျက်ဘဲ (မှန်ပါ့) မေ့လျော့နေတော့ မောဟမီးက လောင် လျက်ဘဲ (မှန်ပါ့ ဘုရား)။

When you are moving about, the fires of Greed and Anger are burning. (True, Sir). When you are forgetful and unmindful, the fire of Delusion (Moha) is burning. (True, Sir).

သားတွေ, သမီးတွေ, လူငယ်ကလေးတွေဘက် လျှောက်တွေးလိုက်တဲ့အခါ သောက ပရိဒေဝမီးက လောင်လျက် ဘဲ (မှန်ပါ့)။

When your thoughts wander towards your sons, daughters, and the younger ones, the fires of Sorrow and Lamentation are burning. (True, Sir).

ဒါဖြင့် မင်းတို့ အိပ်နေလဲ မလွတ်ပါလား (မှန်ပါ့ ဘုရား) ထိုင်နေကော (မလွယ်ပါ ဘုရား) သွားနေကော (မလွတ်ပါ ဘုရား)။

So, are you free from this even when you are asleep? (No, we are not, Sir). What about when sitting? (No escape, Sir). When walking? (No escape, Sir).

အင်း မီးနဲ့ လောင်စာနဲ့ဟာဖြင့် ငြိမ်းကို မငြိမ်းသေးပါလားလို့ဆိုတော့ နောက်တဘဝ ပြောင်းပြန်လဲ သူပါ သွားပြန်တာဘဲ (မှန်ပါ့)မတွဲဘူးလား (တွဲပါတယ်) တွဲတော့ ဘာဖြစ်သတုံး (လောင်ပါတယ် ဘုရား) လောင်နေတာဘဲ။

Indeed, the fire and the fuel show no signs of extinguishing. Even when you transition to the next life, the fire follows you. (True, Sir). Are they not attached? (They are attached, Sir). Since they are attached, what happens? (They burn, Sir). Yes, they keep burning.

ဒါဖြင့် ခင်ဗျားတို့ ဟိုဘဝ-ဒီဘဝကူးကြ, သန်းကြ, ရောက်ကြတယ်ဆိုတာက အင်း နာမည်သာ ပြောင်းသွား တယ်၊ လူရယ် - နတ်ရယ် - ဗြဟ္မာရယ် - တိရစ္ဆာန်ရယ်လို့ ပြောင်းသွားတယ်၊ ဒီလောင်စာနဲ့ မီးနဲ့ တွဲလျက်နေတာ ကတော့ မထူးဘူး(မှန်ပါ့) ထူးသေးသလား (မထူးပါ ဘုရား)။

Therefore, when you say you cross over, migrate, and arrive from one life to another, it is merely a change of names. You change labels from human to deva, to brahma, to animal. But the fundamental reality of the fuel being bound to the fire never changes. (True, Sir). Does it make any difference? (It makes no difference, Sir).

** သမုတိဒေသနာနည်းဖြင့် လူတွေ နားလည်အောင် သုံးစွဲခြင်းဖြစ်သည်။

(Note: These terms are used in conventional truth so people can understand).

လောင်စာနဲ့ မီး တွဲလျက်

လောင်စာနဲ့ မီး တွဲလျက်နေတာကတော့ (မထူးပါ ဘုရား) မထူးပါဘူးတဲ့၊ ဒါဖြင့် မီး ဘယ်တော့မှ မငြိမ်း ဘူးပေါ့ (မငြိမ်းပါ ဘုရား)။

The state of fuel and fire being bound together makes no difference. (No difference, Sir). If so, the fire will never be extinguished. (It will never be extinguished, Sir).

ဘယ်လောက်ကြာကြပြီတုံး ဒီလောင်စာနဲ့ မီး တွဲပြီးလာခဲ့ကြတာ ဘယ်လောက်ကြာပြီတုံးမေးတော့ ငါဘုရား တောင်မှ အစရှာမတွေ့ဘူးတဲ့၊ ကြာလှပြီပြောတာ (မှန်ပါ့)။

How long has this been going on? How long have this fuel and fire been bound together? The Buddha declared, "Even I cannot find the beginning." That means it has been an incredibly long time. (True, Sir).

ငါဘုရားလဲဘဲ ဉာဏ်တော်ကြီးနဲ့ ရှာတာတောင်မှ အစမတွေ့ပါဘူးကွာ တဲ့၊ သတ္တဝါတဦးတဦးရဲ့ အစလေ (မှန်လှပါ ဘုရား)။

The Buddha said, "Even with my supreme Omniscience, I cannot trace the origin of a single being." (True, Sir).

လောင်စာနဲ့မီး တွဲပြီး သကာလ နေတာကဖြင့် ရှည်လှပါပေါ့၊ နောက်က ဒကာ ဒကာမတွေမှတ်ထား (မှန်ပါ့ ဘုရား) လောင်စာနဲ့မီး တွဲပြီးနေတာကဖြင့် (ရှည်လှပါပြီ) ရှည်လှပါပြီလို့ သေသေချာချာမှတ်ကြပါ၊ ရှင်းကြပလား (ရှင်းပါပြီ ဘုရား)။

The duration of fuel and fire being bound together is immensely long. Yogis at the back, mark this well. (Well noted, Sir). The time the fuel and fire have been bound together is... (Immensely long, Sir). Yes, remember this with absolute certainty. Is it clear? (It is clear, Sir).

ဒါနဲ့ ပုဏ္ဏားကို ဥပမာနဲ့ပြတယ်၊ ဒါက ကြားဖြတ်တရားဟောလိုက်တာ (မှန်ပါ့)။

And so, the Buddha presented the analogy to the Brahmin. This is an impromptu elaboration on the Dhamma. (Yes, Sir).

ပုဏ္ဏား အရှေ့က မီးတွေလောင်နေတယ်ကွာ၊ ဘာဖြစ်လို့မငြိမ်းတာပါလိမ့်မလဲ မေးတဲ့အခါကျတော့ ပုဏ္ဏားက လောင်စာရှိနေလို့ မငြိမ်းသေးဘူး (မှန်ပါ့) လောင်စာရှိနေလို့ မငြိမ်းသေးတာဘဲဆိုတာကော သဘောကျလား (ကျပါ ပြီ ဘုရား)။

"Brahmin, fires are burning in front of you. Why do you think they haven't gone out?" The Brahmin replied, "They haven't gone out because there is still fuel." (True, Sir). Do you agree that it hasn't gone out because there is fuel? (Yes, we agree, Sir).

ဒါဖြင့် လောင်စားများ နောက်ထပ် ထည့်နေလို့ရှိရင် ဦးအောင်ဇံဝေ ဘယ်နှယ့်ဆိုမလဲ (ဆက်လောင်ပါတယ် ဘုရား) သာ၍ မငြိမ်းတာပေါ့ (မှန်ပါ့)။

U Aung Zan Wai, what would you say if more fuel was continuously added? (It would keep burning, Sir). It would be even further from going out. (True, Sir).

လောင်စာများထည့်နေကြတယ် (ဆက်လောင်ပါတယ်) ပိုပြီး မငြိမ်းမှာဘဲ၊ မီးသက်ရှည်မှာဘဲ (မှန်ပါ့)။

If people keep adding fuel... (It will keep burning, Sir). It certainly won't go out; the fire's lifespan will only be prolonged. (True, Sir).

အဲဒီတော့ ဒကာ ဒကာမတွေက လူ့ဘဝမှ စုတေမနေ သေလွန်ရရင် နောက်ဘဝ နတ်ခန္ဓာ-ဗြဟ္မာခန္ဓာ- စြက်ာဝတေးမင်းခန္ဓာ လူချမ်းသာ-သူဋ္ဌေးသူကြွယ်ခန္ဓာ ဖြစ်ရပါလို၏ဆိုရင် ထင်းပြန်ထည့်နေတာ (မှန်ပါ့)။

Now, consider this. When you Yogis pray, "When I pass away from this human realm, may I be reborn with the Khandha of a Deva, a Brahma, a Universal Monarch, or a wealthy person," you are simply throwing more firewood into the fire! (True, Sir).

ဘာဖြစ်တယ်ထင်သတုံး (ထင်းပြန်ထည့်တော့ လောင်မှာပါဘဲ) ထင်းပြန်ထည့်တာ (မှန်ပါ့) ထင်းအဖြစ် ပြန်ဆုတောင်းတော့ ကိလေသာက မငြိမ်းလို့ တောင်းတာကိုး (မှန်ပါ့)။

What do you think will happen? (Adding more firewood will just make it burn, Sir). Yes, you are adding firewood. (True, Sir). Praying to become firewood again means you are praying because your defilements (Kilesa) haven't been extinguished. (True, Sir).

ထင်းကုန်လို့ ထင်းထည့်တာ

အဲဒီတော့ ကိလေသာမငြိမ်းလို့တောင်းတော့ ကိလေသာနဲ့ မီးနဲ့ သွားမတွဲပေဘူးလား (တွဲပါတယ် ဘုရား)။

Because you pray out of unextinguished defilements, doesn't that bind the defilements and the fire together? (It does, Sir).

ဒါဖြင့် ဆုတောင်းမှားသမားတွေဖြင့် ထင်းကုန်လို့ ထင်းထည့်တာနဲ့တူနေပြီ၊ မီးတော့မသေသေးဘူး (မှန်ပါ့)။

Therefore, those who make wrong prayers are acting exactly like someone who adds more firewood just as it's about to run out. The fire hasn't died yet! (True, Sir).

အိုတော့ အိုပြီ သေရတော့မှာဘဲ၊ နောက်ဘဝဖြင့် နတ်ခန္ဓာဖြစ်ရပါလို၏ဆိုတော့ မောင်အောင်ချီ ဘာပြန် ထည့်တာထင်သတုန်း (ထင်းပြန်ထည့်တာပါ) အရင်မီးက သေပလား (မသေသေးပါ ဘုရား)။

You are already old and about to die. If you say, "May I attain the Khandha of a Deva in my next life," Maung Aung Chi, what are you adding? (Adding firewood, Sir). Has the previous fire died out? (Not yet, Sir).

အမယ်လေး မိုက်လိုက်တဲ့ဖြစ်ခြင်းကို နောက်က ဒကာ ဒကာမတွေ ပြောလို့ရှိရင် ပြောတာက ကြီးသလား မိုက်ချက်က ပိုသလား (မိုက်ချက်က ပိုပါတယ် ဘုရား) ဦးဘသန်း ဘယ့်နှယ်ထင်သတုန်း (မိုက်ချက်က ပိုပါတယ် ဘုရား)။

Oh, what sheer foolishness! Yogis at the back, if I have to point this out, is your age greater, or is your foolishness greater? (Our foolishness is greater, Sir). U Ba Than, what do you think? (The foolishness is far greater, Sir).

မိုက်ချက်က ပိုတယ်၊ ထင်းကုန်ထင်းထည့်၊ မီးကုန် မီးထည့် ဖြစ်နေတာကိုး (မှန်ပါ့)။

The foolishness is indeed greater. You are running out of firewood, so you add more. You are running out of fire, so you add more fire. (True, Sir).

မီးငြိမ်းသွားမယ် ကျန်ရင် မီးပြန်ဖြည့်၊ မီးသေမည့်ကျန် ထင်းပြန်ထည့်ဆိုတော့ လှညွန့်တို့ ဘယ့်နှယ်နေကြပါ့ မတုံး၊ ဘယ်တော့မှ မီးဟုန်းဟုန်းဇာတ်ဟာ သိမ်းပါ့မလဲ၊ (မသိမ်းပါ ဘုရား) ရှင်းပလား (ရှင်းပါပြီ ဘုရား)။

Hla Nyunt, if you keep adding fire when it’s about to go out, and adding firewood when the fire is about to die, how will this end? Will the blazing, roaring spectacle of fire ever be terminated? (No, it will not, Sir). Is it clear? (It is clear, Sir).

အဲဒါကြောင့် ဒကာ ဒကာမတွေကို ပြောရတယ်၊ ဘယ်ဘဝကိုမှ ဆုမတောင်းနဲ့နော် (မှန်ပါ့) ဘယ်ဘဝမှ ဆုမတောင်းကြပါနဲ့ ထင်းထည့်တာ သက်သက်ပါဘဲ၊ တောင်းတာကမီး၊ ဖြစ်လာတာက ထင်း၊ ထင်းနဲ့မီး သွားတွဲတာဘဲ (လောင်မှာပါ ဘုရား) လောင်မှာဘဲ။

Therefore, I strongly discourage you Yogis: Do not pray for any existence! (Yes, Sir). Do not pray for any existence whatsoever. It is purely the act of adding firewood. What you pray with is the fire; what you become is the firewood. The firewood and the fire will inevitably bind together. (It will burn, Sir). Yes, it will burn.

အခု ငြိမ်းပလား (မငြိမ်းသေးပါ ဘုရား) နောက်တောင်းတဲ့ ပုဂ္ဂိုလ်က ထင်းရှာထည့်ပြန်တာဘဲ (ပိုလောင်ပါ တယ် ဘုရား) ပိုပြီး ဒီမီးမငြိမ်းအောင်လုပ်တာဘဲ (မှန်ပါ့) ရှင်းပလား (ရှင်းပါပြီ) ဦးဘသန်း ပေါ်ပလား (မှန်ပါ့)။

Has it gone out now? (Not yet, Sir). The person who makes a prayer for the next life is just seeking out and adding more firewood. (It will burn even more, Sir). They are actively working to ensure this fire never goes out. (True, Sir). Is it clear? (It is clear). U Ba Than, do you see it? (Yes, Sir).

ကဲ ဘယ်လောက် ခင်ဗျားတို့ ဆရာကောင်း, သမားကောင်းနဲ့ မတွေ့ဘူးသာဆိုရင် ဘယ်လောက် ထိအောင် နစ်နာမယ်ဆိုတာ အခု ပြောလိုက်တော့မှ ပိုသိသွားတယ်၊ ဪ ဒို့အလွဲအချော်တွေဟာ ထင်းရှာတဲ့အလုပ်တွေပါ ကလား၊ မပေါ်လာဘူးလား (ပေါ်လာပါတယ် ဘုရား)။

Now, imagine the immense loss you would have suffered if you had not met a good teacher! I have explained it now, so you see it more clearly. You realize, "Ah, our misguided actions have just been the task of gathering firewood!" Isn't it obvious now? (It is obvious, Sir).

နောက်က ဒကာဒာမတွေ ဘာရှာတဲ့အလုပ်တွေတုံး (ထင်းရှာတာပါ ဘုရား) ထင်းရှာတဲ့အလုပ်တွေ (မှန်ပါ့)။

Yogis at the back, what kind of task has it been? (Gathering firewood, Sir). Yes, it is the task of gathering firewood. (True, Sir).

ဘယ်တော့ငြိမ်းပါ့မလဲ

လူဖြစ်ရပါလို၏၊ အခု မီးမှ မငြိမ်းသေးခင်က နောက်ထင်းရှာပြန်ပြီ၊ နတ်ဖြစ်ရပါလို၏ ဆိုတော့ အခု မီး ငြိမ်းပလား (မငြိမ်းသေးပါ ဘုရား) အခု လောင်နေဆဲတောင်းတာ (မှန်ပါ့ ဘုရား) တော်တော်ကြာ ကျတော့ ထင်းပြန် ထည့်တဲ့ အဓိပ္ပါယ်ဘဲ ရောက်တာဘဲ ဘယ်တော့ငြိမ်းပါ့မလဲ (မငြိမ်းပါ ဘုရား)။

"May I be reborn as a human!" Before the current fire has even gone out, you are already looking for the next batch of firewood. "May I be reborn as a deva!" Has the fire gone out now? (Not yet, Sir). You are making this prayer while it is still burning! (True, Sir). Soon enough, it means you are just throwing in more firewood. When will it ever go out? (It will never go out, Sir).

အဲဒီတော့ ဘုရားသခင်ကိုယ်တော်မြတ်ကြီးက အလွန်သနားတယ်၊ မိုက်လိုက်တဲ့ဘဝ ဒီအတိုင်းနေ ငြိမ်းသွား မှာဘဲ ဟင် (မှန်ပါ့) ဆုမတောင်းဘဲနေရင် (ငြိမ်းသွားမှာပါ ဘုရား) ငြိမ်းသွားမယ်၊ ဆုတောင်းတဲ့ တဏှာမလာရင် ငြိမ်းသွားမယ် (မှန်ပါ့ ဘုရား) အခုတော့ ဆုတောင်းတဲ့တဏှာ လာနေတာနဲ့ဘဲ ဘယ်တော့မှ မငြိမ်းဘဲဖြစ်နေတယ်၊ ထင်းချည့်ရှာထည့်နေတယ် (မှန်ပါ့) မဆိုးဝါးဘူးလား (ဆိုးဝါးပါတယ် ဘုရား)။

Therefore, the Exalted Buddha felt profound compassion. Look at this foolish existence! If you just let it be, it would go out on its own. Right? (True, Sir). If you refrain from praying... (It will go out, Sir). It will extinguish! If the Craving (Tanha) that prays does not arise, it will extinguish. (True, Sir). But now, because the Craving to pray keeps arising, it never goes out. You are exclusively seeking and adding firewood. (True, Sir). Isn't that terrible? (It is terrible, Sir).

အဲဒါ နားကြီးကြီးနဲ့ထောင်ကြည့်လို့ အခု သစ္စာနားလည်တဲ့ ဉာဏ်နားနဲ့ ထောင်ကြည့်တော့မှ ဪ ခန္ဓာကြီးက ဒုက္ခသစ္စာ၊ နောက်တောင်းတာလဲ ဒုက္ခသစ္စာ၊ ဒုက္ခသစ္စာက ထင်း၊ တောင်းတာက ကိလေသာမီး မဟုတ်ဘူးလား (မှန်ပါ့ ဘုရား) ကိလေသာမီးနဲ့ ထင်းနဲ့ တွဲပေးပြန်တာပဲ၊ မဆိုနိုင်ဘူးလား (ဆိုနိုင်ပါတယ် ဘုရား)။

Listen to this very carefully. When you listen with the ears of Insight that understand the Truth (Sacca), you realize: "Ah, this Khandha is the Truth of Suffering (Dukkha Sacca). What I pray for is also the Truth of Suffering. The Truth of Suffering is the firewood, and the Craving that prays is the fire of Defilements!" (True, Sir). You are just binding the fire of defilements together with the firewood once again. Can we not say that? (We can, Sir).

ကဲ ဒါ အသာထားပါတော့ ထင်းသစ်ရှာတာ အသာထားပါတော့ မောင်အောင်ချီ အခုငြိမ်းပလားလို့မေးရင် (မငြိမ်းသေးပါ ဘုရား)။

Well, let us set aside the search for new firewood for a moment. Maung Aung Chi, if I ask you, "Has the fire gone out now?" (Not yet, Sir).

မငြိမ်းခင်ကတည်းကထင်းအသစ်ရှာထားတယ်ဆိုတော့ လှညွန့်တို့ ဒီလွတ်ဘို့ရာတော့ ရှာမတွေ့တော့ဘူး (မှန်ပါ့-မတွေ့ပါ) ဦးဘသန်း တွေ့သေးသလား (မတွေ့ပါ ဘုရား) နောက်က ဒကာ ဒကာမတွေ (မတွေ့ပါ ဘုရား) အားကြီး မဆိုးဝါးဘူးလား (ဆိုးဝါးပါတယ် ဘုရား)။

If you are already looking for new firewood before the current fire has even gone out, Hla Nyunt, there is no way to find liberation. (True, we cannot find it, Sir). U Ba Than, do you see any way out? (No, Sir). Yogis at the back? (No, Sir). Isn't this utterly terrible? (It is terrible, Sir).

အဲဒါ သေသေချာချာမှတ်လိုက်စမ်းပါ ဪ ဒို့ဟာဖြင့် မသိတောင်း-တောင်းနေတဲ့ ဆုတွေဟာဖြင့် မီးမငြိမ်း အောင် လုပ်တဲ့အလုပ်ပါကလား၊ ပေါ်လာပြီ (မှန်ပါ့) ဘာတုံး (မီးမငြိမ်းအောင်လုပ်တဲ့ အလုပ်တွေပါ ဘုရား)။

Mark this very clearly in your minds. "Oh, these ignorant prayers of ours are exactly the actions that ensure the fire never goes out!" It is clear now. (True, Sir). What kind of actions are they? (Actions that keep the fire from going out, Sir).

မီးဝတ်ပြုတဲ့လူနဲ့တူနေတယ်

မီးမငြိမ်းအောင်လုပ်တဲ့အလုပ်တွေဆိုတော့ မီးဝတ်ပြုတဲ့လူနဲ့တူနေတယ် (မှန်ပါ့) မီးဆိုတာ ဝေးဝေး ရှောင်ရမှာ၊ ဝေးဝေးရှောင်ရမှာ သူက ထင်းတွေချည့် ထည့်ပေးနေတော့ ဦးဘသန်းသွားပြီ (မှန်ပါ့) ဘယ်တော့ ဒီမီးဟာ လောင်စာ သိမ်း၍ မီးငြိမ်းမလဲ (ဘယ်တော့မှ မငြိမ်းပါ ဘုရား)။

Since these are actions that prevent the fire from extinguishing, you are acting just like a fire-worshipper! (True, Sir). Fire is something you must stay far away from. You must avoid it entirely. Yet, if you keep continuously feeding it firewood, U Ba Than, you are doomed. (True, Sir). When will this fuel ever run out and the fire go out? (It will never go out, Sir).

ဒီနေရာမှာ စကားကလေး မှတ်လိုက်စမ်းပါ၊ အားလုံး ဒကာ ဒကာမတွေက နိဗ္ဗာန်ဆိုတာ လောင်စာသိမ်း၍ မီးငြိမ်းတာမှ နိဗ္ဗာန် (မှန်ပါ့)။

Note this statement carefully right here. All you Yogis, Nibbana is only realized when the fuel is exhausted and the fire is extinguished. (True, Sir).

နိဗ္ဗာန်ဆိုတာ (လောင်စာသိမ်း၍ မီးငြိမ်းတာမှ နိဗ္ဗာန်ပါ ဘုရား)။

What is Nibbana? (Nibbana is when the fuel is exhausted and the fire is extinguished, Sir).

အဲ လောင်စာသိမ်းဆိုတော့ ခန္ဓာမလာတာနော် (မှန်ပါ့) မီးသိမ်းတယ်ဆိုတာက ကိလေသာမလာတာ (မှန်ပါ့ ဘုရား)။ လောင်စာသိမ်း၍ မီးငြိမ်းမှဘာတုံး (နိဗ္ဗာန်ပါ ဘုရား) နိဗ္ဗာန်ဆိုတော့ အခု မသိတဲ့ ဒကာ ဒကာမတွေမှာ သစ္စာမသိတဲ့ ဒကာ ဒကာမတွေမှာ လောင်စာရှာလိုရှာ, မီးကို တိုးအောင်လုပ်လိုလုပ်၊ ဟင် (မှန်ပါ့)။

"Exhausting the fuel" means the Khandha does not arise again. (True, Sir). "Extinguishing the fire" means the Defilements (Kilesa) do not arise again. (True, Sir). What happens when the fuel is exhausted and the fire is extinguished? (It is Nibbana, Sir). It is Nibbana. But right now, for ignorant Yogis—Yogis who do not know the Truth (Sacca)—they willingly search for fuel and actively try to make the fire grow! (True, Sir).

မီးကို တိုးအောင်လုပ်လိုက်၊ လောင်စာရှာထည့်ဆိုတော့ နောက်က ဒကာ ဒကာမတွေ မိုက်ချက်သန်တာ မပေါ်သေးဘူလား (ပေါ်ပါပြီ ဘုရား)။

Actively making the fire grow and seeking out fuel to add—Yogis at the back, doesn't the sheer intensity of this foolishness stand out? (It clearly stands out, Sir).

ဦးအောင်ဇံဝေ ဒီဟာကလေးက နားကြီးမှ ရတယ်ဆိုတာကော မပေါ်သေးဘူးလား (ပေါ်ပါပြီ ဘုရား) နားကြီးမှ ရတယ် ဦးဘသန်း,ရရင် (မှန်ပါ့)။

U Aung Zan Wai, isn't it obvious now that you can only grasp this if you listen with deep Insight? (It is obvious, Sir). You must listen deeply, U Ba Than, to get this. (True, Sir).

နားသေးသေးနဲ့ဆိုရင် ဒို့ဟာတွေ အတော်ဆက်နေပါပေါ့လား၊ ဘယ်နှယ့်တုန်း ဘုန်းကြီးပြောတာနဲ့ဆိုရင် ဒို့မှာ အခက်ကြီးပါလားဆိုပြီး သကာလ သူတို့ဟာသူတို့ အဟုတ်ထင်နေမယ်ဆိုရင် ထင်းရှာတာကို အဟုတ်ထင်နေတာဘဲ (မှန်ပါ့ ဘုရား) မဆိုးဝါးဘူးလား (ဆိုးဝါးပါတယ် ဘုရား) အဲ မသိဆိုးဝါးဆိုတာ ပေါ်ပြီလား (ပေါ်ပါပြီ ဘုရား)။

If you listen with a shallow mind, you might think, "Oh, our prayers have been quite consistent! But what the monk says makes it seem like we are in big trouble." If they still firmly believe they are right, then they are firmly believing that gathering firewood is the right thing to do! (True, Sir). Isn't that terrible? (It is terrible, Sir). Has the danger of ignorant foolishness become clear? (It is clear, Sir).

မသိတာက အဝိဇ္ဇာ၊ ဆိုးဝါးတာက ဒုက္ခသစ္စာရှာတာ ထင်းရှာတာ (မှန်ပါ့)။

Not knowing is Ignorance (Avijja). What makes it terrible is that you are actively seeking the Truth of Suffering (Dukkha Sacca). You are gathering firewood! (True, Sir).

ပုဏ္ဏားကိုမေးလိုက်တယ်

ကဲဒါဖြင့် ပုဏ္ဏားကိုမေးလိုက်တယ်၊ ဟေ့ တဲ့ မီးတွေတောက်နေတယ်ကွ တဲ့၊ အရှေ့ဘက်ရော, အနောက်ဘက် ရော, မြောက်ဘက်ရော, တောင်ဘက်ရော တောက်နေတယ်ကွ၊ အဲဒါဘယ်နှယ့်ကြောင့် လောင်သတုန်းတဲ့၊ အို လောင်စာ တွေရှိလို့ လောင်တာပေါ့တဲ့ (မှန်ပါ့)။

So, the Buddha asked the Brahmin, "Hey, fires are blazing everywhere! They are burning in the east, the west, the north, and the south. Why are they burning?" The Brahmin replied, "Oh, they are burning because there is fuel." (True, Sir).

သူ ဒါဘဲဖြေတတ်တယ် လောင်စာရှိလို့ လောင်တာပေါ့တဲ့ (မှန်ပါ့ ဘုရား) ဝါးထင်းဆုတောင်းလိုက်ရင် ဝါးမီး ဖြစ်မှာဘဲ (မှန်ပါ့) ရှားသားထင်းဆုတောင်းလိုက်ရင် (ရှားသားမီးဖြစ်မှာပါ ဘုရား)။

That was the only answer he knew: "It burns because there is fuel." (True, Sir). If you pray for bamboo firewood, you will get a bamboo fire. (True, Sir). If you pray for log firewood... (You will get a log fire, Sir).

အဲ နတ်ဖြစ်လို့ရှိရင်လဲ နတ်မီးလောင်မှာဘဲ၊ ဗြဟ္မာဖြစ်ရင် (ဗြဟ္မာမီးလောင်မှာပါ ဘုရား) စြက်ာဝတေးမန္ဓာတ် ဖြစ်ရင် (စကြာဝတေးမန္ဓာတ်မီးလောင်မှာပါ ဘုရား)။

Ah, if you become a Deva, you will burn with a Deva fire. If you become a Brahma? (You will burn with a Brahma fire, Sir). If you become a Universal Monarch? (You will burn with a Universal Monarch fire, Sir).

ဒါဘဲ ဝါးရှို့ယင် ဝါးမီး၊ မြက်ရှို့ရင် မြက်မီးလောင်မှာဘဲ၊ ရှင်းကြပလား (ရှင်းပါပြီ ဘုရား)။

That is exactly it. Burn bamboo, you get a bamboo fire. Burn grass, you get a grass fire. Is that clear? (It is clear, Sir).

အေး ကျွန်းသားရှို့ ကျွန်းသားမီးပေါ့၊ အင်သားရှို့ရင် အင်သားမီးပေါ့ (မှန်ပါ့) ခင်ဗျားတို့ နာမည်ပြောင်ပြီး တောင်းနေတာလဲ လောင်စာပဲ တောင်းနေတာပဲ (မှန်ပါ့) ပေါ်ပလား (ပေါ်ပါပြီ ဘုရား)။

Burn teakwood, you get a teakwood fire. Burn dipterocarp wood, you get a dipterocarp fire. (True, Sir). Your prayers under different fancy names are nothing but prayers for different types of fuel! (True, Sir). Do you see it now? (We see it, Sir).

မင်းတို့ ဘယ်ခန္ဓာများ ရချင်ကြသေးသတုန်းမေးရင် ဘယ့်နှယ်ဖြေကြမလဲ (ဘယ်ခန္ဓာမှ မရချင်ပါ ဘုရား) ထင်းဆုတောင်းတာ (မှန်ပါ့)။

If I ask you now, which Khandha do you still wish to attain? How would you answer? (We do not wish for any Khandha, Sir). Wishing for it is just praying for firewood. (True, Sir).

အဲဒါကြောင့် မီးလုပ်ကျွေးတဲ့ လူအဖြစ်နဲ့ ဘုရားက ခန္ဓဝဂ္ဂသံယုတ်များမှာ ဟောထားတာရှိသေးတယ်နော် (မှန်ပါ့ ဘုရား)။

That is why the Buddha referred to this state as "tending to the fire" in the Khandhavagga Samyutta. (True, Sir).

မီးလုပ်ကျွေးနေတာကွာ တဲ့၊ မီးလုပ်ကျွေးနေတယ်ဆိုတော့ မီးက ကျေးဇူးတင်တာလဲ မဟုတ်ဘူး၊ ကိုယ့်ခန္ဓာ လောင်နေတာပဲရှိတာပဲ၊ လောင်နေတော့ မောင်အောင်ချီတို့က ပြေးကောင်းနွားကောင်းများ လုပ်နေသေးတယ် (မှန်ပါ့)။

"You are tending to the fire," the Buddha said. But tending to this fire earns you no gratitude; it only results in your own Khandha being burned! While burning, Maung Aung Chi and others are still running around wildly like prime racing bulls. (True, Sir).

ဒီကနေ နိုင်ငံခြားပြေးလိုက်တယ်၊ ဟ မင်းတို့ ဘာဖြစ်လို့ သွားကြတာတုန်း ရှာချင်လို့ပေါ့ဘုရား၊ အင်း လောဘ မီးလောင်လို့ ပြေးကြပြီဟေ့၊ အပြင်မှာ အကြောင်းညီညွတ်ခဲ့ရင်လဲ ပိုလောင်ပြန်ပဟ (မှန်ပါ့ ဘုရား)။

You run from here to foreign countries. "Hey, why are you going there?" "Because I want to make a living, Sir." Ah, you are running because the fire of Greed (Loba) is burning you! And if the external circumstances align favorably, it burns even brighter, doesn't it? (True, Sir).

တမီးပြောင်း လောင်ပြန်ပဟ

အကြောင်းမညီမညွတ်ပြန်လဲ တမီးပြောင်း လောင်ပြန်ပဟ၊ ဒေါသမီးလောင်တယ် (မှန်ပါ့) ဦးအောင်ဇံဝေ ဒါပဲရှိတယ် (မှန်ပါ့ ဘုရား)။

And if circumstances do not favor you, it shifts to another fire and burns again! The fire of Anger (Dosa) burns. (True, Sir). U Aung Zan Wai, this is all there is. (True, Sir).

နောက်က ဒကာ ဒကာမတွေရရင် လောဘမီးမလောင်ဘူးလား (လောင်ပါတယ်) မရဘဲနေတော့ (ဒေါသမီး လောင်ပါတယ် ဘုရား)။

Yogis at the back, if you get what you want, doesn't the fire of Greed burn? (It burns, Sir). And if you don't get it? (The fire of Anger burns, Sir).

ရတဲ့အထဲကပဲ တခါ ရန်သူမျိုးငါးပါးတို့ကြောင့် စိုးရိမ်ခြင်းစတဲ့ သောက ပရိဒေဝမီးတွေ ပေါ်လာတယ်၊ မလာဘူးလား (လာပါတယ်) ဒါတွေက သောက, ပရိဒေဝတွေ နောက်မလိုက်လာတာ (မှန်ပါ့) မလိုက်လာဘူူးလား (လိုက်လာပါတယ် ဘုရား)။

Even out of what you do get, because of the five kinds of enemies, the fires of Anxiety, Sorrow, and Lamentation arise. Don't they? (They do). Do these sorrows and lamentations not follow you? (They follow, Sir). They certainly do. (True, Sir).

ဒါဖြင့် လောင်နေတယ်ဆိုတာ မပေါ်သေးဘူးလား (ပေါ်ပါပြီ ဘုရား) သွားတုန်းလဲ လောင်တာပဲ (မှန်ပါ့) ပြန်လာတော့ကော (လောင်ပါတယ် ဘုရား) အိမ်ထိုင်နေတော့ စိုးရိမ်သောကနဲ့ကော (လောင်ပါတယ်) သောက, ပရိဒေဝ တွေက လောင်နေတာဘဲ (မှန်ပါ့) ရှင်းပလား (ရှင်းပါပြီ ဘုရား)။

So, isn't it obvious that you are constantly burning? (It is obvious, Sir). You burn while traveling. (True, Sir). And when you return? (Still burning, Sir). What about sitting at home with anxiety and sorrow? (Burning, Sir). The fires of Sorrow and Lamentation are burning. (True, Sir). Is it clear? (It is clear, Sir).

ကဲဒါဖြင့် မင်းတို့သည်ကားလို့ဆိုလို့ရှိရင်ဖြင့် ဘယ်နေနေဒီဥစ္စာဉာဏ်နဲ့ ကြည့်လိုက်တဲ့အခါကျတော့ တလောင် တည်းလောင်ပြီး တဟုန်းဟုန်းတောက်နေတာဘဲလို့ ဦးဘသန်းဘုရားကတော့ မြင်တော်မူပြီ (မှန်ပါ့) မမြင်သေးဘူးလား (မြင်ပါတယ် ဘုရား)။

Well then, wherever you are, when you look at this with Insight Knowledge, the Buddha saw that you are just a single, continuous, roaring blaze of fire! U Ba Than, the Buddha saw this clearly. (True, Sir). Don't you see it too? (We see it, Sir).

သားပူလောင်လိုက်, သမီးပူလောင်လိုက်၊ ပစ္စည်းပူလောင်လိုက်၊ ပစ္စည်းနဲ့ပတ်သက်ပြီး ပူဆွေးတာတွေလေ (မှန်ပါ့) မရှိဘူးလား (ရှိပါတယ် ဘုရား)။

You burn with worry over your sons, you burn with worry over your daughters, you burn with worry over your possessions. Agony related to properties! (True, Sir). Does it not exist? (It exists, Sir).

ဒါတွေလောင်နေတော့ မင်းတို့ ဟိုအိမ်ဘယ့်နှယ်နေသတုန်း သွားမေးရတာ တော်တော်လောင်ရဲ့လားလို့ မေးတာပေါ့ (မှန်ပါ့) ရိပ်မိပလား (ရိပ်မိပါပြီ ဘုရား)။

Since everyone is burning like this, when you visit a house, you have to ask, "How are things? Are you burning quite terribly?" (True, Sir). Do you grasp the meaning? (Yes, we do, Sir).

လှညွန့်တို့က လောကွတ်ကောင်းကောင်းနဲ့ သွားမေးဦးမှတော်မယ်၊ ဘယ့်နှယ်တုန်း တော်တော်လောင်ရဲ့လား၊ ရှင်းရှင်းတော့ ဒါဘဲ (မှန်ပါ့ ဘုရား) ဒီ့ပြင်ဘာတွေမေးသွားသေးသတုံး (ဘာမှမမေးပါ ဘုရား)။

Hla Nyunt, you should go and ask them politely: "Well, are you burning quite terribly?" To be blunt, that is exactly what it is. (True, Sir). What else are you really asking? (Nothing else, Sir).

အဓိပ္ပါယ်ကတော့ ဒီရောက်တာဘဲ ခင်ဗျားတို့အိမ်တွေ လည်မေးကြတာလေ (မှန်ပါ့) ဟိုမှာလူမမာရှိတော့ ဘေးကလူတွေကလဲ မှိုင်နေကြတယ်၊ ဘယ့်နှယ်နေသတုံး ပြောပါဦး၊ မသက်သာဘူးတဲ့၊ မသက်သာဘူးဆိုရင် ကိုယ့် လဲလောင်နေတာဘဲ၊ ဟိုလူလဲ လောင်နေတာပဲဟင် (မှန်ပါ့ ဘုရား)။

That is the true meaning when you go around visiting houses. (True, Sir). When there is a sick person, the people around them are gloomy. "How is it going? Please tell me." "No relief yet." If there is no relief, you yourself are burning, and the other person is burning too! (True, Sir).

နည်းနည်းသက်သာတယ်ဆိုတဲ့ အခါကျလို့ရှိရင်လဲ နည်းနည်းပဲလောင်တော့တယ် ပြောတာလဲ (မှန်ပါ့) မဟုတ် ဘူးလား (မှန်ပါ့ ဘုရား)။

Even when they say, "It is a little better," they are just saying, "It is only burning a little bit." (True, Sir). Isn't that right? (True, Sir).

ဘေးကပုဂ္ဂိုလ်ကလဲ မကောင်းတာနဲ့ ဘာဖြစ်ရသလဲ၊ ပြန်ပြေးရတယ်၊ မျက်နှာပြောင်တိုက်လို့တော့ ကောင်း မထင်ပါဘူး၊ နဂိုက တယောက်ကျေးဇူး တယောက်နဲ့တယောက်ဟာ အသင့်အတင့်ရှိဘူးကြတယ်ဆိုပြီး မကောင်းလို့ သွားမေးတာ (မှန်ပါ့ ဘုရား)။

The bystander, uneasy about the bad situation, runs back. It wouldn't look good to be thick-skinned about it. You go to ask out of a sense of duty, because you have been on good terms and something bad has happened. (True, Sir).

လောင်ရင်းပြေးတာ

ကိုယ့်ထဲမှာလဲ ခင်လို့ သွားမေးတာ စိုးရိမ်လို့သွားမေးတာဆိုတာ လောင်ရင်းပြေးတာမဟုတ်ဘူးလား (မှန်ပါ့) ကောင်းလို့သွားမေးပြန်တော့လဲ ကိုယ့်မှာတခါတည်း မကောင်းတဲ့စိတ်နဲ့ဘဲ သွားမေးတာဘဲ (မှန်ပါ့) မကောင်းတဲ့ စိတ်ကလောင်လို့ သွားရပြန်တာပဲ (မှန်ပါ့ ဘုရား) ရိပ်မိပလား (ရိပ်မိပါပြီ)။

Within yourself, you go to ask because you care, because you are anxious. Ultimately, aren't you just running while burning? (True, Sir). Even when things are going well, you go to ask out of your own restless mind. (True, Sir). You have to go because your restless mind is burning! (True, Sir). Do you see it? (We see it).

ဘယ်လိုများ သွားမေးကြပါလိမ့် မကောင်းလို့ သွားတာရယ်, စိုးရိမ်လို့ သွားတာရယ် ဒါဘဲရှိတယ် (မှန်ပါ့ ဘုရား)။

Why do you even go to ask? You go because things are bad, and you go because you are anxious. That is all there is to it. (True, Sir).

လူမမာမေးဘူးကြရဲ့လား ခင်ဗျားတို့ (မေးဘူးပါတယ်) ဘာနဲ့ သွားမေးကြသတုံး မီးလောင်ပြီး သွားလိုက်ကြ တယ် (မှန်ပါ့)ရိပ်မိပလား (ရိပ်မိပါပြီ ဘုရား)။

Have you ever visited a sick person? (We have). What did you bring with you when you went? You went there completely engulfed in fire! (True, Sir). Do you see it now? (We see it, Sir).

အမယ်လေး ဒကာ ဒကာမတွေက ကိုယ်သွားတာတောင် ဘာနဲ့သွားမှန်းမသိဘူး (မှန်ပါ့)စင်စစ်တော့ဖြင့် မီးလောင်လို့ သွားတာ (မှန်ပါ့)ဟေ့ မြန်မြန်သွားဆိုတာကော မီးမြန်မြန်လောင်လို့ မြန်မြန်သွားတာ (မှန်ပါ့) မဟုတ် ဘူးလား (မှန်ပါ့ ဘုရား)။

Oh my! You Yogis don't even know what you are carrying when you travel. (True, Sir). In truth, you go because you are burning. (True, Sir). When you say, "Hey, walk faster!" it is because the fire is burning faster, so you walk faster! (True, Sir). Isn't that right? (True, Sir).

ဟိုကျတော့ အရိပ်အကဲ ကြည့်ပါဦးဆိုတာ မီးအရိပ်အကဲကြည့်နေတာ(မှန်ပါ့) ဟင် ဘယ်လောက်များလောင် နေသတုန်း ကိုယ်လဲ စိတ်မချမ်းသာဘူး ပြောတာဘဲ၊ မပြောဘူးလား (ပြောပါတယ်) ဒါ ဘယ်သူ့လောင်ပြန်တာတုန်း ကိုယ်လောင်တာ (မှန်ပါ့)ရိပ်မိကြပလား (ရိပ်မိပါပြီ ဘုရား)။

Once you get there, you say, "Let's observe the situation." You are actually observing the intensity of the fire! (True, Sir). "How much is it burning? It makes me unhappy too," you say. Don't you say that? (We do). Who is burning now? You are burning! (True, Sir). Do you see it? (We see it, Sir).

ကောင်းပြီ ဒါဖြင့် မီးဘယ်အချိန်မလောင်တဲ့ အချိန်ရှိသတုန်း (မရှိပါ) ခင်ဗျားတို့မသိခင်တော့ ဇာတိ, ဇရာ, မရဏ, မီးကလောင်နေတယ် (မှန်ပါ့ ဘုရား)။

Very well. So, is there ever a time when the fire is not burning? (No, there is not). Before you even realize it, the fires of Rebirth, Aging, and Death are already burning. (True, Sir).

သိတဲ့အခါကျတော့ လောဘ, ဒေါသမီးက လောင်တယ်(မှန်ပါ့) စိုးရိမ်တဲ့အခါကျတော့ သောက, ပရိဒေဝက လောင်တယ်ဆိုတော့ ဘယ်အချိန် မလောင်တဲ့အချိန်ရှိသတုန်း (မရှိပါ ဘုရား)။

When you are conscious of things, the fires of Greed and Anger burn. (True, Sir). When you worry, the fires of Sorrow and Lamentation burn. So, is there ever a time when you are not burning? (No, Sir).

ခန္ဓာနဲ့ ကိလေသာမီးဟာ တွဲတောက်နေတယ်

The Khandha and the fire of Defilements are blazing together.

ဒါဖြင့် ဒီမီးပုံကြီးဟာ တောက်နေတာပေါ့ (မှန်ပါ့)ခန္ဓာနဲ့ ကိလေသာမီးဟာ တွဲတောက်နေတယ် (မှန်ပါ့) ပေါ်ကြပလား (ပေါ်ပါပြီ ဘုရား)။

So, this great bonfire is blazing, isn't it? (Yes, Sir). The fire of Defilements (Kilesa) and the Aggregates (Khandhas) are burning together. (True, Sir). Is this clear to you? (It is clear, Sir).

ခန္ဓာနဲ့ ကိလေသာမီးဟာဖြင့် တဟုန်းဟုန်းတောက်နေတော့ နက်ဖြန် ဈေးနေ့ဆိုတော့ ဈေးလိုက်ပြီး ကြည့် ကြတာပေါ့၊ အထမ်းကလေးနဲ့ လာပြန်ပြီတယောက်၊ သူငွေလိုချင်လို့လာတာ၊ ဈေးသည်က လောဘမီးတောက်ပြီး ထမ်းလာတာ (မှန်ပါ့ ဘုရား)။

Since the fire of the Aggregates and Defilements is roaring fiercely, let us observe what happens on a market day tomorrow. You will see someone coming with goods on their shoulder. They come because they want money. The vendor carries their goods, blazing with the fire of Greed (Lobha). (True, Sir).

အပြန်ကျတော့ကို ဒီဟာကလေးတွေရတဲ့ ပစ္စည်းကလေးတွေနဲ့ ငပိ,ဆီဆား,ဆန်အစရှိသည် ဝယ်သွားပြန်တော့ ဒါမှနေရာကျတယ်ဆိုတဲ့ လောဘမီးနဲ့ပဲ ပြန်သွားတာဘဲ (မှန်ပါ့ ဘုရား)။

On their way back, they use the money they earned to buy fish paste, oil, salt, and rice. Thinking, "Now everything is perfect," they return home, still burning with that very same fire of Greed. (True, Sir).

ရောင်းတဲ့ဆီကရတဲ့ငွေကနည်း ဟိုစားဖို့, သောက်ဖို့ ငါးရက်စာက မပြည့်စုံဘူးဆိုလို့ရှိရင် ထမ်းသာထမ်းရ တယ် ဒေါသမီးလောင်သွားတာပဲ (မှန်ပါ့)ရိပ်မိပလား (ရိပ်မိပါပြီ ဘုရား)။

On the other hand, if the money from their sales is too little and not enough to cover their family's food for the next five days, they carry their load back consumed by the fire of Anger (Dosa). (True, Sir). Do you see this? (Yes, we do, Sir).

အသွားလဲ ဒါဟာ မီးလောင်လို့ လာခဲ့တာပဲ၊ အပြန်ကော (မီးလောင်လျက်ပြန်ပါတယ်) မီးလောင်ပြီး ပြန်သွား တာဘဲ ရှင်းပလား (ရှင်းပါပြီ ဘုရား)။

On their way to the market, they came burning with fire. And on their way back? (They return burning, Sir). Yes, they go back burning as well. Is that clear? (Yes, it is, Sir).

သေတဲ့ အခါကျတော့ မရဏမီးက လောင်ချလိုက်တော့ သူ့မှာ မီးကိုအဆက်မပြတ်ဘူး (မှန်ပါ့) ရှင်တုန်း တော့လဲ လောဘမီး, သောကမီးက လောင်တယ် (မှန်ပါ့) ဇရာမီး, မရဏမီးက ဘယ်နှယ့်တုံး (လောင်ပါတယ်) ဒါဖြင့် ဘယ်အချိန် မီးကင်းတဲ့အချိန်ရှိသတုံး (မရှိပါ ဘုရား)။

When it is time to die, the fire of Death (Maraṇa) consumes them. For them, the burning never stops. (True, Sir). While they are alive, the fires of Greed (Lobha) and Sorrow (Soka) burn them. (True, Sir). What about the fire of Aging (Jarā) and the fire of Death? (They burn as well, Sir). If so, is there ever a time when they are free from fire? (No, Sir).

အဂ္ဂိတောဝါ ပေါ်လာတယ် (မှန်ပါ့) အဂ္ဂိတောဝါ=မီးဘေးမှ၎င်းင်းတဲ့ (မှန်ပါ့) ခင်ဗျားတို့ကတော့ တကယ်မီး သာသိနေတယ်၊ ကိုယ့်ထဲ အဂ္ဂိတောဝါရှိနေတာ မသိဘူး (မှန်ပါ့ ဘုရား)။

This brings to mind the chanting Aggito vā. (True, Sir). Aggito vā means "From the danger of fire." (True, Sir). However, you only recognize physical fire. You do not realize that the danger of fire (Aggito vā) is burning right inside you. (True, Sir).

ကိုယ့်ထဲ အဂ္ဂိတောဝါဆိုတာ အဂ္ဂိတောဝါ= မီးဘေးမှလည်းကောင်းတဲ့ (မှန်ပါ့)ပေါ်ပလား (ပေါ်ပါပြီ ဘုရား)။

The Aggito vā within you means "From the danger of fire." (True, Sir). Is this clear now? (Yes, it is, Sir).

အဂ္ဂိတောဝါ=မီးဘေးမှလည်းကောင်း

ကိုယ့်ထဲမှာ အဂ္ဂိတောဝါများရှိရဲ့လား (ရှိပါတယ်) အဂ္ဂိတောဝါ=မီးဘေးမှလည်းကောင်းဆိုပြီး မီးဘေးလွတ် ရပါလို၏ဆိုတော့ ကိုယ့်တော့ ပြန်မကြည့်ဘူူး လောင်နေတာ (မှန်ပါ့) တောင်းသာတောင်းနေတာ ရွတ်သာရွတ်နေတာ ဘဲ၊ လောင်နေတာတော့ကိုယ်မှာနော် (မှန်ပါ့)။

Is the danger of fire present within you? (Yes, it is). You chant Aggito vā, praying to be spared from the danger of fire, yet you never look inward at how you are currently burning. (True, Sir). You just keep praying and reciting, but the very fire you fear is burning right inside you. (True, Sir).

ဒါဖြင့် ငြိမ်းပြီးသား လူက ရွတ်နေတာလား၊ လောင်လျက်ရွတ်နေတာလား (လောင်လျက် ရွတ်နေတာပါ ဘုရား) ဟာ ဒါဖြင့် မမြင်ဘူး အကန်းရွတ်နေတာ (မှန်ပါ့)။

Therefore, is the person reciting this prayer already cooled down, or are they reciting it while burning? (They are reciting it while burning, Sir). If so, they are blind to the truth; they are reciting it blindly. (True, Sir).

ကိုယ့်မီးကို ကိုယ်မမြင်ဘူူး (မှန်ပါ့) မီးဘေးလွတ်ရပါလို့၏သာ ဆိုနေတာ၊ သူ လောင်နေတာ မမြင်ဘူူး (မှန်ပါ့) မြင်သေးရဲ့လား (မမြင်ပါ ဘုရား)။

They do not see their own fire. (True, Sir). They merely pray to be free from fire, completely oblivious to the fact that they are already engulfed in flames. (True, Sir). Do they see it? (No, they do not, Sir).

အဲဒါလောက် ခင်ဗျားတို့ ထူတယ်၊ အ,တယ်လို့ ပြောတော့ ခင်ဗျားတို့က ဘုန်းကြီးက စကားသိပ်ကြီးတာဘဲ၊ ကြမ်းတာဘဲလို့ ထင်လိမ့်မယ်၊ မြင်ကို မမြင်ဘူး(မှန်ပါ့) အပြင်က (မီးဘဲ မြင်ပါတယ် ဘုရား)။

When I point out how thick and ignorant you are regarding this, you might think my words are too harsh and blunt. But indeed, you truly do not see it. (True, Sir). You only see... (The physical fire outside, Sir).

အပြင်က မီးပဲ မြင်တယ်၊ အပြင်က မီးလောင်လို့သေတဲ့လူနဲ့ အတွင်းက မီးလောင်လို့သေတဲ့ မသာနဲ့ ဘယ်ဟာက များသတုန်း (အတွင်းက လောင်လို့ သေတာက များပါတယ် ဘုရား) သူက သာခက်တာပေါ့ (မှန်ပါ့) ရှင်းပလား (ရှင်းပါပြီ ဘုရား)။

Yes, you only see the external fire. Now tell me, between those who die from external physical fires and those who die consumed by internal mental fires, which is greater in number? (Those who die from internal fires are greater, Sir). The internal fire is far more severe. (True, Sir). Is that clear? (Yes, it is, Sir).

တချို့ သားသေလို့ အဖေပါ သေသွားတာတွေ၊ တချို့ပစ္စည်းဆုံးရှုံးလို့ ရှုးနောက်ပြီးခန္ဓာပါ ဆုံးရှုံးသွားတာတွေ မရှိဘူးလား (ရှိပါတယ် ဘုရား) မီးနဲ့ တွဲနေတာကိုးဗျ (မှန်ပါ့ ဘုရား)။

Are there not cases where a father dies of a broken heart because his child died? Or people who go mad and lose their lives because they lost their wealth? (There are, Sir). This happens because they are bound to the fire. (True, Sir).

အဲဒီတော့ ဒါတွေ သိတော့မှ ဪ ဒီမီးနဲ့ ဒီထင်းကို သိမ်းမှတော်မည်၊ ဒီကျမှ နိဗ္ဗာန်လာတယ် (မှန်ပါ့) ဒီမီး-ဒီထင်းသိမ်းမှ နိဗ္ဗာန်ကိုးဗျ (မှန်ပါ့)။

When you finally realize this, you will think, "Oh, I must get rid of this fire and its firewood." Only then does the realization of Nibbana approach. (True, Sir). Nibbana is simply the removal of this fire and firewood. (True, Sir).

ဒီမီး-ဒီထင်း မသိမ်းနိုင်ရင် (နိဗ္ဗာန်မရောက်ပါ) နိဗ္ဗာန်မရောက်ပါဘူး၊ နိဗ္ဗာန်လို့ကော ဆိုနိုင်ရဲ့လား (မဆို နိုင်ပါ) ဒါဖြင့် နိဗ္ဗာန်ဆိုတာ ဘာတုန်း လောင်စာသိမ်း၍ မီးငြိမ်းတာ(မှန်ပါ့)။

If you cannot remove this fire and firewood, will you reach Nibbana? (No, we will not). You will not reach Nibbana. Could you even call it Nibbana? (No, we could not). Then, what is Nibbana? It is the cooling of the fire due to the exhaustion of the fuel. (True, Sir).

လှညွန့်တို့ ဘယ်နှယ့်ဆိုကြမလဲ (လောင်စာသိမ်း၍ မီးငြိမ်းတာပါ ဘုရား)နောက်က ဒကာ ဒကာမတွေ (လောင် စာသိမ်း၍ မီးငြိမ်းတာပါ ဘုရား)။

Hla Nyunt, how would you define it? (It is the cooling of the fire due to the exhaustion of the fuel, Sir). And the Yogis in the back? (It is the cooling of the fire due to the exhaustion of the fuel, Sir).

မှတ်ထား၊ နိဗ္ဗာန်ဆိုတာ ဪ ခန္ဓာတည်းဟူသော လောင်စာ၊ ကိလေသာတည်းဟူသော မီးဟုတ်လား (မှန်ပါ့) လောင်စာထင်းသိမ်း၍ ကိလေသာမီး ငြိမ်းတာ (မှန်ပါ့)။

Mark this well. What is Nibbana? The Aggregates (Khandhas) are the fuel, and the Defilements (Kilesa) are the fire. (True, Sir). Nibbana is the extinguishing of the fire of Defilements because the firewood is exhausted. (True, Sir).

လောင်စာခန္ဓာသိမ်း၍ ကိလေသာမီးငြိမ်းတာ ဘာခေါ်ကြမယ် (နိဗ္ဗာန်ပါ ဘုရား) ရှင်းပလား (ရှင်းပါပြီ ဘုရား)။

What do we call the state where the fire of Defilements is extinguished because the fuel of the Aggregates is removed? (Nibbana, Sir). Is that clear? (Yes, it is, Sir).

နိဗ္ဗာန်ဆိုတာ လောင်စာသိမ်း၍ မီးငြိမ်းတာ

အဲဒါ သိထားတော့မှ ဪ နိဗ္ဗာန်ဆိုတာ လောင်စာသိမ်း၍ မီးငြိမ်းတာပါကလားဆိုတော့ ဦးဘသန်းရဲ့ သာမညဉာဏ်နဲ့လဲ မရဘူးနော် (မှန်ပါ့) သာမညဉာဏ်နဲ့လဲ မရဘူးတဲ့(မှန်ပါ့)။

When you understand that Nibbana is the cooling of the fire due to the exhaustion of the fuel, you must also realize, U Ba Than, that this cannot be grasped with mere ordinary intellect. (True, Sir). It cannot be attained through ordinary intellect. (True, Sir).

ဒါနဲ့ ပုဏ္ဏားမြင်ရဲ့လားကွဆိုတော့ မြင်ပါပြီတဲ့၊ ကဲကွာ ဒါဖြင့် ဒီထင်းတွေ ကုန်သွားတဲ့အခါကျတော့ မီးရှိသေး ရဲ့လားတဲ့၊ ထင်းကုန်တော့ မီးကျန်ရစ်သေးသလား (မကျန်ရစ်ပါ ဘုရား)။

Now, consider the Buddha's discourse. He asked the Brahmin, "Do you see this?" And the Brahmin replied, "I see it." The Buddha then asked, "Well then, when all this firewood is consumed, does the fire still exist? When the wood is gone, does the fire remain?" (It does not remain, Sir).

နောက်ထပ်ဆင့်မေးပြန်တယ်နော် (မှန်ပါ့) အရင်တော့ မီးလောင်ပုံ သူပြလိုက်တယ်၊ ဒီမီးဘဲ တခါ ဘုရားက ဆက်လက်ပြီး တရားဟောပြန်တယ်၊ ထင်းကုန်သွားပြီ အဂ္ဂိဝစ္ဆပုဏ္ဏားရ မီးမငြိမ်းသေးဘူးလား ငြိမ်းပလား ထင်းကုန် သွားရင် (ငြိမ်းပါတယ်) ငြိမ်းရမယ်ဆိုတာ သေချာပလား (သေချာပါတယ် ဘုရား)။

The Buddha questioned him further. (True, Sir). First, He illustrated the nature of a burning fire, and then He continued His teaching based on that very fire. He asked, "O Brahmin Aggivaccha, when the firewood is entirely consumed, is the fire extinguished or not?" (It is extinguished). Are you certain it must be extinguished? (We are certain, Sir).

အဲဒီ ငြိမ်းတဲ့မီး ဘယ်သွားသတုန်း မေးတာပဲ၊ ငြိမ်းတဲ့မီးဘယ်သွားသတုံးဆိုတော့ မောင်အောင်ချီက ဘယ်နှယ့် ဖြေမလဲ ဘယ်မှမသွားဘူး၊ ဒီနေရာတွင် ငြိမ်းတာဘဲ (မှန်ပါ့) မဟုတ်ဘူးလား (ဟုတ်ပါတယ် ဘုရား)။

Then the Buddha asked, "Where did that extinguished fire go?" Maung Aung Gyi, how would you answer? It goes nowhere; it simply ceases to exist right there. (True, Sir). Is that not so? (It is so, Sir).

ငြိမ်းတဲ့မီး ဘယ်သွားသတုံး (ဘယ်မှမသွားပါ ဘုရား) ဘာဖြစ်လို့တုံး လောင်စာသိမ်းတာနဲ့ မီးငြိမ်းသွားတာဘဲ (မှန်ပါ့ ဘုရား) ဘယ်သွားတယ်လို့ ဖြေစရာကို ပါရဲ့လား (မပါပါ ဘုရား)။

Where does the extinguished fire go? (It goes nowhere, Sir). Why? Because the fire extinguishes precisely when the fuel is exhausted. (True, Sir). Is there any need to explain where it went? (No, there is not, Sir).

အဲဒီအတိုင်းပဲပေါ့ ပုဏ္ဏားရ တဏှာ,မာနချုပ်တဲ့ ပုဂ္ဂိုလ်ဟာ လောင်စာသိမ်း၍ မီးငြိမ်းတော့ သူဟာ ဘယ် ရောက်သွားသတုန်း မင်း မေးမနေနဲ့၊ ပေါ်လာပြီ(မှန်ပါ့)။

In the exact same way, O Brahmin, the Buddha explained, when a person whose Craving (Taṇhā) and Conceit (Māna) have ceased passes away—when the fire is extinguished due to the exhaustion of fuel—do not ask where they have gone. The answer is clear now. (True, Sir).

သွားချည်တလှည့်, မသွားချည်တလှည့်လား, မသွားဘဲ နေသလားလို့လဲ မင်းမေးတာ ငါ ဖြေစရာမလိုဘူး၊ ပေါ်ပလား (ပေါ်ပါပြီ ဘုရား)။

There is no need for me to answer your questions about whether they reappear somewhere, whether they do not reappear, or whether they remain in some state. Do you grasp the meaning? (Yes, we do, Sir).

သွားချည်တလှည့်လား မသွားချည်တလှည့်လားလို့ကောမေးဘို့ (မလိုပါ) မသွားတာ ဧကန် တချို့တဝက် သွားတယ်လို့ကော (မေးဘို့မလိုပါ ဘုရား)။

Is there any need to ask if they go somewhere or not? (No need). Is there any need to ask if they partially go somewhere? (No need to ask, Sir).

ခုနင်က ပုဏ္ဏားကို ဘုရားပေးလိုက်တဲ့ ဥပမာ သိပ်ကောင်းပါတယ်တဲ့ မဇ္ဈိမပဏ္ဏသပါဠိတော်မှာ၊ အခု လောင်စာတွေမရှိတော့ မီးငြိမ်းသွားတယ် ငြိမ်းတဲ့မီး ဘယ်သွားသတုံးဆိုတော့ လှညွန့် ဘယ့်နှယ်ဖြေပါ့မလဲ (ဘယ်မှ မသွားပါ) ဒီနေရာတွင် ငြိမ်သွားတယ် (မှန်ပါ့ ဘုရား) ရှင်းပလား (ရှင်းပါပြီ ဘုရား)။

The metaphor the Buddha gave to the Brahmin in the Majjhima Paṇṇāsa text is profoundly perfect. Now that the firewood is gone, the fire is extinguished. If asked where the extinguished fire went, Hla Nyunt, how would you answer? (It goes nowhere). It merely ceases right where it is. (True, Sir). Is that clear? (Yes, it is, Sir).

ခန္ဓာရော ကိလေသာရော ချုပ်သွားလိမ့်မယ်

အဲဒါ ခင်ဗျားတို့လဲ အလုပ်-လုပ်ကြည့် ဒီနေရာတွင် ခန္ဓာရော ကိလေသာရော ချုပ်သွားလိမ့်မယ် (မှန်ပါ့) ခန္ဓာလဲ မမြင်ပေဘူး (မှန်ပါ့) ခန္ဓာ မမြင်လို့ရှိရင် ကိလေသာလဲမရှိဘူး (မှန်ပါ့)။

I urge you to practice accordingly. Right here and now, both your Aggregates and Defilements will cease. (True, Sir). You will no longer perceive the Aggregates. (True, Sir). And when the Aggregates are no longer perceived, the Defilements no longer exist. (True, Sir).

ဪ ဒီကျတော့ အလုပ်လုပ်တဲ့ပုဂ္ဂိုလ်ကျတော့ သိတယ်အင်း ဒုက္ခချုပ်တဲ့နိဗ္ဗာန် လောင်စာသိမ်း၍ မီးငြိမ်း တယ်ဆိုတာ ဪ အခုမြင်နေရတဲ့ ခန္ဓာလဲ သိမ်းတယ်၊ ဝမ်းထဲမှာ ကိလေသာတွေ ငြိမ်းတာဆိုတာပါကလား မပေါ် လာဘူးလား (ပေါ်လာပါတယ် ဘုရား)။

A Yogi who truly practices will realize this: "Ah, the Nibbana where suffering (Dukkha) ceases is indeed the cooling of the fire due to the removal of fuel. It means the Aggregates I have been observing are removed, and the Defilements within me are extinguished." Does this realization not become crystal clear? (It becomes clear, Sir).

ခန္ဓာကော မြင်သေးရဲ့လား (မမြင်ပါ) နိဗ္ဗာန်ရောက်တဲ့ ပုဂ္ဂိုလ်ပေါ့ဗျာ (မှန်ပါ့) မဂ်စစ်ရသွားပြီဆိုတော့ ခန္ဓာပါပျောက်မသွားဘူးလား (ပျောက်သွားပါတယ်) ခန္ဓာပျောက်သွားတော့ ကိလေသာမီးကော ရှိသေးရဲ့လား (မရှိပါ) မရှိဘူး၊ သူနဲ့တန်တဲ့ ကိလေသာပေါ့ဗျာ။ ဒိဋ္ဌိဝိစိကိစ္ဆာကိလေသာပေါ့ သောတာပန် ဖြစ်ခဲ့လို့ရှိရင် (မှန်ပါ့)။

Does such a person still perceive the Aggregates? (No, they do not). This is the experience of a person who has attained Nibbana. (True, Sir). Once the authentic Path (Magga) is attained, do the Aggregates not disappear from view? (They disappear). When the Aggregates disappear, does the fire of Defilements still exist? (No, it does not). It no longer exists—at least, the Defilements corresponding to their stage of enlightenment. For instance, if they become a Stream-Enterer (Sotāpanna), the Defilements of Wrong View (Diṭṭhi) and Doubt (Vicikicchā) are completely extinguished. (True, Sir).

အဲဒီပုဂ္ဂိုလ် ဘယ်သွားသတုံးမေးတော့ ဘယ်မှ မသွားဘူးတဲ့ ဒီနား ရှုရင်းမတ္တနဲ့ ဒီမီးနဲ့ဒီခန္ဓာ ပျောက်သွား တာဘဲ(မှန်ပါ့) ဘယ်နှယ့်တုံး ဦးဘသန်း ရိပ်မိပလား (ရိပ်မိပါပြီ ဘုရား)။

If you ask where such a person goes, the answer is: Nowhere. Merely through the act of watching and observing (Vipassana), this fire and this mass of Aggregates simply disappear right then and there. (True, Sir). U Ba Than, do you see this? (Yes, I see it, Sir).

အခုလို ဝမ်းထဲက ကိလေသာမီးကော ရှိသေးရဲ့လား (မရှိပါ ဘုရား) သူလောင်နေတဲ့ ခန္ဓာကြီးကောမြင်ရ သေးရဲ့လား (မမြင်ရပါ ဘုရား)။

At that moment, is the internal fire of Defilements still present? (No, Sir). Can the burning mass of Aggregates still be seen? (No, it cannot be seen, Sir).

မမြင်ရဘူး။ ဉာဏ်ကလေးနဲ့ ဪ ခုနင်က ထင်းတွေမီးတွေမရှိပါကလား သိတာဘဲ။ မြင်စိတ်ကလေးနဲ့ မြင်လိုက်တာဘဲ (မှန်ပါ့) ဒီရောက်အောင် အားထုတ်ရမယ် (မှန်ပါ့)။

It is no longer seen. With Insight (Vipassana) Knowledge, you clearly realize, "Ah, the firewood and the fire that were here just a moment ago are now completely gone." The Insight Knowledge sees it perfectly. (True, Sir). You must strive to reach this stage. (True, Sir).

နောက်က ဒကာ ဒကာမတွေ ဒီရောက်အောင် အားထုတ်ရမယ်။ ရှုရှင်းမတ္တနဲ့ ခန္ဓာပျောက်သွားလိမ့်မယ်။ ကိလေသာကော (ပျောက်သွားပါတယ် ဘုရား)။

Yogis in the back, you must strive to reach this stage. Just by watching and observing, the Aggregates will vanish. And the Defilements? (They vanish too, Sir).

ပျောက်သွားတဲ့အခါကျတော့ ကိလေသာမီး, လောင်စာထင်း ရှိသေးရဲ့လား (မရှိတော့ပါ ဘုရား) မရှိတာ ဘာခေါ်ကြမယ် (နိဗ္ဗာန်ပါ ဘုရား)။

When they vanish, do the fire of Defilements and the firewood still exist? (They no longer exist, Sir). What do we call this state of non-existence? (Nibbana, Sir).

ဪ နိဗ္ဗာန်ဆိုတာ သွားလို့ရောက်တာလားတဲ့၊ လောင်စာသိမ်း၍ မီးငြိမ်းတာကိုခေါ်တာလား (လောင်စာ သိမ်း၍ မီးငြိမ်းတာကိုခေါ်ပါတယ် ဘုရား)။

Indeed. Is Nibbana a physical place you travel to arrive at, or is it simply the cooling of the fire due to the exhaustion of the fuel? (It is the cooling of the fire due to the exhaustion of the fuel, Sir).

အဲဒါ သေသေချာချာမှတ်ပါ၊ ဒီဥစ္စာ ကြားရခဲပါတယ် (မှန်ပါ့) ဦဘသန်း အားကြီး ကြားရခဲတယ် (မှန်ပါ့ ဘုရား) သဘောပါကြသလား (ပါ-ပါပြီ ဘုရား)။

Mark this very carefully. Teachings like this are extremely rare to hear. (True, Sir). U Ba Than, it is profoundly rare to encounter this. (True, Sir). Do you grasp the meaning? (Yes, we do, Sir).

လောင်စာဆိုတာ ဒီခန္ဓာကြီး

လောင်စာသိမ်း၍ မီးငြိမ်းတာကို (နိဗ္ဗာန်ခေါ်ပါတယ်) လောင်စာဆိုတာ ဒီခန္ဓာကြီး၊ မင်းတို့ အကုန်ရှုကြည့် တော့ ဒီခန္ဓာကြီး မလိုချင်တဲ့တနေ့ ဒီခန္ဓာကြီး ပျောက်သွားပါလိမ့်မယ် (မှန်ပါ့) ခန္ဓာပျောက်သွားတော့ ထင်းကုန်တော့ မီးချည့်ကျန်နေရစ်သေးတယ်လို့ ဦးအောင်ဇံဝေ ထုံးစံရှိရဲ့လား (မရှိပါ ဘုရား) သဘောပါပလား (ပါ-ပါပြီ ဘုရား)။

The cooling of the fire due to the exhaustion of the fuel... (Is called Nibbana). The firewood is this very mass of Aggregates. Keep watching and observing it. One day, when you become entirely disgusted with this mass of Aggregates, it will completely disappear from your view. (True, Sir). When the Aggregates vanish—when the firewood is exhausted—is there any natural law, U Aung Zan Wai, where the fire remains burning on its own? (No, Sir). Do you grasp the meaning? (Yes, we do, Sir).

ဪ ဒီရောက်အောင် ဒို့တော့ ကြိုးစားထားမယ် (မှန်ပါ့) လှညွန့်ကြိုးစားရလိမ့်မယ် (မှန်ပါ့) နောက်က ဒကာ ဒကာမတွေ (ကြိုးစားရပါမယ် ဘုရား)။

Therefore, you must determine, "I will strive to reach this realization." (True, Sir). Hla Nyunt, you must strive for it. (True, Sir). And the Yogis in the back? (We must strive for it, Sir).

ကြိုးစားတော့ ဪ နိဗ္ဗာန်ဟာ အဝေးကြီးလား အနီးကလေးလားလို့ မေးပြန်တော့ဘဲ သံယုတ်ပါဠိတော်မှာ ဘုရားက “နိဗ္ဗာနဿေဝ သန္တိကေ” နိဗ္ဗာနဿေဝ=နိဗ္ဗာန်၏သာလျှင်၊ သန္တိကေ=ခရီးမဝေး အနီးကလေးကွတဲ့ (မှန်ပါ့) အနီးတွင် ခန္ဓာပျောက်သွားပြီး ဒီနားတွင် ကိုယ့်ဉာဏ်ထဲမှာချမ်းသာတာ ကျန်နေရစ်တာဘဲတဲ့ (မှန်ပါ့)။

As you strive, you might wonder, "Is Nibbana far away or very near?" In the Saṃyutta Nikāya, the Buddha declared, "Nibbānasseva santike." Santike means it is not a distant journey; it is very close! (True, Sir). Right here nearby, the Aggregates disappear, and right here within your Insight Knowledge, pure peace remains. (True, Sir).

ခန္ဓာလဲပျောက်တယ်၊ ကိလေသာပူတာကော ရှိသေးရဲ့လား (မရှိပါ ဘုရား) မရှိတော့ ဒီနားမှာ ရှုနေတဲ့ဉာဏ် ကလေးက ချမ်းသာမနေဘူးလား (ချမ်းသာပါတယ် ဘုရား) ချမ်းသာနေတော့ ချမ်းသာတာကလေးဟာ နိဗ္ဗာန်ပဲ (မှန်ပါ့)။

The Aggregates disappear. Is the burning heat of Defilements still there? (No, Sir). Since it is gone, is the Insight Knowledge that is observing right here not experiencing profound peace? (It is experiencing peace, Sir). That very state of peace is Nibbana. (True, Sir).

ဒီဉာဏ်ကလေးကလဲ ချမ်းသာတာမြင်နေတာပဲ (မှန်ပါ့) ဒို့ဖြင့် အနာပျောက်ပဟေ့၊ ၉၆-ပါး ဘာမှမရှိတော့ ဘူးဟေ့ ဟုတ်လား (မှန်ပါ့ ဘုရား) လောင်စာလဲ မရှိတော့ဘူးဟေ့ ထင်းလဲမရှိတော့ဘူး၊ လောင်လက်စသတ်ပေါ့ မဆိုနိုင်ဘူးလား (ဆိုနိုင်ပါတယ် ဘုရား)။

This Insight Knowledge clearly sees that peace. (True, Sir). You realize, "Ah, my afflictions are cured! My many diseases are completely gone!" (True, Sir). "The fuel is gone! The firewood is gone! The burning has definitively ended!" Can you not declare this? (We can, Sir).

အဲဒါ ဘာခေါ်ကြမယ် (နိဗ္ဗာန်ပါ ဘုရား) နိဗ္ဗာန်ဆိုတာ အခုမြင်ပါလိမ့်မယ်တဲ့၊ အနီးကလေးပါတဲ့ (မှန်ပါ့) ကဲ ဘယ်လောက် အဘိုးတန်တယ်ဆိုတာ ပေါ်ကြပလား (ပေါ်ပါပြီ ဘုရား)။

What do we call that? (Nibbana, Sir). You will see Nibbana right now; it is very near. (True, Sir). Do you see how precious this teaching is? (We see it, Sir).

ကဲ ပုဏ္ဏားမေးပုံကို ဘုရားကဖြေတာ ဘယ်လောက်အချိုးကျသတုံး (အချိုးကျပါတယ် ဘုရား) ဟေ့ ပုဏ္ဏား၊ ဟိုနားမှာ မီးတွေ တဟုန်းဟုန်းတောက်နေတယ်၊ အဲဒီ မီးတွေဟာ အခု မရှိတော့ဘူးကွ၊ ဘာဖြစ်လို့တုံးမေးတော့ အို လောင်စာ မရှိလို့ မီးမရှိတာပါလို့သူက ဖြေရတော့တာပေါ့ (မှန်ပါ့) ဖြေဖို့ အကွက်က ရောက်လာတာကိုး၊ မရောက်ဘူး လား (ရောက်ပါတယ် ဘုရား)။

Consider how perfectly the Buddha answered the Brahmin's questions. (It was perfect, Sir). "Listen, Brahmin. Over there, a fire was roaring fiercely. Now, those flames are no longer there. If asked why, you must answer that the fire is gone because the fuel is exhausted." (True, Sir). The logic naturally forces this conclusion, doesn't it? (It does, Sir).

ခုနင်က မီးတွေ ဘယ်သွားသတုံးကွ-အဂ္ဂိဝစ္ဆရလို့ ဘုရားက မေးလိုက်တယ် (မှန်ပါ့) လောင်စာမရှိလို့ မီး မရှိတော့ဘူးတဲ့၊ အဲဒီမီး ဘယ်သွားသတုံးကွဆိုတော့ ဘယ်နှယ့် ဖြေကြမလဲ (ဖြေစရာမရှိပါ ဘုရား) ဖြေစရာမရှိဘူး၊ သွားတာမှ မဟုတ်ဘဲ၊ ဒီနေရာတွင် သိမ်းသွားတာ (မှန်ပါ့)။

Then the Buddha asked, "O Aggivaccha, where did that fire go?" (True, Sir). Since the fire is gone due to the lack of fuel, if asked where it went, how would you answer? (There is nothing to answer, Sir). There is no answer because it never "went" anywhere; it simply ceased right there. (True, Sir).

ဒါဖြင့် နိဗ္ဗာန်ဆိုတာလဲ မင်းတို့က မှတ်လိုက်ပါတဲ့၊ ဒီနေရာမှာ ခန္ဓာသိမ်းပြီး ဒီနေရာမှာ ကိလေသာမီး ငြိမ်း သွားတာဘဲ (မှန်ပါ့) ဒါကို ဘာခေါ်ကြမယ် (နိဗ္ဗာန်ပါ ဘုရား)။

Therefore, you must understand that Nibbana is exactly like this. Right here the Aggregates end, and right here the fire of Defilements is extinguished. (True, Sir). What do we call this? (Nibbana, Sir).

အဲဒါ နိဗ္ဗာန်အဝေးကြီးလား အနီးကလေးလားလို့မေးရင် ဘယ့်နှယ်ဖြေကြမလဲ (အနီးကလေးပါ ဘုရား) အနီး ကလေး၊ မသွားတတ်လို့ မရောက်သေးတာ (မှန်ပါ့) ရှင်းကြပလား (ရှင်းပါပြီ ဘုရား)။

If asked whether Nibbana is far away or very near, how will you answer? (It is very near, Sir). It is very near. You simply have not reached it yet because you do not know the right way to travel. (True, Sir). Is that clear? (Yes, it is, Sir).

နိဗ္ဗာန်ဟာ နီးသလား၊ ဝေးသလားမေးတယ် (နီးပါတယ် ဘုရား) ဘယ်နှယ့်ကြောင့် မရောက်ပါလိမ့် (မသွား တတ်လို့ပါ ဘုရား)။

Is Nibbana near or far? (It is near, Sir). Why haven't you reached it yet? (Because we do not know how to travel there, Sir).

ဖြစ်ပျက်ရှုတဲ့ မဂ္ဂင်နဲ့သာ ဆက်ရှုပါ

အဲ အခုတော့ သွားတတ်ပါပြီ တဲ့၊ ဖြစ်ပျက်ရှုတဲ့ မဂ္ဂင်နဲ့သာ ဆက်ရှုပါ (မှန်ပါ့) အဲဒါသွားနေတယ်ပဲ (မှန်ပါ့) ရှုနေတာဟာ သွားနေတာဘဲ (မှန်ပါ့)။

Well, now you know the way! Just continue watching and observing the Arising and Passing Away (Anicca) with the Path Factors (Magga). (True, Sir). That in itself is traveling the path. (True, Sir). The very act of watching and observing is the journey. (True, Sir).

သွားနေတဲ့အခါကျတော့ကို မဂ္ဂင်ငါးပါးက ဒုက္ခသစ္စာသေသေချာချာသိလို့ လောင်စာတွေ, မီးတွေ အကုန်မြင် တော့ မလိုချင်တဲ့ မဂ္ဂင်ရှစ်ပါးမလာပေဘူးလား (လာပါတယ် ဘုရား) လာလို့ရှိရင်ဖြင့် ခန္ဓာရော, မီးရော မသိမ်းပေး ဘူးလား (သိမ်းပါတယ် ဘုရား) သိမ်းသွားတဲ့အခါကျတော့ ဪ နိဗ္ဗာန်ဆိုတာ ဒါဘဲ (မှန်ပါ့)။

As you travel this path, the five Path Factors (Magga) will clearly discern the Truth of Suffering (Dukkha Sacca). Once you fully see the firewood and the fire, will the eight Path Factors—which bring a profound dispassion and lack of craving—not arise? (They will arise, Sir). When they arise, will both the Aggregates and the fire not be terminated? (They will be terminated, Sir). When they are terminated, you realize, "Ah, this is precisely what Nibbana is." (True, Sir).

အဲဒီတော့ ဒီနိဗ္ဗာန်ဟောရတာက တယ်ခက်တယ်၊ တယ်ခက်တယ်ဆိုတာ ဘာဖြစ်လို့ တယ်ခက်တယ်လို့ ပြောတာတုံးဆိုတော့ မီးနဲ့လောင်စာ လောင်နေတာမသိလို့ရှိရင်ဖြင့် တယ်ခက်တယ်ဆိုတာ ပြောရမယ် (မှန်ပါ့)။

Teaching Nibbana is extremely difficult. Why do I say it is difficult? Because if a person does not even realize that the fire and the firewood are currently burning, explaining it to them is incredibly hard. (True, Sir).

မီးနဲ့လောင်စာ လောင်မှန်းမသိတဲ့ပုဂ္ဂိုလ်မှာ ငြိမ်းတာလဲ သူသိပါ့မလား (မသိပါ ဘုရား) မသိဘူး။

If someone is oblivious to the fact that the fuel and fire are burning, will they ever recognize the state of cooling down? (No, Sir). They will not.

လောင်စာနဲ့မီး လောင်နေတာသိတဲ့ပုဂ္ဂိုလ်ကျတော့ ငြိမ်းတာကို သူသိတယ် (မှန်ပါ့)။

Only the person who clearly sees the burning of the fuel and the fire can comprehend the cooling down. (True, Sir).

ဒါဖြင့် အလုပ်-မလုပ်တဲ့ပုဂ္ဂိုလ်မှာ လောင်စာနဲ့မီးလဲ သူမမြင်ဘူး၊ မဟုတ်ဘူးလား (မမြင်ပါ ဘုရား) “ငြိမ်း” ဆိုတဲ့ကိစ္စ သူတွေ့ဖို့ရာ အရေးဟာက အတော်ကွာဝေးသွားတယ်၊ ရှင်းပလား (ရှင်းပါပြီ ဘုရား)။

Therefore, a person who does not practice Insight Meditation (Vipassana) does not see the fuel and the fire. Is that not so? (They do not see it, Sir). For such a person, the prospect of encountering the "Cooling" (Nirodha) remains vastly distant. Is that clear? (Yes, it is, Sir).

ဖြစ်ပျက်ဆိုတာတွေသည် ဒါလောင်စာတွေဘဲ

ဒါဖြင့် မင်းတို့ ဖြစ်ပျက်ဆိုတာတွေသည် ဒါလောင်စာတွေဘဲ၊ အဲဒါတွေ သိမ်းသွားတဲ့အခါကျတော့ ဒါတွေ ချုပ်ငြိမ်းသွားတဲ့ အခါကျတော့ ဒါတွေဘာဖြစ်လို့ မရှိတာတုန်း ထင်းကုန်သွားလို့ မီးကိုမရှိတာ (မှန်ပါ့) ဒီဖြစ်ပျက်တွေ ဟာ ထင်းတွေဘဲ၊ ဖြစ်ပျက်တွေဟာ ရုပ်နာမ်တွေကိုးဗျာ (မှန်ပါ့) ထင်းတွေမဟုတ်လား (ထင်းတွေပါ ဘုရား) ထင်းကုန် သွားတော့ မီးက ဘယ်နှယ့်တုံး (မရှိတော့ပါ ဘုရား)။

Thus, the processes of Arising and Passing Away that you observe are simply the firewood. When they are removed, when they completely cease, why do they no longer exist? Because the firewood is exhausted, the fire cannot exist. (True, Sir). These processes of Arising and Passing Away are the firewood. They are just Mind and Matter (Nāma-Rūpa). (True, Sir). Are they not the firewood? (They are the firewood, Sir). When the firewood is exhausted, what happens to the fire? (It no longer exists, Sir).

မရှိတော့ဘူူးဆိုတော့ကို ဪ ဒို့ဖြစ်ပျက်ချုပ်ငြိမ်းတာ နိဗ္ဗာန်ပါကလား (မှန်ပါ့)။

When it no longer exists, you realize, "Ah, the complete cessation of Arising and Passing Away is indeed Nibbana." (True, Sir).

နောက်က ဒကာ ဒကာမတွေ ဘယ်လိုမှတ်ကြမယ် (ဖြစ်ပျက် ချုပ်ငြိမ်းတာဟာ နိဗ္ဗာန်ပါ ဘုရား) အဲ ဖြစ်ပျက် ချုပ်ငြိမ်းအောင် လိုက်ရမယ်၊ ဦးဘသန်း ရိပ်မိပြီ (ရိပ်မိပါပြီ ဘုရား)။

Yogis in the back, how should you remember this? (The cessation of Arising and Passing Away is Nibbana, Sir). Exactly. You must persist in your practice until Arising and Passing Away cease entirely. U Ba Than, do you see it? (Yes, I see it, Sir).

ဒီအတိုင်းလိုက်သွား၊ ဖြစ်ပျက်ရှုရင်းမတ္တနဲ့ဘဲ လိုက်သွားဖြစ်ပျက်မုန်းလာလိမ့်မယ်၊ မုန်းလာလို့ရှိရင်ဖြင့် သူ့ကို မလိုချင်တာ လာမှာဘဲ (မှန်ပါ့) မလိုချင်တာလာဆို့ရှိရင်ဖြင့် ထင်းကုန်သွားမှာဘဲ၊ ထင်းကုန်သွားလို့ရှိရင်ဖြင့် မီး ဘယ်သွားတယ်လို့ ဆိုစရာရှိသေးရဲ့လား (မရှိတော့ပါ ဘုရား) ထင်းလဲကုန်သွားရော ကိလေသာမီးကလဲဆိုင်ရာ ငြိမ်း သွားတာဘဲ၊ မီးချည့်နေရစ်တယ်လို့ ရှိသေးရဲ့လား (မရှိပါ ဘုရား)။

Keep following this path. Just by continuously watching and observing the Arising and Passing Away, you will eventually become disgusted with it. Once you are disgusted, a natural lack of craving for it will arise. (True, Sir). When you no longer crave it, the firewood will eventually be exhausted. And when the firewood is exhausted, is there any reason to ask where the fire went? (There is nothing to ask, Sir). The moment the firewood is gone, the respective fire of Defilements cools down entirely. Does the fire ever remain on its own? (No, Sir).

ဟာ ထင်းတွေမရှိတော့ဘူး၊ မီးချည့်ကျန်နေရစ်တယ်လို့ဆိုရမှာလဲ အတော်ခဲယဉ်းတယ် (ခဲယဉ်းပါတယ် ဘုရား)။

Indeed, it would be utterly absurd to claim that the firewood is gone but the fire remains. (It would be absurd, Sir).

ဘယ်ဟုတ်လိမ့်မတုန်းတဲ့၊ မီးသွေးလောင်နေတာလည်း ထင်းပဲ၊ မီးသွေးလည်း ထင်းပဲ (တင်ပါ့) ရှင်းကြပလား (ရှင်းပါပြီ ဘုရား)။

That could never happen. Even burning charcoal is considered firewood; charcoal is still fuel. (True, Sir). Is that clear? (Yes, it is, Sir).

မီးသွေးလည်း ဘာခေါ်ကြမလဲ (ထင်းပါ ဘုရား) ဒါဖြင့် ထင်းရှိနေရင် ရဲနေအုံးမှာပဲ (မှန်ပါ့) ကဲ ဒါတွေလည်း ပြောင်ပေါ့ဆိုတော့ မီးကျန်သေးရဲ့လား (မကျန်ပါ ဘုရား)။

What do we call charcoal? (Firewood, Sir). So, as long as there is firewood, it will remain glowing red. (True, Sir). But when absolutely all of it is consumed and wiped bare, does any fire remain? (No fire remains, Sir).

မကျန်တော့ ဒီမီးဘယ်သွားသတုန်းလို့ မောင်အောင်ချီတို့၊ လှညွန့်တို့မေးရင် ဘယ့်နှယ်ဖြေပါမလဲ (ဘယ်မှ မသွားပါ) ဒီနေရာတွင်ပဲ လောင်စာသိမ်း၍ မီးငြိမ်းသွာတာပဲ (မှန်ပ့ါ ဘုရား)။

Since it doesn't remain, if I ask Maung Aung Gyi and Hla Nyunt, "Where did this fire go?", how will you answer? (It went nowhere). Right here, the fire is extinguished due to the exhaustion of fuel. (True, Sir).

ဒါဖြင့် မီးနဲ့လောင်စာအဖြစ်မှ ဒီခန္ဓာကြီးလွတ်သွားတာပဲ၊ ဒါနိဗ္ဗာန်ပဲ (မှန်ပ့ါ) ရှင်းပလား (ရှင်းပါပြီ ဘုရား)။

Thus, this mass of Aggregates is finally liberated from the state of being fire and fuel. That is Nibbana. (True, Sir). Is that clear? (Yes, it is, Sir).

မီးနဲ့လောင်စာအဖြစ်မှ (ခန္ဓာကြီးလွတ်သွားပါတယ်) လွတ်သွားတာကို ဘာခေါ်ကြမယ် (နိဗ္ဗာန်ပါ) အဲဒါ ကိုယ်တိုင်မြင်ရမယ်၊ ရှင်းပလား (ရှင်းပါပြီ) ကိုယ်တိုင်မြင်ရတဲ့လူဟာ နိဗ္ဗာန်အစစ်ပဲဆိုတာ မပေါ်လာသေးဘူးလား (ပေါ်လာပါတယ် ဘုရား) ရှင်းပလား (ရှင်းပါပြီ ဘုရား)။

Liberated from being fire and fuel... (The mass of Aggregates is liberated). What do we call this liberation? (Nibbana). You must see this for yourself! Is that clear? (It is clear). When someone sees this directly for themselves, does it not become undeniably clear that this is authentic Nibbana? (It becomes clear, Sir). Is that clear? (Yes, it is, Sir).

နိဗ္ဗာန်ပေါ်မလာဘူးလား

အဲဒီတော့ ပုဏ္ဏားမေးတာကို ဘုရားက မီးနဲ့လောင်စာနဲ့ ဖြေလိုက်တော့ နိဗ္ဗာန်ပေါ်မလာဘူးလား (ပေါ်လာ ပါတယ် ဘုရား)။

Therefore, when the Buddha answered the Brahmin's question using the metaphor of fire and fuel, did the true nature of Nibbana not become crystal clear? (It became clear, Sir).

ဒါကြောင့် နိဗ္ဗာန်တရားကို ဟောလိမ့်မယ်လို့ မနေ့ညကတည်းက စပြီး ပြောခဲ့တယ် (မှန်ပါ့) မပြောခဲ့ဘူးလား (ပြောခဲ့ပါတယ်) အခုနိဗ္ဗာန်ပေါ်ပလား (ပေါ်ပါပြီ ဘုရား)။

That is why I announced since last night that I would deliver a sermon on Nibbana. (True, Sir). Did I not say that? (You did, Sir). Has the nature of Nibbana become clear to you now? (It has become clear, Sir).

ဒါဖြင့် နိဗ္ဗာန်ဆိုတာ မြို့နဲ့လား ပြနဲ့လား ရွာနဲ့လားဆိုတာ မဟုတ်ဘူး (မဟုတ်ပါ) မဟုတ်ပါဘူးတဲ့၊ ကိုယ်ချမ်း သာတာနဲ့လောင်စာသိမ်း၍ မီးငြိမ်းသွားတာ ကိုယ်မြင်လိုက်တာနဲ့ ကိုယ့်ကိစ္စပြီးတာကို နိဗ္ဗာန်ခေါ်တယ် (မှန်ပါ့) ရှင်းပလား (ရှင်းပါပြီ ဘုရား)။

Consequently, Nibbana is not a city, a country, or a village. (It is not). It is absolutely not. Nibbana is the completion of your spiritual task, realized the very moment you personally see the cooling of the fire due to the exhaustion of fuel, experiencing ultimate peace. (True, Sir). Is that clear? (Yes, it is, Sir).

ကိုယ့် အပူဇာတ်တွေ သိမ်းတာကို (နိဗ္ဗာန်ခေါ်ပါတယ်) ကိုယ့် ခန္ဓာဒုက္ခသစ္စာကြီး မရှိတာကို (နိဗ္ဗာန်ခေါ်ပါ တယ်) နိဗ္ဗာန်ခေါ်တာပဲဆိုသဖြင့် အဲဒီရောက်သာ လုပ်ကြည့်ပါ (မှန်ပါ့ ဘုရား)။

The termination of your own dramatic cycle of burning heat... (Is called Nibbana). The absolute non-existence of your own mass of Suffering (Dukkha Sacca), the Aggregates... (Is called Nibbana). Since it is called Nibbana, I urge you to practice until you reach it! (We will, Sir).

နောက်က ဒကာ ဒကာမတွေ ရိပ်မိပလား (ရိပ်မိပါပြီ ဘုရား)။

Yogis in the back, do you grasp this? (Yes, we do, Sir).

ဒါဖြင့် ဖြစ်ပျက်ကနေ လိုက်သွားနော် (မှန်ပ့ါ) မုန်းလိမ့်မယ် ဖြစ်ပျက်တွေကို (မှန်ပ့ါ) နောက်ကျတော့ ဖြစ်ပျက်မလိုချင်တော့ ဆုံးမသွားပေဘူးလား (ဆုံးသွားပါတယ်) ဆုံးသွားတဲ့ အခါကျတော့ ခန္ဓာရှိသေးရဲ့လား (မရှိ တော့ပါ) ဒါဖြင့် ထင်းမှ မရှိဘဲနဲ့ ကိလေသာမီးအတွင်းမှာ ရှိချင်လို့ကော (မရှိပါ ဘုရား)။

Therefore, follow the process of Arising and Passing Away continuously. (True, Sir). You will grow disgusted with the Arising and Passing Away. (True, Sir). Eventually, when you no longer desire it, will the Arising and Passing Away not reach its absolute end? (It will end). When it ends, do the Aggregates still exist? (They no longer exist). Thus, without any firewood left, could the internal fire of Defilements possibly exist even if it wanted to? (It could not, Sir).

မရတော့ဘူးဆိုတော့ မီးရော ထင်းရောသိမ်းတာ၊ အဲဒါ ဘုရားက ဖြေလိုက်တယ်၊ ပုဏ္ဏားမီးတွေ ဘယ်သွားကုန် သတုန်းကွ၊ အို လောင်စာမှ မရှိဘဲနဲ့ မီးမရှိတော့မဘူး (မှန်ပါ့) အဲဒါ ဘယ်သွားတယ်လို့ မင်းဖြေမတုန်း ဘယ်မှမသွားဘူး၊ ဒီကျတော့ သူအမှန်ရောက်ပြီ (မှန်ပါ့) ဘယ်မှမသွားဘူး ဆိုတာသိပြီ။

It is impossible. Both the fire and the firewood are eradicated. That is what the Buddha explained to the Brahmin. "Where did the fire go? Oh, without fuel, the fire simply ceases to exist." (True, Sir). "How would you answer where it went? It went nowhere." At this point, the Brahmin finally arrived at the Absolute Truth. (True, Sir). He understood that it goes nowhere.

အဲဒီတော့ မင်းက တဏှာ၊ မာန၊ ဒိဋ္ဌိချုပ်တဲ့ပုဂ္ဂိုလ် ဘယ်သွားသတုန်းမေးတဲ့ဥစ္စာ မင်းအမေးလွဲမှန်း သိပလား၊ (မှန်ပါ့) အမေးရော မလွဲဘူးလား (လွဲပါတယ် ဘုရား)။

Therefore, when you ask where a person goes after their Craving (Taṇhā), Conceit (Māna), and Wrong View (Diṭṭhi) have completely ceased, do you now realize your question is fundamentally flawed? (True, Sir). Was the question not entirely wrong? (It was wrong, Sir).

မသွားဘဲ နေသလားလို့ မေးတာရော (လွဲပါတယ်) သွားချည်တလှည့်လား မသွားချည်တလှည့်လားလို့ မေးတာ ရော (လွဲပါတယ်) မသွားသည်မဟုတ် သွားသယောင်ယောင်ရှိသေးသလားလို့ မေးတာရော (လွဲပါတယ် ဘုရား)။

What about asking if they remain in some state without going anywhere? (That is also wrong). What about asking if they partially go somewhere and partially do not? (That is wrong). What about asking if they neither go nor not go? (That is wrong too, Sir).

နိဗ္ဗာန်ဆိုတာ လောင်စာသိမ်း၍ မီးငြိမ်းတာ

အဲဒီလို ဖြေလိုက်တော့မှ ပုဏ္ဏားက ဪ နိဗ္ဗာန်ဆိုတာ လောင်စာသိမ်း၍ မီးငြိမ်းတာကို ဆိုတာပါကလား (မှန်ပါ့) ရှင်းကြပလား (ရှင်းပါပြီ ဘုရား)။

Receiving this profound answer, the Brahmin finally realized, "Ah! Nibbana is truly the extinguishing of the fire due to the exhaustion of the fuel!" (True, Sir). Is it clear to all of you? (Yes, it is, Sir).

နိဗ္ဗာန်ဆိုတာ ဘာတုန်း (လောင်စာသိမ်း၍ မီးငြိမ်းတာပါ ဘုရား)။

What is Nibbana? (It is the extinguishing of the fire due to the exhaustion of the fuel, Sir).

ကိုယ့်ရှေ့တွင်နော် (မှန်ပါ့) ကိုယ့်ရှေ့တွင် လောင်စာရော မီးရောပျောက်တယ် (မှန်ပါ့) ဝမ်းထဲမှာ ကိလေသာမီး ပျောက်တယ် (မှန်ပါ့) ခန္ဓာလောင်စာကြီးလည်း ပျောက်သွားတယ် (မှန်ပါ့) အဲဒါ ဘာခေါ်ကြမယ် (နိဗ္ဗာန်ပါ ဘုရား)။

Right in front of your very eyes! (True, Sir). Right in front of your Insight Knowledge, both the fuel and the fire vanish entirely. (True, Sir). The internal fire of Defilements is eradicated. (True, Sir). The massive fuel of the Aggregates vanishes completely. (True, Sir). What do we call this? (Nibbana, Sir).

နိဗ္ဗာန်ခေါ်တော့ကို ဒါဖြင့် ဘုရားတဲ့ရှင်ကြီး ဂေါတမဟောတဲ့တရားဟာ မြို့နား၊ ရွာနားမှာ အင်ကြင်းပင် ကြီးနဲ့ တူတယ်တဲ့၊

မြို့နား ရွာနားမှာလည်းနေတဲ့ အင်ကြင်းပင်ကြီးဟာတဲ့ တော်တော်ကြာကြာလာတော့ အရွက်လည်း မရှိတော့ဘူး၊ အပွေးတွေလည်းမရှိတော့ဘူး၊ အကာတွေလည်း မရှိတော့ဘူး၊ အပွေးတွေ လည်း မရှိတော့ဘူး၊ အကာတွေ လည်း မရှိတော့ဘူး၊ အင်ကြင်းပင်ဆိုတာ ကျောက်ဖြစ်တာ ကိုးဗျ၊ ကျောက်ပင်ကိုးနောက်၊ ခင်ဗျားတို့ဆီလည်း ပေါပါလိမ့်မယ်၊ အနှစ်ချည့် ကျန်ရစ်ခဲ့တယ်ပေါ့ဗျာ (မှန်ပ့ါ) အကာတွေ အတက်တွေ အပွေးတွေရှိသေးရဲ့လား (မရှိပါ ဘုရား)။

When he understood what Nibbana meant, the Brahmin praised the Buddha, saying, "O Venerable Gotama, your Dhamma is like a great Sal tree standing near a city or a village. As time passes, this great Sal tree sheds its leaves, its bark falls away, and its sapwood decays. Eventually, only the pure, solid heartwood remains." As you know, Sal trees can petrify and turn into solid stone over time. You might have seen such petrified wood in your regions; only the immutable core remains. (True, Sir). Do the outer bark, the branches, or the sapwood still exist? (No, they do not, Sir).

တရားကလည်း အနှစ်ချည်းဟောတာ

အဲ ရှင်ကြီး ဂေါတမဟောတဲ့ တရားကလည်း အနှစ်ချည်းဟောတာတဲ့၊ ရွာနားပေါက်တဲ့ အင်ကြင်းပင်လိုပဲတဲ့၊ နှစ်ကလေးကြာသွားတဲ့အခါကျတော့ အခက်အခဲမရှိ အပွေးလည်းရှာမတွေ့ ကျောက်တုံးကြီး တွေ့ရသလိုပဲ အနှစ်ချည်း ဟောတာပါလို့ သူကချီးမွမ်းလိုက်တယ် (မှန်ပါ့) ရိပ်မိပလား (ရိပ်မိပါပြီ ဘုရား)။

"In the exact same way," the Brahmin praised, "the Dhamma taught by the Venerable Gotama deals solely with the profound heartwood, the absolute essence! It is just like that Sal tree. After the passage of time, with all the superficial bark and branches stripped away, one finds only the indestructible core. You teach only the ultimate, solid essence." (True, Sir). Do you grasp the meaning? (Yes, we do, Sir).

ဒါဖြင့် နိဗ္ဗာန်ဆိုတာလည်း သိသွားပြီ (မှန်ပ့ါ) နိဗ္ဗာန်ရောက်ကြောင်းရော သိသွားပလား (သိသွားပါပြီ) ဒီဖြစ်ပျက်ရှုသွားရုံပဲ (မှန်ပ့ါ) ကျေနပ်ပလား (ကျေနပါပြီ ဘုရား)။

So, now you clearly understand what Nibbana is. (True, Sir). And do you also know the path that leads exactly to Nibbana? (We know it, Sir). You simply need to continuously watch and observe the Arising and Passing Away. (True, Sir). Are you convinced? (Yes, we are convinced, Sir).

ကဲ ယနေ့ ဒီတွင် တော်ကြအုံးစို့။

သာဓု သာဓု သာဓု။

Very well, let us conclude for today. Sādhu! Sādhu! Sādhu!