တရားတော်
ကိုယ့်ခန္ဓာ ကိုယ်သုံးသပ်နည်း
ကိုယ့်ခန္ဓာ ကိုယ်သုံးသပ်နည်း
ကျေးဇူးတော်ရှင် အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး
အမရပူရမြို့-ဓမ္မာရုံ၌ ဟောကြားဆုံးမတော်မူသော
The Venerable Exalted Meditation Master Mogok Sayadaw, A Sermon Delivered at the Dhamma Hall in Amarapura (How to Examine Your Own Aggregates) Daily Practice Dhamma Talk (25-9-1962)
(ကိုယ့်ခန္ဓာ ကိုယ်သုံးသပ်နည်း)နေ့အလုပ်ပေး တရားတော်
(၂၅-၉-၆၂)
အလုပ်စဉ်ပြတယ်
ဘုရားသခင် ကိုယ်တော်မြတ်ကြီး အလုပ်စဉ်ပြတယ်၊ အလုပ်စဉ်ပြတယ်ဆိုတာ တခြားမဟုတ်ပါဘူး၊ ခန္ဓာကိုယ် ပေါ်မှာ ဉာဏ်နဲ့ အလုပ်လုပ်ဖို့ကို ပြမည့်တရားလို့ မှတ်ထားရမယ်။
The Exalted Buddha laid down the method of practice. When we say "the method of practice," it means nothing other than applying Insight (Vipassana) Knowledge to your own Aggregates (Khandhas).
ခန္ဓာကိုယ်ပေါ်၌ ဉာဏ်နဲ့အလုပ်လုပ်ရမည့်တရား၊ ကိုယ့်ခန္ဓာဒုက္ခသစ္စာရှိလျက်နဲ့ ကိုယ့်ခန္ဓာမမြင်တဲ့သူကို ကန်းတဲ့ပုဂ္ဂိုလ်လို့ ဆိုသည်။ အန္ဓပုထုဇဉ်လို့ဆိုသည် (မှန်ပါ့ ဘုရား)။
This is the teaching where you must work on your Aggregates with Insight Knowledge. Even though your own Aggregates are the Truth of Suffering (Dukkha Sacca), if you cannot see them as such, you are considered a blind person. You are called a blind, ordinary person (Andha-puthujjana). (Yes, Sir)
ကိုယ့်ခန္ဓာမှာ ဖြစ်ပျက်နေတဲ့ ဓမ္မတွေ အမှန်ရှိပါလျက်သားနဲ့ ဒီအမှန်ကို မမြင်သေးလို့ရှိရင်ဖြင့် မွေးတုန်းက လည်း အကန်းကလေး မွေးလာတယ်လို့ မှတ်ရမယ်နော် (မှန်ပါ့ ဘုရား)။
The natural phenomena of Arising and Passing Away exist right within your own Aggregates. If you still do not see this absolute truth, you must realize that you were born a blind child. (Yes, Sir)
မမြင်ဘဲနဲ့ သေသွားလို့ရှိရင်လည်း ထို့အတူပဲ အကန်းကလေး သေသွားတယ်လို့ မှတ်ရမယ် (မှန်ပါ့)။
Similarly, if you die without ever seeing this truth, you die as a blind child. (True, Sir)
ဒါ့ကြောင့် ဒကာ ဒကာမတွေ အန္ဓပုထုဇဉ်အဖြစ်နဲ့ မသေကြဘဲနဲ့ သေက္ခဖြစ်စေ အသေက္ခဖြစ်စေ၊ သေက္ခဆိုတာ သောတာပန် သကဒါဂါမ် အနာဂါမ်ကို ဆိုသည်။ အသေက္ခဆိုတာ ရဟန္တာကိုဆိုသည်။ အဲ သေက္ခ အသေက္ခအဖြစ်နဲ့ သေကြပါဆိုမှသာလျှင် ဉာဏ်အမြင်က အလင်းရောက် ကိုယ့်ဒုက္ခကိုယ်သိပြီး နောက်ဒုက္ခမဆက်တဲ့ ပုဂ္ဂိုလ်အဖြစ်သို့ ရောက်သွားတော့မှ ဪ နောက်ဒုက္ခမရှိတာ နိဗ္ဗာန်ကိုးဆိုတဲ့ဥစ္စာ မှတ်ထားရမယ် (မှန်ပါ့)။
Therefore, Yogis, do not die as blind, ordinary people. You must strive to die as a Learner (Sekkha) or an Adept (Asekkha). A Sekkha refers to a Stream-Enterer (Sotapanna), a Once-Returner (Sakadagami), or a Non-Returner (Anagami). An Asekkha refers to an Arahant. Only when you die as a Sekkha or an Asekkha will your Insight Knowledge become illuminated. You will comprehend your own suffering, thereby becoming someone who terminates the cycle of future suffering. Only then will you realize: "Indeed, the lack of suffering whatsoever is Nibbana!" (Yes, Sir)
အဲဒီတော့ ဒီဒကာ ဒကာမတွေက ဒီ့ပြင်နေရာကျတော့ သားကလေးတွေ သမီးကလေးတွေကျတော့ အမျိုးမျိုး စစ်ဆေးသုံးသပ်ကြတယ်၊ သတို့သား သတို့သမီးတို့၏ ကိစ္စဖြစ်နေတယ်၊ မိတ်ဆွေသင်္ဂဟတို့၏ကိစ္စ ဖြစ်နေတယ်။ အရောင်းအဝယ်နဲ့ပတ်သက်ပြီးလည်း အလွန်စစ်ဆေးကြတယ်၊ သူ့အတွက်က ရ မရ။ ဒီအတိုင်း ရှိ မရှိ၊ ကိုယ့်နောင်ရေး ဖြစ် မဖြစ်။ ကိုယ့်စီးပွားရေး ကိုယ်ရွက်ဆောင် မဆောင်။ ဒီပုဂ္ဂိုလ် အတော်ရွေးကြတယ် (မှန်ပါ့)။
Now, consider this. When it comes to worldly matters—your sons and daughters—you examine everything thoroughly. You scrutinize matters regarding brides and grooms, or the affairs of your friends and associates. You investigate your business dealings meticulously, calculating whether there will be profit or loss, whether things are as they seem, whether your future is secure, and whether a certain person will bring you prosperity. You are extremely selective in these matters. (True, Sir)
သူများအတွက်တွေတော့ အင်မတန် ရွေးကြပြီး သကာလ ကိုယ့်အတွက်ကိုတော့ သူများအတွက်ကိုတောင် အမျိုးမျိုးစစ်ဆေးပြီး ကိုယ့်အတွက် မစစ်ဆေးတဲ့ပုဂ္ဂိုလ်ဟာလည်း လိုရင်းဟာတယ်လို့ မှတ်ရမယ် (မှန်ပါ့ ဘုရား)။
You are incredibly particular when it comes to others. Yet, if you scrutinize everything for others but fail to examine your own self, you must understand that you have completely missed the most essential point in life. (True, Sir)
ကိုယ့်အတွက် မစစ်ဆေးတဲ့ပုဂ္ဂိုလ်
ကိုယ့်အတွက် မစစ်ဆေးတဲ့ပုဂ္ဂိုလ် ဘာဆိုကြမယ် (လိုရင်းဟာပါတယ် ဘုရား)။
What do we call a person who does not examine themselves? (They miss the most essential point, Sir).
အဲဒီတော့ ကိုယ့်အတွက် မစစ်ဆေးတဲ့ပုဂ္ဂိုလ်ဟာလည်း လိုရင်းဟာတယ်လို့ မှတ်ထားတော့ ကိုယ့်အတွက်ကို ကိုယ်စစ်ဆေးယူမှသာလျှင် ဒို့ရထားခဲ့တဲ့ ခန္ဓာကြီးဟာ အကောင်းလား အဆိုးလား (မှန်ပါ့)၊ အဆိုးဖြစ်ခဲ့လို့ရှိရင် ရှောင်ပေး။ အကောင်းဖြစ်ခဲ့လို့ရှိရင် ဆောင်ပေး ဆိုတဲ့ဥစ္စာလည်း ရှိနေတော့ ကိုယ့်အတွက် ကိုယ်စစ်ဆေးပါဆိုတာ မောင်ချစ်စိန် ဟောလိုက်တယ်နော် (မှန်ပါ့ ဘုရား)။
Exactly. Since failing to examine yourself means missing the main point, you must scrutinize your own existence. Only by examining yourself will you discover whether this mass of Aggregates you possess is something good or something bad. (True, Sir). If it is bad, you must avoid it. If it is good, you must keep it. Therefore, I am urging you today to examine yourselves. (Yes, Sir)
ဒကာ ဒကာမတွေ ကိုယ့်အတွက် စစ်ဆေးဖို့ကို ဘုရားက အရေးကြီးတယ်။ သူများအတွက်ကို စစ်ဆေးဖို့ကို ဒါလောက် အရေးမကြီးဘူးတဲ့၊ သူများအတွက် မစစ်ဆေးတော့ မသိရုံဘဲရှိတယ်၊ ကိုယ့်အတွက် မစစ်ဆေးလို့ရှိရင်ဖြင့် သစ္စာတွေပျောက်ပြီး သကာလ သစ္စာမသိတဲ့အတွက် သံရာထဲ အိုဘေး, နာဘေး, သေဘေးတွေနဲ့ အဖော်လုပ်နေရုံပဲ ရှိတယ်ဆိုတာ မှတ်ထားကြပါ (မှန်ပါ့ ဘုရား)။
Yogis, the Buddha taught that examining yourself is of the utmost importance. Examining for others is not nearly as crucial. If you fail to examine others, you simply remain ignorant of their affairs. But if you fail to examine yourself, you lose sight of the Noble Truths (Sacca). Because you do not know the Truths, you will simply become a lifelong companion to aging, sickness, and death within Samsara. Mark this well. (Yes, Sir)
ဒါဖြင့် ဘာစစ်ဆေးရမယ် (ကိုယ့်ကိုယ်ကိုယ် စစ်ဆေးရပါမယ် ဘုရား)၊ ကိုယ့်အတွက်ကို စစ်ဆေးဖို့ သိပ်အရေး ကြီးပါတယ်ဆိုတာ မှတ်ပါနော် (မှန်ပါ့ ဘုရား)၊ ဒါ့ကြောင့် သားသမီးပစ္စည်းအရေးတွေ စစ်ဆေးမှုကို ဘေးချိတ်ထား ပြီးတော့ ကိုယ့်အတွက် စစ်ဆေးမှုကို ကိုယ်အဓိကထားကြစမ်းပါဆိုတာ ဘုရားသခင် ကိုယ်တော်မြတ်ကြီးက ကုရုတိုင်း မှာ ဟောသည် (မှန်ပါ့ ဘုရား)၊ ကုရုတိုင်းမှာ ဟောတယ်နော် (မှန်ပါ့ ဘုရား)။
So, what must you examine? (We must examine ourselves, Sir). Remember that examining yourself is critically important. (Yes, Sir). Therefore, put aside the scrutiny of your children and your wealth. The Exalted Buddha preached in the Kuru Kingdom that you must make the examination of yourself your primary focus. (Yes, Sir). He taught this in the Kuru Kingdom. (True, Sir)
ကိုင်း ဒါဖြင့် ပြောကြပါစို့ ဘုရားသခင် ကိုယ်တော်မြတ်ကြီးသည် ကုရုတိုင်းရောက်သွားတဲ့အခါ ကျတော့ သံဃာတွေနဲ့ ဘုရားသခင် ကိုယ်တော်မြတ်ကြီး ကြည်ညိုပြီး သကာလ သံဃာတွေကလည်း ဘုရားသခင် ကိုယ်တော်မြတ်ကြီးနား ဝိုင်းပြီးနေကြတယ်။
Now, let us discuss this. When the Exalted Buddha arrived in the Kuru Kingdom, the Sangha, filled with deep reverence, gathered and sat around Him.
ကိုယ့် အတွင်းသားများ စစ်ဆေးကြရဲ့လား
ထိုကဲ့သို့ နေကြတဲ့အချိန်မှာ ဘုရားသခင် ကိုယ်တော်မြတ်ကြီးက မင်းတို့ ကိုယ့်အတွက်ကိုများကွာ ကိုယ့် အတွင်းသားများ စစ်ဆေးကြရဲ့လား တဲ့။
While they were gathered there, the Buddha asked, "Monks, for your own sake, are you examining your inner nature?"
ကိုယ့်အတွင်းသားများ စစ်ဆေးကြရဲ့လားလို့ မေးလိုက်တယ်နော် (မှန်ပါ့ ဘုရား)၊ ကိုယ့်အတွင်းသားများကို ကိုယ်စစ်ဆေးသုံးသပ်ကြပါရဲ့လားလို့ မေးလိုက်တယ် (မှန်ပါ့)။
He asked them if they were scrutinizing what lies within. (Yes, Sir). He questioned whether they were assessing and reflecting upon their own internal state. (True, Sir)
အဲဒီလိုမေးလိုက်တဲ့အခါကျတော့ ရဟန်းတစ်ပါးက ထတဲ့ပြီး သကာလ တပည့်တော်များ ကိုယ့်အတွင်းသား ကိုယ့်ခန္ဓာအတွင်းသား စစ်ဆေးပါတယ်ဘုရားဆိုပြီးတော့ ထ,လျှောက်တယ် (မှန်ပါ့ ဘုရား)။
Upon being asked this, one monk stood up and replied, "Venerable Sir, we do examine our inner nature, the inner contents of our Aggregates." (Yes, Sir)
ကိုင်း ဒါဖြင့် မင်းကတော့ စစ်ဆေးတဲ့ပုဂ္ဂိုလ်ဆိုပြီး ငါ့ထ,လျှောက်လို့ ခန္ဓာကိုယ်ထဲမှာ မင်းစစ်ဆေးပုံကို ပြောစမ်းပါ။ စစ်ဆေးပုံကို ပြောစမ်းပါဆိုတော့ သူက ကေသာ, လောမာနခါ, ဒန္တာ, တစော ဆိုတဲ့ သုံးဆယ့်နှစ် ကောဋ္ဌာသတွေ လျှောက်ပြီး စစ်ဆေးနေတယ်။ ခန္ဓာထဲ ဒါပဲရှိတယ်လို့ (မှန်ပါ့)။
The Buddha then said, "Very well, since you claim to examine yourself, tell me how you do it. Explain your method of assessing your Aggregates." The monk replied that he reflected upon the thirty-two parts of the body—hair of the head, hair of the body, nails, teeth, skin, and so on. He concluded that this was all that existed within the body. (True, Sir)
ဒီလိုဆိုတော့ ဘုရားသခင်ကိုယ်တော်မြတ်ကြီးက သူစစ်ဆေးပုံကို သူလျှောက်တဲ့အခါ ဘုရားက အလိုတော် မကျဘူးတဲ့။ တရားအောက်ကျတယ်။ စစ်ဆေးချင်တာက သစ္စာ (မှန်ပါ့)၊ သူက အသုဘ စစ်ဆေးနေတယ် (မှန်ပါ့)၊ စစ်ဆေးချင်တာက ဘာတုံး (သစ္စာပါ ဘုရား)၊ သစ္စာကို စစ်ဆေးစေချင်တယ်။
When the monk explained his method, the Buddha was not satisfied. The level of Dhamma was too low. The Buddha wanted him to examine the Noble Truths (Sacca). (True, Sir). But the monk was only reflecting on the foulness of the body (Asubha). (True, Sir). What did the Buddha want him to examine? (The Noble Truths, Sir). He wanted them to discern the Noble Truths.
သူစစ်ဆေးနေတာက အသုဘ ခန္ဓာကိုယ်ကြီး စစ်ဆေးနေတော့ ဘုရားသခင် ကိုယ်တော်မြတ်ကြီးက သဘော မကျဘဲ ဖြစ်ပြီး သကာလ နေတယ် (မှန်ပါ့)။
Because the monk was only examining the foulness of the physical body, the Exalted Buddha remained displeased. (True, Sir)
ထိုကဲ့သို့ ဖြစ်ပြီး သကာလ နေတော့ ဘုရား အလိုတော်မကျမှန်း ညီတော်အာနန္ဒာက အနားမှာရှိတယ်။ ရှိတော့ အလိုမကျမှန်း သူသိတယ်။ အရှင်ဘုရား တဲ့။ ဘုန်းတော်ကြီးသော မြတ်စွာဘုရားပြောမှ သိရမည့်ပုဂ္ဂိုလ်တွေ ဖြစ်ပါတယ်။ ကောင်းသောစကားကို ဆိုတော်မူတတ်တဲ့ မြတ်စွာဘုရား အရှင်ဘုရားပြောဆိုမှသာလျှင် အားလုံးသော ပုဂ္ဂိုလ်တို့ သိရမှာဖြစ်ပါတယ်ဘုရား။ ဒါ့ကြောင့် စစ်ဆေးနည်း ခန္ဓာကိုယ်အတွင်းသား သုံးသပ်နည်းကို တပည့်တော် များ သနားသောအားဖြင့် ဟောကြားတော်မူပါလို့ ရှင်အာနန္ဒာက ထိုးလျှောက်လိုက်တယ် (မှန်ပါ့)။
Seeing this, Venerable Ananda, who was nearby, realized that the Buddha was not satisfied. He thought, "These monks will only understand if the Exalted Buddha Himself explains it. Only when the Blessed One, who speaks perfect words, expounds the Dhamma will everyone comprehend it." Therefore, Venerable Ananda respectfully intervened, saying, "Venerable Sir, out of compassion for us, please teach the proper method of examining and reflecting upon the inner nature of the Aggregates." (True, Sir)
သစ္စာစစ်ဆေးနည်း
လျှောက်လိုက်တဲ့အခါကျတော့ ဘုရားသခင် ကိုယ်တော်မြတ်ကြီးက တောင်းပန်မည့် ပုဂ္ဂိုလ်ရှိတာနဲ့ ဟောရ မည့်အကြောင်း ပေါ်ပေါက်လာတော့ ကိုင်း-မင်းတို့ ကောင်းကောင်းသာ နာကြကွာ။ ငါ သစ္စာစစ်ဆေးနည်းကို သေသေချာချာ ရှင်းပြမယ်ဆိုပြီးတော့ နိဒါနဝဂ္ဂ သံယုတ်ပါဠိတော်မှာ ဟောပါတယ်လို့ ဒကာ ဒကာမတွေ မှတ်ထား ကြပါ (မှန်ပါ့ ဘုရား)။
Following this request, since someone had formally invited Him to teach and the appropriate occasion had arisen, the Exalted Buddha said, "In that case, monks, listen carefully. I will clearly explain the method of examining the Noble Truths." You should note that this teaching is found in the Nidānavagga Saṃyutta Pali. (Yes, Sir)
မင်းတို့ကွာ တဲ့ လူတိုင်းမှာရှိတယ်။ ခန္ဓာကိုယ်ထဲမှာ အိုတတ်တဲ့တရား၊ သေတတ်တဲ့တရား ခန္ဓာကိုယ်ထဲ မှာ ရှိတယ် (မှန်ပါ့)။
He taught, "Monks, everyone possesses this. Within your Aggregates, there is the nature of aging and the nature of death." (True, Sir)
ဒီဒကာ ဒကာမတွေ၏ ခန္ဓာကိုယ်ထဲမှာ အိုတတ်တဲ့ ဇရာ ဒုက္ခ, အိုတတ်တဲ့ ဇရာပိဒုက္ခသစ္စံ၊ သေတတ်တဲ့ မရဏမ္ပိ ဒုက္ခသစ္စံဆိုတဲ့ တရားတွေဟာ အများကြီး ရှိပြီး သကာလ နေတော့ အများကြီးရှိတယ်ဆိုတော့ အိုတတ်တဲ့ တရား အများကြီးရှိတယ်၊ သေတတ်တဲ့တရား အများကြီးရှိတယ်၊ ခန္ဓာကိုယ်ထဲမှာ မှတ်ထားလိုက်စမ်းပါ (မှန်ပါ့ ဘုရား)။
Yogis, within your own Aggregates, there are countless phenomena subject to aging—Jarāpi dukkha-saccaṃ—and countless phenomena subject to death—Maraṇampi dukkha-saccaṃ. Realize that your body is entirely filled with these phenomena of aging and death. (Yes, Sir)
ခန္ဓာကိုယ်ထဲမှာ အိုတတ်တဲ့ တရားပေါင်း ဘယ်လောက်ရှိသတုံး (အများကြီးပါ)၊ အများကြီးရှိတယ်၊ သေတတ် တဲ့တရား ဘယ်လောက်ရှိသတုံး မေးရင်ကော (အများကြီးရှိပါတယ်)၊ အများကြီးရှိတယ်လို့ မှတ်ပါ၊ ဘာ့ကြောင့်တုံး ဆိုတော့ ရုပ်တွေ နှစ်ဆယ့်ရှစ်ခုဟာလည်း အိုတတ် သေတတ်တဲ့တရား၊ နာမ်ငါးဆယ့်သုံးကလည်း အိုတတ်, သေတတ် တဲ့တရား၊ အဲဒီတော့ အများကြီးရှိတယ်ဆိုတာ အင်မတန် သေချာနေပြီဆိုတာ မှတ်မိကြပြီ (မှန်ပါ့)၊ ဒီရုပ်နာမ်ပဲ ရှိ တာကိုး။
How many phenomena subject to aging are there in your body? (A great many, Sir). Yes, a great many. And if I ask how many phenomena subject to death there are? (A great many, Sir). Note that there are a great many. Why? Because all twenty-eight physical phenomena (Rupa) are subject to aging and death. All fifty-three mental phenomena (Nama) are also subject to aging and death. So, it is absolutely certain that there are countless such phenomena. You grasp this now. (True, Sir). After all, there is nothing but physical and mental phenomena.
အိုတတ်တဲ့တရား, သေတတ်တဲ့တရားတွေ အများကြီးရှိတယ်။ အဲဒီ အိုတတ်တဲ့တရား, သေတတ်တဲ့တရား အများကြီးရှိတာကို မင်းတို့ ခန္ဓာကိုယ်ထဲကွာ အိုတတ်တာတွေ, သေတတ်တာတွေ, အိုတတ်, သေတတ်တဲ့ တရားတွေ၊ အိုတတ်တဲ့ တရားတွေဟာ ခန္ဓာကိုယ်ထဲ အများကြီးပါလား။
There are countless phenomena of aging and death. When you examine your own body and see that it is completely full of things that age and die, a realization dawns on you.
ဒါမှ ကိုယ့်ခန္ဓာကိုယ်ထဲမှာ ဘာသစ္စာမှ မရှိဘူး၊ ဒုက္ခသစ္စာတွေ ရှိနေတာပါကလားဆိုတာ ပေါ်လာတယ် (မှန်ပါ့ ဘုရား)။
You realize that there is no other Truth within your Aggregates—there is only the Truth of Suffering (Dukkha Sacca). (Yes, Sir)
ဒုက္ခသစ္စာသာ စုနေတယ်
ဘယ်လိုပေါ်လာသတုံး (ဒုက္ခသစ္စာတွေသာ ရှိနေပါကလားဆိုတာ ပေါ်လာပါတယ် ဘုရား)။
What realization dawns on you? (We realize that there is only the Truth of Suffering, Sir).
ဒုက္ခသစ္စာသာ စုနေတယ်လို့ ပေါ်လာတယ်လို့ မှတ်လိုက်ကြစမ်းပါနော် (မှန်ပါ့ ဘုရား)။
Mark this well: you see clearly that only the Truth of Suffering is gathered here. (Yes, Sir)
ဒုက္ခသစ္စာတွေ စုနေတယ် ပေါ်လာတော့ကို ဪ ဒုက္ခသစ္စာပဲ ခန္ဓာကိုယ်ထဲမှာ ရုပ်တွေ, နာမ်တွေ အလုံးစုံအကုန်တွေဟာ ဒုက္ခသစ္စာတွေပဲ၊ ဇရာပိ ဒုက္ခသစ္စံ၊ သေတတ်တဲ့ မရဏမ္ပိ ဒုက္ခသစ္စံဆိုတာလည်း သေဖို့ပဲဆိုတဲ့ ဥစ္စာ မောင်ချစ်စိန် မှတ်ထားရမယ် (မှန်ပါ့ ဘုရား)။
When it becomes evident that the Truth of Suffering is gathered here, you realize, "Oh, it is just Dukkha Sacca! Every single physical and mental phenomenon in this body is nothing but the Truth of Suffering." Jarāpi dukkha-saccaṃ—they are bound to age. Maraṇampi dukkha-saccaṃ—they are bound to die. You must recognize this. (Yes, Sir)
အခြားတရားတွေလား ဒါရုပ်နာမ်ပဲမဟုတ်လား (ရုပ်နာမ်ပါ)၊ အိုတတ်တဲ့တရားလည်း ရုပ်နာမ်၊ သေတတ်တဲ့ တရားလည်း ရုပ်နာမ်၊ အခု တရားနာနေတဲ့ ရုပ်နာမ်တွေ မှတ်လိုက်ကြစမ်းပါ (မှန်ပါ့ ဘုရား)။
Are they anything else, or are they just mental and physical phenomena? (They are mental and physical phenomena, Sir). The things that age are Nama and Rupa. The things that die are Nama and Rupa. Note carefully the Nama and Rupa that are listening to this sermon right now. (Yes, Sir)
ဒါတွေဟာ ဘာဖြစ်တဲ့ တရားတွေတုံး (အိုတတ်, သေတတ်တဲ့ တရားတွေပါ ဘုရား)။
What kind of phenomena are they? (They are phenomena that age and die, Sir).
အိုတတ်တဲ့တရား သေတတ်တဲ့တရား၊ ဒါတွေစုနေတယ်လို့ သေသေချာချာမှတ်ပါနော် (မှန်ပါ့ ဘုရား)။
They are phenomena of aging and dying. Understand clearly that they are just a collection of these things. (Yes, Sir)
အဲဒါသုံးသပ်လိုက်တော့ ဪ ခန္ဓာကိုယ်ထဲမှာ ဘာသစ္စာမှမရှိဘူး၊ အိုတတ်, နာတတ်တဲ့ 'ဇရာပိ ဒုက္ခသစ္စံ မရဏမ္ပိ ဒုက္ခသစ္စံ”ဆိုတဲ့ ဒီသစ္စာတွေသာ ရှိနေပါကလားဆိုတော့ သူသစ္စာသိလာတယ် (မှန်ပါ့)၊ မသိဘူးလား (သိပါတယ် ဘုရား)။
When you examine it this way, you realize, "Ah, there is no other Truth in this body. There is only the Truth of aging and dying—Jarāpi dukkha-saccaṃ, Maraṇampi dukkha-saccaṃ." Thus, you come to know the Noble Truths. (True, Sir). Do you not know it? (We do, Sir).
သစ္စာသိလာတယ်ဆိုကတည်းက ဇရာ, မရဏဟာ ဒုက္ခသစ္စာ သိတာက မဂ္ဂသစ္စာကလေး လောကီမဂ္ဂသစ္စာ ကလေး တွေးလိုက်တဲ့အခါ လောကီမဂ္ဂသစ္စာကလေး ပေါ်မလာဘူးလား (ပေါ်လာပါတယ် ဘုရား)။
The moment you know the Noble Truths—when you realize that aging and death are Dukkha Sacca—the mind that watches and observes this is Magga Sacca. It is the mundane Path (Lokiya Magga Sacca). When you reflect on this, doesn't the mundane Path arise? (It arises, Sir).
ဇရာ, မရဏက ခန္ဓာကိုယ်ထဲမှာ အပြည့်အနှက်ရှိနေတာက ဘာသစ္စာတုံး (ဒုက္ခသစ္စာပါ)၊ ဒုက္ခသစ္စာလို့ ရှုနေလို့ သိတာကလေးက ဘာတုံး (မဂ္ဂသစ္စာပါ ဘုရား)၊ လောကီမဂ္ဂသစ္စာကလေးတဲ့။
Aging and death densely packing the body—what Truth is that? (It is the Truth of Suffering, Sir). And the insight that watches, observes, and knows it as the Truth of Suffering—what is that? (It is the Path of Truth, Sir). Yes, it is the mundane Magga Sacca.
အဲဒီလို အတွင်းသုံးသပ်လိုက်တဲ့အခါကျတော့ ကိုယ့်သန္တာန်မှာ နိဗ္ဗာန်ရောက်ကြောင်း မဂ္ဂင်တရားကောင်း ကလေး ပေါ်လာတယ်၊ တွေးလိုက်တာနဲ့ ပေါ်လာတယ် (မှန်ပါ့)၊ ရှင်းကြပလား (ရှင်းပါပြီ ဘုရား)။
When you examine your inner nature in this way, the noble Path factors that lead to Nibbana develop within your continuum. Just by reflecting, they arise. (True, Sir). Is that clear? (Yes, it is, Sir).
ကောင်းပြီ ဒါဖြင့် ဒီဒုက္ခသစ္စာကို ဆက်တွေးဦးကွ တဲ့၊ အတွင်း ဆင်ခြင်ကြပါဆိုတဲ့အတိုင်း ဒီအိုတတ် နာတတ်တဲ့ တရားနှစ်ခုဟာ (ဝါ) ဇရာပိဒုက္ခသစ္စံ, မရဏမ္ပိ ဒုက္ခသစ္စံဆိုတဲ့ တရားနှစ်ခုဟာ ဘယ်ကများ လာပါလိမ့် မတုံးလို့ မင်းတို့ ဆက်ပြီးတော့ သုံးသပ်ဆင်ခြင်ကြစမ်းပါတဲ့ဆိုတော့မှ ဪ အိုတတ် သေတတ်တဲ့ တရားနှစ်ခု ဟာ ခန္ဓာက လာတာကိုး (မှန်ပါ့)၊ ရှင်းကြပလား (ရှင်းပါပြီ)။
The Buddha continued, "Very well, now contemplate this Truth of Suffering further." Following His instruction to reflect inwardly, you must ask yourself: "Where do these two phenomena of aging and dying—Jarāpi dukkha-saccaṃ and Maraṇampi dukkha-saccaṃ—come from?" When you continuously examine and reflect upon this, you realize, "Ah, these phenomena of aging and dying come from the Aggregates (Khandhas)!" (True, Sir). Is that clear? (Yes, it is).
အိုတတ် သေတတ်တဲ့ တရားနှစ်ခုဟာ (ခန္ဓာက လာပါတယ်ဘုရား)၊ ခန္ဓာက လာတယ်။
Where do these two phenomena of aging and dying come from? (They come from the Aggregates, Sir).
ဒါဖြင့် ခင်ဗျားတို့ ခန္ဓာကလာတယ်လို့ ဘုရားက တွေးလိုက်တဲ့။ ခန္ဓာထဲမှာမှ အို ဆိုတဲ့ တေဇော၊ သေ ဆိုတဲ့ တေဇောဓာတ်တွေက ခန္ဓာက ဖြစ်လာတာ (မှန်ပါ့)၊ မဟုတ်ဘူးလား၊ ခန္ဓာက ပါလာတာ။
The Buddha instructed you to trace it back to the Aggregates. Within the Aggregates, the Fire Element (Tejo) that causes aging and the Fire Element that causes death emerge directly from the Aggregates themselves. (True, Sir). Isn't that right? They come inherently with the Aggregates.
ဒါကြောင့် အို-သေ ဘယ်ကလာသတုံးမေးရင် ဘယ့်နှယ်ပြောကြမယ် (ခန္ဓာက လာပါတယ်ဘုရား)၊ ခန္ဓာက လာတယ်ဆိုတာ သေသေချာချာ မှတ်တော့မှ အို, သေက ဒုက္ခသစ္စာ။ ခန္ဓာက သမုဒယဖြစ်ကြောင်းပေါ့လေ (မှန်ပါ့)၊ ရှင်းပလား (ရှင်းပါပြီ)၊ သိတာကလေးက မဂ္ဂသစ္စာ။
Therefore, if I ask where aging and death come from, what will you say? (They come from the Aggregates, Sir). Once you firmly understand that they come from the Aggregates, you see that aging and death are Dukkha Sacca. The Aggregates act as the cause, the origin (Samudaya). (True, Sir). Is that clear? (Yes, it is). And the mind that watches and observes this is Magga Sacca.
ဒီသိတဲ့ပုဂ္ဂိုလ်က သမုဒယသစ္စာ သိနေ- သေနေတာပဲ (မှန်ပါ့)၊ နောက်ထပ် ဒီခန္ဓာကြီး ရချင်ယူချင်တဲ့သဘော တွေ လာသေးရဲ့လား (မလာပါ ဘုရား)။
For the person who realizes this, the Truth of the Origin of Suffering (Samudaya Sacca) is eradicated. (True, Sir). Will any desire to get or hold onto these Aggregates ever arise again? (No, Sir).
အေး ဒါကြောင့် လေးချက် လေးချက် ပြီးသွားတယ်ကွာတဲ့။ ဒီလိုသုံးသပ်လိုက်လို့ရှိရင် လေးချက်လေးချက် ပြီးသွားတယ် (မှန်ပါ့)။
Exactly. The Buddha said that by doing this, all four tasks regarding the Noble Truths are accomplished simultaneously. When you examine it like this, the four tasks are fulfilled. (True, Sir).
အို သေ ဘယ်ကလာသတုံး
ကိုင်း ဒါဖြင့် ဒကာ ဒကာမတို့ ခန္ဓာထဲမှာ အိုတတ်တဲ့တရား သေတတ်တဲ့တရားကတော့ဖြင့် အခု ကိုယ်တိုင်အိုနေတာ မြင်သဖြင့်လည်း သိပါပြီ (မှန်ပါ့)၊ ကိုယ်တိုင်သေရတော့မယ်ဆိုတာလည်း ဘယ်သူမှ မြေကြီးလက် ခတ် မလွဲဘူး (မှန်ပါ့ ဘုရား)၊ သေကြလိမ့်မယ်ဆိုတာလည်း သေတတ်တဲ့တရား ပါနေလို့ သေလိမ့်မယ်ဆိုတာလည်း သိပြီးသားဖြစ်နေတော့ ဒီ အို သေ ဘယ်ကလာသတုံး (ခန္ဓာက လာပါတယ်ဘုရား)၊ ရှင်းကြပြီ (ရှင်းပါပြီ ဘုရား)။
Now, Yogis, since you can see yourselves aging right now, you already know that the phenomena of aging and death exist within the Aggregates. (True, Sir). No one can deny that they are going to die; it is as certain as hitting the ground when you strike it with your hand. (True, Sir). You know you will die because the nature of death is inherent in you. Since you already know this, where do aging and death come from? (They come from the Aggregates, Sir). Now it is clear. (Yes, it is, Sir).
အို သေ ဘယ်ကလာ (ခန္ဓာက လာပါတယ်ဘုရား)၊ ဒါဖြင့် ဒီ ဒကာ ဒကာမတွေ ခန္ဓာကလာတယ်ဆိုတာ ယခု ခန္ဓာငါးပါးက လာတယ် (မှန်ပါ့)၊ ရှင်းကြပလား (ရှင်းပါပြီ ဘုရား)။
Where do aging and death come from? (They come from the Aggregates, Sir). So, Yogis, when we say they come from the Aggregates, it means they come from these Five Aggregates. (True, Sir). Is that clear? (Yes, it is, Sir).
ခန္ဓာငါးပါးကလာတော့ မောင်ချစ်စိန် ဒီခန္ဓာကိုများ ဒကာ ဒကာမတွေက နတ်ခန္ဓာကောင်းတယ်၊ ဗြဟ္မာခန္ဓာကောင်းတယ်၊ လူခန္ဓာကောင်းတယ်၊ စကြဝတေး မန္ဓာတ်ခန္ဓာ ကောင်းတယ်လို့များ နည်းနည်းကလေး ကိုယ့်စိတ်ထဲမှာ ထင်လိုက်လို့ရှိရင်ပဲ အိုချင်သေးလို့ သေချင်သေးလို့ မိုက်စိတ်ပေါ်တာပဲလို့ ဆုံးဖြတ်ချက်ချ (မှန်ပါ့)။
Since they come from the Five Aggregates, if you Yogis ever harbor even the slightest thought that a Deva's body is good, a Brahma's body is good, a human body is good, or the body of a Universal Monarch is good, you must conclude that this foolish thought arises simply because you still want to age and you still want to die! (True, Sir).
ဘယ်လိုဆိုကြမယ် (အိုချင်သေးလို့ သေချင်သေးလို့ မိုက်စိတ်ပေါ်တာပါ ဘုရား)။
What should we call it? (It is a foolish thought arising because we still want to age and die, Sir).
မိုက်စိတ်လာတယ်။ ခန္ဓာက လာတယ်လို့ ဘုရားက ဟောထားတာကိုး (မှန်ပါ့)။
It is a foolish thought. The Buddha clearly taught that aging and death come from the Aggregates. (True, Sir).
အို သေ ဘယ်ကလာသတုံး (ခန္ဓာက လာပါတယ် ဘုရား)။
Where do aging and death come from? (They come from the Aggregates, Sir).
ဒါဖြင့် လူခန္ဓာ ဆုတောင်းတဲ့ပုဂ္ဂိုလ်၊ နတ်ခန္ဓာ ဆုတောင်းတဲ့ပုဂ္ဂိုလ်၊ ဗြဟ္မာခန္ဓာကို ဆုတောင်းတဲ့ဥစ္စာ ဒုက္ခသစ္စာ ရရပါလို၏။ ဒီအဓိပ္ပာယ်မရောက်ဘူးလား (ရောက်ပါတယ် ဘုရား)။
If so, for a person who prays for a human existence, a Deva existence, or a Brahma existence, does it not mean they are praying, "May I attain the Truth of Suffering"? Doesn't it carry that exact meaning? (It does, Sir).
ဘယ်လိုရောက်ပါလိမ့် (ဒုက္ခသစ္စာ ရရပါလို၏)၊ ဒုက္ခသစ္စာ ရရပါလို၏။ ဆုတောင်းလိုက်တာနဲ့ အတူတူပဲ (မှန်ပါ့ ဘုရား)၊ ဒီကနေ စစ်ဆေးလိုက်တော့မှ မောင်ချစ်စိန် ပေါ်လာတယ် (မှန်ပါ့)။
What does it amount to? ("May I attain the Truth of Suffering"). Yes, "May I attain the Truth of Suffering." It is exactly the same as praying for that. (True, Sir). When you examine it from this angle, the truth becomes glaringly obvious. (True, Sir).
ဒီကနေ စစ်ဆေးလိုက်တော့မှ ဪ ခန္ဓာများ ဆုတောင်းတဲ့ပုဂ္ဂိုလ်ဟာ ဤဆွမ်း, ဤကွမ်းကြောင့် ဤ ကျောင်း ဤကန်ကြောင့် ဤရေတွင်း ဤရေကန်ကြောင့် နောက်ဘဝ လူချမ်းသာ နတ်ချမ်းသာ ဗြဟ္မာချမ်းသာဆိုတာ များ မှားပြီး တောင်းမိကြတဲ့ပုဂ္ဂိုလ်ဟာ ဒုက္ခသစ္စာ အရယူတာပဲ (မှန်ပါ့)။
By scrutinizing it this way, you realize: "Oh, those who pray for Aggregates—saying, 'By virtue of this donated food, this monastery, or this well, may I enjoy the wealth of a human, Deva, or Brahma in the next life'—those who mistakenly make such prayers are simply begging to acquire the Truth of Suffering!" (True, Sir).
ဘယ့်နှယ်ဆိုကြမယ် (ဒုက္ခသစ္စာ အရယူတာပါ ဘုရား)၊ ဒီ့ထက်မိုက်တာများ ရှိသေးရဲ့လား (မရှိပါ ဘုရား)၊ ဒုက္ခသစ္စာဆိုတာ အားလုံး ဒကာ ဒကာမတွေ မှတ်ထားလိုက်စမ်းပါ။ ရှောင်ကွင်းရမည့်အလုပ် (မှန်ပါ့)၊ ပိုင်ပိုင်နိုင်နိုင် သိသဖြင့် မင်းနေရစ်တော့ မင်းနဲ့အတူမနေတော့ဘူးကွ ဒီလိုတော်လှန်ရမည့် တရားကြီးကို အရယူချင်တဲ့သဘော ပေါ်လာလို့ရှိရင်ဖြင့် ဒုက္ခမကြိုက်ကောင်းတာကြီး ကြိုက်နေတဲ့ အဓိပ္ပာယ်ပဲဆိုတဲ့ဟာ ရှင်းနေတယ် (မှန်ပ့ါ)၊ မရှင်းဘူး လား (ရှင်းပါတယ် ဘုရား)။
What are they doing? (They are acquiring the Truth of Suffering, Sir). Could there be anything more foolish than this? (No, Sir). Yogis, mark this well: the Truth of Suffering is something you must absolutely avoid! (True, Sir). Once you thoroughly understand it, you should rebel against it, declaring, "You stay behind! I will no longer dwell with you!" If the desire to acquire this very thing you should be rejecting arises, it clearly means you are craving the very suffering you ought to despise. This is crystal clear. (True, Sir). Is it not clear? (It is clear, Sir).
အဲဒါကြောင့် ပြန်မေးပါတယ်။ နောက်က ဒကာ ဒကာမတွေ။ ခန္ဓာထဲမှာ အိုတတ် သေတတ်တဲ့ တရားတွေ ရှိတယ် (ရှိပါတယ် ဘုရား)၊ ဘယ်ကလာတာတုံး မေးလို့ရှိရင် ဘယ့်နှယ်ဖြေကြမလဲ (ခန္ဓာက လာပါတယ် ဘုရား)။
Therefore, I will ask you again, Yogis in the back. Are there phenomena of aging and death within the Aggregates? (Yes, there are, Sir). If asked where they come from, how will you answer? (They come from the Aggregates, Sir).
ဪ ခန္ဓာရှိလို့ သူလာကိန်းနေတာ (မှန်ပါ့ ဘုရား)။
Ah, they come and reside in you precisely because you possess the Aggregates. (True, Sir).
အိုတတ် သေတတ်တဲ့ တရားနှစ်ခုဟာ လူတိုင်းမှာ ကိန်းမှာပဲတဲ့ ခန္ဓာရှိလို့ရှိရင်ဖြင့် (မှန်ပါ့)၊ ရှင်းကြပလား (ရှင်းပါပြီ ဘုရား)။
The Buddha taught that these two phenomena of aging and death will dwell in everyone as long as they possess the Aggregates. (True, Sir). Is that clear? (Yes, it is, Sir).
ခန္ဓာရှိရင် လူတိုင်းမှာ (ကိန်းမှာပါ ဘုရား)၊ ကိန်းမှာအောင်းမှာပဲဆိုတာ ပြောဖို့ လိုသေးသလား (မလိုပါ ဘုရား)။
If there are Aggregates, they will dwell in everyone. (They will, Sir). Is there any need to reiterate that they will lodge and hide within you? (No, Sir).
အေး ဒါကြောင့် ဘုန်းကြီးတို့ ဒကာ ဒကာမတွေ “ယထာဘူတံ ဉာဏာယ သတ္ထာ ပရိယေသိတဗ္ဗော” ဟုတ်တိုင်းမှန်စွာ ဟောတတ်ပြောတတ်တဲ့ဆရာ ငါမရှိသည့်နောက် ရှာဖြစ်အောင် ရှာကြပါကွ။ နို့မဟုတ်ရင် အို,သေ ဆုတောင်းယူတတ်တဲ့ လမ်းညွှန်မှားတွေနဲ့ တွေ့လိုက်လို့ရှိရင် မင်းတို့ ဒုက္ခရောက်ပါလိမ့်မယ် ဆိုတဲ့ဥစ္စာ မပေါ် လာသေးဘူးလား (ပေါ်လာပါတယ် ဘုရား)။
This is exactly why the Buddha advised, "Yathābhūtaṃ ñāṇāya satthā pariyesitabbo"—"After I am gone, you must actively seek out a teacher who preaches the absolute truth as it really is." Otherwise, if you encounter misleading guides who teach you to pray for aging and death, you will undoubtedly plunge into suffering. Doesn't this become obvious? (It becomes obvious, Sir).
ခန္ဓာကလာပါတယ်
ကိုင်း ဒကာ ဒကာမတို့ အို သေ ဘယ်ကလာ (ခန္ဓာကလာပါတယ် ဘုရား)။
So, Yogis, where do aging and death come from? (They come from the Aggregates, Sir).
ဒါဖြင့် ဘယ်ခန္ဓာများ ခင်ဗျားတို့ နောက်ထပ်ရရင် ကောင်းလိမ့်မယ် ထင်ကြသတုံး (ဘယ်ခန္ဓာမှ မကောင်းပါ ဘုရား)၊ ဘယ်ခန္ဓာရလို့မှ မကောင်းဘူးဆိုတာ သဘောပါပလား (ပါပါပြီ ဘုရား)။
If so, which set of Aggregates do you think would be good to get in the future? (No Aggregate is good, Sir). Do you now grasp that attaining any kind of Aggregate is never good? (We grasp it, Sir).
ဘယ့်နှယ်ကြောင့် မကောင်းပါလိမ့်မတုံးလို့ အမေးစိစစ်ထုတ်တဲ့အခါကျတော့မှ ဒကာ ဒကာမတို့ အို,သေဟာ ခန္ဓာက ယူဆောင်လာတာ (မှန်ပါ့ ဘုရား)။
When we critically investigate why it is never good, we find that the Aggregates themselves carry aging and death with them. (True, Sir).
အို, သေဟာ (သူယူဆောင်လာတာပါ)၊ ခန္ဓာက ယူဆောင်လာတာဆိုတာ သဘောကျပလား (ကျပါပြီ ဘုရား)။
Aging and death are brought along by the Aggregates. Do you accept this? (We do, Sir).
ဒါကြောင့် ဘုန်းကြီးတို့ ဘုရားသခင် ကိုယ်တော်မြတ်ကြီး တပည့်သားမြေးတွေ ဥပမာပြုထားတာရှိတယ် (မှန်ပါ့ ဘုရား)၊ အို,သေ ဘယ်ကလာ (ခန္ဓာကလာပါတယ် ဘုရား)။
This is why the Exalted Buddha's disciples have used illustrations to explain this. (True, Sir). Where do aging and death come from? (They come from the Aggregates, Sir).
ဪ ဒါဖြင့် ခန္ဓာသည်ကားလို့ ဆိုလို့ရှိရင်ဖြင့် အို, သေကို လက်ခံတဲ့တရားပဲ (မှန်ပါ့)၊ မဆိုနိုင်ဘူး လား (ဆိုနိုင်ပါတယ် ဘုရား)။
Ah! If so, we can say that the Aggregates are simply the phenomena that host and welcome aging and death. (True, Sir). Can we not say that? (We can, Sir).
ခန္ဓာသည် ဘာလက်ခံပါလိမ့် (အို,သေကို လက်ခံပါတယ် ဘုရား)။
What do the Aggregates host? (They host aging and death, Sir).
အို, သေ လက်ခံတတ်တဲ့ တရားဆိုတော့ လူခန္ဓာ၊ နတ်ခန္ဓာ၊ ဗြဟ္မာခန္ဓာကို ဒကာ ဒကာမတို့ ဘယ်အခါကာလ မှ မတောင်းကြပါနဲ့၊ ခန္ဓာချုပ်ငြိမ်း ရုပ်သိမ်းရာကိုသာ အလိုရှိကြပါ၊ ဆုတောင်းကြပါ၊ ရောက်အောင် အားထုတ်ကြပါ ဆိုတာ ဆရာဘုန်းကြီးက တိုက်တွန်းတယ်၊ ခန္ဓာရှိရင် အိုသေလာမှာကြောင့် (မှန်ပါ့)။
Since they are phenomena that host aging and death, Yogis, never, at any time, pray for a human body, a Deva body, or a Brahma body! I strongly urge you to desire only the cessation and termination of the Aggregates. Aspire for that, and strive to attain it! Because as long as there are Aggregates, aging and death will inevitably follow. (True, Sir).
ဒါ့ကြောင့် ဘုရားက အို,သေ ဘယ်ကလာသတဲ့တုံး (ခန္ဓာကလာပါတယ် ဘုရား)၊ ဒီလိုနောက်ပြန်သုံးသပ်ပါ ကွ တဲ့ (မှန်ပါ့)။
This is why the Buddha asked, "Where do aging and death come from?" (They come from the Aggregates, Sir). He instructed, "Trace it backward like this." (True, Sir).
နောက်ပြန်သုံးသပ်စမ်းပါတဲ့၊ အို, သေဟာ ခန္ဓာကလာတယ်၊ ရှင်းပြီနော် (ရှင်းပါပြီ)။
Examine it in reverse. Aging and death come from the Aggregates. This is clear now, isn't it? (It is clear).
ကောင်းပြီ တဲ့၊ ဒီခန္ဓာကိုလည်း တစ်ခါ မင်းတို့သည်ကားလို့ ဆိုလို့ရှိရင်ဖြင့် ဆက်ပြီး သကာလ မောင်ချစ်စိန် အကြောင်းရှာပါတဲ့ နော် (မှန်ပါ့)။
The Buddha continued, "Very well, now you must go further and search for the cause of these Aggregates." (True, Sir).
ဒီခန္ဓာကလည်း မိုးပေါ်ကျမဟုတ်ဘူးတဲ့၊ သူ ဘယ်ကလာသတုံးဆိုတဲ့ လက်သည်အကြောင်းရင်းကိုလည်း ဒကာ ဒကာမတွေ တွေးဖြစ်အောင် တွေးပါ (မှန်ပါ့)၊ ဒါမှ ကျင့်စရာ လမ်းကွက်ပေါ်လာမယ် (မှန်ပါ့)၊ နို့မဟုတ်ရင် ကျင့်စရာ လမ်းကွက် မပေါ်ပါဘူးတဲ့ (မှန်ပါ့)။
These Aggregates did not just fall from the sky. You must think deeply to uncover the true culprit, the root cause of where they came from. (True, Sir). Only then will the path of practice reveal itself to you. (True, Sir). Otherwise, the method of practice will remain hidden. (True, Sir).
ဒါကြောင့် ဒီရှေ့ပိုင်းမှာ ဘုရားသခင်ကိုယ်တော်မြတ်ကြီး ပဋိလောမ နောက်ဆုတ်မေးနေတယ်ဆိုတာ မောင် သစ် မှတ်ပါ (မှန်ပါ့)။
Therefore, you must note that in this earlier section, the Exalted Buddha is questioning in reverse order (Patiloma). (True, Sir).
အို,သေဟာ အဆုံးပဲမဟုတ်လား၊ ပဋိစ္စသမုပ္ပါဒ်မှာ (မှန်ပါ့)။
In the Wheel of Dependent Origination (Paticcasamuppada), aging and death are the very end, are they not? (True, Sir).
အဲဒီ့ အို,သေ ဘယ်ကလာသတုံးလို့ မေးတဲ့အခါကျတော့ ဒကာ ဒကာမတို့ ခန္ဓာက လာတယ်၊ ရှင်းပလား (ရှင်းပါပြီ ဘုရား)။
When asked where aging and death come from, Yogis, they come from the Aggregates. Is that clear? (Yes, it is, Sir).
တစ်ခါ ဒီခန္ဓာကို လက်သည်ရှာပြီး အကြောင်းရင်းရှာပြီး တွေးလိုက်စမ်းပါဦးတဲ့ ဒီခန္ဓာက မိုးပေါ်ကျလား၊ သူ့ကို ဖြစ်စေတဲ့ အကြောင်းများ ရှိသေးသလားဆိုတာ တွေးလိုက်တော့ကို ဒကာ ဒကာမတွေ ဆုတောင်း တဏှာက လာတယ် (မှန်လှပါ ဘုရား)။
Now, trace the culprit and find the root cause of these Aggregates. Did they fall from the sky? Is there a cause that generated them? When you reflect on this, Yogis, you will see that they come from craving (Tanha)—the craving that prays for existence. (True, Sir).
ခန္ဓာ ဘယ်ကလာ (ဆုတောင်းတဏှာက လာပါတယ်ဘုရား)။
Where do the Aggregates come from? (They come from the craving that prays for them, Sir).
ဪ ခင်ဗျားတို့ ဆုတောင်းတဏှာက ခန္ဓာလုပ်လိုက်တယ်၊ ခန္ဓာလုပ်လိုက်လို့ အို, သေနဲ့ ဇာတ်သိမ်းကြရတယ် (မှန်ပါ့)၊ ရှင်းကြပလား (ရှင်းပါပြီ)။
Ah! Your craving to pray for existence created the Aggregates. Because the Aggregates were created, the story inevitably ends with aging and death. (True, Sir). Is it clear? (It is clear).
ခန္ဓာ ဘယ်ကလာသတုံး
ပြန်မေးတယ်၊ အို, သေ ဘယ်ကလာသတုံး (ခန္ဓာက လာပါတယ် ဘုရား)၊ ခန္ဓာ ဘယ်ကလာသတုံး (ဆုတောင်း တဏှာက လာပါတယ်ဘုရား)၊ အဲ ဘုံဘဝဆုတောင်းတဲ့ တဏှာက လာတယ် (မှန်ပါ့)၊ ရှင်းပလား (ရှင်းပါပြီ)။
I will ask again: Where do aging and death come from? (They come from the Aggregates, Sir). Where do the Aggregates come from? (They come from craving, Sir). Yes, they come from the craving that prays for rebirth in various realms of existence. (True, Sir). Is that clear? (It is clear).
ဘယ်ကလာသတုံး (ဘုံဘဝဆုတောင်းတဲ့ တဏှာကလာတာပါ ဘုရား)။
Where do they come from? (They come from the craving that prays for rebirth in various realms, Sir).
ဘုံဘဝဆုတောင်းတဲ့ တဏှာက လာတယ်ဆိုတဲ့ဥစ္စာ မောင်ချစ်စိန် ပေါ်ရော့ပေါ့ (ပေါ်ပါပြီ)။
The fact that they come from the craving for existence is now evident. (It is evident).
ဪ ဒါဖြင့် တဏှာဟာ တော်တော်အရင်းကျတဲ့တရားပဲ၊ ဒါဖြင့် တဏှာက သမုဒယသစ္စာ၊ ခန္ဓာက ဒုက္ခသစ္စာဖြစ်သွားပြန်တာပါပဲ (မှန်ပါ့)၊ မဆိုနိုင်ဘူးလား (ဆိုနိုင်ပါတယ် ဘုရား)။
Ah! Then craving (Tanha) is the fundamental root cause. Thus, craving is the Truth of the Origin of Suffering (Samudaya Sacca), and the Aggregates are the Truth of Suffering (Dukkha Sacca). (True, Sir). Can we not say that? (We can, Sir).
အဲဒီလို မင်းတို့ ပြောင်းပြန်-ပြန်ပြီး သုံးသပ်စမ်းပါကွာတဲ့ နောက်အရင်းကျကျ ကျင့်စရာတရား ပေါ်ပါလိမ့် မယ်တဲ့ (မှန်ပါ့)။
The Buddha instructed, "Examine the process in reverse like this, and the fundamental Dhamma that you need to practice will reveal itself." (True, Sir).
ပြောင်းပြန်-ပြန်ပြီး သုံးသပ်တော့မှ ကျင့်စရာ တရားပေါ်လာတယ်နော် (မှန်ပါ့)။
Only when you examine it backward does the method of practice emerge. (True, Sir).
ဒါဖြင့် ဒီနေ့တရားကို ပြောင်းပြန်-ပြန်ပြီး သုံးသပ်ခိုင်းတာ ဘုရားသည် ဘယ်အကျိုးငှာတုံးဆိုတော့ ကျင့်စရာ ကျင့်နည်းပေါ်အောင်လို့ ခိုင်းတာ (မှန်ပါ့)၊ ရှင်းကြပလား (ရှင်းပါပြီ ဘုရား)။
So, for what purpose did the Buddha ask you to examine today's Dhamma in reverse? He did so to make the method of practice clear to you. (True, Sir). Do you grasp this? (Yes, we do, Sir).
ဘယ်အကျိုးငှာ ဟောပါလိမ့် (ကျင့်နည်းပေါ်အောင်လို့ ဟောပါတယ် ဘုရား)။
Why did He preach this? (To reveal the method of practice, Sir).
ကျင့်နည်းပေါ်အောင်လို့ ဟောမယ်ဆိုတော့ ဒကာ ဒကာမတွေ ကျင့်စဉ်ဟောလိမ့်မယ်လို့သာ သေသေချာချာ မှတ်ပါ (မှန်ပါ့)။
Since He preached this to reveal the practice, Yogis, be absolutely certain that He will now teach the systematic path of practice. (True, Sir).
တဏှာသည်ခန္ဓာဖြစ်ကြောင်း
ကိုင်း ဒါဖြင့် ဒီတဏှာသည်ကားလို့ ဆိုလို့ရှိရင် ဒကာ ဒကာမတို့ ခန္ဓာဖြစ်ကြောင်းပဲဆိုတာ ကင်းရှင်း သွားပြီနော် (မှန်ပါ့)၊ ခန္ဓာဖြစ်ကြောင်းပဲဆိုတာ မသေချာသေးဘူးလား (သေချာပါပြီ)။
Now then, Yogis, is it not absolutely clear that craving (Taṇhā) is the very cause of the Aggregates (Khandhas)? (Yes, Sir). Are you not certain that it is the cause of the Aggregates? (We are certain, Sir).
ဒါဖြင့် ခင်ဗျားတို့ အားလုံးကိုပဲ သတိပေးလိုက်ပါတယ်၊ ဘာကလေးလှူလှူ၊ ဘာကလေးတန်းတန်း၊ ဘယ်ဘဝ လိုချင်တဲ့တဏှာနဲ့တော့ သွားပြီး သကာလ ဘာဖြစ်ရပါလို၏၊ ညာဖြစ်ရပါလို၏-မတောင်းလိုက်ပါနဲ့၊ တောင်းလိုက်လို့ ရှိရင် ခန္ဓာရပါလိမ့်မယ်၊ ခန္ဓာရရင် အိုသေလိုက်လာပါလိမ့်မယ် (မှန်ပါ့)၊ ရှင်းပလား (ရှင်းပါပြီ)။
Therefore, I urge all of you: whatever you donate, whatever you offer, do not do it with craving (Taṇhā) for a future existence. Do not pray, "May I become this, may I become that." If you pray for existence, you will get the Aggregates. And if you get the Aggregates, aging and death will inevitably follow (True, Sir). Is that clear? (Yes, it is, Sir).
ခန္ဓာရရင် (အိုသေလိုက်လာမှာပါ ဘုရား)။
If you get the Aggregates? (Aging and death will follow, Sir).
ဒါကြောင့် ဘုရားက အိုသေ ဘယ်ကလာ၊ ခန္ဓာကလာ၊ ခန္ဓာ ဘယ်ကလာ ဆုတောင်းတဏှာကလာ (မှန်ပါ့)၊ ရှင်းကြပလား (ရှင်းပါပြီ)။
That is why the Buddha taught: Where do aging and death come from? They come from the Aggregates. Where do the Aggregates come from? They come from the craving that prays for existence (True, Sir). Is this clear to you all? (Yes, it is, Sir).
ခန္ဓာ ဘယ်ကတဲ့တုံး (ဆုတောင်းတဏှာက လာပါတယ်ဘုရား)။
Where do the Aggregates come from? (They come from the craving that prays for existence, Sir).
အဲဒါကြောင့် ဪ ကျုပ်တို့ ပဋိစ္စသမုပ္ပါဒ် ကြည့်စမ်းပါ (မှန်ပါ့)၊ ကြည့်စမ်းပါနော်။
Because of this, consider The Wheel of Dependent Origination (Yes, Sir). Look at it closely.
ကြည့်လိုက်တော့ကို စတုတ္ထအကွက်မှာ ကြည့်စမ်း၊ မောင်ချစ်စိန်တို့ ဇရာ မရဏလို့ မပါဘူးလား (ပါပါတယ် ဘုရား)၊ ဇရာ မရဏကို ကြည့်လိုက်စမ်းပါ၊ ဒါ အို သေပဲ မဟုတ်လား (မှန်ပါ့)။
When you look at the fourth section, Maung Chit Sein, doesn't it show Jarā-Maraṇa? (Yes, it does, Sir). Look at Jarā-Maraṇa. That is simply aging and death, is it not? (True, Sir).
အဲဒီ အို သေကြည့်လိုက်တော့ ဘယ်ကလာသတုံး မေးတော့မှ ဇာတိခန္ဓာက လာတယ် (မှန်ပါ့)၊ မပေါ်သေး ဘူးလား (ပေါ်ပါပြီ)။
When you ask where this aging and death come from, the answer is that they come from the rebirth of the Aggregates (Jāti) (True, Sir). Do you see it now? (Yes, we see it, Sir).
ဒကာ ဒကာမတွေ ပဋိစ္စသမုပ္ပါဒ် ကြည့်စမ်း၊ တွေ့ကြရဲ့လား (တွေ့ပါတယ် ဘုရား)၊ စတုတ္ထကွက်မှာ ဇရာ မရဏ မပါဘူးလား (ပါပါတယ် ဘုရား)။
Yogis, observe The Wheel of Dependent Origination. Do you find it? (We find it, Sir). Doesn't the fourth section contain Jarā-Maraṇa? (Yes, it does, Sir).
၄ နံပါတ်ကွက်မှာ ကြည့်ပါ
အဲဒါ စတုတ္ထအကွက်မှာကြည့်။ ၄ နံပါတ်ကွက်မှာ ကြည့်ပါ ဇရာ မရဏ ပါပါတယ်။ ဇရာ မရဏ ဘယ်က လာသတုံး ဆိုတော့ ဒကာ ဒကာမတွေ သိတဲ့အတိုင်း အို, သေပဲ မြန်မာလိုပြန်လိုက်တော့ (မှန်ပါ့)၊ အဲဒါ ဇာတိက လာတယ် မဆိုချင်တော့ ခန္ဓာကလာတယ်ဆိုတာ။ ဇာတိဆိုတာ ခန္ဓာငါးပါးရှိတာကိုး (မှန်ပါ့)၊ ပေါ်ကြပလား (ပေါ်ပါ ပြီ ဘုရား)။
Look at that fourth section. Look at section number 4; Jarā-Maraṇa is there. If we translate Jarā-Maraṇa into our language, as you Yogis know, it simply means aging and death (True, Sir). Instead of just saying it comes from rebirth (Jāti), we say it comes from the Aggregates. This is because Jāti is precisely the arising of the five Aggregates (True, Sir). Do you grasp this? (Yes, we do, Sir).
ဇရာမရဏ ဘယ်ကလာသတုံး (ခန္ဓာက လာပါတယ်ဘုရား)၊ ခန္ဓာဆိုတာ ပဋိစ္စသမုပ္ပါဒ် စက်ဝိုင်းထဲမှာတော့ ဘယ်သူ့ကိုဆိုပါလိမ့် (ဇာတိကို ဆိုပါတယ်ဘုရား)၊ ဇာတိဟာ ခန္ဓာငါးပါး (မှန်ပါ့)၊ ပေါ်ပလား (ပေါ်ပါပြီ)။
Where do aging and death come from? (They come from the Aggregates, Sir). In the Wheel of Dependent Origination, what does the term "Aggregates" refer to? (It refers to Jāti, Sir). Yes, Jāti is the five Aggregates (True, Sir). Is that clear? (Yes, it is, Sir).
ဇာတိဟာ ခန္ဓာငါးပါးပဲဆိုတာ ပဋိစ္စသမုပ္ပါဒ်ကြည့်တဲ့ ပုဂ္ဂိုလ်များမှာ ရှင်းလို့လင်းလို့လည်း နေကြပါလိမ့်မယ် နော် (မှန်ပါ့)။
For those who study Dependent Origination, it should be crystal clear that Jāti is nothing other than the five Aggregates (True, Sir).
အဲဒီ ဇာတိဆိုတဲ့ခန္ဓာ ဘယ်ကလာသတုံးလို့ မေးတဲ့အခါကျတော့ ဟိုကံတွေဘာတွေ ရှုပ်မနေနဲ့ပေါ့။ ဟိုတဏှာ က လာတာသာ နောက်ဆုတ်တွေးလိုက်တော့ တတိယအကွက် လာတွေ့တယ် (မှန်ပါ့)၊ မတွေ့ဘူးလား (တွေ့ပါတယ် ဘုရား)။
Now, when we ask where these Aggregates—this Jāti—come from, do not confuse yourselves with Kamma and so forth just yet. Trace it backward, and you will see it comes from craving (Taṇhā). You will find this in the third section (True, Sir). Do you see it? (We see it, Sir).
ကံရယ်, ဥပါဒါန်ရယ်, တဏှာရယ်, မတွေ့ဘူးလား (တွေ့ပါတယ် ဘုရား)၊ အဲဒီတဏှာကလာတာ (မှန်ပါ့)၊ ရှင်းပလား (ရှင်းပါပြီ ဘုရား)၊ ပဋိစ္စသမုပ္ပါဒ် ရေးထားတဲ့ထဲက ထွက်သေးရဲ့လား (မထွက်ပါ ဘုရား)၊ မထွက်ဘူးနော် (မှန်ပါ့)၊ ဉာဏ်နဲ့ မြင်ကြရဲ့လား (မြင်ပါတယ် ဘုရား)။
Do you not see Kamma, Clinging (Upādāna), and Craving (Taṇhā)? (We see them, Sir). It all originates from that craving (True, Sir). Is that clear? (Yes, it is clear, Sir). Does this deviate at all from what is written in Dependent Origination? (No, it does not, Sir). It does not deviate at all (True, Sir). Do you see this with your Insight (Vipassana) Knowledge? (We see it, Sir).
အဲဒီတော့ အဲဒီ့စာထဲမှာမြင်သလို ခန္ဓာမှာလည်း တွေးလိုက်ရင် ဒီအတိုင်းပဲဆိုတဲ့အတွေးကော ရှင်းသွားပလား (မှန်ပါ့ ဘုရား)၊ မရှင်းဘူးလား (ရှင်းပါတယ် ဘုရား)။
So, just as you see it in the texts, if you reflect upon your own Aggregates, is it not clear that it operates in exactly the same way? (True, Sir). Is it not explicitly clear? (It is clear, Sir).
အေး ဒါဟာ သမ္မသနသုတ်တဲ့။ ခန္ဓာကိုယ် သုံးသပ်တဲ့ သုတ်နော် (မှန်ပါ့)၊ ဒီလိုသုံးသပ်မှ ကျင့်ချင်တဲ့စိတ် ပေါ်မယ်ကွတဲ့ (မှန်ပါ့)၊ ကျင့်ချင်တဲ့စိတ်ပေါ်မှ ကျင့်နည်းရှာမယ်။ ကျင့်နည်းရှာမှ လမ်းဆုံးမယ်တဲ့ (မှန်ပါ့)၊ ဟုတ်ပ လား (ဟုတ်ပါပြီ ဘုရား)။
Indeed, this is the teaching of the Sammasana Sutta. It is the discourse on investigating one's own body and mind (True, Sir). The Buddha taught that only when you investigate in this manner will the desire to practice arise (True, Sir). Only when the desire to practice arises will you seek the method of practice. And only when you seek the method will you reach the end of the path (True, Sir). Is that not right? (Yes, it is, Sir).
ကျင့်နည်းရှာမှ (လမ်းဆုံးပါမယ်)၊ လမ်းဆုံးမှာဖြစ်နေတော့ မောင်ချစ်စိန် ကျင့်နည်းကို ဟောချင်လို့ ပဋိလောမ ပြောင်းပြန် ပြန်ပြီးတော့ သုံးသပ်ခိုင်းတာ (မှန်ပါ့)၊ ရှင်းကြပလား (ရှင်းပါပြီ)။
Only when you seek the method of practice? (You will reach the end of the path). Because this leads to the end of the path, Maung Chit Sein, I want to teach you the method of practice. That is why I am instructing you to investigate Dependent Origination in reverse order (Paṭiloma) (True, Sir). Do you grasp the meaning? (Yes, we do, Sir).
အေး ဒါကြောင့် ကြိုးစားပြီးမှတ်ကြ၊ တစ်ခေါက်ပြန်ပြောပါမယ်။
Therefore, strive to note this carefully. I will repeat it once more.
ဇရာမရဏ ဘယ်ကလာသတုံး (ခန္ဓာကလာပါတယ် ဘုရား)၊ ခန္ဓာဆိုတာ ပဋိစ္စသမုပ္ပါဒ်အကွက်မှာ ဘာပါ လိမ့် (ဇာတိပါ ဘုရား)။
Where do aging and death come from? (They come from the Aggregates, Sir). What represents the Aggregates in the sections of Dependent Origination? (It is Jāti, Sir).
အဲဒီတော့ ဇာတိကလည်း ခန္ဓာငါးပါးပါပဲ (မှန်ပါ့ ဘုရား)၊ အဲဒီဇာတိ ဘယ်ကလာသတုံး လို့ ရှုပ်နေမှာ စိုးတော့ အရင်းကျကျ တွေးလိုက်တဲ့အခါကျတော့ တဏှာကလာတယ် (မှန်ပါ့ ဘုရား)၊ တဏှာ ဥပါဒါန် ကံကိုး (မှန် ပါ့)၊ တတိယအကွက်မှာ မပါဘူးလား (ပါပါတယ် ဘုရား)။
So, Jāti is precisely the five Aggregates (True, Sir). Lest you get confused about where this Jāti comes from, if you trace it back to its root cause, it comes from craving (Taṇhā) (True, Sir). The causal chain is Craving, Clinging, and Kamma (True, Sir). Are these not present in the third section? (Yes, they are, Sir).
ဒကာ ဒကာမတွေ ကိုယ့်အတွက် စစ်ဆေးဖို့ကို ဘုရားက အရေးကြီးတယ်။ သူများအတွက်ကို စစ်ဆေးဖို့ကို ဒါလောက် အရေးမကြီးဘူးတဲ့၊ သူများအတွက် မစစ်ဆေးတော့ မသိရုံဘဲရှိတယ်၊ ကိုယ့်အတွက် မစစ်ဆေးလို့ရှိရင်ဖြင့် သစ္စာတွေပျောက်ပြီး သကာလ သစ္စာမသိတဲ့အတွက် သံရာထဲ အိုဘေး, နာဘေး, သေဘေးတွေနဲ့ အဖော်လုပ်နေရုံပဲ ရှိတယ်ဆိုတာ မှတ်ထားကြပါ (မှန်ပါ့ ဘုရား)။
Yogis, the Buddha emphasized the vital importance of investigating oneself. Investigating others is not nearly as important. If you do not investigate others, you simply remain ignorant about them. But if you fail to investigate yourself, you will lose sight of the Noble Truths (Sacca). And because you do not know the Truths, you will spend your time in Samsara keeping company with the perils of aging, sickness, and death. Mark this well! (Well noted, Sir).
ကိုယ့်ကိုယ်ကိုယ် စစ်ဆေးရပါမယ်
ဒါဖြင့် ဘာစစ်ဆေးရမယ် (ကိုယ့်ကိုယ်ကိုယ် စစ်ဆေးရပါမယ် ဘုရား)၊ ကိုယ့်အတွက်ကို စစ်ဆေးဖို့ သိပ်အရေး ကြီးပါတယ်ဆိုတာ မှတ်ပါနော် (မှန်ပါ့ ဘုရား)၊ ဒါ့ကြောင့် သားသမီးပစ္စည်းအရေးတွေ စစ်ဆေးမှုကို ဘေးချိတ်ထား ပြီးတော့ ကိုယ့်အတွက် စစ်ဆေးမှုကို ကိုယ်အဓိကထားကြစမ်းပါဆိုတာ ဘုရားသခင် ကိုယ်တော်မြတ်ကြီးက ကုရုတိုင်း မှာ ဟောသည် (မှန်ပါ့ ဘုရား)၊ ကုရုတိုင်းမှာ ဟောတယ်နော် (မှန်ပါ့ ဘုရား)။
So, what must you investigate? (We must investigate ourselves, Sir). Keep in mind that investigating for your own sake is of the utmost importance (True, Sir). Therefore, set aside your concerns about children and property. Make the investigation of your own self your primary focus. This is what the Exalted Buddha taught in the Kuru Kingdom (True, Sir). He taught this in the Kuru Kingdom (True, Sir).
ကိုင်း ဒါဖြင့် ပြောကြပါစို့ ဘုရားသခင် ကိုယ်တော်မြတ်ကြီးသည် ကုရုတိုင်းရောက်သွားတဲ့အခါ ကျတော့ သံဃာတွေနဲ့ ဘုရားသခင် ကိုယ်တော်မြတ်ကြီး ကြည်ညိုပြီး သကာလ သံဃာတွေကလည်း ဘုရားသခင် ကိုယ်တော်မြတ်ကြီးနား ဝိုင်းပြီးနေကြတယ်။
Now, let us tell the story. When the Exalted Buddha arrived in the Kuru Kingdom, out of deep reverence, the Sangha gathered closely around Him.
ထိုကဲ့သို့ နေကြတဲ့အချိန်မှာ ဘုရားသခင် ကိုယ်တော်မြတ်ကြီးက မင်းတို့ ကိုယ့်အတွက်ကိုများကွာ ကိုယ့် အတွင်းသားများ စစ်ဆေးကြရဲ့လား တဲ့။
As they were gathered there, the Buddha asked, "Monks, for your own sake, do you investigate your own inner nature?"
ကိုယ့်အတွင်းသားများ စစ်ဆေးကြရဲ့လားလို့ မေးလိုက်တယ်နော် (မှန်ပါ့ ဘုရား)၊ ကိုယ့်အတွင်းသားများကို ကိုယ်စစ်ဆေးသုံးသပ်ကြပါရဲ့လားလို့ မေးလိုက်တယ် (မှန်ပါ့)။
He asked them, "Do you investigate your own inner nature?" (True, Sir). He questioned whether they scrutinized and reflected upon their own inner physical and mental phenomena (True, Sir).
အဲဒီလိုမေးလိုက်တဲ့အခါကျတော့ ရဟန်းတစ်ပါးက ထတဲ့ပြီး သကာလ တပည့်တော်များ ကိုယ့်အတွင်းသား ကိုယ့်ခန္ဓာအတွင်းသား စစ်ဆေးပါတယ်ဘုရားဆိုပြီးတော့ ထ,လျှောက်တယ် (မှန်ပါ့ ဘုရား)။
When He asked this, a certain monk stood up and replied, "Lord, we do investigate our inner nature, the inner phenomena of our own Aggregates" (True, Sir).
ကိုင်း ဒါဖြင့် မင်းကတော့ စစ်ဆေးတဲ့ပုဂ္ဂိုလ်ဆိုပြီး ငါ့ထ,လျှောက်လို့ ခန္ဓာကိုယ်ထဲမှာ မင်းစစ်ဆေးပုံကို ပြောစမ်းပါ။ စစ်ဆေးပုံကို ပြောစမ်းပါဆိုတော့ သူက ကေသာ, လောမာနခါ, ဒန္တာ, တစော ဆိုတဲ့ သုံးဆယ့်နှစ် ကောဋ္ဌာသတွေ လျှောက်ပြီး စစ်ဆေးနေတယ်။ ခန္ဓာထဲ ဒါပဲရှိတယ်လို့ (မှန်ပါ့)။
"Very well, then," the Buddha said. "Since you stood up and claimed to be one who investigates, tell me how you investigate your body. Explain your method." The monk then explained that he investigated the thirty-two parts of the body—hair of the head, hair of the body, nails, teeth, skin, and so forth. He stated that this was all that existed within the body (True, Sir).
ဒီလိုဆိုတော့ ဘုရားသခင်ကိုယ်တော်မြတ်ကြီးက သူစစ်ဆေးပုံကို သူလျှောက်တဲ့အခါ ဘုရားက အလိုတော် မကျဘူးတဲ့။ တရားအောက်ကျတယ်။ စစ်ဆေးချင်တာက သစ္စာ (မှန်ပါ့)၊ သူက အသုဘ စစ်ဆေးနေတယ် (မှန်ပါ့)၊ စစ်ဆေးချင်တာက ဘာတုံး (သစ္စာပါ ဘုရား)၊ သစ္စာကို စစ်ဆေးစေချင်တယ်။
When the monk described his method of investigation, the Buddha was not satisfied. The monk's understanding fell short of the ultimate teaching. What the Buddha wanted him to investigate was the Noble Truth (Sacca) (True, Sir). However, the monk was merely investigating the foulness of the body (Asubha) (True, Sir). What did the Buddha want him to investigate? (The Noble Truth, Sir). He wanted him to investigate the Noble Truth.
သူစစ်ဆေးနေတာက အသုဘ ခန္ဓာကိုယ်ကြီး စစ်ဆေးနေတော့ ဘုရားသခင် ကိုယ်တော်မြတ်ကြီးက သဘော မကျဘဲ ဖြစ်ပြီး သကာလ နေတယ် (မှန်ပါ့)။
Because the monk was only investigating the foulness of the physical body, the Exalted Buddha remained displeased (True, Sir).
ခန္ဓာကိုယ်အတွင်းသား သုံးသပ်နည်း
ထိုကဲ့သို့ ဖြစ်ပြီး သကာလ နေတော့ ဘုရား အလိုတော်မကျမှန်း ညီတော်အာနန္ဒာက အနားမှာရှိတယ်။ ရှိတော့ အလိုမကျမှန်း သူသိတယ်။ အရှင်ဘုရား တဲ့။ ဘုန်းတော်ကြီးသော မြတ်စွာဘုရားပြောမှ သိရမည့်ပုဂ္ဂိုလ်တွေ ဖြစ်ပါတယ်။ ကောင်းသောစကားကို ဆိုတော်မူတတ်တဲ့ မြတ်စွာဘုရား အရှင်ဘုရားပြောဆိုမှသာလျှင် အားလုံးသော ပုဂ္ဂိုလ်တို့ သိရမှာဖြစ်ပါတယ်ဘုရား။ ဒါ့ကြောင့် စစ်ဆေးနည်း ခန္ဓာကိုယ်အတွင်းသား သုံးသပ်နည်းကို တပည့်တော် များ သနားသောအားဖြင့် ဟောကြားတော်မူပါလို့ ရှင်အာနန္ဒာက ထိုးလျှောက်လိုက်တယ် (မှန်ပါ့)။
Seeing this, the Venerable Ananda, who was nearby, realized the Buddha's dissatisfaction. He respectfully interjected, "Venerable Sir, these monks can only understand if the Glorious Buddha explains it. O Blessed One who speaks excellent words, only when You teach will everyone understand. Therefore, out of compassion, please teach us the proper method to investigate and reflect upon the inner nature of the body" (True, Sir).
လျှောက်လိုက်တဲ့အခါကျတော့ ဘုရားသခင် ကိုယ်တော်မြတ်ကြီးက တောင်းပန်မည့် ပုဂ္ဂိုလ်ရှိတာနဲ့ ဟောရ မည့်အကြောင်း ပေါ်ပေါက်လာတော့ ကိုင်း-မင်းတို့ ကောင်းကောင်းသာ နာကြကွာ။ ငါ သစ္စာစစ်ဆေးနည်းကို သေသေချာချာ ရှင်းပြမယ်ဆိုပြီးတော့ နိဒါနဝဂ္ဂ သံယုတ်ပါဠိတော်မှာ ဟောပါတယ်လို့ ဒကာ ဒကာမတွေ မှတ်ထား ကြပါ (မှန်ပါ့ ဘုရား)။
With this formal request, the occasion arose for the Buddha to teach. He said, "Very well, monks. Listen attentively. I will clearly explain how to investigate the Noble Truth." Yogis, you should note that this teaching is found in the Nidāna Vagga Saṃyutta Pali text (Well noted, Sir).
မင်းတို့ကွာ တဲ့ လူတိုင်းမှာရှိတယ်။ ခန္ဓာကိုယ်ထဲမှာ အိုတတ်တဲ့တရား၊ သေတတ်တဲ့တရား ခန္ဓာကိုယ်ထဲ မှာ ရှိတယ် (မှန်ပါ့)။
The Buddha taught: "Monks, in everyone, within this very body, there exist the phenomena of aging and the phenomena of death" (True, Sir).
ဒီဒကာ ဒကာမတွေ၏ ခန္ဓာကိုယ်ထဲမှာ အိုတတ်တဲ့ ဇရာ ဒုက္ခ, အိုတတ်တဲ့ ဇရာပိဒုက္ခသစ္စံ၊ သေတတ်တဲ့ မရဏမ္ပိ ဒုက္ခသစ္စံဆိုတဲ့ တရားတွေဟာ အများကြီး ရှိပြီး သကာလ နေတော့ အများကြီးရှိတယ်ဆိုတော့ အိုတတ်တဲ့ တရား အများကြီးရှိတယ်၊ သေတတ်တဲ့တရား အများကြီးရှိတယ်၊ ခန္ဓာကိုယ်ထဲမှာ မှတ်ထားလိုက်စမ်းပါ (မှန်ပါ့ ဘုရား)။
Within the bodies of you Yogis, the suffering of aging (Jarāpi Dukkhasaccaṃ) and the suffering of death (Maraṇampi Dukkhasaccaṃ) exist in abundance. Understand clearly that your body is entirely filled with countless phenomena of aging and countless phenomena of death (True, Sir).
ခန္ဓာကိုယ်ထဲမှာ အိုတတ်တဲ့ တရားပေါင်း ဘယ်လောက်ရှိသတုံး (အများကြီးပါ)၊ အများကြီးရှိတယ်၊ သေတတ် တဲ့တရား ဘယ်လောက်ရှိသတုံး မေးရင်ကော (အများကြီးရှိပါတယ်)၊ အများကြီးရှိတယ်လို့ မှတ်ပါ၊ ဘာ့ကြောင့်တုံး ဆိုတော့ ရုပ်တွေ နှစ်ဆယ့်ရှစ်ခုဟာလည်း အိုတတ် သေတတ်တဲ့တရား၊ နာမ်ငါးဆယ့်သုံးကလည်း အိုတတ်, သေတတ် တဲ့တရား၊ အဲဒီတော့ အများကြီးရှိတယ်ဆိုတာ အင်မတန် သေချာနေပြီဆိုတာ မှတ်မိကြပြီ (မှန်ပါ့)၊ ဒီရုပ်နာမ်ပဲ ရှိ တာကိုး။
How many phenomena of aging are there within your body? (A great many, Sir). There are a great many. And if asked how many phenomena of death there are? (There are a great many, Sir). Note that there are a great many. Why? Because the twenty-eight types of physical phenomena (Rūpa) are all subject to aging and death. The fifty-three types of mental phenomena (Nāma) are also subject to aging and death. Therefore, it is absolutely certain that there is an abundance of these phenomena (True, Sir). After all, only this Mind and Matter (Nāma-Rūpa) exist.
အိုတတ်တဲ့တရား, သေတတ်တဲ့တရားတွေ အများကြီးရှိတယ်။ အဲဒီ အိုတတ်တဲ့တရား, သေတတ်တဲ့တရား အများကြီးရှိတာကို မင်းတို့ ခန္ဓာကိုယ်ထဲကွာ အိုတတ်တာတွေ, သေတတ်တာတွေ, အိုတတ်, သေတတ်တဲ့ တရားတွေ၊ အိုတတ်တဲ့ တရားတွေဟာ ခန္ဓာကိုယ်ထဲ အများကြီးပါလား။
There are countless phenomena of aging and death. When you observe your own body and see this immense volume of aging and death, you will realize:
ဒါမှ ကိုယ့်ခန္ဓာကိုယ်ထဲမှာ ဘာသစ္စာမှ မရှိဘူး၊ ဒုက္ခသစ္စာတွေ ရှိနေတာပါကလားဆိုတာ ပေါ်လာတယ် (မှန်ပါ့ ဘုရား)။
"Oh! There is no other Truth in my body. It is nothing but the Truth of Suffering (Dukkha Sacca)!" This realization will become evident (True, Sir).
ဘယ်လိုပေါ်လာသတုံး (ဒုက္ခသစ္စာတွေသာ ရှိနေပါကလားဆိုတာ ပေါ်လာပါတယ် ဘုရား)။
How will it become evident? (It becomes evident that there is only the Truth of Suffering, Sir).
ဒုက္ခသစ္စာသာ စုနေတယ်လို့ ပေါ်လာတယ်လို့ မှတ်လိုက်ကြစမ်းပါနော် (မှန်ပါ့ ဘုရား)။
Note carefully that it will become evident that it is merely an accumulation of the Truth of Suffering (True, Sir).
ဒုက္ခသစ္စာတွေ စုနေတယ် ပေါ်လာတော့ကို ဪ ဒုက္ခသစ္စာပဲ ခန္ဓာကိုယ်ထဲမှာ ရုပ်တွေ, နာမ်တွေ အလုံးစုံအကုန်တွေဟာ ဒုက္ခသစ္စာတွေပဲ၊ ဇရာပိ ဒုက္ခသစ္စံ၊ သေတတ်တဲ့ မရဏမ္ပိ ဒုက္ခသစ္စံဆိုတာလည်း သေဖို့ပဲဆိုတဲ့ ဥစ္စာ မောင်ချစ်စိန် မှတ်ထားရမယ် (မှန်ပါ့ ဘုရား)။
When this accumulation of Dukkha Sacca becomes clear, you will realize: "Ah, it is all just the Truth of Suffering. Every single mental and physical phenomenon in this body is Dukkha Sacca." Maung Chit Sein, you must understand that the suffering of aging and the suffering of dying mean that these phenomena exist only to die (True, Sir).
အခြားတရားတွေလား ဒါရုပ်နာမ်ပဲမဟုတ်လား (ရုပ်နာမ်ပါ)၊ အိုတတ်တဲ့တရားလည်း ရုပ်နာမ်၊ သေတတ်တဲ့ တရားလည်း ရုပ်နာမ်၊ အခု တရားနာနေတဲ့ ရုပ်နာမ်တွေ မှတ်လိုက်ကြစမ်းပါ (မှန်ပါ့ ဘုရား)။
Are they anything else? Is it not just Mind and Matter? (It is Mind and Matter). The phenomena that age are Mind and Matter. The phenomena that die are Mind and Matter. Observe the very Mind and Matter that are listening to this Dhamma right now (True, Sir).
ဒါတွေဟာ ဘာဖြစ်တဲ့ တရားတွေတုံး (အိုတတ်, သေတတ်တဲ့ တရားတွေပါ ဘုရား)။
What kind of phenomena are these? (They are phenomena subject to aging and death, Sir).
အိုတတ်တဲ့တရား သေတတ်တဲ့တရား၊ ဒါတွေစုနေတယ်လို့ သေသေချာချာမှတ်ပါနော် (မှန်ပါ့ ဘုရား)။
Phenomena subject to aging, phenomena subject to death. Understand clearly that your body is just a collection of these (True, Sir).
သူသစ္စာသိလာတယ်
အဲဒါသုံးသပ်လိုက်တော့ ဪ ခန္ဓာကိုယ်ထဲမှာ ဘာသစ္စာမှမရှိဘူး၊ အိုတတ်, နာတတ်တဲ့ 'ဇရာပိ ဒုက္ခသစ္စံ မရဏမ္ပိ ဒုက္ခသစ္စံ”ဆိုတဲ့ ဒီသစ္စာတွေသာ ရှိနေပါကလားဆိုတော့ သူသစ္စာသိလာတယ် (မှန်ပါ့)၊ မသိဘူးလား (သိပါတယ် ဘုရား)။
When you investigate in this way, you realize: "Oh, there is no other Truth in this body. There is only the Truth of the suffering of aging and the suffering of death!" Thus, you come to know the Noble Truth (Sacca) (True, Sir). Do you not come to know it? (We do know it, Sir).
သစ္စာသိလာတယ်ဆိုကတည်းက ဇရာ, မရဏဟာ ဒုက္ခသစ္စာ သိတာက မဂ္ဂသစ္စာကလေး လောကီမဂ္ဂသစ္စာ ကလေး တွေးလိုက်တဲ့အခါ လောကီမဂ္ဂသစ္စာကလေး ပေါ်မလာဘူးလား (ပေါ်လာပါတယ် ဘုရား)။
The moment you know the Noble Truth—when you realize that aging and death are the Truth of Suffering (Dukkha Sacca)—the mind that watches and observes this is the Truth of the Path (Magga Sacca). When you reflect upon this, doesn't the mundane Path (Lokiya Magga Sacca) arise? (It arises, Sir).
ဇရာ, မရဏက ခန္ဓာကိုယ်ထဲမှာ အပြည့်အနှက်ရှိနေတာက ဘာသစ္စာတုံး (ဒုက္ခသစ္စာပါ)၊ ဒုက္ခသစ္စာလို့ ရှုနေလို့ သိတာကလေးက ဘာတုံး (မဂ္ဂသစ္စာပါ ဘုရား)၊ လောကီမဂ္ဂသစ္စာကလေးတဲ့။
What Truth is it that aging and death completely pack the entire body? (It is Dukkha Sacca). And what is the mind that watches and observes it as Dukkha Sacca? (It is Magga Sacca, Sir). Yes, it is the mundane Magga Sacca.
အဲဒီလို အတွင်းသုံးသပ်လိုက်တဲ့အခါကျတော့ ကိုယ့်သန္တာန်မှာ နိဗ္ဗာန်ရောက်ကြောင်း မဂ္ဂင်တရားကောင်း ကလေး ပေါ်လာတယ်၊ တွေးလိုက်တာနဲ့ ပေါ်လာတယ် (မှန်ပါ့)၊ ရှင်းကြပလား (ရှင်းပါပြီ ဘုရား)။
When you investigate your inner nature in this way, the noble Path factors (Magga)—the very cause for reaching Nibbana—arise within you. They arise the moment you reflect correctly (True, Sir). Is that clear? (It is clear, Sir).
ကောင်းပြီ ဒါဖြင့် ဒီဒုက္ခသစ္စာကို ဆက်တွေးဦးကွ တဲ့၊ အတွင်း ဆင်ခြင်ကြပါဆိုတဲ့အတိုင်း ဒီအိုတတ် နာတတ်တဲ့ တရားနှစ်ခုဟာ (ဝါ) ဇရာပိဒုက္ခသစ္စံ, မရဏမ္ပိ ဒုက္ခသစ္စံဆိုတဲ့ တရားနှစ်ခုဟာ ဘယ်ကများ လာပါလိမ့် မတုံးလို့ မင်းတို့ ဆက်ပြီးတော့ သုံးသပ်ဆင်ခြင်ကြစမ်းပါတဲ့ဆိုတော့မှ ဪ အိုတတ် သေတတ်တဲ့ တရားနှစ်ခု ဟာ ခန္ဓာက လာတာကိုး (မှန်ပါ့)၊ ရှင်းကြပလား (ရှင်းပါပြီ)။
"Very well," the Buddha continued, "Now reflect further upon this Truth of Suffering." Following the instruction to reflect inwardly, you must ask: "Where do these two phenomena of aging and death (Jarāpi Dukkhasaccaṃ and Maraṇampi Dukkhasaccaṃ) come from?" When you continue to investigate and reflect, you will realize: "Ah, these two phenomena of aging and death come from the Aggregates!" (True, Sir). Is that clear? (It is clear).
အိုတတ် သေတတ်တဲ့ တရားနှစ်ခုဟာ (ခန္ဓာက လာပါတယ်ဘုရား)၊ ခန္ဓာက လာတယ်။
Where do these two phenomena of aging and death come from? (They come from the Aggregates, Sir). They come from the Aggregates.
ဒါဖြင့် ခင်ဗျားတို့ ခန္ဓာကလာတယ်လို့ ဘုရားက တွေးလိုက်တဲ့။ ခန္ဓာထဲမှာမှ အို ဆိုတဲ့ တေဇော၊ သေ ဆိုတဲ့ တေဇောဓာတ်တွေက ခန္ဓာက ဖြစ်လာတာ (မှန်ပါ့)၊ မဟုတ်ဘူးလား၊ ခန္ဓာက ပါလာတာ။
Therefore, the Buddha instructed you to realize that they come from the Aggregates. Within the Aggregates, the Fire Element (Tejo) that causes aging and the Fire Element that causes death originate directly from the Aggregates (True, Sir). Is it not so? They come along with the Aggregates.
ဒါကြောင့် အို-သေ ဘယ်ကလာသတုံးမေးရင် ဘယ့်နှယ်ပြောကြမယ် (ခန္ဓာက လာပါတယ်ဘုရား)၊ ခန္ဓာက လာတယ်ဆိုတာ သေသေချာချာ မှတ်တော့မှ အို, သေက ဒုက္ခသစ္စာ။ ခန္ဓာက သမုဒယဖြစ်ကြောင်းပေါ့လေ (မှန်ပါ့)၊ ရှင်းပလား (ရှင်းပါပြီ)၊ သိတာကလေးက မဂ္ဂသစ္စာ။
That is why, if asked where aging and death come from, what will you say? (They come from the Aggregates, Sir). When you clearly note that they come from the Aggregates, you see that aging and death are the Truth of Suffering (Dukkha Sacca). The Aggregates act as the cause of this suffering (Samudaya) (True, Sir). Is that clear? (It is clear). And the mind that watches and observes this is the Truth of the Path (Magga Sacca).
ဒီသိတဲ့ပုဂ္ဂိုလ်က သမုဒယသစ္စာ သိနေ- သေနေတာပဲ (မှန်ပါ့)၊ နောက်ထပ် ဒီခန္ဓာကြီး ရချင်ယူချင်တဲ့သဘော တွေ လာသေးရဲ့လား (မလာပါ ဘုရား)။
Since the Yogi practicing Insight knows the cause of suffering (Samudaya Sacca), the cause is eradicated. Will any desire to get or grasp at these Aggregates ever arise again? (No, it will not, Sir).
အေး ဒါကြောင့် လေးချက် လေးချက် ပြီးသွားတယ်ကွာတဲ့။ ဒီလိုသုံးသပ်လိုက်လို့ရှိရင် လေးချက်လေးချက် ပြီးသွားတယ် (မှန်ပါ့)။
Indeed! The Buddha taught that by investigating in this way, you fulfill all four aspects of the Noble Truths simultaneously (True, Sir).
ကိုင်း ဒါဖြင့် ဒကာ ဒကာမတို့ ခန္ဓာထဲမှာ အိုတတ်တဲ့တရား သေတတ်တဲ့တရားကတော့ဖြင့် အခု ကိုယ်တိုင်အိုနေတာ မြင်သဖြင့်လည်း သိပါပြီ (မှန်ပါ့)၊ ကိုယ်တိုင်သေရတော့မယ်ဆိုတာလည်း ဘယ်သူမှ မြေကြီးလက် ခတ် မလွဲဘူး (မှန်ပါ့ ဘုရား)၊ သေကြလိမ့်မယ်ဆိုတာလည်း သေတတ်တဲ့တရား ပါနေလို့ သေလိမ့်မယ်ဆိုတာလည်း သိပြီးသားဖြစ်နေတော့ ဒီ အို သေ ဘယ်ကလာသတုံး (ခန္ဓာက လာပါတယ်ဘုရား)၊ ရှင်းကြပြီ (ရှင်းပါပြီ ဘုရား)။
Now then, Yogis, seeing your own aging process, you know firsthand that the phenomena of aging exist in your body (True, Sir). And it is as certain as striking the earth with your hand that you will inevitably have to die (True, Sir). You already know you will die because the phenomena of death are inherently present. So, where do this aging and death come from? (They come from the Aggregates, Sir). It is clear now (It is clear, Sir).
ခန္ဓာငါးပါးက လာတယ်
အို သေ ဘယ်ကလာ (ခန္ဓာက လာပါတယ်ဘုရား)၊ ဒါဖြင့် ဒီ ဒကာ ဒကာမတွေ ခန္ဓာကလာတယ်ဆိုတာ ယခု ခန္ဓာငါးပါးက လာတယ် (မှန်ပါ့)၊ ရှင်းကြပလား (ရှင်းပါပြီ ဘုရား)။
Where do aging and death come from? (They come from the Aggregates, Sir). So, Yogis, when we say they come from the Aggregates, it means they come directly from these five Aggregates (True, Sir). Is that clear? (It is clear, Sir).
ခန္ဓာငါးပါးကလာတော့ မောင်ချစ်စိန် ဒီခန္ဓာကိုများ ဒကာ ဒကာမတွေက နတ်ခန္ဓာကောင်းတယ်၊ ဗြဟ္မာခန္ဓာကောင်းတယ်၊ လူခန္ဓာကောင်းတယ်၊ စကြဝတေး မန္ဓာတ်ခန္ဓာ ကောင်းတယ်လို့များ နည်းနည်းကလေး ကိုယ့်စိတ်ထဲမှာ ထင်လိုက်လို့ရှိရင်ပဲ အိုချင်သေးလို့ သေချင်သေးလို့ မိုက်စိတ်ပေါ်တာပဲလို့ ဆုံးဖြတ်ချက်ချ (မှန်ပါ့)။
Since they come from the five Aggregates, Maung Chit Sein, if you Yogis harbor even the slightest thought that the Aggregates of a Deva are good, the Aggregates of a Brahma are good, the Aggregates of a human are good, or the Aggregates of a Universal Monarch are good, you must decide that this is simply the foolish mind arising because you still want to age and you still want to die! (True, Sir).
ဘယ်လိုဆိုကြမယ် (အိုချင်သေးလို့ သေချင်သေးလို့ မိုက်စိတ်ပေါ်တာပါ ဘုရား)။
What will you call it? (It is the foolish mind arising because we still want to age and die, Sir).
မိုက်စိတ်လာတယ်။ ခန္ဓာက လာတယ်လို့ ဘုရားက ဟောထားတာကိုး (မှန်ပါ့)။
The foolish mind arises. The Buddha has explicitly taught that aging and death come from the Aggregates (True, Sir).
အို သေ ဘယ်ကလာသတုံး (ခန္ဓာက လာပါတယ် ဘုရား)။
Where do aging and death come from? (They come from the Aggregates, Sir).
ဒါဖြင့် လူခန္ဓာ ဆုတောင်းတဲ့ပုဂ္ဂိုလ်၊ နတ်ခန္ဓာ ဆုတောင်းတဲ့ပုဂ္ဂိုလ်၊ ဗြဟ္မာခန္ဓာကို ဆုတောင်းတဲ့ဥစ္စာ ဒုက္ခသစ္စာ ရရပါလို၏။ ဒီအဓိပ္ပာယ်မရောက်ဘူးလား (ရောက်ပါတယ် ဘုရား)။
Therefore, for a person who prays for human Aggregates, a person who prays for Deva Aggregates, or a person who prays for Brahma Aggregates, doesn't it amount to praying, "May I attain the Truth of Suffering"? (It does, Sir).
ဘယ်လိုရောက်ပါလိမ့် (ဒုက္ခသစ္စာ ရရပါလို၏)၊ ဒုက္ခသစ္စာ ရရပါလို၏။ ဆုတောင်းလိုက်တာနဲ့ အတူတူပဲ (မှန်ပါ့ ဘုရား)၊ ဒီကနေ စစ်ဆေးလိုက်တော့မှ မောင်ချစ်စိန် ပေါ်လာတယ် (မှန်ပါ့)။
What does it amount to? (May I attain the Truth of Suffering). "May I attain the Truth of Suffering." It is exactly the same as praying for that (True, Sir). Only when you investigate from this perspective, Maung Chit Sein, does the truth emerge (True, Sir).
ဒီကနေ စစ်ဆေးလိုက်တော့မှ ဪ ခန္ဓာများ ဆုတောင်းတဲ့ပုဂ္ဂိုလ်ဟာ ဤဆွမ်း, ဤကွမ်းကြောင့် ဤ ကျောင်း ဤကန်ကြောင့် ဤရေတွင်း ဤရေကန်ကြောင့် နောက်ဘဝ လူချမ်းသာ နတ်ချမ်းသာ ဗြဟ္မာချမ်းသာဆိုတာ များ မှားပြီး တောင်းမိကြတဲ့ပုဂ္ဂိုလ်ဟာ ဒုက္ခသစ္စာ အရယူတာပဲ (မှန်ပါ့)။
By investigating this way, you realize: "Alas! Those who mistakenly pray, 'By virtue of offering this food, building this monastery, or digging this well, may I enjoy the bliss of a human, Deva, or Brahma in the next life'—they are merely striving to obtain the Truth of Suffering (Dukkha Sacca)!" (True, Sir).
ဘယ့်နှယ်ဆိုကြမယ် (ဒုက္ခသစ္စာ အရယူတာပါ ဘုရား)၊ ဒီ့ထက်မိုက်တာများ ရှိသေးရဲ့လား (မရှိပါ ဘုရား)၊ ဒုက္ခသစ္စာဆိုတာ အားလုံး ဒကာ ဒကာမတွေ မှတ်ထားလိုက်စမ်းပါ။ ရှောင်ကွင်းရမည့်အလုပ် (မှန်ပါ့)၊ ပိုင်ပိုင်နိုင်နိုင် သိသဖြင့် မင်းနေရစ်တော့ မင်းနဲ့အတူမနေတော့ဘူးကွ ဒီလိုတော်လှန်ရမည့် တရားကြီးကို အရယူချင်တဲ့သဘော ပေါ်လာလို့ရှိရင်ဖြင့် ဒုက္ခမကြိုက်ကောင်းတာကြီး ကြိုက်နေတဲ့ အဓိပ္ပာယ်ပဲဆိုတဲ့ဟာ ရှင်းနေတယ် (မှန်ပ့ါ)၊ မရှင်းဘူး လား (ရှင်းပါတယ် ဘုရား)။
What are they doing? (They are striving to obtain the Truth of Suffering, Sir). Is there anything more foolish than this? (No, Sir). Yogis, mark this well: the Truth of Suffering is something you must evade and escape (True, Sir). You must comprehend it perfectly and rebel against it, saying, "You stay behind; I will no longer live with you!" If the desire to obtain this very suffering arises, it clearly means you are craving something that should never be craved. (True, Sir). Is it not clear? (It is clear, Sir).
အဲဒါကြောင့် ပြန်မေးပါတယ်။ နောက်က ဒကာ ဒကာမတွေ။ ခန္ဓာထဲမှာ အိုတတ် သေတတ်တဲ့ တရားတွေ ရှိတယ် (ရှိပါတယ် ဘုရား)၊ ဘယ်ကလာတာတုံး မေးလို့ရှိရင် ဘယ့်နှယ်ဖြေကြမလဲ (ခန္ဓာက လာပါတယ် ဘုရား)။
Therefore, I ask the Yogis at the back once again. Do the phenomena of aging and death exist in your body? (They exist, Sir). If asked where they come from, how will you answer? (They come from the Aggregates, Sir).
ဪ ခန္ဓာရှိလို့ သူလာကိန်းနေတာ (မှန်ပါ့ ဘုရား)။
Ah, they dwell in you precisely because you have the Aggregates (True, Sir).
အိုတတ် သေတတ်တဲ့ တရားနှစ်ခုဟာ လူတိုင်းမှာ ကိန်းမှာပဲတဲ့ ခန္ဓာရှိလို့ရှိရင်ဖြင့် (မှန်ပါ့)၊ ရှင်းကြပလား (ရှင်းပါပြီ ဘုရား)။
If there are Aggregates, these two phenomena of aging and death will inevitably dwell in everyone (True, Sir). Is that clear? (It is clear, Sir).
ခန္ဓာရှိရင် လူတိုင်းမှာ (ကိန်းမှာပါ ဘုရား)၊ ကိန်းမှာအောင်းမှာပဲဆိုတာ ပြောဖို့ လိုသေးသလား (မလိုပါ ဘုရား)။
If there are Aggregates, what happens to everyone? (They will dwell in us, Sir). Do I even need to say that they will inevitably dwell and take root? (No, Sir).
အေး ဒါကြောင့် ဘုန်းကြီးတို့ ဒကာ ဒကာမတွေ “ယထာဘူတံ ဉာဏာယ သတ္ထာ ပရိယေသိတဗ္ဗော” ဟုတ်တိုင်းမှန်စွာ ဟောတတ်ပြောတတ်တဲ့ဆရာ ငါမရှိသည့်နောက် ရှာဖြစ်အောင် ရှာကြပါကွ။ နို့မဟုတ်ရင် အို,သေ ဆုတောင်းယူတတ်တဲ့ လမ်းညွှန်မှားတွေနဲ့ တွေ့လိုက်လို့ရှိရင် မင်းတို့ ဒုက္ခရောက်ပါလိမ့်မယ် ဆိုတဲ့ဥစ္စာ မပေါ် လာသေးဘူးလား (ပေါ်လာပါတယ် ဘုရား)။
Indeed. That is why the Buddha advised: "Yathābhūtaṃ ñāṇāya satthā pariyesitabbo"—"After I pass away, make sure you seek out a teacher who can teach and explain the truth exactly as it is." Otherwise, if you encounter misleading guides who teach you to pray for aging and death, you will surely fall into suffering. Does this not become obvious? (It becomes obvious, Sir).
ကိုင်း ဒကာ ဒကာမတို့ အို သေ ဘယ်ကလာ (ခန္ဓာကလာပါတယ် ဘုရား)။
Now, Yogis, where do aging and death come from? (They come from the Aggregates, Sir).
ဘယ်ခန္ဓာမှ မကောင်းပါ
ဒါဖြင့် ဘယ်ခန္ဓာများ ခင်ဗျားတို့ နောက်ထပ်ရရင် ကောင်းလိမ့်မယ် ထင်ကြသတုံး (ဘယ်ခန္ဓာမှ မကောင်းပါ ဘုရား)၊ ဘယ်ခန္ဓာရလို့မှ မကောင်းဘူးဆိုတာ သဘောပါပလား (ပါပါပြီ ဘုရား)။
If so, which kind of Aggregates do you think would be good to get in the future? (No Aggregate whatsoever is good, Sir). Do you firmly grasp that obtaining any Aggregate is bad? (We grasp it, Sir).
ဘယ့်နှယ်ကြောင့် မကောင်းပါလိမ့်မတုံးလို့ အမေးစိစစ်ထုတ်တဲ့အခါကျတော့မှ ဒကာ ဒကာမတို့ အို,သေဟာ ခန္ဓာက ယူဆောင်လာတာ (မှန်ပါ့ ဘုရား)။
When we critically investigate why they are not good, Yogis, we find that aging and death are brought along by the Aggregates (True, Sir).
အို, သေဟာ (သူယူဆောင်လာတာပါ)၊ ခန္ဓာက ယူဆောင်လာတာဆိုတာ သဘောကျပလား (ကျပါပြီ ဘုရား)။
Aging and death? (They are brought along by the Aggregates). Are you convinced that they are brought along by the Aggregates? (We are convinced, Sir).
ဒါကြောင့် ဘုန်းကြီးတို့ ဘုရားသခင် ကိုယ်တော်မြတ်ကြီး တပည့်သားမြေးတွေ ဥပမာပြုထားတာရှိတယ် (မှန်ပါ့ ဘုရား)၊ အို,သေ ဘယ်ကလာ (ခန္ဓာကလာပါတယ် ဘုရား)။
That is why there is an analogy made by the disciples of the Exalted Buddha (True, Sir). Where do aging and death come from? (They come from the Aggregates, Sir).
ဪ ဒါဖြင့် ခန္ဓာသည်ကားလို့ ဆိုလို့ရှိရင်ဖြင့် အို, သေကို လက်ခံတဲ့တရားပဲ (မှန်ပါ့)၊ မဆိုနိုင်ဘူး လား (ဆိုနိုင်ပါတယ် ဘုရား)။
Ah, if that is the case, the Aggregates are simply the phenomena that receive and harbor aging and death (True, Sir). Can we not say that? (We can, Sir).
ခန္ဓာသည် ဘာလက်ခံပါလိမ့် (အို,သေကို လက်ခံပါတယ် ဘုရား)။
What do the Aggregates harbor? (They harbor aging and death, Sir).
အို, သေ လက်ခံတတ်တဲ့ တရားဆိုတော့ လူခန္ဓာ၊ နတ်ခန္ဓာ၊ ဗြဟ္မာခန္ဓာကို ဒကာ ဒကာမတို့ ဘယ်အခါကာလ မှ မတောင်းကြပါနဲ့၊ ခန္ဓာချုပ်ငြိမ်း ရုပ်သိမ်းရာကိုသာ အလိုရှိကြပါ၊ ဆုတောင်းကြပါ၊ ရောက်အောင် အားထုတ်ကြပါ ဆိုတာ ဆရာဘုန်းကြီးက တိုက်တွန်းတယ်၊ ခန္ဓာရှိရင် အိုသေလာမှာကြောင့် (မှန်ပါ့)။
Since they are phenomena that harbor aging and death, Yogis, never pray for human Aggregates, Deva Aggregates, or Brahma Aggregates. I urge you to desire, pray for, and strive solely to reach the cessation where the Aggregates are terminated. I urge this because wherever there are Aggregates, aging and death will surely follow (True, Sir).
ဒါ့ကြောင့် ဘုရားက အို,သေ ဘယ်ကလာသတဲ့တုံး (ခန္ဓာကလာပါတယ် ဘုရား)၊ ဒီလိုနောက်ပြန်သုံးသပ်ပါ ကွ တဲ့ (မှန်ပါ့)။
That is why the Buddha asked, "Where do aging and death come from?" (They come from the Aggregates, Sir). He instructed us to investigate backward in this manner (True, Sir).
နောက်ပြန်သုံးသပ်စမ်းပါ
နောက်ပြန်သုံးသပ်စမ်းပါတဲ့၊ အို, သေဟာ ခန္ဓာကလာတယ်၊ ရှင်းပြီနော် (ရှင်းပါပြီ)။
"Investigate backward," He said. Aging and death come from the Aggregates. That is clear, isn't it? (It is clear).
ကောင်းပြီ တဲ့၊ ဒီခန္ဓာကိုလည်း တစ်ခါ မင်းတို့သည်ကားလို့ ဆိုလို့ရှိရင်ဖြင့် ဆက်ပြီး သကာလ မောင်ချစ်စိန် အကြောင်းရှာပါတဲ့ နော် (မှန်ပါ့)။
"Very well," He continued. "Now, Maung Chit Sein, you must go further and search for the cause of these Aggregates" (True, Sir).
ဒီခန္ဓာကလည်း မိုးပေါ်ကျမဟုတ်ဘူးတဲ့၊ သူ ဘယ်ကလာသတုံးဆိုတဲ့ လက်သည်အကြောင်းရင်းကိုလည်း ဒကာ ဒကာမတွေ တွေးဖြစ်အောင် တွေးပါ (မှန်ပါ့)၊ ဒါမှ ကျင့်စရာ လမ်းကွက်ပေါ်လာမယ် (မှန်ပါ့)၊ နို့မဟုတ်ရင် ကျင့်စရာ လမ်းကွက် မပေါ်ပါဘူးတဲ့ (မှန်ပါ့)။
These Aggregates do not fall from the sky. Yogis, you must strive to reflect on where they come from and identify their root cause (True, Sir). Only then will the path of practice reveal itself to you. Otherwise, the path of practice will not appear (True, Sir).
ဒါကြောင့် ဒီရှေ့ပိုင်းမှာ ဘုရားသခင်ကိုယ်တော်မြတ်ကြီး ပဋိလောမ နောက်ဆုတ်မေးနေတယ်ဆိုတာ မောင် သစ် မှတ်ပါ (မှန်ပါ့)။
Therefore, Maung Thit, note that in this earlier section, the Exalted Buddha is questioning backward in reverse order (Paṭiloma) (True, Sir).
အို,သေဟာ အဆုံးပဲမဟုတ်လား၊ ပဋိစ္စသမုပ္ပါဒ်မှာ (မှန်ပါ့)။
Aging and death are the very end of Dependent Origination, are they not? (True, Sir).
အဲဒီ့ အို,သေ ဘယ်ကလာသတုံးလို့ မေးတဲ့အခါကျတော့ ဒကာ ဒကာမတို့ ခန္ဓာက လာတယ်၊ ရှင်းပလား (ရှင်းပါပြီ ဘုရား)။
When asked where aging and death come from, Yogis, the answer is that they come from the Aggregates. Is that clear? (It is clear, Sir).
တစ်ခါ ဒီခန္ဓာကို လက်သည်ရှာပြီး အကြောင်းရင်းရှာပြီး တွေးလိုက်စမ်းပါဦးတဲ့ ဒီခန္ဓာက မိုးပေါ်ကျလား၊ သူ့ကို ဖြစ်စေတဲ့ အကြောင်းများ ရှိသေးသလားဆိုတာ တွေးလိုက်တော့ကို ဒကာ ဒကာမတွေ ဆုတောင်း တဏှာက လာတယ် (မှန်လှပါ ဘုရား)။
"Now, search for the culprit—the root cause—of these Aggregates. Reflect on it," He said. Do these Aggregates fall from the sky? When you reflect on whether there is a cause that brings them into existence, Yogis, you find that they come from the craving that prays for existence (True, Sir).
ခန္ဓာ ဘယ်ကလာ (ဆုတောင်းတဏှာက လာပါတယ်ဘုရား)။
Where do the Aggregates come from? (They come from the craving that prays for existence, Sir).
ဪ ခင်ဗျားတို့ ဆုတောင်းတဏှာက ခန္ဓာလုပ်လိုက်တယ်၊ ခန္ဓာလုပ်လိုက်လို့ အို, သေနဲ့ ဇာတ်သိမ်းကြရတယ် (မှန်ပါ့)၊ ရှင်းကြပလား (ရှင်းပါပြီ)။
Ah, your craving that prays for existence built the Aggregates! Because it built the Aggregates, the whole affair ends in aging and death (True, Sir). Is it clear to you all? (It is clear).
ပြန်မေးတယ်၊ အို, သေ ဘယ်ကလာသတုံး (ခန္ဓာက လာပါတယ် ဘုရား)၊ ခန္ဓာ ဘယ်ကလာသတုံး (ဆုတောင်း တဏှာက လာပါတယ်ဘုရား)၊ အဲ ဘုံဘဝဆုတောင်းတဲ့ တဏှာက လာတယ် (မှန်ပါ့)၊ ရှင်းပလား (ရှင်းပါပြီ)။
I will ask again. Where do aging and death come from? (They come from the Aggregates, Sir). Where do the Aggregates come from? (They come from the craving that prays for existence, Sir). Yes, they come from the craving that prays for different realms of existence (True, Sir). Is that clear? (It is clear).
ဘယ်ကလာသတုံး (ဘုံဘဝဆုတောင်းတဲ့ တဏှာကလာတာပါ ဘုရား)။
Where do they come from? (They come from the craving that prays for different realms of existence, Sir).
ဘုံဘဝဆုတောင်းတဲ့ တဏှာက လာတယ်ဆိုတဲ့ဥစ္စာ မောင်ချစ်စိန် ပေါ်ရော့ပေါ့ (ပေါ်ပါပြီ)။
Maung Chit Sein, it should now be perfectly obvious that they come from the craving that prays for existence (It is obvious).
တဏှာဟာ တော်တော်အရင်းကျတဲ့တရား
ဪ ဒါဖြင့် တဏှာဟာ တော်တော်အရင်းကျတဲ့တရားပဲ၊ ဒါဖြင့် တဏှာက သမုဒယသစ္စာ၊ ခန္ဓာက ဒုက္ခသစ္စာဖြစ်သွားပြန်တာပါပဲ (မှန်ပါ့)၊ မဆိုနိုင်ဘူးလား (ဆိုနိုင်ပါတယ် ဘုရား)။
Therefore, Craving (Taṇhā) is indeed the most fundamental root cause. Thus, Craving is the Truth of the Origin of Suffering (Samudaya Sacca), and the Aggregates (Khandhas) become the Truth of Suffering (Dukkha Sacca). (True, Sir). Can we not say this? (Yes, we can, Sir).
အဲဒီလို မင်းတို့ ပြောင်းပြန်-ပြန်ပြီး သုံးသပ်စမ်းပါကွာတဲ့ နောက်အရင်းကျကျ ကျင့်စရာတရား ပေါ်ပါလိမ့် မယ်တဲ့ (မှန်ပါ့)။
If you trace the process backward like this, the most fundamental practice will reveal itself. (True, Sir).
ပြောင်းပြန်-ပြန်ပြီး သုံးသပ်တော့မှ ကျင့်စရာ တရားပေါ်လာတယ်နော် (မှန်ပါ့)။
Only when you reflect in reverse does the actual method of practice emerge. (True, Sir).
ဒါဖြင့် ဒီနေ့တရားကို ပြောင်းပြန်-ပြန်ပြီး သုံးသပ်ခိုင်းတာ ဘုရားသည် ဘယ်အကျိုးငှာတုံးဆိုတော့ ကျင့်စရာ ကျင့်နည်းပေါ်အောင်လို့ ခိုင်းတာ (မှန်ပါ့)၊ ရှင်းကြပလား (ရှင်းပါပြီ ဘုရား)။
Now, for what purpose did the Buddha instruct us to reflect on the Dhamma in reverse? He did so to reveal the exact method of practice. (True, Sir). Is that clear? (Yes, it is, Sir).
ဘယ်အကျိုးငှာ ဟောပါလိမ့် (ကျင့်နည်းပေါ်အောင်လို့ ဟောပါတယ် ဘုရား)။
For what purpose was it taught? (To reveal the method of practice, Sir).
ကျင့်နည်းပေါ်အောင်လို့ ဟောမယ်ဆိုတော့ ဒကာ ဒကာမတွေ ကျင့်စဉ်ဟောလိမ့်မယ်လို့သာ သေသေချာချာ မှတ်ပါ (မှန်ပါ့)။
Since the teaching is meant to reveal the method, Yogis, firmly keep in mind that I am going to teach you the systematic practice today. (True, Sir).
ကိုင်း ဒါဖြင့် ဒီတဏှာသည်ကားလို့ ဆိုလို့ရှိရင် ဒကာ ဒကာမတို့ ခန္ဓာဖြစ်ကြောင်းပဲဆိုတာ ကင်းရှင်း သွားပြီနော် (မှန်ပါ့)၊ ခန္ဓာဖြစ်ကြောင်းပဲဆိုတာ မသေချာသေးဘူးလား (သေချာပါပြီ)။
Well then, Yogis, it is now perfectly clear that this Craving is the very cause of the Aggregates. (True, Sir). Is it not profoundly certain that it is the cause of the Aggregates? (It is certain, Sir).
ဒါဖြင့် ခင်ဗျားတို့ အားလုံးကိုပဲ သတိပေးလိုက်ပါတယ်၊ ဘာကလေးလှူလှူ၊ ဘာကလေးတန်းတန်း၊ ဘယ်ဘဝ လိုချင်တဲ့တဏှာနဲ့တော့ သွားပြီး သကာလ ဘာဖြစ်ရပါလို၏၊ ညာဖြစ်ရပါလို၏-မတောင်းလိုက်ပါနဲ့၊ တောင်းလိုက်လို့ ရှိရင် ခန္ဓာရပါလိမ့်မယ်၊ ခန္ဓာရရင် အိုသေလိုက်လာပါလိမ့်မယ် (မှန်ပါ့)၊ ရှင်းပလား (ရှင်းပါပြီ)။
Therefore, I must strongly warn all of you: whatever you donate, whatever offerings you make, do not make wishes driven by the craving for a new existence. Do not pray, "May I become this, may I become that." If you make such wishes, you will receive the Aggregates (Khandhas). And if you receive the Aggregates, aging and death will inevitably follow. (True, Sir). Is that clear? (Yes, it is, Sir).
ခန္ဓာရရင် (အိုသေလိုက်လာမှာပါ ဘုရား)။
If you receive the Aggregates... (Aging and death will follow, Sir).
ဒါကြောင့် ဘုရားက အိုသေ ဘယ်ကလာ၊ ခန္ဓာကလာ၊ ခန္ဓာ ဘယ်ကလာ ဆုတောင်းတဏှာကလာ (မှန်ပါ့)၊ ရှင်းကြပလား (ရှင်းပါပြီ)။
This is why the Buddha pointed out the chain: Where do aging and death come from? They come from the Aggregates. Where do the Aggregates come from? They come from the Craving within your prayers. (True, Sir). Is that clear? (Yes, it is, Sir).
ခန္ဓာ ဘယ်ကတဲ့တုံး (ဆုတောင်းတဏှာက လာပါတယ်ဘုရား)။
Where do the Aggregates come from? (They come from the Craving within prayers, Sir).
အဲဒါကြောင့် ဪ ကျုပ်တို့ ပဋိစ္စသမုပ္ပါဒ် ကြည့်စမ်းပါ (မှန်ပါ့)၊ ကြည့်စမ်းပါနော်။
Because of this, look closely at The Wheel of Dependent Origination. (True, Sir). Look at it carefully.
ကြည့်လိုက်တော့ကို စတုတ္ထအကွက်မှာ ကြည့်စမ်း၊ မောင်ချစ်စိန်တို့ ဇရာ မရဏလို့ မပါဘူးလား (ပါပါတယ် ဘုရား)၊ ဇရာ မရဏကို ကြည့်လိုက်စမ်းပါ၊ ဒါ အို သေပဲ မဟုတ်လား (မှန်ပါ့)။
When you examine the fourth section, does it not show Aging and Death (Jarā-Maraṇa)? (It does, Sir). Look at Aging and Death. That is simply the process of getting old and dying, isn't it? (True, Sir).
အဲဒီ အို သေကြည့်လိုက်တော့ ဘယ်ကလာသတုံး မေးတော့မှ ဇာတိခန္ဓာက လာတယ် (မှန်ပါ့)၊ မပေါ်သေး ဘူးလား (ပေါ်ပါပြီ)။
Now, when you observe that Aging and Death and ask where it comes from, you see that it arises due to Rebirth (Jāti) and the Aggregates. (True, Sir). Is it not obvious now? (Yes, it is, Sir).
စိတ်ဆယ့်နှစ်မျိုး ဘုန်းကြီး ရေးထားပါတယ်
စိတ္တာနုပဿနာ စာရွက်ကလေးတွေဟာ စိတ်ဆယ့်နှစ်မျိုး ဘုန်းကြီး ရေးထားပါတယ် (မှန်ပါ့ ဘုရား)။
On the Cittānupassanā (Contemplation of Mind) charts I handed out, I have outlined twelve types of consciousness. (True, Sir).
အဲဒါ ခင်စရာ, မင်စရာတွေ ခင်ဗျားတို့က ထင်တယ်၊ ကိုယ့်မျက်စိထဲ ကြည်လာလို့ရှိရင်လည်း မောင်သစ် တို့က ကြည့်လို့ကောင်းလိုက်တာ၊ မျက်လုံးပေါ်မှာ သာယာမှု (မှန်ပါ့)၊ ဒါမြင်စိတ် သာယာတာပေါ့ကွာ (မှန်ပါ့ ဘုရား)။
You mistakenly believe these are things to be attached to and cherished. When your vision is clear, you think, "Oh, it is so wonderful to see!" You find delight in the eye. (True, Sir). This is simply craving for the seeing consciousness. (True, Sir).
နားကလေးက ကြည်လာပြန်လည်း (သာယာပါတယ်)၊ ဒါကြားစိတ်ကလေးကို (သာယာတာပါ ဘုရား)။
When your hearing is clear, what happens? (We crave it, Sir). This means you crave the hearing consciousness. (Yes, we crave it, Sir).
နှာခေါင်းကလေးက ရှူလို့ရှိုက်လို့ နှာစေးတာပါ၊ ပျောက်သွားလို့ရှိရင်ကော (သာယာပါတယ်)၊ လျှာကလေးက အရသာထက်ထက်ကလေး စားရ, သောက်ရရင် (သာယာပါတယ် ဘုရား)။
What if your nose was stuffed from a cold, and then it clears up so you can breathe easily? (We crave that feeling, Sir). When your tongue tastes rich and delicious flavors? (We crave them, Sir).
ကိုယ်ကလေးကလည်း တစ်ခါ ပေါ့ပေါ့ပါးပါးနဲ့ သွားရ-လာရလို့ရှိရင် (သာယာပါတယ်)၊ ကိုယ်ကိုသာယာပြန် တာပဲ (မှန်ပါ့ ဘုရား)။
When your body feels light and you can move about with ease? (We crave it, Sir). You are craving the physical body. (True, Sir).
နေလို့ထိုင်လို့ မသွက်ဘူး၊ ကိုယ်ကြီး ခက်တယ်ဆိုပြီး ကိုယ်ကြီး ရန်ဖြစ်နေတာပဲ (မှန်ပါ့ ဘုရား)
Conversely, when you feel sluggish and your body feels heavy, you become frustrated and fight with your own body. (True, Sir).
ပေါ့ပေါ့ပါးပါးနဲ့ သွားရ, လာရလို့ရှိရင် ကိုယ်ပေါ် သာယာတယ် (မှန်ပါ့)၊ စိတ်ကလေးကလည်း ဖြူဖြူစင်စင် နဲ့ အကြံအစည်ကလေး ကောင်းကောင်းကလေးနဲ့ဖြင့် ကိုယ့်စိတ် ကိုယ်သာယာနေတယ် (မှန်ပါ့ ဘုရား)။
But the moment you can move lightly again, you crave the physical sensations. (True, Sir). Furthermore, when your mind feels pure and you are filled with good ideas, you crave your own thoughts. (True, Sir).
မင်းတို့ လူတစ်ယောက်ချီးမွမ်းရင် ဒီလူဟေ့ သိပ်စိတ်ကူးကောင်းတာပဲ (မှန်ပါ့)၊ မပြောကြဘူးလား (ပြောပါတယ် ဘုရား)။
When people praise someone, don't they say, "Wow, this person has brilliant ideas!"? (They do, Sir).
ကျုပ်တို့က ဒီလိုစိတ်ကူးမကောင်းဘူး၊ ကျုပ်တို့စိတ်များက ခက်လိုက်တာ၊ သူတို့စိတ်ကူးကောင်းတော့ မမြင်ဘူး လား စီးပွားရေးဆိုတာ ဖြောင့်နေတာပဲ (မှန်ပါ့)၊ ကိုယ့်စိတ်ကိုယ် သာယာနေကြတယ် (မှန်ပါ့ ဘုရား)။
They might say, "I don't have good ideas like that. My mind is dull. But look at them—because of their sharp mind, their business is booming!" (True, Sir). They are simply relishing their own mental processes. (True, Sir).
ကိုယ့်စိတ်ကူးကလေးနဲ့ ကိုယ်တည့်သွားတဲ့အခါကျတော့ မောင်သစ် ဘယ့်နှယ်နေသတုံး (သာယာပါတယ် ဘုရား)။
When things go exactly according to your plans, how do you feel? (We relish it, Sir).
အင်မတန် သဘောကျတယ် (မှန်ပါ့)၊ ပြောလို့ကော ဆုံးရဲ့လား (မဆုံးပါ)၊ မဆုံးတော့ ဒါ ဘယ်သူ့သာယာ တာတုံး (ကိုယ့်စိတ်ကိုယ် သာယာတာပါ ဘုရား)။
You are extremely pleased. (True, Sir). Can you ever stop bragging about it? (No, Sir). Since you cannot stop talking about it, what exactly are you finding delight in? (We are craving our own mind, Sir).
ကိုယ့်စိတ်ကိုယ် သာယာတော့ ကိုယ့်စိတ်က ဒုတိယအကွက်မှာ (မှန်ပါ့)၊ သာယာတာက တတိယအကွက်မှာ တဏှာကိုးကွ (မှန်ပါ့ ဘုရား)။
When you crave your own mind, that mind belongs to the second section of Dependent Origination. (True, Sir). The act of craving it is Taṇhā (Craving), which belongs to the third section. (True, Sir).
သာယာတာက ဘယ်အကွက်မှာတုံး (တတိယကွက်မှာပါ)၊ တတိယကွက်မှာ ရှိတယ်ဆိုတာ မှတ်ထားစမ်းပါ။
Which section does craving fall into? (The third section, Sir). Mark this well: it is in the third section.
ဪ ဒါဖြင့် ဒကာ ဒကာမတွေမှာ အခုဝေထားတဲ့ စိတ်ဆယ့်နှစ်ချက်ကို မြင်စိတ်ကလေးကို သာယာ လို့ရှိရင်လည်း မြင်စိတ်က ဒုတိယအကွက်မှာ၊ သာယာတာက တတိယအကွက်မှာ၊ အဲဒီလိုသာယာလို့ရှိရင် ခန္ဓာရဦး မှာပဲ (မှန်ပါ့)၊ ခန္ဓာရရင် အို,သေက (လာဦးမှာပါ)၊ အို,သေက လာဦးမှာပဲဆိုတာ သဘောကျပလား (ကျပါပြီ ဘုရား)။
Therefore, Yogis, regarding the twelve types of consciousness on the charts given to you: if you crave the seeing consciousness, that seeing consciousness is in the second section, and the craving is in the third section. If you let craving arise, you will definitely receive new Aggregates again. (True, Sir). And if you receive the Aggregates, aging and death... (Will follow, Sir). Are you convinced that aging and death will inevitably follow? (Yes, we are, Sir).
ကြားစိတ်ကလေးက ဒကာ ဒကာမတို့ ဒုတိယအကွက်မှာ၊ သာယာတာက (တတိယအကွက်ပါ ဘုရား)။
Similarly, the hearing consciousness is in the second section. The craving for it is in the... (Third section, Sir).
တတိယအကွက်မှာ သာယာတယ်၊ သာယာတယ်ဆိုလို့ရှိရင်လည်း နောက်ဇာတိက (လာဦးမှာပါ)၊ ခန္ဓာလာဦး မှာပဲ (မှန်ပါ့ ဘုရား)။
You crave it in the third section. Because of this craving, the next rebirth... (Will follow, Sir). The Aggregates will definitely re-arise. (True, Sir).
ခန္ဓာရရင် အို,သေကကော (လာမှာပါ)၊ လာမှာပဲဆိုတော့ ဪ ဒီအကွက်မှာ မှားနေတာကိုးဆိုတဲ့ဥစ္စာ ပေါ်လာတယ် (ပေါ်လာပါတယ်)၊ ရှင်းကြပလား (ရှင်းပါပြီ)၊ ဘယ်အကွက်မှာ မှားသတုံး (နံပါတ် ၂ အကွက်မှာ မှား ပါတယ် ဘုရား)။
And if you receive the Aggregates, will aging and death follow? (They will, Sir). Seeing this unbroken chain, you must realize: "Ah! The fundamental error is happening right here in this section." (We realize it, Sir). Is that clear? (Yes, it is, Sir). In which section is the mistake being made? (The mistake is in Section 2, Sir).
နံပါတ် ၂ အကွက် သွားကြည့်တော့ ဘုရားက ဘာသစ္စာလို့ ဟောထားသတုံး (ဒုက္ခသစ္စာလို့ ဟောပါတယ် ဘုရား)၊ နံပါတ် ၂ ဟာနော် (မှန်ပါ့)။
When you examine Section 2, what Truth did the Buddha declare it to be? (He declared it as the Truth of Suffering, Sir). Section 2 is indeed the Truth of Suffering, is it not? (True, Sir).
ဒုက္ခသစ္စာလို့ ဟောထားပါလျက် ခင်ဗျားတို့က သာယာနေတော့ သုခသစ္စာဖြစ်နေတယ် (မှန်ပါ့)၊ ရှင်းပလား (ရှင်းပါပြီ ဘုရား)။
Although the Buddha explicitly taught that it is the Truth of Suffering (Dukkha Sacca), you are craving and relishing it. Therefore, you are falsely turning it into a "Truth of Happiness" (Sukha Sacca). (True, Sir). Is that clear? (Yes, it is, Sir).
သာယာနေလို့ သံသရာရှည်တယ်
ခင်ဗျားတို့က သာယာနေတော့ သုခသစ္စာဖြစ်ပါတယ် ၊ ဒါဖြင့် အဲဒါ သံသရာရှည်တာပဲ (မှန်ပါ့)၊ ဒီလို သာယာနေလို့ မောင်ချစ်စိန် ဘာဖြစ်သတုံး (သံသရာရှည်ပါတယ် ဘုရား)။
Because you crave it, you treat it as the Truth of Happiness. This false perception is exactly what prolongs your journey in Samsara. (True, Sir). Because of this craving, what happens? (Samsara is prolonged, Sir).
သံသရာရှည်တာတော့ ၂ ကနေပြီး ၃ ရောက် ဟုတ်လား (မှန်ပါ့)၊ ၃ ကနေပြီး ၄ ရောက်၊ ၄ ကနေပြီး ၁ ပြန်ထွက်လာတယ် (မှန်ပါ့)၊ မထွက်ပေဘူးလား (ထွက်ပါတယ် ဘုရား)၊ ထွက်တော့ အဝိုင်းပြေးမသွားဘူးလား (သွား ပါတယ် ဘုရား)။
Prolonging Samsara means the cycle moves from Section 2 to Section 3. (True, Sir). From 3, it moves to 4, and from 4, it loops right back to Section 1. (True, Sir). Doesn't it loop back? (It does, Sir). Since it loops back, aren't you just running in circles? (We are, Sir).
အဲဒါကြောင့် ပဋိစ္စသမုပ္ပါဒ် စက်ရဟတ်ကြီးဟာ လည်ရပါပြီ၊ ဘယ်အကွက် အမှားမပြင်နိုင်လို့ လည်ရတာလဲ (နံပါတ် ၂ အကွက် အမှားကို မပြင်နိုင်လို့ပါဘုရား)။
This is exactly why The Wheel of Dependent Origination keeps spinning. Why must it spin continuously? Because you fail to correct the mistake in which section? (Because we fail to correct the mistake in Section 2, Sir).
ဒကာသိုက် သိပ်အဖိုးတန်တယ် (မှန်ပါ့)၊ သိပ်အဖိုးတန်တယ်တဲ့ ၊ ဒါပြင်နိုင်မှ (မှန်ပါ့)။
Yogis, this point is profoundly valuable. (True, Sir). It is tremendously important. You must be able to correct this error. (True, Sir).
ဘုရားဟာ ဒါပြင်နိုင်တာနဲ့ ဘုရားဖြစ်တာ (မှန်ပါ့)၊ သောတာပန်တည်တာကော (ဒါပြင်နိုင်လို့ပါ ဘုရား)၊ သကဒါဂါမ်, အနာဂါမ် ဖြစ်ကြတာတွေ (နံပါတ် ၂ အကွက် ပြင်နိုင်လို့ပါ ဘုရား)။
The Buddha attained Supreme Enlightenment precisely because He corrected this very mistake. (True, Sir). How does one attain the first stage of Awakening (Sotāpanna)? (By correcting this mistake, Sir). How do Yogis become Once-Returners (Sakadāgāmī) and Non-Returners (Anāgāmī)? (By correcting the mistake in Section 2, Sir).
နံပါတ် ၂ အကွက်ကို ပြင်နိုင်ကြလို့ ၊ ဒုက္ခသစ္စာကို ဒုက္ခသစ္စာဖြစ်အောင် လုပ်နိုင်ကြလို့ (မှန်ပါ့)။
They attained liberation because they corrected Section 2. They succeeded in seeing the Truth of Suffering (Dukkha Sacca) exactly as the Truth of Suffering. (True, Sir).
ကိုယ့်အသိကို ပြင်ပေးရမယ်
ပြင်တယ်ဆိုတာကတော့ ကိုယ့်စိတ်ကို ကိုယ့်အသိကို ကိုယ်ပြင်ရတာပါပဲ၊ ဟို ပင်ကိုက တရားက ပြင်စရာ မလိုဘူး (မလိုပါ ဘုရား)၊ ကိုယ့်အသိကို ပြင်ပေးရမယ် (မှန်ပါ့)။
When I say "correct the mistake," I mean you must correct your own mind and your own understanding. The natural phenomena themselves do not need to be fixed. (They do not, Sir). You only need to correct your own perception. (True, Sir).
ကိုယ်မှားနေတဲ့အမှားကို (ပြင်ပေးရပါမယ်)၊ အဲဒီပြင်ပေးလိုက်တဲ့အခါကျတော့ဖြင့်တဲ့ ဒုက္ခသစ္စာကွက်ဖြစ်သွား ရင် မှန်ပြီ (မှန်ပါ့)၊ မဟုတ်ဘူးလား (မှန်ပါ့)။
You must rectify your own erroneous views. (We must correct them, Sir). Once you correct your understanding and clearly discern it as the Truth of Suffering (Dukkha Sacca), then your view is perfectly right. (True, Sir). Is that not so? (It is, Sir).
သူက ဒုက္ခသစ္စာကွက် ဖြစ်လို့ရှိရင်ဖြင့် နောက်က သမုဒယသစ္စာကွက် မလာတော့ဘူး (မလာတော့ပါ ဘုရား)၊ လာပါ့မလား (မလာပါ ဘုရား)။
If Section 2 is rightly seen as the Truth of Suffering, the Truth of the Origin of Suffering (Samudaya Sacca) will no longer follow. (It will not, Sir). Could it possibly arise? (No, it will not, Sir).
အဲ ဒုတိယအကွက်က ဒုက္ခသစ္စာဖြစ်လို့ရှိရင် ဒကာ ဒကာမတွေ တတိယအကွက် သမုဒယသစ္စာ ဘယ့်နှယ် တုံး (မလာပါ ဘုရား)။
If you realize the second section as the Truth of Suffering, Yogis, what happens to the Truth of the Origin (Samudaya Sacca) in the third section? (It does not arise, Sir).
စတုတ္ထကွက် ဒုက္ခသစ္စာ (မလာတော့ပါ ဘုရား)၊ မလာတော့ဘူးဆိုတော့ မောင်ချစ်စိန် သူပဲ (မှန်ပါ့)၊ လက်သည် ပေါ်ပြီမဟုတ်လား (ပေါ်ပါပြီ ဘုရား)။
What about the Truth of Suffering in the fourth section? (It ceases to arise, Sir). Since it ceases completely, we have found the culprit! (True, Sir). The root cause has been exposed, hasn't it? (It has been exposed, Sir).
သူပဲဆိုတဲ့ အဓိပ္ပာယ်ရှင်းသွားပြီ၊ ဒုတိယအကွက်မှာ မှောက်မှားနေတယ် (မှန်ပါ့)။
It is now utterly clear. Your fundamental delusion lies entirely in the second section. (True, Sir).
ဒကာ ဒကာမတွေ ဘယ်အကွက်မှာ မှောက်မှားနေသလဲ (ဒုတိယအကွက်မှာ မှောက်မှားနေပါတယ် ဘုရား)၊ ဒုတိယအကွက်မှာ မှောက်မှားနေတယ်ဆိုတာ ပေါ်ကြပလား (ပေါ်ပါပြီ ဘုရား)။
Yogis, where does your critical error lie? (Our critical error lies in the second section, Sir). Is it absolutely clear that the delusion is rooted in the second section? (It is clear, Sir).
အဲဒါကြောင့် ဒီအမှောက်မှားကြီးကို ပြင်ပြီးတော့မှ ကျုပ်တို့ သေရလို့ရှိရင် အရိယာသေပဲ (မှန်ပါ့)၊ အမှောက် မှားကြီး မပြင်ဘဲနဲ့ သေလို့ရှိရင် အရူးအကန်းသေပဲ (မှန်ပါ့)၊ ပေါ်ပလား (ပေါ်ပါပြီ ဘုရား)။
Therefore, if you manage to correct this profound delusion before you die, you will die as a Noble One (Ariya). (True, Sir). But if you die without correcting this delusion, you die as a blind, deluded fool! (True, Sir). Is the distinction clear? (It is clear, Sir).
ဒုတိယကွက် ဘာသစ္စာဖြစ်ရမှာတုံး (ဒုက္ခသစ္စာ ဖြစ်ရပါမယ်ဘုရား)၊ အဲဒါမဖြစ်ဘဲနဲ့ သေသွားရင် မောင်ချစ်စိန် မင်းပဲ စဉ်းစားကြည့်ပါ (အရူးအကန်းသေပါ ဘုရား)၊ ကိလေသာ ရူး ဟင် (မှန်ပါ့)။
What Truth must you realize in the second section? (We must realize the Truth of Suffering, Sir). If you die without realizing this, consider what kind of death it will be. (It will be the death of a blind, deluded fool, Sir). Yes, completely maddened by defilements (Kilesas). (True, Sir).
ဒုက္ခသစ္စာကို သုခသစ္စာလုပ် ရူးတာက တစ်မျိုး၊ ဒုက္ခသစ္စာကို ဒုက္ခသစ္စာလို့ မမြင်လို့ ကန်းတာက တစ်မျိုး (မှန်ပါ့)၊ အရူးအကန်း သေပြီး သကာလ သေခြင်းဆိုး, နေခြင်းဆိုးနဲ့ သွားတော့တာပဲ (မှန်ပါ့)၊ ဇရာ မရဏပဲ လမ်းဆုံး တာပဲ (မှန်ပါ့)၊ မဆုံးရပေဘူးလား (ဆုံးရပါတယ် ဘုရား)။
Falsely perceiving the Truth of Suffering as the Truth of Happiness is madness. Failing to see the Truth of Suffering as it really is, is blindness. (True, Sir). Dying in such a state of blind madness guarantees a miserable existence and a miserable death. (True, Sir). Your journey will abruptly end in Aging and Death (Jarā-Maraṇa). (True, Sir). Will it not end there? (It will, Sir).
တယ်လည်း ကြောက်စရာကောင်းပါကလား ၊ ဒကာသိုက် ပေါ်ပလား (ပေါ်ပါပြီ ဘုရား)။
Oh, how utterly terrifying this is! Do you see it now? (We see it, Sir).
ဒါဖြင့် ဘယ်အကွက်ဟာ အရေးကြီးသတုံးကွ (နံပါတ် ၂ အကွက်ပါ ဘုရား)၊ နံပါတ် ၂ ဒုတိယအကွက်ဟာ သိပ်အရေးကြီးတယ် (မှန်ပါ့)။
So, tell me, which section is the most critical? (Section 2 is the most critical, Sir). Indeed, the second section is of utmost importance. (True, Sir).
တရားက ဘာသစ္စာတုံး (ဒုက္ခသစ္စာပါ ဘုရား)၊ အဲ ကျုပ်တို့က ဒုက္ခသစ္စာကိုက်ဖြစ်ဖို့ အရေးကြီးတယ် (မှန်ပါ့)။
What Truth is the reality of your body and mind? (It is the Truth of Suffering, Sir). It is absolutely crucial that your understanding aligns with this Truth of Suffering. (True, Sir).
မောင်ချစ်စိန် တရားက (ဒုက္ခသစ္စာပါ ဘုရား)၊ မင်းတို့က ဘာဖြစ်အောင်လုပ်ရမလဲ (ဒုက္ခသစ္စာဖြစအောင် လုပ်ရပါမယ် ဘုရား)၊ ဒုက္ခသစ္စာပဲဖြစ်အောင် လုပ်ရမယ် (မှန်ပါ့)။
The nature of reality is... (The Truth of Suffering, Sir). And what must you train your mind to see? (We must train our minds to see it as the Truth of Suffering, Sir). You must recognize it simply as the Truth of Suffering. (True, Sir).
အဲဒီတော့ကို ခင်ဗျားတို့အလိုတော့ မဖြစ်တော့ဘူး၊ ဆရာဘုန်းကြီး ကူမှ ရတော့မှာပဲ (မှန်ပါ့)။
However, you cannot achieve this realization on your own. You will only succeed if I guide you. (True, Sir).
ခင်ဗျားတို့အလိုတော့ ဘယ်နည်းနဲ့မှ မဖြစ်ဘူး (မှန်ပါ့)၊ ဘာမှ,မှ မပါလာပဲကိုး (မှန်ပါ့)။
Left to your own devices, you will never get it right. (True, Sir). This is because you brought no innate spiritual wisdom into this life. (True, Sir).
ထမင်းစားတတ်တာရယ် ရေသောက်တတ်တာရယ်၊ ဒါပဲပါလာတော့ ဒီဥစ္စာကို ပြင်ပေးမည့် ဆရာသမား ကောင်းဆိုတာကို ရှာပါဆိုတဲ့ဥစ္စာ မောင်သစ် မပေါ်သေးဘူးလား (ပေါ်ပါပြီ ဘုရား)။
You only know how to eat food and drink water—that is your sole expertise! Therefore, isn't it glaringly obvious why you must seek a noble teacher who can correct your wrong views? (It is obvious, Sir).
ပေါ်ပြီကွ (မှန်ပါ့)၊ ဒါကြောင့် အကြိမ်ပေါင်း (၁၇၉၂) ကြိမ်တိုင်တိုင် ရှာစမ်းပါကွဆိုတဲ့ဥစ္စာ မမှာသင့်ဘူး လား (မှာသင့်ပါတယ် ဘုရား)။
It is perfectly clear. (True, Sir). This is why the Buddha exhorted, "Seek a noble teacher, even if you must search 1,792 times!" Was this not a profound instruction? (It was, Sir).
သူနဲ့မတွေ့ရင် သွားပြီ (မှန်ပါ့)၊ ဘယ်လောက်တာရှည်သတုံး (ရှည်ပါတယ် ဘုရား)။
If you fail to encounter a true teacher, you are doomed. (True, Sir). How unimaginably long will your Samsara become? (It will be endless, Sir).
ကိုင်း ဒကာ ဒကာမတို့ ရိုက်သံ, နှက်သံကလေးကြားကြား သံရိုက်သံကလေးကြားကြား၊ လက်သမားတွေ က ထုသံကြားကြား၊ ကြားစိတ်ကလေး နားထဲပေါ်လိမ့်မယ် (မှန်ပါ့)။
Now then, Yogis, whether you hear the sound of beating, the pounding of a hammer, or carpenters at work, a hearing consciousness will appear in your ear. (True, Sir).
မောင်သစ် ဘာလုပ်မလဲ (ဖြစ်ပျက်ရှုရပါမယ် ဘုရား)၊ ဖြစ်ပျက်က ဘာသစ္စာ (ဒုက္ခသစ္စာပါ)၊ ဟော ဒုတိယကွက်ထဲ မပါဘူးလား (ပါပါတယ် ဘုရား)။
When that happens, what must you do? (We must observe its arising and passing away, Sir). What Truth is this process of arising and passing away? (It is the Truth of Suffering, Sir). Look, does this not fall into the second section? (It does, Sir).
အဲဒီတော့ မနာယတနကိုး၊ မနာယတနဆိုတာ စိတ် (မှန်ပါ့)၊ အဲ သူက ဒုက္ခသစ္စာ၊ ရှုတာကလေးက (မဂ္ဂသစ္စာပါ ဘုရား)၊ ကဲ တတိယအကွက် လာသေးလား (မလာပါ ဘုရား)၊ စတုတ္ထအကွက်ကော (မလာပါ ဘုရား)။
This is the Mind-Base (Manāyatana), which simply means the mind. (True, Sir). The mind itself is the Truth of Suffering (Dukkha Sacca). And the Insight that watches and observes it is... (The Truth of the Path [Magga Sacca], Sir). If so, does the third section have any chance to arise? (It does not, Sir). What about the fourth section? (It does not arise, Sir).
မလာလို့ရှိရင် သံသရာစခန်းသတ်ပေါ့၊ ဒုက္ခသစ္စာသိသွားလို့ သတ်တာပဲ (မှန်ပါ့)။
When they fail to arise, your journey through Samsara is terminated. It is severed simply because you have realized the Truth of Suffering. (True, Sir).
ဘယ့်နှယ်ကြောင့်ပါလိမ့် (ဒုက္ခသစ္စာသိသွားလို့ပါ ဘုရား)၊ ဒုက္ခသစ္စာသိသွားလို့ သံသရာ ရှေ့ဆက်သေးရဲ့ လား (မဆက်ပါ ဘုရား)၊ မဆက်တော့ ဒါအဖိုးတန်တယ် (မှန်ပါ့)။
Why is the cycle broken? (Because we have realized the Truth of Suffering, Sir). Once the Truth of Suffering is fully understood, can Samsara continue any further? (It cannot continue, Sir). Because it severs the cycle, this Insight is profoundly valuable. (True, Sir).
ဒါဖြင့် နှာခေါင်းက မွှေးစိတ်, နံစိတ်ကလေးလာလည်း ဘာလုပ်ရမလဲ (ဖြစ်ပျက်ရှုရမှာပါ ဘုရား)၊ ကဲ ဖြစ်ပျက်က ဘယ်အကွက်ထဲမတုံး (နံပါတ် ၂ အကွက်ထဲမှာပါ ဘုရား)၊ ဘာသစ္စာတုံး (ဒုက္ခသစ္စာပါ ဘုရား)။
Therefore, when the consciousness of a fragrant or foul smell arises at the nose, what must you do? (We must observe its arising and passing away, Sir). Which section does this arising and passing away belong to? (It belongs to Section 2, Sir). And what Truth is it? (It is the Truth of Suffering, Sir).
ဖြစ်ပျက်ဟာ ဒုက္ခသစ္စာ
ဪ ဒါဖြင့် ဟုတ်ပြီ ဖြစ်ပျက်ဟာ ဒုက္ခသစ္စာ၊ ကိုက်ပြီ (မှန်ပါ့)၊ ဖြစ်ပြီး ပျက်ကတည်းက ဖြစ်ဒုက္ခ, ပျက်ဒုက္ခကိုး (မှန်ပါ့)။
Ah, exactly! The process of arising and passing away is indeed the Truth of Suffering. It aligns perfectly with the Buddha's teaching. (True, Sir). Because phenomena constantly arise and pass away, it is the suffering of arising and the suffering of dissolution. (True, Sir).
ဖြစ်တာလည်း ဒုက္ခ၊ ပျက်တာကော ဘာသစ္စာတုံး (ဒုက္ခသစ္စာပါ ဘုရား)။
Arising is suffering, and what Truth is passing away? (It is the Truth of Suffering, Sir).
အဲ နောက်ကနေ ဖြစ်ပျက်လို့ သိလိုက်တာကလေးကကော (မဂ္ဂသစ္စာပါ ဘုရား)၊ ဪ သူ ဒုက္ခသစ္စာ သိတာပဲ ၊ မဆိုနိုင်ဘူးလား (ဆိုနိုင်ပါတယ် ဘုရား)။
And the Insight Knowledge that follows immediately behind to observe this process is... (The Truth of the Path [Magga Sacca], Sir). So, Insight simply comprehends the Truth of Suffering. Can we not define it this way? (We can, Sir).
အေး ဒီလိုသိသွားတော့မှ ဒီဒကာ ဒကာမတွေမှာ ဪ အရင်တုန်းက သုခသစ္စာ ပိယ,သာတ ဖြစ်နေတဲ့အကွက်ကို အခုတော့ဖြင့် ပိယ,သာတ ဖြစ်သေးရဲ့လား (မဖြစ်တော့ပါ ဘုရား)၊ ပိယက-ခင်တယ်၊ သာတက သာယာတယ်ဆိုတာ မဖြစ်ဘူး။ ဒုက္ခသစ္စာလို့သာ သိတော့တယ် (မှန်ပါ့)၊ ရှင်းပလား (ရှင်းပါပြီ)။
Yes! Once you comprehend it in this manner, Yogis, you realize: "Oh, in the past, I viewed this very section as the Truth of Happiness. I found it dear (Piya) and pleasant (Sāta)." But now, do you still find it dear and pleasant? (We do not, Sir). Attachment (Piya) and Craving (Sāta) can no longer arise. You now see it strictly as the Truth of Suffering. (True, Sir). Is that clear? (Yes, it is, Sir).
ဒုက္ခသစ္စာလို့သာ သိတဲ့အတွက်တဲ့ ဒုက္ခသစ္စာကွက်၌ ဒုက္ခသစ္စာပဲဖြစ်တယ် (မှန်ပါ့)၊ အရင်တုန်းက ဒီနေရာ မှောက်မှားတဲ့အကွက်ကိုးနော် (မှန်ပါ့)၊ ရှင်းပလား (ရှင်းပါပြီ)၊ အခုမှောက်မှားသေးရဲ့လား (မမှောက်မှားပါ ဘုရား)။
Because you recognize it solely as the Truth of Suffering, the section that is the Truth of Suffering remains exactly as the Truth of Suffering. (True, Sir). In the past, this was the exact spot where your perception was deeply deluded, wasn't it? (True, Sir). Do you see it? (Yes, we do, Sir). Are you still deluded now? (We are no longer deluded, Sir).
ယထာဘူတဉာဏ်ရပြီ
ဒါဖြင့် ယထာဘူတဉာဏ်ရပြီ (မှန်ပါ့)၊ မဆိုနိုင်ဘူးလား (ဆိုနိုင်ပါတယ် ဘုရား)။
If so, you have attained the Knowledge of Seeing Things as They Really Are (Yathābhūta Ñāṇa). (True, Sir). Can we not declare this? (We can, Sir).
ဟုတ်တိုင်းမှန်စွာသိတဲ့ဉာဏ် မရကြသေးဘူးလား (ရပါပြီ ဘုရား)၊ ပေါ်ပြီနော် (ပေါ်ပါပြီ ဘုရား)။
Have you not acquired the Insight that comprehends reality exactly as it is? (We have, Sir). It is perfectly clear now, is it not? (It is clear, Sir).
ကဲ ဒါဖြင့် လျှာပေါ်မှာ စားစိတ်ကလေး ပေါ်တိုင်းပေါ်တိုင်း ဘာလုပ်ကြမယ် (ဖြစ်ပျက်ရှုရပါမယ်)၊ ဖြစ်ပျက်က ဘာသစ္စာ (ဒုက္ခသစ္စာပါ ဘုရား)၊ အဲ ဒုတိယကွက် ဒုက္ခသစ္စာဖြစ်ပြီ ဟုတ်လား (မှန်ပါ့)၊ ရှုတာ ကလေးက (မဂ္ဂသစ္စာပါ ဘုရား)။
Well then, whenever a tasting consciousness arises on the tongue, what must you do? (We must observe its arising and passing away, Sir). What Truth is this arising and passing away? (It is the Truth of Suffering, Sir). Thus, the second section is rightly seen as the Truth of Suffering, is it not? (True, Sir). And the Insight that watches and observes it is... (The Truth of the Path, Sir).
အဲဒီတော့ မဂ္ဂသစ္စာကလေးက တစ်သံသရာလုံးမှာ သမုဒယသစ္စာဘက်သာ ကူးတာ၊ အကူးခံသေးရဲ့လား (မခံပါ ဘုရား)၊ မကူးတော့ပါဘူးတဲ့။ သူ ကြားဝင် ဖြတ်လိုက်တာကိုး (မှန်ပါ့)၊ ရှင်းပလား (ရှင်းပါပြီ)။
Throughout your entire journey in Samsara, the process always crossed over to Craving—the Truth of the Origin of Suffering (Samudaya Sacca). But now, does the Truth of the Path (Magga Sacca) allow it to cross over? (It does not, Sir). The cycle can no longer proceed. The Insight Knowledge intercepts and severs the causal link! (True, Sir). Is that clear? (Yes, it is, Sir).
အဲ ကြားဝင်ဖြတ်လိုက်တယ်ဆိုကတည်းက ဟိုမြားကလေးဟာ ဒီဘက်ကူးသေးရဲ့လား (မကူးပါ ဘုရား)။
Since Insight intercepts and severs the link, can the arrow of Dependent Origination cross over to the next existence? (It cannot cross over, Sir).
ကဲ ယနေ့ ဒီတွင်တော်ကြဦးစို့။
Well, let us conclude today's sermon here.
သာဓု သာဓု သာဓု။
Sādhu! Sādhu! Sādhu!