တရားတော်

book-10605

ပဋိစ္စသမုပ္ပါဒ် တရားတော် (၂)

မာတိကာသို့

ပဋိစ္စသမုပ္ပါဒ် တရားတော် (၂)

ကျေးဇူးတော်ရှင် အဂ္ဂမဟာပဏ္ဍိတ

မိုးကုတ်ဆရာတော်ဘုရားကြီး

အမရပူရမြို့ ဓမ္မာရုံ၌

ဟောကြားတော်မူသော

ပဋိစ္စသမုပ္ပါဒ် တရားတော် (၂)

Benefactor Agga Maha Pandita Mogok Sayadaw

Delivered at the Dhammayon, Amarapura

(19-11-61)

(၁၉-၁၁-၆၁)

မိစ္ဆာအယူတွေ

သိကြားက ဖန်ဆင်းတယ်၊ ဗြဟ္မာက ဖန်ဆင်းတယ်လို့ ယူထားတဲ့ အယူတွေလဲရှိတယ်၊ (မှန်ပါ့)။

There are beliefs held by some that Sakka created the world, or that Brahma created it. (True, Sir).

အဲဒီ အယူတွေသည်ကားလို့ ဆိုလို့ရှိရင် မှားသော အယူတွေ မိစ္ဆာအယူတွေလို့ မှတ်ပါ၊ (မှန်ပါ့)။

Mark this clearly: Such beliefs are erroneous; they are Wrong Views (Miccha-ditthi). (Yes, Sir).

အဲဒီ မိစ္ဆာအယူမှ လွတ်ခြင်း, ကျွတ်ခြင်းကို အလိုရှိကြတဲ့ ဒကာ ဒကာမတွေမှန်က ဘုရားမပွင့်ခင်ကလဲ ဒီပဋိစ္စသမုပ္ပါဒ်ဒေသနာတော် ရှိတယ်လို့ ဆုံးဖြတ်ချက်ချပါ၊ (မှန်လှပါ ဘုရား) ဘုရားပွင့်လဲရှိတယ်လို့ပဲ ဆုံးဖြတ်ချက် ချပါ၊(မှန်လှပါ ဘုရား)။

Yogis who wish to be liberated from these Wrong Views must come to a firm conclusion: The Law of Dependent Origination (Paticcasamuppada) exists whether a Buddha appears or not. (That is true, Sir). Even when a Buddha arises, this Law is already there. (True, Sir).

ဘုရားသခင် ကိုယ်တော်မြတ်ကြီးသည် ပဋိစ္စသမုပ္ပါဒ်အစ,ကိုလဲ သိတော်မူတယ်၊ အဆုံးကိုလဲ သိတော်မူတယ် ဆိုတာလဲ မှတ်ရမယ်၊ (မှန်လှပါ ဘုရား)။

You must note that the Lord Buddha fully comprehended the beginning of Dependent Origination and also its cessation. (True, Sir).

အစ, သိခြင်းကြောင့်လဲ ဘုရားရှင် ကိုယ်တော်မြတ်ကြီး သံဝေဂဉာဏ် ပွားတော်မူတယ်၊ (မှန်ပါ့ ဘုရား)။

By seeing the beginning, the Great Buddha developed a sense of spiritual urgency (Samvega). (True, Sir).

အဆုံးသိခြင်းကြောင့်လဲ ဘုရားအဖြစ်ရောက်တော်မူတယ်ဆိုတာ ဒကာကြွယ် မှတ်ရလိမ့်မယ်၊ (မှန်လှပါ) အစ, သိလို့ သံဝေဂဉာဏ်ပွားတယ်၊ (မှန်ပါ့) အဆုံးသိတာနဲ့ ဘုရားအဖြစ်သို့ ရောက်တော်မူတယ်၊ (မှန်ပါ့ ဘုရား)။

And by realizing the cessation, He attained Buddhahood. Note this well, Daga Kywe. (Yes, Sir). Because He saw the beginning, He felt urgency; because He saw the end, He became the Buddha. (True, Sir).

အဲဒီတော့ ဒီ ဒကာ-ဒကာမတွေလဲ ကိုယ့်အတန်းနဲ့ကိုယ်ဆိုသလို အစ,လဲသိမှ၊ အဆုံးလဲ သိမှ ဒိဋ္ဌိဝိစိကိစ္ဆာ ကင်းပြီးသကာလ ဒကာ ဒကာမတို့ ဝိပဿနာဉာဏ်သို့ သက်ဝင်နိုင်ပါတယ်၊ (မှန်လှပါ ဘုရား)။

Therefore, you Yogis—according to your own capacity—must understand the beginning and the cessation. Only then will Wrong View (Ditthi) and Doubt (Vicikiccha) be removed, allowing you to truly enter into Insight Knowledge (Vipassana). (True, Sir).

ပဋိစ္စသမုပ္ပါဒ်နားလည်မှ ဒိဋ္ဌိနဲ့ ဝိစိကိစ္ဆာ ကင်းမယ်

ဒိဋ္ဌိဝိစိကိစ္ဆာ မကင်းဘဲနဲ့ ဝိပဿနာဉာဏ် သက်ဝင်နေလို့ ရှိရင်ဖြင့် ဝိပဿနာအာပေါက်အောင် အားထုတ် ငြားသော်လဲ ဒိဋ္ဌိဝိစိကိစ္ဆာ မကင်းတဲ့အတွက် မရဘူးလို့မှတ်ပါ၊ (မှန်လှပါ ဘုရား)။

If you try to practice Vipassana without first eliminating Wrong View and Doubt, mark my words: even if you strive until you are exhausted, you will not attain the Path. (True, Sir).

ဒါဖြင့် ဝိပဿနာ အားထုတ်ချင်လို့ရှိရင် ပဋိစ္စသမုပ္ပါဒ်နားလည်မှ ဒိဋ္ဌိနဲ့ ဝိစိကိစ္ဆာ ကင်းမယ်၊ (မှန်လှပါ ဘုရား) ဒိဋ္ဌိဝိစိကိစ္ဆာကင်းပြီး အားထုတ်မှသာလျှင် မဂ်ဉာဏ်, ဖိုလ်ဉာဏ်ရမယ်လို့ မှတ်ကြပါ၊ (မှန်လှပါ ဘုရား)။

Thus, if you wish to practice Vipassana, you must first understand Dependent Origination to remove Ditthi and Vicikiccha. (Yes, Sir). Only when you practice after removing these defilements can you attain Magga and Phala (The Path and Fruition). (True, Sir).

အဲဒီတော့ ဒကာ ဒကာမတွေ ကိုယ့်အကြောင်း ကိုယ်သိရအောင် စဉ်းစားကြစို့။ (မှန်ပါ့)။

Now, let us analyze your own situation so you understand yourselves. (Yes, Sir).

ဘုရားအပေါ်၌လည်း ယုံကြည်၊ ဆရာဘုန်းကြီးအပေါ်၌လည်း ယုံပြီးသကာလ ဒကာ ဒကာမတို့သည် ယခု ၁-နံပါတ်မှာနေသလား၊ ၂-နံပါတ်ထဲ ရောက်နေကြသလား ဆိုတာ အကဲခတ်ပါ၊ (၂-နံပါတ်ထဲရောက်နေပါတယ် ဘုရား)။

Relying on the Buddha and your teacher, assess this: Are you currently in Section One, or have you arrived in Section Two? (We are in Section Two, Sir).

ကောင်းပြီ၊ ၂-နံပါတ်ထဲ ရောက်နေတယ်ဆိုတော့ ဒကာ ဒကာမတို့ မြင်တဲ့အတိုင်းတဲ့၊ ၂-နံပါတ်ဆိုတာ ဒါပါပဲနော်၊ (မှန်လှပါ) ပဋိစ္စသမုပ္ပါဒ် စက်ဝိုင်းကို ထောက်ပြသည်။

Good. Being in Section Two means—look at the chart—Section Two is right here. (Yes, Sir). The Sayadaw points to the Wheel of Dependent Origination.

ပစ္စုပ္ပန် အကျိုးခြင်းရာ ငါးပါး

ပစ္စုပ္ပန် အကျိုးခြင်းရာ ငါးပါး၊ ဖတ်ကြည့်လိုက်တဲ့အခါကျတော့ ဝိညာဏ်, နာမ်ရုပ်, သဠယတန, ဖဿ, ဝေဒနာလို့ မတွေ့ဘူးလား၊ (တွေ့ပါတယ် ဘုရား)။

Look at the "Five Present Effects" on the chart. Do you not see Consciousness (Vinnana), Mind-Matter (Nama-Rupa), Six Sense Bases (Salayatana), Contact (Phassa), and Feeling (Vedana)? (We see them, Sir).

အဲဒါကို ဒကာ ဒကာမတို့ နားလည်တဲ့နည်းနဲ့ ပြောရင်ခန္ဓာငါးပါး (မှန်လှပါ ဘုရား) ပဋိစ္စသမုပ္ပါဒ်လို့ ရေတွက် တဲ့အခါကျတော့ စာပါအတိုင်းပေါ့ဗျာ၊ (မှန်လှပါ ဘုရား) ရှင်းပြီ၊ (ရှင်းပါပြီ ဘုရား)။

To speak in a way you understand: These are the Five Aggregates (Khandhas). (True, Sir). When we count them according to Dependent Origination, we use the terms from the texts. (Yes, Sir). Is that clear? (It is clear, Sir).

ဪ ဒကာ ဒကာမတွေ ဒီအထဲမှာ အခုရောက်နေကြတယ်၊ အခုပဋိသန္ဓေဝိညာဏ်နဲ့လဲ နေကြတယ်၊ ပဝတ္ထိဝိညာဏ်နဲ့လဲ နေကြတယ်၊ (မှန်လှပါ ဘုရား) ပဋိသန္ဓေဝိညာဏ်ဆိုတာ ပဋိသန္ဓေစိတ်ကလေးကို ဆိုတယ်၊ (မှန်ပါ့)။

Oh, Yogis, you are currently existing within this section. You are living with Rebirth Consciousness (Patisandhi Vinnana) and Life-Continuum Consciousness (Pavatti Vinnana). (True, Sir). Rebirth Consciousness refers to the mind at the moment of conception. (Yes, Sir).

ပဝတ္တိ ဝိညာဏ်ဆိုတဲ့ ဥစ္စာ ဒကာ ဒကာမတွေ အိပ်နေတဲ့အခါကျတော့ မလာအောင် စောင့်ရှောက်နေတဲ့ ဘဝင်စိတ်တွေကိုဆိုတာ၊ (မှန်လှပါ ဘုရား) အခု ပဝတ္တိဝိညာဏ်နဲ့ နေကြတယ်လို့မှတ်ပါနော်၊ (မှန်လှပါ ဘုရား)။

Pavatti Vinnana refers to the Bhavanga mind that guards the life stream even when you are asleep. Mark that you are living with this consciousness now. (True, Sir).

နာမ်ရုပ်တွေကတော့ ရှိပါတယ်၊ သွားချင်တာက နာမ်၊ သွားတာကရုပ်၊ အိပ်ချင်တာက နာမ်၊ အိပ်တာကရုပ် ဆိုတော့ နာမ်ရုပ်တွေလဲ အခုခန္ဓာကိုယ်ထဲမရှိကြဘူးလား (ရှိပါတယ် ဘုရား) သဠာယတနဆိုတာ မျက်စိ, နား, နှာခေါင်း လျှာ, ကိုယ်တွေကော ဒကာ ဒကာမတွေရှိကြရဲ့လား၊ (ရှိပါတယ် ဘုရား)။

Mind and Matter are there too. The intention to go is Mind (Nama); the act of going is Matter (Rupa). The intention to sleep is Mind; the sleeping body is Matter. Are these not within your body right now? (They are, Sir). And what of the Six Sense Bases—eye, ear, nose, tongue, body? Do you possess them? (We do, Sir).

မနဆိုတဲ့စိတ်ကကော၊ (ရှိပါတယ် ဘုရား)။

What about the mind element (Mana)? (It is there, Sir).

အာရုံတွေကို တွေ့ထိတဲ့ဖဿကော၊ (ရှိပါတယ် ဘုရား)။

And Contact (Phassa) that touches sense objects? (It is there, Sir).

အာရုံတွေကို ခံစားတဲ့ဝေဒနာတွေကော (ရှိပါတယ် ဘုရား)။

And Feelings (Vedana) that experience these objects? (They are there, Sir).

ဒါဖြင့် ဒကာကြွယ်တို့က စဉ်းစားပါ၊ ဪ ပဋိစ္စသမုပါဒ်အလိုတာ့ ဝိညာဏ်, နာမ်ရုပ်, သဠာယတန, ဖဿ, ဝေဒနာ ခန္ဓာလို ဖွဲ့လိုက်တော့ ခန္ဓာငါးပါး၊ (မှန်လှပါ ဘုရား)။

So, Daga Kywe, consider this: According to Dependent Origination, we list them as Consciousness, Mind-Matter, Sense Bases, Contact, and Feeling. But if we group them as Aggregates, they correspond to the Five Aggregates (Khandhas). (True, Sir).

အခုဘယ်သူနဲ့ နေကြသတုံးလို့ မေးလို့ရှိရင်ဖြင့် ဒကာ ဒကာမတို့ ပစ္စုပ္ပန်အကျိုးခြင်းရာ ငါးပါးကို ၂-နံပါတ် သာကြည့်လိုက်၊ (မှန်ပါ့ ဘုရား) ၂-နံပါတ်ကြည့်လိုက်တဲ့အခါကျတော့ ဝိညာဏ်, နာမ်ရုပ်, သဠာယတန, ဖဿ, ဝေဒနာ နဲ့နေကြရတယ်၊ (မှန်လှပါ) ရှင်းပြီနော်၊ (ရှင်းပါပြီ ဘုရား)။

If I ask, "Who are you living with right now?"—just look at Section Two of the Present Effects. (Yes, Sir). When you look at Section Two, you see you are living with Consciousness, Mind-Matter, Sense Bases, Contact, and Feeling. (True, Sir). Is that clear? (Yes, Sir).

ဒုက္ခသစ္စာသာမှတ်

အဲဒါသည်ကားလို့ဆိုရင်ဖြင့် သစ္စာပိုင်းကို သူနဲ့ဆက်ပြီး ကြည့်လိုက်၊ ၂-နဲ့တည့်တည့်ကြည့်လိုက်တော့ ဘာသစ္စာ တွေ့သလဲ၊ (ဒုက္ခသစ္စာ တွေ့ပါတယ် ဘုရား)။

Now, look at Section Two in the context of the Four Noble Truths. What Truth do you see? (We see the Truth of Suffering, Sir).

ဪ ယခုတရားနာနေတဲ့ ဒကာ ဒကာမတွေ ခန္ဓာကိုယ်ထဲမှာ ဘာပဲပေါ်ပေါ်၊ ဦးသန်းမောင် ဒုက္ခသစ္စာသာ မှတ်၊ (မှန်လှပါ) ရုပ်ပေါ်လဲ (ဒုက္ခသစ္စာသာမှတ်) နာမ်ပေါ်လဲ (ဒုက္ခသစ္စာသာမှတ်) မျက်လုံး ရုပ်ကလေးပေါ်ရင်လဲ (ဒုက္ခသစ္စာပါ ဘုရား)။

Oh, Yogis listening to this sermon: Whatever appears in your body right now, note it only as the Truth of Suffering (Dukkha Sacca). U Than Maung, mark this well. (Yes, Sir). If Matter appears? (Note it as Dukkha Sacca). If Mind appears? (Note it as Dukkha Sacca). If the material eye appears? (It is Dukkha Sacca, Sir).

ဪ ဒကာ ဒကာမတို့ သန္တာန်၌၊ ယခုအခါမှာ ဒုက္ခသာ ပင်လယ်ဝေတော့တယ်လို့ ဒကာသစ်၊ ဒကာကြွယ် မှတ်လိုက်စမ်းပါ၊ (မှန်လှပါ ဘုရား)။

Oh, Daga Thit, Daga Kywe, realize that within you, there is nothing but a sea of Dukkha rising. (True, Sir).

ဒါဖြင့် ဘယ်အခါရှုရှု၊ ဘုန်းကြီးတို့ ဒကာ ဒကာမတွေ ဖြစ်မှုပျက်မှုတွေ့တာသည် ဒုက္ခသစ္စာချည်း မှတ်လိုက်၊ (မှန်လှပါ ဘုရား)၊ အခု ရ,ထားတာ ဘာသစ္စာလဲ၊ (ဒုက္ခသစ္စာပါ ဘုရား)။

Therefore, whenever you observe, realize that the arising and passing away you see is purely the Truth of Suffering. (Yes, Sir). What have you obtained right now? (We have obtained the Truth of Suffering, Sir).

ဒါဖြင့် ဒီအထဲရှိတာတွေဟူသရွေ့သည်ကား လို့ဆိုရင် ဖြစ်မှုနဲ့ ပျက်မှုပဲ ရှိမှာပဲ၊ (မှန်ပါ့) အဲဒီဖြစ်မှုပျက်မှုတွေ ကဘာသစ္စာလဲ၊ (ဒုက္ခသစ္စာပါ ဘုရား)။

So, whatever exists within this body consists only of arising and passing away. (True, Sir). And what is this arising and passing away? (It is the Truth of Suffering, Sir).

လူ့ဘဝ ဘာသစ္စာ တုံး

အဲဒါကြောင့် ဒကာ ဒကာမတို့ သန္တာန်၌ ခန္ဓာငါးပါး ဝိညာဏ်, နာမ်ရုပ်, သဠယတန, ဖဿ, ဝေဒနာဆိုတာ သည် ပစ္စုပ္ပန်အကျိုးတစ်လွှာ၊ (မှန်လှပါ ဘုရား) သစ္စာကျတော့၊ (ဒုက္ခသစ္စာပါ ဘုရား) ဪ ဒါဖြင့် လူ့ဘဝ ဘာသစ္စာ တုံး၊ (ဒုက္ခသစ္စာပါ ဘုရား) ဪ ဒါဖြင့် လူ့ဘဝ ဘာသစ္စာတုံး၊ (ဒုက္ခသစ္စာပါ) ဦးသန်းမောင် လူ့ဘဝကြီးဟာ၊ (ဒုက္ခသစ္စာ ပါ ဘုရား) ဒုက္ခသစ္စာတဲ့ ဒကာကြွယ်၊ (မှန်လှပါ ဘုရား)။

Therefore, within you, the Five Aggregates—Consciousness, Mind-Matter, Sense Bases, Contact, Feeling—represent the layer of Present Effects. (Yes, Sir). When it comes to the Truths? (It is Dukkha Sacca, Sir). Oh, then what Truth is this human life? (It is Dukkha Sacca, Sir). Indeed, what Truth is human existence? (It is Dukkha Sacca). U Than Maung, this great human life... (It is Dukkha Sacca, Sir). It is the Truth of Suffering, Daga Kywe. (True, Sir).

ကိုင်း ဒါဖြင့် လူ့ဘဝ ဒုက္ခသစ္စာဆိုတာ ဘုရားရှင်ကိုယ်တော်မြတ်ကြီးက ဟောတော့ ဓမ္မစကြာရပြီးသား ပုဂ္ဂိုလ်က “သံခိတ္တေန ပဉ္စုပါဒါနက္ခန္ဓာ ဒုက္ခာ” ခန္ဓာငါးပါးဟာ ဘာတဲ့၊ (ဒုက္ခသစ္စာပါ ဘုရား)။

Since the Buddha himself declared human life to be Dukkha Sacca, those who know the Dhammacakka chant: "Saṃkhittena pañcupādānakkhandhā dukkhā." What are the Five Aggregates? (They are Dukkha Sacca, Sir).

ဒုက္ခသစ္စာလို့ ဟောထားတာလဲ ငြင်းစရာမရှိအောင် မှန်နေတယ်၊ (မှန်လှပါ ဘုရား) ဘာသစ္စာနဲ့ နေကြ-ထိုင်ကြသလဲ၊ (ဒုက္ခသစ္စာနဲ့ နေကြ - ထိုင်ကြပါတယ် ဘုရား) ဖြစ်ဒုက္ခ၊ ပျက်ဒုက္ခနဲ့ နေရတာပဲ၊ (မှန်ပါ့ ဘုရား) ဘာနဲ့ နေကြရတယ်၊ (ဖြစ်ဒုက္ခ ပျက်ဒုက္ခနဲ့ နေကြရပါတယ် ဘုရား)။

It is preached as the Truth of Suffering, and it is undeniably true. (True, Sir). What are you living and existing with? (We are living and existing with Dukkha Sacca, Sir). You are living with the suffering of arising and the suffering of perishing. (True, Sir). What are you living with? (We are living with the suffering of arising and perishing, Sir).

ဖြစ်ဒုက္ခ ပျက်ဒုက္ခနဲ့ နေရတော့ ဖြစ်တာလဲဒုက္ခ၊ ပျက်တာလဲဒုက္ခ၊ ခန္ဓာကိုယ်တစ်ခုလုံးကလဲ ဖြစ်မှု၊ ပျက်မှုနဲ့ပဲ ရှိတော့ ဒုက္ခသစ္စာလို့ဆိုတာ ဦးသန်းမောင်တို့ ဒကာကြွယ်တို့ မငြင်းနဲ့တော့၊ (မငြင်းပါ ဘုရား) ရှင်းသွားပလား၊ (ရှင်းသွား ပါပြီ)

Since you live with the suffering of arising and perishing, the arising is Dukkha, and the perishing is Dukkha. The entire body exists only as arising and perishing. So, U Than Maung, Daga Kywe, do not argue against it being Dukkha Sacca. (We will not argue, Sir). Is it clear now? (It is clear).

ဒါဖြင့် ဒီဒုက္ခသစ္စာကြီးဟာ ဪ-တပည့်တော်တို့ လူ့ဘဝရအောင် လူ့ဘဝကို တပည့်တော်တို့ရတာ ဒုက္ခသစ္စာ ရတာကိုးဆိုတာ သဘောကျပလား၊ (ကျပါပြီ ဘုရား)။

So regarding this great mass of Dukkha Sacca—"Oh, we obtained a human life, but what we actually obtained is the Truth of Suffering!" Do you grasp this meaning? (We grasp it, Sir).

ဒါဖြင့် လူ့ဘဝရတာ ဘာသစ္စာပါလိမ့်၊ (ဒုက္ခသစ္စာရပါတယ် ဘုရား)၊ ဘယ်မှာတုန်းလူချမ်းသာဆိုတာ ပြောကြ စမ်းပါဦး (မရှိပါဘူး ဘုရား) ဒကာ ဒကာမတွေ စဉ်းစားပါ ခင်ဗျားတို့ကို သာမညဟောတော့ လူချမ်းသာလို့ဟောတယ် (မှန်ပါ့)။

Then, what Truth is obtaining a human life? (It is obtaining Dukkha Sacca, Sir). Where is this so-called "Human Happiness"? Tell me. (It does not exist, Sir). Yogis, consider this. When I preach in a conventional way, I speak of "Human Happiness." (True, Sir).

ခန္ဓာငါးပါး ဒုက္ခသစ္စာ

အခု သေသေချာချာ ဓမ္မစကြာ အကိုးအကားထားပြီး ပဋိစ္စသမုပ္ပါဒ် ဒေသနာတော်ကို ကိုးကားထားလိုက်တော့ ခန္ဓာငါးပါး ဒုက္ခသစ္စာတရား (မှန်လှပါ ဘုရား) မြင်ကြပလား (မြင်ကြပါတယ် ဘုရား) ခန္ဓာငါးပါး (ဒုက္ခသစ္စာတရား ပါ ဘုရား)။

But now, relying precisely on the Dhammacakka and citing the doctrine of Dependent Origination, the Five Aggregates are the Truth of Suffering. (True, Sir). Do you see it? (We see it, Sir). The Five Aggregates... (Are the Truth of Suffering, Sir).

ဘယ်မှာတုန်း ဒကာကြွယ် လူ့ချမ်းသာ (မပါ-ပါ ဘုရား) ပေါ်ကြပလား (ပေါ်ပါပြီ) ဒကာ ဒကာမတို့ လူ့ချမ်း သာပါရဲ့လား (မပါ-ပါ ဘုရား) ခင်ဗျားတို့ ၁-ထဲမှာလား၊ ၂-ထဲမှာလား (၂-ထဲမှာပါ ဘုရား) ၂-ထဲမှာ ဘာတွေနဲ့နေကြ တယ်၊ ဒီငါးပါးတွေနဲ့နေကြတယ် (မှန်လှပါ ဘုရား)။

Daga Kywe, where is the happiness? (It is not included, Sir). Has it become clear? (It has, Sir). Yogis, is there any human happiness in there? (It is not included, Sir). Are you in Section One or Section Two? (We are in Section Two, Sir). What are you living with in Section Two? You are living with these Five Aggregates. (True, Sir).

ဒီငါးပါးနဲ့နေကြတော့ ဘုန်းကြီးတို့ ဒကာ ဒကာမတွေ စဉ်းစားကြည့်တော့ ဒီငါးပါး ဘာသစ္စာလဲ (ဒုက္ခသစ္စာ ပါ ဘုရား) အို-ချမ်းသာကို မပါ- ပါလား(မပါ-ပါ ဘုရား) ဒကာ ဒကာမတွေ ဒါဖြင့် လူ့ချမ်း၊ နတ်ချမ်းသာ၊ ဗြဟ္မာချမ်း သာ အကြိမ်ကြိမ်ခံစားပြီး၍ဆိုတာ လွဲမနေဘူးလား (လွဲနေပါတယ် ဘုရား)။

Since you are living with these Five, consider this carefully: What Truth are these Five? (Dukkha Sacca, Sir). Oh, happiness is not included at all! (No, Sir). Yogis, consider the prayer: "May I enjoy the pleasures of humans, Devas, and Brahmas many times over." Is this not completely wrong? (It is wrong, Sir).

လူ့ချမ်းသာ၊ နတ်ချမ်းသာ၊ ဗြဟ္မာချမ်းသာ အကြိမ်ကြိမ်ခံစား၍ဆိုတော့ ဒီအထဲ ထပ်ပြန်တလဲလဲဖြစ်၍ (မှန် ပါ ဘုရား) ဒုက္ခသစ္စာထဲ ထပ်ပြန်တလဲလဲဖြစ်၍တဲ့။

"May I enjoy human, Deva, and Brahma pleasures many times over." This implies incurring what is inside here again and again. (True, Sir). It means incurring Dukkha Sacca again and again.

ဟာ ဦးသန်းမောင်ကြီးတို့ ငါးပါးမှောက်ပြီ (မှန်ပါ့) တောင်းထားတဲ့ငါးပါး မှောက်ပြီ (မှောက်ပါပြီ ဘုရား) အကြိမ်ကြိမ်ခံစားပြီး၍ဆိုတော့ ဦးလှဘူး ဘယ့်နှယ်တုန်း (အကြိမ်ကြိမ် ဒုက္ခခံစားရပါလို၏ ဆိုလိုပါတယ် ဘုရား) အကြိမ်ကြိမ် ၂-နံပါတ်ထဲမှ နေရ၍ (မှန်လှပါ)။

Ha! U Than Maung, your "Five Aggregates" prayer has capsized! (True, Sir). The "Five" you asked for has capsized. (It has, Sir). "Having enjoyed these many times..." U Hla Bu, what does that really mean? (It means "May I suffer Dukkha many times," Sir). "May I stay in Section Two again and again." (True, Sir).

ဘယ့်နှယ်ဆိုကြမယ်၊ (အကြိမ်ကြိမ် ၂-နံပါတ်ထဲမှာနေရ၍) ၂-နံပါတ်ဘာသစ္စာလည်း (ဒုက္ခသစ္စာပါ ဘုရား) ခင်ဗျားတို့ ပါစပ်မို့ထွက်ရဲပါပေတယ်။ (မှန်လှပါ) ဦးသန်းမောင် ဘယ့်နှယ်လည်း (မသိလို့ပါ ဘုရား) မသိလို့ ထွက်တာနော် (မှန်ပါ့)။

How shall we put it? (May I stay in Section Two again and again). And what Truth is Section Two? (It is Dukkha Sacca, Sir). You are quite brave to let such prayers pass your lips! (True, Sir). U Than Maung, why is that? (Because we didn't know, Sir). You spoke out of ignorance. (True, Sir).

ဒကာ ဒကာမတွေ မျက်စိဖွင့်ပေးမည့်သူ မူရှိလို့ရှိရင် ခင်ဗျားတို့သည် တောင်ဝှေးဆွဲညံ့ရင် ညံ့တဲ့နောက်ပါသွား မှာပဲ (မှန်ပါ့ ဘုရား) တောင်ဝှေးဆွဲ ကောင်းရင်လည်း (ကောင်းတဲ့နောက်ပါသွားမှာပဲ) ကောင်းတဲ့နောက်ပါသွားတော့ တောင်ဝှေးကိုလည်း ဒကာကြွယ် ရွေးဆွဲဦးမှ (မှန်ပါ့ ဘုရား)။

If there is no one to open your eyes, you are like blind men holding a cane. If the guide pulling the cane is incompetent, you will follow him into danger. (True, Sir). If the guide is good? (We will follow him to safety). Since you will follow the cane wherever it leads, Daga Kywe, you must choose your guide carefully. (Yes, Sir).

ခင်ဗျားတို့ တောင်ဝှေးဆွဲမယ်ဆိုရင် ငါ့ဘယ်သူဆွဲဆွဲ လိုက်မယ်ဆိုရင် ချောက်ကျလိမ့်ဦးမယ် (မှန်လှပါ ဘုရား) မဆိုထိုက်ဘူးလား(ဆိုထိုက်ပါတယ် ဘုရား)။

If you say, "I will follow whoever pulls the cane," you will fall into the abyss again. (True, Sir). Is it not fair to say this? (It is fair, Sir).

အဖန်ဖန်ဖြစ်ရပါလို၏တဲ့

ကဲဒါဖြင့် လူ့ချမ်းသာ နတ်ချမ်းသာ ဗြဟ္မာချမ်းသာ အကြိမ်ကြိမ်ခံစားပြီး၍ ၂-နံပါတ် ဒုက္ခသစ္စာအဖန်ဖန် ဖြစ်ရပြီး၍ (မှန်လှပါ ဘုရား)။

So, the prayer goes: "After enjoying human pleasure, Deva pleasure, and Brahma pleasure many times..." This means "After undergoing the Dukkha Sacca of Section Two again and again..." (True, Sir).

ဒကာသစ် ပေါ်ပလား (ပေါ်ပါပြီ ဘုရား) ဦးသန်းမောင် တို့ကော (ပေါ်ပါပြီ ဘုရား) ၂-နံပါတ် ဒုက္ခသစ္စာ ဘာတဲ့ (အဖန်ဖန်ဖြစ်ရပါလို၏) အဖန်ဖန်ဖြစ်ရပါလို၏တဲ့ (မှန်ပါ့) တောင်းကောင်းမတောင်းကောင်း (မတောင်းပါ ဘုရား) တောင်းလေလေ ဆိုးလေလေပဲ (မှန်ပါ) တောင်းလေလေ (ဆိုးလေလေပါပဲ ဘုရား) ဒကာကြွယ် ဒါသေသေချာချာ ကြည့်ပါ၊ ဒီစက်ဝိုင်းကလေးကိုကြည့်ပါ ၊ ဒါခန္ဓာဖြစ်စဉ်ပါ။ (မှန်ပါ ဘုရား)။

Daga Thit, is it clear? (It is clear, Sir). And U Than Maung? (It is clear, Sir). What is Section Two, Dukkha Sacca? ("May I suffer it again and again"). "May I suffer again and again," indeed. (True, Sir). Is this a prayer one should make? (No, Sir). The more you pray, the worse it gets. (True, Sir). The more you pray... (The worse it gets, Sir). Daga Kywe, look at this carefully. Look at this circular chart. This is the process of the Aggregates. (True, Sir).

ခန္ဓာဖြစ်စဉ်ပါ ဘုန်းကြီးက ချဲ့ပြီးသကာလ ပြောနေတဲ့ စကားလို့ ဦးလှဘူးတို့က မဆိုနဲ့တော့ ဘုရားဟောလို့ မှတ် (မှန်လှပါ ဘုရား)။

This is the process of the Aggregates. Do not say U Hla Bu and the others are just listening to the Monk expanding on his own words; mark this as the Buddha's teaching. (Yes, Sir).

ကဲ ဒါဖြင့် ဒကာ ဒကာမတို့ လူ့ချမ်းသာ၊ နတ်ချမ်းသာ၊ ဗြဟ္မာချမ်းသာအကြိမ်ကြိမ် ခံစားပြီး၍ အဆုံးစွန် သော ဘဝ၌ (မှန်ပါ့ ဘုရား)။

So, the prayer continues: "After enjoying human, Deva, and Brahma pleasures many times, in the very last life..." (True, Sir).

အကြိမ်ကြိမ်လဲခံစားဦးမယ်တဲ့ ဘယ်တော့မှလဲ မဆုံးအောင် ခံစားရမှာ၊ အဆုံးစွန် သူ့ထည့်ချင်လို့ ထည့်တာမဆုံးဘူး (မှန်လှပါ ဘုရား) ဆုံးစရာမြင်ရဲ့လား (မမြင်ပါ ဘုရား) အဲဒါကြောင့် ခင်ဗျားတို့သည်ကားလို့ ဆိုလို့ရှိရင်ဖြင့် ၂-နံပါတ်သစ္စာ ဘာသစ္စာ (ဒုက္ခသစ္စာပါ ဘုရား)။

"Enjoying many times" means you will suffer endlessly. The phrase "in the very last life" is just inserted because they wanted to put it there; the end never actually comes. (True, Sir). Do you see an end to it? (We do not see it, Sir). Because of that, what Truth is Section Two? (Dukkha Sacca, Sir).

ဒါဖြင့် နောက်ဒီလိုလုပ်၊ တောင်းချင်ကြလို့ရှိရင်ခင်ဗျားတို့ ဤကဲ့သို့ လှူရ၊ တန်းရ၊ ပေးကမ်းရတဲ့ ကုသိုလ် ကံ စေတနာတွေကြောင့် ဟုတ်လား၊ ဒုက္ခသစ္စာ အကြိမ်ကြိမ်ခံစားရပါလို၏ (မှန်ပါ့) တောင်းရဲပါ့မလား (မတောင်း ရဲပါ ဘုရား) မတောင်းရဲဘူး(မှန်လှပါ ဘုရား)။

So, do this instead. If you want to make a wish, do not say: "Because of these meritorious deeds of charity and giving, may I suffer Dukkha Sacca again and again." (True, Sir). Would you dare pray like that? (We would not dare, Sir). You wouldn't dare. (True, Sir).

သူများတကာ လူချမ်းသာ၊ နတ်ချမ်းသာဆိုတာ ခင်ဗျားတို့ကလဲ မျက်စိက စုံလုံးကန်းဖြစ်နေတော့ ရော လိုက်သွားတယ် (မှန်လှပါ ဘုရား)။

But when others say "Human Happiness, Deva Happiness," you people—being blind in both eyes—just go along with the crowd. (True, Sir).

(၂)-နံပါတ်ချောက်ကျတာပေါ့

တောင်ဝှေးဆွဲတဲ့ ပုဂ္ဂိုလ်က လူချမ်းသာဆိုပြီး ဆွဲသွားတော့ ဒကာ ဒကာမတွေက ရောလိုက်သွားတော့ ၂-နံပါတ်ချောက်ကျတာပေါ့ (မှန်လှပါ ဘုရား) ၂-နံပါတ်ဒုက္ခသစ္စာ ချောက်ထဲကျနေပြီ (ကျနေပါပြီ ဘုရား) ဒကာကြွယ် အခု ဘယ်ချောက်ထဲကျနေသလဲ (၂-နံပါတ် ဒုက္ခသစ္စာချောက်တယ် ကျနေပါတယ် ဘုရား) အံမာလေးသနားစရာကောင်း လိုက်တာ (မှန်လှပါ ဘုရား)။

The guide pulling the cane said "Human Happiness," and because you followed blindly, you fell into the abyss of Section Two. (True, Sir). You have fallen into the abyss of Dukkha Sacca. (We have fallen, Sir). Daga Kywe, which abyss are you in now? (We are in the abyss of Section Two, Dukkha Sacca, Sir). Oh my, how pitiful. (True, Sir).

ဒါ ဘယ့်နှယ်ကြောင့် ဒီချောက်ထဲ ဆင်းမိပါလိမ့်မတုန်းလို့ မေးတော့ ၁-နံပါတ်ကို ပြန်ကြည့် (မှန်လှပါ) အဝိဇ္ဇာသည် ဘာကို မသိတာလဲ ဒကာ ဒကာမတို့ (သစ္စာလေးပါးမသိတာပါ ဘုရား) ဟောဒီ ဒုက္ခသစ္စာမသိလို့ (မှန်လှပါ ဘုရား) ဒီဒုက္ခသစ္စာကို ဒီအဝိဇ္ဇာက သိရဲ့လား (မသိပါ ဘုရား) မသိတော့ ဒုက္ခသစ္စာရောက်လိမ့်မယ်ဆိုတာ ကို မသိပါဘူးတဲ့ ဒီအဝိဇ္ဇာက (မှန်လှပါ ဘုရား)။

If one asks, "Why did we fall into this abyss?", look back at Section One. (Yes, Sir). What is it that Ignorance (Avijja) does not know? (It does not know the Four Noble Truths, Sir). It does not know this Dukkha Sacca. (True, Sir). Does Avijja know this Dukkha Sacca? (It does not, Sir). Because it does not know, Avijja is unaware that you will end up in Dukkha Sacca. (True, Sir).

ဒါဖြင့် ခင်ဗျားတို့ပြုတဲ့ ဘုံဘဝတွေ လိုချင်တဲ့ကုသိုလ် စေတနာ သင်္ခါရ ခင်ဗျားတို့ ပြုလိုက်တယ် (ပြု ပါတယ် ဘုရား) ဘုံဘဝလိုချင်တဲ့ ကုသိုလ်စေတနာ (မှန်ပါ့) လူ့ချမ်းသာ၊ နတ်ချမ်းသာ၊ ဗြဟ္မာချမ်းသာလိုချင်ကြတဲ့ သင်္ခါရပြုလိုက်ပါတယ် (မှန်ပ့ါ) ပြုလိုက်တဲ့ အခါကျတော့ သေသည်၏ အခြားမဲ့တဲ့ ခင်ဗျားတို့ ဒီ ၂-နံပါတ် ပြန်ရတယ် (ရပါတယ် ဘုရား)။

So, you performed meritorious deeds with the volition (Cetana) and formation (Sankhara) of wanting future existences. (We did, Sir). The intention for existence... (True, Sir). You performed formations wanting human happiness, Deva happiness, Brahma happiness. (True, Sir). Because you performed these, immediately after death, you obtain Section Two again. (We do, Sir).

အဝိဇ္ဇာနဲ့ တောင်းတယ်

ဒါဟာ သိလို့ရတာလား ၊ မသိလို့ ဒုက္ခသစ္စာရတာလား (မသိလို့ ရတာပါ ဘုရား) ဒါဖြင့် ခင်ဗျားတို့ တောင်း ကတည်းက ဒကာကြွယ်ကြီးတို့ ရမ်းတောင်းတယ် (ရမ်းတောင်းပါတယ် ဘုရား) အဝိဇ္ဇာနဲ့ တောင်းတယ် (မှန်ပါ ဘုရား) ဦးသောင်းတင် ဘာနဲ့တောင်းသလဲ (အဝိဇ္ဇာနဲ့တောင်းပါတယ် ဘုရား)။

Did you get this because you knew, or did you get Dukkha Sacca because you didn't know? (We got it because we didn't know, Sir). So, from the moment you prayed, Daga Kywe, you were praying blindly. (We prayed blindly, Sir). You prayed with Ignorance (Avijja). (True, Sir). U Thaung Tin, with what did you pray? (We prayed with Ignorance, Sir).

အဝိဇ္ဇာနဲ့မသိလို့ တခါတည်း သင်္ခါရအလုပ်ဆိုတဲ့ ကုသိုလ်ကို လုပ်လိုက်ပါတယ် (မှန်ပါ့) လူချမ်းသာ နတ်ချမ်း သာလိုချင်လို့လုပ်တဲ့ ကုသိုလ်ပေါ့ဗျာ (မှန်လှပါ ဘုရား)။

Because of Avijja—not knowing—you performed the work of Sankhara (Volitional Formations), which is the meritorious deed. (True, Sir). Merits done wanting human and Deva happiness. (Yes, Sir).

အဲဒါတွေလည်း လုပ်လိုက်ပါရောတဲ့၊ တဏှာနဲ့ဆုတောင်း ဥပါဒါန်နဲ့ စွဲလမ်း၊ ကာယကံ၊ ဝစီကံ နဲ့ ဘုံဘဝ ရောက်ပါစေတတ်တဲ့ ကုသိုလ်တွေ လုပ်လိုက်ပါတယ် (မှန်လှပါ ဘုရား)။

You did these things. You prayed with Craving (Tanha), clung with Clinging (Upadana), and performed deeds of body and speech conducive to rebirth. (True, Sir).

လုပ်လိုက်တဲ့အတွက်တဲ့၊ သေသည်၏ အခြားမဲ့၌ ဒီလိုစပ်သွားပြီ (မှန်ပါ့) ဒီကအကြောင်းနဲ့ ဒီကအကျိုးစပ်ပြီ ကွတဲ့ (မှန်လှပါ) မစပ်သေးဘူးလား (စပ်ပါတယ် ဘုရား)။

Because you did this, immediately after death, the connection is made. (True, Sir). The cause here connects with the effect there. (Yes, Sir). Is it not connected? (It is connected, Sir).

သေသည်၏ အခြားမဲ့၌ ဘာသစ္စာရသလဲ(ဒုက္ခသစ္စာရပါတယ်) ပေါ်ကြပြီ (ပေါ်ပါပြီ ဘုရား) ဘာသစ္စာ ရသလဲ (ဒုက္ခသစ္စာရပါတယ် ဘုရား) ဒကာကြွယ်ရေ၊ ငွေကုန်လူပန်းတော့ဖြစ်ပြီ(မှန်ပါ့) မဖြစ်သေးဘူးလား (ဖြစ်ပါ ပြီ ဘုရား) အံမာလေး ကြောက်စရာကြီးပါလား (ကြောက်စရာကြီးပါ ဘုရား)။

Immediately after death, what Truth do you get? (We get Dukkha Sacca). It has appeared. (It has appeared, Sir). What Truth did you get? (We got Dukkha Sacca, Sir). Daga Kywe, it is a case of "Money wasted, man exhausted." (True, Sir). Is it not so? (It is, Sir). Oh my, isn't it terrifying? (It is terrifying, Sir).

ငွေကုန် လူပန်းဖြစ်တယ်

ငွေကုန် လူပန်းဖြစ်တယ်ဆိုတော့ ဒကာ ဒကာမတွေ မခံချင်ရင်ရှိရမယ်တဲ့၊ ဟောဒီနေရာမှာ မသိလို့ လူချမ်း သာ၊ နတ်ချမ်းသာလိုချင်တာနဲ့ သင်္ခါရကုသိုလ် လုပ်လိုက်ပါတယ် (မှန်လှပါ ဘုရား)။

When I say "Money wasted, man exhausted," you Yogis might feel offended. But look here. Because you didn't know, you performed Sankhara—meritorious deeds—wanting human and Deva happiness. (True, Sir).

ဒီတခါတုန်းက မသိပဲနဲ့ ငွေကုန်ခဲ့တယ် (ကုန်ခဲ့ပါတယ် ဘုရား) ဟောဒီ ဒုက္ခသစ္စာလာရတယ် (မှန်ပါ့) ဒီအတွက် တစ်ကွက်လုံးရတာပဲ (မှန်ပါ့) ဒီအတွက် တစ်ကွက်လုံးမရဘူးလား(ရပါတယ် ဘုရား) ဘာသစ္စာရသလည်း(ဒုက္ခသစ္စာ ရပါတယ် ဘုရား)။

At that time, not knowing the truth, you spent your money. (We spent it, Sir). And here, Dukkha Sacca arrives. (True, Sir). For that effort, you get this entire mass. (True, Sir). Do you not get this whole mass? (We get it, Sir). And what Truth is it? (It is Dukkha Sacca, Sir).

ဒုက္ခသစ္စာဆိုတော့ ဒီမှာ ငွေကုန်လူပန်းလို့ ဒီမှာ ဒုက္ခသစ္စာရတယ် (ရပါတယ် ဘုရား) ဒီမှာ ငွေကုန်ခဲ့တယ် (မှန်ပါ့) ဒီမှာ လူပန်းတယ် (မှန်လှပါ) ဘာသစ္စာလည်း (ဒုက္ခသစ္စာပါ ဘုရား)။

So, here you are: "Money wasted, man exhausted." Here, you get Dukkha Sacca. (We get it, Sir). Back there, money was spent. (True, Sir). Back there, the man was exhausted. (Yes, Sir). And what is the result? (Dukkha Sacca, Sir).

အဲဒီလို ဒကာ ဒကာမတွေမှာ အရုပ်ဆိုး အကျည်းတန်လို့ ဆရာကောင်းနဲ့တွေ့ရသေးလို့ တော် တော်သေး တယ်နော်(မှန်လှပါ ဘုရား) နို့မိုရင်ငါပါးမှောက်ပြီ (မှန်ပါ့) မမှောက်သေးဘူးလား (မှောက်ပါပြီ ဘုရား)။

It is ugly and grotesque for you Yogis. But because you have met a good teacher, you are still fortunate. (True, Sir). Otherwise, your "Five" would have capsized completely. (True, Sir). Has it not capsized? (It has capsized, Sir).

ကောင်းပြီ ဒါဖြင့် အဝိဇ္ဇာဆိုတာ သစ္စာလေးပါး မသိတာ ဘာခေါ်ကြမယ် (အဝိဇ္ဇာခေါ်ပါတယ် ဘုရား) ကောင်းပြီ ဒါဖြင့် သစ္စာလေးပါ မသိတာ ဘာခေါ်ကြမယ် (အဝိဇ္ဇာခေါ်ပါတယ် ဘုရား)။

Good. So, not knowing the Four Noble Truths is called what? (It is called Avijja, Sir). Because it does not know the Truths, Avijja urges: "Do the work of Sankhara! Work to get a human life! Perform volitional deeds!" Ignorance urges you on. (True, Sir).

သစ္စာလေးပါး မသိတော့ သူက သင်္ခါရ အလုပ်လုပ်ကွာ၊လူ့ဘဝရအောင်လုပ်ကွ၊ သင်္ခါရစေတနာတွေ လုပ်ကွ လို့ အဝိဇ္ဇာက မသိတော့ တိုက်တွန်းလိုက်တယ် (မှန်ပါ့) တိုက်တွန်းလိုက်တော့ သင်္ခါရအလုပ်တွေ လုပ်တယ် (လုပ်ပါတယ် ဘုရား)။

And so, you perform the work of Sankhara. (We do, Sir).

မသိတဲ့ ပုဂ္ဂိုလ်တွေ လုပ်တာ

ဒါဖြင့် မသိတဲ့ ပုဂ္ဂိုလ်တွေ လုပ်တာ(မှန်လှပါ)ဘယ်လိုဆိုကြပါ့မယ်၊ (မသိတဲ့ ပုဂ္ဂိုလ်ကုသိုလ်လုပ်တာပါ ဘုရား)မသိတဲ့ ပုဂ္ဂိုလ်ကုသိုလ်လုပ်တာ (မှန်ပါတယ် ဘုရား) သိတဲ့ ပုဂ္ဂိုလ် ကုသိုလ်လုပ်ရင် ဘုန်းကြီးတို့ကအားပေးတယ် (မှန်ပါ့ ဘုရား)။

So, these deeds are done by those who do not know. (True, Sir). How shall we say it? (It is merit performed by those who do not know, Sir). Merit performed by the unknowing. (True, Sir). If a knowing person does merit, we monks encourage it. (True, Sir).

မသိတဲ့ပုဂ္ဂိုလ် ကုသိုလ်သင်္ခါရလုပ်လိုက်တဲ့ အတွက်တဲ့၊ သင်္ခါရပစ္စယာ ဒီမှာကြည့်လိုက်၊ မသိတာက အဝိဇ္ဇာ ကုသိုလ်ပြုလုပ်တာက သင်္ခါရ (မှန်လှပါ ဘုရား)။

Because the unknowing person performed Sankhara, look here: "Sankhara Paccaya..." Not knowing is Avijja. Performing the deed is Sankhara. (True, Sir).

ဟော သင်္ခါရပစ္စယာ အလယ်ပိုင်း လာကြည့်လိုက်၊ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ခန္ဓာငါးပါးပြန်ရတယ် (မှန်ပါ့ ဘုရား) အလယ်ပိုင်းမှာမပေါ်ဘူးလား (ပေါ်ပါတယ် ဘုရား) ရှင်းပြီနော် (ရှင်းပါပြီ ဘုရား)။

Now look at the middle section: Sankhara Paccaya Vinnana. Consciousness, Mind-Matter, Sense Bases, Contact, Feeling—the Five Aggregates—return. (True, Sir). Do they not appear in the middle section? (They appear, Sir). Is it clear? (It is clear, Sir).

အလယ်ပိုင်းမှာတဲ့ ဟောဒီအဝိဇ္ဇာသင်္ခါရ မင်းတို့လုပ်ခဲ့တဲ့အတွက် ဟောဒီ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာကို မင်းတို့လုပ်ရလာတယ် (မှန်လှပါ) ဒကာကြွယ်တွေ့လိုက်ကဲ့လား (တွေ့ပါတယ် ဘုရား)။

In the middle section, because you performed Avijja and Sankhara, you have now acquired Consciousness, Mind-Matter, Sense Bases, Contact, and Feeling. (True, Sir). Daga Kywe, do you see the link? (We see it, Sir).

”အဝိဇ္ဇာပစ္စယာသင်္ခါရာ၊ သင်္ခါရပစ္စယာဝိညာဏံ” လို့ ဆက်သွားပြီကွတဲ့ (ဆက်သွားပါပြီ ဘုရား) မဆက် သေးဘူးလား (ဆက်ပါပြီ) ဒါဖြင့် မသိသောပုဂ္ဂိုလ်ဘုံဘဝတောင်းတလို့ လှူတာ သင်္ခါ(မှန်ပါ့) မသိတာ (အဝိဇ္ဇာပါ ဘုရား) အင်း ဟင်ဘုံဘဝ တောင့်တပြုလုပ်တာက (သင်္ခါရပါ ဘုရား)။

"Avijjāpaccayā saṅkhārā; saṅkhārapaccayā viññāṇaṃ." The chain continues. (It continues, Sir). Does it not continue? (It continues). So, the unknowing person, longing for rebirth, performs charity—this is Sankhara. (True, Sir). The not knowing is... (Avijja, Sir). And the longing and doing is... (Sankhara, Sir).

ဪ အဝိဇ္ဇာနဲ့သင်္ခါရကြောင့် ဟောဒီဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ ဒုက္ခသစ္စာ(မှန်ပါ့) သေးဘူးလား (ပေါ်ပါပြီ ဘုရား) ဒကာကြွယ် အလယ်ပိုင်းကြည့်မှနော်(မှန်ပါ့) ဒီနေ့ အလယ်ပိုင်းကို ပြောင်းဟောတာ (မှန်ပါ့ ဘုရား) ဦးသန်းမောင်တွေ့ပလား (တွေ့ပါတယ် ဘုရား)။

Oh, because of Avijja and Sankhara, look here: Consciousness, Mind-Matter, Sense Bases, Contact, Feeling... Dukkha Sacca! (True, Sir). Has it appeared? (It has appeared, Sir). Daga Kywe, you must look at the middle section. (Yes, Sir). Today I am shifting my explanation to the middle section. (Yes, Sir). U Than Maung, do you see it? (I see it, Sir).

အဝိဇ္ဇာသင်္ခါရ၊ အနီးကွင်းထဲကပေါ့ဗျာ၊ (မှန်လှပါ ဘုရား) အဝိဇ္ဇာ သင်္ခါရနဲ့ဆက်ပြီးသကာလစပ်ပြီး နေပါပြီ တဲ့ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာနဲ့ (မှန်လှပါ ဘုရား)။

Avijja and Sankhara—from the immediate past life... (Yes, Sir). They have connected with Consciousness, Mind-Matter, Sense Bases, Contact, and Feeling. (True, Sir).

ဒုက္ခသစ္စာမသိလို့ ဒုက္ခရကြောင်း ကုသိုလ်လုပ်တယ်

ဒါဖြင့် ဒုက္ခသစ္စာမသိလို့ ဒုက္ခရကြောင်း ကုသိုလ်လုပ်တယ် (လုပ်ပါတယ် ဘုရား) လုပ်ခြင်းကြောင့် သေသည်၏ အခြားမဲ့၌ ဟောဒီခန္ဓာငါးပါးပြန်ရတယ်၊ (မှန်လှပါ ဘုရား) သဘောကျပလား (ကျပါပြီ) ဒီခန္ဓာငါးပါးဟာ ဘာသစ္စာဆိုတာ မသိမှာစိုးလို့ ဒုက္ခသစ္စာ (ဒုက္ခသစ္စာပါ ဘုရား) ရှင်းပလား (ရှင်းပါပြီ ဘုရား)။

Because we did not know Dukkha Sacca, we performed meritorious deeds that result in Dukkha. (We did, Sir). Because of that doing, immediately after death, we obtained these Five Aggregates again. (True, Sir). Do you grasp this? (We grasp it). Lest you forget what these Five Aggregates are: They are Dukkha Sacca. (Dukkha Sacca, Sir). Is that clear? (Clear, Sir).

ဘယ်ကာလများအကျိုးပေးမာတုန်းဆိုတော့ ဒီကြည့်လိုက် (ပစ္စုပ္ပန်) ပစ္စုပ္ပန်အကျိုးတစ်လွှာဆိုတော့ ယခု ပစ္စုပ္ပန်ဘဝမှာ ရပါတယ်(မှန်ပါ့ ဘုရား) မရဘူးလား (ရပါတယ် ဘုရား)။

When do they give their result? Look here. (Present). It is the layer of Present Effects, so you get them in this present life. (True, Sir). Do you not? (We do, Sir).

ဒါကြောင့် ခင်ဗျားတို့ ယခုအိုဘေး၊ နာဘေး၊ သေဘေးကော လွတ်ကြရဲ့လား (မလွတ်ပါဘူး ဘုရား) ဖြစ်ပျက် ဘေးတွေကော (မလွတ်ပါ ဘုရား) ဘာသစ္စာတွေနဲ့ နေကြရသလဲ (ဒုက္ခသစ္စာနဲ့ နေရပါတယ် ဘုရား) ဒုက္ခသစ္စာနဲ့ ချည်း နေကြရတယ်ဆိုတာ ပေါ်ပလား (ပေါ်ပါပြီ ဘုရား)။

That is why you are not free from the danger of aging, the danger of sickness, or the danger of death. (We are not free, Sir). What about the danger of arising and perishing? (Not free, Sir). What Truth are you living with? (We are living with Dukkha Sacca, Sir). Is it clear that you are living solely with Dukkha Sacca? (It is clear, Sir).

ဪ ဒါဖြင့် ဒို့ဒုက္ခသစ္စာခန္ဓာကြီး အဝိဇ္ဇာသင်္ခါရက ပြုလုပ်လိုက်တာပဲလို့ သိလိုက်ပါတော့ (မှန်လှပါ ဘုရား) ဒုက္ခသစ္စာခန္ဓာကြီး ဘယ်သူပြုလုပ်လိုက်သလဲ (အဝိဇ္ဇာသင်္ခါရက ပြုလုပ်လိုက်ပါတယ် ဘုရား)။

So, realize this clearly: This great body of Dukkha Sacca was created solely by Ignorance (Avijja) and Volitional Formations (Sankhara). (True, Sir). Who created this great Dukkha body? (Avijja and Sankhara created it, Sir).

ဖန်ဆင်းတဲ့ ခန္ဓာမဟုတ်ပါဘူး

ကောင်းပြီ ဒါဖြင့် သိကြား၊ ဗြဟ္မာ၊ ဘုရားလာပြီး ဖန်ဆင်းတဲ့ ခန္ဓာမဟုတ်ပါဘူး (မဟုတ်ပါဘူး ဘုရား) ဒကာကြွယ် အဝိဇ္ဇာ သင်္ခါရကြောင့်ဖြစ်ရတာ (မှန်ပါ့ ဘုရား) ရှင်းပလား၊ (ရှင်းပါပြီ ဘုရား) ဘယ်သူ့ကြောင့်ဖြစ်ရပါ လိမ့် (အဝိဇ္ဇာ သင်္ခါရကြောင့်ဖြစ်ရပါတယ် ဘုရား)။

Well then, realize that this body is not created by Sakka, Brahma, or God. (No, Sir). Daga Kywe, it arises solely because of Ignorance (Avijja) and Volitional Formations (Sankhara). (True, Sir). Is that clear? (Yes, it is, Sir). Who caused this to arise? (It arises due to Avijja and Sankhara, Sir).

ကောင်းပြီဒါဖြင့် ဒီနေ့ အလယ်တန်းကို ဂရုစိုက်ပြီးကြည့်ပါ (မှန်လှပါ ဘုရား) ဒကာ ဒကာမတွေအခု စိတ် ဝိညာဏ်တွေနဲ့ ခန္ဓာ ရုပ်နာမ်တွေနဲ့ မျက်စိ၊ နား၊ နှာခေါင်းတွေနဲ့ ဝေဒနာဖဿတွေနဲ့ နေကြတယ် (မှန်ပါ့)။

Very well. Now, pay close attention to the middle link—your present state. (Yes, Sir). Yogis, you are currently living with consciousness, mind and matter (Nama-Rupa), eyes, ears, nose, contact, and feelings. (True, Sir).

ဪ ဒါဘယ်သူဖန်ဆင်းလိုက်လို့ ပေါ်လာတဲ့ခန္ဓာပါလိမ့်၊ (အဝိဇ္ဇာ၊ သင်္ခါရ ဖန်ဆင်းလို့ပါ ဘုရား) ဒီလို သိလိုက်တော့ ဒကာသစ်တို့ ဦးသန်းမောင်တို့ ဪ ဘယ်သူမှဖန်ဆင်းတာ မဟုတ်ဘူးဟေ့ မသိလို့ပြုလုပ်တာ၊ ပြု လုပ်လို့ ပေါ်လာတာပဲ၊ (မှန်လှပါ ဘုရား) မသိလ့ိုပြုလုပ်၊ ပြုလုပ်လို့ပေါ်လာတာသည် ဘာသစ္စာလဲ (ဒုက္ခသစ္စာပါ ဘုရား)။

Now, ask yourself: Who created this body? (It was created by Avijja and Sankhara, Sir). Once you realize this, Daga Thit and U Than Maung, you understand: "Oh! No one created this. It was done out of ignorance. Because of that doing, this body appeared." (True, Sir). Doing things out of ignorance and the subsequent appearance of existence—what Truth is this? (It is Dukkha Sacca, Sir).

ကဲ မသိတဲ့ပုဂ္ဂိုလ်များ လှူတာ၊ တန်းတာ၊ ဦးသန်းမောင် သိပ်ကြောက်စရာကောင်းတယ် (မှန်လှပါ ဘုရား) ဘာသစ္စာရလာသတုန်း၊(ဒုက္ခသစ္စာရလာပါတယ် ဘုရား)ဒီ အထဲမကျေနပ်လို့ ဒကာ ဒကာမတွေ မသိတဲ့အထဲမှာ ဆိုးဝါးတာ ပိုလာသေးတယ် (မှန်လှပါ) ဒကာကြွယ် ဘာတဲ့တုန်း (ဆိုးဝါးတာ ပိုလာပါတယ် ဘုရား) မသိတဲ့အထဲ ဆိုးဝါတာပိုတယ် (မှန်ပါ့ ဘုရား)။

Therefore, U Than Maung, charity and donations performed by people without wisdom are terrifying. (True, Sir). What Truth results from them? (They result in Dukkha Sacca, Sir). Because they are unsatisfied with their current state, ignorant Yogis compound the problem. It becomes even worse. (True, Sir). Daga Kywe, what happens? (It becomes worse, Sir). Within their ignorance, the situation deteriorates further. (True, Sir).

မသိတာက လူဟာ ဒုက္ခသစ္စာ၊ နောက်ရမည့် လူချမ်းသာဆိုတာ မဟုတ်ပါဘူး၊ ဒုက္ခသစ္စာပါလို့ မသိတာ (မှန်ပါ့) မသိတဲ့အထဲအကြိမ်ကြိမ်ဖြစ်ရပါလို၏တဲ့ မဆိုးဝါးဘူးလား (ဆိုးဝါးပါတယ် ဘုရား) သဘောကျပလား (ကျပါပြီ)။

Their ignorance lies in not knowing that being human is Dukkha Sacca. They do not realize that the "human happiness" they hope for in the future is actually Dukkha Sacca. (True, Sir). Within this ignorance, they pray, "May I be reborn again and again!" Is this not terrible? (It is terrible, Sir). Do you grasp the meaning? (Yes, we do, Sir).

မသိဆိုးဝါးကြီး အကြိမ်ကြိမ်ဖြစ်ရပါလို၏

The Great Evil of Ignorance Prays for Rebirth

ဒါဖြင့် ခင်ဗျားတို့မှာ မသိဆိုးဝါးကြီးကို (အကြိမ်ကြိမ်ဖြစ်ရပါလို၏) ဒကာကြွယ် ဘယ့်နှယ်ပါလိမ့် (မသိဆိုး ဝါးကြီးပါ ဘုရား) မသိဆိုးဝါးကြီးဆိုတာ ပေါ်ကြပလား (ပေါ်ပါပြီ ဘုရား)။

So, you are harboring this "Great Evil of Ignorance." (Praying to be reborn again and again, Sir). Daga Kywe, what is it? (It is the Great Evil of Ignorance, Sir). Do you see this great evil now? (We see it, Sir).

အဲဒါ ဒီတရားမျိုးကို မနာဘူးသေးလို့ ဤကဲ့သို့ ခေါင်းဆောင်ကောင်းနဲ့လည်း မတွေ့သမျှကာလပတ်လုံး ဒကာကြွယ် ဒီအဝိုင်းကြီး လှည့်ဦးမှာပဲ (မှန်ပါ့ ဘုရား) မလှည့်ပေဘူးလား (လှည့်ပါတယ် ဘုရား)။

Listen carefully. As long as you have not heard this kind of Dhamma, and as long as you do not meet a good leader and teacher, Daga Kywe, you will continue to revolve in this great circle. (True, Sir). Will you not keep revolving? (We will, Sir).

ဒါကြောင့် ဒီဒကာ ဒကာမတွေ ဒီရက်အတွင်းမှာ သာမည နေမကောင်း ထိုင်မကောင်းရှိလည်း လာဖြစ်အောင် သာလာကြ (မှန်လှပါ ဘုရား) မလာရင်ဖြစ်ကို မဖြစ်ဘူး (မှန်လှပါ ဘုရား)။

That is why, Yogis, even if you are not feeling well or are in poor health during these days, you must force yourselves to come and listen. (Yes, Sir). If you do not come, it simply will not do. (True, Sir).

ကဲဒါဖြင့် ဒကာကြွယ် ကိုယ့်အမှားတော်ပုံကြီးခဲ့တာသိပြီလား (သိပါပြီ) ရှေးဘဝက ဒကာကြွယ် ဘာတွေ လုပ်ခဲ့ပါလိမ့် (အဝိဇ္ဇာသင်္ခါရ လုပ်ခဲ့ပါတယ် ဘုရား)။

Now, Daga Kywe, do you realize how massive your past mistakes were? (We realize it, Sir). What did you do in your past lives? (We acted out of Avijja and Sankhara, Sir).

အဝိဇ္ဇာက ဒုက္ခသစ္စာ မသိတာ (မှန်ပါ့) အဝိဇ္ဇာ မသိတော့ သင်္ခါရက ဒါနကုသိုလ် ပြုလိုက်တယ် (မှန်ပါ့) အဲဒါ ပုညာဘိ သင်္ခါရလို့ခေါ်ပါတယ် (မှန်ပါ့ ဘုရား) ပုညတော့ ပုညပဲတဲ့၊ ပုညဆိုတာ ကုသိုလ်ပဲတဲ့၊ သို့သော် သင်္ခါရ တဲ့ပြုပြင်လိမ့်မယ်တဲ့ (မှန်ပါ့ ဘုရား)။

Avijja is simply not knowing Dukkha Sacca. (True, Sir). Because of this ignorance, Sankhara drove you to perform meritorious deeds (Dana Kusala). (True, Sir). This is called Puññābhi-saṅkhāra. (True, Sir). Merit is indeed merit, but note that it is Sankhara—it forms and constructs. (True, Sir).

ဘာပြုပြင်မှာတုန်းမေးတဲ့အခါကျတော့ ဟောဒီဒုက္ခသစ္စာကို ပြုပြင်မယ် (မှန်လှပါ ဘုရား) ရှင်းပလား (ရှင်း ပါပြီ ဘုရား) အင်း ဟင် မသိတဲ့ အဝိဇ္ဇာကြောင့် ကျုပ်တို့က ကုသိုလ် သင်္ခါရတွေ ပြုလိုက်ပါတယ်၊ ပြုလိုက်တော့ အကျိုးတရားပေါ်မလာဘူးလား (လာပါတယ် ဘုရား) ဘာသစ္စာ (ဒုက္ခသစ္စာပါ ဘုရား)။

If you ask, "What will it construct?" It will construct this very Truth of Suffering. (True, Sir). Is that clear? (Yes, Sir). Due to ignorant Avijja, we performed meritorious Sankhara. Did the effect not appear? (It appeared, Sir). What Truth is it? (It is Dukkha Sacca, Sir).

ဪ ဒါဖြင့် မသိလို့ ခင်ဗျားတို့ သည်ကားလို့ဆိုလို့ရှိရင်ဖြင့်တဲ့၊ ပြုချင်ချင်သလို ပြုတာပဲ (မှန်ပါ့)ဒါဖြင့် မသိတာ အဝိဇ္ဇာ၊ ဟိုဘဝက တောင့်တလှူတာက သင်္ခါရ (မှန်ပါ့) ရတော့ ဝိညာဏ် နာမ်ရုပ် သဠာယတန ဖဿ ဝေဒနာ ဒုက္ခသစ္စာ (မှန်လှပါ ဘုရား) ပေါ်ကြပလာ (ပေါ်ပါပြီ ဘုရား) ဘာသစ္စာရသလဲ (ဒုက္ခသစ္စာ ရပါတယ် ဘုရား)။

So, because you did not know, you acted however you pleased. (True, Sir). Not knowing is Avijja. The past prayers and charity were Sankhara. (True, Sir). When you received the result—Consciousness, Mind-Matter, Sense Bases, Contact, Feeling—it was all Dukkha Sacca. (True, Sir). Has it appeared? (Yes, it has, Sir). What Truth did you get? (We got Dukkha Sacca, Sir).

အခုအသက်ကြီးတဲ့ ပုဂ္ဂိုလ်တွေ ဒကာကြွယ် မေးမေး ဦးသန်းမောင်တို့ မေးမေး၊ နောက်က ဒကာ ဒကာမတွေ ပဲမေးမေး၊ ဒကာ ဒကာမတို့ နေလို့ထိုင်လို့ ကောင်းကြရဲ့လား စိတ်ကောင်းကောင်းများ ထားနိုင်ကြရဲ့လား သားပူ၊ သမီးပူ၊ ဆွေပူ၊ မျိုးပူများကင်းကြရဲ့လား၊ မင်းဘေး၊ စိုးဘေး၊ သူခိုးဘေးများကော ခင်ဗျားတို့ကြောင့်ကြ နေကြရသလား ဆိုမပြောပါနဲ့ဘုရား (မှန်ပါ့) အချို့ဖြင့် တန်းကုန်နေတယ် (ကုန်ပါတယ် ဘုရား) ဘာသစ္စာနဲ့နေရသလဲ (ဒုက္ခသစ္စာ နဲ့ နေရပါတယ် ဘုရား)။

Ask the elderly people now. Ask Daga Kywe, ask U Than Maung, or ask the Yogis in the back. "Yogis, are you comfortable living this life? Can you keep your mind at peace? Are you free from anxieties about sons, daughters, and relatives? Are you free from the dangers of rulers, thieves, and enemies?" Don't tell me you are free from worry. (True, Sir). For some, their strength is completely exhausted. (It is exhausted, Sir). With what Truth are you living? (We are living with Dukkha Sacca, Sir).

ဒုက္ခမျိုးစုံ အကျိုးပေးပါတယ်

Various Sufferings are the Result

ဪ ဒုက္ခသစ္စာနဲ့နေခဲ့ရတာ ဒကာ ဒကာမတို့ကံမကောင်း အကြောင်းမသင့်လို့ မဆိုပါနဲ့တဲ့ မသိတဲ့ အဝိဇ္ဇာ နဲ့ ပြုလုပ်တဲ့ ကုသိုလ်ကြောင့် ဒုက္ခမျိုးစုံ အကျိုးပေးပါတယ် (မှန်လှပါ ဘုရား) သဘောကျပလား (ကျပါပြီ ဘုရား)။

Do not say that you are living with Dukkha Sacca because of bad luck or unfortunate timing. Because of merit performed with Ignorance (Avijja), various forms of suffering are giving their results. (True, Sir). Are you convinced? (Yes, Sir).

မသိတဲ့ အဝိဇ္ဇာကြောင့် ပြုလုပ်ထားတဲ့ သင်္ခါရတွေ ပြုလိုက်တယ် (မှန်ပါ့) သေသည်၏ အခြားမဲ့၌ ဟော ဒါနဲ့ စပ်ပြီးသကာလ ဝိညာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ ဒုက္ခသစ္စာ (မှန်လှပါ ဘုရား)။

Because of ignorant Avijja, you concocted these Sankhara. (True, Sir). Immediately after death, linked to that cause, Consciousness, Mind-Matter, Sense Bases, Contact, and Feeling arose—pure Dukkha Sacca. (True, Sir).

ဪ တပည့်တော်တယ်အချိန်ရမှာပါလိမ့်မတုန်းဆိုတော့ ယခုဟေ့လို့ ဒီဟာက ပြတယ် (ပြပါတယ် ဘုရား) အခုရထားတဲ့ ပစ္စုပ္ပန်အကျိုးတလွှာ၊ ဦးသန်းမောင် နောက်မှရတာလား၊ အခုရတာလား၊ (အခုရတာပါ ဘုရား)။

If you ask, "When will I get this result?" look at yourself right now. This body is showing it to you. (It is showing, Sir). Is this present layer of effect obtained later, or do you have it now, U Than Maung? (We have it now, Sir).

အခုရထားတာက အကြောင်းလား၊ အကျိုးလားလို့မေးတဲ့အခါကျတော့ ဒီမှာ ပစ္စုပ္ပန်အကျိုးကွတဲ့ (မှန်ပါ့) မပြဘူးလား (ပြပါတယ် ဘုရား) အကြောင်းလား ၊ အကျိုးလား (အကျိုးပါ ဘုရား)။

If asked whether what you have now is the Cause or the Effect, the answer is: "This is the Present Effect." (True, Sir). Does it not show itself? (It shows, Sir). Is it Cause or Effect? (It is Effect, Sir).

ဒါဖြင့် ဒကာ ဒကာမတို့ အကျိုးရှိလို့ရှိရင် အကြောင်းကို လိုက်ရှာတော့ အဝိဇ္ဇာ သင်္ခါရလာတွေ့တယ် (မှန်လှပါ ဘုရား) ဪ သူတို့ လုပ်လိုက်တာပဲ (မှန်လှပါ ဘုရား)။

So, Yogis, if there is an Effect, and you search for the Cause, you find Avijja and Sankhara. (True, Sir). Oh, they are the ones who did this! (True, Sir).

ဒါဖြင့် အဝိဇ္ဇာ ပစ္စယာ သင်္ခါရာ၊ ဒါက အတိတ်ဘဝက (မှန်ပါ)့ အခု ပစ္စုပ္ပန် ဘဝကျတော့ ဝိညာဏ်၊ နာမ် ရုပ်၊ သဠာယတန၊ ဖဿ ဝေဒနာ (မှန်ပါ့) မပေါ်သေးဘူးလား (ပေါ်ပါပြီ ဘုရား)ဒါဖြင့် ဒါတွေ ဘာသစ္စာတုန်း (ဒုက္ခ သစ္စာပါ ဘုရား) နောက်မှပေါ်သလား၊ ယခုပေါ်နေသလား (ယခုပေါ်နေပါတယ် ဘုရား)။

Therefore, Avijja Paccaya Sankhara—this belongs to the Past Life. (True, Sir). Now in the Present Life, we have Consciousness, Mind-Matter, Sense Bases, Contact, and Feeling. (True, Sir). Have they not appeared? (They have appeared, Sir). So, what Truth are these? (They are Dukkha Sacca, Sir). Did they appear later, or are they appearing now? (Appearing now, Sir).

ယခုပေါ်နေတယ်တဲ့၊ ဒါဖြင့် ခင်ဗျားတို့ သစ္စာမသိတဲ့အဝိဇ္ဇာစီမံသလို သင်္ခါရက ပြုလုပ်တော့ ဒုက္ခသစ္စာကြီး လှလှရလာတယ်၊ (မှန်လှပါ ဘုရား) အဝိဇ္ဇာနဲ့သင်္ခါရ ဘာသစ္စာတုံး (သမုဒယသစ္စာပါ ဘုရား)။

They are appearing right now. So, because Sankhara acted under the management of Avijja (who does not know the Truth), you have received a very distinct mass of Dukkha Sacca. (True, Sir). What Truth are Avijja and Sankhara? (They are Samudaya Sacca, Sir).

ယခုရထားတာကြီးက ဘာသစ္စာတုံး၊ (ဒုက္ခ သစ္စာပါ ဘုရား) ရှင်းပလား၊ (ရှင်းပါပြီ) သူများပြောတာလား၊ ယခုကိုယ်တိုင် မြင်ရထားလား၊ (ကိုယ်တိုင်မြင်ရတာပါ ဘုရား) ဘုန်းကြီးရေးထားတာလား၊ ဘုရားဟောတာလား၊ (ဘုရားဟောတာပါ ဘုရား)။

And what is this mass you possess now? (It is Dukkha Sacca, Sir). Is this clear? (Yes, Sir). Is this just hearsay, or do you see it for yourselves? (We see it for ourselves, Sir). Did I write this, or did the Buddha preach it? (The Buddha preached it, Sir).

အဝိဇ္ဇာဆိုတာ သစ္စာလေးပါး မသိတာ

Avijja Means Not Knowing the Four Noble Truths

ကဲဒကာကြွယ် ငြင်းစရာမလိုဘူး၊ (မလိုပါ ဘုရား) လိုသေးရဲ့လား (မလိုပါ ဘုရား) ကိုင်း ဒါဖြင့် ဒကာဒကာမ တို့ အဝိဇ္ဇာဆိုတာက သစ္စာလေးပါး မသိတာနော်၊ (မှန်ပါ့ ဘုရား)

There is no need to argue, Daga Kywe. (No need, Sir). Is there? (No, Sir). Now, Yogis, understand that Avijja means not knowing the Four Noble Truths. (True, Sir).

ကြည့်စမ်း၊ ဒီ အဝိဇ္ဇာက ဒါ ဒုက္ခသစ္စာလို့ သိရဲ့လား၊ (မသိပါ ဘုရား) မသိတော့ ခင်ဗျားတို့က လွန်ခဲ့တဲ့ အတိတ်ဘဝကနော် (မှန်လှပါ) ကုသိုလ်တရားတွေ မပြုပေဘူးလား၊ (ပြုပါတယ် ဘုရား) ဘယ်ကုသိုလ်ပါလိမ့်၊ (သင်္ခါရကုသိုလ်ပါ ဘုရား)။

Look closely. Does this Avijja know that this is Dukkha Sacca? (No, it does not, Sir). Because it did not know, did you not perform meritorious deeds in your past lives? (We did, Sir). What kind of merit was it? (It was Sankhara merit, Sir).

သင်္ခါရကုသိုလ်၊ (ဝါ) ဘုံဘဝလိုချင်လို့ လုပ်တဲ့ကုသိုလ်၊ (မှန်လှပါ) လူ့ဘဝ နတ်ဘဝ လိုချင်လို့ လုပ်တဲ့ ကုသိုလ်ပေါ့ဗျာ၊ (မှန်လှပါ) ကဲ ဒါလူ့ဘဝ နတ်ဘဝပါပဲတဲ့၊ ဒကာ ဒကာမတို့ ရိပ်မိပလား၊ (ရိပ်မိပါပြီ ဘုရား) ဘာသစ္စာတုံး၊ (ဒုက္ခသစ္စာပါ ဘုရား)။

It was Sankhara merit—meaning, merit performed out of a desire for realms of existence. (True, Sir). You performed merit wanting to be a human or a Deva. (True, Sir). Well, you got the human life or Deva life. Yogis, do you grasp it? (Yes, we do, Sir). What Truth is it? (It is Dukkha Sacca, Sir).

ဒုက္ခသစ္စာဆိုတော့ ခင်ဗျားတို့ပဋိသန္ဓေဘေးသင့်ပြီးပြီလား၊ (သင့်ပြီးပါပြီ) ဟာ ဒါဖြင့် ဇာတိဒုက္ခသင့်ပြီးပြီ၊ (သင့်ပြီးပါပြီ) အခုဘယ်ထဲရောက်နေပါလိမ့်၊ (ဇရာထဲရောက်နေပါတယ် ဘုရား) ဇရာက ဘာသစ္စာလဲ၊ (ဒုက္ခသစ္စာပါ ဘုရား)။

Since it is Dukkha Sacca, have you not already been afflicted by the danger of Rebirth (Patisandhi)? (We have, Sir). So, the suffering of Birth (Jati) has already struck. (Yes, Sir). Where are you now? (We are in Aging/Decay, Sir). What Truth is Aging (Jara)? (It is Dukkha Sacca, Sir).

ရှေ့ဘယ်သွားကြမှာတုံး (ဗျာဓိ, မရဏသွားမှာပါ ဘုရား) ဗျာဓိပိ ဒုက္ခသစ္စံသွားမယ် (မှန်ပါ့) ရှေ့ဘယ်သွား ကြမှာတုံး၊ (မရဏမ္ပိ ဒုက္ခသစ္စံ သွားကြမှာပါ ဘုရား)။

Where are you heading next? (We are heading to Sickness and Death, Sir). You are going to Vyadhi (Sickness)—which is Dukkha Sacca. (True, Sir). And where after that? (We are going to Marana—Death—which is also Dukkha Sacca, Sir).

ဪ ဒကာ ဒကာမတို့ ဒုက္ခလေးချက် တစ်ဆက်တည်းရတယ်၊ (မှန်ပါ့ ဘုရား) ဒုက္ခလေးချက် တစ်ဆက်တည်း (ရပါတယ် ဘုရား)။

Oh, Yogis, you receive four types of suffering in one continuous chain. (True, Sir). Four sufferings in a row! (Yes, Sir).

မသိလို့ လှူလိုက်တဲ့ ကုသိုလ်ကြောင့်

Because of Merit Offered in Ignorance

တစ်ခါတည်းလို့မသိလို့ လှူလိုက်တဲ့ ကုသိုလ်ကြောင့် ဒီထဲမှာ ဝိညာဏ် နာမ်ရုပ် သဠာယတန ဖဿ ဝေဒနာဟာ ဇာတိလဲရှိတယ်၊ ဇရာကော၊ (ရှိပါတယ် ဘုရား) ဗျာဓိကော၊ (ရှိပါတယ် ဘုရား) မရဏကော၊ (ရှိပါတယ် ဘုရား) ဘာသစ္စာတုံး၊ (ဒုက္ခသစ္စာပါ ဘုရား) ဒုက္ခသစ္စာတွေပဲဆိုတာ ရိပ်မိပလား၊ (ရိပ်မိပါပြီ ဘုရား)။

Because of merit offered without wisdom, this chain—Consciousness, Mind-Matter, Sense Bases, Contact, Feeling—contains Birth. Does it contain Aging? (Yes, Sir). Sickness? (Yes, Sir). Death? (Yes, Sir). What Truth is this? (It is Dukkha Sacca, Sir). Do you realize it is all Dukkha Sacca? (We realize it, Sir).

ကောင်းပြီ၊ ဒါဖြင့်ခင်ဗျားတို့ဘယ်လိုဖြစ်နေသတုံးဆိုတော့ လူတစ်ယောက်ကို လူတစ်ယောက်က ပြောလိုက်တယ်၊ မင်းဟာကွာတဲ့၊ ဟောဒီ ကမ်းပါးကြီးပေါ်က ခုန်ချလို့ရှိရင် အောက်ကျလို့ရှိရင် နတ်သမီးရမယ်လို့ လူတစ်ယောက်က ပြောလိုက်တယ်၊ (မှန်လှပါ ဘုရား) ထိုနတ်သမီးလိုချင်တဲ့ ပုဂ္ဂိုလ်က ခုန်ချမှာလား၊ မချဘူးလား၊ (ချမှာပါ ဘုရား)ချတော့ အရိုးတခြား အသားတခြား၊ (ဒုက္ခသစ္စာ) ဖြစ်မယ်၊ (ဖြစ်မှာပါ ဘုရား)။

Very well. Consider this situation: Someone tells a man, "Hey, if you jump off this steep cliff, you will get a goddess when you hit the bottom." (True, Sir). Will the man who desires the goddess jump, or will he not? (He will jump, Sir). When he jumps, his bones will break, and his flesh will tear—it will be Dukkha Sacca. (It will be, Sir).

ဒီမှာလဲ အဝိဇ္ဇာ မင်းနတ်သမီး လိုချင်လို့ရှိရင်ဖြင့် ဟောဒီ သင်္ခါရလုပ်၊ (မှန်ပါ့ ဘုရား) ဟုတ်လား ဒီသင်္ခါရလုပ် လို့ရှိရင်ဖြင့် မင်း ရပါလိမ့်မယ်ဆိုပြီး သကာလ ခုန်ချခိုင်းလိုက်လို့ ဟောဒီ ဝိညာဏ်, နာမ်ရုပ်, သဠာယတန, ဖဿ, ဝေဒနာ ဒုက္ခသစ္စာ (မှန်ပါ့)။

Here, it is the same. Avijja says, "If you want a goddess, perform this Sankhara." (True, Sir). "If you perform this Sankhara, you will get what you want." Because Avijja urged you to jump, you now have Consciousness, Mind-Matter, Sense Bases, Contact, and Feeling—which are Dukkha Sacca. (True, Sir).

ခင်ဗျားတို့ နတ်သမီးလိုချင်တော့ နတ်ဖြစ်ချင်တယ်၊ (မှန်လှပါ) လူခင်ပွန်းမတွေ တွယ်တာတဲ့စိတ်နဲ့ သေသွားပြန်တော့လဲ ထို့အတူပဲ၊ ဒုက္ခသစ္စာ (မှန်လှပါ ဘုရား) ရှင်းပလား (ရှင်းပါပြီ) ဒါဖြင့် အဝိဇ္ဇာသင်္ခါရ ဘာသစ္စာတုံး (သမုဒယသစ္စာပါ ဘုရား) ယခုရထားတာက (ဒုက္ခသစ္စာပါ ဘုရား)။

You wanted a goddess, so you wished to be a Deva. (True, Sir). Or perhaps dying with attachment to a human wife... it is exactly the same. It is Dukkha Sacca. (True, Sir). Is that clear? (Yes, Sir). So, what Truth are Avijja and Sankhara? (They are Samudaya Sacca, Sir). And what you have now? (It is Dukkha Sacca, Sir).

အမှားအကြောင်းကြောင့် အမှားအကျိုး

Wrong Cause, Wrong Effect

ဒါဖြင့် ဒကာ ဒကာမတို့ကျုပ်တို့ဖြင့် အမှားအကြောင်းကြောင့် အမှားအကျိုးတော့ဖြင့် ကိုယ်တိုင်တွေ့နေရပြီ၊ (မှန်ပါ ဘုရား) ဒကာကြွယ် ပြောစမ်းပါဦး ဘာတုံး၊ (အမှားအကြောင်းကြောင့် အမှားအကျိုးတွေ့နေရပါပြီ)။

So, Yogis, we are personally experiencing the Wrong Effect born from the Wrong Cause. (True, Sir). Daga Kywe, say it again. (We are experiencing the Wrong Effect born from the Wrong Cause, Sir).

အမှားအကြောင်းကြောင့် အမှားအကျိုးတော့ဖြင့် ကိုယ်တိုင်တွေ့နေရပါပြီ (မှန်ပါ ဘုရား) ဒကာကြွယ် နောက်တစ်ခါ အမှားအကြောင်းအမှား အကျိုးများလုပ်ချင်သေးသလား၊ (မလုပ်ချင်ပါ ဘုရား) ဟုတ်ကဲ့လား၊ (ဟုတ်ပါတယ် ဘုရား)။

We are personally encountering it. (True, Sir). Daga Kywe, do you want to create Wrong Causes for Wrong Effects again next time? (We do not want to, Sir). Is that true? (It is true, Sir).

တရားပွဲထဲမှာဟုတ်တာနော် ပြင်ဘက်ကျတော့ မဟုတ်ဘူး၊ ခင်ဗျားတို့ သိပ်ကြောက်စရာကောင်းတဲ့ လူတွေပဲ၊ သိပ်ကြောက်စရာကောင်းပါတယ်တဲ့၊ သို့သော်လဲ ပြင်ပေးရမယ် ဒကာကြွယ်ရေ၊ (မှန်လှပါ ဘုရား) ပြင်ပေးရမယ်တဲ့၊ မသိလို့ နောက်ထပ် ပြန်လုပ်တာတွေလဲ ရှိသေးတယ် (ရှိပါတယ် ဘုရား)။

You say "Yes" here in the Dhamma hall, but outside, it is different. You people are terrifying! You are indeed scary. But I must correct you, Daga Kywe. (True, Sir). I must correct you. There are still those who, out of ignorance, are doing it all over again. (There are, Sir).

အနာကလေးက ပေါက်ပြီးသားဖြစ်နေတယ်၊ ဒါကလေး ဒကာကြွယ်တို့က ဆေးတော့ မကုဘူး၊ ကုတ်ဖဲ့လိုက် ပြန်တယ်ဆိုတော့ အနားတိုးတယ်၊ (တိုးပါတယ် ဘုရား)။

Imagine a sore that has already burst open. Instead of treating it with medicine, Daga Kywe, you scratch and claw at it. The sore gets bigger. (It gets bigger, Sir).

ခန္ဓာနာကြီး ပေါက်နေတယ်

The Body is a Festering Sore

ခုတော့ ဒကာကြွယ်တို့ ဖြစ်စဉ်က အင်း ဟင်ရှေးဘဝက အဝိဇ္ဇာ သင်္ခါရကြောင့် ခန္ဓာနာကြီး ပေါက်နေတယ်၊ (မှန်လှပါ) နောက်ခန္ဓာကြီး ဆုတောင်းပြန်တော့ ကုတ်ဖဲ့တာနဲ့ တူနေတယ်၊ (မှန်ပါ့) အနာတိုးတယ်၊ (မှန်ပါ့) မတိုးဘူးလား၊ (တိုးပါတယ် ဘုရား)။

Currently, Daga Kywe, your process is this: Due to past Avijja and Sankhara, a massive "Body Sore" has erupted. (True, Sir). When you pray for a future body, it is like scratching that sore. (True, Sir). The wound expands. (True, Sir). Does it not expand? (It expands, Sir).

အဲဒီတော့ ခင်ဗျားတို့ ဤကျောင်း, ဤဘုရား, ဤဆွမ်း, ဤဆွမ်းလှူရတဲ့အတွက်ကြောင့် နောက်ဘဝဖြင့်လူ့ ချမ်းသာ နတ်ချမ်းသာ, ဗြဟ္ဗာချမ်းသာ အကြိမ်ကြိမ် ခံစားရပါလို၏ဆိုတော့ အခု အနာပေါ်မှာ ထပ်ပြီး ဆင့်လိုက်တာပဲ၊ (မှန်ပါ့) အနာပေါ် အနာဆင့်တယ်၊ (မှန်ပါ့) မဆင့်သေးဘူးလား၊ (ဆင့်ပါတယ် ဘုရား) သဘောပါကြလား၊ (ပါပါတယ် ဘုရား)။

So, when you say, "By the power of this donation to this monastery, this Pagoda, this food, may I enjoy the pleasures of humans, Devas, and Brahmas again and again in future lives," you are piling another sore on top of the existing one. (True, Sir). You are stacking wounds upon wounds. (True, Sir). Are you not stacking them? (We are, Sir). Do you understand? (Yes, Sir).

ဒီ ဒကာ ဒကာမတွေ ခင်ဗျားတို့ အင်မတန် ကံကောင်းအကြောင်းသင့်ပြီးသကာလ ကလျာဏမိတ္တဆိုတဲ့ ဆရာကောင်းနဲ့တွေ့တယ်၊ ခင်ဗျားတို့ ကြိုက်တာ မကြိုက်တာ အပ, ထား၊ ဒီဟာနှစ်ခု ဒီဟာကြောင့် ဒါဖြစ်တယ်ဆို တာတော့ ယုံပလား၊ (ယုံပါတယ် ဘုရား)။

Yogis, you are incredibly fortunate to have met a Kalyana-mitta (Good Friend/Teacher). Leaving aside what you like or dislike, do you believe that "Because of this, that arises"? (We believe it, Sir).

ဒါဖြင့် ခင်ဗျားတို့သည်ကားလို့ ဆိုလို့ရှိရင်ဖြင့် အတိတ်အကြောင်းကြောင့် ပစ္စုပ္ပန်အကျိုးဖြစ်တယ်၊ (မှန်ပါ့ ဘုရား) ဟောဒီ အတိတ်အကြောင်းကြောင့် ဟောဒီ ပစ္စုပ္ပန်အကျိုး မပေါ်သေးဘူးလား၊ (ပေါ်ပါပြီ ဘုရား)။

So, the Present Effect arises because of the Past Cause. (True, Sir). Has this Present Effect not appeared due to that Past Cause? (It has appeared, Sir).

မဆော့နဲ့တော့၊ ငြိမ်ငြိမ်နေ

Do Not Play Around; Stay Still

ပစ္စုပ္ပန်အကျိုးထဲမှာ ဒကာကြွယ် မဆော့နဲ့တော့၊ ငြိမ်ငြိမ်နေမှ၊ (မှန်ပါ့) ပစ္စုပ္ပန်အကျိုးထဲနေတုန်း (မဆော့နဲ့၊ ငြိမ်ငြိမ်နေပါ ဘုရား)။

Within this Present Effect, Daga Kywe, do not play around anymore. You must stay still. (True, Sir). While in the Present Effect... (Do not play, stay still, Sir).

ဆော့ပြန်လို့ရှိရင်ဖြင့် ဒီဟာတွေ ပြန်လာဦးမယ်၊ (မှန်ပါ့ ဘုရား) အဝိဇ္ဇာ သင်္ခါရတွေမလာပေဘူးလား၊ (လာပါတယ် ဘုရား) လာလို့ရှိရင် ဒီ ဒုက္ခသစ္စာအကျိုး ပြန်ရလိမ့်မယ်၊ (မှန်ပါ့) အဲ မဇ္ဈိမပဋိပဒါ အလယ်လမ်းဖြစ်တဲ့ ဥစ္စာလိုက်ရလိမ့်မယ်၊ (လိုက်ရပါမယ် ဘုရား)။

If you play around (craving and delighting), these things will return. (True, Sir). Will Avijja and Sankhara not return? (They will return, Sir). If they come back, you will receive the result of Dukkha Sacca again. (True, Sir). You must follow the Middle Way (Majjhima Patipada). (We must follow it, Sir).

ကိုင်းဒါဖြင့် လူတစ်ယောက်ကို တစ်ယောက်သော ပုဂ္ဂိုလ်က မင်း ဟောဒီကမ်းပါးပြတ်ပေါ်က ခုန်ချပါ၊ အောက်ကျရင် နတ်သမီးရမယ်လို့ ပြောလိုက်တော့ ဒကာ ဒကာမတွေ လူမိုက်ဆိုတော့ ခုန်ချတယ်၊ (မှန်ပါ့)။

Consider the man told to jump off the cliff to get a goddess. Since he is a fool, he jumps. (True, Sir).

ခုန်ချတဲ့အခါကျလို့ရှိရင်ဖြင့်တဲ့၊ အဝိဇ္ဇာသင်္ခါရက ခုန်ချလိုက်တော့ တစ်ခါတည်း ဝိညာဏ်, နာမ်ရုပ်, သဠာယတန, ဖဿ, ဝေဒနာဆိုတဲ့ ဒုက္ခသစ္စာ ပြန်ရတယ်၊ (ပြန်ရပါတယ် ဘုရား) နတ်သမီးရသလား၊ ဒုက္ခသစ္စာရသလား၊ (ဒုက္ခသစ္စာရပါတယ် ဘုရား)။

When he jumps—when Avijja and Sankhara make him jump—he gets back Consciousness, Mind-Matter, Sense Bases, Contact, and Feeling, which are Dukkha Sacca. (He gets them back, Sir). Did he get a goddess, or did he get Dukkha Sacca? (He got Dukkha Sacca, Sir).

မသိလို့ ခုန်ချလိုက်တယ်၊ (မှန်ပါ့) ခုန်ချလိုက်ပြီး ဒုက္ခရောက်တယ်၊ (မှန်ပါ့) မသိတာက အဝိဇ္ဇာ၊ ခုန်ချတာက (သင်္ခါရပါ ဘုရား) ရတာက (ဒုက္ခသစ္စာပါ ဘုရား) ဒုက္ခသစ္စာဆိုတာ ပေါ်ပလား၊ (ပေါ်ပါပြီ ဘုရား)။

He jumped because he did not know. (True, Sir). He jumped, and he suffered. (True, Sir). Not knowing is Avijja. Jumping is (Sankhara, Sir). What he got is (Dukkha Sacca, Sir). Is Dukkha Sacca apparent now? (It is apparent, Sir).

ကိုင်း အခု ဘယ်ထဲနေကြသတုံး၊ (ဒုက္ခသစ္စာထဲ နေပါတယ် ဘုရား) ၂-နံပါတ် ဒုက္ခသစ္စာထဲနေကြတယ်၊ (မှန်ပါ့) ရှင်းပလား (ရှင်းပါပြီ ဘုရား)။

So, where are you living right now? (We are living in Dukkha Sacca, Sir). You are living in Truth Number Two, Dukkha Sacca. (True, Sir). Is that clear? (Yes, it is, Sir).

သမုဒယသစ္စာလဲမသိဘူး

Ignorance of the Origin (Samudaya)

အဝိဇ္ဇာသည် အခု ကုသိုလ်သင်္ခါရသာ သူမသိသည် မဟုတ်သေးပါဘူးတဲ့၊ အဝိဇ္ဇာသည် ဒကာ ဒကာမတို့ ဒုက္ခသစ္စာကိုသာ သူမသိတာမဟုတ်သေးပါဘူး၊ သမုဒယသစ္စာလဲမသိဘူး၊ (မှန်ပါ့ ဘုရား) အဝိဇ္ဇာသည် သမုဒယသစ္စာလဲ (သူမသိပါ ဘုရား)။

Avijja is not just ignorant of the fact that merit is merely Sankhara. Yogis, Avijja is not only ignorant of Dukkha Sacca; it is also ignorant of Samudaya Sacca (The Truth of the Origin of Suffering). (True, Sir). Avijja is also ignorant of... (Samudaya Sacca, Sir).

သမုဒယသစ္စာလဲ သူမသိသောကြောင့် ဟောဒီမှာ ဒကာ ဒကာမတို့ တဏှာ, ဥပါဒါန်နဲ့ ဆုတောင်းကွတဲ့၊ (မှန်ပါ့ ဘုရား) မတောင်းကြဘူးလား၊ (တောင်းပါတယ် ဘုရား)။

Because it does not know Samudaya Sacca, look here, Yogis—it urges you to pray with Craving (Tanha) and Clinging (Upadana). (True, Sir). Do you not pray? (We do, Sir).

တောင်းတော့ သမုဒယ သစ္စာကလဲ ဒကာ ဒကာမတို့ ဆုတောင်းလိုက်တဲ့ အခါကျတော့ ဒုတိယဘဝပဲ ပြန်ရတယ်၊ (မှန်ပါ့ ဘုရား) ရတော့ ဘာသစ္စာ၊ (ဒုက္ခသစ္စာပါ ဘုရား)။

When you pray, because of Samudaya Sacca, Yogis, you receive a second existence. (True, Sir). When you get it, what Truth is it? (It is Dukkha Sacca, Sir).

ဒါဖြင့် အဝိဇ္ဇာသည် ဒုက္ခသစ္စာလဲ မသိ၊ သမုဒယသစ္စာလဲမသိ၊ (မှန်ပါ့ ဘုရား) သဘောကျပလား၊ (ကျပါပြီ) အင်း ဟင် အဝိဇ္ဇာသည် နိရောဓသစ္စာလဲ မသိဘူး၊ (မှန်ပါ့ ဘုရား) သိသေးရဲ့လား၊ (မသိပါ ဘုရား) မသိလို့ပေါ့၊ အဝိဇ္ဇာ သင်္ခါရက ဒုက္ခသစ္စာ လုပ်ထားတယ်၊ (မှန်ပါ့ ဘုရား) နိရောဓသစ္စာကိုကော သိသေးရဲ့လား၊ (မသိပါ ဘုရား)။

Thus, Avijja does not know Dukkha Sacca, nor does it know Samudaya Sacca. (True, Sir). Are you satisfied? (Yes, Sir). Indeed, Avijja also does not know Nirodha Sacca (The Truth of Cessation). (True, Sir). Does it know? (It does not know, Sir). Because it does not know, Avijja and Sankhara have constructed Dukkha Sacca. (True, Sir). Does it know Nirodha Sacca? (No, Sir).

လူချမ်းသာကို ခင်ဗျားတို့က နိရောဓသစ္စာ ထင်နေတယ်၊ (မှန်ပါ့) နတ်ချမ်းသာကို (နိရောဓသစ္စာ ထင်နေပါတယ်)၊ ဗြဟ္မာချမ်းသာကို (နိရောဓသစ္စာ ထင်နေပါတယ်)။

You mistake human pleasure for Nirodha Sacca. (True, Sir). You mistake Deva pleasure for (Nirodha Sacca). You mistake Brahma pleasure for (Nirodha Sacca).

နိရောဓသစ္စာနိဗ္ဗာန်လို့ ဒီထက် ချမ်းသာတာက မရှိဘူးလို့ ခင်ဗျားတို့ထင်နေတယ်၊ အဲဒါ အဝိဇ္ဇာကတရားဟော ထားလို့ ခင်ဗျားတို့ လူချမ်းသာ, နတ်ချမ်းသာ, ဗြဟ္မာချမ်းသာဖြစ်နေတာ (မှန်ပါ့) စင်စစ်တော့ ဘာသစ္စာလဲ (ဒုက္ခသစ္စာပါ ဘုရား)။

You think, "There is no happiness greater than this," mistaking it for Nibbana (Nirodha Sacca). That is Avijja preaching to you, causing you to become humans, Devas, and Brahmas. (True, Sir). In reality, what Truth is it? (It is Dukkha Sacca, Sir).

အဝိဇ္ဇာသည် နိဗ္ဗာန်လဲ မသိဘူး

Avijja Does Not Know Nibbana

အဲဒါဖြင့် အဝိဇ္ဇာသည် နိဗ္ဗာန်လဲ မသိဘူးဆိုတာ ပေါ်သွားပြီ (ပေါ်သွားပါပြီ ဘုရား) ရှင်းပလား၊ (ရှင်းပါပြီ) အဝိဇ္ဇာသည်တဲ့ မဂ္ဂသစ္စာလဲ မသိဘူး (မှန်ပါ့ ဘုရား)။

It has become clear that Avijja does not know Nibbana. (It has become clear, Sir). Is that clear? (Yes, Sir). Avijja also does not know Magga Sacca (The Truth of the Path). (True, Sir).

မဂ္ဂသစ္စာ မသိတော့ ဒကာ ဒကာမတို့တဲ့ ဪ ဒီကုသိုလ်လုပ်လို့ရှိရင်ဖြင့် ဘုံဘဝကို တောင့်တတဲ့ ကုသိုလ်လုပ်လို့ရှိရင်ဖြင့် နေရာကျမှာပဲ၊ နိဗ္ဗာန်ရောက်မှာပဲ ဆိုပြီးသကာလ သူ့အထင်နဲ့သူလုပ်လိုက်တော့ ဒကာ ဒကာမတို့သူ့ဒါနစေတနာနဲ့ ဘုံဘဝ တောင့်တလုပ်လိုက်တော့ မဂ္ဂသစ္စာလို့ သူပြုတဲ့ကုသိုလ်ကို နိဗ္ဗာန်ရောက်ကြောင်းလို့ ထင်လိုက်တယ်၊ (မှန်ပါ့ ဘုရား)။

Because it does not know Magga Sacca, Yogis think, "Oh, if I perform this merit—this merit yearning for realms of existence—it will be perfect. I will reach Nibbana." Thinking this way, acting on his own assumptions, with volitional intent for charity and yearning for existence, he mistakes his action for Magga Sacca—the path to Nibbana. (True, Sir).

ထင်သာထင်တယ် အကျိုးပေးလာတော့ သင်္ခါရကုသိုလ်လုပ်လိုက်တော့ ဒုက္ခသစ္စာပဲပြန်ရတယ်၊ (မှန်ပ့ါ) ပေါ်ပလား၊(ပေါ်ပါပြီ) ဒါဖြင့် အဝိဇ္ဇာသည် သစ္စာ ဘယ်နှစ်ချက် မသိပါလိမ့်၊ (သစ္စာလေးချက်လုံး မသိပါ ဘုရား)။

He thinks so, but when the result comes from performing Sankhara merit, he only gets Dukkha Sacca back. (True, Sir). Do you see it? (We see it, Sir). So, how many Truths does Avijja fail to know? (It fails to know all four Truths, Sir).

ဒကာကြွယ် အဝိဇ္ဇာက အုပ်ချုပ်နေလို့ရှိရင်ဖြင့် သစ္စာလေးချက် မသိတော့ကို ဒုက္ခသစ္စာ ချည်းပြန်ရမယ်၊ (ရပါမယ် ဘုရား) တခြား ဘာရစရာရှိသတုံး၊ (မရှိပါ ဘုရား) ဘာသစ္စာပဲ ရသလဲ၊ (ဒုက္ခသစ္စာပဲ ရပါတယ်) ဒုက္ခသစ္စာပဲ ရမယ်ဆိုတာ ကျေနပ်ပလား၊ (ကျေနပ်ပါပြီ ဘုရား)။

Daga Kywe, if Avijja is ruling over you, failing to know the four Truths, you will only receive Dukkha Sacca in return. (We will, Sir). Is there anything else to receive? (No, Sir). What Truth do you get? (We get only Dukkha Sacca). Are you convinced that you will get only Dukkha Sacca? (We are convinced, Sir).

ကောင်းပြီ၊ ဒါက လူ့ဘဝ, နတ်ဘဝ, ဗြဟ္မာဘဝပြောပါတယ်၊ (မှန်လှပါ)

Good. That covers the human, Deva, and Brahma lives. (Yes, Sir).

အပုညာဘိသင်္ခါရ

Apuññābhi-saṅkhāra (Demeritorious Formations)

ဒီအဝိဇ္ဇာဟာတဲ့ ဒကာ ဒကာမတို့ ဒုက္ခသစ္စာမသိတဲ့ အဝိဇ္ဇာဖြစ်လေသောကြောင့် သားရေးသမီးရေး, စီးပွားရေးကြောင့် တံငါ မုဆိုးလိမ်လည် ကောက်ကျစ်၍ပေးတာက အပုညာဘိသင်္ခါရ (မှန်ပါ့ ဘုရား)

This Avijja is ignorant of Dukkha Sacca. Therefore, for the sake of sons, daughters, and livelihood, people engage in fishing, hunting, cheating, and deceit—this is Apuññābhi-saṅkhāra. (True, Sir).

သင်္ခါရပစ္စယာ ဝိညာဏ် နာမ်ရုပ် သဠာယတန ဖဿ ဝေဒနာဆိုတော့ အပါယ်လေးပါး ခန္ဓာကြီးလဲ ပေါ်လာတယ်( မှန်ပါ့ ဘုရား) ဒါ လူခန္ဓာ, နတ်ခန္ဓာ, ဗြဟ္မာခန္ဓာ မဟုတ်ဘူး၊ (မှန်ပါ့) ဝိညာဏ် နာမ်ရုပ် သဠာယတန ဖဿ ဝေဒနာဆိုတော့ သားရေး, သမီးရေး, စီးပွားရေးကြောင့် လိမ်လည်ကောက်ကျစ် ကျွေးမွေးကြတယ်၊ (မှန်ပါ့ ဘုရား)

Because of Sankhara, Consciousness, Mind-Matter, Sense Bases, Contact, and Feeling arise—but here, the massive body of the Four Lower Realms (Apaya) appears. (True, Sir). This is not a human, Deva, or Brahma body. (True, Sir). When Consciousness, Mind-Matter, Sense Bases, Contact, and Feeling arise from cheating and killing for family and livelihood... (True, Sir).

ကျွေးကြတဲ့အတွက် ဒကာ ဒကာမတို့ စုတေမနေ သေလွန်တော့ ဟောဒီ လာကပ်ပါတယ်၊ (ကပ်ပါတယ် ဘုရား) အပါယ်လေးပါးခန္ဓာကြီးပေါ်လာတယ်(ပေါ်လာပါတယ် ဘုရား) အဲဒါက အကုသိုလ်သင်္ခါရကြောင့်၊ (မှန်လှပါ ဘုရား) ခုနက အဝိဇ္ဇာပစ္စယာ အကုသိုလ်သင်္ခါရာ၊ (မှန်လှပါ ဘုရား)။

Because they fed their families this way, Yogis, when they pass away, this result attaches to them immediately. (It attaches, Sir). The body of the Four Lower Realms appears. (It appears, Sir). That is due to unwholesome Sankhara. (True, Sir). As mentioned before: Avijja Paccaya Akusala Sankhara. (True, Sir).

ကုသိုလ်သင်္ခါရကြောင့်

Because of Meritorious Sankhara

ကဲ တစ်ခါ ကုသိုလ်သင်္ခါရကြောင့် ဒါတွေ လူတွေ နတ်တွေ ဗြဟ္မာတွေ ဖြစ်လာတယ်၊ (မှန်ပါ့) ဘာသစ္စာလဲ၊ (ဒုက္ခသစ္စာပါ ဘုရား) ဟော အဝိဇ္ဇာ မသိပြန်ဘူး၊ သစ္စာလေးပါး မသိတော့ကိုတဲ့၊ (မသိတဲ့ပုဂ္ဂိုလ်မို့ သားရေး,သမီးရေး, စီးပွားရေး လိမ်လည် ကောက်ကျစ်ပြီး သကာလ ရောင်းကြ, ဝယ်ကြ ကျွေးကြတဲ့အခါကျတော့ကိုတဲ့၊ အဝိဇ္ဇာပစ္စယာ အကုသိုလ်သင်္ခါရာ၊ (မှန်လှပါ ဘုရား) သင်္ခါရပစ္စယာ (ဝိညာဏံပါ ဘုရား)။

Now, contrast this. Because of meritorious Sankhara, humans, Devas, and Brahmas come into being. (True, Sir). What Truth is that? (It is Dukkha Sacca, Sir). Look, Avijja is ignorant again. Because it does not know the Four Truths... (Because they are people who do not know, they cheat, sell, buy, and feed their families for the sake of children and wealth). Avijja Paccaya Akusala Sankhara. (True, Sir). Sankhara Paccaya... (Vinnanam, Sir).

အဲဒီ ဝိညာဏ် နာမ်ရုပ် သဠာယတန ဖဿ ဝေဒနာဟာ လူလား, တိရစ္ဆာန်လား, ငရဲလား, ပြိတ္တာလား, အသူရကာယ်လား အကဲခတ်စမ်း၊ (အပါယ်ပါ ဘုရား) အပါယ်လေးပါး မပြဘူးလား၊ (ပြပါတယ် ဘုရား)။

Now, assess that Consciousness, Mind-Matter, Sense Bases, Contact, and Feeling. Is it human, animal, hell-being, ghost, or demon? (It is Apaya—Lower Realms, Sir). Does it not show the Four Lower Realms? (It shows them, Sir).

သင်္ခါရ ဘယ်နှစ်မျိုးရှိ

How Many Types of Sankhara?

ဒါ့ကြောင့် အပါယ်လေးပါးခန္ဓာလား၊ ဝိညာဏ် နာမ်ရုပ် သဠာယတန ဖဿ ဝေဒနာဟာ၊ (မှန်ပါ့ ဘုရား) ဘာသစ္စာတုံး (ဒုက္ခသစ္စာပါ ဘုရား) ဒါဖြင့် ဒီသင်္ခါရ ဘယ်နှစ်မျိုးရှိသတုံး၊ (နှစ်မျိုးရှိပါတယ် ဘုရား) အဝိဇ္ဇာပစ္စယာ ကုသိုလ်သင်္ခါရာတစ်မျိုး၊ (မှန်ပါ့) အဝိဇ္ဇာပစ္စယာ အကုသိုလ် သင်္ခါရာ၊ (တစ်မျိုးပါ ဘုရား)။

Therefore, is this not the body of the Four Lower Realms—this Consciousness, Mind-Matter, Sense Bases, Contact, and Feeling? (True, Sir). What Truth is it? (It is Dukkha Sacca, Sir). So, how many types of Sankhara are there? (There are two types, Sir). Avijja Paccaya Kusala Sankhara is one. (True, Sir). Avijja Paccaya Akusala Sankhara is the other. (One type, Sir).

အဲဒီနှစ်မျိုး လုပ်ချင်တာလုပ်၊ ဒီ ဒုက္ခသစ္စာပဲ ရတယ်၊ (မှန်လှပါ ဘုရား) ဒကာကြွယ်ရေ သဘောပါပလား၊ (ပါပါတယ် ဘုရား) အဝိဇ္ဇာပစ္စယာ ကုသိုလ်သင်္ခါရာတစ်မျိုး၊ (မှန်ပါ့) သူကလဲဘာရသလဲ၊ (ဒုက္ခသစ္စာရပါတယ် ဘုရား)။

Do whichever of the two you like; you get only Dukkha Sacca. (True, Sir). Daga Kywe, do you grasp the concept? (We grasp it, Sir). Avijja Paccaya Kusala Sankhara is one type. (True, Sir). What does it yield? (It yields Dukkha Sacca, Sir).

အဝိဇ္ဇာပစ္စယာ အကုသိုလ်သင်္ခါရာဆိုရင်ကော ဒါပဲရမှာပဲ၊ (မှန်လှပါ ဘုရား) ဘာသစ္စာလဲ၊ (ဒုက္ခသစ္စာပါ ဘုရား) ဒါဖြင့် အဝိဇ္ဇာ မသိလို့လုပ်တဲ့ ကုသိုလ်ဟာလဲ ဒုက္ခသစ္စာပဲရပါတယ်၊ (မှန်လှပါ) သဘောကျပလား၊ (ကျပါပြီ) မသိလို့ အကုသိုလ်ပြုတာလဲ၊ (ဒုက္ခသစ္စာပဲ ရပါတယ် ဘုရား)။

And if it is Avijja Paccaya Akusala Sankhara? It will yield the same thing. (True, Sir). What Truth? (It is Dukkha Sacca, Sir). So, merit performed without knowing yields Dukkha Sacca. (True, Sir). Are you satisfied? (Yes, Sir). And evil performed without knowing? (It also yields Dukkha Sacca, Sir).

သစ္စာမှာ သွားတူပါတယ်

They are Identical in Truth

ဒုက္ခသစ္စာပဲ ရပါတယ်ဆိုတော့ ဒီနေရာမှာ အချို့ပြောကြတယ်ဟေ့၊ ကျောင်းဒကာ ဘုရားဒကာနဲ့ နွားသတ်နေတဲ့လူနဲ့ အတူတူပဲဆိုတာ ဒီအခန်းဝင်လို့ပြောတာ (မှန်လှပါ ဘုရား) ရိပ်မိပလား၊ (ရိပ်မိပါပြီ)။

Since both yield Dukkha Sacca, some people say, "Hey, the Pagoda Donor and the cattle butcher are the same!" They say this because they are entering this specific context. (True, Sir). Do you see? (We see, Sir).

ဘာဖြစ်လို့တုံးဆို ကျောင်းဒကာကလဲ သူ ဒီသင်္ခါရပြုပြီးသကာလ ကုသိုလ်သင်္ခါရ နောက်ဘဝလိုချင်လို့ ကုသိုလ်ပြုတော့ ဒုက္ခသစ္စာပဲရတယ်၊ (ရပါတယ် ဘုရား) နွားသတ်တဲ့လူကလဲ အဝိဇ္ဇာကြောင့် အကုသိုလ်သင်္ခါရပြုတော့ ဘာသစ္စာရသလဲ၊ (ဒုက္ခသစ္စာပဲ ရပါတယ် ဘုရား) သစ္စာမှာ သွားတူတယ်၊ (မှန်ပါ့) ရှင်းပလား၊ (ရှင်းပါပြီ) ဘာမှာ သွားတူသလဲ၊ (သစ္စာမှာ သွားတူပါတယ် ဘုရား)။

Why? Because the Pagoda Donor performed Sankhara—meritorious Sankhara desiring a future life—so he gets Dukkha Sacca. (He gets it, Sir). And the butcher, due to Avijja, performed unwholesome Sankhara, so what Truth does he get? (He gets Dukkha Sacca, Sir). They are identical in terms of Truth. (True, Sir). Is that clear? (Yes, Sir). In what are they identical? (They are identical in Truth, Sir).

ဒါ့ကြောင့် နွားသတ်တဲ့ ပုဂ္ဂိုလ်နဲ့ ကျောင်းဒကာ ဘုရားဒကာနဲ့ ဘုံဘဝ တောင့်တလုပ်ရင် ဒကာကြွယ် မထူးပါဘူးဆိုတဲ့ စကားကော ဒီသစ္စာမှာသွားတူလို့ ပြောတာ၊ (မှန်လှပါ ဘုရား) ရှင်းပလား၊ (ရှင်းပါပြီ ဘုရား)။

That is why the statement, "If you act with craving for existence, Daga Kywe, there is no difference between a butcher and a Pagoda Donor," is made because they converge in this Truth. (True, Sir). Is that clear? (Yes, Sir).

သို့သော် တကယ်မထူးတာလားလို့ မေးတော့ သစ္စာနဲ့တော့ မထူးပါဘူးတဲ့၊ သူကတော့ ဒကာ ဒကာမတို့ အပါယ်လေးပါး ဒုက္ခသစ္စာ၊ (မှန်လှပါ) ကျောင်းဒကာ ဘုရားဒကာကတော့ သုဂတိသို့ရောက်တဲ့ ဒုက္ခသစ္စာ၊ (မှန်လှပါ ဘုရား) ဒီလိုတော့ အများကြီး ကွာခြားပါတယ်၊ (မှန်ပါ့) ရှင်းပလား၊ (ရှင်းပါပြီ) သစ္စာပေါင်းလိုက်ရင်တော့ မထူးပါဘူး၊ (မှန်လှပါ ဘုရား) ကျောင်းဒကာ ဘုရားဒကာကလဲ (ဒုက္ခသစ္စာပါ ဘုရား)။

However, if asked, "Is there really no difference?" — In terms of Truth, there is no difference. But for the butcher, Yogis, it is the Dukkha Sacca of the Four Lower Realms. (True, Sir). For the Pagoda Donor, it is the Dukkha Sacca of the Good Destinations (Sugati). (True, Sir). In this way, they are vastly different. (True, Sir). Is that clear? (Yes, Sir). If you sum it up by Truth, they are not different. (True, Sir). Even the Pagoda Donor is... (Dukkha Sacca, Sir).

ဘုံဘဝသာ တောင့်တလုပ်၊ ဒုက္ခသစ္စာပဲဟ နွားသတ်နေတဲ့ လူကလဲ ဒကာ ဒကာမတို့ မတောင့်တဘဲနေလဲ ဘာသစ္စာရသတုံး၊ (ဒုက္ခသစ္စာပဲရပါတယ်) ပေါ်ပလား၊ (ပေါ်ပါပြီ ဘုရား)။

If you act merely yearning for existence, it is just Dukkha Sacca. And the butcher? Even without yearning, what Truth does he get? (He gets Dukkha Sacca, Sir). Do you see? (We see, Sir).

သုဂတိ ဒုဂ္ဂတိ ခွဲလိုက်ပါဦး

Distinguish between Sugati and Duggati

သို့သော်လဲ ဒကာကြွယ်တို့ ဒီလိုမှတ်လိုက်ပါ၊ ကျောင်းဒကာ ဘုရားဒကာက ဘုံဘဝတောင့်တပြီး လုပ်လို့ရှိရင်ဖြင့် သုဂတိ ဒုက္ခသစ္စာ၊ (မှန်လှပါ ဘုရား)။

However, Daga Kywe, please note this carefully. If a donor of a monastery or a pagoda performs their charity while craving a better existence/rebirth, they obtain the Truth of Suffering in a Good Destination (Sugati Dukkha Sacca). (Yes, Sir).

သားရေး, သမီးရေး, စီးပွားရေးနဲ့ နွားသတ်၊ ကျွဲသတ်ပြီးသကာလ တံငါလုပ်နေတဲ့ ပုဂ္ဂိုလ်ဟာ အဝိဇ္ဇာပစ္စယာ သင်္ခါရာကြောင့် အပါယ်လေးပါး ငရဲ, ပြိတ္တာ, တိရစ္ဆာန်, အသူရကာယ် ဒုက္ခသစ္စာ၊ (မှန်လှပါ ဘုရား) ရှင်းပလား၊ (ရှင်းပါပြီ)။

Consider a fisherman who slaughters cattle and buffaloes or catches fish for a living. Due to Ignorance (Avijja) and Volitional Formations (Sankhara), he obtains the Truth of Suffering in Bad Destinations (Duggati Dukkha Sacca)—the four woeful states: Hell, hungry ghosts, animals, and Asuras. (True, Sir). Is that clear? (Yes, it is, Sir).

သစ္စာမှာ တူုငြားသော်လဲ သုဂတိ ဒုဂ္ဂတိ ခွဲလိုက်ပါဦး၊ (မှန်ပါ့ ဘုရား) ပေါ်ပလား၊ (ပေါ်ပါပြီ) သစ္စာကျတော့၊ (တူပါတယ် ဘုရား) သုဂတိ ဒုဂ္ဂတိကျတော့၊ (မတူပါ ဘုရား) သဘောကျပလား (ကျပါပြီ)။

Regarding the Truth (Sacca), they are identical—both are Suffering. However, distinguish between the destinations: Good Destination (Sugati) and Bad Destination (Duggati). (Yes, Sir). Do you see it? (We see it, Sir). In terms of Truth? (They are the same, Sir). In terms of destination? (They are different, Sir). Do you grasp the meaning? (Yes, we do, Sir).

သို့သော် သစ္စာက မုန်းဝင်ဖြစ်နေတဲ့အတွက် ဘုန်းကြီးတို့ ဒကာ ဒကာမတွေမှာ ဒုက္ခသစ္စာရရင် ဘယ်ဟာမှ မကောင်းဘူးလို့မှတ်၊ (မှန်လှပါ ဘုရား) ရှင်းပလား (ရှင်းပါပြီ)။

However, since the Truth itself is something to be disgusted with, you Yogis must realize: If it results in the Truth of Suffering, mark it as 'Not Good' regardless of the destination. (True, Sir). Is that clear? (Yes, Sir).

ဒုက္ခသစ္စာသာ ရမယ်ဆိုရင်

If you are only going to receive the Truth of Suffering...

ဒုက္ခသစ္စာသာ ရမယ်ဆိုရင်၊ (ဘယ်ဟာမှ မကောင်းပါ ဘုရား) ဘယ်ဟာမှ မကောင်းဘူးဆိုတာ ကျေနပ်ပလား၊ (ကျေနပ်ပါပြီ)။

If the result is only the Truth of Suffering, (Then nothing is good, Sir). Are you convinced that nothing is good? (We are convinced, Sir).

ကိုင်း ဒါဖြင့် ဘယ်ဟာမှ မကောင်းဘူးဆိုတာက အကြောင်းကို ပြန်ကြည့်လိုက်တော့ အဝိဇ္ဇာသင်္ခါရကြောင့် သွားပြီးဖြစ်နေတယ်၊ (မှန်လှပါ) အဝိဇ္ဇာ သင်္ခါရကြောင့် ကျောင်းဒကာ ဘုရားဒကာလဲ သုဂတိ ဒုက္ခသစ္စာ၊ (မှန်လှပါ့ ဘုရား) တံငါမုဆိုးကလဲ အဝိဇ္ဇာသင်္ခါရကြောင့်ဟုတ်လား ဒုဂ္ဂတိ အပါယ်လေးပါးဒုက္ခသစ္စာ၊(မှန်ပါ့ ဘုရား) သစ္စာမှာ တူတယ် သုဂတိ ဒုဂ္ဂတိမှာကော၊ (ကွဲပါတယ် ဘုရား)

Now, if we look back at the cause of why "nothing is good," we see that it all happens due to Ignorance (Avijja) and Volitional Formations (Sankhara). (True, Sir). Due to Ignorance and Formations, the donor of the monastery and pagoda attains Sugati Dukkha Sacca. (True, Sir). And the fisherman or hunter, due to Ignorance and Formations, attains Duggati Dukkha Sacca—the suffering of the four woeful states. (True, Sir). In terms of Truth, they are identical. But what about the destination? (They are different, Sir).

ဒါဖြင့် ဒကာကြွယ် ဘယ်ဟာကြိုက်သလဲ၊ သုဂတိဒုက္ခသစ္စာ ကြိုက်သလား၊ ဒုဂ္ဂတိ ဒုက္ခသစ္စာကြိုက်သလား၊ (ဘယ်ဟာမှ မကြိုက်ပါ ဘုရား) ဟ ရိုးရိုးပြော ရိုးရိုးပြော၊ ဒကာကြွယ် ရိုးရိုးပြောမှ (မှန်ပါ့ ဘုရား)။

So, Daga Kywe, which one do you prefer? Do you prefer the Suffering of the Good Destination? Or the Suffering of the Bad Destination? (We prefer neither, Sir). Ha! Speak honestly. Speak honestly, Daga Kywe. (Yes, Sir).

သုဂတိ ဒုက္ခသစ္စာကြိုက်သလား ဒကာဒကာမတို့၊ ဒုဂ္ဂတိ ဒုက္ခသစ္စာကြိုက်သလား၊ (ဘယ်ဟာမှမကြိုက်ပါ ဘုရား) သစ္စာကျတော့ တူသွားတယ်၊ ဒါ့ကြောင့် ဒီတရားမျိုး မနာရလို့ရှိရင် ခင်ဗျားတို့ တစ်ခုကြိုက်ဖြစ်မယ်၊ (မှန်ပါ့ ဘုရား)။

Yogis, do you prefer Sugati Dukkha Sacca? Or do you prefer Duggati Dukkha Sacca? (We prefer neither, Sir). When it comes to the Truth, they become identical. That is why, if you do not get to listen to this kind of Dhamma, you will inevitably prefer one of them. (True, Sir).

ဒီတရားမျိုးကို သေသေချာချာနာရတော့ ဒုက္ခသစ္စာချင်း အတူတူဖြစ်နေတယ်၊ ဘယ်ဒုက္ခမှမကြိုက်ဘူး၊ (မှန်ပါ့ ဘုရား) သဘောကျပလား၊ (ကျပါပြီ)။

But now that you are listening to this Dhamma precisely, you realize that both are equal in being the Truth of Suffering. You do not desire any form of suffering. (True, Sir). Do you grasp this? (Yes, Sir).

ဘယ်ဟာနဲ့လျှော သေချင်သတုံး

Which way do you want to die?

ပွေးကိုင်းတွေ ဘာတွေစားပြီး ဝမ်းလျှောသေတာနဲ့ဟုတ်လား ဒကာကြွယ်၊ (မှန်ပါ့) ဒီပြင် သရက်သီးမျိုး ကောင်းတွေစားပြီး ဝမ်းလျှောသေတာနဲ့ ဒကာကြွယ် ဘယ်ဟာနဲ့လျှော သေချင်သတုံး၊ (ဘယ်ဟာနဲ့မှ မသေချင်ပါ ဘုရား) ရိပ်မိပလား၊ (ရိပ်မိပါပြီ ဘုရား) ဝမ်းလျှောသေတာချည်းပဲ ထူးသေးရဲ့လား၊ (မထူးပါ ဘုရား)။

Tell me, Daga Kywe. If you eat purgative roots and die from severe diarrhea... (Yes, Sir). Or, if you eat the most delicious, high-quality mangoes and die from severe diarrhea. Which way would you prefer to die? (We do not want to die either way, Sir). Do you catch the point? (We do, Sir). It is just dying of diarrhea in both cases. Is there any difference? (No difference, Sir).

အဲဒီလို ဝမ်းလျှောသေတာချည်းပဲဆိုတော့ ဘာရသလဲ လူခန္ဓာလဲ ဒုက္ခသစ္စာပဲ၊ (မှန်ပါ့) တိရစ္ဆာန်ခန္ဓာတွေကော၊ (ဒုက္ခသစ္စာပါ ဘုရား)။

Since it is just dying of diarrhea, what do you get? The human body is Dukkha Sacca. (True, Sir). And the animal body? (It is also Dukkha Sacca, Sir).

ဒါဖြင့် ဒကာကြွယ် ဘယ်ဝမ်းမှမလျှောချင်ပါနဲ့၊ (မှန်ပါ့ ဘုရား) ဝမ်းလျှောသေရတာ ဒုက္ခချည်းပဲ၊ သဘောကျ ပလား၊ (ကျပါပြီ) သုဂတိ ဝမ်းလျှောချင်သလား၊ (မလျှောချင်ပါ ဘုရား) ဒုဂ္ဂတိ ဝမ်းလျှောချင်သလား၊ (မလျှောချင် ပါ ဘုရား) မလျှောချင်ဘူးဆိုလို့ရှိရင်ဖြင့်တဲ့ ဒါပြင်လို့ရပါတယ် (မှန်လှပါ ဘုရား)။

Therefore, Daga Kywe, do not wish for any kind of diarrhea! (True, Sir). Dying of diarrhea is purely suffering. Do you agree? (Yes, Sir). Do you want "Good Destination" diarrhea? (No, Sir). Do you want "Bad Destination" diarrhea? (No, Sir). If you say you do not want it, this can be fixed. (True, Sir).

ကဲဒကာသစ်တို့ ဦးသန်းမောင်တို့ လူ့ဘဝလဲဒုက္ခသစ္စာ၊ တိရစ္ဆာန် ဘဝကော၊ (ဒုက္ခသစ္စာပါ ဘုရား) ဘာဖြစ်လို့ ဒီနှစ်ခုတူရပါလိမ့်မတုံး၊ ဟောဒီအဝိဇ္ဇာ သင်္ခါရက လာတူတယ်၊ (မှန်လှပါ ဘုရား) အကြောင်းက (လာတူပါတယ် ဘုရား) အကြောင်းကလာတူတော့ အကျိုးကျတော့ကော သစ္စာက (တူပါတယ် ဘုရား) ရှင်းပလား၊ (ရှင်းပါပြီ ဘုရား)။

Now, Daga Thit and U Than Maung, human existence is Dukkha Sacca. Animal existence is also... (Dukkha Sacca, Sir). Why are these two identical? They are identical because they both come from this Avijja and Sankhara. (True, Sir). The causes come... (To be identical, Sir). Since the causes are identical, what about the result—the Truth? (It is identical, Sir). Is that clear? (Yes, Sir).

ဒါဖြင့် ဒီဒကာ ဒကာမတွေသည် လွန်လေပြီးသောအတိတ်ကာလ အတိတ်အကြောင်း တစ်လွှာ သမုဒယသစ္စာ လုပ်ခဲ့တဲ့အတွက် ဒကာ ဒကာမတို့ ယခုပစ္စုပ္ပန်ကာလမှာ အကျိုးဖြစ်တဲ့ သစ္စာကြီးနဲ့ ဆက်စပ်ပါပြီ၊ (မှန်လှပါ)။

Therefore, because you Yogis created the layer of Past Causes (Samudaya Sacca) in the past, you are now connected with the massive result of Truth in the present. (True, Sir).

ဘယ်သူများ ဖန်ဆင်းသတုံး

Who created this?

ဘယ်သူများ ဖန်ဆင်းသတုံး၊ (ဘယ်သူမှ မဖန်ဆင်းပါ ဘုရား) အဝိဇ္ဇာသင်္ခါရက ပြုလုပ်တာပဲ ရှိတယ်၊ (မှန်ပါ့ ဘုရား) သိကြား, ဗြဟ္မာ, ဘုရားကလာပြီး ဖန်ဆင်းလို့ ဒုက္ခသစ္စာကြီးရတာလား၊ (မဟုတ်ပါ ဘုရား) မဟုတ်ပါဘူးတဲ့၊ အဝိဇ္ဇာသင်္ခါရကြောင့်ပါ၊ (မှန်ပါ့ ဘုရား)။

Who created this? (No one created it, Sir). It is only the work of Ignorance (Avijja) and Formations (Sankhara). (True, Sir). Did Sakka, Brahma, or God come and create this great Mass of Suffering? (No, Sir). No, indeed. It is due to Avijja and Sankhara. (True, Sir).

အဲဒီတော့ တခြား ဘာသာတွေ ဒီအကြောင်းနှစ်ခု နားမလည်တဲ့အတွက် သူတို့ကို ထာဝရဘုရား လုပ်ထားတယ်လို့ ယူနေကြတယ် (မှန်ပါ့ ဘုရား) သဘောကျပလား၊ (ကျပါပြီ)။

Because other religions do not understand these two causes, they assume an Eternal God created them. (True, Sir). Do you agree? (Yes, Sir).

သူတို့က ထာဝရဘုရား လုပ်ထားတယ်တဲ့ စင်စစ် ဗုဒ္ဓဘာသာမျက်လုံးနဲ့ ကြည့်တော့မသိလို့ လှူဒါန်းလို့ ဟောဒီ ဒုက္ခသစ္စာရတယ်၊ (မှန်ပါ့ ဘုရား) မသိလို့ အကုသိုလ် လုပ်သောကြောင့် ဒီဒုက္ခသစ္စာရတယ်၊ (မှန်ပါ့ ဘုရား)။

They claim an Eternal God created it. In reality, looking through the eyes of Buddhism: Because one donated without knowing the Truth, one obtained this Dukkha Sacca. (True, Sir). Because one committed unwholesome deeds without knowing the Truth, one obtained this Dukkha Sacca. (True, Sir).

ကျုပ်တို့ ခင်ဗျားတို့ ဉာဏ်ထဲမှာတော့ ရှင်းတယ်၊ အဝိဇ္ဇာသင်္ခါရလာတာပဲ၊ (မှန်ပါ့) ကျုပ်တို့ ခန္ဓာဖြစ်ကြောင်း ဟူသရွေ့ ဘယ်သူ့ကြောင့်ပါလိမ့်၊ (အဝိဇ္ဇာသင်္ခါရကြောင့်ပါ ဘုရား) ရိပ်မိပလား၊ (ရိပ်မိပါပြီ)။

But in the wisdom of you and I, it is clear: It comes from Avijja and Sankhara. (True, Sir). Whatever creates our Aggregates (Khandhas), who is responsible? (It is due to Avijja and Sankhara, Sir). Do you see it? (We see it, Sir).

ဒါဖြင့် ဟုတ်တယ်မဟုတ်တယ် ခင်ဗျားတို့စဉ်းစားကြည့် အဝိဇ္ဇာရှိတဲ့ပုဂ္ဂိုလ်မှာ ဒီသင်္ခါရကပြုတယ်၊ (ပြုပါတယ် ဘုရား) ဒကာကြွယ် အဝိဇ္ဇာရှိတဲ့ပုဂ္ဂိုလ်မှာ (သင်္ခါရပြုပါတယ် ဘုရား)

So, consider if this is true or not. In a person who has Ignorance, this Formation acts. (It acts, Sir). Daga Kywe, in a person who has Ignorance... (Formations act, Sir).

သင်္ခါရလဲ ဘုံဘဝတောင့်တတဲ့ ကုသိုလ်ကိုလဲ အဝိဇ္ဇာရှိတဲ့ ပုဂ္ဂိုလ်မှပြုတယ်၊ (မှန်လှပါ ဘုရား) မယုံရင်စဉ်းစား၊ အဝိဇ္ဇာက ဟောဒီဒုက္ခသစ္စာ မသိဘူးဗျ၊ (မှန်လှပါ ဘုရား)။

Even the Meritorious Formations (Kusala Sankhara) that long for better planes of existence are performed only by those who have Ignorance. (True, Sir). If you don't believe it, think about it. Ignorance does not know this is Dukkha Sacca. (True, Sir).

ဒုက္ခသစ္စာ မသိတော့ဘူး ကုသိုလ်ကို ပြုတော့ ပြုတာပဲ၊ သို့သော်လဲ လူ့ဘဝနတ်ဘဝ ရ, ရပါလို၏ဆိုတော့ ဒုက္ခသစ္စာ မသိလို့ လူ့ဘဝနတ်ဘဝကို ဒုက္ခသစ္စာလို့မသိတာ အဝိဇ္ဇာ၊ (မှန်ပါ ဘုရား) ပြုလုပ်တာက (သင်္ခါရပါ ဘုရား) ရှင်းပလား၊ (ရှင်းပါပြီ ဘုရား)။

Since it does not know Dukkha Sacca, it performs merit. However, when one prays, "May I attain the human realm or the deva realm," one fails to see that the human and deva realms are Dukkha Sacca. Not knowing this is Ignorance (Avijja). (True, Sir). The actual performance of the deed is Formations (Sankhara). (True, Sir). Is that clear? (Yes, Sir).

ဒုက္ခသစ္စာ ရုန်းနိုင်သေးရဲ့လား

Can you still struggle free from Dukkha Sacca?

အဲဒီ အဝိဇ္ဇာ သင်္ခါရ ပြုလုပ်လိုက်လို့ရှိရင် ဒကာကြွယ် ဒုက္ခသစ္စာ ရုန်းနိုင်သေးရဲ့လား၊ (မရုန်းနိုင်ပါ ဘုရား) လက်ခံရမယ်ဆိုတာ မသေချာဘူးလား၊ (သေချာပါတယ် ဘုရား) အခု ကိုယ်တိုင်ကော ရမထားဘူးလား၊ (ရထားပါတယ် ဘုရား) ပေါ်ကြပြီနော်၊ (ပေါ်ပါပြီ ဘုရား)။

If Avijja and Sankhara have performed the action, Daga Kywe, can you still struggle free from Dukkha Sacca? (We cannot struggle free, Sir). Is it not certain that you must accept it? (It is certain, Sir). Have you not already received it yourself right now? (We have received it, Sir). Is it becoming clear? (Yes, Sir).

ကဲ တစ်ခါ တခြားသော ဘာသာများတဲ့၊ ငါလုပ်လို့ ဘာမှ အပြစ်မရှိဘူး အစရှိသည်ဖြင့် ဟောဒီ ဒုက္ခသစ္စာ မသိတာနဲ့ အကုသိုလ် အလုပ်တွေ အကုသိုလ် သင်္ခါရတွေ မလုပ်ပေဘူးလား၊ (လုပ်ကြပါတယ် ဘုရား)။

Now, look at other religions. They say, "I act, but there is no fault," and due to not knowing this Dukkha Sacca, do they not perform unwholesome deeds and unwholesome formations? (They do, Sir).

လုပ်တော့ ဒီသစ္စာတွေ ဒုတိယဘဝမှာ ဝိညာဏ်, နာမ်ရုပ်, သဠာယတန, ဖဿ, ဝေဒနာဆိုတဲ့ အပါယ်လေးပါး ခန္ဓာပေါ်ထိုက် မပေါ်ထိုက် (ပေါ်ထိုက်ပါတယ် ဘုရား) ဘာသစ္စာတုံး (ဒုက္ခသစ္စာပါ) ဒါဖြင့် မသိလို့ပြုလုပ်တဲ့ ဒုက္ခသစ္စာပဲ၊ (မှန်ပါ့) မသိလို့ပြုလုပ်တာဟူသရွေ့ဖြင့် (ဒုက္ခသစ္စာပါ ဘုရား)။

When they do so, in the second existence, do the Aggregates of the four woeful states—Consciousness, Mind-Matter, Sense Bases, Contact, Feeling—deserve to appear or not? (They deserve to appear, Sir). What Truth is that? (It is Dukkha Sacca, Sir). So, it is Dukkha Sacca created out of not knowing. (True, Sir). Whatever is done out of not knowing is... (Dukkha Sacca, Sir).

မသိလို့လုပ်တဲ့ကုသိုလ်ကလဲ ဒုက္ခသစ္စာ အကျိုးပေးတယ်၊ (မှန်ပါ့) မသိလို့လုပ်တဲ့ အကုသိုလ်လဲ (ဒုက္ခသစ္စာပဲ အကျိုးပေးပါတယ်) ဒကာကြွယ် ရိပ်မိပလား၊ (ရိပ်မိပါပြီ ဘုရား) ဪ ဒါဖြင့်ကြောက်စရာကုသိုလ်လဲ ရှိသေးတယ် (ရှိပါတယ် ဘုရား)။

Merit done without knowing gives the result of Dukkha Sacca. (True, Sir). Unwholesome deeds done without knowing also... (Give the result of Dukkha Sacca, Sir). Daga Kywe, do you see? (We see, Sir). Oh, so there is even merit that we should be afraid of! (There is, Sir).

အကုသိုလ်ကိုသာ ကြောက်ရမယ်မဟုတ်ဘူး၊ ဒီကုသိုလ်လဲ (ကြောက်ရပါမယ် ဘုရား) မသိလို့လုပ်တဲ့ ကုသိုလ်လဲ(ကြောက်ရပါမယ် ဘုရား) မသိလို့လုပ်တဲ့ကုသိုလ်လဲ ကြောက်ရမှာပဲ၊ (မှန်ပါ) ပေါ်ကြပလား၊ (ပေါ်ပါပြီ)။

It is not only unwholesome deeds (Akusala) that we must fear. We must also fear this kind of merit. (We must fear it, Sir). We must fear merit done without understanding. (True, Sir). Is it clear to you? (Yes, Sir).

သိပြီးမှလုပ်ပါ

Know the Truth before you act

ဒါ့ကြောင့် ဦးသန်းမောင်တို့ ပြောရတယ်၊ နေစမ်းပါဦး၊ မလှူပါနဲ့ဦး၊ သိပြီးမှလုပ်ပါ၊ (မှန်ပါ့) ပြောထိုက် မပြောထိုက်၊ (ပြောထိုက်ပါတယ် ဘုရား) ဒီဒုက္ခသစ္စာရောက်သွားမှာစိုးလို့ (မှန်လှပါ ဘုရား) ၂ နံပါတ်ရောက်သွားမှာ စိုးလို့၊ အကြီးအကျယ်ပဲ ဒကာသစ် ဆုံးမရပါတယ်၊ (မှန်လှပါ) ဒကာကြွယ် ကျေနပ်ပလား၊ (ကျေနပ်ပါပြီ)။

That is why I tell U Than Maung and the others: "Wait a moment. Do not donate yet. Know the Truth first, then act." (True, Sir). Is this worth saying? (It is worth saying, Sir). I say it because I fear you will arrive at Dukkha Sacca. (True, Sir). I fear you will arrive at Section 2 [The Effect of the Past]. I have to admonish Daga Thit very seriously. (True, Sir). Daga Kywe, are you satisfied? (Satisfied, Sir).

ကောင်းပြီ၊ ဒါက အခုလောကီအတွက်မှာ ပြီးသွားတော့ကိုမသိတဲ့ပုဂ္ဂိုလ် ဈာန်သမာပတ်တွေ အားထုတ်တယ် (မှန်ပါ့) ဟောဒီမှာ ဗြဟ္မာတွေဖြစ်တယ်၊ (မှန်ပါ့) ဗြဟ္မာခန္ဓာငါးပါးလာတယ်၊ (မှန်လှပါ ဘုရား) ဘာသစ္စာတုံး၊ (ဒုက္ခသစ္စာပါ ဘုရား) ဈာန်လမ်းဟာလဲ ဒုက္ခသစ္စာပဲဖြစ်တယ်၊ (မှန်လှပါ ဘုရား)။

Very well. That covers the worldly aspect. Now, people who do not know the Truth practice Jhanas and Absorptions. (True, Sir). Lo and behold, they become Brahmas. (True, Sir). The five aggregates of a Brahma appear. (True, Sir). What Truth is that? (Dukkha Sacca, Sir). So, the path of Jhana also results in Dukkha Sacca. (True, Sir).

ဒီဗြဟ္မာတွေဟာ အင်မတန်ချမ်းသာတယ် ထင်လိုက်တယ်၊ (မှန်လှပါ) မသိလို့ပေါ့ဗျာ၊ (မှန်လှပါ) မသိတော့ဈာန်သင်္ခါရတွေကြိုးစားတော့ သမထအလုပ်တွေ မလုပ်ပေဘူးလား၊ (လုပ်ပါတယ် ဘုရား)။

You might think these Brahmas are incredibly happy. (True, Sir). That is because you don't know! (True, Sir). Because they don't know, they strive in Jhanic Formations and practice Samatha (Tranquility meditation), don't they? (They do, Sir).

လုပ်တော့ သေသည်၏ အခြားမဲ့၌ သမထက အကျိုးပေးလိုက်တော့ ခန္ဓာငါးပါး ပြန်ရတယ်၊ (ပြန်ရပါတယ် ဘုရား) ဘာသစ္စာလဲ၊ (ဒုက္ခသစ္စာပါ ဘုရား)။

When they do, immediately after death, the Samatha gives its result and they regain the five aggregates. (They regain them, Sir). What Truth is that? (Dukkha Sacca, Sir).

အဲဒါကြောင့် အာနဉ္ဇာဘိ သင်္ခါရဆိုပြီး စာမှာဟောပြန်တယ် ဒကာကြွယ်ရေ (မှန်လှပါ ဘုရား) ဒါဖြင့် အဝိဇ္ဇာပစ္စယာ သင်္ခါရသည် ပုညာဘိသင်္ခါရလဲ ရှိတယ်၊ (မှန်ပါ့ ဘုရား) ကုသိုလ်သင်္ခါရလဲ ရှိတယ်၊ (မှန်ပါ့)။

That is why the texts call it Aneanjabhi-sankhara (Imperturbable Formations), Daga Kywe. (True, Sir). So, "Due to Ignorance, Formations arise" includes Punnabhi-sankhara (Meritorious Formations). (True, Sir). It includes Wholesome Formations. (True, Sir).

ဒုက္ခသစ္စာသိပြီး လုပ်မယ်ဆိုလို့ရှိရင်

If you act knowing Dukkha Sacca

ဒုက္ခသစ္စာမှ ကျွတ်လိုလို့ လှူပါတယ်ဘုရားဆိုတော့ ဒကာ ဒကာမတွေ နိဗ္ဗာန်အကျိုးပေးတယ်၊ (မှန်ပါ့ ဘုရား) ဒုတိယအကွက် လာသေးသလားတဲ့၊ နိဗ္ဗာန်ပဲ လာတော့တယ်၊ (မှန်ပါ့ ဘုရား) ဒါက ဒုက္ခသစ္စာသိတဲ့ပုဂ္ဂိုလ်ပေါ့၊ ဒုက္ခသစ္စာလဲ မတိုးဘူး၊ (မှန်ပါ့) ရှင်းပလား၊ (ရှင်းပါပြီ)။

"I offer this because I wish to be liberated from Dukkha Sacca." If you donate with this mindset, Yogis, it results in Nibbana. (True, Sir). Does the "Second Section" [Rebirth] come again? No, Nibbana comes. (True, Sir). This is for the person who knows Dukkha Sacca. It does not increase Dukkha Sacca. (True, Sir). Is that clear? (Yes, Sir).

ပြုလုပ်တုန်းကလည်း ဒုက္ခသစ္စာသိပြီး လုပ်မယ်ဆိုလို့ရှိရင် ဒုက္ခသစ္စာမှ လွတ်ချင်လို့ လှူပါတယ် တန်းပါတယ် ဘုရားဆိုတော့ ဒုတိယဒုက္ခသစ္စာလာသေးရဲ့လား (မလာပါ ဘုရား)။

If you act while knowing Dukkha Sacca—saying, "I donate and offer this because I want to escape from Dukkha Sacca"—does a second Dukkha Sacca arise? (It does not arise, Sir).

ဘာပြုလို့တုံး လှူတုန်းကတည်းက ဒုက္ခသစ္စာကို ကြောက်ပြီးလုပ်လို့၊ (မှန်လှပါ ဘုရား) ဒုက္ခသစ္စာရသေးရဲ့လား (မရပါ ဘုရား)။

Why? Because from the moment of donating, you acted out of fear of Dukkha Sacca. (True, Sir). Do you still get Dukkha Sacca? (No, Sir).

ဒါဖြင့် ဒုက္ခသစ္စာ သူမရလို့ရှိရင် ဒုက္ခချုပ်တာသာ သူရမယ်၊ (မှန်လှပါ ဘုရား) ဒုက္ခချုပ်တာ ဘာခေါ်ကြမယ်၊ (နိဗ္ဗာန်ခေါ်ပါတယ် ဘုရား) နိဗ္ဗာန်ပဲဆိုတာ သေချာပလား၊ (သေချာပါတယ် ဘုရား)။

Therefore, if one does not get Dukkha Sacca, one gets the Cessation of Suffering. (True, Sir). What do we call the Cessation of Suffering? (We call it Nibbana, Sir). Are you certain it is Nibbana? (We are certain, Sir).

ဒါဖြင့် ဒကာဒကာမတို့ လှူနည်း, တန်းနည်း, ပေးနည်း, ကမ်းနည်းမှာလဲ ဆရာကောင်း, သမားကောင်း လမ်းမှန်မပြလို့ရှိရင်ဖြင့် ဒကာကြွယ်လိုတာပဲ၊ (လိုပါတယ် ဘုရား) အားလုံး ဒကာဒကာမတွေ ယနေ့ပြောတာ သဘောကျပလား၊ (ကျပါပြီ ဘုရား)။

Thus, Yogis, in the methods of donating and offering, if a good teacher does not show you the correct path, you will end up like Daga Kywe [repeating the cycle]. (We will, Sir). Do all you Yogis grasp what I am saying today? (We grasp it, Sir).

ဒါဖြင့် ဒီအလုပ်သည်ကားလို့ ဆိုလို့ရှိရင်ဖြင့် အင်မတန်ကြောက်စရာကောင်းတဲ့ အနေပဲဆိုတာလဲ ကောင်းကောင်းရှင်းကြပါပြီ၊ (ရှင်းပါပြီ ဘုရား) ဒါဖြင့် ဒီလို လုပ်ကြစို့၊ ယခု ဒကာဒကာမတွေ ၁ အကြောင်းကို အားထုတ်လို့ ၂ အကျိုးရတယ်၊ (မှန်လှပါ)။

So, it is now thoroughly clear that this work [of Samsara] is a terrifying situation. (It is clear, Sir). Then let us do this. Currently, Yogis, because you exerted effort in the Causes of the Past (Section 1), you have received the Effects of the Present (Section 2). (True, Sir).

ဒီ ၁ အကြောင်းကို နောက်ထပ် အားထုတ်ဦးမယ်ဆိုလို့ရှိရင်ဖြင့် ဒကာ ဒကာမတို့ ယခုရ,ထားတဲ့ ခန္ဓာထဲက ဒီအဝိဇ္ဇာတွေ, တဏှာတွေ, ဘဝတွေ, ပြန်လုပ်ကြဦးမယ်ဆိုရင် ဒီအနာဂတ်ဘဝ ရဦးမှာပဲ၊ မရပေဘူးလား၊ (ရပါတယ် ဘုရား)။

If you exert effort again in these Causes (Section 1), then from within this body you currently possess, if you generate Ignorance, Craving, and Becoming again... will you not obtain a Future Existence? (We will obtain it, Sir).

(၃)-သာ ထပ်လုပ်ရင်တော့ (၄)-ပြန်ရမယ်

If you repeat (3), you will get (4)

ဒကာကြွယ် ၃-သာ ထပ်လုပ်ရင်တော့ ၄-ပြန်ရမယ်၊ (ပြန်ရပါမယ် ဘုရား) ၃ သာ ထပ်လုပ်ရင်၊ (၄ ပြန်ရပါမယ် ဘုရား)။

Daga Kywe, if you repeat Section 3 [Present Causes: Craving, Clinging, Becoming], you will get Section 4 [Future Effects: Birth, Aging, Death]. (We will get it, Sir). If you repeat 3... (We will get 4, Sir).

ဒါဖြင့် ဒကာ ဒကာမတို့ ၃ က ဘယ်ထဲက ပေါက်ပွားတာတုံးဆိုတဲ့ အရေးကိုမေးရင် ၂ ထဲက ပေါက်ထွက်တာ၊ (မှန်ပါ့ ဘုရား)။

So Yogis, if asked "Where does 3 sprout from?", it sprouts out of 2. (True, Sir).

ဥပမာ ဦးသန်းမောင်ကြီးက ဒီ ၂ထဲကနေတုန်းပဲ ဒီ ၂ ထဲ ဦးသန်းမောင်ကြီးတို့ သွားတို့, လာလို့ထိုင်လို့ပေါ့လေ (မှန်ပါ့) ၂ ထဲရောက်မနေဘူးလား (ရောက်ပါတယ် ဘုရား)။

For example, U Than Maung is currently in Section 2. Living, moving, sitting within Section 2. (True, Sir). Are you not in Section 2? (We are, Sir).

အဲဒီရောက်နေတုန်းပဲ တစ်ခါတည်း ဒကာ ဒကာမတွေက ဝိပဿနာအားမထုတ်တော့ သစ္စာမသိပြန်ဘူး၊ (မှန်လှပါ) မသိပြန်တော့ အဝိဇ္ဇာက ပြန်ရောက်တယ်၊ (ရောက်ပါတယ် ဘုရား)။

While you are there, if you Yogis do not practice Vipassana, you fail to know the Truth again. (True, Sir). When you fail to know, Ignorance returns. (It returns, Sir).

ရောက်ပြန်တော့ ငါဒီဘဝချမ်းသာတာနည်းသေးတယ် နောက်ဘဝ ဒီထက်ချမ်းသာတာ လုပ်မယ်ဆိုတဲ့ သင်္ခါရပြန်လုပ်တယ်၊ (မှန်လှပါ ဘုရား)။

When it returns, you create Formations again, thinking, "My happiness in this life is too little; I will act to be happier in the next life." (True, Sir).

ဒါဖြင့် အဝိဇ္ဇာ သင်္ခါရဘက် ပြန်လှည့်တယ်၊ (လှည့်ပါတယ် ဘုရား) ပြန်လှည့်တော့ ဘာသစ္စာပြန်လုပ်ပါလိမ့် (သမုဒယသစ္စာ ပြန်လုပ်ပါတယ် ဘုရား)။

So, you have turned back towards Ignorance and Formations. (We have turned back, Sir). When you turn back, what Truth are you creating? (We are creating Samudaya Sacca - The Truth of the Cause of Suffering, Sir).

အင်း ယခု ရ, ထားတာက ဒုက္ခသစ္စာ၊ (မှန်ပါ့) ဝမ်းထဲ သမုဒယသစ္စာ မျိုးစေ့က လာပေါက်ပြန်တယ်၊ (မှန်လှပါ ဘုရား) ဒါဖြင့် သေသည်၏ အခြားမဲ့၌ အနာဂတ် ဒုက္ခသစ္စာဆိုတာ ရမှ ရပါ့မလား၊ (ရပါတယ် ဘုရား) ရှင်းပလား၊ (ရှင်းပါပြီ)။

Indeed. What you currently have is Dukkha Sacca. (True, Sir). But now the seed of Samudaya Sacca is sprouting within you again. (True, Sir). So, immediately after death, is it not certain that you will receive Future Dukkha Sacca? (We will receive it, Sir). Is that clear? (Yes, Sir).

ဪ ဒါဖြင့် ဒကာ ဒကာမတွေ ဘုန်းကြီး တရားဟောနေတာ ဘယ်အထဲမှာ ဟောနေတာတုံးဆိုတော့ ၂ က ၂ ထဲမှာဟေ့ ၃ တရားမပါ, ပါစေနဲ့၊ (မှန်လှပါ ဘုရား) ၂ ထဲမှာ (၃ တရား မပါ, ပါစေနဲ့)။

Oh, so when I preach to you Yogis, where am I preaching? I am preaching inside Section 2: "Hey! Do not let the Dhamma of Section 3 enter!" (True, Sir). Inside Section 2... (Do not let Section 3 enter).

(၂) ထဲက (၃) မပေါက်ပွားပါစေနဲ့

Do not let (3) sprout from (2)

၃ တရားမပါ, ပါစေနဲ့ဆိုတာက အဝိဇ္ဇာတို့, သင်္ခါရတို့, တဏှာတို့, ဥပါဒါန်တို့, ဘဝတို့ ဒကာကြွယ် မပါ, ပါစေနဲ့၊ (မှန်လှပါ ဘုရား) ၂ ထဲက ၃ မပေါက်ပွားပါစေနဲ့၊ (မှန်လှပါ) ဘာတဲ့တုံး၊ (၂ ထဲက ၃ မပေါက်ပွားပါစေနဲ့)။

When I say "Do not let Section 3 enter," I mean: Daga Kywe, do not let Ignorance, Formations, Craving, Clinging, and Becoming enter! (True, Sir). Do not let 3 sprout from inside 2. (True, Sir). What did I say? (Do not let 3 sprout from inside 2).

ဒါကြောင့် ယခု ပစ္စုပ္ပန်ကာလဆိုတော့ နှစ်ဖက် စပ်ပြတယ်၊ (မှန်လှပါ ဘုရား) ဘာတွေလုပ်သလေ့ရှိသတုံးလို့ မေးတဲ့အခါကျတော့ မင်းတို့သည်တဲ့၊ အဝိဇ္ဇာ, သင်္ခါရ, ဘဝ, တဏှာ, ဥပါဒါန် ပြန်လုပ်ပြန်တယ်၊ (မှန်လှပါ ဘုရား)။

That is why, regarding the Present Period, I show you the connection between two sides. (True, Sir). When asked "What are you in the habit of doing?", you are repeating Ignorance, Formations, Becoming, Craving, and Clinging. (True, Sir).

ဒါ ဘယ်ထဲက လုပ်တာပါလိမ့်၊ ၁ ထဲက လုပ်တာလား၊ ၂ ထဲက လုပ်တာလား၊ (၂ ထဲက လုပ်တာပါ ဘုရား) ၂ ကနေပြီးသကာလ ဦးသန်းမောင်တို့, ဒကာကြွယ်တို့ ၂ထဲ မှာနေတုန်းမှာ ခင်ဗျားတို့က သစ္စာမသိတဲ့အလုပ် လုပ်ကြတယ်၊ (မှန်လှပါ ဘုရား)။

Where are you doing this from? Are you doing it from 1? Or from 2? (Doing it from 2, Sir). Starting from 2... while U Than Maung and Daga Kywe are living in 2, you are performing deeds that do not know the Truth. (True, Sir).

အဝိဇ္ဇာ သင်္ခါရပြန်မလုပ်ဘူးလား (လုပ်ပါတယ် ဘုရား) တဏှာ, ဥပါဒါန်ကံတွေကော၊ (လုပ်ပါတယ် ဘုရား) ဟာ ဒါဖြင့် ဒုက္ခပင်က အမုဒယသီး, သီးပြန်ပြီ၊ (မှန်လှပါ ဘုရား) ဘယ်လိုဆိုကြမယ်၊ (ဒုက္ခပင်က သမုဒယသီး, သီးပြန်ပါပြီ ဘုရား)။

Are you not repeating Ignorance and Formations? (We are, Sir). What about Craving, Clinging, and Kamma? (We are doing them, Sir). Ha! Then the Dukkha Tree is bearing Samudaya Fruits again! (True, Sir). How shall we put it? (The Dukkha Tree is bearing Samudaya Fruits again, Sir).

သမုဒယအသီးတွေ မျိုးကျလို့ရှိရင်

If the seeds of Samudaya fall...

ဒါကလေးကို သဘောကျအောင် ဒကာ ဒကာမတို့လေးလေးစားစားကလေး နားထောင်ပါ၊ (မှန်လှပါ ဘုရား) ဦးသန်းမောင် ၁ ထဲကနေပြီးဘာတွေ သီးပြန်သတုံး၊ (သမုဒယသီး, သီးပါတယ် ဘုရား) ဒုက္ခသစ္စာပင်ကြီးကလေ ဘာသီးတွေ သီးပြန်လဲ (သမုဒယ အသီးတွေ သီးပါတယ် ဘုရား) ဟာ ဒီသမုဒယအသီးတွေ မျိုးကျလို့ရှိရင် ဒုက္ခပင်တော့ ပေါက်ဦးမယ်၊ (ပေါက်ဦးမှာပါ ဘုရား) သဘောကျပလား (ကျပါပြီ ဘုရား)။

Yogis, listen respectfully so you understand this metaphor. (Yes, Sir). U Than Maung, what is fruiting again from inside Section 2? (Samudaya Fruits are fruiting, Sir). The great Tree of Dukkha Sacca... what is it bearing? (It is bearing Samudaya Fruits, Sir). Ha! If these seeds of Samudaya fall, the Dukkha Tree will grow again. (It will grow again, Sir). Do you see? (We see, Sir).

အဲဒီသမုဒယသီးတွေ သီးလိုက်တဲ့အတွက် ဟောဒီမှာ အနာဂတ် ဒုက္ခပင်ကြီး ပေါက်လာတော့ ဝိညာဏ် နာမ်ရုပ် သဠာယတန ဖဿ ဝေဒနာ ဇာတိ ဇရာ မရဏ မလာဘူးလား၊ (လာပါတယ် ဘုရား) ဘာသစ္စာတဲ့၊ (ဒုက္ခသစ္စာ ပါ ဘုရား)။

Because these Samudaya fruits appear, behold—the future Dukkha Tree grows: Consciousness, Mind-Matter, Sense Bases, Contact, Feeling, Birth, Aging, and Death. Do they not come? (They come, Sir). What Truth is that? (It is Dukkha Sacca, Sir).

အဲဒါ ခင်ဗျားတို့ ၂ နံပါတ် ခန္ဓာ ဒုက္ခပင်ကြီးထဲမှာ အဝိဇ္ဇာ တဏှာ ဥပါဒါန်ကံတွေကို ခင်ဗျားတို့က ကြိုးစားတယ်၊ (ကြိုးစားပါတယ် ဘုရား) ၂ ခန္ဓာပင်ကြီးက ဒကာကြွယ်ရေ မဟုတ်တဲ့ အဆိပ်သီးတွေ သီးနေတယ်၊ (မှန်လှပါ ဘုရား) ၂ ခန္ဓာပင်ကြီးက (အဆိပ်သီးတွေ သီးနေပါတယ် ဘုရား)။

That is why, within your Section 2 Aggregate—the Dukkha Tree—you are striving in Ignorance, Craving, Clinging, and Kamma. (We are striving, Sir). The great Section 2 Tree, Daga Kywe, is bearing false, poisonous fruits. (True, Sir). The great Section 2 Tree... (Is bearing poisonous fruits, Sir).

အဆိပ်သီးတွေ သီးလာတဲ့အခါကျတော့ ဘယ်သူပါလိမ့်မတုံး မေးတဲ့အခါကျတော့ ၂ ခန္ဓာထဲက ဒကာ ဒကာမတို့ ပစ္စုပ္ပန်ဖြစ်ဆဲ ကာလမှာတဲ့ ခင်ဗျားတို့က ဘာတွေလုပ်ပြန်သတုံးဆိုတော့ တဏှာတို့ ဥပါဒါန်တို့ ကံတွေ ပြန်လုပ်ပြန်တယ်၊ (မှန်လှပါ ဘုရား)။

When these poisonous fruits appear, if asked "Who are they?", the answer is: Yogis, in the present occurring moment, from within the Section 2 Aggregates, you are repeating Craving, Clinging, and Kamma. (True, Sir).

တစ်ခါ ဒီဘက်လာပြန်တော့ အဝိဇ္ဇာသင်္ခါရဘဝ ဥပါဒါန် တဏှာတွေ ပြန်လုပ်ပြန်တယ်၊ (လုပ်ပါတယ် ဘုရား) ဒါ့ကြောင့် ပစ္စုပ္ပန်အကြောင်းခြင်းရာ ငါးပါး (မှန်လှပါ ဘုရား) ခင်ဗျားတို့ ပစ္စုပ္ပန်ဘဝ ထပ်လုပ်ပြန်ပြီ၊ (မှန်လှပါ) သေသေချာချာ မြင်ကြရဲ့နော်၊ (မြင်ပါတယ် ဘုရား)။

Turning this way, you are repeating Ignorance, Formations, Becoming, Clinging, and Craving. (We are, Sir). Therefore, these are the Five Present Causes. (True, Sir). You are creating the Present Existence all over again. (True, Sir). You see this clearly, right? (We see it, Sir).

ဟောဒီ ပစ္စုပ္ပန်အကြောင်းခြင်းရာ ငါးပါးဆိုတာ ခင်ဗျားတို့ အခုရထားတဲ့ ၂ နံပါတ် ခန္ဓာကိုယ်ထဲက အသီးအပွင့်တွေ ထွက်ထွက်လာတယ်၊ (မှန်လှပါ) အသီးတွေသီးသလား မသီးဘူးလား၊ (သီးပါတယ် ဘုရား) ဟော စပ်လိမ့်မယ်ကွတဲ့၊ ဟောဒီအနာဂတ်တွေနဲ့ မစပ်ပေဘူးလား၊ (စပ်ပါတယ် ဘုရား)။

These "Five Present Causes" are the flowers and fruits bursting forth from the Section 2 Aggregates you currently possess. (True, Sir). Are they fruiting or not? (Fruiting, Sir). Look, they will connect! Will they not connect with the Future? (They will connect, Sir).

ဘာတွေရမတုံးဆိုတော့ ဝိညာဏ်နာမ်ရုပ်ဆိုတဲ့ ခန္ဓာငါးပါးပြန်ရမယ်၊ (မှန်လှပါ ဘုရား) ဘာသစ္စာတုံး၊ (သမုဒယသစ္စာပါ ဘုရား) ဪ ကြည့်ပြောကြအုံး၊ မဟုတ်ဘူး (ဒုက္ခသစ္စာပါ ဘုရား) ဒုက္ခသစ္စာကြီး အနာဂတ်ကျောကုန်း ကြီးပါနေတာ၊ (မှန်ပါ့ ဘုရား) ရှင်းလား၊ (ရှင်းပါပြီ) ဘာတုံး၊ (ဒုက္ခသစ္စာပါ ဘုရား)။

What will you get? You will regain the Five Aggregates—Consciousness, Mind-Matter, and so on. (True, Sir). What Truth is that? (Samudaya Sacca, Sir). Oh, look and speak carefully. No. (Dukkha Sacca, Sir). You are carrying the great burden of Future Dukkha Sacca on your back. (True, Sir). Is that clear? (Yes, Sir). What is it? (Dukkha Sacca, Sir).

အနာဂတ်အကျိုးတွေ လာပြန်တယ်

Future Effects come again

ဒါဖြင့် ဒကာ ဒကာမတို့ ပစ္စုပ္ပန်ကာလ အကြောင်းတရား ငါးပါးကြောင့် အနာဂတ်အကျိုးတွေ လာပြန်တယ်၊ (လာပြန်ပါတယ် ဘုရား) ရှင်းပလား၊ (ရှင်းပါပြီ)။

So, Yogis, due to the five causes in the Present, the Future Effects come again. (They come again, Sir). Is that clear? (Yes, Sir).

ဒါဖြင့် ဒီလို့ လုပ်ကြစို့ရဲ့၊ အတိတ် အကြောင်းကြောင့် ပစ္စုပ္ပန်အကျိုး၊ (မှန်လှပါ) ၁ ကြောင့် ၂ ဖြစ်တယ်၊ (မှန်ပါ့) ၂ ထဲကနေပြီးသကာလ ဒကာဒကာမတို့ ၂ နဲ့သဘောတူတာတွေ ပြန်လုပ်တယ်၊ (ပြန်လုပ်ပါတယ် ဘုရား)။

So, let us put it this way: Past Causes lead to Present Effects. (True, Sir). 1 causes 2. (True, Sir). From within 2, Yogis, you repeat actions that are congruent with 2. (We repeat them, Sir).

ဒါကြောင့် ၁ နဲ့သဘောတူတာ ပြန်လုပ်တဲ့အတွက် နံပါတ်လိုတော့ ၃ ပဲ (မှန်ပါ့) ဒါဖြင့် ၄ အကျိုးပေးမယ်၊ (မှန်ပါ့ ဘုရား) ဒါဖြင့် ပစ္စုပ္ပန် ခန္ဓာထဲက ပေါက်ပွားတာတွေက ဘာသစ္စာတုံး၊ (သမုဒယသစ္စာတွေပါ ဘုရား) အနာဂတ် ခင်ဗျားတို့ရမှာက ဘာသစ္စာတုံး၊ (ဒုက္ခသစ္စာပါ ဘုရား)။

Because you repeat actions congruent with 1, in terms of numbers, it becomes 3. (True, Sir). So, 4 will result. (True, Sir). Thus, what sprouts from the Present Aggregates—what Truth is that? (They are Samudaya Sacca, Sir). And what Truth will you receive in the Future? (Dukkha Sacca, Sir).

ဒါဖြင့် ခင်ဗျားတို့သည် တစ်ပတ် ပတ်တယ်၊ (ပတ်ပါတယ် ဘုရား) အတိတ်ကြောင့် ပစ္စုပ္ပန်ဖြစ်၊ (မှန်ပါ့) သဘောကျပလား၊ (ကျပါပြီ) ပစ္စုပ္ပန်ထဲက ပစ္စုပ္ပန် အကြောင်းတရားတွေ ပြန်လုပ်ပြန်တယ်၊ (လုပ်ပါတယ် ဘုရား)။

So, you are cycling in a loop. (Cycling, Sir). Due to the Past, the Present arises. (True, Sir). Do you see? (Yes, Sir). From within the Present, you repeat the Present Causes. (We repeat them, Sir).

ဒါကြောင့် အနာဂတ် အကျိုးတရားတွေ ဘယ့်နှယ်နေသတုံး၊ (ရပါမယ် ဘုရား) အနာဂတ်အကျိုးတရား ဘာ သစ္စာတွေလာမလဲ (ဒုက္ခသစ္စာတွေ လာပါမယ် ဘုရား)။

Therefore, what is the status of the Future Effects? (We will receive them, Sir). What Truths will come as Future Effects? (Dukkha Sacca will come, Sir).

ဒီ အနာဂတ်အကျိုးတရား ဒုက္ခသသစ္စာထဲက ဘာတွေများ သီးမယ်ပွင့်မယ် ထင်သေးသတုံး၊ (သမုဒယသစ္စာ တွေပါ ဘုရား)၊ ဒါတွေပြန်သီးဦးမယ်၊ (မှန်ပါ့ ဘုရား) ဒါတွေပြန်သီးရင် ၂ နံပါတ်ပြန်ဖြစ်မယ်၊ (ပြန်ဖြစ်ပါမယ် ဘုရား) ၂ နံပါတ်ထဲက ၃ အသီးတွေ သီးလာပြန်ရင် ၄ နံပါတ်ပဲ၊ (မှန်ပါ့) ၄ နံပါတ်ထဲက ဒီဟာတွေ သီးဦးမယ်ဆိုလို့ရှိရင် ၁ ပြန်ဖြစ်မယ်၊ (ပြန်ဖြစ်ပါမယ် ဘုရား)။

From this Future Effect—Dukkha Sacca—what do you think will fruit and bloom? (Samudaya Sacca will fruit, Sir). These will bloom again. (True, Sir). If these bloom again, Section 2 happens again. (It happens again, Sir). If Section 3 fruits bloom from Section 2, then it becomes Section 4. (True, Sir). If these bloom from Section 4, it becomes Section 1 again. (It becomes 1 again, Sir).

ဒါဖြင့် ၁-၂-၃-၄၊ ၁-၂-၃-၄ ချည်းပဲ လည်နေမယ်၊ (မှန်ပါ့ ဘုရား) ဘယ်လိုလည်ကြမယ်ထင်သလဲ၊ (၁-၂-၃-၄ ချည်းပဲ လည်နေပါမယ်) ၁-၂-၃-၄၊ ၁-၂-၃-၄ ချည်းပဲလည်နေလိမ့်မယ်ဆိုတာ ရိပ်မိပလား၊ (ရိပ်မိပါပြီ ဘုရား)။

So, 1-2-3-4, 1-2-3-4... it will just keep spinning. (True, Sir). How will it spin? (It will just keep spinning 1-2-3-4). Do you realize it will just keep spinning 1-2-3-4? (We realize it, Sir).

သစ္စာဘယ်နှစ်ပါး လှည့်သလဲ

How many Truths are rotating?

ဒါဖြင့် သစ္စာဖွဲ့လိုက်တော့ (သမုဒယသစ္စာနဲ့ ဒုက္ခသစ္စာ သမုဒယသစ္စာနဲ့ ဒုက္ခသစ္စာ၊ (မှန်လှပါ ဘုရား) သမုဒယသစ္စာနဲ့ (ဒုက္ခသစ္စာပါ ဘုရား) ဒါဖြင့် သစ္စာဘယ်နှစ်ပါး လှည့်သလဲ၊ (နှစ်ပါးလှည့်ပါတယ် ဘုရား)။

If we group them by Truth: Samudaya Sacca and Dukkha Sacca. Samudaya Sacca and Dukkha Sacca. (True, Sir). Samudaya Sacca and... (Dukkha Sacca, Sir). So, how many Truths are rotating? (Two Truths are rotating, Sir).

သမုဒယသစ္စာကြောင့် ဒုက္ခဖြစ်၊ (မှန်ပါ့) ဒုက္ခထဲမှာ သမုဒယ ပေါ်သောကြောင့် အနာဂတ်ဒုက္ခဖြစ်၊ (မှန်လှပါ ဘုရား) ဒီအတိုင်းမနေဘူးလား၊ (နေပါတယ် ဘုရား) ဒကာ ဒကာမတွေ ရှိတဲ့စာရွက်နဲ့ ကိုက်ကဲ့လား၊ (ကိုက်ပါတယ် ဘုရား)။

Due to Samudaya Sacca, Dukkha arises. (True, Sir). Because Samudaya appears within Dukkha, Future Dukkha arises. (True, Sir). Does it not stay like this? (It does, Sir). Does it match the diagram sheet you Yogis have? (It matches, Sir).

ဒါဖြင့် ဘုန်းကြီးတို့ ဒကာ ဒကာမတွေ ဒီဥစ္စာ ဒီလိုပဲလည်နေတော့မလားတဲ့၊ ဖြတ်လမ်းရှာရမှာပေါ့၊ (ရှာရမှာပါ ဘုရား) ဖြတ်လမ်းရှာတော့ ဒကာ ဒကာမတွေ ပေါ်ပါလိမ့်မယ်တဲ့၊ ဟောဒီ အစပ်ဟာ ပစ္စုပ္ပန် ၂ နံပါတ် ခန္ဓာထဲက ၃-နံပါတ်တဏှာတို့ ဥပါဒန်တို့ ကံတွေ ခင်ဗျားတို့ထပ်လုပ်တယ်၊ (မှန်လှပါ) သဘောကျပလား၊ (ကျပါပြီ)။

So, Yogis, will you just let it spin like this? You must find a shortcut to sever it. (We must find it, Sir). When looking for the shortcut, Yogis, it will become clear. Here is the Link: Within the Present Section 2 Aggregates, you are repeating Section 3—Craving, Clinging, and Kamma. (True, Sir). Do you see? (Yes, Sir).

ဒီတဏှာ, ဥပါဒါန်, ကံတွေ ထပ်လုပ်တော့ကိုတဲ့၊ ဝေဒနာတဏှာစပ်သွားတယ်၊ မစပ်ဘူးလား၊ (စပ်သွားပါတယ်) တဏှာနဲ့ ဥပါဒန်ကော (စပ်ပါတယ် ဘုရား) ဥပါဒါန်နဲ့ ကံကော၊ (စပ်ပါတယ် ဘုရား) ဟာ စပ်လို့ရှိရင် ဇာတိနဲ့ ခွဲချင်လို့မရတော့ဘူး၊ (မှန်ပါ့) ဇာတိနဲ့ခွဲချင်လို့၊ (မရတော့ဘူး) ဒါဖြင့် ခင်ဗျားတို့ ဒီသုံးခုမလာလို့ရှိရင်ဖြင့် ဇာတိ, ဇရာ, မရဏလွတ်မယ်၊ (မှန်ပါ့ ဘုရား) ဒီသုံးခုမလာအောင် ဒကာ ဒကာမတွေ ဟောဒီအစပ်ကို ဖြုတ်ရမယ်၊ (မှန်ပါ့ ဘုရား) ၂ နဲ့ ၃ အစပ်ကို ဦးသန်းမောင် ဘာလုပ်ရမလဲ၊ (ဖြုတ်ရပါမယ် ဘုရား) ၂ နဲ့ ၃ အစပ်ကို (ဖြုတ်ရပါမယ် ဘုရား) အဲဒီ ဖြုတ်နည်း နိဿယည်းဟာဖြင့် ဒကာ ဒကာမတို့ ထွက်လမ်းမှတ်ပါ၊ (မှန်ပါ့ ဘုရား)။

When you repeat this Craving, Clinging, and Kamma... Feeling (Vedana) and Craving (Tanha) become connected. Do they not connect? (They connect, Sir). And Craving and Clinging? (They connect, Sir). And Clinging and Kamma? (They connect, Sir). Ha! If they connect, you can no longer separate them from Birth (Jati). (True, Sir). You want to separate them from Birth... (But we cannot). Therefore, if these three [Tanha, Upadana, Kamma] do not come, you will be free from Birth, Aging, and Death. (True, Sir). To prevent these three from coming, Yogis, you must disconnect this Link. (True, Sir). U Than Maung, what must you do to the connection between 2 and 3? (We must disconnect it, Sir). The connection between 2 and 3... (We must disconnect it, Sir). That method of disconnecting—mark it as the Way Out, Yogis. (True, Sir).

(၂) နဲ့ (၃) မစပ်တာသည် ထွက်လမ်း

Not connecting (2) and (3) is the Way Out

၂ နဲ့ ၃ မစပ်တာသည် (ထွက်လမ်းပါ ဘုရား) ထွက်လမ်းလို့မှတ်ပါ၊ (မှန်လှပါ ဘုရား) ဒကာကြွယ် ဘာတဲ့တုံး၊ (၂ နဲ့ ၃ မစပ်တာသည် ထွက်လမ်းပါ ဘုရား) ၂ ထဲက ၃ မပေါက်ပွားမှ၊ (မှန်လှပါ ဘုရား)။

Not connecting 2 and 3 is... (The Way Out, Sir). Mark it as the Way Out. (True, Sir). Daga Kywe, what is it? (Not connecting 2 and 3 is the Way Out, Sir). Only when 3 does not sprout from 2. (True, Sir).

၂ ထဲက ၃ မပေါက်ပွားရင်ဖြင့် ဟောဒီအစပ်ပြုတ်တယ်၊ (မှန်လှပါ) နို့မို့ရင် ဒီအစပ်ဘယ်တော့မှမပြုတ်ဘူး၊ (မှန်ပါ့) ပြုတ်ပါ့မလား၊ (မပြုတ်ပါ ဘုရား) ရှင်းပလား၊ (ရှင်းပါပြီ)။

If 3 does not sprout from 2, this Link is severed. (True, Sir). Otherwise, this Link will never be severed. (True, Sir). Will it ever be severed? (It will not be severed, Sir). Is that clear? (Yes, Sir).

အဲ နက်ဖြန်မှ ဒီအစပ် ဖြတ်ပေးမယ်၊ နာရီစေ့သွားပြီ၊ တော်ကြဦးစို့။

သာဓု သာဓု သာဓု။

Ah, I will help you sever this connection tomorrow. The hour is up. Let us stop here. Sadhu... Sadhu... Sadhu.